Sign up to access an inspiration library of 30,000+ posts
Mohanned Kattan's Recent LinkedIn Posts
Mohanned Kattan
@mohannedkattan
CEO of Kattan Media. Media & Influence Expert | Academic Advisor | 20+ years shaping media, brands, and talents | Passionate about inspiration, growth, and empowering the next generation
Posts
Mohanned Kattan
Sales & Marketing
7mo
ما نبحث عن المثاليين… نبحث عن الناس اللي فعلاً تبغى تتطور!
اللي تشوف في كل ملاحظة فرصة، وفي كل تحدي درس هذول هم اللي يصنعوا الفرق في أي فريق.
288
Mohanned Kattan
Sales & Marketing
4mo
لا نبحث عن النجاحات السريعة…
الناس اليوم تشوف في قطان ميديا «قصة نجاح» بس مايشوفوا التخطيط والإخلاص والجهد اللي يصير خلف الكواليس…
نركز على لفت إنتباه الناس بترندات سريعة؟
ولا نخلي هدفنا التأثير على الناس منجد؟
الترندات سهلة، تقدر تشتريها، لكنه حتختفي بعد 24 ساعة...أما التأثير أصعب لأنه يحتاج صدق، ويحتاج هدف، وقصة الناس تهتم لها..
في قطّان ميديا اخترنا الطريق الأصعب، نقرب وجهات النظر بين العميل والجمهور مو بالصوت العالي، نربطهم بالرسالة الواضحة والقوية..
والسر الحقيقي في نمونا مو بس الاستراتيجية، السر إننا نفهم الثقافة بعمق..
تعلمت إنك ما تقدر تدير الإبداع بالطرق التقليدية، الإبداع يحتاج مساحة وثقة. الاستراتيجية تحدد الاتجاه، والذكاء العاطفي يحدد طريقة السير…
إحنا مو موجودين نصنع ترند والسلام، إحنا موجودين عشان يكون لصورتنا معنى، ولشغلنا أثر..
Kattan Media
207
Mohanned Kattan
Sales & Marketing
8mo
بصفتي صاحب شركة، فيه أربع أشياء أساسية تخليّني أقرر كيف أوظف الشخص:
- روحه وثقته بنفسه
- شغفه بالشغل اللي يسويه
- مرونته وقدرته على التأقلم مع أي وضع
- إطلاعه على مجاله
وهذي كلها أقدر أحددها في أقل من ١٠ دقايق
400
Mohanned Kattan
Sales & Marketing
8mo
الناس فاهمه بعض المصطلحات غلط..مثلا "المقاطعه" اكثر مفهوم الناس فاهمته غلط والي قاعدين نشوفه في السوشل ميديا مهزله صراحه…
مفهوم ثاني خاطئ هو "الشغف" مثال في الصوره..كيف شخص يلاقي شغفه في مكان عمره ما دخله ولا اشتغل فيه ولا يعرف حتى احد..انك تشوف فيديو او صوره و تعجبك هذا مو يعني شغف..انتبه!!
61
Mohanned Kattan
Sales & Marketing
5mo
قلتها من ١٧ سنه في 2009 وبقولها اليوم بنفس الوضوح: أنا ما أبحث عن المخضرمين، ولا عن الشهادات ولا الدرجات أبحث عن الموهبة!
الشغف هو الوقود الحقيقي، وهو اللي يصنع الفرق في الإعلام والتسويق الرقمي
الأدوات تتغير، والمنصات تتطور،
لكن الموهبة اللي تعرف تفكّر، وتشتغل بوعي، وتحوّل الأفكار لأثر حقيقي…
هذا هو الإعلام اللي أشتغل عليه اليوم في قطان ميديا، وبهذا النهج نختار فريقنا ونبني شغلنا
Kattan Media
331
Mohanned Kattan
Sales & Marketing
9mo
صورة غالية على قلبي من عام ٢٠١١، لحظة تكريمي من سمو الأمير خالد الفيصل ✨
التكريم كان بسبب رعايتنا لأحد أهم مشاريع إمارة منطقة مكة المكرمة لدعم الشباب، تجربة أفتخر فيها لأنها جمعت بين خدمة الوطن وتمكين طاقات المستقبل...
لحظة ما أنساها بكل تفاصيلها، وكل مرة أتأمل فيها نظرة الفخر في عيون والدي 🤍
276
Mohanned Kattan
Sales & Marketing
8mo
قطان ميديا بدأت بحب وشغف للإعلام، دمجنا خبراتنا ابتداءً من والدي د. وليد قطّان بخبرة تجاوزت ٤٠ عاماً في الصحافة والإدارة الإعلامية، وأخي وسام قطّان الشريك والمستشار بخبرة تجاوزت أكثر من ٢٢ عاماً في الإنتاج الإعلامي والعمل مع أكبر القنوات العربية، وبصفتي المدير التنفيذي، تجاوزت خبرتي أكثر من ٢١ عاماً كمستشار تسويقي ومحاضر في عدة جامعات في مجال الإعلام و شغلت أدواراً رئيسية في عدة وكالات إعلامية مختلفة
اجتمعنا، دمجنا تجاربنا، وطوّرنا مهاراتنا حتى أصبحت قطان ميديا بفريق عمل متمكن، نتج عنها مجمل خبرات أكثر من ١٠٠ عام من الإبداع في مجال التسويق والإعلام ✨
272
Mohanned Kattan
Sales & Marketing
4mo
في قطان ميديا نشتغل على مبدأ بسيط وواضح: تقدر تشتري مشاهدات، لكن الثقة لازم تكسبها.
نقاش نمر فيه على طول مع بعض العملاء ويصر العميل على اختيار "المؤثر الكبير" صاحب المشاهدات المليونية على وهم إن الانتشار الكبير حيضمن مبيعات!
عندي تجربة سابقة مع عميل تثبت إن المشاهدات لاتساوي مبيعات. العميل اختار مشهور مليوني و فريقنا نصح و بقوة إنه يشتغل مع صانع محتوى أصغر ومتخصص لكن عدد متابعينه أقل بكثير ولكن يثقوا فيه جداً.
وعشان نحسم الموضوع نفذنا الحملة مع الطرفين..
والنتائج أعطتنا درس واضح جداً..
المشهور المليوني:
* التكلفة: 50,000 ريال
* المشاهدات: حوالي 1,000,000 مشاهدة
* النتيجة: 5,000 لقطة شاشة "نية شراء"
صانع المحتوى الحقيقي:
* التكلفة: 12,000 ريال
* المشاهدات: حوالي 100,000 مشاهده
* النتيجة: 80,000 لقطة شاشة "نية شراء"
الأرقام تكلمت عن نفسها!
صحيح أن المشهور عمل انتشار واسع، لكن صانع المحتوى عمل تفاعل حقيقي تحول لمبيعات.
رغم أن المشهور حقق مشاهدات أكثر بعشر مرات لكن صانع المحتوى حصل على عملاء بنية شراء أعلى بعشرة أضعاف!
ليش؟ لأنه المصداقية تبيع..!!
اليوم صار أسهل على الناس تعرف تفرق بين إعلان مدفوع وتوصية صادقة..
ماصارو يشترو من اللي عنده متابعين أكثر، يشترو من اللي يثقو فيه..
"لا تطارد الإنتشار، طارد التأثير الحقيقي"
98
Mohanned Kattan
Sales & Marketing
6mo
حديثي التخرج يُنظر لهم على إنهم “قليلين خبرة”
لكن الحقيقة إن عندهم شيء نادر
شغف عالي + قابلية للتعلم + مرونة
الميزة الكبيرة إنك كصاحب شركة تقدر تبني شخص على ثقافة شركتك، وتعلّمه الطريقة اللي تناسبك، وتخليه جزء قوي من فريقك مستقبلاً
في قطان ميديا، لما فتحنا أقسام جديدة، حرصت على استقطاب مدراء بخبرات عالية، ومعهم موظفين خريجين حديثين من جيل 2000
ماشفت لا خبرة ولا معدل اخترت الأشخاص اللي اظهروا لي شغفهم العالي، وأخذت وقتي في اني أعلمهم وأدربهم
واليوم هم وصلوا لدرجة عالية من المسؤولية. أيام كثيرة أطلع من المكتب، وهم لسه جالسين يشتغلون…مو لأن أحد أجبرهم، لكن لأن عندهم شعور حقيقي إن الأهم هو إنجاز الشغل، وأن يكون العمل اللي بيقدموه ممتاز
الاستثمار في حديث التخرج مو حل مؤقت…هو رهان طويل المدى على قوة فريقك القادم
2.1K
Mohanned Kattan
Sales & Marketing
2mo
إيش علمتني ٢٠ سنة في الإعلام المباشر عن القيادة؟
إدارة البث المباشر في مكس FM و MBC و بانوراما FM علمتني أشياء مستحيل تتعلمها في المدرسة أو الدورات التدريبية.
لما تكون عالهواء ويسمعك ملاين الناس، ما في مونتاج ,ولا فيه زر إعادة. تتعلم كيف تقرر قرار سريع، والأهم.. كيف يكون القرار صحيح، وغالباً لازم تسوي الاثنين في نفس الوقت.
الدرس اللي علق في ذاكرتي ماله علاقة بالسرعة ولا المهارة.. كان عن ايش تسوي في اللحظة اللي تخطيء فيها؟
لأنك وبكل بساطة.. راح تخطئ.
بصراحة قلت أشياء غلط عالهواء، واخدت قرارات تحت ضغط ندمت عليها. وللآن وبعد خبرة أكثر من ٢٠ سنة، لسا الخطأ وارد ويصير.
اليوم، الفرق هو إني بطلت أشوف الخطأ كـ "فشل قيادي".. صرت أشوف "الهروب من المسؤولية" هو الفشل الحقيقي.
لما يصير خطأ في قطان ميديا، سواءً مع عميل، أو في قرار يخص حملة معينة، أو حتى داخلياً.. أواجه الموضوع مباشرة. أعتذر بسرعة، نصلح الخطأ مع بعض، ونكمل.
القائد اللي ما يقدر يعترف بغلطه، حيصير فريقه يخاف يقول الحقيقة.. والضرر حيصير أكبر بكثير من أي خطأ.
الدرس: تحمّل مسؤولية اللحظة.. بكل ما فيها، وكمل طريقك
139
Mohanned Kattan
Sales & Marketing
3mo
المدير التنفيذي وصانع المحتوى:
كثير يسألوني هل صعب أبدّل بين دوري كمدير تنفيذي ودوري كصانع محتوى؟
بالنسبة لى الموضوع سهل وطبيعي
لكن بالنسبة للفريق الموضوع كان صعب في البداية.
كان عندنا مشكلة داخلية..
أنا مديرهم مسؤول عن الرؤية وقيادة الفريق..
وفي نفس الوقت أنا عميلهم صانع المحتوى أحتاج أفكار وتصوير وإدارة لحساباتي في مواقع التواصل.
في البداية الموضوع كان جداً حساس..
الأمور كانت داخلة في بعض..ما قدروا يفرّقوا إذا كان عميلهم هو اللي طلب تعديل ولا مديرهم…هل هذا تقييم أداء أم طلب من عميل..!!
وقتها فهمت إن المشكلة مو في الأشخاص..المشكلة في تداخل الأدوار.
فرتّبنا العلاقة من جديد..
فصلنا المسارات و وضعنا آلية واضحة.
صح الموضوع أخذ وقت لكن العلاقة أصبحت صحية أكثر الآن..
اليوم لما نشتغل على براندي الشخصي يعاملوني كأي عميل آخر. احترم إجراءاتهم وأعطيهم المساحة للإبداع.
الدرس: حتى لو كنت صاحب القرار لاتسمح لمنصبك يقتل الإبداع
182
Mohanned Kattan
Sales & Marketing
5mo
فكرة جمعت علامة فاخرة ولمسة سعودية، وتحولت خلال 5 شهور إلى عمل فني على سيارة رينج روفر ، بإبداع طلاب وِرث
عمل جميل يثبت قد إيش المواهب السعودية قادرة تحوّل الأفكار لواقع بهوية واضحة 🇸🇦
Kattan Media وِرث | wrth
198
Mohanned Kattan
Sales & Marketing
5mo
رسالة لجميع حديثي التخرج
أول وظيفة في حياتك مو بس راتب، هي مدرسة، اختبار، وبداية تكوين اسمك المهني
ممكن تحس إن الراتب مايكفي، أو إن الشغل أكثر من المتوقع، أو إنك تستحق منصب أعلى… وهذا إحساس طبيعي
الشغف هو العنصر الاساسي بس اللي يفرق فعلًا هو الجدية في الشغل، لازم تشتغل بجد، تاخذ بالأسباب، تتعلم كل يوم، وتطور نفسك خطوة خطوة
الميزة في حديثي التخرج إنهم يتعلموا بسرعة، ويتشكلوا بسهولة لو أعطوا نفسهم فرصة،
ويكبروا مهنيًا لما يجمعوا الشغف مع الجدية
نصيحتي
- لا تستعجل النتائج
- ركز على إنك تكون شخص يعتمد عليه
- اسأل، تعلم، واشتغل كأنك صاحب المكان… حتى لو كنت في أول طريقك
البدايات المتعبة غالبًا تصنع ناس أقوياء على المدى الطويل
985
Mohanned Kattan
Sales & Marketing
5mo
المتعارف عليه أن الناس يورثوا فلوس بس انا ورثت مسؤولية وتاريخ عريق من الإعلام.
كبرت وأنا أشوف والدي في عالم الإعلام والصحف كنت أتعلم منه كثير أحضر معاه بعض الاجتماعات والمناسبات…
وقتها كان الوضع مختلف تماماً عن الآن ما في خوارزميات، ولا ترندات…فقط علاقات وسمعة وأسبقية بتغطية الأحداث، والتزام حقيقي عشان تفضل دائماً عكاظ الصحيفة الأولى في المملكة.
شفت الساعات الطويلة اللي كان يشتغلها، والضغط، والدوام الصباحي والمسائي… يرجع البيت عشان ينام فقط
وشفت كمان الأثر اللي كان يتركه على الناس سواء مدراء أو زملاء..شفت تربعه على القمه أكثر من ١٤ سنه متتاليه على مستوى السعودية.
ناس كثير سألوني لما قررت أأسس قطان ميديا:
"ليش الإعلام؟ في شركات محتكرة السوق خلاص خليك في وظيفتك اضمن لك"
أنا ما بدأت الشركة عشان أكون "مشهور" بدأتها لأني أبغى أكمل المسيرة اللي والدي بدأها، مع مراعاة فرق الزمن والمستجدات. آخذت القيم القديمة اللي تبنى فيها الإعلام… الصدق، الثقة، كتابة قصص حقيقيه وتوصيل الصوت الحقيقي وطبقتها اليوم في عالم الإعلام الجديد…
أنا مو بس قاعد أبني مشروع…
أنا أحمل على عاتقي مسؤولية كبرت عليها.
والدي الدكتور وليد جميل قطان مدير عام صحيفة عكاظ السابق، أتمنى تكون فخور بالابن اللي علمته الاعلام 🙏🏻
360
Mohanned Kattan
Sales & Marketing
5mo
أنا عضو في مجالس استشارية لثلاث جامعات
الناس تحسب أننا نتناقش عن المنهج والكتب الدراسية
الحقيقة لا، احنا نتكلم عن (Soft Skills) المهارات الشخصية
السوق ما يعاني من نقص في الأشخاص اللي يعرفوا يستخدموا الفوتوشوب أو الذكاء الإصطناعي، يعاني من نقص في الأشخاص اللي يعرفوا كيف:
- يستقبلوا الملاحظات بدون شخصنة
- يوصلوا الأخبار السيئة بدري، مو بعد ما تكبر المشكلة
- يحلوا المشاكل بنفسهم بدون انتظار تعليمات
قلت لأعضاء المجلس الأسبوع اللي فات:
"اعطوني طالب بدرجات متوسطة لكن عنده ذكاء عاطفي عالي، وأوصله لمنصب مدير خلال ثلاث سنوات. وأعطوني طالب معدله 100% بدون ذكاء عاطفي وماراح يقدر يكمل 3 شهور"
المهارات التقنية توصّلك للمقابلة…
لكن مهارات التعامل مع الناس… هي اللي تبني مسيرتك المهنية
875
Mohanned Kattan
Sales & Marketing
6mo
ما تقدر تلهم فريقك بالالتزام، وأنت نفسك مو ملتزم… ولا تقدر تطلب حماس، وأنت فاقده
القائد الحقيقي يبدأ بقيادة نفسه قبل غيره، لأن الفريق ما يسمع أوامر القائد بقدر ما يقلّد سلوكه
وأنا شخصيًا اكتشفت هذا الشي في نفسي…
كنت عجول، وألاحظ أحيانًا يوصلني تسليم فيه أغلاط كان المفروض ما تطلع. ومع الوقت فهمت إن استعجالي انعكس على فريقي، وصاروا يحسوا إن المهم هو “السرعة” مو “الجودة”
من بعدها صرت دائما أقول لهم:
ما يهمني متى يوصل الشغل… قد ما يهمني يوصل صح، وأنت واثق منه
وفي النهاية…
أي سلوك أتبنّاه حتى لو بسيط راح ينعكس على فريقي بشكل مباشر، لأن الفريق هو مرآة لقائده
110
Mohanned Kattan
Sales & Marketing
8mo
يوم قررت أستقيل… ما كنت أعرف بالضبط ايش أبغى، لكن كنت أعرف ومُتيقن ليش ما أبغى أكمل هناك
ومن لحظة المخاطرة هذي… بدأت رحلة “قطان ميديا”
٨ سنوات مرت، وكل خطوة فيها أكدت لي أن القرار كان البداية:
حققنا أكثر من مليار و ٢٠٠ مليون مشاهدة ✨
قصص نجاح لأكثر من ٣٠٠٠ مؤثر ✨
أنجزنا أكثر من ٢٠٠٠ حملة ✨
كل هذي الأرقام ما كانت بتصير لو ما قلت لنفسي وقتها خاطر!
238
Mohanned Kattan
Sales & Marketing
7mo
مو كل شي تبدع فيه… لازم تكون دارسة!
الخبرة ما تجي بس من مقاعد الجامعة، تجي من التجارب، من الأخطاء، من الاحتكاك الحقيقي بالشغل، في ناس شهاداتهم ما كانت في التسويق، لكن شغفهم خلاهم يصيروا من أذكى الناس في المجال، وفي ناس معاهم أعلى الشهادات… بس ما عرفوا يطبّقوا اللي تعلموه...
الدراسة مهمة، بس الأهم إنك تعرف تتعلّم من الحياة، من مشروع، من نقاش، من تحدي… لأن كل تجربة تمر فيها هي شهادة جديدة باسمك 👌🏻
في النهاية المجال اللي تبدع فيه هو اللي يشبهك… مو اللي مكتوب في شهادتك وهذا هو الفرق بين اللي "درَس" التسويق… واللي يعيش التسويق كل يوم 🤍
220
Mohanned Kattan
Sales & Marketing
4mo
لقاء "ساعة في ريادة الأعمال"
شغف، استمرارية، وقرارات مصيريه..
هكذا يبدأ الأثر الحقيقي..
شكراً لكل من حضر.. شكراً جادة 30..
110
Mohanned Kattan
Sales & Marketing
8mo
كيف تثبت نفسك وتطور مهاراتك في الشغل؟
كون مبادر: لا تنتظر أحد يوجهك، اقترح وشارك أفكارك
تعلم كل يوم: كل تجربة تعلمك شيء جديد ويقويك
التزم بجودة عملك: سلّم شغلك مضبوط وفي وقته، التفاصيل الصغيرة تصنع فرق
ابنِ علاقات صح: تواصل مع زملائك بإيجابية وشارك خبراتك
أسأل واطلب راجع: اعرف نقاط قوتك وضعفك، واشتغل على تحسينها باستمرار
اللي يطبق هذي الأشياء، وجوده في الفريق واضح ومؤثر وفرصته للتقدم أكبر
146
Mohanned Kattan
Sales & Marketing
4mo
قبل تأسيس قطّان ميديا بسنوات، بدأت مسيرتي المهنية خلف المايكروفون في اذاعات رائدة مثل Mix FM و MBC و بانوراما إف ام.
الإذاعة كانت مدرسة مختلفة تمامًا لأنها تعتمد على حاسة السمع فقط..يعني لو رسالتك ضعيفة ماحتقدر توصل المعلومه..لأنك تملك فقط صوتك وانتباه المستمع..
الضغط في بيئة العمل في الإذاعة عالي جداً، وعلمتني قاعدتين أساسية في التواصل، وما زالت إلى الآن تشكّل جوهر شخصيتي في العمل:
١ - وجه كلامك إلي شخص واحد فقط وليس الجمع. في البث كان يسمعونا ملايين الأشخاص.. ما ينفع نخاطبهم كلهم ونقول مثلا (مرحبا بالمستمعين). أنجح المذيعين يتكلموا كأنهم يخاطبوا شخص واحد جالس جنبهم في السيارة لأنه بيحس الكلام موجه له شخصياً.
٢- إحسب الثواني مو الدقائق. في عالم الأعمال نحدد الاجتماعات بنص ساعة أو ساعة، لكن في الإذاعة كل ثانية محسوبة. خمس ثواني صمت تحسها طويلة، ومع الوقت تتعلم تكون مختصر، واضح، وتحترم وقت الناس..كنت أحاسب المذيع اذا اتاخر ١٥ ثانيه عن البث.
وترا ٢٤ ساعه على الهواء مباشره ٧ ايام في الأسبوع ما كانت سهله، الوضع كان دائماً توتر..لكنه كان توتر جميل..
اليوم، ومع منصات مثل تيك توك وإنستغرام، هذا المبدأ صار أهم من أي وقت فات.
ما عندنا دقائق نكسب فيها ثقة الشخص، عندنا ثواني فقط. وسيلة التواصل تغيّرت، لكن طريقة تفكير الإنسان ما تغيّرت…
احترم الوقت، وخاطب الفرد.
203
Mohanned Kattan
Sales & Marketing
5mo
قبل عشر سنوات، كانت كثير من البراندات العالمية تشوف السعودية على إنها مجرد "سوق"
كنا ملف إكسل، هدف للإيرادات، ياخذوا حملة عالمية، يترجموها للعربي، وينشروها والسلام!
اليوم الأسلوب هذا ماعاد يأكل عيش، المستهلك السعودي واعي وذكي، يفتخر بثقافته ،ويقدر يكتشف المحتوى اللي بعيد عن ثقافته من أول نظرة
دائمًا أقول لشركائنا الدوليين:
"ما يكفي تترجم اللغة لازم نترجم الثقافة"
لازم تفهم حسّ الدعابة، وتفهم الجذور، وتفهم الطموح اللي تقوده رؤية 2030، المستهلك السعودي مو بس يشتري المنتجات، كمان يشتري القصص اللي تحترمه وتمثله
إذا تبغى تنجح اليوم في السعودية، وقف تبيع لنا...
وابدأ اشتغل معانا 🙏🏻
695
Mohanned Kattan
Sales & Marketing
8mo
أكثر شيء أفتخر فيه في فريقي، إنهم دايماً يصنعوا الطاقة الحلوة ما أحتاج أقول لهم "سووا شي مميز"، لأنهم دايماً يسبقوني بالمبادرة
من فعاليات الخميس اللي صارت عادة، إلى فطور "موظف الشهر"
سر نجاح أي شركة يبدأ من روح الموظف قبل أي شيء ثاني!
فخور بفريقي دائمًا 🤍
228
Mohanned Kattan
Sales & Marketing
4mo
سعدت جدًا بمشاركتي كمتحدث في لقاء أصدقاء جادة 30
حديث صادق عن الحضور الإعلامي، وصناعة المحتوى كمسار مهني حقيقي لما يكون له اتجاه واضح وتنفيذ واعي ومستدام.
