Maher Nammari's Recent LinkedIn Posts

لقاء الأسبوع الماضي، بتنظيم من Sira Community مجتمع سيرة، مع Zeid Husban كان صراحة تذكير قوي إنو بناء الشركات مش بس عن الإنجازات… بل عن كل اللي بصير بين هالإنجازات. من iFood.jo إلى POSRocket وتجربتين خروج، أهم الدروس ما كانت تكتيكية، كانت إنسانية: • بناء شركة رح يكسرك بطرق ما حدا بحكي عنها، فلا تمشيها لحالك • سمعتك هي العملة الوحيدة اللي بتتضاعف مع الوقت • كل قرار هو “لقطة للحظة” مش حكم نهائي، السياق هو كل شي أكثر إشي كان واضح؟ الشفافية والفريق. بدون تجميل… بس حديث صريح عن الضغط، الشك، والبدء من جديد. واليوم وهو عم يبني مشروعه الثالث، الرسالة كانت واضحة: 👉 الشغل ما بصير أسهل… أنت اللي بتصير أقوى. #ريادة_الأعمال #Startup #Leadership #Sira

ليه أنا ضد العمل عن بُعد؟ برأيي ٣ حالات بكون فيها العمل عن بُعد هو الخيار المناسب مثل: 1️⃣ المهام العميقة التي بتتطلب تركيز عالي مثل التنفيذ، التحليل، الكتابة، التخطيط. فغياب المقاطعات خلال هاي المهام بيرفع الجودة والإنتاجية بشكل ملحوظ. 2️⃣ الفرق الناضجة والمدربة التي بتعرف شو المطلوب منها، فلما يكون في وضوح أدوار، مؤشرات أداء، وثقافة ثقة، الموقع الجغرافي بصير مع الوقت أقل أهمية. 3️⃣ جذب المواهب والحفاظ عليها المرونة صارت عامل حاسم لكثير من الكفاءات اليوم. وفي المقابل، أكيد في حالات بكون فيها العمل من المكتب ضروري ولا يمكن التنازل عنه: 1️⃣ إذا كانت الشركة ما زالت في مرحلة بناء الثقافة، الثقافة صعب تبنيها على Zoom؛ بتحتاج تفاعل يومي بين الموظفين، والمواقف غير المخططة هي اللي بتبني الثقافة. 2️⃣ خلال المراحل الحساسة مثل انضمام موظفين جدد أو إعادة هيكلة؛ التواصل المباشر في هاي المرحلة بيختصر سوء الفهم، وبسرّع الاندماج. 3️⃣ العمل الإبداعي الجماعي واتّخاذ القرارات الكبيرة لإنه فعليًا بعض النقاشات بتحتاج غرفة واحدة، طاولة واحدة، وطاقة مشتركة لكل الفريق. لهيك، من واقع التجربة، أفضل نموذج هو “الهايبرد” لكن بشرط يكون ضمن استراتيجية أو نظام معيّن يحكمه. النظام الهجين الناجح: ✅ بيربط المكان بطبيعة العمل ✅ بيعطي المرونة بدون ما يختل الانضباط ✅ بيحمي الثقافة بدون ما يقتل الاستقلالية شاركوني رأيكم بالعمل عن بُعد وليش المدراء ممكن يتخوفوا منه؟

مبارح كان إفطار الشركة… بس الأهم إنه كان مساحة نرجع نبطّئ شوي. ولا ضغط تسليم، ولا نقاشات استراتيجيات، ولا أرقام. بس قعدة هادئة، حكي عفوي، وضحك بدون حساب. أحيانًا أهم شي مش شو عم ننجز… بل كيف عم نكون مع بعض خلال الطريق. هيك لحظات بتذكّرني إنه الثقافة ما بتنبنى بالـ slides… بتنبنى بهيك جمعة بسيطة وصادقة 🚀 Masar - Gain Success .

إنت ما بتشتغل لحالك! بتقدر تكون ممتاز في التنفيذ، مبدع في الأفكار، سريع في الإنجاز لكن كل هاد ما بيعمل أثر ملموس بدون الناس اللي بتمشي معهم الطريق. مع الوقت تكتشف إنك بكل مرة سلّمت على شخص بإيفينت أو تعرفت عليه بأي سياق هو احتمال لفكرة جديدة، لفرصة ما كنت حاسبلها حساب أو شراكة رح تتم بالوقت المناسب. خلّي بناء العلاقات جزء من شغلك اليومي: ١: عرّف بنفسك بثقة لما تقابل شخص من نفس المجال ٢: اشتغل باحتراف مع الشركات، لأن الاحترام والمهنية هو اللي يخلّي العلاقة تستمر ٣: إذا حضرت فعالية لا تكتفي بالحضور، تفاعل وتعرّف على الناس ٤: وإذا شفت شخص يشتغل على مشروع قريب من فكرتك، تواصل معه بدون تردد أكيد إنه مو كل علاقة رح تتحول لشراكة، لكن على الصعيد المهني، فكل علاقة بتحمل إمكانية معيّنة لشيء. وفي النهاية، عادي الناس تنسى شو عملت بس فعليًا مستحيل تنسى كيف كان تعاملك وأسلوبك اللي بيبنوا أصولك الحقيقية في السوق. وأنا دايمًا بحكي عن سيرة، لأنه عن جد بتمثل نموذج مختلف للمجتمعات المهنية، وبتضم مجموعة ناس عندهم خبرة، ووعي، وأهداف واضحة، وكل واحد فيهم بقدم قيمة حقيقية بطريقته، والجميل إنه هاد التنوع هو مصدر القوة. عشان هيك، سعيد إني أكون جزء من مجتمع سيرة في 2026، إلى جانب مجتمعات تانية بآمن بدورها وبالقيمة اللي بتخلقها.

