Ahmad Fathy's Recent LinkedIn Posts

المرة دي غير ❤️ اللهم لك الحمد، أنا بنيت واشتغلت على مشاريع بمختلف الأحجام، من أول حاجات ما بيستخدمهاش غيري لحاجات بيستخدمها عشرات الآلاف لملايين. والفترة الأخيرة، وخاصة آخر ٦ شهور، أعتقد أني بنيت أكثر ما بنيت في حياتي كلها، ولله الحمد. من الحاجات اللي بدأتها مؤخرًا واللي بتاخد من يومي ما بين ١٠–١٤ ساعة هي Peaktify، واللي بالنسبة لي كانت تجربة مختلفة في حتت كتيرة: - أول شركة أكون شريك مؤسس فيها ويتعمل لها تمويل بالطريقة التقليدية، واللهم لك الحمد ربنا وفقنا فيها جدًا لدرجة انه تخطى أي حاجة ولله الحمد ممكن تشوفها في شارك تانك. - أول شركة تكون مبنية لسوق كبير جدًا، ويكون اعتمادها الأكبر على AI-Driven Development. - أول شركة يكون حجر الأساس بتاعها بعد الـ Golden Business Value هو كيفية استخدام الـ AI عشان يغير تجربة قطاع من المستخدمين بعيدين بشكل كبير عن انه يدخل في كل حاجة في حياتهم اليومية في الشغل بسبب التعقيد الخاص بطبيعة شغلهم. - أول مشروع Agentic شغال بواحدة من أجمل الـ Architectures، واللي هي HITL (Human in the Loop) عشان تساعد قطاع مهم جدًا (Business Solutions Partners) من أول الـ Analysis لحد الـ Go-Live. شركات كتيرة قدمت عشان تجرب Peaktify وكنا لسه ما فتحناش الـ Early Access، بس دلوقتي الحمد لله الـ Homepage خلصت وتقدر تدخل تشوف Interactive Demo من على الـ Desktop، وكمان تقدر تحجز ميعاد عشان تشوفه بنفسك. تابع تطور Peaktify لانها باذن الله هتكون من اكبر الحاجات اللي هتشوفها الفترة اللي جايه 🫡

اصدار جديد ❤️ تم اصدار جديد من PrayOnTime . Today وتم اصلاح المزامنة مع Google Calendar تم اصدار جديد من Nawaya . Life تم فيه اضافة مشاركة النوايا كصور في الموبايل اللهم بارك اسرة Muslim Daily Tools بتكبر وقريبا جدا اعلان عن تطبيقين مهمين باذن الله كون جزء من دعم اسرة MDT واللي بدورها هتدعم Quran Tab Chrome, Safari, Firefox Quran Station Web, Android, iOS PrayOnTime Nawaya واللي جي بقدر الله كتير

تعالى نشتغل مع بعض اللهم لك الحمد Peaktify بتكبر وبدأنا التعيين لواحدة من أهم ال positions عندنا واللي هتشكل كتير من اللي هيتبني في المستقبل القريب بإذن الله. في كل منصب بنزله في Peaktify هتلاقينا بنحاول نحط قدر من الأحسان عشان تبقى عارف كل حاجة قبل ما تدخل اول مقابلة فهتلاقي طبيعة العمل، ومكانها، وكمان المرتب المتوقع ليها فمش محتاج تدخل process طويلة عشان تعرف حاجات مفروض انها من حقك، طيب ايه ال position اللي بندور عليه حاليا؟ احنا بندور على Product & Adoption Manager يكون شغال من مصر وشغله هيكون Remotely من البيت الا لو احتاج يسافر في بعض الأوقات سواء للخليج او أوروبا أو امريكا لو في احتياج للتواصل مع العميل بشكل مباشر. الراتب المتوقع لل position ده هو 3000-4500 دولار شهريا وفي Peaktify بنحاول اننا نكون من اعلى الناس في السوق من ناحية المرتبات لأننا بندور نضم لينا احسن الكفاءات. شارك مع غيرك ومع الناس اللي تعرفها وممكن تكون مهتمة وتابعنا لاننا بنكبر بفضل الله وواخدين على نفسنا عهد ان Peaktify الشركة اللي انت كنت ديما بتحلم تشتغل فيها: - تعمل حاجة بتحبها - تحل مشكلة ممتعة - بتكبر في مجالك - بتقبض مرتب من اعلى المرتبات في السوق - بتشتغل في حاجة حلال - بتتعامل زيك زي اصحاب الشركة

