Mais Hammod's Recent LinkedIn Posts

بيسعدني اليوم شارككم تصنيفي ضمن أفضل 200 صانع محتوى بالعربية بإدارة المشاريع على LinkedIn بحسب تصنيف Favikon لشهر ديسمبر 2025. ✨️ ممتنة اني كنت عم أقدر شارك وساهم وأثّر ولو بشكل بسيط، وشكراً لكل حدا عم يقرأ ويتفاعل ويتعلم معي بهي الرحلة. 🙏🏻 I’m happy to share that I was ranked among the Top 200 Arabic-Speaking Creators in Project Management on LinkedIn according to Favikon for December 2025. ✨️ I’m grateful to be able to share, contribute, and make an impact, even in small ways. Thank you to everyone who reads, engages, and learns with me along this journey. 🙏🏻

English below: دائماً لما بتشتغل مع فريق عنده شغف حقيقي، بتكتشف أكتر مما كنت متوقع ✨ لما اشتغلنا بمشروع Spark Up ضمن JCI Tartus وبدأنا بدراسة احتياج عن واقع الريادة بطرطوس، اكتشفنا شي واضح وبسيط بنفس الوقت: المدينة غنية بالأفكار والطموح بس فقيرة بالفكر الريادي وبتحتاج دعم حقيقي لتعزيزه. نتائج الدراسة كانت الشرارة اللي خلتنا ننظّم ملتقى كامل عن الريادة، مبني على الأرقام والملاحظات اللي جمعناها. ولاحظنا كيف المشاركين بلّشوا يفرّقوا بين مشروع بزنس عادي ومشروع ريادي فعلاً، وكيف صاروا يفكروا أكتر شو ممكن يعملوا بطريقة مختلفة من خلال نقاشهم مع المتحدثين بس متل أي تجربة بتمرق ببعض التحديات الوقت كان ضدنا تماماً، الملتقى تنظّم بأقل من أسبوع، والفريق كان عم يشتغل بكل طاقته ليكون كل تفصيل جاهز إضافة لافتقار طرطوس لمشاريع ريادية نقدر نطرحها كأمثلة قوية واقعية. بهديك المرحلة شفت شو يعني فعلاً تشتغل كفريق، وكيف القيادة مو دايماً توجيه أو رقابة أحياناً هي إنك تثق بالفريق اللي معك وتخليهم يكملوا الصورة بطريقتهم وآخر شي لما خلص الملتقى، حسّينا إنو رغم كل العجقة والضغط فعلياً ما تأخرنا بالعكس كل شي صار بوقته الصح تماماً اليوم بتمنى نشوف واقع الريادة بطرطوس عم يتحرك أكتر، ونشوف مبادرات ومشاريع بتكمل الطريق مسؤوليتنا كشباب إنو نخلق البيئة اللي نحلم نشتغل فيها مو نستناها تتكوّن لحالها 🌟 Working with a passionate team always teaches you more than you expect ✨ When we worked on Spark Up project within JCI Tartus and started a needs assessment about the reality of entrepreneurship in Tartous, we discovered something simple yet clear. The city is rich with ideas and ambition but still lacks an entrepreneurial mindset that truly needs support to grow. The results of the study were the spark that pushed us to organize a full entrepreneurship forum based on the numbers and observations we collected. We saw how participants began to differentiate between a regular business project and a truly entrepreneurial one, and how their discussions with the speakers helped them think more creatively about what they could do differently. Like any experience, we faced a few challenges along the way. Time was completely against us since the forum was organized in less than a week, and the team worked with full energy to make sure every detail was ready. Tartous also lacked strong local startups we could present as real examples. At that stage, I saw what teamwork really means, and how leadership isn’t always about directing or supervising. Sometimes it’s about trusting your team and letting them complete the picture in their own way. And when the forum was finally over, we realized that despite all the pressure and rush, we actually weren’t late. On the contrary, everything happened at exactly the right time. Today, I truly hope to see Tartous’s entrepreneurial scene grow stronger, with more initiatives and projects that continue the journey. It’s our responsibility as young people to build the environment we dream of working in, not wait for it to build itself 🌟