شاركت مواقف مفصلية من رحلتي، تحديات واجهتني، وأخطاء تعلّمت منها…
والأجمل كان الحوار بعد الجلسة. أسئلة واقعية، طموح حقيقي، ونقاش قريب من تحديات السوق اليوم..
شكرًا جادة 30 على الدعوة والمساحة الجميلة وشكرًا لكل شخص حضر وشارك وصنع قيمة في اللقاء 🙏🏻
111
Mohanned Kattan
Sales & Marketing
7mo
كيف تطور نفسك في بيئة سريعة؟
- لا تعتمد على أحد يعلمك، علّم نفسك بنفسك
- إذا ما أخطأت، معناها ما جربت كفاية
- اسأل وناقش، بس لا تكرر نفس الغلط
- خذ ملاحظات الناس على محمل الجد، حتى لو كانت ثقيلة
كل يوم تتعلم فيه شي جديد، هو خطوة لقدام في مسيرتك المهنية ✨
158
Mohanned Kattan
Sales & Marketing
8mo
صورة عزيزة تجمع الوالد وليد قطان – وقتها كان مدير عام لصحيفة عكاظ – مع مولاي خادم الحرمين الشريفين الملك سلمان الله يحفظه، وكان وقتها أميراً لمنطقة الرياض...
الصورة التقطت خلال دعوة كريمة من الملك، اللي كان معروف بحبه للصحافة والإعلام ودعمه الكبير للثقافة والقراءة في السعودية
ومن هذي اللحظة وتاريخ الوالد الكبير في الإعلام، قررت أكمل المشوار وأكون جزء من هذا المجال بطريقتي الخاصة ✨
ومن هنا بدأت رحلتي مع قطان ميديا، عشان أواصل مسيرة الوالد وأحافظ على نفس الشغف وأواصل العطاء بطريقتي الخاصة 🙏🏻
146
Mohanned Kattan
Sales & Marketing
8mo
نجاحاتنا مع مرسيدس بنز
في 2018، اشتغلنا في قطان ميديا على مهمة الحفاظ على مكانة مرسيدس-بنز كعلامة سيارات فاخرة، وبناء تفاعل حقيقي ومستمر مع جمهور متنوع وعلى المدى الطويل
اشتغلنا على نهج متكامل يجمع بين اختيار المؤثرين المناسبين للعلامة وصناعة محتوى يعكس أسلوبها الفاخر بطريقة طبيعية ومدروسة
الاستراتيجية ركزت على الدمج الذكي بين المؤثرين والمحتوى، لضمان حضور متوازن يعزز العلاقة بين العلامة وجمهورها ويحافظ على استمرارية التفاعل
النتائج كانت واضحة:
- أكثر من 350 تجربة قيادة ناجحة عبر تعاونات المؤثرين
- أكثر من ثلاث جوائز عالمية
تجربة مرسيدس كانت من التجارب اللي نفتخر فيها، لأنها أسست قاعدة طويلة الأمد للعلاقات مع المؤثرين، وما زالت مرسيدس-بنز تبني عليها اليوم كجزء أساسي من استراتيجيتها التسويقية المستدامة
310
Mohanned Kattan
Sales & Marketing
8mo
بعد شهور من الدراسة والتحدي، أفتخر اليوم بوصولي لنهاية رحلة الماجستير، أيام وليالي تفصلني عن الشهادة🎓✨
الرحلة ما كانت مجرد محاضرات، كانت تجربة مليانة معرفة، التزام، وتغيير في طريقة التفكير. والأجمل إنها رحلة تعلّمت منها أشياء حأقدر أفيد بها غيري وأطبقها في مسيرتي العملية 🙏🏻
أسأل الله أن يبارك في هذا العلم وينفعني وينفع به غيري 🤲🏻
256
Mohanned Kattan
Sales & Marketing
7mo
في بداية عملي، كنت أظن إن أهم شيء في الفريق هو الخبرة!
اليوم، صرت أعرف إن الشغف يسبق كل شيء. الشخص اللي عنده حماس حقيقي يتعلم، يجرب، ويطوّر، يوصل أسرع من أي شخص يعتمد على خبرته القديمة!
ما أبحث عن موظف “يعرف كل شيء”، أبحث عن شخص يبغى يعرف أكثر كل يوم..
لأن اللي عنده شغف… ما توقفه وظيفة، ولا يحدّه منصب
249
Mohanned Kattan
Sales & Marketing
8mo
أحيانًا يجي في بالي سؤال:
ماذا لو جبت شخص يدير شركتي؟
وأنا رجعت أتوظف من جديد… في القطاع الخاص أو الحكومي؟ أو حتى اكتشفت نفسي في مجال مختلف تمامًا؟
هل فعلاً نقدر نسمع للصوت الداخلي اللي يقول “جرّب طريق جديد”، ولا خلاص صرنا محصورين في المسار اللي اخترناه؟
صوت داخلي زي كذا… هل قد جاك؟ سمعت له أو طنشته؟
99
Mohanned Kattan
Sales & Marketing
4mo
في مجالنا، سهل نترك نفسنا نركز على الأرقام، المشاهدات، اللايكات والمتابعين..نبدأ نتعامل مع الأرقام كأنها مقياس النجاح الحقيقي..
لكن مع الوقت أدركت أن الشهرة والتأثير مو نفس الشيء، الشهرة هي لما يعرف الناس اسمك.. والتأثير يعني الناس تثق بكلامك.
أنا ما أصحى كل يوم أفكر كيف أزيد متابعين. هدفي كل يوم هو الأثر اللي يتركه كل محتوى ننشره..سواء كان فيديو ١٥ ثانية، حملة مؤسسية، أو منشور نصي بسيط، له قوة.
قوة لتعليم طالب، قوة لإلهام مؤسس، قوة لتغيير منظور شخص 🙏🏻
وهذي القوة تجي معاها المسؤولية انك تكون صادق، واضح وحقيقي!
إذا تبغى تبني علامة شخصية أسأل نفسك:
تبغى تصير مشهور والناس تعرفك؟ ولاعندك هدف وتبغى توصل رسالة؟
الشهرة ممكن تختفي في لحظة أما الرسالة تبقى خالدة للأبد…
98
Mohanned Kattan
Sales & Marketing
5mo
لما أسست قطان ميديا ترددت قبل ما أحط اسم عيلتي على باب الشركة. كنت ادور على اسم مختلف، وسهل الناس تتذكره بدون ما أعطي انطباع بشوفة النفس.
بس وقت ماكنت ببحث تذكّرت شيء عن السمعة علّمني إياه والدي الله يحفظه، إسمك هو الضمان اللي تقطعه، وإذا أخلفت أو قصرت، ما تسيء لشركة أو لكيان… أنت تسيء لإسم عائلتك!!
وقررت أسميها قطان ميديا، مو بدافع المظهر أو الغرور… ولكن عشان المسؤولية اللي بتجي مع الأسم، كل حملة نشتغل عليها، كل إيميل نرسله، وكل شخص ينضم للفريق يحمل جزء من اسم عائلتي.
ما أقدر اتخبى خلف شعار الشركة إذا أخطأنا، أنا اتحمل المسؤولية كاملة، وإذا نجحنا، نكون أكرمنا التاريخ العائلي اللي سبقني.
ودائمًا أقول لفريقي: إحنا ما نمثّل شركة فقط، إحنا نمثّل اسمي، واسم والدي، واسم عائلتي كاملة
خلوه دائماً معزز مكرم ومحل فخر زي ما الكل عهده
Kattan Media
594
Mohanned Kattan
Sales & Marketing
5mo
إحنا ما ندور عن العميل اللي عنده أكبر ميزانية..!!
دائمًا انسأل "مين أفض عميل في قطان ميديا؟"
وكثير يعتقدوا إننا ندور على أكبر عميل أو العميل صاحب الميزانية الأكبر..
بس الحقيقة غير ..اللي يهمنا فعلًا هو الإيمان بالفكرة!
لما يجي عميل ويقول:
"ابغا مشاهدات"، غالبًا نعتذر منه!
لأننا نبحث عن شراكات لها قيمة ومعنى
لكن لما يجي عميل ويقول: "نبغى نغيّر نظرة الناس لمجال معين"، هنا عيوننا تصير قلوب
لأننا نبحث عن شركاء يعرفو إن التسويق الحقيقي مهو المحتوى فقط!
هو شجاعة في رواية قصة حقيقية، وشجاعة إنك تكون مختلف في وقت الناس تقلد بعض وتبحث عن ترند ولا تركب الموجه والسلام
لعملائنا اللي دائمًا يشجعونا نكون أفضل: شكرًا لكم 🤍
ولعملائنا المستقبلين اللي حابين شيء حقيقي، الله يحيكم في قطان ميديا ✨
175
Mohanned Kattan
Sales & Marketing
3mo
أقابل كثير حديثين تخرج..
أذكياء أكاديمياً، فاهمين النظريات، ومعدلاتهم عالية.
لكن أول ما يدخلوا عالم الإعلام والتسويق...
يكتشفوا إن المعدل العالي غير كافي إنه يخليك جاهز للوظيفة.
لو بيدي أغيّر شيء واحد في المناهج الدراسية لمواد التسويق
حأغير التركيز من الكتاب إلى أرض الواقع في أسرع وقت ممكن لأنه الخبرة كلها في الميدان.
في أشياء مانتعلمها في المحاضرات:
- كيف تتعامل مع عميل يرفض الحملة للمرة الثالثة؟
- إيش تسوى لو مؤثر أختفى يوم تدشين الحملة؟
- كيف تدير الضغط لما موعد التسليم يقرّب؟
المرونة ما تُدرّس... تُكتسب من واقع خبرة.. أما المعلومات النظرية فهي فقط البداية.
وفي مجالنا، قيادة الفريق تحت الضغط هي اللي تصنع الفرق.
241
Mohanned Kattan
Sales & Marketing
3mo
أمس طلعنا نتعشى أنا والفريق في عشاء غير رسمي..
لكن اللي صار كان أكبر من مجرد عشاء..
كنت أراقبهم وهم يضحكوا ويتكلموا مع بعض. وللحظة حسّيت كأني جالس مع أصدقاء يعرفوا بعض من سنين طويلة، مو مجرد زملاء عمل.
العلاقة بينهم كانت صادقة وعفويه..كأنهم أصدقاء من زمان، الجميل إنه بعضهم ما صار له معي إلا سنتين أو أقل..
الشركة ما تُبنى بالمشاريع فقط..تُبنى بالعلاقات، بالثقة، وبالإنسان قبل أي شيء.. وهذا أجمل إنجاز ممكن يحققه أي قائد..
لحظات زي كذا تذكرني قد إيش أنا محظوظ فيكم..
الحمدلله على النعمة..
شكرًا إخواني وأخواتي في قطان ميديا..الله لا يحرمني منكم 🤍
Kattan Media
236
Mohanned Kattan
Sales & Marketing
6mo
دائمًا أنتبه لشي مهم… أغلب الناس تشتغل بجهد، بس مو الكل يشتغل بوعي
الانشغال مو معناته تقدّم، وتكرار الشغل مو معناته تطوير
وعادة أسأل نفسي وفريقي…هل إحنا نتطور فعلًا… ولا نعيش نفس اليوم كل يوم؟
وبين فترة وفترة، أحب أخلي كل موظف يجرب مهمة جديدة
مو عشان أصعّب عليه أو أحمّله أكثر…
لكن عشان يتطور، ويكسر الروتين، ويكتشف مهارات ما كان يعرف إنه يملكها. لأنّي مؤمن إن كل شخص في الفريق لازم يضيف لنفسه مهارة جديدة باستمرار، مو بس ينجز مهام وينتهي
118
Mohanned Kattan
Sales & Marketing
3mo
فى قطان ميديا نسبة كبيرة من فريقنا ينتمي للجيل الأصغر، أعمارهم لا تتجاوز ال ٢٥ سنة.
هذا يعطي الشركة روح مختلفة. عندهم شغف وطاقة عالية، لكن احيانًا تنقصهم خبرة السوق ولمسة الاحتراف اللي تجي مع الوقت.
لما تظهر فجوات في الأداء، يكون عندي خيارين:
أفرض سلطتي كمدير، أو أقدّم توجيه ودعم.
و غالباً أختار الخيار الثاني.
بحكم خلفيتي كمدرب أعمال معتمد، أتعامل مع هذي المواقف بفضول مو بحكم. بدل ما أعطي أوامر مباشرة، أركّز على فهم وجهة نظرهم.
نشتّغل سوا على حدود مهنية صحية، وتطوير المهارات الناعمة اللي يحتاجوها للنجاح على المدى الطويل.
هدفى التمكين. أؤمن إنك إذا وجّهت الشغف هذا بالطريقة الصحيحة، فجوة الخبرة تتقفل بسرعة.
لكن فيه حد واضح. أنا أومن بالفرص الثانية و بالاستثمار في التطوّر، أول ما جودة شغلنا مع العملاء تكون فى خطر، هنا ينتهى دور التدريب، ولازم يتخذ قرار واضح.
نقدر نكون صبورين مع التعلم، لكن ما نقدر نساوم على التميّز وعلى جودة مخرجاتنا.
التعاطف أداة قيادية قوية، لكنه مو غطاء لضعف الأداء. نصيحتي دائماً للمدراء وأصحاب المناصب: استثمر في فريقك، لكن دائمًا احمي معاييرك 👌🏻
276
Mohanned Kattan
Sales & Marketing
5mo
سنين كنت مرتاح خلف كواليس أشهر الإذاعات والبرامج في السعودية..
الخروج من منطقة الراحة ما كان سهل، ومخاطبة الملايين كانت من أصعب القرارات اللي أخذتها.
في بداية مسيرتي المهنية اشتغلت في التخطيط الإعلامي، جداول، ميزانيات، واستراتيجيات…كل شيء محسوب بدقة، وكل الشغل كان خلف الكواليس..كنت في منطقة آمنة، ما أحد يقيّمني أو يحاسبني.
وبعدها جاء التحوّل الكبير:
الراديو، وسائل التواصل الاجتماعي، والفيديو..
وفجأة وبدون تخطيط مسبق، صرت وجه إعلامي أطلع قدام الملايين وأخاطبهم بشكل مباشر وأحاول أوصل رساله هادفه..
صراحة، بالبداية كنت متردد..
أخاف ألخبط بالكلام، وأفكر كثير في ردود فعل الناس..
لكن مع الوقت، ومع الاستمرارية، كنت ألاحظ التطور يوم بعد يوم الحمدلله..
وفي النهاية، تعلمت درس مهم:
الناس ما تتواصل مع الشخص الكامل أو المثالي..
الناس تثق بالشخص الحقيقي الصادق..
ولو فضّلت البقاء خلف الكواليس، ما كنت بتطوّر،
وكانت قطّان ميديا بتكون مثلها مثل أي شركة عادية..وعشان كذا وُلدت بروح مختلفة…
روح تشكّلت من التجربة، يقودها الصدق، ويحرّكها تواصل حقيقي مع الناس 🙏🏻
اي كوم (٢٠٠٧-٢٠١٠)
مكس اف ام (٢٠١٠ - ٢٠١٤)
ام بي سي و بانوراما (٢٠١٤- ٢٠١٦)
عكاظ ديجتال (٢٠١٦-٢٠١٧)
قطان ميديا (٢٠١٧……….
255
Mohanned Kattan
Sales & Marketing
5mo
الصمت كان سيد الموقف!
قفلت من مكالمة…مشروع اشتغلنا عليه شهور راح!
في عالم التسويق، الكل يحب يشارك النجاحات، قليل اللي يتكلم عن الخسائر..
الشهر اللي فات، قطان ميديا خسرت عميل مهم!
مو بسبب تقليص ميزانية، ولا تغيير في الاستراتيجية بكل بساطة كنا في منطقة الراحة!
بدل ما نتعامل معاه كأنه شريك جديد، تعاملنا كأنه دخل مضمون وتجاهلنا التفاصيل الصغيرة…
بعد المكالمة، كان عندي خيارين كمؤسس:
١- ألوم الفريق؟
٢- ألوم طريقة التنفيذ؟
لكن الصراحة اخترت ألوم نفسي!
جمعت الفريق وسألتهم:
"كنا ماشين تمام ايش صار؟"
جلسنا سوا أربع ساعات نعيد بناء طريقة تعاملنا مع العملاء و المشاريع من الصفر…
أنا أكره الخسارة، بس أحب الدروس اللي تجي معها 🙏🏻
وأحب أقول لفريقي "نقطة ومن أول السطر"
Kattan Media ✨
351
Mohanned Kattan
Sales & Marketing
8mo
بخصوص بوست أمس الي حرك مشاعر الكثير..
اذا الشخص نفسه مو زعلان وحيجيني المكتب أتعرف عليه…انت زعلان ليش؟
ماعرفت ليش صح؟
خذ دقيقه فكر..
برضو ماعرفت صح؟ طيب أنا حساعدك وأقولك ليش..
لأنك قاعد تنظر للموضوع من خلال جروحك الداخليه..و شخصنت الموضوع وحسيته عنك بدون ماتستوعب..عادي أنا كنت زيك والله بس وعيت وأتعلمت وطورت نفسي كثير الحمدلله..ومستعد أساعدك لأني أعرف احساسك كويس..ماهو احساس جميل ابدا 🤍
وصباح الخير ☀️
128
Mohanned Kattan
Sales & Marketing
7mo
كمدير، دايم أقول لفريقي: الشغل الكثير ما يعني التقدّم، والإنجاز مو بس في عدد المهام اللي خلصناها
قبل تبدأ أي مهمة، اسأل نفسك سؤال واحد:
هل هذا الشي يقرّبنا من الهدف، ولا يخلينا ندور حوله؟
ترتيب الأولويات مو إنك تسوي كل شي بسرعة…
هو إنك تعرف ايش المفروض يبدأ أول، وايش ممكن ينتظر، الـ Deadline مو سباق سرعة، هو مقياس التزام
أحيانًا أهم قرار في يومك مو إنك "تنجز"، بل إنك "تختار ايش تنجز"واللي يفرّق بين فريق مشغول وفريق ناجح، هو كيف يستخدم وقته لخدمة الهدف
ترتيب الأولويات مهارة تُتعلَّم بالممارسة…
وأفضل طريقة نزرعها في الفريق، إنهم يشوفونا نطبّقها قبل ما نطلبها منهم
القيادة مو توجيه بس، القيادة قدوة
160
Mohanned Kattan
Sales & Marketing
7mo
الفريق ما ينعرف بعدد أفراده، ينعرف بعقليته..
الهدف مو إنك تجمع ناس تشتغل… الهدف إنك تجمع ناس تفكر بنفس الإتجاه!
دائما أدوّر على الشخص اللي عنده فضول، اللي يسأل “ليش؟” قبل ما يقول “تم”.اللي يفكر بالقيمة قبل المهمة، وبالنتيجة قبل الجهد..
القيادة ما تعني إنك الأذكى في الفريق، تعني إنك تبني فريق يخليك أقوى كل يوم!
117
Mohanned Kattan
Sales & Marketing
8mo
اليوم ودعنا موظفة غالية علينا…
كانت طالبة عندي من ٧ سنين في جامعة UBT
خصمت عليها درجات في مشروع اختبار نصف الترم لأني أعتقدت أنه الفكره الي قدمتها كان قد تم تنفيذها من البراند واني شفتها في السوشال ميديا.. ما عجبها كلامي..
راحت للبراند (قهوة برو ٩٢) و شرحت لهم فكرتها وسالتهم اذا قد صارت قبل كذا وقالولها لا. جاتني بعد أسبوع بالإثبات أنها فعلاً نفذت المشروع من الصفر، ومن لحظتها حطيت عيني عليها، كان باقي لها ترم وتتخرج…
دربتها عندي في الشركة ٣ أشهر وبعدها اتوظفت على طول..ومن أول كم شهر لها معانا في قطان ميديا، كانت مسؤلة عن عملاء كبار جداً وأدارت آلاف الحملات وحصدت مئات الملايين من المشاهدات..كان مسؤوله عن ميزانيات بعشرات الملايين..وتدرجت في المناصب الى أن أصبحت مديرة قسم المؤثرين في الشركة.
دايماً أقولها، الشغف ثم الشغف ثم الشغف ثم الخبرة..
صراحة، يعزّ عليّ أخسر شخص بكفاءتها وحبها وخوفها للشغل، لكنّي فخور بالأثر اللي تركته وبالتطور اللي وصلت له..
أتمنى لها كل التوفيق والنجاح يا وجد 🙏🏻
Wajd Tahlawi
1.1K
Mohanned Kattan
Sales & Marketing
4mo
الناس لما تسألني كيف دخلت عالم الدعاية والإعلان، تتوقع إني كنت جالس مع أهلي نتقهوى وصارحتهم بالموضوع..
فعليًا هذا الحوار ما قد صار…
الإعلام ما كان خيار بالنسبة ليا، لأني اتربيت عليه من وأنا صغير…
من وعمري 12 سنة، وأنا أحاول أستوعب هذا المجال… في وقت كانوا أصدقائي يبحثوا عن هوايات، أنا كنت أراقب والدي في اتصالاته، أنزل معاه الدوام في الويكند، أحضر معاه مناسبات وأقابل أشخاص أحلم إني أقابلهم اليوم… أشخاص أسسوا الدعاية والإعلان في السعودية. كنت أحضر مع الوالد الإيفنتات، وأشوف كيف كان يشرف على فريق العمل، وكيف كانوا ينسقوا كل شي قبل الحفل. فعليًا كنت أشوف كيف الفكرة تتحول إلى حقيقة…
لما قررت أكمل دراسة الجامعة في دبي. كنت ساكن مع أخويا وسام، يعني شقتنا صارت مكتبه الثاني. أشوفه كيف يبني مشاريعه، يختلف ويتصالح مع مديره، بناء الإستراتيجيات، حل مشاكل، وغيره…
زملائي كانوا يتعلموا نظري، في وقت أنا قاعد اطبق عملي بدون ما أنتبه…
صحيح ما كنت أشطر واحد في الجامعة، بس لما اتخرجت ما كانت معي شهادة واحدة فقط لأني ما تعلّمت من كتب دراسية ولا من محاضرات. تعلّمت بأني أعيش التجربة نفسها، أحضر فعاليات، أشارك في توقيع صفقات، وأبني علاقات وولاء حقيقي على أرض الواقع..
قطّان ميديا بالنسبة لي ليست مجرد وظيفة بل امتداد لإرث كنت جزءًا منه طوال حياتي وعشته على مدار 41 عامًا..
أنا ما أشتغل في مجال الدعاية والإعلان، أنا أعيشه كل يوم، وهي جزء من هويتي الشخصية…
Kattan Media
106
Mohanned Kattan
Sales & Marketing
4mo
في فترة حجر كورونا، تغيرت قواعد البيع التقليدية في يوم وليلة، الكل صار لازم يواكب أو يقفل... التحدي كان كبير لواحد من أهم عملائنا في مجال الاتصالات، كل الفروع قفلت حظر تجوال في كل مكان لكن الكل يحتاج إنترنت، جوالات وأجهزة....
في وقت الكل عمل ايقاف مؤقت على صرف ميزانيات التسويق إلى أن تتضح الصورة ويعرفوا مصير الأزمة.
لقت الشركة فرصة مختلفة ومميزة وقدرت تصرف أكثر في الديجيتال.
صح الشوارع كانت فاضية لكن العالم الافتراضي كان مزدحم أكثر من أي فترة مضت الناس في بيوتهم، وكل تواصلهم وترفيههم صار على الأجهزة
أتخذنا تحول استراتيجي سريع. ركزنا على حملات تسويق عبر المؤثرين، وحوّلنا صناع المحتوى الى قوة بيع رقمية بهدف واضح نتجاوز إغلاق الفروع وندفع المستخدمين لاستخدام تطبيق الشركة لشراء المنتجات
النتائج كانت مبهرة في وقت كان فيه الاقتصاد العالمي يمر بشكل بطيء، ساعدنا الشركة تحقق نسبة نمو 40% في الإيرادات الرقمية على مستوى المملكة. ما اكتفينا بتعويض غياب زيارات للفروع، بل حققنا أرقام قياسية في زيارات التطبيق.