اكتر فيديو حزين شوفته لماكسميليان، الراجل اللي كتير جدا من المبرمجين اتعلموا من كورساته. حزين ان ال AI سلب منه اكتر حاجة كان بيحبها، كتابة الكود والتفكير في المشاكل بتاعته اللي كان بيستمتع انها بتتحل وهو نايم او تجيله في الحلم او وهو في الحمام وان ده كله اتاخد منه واتحول لشخص بيوجه بس وبيتكلم انه فاهم كون الناس بتقعد تقول ان شغلتك في الاساس حلال مشاكل والكلام ده بس هو بيتكلم انه كان بيحب جدا التفكير في الكود نفسه وازاي يحل مشاكله بيه ويكتبه بطريقة كويسة وي وي وي كتير جدا من المبرمجين لسه بيحاولوا يفلفصوا من حقيقة حتمية لازم يقتنعوا بيها ويتعايشوا معاها ولكن هل ده يعني انك مش هتتعلم برمجة؟ لأ بالتأكيد ولكن: - هتتعلم عشان تبقى بتوجه صح مش عشان تكتب كود صح - هتتعلم عشان تعرف ازاي تختار الحل الأصح مش الصح - هتتعلم عشان تقول لل AI اعملي ديه مش ديه - هتتعلم عشان تقول لل AI الحتة ديه هتسبب مشكلة هنا وهنا - هتتعلم عشان تقوله رأي تعملها بالطريقة الفولانية زي مثلا انا في Peaktify بعمل deployments بطرق مختلفة فقولتله يستخدم Adapters and Plugins pattern ولما جيت لل Database عشان باستخدم Multi-tenant db بقولتله اتأكد انك مستخدم Singleton وانت بتطلع الكونكشن عشان ميعملش مليون كونكشن للداتا بيز وهكذا الدنيا بتتغير وانت لازم تتغير والدنيا مبتجاملش اللي رافض التغيير وزي ما بيقولوا: سيب نفسك للموجة ترفعك واعرف انك كمهندس محتاج ديما تكون adaptable بتتغير مع التغيرات مبتقاومش التغيير ودمتم

لازم تبدأ تدرس ال AI Driven Development زي ما بتدرس أي حاجة تانية. تطوير السوفت وير بيتغير وانت كمان لازم تتغير وتواكب اللي بيحصل، افتكر ال ٧ مراحل ديه: ١. الفكرة (Idea): بتبدأ بفكرة معينة عايز الذكاء الاصطناعي ينفذها، سواء كانت فكرة تطبيق كامل، ميزة جديدة، أو bug fix، أو حتىrefactor. ٢. البحث (Research): لو الفكرة فيها شغل مع APIs خارجية أو اجزاء جديدة عليك او صعبة، بتجمع المعلومات دي وتحفظها في ملف (زي research.md) عشان الـ AI يقدر يرجع لها بسهولة ويفهمها. ٣. تعمل Prototyping: بتجرب أفكار وتعمل نموذج سريع ومبدئي عشان تحدد شكل واجهة المستخدم (UI) أو تصميم البرنامج اللي يناسب ذوقك، وتشوف الكود بشكل عملي وتحدد الأنسب قبل ما تكمل. ٤. تعمل PRD: بتكتب ملف بتوصف فيه الشكل والهدف النهائي للمنتج وتصميمه وطريقة شغله بالتفصيل عشان تكون محدد إنت رايح فين بالظبط. ٥. خطة التنفيذ: بتقسم ال PRD لخطوات أو تاسكات (tickets) صغيرة وواضحة، وبترتبها عشان توضح تسلسل الشغل والـ AI يعرف إيه اللي المفروض يتعمل الأول. ٦. التنفيذ (Execution): بتخلي الـ AI يبدأ يكتب الكود وينفذ التاسكات اللي في الخطة واحدة واحدة، وممكن يعمل هو الشغل كله أوتوماتيك. ٧. ال QA: دي الخطوة اللي بيتدخل فيها إنسان عشان يراجع الشغل ويقرأ الكود اللي الـ AI طلعه، ولو فيه تعديلات بتعمل تاسكات جديدة وتلف لفة التنفيذ تاني لحد ما تطلع باللي انت عايزه. افتكر انك دلوقتي محتاج تذاكر اكتر من اي وقت وتبقى up to date اكتر من اي وقت لان كل لحظة بقى فيها تغيير جديد واتأكد تتابع الناس الصح عشان تاخد الفوايد بمجرد نزولها. ودمتم