سعيدة كتير بتقديم ورشة أساسيات المشاريع الريادية مع JCI Tartus ضمن برنامج CYE. ​على مدار 3 ساعات، عشنا طاقة وتفاعل كبير مع 18 شخص من المهتمين بمجال الريادة. ركزنا خلالهم كيف نحول الأفكار لمشاريع منظمة وواضحة من خلال محورين أساسيين: ​1️⃣ عقلية رائد الأعمال والتفكير التصميمي (Design Thinking): كيف نبلش نفكر بطريقة مرنة، ونركز على احتياجات الناس لنطلع بحلول فعالة ومبتكرة من خلال خريطة التعاطف. 2️⃣ مخطط نموذج العمل (Business Model Canvas): الأداة اللي بتخلينا نرتب أوراقنا، ونفهم القيمة اللي عم نقدمها، وكيف رح نضمن استمرارية المشروع ونجاحه. ​هدفي كان إنو الحضور يطلعوا بأدوات عملية تساعدهم يرسموا أول خطوة بمسارهم المهني بوضوح وثقة. ​💡 ولحتى الفائدة تشمل الكل، شاركت معكم قالب Business Model Canvas مجاني، عملي ومنظم اشتغلت عليه، فيكم تحملوه وتستخدموه مباشرة من خلال موقعي: https://lnkd.in/ee-iWMpG

معقول تحترق وظيفياً حتى لو ما عندك ضغط شغل؟! غالباً حتى لو كان الشغل مانو تقيل بس بتكون طاقتك صفر 🔹 ما في ديدلاينات مضغوطة 🔹 ولا المدير صعب 🔹 ولا المهام كبيرة المشكلة ممكن تبلش من مكان تاني 🔸 مكان فيه مسؤوليات أكبر بكتير من خبرة الشخص 🔸 متابعة ضعيفة 🔸 اعتماد زائد على موظف واحد ليلحق مليون شغلة 🔸 تنسيق شبه معدوم 🔸 ناس بالفريق غايبة… وناس بتترك ثغرات بالشغل 🔸 وموظف واحد عم يحاول يسدّ كل هالقصص لحاله ويوم ورا يوم رح يخف شغفك بيروح تركيزك بتصير أفكارك مشتتة وبصير الإنجاز بلا طعم وبعد فترة بتحس إنك عم تكره الشغل بلا ما تفهم ليش هاد هو الاحتراق مو ضروري يكون سببه ضغط أحياناً بيجي من سوء إدارة، بيئة مش صحيحة، ومسؤوليات مش مناسبة الك ومتل ما كتبت Harvard Business Review: الاحتراق غالباً مو ذنب الشخص البيئة هي اللي بتصنعه الاحتراق ما ضروري يجي من حجم الشغل 🔸في احتراق جاي من طريقة التواصل 🔸وفي احتراق جاي من عدم وجود دعم حقيقي 🔸 وفي احتراق جاي من اتكالية وتشتيت… وغياب قيادة واضحة وهاد النوع هو الأخطر لأنه ما بينشاف بسرعة وما بينحكى عنه إلا لما يوصل الشخص لطاقة صفر   إذا عم تحس بتعب بلا سبب واضح… جرّب تسأل حالك: هل المشكلة بالشغل؟ ولا بكيفية إدارة الشغل؟ أحياناً الحل إنو نفحص البيئة والحدود وطريقة التنسيق لأن بس لما تتصلّح بيرجع الشغف والطاقة من أول وجديد هل حسيتوا قبل باحتراق وظيفي بلا ما يكون في ضغط شغل؟ وشو كانت العلامة الأولى اللي خلتكم تنتبهوا إنو المشكلة مو فيكم بل بالمكان؟ 💭