والدرس اللي خرجنا فيه من هذي التجربة ومازال الجزء أساسي من فلسفتنا اليوم: الطلب في السوق نادرا ما يختفي، هو فقط يغيير مكانه البراندات الناجحة اللي تتحرك بسرعة وتلاحق انتباه الناس.
101
Mohanned Kattan
Sales & Marketing
4mo
لسنوات طويلة، قطان ميديا كانت تشتغل كـ “شريك تنفيذي” للعميل.
العميل يطلب إعلان؟ نشتريه. يطلب محتوى؟ ننشره.
الشغل كان مستقر… بس ينقصه الإبداع. كنت متأكد أن فريقنا عنده القدرة يصنع أفكار استراتيجية… لكن كنا منفذين… الهدف كان نكون استراتيجيين.
مشكلتنا إن الإستراتيجية ما كانت من خدماتنا. ما كنت أقدر أطلب من العميل يدفع مقابل شي ما جربناه قبل.
وهنا جاتني فكرة أعرض استراتيجيتنا مجاناً..!!.
بدأنا نلاقي تحديات العملاء، نحدد المشاكل، ونقدم حلول استراتيجية بدون تكلفة زيادة.
والنتيجة؟ العملاء شافوا نتائج أفضل… مو لأنهم صرفوا أكثر، لكن لأننا بدأنا نفكر أعمق ونشتغل بطريقة اذكى.
اليوم، الاستراتيجية صارت من أهم خدماتنا… وسبب نجاح حملات كثيرة الحمد لله
الدرس: إذا تبغى قيمتك تزيد في السوق… ثبتها أول قبل ما ترسل الفاتورة للعميل
231
Mohanned Kattan
Sales & Marketing
8mo
احتفلنا أنا وفريقي في قطان ميديا باليوم الوطني ٩٥.. وطن تتجدد فيه الطموحات وتعلو معه الأحلام اللهم احفظ السعودية وقيادتها وشعبها 🤍
731
Mohanned Kattan
Sales & Marketing
8mo
في قطان ميديا نؤمن إن السر مو بس في الفكرة، السر في المتابعة اليومية لكل التفاصيل اللي تصنع الترند ✨
نراقب كل جديد في عالم المؤثرين ايش يشاركوا، فين يسافروا، إيش يحبوا، ايش يتكلموا عنه اليوم لأن فهم يومياتهم هو اللي يساعدنا نخلق إعلان حقيقي، يشبههم ويشبه جمهورهم
وبكذا نقدر نربط بين احتياج العميل وأسلوب حياة المؤثر، عشان نطلع بحملة ما تكون مجرد إعلان، بل قصة نجاح نعتز فيها 💫
Kattan Media
275
Mohanned Kattan
Sales & Marketing
7mo
غلطة صغيرة جداً ممكن تغرق السفينة كلها..
خصوصًا لو رؤية القبطان مو واضحة..
اليوم في “مدير في دقيقة” حلقة من العيار الثقيل..
عن أهمية ترابط كل أقسام الشركة كمنظومة واحدة متناغمة
خلاصة أكثر من ٤٠ سنة خبرة في دقيقة واحدة فقط! 👌🏻
ضيفي: باسم ولي
مدير التسويق والتطوير في شركة الجفالي للسيارات – مرسيدس بنز 🏁
Basim Wali
Kattan Media
99
Mohanned Kattan
Sales & Marketing
2mo
ليش تركت منصب قيادي مريح عشان أبني قطان ميديا؟
أنا ما تركت شغلي لأني مو مرتاح…
تركته لأني كنت مقيّد.
في كل منصب قيادي اشتغلت فيه، سواء في MBC أو Mix FM أو عكاظ ديجيتال، كانت النهاية دائماً متشابهة. مو لأنه ما فيه فرص، لكن بسبب قيود النظام المؤسسي نفسه.
دائمًا فيه سقف واضح:
قد إيش تقدر تكون مختلف أو جريء، وقد إيش فعلًا تقدر تفيد العميل.
كان في صوت داخلي يقول لي:
تقدر تسوي أكثر… جرّب أفكار جديدة.
لكن الواقع؟
الإطار اللي تشتغل فيه ما كان يسمح.
لما تكون موظف، غالبًا تمشي ضمن حدود شخص غيرك حاطها لك.
وصلت لمرحلة فهمت فيها:
إذا أبغى أكسر الحدود وأقدّم شيء فعلاً مختلف…
لازم أكون أنا اللي يحدد القوانين…كان لازم أصير قائد وليس تابع..
لما قررت أبني قطان ميديا، الموضوع ما كان مجرد تأسيس شركة…
كان اختيار مدروس.
أبغى أجمع كل شيء تعلمته خلال 20 سنة في الدعاية و الإعلان، وأترك كل الأنظمة اللي كانت تعقّد الشغل بدون ما تضيف قيمة.
أبغى أصنع بيئة:
الأفكار فيها ما تنقتل بالإجراءات، والأفكار “المختلفة” تتحول لحلول ذكية.
المناصب المريحة مكان آمن…
لكن ما ينمو فيها شيء.
أنا ما بنيت قطان ميديا عشان مجرد منصب…
بنيتها عشان أزيل الحدود اللي تمنع البراندات توصل لأقصى إمكانياتها.
الدرس:
المنصب يعطيك صلاحيات…
لكن كسر الحدود هو اللي يعطي تأثير..
161
Mohanned Kattan
Sales & Marketing
4mo
لما أتوظفت في شركة عكاظ للنشر الالكتروني في 2016 الهدف كان واضح، كيف أحول إسم عريق في عالم الإعلام إلى منتج ديجيتال. المسؤولية ماكانت سهلة، أول قرار غيرت اسمها إلى شركة "عكاظ ديجيتال" وحولت اللوقو من أخضر محطوط علي علامة "@" إلى لوقو أحمر عصري يواكب عالم الديجيتال.
توقّعت إن أكبر التحديات اللي راح أواجهها حتكون تقنية، كيف نعرض المحتوى؟ أي منصات نستخدم؟ وكيف نطوّر شكل الصحيفة؟
اكتشفت إني كنت غلطان. التحدي الحقيقي ما كان في الأدوات، بل في تغيير طريقة التفكير القديمة، وفي الذكريات والمشاعر المرتبطة بالاسم نفسه عند ناس كثير.
التغيير ما كان سهل، لا على الموظفين، ولا القرّاء، ولا حتى الشركاء.
من بعض الأمثلة اللي واجهت فيها صعوبة كان الإيميل.
بدل ما أبدأ يومي وأشوف ايميلي وأرد عليه، كان السكرتير يطبع كل الإيميلات، يحطها في ملفين: (صادر/وارد)، ولازم أنا أكتب الرد بخط اليد، عشان بعدها تنرسل للمكاتب المعنية...
تخيّل…ولا أحد كان يشيّك إيميله، تواصلهم كان ورقي في شركة منتجاتها كلها ديجيتال..!!
إحنا في عصر السرعة..كان لازم أسوي تغيير جذري..كثرة الخطابات والأوراق كانت تبطئني..!!
الآن وبعد ١٠ سنين لما أتذكر هذي المواقف، استوعبت إن قراراتي ماكانت صائبة للاسف.
حاولت أعمل تغيير سريع جدًا وأحارب كل شخص رافض التغيير. ماكنت أعرف إني لازم اسويها حبة حبة، الموضوع ماهو مجرد تحديث زي ما نسوي تحديث الأيفون ..
كنت قاعد أحاول أجري وأقفز في وقت كل الشركة كانت لسا بتتعلم تسوي تمارين إطاله..
الدرس الي أتعلمته في إدارتي لعكاظ ديجيتال كان درس مهم جداً ساعد في تكوين طريقة إدارتي الأن..
سهل جدًا إنك تشتري أفضل البرامج وتوظف ناس خبيرة لكن ما راح تتطور بدون ماتستثمر في تغيير طريقة الفكر..لأنك حتفضل في مكانك سر…
التقنية ممكن تتغير في يوم وليلة..
لكن تغير الفكر يحتاج صبر…..وتمارين إطاله
66
Mohanned Kattan
Sales & Marketing
6mo
أصعب جزء في القيادة مو اتخاذ القرار…
الأصعب إنك تتحمّل نتيجته!
قرارات كثيرة تمرّ علينا، وبعضها ما يكون فيها “صح وغلط” واضح. تختار بين خيارين صعبين، وكل واحد منهم له ثمن…
في هذه اللحظات، القيادة ما تكون عن المنصب… تكون عن الجرأة. إنك توقف، تسمع، توازن، وتقرر حتى لو ما عجب الكل!
ما راح تقدر ترضي الجميع، لكن تقدر تكون صادق مع نفسك. والصدق، دائمًا، هو القرار الأصح على المدى الطويل..
61
Mohanned Kattan
Sales & Marketing
7mo
قبل سنوات، كنت أدرّس طلاب في الجامعة، واليوم بعضهم صاروا زملاء… وبعضهم عملاء
اللحظة اللي تشوف فيها شخص كنت تعلمه يصير شريك نجاح، تكتشف إن العلاقات اللي تبنيها في مسيرتك المهنية هي الاستثمار الحقيقي مو كل الناس تبقى في نفس الدور، الزمن يبدّل المقاعد، واليوم اللي كنت فيه المتعلّم، بكرة ممكن تكون المعلّم
عشان كذا، نصيحة لأي مدير قسم أو قائد فريق:
- عامِل الناس باحترام نابع من قيمك، لا من موقعك
- شارك المعرفة، لأنها دايم ترجع لك في شكل نجاح جديد
- لا تستهين بأي علاقة مهنية، يمكن تكون سبب فرصة بكرة
- خليك القائد اللي يُذكر بالخير حتى بعد ما تتغير المناصب
اللي تبنيه اليوم بالاحترام، بكرة يرجع لك بالثقة وهذا هو جوهر القيادة الحقيقية
85
Mohanned Kattan
Sales & Marketing
2mo
أول مرة استوعبت إن الإعلام مسؤولية… مو سُلطة.
جلست سنين في الراديو و أنا احسب إن عندي قوة وتأثير.
لكن الحقيقة؟ اللي كان عندي هو مسؤولية.
خلال فترة عملي في MBC و Mix FM، الحماس كان مختلف لما تكون خلف المايك..
لما صوتك يوصل للملايين، سهل تحس إن عندك قوة.
لكن لما انتقلت من الراديو وتعمقت في السوشل ميديا، نظرتي للتأثير تغيّرت بالكامل.
في الراديو، التفاعل غالبًا ينتهي لما المستمع يطفي السيارة.
لكن في السوشل ميديا، التفاعل بداية لاتنتهي ..
مثلاً: أتكلم عن مطعم والناس فعلاً تروح له, وأصوّر فندق والناس تسأل عنه! وألبس ملابس ويسألوني: من فين؟
هنا كانت لحظة الإدراك..!!
فهمت إن لو شاركت شيء مميز… أنا أضيف قيمة.
لكن لو نشرت شيء ماله هدف … ممكن أقتل التفاعل.
ومن هنا بدأت فكرة قطان ميديا…
مو هدفنا نطارد الأرقام، بل نحمل على عاتقنا مسؤولية التأثير.
في السوق السعودي، الثقة هي أهم عملة. والمصداقية مو مجرد "خيار جميل"، بل هي الاستراتيجية الوحيدة اللي تستمر…
وقفت أنشر لمجرد التواجد صرت أنشر عشان أفيد، وأشارك الشيء اللي يضيف قيمة حقيقية للجيل الجديد ولشركاء نجاحنا.
الدرس: التأثير حق لجمهورك عليك، مو شهادة تضيفها للرف.
43
Mohanned Kattan
Sales & Marketing
7mo
حملة ايكيا في افتتاح فرع المدينة المنورة
أدرنا حملة ايكيا بمناسبة افتتاح أول فرع لها في المدينة المنورة، كان هدفنا نخلق تفاعل حول الحدث، ونشرك المجتمع المحلي ونضمن مستوى عالي من الوعي والتطلّع للإفتتاح ✨
اشتغلنا على استراتيجية مؤثرين مدروسة، مع تطوير محتوى مخصص يتماشى مع اهتمامات الجمهور المحلي، وإدارة الحملة بحيث نحقق أقصى قدر من الزخم قبل وبعد الإفتتاح...
وبفضل الله، الحملة حققت أكثر من مليون مشاهدة عبر منصات التواصل، بما فيها سناب شات، تيك توك، إنستغرام، ومنصة إكس. وسجلنا تفاعل قوي وانتشار محلي لافت، مما جعل افتتاح المتجر حدث بارز لكل من ايكيا وسكان المدينة المنورة 🤍
98
Mohanned Kattan
Sales & Marketing
8mo
لأننا ما نعرف المستحيل ودايمًا طموحنا فوق هام السحب 🇸🇦🤍
اليوم نحتفل بطبعنا، بتاريخنا، بثقافتنا، وبكل إنجاز يصنع فخر وطننا، ونمضي بكل فخر وعزّ، حاملين حب الوطن في كل عمل، وكل خطوة، وكل حلم نحققه ✨🤍
35
Mohanned Kattan
Sales & Marketing
8mo
الفريق القوي ما يعني أفضل ناس في كل تخصص، الفريق القوي هو اللي يعرف كيف يشتغل مع بعض...
في قطان ميديا دايماً نقول: الفكرة تبدأ من شخص، بس تنجح لما الفريق يصدقها 🤍
60
Mohanned Kattan
Sales & Marketing
4mo
مع بداية أزمة كورونا، كان المشهد في عالم الوكالات واضح: الأولوية الحفاظ على الموجود… والهدف ببساطة: البقاء.
لكن وضعنا كان مختلف.
واحد من أهم عملائنا قرر يمشي عكس التيار.
بدل ما يقلّل الميزانية، قرر يستثمر ملايين في حملة إعلانية يومية وبشكل قوي جداً.
هنا واجهت قرار قيادي حساس:
إما نتمسك بعملائنا الحاليين ونرضى بنتائج متوسطة،
أو أراهن بكل قوتنا على فرصة واحدة كبيرة. وقتها قررت ألعبها صح وأركّز كل طاقتي على الفرصة الأكبر…
اتخذنا خطوة جريئة وقررنا إنهاء بعض العقود الصغيرة بشكل ودي، ووقفنا أي شي ثاني ماكان يخدمنا. ركزنا كل جهدنا وإبداعنا للعميل الجريء.
كان قرار فيه مخاطرة، خصوصًا في وسط أزمة اقتصادية عالمية لكن النتائج أثبتت صحة الطريق.
بينما كثير من المنافسين يحاولوا يثبتوا مكانهم،
قطّان ميديا حققت نمو في الإيرادات بنسبة 100٪.
ما كبرنا بانجاز أكثر،كبرنا بالتركيز والعمق في التنفيذ.
الدرس: في اللحظات الحسّاسة، التركيز غالبًا أقوى من التشتّت.
أحيانًا لازم تفضّي الطاولة للفرصة الأكبر قدامك.
25
Kattan Media
Sales & Marketing
3mo
مقال جديد يتناول رحلة الرئيس التنفيذي مهند قطّان ودوره في تطور المشهد الإعلاني في المملكة العربية السعودية
اليوم الإعلان في السعودية يمر بمرحلة تحوّل حقيقية
المعادلة ما عادت مجرد حملة أو منصة… صارت فهم أعمق للسوق، واستثمار أذكى في الابتكار، وقصص تعكس هوية المجتمع وتواكب تغيراته
تكلم المقال على تجربة مهند في قيادة قطان ميديا، ومساهمة الشركة في تشكيل التغيرات والتحول في صناعة مشهد إعلاني أكثر تطورًا وتأثيرًا في السوق
إقرأ المقال: http://bit.ly/46POzmO
37
Mohanned Kattan
Sales & Marketing
6mo
التحدي الحقيقي هو كيف نتعامل مع الكل باحترام ومسؤولية، حتى لو اختلفنا في الشخصية أو طريقة التفكير أو التعامل
ضيفتي في مدير في دقيقة: أخصائية البشرة هيام إسماعيل
50
Mohanned Kattan
Sales & Marketing
7mo
ما نبحث عن المثاليين… نبحث عن الناس اللي فعلاً تبغى تتطور!
اللي تشوف في كل ملاحظة فرصة، وفي كل تحدي درس هذول هم اللي يصنعوا الفرق في أي فريق.
288
Mohanned Kattan
Sales & Marketing
8mo
بصفتي صاحب شركة، فيه أربع أشياء أساسية تخليّني أقرر كيف أوظف الشخص:
- روحه وثقته بنفسه
- شغفه بالشغل اللي يسويه
- مرونته وقدرته على التأقلم مع أي وضع
- إطلاعه على مجاله
وهذي كلها أقدر أحددها في أقل من ١٠ دقايق
400
Mohanned Kattan
Sales & Marketing
5mo
قلتها من ١٧ سنه في 2009 وبقولها اليوم بنفس الوضوح: أنا ما أبحث عن المخضرمين، ولا عن الشهادات ولا الدرجات أبحث عن الموهبة!
الشغف هو الوقود الحقيقي، وهو اللي يصنع الفرق في الإعلام والتسويق الرقمي
الأدوات تتغير، والمنصات تتطور،
لكن الموهبة اللي تعرف تفكّر، وتشتغل بوعي، وتحوّل الأفكار لأثر حقيقي…
هذا هو الإعلام اللي أشتغل عليه اليوم في قطان ميديا، وبهذا النهج نختار فريقنا ونبني شغلنا
Kattan Media
331
Mohanned Kattan
Sales & Marketing
8mo
قطان ميديا بدأت بحب وشغف للإعلام، دمجنا خبراتنا ابتداءً من والدي د. وليد قطّان بخبرة تجاوزت ٤٠ عاماً في الصحافة والإدارة الإعلامية، وأخي وسام قطّان الشريك والمستشار بخبرة تجاوزت أكثر من ٢٢ عاماً في الإنتاج الإعلامي والعمل مع أكبر القنوات العربية، وبصفتي المدير التنفيذي، تجاوزت خبرتي أكثر من ٢١ عاماً كمستشار تسويقي ومحاضر في عدة جامعات في مجال الإعلام و شغلت أدواراً رئيسية في عدة وكالات إعلامية مختلفة
اجتمعنا، دمجنا تجاربنا، وطوّرنا مهاراتنا حتى أصبحت قطان ميديا بفريق عمل متمكن، نتج عنها مجمل خبرات أكثر من ١٠٠ عام من الإبداع في مجال التسويق والإعلام ✨
272
Mohanned Kattan
Sales & Marketing
6mo
حديثي التخرج يُنظر لهم على إنهم “قليلين خبرة”
لكن الحقيقة إن عندهم شيء نادر
شغف عالي + قابلية للتعلم + مرونة
الميزة الكبيرة إنك كصاحب شركة تقدر تبني شخص على ثقافة شركتك، وتعلّمه الطريقة اللي تناسبك، وتخليه جزء قوي من فريقك مستقبلاً
في قطان ميديا، لما فتحنا أقسام جديدة، حرصت على استقطاب مدراء بخبرات عالية، ومعهم موظفين خريجين حديثين من جيل 2000
ماشفت لا خبرة ولا معدل اخترت الأشخاص اللي اظهروا لي شغفهم العالي، وأخذت وقتي في اني أعلمهم وأدربهم
واليوم هم وصلوا لدرجة عالية من المسؤولية. أيام كثيرة أطلع من المكتب، وهم لسه جالسين يشتغلون…مو لأن أحد أجبرهم، لكن لأن عندهم شعور حقيقي إن الأهم هو إنجاز الشغل، وأن يكون العمل اللي بيقدموه ممتاز
الاستثمار في حديث التخرج مو حل مؤقت…هو رهان طويل المدى على قوة فريقك القادم
2.1K
Mohanned Kattan
Sales & Marketing
3mo
المدير التنفيذي وصانع المحتوى:
كثير يسألوني هل صعب أبدّل بين دوري كمدير تنفيذي ودوري كصانع محتوى؟
بالنسبة لى الموضوع سهل وطبيعي
لكن بالنسبة للفريق الموضوع كان صعب في البداية.
كان عندنا مشكلة داخلية..
أنا مديرهم مسؤول عن الرؤية وقيادة الفريق..
وفي نفس الوقت أنا عميلهم صانع المحتوى أحتاج أفكار وتصوير وإدارة لحساباتي في مواقع التواصل.
في البداية الموضوع كان جداً حساس..
الأمور كانت داخلة في بعض..ما قدروا يفرّقوا إذا كان عميلهم هو اللي طلب تعديل ولا مديرهم…هل هذا تقييم أداء أم طلب من عميل..!!
وقتها فهمت إن المشكلة مو في الأشخاص..المشكلة في تداخل الأدوار.
فرتّبنا العلاقة من جديد..
فصلنا المسارات و وضعنا آلية واضحة.
صح الموضوع أخذ وقت لكن العلاقة أصبحت صحية أكثر الآن..
اليوم لما نشتغل على براندي الشخصي يعاملوني كأي عميل آخر. احترم إجراءاتهم وأعطيهم المساحة للإبداع.
الدرس: حتى لو كنت صاحب القرار لاتسمح لمنصبك يقتل الإبداع
182
Mohanned Kattan
Sales & Marketing
5mo
رسالة لجميع حديثي التخرج
أول وظيفة في حياتك مو بس راتب، هي مدرسة، اختبار، وبداية تكوين اسمك المهني
ممكن تحس إن الراتب مايكفي، أو إن الشغل أكثر من المتوقع، أو إنك تستحق منصب أعلى… وهذا إحساس طبيعي
الشغف هو العنصر الاساسي بس اللي يفرق فعلًا هو الجدية في الشغل، لازم تشتغل بجد، تاخذ بالأسباب، تتعلم كل يوم، وتطور نفسك خطوة خطوة
الميزة في حديثي التخرج إنهم يتعلموا بسرعة، ويتشكلوا بسهولة لو أعطوا نفسهم فرصة،
ويكبروا مهنيًا لما يجمعوا الشغف مع الجدية
نصيحتي
- لا تستعجل النتائج
- ركز على إنك تكون شخص يعتمد عليه
- اسأل، تعلم، واشتغل كأنك صاحب المكان… حتى لو كنت في أول طريقك
البدايات المتعبة غالبًا تصنع ناس أقوياء على المدى الطويل
985
Mohanned Kattan
Sales & Marketing
5mo
أنا عضو في مجالس استشارية لثلاث جامعات
الناس تحسب أننا نتناقش عن المنهج والكتب الدراسية
الحقيقة لا، احنا نتكلم عن (Soft Skills) المهارات الشخصية
السوق ما يعاني من نقص في الأشخاص اللي يعرفوا يستخدموا الفوتوشوب أو الذكاء الإصطناعي، يعاني من نقص في الأشخاص اللي يعرفوا كيف:
- يستقبلوا الملاحظات بدون شخصنة
- يوصلوا الأخبار السيئة بدري، مو بعد ما تكبر المشكلة
- يحلوا المشاكل بنفسهم بدون انتظار تعليمات
قلت لأعضاء المجلس الأسبوع اللي فات:
"اعطوني طالب بدرجات متوسطة لكن عنده ذكاء عاطفي عالي، وأوصله لمنصب مدير خلال ثلاث سنوات. وأعطوني طالب معدله 100% بدون ذكاء عاطفي وماراح يقدر يكمل 3 شهور"
المهارات التقنية توصّلك للمقابلة…
لكن مهارات التعامل مع الناس… هي اللي تبني مسيرتك المهنية
875
Mohanned Kattan
Sales & Marketing
8mo
يوم قررت أستقيل… ما كنت أعرف بالضبط ايش أبغى، لكن كنت أعرف ومُتيقن ليش ما أبغى أكمل هناك
ومن لحظة المخاطرة هذي… بدأت رحلة “قطان ميديا”
٨ سنوات مرت، وكل خطوة فيها أكدت لي أن القرار كان البداية:
حققنا أكثر من مليار و ٢٠٠ مليون مشاهدة ✨
قصص نجاح لأكثر من ٣٠٠٠ مؤثر ✨
أنجزنا أكثر من ٢٠٠٠ حملة ✨
كل هذي الأرقام ما كانت بتصير لو ما قلت لنفسي وقتها خاطر!