صحيح يمكن متأخر شوي أنشر الخبر، بس قبل كم شهر حصلنا في Masar - Gain Success على جائزة Best Small PPC Agency من #MENASearchAwards بعيدًا عن الجائزة نفسها، بالنسبة إلي هذا الاعتراف مهم لأنه بيعكس السمعة اللي بنيناها خلال السنوات الماضية في مجال Performance Marketing، وبيعطي إشارة واضحة على مستوى الكواليتي والطريقة اللي بنشتغل فيها مع عملائنا. والحقيقة البسيطة: ما في أي إنجاز بصير بدون فريق. اللي بنشوفه اليوم هو نتيجة تعب، تجارب، وأحيانًا أخطاء تعلمنا منها كفريق. السنة الماضية تحديدًا كانت سنة مفصلية إلنا. قضينا وقت كبير نفهم تحولات AI وتأثيرها على Performance Marketing، وكيف ممكن نشتغل بطريقة أذكى وأكثر scalable. اليوم شغلنا صار مبني أكثر على الأنظمة، البيانات، والأتمتة - وهذا الشيء عم يفتح مجال نكبر ونقدم نتائج أفضل لعملائنا. ممتن للفريق، ولعملائنا اللي وثقوا فينا. والأجمل… لسا في كثير بالطريق. 🚀 Don't Panic Events

ولا شغل رح ينفع معك وتستمر فيه بدون هاي المهارة وجد لا هي مهارة تقنية ولا من المهارات الناعمة اللي دايمًا بنحكي عن أهميتها هاي المهارة رح تساعدك تكبر  وراتبك يزيد وتكون الشخص اللي غالبًا الشركة رح تتمسك فيه (على حسب قدرة كل شركة) لكن قيمتك رح تكون واضحة تمامًا لو بتعمل التالي: لا تستنا الشغل (المهام) تيجي لعندك، دوّر إنت عالشغل لإلك جوا الشركة  كتير منا بشتغل بشركة خاصة اللي هدفها الرئيسي دائمًا هو زيادة المبيعات والأرباح  فوجودك في الشركة لازم بطريقة أو بأخرى يساعد على تحقيق هاد الهدف حتى لو بمهام غير مباشرة شوف شو فرص التطوير في الشركة، ساهم باقتراحات بالفعل مو بس كلام، عبي يومك مهام (tasks) حتى لو  مو مديرك اللي بعتلك اياهم.

هذا الخطأ يدمّر استراتيجيتك التسويقية وهو تركيز الاستراتيجية على النتائج فقط دون دراسة الخطوات والعملية بدنا 20 عميل بدنا +20 ألف دولار MRR الشهر الجاي بدنا نرفع الاحتفاظ بالعملاء 20% هاي أهداف ممتازة، ولازم تكون موجودة. بس المشكلة لما نطلع من الاجتماع بدون خطة توصلنا لهذه الأهداف بطريقة استراتيجية. الصح هو: هدف ← خطة عمل ← تنفيذ عدم وجود خطة رح تخلّيك تعمل التالي: ❌ رح تصير تجرّب كل hack سمعنا عنها ❌ وتغيّر التكتيكات كل أسبوع ❌ بتنسى شو جربت وبترجع تعيد العملية من جديد وبعد فترة البراند بيفقد ال consistency الخاصة فيه. بعد أكتر من ٨ سنوات تجربة وخطأ، وأكثر من ٨٠٠ بزنس اشتغلنا معهم على التسويق، كانت الأنظمة هي أقوى حليف لإلنا. لإنها بتخلّيك: ترتّب الشغل تعرف شو شغّال وشو لا وتضل مسيطر على القرارات نصيحتي لأي شخص مسؤول عن الإيرادات: 1️⃣ حلّل الهدف 2️⃣ ارسم كل الخطوات 3️⃣ خطّط التنفيذ 4️⃣ راقب وخلّيك مسيطر النتائج بتيجي من العملية الصح وأبدا ما بتتحقق من التمنّي ووضع أهداف بدون خطة واقعية 🎯

