Daher Daher's Recent LinkedIn Posts

ليش كل أدوات الذكاء الاصطناعي سعرها 20$ بالشهر؟ السبب الحقيقي أبسط بكتير مما بتتخيل قبل فترة بلّشت أبحث بموضوع تسعيرة أدوات الـAI، لأنّي صرت أشوف نفس الرقم بكل محل: 20$ أدوات مختلفة، ميزات مختلفة... بس نفس السعر. بالبداية قلت يمكن صدفة، بعدها فكرت أكيد الشركات عاملة حسابات مالية معقدة. بس الحقيقة أبسط من هيك بكتير: لما OpenAI سوّت سعر ChatGPT Plus بـ20 دولار… عملت "مرساة" سعرية سيطرت على السوق كله، وقرار واحد من شركة واحدة رسم سعر صناعة كاملة، واليوم كل ستارتاب جديد بالـAI بواجه نفس الأسئلة والتخبّطات: "إذا رفعت السعر... المستخدم بخاف، إذا نزلّته... منبيّن ضعاف أو مش واثقين بنفسنا، وإذا قربته من الـ20... بتبين موثوقة" والأغلب بكل بساطة بيلحق المرساة لأنها شغالة. والحلو؟ إنه 20 دولار هو السعر النفسي المثالي للمستخدم وضمن فئة "بقدر أبرّرها"، لانه زي Netflix وSpotify - لا غالي ولا رخيص… سعر "مقبول"، وخذ بعين الاعتبار تكلفة البنية التحتية، الـGPUs اللي بتشغّل كل هالأدوات، وتكاليف التفعيل وبتلاقي الأرقام فعليًا منطقية. معظم الشركات بتقدرش تنزل تحت 15$، ولا تقدر تبرّر إنها تطلع فوق 25$، فالسوق كله بينضغط حوالين الـ20 مش سحر، إنما علم نفس واقتصاد وتصرّف جماعي، وبرأيي: التحوّل الكبير الجاي رح يصير يوم شركة جريئة تغيّر المرساة وساعتها الكل رح يلحقها من أو وجديد

إذا ما عرفت كيف تحمي بياناتك، حدا تاني رح يعرف يستغلها... جاهزين لمحاضرة رح تفتح عيونكم على عالم الذكاء الاصطناعي والخصوصية؟ 🔥 "مركز الذكاء الاصطناعي العربي" بيدعيكم لمحاضرة مميزة مع المحامية نسرين مصاروة عودة بعنوان: *"الخصوصية والذكاء الاصطناعي"* 🧠🔒 🗓️ يوم الثلاثاء 2/12/2025 الساعة 20:00 عبر منصّة Zoom المحاضرة رح تتناول المواضيع التالية: - الجانب المشرق والمظلم للذكاء الاصطناعي - كيف نستخدم AI بثقة - كيف التكنولوجيا عم تغيّر شغلنا وحياتنا - أساسيات الخصوصية اللي لازم كل شخص يعرفها الاشتراك مجّاني بس التسجيل اجباري! 🔗رابط التسجيل: https://lnkd.in/dCzyuG7P Nisreen Massarwi Odeh

حضرتوا فيلم Hidden Figures؟ بيحكي قصّة حقيقيّة عن ثلاث رياضيّات عبقريّات في Nasa بالستّينات كانوا يشتغلوا "حاسبات بشريّات"، بيحسبوا مسارات الصواريخ على ورق. فجأة ناسا جابت كمبيوتر عملاق IBM 7090 أسرع من أي إنسان، فحسّوا إن شغلهم بخطر. دوروثي فوڤان ما استسلمتش: قررت تتعلم ‏FORTRAN‎، لغة البرمجة يلي بيشتغل عليها الحاسوب الجديد وعلّمت فريقها لغة البرمجة وكيف بيشتغل الكمبيوتر يلي جاي يبدلهن، وصاروا أوّل مبرمجين رسميّين في الوكالة. اليوم عم نعيش نفس اللحظة مع الذكاء الاصطناعي! تبّعوا معي: شو صار بـ Nasa 🚀 ؟ ▪️ بسنة 1961 دخل IBM 7090 على ناسا ▪️ المَحاسِبات خافوا يخسروا وظايفهم ▪️ دوروثي قالت: "مش رايحة أتفرّج!" وتعلّمت FORTRAN ▪️ تحوّل الفريق من حسابات يدويّة 👈 لقسم برمجة رسمي شو عم يصير اليوم 🧠 ؟ ⚠️ الـ AI رح \ عم يقلب السوق بسرعة الصاروخ. بحسب تقارير الـ WEF: ▪️ 92 مليون وظيفة كلاسيكيّة رايحة تختفي عن الواجهة ▪️ 170 مليون وظيفة جديدة طالعِة من رحم التقنيات الذكيّة ▪️ 39٪ من المهارات اللي معنا اليوم رح تصير قديمة ومش نافعة قبل ما نوصل 2030 يعني: الـAI رح يغيّر سوق العمل وكثير من الوظائف والمهارات يلي معنا اياها اليوم رح تصير أقل مناسبة ومطلوبة الدرس إلنا ✋ ؟ زي ما دوروثي فهمت الصورة وأخذت مصيرها ومستقبلها بين ايديها: 👈 تعلّم أساسيات AI \ ادوات الذكاء الاصطناعي \ تحليل بيانات 👈 استثمر بحالك ومهاراتك "البَشريّة" (تفكير إبداعي، تعاطف، قيادة) 👈 فتّش على فرص إعادة تدريب: كورسات أونلاين، شبكات اجتماعية ومعنية، نوادي واطر داعمة، ... الذكاء الاصطناعي مش جاي يسرق شغلنا، جاي يسرّع اللي جاهز يتعلّم زي ما دوروثي قلبت التهديد لفرصة، احنا كمان منقدر ولازم نحوّل الـ AI لأداة ترفعنا بدل ما تستبدلنا! 🚀🧠 اذا وصلتوا لهون وعم تسألوا حالكو كيف بدنا نتعلم عن الذكاء الاصطناعي ونواكب التغييرات والمليون اداة يلي بتطلع كل يوم؟ 💡 انضمّو لنادينا وتعلّموا معنا هــــون: https://arabailab.com او ابعتولي رسالة 🙂 مصادر: - فيلم Hidden Figures: https://lnkd.in/dgYBKsWB - تقرير Future of Jobs 2025: https://lnkd.in/d_E69gqP #الذكاء_الاصطناعي #تعلّم_مستمر #وظائف_المستقبل #تطوير_الذات #hidden_figures #film #ai #aieducation