238
Mohanned Kattan
Sales & Marketing
4mo
لقاء "ساعة في ريادة الأعمال"
شغف، استمرارية، وقرارات مصيريه..
هكذا يبدأ الأثر الحقيقي..
شكراً لكل من حضر.. شكراً جادة 30..
110
Mohanned Kattan
Sales & Marketing
4mo
قبل تأسيس قطّان ميديا بسنوات، بدأت مسيرتي المهنية خلف المايكروفون في اذاعات رائدة مثل Mix FM و MBC و بانوراما إف ام.
الإذاعة كانت مدرسة مختلفة تمامًا لأنها تعتمد على حاسة السمع فقط..يعني لو رسالتك ضعيفة ماحتقدر توصل المعلومه..لأنك تملك فقط صوتك وانتباه المستمع..
الضغط في بيئة العمل في الإذاعة عالي جداً، وعلمتني قاعدتين أساسية في التواصل، وما زالت إلى الآن تشكّل جوهر شخصيتي في العمل:
١ - وجه كلامك إلي شخص واحد فقط وليس الجمع. في البث كان يسمعونا ملايين الأشخاص.. ما ينفع نخاطبهم كلهم ونقول مثلا (مرحبا بالمستمعين). أنجح المذيعين يتكلموا كأنهم يخاطبوا شخص واحد جالس جنبهم في السيارة لأنه بيحس الكلام موجه له شخصياً.
٢- إحسب الثواني مو الدقائق. في عالم الأعمال نحدد الاجتماعات بنص ساعة أو ساعة، لكن في الإذاعة كل ثانية محسوبة. خمس ثواني صمت تحسها طويلة، ومع الوقت تتعلم تكون مختصر، واضح، وتحترم وقت الناس..كنت أحاسب المذيع اذا اتاخر ١٥ ثانيه عن البث.
وترا ٢٤ ساعه على الهواء مباشره ٧ ايام في الأسبوع ما كانت سهله، الوضع كان دائماً توتر..لكنه كان توتر جميل..
اليوم، ومع منصات مثل تيك توك وإنستغرام، هذا المبدأ صار أهم من أي وقت فات.
ما عندنا دقائق نكسب فيها ثقة الشخص، عندنا ثواني فقط. وسيلة التواصل تغيّرت، لكن طريقة تفكير الإنسان ما تغيّرت…
احترم الوقت، وخاطب الفرد.
203
Mohanned Kattan
Sales & Marketing
8mo
أكثر شيء أفتخر فيه في فريقي، إنهم دايماً يصنعوا الطاقة الحلوة ما أحتاج أقول لهم "سووا شي مميز"، لأنهم دايماً يسبقوني بالمبادرة
من فعاليات الخميس اللي صارت عادة، إلى فطور "موظف الشهر"
سر نجاح أي شركة يبدأ من روح الموظف قبل أي شيء ثاني!
فخور بفريقي دائمًا 🤍
228
Mohanned Kattan
Sales & Marketing
7mo
كيف تطور نفسك في بيئة سريعة؟
- لا تعتمد على أحد يعلمك، علّم نفسك بنفسك
- إذا ما أخطأت، معناها ما جربت كفاية
- اسأل وناقش، بس لا تكرر نفس الغلط
- خذ ملاحظات الناس على محمل الجد، حتى لو كانت ثقيلة
كل يوم تتعلم فيه شي جديد، هو خطوة لقدام في مسيرتك المهنية ✨
158
Mohanned Kattan
Sales & Marketing
8mo
نجاحاتنا مع مرسيدس بنز
في 2018، اشتغلنا في قطان ميديا على مهمة الحفاظ على مكانة مرسيدس-بنز كعلامة سيارات فاخرة، وبناء تفاعل حقيقي ومستمر مع جمهور متنوع وعلى المدى الطويل
اشتغلنا على نهج متكامل يجمع بين اختيار المؤثرين المناسبين للعلامة وصناعة محتوى يعكس أسلوبها الفاخر بطريقة طبيعية ومدروسة
الاستراتيجية ركزت على الدمج الذكي بين المؤثرين والمحتوى، لضمان حضور متوازن يعزز العلاقة بين العلامة وجمهورها ويحافظ على استمرارية التفاعل
النتائج كانت واضحة:
- أكثر من 350 تجربة قيادة ناجحة عبر تعاونات المؤثرين
- أكثر من ثلاث جوائز عالمية
تجربة مرسيدس كانت من التجارب اللي نفتخر فيها، لأنها أسست قاعدة طويلة الأمد للعلاقات مع المؤثرين، وما زالت مرسيدس-بنز تبني عليها اليوم كجزء أساسي من استراتيجيتها التسويقية المستدامة
310
Mohanned Kattan
Sales & Marketing
7mo
في بداية عملي، كنت أظن إن أهم شيء في الفريق هو الخبرة!
اليوم، صرت أعرف إن الشغف يسبق كل شيء. الشخص اللي عنده حماس حقيقي يتعلم، يجرب، ويطوّر، يوصل أسرع من أي شخص يعتمد على خبرته القديمة!
ما أبحث عن موظف “يعرف كل شيء”، أبحث عن شخص يبغى يعرف أكثر كل يوم..
لأن اللي عنده شغف… ما توقفه وظيفة، ولا يحدّه منصب
249
Mohanned Kattan
Sales & Marketing
4mo
في مجالنا، سهل نترك نفسنا نركز على الأرقام، المشاهدات، اللايكات والمتابعين..نبدأ نتعامل مع الأرقام كأنها مقياس النجاح الحقيقي..
لكن مع الوقت أدركت أن الشهرة والتأثير مو نفس الشيء، الشهرة هي لما يعرف الناس اسمك.. والتأثير يعني الناس تثق بكلامك.
أنا ما أصحى كل يوم أفكر كيف أزيد متابعين. هدفي كل يوم هو الأثر اللي يتركه كل محتوى ننشره..سواء كان فيديو ١٥ ثانية، حملة مؤسسية، أو منشور نصي بسيط، له قوة.
قوة لتعليم طالب، قوة لإلهام مؤسس، قوة لتغيير منظور شخص 🙏🏻
وهذي القوة تجي معاها المسؤولية انك تكون صادق، واضح وحقيقي!
إذا تبغى تبني علامة شخصية أسأل نفسك:
تبغى تصير مشهور والناس تعرفك؟ ولاعندك هدف وتبغى توصل رسالة؟
الشهرة ممكن تختفي في لحظة أما الرسالة تبقى خالدة للأبد…
98
Mohanned Kattan
Sales & Marketing
5mo
إحنا ما ندور عن العميل اللي عنده أكبر ميزانية..!!
دائمًا انسأل "مين أفض عميل في قطان ميديا؟"
وكثير يعتقدوا إننا ندور على أكبر عميل أو العميل صاحب الميزانية الأكبر..
بس الحقيقة غير ..اللي يهمنا فعلًا هو الإيمان بالفكرة!
لما يجي عميل ويقول:
"ابغا مشاهدات"، غالبًا نعتذر منه!
لأننا نبحث عن شراكات لها قيمة ومعنى
لكن لما يجي عميل ويقول: "نبغى نغيّر نظرة الناس لمجال معين"، هنا عيوننا تصير قلوب
لأننا نبحث عن شركاء يعرفو إن التسويق الحقيقي مهو المحتوى فقط!
هو شجاعة في رواية قصة حقيقية، وشجاعة إنك تكون مختلف في وقت الناس تقلد بعض وتبحث عن ترند ولا تركب الموجه والسلام
لعملائنا اللي دائمًا يشجعونا نكون أفضل: شكرًا لكم 🤍
ولعملائنا المستقبلين اللي حابين شيء حقيقي، الله يحيكم في قطان ميديا ✨
175
Mohanned Kattan
Sales & Marketing
3mo
أمس طلعنا نتعشى أنا والفريق في عشاء غير رسمي..
لكن اللي صار كان أكبر من مجرد عشاء..
كنت أراقبهم وهم يضحكوا ويتكلموا مع بعض. وللحظة حسّيت كأني جالس مع أصدقاء يعرفوا بعض من سنين طويلة، مو مجرد زملاء عمل.
العلاقة بينهم كانت صادقة وعفويه..كأنهم أصدقاء من زمان، الجميل إنه بعضهم ما صار له معي إلا سنتين أو أقل..
الشركة ما تُبنى بالمشاريع فقط..تُبنى بالعلاقات، بالثقة، وبالإنسان قبل أي شيء.. وهذا أجمل إنجاز ممكن يحققه أي قائد..
لحظات زي كذا تذكرني قد إيش أنا محظوظ فيكم..
الحمدلله على النعمة..
شكرًا إخواني وأخواتي في قطان ميديا..الله لا يحرمني منكم 🤍
Kattan Media
236
Mohanned Kattan
Sales & Marketing
3mo
فى قطان ميديا نسبة كبيرة من فريقنا ينتمي للجيل الأصغر، أعمارهم لا تتجاوز ال ٢٥ سنة.
هذا يعطي الشركة روح مختلفة. عندهم شغف وطاقة عالية، لكن احيانًا تنقصهم خبرة السوق ولمسة الاحتراف اللي تجي مع الوقت.
لما تظهر فجوات في الأداء، يكون عندي خيارين:
أفرض سلطتي كمدير، أو أقدّم توجيه ودعم.
و غالباً أختار الخيار الثاني.
بحكم خلفيتي كمدرب أعمال معتمد، أتعامل مع هذي المواقف بفضول مو بحكم. بدل ما أعطي أوامر مباشرة، أركّز على فهم وجهة نظرهم.
نشتّغل سوا على حدود مهنية صحية، وتطوير المهارات الناعمة اللي يحتاجوها للنجاح على المدى الطويل.
هدفى التمكين. أؤمن إنك إذا وجّهت الشغف هذا بالطريقة الصحيحة، فجوة الخبرة تتقفل بسرعة.
لكن فيه حد واضح. أنا أومن بالفرص الثانية و بالاستثمار في التطوّر، أول ما جودة شغلنا مع العملاء تكون فى خطر، هنا ينتهى دور التدريب، ولازم يتخذ قرار واضح.
نقدر نكون صبورين مع التعلم، لكن ما نقدر نساوم على التميّز وعلى جودة مخرجاتنا.
التعاطف أداة قيادية قوية، لكنه مو غطاء لضعف الأداء. نصيحتي دائماً للمدراء وأصحاب المناصب: استثمر في فريقك، لكن دائمًا احمي معاييرك 👌🏻
276
Mohanned Kattan
Sales & Marketing
5mo
الصمت كان سيد الموقف!
قفلت من مكالمة…مشروع اشتغلنا عليه شهور راح!
في عالم التسويق، الكل يحب يشارك النجاحات، قليل اللي يتكلم عن الخسائر..
الشهر اللي فات، قطان ميديا خسرت عميل مهم!
مو بسبب تقليص ميزانية، ولا تغيير في الاستراتيجية بكل بساطة كنا في منطقة الراحة!
بدل ما نتعامل معاه كأنه شريك جديد، تعاملنا كأنه دخل مضمون وتجاهلنا التفاصيل الصغيرة…
بعد المكالمة، كان عندي خيارين كمؤسس:
١- ألوم الفريق؟
٢- ألوم طريقة التنفيذ؟
لكن الصراحة اخترت ألوم نفسي!
جمعت الفريق وسألتهم:
"كنا ماشين تمام ايش صار؟"
جلسنا سوا أربع ساعات نعيد بناء طريقة تعاملنا مع العملاء و المشاريع من الصفر…
أنا أكره الخسارة، بس أحب الدروس اللي تجي معها 🙏🏻
وأحب أقول لفريقي "نقطة ومن أول السطر"
Kattan Media ✨
351
Mohanned Kattan
Sales & Marketing
7mo
كمدير، دايم أقول لفريقي: الشغل الكثير ما يعني التقدّم، والإنجاز مو بس في عدد المهام اللي خلصناها
قبل تبدأ أي مهمة، اسأل نفسك سؤال واحد:
هل هذا الشي يقرّبنا من الهدف، ولا يخلينا ندور حوله؟
ترتيب الأولويات مو إنك تسوي كل شي بسرعة…
هو إنك تعرف ايش المفروض يبدأ أول، وايش ممكن ينتظر، الـ Deadline مو سباق سرعة، هو مقياس التزام
أحيانًا أهم قرار في يومك مو إنك "تنجز"، بل إنك "تختار ايش تنجز"واللي يفرّق بين فريق مشغول وفريق ناجح، هو كيف يستخدم وقته لخدمة الهدف
ترتيب الأولويات مهارة تُتعلَّم بالممارسة…
وأفضل طريقة نزرعها في الفريق، إنهم يشوفونا نطبّقها قبل ما نطلبها منهم
القيادة مو توجيه بس، القيادة قدوة
160
Mohanned Kattan
Sales & Marketing
8mo
اليوم ودعنا موظفة غالية علينا…
كانت طالبة عندي من ٧ سنين في جامعة UBT
خصمت عليها درجات في مشروع اختبار نصف الترم لأني أعتقدت أنه الفكره الي قدمتها كان قد تم تنفيذها من البراند واني شفتها في السوشال ميديا.. ما عجبها كلامي..
راحت للبراند (قهوة برو ٩٢) و شرحت لهم فكرتها وسالتهم اذا قد صارت قبل كذا وقالولها لا. جاتني بعد أسبوع بالإثبات أنها فعلاً نفذت المشروع من الصفر، ومن لحظتها حطيت عيني عليها، كان باقي لها ترم وتتخرج…
دربتها عندي في الشركة ٣ أشهر وبعدها اتوظفت على طول..ومن أول كم شهر لها معانا في قطان ميديا، كانت مسؤلة عن عملاء كبار جداً وأدارت آلاف الحملات وحصدت مئات الملايين من المشاهدات..كان مسؤوله عن ميزانيات بعشرات الملايين..وتدرجت في المناصب الى أن أصبحت مديرة قسم المؤثرين في الشركة.
دايماً أقولها، الشغف ثم الشغف ثم الشغف ثم الخبرة..
صراحة، يعزّ عليّ أخسر شخص بكفاءتها وحبها وخوفها للشغل، لكنّي فخور بالأثر اللي تركته وبالتطور اللي وصلت له..
أتمنى لها كل التوفيق والنجاح يا وجد 🙏🏻
Wajd Tahlawi
1.1K
Mohanned Kattan
Sales & Marketing
4mo
في فترة حجر كورونا، تغيرت قواعد البيع التقليدية في يوم وليلة، الكل صار لازم يواكب أو يقفل... التحدي كان كبير لواحد من أهم عملائنا في مجال الاتصالات، كل الفروع قفلت حظر تجوال في كل مكان لكن الكل يحتاج إنترنت، جوالات وأجهزة....
في وقت الكل عمل ايقاف مؤقت على صرف ميزانيات التسويق إلى أن تتضح الصورة ويعرفوا مصير الأزمة.
لقت الشركة فرصة مختلفة ومميزة وقدرت تصرف أكثر في الديجيتال.
صح الشوارع كانت فاضية لكن العالم الافتراضي كان مزدحم أكثر من أي فترة مضت الناس في بيوتهم، وكل تواصلهم وترفيههم صار على الأجهزة
أتخذنا تحول استراتيجي سريع. ركزنا على حملات تسويق عبر المؤثرين، وحوّلنا صناع المحتوى الى قوة بيع رقمية بهدف واضح نتجاوز إغلاق الفروع وندفع المستخدمين لاستخدام تطبيق الشركة لشراء المنتجات
النتائج كانت مبهرة في وقت كان فيه الاقتصاد العالمي يمر بشكل بطيء، ساعدنا الشركة تحقق نسبة نمو 40% في الإيرادات الرقمية على مستوى المملكة. ما اكتفينا بتعويض غياب زيارات للفروع، بل حققنا أرقام قياسية في زيارات التطبيق.
والدرس اللي خرجنا فيه من هذي التجربة ومازال الجزء أساسي من فلسفتنا اليوم: الطلب في السوق نادرا ما يختفي، هو فقط يغيير مكانه البراندات الناجحة اللي تتحرك بسرعة وتلاحق انتباه الناس.
101
Mohanned Kattan
Sales & Marketing
8mo
احتفلنا أنا وفريقي في قطان ميديا باليوم الوطني ٩٥.. وطن تتجدد فيه الطموحات وتعلو معه الأحلام اللهم احفظ السعودية وقيادتها وشعبها 🤍
731
Mohanned Kattan
Sales & Marketing
7mo
غلطة صغيرة جداً ممكن تغرق السفينة كلها..
خصوصًا لو رؤية القبطان مو واضحة..
اليوم في “مدير في دقيقة” حلقة من العيار الثقيل..
عن أهمية ترابط كل أقسام الشركة كمنظومة واحدة متناغمة
خلاصة أكثر من ٤٠ سنة خبرة في دقيقة واحدة فقط! 👌🏻
ضيفي: باسم ولي
مدير التسويق والتطوير في شركة الجفالي للسيارات – مرسيدس بنز 🏁
Basim Wali
Kattan Media
99
Mohanned Kattan
Sales & Marketing
4mo
لما أتوظفت في شركة عكاظ للنشر الالكتروني في 2016 الهدف كان واضح، كيف أحول إسم عريق في عالم الإعلام إلى منتج ديجيتال. المسؤولية ماكانت سهلة، أول قرار غيرت اسمها إلى شركة "عكاظ ديجيتال" وحولت اللوقو من أخضر محطوط علي علامة "@" إلى لوقو أحمر عصري يواكب عالم الديجيتال.
توقّعت إن أكبر التحديات اللي راح أواجهها حتكون تقنية، كيف نعرض المحتوى؟ أي منصات نستخدم؟ وكيف نطوّر شكل الصحيفة؟
اكتشفت إني كنت غلطان. التحدي الحقيقي ما كان في الأدوات، بل في تغيير طريقة التفكير القديمة، وفي الذكريات والمشاعر المرتبطة بالاسم نفسه عند ناس كثير.
التغيير ما كان سهل، لا على الموظفين، ولا القرّاء، ولا حتى الشركاء.
من بعض الأمثلة اللي واجهت فيها صعوبة كان الإيميل.
بدل ما أبدأ يومي وأشوف ايميلي وأرد عليه، كان السكرتير يطبع كل الإيميلات، يحطها في ملفين: (صادر/وارد)، ولازم أنا أكتب الرد بخط اليد، عشان بعدها تنرسل للمكاتب المعنية...
تخيّل…ولا أحد كان يشيّك إيميله، تواصلهم كان ورقي في شركة منتجاتها كلها ديجيتال..!!
إحنا في عصر السرعة..كان لازم أسوي تغيير جذري..كثرة الخطابات والأوراق كانت تبطئني..!!
الآن وبعد ١٠ سنين لما أتذكر هذي المواقف، استوعبت إن قراراتي ماكانت صائبة للاسف.
حاولت أعمل تغيير سريع جدًا وأحارب كل شخص رافض التغيير. ماكنت أعرف إني لازم اسويها حبة حبة، الموضوع ماهو مجرد تحديث زي ما نسوي تحديث الأيفون ..
كنت قاعد أحاول أجري وأقفز في وقت كل الشركة كانت لسا بتتعلم تسوي تمارين إطاله..
الدرس الي أتعلمته في إدارتي لعكاظ ديجيتال كان درس مهم جداً ساعد في تكوين طريقة إدارتي الأن..
سهل جدًا إنك تشتري أفضل البرامج وتوظف ناس خبيرة لكن ما راح تتطور بدون ماتستثمر في تغيير طريقة الفكر..لأنك حتفضل في مكانك سر…
التقنية ممكن تتغير في يوم وليلة..
لكن تغير الفكر يحتاج صبر…..وتمارين إطاله
66
Mohanned Kattan
Sales & Marketing
7mo
قبل سنوات، كنت أدرّس طلاب في الجامعة، واليوم بعضهم صاروا زملاء… وبعضهم عملاء
اللحظة اللي تشوف فيها شخص كنت تعلمه يصير شريك نجاح، تكتشف إن العلاقات اللي تبنيها في مسيرتك المهنية هي الاستثمار الحقيقي مو كل الناس تبقى في نفس الدور، الزمن يبدّل المقاعد، واليوم اللي كنت فيه المتعلّم، بكرة ممكن تكون المعلّم
عشان كذا، نصيحة لأي مدير قسم أو قائد فريق:
- عامِل الناس باحترام نابع من قيمك، لا من موقعك
- شارك المعرفة، لأنها دايم ترجع لك في شكل نجاح جديد
- لا تستهين بأي علاقة مهنية، يمكن تكون سبب فرصة بكرة
- خليك القائد اللي يُذكر بالخير حتى بعد ما تتغير المناصب
اللي تبنيه اليوم بالاحترام، بكرة يرجع لك بالثقة وهذا هو جوهر القيادة الحقيقية
85
Mohanned Kattan
Sales & Marketing
7mo
حملة ايكيا في افتتاح فرع المدينة المنورة
أدرنا حملة ايكيا بمناسبة افتتاح أول فرع لها في المدينة المنورة، كان هدفنا نخلق تفاعل حول الحدث، ونشرك المجتمع المحلي ونضمن مستوى عالي من الوعي والتطلّع للإفتتاح ✨
اشتغلنا على استراتيجية مؤثرين مدروسة، مع تطوير محتوى مخصص يتماشى مع اهتمامات الجمهور المحلي، وإدارة الحملة بحيث نحقق أقصى قدر من الزخم قبل وبعد الإفتتاح...
وبفضل الله، الحملة حققت أكثر من مليون مشاهدة عبر منصات التواصل، بما فيها سناب شات، تيك توك، إنستغرام، ومنصة إكس. وسجلنا تفاعل قوي وانتشار محلي لافت، مما جعل افتتاح المتجر حدث بارز لكل من ايكيا وسكان المدينة المنورة 🤍
98
Mohanned Kattan
Sales & Marketing
8mo
الفريق القوي ما يعني أفضل ناس في كل تخصص، الفريق القوي هو اللي يعرف كيف يشتغل مع بعض...
في قطان ميديا دايماً نقول: الفكرة تبدأ من شخص، بس تنجح لما الفريق يصدقها 🤍
60
Kattan Media
Sales & Marketing
3mo
مقال جديد يتناول رحلة الرئيس التنفيذي مهند قطّان ودوره في تطور المشهد الإعلاني في المملكة العربية السعودية
اليوم الإعلان في السعودية يمر بمرحلة تحوّل حقيقية
المعادلة ما عادت مجرد حملة أو منصة… صارت فهم أعمق للسوق، واستثمار أذكى في الابتكار، وقصص تعكس هوية المجتمع وتواكب تغيراته
تكلم المقال على تجربة مهند في قيادة قطان ميديا، ومساهمة الشركة في تشكيل التغيرات والتحول في صناعة مشهد إعلاني أكثر تطورًا وتأثيرًا في السوق
إقرأ المقال: http://bit.ly/46POzmO
37
Mohanned Kattan
Sales & Marketing
4mo
لا نبحث عن النجاحات السريعة…
الناس اليوم تشوف في قطان ميديا «قصة نجاح» بس مايشوفوا التخطيط والإخلاص والجهد اللي يصير خلف الكواليس…
نركز على لفت إنتباه الناس بترندات سريعة؟
ولا نخلي هدفنا التأثير على الناس منجد؟
الترندات سهلة، تقدر تشتريها، لكنه حتختفي بعد 24 ساعة...أما التأثير أصعب لأنه يحتاج صدق، ويحتاج هدف، وقصة الناس تهتم لها..