وكالات التسويق سكّرت والشركات عالميًا ومحليًا رح يوقفوا شغل مع وكالات التسويق! في استطلاع عملته wynter عن آراء قادة التسويق في شركات البرمجيات متوسطة الحجم (B2B) حول المجالات اللي بيخفضوا فيها ميزانياتهم. ما كانت الاجابة الإعلانات المدفوعة، ولا الأدوات، ولا الفعاليات، ولا تسريح موظفين الإجابة كانت وبشكل مباشر وكالات التسويق وهاد جزء من اللي حكوه خلال الاستطلاع: "وكالات التسويق لا تملك أي فكرة عن كيفية إدارة الأعمال فعليًا" "يفترضون أن لدينا وقتًا غير محدود لتطبيق الأفكار الجديدة" "أحتاج إلى التنفيذ، لا إلى الاستراتيجية. لديّ ما يكفي من الاستراتيجيات" طيب شو المشكلة؟ المشكلة إنه 58% من مسؤولي التسويق بمختلف الشركات بيتعرضوا لضغوط شديدة أو كبيرة لعرض خطط عمل قصيرة الأجل. كتير منهم فعليًا ما عندهم ال 90 يومًا لـ"مرحلة الاستكشاف". وما بيتسنوا من وكالة التسويق عرض تقديمي ٥٠ سلايد يحكيلهم عن تموضع علامتهم التجارية. هم بحاجة لناس تدخل مباشرة على التنفيذ. مع هيك، لا تزال معظم الوكالات بتبيع وكأنها في عام ٢٠١٥: ❌ الأسابيع ١-٤: مرحلة الاكتشاف ❌ الأسابيع ٥-٨: مرحلة تطوير الاستراتيجية ❌ الأسابيع ٩-١٢: عرض "خطة العمل" ❌ الأسبوع ١٣ وما بعده: "حان وقت التنفيذ" في هاي الأثناء، كان مدير التسويق بحاجة إلى نتائج في الأسبوع الثاني. فالحقيقة اللي بترفض الوكالات تسمعها: الشركات المتوسطة بتوظفكم لأنها بتعاني من ضائقة مالية وبدها إيرادات. لما تقدموا استراتيجية استعراضية وتاخد معكم اسابيع بدل من التنفيذ، فإنتو عم تحلوا مشكلة الشركات ما بتعاني منها! الوكالات اللي رح نشهد تطورها خلال السنوات القليلة القادمة هي الوكالات اللي بتبدأ من اليوم الأول وتسأل: كيف بنقدر نساعدكم اليوم؟

صناعة المحتوى للأسف صارت أولوية شكلية عند الكثير من شركات الـ B2B السيناريو اللي بصير كالتالي: - تطبيق استراتيجية سطحية - الاستعانة بأرخص كتّاب محتوى - تكليف متدرّب بالأفكار والتخطيط والنشر بدون إشراف - نشر محتوى عشوائي كل شهر والنتيجة غالبًا: ❌ محتوى بلا هدف ولا يعبّر عن العلامة التجارية ❌ جمهور غير مهتم ❌ ضياع الوقت التحوّل المطلوب في ٢٠٢٦ لحتى تتمكّن شركات ال B2B من تحقيق مبيعات من خلال المحتوى هو كالتالي: من نشر عشوائي ← إلى محتوى مرتبط بمراحل القمع ونقاط تواصل العلامة مع جمهورها من افتراضات ← إلى قرارات مبنية على بحث وبيانات واضحة من صيغة واحدة في عرض المحتوى ← إلى تنوّع في الـ Format المحتوى هو الوقود الحقيقي لمنظومة الإيرادات (التسويق والمبيعات). المحتوى التسويق: ✅ يشرح المشكلة اللي بتحلوها ✅ يرسّخ موقعكم في السوق كخبراء في المجال ✅ يبني الوعي بالعلامة التجارية ✅ يخلق الطلب على الحل المحتوى للمبيعات: ✅ يرافق العميل خلال رحلة الشراء ✅ يجاوب على الاعتراضات والأسئلة ✅ يوضّح ليش أنتم الخيار الأنسب يعزّز الثقة

بعد 14 سنة في مجال التسويق، أكتر سؤال فاجأني ما كان عن الميزانيات ولا قنوات التسويق أو أماكن النشر وغيره. كان السؤال: "فكرة الإختبار بالبداية ممتازة، لكن بنقدر نتجاوز مرحلة الاختبار وننتقل مباشرة إلى النتائج؟" السؤال أجا بعد أن شرحت منهجية بسيطة بنشتغل فيها دائمًا: نختبر، نطوّر، ثم نوسّع. ومن هاي اللحظة اكتشفت أن التسويق، في نظر كثير من الناس، عبارة عن زر سحري: اضغط ← تحصل على عملاء أو اضغط ← تنتشر ← تحصل على عملاء لكن كل حدا بشتغل في المجال بيعرف انه اكيد الحقيقة مو هيك. التسويق لا هو وصفة سريعة، ولا نتيجة فورية، ولا ضربة حظ. التسويق أولًا استراتيجية صحيحة، وصبر، وتجربة مستمرة،  وتحسين دائم، والأهم: التزام طويل النفس. اللي بيبحث عن نتائج دون اختبار، بكون متل كإنه بيبحث عن وهم وللأسف ما رح يشوف نمو.