هكذا كانت 2025 بالنسبة لي | 2025, My Story الحالة العامة | Overall Status سنة مليئة بالمطبات ليس مطباً واحداً، بل سلسلة محاولات وتوقف وإعادة انطلاق كلما تعثرت، استكملت المسار بطريقة مختلفة الصورة العامة | The Big Picture بدأت 2025 بتوقعات عالية: السفر، العمل خارج البلد، وفرص نمو مهني واضحة، التخرج قريباً بـ MBA خلال السنة، تبيّن أن هذه التوقعات والفرص المزعومة لم تكن واقعية فرصتان أساسيتان انتهتا، ومعهما افتراضات كثيرة عن الاستقرار الإنجازات الرئيسية | Key Wins رغم عدم الاستقرار، تم تحقيق ما يلي: • الإنطلاق بصناعة محتوى، رغم كونه خطوة صعبة على المستوى الشخصي • العمل كنائب رئيس في JCI Tartus والمساهمة في تنفيذ برنامج سنوي بأسلوب جديد وأكثر فعالية • الإشراف على إدارة مشروعين ضمن نطاق الأعمال وريادة الأعمال وتحقيق أثر ونتائج ناجحة • التصنيف ضمن أفضل 200 صانع محتوى على LinkedIn في مجال إدارة المشاريع وفي سوريا والمنطقة العربية ملاحظة: جميع هذه الإنجازات تحققت دون ظروف مثالية أو شعور بالأمان الخسارات والإخفاقات | Losses & Misses • فشل عدة محاولات سفر كانت محسوبة كخطوة مهنية أساسية • خسارة الأمان الوظيفي والراحة المالية خلال السنة • خسارة مادية تجاوزت 2000 دولار نتيجة قرارات ثقة غير مدروسة  • تأخر تخرجي للعام المقبل بعد التوقف بحجة سفري المزعوم العوائق | Constraints • الظروف الجغرافية أثّرت بشكل مباشر على فرص العمل والاستمرارية • فقدان فرص عمل قائمة رغم أداء مهني جيد • ضغط نفسي مستمر واحتراق ناتج عن الحاجة لإثبات الكفاءة أسلوب العمل خلال السنة | Operating Mode • التفكير بالتوقف تكرر أكثر من مرة • إعادة التنظيم والبداية من جديد كانت الخيار الدائم • الاعتماد على الاستمرارية بدلا من الحماس المؤقت • المهارة الأكثر استخداما: التعافي السريع بعد التعثر تغيرات السلوك | Behavioral Shifts • بناء نظام عمل واضح والتزام يومي • انخفاض مستوى الطاقة مقابل زيادة الانضباط • الانتقال من انتظار الفرص إلى العمل على صناعتها • تقليل الثقة غير المشروطة وزيادة التركيز على الاتفاقات الواضحة الدروس المستفادة | Learnings • النجاح لا يرتبط بظروف مثالية، بل بالقدرة على الاستمرار • القيمة المهنية لا يمنحها الآخرون، بل يتم بناؤها ذاتياً • المثالية لم تعد معياراً للنجاح التقدير والامتنان | Acknowledgment • دعم حقيقي من الشريك والعائلة والأصدقاء • خسارات في العلاقات ساهمت في توضيح الأولويات مستقبلاً نظرة أولية على 2026 | Looking Ahead to 2026 • التركيز على فرص يتم بناؤها ذاتياً • رفض أي تعاون دون إطار واضح أو التزام فعلي • الحفاظ على الصدق المهني دون تجميل الخلاصة | Final Note هذا ليس منشور إنجازات ولا منشور إحباط إنه مراجعة واقعية لسنة كما كانت وإذا كنت في مرحلة مشابهة فأنت لست متأخراً بل تعمل من نقطة بداية أصعب ✨

أطيب الأمنيات بمناسبة حلول شهر رمضان. بتمنالكم شهر مليئ بالسلام والسكينة والدفء مع العائلة والأحبة كل عام وأنتم بخير 🌙