كورس مجاني 😇 كبسولة قبل الفطار 🥰 انا بحب النتورك، زي ما بحب حاجات كتيرة تانية الناس في الطبيعي بتكرهه وعشان كده ببسطهالك 😁 على قناة اليوتيوب عاملين ليستة فيها شرح نتورك بالعربي وان شاء الله اعتقد هيكون فيها ١٥ فيديو فهما بالنسبة ليك هيكونوا كورس مصغر يفهمك شوية حاجات معظم الناس مبتحبش تشرحها والنهاردة هنتكلم عن السويتش وما ادراك ما السويتش اللي انت مبهدله معاك 😅 روح اتفرج قبل الفطار يالا 😁

روحت المسجد بالعربية طلعت من المسجد روحت مشي ونسيت العربية هناك نزلت عشان اروح مشوار قاعد بدور عالعربية في الشارع عند البيت 😂 عن روقان البال اتحدث يا سادة 😂

اللهم اعز المسلمين بالمسلمين وقوي شوكتهم واحفظ بلاد المسلمين واكبت كيد عدوهم من يhود قاتلي انبياءك والروافض قاتلي الصحابة وسابي امهات المؤمنين واخرج اهل السنة من بينهم سالمين

في ٢٤ ابريل جيت هب هتمرن Copilot على الأكواد بتاعتك فادخل اقفله من إعدادات الحساب بتاعك، ده على أساس انهم مش كدابيين واصلا بيدربوا النماذج بتاعتهم على كل حاجة تخصنا من غير معرفتنا 😁 شير في الخير عشان الكل ينتبه

ان الصلاة كانت على المؤمنين كتابًا موقوتا ❤️ اخيرا ولله الفضل والمنة انتهينا من تطبيق Pray on Time وسميناه كده مصداقًا لقوله عز وجل: ﴿ إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَّوْقُوتًا ﴾ واستخدمنا الدومين .daily لان صلاتك ديه هي اللي بتحيي يومك بل بتحيي دينك التطبيق مجاني بالكامل وجزء من موقع MUSLIM DAILY TOOLS ومش محتاج منك أي معلومات أو أي نوع من التوثيق خالص انشره لتعم الفائدة ولعلك تأخذ اجر كل شخص هيستخدمه ومن النهاردة باذن الله محدش يحجز اجتماع وقت الصلاة بتاعك ومتنساش تدعم MUSLIM DAILY TOOLS واللي وظيفتها كلها تعمل ادوات تساعد المسلم في احتيجات العبادة اليومية. دعملك ل MUSLIM DAILY TOOLS معناه دعمك ل: - قرأن تاب ويعتبر من أكبر الاكستنشنز الأسلامية واللي بقى موجود في كروم وسفاري وفاير فوكس - قرأن استيشن واللي بقى موجود منه موقع وابليكشن لل iOS وبنخلص ابليكشن الأندرويد - تطبيق Pray on Time - تطبيقات جاية في المستقبل القريب جدا وهنعلن عنها فسيب لنفسك اثر لاننا بنحاول نوصل ل ١٠٠٠ داعم فكون واحد منهم وشارك الخير الموقع في أول تعليق 👇

خلال اول ٣ شهور في ٢٠٢٦ تم الاستغناء عن ما يقرب النص مليون شخص، ال AI زي ما هيشيل وظايف هيجيب وظايف ولكن اقل وللمهرة بس وده مش في البرمجة بس ولكن في كل حاجة تقريبا من الابرة للصاروخ. انا عارف اني بقولك الكلام ده كتير جدا ولكن لمصلحتك، لمصلحتك انك تقعد مع نفسك وتعيد التفكير في طريقة مذكرتك وافكارك المستقبلية وتعملها اعادة هيكلة. الذكي الفترة ديه اللي هيعيد ترتيب اوراقه بما يناسب المرحلة الحالية لانها للأسف بقى سباق للقمة عشان متغرقش والشركات بتدور دلوقتي عالشخص اللي يقوم بشغل ٥ بنفس السعر وده بقى اسهل من اي وقت قبل كده، انا كأحمد لما بدور حد يشتغل معايا في ال engineering بدور حد يعمل عالاقل ١٠ اضعاف مش بس ٥ وفي المقابل هديله مرتب في الغالب مش هيلاقيه برا. العالم بيتغير، وانت كمان لازم تتغير في التفكير وفي طرق التنفيذ