٧ حقائق مستحيل تسمع مديرك بحكيلك إياها مديرك عنده توقعات من أداءك ما رح يشرحلك اياها بطريقة مباشرة. وإذا استنيت تكتشفها لحالك ممكن تدفع الثمن قبل ما تفهم السبب. إذا كنت فعليًا بتطمح تنجح وتثبت جدارتك، فهذه بعض القواعد غير المكتوبة اللي بتحكم العمل اليومي: 1️⃣ المدراء بلاحظوا أكثر مما تتخيل التأخير البسيط مسجّل. وأي تعليق عابر في اجتماع بينحفظ في الذاكرة حتى لو ما اعطاك ردة فعل بوقتها. 2️⃣ ما بدهم يسمعوا مشاكل فقط الجميع ممكن يعرف المشكلة لكن القيمة الحقيقية عند مين بقدم اقتراح أو حل. 3️⃣ المبادرة أهم من التنفيذ الحرفي تنفيذ المطلوب هو الحد الأدنى. التميّز بيبدأ لما تُظهر رغبتك في التطور، وما تكتفي بالروتين والمهام اللي متعود عليها. 4️⃣ بيتوقعوا منك تفهم الصورة الكبيرة والهدف الأكبر للشركة كل مهمة تقوم بها يجب أن تخدم هدفًا أوسع. 5️⃣ لا تستنا "شكرًا" على كل إنجاز أداء واجبك ومهامك مو إنجاز استثنائي المكافأة الحقيقية هي الثقة، والمسؤوليات الأكبر، والفرص الجديدة. 6️⃣ براقبوا طريقة تعاملك مع الفريق الاحترام والتعاون مع التيم جدًا مهم وأكيد سلوكك تحت الضغط. 7️⃣ التعلّم المستمر إذا ما بتطوّر نفسك باستمرار رح تتراجع بدون ما تحس ودائمًا شارك تقدمك، فحتى لو مديرك ما علّق عليه بس أكيد بيهتم. في النهاية، العمل مو مجرد قائمة مهام أنا بشوفه فرصة ومساحة لإلك تبني فيها السمعة، وترفع فيها من مستوى الوعي والمهارات عندك. شو فيه قواعد أخرى برأيكم بيهتموا فيها المدراء بس ما بيعلنوا عنها مباشرة؟

٣ أشياء لازم الشركة تعملها لما الموظف يرتكب خطأ ملخص إجابتكم على المنشور السابق اللي تناقشنا فيه عن التصرف المناسب للشركة عند صدور خطأ من الموظف: أولًا: فصل الخطأ عن الشخص تعامل مع الخطأ كموقف، وليس كتقييم للموظف. وتجنب إلقاء اللوم لأن هذا يخلي الموظف يكون صريح، ويتعلّم من الخطأ. ثانيًا: تحمّل المسؤولية مع الموظف تعامل مع الخطأ على أنه خطأ الشركة، مو فرد. وساعد الموظف يلاقي حل واضح يستعيد من خلاله الثقة. ثالثًا: حوّل الخطأ لنظام يمنع تكراره راجع الإجراء، عدّل العملية، درّب الفريق ٣ أشياء لا تعملها لما يخطئ الموظف: أولًا: لا تلوم الموظف أمام زملاؤه لو شعرت إنك لازم تكبّر الخطأ بعينه ليحس بالمسؤولية  اعملها لكن ليس أمام زملاؤه، كي لا يفقد الموظف أمانه النفسي ثانيًا: لا تتخذ قرار وأنت متوتر العصبية ممكن تخلي قرارك يطغى عليه طابع عقابي أكثر من قيادي. ثالثًا: لا تعتبر الخطأ نهاية الثقة لأن الفريق رح يصير يخبّي أخطاؤه، ويخاف ياخد قرارات تجنبًا للخطأ بالتالي بينخفض الأداء. شو برأيكم بتضيفو على هذه النقاط؟

شغلة واحدة دايمًا الHRs بيغلطوا فيها كوبي بيست لل job description بكل إعلان وظيفة وبركزوا يكون الموظف عنده مهارة ال Multitasking أنا برأيي ال multitasking وعبارة عن خرافة وضغط ما إله داعي على الموظف. إذا ركّزت إنك تنجز مهمة معينة، فنسبة إتمامها بكفاءة أعلى ووقت أقل بترتفع 74% إذا ركزت عليها وحدها فقط. ليش بصير هيك؟ بحكيلك بعلم الأعصاب انه الأبحاث طلعت بتقول إنه الدماغ البشري ما بقدر ينجز أكثر من مهمة "معرفية" واحدة بنفس الوقت. بالتالي بصير الدماغ ينتقل بسرعة ذهاب وإياب بين المهام اللي عم تتنافس إنها تكسب تركيزه. وهاد بينتج عنه شيء بسمّوه "تكلفة التبديل"، وهو التأخير اللي بصير لما يخزن الدماغ معلومات متعلقة بمهمة معنية ويعيد توجيه انتباهه إلى مهمة جديدة. لهيك يا أعزائي موظفين الموارد البشرية ركزوا على المهارات اللي جد بتفرق في أداء الموظف متل المرونة ومهارات التواصل والتفاوض اللي فعليًا بتفيد الشغل.

