Amr Al-Madadha's Recent LinkedIn Posts

"اتركوا الوظيفة… الوظيفة عبودية." حرام تزرعوا هذا الكلام في عقول الشباب. اللي قاعد بصير شيء خطير جداً. أنا بشوف شباب يتركوا وظائفهم عشان حضر reel عشرين ثانية بحكي إنه الوظيفة عبودية! وبتركوا وظائفهم بدون خطة، بدون مشروع، بدون دخل وفي النهاية؟ بقعدوا بلا وظيفة ولا تجارة ولا إيشي!! خلينا نسأل سؤال بسيط: لما تروح على المستشفى ويعالجك طبيب موظف هناك… هل هذا الطبيب إلي عالجك عبد لأنه موظف؟ أكيد لا. المعلم موظف. المهندس موظف. الطبيب موظف. وكلهم ببنوا مجتمع. مش كل الناس رواد أعمال. ومش كل الناس خُلقوا للتجارة. المجتمع لا يُبنى بالتجار فقط… بل بالمهندسين، والمعلمين، والأطباء، والموظفين كمان. إذا نجحت في تجارتك، احمد الله. بس لا توهم الشباب أن طريق النجاح واحد فقط.  وتخلوهم يتركوا وظائفهم وما يلاقوا باب رزق وفي النهاية تبقى القاعدة الذهبية: قال الله تعالى: ﴿أَهُمْ يَقْسِمُونَ رَحْمَتَ رَبِّكَ ۚ نَحْنُ قَسَمْنَا بَيْنَهُم مَّعِيشَتَهُمْ فِي الْحَيَاةِ الدُّنْيَا وَرَفَعْنَا بَعْضَهُمْ فَوْقَ بَعْضٍ دَرَجَاتٍ لِّيَتَّخِذَ بَعْضُهُم بَعْضًا سُخْرِيًّا﴾  المعنى: الله جعل الناس مختلفين في الأعمال والوظائف حتى يخدم بعضهم بعضاً ويقوم المجتمع....

رمضان خريطة! أنا أول واحد بعاني من قلة النوم، والجوع، والعطش، والتركيز… بس رمضان جد أكبر فرصة ولازم نستفيد منه. 1️⃣ أقوى روتين صحي مجاني! • صيام 16 ساعة = ديتوكس طبيعي وراحة للجسم. • بس 8 ساعات أكل: فرصة للأكل الصحي والتخسيس. • العلم بثبت فوائد الصيام المتقطع… وإحنا عنا شهر كامل منه. 2️⃣ النية هي السلاح السري! (إنما الأعمال بالنيات) أي عمل بسيط ممكن يصير عبادة وبركة وأجر: • مساعدة زملائك بالشغل. • تعطي ملاحظة بنّاءة أو نصيحة لزملائك. • حتى ابتسامة مع الـ TEAM ممكن تكون نية لتحسين جو العمل. 3️⃣ رمضان = Bootcamp تدريب مكثّف! • صبر تحت الضغط. • ضبط العصبية (المفروض). • إدارة الوقت بين الشغل، العبادة، والأهل. • قوة الإرادة والتخلّص من العادات السلبية. رمضان مش شهر تعب… هو جد فرصة ذهبية ذهنية لو عرفنا نستغله...

صحتك ثم صحتك!

للمدراء وأصحاب الشركات Friendly reminder إذا ما رقّيت موظف بستحق الترقية... هو رح يرقّي حاله لحاله! بس مش بالطريقة اللي بتتوقعها!! بحكيلك نفس الراتب ونفس المنصب، ماشي! شغلي راح يصير أقل!، مسؤوليات أقل، جهد أقل، وبعمل بس إللي علي ولا إيشي زيادة، وبسميها بكل بساطة: “Self-Promotion” الخلاصة: إذا ما كافأت الأداء العالي... رح يتحول لأداء عادي...

"ولا تنسوا الفضل بينكم" لو تسألني عن أحسن صفة تكون بأي إنسان يكون بحياتي بالشغل و برة الشغل، رح أختار الامتنان! ممكن الصفات السلبية الثانية ممكن أتجاوزها… بس اللي ما عنده امتنان، صعب يكمل بأي علاقة إن كانت بالشغل أو برة الشغل... ولا يؤتمن جانبه... أول ما يصير خلاف أو مشكلة، بنسى كل إيشي وبظهر وجه مزعج! بس الانسان الممتن بتذكر المواقف الحلوة، الدعم، والكلمة الطيبة… حتى لو كانت بسيطة. وقتها بسأل حاله: هل هالموقف السلبي بمحي كل هالفضل؟ الامتنان بيخلّي الإنسان يهدأ، ويتغاضى، ويختار العلاقة بدل المشكلة وأنا بحكي بشكل عام، حتى علاقتنا مع الشركات والمؤسسات إللي بنشتغل فيها! يمكن عشان هيك القرآن حطها قاعدة لكل العلاقات: "ولا تنسوا الفضل بينكم." صدق الله العظيم