في قطّان ميديا اخترنا الطريق الأصعب، نقرب وجهات النظر بين العميل والجمهور مو بالصوت العالي، نربطهم بالرسالة الواضحة والقوية..
والسر الحقيقي في نمونا مو بس الاستراتيجية، السر إننا نفهم الثقافة بعمق..
تعلمت إنك ما تقدر تدير الإبداع بالطرق التقليدية، الإبداع يحتاج مساحة وثقة. الاستراتيجية تحدد الاتجاه، والذكاء العاطفي يحدد طريقة السير…
إحنا مو موجودين نصنع ترند والسلام، إحنا موجودين عشان يكون لصورتنا معنى، ولشغلنا أثر..
Kattan Media
207
Mohanned Kattan
Sales & Marketing
8mo
الناس فاهمه بعض المصطلحات غلط..مثلا "المقاطعه" اكثر مفهوم الناس فاهمته غلط والي قاعدين نشوفه في السوشل ميديا مهزله صراحه…
مفهوم ثاني خاطئ هو "الشغف" مثال في الصوره..كيف شخص يلاقي شغفه في مكان عمره ما دخله ولا اشتغل فيه ولا يعرف حتى احد..انك تشوف فيديو او صوره و تعجبك هذا مو يعني شغف..انتبه!!
61
Mohanned Kattan
Sales & Marketing
9mo
صورة غالية على قلبي من عام ٢٠١١، لحظة تكريمي من سمو الأمير خالد الفيصل ✨
التكريم كان بسبب رعايتنا لأحد أهم مشاريع إمارة منطقة مكة المكرمة لدعم الشباب، تجربة أفتخر فيها لأنها جمعت بين خدمة الوطن وتمكين طاقات المستقبل...
لحظة ما أنساها بكل تفاصيلها، وكل مرة أتأمل فيها نظرة الفخر في عيون والدي 🤍
276
Mohanned Kattan
Sales & Marketing
4mo
في قطان ميديا نشتغل على مبدأ بسيط وواضح: تقدر تشتري مشاهدات، لكن الثقة لازم تكسبها.
نقاش نمر فيه على طول مع بعض العملاء ويصر العميل على اختيار "المؤثر الكبير" صاحب المشاهدات المليونية على وهم إن الانتشار الكبير حيضمن مبيعات!
عندي تجربة سابقة مع عميل تثبت إن المشاهدات لاتساوي مبيعات. العميل اختار مشهور مليوني و فريقنا نصح و بقوة إنه يشتغل مع صانع محتوى أصغر ومتخصص لكن عدد متابعينه أقل بكثير ولكن يثقوا فيه جداً.
وعشان نحسم الموضوع نفذنا الحملة مع الطرفين..
والنتائج أعطتنا درس واضح جداً..
المشهور المليوني:
* التكلفة: 50,000 ريال
* المشاهدات: حوالي 1,000,000 مشاهدة
* النتيجة: 5,000 لقطة شاشة "نية شراء"
صانع المحتوى الحقيقي:
* التكلفة: 12,000 ريال
* المشاهدات: حوالي 100,000 مشاهده
* النتيجة: 80,000 لقطة شاشة "نية شراء"
الأرقام تكلمت عن نفسها!
صحيح أن المشهور عمل انتشار واسع، لكن صانع المحتوى عمل تفاعل حقيقي تحول لمبيعات.
رغم أن المشهور حقق مشاهدات أكثر بعشر مرات لكن صانع المحتوى حصل على عملاء بنية شراء أعلى بعشرة أضعاف!
ليش؟ لأنه المصداقية تبيع..!!
اليوم صار أسهل على الناس تعرف تفرق بين إعلان مدفوع وتوصية صادقة..
ماصارو يشترو من اللي عنده متابعين أكثر، يشترو من اللي يثقو فيه..
"لا تطارد الإنتشار، طارد التأثير الحقيقي"
98
Mohanned Kattan
Sales & Marketing
2mo
إيش علمتني ٢٠ سنة في الإعلام المباشر عن القيادة؟
إدارة البث المباشر في مكس FM و MBC و بانوراما FM علمتني أشياء مستحيل تتعلمها في المدرسة أو الدورات التدريبية.
لما تكون عالهواء ويسمعك ملاين الناس، ما في مونتاج ,ولا فيه زر إعادة. تتعلم كيف تقرر قرار سريع، والأهم.. كيف يكون القرار صحيح، وغالباً لازم تسوي الاثنين في نفس الوقت.
الدرس اللي علق في ذاكرتي ماله علاقة بالسرعة ولا المهارة.. كان عن ايش تسوي في اللحظة اللي تخطيء فيها؟
لأنك وبكل بساطة.. راح تخطئ.
بصراحة قلت أشياء غلط عالهواء، واخدت قرارات تحت ضغط ندمت عليها. وللآن وبعد خبرة أكثر من ٢٠ سنة، لسا الخطأ وارد ويصير.
اليوم، الفرق هو إني بطلت أشوف الخطأ كـ "فشل قيادي".. صرت أشوف "الهروب من المسؤولية" هو الفشل الحقيقي.
لما يصير خطأ في قطان ميديا، سواءً مع عميل، أو في قرار يخص حملة معينة، أو حتى داخلياً.. أواجه الموضوع مباشرة. أعتذر بسرعة، نصلح الخطأ مع بعض، ونكمل.
القائد اللي ما يقدر يعترف بغلطه، حيصير فريقه يخاف يقول الحقيقة.. والضرر حيصير أكبر بكثير من أي خطأ.
الدرس: تحمّل مسؤولية اللحظة.. بكل ما فيها، وكمل طريقك
139
Mohanned Kattan
Sales & Marketing
5mo
فكرة جمعت علامة فاخرة ولمسة سعودية، وتحولت خلال 5 شهور إلى عمل فني على سيارة رينج روفر ، بإبداع طلاب وِرث
عمل جميل يثبت قد إيش المواهب السعودية قادرة تحوّل الأفكار لواقع بهوية واضحة 🇸🇦
Kattan Media وِرث | wrth
198
Mohanned Kattan
Sales & Marketing
5mo
المتعارف عليه أن الناس يورثوا فلوس بس انا ورثت مسؤولية وتاريخ عريق من الإعلام.
كبرت وأنا أشوف والدي في عالم الإعلام والصحف كنت أتعلم منه كثير أحضر معاه بعض الاجتماعات والمناسبات…
وقتها كان الوضع مختلف تماماً عن الآن ما في خوارزميات، ولا ترندات…فقط علاقات وسمعة وأسبقية بتغطية الأحداث، والتزام حقيقي عشان تفضل دائماً عكاظ الصحيفة الأولى في المملكة.
شفت الساعات الطويلة اللي كان يشتغلها، والضغط، والدوام الصباحي والمسائي… يرجع البيت عشان ينام فقط
وشفت كمان الأثر اللي كان يتركه على الناس سواء مدراء أو زملاء..شفت تربعه على القمه أكثر من ١٤ سنه متتاليه على مستوى السعودية.
ناس كثير سألوني لما قررت أأسس قطان ميديا:
"ليش الإعلام؟ في شركات محتكرة السوق خلاص خليك في وظيفتك اضمن لك"
أنا ما بدأت الشركة عشان أكون "مشهور" بدأتها لأني أبغى أكمل المسيرة اللي والدي بدأها، مع مراعاة فرق الزمن والمستجدات. آخذت القيم القديمة اللي تبنى فيها الإعلام… الصدق، الثقة، كتابة قصص حقيقيه وتوصيل الصوت الحقيقي وطبقتها اليوم في عالم الإعلام الجديد…
أنا مو بس قاعد أبني مشروع…
أنا أحمل على عاتقي مسؤولية كبرت عليها.
والدي الدكتور وليد جميل قطان مدير عام صحيفة عكاظ السابق، أتمنى تكون فخور بالابن اللي علمته الاعلام 🙏🏻
360
Mohanned Kattan
Sales & Marketing
6mo
ما تقدر تلهم فريقك بالالتزام، وأنت نفسك مو ملتزم… ولا تقدر تطلب حماس، وأنت فاقده
القائد الحقيقي يبدأ بقيادة نفسه قبل غيره، لأن الفريق ما يسمع أوامر القائد بقدر ما يقلّد سلوكه
وأنا شخصيًا اكتشفت هذا الشي في نفسي…
كنت عجول، وألاحظ أحيانًا يوصلني تسليم فيه أغلاط كان المفروض ما تطلع. ومع الوقت فهمت إن استعجالي انعكس على فريقي، وصاروا يحسوا إن المهم هو “السرعة” مو “الجودة”
من بعدها صرت دائما أقول لهم:
ما يهمني متى يوصل الشغل… قد ما يهمني يوصل صح، وأنت واثق منه
وفي النهاية…
أي سلوك أتبنّاه حتى لو بسيط راح ينعكس على فريقي بشكل مباشر، لأن الفريق هو مرآة لقائده
110
Mohanned Kattan
Sales & Marketing
7mo
مو كل شي تبدع فيه… لازم تكون دارسة!
الخبرة ما تجي بس من مقاعد الجامعة، تجي من التجارب، من الأخطاء، من الاحتكاك الحقيقي بالشغل، في ناس شهاداتهم ما كانت في التسويق، لكن شغفهم خلاهم يصيروا من أذكى الناس في المجال، وفي ناس معاهم أعلى الشهادات… بس ما عرفوا يطبّقوا اللي تعلموه...
الدراسة مهمة، بس الأهم إنك تعرف تتعلّم من الحياة، من مشروع، من نقاش، من تحدي… لأن كل تجربة تمر فيها هي شهادة جديدة باسمك 👌🏻
في النهاية المجال اللي تبدع فيه هو اللي يشبهك… مو اللي مكتوب في شهادتك وهذا هو الفرق بين اللي "درَس" التسويق… واللي يعيش التسويق كل يوم 🤍
220
Mohanned Kattan
Sales & Marketing
8mo
كيف تثبت نفسك وتطور مهاراتك في الشغل؟
كون مبادر: لا تنتظر أحد يوجهك، اقترح وشارك أفكارك
تعلم كل يوم: كل تجربة تعلمك شيء جديد ويقويك
التزم بجودة عملك: سلّم شغلك مضبوط وفي وقته، التفاصيل الصغيرة تصنع فرق
ابنِ علاقات صح: تواصل مع زملائك بإيجابية وشارك خبراتك
أسأل واطلب راجع: اعرف نقاط قوتك وضعفك، واشتغل على تحسينها باستمرار
اللي يطبق هذي الأشياء، وجوده في الفريق واضح ومؤثر وفرصته للتقدم أكبر
146
Mohanned Kattan
Sales & Marketing
5mo
قبل عشر سنوات، كانت كثير من البراندات العالمية تشوف السعودية على إنها مجرد "سوق"
كنا ملف إكسل، هدف للإيرادات، ياخذوا حملة عالمية، يترجموها للعربي، وينشروها والسلام!
اليوم الأسلوب هذا ماعاد يأكل عيش، المستهلك السعودي واعي وذكي، يفتخر بثقافته ،ويقدر يكتشف المحتوى اللي بعيد عن ثقافته من أول نظرة
دائمًا أقول لشركائنا الدوليين:
"ما يكفي تترجم اللغة لازم نترجم الثقافة"
لازم تفهم حسّ الدعابة، وتفهم الجذور، وتفهم الطموح اللي تقوده رؤية 2030، المستهلك السعودي مو بس يشتري المنتجات، كمان يشتري القصص اللي تحترمه وتمثله
إذا تبغى تنجح اليوم في السعودية، وقف تبيع لنا...
وابدأ اشتغل معانا 🙏🏻
695
Mohanned Kattan
Sales & Marketing
4mo
سعدت جدًا بمشاركتي كمتحدث في لقاء أصدقاء جادة 30
حديث صادق عن الحضور الإعلامي، وصناعة المحتوى كمسار مهني حقيقي لما يكون له اتجاه واضح وتنفيذ واعي ومستدام.
شاركت مواقف مفصلية من رحلتي، تحديات واجهتني، وأخطاء تعلّمت منها…
والأجمل كان الحوار بعد الجلسة. أسئلة واقعية، طموح حقيقي، ونقاش قريب من تحديات السوق اليوم..
شكرًا جادة 30 على الدعوة والمساحة الجميلة وشكرًا لكل شخص حضر وشارك وصنع قيمة في اللقاء 🙏🏻
111
Mohanned Kattan
Sales & Marketing
8mo
صورة عزيزة تجمع الوالد وليد قطان – وقتها كان مدير عام لصحيفة عكاظ – مع مولاي خادم الحرمين الشريفين الملك سلمان الله يحفظه، وكان وقتها أميراً لمنطقة الرياض...
الصورة التقطت خلال دعوة كريمة من الملك، اللي كان معروف بحبه للصحافة والإعلام ودعمه الكبير للثقافة والقراءة في السعودية
ومن هذي اللحظة وتاريخ الوالد الكبير في الإعلام، قررت أكمل المشوار وأكون جزء من هذا المجال بطريقتي الخاصة ✨
ومن هنا بدأت رحلتي مع قطان ميديا، عشان أواصل مسيرة الوالد وأحافظ على نفس الشغف وأواصل العطاء بطريقتي الخاصة 🙏🏻
146
Mohanned Kattan
Sales & Marketing
8mo
بعد شهور من الدراسة والتحدي، أفتخر اليوم بوصولي لنهاية رحلة الماجستير، أيام وليالي تفصلني عن الشهادة🎓✨
الرحلة ما كانت مجرد محاضرات، كانت تجربة مليانة معرفة، التزام، وتغيير في طريقة التفكير. والأجمل إنها رحلة تعلّمت منها أشياء حأقدر أفيد بها غيري وأطبقها في مسيرتي العملية 🙏🏻
أسأل الله أن يبارك في هذا العلم وينفعني وينفع به غيري 🤲🏻
256
Mohanned Kattan
Sales & Marketing
8mo
أحيانًا يجي في بالي سؤال:
ماذا لو جبت شخص يدير شركتي؟
وأنا رجعت أتوظف من جديد… في القطاع الخاص أو الحكومي؟ أو حتى اكتشفت نفسي في مجال مختلف تمامًا؟
هل فعلاً نقدر نسمع للصوت الداخلي اللي يقول “جرّب طريق جديد”، ولا خلاص صرنا محصورين في المسار اللي اخترناه؟
صوت داخلي زي كذا… هل قد جاك؟ سمعت له أو طنشته؟
99
Mohanned Kattan
Sales & Marketing
5mo
لما أسست قطان ميديا ترددت قبل ما أحط اسم عيلتي على باب الشركة. كنت ادور على اسم مختلف، وسهل الناس تتذكره بدون ما أعطي انطباع بشوفة النفس.
بس وقت ماكنت ببحث تذكّرت شيء عن السمعة علّمني إياه والدي الله يحفظه، إسمك هو الضمان اللي تقطعه، وإذا أخلفت أو قصرت، ما تسيء لشركة أو لكيان… أنت تسيء لإسم عائلتك!!
وقررت أسميها قطان ميديا، مو بدافع المظهر أو الغرور… ولكن عشان المسؤولية اللي بتجي مع الأسم، كل حملة نشتغل عليها، كل إيميل نرسله، وكل شخص ينضم للفريق يحمل جزء من اسم عائلتي.
ما أقدر اتخبى خلف شعار الشركة إذا أخطأنا، أنا اتحمل المسؤولية كاملة، وإذا نجحنا، نكون أكرمنا التاريخ العائلي اللي سبقني.
ودائمًا أقول لفريقي: إحنا ما نمثّل شركة فقط، إحنا نمثّل اسمي، واسم والدي، واسم عائلتي كاملة
خلوه دائماً معزز مكرم ومحل فخر زي ما الكل عهده
Kattan Media
594
Mohanned Kattan
Sales & Marketing
3mo
أقابل كثير حديثين تخرج..
أذكياء أكاديمياً، فاهمين النظريات، ومعدلاتهم عالية.
لكن أول ما يدخلوا عالم الإعلام والتسويق...
يكتشفوا إن المعدل العالي غير كافي إنه يخليك جاهز للوظيفة.
لو بيدي أغيّر شيء واحد في المناهج الدراسية لمواد التسويق
حأغير التركيز من الكتاب إلى أرض الواقع في أسرع وقت ممكن لأنه الخبرة كلها في الميدان.
في أشياء مانتعلمها في المحاضرات:
- كيف تتعامل مع عميل يرفض الحملة للمرة الثالثة؟
- إيش تسوى لو مؤثر أختفى يوم تدشين الحملة؟
- كيف تدير الضغط لما موعد التسليم يقرّب؟
المرونة ما تُدرّس... تُكتسب من واقع خبرة.. أما المعلومات النظرية فهي فقط البداية.
وفي مجالنا، قيادة الفريق تحت الضغط هي اللي تصنع الفرق.
241
Mohanned Kattan
Sales & Marketing
6mo
دائمًا أنتبه لشي مهم… أغلب الناس تشتغل بجهد، بس مو الكل يشتغل بوعي
الانشغال مو معناته تقدّم، وتكرار الشغل مو معناته تطوير
وعادة أسأل نفسي وفريقي…هل إحنا نتطور فعلًا… ولا نعيش نفس اليوم كل يوم؟
وبين فترة وفترة، أحب أخلي كل موظف يجرب مهمة جديدة
مو عشان أصعّب عليه أو أحمّله أكثر…
لكن عشان يتطور، ويكسر الروتين، ويكتشف مهارات ما كان يعرف إنه يملكها. لأنّي مؤمن إن كل شخص في الفريق لازم يضيف لنفسه مهارة جديدة باستمرار، مو بس ينجز مهام وينتهي
118
Mohanned Kattan
Sales & Marketing
5mo
سنين كنت مرتاح خلف كواليس أشهر الإذاعات والبرامج في السعودية..
الخروج من منطقة الراحة ما كان سهل، ومخاطبة الملايين كانت من أصعب القرارات اللي أخذتها.
في بداية مسيرتي المهنية اشتغلت في التخطيط الإعلامي، جداول، ميزانيات، واستراتيجيات…كل شيء محسوب بدقة، وكل الشغل كان خلف الكواليس..كنت في منطقة آمنة، ما أحد يقيّمني أو يحاسبني.
وبعدها جاء التحوّل الكبير:
الراديو، وسائل التواصل الاجتماعي، والفيديو..
وفجأة وبدون تخطيط مسبق، صرت وجه إعلامي أطلع قدام الملايين وأخاطبهم بشكل مباشر وأحاول أوصل رساله هادفه..
صراحة، بالبداية كنت متردد..
أخاف ألخبط بالكلام، وأفكر كثير في ردود فعل الناس..
لكن مع الوقت، ومع الاستمرارية، كنت ألاحظ التطور يوم بعد يوم الحمدلله..
وفي النهاية، تعلمت درس مهم:
الناس ما تتواصل مع الشخص الكامل أو المثالي..
الناس تثق بالشخص الحقيقي الصادق..
ولو فضّلت البقاء خلف الكواليس، ما كنت بتطوّر،
وكانت قطّان ميديا بتكون مثلها مثل أي شركة عادية..وعشان كذا وُلدت بروح مختلفة…
روح تشكّلت من التجربة، يقودها الصدق، ويحرّكها تواصل حقيقي مع الناس 🙏🏻
اي كوم (٢٠٠٧-٢٠١٠)
مكس اف ام (٢٠١٠ - ٢٠١٤)
ام بي سي و بانوراما (٢٠١٤- ٢٠١٦)
عكاظ ديجتال (٢٠١٦-٢٠١٧)
قطان ميديا (٢٠١٧……….
255
Mohanned Kattan
Sales & Marketing
8mo
بخصوص بوست أمس الي حرك مشاعر الكثير..
اذا الشخص نفسه مو زعلان وحيجيني المكتب أتعرف عليه…انت زعلان ليش؟
ماعرفت ليش صح؟
خذ دقيقه فكر..
برضو ماعرفت صح؟ طيب أنا حساعدك وأقولك ليش..
لأنك قاعد تنظر للموضوع من خلال جروحك الداخليه..و شخصنت الموضوع وحسيته عنك بدون ماتستوعب..عادي أنا كنت زيك والله بس وعيت وأتعلمت وطورت نفسي كثير الحمدلله..ومستعد أساعدك لأني أعرف احساسك كويس..ماهو احساس جميل ابدا 🤍
وصباح الخير ☀️
128
Mohanned Kattan
Sales & Marketing
7mo
الفريق ما ينعرف بعدد أفراده، ينعرف بعقليته..
الهدف مو إنك تجمع ناس تشتغل… الهدف إنك تجمع ناس تفكر بنفس الإتجاه!
دائما أدوّر على الشخص اللي عنده فضول، اللي يسأل “ليش؟” قبل ما يقول “تم”.اللي يفكر بالقيمة قبل المهمة، وبالنتيجة قبل الجهد..
القيادة ما تعني إنك الأذكى في الفريق، تعني إنك تبني فريق يخليك أقوى كل يوم!
117
Mohanned Kattan
Sales & Marketing
4mo
الناس لما تسألني كيف دخلت عالم الدعاية والإعلان، تتوقع إني كنت جالس مع أهلي نتقهوى وصارحتهم بالموضوع..
فعليًا هذا الحوار ما قد صار…
الإعلام ما كان خيار بالنسبة ليا، لأني اتربيت عليه من وأنا صغير…
من وعمري 12 سنة، وأنا أحاول أستوعب هذا المجال… في وقت كانوا أصدقائي يبحثوا عن هوايات، أنا كنت أراقب والدي في اتصالاته، أنزل معاه الدوام في الويكند، أحضر معاه مناسبات وأقابل أشخاص أحلم إني أقابلهم اليوم… أشخاص أسسوا الدعاية والإعلان في السعودية. كنت أحضر مع الوالد الإيفنتات، وأشوف كيف كان يشرف على فريق العمل، وكيف كانوا ينسقوا كل شي قبل الحفل. فعليًا كنت أشوف كيف الفكرة تتحول إلى حقيقة…
لما قررت أكمل دراسة الجامعة في دبي. كنت ساكن مع أخويا وسام، يعني شقتنا صارت مكتبه الثاني. أشوفه كيف يبني مشاريعه، يختلف ويتصالح مع مديره، بناء الإستراتيجيات، حل مشاكل، وغيره…
زملائي كانوا يتعلموا نظري، في وقت أنا قاعد اطبق عملي بدون ما أنتبه…
صحيح ما كنت أشطر واحد في الجامعة، بس لما اتخرجت ما كانت معي شهادة واحدة فقط لأني ما تعلّمت من كتب دراسية ولا من محاضرات. تعلّمت بأني أعيش التجربة نفسها، أحضر فعاليات، أشارك في توقيع صفقات، وأبني علاقات وولاء حقيقي على أرض الواقع..
قطّان ميديا بالنسبة لي ليست مجرد وظيفة بل امتداد لإرث كنت جزءًا منه طوال حياتي وعشته على مدار 41 عامًا..
أنا ما أشتغل في مجال الدعاية والإعلان، أنا أعيشه كل يوم، وهي جزء من هويتي الشخصية…
Kattan Media
106
Mohanned Kattan
Sales & Marketing
4mo
لسنوات طويلة، قطان ميديا كانت تشتغل كـ “شريك تنفيذي” للعميل.
العميل يطلب إعلان؟ نشتريه. يطلب محتوى؟ ننشره.
الشغل كان مستقر… بس ينقصه الإبداع. كنت متأكد أن فريقنا عنده القدرة يصنع أفكار استراتيجية… لكن كنا منفذين… الهدف كان نكون استراتيجيين.
مشكلتنا إن الإستراتيجية ما كانت من خدماتنا. ما كنت أقدر أطلب من العميل يدفع مقابل شي ما جربناه قبل.
وهنا جاتني فكرة أعرض استراتيجيتنا مجاناً..!!.