دعوة إلى كل موظف استقيل إذا بتعمل على الأقل ٢ من هدول الشغلات في الشركة 👍 قعدات النميمة ونقل الحكي  ✌ المقارنة بين الموظفين  🤯 التفكير الزائد عن حدّه بكل صغيرة وكبيرة 😩 الطاقة السلبية طول الوقت هاي السلوكيات، حتى لو كانت غير مقصودة، بتأثر بشكل مباشر على ثقافة الشركة، وممارستها بشكل مبالغ فيه ما بتحميك كموظف وبتضر غيرك فقط، بالعكس هذه الممارسات بتخلق بيئة طاردة، بتفقد الناس حماسها، وبتضعف الثقة بين الزملاء. والأهم إنه الإدارة غالبًا بتكون شايفة وواصلة لهاي التفاصيل، حتى لو ما تم الحديث عنها بشكل مباشر. شو برأيكم في تصرفات ممكن تبدو عادية لكنّها خطيرة في بيئة العمل؟

يسعدني كثيرًا أن أشارككم ختام رحلة تدريب متدربي برنامج Steering Committee of the RDPP III ضمن مشروع #Skills4Work II، والذي نُفِّذ بدعم وتنسيق مثمر مع Leaders International و We Can Academy. امتد التدريب لأكثر من ثلاثة أشهر وكان تجربة متكاملة من التعلم والنمو وبناء الوعي المهني. وهدفنا من اليوم الأول كان تمكين المتدربين بالمهارات العملية التي يحتاجها سوق العمل، وربط المعرفة النظرية بالتطبيق الواقعي داخل بيئة تحاكي شركات التسويق الحديثة. تعلّم المتدربون خلال فترة التدريب أساسيات التسويق، ومبادئ التصميم، وصولًا إلى التعرف على العمليات الداخلية وآليات العمل داخل شركات التسويق، بما في ذلك العمل الجماعي، إدارة المهام، والتفكير الاستراتيجي. كل الشكر والتقدير لشركائنا Leaders International و We Can Academy على التعاون البنّاء، والأهم الشكر للمتدربين أنفسهم على التزامهم وشغفهم بالتعلّم.

لفت نظري من يومين إعلان براند WABA الكويتي تجهيز لرمضان.  الإعلان خالي من أي copy، أو شعارات، أو أي دعوة للشراء ومع ذلك قدر يوصل رسالة جدًا قوية رح نحكي عنها. شو اللي خلّى هاد الإعلان ينجح؟ أولًا: بنظري الـ Match Cuts واللي شفناها بالانتقالات بين اللقطات وصوت الأدوات والموسيقى التراثية خلت الإعلان قطعة واحدة متناغمة بالرغم من إنه عبارة عن مشاهد متقطعة. ثانيًا: تفاصيل الـ Art Direction والـ Mood العام اللي قادر يوصلك شعور التجربة. وأخيرًا: وهاد الأهم هو الأصالة والارتباط الثقافي، واضح جداً إن البراند فاهم هويته وقدر يربط حاله بتراثنا وسفرتنا العربية بذكاء. مع نهاية ٢٠٢٥ وبداية ٢٠٢٦ صار واضح من تحليلات وinsights مختلفة إنه الجمهور لم يعد ينجذب للوعود المباشرة أو الشعارات الرنانة. التوجه الحالي في التسويق صار بيرتكز على ٣ عوامل رئيسية: ✅ الارتباط الثقافي (Cultural Relevance): العلامات التجارية اللي رح تنجح هاي السنة هي اللي ما بتبيع مجرد منتج، بل بتبيع جزء من هوية المستهلك. ✅ التسويق الحسي: القدرة على جعل المشاهد "يشعر" بالمنتج ويلمسه بصرياً هي العملة الصعبة اليوم. ✅ الأصالة كقيمة مضافة: في عصر الذكاء الاصطناعي والإنتاج الغزير، العودة للجذور والتركيز على التفاصيل التراثية بلمسة عصرية هو اللي فعليًا بيخلق الولاء الحقيقي. لما ترتبط العلامة التجارية ثقافياً بجمهورها، بيتحول المستهلك من مشتري إلى "مدافع عن العلامة" (Brand Advocate). هذا النوع من التسويق بيبني رأسمال عاطفي لا يمكن للمنافسين انتزاعه منك بسهولة. الإعلان من تنفيذ Shareet Studios

لا تطلب work-life balance في المقابلة قبل أكثر من ٧ سنين افتتحنا مسار واكتشفت عالم مختلف أمامي وجزء لا يتجزأ من مهام صاحب أي بزنس وهي المقابلات ومن وقتها لليوم عملنا مئات المقابلات الوظيفية وكل مرة كنت بشوف المرشحين بيوقعوا بأخطاء بسيطة لكن بتفرق في جدًا في عملية التوظيف. معظم هاي الأخطاء ما بتتعلق بكفاءة الشخص بل هي أكتر مرتبطة بطريقة العرض والاستعداد وفهم الغرض من السؤال اللي بينطرح عليه. وبما إنه هلأ هي فترة تعيينات في كثير من الشركات  فهذه فرصة نحكي عن الأخطاء وكيف ممكن تصحيحها بسهولة.