مفيش متعة اني ابقى عالايفون بتاعي وبتفرج عاليوتيوب وانا مريح بالي اللهم لك الحمد الفيديو ده كنت مهتم اشوفه وبعدين لقيت المقدمة ست، روحت مشغل حرام بلير وكملت الافادة حرام بلير دلوقتي عالايفون نزله دلوقتي وادعم HaramBlur وشاركه مع غيرك 🌹

قرار الاستقالة ما بين الجزائر وكندا 😅 استقالتي من Yassir وقرار انضمامي ل Peaktify كشريك مؤسس في وقت كان بيجيلي فيه فرص شركات كتيرة جدا ولله الحمد كانت من اكتر القرارات المهمة في حياتي اللي اتاخدت في اقصر وقت خدت فيه قرار زي ده بعد الاستعانة بالله والاستخارة. تخيل تبقى بتشتغل في مكان اللهم لك الحمد بتحب الناس وبيحبوك واثرك فيه كبير جدا وخلال اسبوع وكل شيء مستقر يتغير لدرجة ان الناس في الشغل مش مصدقة ومش فاهمة في ايه. عايز اقولك ان الحياة فرص ووظيفتك انك تاخد مخاطرات، المهم تكون "محسوبة" وعشان تبقى محسوبة لازم: - تستعن بالله - تستشير - تستخير - تخطط - تمضي فيما ترى اللهم لك الحمد في واحدة من اكبر الصحف في كندا كتبت عن التعاون والاستثمار بين Peaktify و شركة من اكبر واقدم شركات التقنية NTG Clarity عشان ناخد رحلتنا لصفحة تانية بنكبر فيها بقدر الله وفضله بخطوات محسوبة وفعالة. ربنا ينفع بنا وبكم ويكرمنا في اللي جي وهسيب الخبر كامل في التعليقات ❤️

مين كان يتخيل اننا وصلنا في عصر مهارات ال frontend بقيت اهم واكثر تعقيدا بالنسبة لل AI من اي حاجة تانية والسبب الاساسي ان ال AI سهل يتعامل مع اكواد وكمان يراجع نفسه ب scripts و cli و shell ولكن صعب تديله عيون يشوف بيها القرف اللي عمله لان كل حاجة بتترجم لكود ورؤيته لل DOM او screenshot مش زي خالص انسان بيبص على الحاجة وحاسس ب mood ناحية تصميم معين بتنفيذه. انا حد اللهم لك الحمد عديت على كل كار بفضل الله وده اللي خلانا في المدرسة - Almdrasa الى الان متمسكين ان اي حد يكون مدخله مهارات الفرونت اند مع القليل من الأساسيات. ديما مقتنع ان اللي بداية علامه اللي بيشوفه كمستخدم نهائي مختلفة عن حد كل تعامله مع سيرفرات ومش شايف المستخدم النهائي بيحس بأيه.

انا في حياتي مريت بتجارب كتيرة جدا وكل مشكلة كانت بتحصل كنت بحسها اسوء حاجة في حياتي لحد اما الازمة بتمر وبعرف ان مفيش خير اكتر من ان اللي ظنتها مشكلة ديه حصلت: - اني اسيب الماجستير في الجامعة عشان المرتب ضعيف كمساعد باحث واروح لأول استارت اب اشتغل فيها واعمل مشروع كبير اتعلم فيه حاجات كتيرة جدا - او لما الشركة الناشئة ديه اتقفلت وبقيت قاعد في البيت من غير شغل عشان اشتغل في واحدة من اكبر شركات الرعاية الطبية في امريكا - او لما اترفدت اول مرة عشان اكون مهندس مؤسس في اول شركة ناشئة امريكية واكون شريك فيها - او لما اترفدت تاني مرة عشان اتفرغ لل المدرسة - Almdrasa واللهم بارك يكون فيها اكتر من ٦٠ الف مشترك واكتر من ٣٠ الف طالب فعال شهريا بجهود ذاتية - او او او الكتير من التجارب اللي مريت بيها وكل مشكلة كنت ببقى عارف ان اللي جي بالتأكيد خير انا في حياتي اشتغلت في شركات ناشئة ومتوسطة وكبيرة وبنيت مشاريع بيستخدمها اقل من ١٠ لمشاريع بيستخدمها ملايين وتعاملت مع مختلف الجنسيات والديانات والثقافات واللي ممكن تشوفها في تقريبا ٩٠ توصية موجودين عندي في لنكدان. اللي عايز اقولهولك ان ال software engineering بيجري في دمي وزي الهوا اللي بتنفسه وبقولك لو انت مهندس برمجيات فانت والله محظوظ ان ربنا كرمك للمجال ده، مجال معاك في كل حتة تقدر تبدع فيه في اي وقت ولو انت متعرفش عن المجال ده فمفيش اسهل من دخولك ليه دلوقتي حتى لو مش هتشتغل بيه ولكن كونك تقدر تحل معظم مشاكلك بنفسك ديه من اكبر النعم. الحمد لله