بدأنا نلاقي تحديات العملاء، نحدد المشاكل، ونقدم حلول استراتيجية بدون تكلفة زيادة.
والنتيجة؟ العملاء شافوا نتائج أفضل… مو لأنهم صرفوا أكثر، لكن لأننا بدأنا نفكر أعمق ونشتغل بطريقة اذكى.
اليوم، الاستراتيجية صارت من أهم خدماتنا… وسبب نجاح حملات كثيرة الحمد لله
الدرس: إذا تبغى قيمتك تزيد في السوق… ثبتها أول قبل ما ترسل الفاتورة للعميل
231
Mohanned Kattan
Sales & Marketing
8mo
في قطان ميديا نؤمن إن السر مو بس في الفكرة، السر في المتابعة اليومية لكل التفاصيل اللي تصنع الترند ✨
نراقب كل جديد في عالم المؤثرين ايش يشاركوا، فين يسافروا، إيش يحبوا، ايش يتكلموا عنه اليوم لأن فهم يومياتهم هو اللي يساعدنا نخلق إعلان حقيقي، يشبههم ويشبه جمهورهم
وبكذا نقدر نربط بين احتياج العميل وأسلوب حياة المؤثر، عشان نطلع بحملة ما تكون مجرد إعلان، بل قصة نجاح نعتز فيها 💫
Kattan Media
275
Mohanned Kattan
Sales & Marketing
2mo
ليش تركت منصب قيادي مريح عشان أبني قطان ميديا؟
أنا ما تركت شغلي لأني مو مرتاح…
تركته لأني كنت مقيّد.
في كل منصب قيادي اشتغلت فيه، سواء في MBC أو Mix FM أو عكاظ ديجيتال، كانت النهاية دائماً متشابهة. مو لأنه ما فيه فرص، لكن بسبب قيود النظام المؤسسي نفسه.
دائمًا فيه سقف واضح:
قد إيش تقدر تكون مختلف أو جريء، وقد إيش فعلًا تقدر تفيد العميل.
كان في صوت داخلي يقول لي:
تقدر تسوي أكثر… جرّب أفكار جديدة.
لكن الواقع؟
الإطار اللي تشتغل فيه ما كان يسمح.
لما تكون موظف، غالبًا تمشي ضمن حدود شخص غيرك حاطها لك.
وصلت لمرحلة فهمت فيها:
إذا أبغى أكسر الحدود وأقدّم شيء فعلاً مختلف…
لازم أكون أنا اللي يحدد القوانين…كان لازم أصير قائد وليس تابع..
لما قررت أبني قطان ميديا، الموضوع ما كان مجرد تأسيس شركة…
كان اختيار مدروس.
أبغى أجمع كل شيء تعلمته خلال 20 سنة في الدعاية و الإعلان، وأترك كل الأنظمة اللي كانت تعقّد الشغل بدون ما تضيف قيمة.
أبغى أصنع بيئة:
الأفكار فيها ما تنقتل بالإجراءات، والأفكار “المختلفة” تتحول لحلول ذكية.
المناصب المريحة مكان آمن…
لكن ما ينمو فيها شيء.
أنا ما بنيت قطان ميديا عشان مجرد منصب…
بنيتها عشان أزيل الحدود اللي تمنع البراندات توصل لأقصى إمكانياتها.
الدرس:
المنصب يعطيك صلاحيات…
لكن كسر الحدود هو اللي يعطي تأثير..
161
Mohanned Kattan
Sales & Marketing
6mo
أصعب جزء في القيادة مو اتخاذ القرار…
الأصعب إنك تتحمّل نتيجته!
قرارات كثيرة تمرّ علينا، وبعضها ما يكون فيها “صح وغلط” واضح. تختار بين خيارين صعبين، وكل واحد منهم له ثمن…
في هذه اللحظات، القيادة ما تكون عن المنصب… تكون عن الجرأة. إنك توقف، تسمع، توازن، وتقرر حتى لو ما عجب الكل!
ما راح تقدر ترضي الجميع، لكن تقدر تكون صادق مع نفسك. والصدق، دائمًا، هو القرار الأصح على المدى الطويل..
61
Mohanned Kattan
Sales & Marketing
2mo
أول مرة استوعبت إن الإعلام مسؤولية… مو سُلطة.
جلست سنين في الراديو و أنا احسب إن عندي قوة وتأثير.
لكن الحقيقة؟ اللي كان عندي هو مسؤولية.
خلال فترة عملي في MBC و Mix FM، الحماس كان مختلف لما تكون خلف المايك..
لما صوتك يوصل للملايين، سهل تحس إن عندك قوة.
لكن لما انتقلت من الراديو وتعمقت في السوشل ميديا، نظرتي للتأثير تغيّرت بالكامل.
في الراديو، التفاعل غالبًا ينتهي لما المستمع يطفي السيارة.
لكن في السوشل ميديا، التفاعل بداية لاتنتهي ..
مثلاً: أتكلم عن مطعم والناس فعلاً تروح له, وأصوّر فندق والناس تسأل عنه! وألبس ملابس ويسألوني: من فين؟
هنا كانت لحظة الإدراك..!!
فهمت إن لو شاركت شيء مميز… أنا أضيف قيمة.
لكن لو نشرت شيء ماله هدف … ممكن أقتل التفاعل.
ومن هنا بدأت فكرة قطان ميديا…
مو هدفنا نطارد الأرقام، بل نحمل على عاتقنا مسؤولية التأثير.
في السوق السعودي، الثقة هي أهم عملة. والمصداقية مو مجرد "خيار جميل"، بل هي الاستراتيجية الوحيدة اللي تستمر…
وقفت أنشر لمجرد التواجد صرت أنشر عشان أفيد، وأشارك الشيء اللي يضيف قيمة حقيقية للجيل الجديد ولشركاء نجاحنا.
الدرس: التأثير حق لجمهورك عليك، مو شهادة تضيفها للرف.
43
Mohanned Kattan
Sales & Marketing
8mo
لأننا ما نعرف المستحيل ودايمًا طموحنا فوق هام السحب 🇸🇦🤍
اليوم نحتفل بطبعنا، بتاريخنا، بثقافتنا، وبكل إنجاز يصنع فخر وطننا، ونمضي بكل فخر وعزّ، حاملين حب الوطن في كل عمل، وكل خطوة، وكل حلم نحققه ✨🤍
35
Mohanned Kattan
Sales & Marketing
4mo
مع بداية أزمة كورونا، كان المشهد في عالم الوكالات واضح: الأولوية الحفاظ على الموجود… والهدف ببساطة: البقاء.
لكن وضعنا كان مختلف.
واحد من أهم عملائنا قرر يمشي عكس التيار.
بدل ما يقلّل الميزانية، قرر يستثمر ملايين في حملة إعلانية يومية وبشكل قوي جداً.
هنا واجهت قرار قيادي حساس:
إما نتمسك بعملائنا الحاليين ونرضى بنتائج متوسطة،
أو أراهن بكل قوتنا على فرصة واحدة كبيرة. وقتها قررت ألعبها صح وأركّز كل طاقتي على الفرصة الأكبر…
اتخذنا خطوة جريئة وقررنا إنهاء بعض العقود الصغيرة بشكل ودي، ووقفنا أي شي ثاني ماكان يخدمنا. ركزنا كل جهدنا وإبداعنا للعميل الجريء.
كان قرار فيه مخاطرة، خصوصًا في وسط أزمة اقتصادية عالمية لكن النتائج أثبتت صحة الطريق.
بينما كثير من المنافسين يحاولوا يثبتوا مكانهم،
قطّان ميديا حققت نمو في الإيرادات بنسبة 100٪.
ما كبرنا بانجاز أكثر،كبرنا بالتركيز والعمق في التنفيذ.
الدرس: في اللحظات الحسّاسة، التركيز غالبًا أقوى من التشتّت.
أحيانًا لازم تفضّي الطاولة للفرصة الأكبر قدامك.
25
Mohanned Kattan
Sales & Marketing
6mo
التحدي الحقيقي هو كيف نتعامل مع الكل باحترام ومسؤولية، حتى لو اختلفنا في الشخصية أو طريقة التفكير أو التعامل
ضيفتي في مدير في دقيقة: أخصائية البشرة هيام إسماعيل
50
Mohanned Kattan
Sales & Marketing
7mo
ما نبحث عن المثاليين… نبحث عن الناس اللي فعلاً تبغى تتطور!
اللي تشوف في كل ملاحظة فرصة، وفي كل تحدي درس هذول هم اللي يصنعوا الفرق في أي فريق.
288
Mohanned Kattan
Sales & Marketing
8mo
الناس فاهمه بعض المصطلحات غلط..مثلا "المقاطعه" اكثر مفهوم الناس فاهمته غلط والي قاعدين نشوفه في السوشل ميديا مهزله صراحه…
مفهوم ثاني خاطئ هو "الشغف" مثال في الصوره..كيف شخص يلاقي شغفه في مكان عمره ما دخله ولا اشتغل فيه ولا يعرف حتى احد..انك تشوف فيديو او صوره و تعجبك هذا مو يعني شغف..انتبه!!
61
Mohanned Kattan
Sales & Marketing
8mo
قطان ميديا بدأت بحب وشغف للإعلام، دمجنا خبراتنا ابتداءً من والدي د. وليد قطّان بخبرة تجاوزت ٤٠ عاماً في الصحافة والإدارة الإعلامية، وأخي وسام قطّان الشريك والمستشار بخبرة تجاوزت أكثر من ٢٢ عاماً في الإنتاج الإعلامي والعمل مع أكبر القنوات العربية، وبصفتي المدير التنفيذي، تجاوزت خبرتي أكثر من ٢١ عاماً كمستشار تسويقي ومحاضر في عدة جامعات في مجال الإعلام و شغلت أدواراً رئيسية في عدة وكالات إعلامية مختلفة
اجتمعنا، دمجنا تجاربنا، وطوّرنا مهاراتنا حتى أصبحت قطان ميديا بفريق عمل متمكن، نتج عنها مجمل خبرات أكثر من ١٠٠ عام من الإبداع في مجال التسويق والإعلام ✨
272
Mohanned Kattan
Sales & Marketing
2mo
إيش علمتني ٢٠ سنة في الإعلام المباشر عن القيادة؟
إدارة البث المباشر في مكس FM و MBC و بانوراما FM علمتني أشياء مستحيل تتعلمها في المدرسة أو الدورات التدريبية.
لما تكون عالهواء ويسمعك ملاين الناس، ما في مونتاج ,ولا فيه زر إعادة. تتعلم كيف تقرر قرار سريع، والأهم.. كيف يكون القرار صحيح، وغالباً لازم تسوي الاثنين في نفس الوقت.
الدرس اللي علق في ذاكرتي ماله علاقة بالسرعة ولا المهارة.. كان عن ايش تسوي في اللحظة اللي تخطيء فيها؟
لأنك وبكل بساطة.. راح تخطئ.
بصراحة قلت أشياء غلط عالهواء، واخدت قرارات تحت ضغط ندمت عليها. وللآن وبعد خبرة أكثر من ٢٠ سنة، لسا الخطأ وارد ويصير.
اليوم، الفرق هو إني بطلت أشوف الخطأ كـ "فشل قيادي".. صرت أشوف "الهروب من المسؤولية" هو الفشل الحقيقي.
لما يصير خطأ في قطان ميديا، سواءً مع عميل، أو في قرار يخص حملة معينة، أو حتى داخلياً.. أواجه الموضوع مباشرة. أعتذر بسرعة، نصلح الخطأ مع بعض، ونكمل.
القائد اللي ما يقدر يعترف بغلطه، حيصير فريقه يخاف يقول الحقيقة.. والضرر حيصير أكبر بكثير من أي خطأ.
الدرس: تحمّل مسؤولية اللحظة.. بكل ما فيها، وكمل طريقك
139
Mohanned Kattan
Sales & Marketing
5mo
رسالة لجميع حديثي التخرج
أول وظيفة في حياتك مو بس راتب، هي مدرسة، اختبار، وبداية تكوين اسمك المهني
ممكن تحس إن الراتب مايكفي، أو إن الشغل أكثر من المتوقع، أو إنك تستحق منصب أعلى… وهذا إحساس طبيعي
الشغف هو العنصر الاساسي بس اللي يفرق فعلًا هو الجدية في الشغل، لازم تشتغل بجد، تاخذ بالأسباب، تتعلم كل يوم، وتطور نفسك خطوة خطوة
الميزة في حديثي التخرج إنهم يتعلموا بسرعة، ويتشكلوا بسهولة لو أعطوا نفسهم فرصة،
ويكبروا مهنيًا لما يجمعوا الشغف مع الجدية
نصيحتي
- لا تستعجل النتائج
- ركز على إنك تكون شخص يعتمد عليه
- اسأل، تعلم، واشتغل كأنك صاحب المكان… حتى لو كنت في أول طريقك
البدايات المتعبة غالبًا تصنع ناس أقوياء على المدى الطويل
985
Mohanned Kattan
Sales & Marketing
6mo
ما تقدر تلهم فريقك بالالتزام، وأنت نفسك مو ملتزم… ولا تقدر تطلب حماس، وأنت فاقده
القائد الحقيقي يبدأ بقيادة نفسه قبل غيره، لأن الفريق ما يسمع أوامر القائد بقدر ما يقلّد سلوكه
وأنا شخصيًا اكتشفت هذا الشي في نفسي…
كنت عجول، وألاحظ أحيانًا يوصلني تسليم فيه أغلاط كان المفروض ما تطلع. ومع الوقت فهمت إن استعجالي انعكس على فريقي، وصاروا يحسوا إن المهم هو “السرعة” مو “الجودة”
من بعدها صرت دائما أقول لهم:
ما يهمني متى يوصل الشغل… قد ما يهمني يوصل صح، وأنت واثق منه
وفي النهاية…
أي سلوك أتبنّاه حتى لو بسيط راح ينعكس على فريقي بشكل مباشر، لأن الفريق هو مرآة لقائده
110
Mohanned Kattan
Sales & Marketing
4mo
لقاء "ساعة في ريادة الأعمال"
شغف، استمرارية، وقرارات مصيريه..
هكذا يبدأ الأثر الحقيقي..
شكراً لكل من حضر.. شكراً جادة 30..
110
Mohanned Kattan
Sales & Marketing
5mo
قبل عشر سنوات، كانت كثير من البراندات العالمية تشوف السعودية على إنها مجرد "سوق"
كنا ملف إكسل، هدف للإيرادات، ياخذوا حملة عالمية، يترجموها للعربي، وينشروها والسلام!
اليوم الأسلوب هذا ماعاد يأكل عيش، المستهلك السعودي واعي وذكي، يفتخر بثقافته ،ويقدر يكتشف المحتوى اللي بعيد عن ثقافته من أول نظرة
دائمًا أقول لشركائنا الدوليين:
"ما يكفي تترجم اللغة لازم نترجم الثقافة"
لازم تفهم حسّ الدعابة، وتفهم الجذور، وتفهم الطموح اللي تقوده رؤية 2030، المستهلك السعودي مو بس يشتري المنتجات، كمان يشتري القصص اللي تحترمه وتمثله
إذا تبغى تنجح اليوم في السعودية، وقف تبيع لنا...
وابدأ اشتغل معانا 🙏🏻
695
Mohanned Kattan
Sales & Marketing
7mo
كيف تطور نفسك في بيئة سريعة؟
- لا تعتمد على أحد يعلمك، علّم نفسك بنفسك
- إذا ما أخطأت، معناها ما جربت كفاية
- اسأل وناقش، بس لا تكرر نفس الغلط
- خذ ملاحظات الناس على محمل الجد، حتى لو كانت ثقيلة
كل يوم تتعلم فيه شي جديد، هو خطوة لقدام في مسيرتك المهنية ✨
158
Mohanned Kattan
Sales & Marketing
8mo
بعد شهور من الدراسة والتحدي، أفتخر اليوم بوصولي لنهاية رحلة الماجستير، أيام وليالي تفصلني عن الشهادة🎓✨
الرحلة ما كانت مجرد محاضرات، كانت تجربة مليانة معرفة، التزام، وتغيير في طريقة التفكير. والأجمل إنها رحلة تعلّمت منها أشياء حأقدر أفيد بها غيري وأطبقها في مسيرتي العملية 🙏🏻
أسأل الله أن يبارك في هذا العلم وينفعني وينفع به غيري 🤲🏻
256
Mohanned Kattan
Sales & Marketing
4mo
في مجالنا، سهل نترك نفسنا نركز على الأرقام، المشاهدات، اللايكات والمتابعين..نبدأ نتعامل مع الأرقام كأنها مقياس النجاح الحقيقي..
لكن مع الوقت أدركت أن الشهرة والتأثير مو نفس الشيء، الشهرة هي لما يعرف الناس اسمك.. والتأثير يعني الناس تثق بكلامك.
أنا ما أصحى كل يوم أفكر كيف أزيد متابعين. هدفي كل يوم هو الأثر اللي يتركه كل محتوى ننشره..سواء كان فيديو ١٥ ثانية، حملة مؤسسية، أو منشور نصي بسيط، له قوة.
قوة لتعليم طالب، قوة لإلهام مؤسس، قوة لتغيير منظور شخص 🙏🏻
وهذي القوة تجي معاها المسؤولية انك تكون صادق، واضح وحقيقي!
إذا تبغى تبني علامة شخصية أسأل نفسك:
تبغى تصير مشهور والناس تعرفك؟ ولاعندك هدف وتبغى توصل رسالة؟
الشهرة ممكن تختفي في لحظة أما الرسالة تبقى خالدة للأبد…
98
Mohanned Kattan
Sales & Marketing
3mo
أقابل كثير حديثين تخرج..
أذكياء أكاديمياً، فاهمين النظريات، ومعدلاتهم عالية.
لكن أول ما يدخلوا عالم الإعلام والتسويق...
يكتشفوا إن المعدل العالي غير كافي إنه يخليك جاهز للوظيفة.
لو بيدي أغيّر شيء واحد في المناهج الدراسية لمواد التسويق
حأغير التركيز من الكتاب إلى أرض الواقع في أسرع وقت ممكن لأنه الخبرة كلها في الميدان.
في أشياء مانتعلمها في المحاضرات:
- كيف تتعامل مع عميل يرفض الحملة للمرة الثالثة؟
- إيش تسوى لو مؤثر أختفى يوم تدشين الحملة؟
- كيف تدير الضغط لما موعد التسليم يقرّب؟
المرونة ما تُدرّس... تُكتسب من واقع خبرة.. أما المعلومات النظرية فهي فقط البداية.
وفي مجالنا، قيادة الفريق تحت الضغط هي اللي تصنع الفرق.
241
Mohanned Kattan
Sales & Marketing
3mo
فى قطان ميديا نسبة كبيرة من فريقنا ينتمي للجيل الأصغر، أعمارهم لا تتجاوز ال ٢٥ سنة.
هذا يعطي الشركة روح مختلفة. عندهم شغف وطاقة عالية، لكن احيانًا تنقصهم خبرة السوق ولمسة الاحتراف اللي تجي مع الوقت.
لما تظهر فجوات في الأداء، يكون عندي خيارين:
أفرض سلطتي كمدير، أو أقدّم توجيه ودعم.
و غالباً أختار الخيار الثاني.
بحكم خلفيتي كمدرب أعمال معتمد، أتعامل مع هذي المواقف بفضول مو بحكم. بدل ما أعطي أوامر مباشرة، أركّز على فهم وجهة نظرهم.
نشتّغل سوا على حدود مهنية صحية، وتطوير المهارات الناعمة اللي يحتاجوها للنجاح على المدى الطويل.
هدفى التمكين. أؤمن إنك إذا وجّهت الشغف هذا بالطريقة الصحيحة، فجوة الخبرة تتقفل بسرعة.
لكن فيه حد واضح. أنا أومن بالفرص الثانية و بالاستثمار في التطوّر، أول ما جودة شغلنا مع العملاء تكون فى خطر، هنا ينتهى دور التدريب، ولازم يتخذ قرار واضح.
نقدر نكون صبورين مع التعلم، لكن ما نقدر نساوم على التميّز وعلى جودة مخرجاتنا.
التعاطف أداة قيادية قوية، لكنه مو غطاء لضعف الأداء. نصيحتي دائماً للمدراء وأصحاب المناصب: استثمر في فريقك، لكن دائمًا احمي معاييرك 👌🏻
276
Mohanned Kattan
Sales & Marketing
8mo
بخصوص بوست أمس الي حرك مشاعر الكثير..
اذا الشخص نفسه مو زعلان وحيجيني المكتب أتعرف عليه…انت زعلان ليش؟
ماعرفت ليش صح؟
خذ دقيقه فكر..
برضو ماعرفت صح؟ طيب أنا حساعدك وأقولك ليش..
لأنك قاعد تنظر للموضوع من خلال جروحك الداخليه..و شخصنت الموضوع وحسيته عنك بدون ماتستوعب..عادي أنا كنت زيك والله بس وعيت وأتعلمت وطورت نفسي كثير الحمدلله..ومستعد أساعدك لأني أعرف احساسك كويس..ماهو احساس جميل ابدا 🤍
وصباح الخير ☀️
128
Mohanned Kattan
Sales & Marketing
8mo
اليوم ودعنا موظفة غالية علينا…
كانت طالبة عندي من ٧ سنين في جامعة UBT
خصمت عليها درجات في مشروع اختبار نصف الترم لأني أعتقدت أنه الفكره الي قدمتها كان قد تم تنفيذها من البراند واني شفتها في السوشال ميديا.. ما عجبها كلامي..
راحت للبراند (قهوة برو ٩٢) و شرحت لهم فكرتها وسالتهم اذا قد صارت قبل كذا وقالولها لا. جاتني بعد أسبوع بالإثبات أنها فعلاً نفذت المشروع من الصفر، ومن لحظتها حطيت عيني عليها، كان باقي لها ترم وتتخرج…
دربتها عندي في الشركة ٣ أشهر وبعدها اتوظفت على طول..ومن أول كم شهر لها معانا في قطان ميديا، كانت مسؤلة عن عملاء كبار جداً وأدارت آلاف الحملات وحصدت مئات الملايين من المشاهدات..كان مسؤوله عن ميزانيات بعشرات الملايين..وتدرجت في المناصب الى أن أصبحت مديرة قسم المؤثرين في الشركة.
دايماً أقولها، الشغف ثم الشغف ثم الشغف ثم الخبرة..
صراحة، يعزّ عليّ أخسر شخص بكفاءتها وحبها وخوفها للشغل، لكنّي فخور بالأثر اللي تركته وبالتطور اللي وصلت له..
أتمنى لها كل التوفيق والنجاح يا وجد 🙏🏻
Wajd Tahlawi
1.1K
Mohanned Kattan
Sales & Marketing
4mo
لسنوات طويلة، قطان ميديا كانت تشتغل كـ “شريك تنفيذي” للعميل.
العميل يطلب إعلان؟ نشتريه. يطلب محتوى؟ ننشره.
الشغل كان مستقر… بس ينقصه الإبداع. كنت متأكد أن فريقنا عنده القدرة يصنع أفكار استراتيجية… لكن كنا منفذين… الهدف كان نكون استراتيجيين.
مشكلتنا إن الإستراتيجية ما كانت من خدماتنا. ما كنت أقدر أطلب من العميل يدفع مقابل شي ما جربناه قبل.
وهنا جاتني فكرة أعرض استراتيجيتنا مجاناً..!!.
بدأنا نلاقي تحديات العملاء، نحدد المشاكل، ونقدم حلول استراتيجية بدون تكلفة زيادة.
والنتيجة؟ العملاء شافوا نتائج أفضل… مو لأنهم صرفوا أكثر، لكن لأننا بدأنا نفكر أعمق ونشتغل بطريقة اذكى.