معظم المسوّقين بيتعرضوا دائماً لضغط الوقت ورغبة العميل أو الشركات في الوصول لنتائج سريعة ترفع من مبيعاتها. والواقع اللي بعيشه المسوّق خلف الكواليس مختلف، وبين إطلاق أي نشاط تسويقي وظهور نتائجه الحقيقية على أرض الواقع في وقت تأخير طبيعي بنحكيله "Marketing Lag" أو "فجوة الاستجابة التسويقية" لأن أي استراتيجية مدروسة لازم تمر بمراحل نضج أساسية: أولًا: مرحلة التأسيس (Ideation & Production): وهي بناء الهوية والرسالة بشكل صحيح. ثانيًا: مرحلة الاختبار (Testing): قراءة سلوك الجمهور وتعديل المسار بناءً على البيانات. ثالثًا: مرحلة التحسين (Optimization): وهي المرحلة اللي بنوصل فيها لأعلى كفاءة في النتائج. أما بالنسبة للمدة ممكن تطول أو تقصر حسب السوق والمنتج لكن المعيار الصحي هو حوالي ٩٠ يوم. ليش ٩٠ يوم تحديدًا؟ لأنه ربع سنة، ومعظم قرارات الشراء والتخطيط عند الشركات بتصير ضمن دورات ربع سنوية. فالخلاصة إنه التسويق عبارة عن بناء زخم وهو عملية تراكمية ما بتتحقق بخطوة أو إجراء واحد فقط. فأنا دايمًا بقول للفريق معي الصبر والاستمرارية هم اللي بطلعو النتائج بشرط يكون في سرعة اتّخاذ القرارات.

بتقدر تكون مدير مبدع بمجالك، بس إذا ما كنت 'شاطر بالأرقام'، فأنت فعلياً متل اللي عم يبني قصر على رمال متحركة أكبر فجوة ممكن تكون موجودة بين استمرار الشركة وانهيارها هي في فهم صاحب العمل للتفاصيل المالية واللي بعطيكم خلاصتها ب ٣ نقاط أساسية من وجهة نظري: أولًا: الاعتماد التام على التوصيات أو تسليم كامل العمل لـ Freelancers دون رقابة مباشرة من صاحب العمل هو من أكبر المخاطر. العمل الحر ممتاز للمهمات الجانبية، لكن بناء كيان مستدام لشركتك بيتطلب فريق ملتزم وفهم من صاحب العمل لكل تفصيلة في الأمور المالية متل ما بقول المثل "صاحب المال أبصر بحلاله". ثانيًا: بعد سنة ونص (18 شهر) من الشغل، بتوقف الشركة أمام مفترق طرق مالي. هون بتبين حقيقة "التخطيط المسبق"؛ فإما أن تكون التدفقات النقدية مدروسة، أو بتبدأ التحديات المالية تاخد من أصل المشروع. ثالثًا: أنجح أصحاب الأعمال ما بكونوا في فاهمين في مجالهم والإدارة، بل بكون عندهم خلفية مالية صلبة. إذا ما كنت قادر تقرأ ميزانيتك وتعرف وين المصاريف رايحة وكيف عم تتدفق، رح تضل حاسس إنه قراراتك ناقصة. في البدايات، لا تحط ثقتك المالية كاملة في شخص واحد. وبنصحك تاخد استشارة أكثر من مختص مالي. تعدد الآراء في الأمور المالية بيعطيك زوايا رؤية مختلفة، وبحميك من الأخطاء البشرية أو سوء التقدير اللي ممكن ينهي مشروعك قبل ما يبدأ.

في ٢٠٢٦، شركات B2B عندهم “رادار" لحجب الإعلانات التقليدية. هذا الرادار يلتقط فورًا: ✖ الإعلانات البصرية البيعية ✖ رسائل البريد من نوع “عندي سؤال سريع” ✖ النشرات البريدية الترويجية ✖ الإعلانات المعتمدة على صور جاهزة Stock غير واقعية كيف بيشتغل هذا الرادار؟ بيكتشف الرسائل البيعية ← بيتجاهلها أو بيحذفها ← بصنّف العلامة التجارية كمزعجة ← ثم ينساها تمامًا. شو نوع التسويق المفضل لشركات ال B2B اليوم؟ التسويق اللي بيعتمد على محتوى حقيقي يضيف قيمة فعلية، مثل: ☑ تقارير صناعية متخصصة ☑ تحليلات اتجاهات السوق ☑ فيديوهات لعرض رؤية المؤسسين ☑ دراسات حالة تُنشر عبر وسائل التواصل ☑ آراء قادة وخبراء في المجال ☑ مقالات أو نشرات فكرية مدروسة ☑ تجارب وآراء أعضاء المجتمع من نفس المجال السوق فعليًا عم يتغيّر بطريقة سريعة ورهيبة. مشترو B2B اليوم عندهم وصول غير محدود إلى، المعلومات، وخبرات الزملاء في المجال، والمجتمعات المهنية وغيرها من المصادر وكل هاد Self-Serve بدون الحاجة للتواصل المباشر مع فريق مبيعات. لذلك، التسويق لم يعد هدفه: - خلق إحساس مصطنع بالعجلة - توليد عملاء محتملين بأسرع وقت - دفع المشتري داخل Funnel جاهز - شرح كل شيء من أول مرة لأن المشتري صار بكل سهولة قادر على كشف هذه الأساليب بسهولة. والبديل أن يهدف التسويق إلى بناء الثقة - التفكير على المدى الطويل - إظهار الخبرة الحقيقية - وأخيرًا خلق الطلب كنتيجة لكل ما سبق.