الَّذِينَ إِن مَّكَّنَّاهُمْ فِي الْأَرْضِ أَقَامُوا الصَّلَاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنكَرِ ۗ وَلِلَّهِ عَاقِبَةُ الْأُمُورِ

ديما كنت اقول لأي حد عايز يمشي في طريق الاستقامة يعمل الحاجات ديه: - يُكثر الدعاء جدا - يصلي بليل ومحدش شايفه - ينزل يصلي جماعة في المسجد صلاتك في المسجد بتديك اهم حاجة عشان تثبت بعد توفيق ربنا ليك وهي الصحبة، الناس اللي سابت كل حاجة ونزلت في اكتر الاوقات اللي هي محتاجة فيها تنام وتسعى في الرزق وتريح عشان ترضي ربنا فوجودك حواليهم ينطبق عليه قول الله عز وجل: اولئك القوم لا يشقى بهم جليسهم فارأف بحالك وخليك وسطهم لعلك تنجو وانزل صلي ❤️

وانتصف الشهر 🥹

كمل يا عم بارك الله فيك كون انك تبقى نايم وال AI بيكتب ال tests ليك ديه نعمة لا يعلمها الا من كتب اكتر من ١٠٠ الف سطر automation tests في حياته 😁 نصيحتي ليك تراجع وراه، مش انك تبص عالكود اللي هو كتبه -لأ خالص- ولكن تدردش معاه في اللي عمله لانه كتير لما بيغلب بيروح معدي ال test من غير ما يعمله test ويقولك كله تمام يا معلم 😅 ارجع للبوست بتاع AI Driven Development عشان تعرف اللي انت محتاجه عشان تبدأ تشحن منتجات كما لم تتخيل من قبل. ودمتم

شركة Anthropic منزلة ميزة اسمها /buddy بتقدر ان يكون عندك حيوان اليف يقوم بالشغل وتقدر تندهله وليه قوى بدل ما يكون agent كده ملوش ملامح فواحد لل debugging وواحد لل planning وغيره وصل بينا الحال كمهندسين برمجة من اننا بنصمم systems و Micro Services وبتاع لأننا بنربي تماجوجو 😅 اه يا زمن، تخيل يجيلك في ال JD بعد كده انك محتاج خبرة ٣ سنين في تربية "كوت كوت" وبتعرف تتعامل معاه من غير ما يغضب عليك وحريص على صحته وانه ميدخلش في حالات اكتئاب 😁

مُجاهر بالفطر في صباح يوم العيد 😁

انا عارف انك عايز تغير الدنيا، عارف والله، وعارف انك عايز تغيرها وانت نايم عالسرير ماسك الموبايل بتكتب رأيك في هجوم الغرب على الشرق. فاهمك وحاسس بيك، ولكن خدها من اخوك الكبير اللي اتدعك دعك لمدة ١٨ سنة، ان التغيير ما لم يبدأ بك فمفيش حاجة هتتغير، لو: - مش عارف تقيم صلاتك، لن تقوم لك حياتك - مش عارف تغير نفسك للأحسن في دراستك، مفيش حد هيجي يعمل الحل السحري اللي بتفكر فيه طول حياتك ونفسك تعمله - مش عارف تحسن من صحتك، مفيش حد هيجي يشيل شيلتك - مش عارف تتميز في الحياة ديه بالدين قبل الدنيا، مفيش حد هيجي يحطلك وسام على صدرك هتفضل تابع، هتفضل تفتح السوشال ميديا عشان تشوف حد تمشي وراه، وهتفضل مشتري لأي بايع سواء بالحق او بالباطل. الله خلقنا لعبادته واساس عبادته انك توحده فتعلم عنه وعن اسماءه وصفاته وتعلم من هو وماذا اراد منك ولماذا اتى بك في هذه الدنيا اللي انت اصلا كبيرك هتقعد فيها في الغالب ٦٠-٨٠ سنة فمتضيعش حياتك وانت ابقى احسن حد في الدنيا في الدين قبل الدنيا قبل ما تنتظر ان حاجة تتغير لان سنن الله في خلقه انه قال عز وجل: إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنفُسِهِمْ انما لو مش عارف تتغير فمتصدعناش بهتافات اخرها تريحك من جوا وتأثيرها كالغثاء، كثير بدون نفع.