اليوم، الاستراتيجية صارت من أهم خدماتنا… وسبب نجاح حملات كثيرة الحمد لله
الدرس: إذا تبغى قيمتك تزيد في السوق… ثبتها أول قبل ما ترسل الفاتورة للعميل
231
Mohanned Kattan
Sales & Marketing
7mo
غلطة صغيرة جداً ممكن تغرق السفينة كلها..
خصوصًا لو رؤية القبطان مو واضحة..
اليوم في “مدير في دقيقة” حلقة من العيار الثقيل..
عن أهمية ترابط كل أقسام الشركة كمنظومة واحدة متناغمة
خلاصة أكثر من ٤٠ سنة خبرة في دقيقة واحدة فقط! 👌🏻
ضيفي: باسم ولي
مدير التسويق والتطوير في شركة الجفالي للسيارات – مرسيدس بنز 🏁
Basim Wali
Kattan Media
99
Mohanned Kattan
Sales & Marketing
6mo
أصعب جزء في القيادة مو اتخاذ القرار…
الأصعب إنك تتحمّل نتيجته!
قرارات كثيرة تمرّ علينا، وبعضها ما يكون فيها “صح وغلط” واضح. تختار بين خيارين صعبين، وكل واحد منهم له ثمن…
في هذه اللحظات، القيادة ما تكون عن المنصب… تكون عن الجرأة. إنك توقف، تسمع، توازن، وتقرر حتى لو ما عجب الكل!
ما راح تقدر ترضي الجميع، لكن تقدر تكون صادق مع نفسك. والصدق، دائمًا، هو القرار الأصح على المدى الطويل..
61
Mohanned Kattan
Sales & Marketing
7mo
حملة ايكيا في افتتاح فرع المدينة المنورة
أدرنا حملة ايكيا بمناسبة افتتاح أول فرع لها في المدينة المنورة، كان هدفنا نخلق تفاعل حول الحدث، ونشرك المجتمع المحلي ونضمن مستوى عالي من الوعي والتطلّع للإفتتاح ✨
اشتغلنا على استراتيجية مؤثرين مدروسة، مع تطوير محتوى مخصص يتماشى مع اهتمامات الجمهور المحلي، وإدارة الحملة بحيث نحقق أقصى قدر من الزخم قبل وبعد الإفتتاح...
وبفضل الله، الحملة حققت أكثر من مليون مشاهدة عبر منصات التواصل، بما فيها سناب شات، تيك توك، إنستغرام، ومنصة إكس. وسجلنا تفاعل قوي وانتشار محلي لافت، مما جعل افتتاح المتجر حدث بارز لكل من ايكيا وسكان المدينة المنورة 🤍
98
Mohanned Kattan
Sales & Marketing
4mo
مع بداية أزمة كورونا، كان المشهد في عالم الوكالات واضح: الأولوية الحفاظ على الموجود… والهدف ببساطة: البقاء.
لكن وضعنا كان مختلف.
واحد من أهم عملائنا قرر يمشي عكس التيار.
بدل ما يقلّل الميزانية، قرر يستثمر ملايين في حملة إعلانية يومية وبشكل قوي جداً.
هنا واجهت قرار قيادي حساس:
إما نتمسك بعملائنا الحاليين ونرضى بنتائج متوسطة،
أو أراهن بكل قوتنا على فرصة واحدة كبيرة. وقتها قررت ألعبها صح وأركّز كل طاقتي على الفرصة الأكبر…
اتخذنا خطوة جريئة وقررنا إنهاء بعض العقود الصغيرة بشكل ودي، ووقفنا أي شي ثاني ماكان يخدمنا. ركزنا كل جهدنا وإبداعنا للعميل الجريء.
كان قرار فيه مخاطرة، خصوصًا في وسط أزمة اقتصادية عالمية لكن النتائج أثبتت صحة الطريق.
بينما كثير من المنافسين يحاولوا يثبتوا مكانهم،
قطّان ميديا حققت نمو في الإيرادات بنسبة 100٪.
ما كبرنا بانجاز أكثر،كبرنا بالتركيز والعمق في التنفيذ.
الدرس: في اللحظات الحسّاسة، التركيز غالبًا أقوى من التشتّت.
أحيانًا لازم تفضّي الطاولة للفرصة الأكبر قدامك.
25
Mohanned Kattan
Sales & Marketing
4mo
لا نبحث عن النجاحات السريعة…
الناس اليوم تشوف في قطان ميديا «قصة نجاح» بس مايشوفوا التخطيط والإخلاص والجهد اللي يصير خلف الكواليس…
نركز على لفت إنتباه الناس بترندات سريعة؟
ولا نخلي هدفنا التأثير على الناس منجد؟
الترندات سهلة، تقدر تشتريها، لكنه حتختفي بعد 24 ساعة...أما التأثير أصعب لأنه يحتاج صدق، ويحتاج هدف، وقصة الناس تهتم لها..
في قطّان ميديا اخترنا الطريق الأصعب، نقرب وجهات النظر بين العميل والجمهور مو بالصوت العالي، نربطهم بالرسالة الواضحة والقوية..
والسر الحقيقي في نمونا مو بس الاستراتيجية، السر إننا نفهم الثقافة بعمق..
تعلمت إنك ما تقدر تدير الإبداع بالطرق التقليدية، الإبداع يحتاج مساحة وثقة. الاستراتيجية تحدد الاتجاه، والذكاء العاطفي يحدد طريقة السير…
إحنا مو موجودين نصنع ترند والسلام، إحنا موجودين عشان يكون لصورتنا معنى، ولشغلنا أثر..
Kattan Media
207
Mohanned Kattan
Sales & Marketing
5mo
قلتها من ١٧ سنه في 2009 وبقولها اليوم بنفس الوضوح: أنا ما أبحث عن المخضرمين، ولا عن الشهادات ولا الدرجات أبحث عن الموهبة!
الشغف هو الوقود الحقيقي، وهو اللي يصنع الفرق في الإعلام والتسويق الرقمي
الأدوات تتغير، والمنصات تتطور،
لكن الموهبة اللي تعرف تفكّر، وتشتغل بوعي، وتحوّل الأفكار لأثر حقيقي…
هذا هو الإعلام اللي أشتغل عليه اليوم في قطان ميديا، وبهذا النهج نختار فريقنا ونبني شغلنا
Kattan Media
331
Mohanned Kattan
Sales & Marketing
4mo
في قطان ميديا نشتغل على مبدأ بسيط وواضح: تقدر تشتري مشاهدات، لكن الثقة لازم تكسبها.
نقاش نمر فيه على طول مع بعض العملاء ويصر العميل على اختيار "المؤثر الكبير" صاحب المشاهدات المليونية على وهم إن الانتشار الكبير حيضمن مبيعات!
عندي تجربة سابقة مع عميل تثبت إن المشاهدات لاتساوي مبيعات. العميل اختار مشهور مليوني و فريقنا نصح و بقوة إنه يشتغل مع صانع محتوى أصغر ومتخصص لكن عدد متابعينه أقل بكثير ولكن يثقوا فيه جداً.
وعشان نحسم الموضوع نفذنا الحملة مع الطرفين..
والنتائج أعطتنا درس واضح جداً..
المشهور المليوني:
* التكلفة: 50,000 ريال
* المشاهدات: حوالي 1,000,000 مشاهدة
* النتيجة: 5,000 لقطة شاشة "نية شراء"
صانع المحتوى الحقيقي:
* التكلفة: 12,000 ريال
* المشاهدات: حوالي 100,000 مشاهده
* النتيجة: 80,000 لقطة شاشة "نية شراء"
الأرقام تكلمت عن نفسها!
صحيح أن المشهور عمل انتشار واسع، لكن صانع المحتوى عمل تفاعل حقيقي تحول لمبيعات.
رغم أن المشهور حقق مشاهدات أكثر بعشر مرات لكن صانع المحتوى حصل على عملاء بنية شراء أعلى بعشرة أضعاف!
ليش؟ لأنه المصداقية تبيع..!!
اليوم صار أسهل على الناس تعرف تفرق بين إعلان مدفوع وتوصية صادقة..
ماصارو يشترو من اللي عنده متابعين أكثر، يشترو من اللي يثقو فيه..
"لا تطارد الإنتشار، طارد التأثير الحقيقي"
98
Mohanned Kattan
Sales & Marketing
3mo
المدير التنفيذي وصانع المحتوى:
كثير يسألوني هل صعب أبدّل بين دوري كمدير تنفيذي ودوري كصانع محتوى؟
بالنسبة لى الموضوع سهل وطبيعي
لكن بالنسبة للفريق الموضوع كان صعب في البداية.
كان عندنا مشكلة داخلية..
أنا مديرهم مسؤول عن الرؤية وقيادة الفريق..
وفي نفس الوقت أنا عميلهم صانع المحتوى أحتاج أفكار وتصوير وإدارة لحساباتي في مواقع التواصل.
في البداية الموضوع كان جداً حساس..
الأمور كانت داخلة في بعض..ما قدروا يفرّقوا إذا كان عميلهم هو اللي طلب تعديل ولا مديرهم…هل هذا تقييم أداء أم طلب من عميل..!!
وقتها فهمت إن المشكلة مو في الأشخاص..المشكلة في تداخل الأدوار.
فرتّبنا العلاقة من جديد..
فصلنا المسارات و وضعنا آلية واضحة.
صح الموضوع أخذ وقت لكن العلاقة أصبحت صحية أكثر الآن..
اليوم لما نشتغل على براندي الشخصي يعاملوني كأي عميل آخر. احترم إجراءاتهم وأعطيهم المساحة للإبداع.
الدرس: حتى لو كنت صاحب القرار لاتسمح لمنصبك يقتل الإبداع
182
Mohanned Kattan
Sales & Marketing
5mo
المتعارف عليه أن الناس يورثوا فلوس بس انا ورثت مسؤولية وتاريخ عريق من الإعلام.
كبرت وأنا أشوف والدي في عالم الإعلام والصحف كنت أتعلم منه كثير أحضر معاه بعض الاجتماعات والمناسبات…
وقتها كان الوضع مختلف تماماً عن الآن ما في خوارزميات، ولا ترندات…فقط علاقات وسمعة وأسبقية بتغطية الأحداث، والتزام حقيقي عشان تفضل دائماً عكاظ الصحيفة الأولى في المملكة.
شفت الساعات الطويلة اللي كان يشتغلها، والضغط، والدوام الصباحي والمسائي… يرجع البيت عشان ينام فقط
وشفت كمان الأثر اللي كان يتركه على الناس سواء مدراء أو زملاء..شفت تربعه على القمه أكثر من ١٤ سنه متتاليه على مستوى السعودية.
ناس كثير سألوني لما قررت أأسس قطان ميديا:
"ليش الإعلام؟ في شركات محتكرة السوق خلاص خليك في وظيفتك اضمن لك"
أنا ما بدأت الشركة عشان أكون "مشهور" بدأتها لأني أبغى أكمل المسيرة اللي والدي بدأها، مع مراعاة فرق الزمن والمستجدات. آخذت القيم القديمة اللي تبنى فيها الإعلام… الصدق، الثقة، كتابة قصص حقيقيه وتوصيل الصوت الحقيقي وطبقتها اليوم في عالم الإعلام الجديد…
أنا مو بس قاعد أبني مشروع…
أنا أحمل على عاتقي مسؤولية كبرت عليها.
والدي الدكتور وليد جميل قطان مدير عام صحيفة عكاظ السابق، أتمنى تكون فخور بالابن اللي علمته الاعلام 🙏🏻
360
Mohanned Kattan
Sales & Marketing
8mo
يوم قررت أستقيل… ما كنت أعرف بالضبط ايش أبغى، لكن كنت أعرف ومُتيقن ليش ما أبغى أكمل هناك
ومن لحظة المخاطرة هذي… بدأت رحلة “قطان ميديا”
٨ سنوات مرت، وكل خطوة فيها أكدت لي أن القرار كان البداية:
حققنا أكثر من مليار و ٢٠٠ مليون مشاهدة ✨
قصص نجاح لأكثر من ٣٠٠٠ مؤثر ✨
أنجزنا أكثر من ٢٠٠٠ حملة ✨
كل هذي الأرقام ما كانت بتصير لو ما قلت لنفسي وقتها خاطر!
238
Mohanned Kattan
Sales & Marketing
8mo
كيف تثبت نفسك وتطور مهاراتك في الشغل؟
كون مبادر: لا تنتظر أحد يوجهك، اقترح وشارك أفكارك
تعلم كل يوم: كل تجربة تعلمك شيء جديد ويقويك
التزم بجودة عملك: سلّم شغلك مضبوط وفي وقته، التفاصيل الصغيرة تصنع فرق
ابنِ علاقات صح: تواصل مع زملائك بإيجابية وشارك خبراتك
أسأل واطلب راجع: اعرف نقاط قوتك وضعفك، واشتغل على تحسينها باستمرار
اللي يطبق هذي الأشياء، وجوده في الفريق واضح ومؤثر وفرصته للتقدم أكبر
146
Mohanned Kattan
Sales & Marketing
8mo
أكثر شيء أفتخر فيه في فريقي، إنهم دايماً يصنعوا الطاقة الحلوة ما أحتاج أقول لهم "سووا شي مميز"، لأنهم دايماً يسبقوني بالمبادرة
من فعاليات الخميس اللي صارت عادة، إلى فطور "موظف الشهر"
سر نجاح أي شركة يبدأ من روح الموظف قبل أي شيء ثاني!
فخور بفريقي دائمًا 🤍
228
Mohanned Kattan
Sales & Marketing
8mo
صورة عزيزة تجمع الوالد وليد قطان – وقتها كان مدير عام لصحيفة عكاظ – مع مولاي خادم الحرمين الشريفين الملك سلمان الله يحفظه، وكان وقتها أميراً لمنطقة الرياض...
الصورة التقطت خلال دعوة كريمة من الملك، اللي كان معروف بحبه للصحافة والإعلام ودعمه الكبير للثقافة والقراءة في السعودية
ومن هذي اللحظة وتاريخ الوالد الكبير في الإعلام، قررت أكمل المشوار وأكون جزء من هذا المجال بطريقتي الخاصة ✨
ومن هنا بدأت رحلتي مع قطان ميديا، عشان أواصل مسيرة الوالد وأحافظ على نفس الشغف وأواصل العطاء بطريقتي الخاصة 🙏🏻
146
Mohanned Kattan
Sales & Marketing
7mo
في بداية عملي، كنت أظن إن أهم شيء في الفريق هو الخبرة!
اليوم، صرت أعرف إن الشغف يسبق كل شيء. الشخص اللي عنده حماس حقيقي يتعلم، يجرب، ويطوّر، يوصل أسرع من أي شخص يعتمد على خبرته القديمة!
ما أبحث عن موظف “يعرف كل شيء”، أبحث عن شخص يبغى يعرف أكثر كل يوم..
لأن اللي عنده شغف… ما توقفه وظيفة، ولا يحدّه منصب
249
Mohanned Kattan
Sales & Marketing
5mo
لما أسست قطان ميديا ترددت قبل ما أحط اسم عيلتي على باب الشركة. كنت ادور على اسم مختلف، وسهل الناس تتذكره بدون ما أعطي انطباع بشوفة النفس.
بس وقت ماكنت ببحث تذكّرت شيء عن السمعة علّمني إياه والدي الله يحفظه، إسمك هو الضمان اللي تقطعه، وإذا أخلفت أو قصرت، ما تسيء لشركة أو لكيان… أنت تسيء لإسم عائلتك!!
وقررت أسميها قطان ميديا، مو بدافع المظهر أو الغرور… ولكن عشان المسؤولية اللي بتجي مع الأسم، كل حملة نشتغل عليها، كل إيميل نرسله، وكل شخص ينضم للفريق يحمل جزء من اسم عائلتي.
ما أقدر اتخبى خلف شعار الشركة إذا أخطأنا، أنا اتحمل المسؤولية كاملة، وإذا نجحنا، نكون أكرمنا التاريخ العائلي اللي سبقني.
ودائمًا أقول لفريقي: إحنا ما نمثّل شركة فقط، إحنا نمثّل اسمي، واسم والدي، واسم عائلتي كاملة
خلوه دائماً معزز مكرم ومحل فخر زي ما الكل عهده
Kattan Media
594
Mohanned Kattan
Sales & Marketing
3mo
أمس طلعنا نتعشى أنا والفريق في عشاء غير رسمي..
لكن اللي صار كان أكبر من مجرد عشاء..
كنت أراقبهم وهم يضحكوا ويتكلموا مع بعض. وللحظة حسّيت كأني جالس مع أصدقاء يعرفوا بعض من سنين طويلة، مو مجرد زملاء عمل.
العلاقة بينهم كانت صادقة وعفويه..كأنهم أصدقاء من زمان، الجميل إنه بعضهم ما صار له معي إلا سنتين أو أقل..
الشركة ما تُبنى بالمشاريع فقط..تُبنى بالعلاقات، بالثقة، وبالإنسان قبل أي شيء.. وهذا أجمل إنجاز ممكن يحققه أي قائد..
لحظات زي كذا تذكرني قد إيش أنا محظوظ فيكم..
الحمدلله على النعمة..
شكرًا إخواني وأخواتي في قطان ميديا..الله لا يحرمني منكم 🤍
Kattan Media
236
Mohanned Kattan
Sales & Marketing
5mo
سنين كنت مرتاح خلف كواليس أشهر الإذاعات والبرامج في السعودية..
الخروج من منطقة الراحة ما كان سهل، ومخاطبة الملايين كانت من أصعب القرارات اللي أخذتها.
في بداية مسيرتي المهنية اشتغلت في التخطيط الإعلامي، جداول، ميزانيات، واستراتيجيات…كل شيء محسوب بدقة، وكل الشغل كان خلف الكواليس..كنت في منطقة آمنة، ما أحد يقيّمني أو يحاسبني.
وبعدها جاء التحوّل الكبير:
الراديو، وسائل التواصل الاجتماعي، والفيديو..
وفجأة وبدون تخطيط مسبق، صرت وجه إعلامي أطلع قدام الملايين وأخاطبهم بشكل مباشر وأحاول أوصل رساله هادفه..
صراحة، بالبداية كنت متردد..
أخاف ألخبط بالكلام، وأفكر كثير في ردود فعل الناس..
لكن مع الوقت، ومع الاستمرارية، كنت ألاحظ التطور يوم بعد يوم الحمدلله..
وفي النهاية، تعلمت درس مهم:
الناس ما تتواصل مع الشخص الكامل أو المثالي..
الناس تثق بالشخص الحقيقي الصادق..
ولو فضّلت البقاء خلف الكواليس، ما كنت بتطوّر،
وكانت قطّان ميديا بتكون مثلها مثل أي شركة عادية..وعشان كذا وُلدت بروح مختلفة…
روح تشكّلت من التجربة، يقودها الصدق، ويحرّكها تواصل حقيقي مع الناس 🙏🏻
اي كوم (٢٠٠٧-٢٠١٠)
مكس اف ام (٢٠١٠ - ٢٠١٤)
ام بي سي و بانوراما (٢٠١٤- ٢٠١٦)
عكاظ ديجتال (٢٠١٦-٢٠١٧)
قطان ميديا (٢٠١٧……….
255
Mohanned Kattan
Sales & Marketing
7mo
كمدير، دايم أقول لفريقي: الشغل الكثير ما يعني التقدّم، والإنجاز مو بس في عدد المهام اللي خلصناها
قبل تبدأ أي مهمة، اسأل نفسك سؤال واحد:
هل هذا الشي يقرّبنا من الهدف، ولا يخلينا ندور حوله؟
ترتيب الأولويات مو إنك تسوي كل شي بسرعة…
هو إنك تعرف ايش المفروض يبدأ أول، وايش ممكن ينتظر، الـ Deadline مو سباق سرعة، هو مقياس التزام
أحيانًا أهم قرار في يومك مو إنك "تنجز"، بل إنك "تختار ايش تنجز"واللي يفرّق بين فريق مشغول وفريق ناجح، هو كيف يستخدم وقته لخدمة الهدف
ترتيب الأولويات مهارة تُتعلَّم بالممارسة…
وأفضل طريقة نزرعها في الفريق، إنهم يشوفونا نطبّقها قبل ما نطلبها منهم
القيادة مو توجيه بس، القيادة قدوة
160
Mohanned Kattan
Sales & Marketing
4mo
الناس لما تسألني كيف دخلت عالم الدعاية والإعلان، تتوقع إني كنت جالس مع أهلي نتقهوى وصارحتهم بالموضوع..
فعليًا هذا الحوار ما قد صار…
الإعلام ما كان خيار بالنسبة ليا، لأني اتربيت عليه من وأنا صغير…
من وعمري 12 سنة، وأنا أحاول أستوعب هذا المجال… في وقت كانوا أصدقائي يبحثوا عن هوايات، أنا كنت أراقب والدي في اتصالاته، أنزل معاه الدوام في الويكند، أحضر معاه مناسبات وأقابل أشخاص أحلم إني أقابلهم اليوم… أشخاص أسسوا الدعاية والإعلان في السعودية. كنت أحضر مع الوالد الإيفنتات، وأشوف كيف كان يشرف على فريق العمل، وكيف كانوا ينسقوا كل شي قبل الحفل. فعليًا كنت أشوف كيف الفكرة تتحول إلى حقيقة…
لما قررت أكمل دراسة الجامعة في دبي. كنت ساكن مع أخويا وسام، يعني شقتنا صارت مكتبه الثاني. أشوفه كيف يبني مشاريعه، يختلف ويتصالح مع مديره، بناء الإستراتيجيات، حل مشاكل، وغيره…
زملائي كانوا يتعلموا نظري، في وقت أنا قاعد اطبق عملي بدون ما أنتبه…
صحيح ما كنت أشطر واحد في الجامعة، بس لما اتخرجت ما كانت معي شهادة واحدة فقط لأني ما تعلّمت من كتب دراسية ولا من محاضرات. تعلّمت بأني أعيش التجربة نفسها، أحضر فعاليات، أشارك في توقيع صفقات، وأبني علاقات وولاء حقيقي على أرض الواقع..
قطّان ميديا بالنسبة لي ليست مجرد وظيفة بل امتداد لإرث كنت جزءًا منه طوال حياتي وعشته على مدار 41 عامًا..
أنا ما أشتغل في مجال الدعاية والإعلان، أنا أعيشه كل يوم، وهي جزء من هويتي الشخصية…
Kattan Media
106
Mohanned Kattan
Sales & Marketing
8mo
احتفلنا أنا وفريقي في قطان ميديا باليوم الوطني ٩٥.. وطن تتجدد فيه الطموحات وتعلو معه الأحلام اللهم احفظ السعودية وقيادتها وشعبها 🤍
731
Mohanned Kattan
Sales & Marketing
2mo
ليش تركت منصب قيادي مريح عشان أبني قطان ميديا؟
أنا ما تركت شغلي لأني مو مرتاح…
تركته لأني كنت مقيّد.
في كل منصب قيادي اشتغلت فيه، سواء في MBC أو Mix FM أو عكاظ ديجيتال، كانت النهاية دائماً متشابهة. مو لأنه ما فيه فرص، لكن بسبب قيود النظام المؤسسي نفسه.
دائمًا فيه سقف واضح:
قد إيش تقدر تكون مختلف أو جريء، وقد إيش فعلًا تقدر تفيد العميل.
كان في صوت داخلي يقول لي:
تقدر تسوي أكثر… جرّب أفكار جديدة.
لكن الواقع؟
الإطار اللي تشتغل فيه ما كان يسمح.
لما تكون موظف، غالبًا تمشي ضمن حدود شخص غيرك حاطها لك.
وصلت لمرحلة فهمت فيها:
إذا أبغى أكسر الحدود وأقدّم شيء فعلاً مختلف…
لازم أكون أنا اللي يحدد القوانين…كان لازم أصير قائد وليس تابع..
لما قررت أبني قطان ميديا، الموضوع ما كان مجرد تأسيس شركة…
كان اختيار مدروس.