مسمى وظيفي بمهام دور تاني تماماً! خلال الفترة الأخيرة وببحثي عن وظائف Business Development مرق معي أكتر من إعلان… والمطلوب بالحرف كان تحقيق مبيعات وإغلاق صفقات يومية. تلخبطت شوي بين خبرتي وبين اللي عم شوفه يعني هاد تطوير أعمال ولا Sales؟ لما بحثت شوي بالموضوع شفت إنو كتير شركات صغيرة ومتوسطة فعلاً عم تخلط بين الدورين. مرات الـHR ما عنده فكرة واضحة عن الفرق، ومرات بيحطوا مسمى أفخم ليجذبوا ناس أكتر، ومرات ببساطة عم يدمجوا أدوار ليخفّفوا التكاليف. بتوضيح بسيط؛ السيلز شغله البحث عن عملاء والمتابعة وإغلاق صفقات وعنده targets وعمولات. بالمقابل تطوير الأعمال بيركّز على نمو الشركة وفتح أسواق جديدة وشراكات ودراسة سوق وتطوير عروض. كل مسمى بحاله وما بيشبه التاني. برأيي هالفترة لازم ننتبه أكتر للمطلوب الفعلي قبل ما نشوف المسمى، لأن الخلط عم يصير أكتر مما المفروض. صار معكم هالشي قبل؟ يكون الدور بمسمى ومهامه شي مختلف تماماً؟

English below 👇 سعيدة جداً بمشاركة هذا التقييم على آخر مشروع عملت عليه🌟 طُلب مني استشارة خاصة لدخول شركة برمجية للسوق السوري، بدأت باستبيان داخلي وتحليل السوق، وانتهت بتقرير من 15 صفحة يغطي الجوانب التنظيمية والإدارية والتشغيلية والمالية والتسويقية، مع تحليل الفرص والتحديات وخطة الدخول التجريبي والأولي. شكراً للثقة وللتجربة الرائعة مع العميل 🙏 I am thrilled to share this review on my latest project 🌟 I was asked to provide a consultation for a software company entering the Syrian market. I started with an internal survey and market analysis, which resulted in a 15-page report covering organizational, administrative, operational, financial, and marketing aspects, along with an analysis of opportunities and challenges and an initial go-to-market plan. Thankful for the trust and the wonderful experience 🙏🏻

Happy New Year! Here’s to progress over perfection in the year ahead ✨️

ليش تعليق سلبي واحد ممكن يشغل تفكيرك أكتر من 10 تعليقات إيجابية؟ ​قدمت ورشة عمل سريعة لمدة 3 ساعات مع إحدى المنظمات. الهدف كان نقدم مدخل عملي وتطبيقي ونبعد عن النظري الجاف حتى ما يمل الحضور ويطلعوا بأكبر استفادة. ​بنهاية الجلسة طلبت فيدباك من الحضور بدون كتابة الأسماء... الأغلبية تفاعلوا بإيجابية والحمدلله، بس وقفت عند تعليق: "لم تقم الورشة كمحتوى بإضافة قيمة مميزة ولم تكن ورشة تحتوي إبداع يليق بالجهة المنظمة" طبيعي جداً ​بأي مساحة تدريبية تختلف التوقعات. في أشخاص بتشوف المعلومات بسيطة وسلسة، وأشخاص تانية ممكن تلاقي صعوبة بالتطبيق. بس كيف فينا نتعامل مع هاد النوع من الملاحظات ونحوله لمنحى تطويري بعيداً عن أي حساسية؟ ​حسب منهجيات الإدارة وأبحاث هارفارد بزنس ريفيو حول تقبل التغذية الراجعة، في 3 أفكار أساسية بتعمل فرق كبير: ​🔸️ افصل بين الذات والعمل النقد هون موجه لتجربة مدتها 3 ساعات، ولتوقعات معينة ما تلاقت مع نطاق الجلسة. هاد التقييم مو لشخصك ولا لمهنيتك. ​🔸️ تجنب فخ الدفاع المستميت أول رد فعل طبيعي هو التبرير وحماية الأنا. الاحترافية الحقيقية إنك تتقبل هاد الشعور المزعج وتتعامل مع الملاحظة كبيانات قابلة للتحليل لتبني عليها مو كهجوم. ​🔸️ تبنى عقلية النمو Growth Mindset بدل ما نزعل ونقول "ليش ما عجبهم"، خلينا نسأل "كيف فيني دير توقعات الحضور من أول دقيقة بالمرة الجاية؟ وكيف بصمم مستويات بتناسب المبتدئ والمتقدم؟" ​بالنهاية نحنا ما بنطلب التقييم لحتى نسمع مدح، بنطلبه لنكتشف الزوايا اللي مو شايفينها بشغلنا. بأي مشروع عم يبدأ، النسخة الأولى (MVP) ما بتكون مثالية أبداً، والتعليق السلبي هو ببساطة خريطة الطريق للنسخة الأفضل. خبروني ​كيف بتتعاملوا مع الفيدباك السلبي أو التوقعات المتباينة ببيئة عملكم؟