نوايا من الأحاديث التي قام عليها دين الأسلام هو قول النبي: إنَّما الأعمالُ بالنِّيَّةِ ، ولِكُلِّ امرِئٍ ما نَوى شباب كتير كانت بتيجي تسألني: انوي ايه وانا بعمل العمل الفلاني؟ فيا كنت بعمل فيديو او ابعت رسالة او او وعشان كده قررت اعمل Nawaya . Life ليه سميته كده؟ لان النية هي اساس كل حاجة في حياتنا واللي من غيرها اي عمل فارغ. التطبيق ممكن تنزله عالموبايل لانه معمول PWA والتطبيق جزء من Muslim Daily Tools انشره، ولو في اي حاجة عايز نزودها بلغنا ونفع باذن الله ومتنساش ندعم MDT عشان يكون ليك اجر واثر في حياتك وبعد مماتك ❤️

حضرتك عليك دور ولا تجعل علو صوت من ليس له نصيب من أدب فضلا عن علم ان يجعلك تصمت، فالحق احق ان يُتبع والحق شرف الرجال 🫡

لا يضرّهم أن لا يعرفَهم عمرُ شخص واقف جنبي في التراويح اللهم بارك خاتم القرأن وكان بيرد الأمام سواء بيقرأ من الأول او الأخر أو المنتصف، الشخص ده لو شفته مش هتلاقي ناس حواليه بتسلم عليه او ملفوفين حواليه بياخدوا معاه صور وممكن دائرة معارفه قليلة في زمن بيتقاس بيه قدر الانسان بعدد متابعيه والسوشال ميديا بتاعته. وانا واقف جنبه وممكن تلاقي كل شوية واحد يجي يسلم عليا ويحتفي بيا عشان شافلي كلمتين عجبوه على السوشال ميديا وانا لا احسن ما يُحسنه الأخ اللي جنبي وظني انه خير من ملئ الأرض مني (ولا اقولها تواضعا). الموضوع ده أثر فيا شخصيا وذكرني بقصة سيدنا عمر رضي الله عنه في جهاده لفارس لما انتصروا وبعث حذيفة اليه بخبر النصر فقال: النعمانُ بعثك؟ قال احتسِبِ النعمانَ يا أميرَ المؤمنين فبكى عمرُ واسترجعَ فقال ومن ويحَك؟ قال فلانٌ وفلانٌ حتى عدَّ ناسًا ثم قال وآخرين يا أميرَ المؤمنين لا تعرفُهم فقال عمرُ رِضوانُ اللهِ عليه وهو يبكي لا يضرّهم أن لا يعرفَهم عمرُ لكنَّ اللهَ يعرفُهم. احنا بقينا في زمن تكبر فيه الصغار ولم يعرف لأهل الفضل فضلهم نسأل الله العافية والسلامة وكل اللي في بالي من ساعتها قول عمر رضي الله عنه: لا يضرّهم أن لا يعرفَهم عمرُ لكنَّ اللهَ يعرفُهم الله المستعان

متنساش وذكر غيرك ❤️ تقبل الله منا ومنكم صالح الأعمال ورفع عن أمة الأسلام ما هي فيه 🤲

اللهم بارك الكورس المصغر اللي منزله عن النتورك عدى ال ١٢٠ الف مشاهدة تقريبا في اسبوع وده رقم قياسي بالنسبة للقناة ربنا ينفع بنا وبكم، لدرجة في ناس كانت معلقة بتسأل لو ده نفس مستوى الشرح في المدرسة - Almdrasa. الدورة ديه او الفيديوهات ديه كنت مصورها وانا مستمتع جدا لاني بشرح حاجة بحبها واللي ميعرفش فانا كنت تقريبا بشرح الحاجات ديه كلها في الجامعة سواء Databases, Linux, DSA, Networking وكنت بعملها تطوعًا وكانت الدكاترة بتديني الدرجات النهائية في اعمال السنة بسبب التطوع ده الحمد لله 😁 اعتقد السلسلة هتكون ١٥ فيديو على ما اظن والحمد لله تقريبا كلها متصورة فشاركها مع غيرك لعلها تكون نافعة لحد بيدرس الكلام ده في الجامعة.