ال ١%... كلنا بدنا نترك أثر… بدنا نبني إرث يتذكرونا فيه بعد سنين. بس أغلبنا بيفكر إنه الإرث لازم يكون مشروع ضخم، أو اختراع يغيّر العالم. الحقيقة، الإرث بتبنيه من تفاصيل صغيرة… من عادات يومية ما حدا صَفّقلك عليها. 📌 جيمس كلير في كتاب Atomic Habits بحكي: لو طورت نفسك 1% بس كل يوم، بعد سنة رح تكون أفضل بـ 37 ضعف! بأي عادة! إيجابية كانت أو نترك عادة سلبية! فكروا فيها... زي تقرأ صفحتين من كتاب كل يوم - بعد سنة بتكون ممكن تكون قرأت 10 كتب. أو ممكن تبلش تقلل من عادة سلبية: تقلل 1 سيجارة باليوم... يعني مش مطلوب منا إنغيّر العالم اليوم… المطلوب نزرع عادة بسيطة ونكررها. هاي الـ 1% اللي بكرة رح تكون إرثك. العظماء ما كانوا يعرفوا إنهم عظماء. بس كانوا يكرروا عادات بسيطة للعظماء… كل يوم.

المرء حيث يضع نفسه...

قاعدة ٩٠/١٠ لستيفن كوفي

أنا مش شيخ دين أو مفتي! بس وأنا بقرأ بالايات: "وَيْلٌ لِّلْمُطَفِّفِينَ، الَّذِينَ إِذَا اكْتَالُوا عَلَى النَّاسِ يَسْتَوْفُونَ، وَإِذَا كَالُوهُمْ أَو وَّزَنُوهُمْ يُخْسِرُونَ" (المطففين: 1-3) فكرت إنه الواحد منا ممكن يطَفِّف في شغله وهو مش حاسس! التطفيف مش بس بالغش بالميزان، التطفيف بكل شيء: إذا بتطالب بحقوقك بالشغل بس بتتكاسل بشغلك، أو بتتوقع من فريقك الالتزام بالمواعيد وانت دايمًا متأخر! أو إذا بدك الناس تقدّرك بس انت ما بتقدّر تعبهم! التطفيف مش بس بالتجارة، هو خلل بالمصداقية والأمانة بالشغل. العدل مش بس تاخذ حقك، العدل إنك تعطي كل ذي حق حقه...

للبيت رب يحميه... في الشغل… في أمور كثير ما إلنا دخل فيها... قرارات أو سياسات، مرات ما بتمشي زي ما بدنا! ومش كل إيشي بالشغل بمشي زي ما إحنا حابيين! بس بالنهاية إحنا علينا نعمل اللي علينا.. ومسؤولين عن شغلنا... فنشتغل بضمير... ونعطي أفضل ما عندنا... إذا أخذوا بشغلنا… ممتاز... وإذا ما أخذوا فيه… (للبيت رب يحميه)... فالفكرة من الموضوع ما تزعل حالك بأمور خارجة عن قدرتك في الشغل وحتى في الحياة.. زي ما قال عبد المطلب بن هاشم لما إجا أبرهة الأشرم ليهدم الكعبة المشرفة: "أنا رب الإبل… وللبيت ربٌ يحميه." فإعمل اللي عليك… والباقي للبيت رب يحميه...

3 فرص توظيف لموظفي مبيعات للعمل في Brand أردني فاخر للبدلات (Suits) 👔 👨‍💼 👨‍💼موظف مبيعات (عدد 2 ) 👩‍💼موظفة مبيعات (عدد 1) 💰 الراتب يبدأ من 400 دينار + زيادة حسب الخبرة + نسبة على المبيعات ⏰ الدوام: 11 صباحًا – 9 مساءً (مع ساعة استراحة) 📩 أرسل CV على: itsdramr@gmail.com

فرص عمل وصلتني اليوم - يمكن تهمك أو تهم شخص بتعرفه 1️⃣ Account Manager (Mid-Level) في وكالة تسويق عم يدوروا على Account Manager شاطر. إذا عندك خبرة بالتسويق وبتعرف تدير العلاقة مع العملاء وتشتغل مع فريق الإبداع والتسويق… هاي ممكن تكون فرصتك. المطلوب بشكل سريع: • خبرة 2–5 سنوات • عربي وإنجليزي ممتاز • شخص منظم وبيعرف يدير الشغل بين الفريق والعملاء 📩 إرسال CV: Careers@anotheragency.me 2️⃣ موظف مبيعات معارض – المقابلين شركة في المقابلين بدها موظف مبيعات معارض. المطلوب: • خبرة 3 سنوات بالمبيعات داخل المعارض • مهارات إقناع وتواصل قوية • لبق بالتعامل مع العملاء 📩 إرسال CV: HR@acitjo.com