تحديد تفاصيل البزنس هي رح تسهل كتير أمور وتحدد مسارك من البداية بدون ضياع 👌

أوقات المشاريع بتتعطل لأننا بنبدأ بتنفيذ كل التفاصيل مرة وحدة MVP هو النسخة الأولية العملية للمشروع يعني نسخة صغيرة بتوضح المسار اللي رح نمشيه وبتاخد فيدباك بسرعة وبتوفر وقت الفريق ✅️

فهم مكانة المنتج خطوة أساسية قبل التوسع أو التطوير. 👌 مصفوفة BCG بتعطي خارطة واضحة للخيارات المتاحة… بناء أو احتفاظ أو حصاد أو خروج؟

⭕ أهم موظف عندك ممكن تخسره من كلمة واحدة بالشركات الصغيرة والمتوسطة، أحياناً بيكون في موظف واحد خبرته واسعة ومرونته عالية، ووجوده هو اللي يخلّي الشغل يمشي بسلاسة. هالموظف غالباً بيتحمل مهام أكبر من منصبه وبيبتكر حلول وبيكمل تحت الضغط لأنه فعلاً يحب شغله. لكن كل هالشي ممكن يتغيّر بلحظة... موقف واحد تحمّله فيه كامل المسؤولية عن خطأ ما كان سببه، خصوصاً قدام الآخرين وبنبرة زايدة، كفيل إنه يطفّي الحماس اللي بنيته فيه. ومع غياب التقدير أو النقد الشخصي بيتحوّل الالتزام لشعور بعدم الانتماء. الموظف يمكن ما يترك الشغل فوراً، لكن رح يضل حاضر بجسمه وغايب بعقله. والنتيجة أداء أقل وبطء بالإنجاز وتأثير سلبي على الفريق كله. الخلاصة لأصحاب الشركات الصغيرة والمتوسطة: طريقة إدارتك للمواقف الصعبة أهم من معالجة الخطأ نفسه. اسمع قبل ما تحكم، وحافظ على شغف الموظف المخلص… لأن استرجاع الحماس أصعب بكتير من إصلاح أي خطأ إداري.

Proud to be part of this amazing team! 🙏🏻

دائماً ممتنة لوجود مساحة بتخلينا نجرب ونترك أثر بمجتمع بيستحق يكبر ويتطور 💙 الملتقى اللي نظمناه مؤخراً كان خطوة من خطوات عملنا ضمن نطاق الأعمال وريادة الأعمال في JCI Tartus لتعزيز مفاهيم الريادة وتسليط الضوء على واقعها بمدينة طرطوس. ومشروع Spark Up مكمل ليحقق الأثر اللي منشتغل كرماله 🙏🏻 وبالمنشورات القادمة رح شارك معكم بعض الدروس والتجارب اللي طلعنا فيها من تنظيم وإدارة وإشراف على هالمشروع ضمن JCI 🙌

واحد من أكتر التحديات شيوعاً بإدارة المشاريع هو تأخير الجداول الزمنية، وبيظهر الفرق بطريقة التعامل مع هاد التأخير. كيف بتتصرفوا أول ما تلاحظوا الانحراف عن الخطة؟