أسوأ سيناريو تسويقي يمكن أن يمرّ به مؤسسو الشركات؟ - تقليد محتوى المنافسين دون رؤية واضحة - إطلاق تكتيكات جديدة بلا خارطة طريق - تجربة فكرة، ثم التخلي عنها سريعًا، ثم القفز لغيرها - والعمل دون قياس حقيقي أو تحليل للنتائج ببساطة: حركة في كل الاتجاهات، بلا بوصلة. غياب الوضوح يدمّر المعنويات داخل الفريق سواء ضعف النتائج أو شلل اتّخاذ القرارات ومن زاوية السوق، فالضرر أكبر لأن العميل غير قادر على تمييز خدماتك ونقاط قوتك. عندما يتغير المحتوى، والإعلانات، والعناوين باستمرار، لن يستطيع جمهورك أن يضعك في “خانة واضحة” في ذهنه. لكن، وضع اتجاه واضح هو عملية يمكن بناؤها بخطوات: 1️⃣ استراتيجية تسويقية: لا بد من تحديد وتحديث الركائز الأساسية باستمرار: الجمهور المستهدف، العرض، القيمة المقترحة، التمركز في السوق، الرسائل الأساسية، وهوية العلامة. هذه الركائز هي مرجعك في كل قرار. 2️⃣ نظام تسويقي: تنظيم الجهود قبل نشر محتوى أو إطلاق حملة، فكّر بنظام لا بتكتيك. خارطة واضحة تنظم الأولويات وتمنع العشوائية. في المراحل المبكرة، من الضروري وجود قائمة أعمال تسويقية واضحة. 3️⃣ الوصول وبناء الحضور: يعني أن تكون حاضرًا في ذهن السوق وهذا لا يحدث صدفة بل يحدث بالتكرار المنسجم، والرسائل الواضحة، والاستمرارية عبر القنوات التي تبني الزخم. عندما تحل مشكلة حقيقية للجمهور وتشرح كيف خدماتك تفعل ذلك، يبدأ السوق بالانتباه إليك. التسويق ليس سباق أفكار، بل مسار واضح… يُدار بعقل، ويُنفّذ بثبات.

معظم خطط المحتوى خاصة في شركات الـB2B بدور حول نفس الأمور: “فخورون بحصولنا على هذه الجائزة” الحديث عن “قيم كشركة” الترويج للمنتجات بشكل مباشر “نرحب بمدير المبيعات الجديد” لكن للأسف بهاد النوع من المحتوى، لن تصبح شركتك مرجع حقيقي في صناعتك. إذا بدك تكون في صدارة المشهد، لازم تفكر كشركة إعلامية، لا كشركة تروّج لنفسها فقط. ❇️ ابنِ علامة تجارية الناس يختاروها ويوثقوا فيها للحصول على المعلومة ❇️ انشر محتوى يستحق أن يُحفَظ ويُعاد استخدامه يوميًا ❇️ قدّم تحليلات عميقة بتساعد جمهورك فعليًا في نفس المجال خلّي ببالك انه جمهورك لازم دايمًا يشعر بشيء واحد: “الارتباط العاطفي بالعلامة التجارية من التحدث من ألم العميل وتقديم الحلول والنصائح العملية” هكذا تبني الحضور الذهني (Top of Mind) لعلامتك التجارية. وعندما يواجهون تحديًا حقيقيًا في عملهم، من برأيك سيكون أول من يتواصلون معه؟

سعيد بالمشاركة في حفل إطلاق برنامج EngineerPlus، بانطلاقته من الكرك بتنظيم نقابة المهندسين الأردنيين Jordan Engineers Association. برنامج مهم ويركّز على تمكين المهندسين حديثي التخرج بالمهارات العملية لسوق العمل. تحدثت خلال الفعالية عن بناء الهوية الرقمية المهنية، وأهمية حضور المهندس في الفضاء الرقمي كأداة داعمة لمسيرته المهنية. مبادرات مثل هذه تعكس وعي حقيقي بأهمية الدمج بين المعرفة الهندسية، والمهارات الرقمية، وريادة الأعمال، لتجهيز جيل هندسي قادر ينافس ويصنع مستقبله. كل التقدير لنقابة المهندسين الأردنيين على هذا الجهد، وبالتوفيق لجميع المشاركين في رحلتهم القادمة.

