Heba Adel's Recent LinkedIn Posts

من فترة قريبة ، كنت فاكرة أن نوع معين من المحتوى هو بس اللي الجمهور بيشاركه أو بيعمله( repost) لحد ماكتشفت السبب طيب خليني أسألك سؤال تفتكر ليه أصلاً الجمهور بيشارك المحتوى مع غيره؟ هل عشان هو مفيد؟ ولا في أسباب تانيه؟ في دراسة عملتها صحيفة نيويورك تايمز عن مشاركة المحتوى على مواقع التواصل الاجتماعي، واكتشفوا 68% من الناس اللي شاركوا في الاستطلاع قالوا إنهم بيشاركوا بوستات على السوشيال ميديا عشان يخلّوا اللي قدامهم ياخد فكرة أحسن عن هم مين وبيهتمّوا بإيه وبرضه (كمفهوم في علم النفس الإنساني عند كارل روجرز) في فرق بين: الـReal Self (أنا مين) والـIdeal Self (أنا نفسي أبان/أكون مين) ومن هنا هقولك على أبرز أسباب مشاركة المحتوى بين الجمهور ١)أول سبب رئيسي لمشاركة أي محتوى ، هو تبادل المنفعة لما بتشوف محتوى معين وتحس أنه قدملك value حقيقية ، ساعتها علطول بتعمله repost لسببين: عشان تعرف ترجعله على صفحتك وكمان عشان تفيد غيرك ٢)مشاركة المحتوى هو نوع من تغذية الإنتماء بمعنى : انك ممكن تشوف بوست مش تعليمي ولا حاجة ، بس شوفت نفسك فيه لأنه بيعكس قيمك أو قيم المجتمع اللي بتتنتمي ليه، وبالتالي بتحس انه بيعبر عنك ويستحق انك تشاركه ٣)انا بشوفه بصراحة، أحد أهم أسباب الدعم الإجتماعي أو مساعدة الغير ، سواءًا كان صديق أو زميل أو فتح باب نقاش وده بيقوي الروابط في المجتمع المهني بالذات ٤) لأن المحتوى ممكن يكون حرّك فيك مشاعر قوية سواء كانت دهشة ، أو غضب ، أو قلق ، أو حماس وده بينتشر بسرعة لأن الناس بتتفاعل معاه في لحظتها وبيعبر عن مدى انفعالها ٥) الترفيه والهروب من الضغط زي ما المحتوى التعليمي الناس بتحب تشاركه عشان الفايده، كمان المحتوى الترفيهي ، الناس بتشاركه مع أصدقائهم عشان يضحكو مع بعض، أو يفكرهم بمواقف مروا بيها ٦) تبادل المجاملة والمنافع (ردّ الجميل) في ناس كتير بتشارك المحتوى كمجاملة أو ردّ للجميل لحد دعمهم قبل كده وساعات بتبقى المشاركة كمان من باب بناء علاقة تبادلية مع شخص/براند: دعم مقابل دعم، أو تمهيد لـ تعاون/شغل/فرصة مشتركة ٧) تعلي مكانتك قدّام الناس وتكسب تقدير أكبر ساعات كتير هتلاقي ناس بتعمل ريبوست لحاجة ذكية أو معلومة جديدة ومش منتشرة؛ عشان تبان إنها سابقة غيرها، وده بيرفع قيمتها قدّام الناس ويدي انطباع إنها مصدر للمعلومة ودي tip ، هتخليك دايماً تفكر كويس قبل ماتختار فكرة محتوى معينة تكتب عنها لو استفدت، ماتنساش تعمل شير وقولي في الكومنت: إيه أكتر سبب بيخلّيك تعمل ريبوست؟