احسِن الى الناس ❤️ اللهم بارك في كام ساعة وصلنا عدد مهول من الأبليكشنز لأول وظيفة نزلناها على Peaktify واللهم لك الحمد عملنا shortlisting وبدأنا نتواصل مع الناس اللهم لك الحمد والفضل والتوفيق. وحابب اقول حاجة لأن في ناس مستغربة احنا ليه حطينا المرتب في ال JD وديه حاجة مبتلاقيش حد بيعملها. في الحقيقة في شركات قليلة بتعمل نفس الحركة ديه والفكرة ان الواحد كان ديما نفسه ان لما ربنا يكرمه ويكون عنده شركة ناشئة نظامية انه اولا يلاقي حد عنده نفس الرؤية زي Maged Alsabri وبالله ثم بالرؤية ديه يحقق كل اللي نفسه فيه واللي اشتغل معايا عارف انا اقصد ايه، مكان قبل ما تدخله تكون عارف: - ان الشغل بتاعها بعيد بقدر الله عن الشبهات وحلال فمتشغلش نفسك وذهنك بده - انك هتكون عارف كل حاجة صراحةً عن الشركة قبل ما تدخلها - مفيش حد هيجملك حاجة وحشة وهتكون عارف التحدي قبل المميزات اللي هتقابلها - هنعرفك الشركة ونفسنا ناخدها لفين وامكانياتها المادية الحالية وال run rate واللي في ايدينا دلوقتي - هنعرفك انت هتاخد كام بقدر الله قبل ما حتى تدخل والرواتب بتاعتنا بفضل الله هتكون بتنافس او تتخطى اكبر شركات عالمية في مصر حاجة انا و Maged Alsabri مقتنعين بيها ان الكفاءات المصرية من افضل الكفاءات في العالم ومش لازم تطلع برا عشان تحصل على شغل بأجر ممتاز وكمان تحس انك مستريح ويكون في work-life balance كما امر الله عز وجل وتبقى شغال من المكان اللي نفسك فيه واكتر مكان انت منتج فيه وانك مش هتتعامل اقل من اصحاب الشركة نفسهم. وده مش في Peaktify بس وانما عهد على الواحد في كل شركة بناها ولله الفضل والمنة سواء المدرسة - Almdrasa او Lsaan او HaramBlur او اي شركة تانية وان كانت Peaktify مختلفة لأنها واخدة الطريق التقليدي للشركات الناشئة. احنا هنحاول نرد على كل الناس ولو في ناس مرديتش عليها في ال inbox فغالبا لانه بعت حاجة irrlevant او مبحتش على ال application او ل Maged Alsabri. موفقين باذن الله نسأل الله لنا ولكم التوفيق والعافية وان يستعملنا الله في مرضاته