ممكن بعض الماركتيرز يختلفوا معي فيها بس إنت كعلامة تجارية ما بتقدر “تختار” تموضعك بالسوق بالمعنى الحرفي أو المباشر. حتى لو عملت brand kit وصممت هوية حلوة وtagline قوي، برضو الناس ما رح تعتبرك مميز بين ليلة وضحاها. كلها عوامل بتساعد على تموضع علامتك التجارية لكن مش إنت اللي بتختار. فإذا مش إنت اللي بتختار تموضعك مين اللي بختاره؟ الجواب ببساطة هو "عملاؤك" لأنه التمركز (Positioning) هو المكان اللي بتاخده العلامة التجارية في عقل الجمهور. وهذا المكان ما بينبنى بقرار منك بل المسؤول عنه هو تجربة العميل. الناس بتكوّن صورتها عنك بلا وعي من خلال تفاصيل صغيرة وبزخم مناسب يعني: كل تفاعل، كل رسالة، كل خدمة، كل تجربة، وكل انطباع. عشان هيك، أنت ما “بتفرض” تموضعك إنت فقط بتشتغل على العوامل اللي بتأثّر عليه. والخبر الجيد أكيد إنك بتقدر ترفع احتمالية إنهم يشوفوك بالطريقة اللي بدك إياها. عمليًا الموضوع بسيط وبيحتاج خطوتين أساسيتين: 1️⃣ تحديد التمركز اللي بدك توصله 2️⃣ الالتزام باتساق عالي جدًا واستمرارية بهدف تحقيقه، ولفترة طويلة، لحد ما يصير هذا التمركز حقيقة في ذهن الجمهور المشكلة إن كثير علامات تجارية بتوقف عند الخطوة الأولى: – بيفتحوا ملف Strategy – بكتبوا We are category pioneers – بحطوها على الموقع – وبستنو النتائج لكن فعليًا الخطوة الثانية هي 99٪ من الشغل. لأنه كتير سهل نخطط ونطلع بأفكار أما التنفيذ باستمرارية وزخم هو التحدي اللي بواجه العلامات التجارية.

٢٠٢٦ هو الوقت المناسب لبناء نظام تواصل Outbound ذكي أي تواصل خارجي لن ينجح اليوم بدون أساس واضح. وليكون هذا التواصل فعّال، هناك ثلاث ركائز لا يمكن تجاوزها: 1️⃣ جمهور مستهدف محدد بدقة لا يمكنك قراءة كل الإشارات في السوق. ركّز فقط على الإشارات التي تصدر من العملاء الذين يهمّونك فعلًا. 2️⃣ ترتيب الأولويات حسب نية الشراء ليس كل “مهتم” جاهزًا للحديث. تحتاج آلية واضحة لتقييم العملاء المحتملين وتقديم أصحاب النية الأعلى أولًا. 3️⃣ رسائل في سياقها الصحيح التواصل الدافئ لا يعني رسالة عامة بلغة لطيفة. يعني رسالة مخصّصة، مرتبطة بما فعله العميل، وفي التوقيت المناسب. وأفضل طريقة لذلك هي بناء ما أسميه: سلسلة الـ Warm Outbound وهي ببساطة تسلسل واضح من الخطوات يضمن أن كل تواصل يتم عن قصد. يمكن البدء بها يدويًا، ثم أتمتتها لاحقًا. وتتكوّن من خمس مراحل مترابطة: 1️⃣ وضوح تام في تعريف العميل المثالي وتحويل هذا الوضوح إلى مرجع لكل قرار. 2️⃣ التقاط إشارات الاهتمام من المحتوى، والتفاعل، والسلوك الرقمي. 3️⃣ تقييم العملاء المحتملين داخل النظام لتحديد من يستحق التواصل أولًا. 4️⃣ إرسال رسائل مخصّصة عبر البريد أو الرسائل المباشرة لكل عميل، بحسب سياقه. 5️⃣ التحسين المستمر الاحتفاظ بما ينجح، والتخلّي عمّا لا يضيف قيمة. لا يمكن القفز فوق أي مرحلة.

سيناريو يتكرر كثيرًا مع فرق التسويق المختلفة: – "بنحتاج نعدّل الHook" – "المشكلة في ال CTA" – "المشكلة في العنوان الفرعي H2" كلها عناصر مهمة لكنها سطحية لإنه التأثير بيجي من الأساس لذلك إنت أمام سيناريوهين: الأول أن يكون الحل على مستوى الاستراتيجية التسويقية: ✅ إعادة صياغة القيمة المقدَّمة بشكل أوضح وأكثر تركيزًا ✅ تطوير الرسائل التسويقية لتكون أكثر إقناعًا ✅ إعادة النظر في تموضع العلامة التجارية لزيادة التميّز السيناريو الآخر أن لا تكون المشكلة تسويقية أصلًا بل على مستوى استراتيجية البزنس: ✅ غياب تعريف واضح للجمهور المستهدف ✅ عدم وجود أهداف وخارطة طريق محددة ✅ المنتج أو الخدمات لا تعالج مشكلة حقيقية ومؤلمة للعميل المسوّق المحترف يدرك ضرورة التعامل مع المشكلة على مستواها الصحيح: أولاً: المستوى التنفيذي: اختبار وتحسين التكتيكات ثانياً: المستوى الاستراتيجي التسويقي: إعادة بناء الأسس ثالثًا: المستوى الاستراتيجي للأعمال: جمع المعطيات وفتح الحوار مع الإدارة