أبغى أجمع كل شيء تعلمته خلال 20 سنة في الدعاية و الإعلان، وأترك كل الأنظمة اللي كانت تعقّد الشغل بدون ما تضيف قيمة.
أبغى أصنع بيئة:
الأفكار فيها ما تنقتل بالإجراءات، والأفكار “المختلفة” تتحول لحلول ذكية.
المناصب المريحة مكان آمن…
لكن ما ينمو فيها شيء.
أنا ما بنيت قطان ميديا عشان مجرد منصب…
بنيتها عشان أزيل الحدود اللي تمنع البراندات توصل لأقصى إمكانياتها.
الدرس:
المنصب يعطيك صلاحيات…
لكن كسر الحدود هو اللي يعطي تأثير..
161
Mohanned Kattan
Sales & Marketing
7mo
قبل سنوات، كنت أدرّس طلاب في الجامعة، واليوم بعضهم صاروا زملاء… وبعضهم عملاء
اللحظة اللي تشوف فيها شخص كنت تعلمه يصير شريك نجاح، تكتشف إن العلاقات اللي تبنيها في مسيرتك المهنية هي الاستثمار الحقيقي مو كل الناس تبقى في نفس الدور، الزمن يبدّل المقاعد، واليوم اللي كنت فيه المتعلّم، بكرة ممكن تكون المعلّم
عشان كذا، نصيحة لأي مدير قسم أو قائد فريق:
- عامِل الناس باحترام نابع من قيمك، لا من موقعك
- شارك المعرفة، لأنها دايم ترجع لك في شكل نجاح جديد
- لا تستهين بأي علاقة مهنية، يمكن تكون سبب فرصة بكرة
- خليك القائد اللي يُذكر بالخير حتى بعد ما تتغير المناصب
اللي تبنيه اليوم بالاحترام، بكرة يرجع لك بالثقة وهذا هو جوهر القيادة الحقيقية
85
Mohanned Kattan
Sales & Marketing
8mo
لأننا ما نعرف المستحيل ودايمًا طموحنا فوق هام السحب 🇸🇦🤍
اليوم نحتفل بطبعنا، بتاريخنا، بثقافتنا، وبكل إنجاز يصنع فخر وطننا، ونمضي بكل فخر وعزّ، حاملين حب الوطن في كل عمل، وكل خطوة، وكل حلم نحققه ✨🤍
35
Kattan Media
Sales & Marketing
3mo
مقال جديد يتناول رحلة الرئيس التنفيذي مهند قطّان ودوره في تطور المشهد الإعلاني في المملكة العربية السعودية
اليوم الإعلان في السعودية يمر بمرحلة تحوّل حقيقية
المعادلة ما عادت مجرد حملة أو منصة… صارت فهم أعمق للسوق، واستثمار أذكى في الابتكار، وقصص تعكس هوية المجتمع وتواكب تغيراته
تكلم المقال على تجربة مهند في قيادة قطان ميديا، ومساهمة الشركة في تشكيل التغيرات والتحول في صناعة مشهد إعلاني أكثر تطورًا وتأثيرًا في السوق
إقرأ المقال: http://bit.ly/46POzmO
37
Mohanned Kattan
Sales & Marketing
8mo
بصفتي صاحب شركة، فيه أربع أشياء أساسية تخليّني أقرر كيف أوظف الشخص:
- روحه وثقته بنفسه
- شغفه بالشغل اللي يسويه
- مرونته وقدرته على التأقلم مع أي وضع
- إطلاعه على مجاله
وهذي كلها أقدر أحددها في أقل من ١٠ دقايق
400
Mohanned Kattan
Sales & Marketing
9mo
صورة غالية على قلبي من عام ٢٠١١، لحظة تكريمي من سمو الأمير خالد الفيصل ✨
التكريم كان بسبب رعايتنا لأحد أهم مشاريع إمارة منطقة مكة المكرمة لدعم الشباب، تجربة أفتخر فيها لأنها جمعت بين خدمة الوطن وتمكين طاقات المستقبل...
لحظة ما أنساها بكل تفاصيلها، وكل مرة أتأمل فيها نظرة الفخر في عيون والدي 🤍
276
Mohanned Kattan
Sales & Marketing
6mo
حديثي التخرج يُنظر لهم على إنهم “قليلين خبرة”
لكن الحقيقة إن عندهم شيء نادر
شغف عالي + قابلية للتعلم + مرونة
الميزة الكبيرة إنك كصاحب شركة تقدر تبني شخص على ثقافة شركتك، وتعلّمه الطريقة اللي تناسبك، وتخليه جزء قوي من فريقك مستقبلاً
في قطان ميديا، لما فتحنا أقسام جديدة، حرصت على استقطاب مدراء بخبرات عالية، ومعهم موظفين خريجين حديثين من جيل 2000
ماشفت لا خبرة ولا معدل اخترت الأشخاص اللي اظهروا لي شغفهم العالي، وأخذت وقتي في اني أعلمهم وأدربهم
واليوم هم وصلوا لدرجة عالية من المسؤولية. أيام كثيرة أطلع من المكتب، وهم لسه جالسين يشتغلون…مو لأن أحد أجبرهم، لكن لأن عندهم شعور حقيقي إن الأهم هو إنجاز الشغل، وأن يكون العمل اللي بيقدموه ممتاز
الاستثمار في حديث التخرج مو حل مؤقت…هو رهان طويل المدى على قوة فريقك القادم
2.1K
Mohanned Kattan
Sales & Marketing
5mo
فكرة جمعت علامة فاخرة ولمسة سعودية، وتحولت خلال 5 شهور إلى عمل فني على سيارة رينج روفر ، بإبداع طلاب وِرث
عمل جميل يثبت قد إيش المواهب السعودية قادرة تحوّل الأفكار لواقع بهوية واضحة 🇸🇦
Kattan Media وِرث | wrth
198
Mohanned Kattan
Sales & Marketing
5mo
أنا عضو في مجالس استشارية لثلاث جامعات
الناس تحسب أننا نتناقش عن المنهج والكتب الدراسية
الحقيقة لا، احنا نتكلم عن (Soft Skills) المهارات الشخصية
السوق ما يعاني من نقص في الأشخاص اللي يعرفوا يستخدموا الفوتوشوب أو الذكاء الإصطناعي، يعاني من نقص في الأشخاص اللي يعرفوا كيف:
- يستقبلوا الملاحظات بدون شخصنة
- يوصلوا الأخبار السيئة بدري، مو بعد ما تكبر المشكلة
- يحلوا المشاكل بنفسهم بدون انتظار تعليمات
قلت لأعضاء المجلس الأسبوع اللي فات:
"اعطوني طالب بدرجات متوسطة لكن عنده ذكاء عاطفي عالي، وأوصله لمنصب مدير خلال ثلاث سنوات. وأعطوني طالب معدله 100% بدون ذكاء عاطفي وماراح يقدر يكمل 3 شهور"
المهارات التقنية توصّلك للمقابلة…
لكن مهارات التعامل مع الناس… هي اللي تبني مسيرتك المهنية
875
Mohanned Kattan
Sales & Marketing
7mo
مو كل شي تبدع فيه… لازم تكون دارسة!
الخبرة ما تجي بس من مقاعد الجامعة، تجي من التجارب، من الأخطاء، من الاحتكاك الحقيقي بالشغل، في ناس شهاداتهم ما كانت في التسويق، لكن شغفهم خلاهم يصيروا من أذكى الناس في المجال، وفي ناس معاهم أعلى الشهادات… بس ما عرفوا يطبّقوا اللي تعلموه...
الدراسة مهمة، بس الأهم إنك تعرف تتعلّم من الحياة، من مشروع، من نقاش، من تحدي… لأن كل تجربة تمر فيها هي شهادة جديدة باسمك 👌🏻
في النهاية المجال اللي تبدع فيه هو اللي يشبهك… مو اللي مكتوب في شهادتك وهذا هو الفرق بين اللي "درَس" التسويق… واللي يعيش التسويق كل يوم 🤍
220
Mohanned Kattan
Sales & Marketing
4mo
قبل تأسيس قطّان ميديا بسنوات، بدأت مسيرتي المهنية خلف المايكروفون في اذاعات رائدة مثل Mix FM و MBC و بانوراما إف ام.
الإذاعة كانت مدرسة مختلفة تمامًا لأنها تعتمد على حاسة السمع فقط..يعني لو رسالتك ضعيفة ماحتقدر توصل المعلومه..لأنك تملك فقط صوتك وانتباه المستمع..
الضغط في بيئة العمل في الإذاعة عالي جداً، وعلمتني قاعدتين أساسية في التواصل، وما زالت إلى الآن تشكّل جوهر شخصيتي في العمل:
١ - وجه كلامك إلي شخص واحد فقط وليس الجمع. في البث كان يسمعونا ملايين الأشخاص.. ما ينفع نخاطبهم كلهم ونقول مثلا (مرحبا بالمستمعين). أنجح المذيعين يتكلموا كأنهم يخاطبوا شخص واحد جالس جنبهم في السيارة لأنه بيحس الكلام موجه له شخصياً.
٢- إحسب الثواني مو الدقائق. في عالم الأعمال نحدد الاجتماعات بنص ساعة أو ساعة، لكن في الإذاعة كل ثانية محسوبة. خمس ثواني صمت تحسها طويلة، ومع الوقت تتعلم تكون مختصر، واضح، وتحترم وقت الناس..كنت أحاسب المذيع اذا اتاخر ١٥ ثانيه عن البث.
وترا ٢٤ ساعه على الهواء مباشره ٧ ايام في الأسبوع ما كانت سهله، الوضع كان دائماً توتر..لكنه كان توتر جميل..
اليوم، ومع منصات مثل تيك توك وإنستغرام، هذا المبدأ صار أهم من أي وقت فات.
ما عندنا دقائق نكسب فيها ثقة الشخص، عندنا ثواني فقط. وسيلة التواصل تغيّرت، لكن طريقة تفكير الإنسان ما تغيّرت…
احترم الوقت، وخاطب الفرد.
203
Mohanned Kattan
Sales & Marketing
4mo
سعدت جدًا بمشاركتي كمتحدث في لقاء أصدقاء جادة 30
حديث صادق عن الحضور الإعلامي، وصناعة المحتوى كمسار مهني حقيقي لما يكون له اتجاه واضح وتنفيذ واعي ومستدام.
شاركت مواقف مفصلية من رحلتي، تحديات واجهتني، وأخطاء تعلّمت منها…
والأجمل كان الحوار بعد الجلسة. أسئلة واقعية، طموح حقيقي، ونقاش قريب من تحديات السوق اليوم..
شكرًا جادة 30 على الدعوة والمساحة الجميلة وشكرًا لكل شخص حضر وشارك وصنع قيمة في اللقاء 🙏🏻
111
Mohanned Kattan
Sales & Marketing
8mo
نجاحاتنا مع مرسيدس بنز
في 2018، اشتغلنا في قطان ميديا على مهمة الحفاظ على مكانة مرسيدس-بنز كعلامة سيارات فاخرة، وبناء تفاعل حقيقي ومستمر مع جمهور متنوع وعلى المدى الطويل
اشتغلنا على نهج متكامل يجمع بين اختيار المؤثرين المناسبين للعلامة وصناعة محتوى يعكس أسلوبها الفاخر بطريقة طبيعية ومدروسة
الاستراتيجية ركزت على الدمج الذكي بين المؤثرين والمحتوى، لضمان حضور متوازن يعزز العلاقة بين العلامة وجمهورها ويحافظ على استمرارية التفاعل
النتائج كانت واضحة:
- أكثر من 350 تجربة قيادة ناجحة عبر تعاونات المؤثرين
- أكثر من ثلاث جوائز عالمية
تجربة مرسيدس كانت من التجارب اللي نفتخر فيها، لأنها أسست قاعدة طويلة الأمد للعلاقات مع المؤثرين، وما زالت مرسيدس-بنز تبني عليها اليوم كجزء أساسي من استراتيجيتها التسويقية المستدامة
310
Mohanned Kattan
Sales & Marketing
8mo
أحيانًا يجي في بالي سؤال:
ماذا لو جبت شخص يدير شركتي؟
وأنا رجعت أتوظف من جديد… في القطاع الخاص أو الحكومي؟ أو حتى اكتشفت نفسي في مجال مختلف تمامًا؟
هل فعلاً نقدر نسمع للصوت الداخلي اللي يقول “جرّب طريق جديد”، ولا خلاص صرنا محصورين في المسار اللي اخترناه؟
صوت داخلي زي كذا… هل قد جاك؟ سمعت له أو طنشته؟
99
Mohanned Kattan
Sales & Marketing
5mo
إحنا ما ندور عن العميل اللي عنده أكبر ميزانية..!!
دائمًا انسأل "مين أفض عميل في قطان ميديا؟"
وكثير يعتقدوا إننا ندور على أكبر عميل أو العميل صاحب الميزانية الأكبر..
بس الحقيقة غير ..اللي يهمنا فعلًا هو الإيمان بالفكرة!
لما يجي عميل ويقول:
"ابغا مشاهدات"، غالبًا نعتذر منه!
لأننا نبحث عن شراكات لها قيمة ومعنى
لكن لما يجي عميل ويقول: "نبغى نغيّر نظرة الناس لمجال معين"، هنا عيوننا تصير قلوب
لأننا نبحث عن شركاء يعرفو إن التسويق الحقيقي مهو المحتوى فقط!
هو شجاعة في رواية قصة حقيقية، وشجاعة إنك تكون مختلف في وقت الناس تقلد بعض وتبحث عن ترند ولا تركب الموجه والسلام
لعملائنا اللي دائمًا يشجعونا نكون أفضل: شكرًا لكم 🤍
ولعملائنا المستقبلين اللي حابين شيء حقيقي، الله يحيكم في قطان ميديا ✨
175
Mohanned Kattan
Sales & Marketing
6mo
دائمًا أنتبه لشي مهم… أغلب الناس تشتغل بجهد، بس مو الكل يشتغل بوعي
الانشغال مو معناته تقدّم، وتكرار الشغل مو معناته تطوير
وعادة أسأل نفسي وفريقي…هل إحنا نتطور فعلًا… ولا نعيش نفس اليوم كل يوم؟
وبين فترة وفترة، أحب أخلي كل موظف يجرب مهمة جديدة
مو عشان أصعّب عليه أو أحمّله أكثر…
لكن عشان يتطور، ويكسر الروتين، ويكتشف مهارات ما كان يعرف إنه يملكها. لأنّي مؤمن إن كل شخص في الفريق لازم يضيف لنفسه مهارة جديدة باستمرار، مو بس ينجز مهام وينتهي
118
Mohanned Kattan
Sales & Marketing
5mo
الصمت كان سيد الموقف!
قفلت من مكالمة…مشروع اشتغلنا عليه شهور راح!
في عالم التسويق، الكل يحب يشارك النجاحات، قليل اللي يتكلم عن الخسائر..
الشهر اللي فات، قطان ميديا خسرت عميل مهم!
مو بسبب تقليص ميزانية، ولا تغيير في الاستراتيجية بكل بساطة كنا في منطقة الراحة!
بدل ما نتعامل معاه كأنه شريك جديد، تعاملنا كأنه دخل مضمون وتجاهلنا التفاصيل الصغيرة…
بعد المكالمة، كان عندي خيارين كمؤسس:
١- ألوم الفريق؟
٢- ألوم طريقة التنفيذ؟
لكن الصراحة اخترت ألوم نفسي!
جمعت الفريق وسألتهم:
"كنا ماشين تمام ايش صار؟"
جلسنا سوا أربع ساعات نعيد بناء طريقة تعاملنا مع العملاء و المشاريع من الصفر…
أنا أكره الخسارة، بس أحب الدروس اللي تجي معها 🙏🏻
وأحب أقول لفريقي "نقطة ومن أول السطر"
Kattan Media ✨
351
Mohanned Kattan
Sales & Marketing
7mo
الفريق ما ينعرف بعدد أفراده، ينعرف بعقليته..
الهدف مو إنك تجمع ناس تشتغل… الهدف إنك تجمع ناس تفكر بنفس الإتجاه!
دائما أدوّر على الشخص اللي عنده فضول، اللي يسأل “ليش؟” قبل ما يقول “تم”.اللي يفكر بالقيمة قبل المهمة، وبالنتيجة قبل الجهد..
القيادة ما تعني إنك الأذكى في الفريق، تعني إنك تبني فريق يخليك أقوى كل يوم!
117
Mohanned Kattan
Sales & Marketing
4mo
في فترة حجر كورونا، تغيرت قواعد البيع التقليدية في يوم وليلة، الكل صار لازم يواكب أو يقفل... التحدي كان كبير لواحد من أهم عملائنا في مجال الاتصالات، كل الفروع قفلت حظر تجوال في كل مكان لكن الكل يحتاج إنترنت، جوالات وأجهزة....
في وقت الكل عمل ايقاف مؤقت على صرف ميزانيات التسويق إلى أن تتضح الصورة ويعرفوا مصير الأزمة.
لقت الشركة فرصة مختلفة ومميزة وقدرت تصرف أكثر في الديجيتال.
صح الشوارع كانت فاضية لكن العالم الافتراضي كان مزدحم أكثر من أي فترة مضت الناس في بيوتهم، وكل تواصلهم وترفيههم صار على الأجهزة
أتخذنا تحول استراتيجي سريع. ركزنا على حملات تسويق عبر المؤثرين، وحوّلنا صناع المحتوى الى قوة بيع رقمية بهدف واضح نتجاوز إغلاق الفروع وندفع المستخدمين لاستخدام تطبيق الشركة لشراء المنتجات
النتائج كانت مبهرة في وقت كان فيه الاقتصاد العالمي يمر بشكل بطيء، ساعدنا الشركة تحقق نسبة نمو 40% في الإيرادات الرقمية على مستوى المملكة. ما اكتفينا بتعويض غياب زيارات للفروع، بل حققنا أرقام قياسية في زيارات التطبيق.
والدرس اللي خرجنا فيه من هذي التجربة ومازال الجزء أساسي من فلسفتنا اليوم: الطلب في السوق نادرا ما يختفي، هو فقط يغيير مكانه البراندات الناجحة اللي تتحرك بسرعة وتلاحق انتباه الناس.
101
Mohanned Kattan
Sales & Marketing
8mo
في قطان ميديا نؤمن إن السر مو بس في الفكرة، السر في المتابعة اليومية لكل التفاصيل اللي تصنع الترند ✨
نراقب كل جديد في عالم المؤثرين ايش يشاركوا، فين يسافروا، إيش يحبوا، ايش يتكلموا عنه اليوم لأن فهم يومياتهم هو اللي يساعدنا نخلق إعلان حقيقي، يشبههم ويشبه جمهورهم
وبكذا نقدر نربط بين احتياج العميل وأسلوب حياة المؤثر، عشان نطلع بحملة ما تكون مجرد إعلان، بل قصة نجاح نعتز فيها 💫
Kattan Media
275
Mohanned Kattan
Sales & Marketing
4mo
لما أتوظفت في شركة عكاظ للنشر الالكتروني في 2016 الهدف كان واضح، كيف أحول إسم عريق في عالم الإعلام إلى منتج ديجيتال. المسؤولية ماكانت سهلة، أول قرار غيرت اسمها إلى شركة "عكاظ ديجيتال" وحولت اللوقو من أخضر محطوط علي علامة "@" إلى لوقو أحمر عصري يواكب عالم الديجيتال.
توقّعت إن أكبر التحديات اللي راح أواجهها حتكون تقنية، كيف نعرض المحتوى؟ أي منصات نستخدم؟ وكيف نطوّر شكل الصحيفة؟
اكتشفت إني كنت غلطان. التحدي الحقيقي ما كان في الأدوات، بل في تغيير طريقة التفكير القديمة، وفي الذكريات والمشاعر المرتبطة بالاسم نفسه عند ناس كثير.
التغيير ما كان سهل، لا على الموظفين، ولا القرّاء، ولا حتى الشركاء.
من بعض الأمثلة اللي واجهت فيها صعوبة كان الإيميل.
بدل ما أبدأ يومي وأشوف ايميلي وأرد عليه، كان السكرتير يطبع كل الإيميلات، يحطها في ملفين: (صادر/وارد)، ولازم أنا أكتب الرد بخط اليد، عشان بعدها تنرسل للمكاتب المعنية...
تخيّل…ولا أحد كان يشيّك إيميله، تواصلهم كان ورقي في شركة منتجاتها كلها ديجيتال..!!
إحنا في عصر السرعة..كان لازم أسوي تغيير جذري..كثرة الخطابات والأوراق كانت تبطئني..!!
الآن وبعد ١٠ سنين لما أتذكر هذي المواقف، استوعبت إن قراراتي ماكانت صائبة للاسف.
حاولت أعمل تغيير سريع جدًا وأحارب كل شخص رافض التغيير. ماكنت أعرف إني لازم اسويها حبة حبة، الموضوع ماهو مجرد تحديث زي ما نسوي تحديث الأيفون ..
كنت قاعد أحاول أجري وأقفز في وقت كل الشركة كانت لسا بتتعلم تسوي تمارين إطاله..
الدرس الي أتعلمته في إدارتي لعكاظ ديجيتال كان درس مهم جداً ساعد في تكوين طريقة إدارتي الأن..
سهل جدًا إنك تشتري أفضل البرامج وتوظف ناس خبيرة لكن ما راح تتطور بدون ماتستثمر في تغيير طريقة الفكر..لأنك حتفضل في مكانك سر…
التقنية ممكن تتغير في يوم وليلة..
لكن تغير الفكر يحتاج صبر…..وتمارين إطاله
66
Mohanned Kattan
Sales & Marketing
2mo
أول مرة استوعبت إن الإعلام مسؤولية… مو سُلطة.
جلست سنين في الراديو و أنا احسب إن عندي قوة وتأثير.
لكن الحقيقة؟ اللي كان عندي هو مسؤولية.
خلال فترة عملي في MBC و Mix FM، الحماس كان مختلف لما تكون خلف المايك..
لما صوتك يوصل للملايين، سهل تحس إن عندك قوة.
لكن لما انتقلت من الراديو وتعمقت في السوشل ميديا، نظرتي للتأثير تغيّرت بالكامل.
في الراديو، التفاعل غالبًا ينتهي لما المستمع يطفي السيارة.
لكن في السوشل ميديا، التفاعل بداية لاتنتهي ..
مثلاً: أتكلم عن مطعم والناس فعلاً تروح له, وأصوّر فندق والناس تسأل عنه! وألبس ملابس ويسألوني: من فين؟
هنا كانت لحظة الإدراك..!!
فهمت إن لو شاركت شيء مميز… أنا أضيف قيمة.
لكن لو نشرت شيء ماله هدف … ممكن أقتل التفاعل.
ومن هنا بدأت فكرة قطان ميديا…
مو هدفنا نطارد الأرقام، بل نحمل على عاتقنا مسؤولية التأثير.
في السوق السعودي، الثقة هي أهم عملة. والمصداقية مو مجرد "خيار جميل"، بل هي الاستراتيجية الوحيدة اللي تستمر…
وقفت أنشر لمجرد التواجد صرت أنشر عشان أفيد، وأشارك الشيء اللي يضيف قيمة حقيقية للجيل الجديد ولشركاء نجاحنا.
الدرس: التأثير حق لجمهورك عليك، مو شهادة تضيفها للرف.
43
Mohanned Kattan
Sales & Marketing
8mo
الفريق القوي ما يعني أفضل ناس في كل تخصص، الفريق القوي هو اللي يعرف كيف يشتغل مع بعض...
في قطان ميديا دايماً نقول: الفكرة تبدأ من شخص، بس تنجح لما الفريق يصدقها 🤍
60
Mohanned Kattan
Sales & Marketing
6mo
التحدي الحقيقي هو كيف نتعامل مع الكل باحترام ومسؤولية، حتى لو اختلفنا في الشخصية أو طريقة التفكير أو التعامل
ضيفتي في مدير في دقيقة: أخصائية البشرة هيام إسماعيل
50