الجونيور التنين 🐲 لو انت مهندس اشتغلت في حتت كتيرة واشتغلت تقريبا بكل حاجة هتلاقي نفسك مش محتاج تعين حد يساعدك لان استخدامك لل AI Agents بخبرتك بيخلي اي terminal بتفتحها افضل واسرع من اي مهندس ممكن تعينه وعشان كده طلعت الشركات زي Polsia شركة عاملها شخص واحد ومش معين اي حد نهائي وعدت تقريبا ال ٧ مليون دولار سنويا ولكن، وركز في ولكن ديه جدا: انا اللهم بارك في الفترة اللي فاتت معين بنفسي لشركات تقريبا اكتر من ١٠ مهندسين جونيورز، اه والله وهسيبلك البروفايلز بتاعتهم كلهم عشان لو حابب تسمع منهم ولكن تاني ازاي؟ بسبب الطفرة الرهيبة اللي حصلت في ال AI بقى الجونيور المتميز زمان، الفراك، اللي بيعرف يروح يمين وشمال وميعطلش، وشاطر يعرف يطلع شغل السنيور وهو حاطط رجل على رجل، اه والله وكمان بسبب نفس الطفرة ديه ناس كتيرة جدااااا غير تقنيين بقيت الفكرة اللي نفسه طول عمره يحققها سهل انه يبدأها وبمجرد ما بيبدأها في كتير من الأحوال بيخاف وبيبقى عايز يستعين بحد وهنا تأتي الفرصة للجونيورز التنانين، الجونيورز اللي: - شغالين فول استاك واغلبهم شغالين NextJs و React - بيعرفوا يفركوا ويعملوا deployments وخاصة مع وجود ال MCPs تقريبا لأي حاجة زي ال SSH لل Self hosted او اي Cloud provider بسبب انهم كلهم بقوا بيورفروا ليك MCP تقدر تستخدمه علطول - بيعرفوا يستخدموا ال AI Tools عشان يعملوا Testing فيقوموا كمان بدور ال QA - وكمان بيعرفوا يستخدموا Skills يقدروا بيها يعملوا اقل القليل اللي كل الناس بتنساه في موضوع ال Security وال Performance وانت كمان تقدر تبقى واحد من دول وعايز اقولك اللهم لك الحمد انا بقى في شركات بعينلها تقريبا بصورة مستمرة بل في شركات امريكية بتعمل outsourcing بقيت بتجيلنا تقولنا انا عايزة خريجي المدرسة - Almdrasa واللهم لك الحمد بنجرب مع اكتر من شركة. لو انت جونيور خليك جونيور ذكي وديما بقول للشباب ان دلوقتي بقيت الدنيا اسهل في انك تتعلم بس انت محتاج تكون عينيك في وسط راسك وتكون ذكي فا: - اتعلم تكنولوجي وانت بتتعلم الاساسيات على جنب - اتعلم تحترف استخدام ادوات ال AI - اتعلم تبقى جوكر عارف فرونت وباك وديف اوبس وغيره على الاقل ما لا يسعك جهله خليك فراك والحمد لله من الشباب المتميز اللي عيناهم الفترة اللي فاتت واللي ممكن تتواصلوا معاهم ومنهم اللي عيناهم في المدرسة نفسها او شركات امريكية او شركات سعودية بفضل الله عز وجل ودول بعضهم انما اللي مش موجودين اللهم بارك اكتر واللي معظمهم متعين كا Full-stack Engineer ومنهم ال QA وغيره بفضل الله. Ahmed Zeid 🇵🇸 Mohamed Sayed Abdalaal Youssef Fawzy Khaled Sakr Amr Ezzat Yousef Mohamed Dergham Adham Kaseb khalid qotb Hany Hosny Abd Al-Rahman Mohammed

شغلي أم صلاتي؟ من أكبر المعضلات اللي كانت بتقابلني شخصيا في الشغل لما الناس تدخل تضيف اجتماع على الكالندر ويتعارض مع وقت صلاة ولأني مش ضايف اوقات الصلوات في الكالندر كنت بحتاج ابص بنفسي وبعدين اعتذرلهم. بعدين لقيت ابليكشن بيقدر يضفلي اسبوعين بس للصلوات على الكالندر بتاعي ولكنه كان ابليكشن كبير ومكنتش عايز كل حاجة فيه وبعدين لقيت تطبيق تاني ولكن لازم اعمل فيه حساب ولقيت غيره ولكن فيه مميزات مدفوعة وعشان كده عملنا Pray on Time .daily برنامج خفيف جدا وتقدر تنزله ابليكشن باستخدام ال PWA عشان يعملك حاجة واحدة بس وبمهارة ومن غير اي تعب وبسرعة جدا. البرنامج ده انا عملته لنفسي في المقام الأول بس نفس المشكلة تقريبا عند كل حد شغال في اي مجال فاستخدمه وضيف الصلوات بتاعتك في الكالندر عشان محدش يحجز اجتماعات في وقت الصلاة لأن الصلاة عماد الدين واكبر سبب للبركة في حياتنا بعد التوحيد. ادعم Muslim Daily Tools ويكون ليك انت كمان اثر يبقى ليك واللهم بارك الشباب اليوم كتير منهم ساهم في الرعاية واحنا بندور على الف راعي ل Muslim Daily Tools عشان تفضل مكملة بقدر الله ونعمل برامج وادوات مجانية، بدون اعلانات لكل مسلم. الرابط في التعليقات 🫡