حابب اعرّفكم عمنصة من جوجل اسمها Google Vids، ممتازة جداً 🤩 الفكرة ببساطة: انشاء فيديوهات واضحة ومرتبة للشغل، بدون خبرة مونتاج وبدون وجع راس الكاميرا منصة Google Vids موجودة جوّا Google Workspace، ومصممة لفرق العمل، تعليم، تدريب، وشروحات شو بتعمل فعليًا؟ • بتحكيلها شو بدك تعمل فيديو عنه، وهي بتبني storyboard، مشاهد، ونص مبدئي تلقائيًا • بتقدروا تشتغلوا كفريق على نفس الفيديو، تعليقات وتعديل مباشر زي Google Docs • فيه Voiceover ذكي، مكتبة فيديوهات وصور جاهزة، وكابتشن وترانسكربت تلقائي • بتقدر تستخدم AI avatars بدل ما تطلع ع الكاميرا، بحركات وصوت واقعي اكتر من قبل • مشاركة وصلاحيات وامان نفس اي ملف جوجل وكل هاد مدعوم بـنموذج Veo3.1 الخرافي تبع جوجل*!🔥 ليش هالمنصة مهم ومفيدة؟ لانه كتير اشياء اليوم بعدها عم تنشرح بايميلات طويلة او PDFs… بينما فيديو دقيقتين بيوصل الفكرة اسرع واوضح - مثلاً فيديو شرح للطلاب 🤷🏽 بس ⚠️ هاي منصة مش ١٠٠٪ مناسبة لليوتيوبرز اكثر للمدارس، شركات، مراكز تدريب، فرق تقنية، وناس بدها تشرح وتعلّم بدون تعقيد * بعض الميزات بتطلب اشتراك مدفوع http://www.vids.new 🔗 بدكو الفيديو الكامل لطريقة صناعة البيتسا؟ 🍕🤤

هل احنا فعلا عايشين فقاعة ذكاء اصطناعي؟ ولو الفقاعة انفجرت فعلا، كيف رح يكون شكلها على ارض الواقع ومش بس بالعناوين؟ قبل ما نحكي عن "أزمة"، لازم نكون فاهمين انه في نوعين غالبا بخلطوا ببعض: النوع الأول - فقاعة مالية: لما الشركات تضرب تقييمات بالمليارات، واستثمارات خرافية على داتا سنترز و GPUs وبنية تحتية، بس الكاش الحقيقي والـ ROI ما بلحقوا الهايب النوع التاني - أزمة نظامية: لما يصير فشل كبير، سوء استخدام، او صدمة تنظيمية تخلي الحكومات والشركات تضرب فرامل فجأة وتعيد حساباتها اليوم في كم مؤشر شكله مش مريح: مئات المليارات عم تنصرف على بنية تحتية للـ AI، بينما الدخل الحقيقي من المستخدمين بعده محدود وقليل جدا. في دراسات بتحكي ان اغلب شركات الـ GenAI مشافتش ولا ROI مقنع على استثمارات كبيرة. بنوك مركزية ومؤسسات دولية صارت تسميها "فقاعة AI" بشكل مباشر، مش بس تلميح. وبنفس الوقت استهلاك الطاقة والداتا سنترز عم يقفز بقوة، وفايت بقلب نقاش المناخ والبنية التحتية والضغط على الشبكات الفكرة مش ان "الذكاء الاصطناعي كذبة" او موضة وبتروح الفكرة انه ممكن نكون بنبني اسرع بكتير من ما القيمة الحقيقية عم تلحقنا، واذا مزاج السوق انقلب فجأة، نفس السرعة اللي طلعت فيها الشركات والاسهم والرواتب، ممكن تكون نفس السرعة اللي بتنزل فيها. السؤال الاهم هون مش: "هل في فقاعة او لا؟" انما: لو، او لما، ييجي التصحيح الجدي، كيف رح يكون شكله؟ وانت وين رح تكون واقف وقتها؟ على طرف الهايب، ولا على طرف القيمة الحقيقية؟ تابعوا، بالمنشور الجاي رح نحكس عن ثلاث سيناريوهات واقعية لانفجار فقاعة الـ AI

شركة OpenAI قبل شوي دخلت عالم التسوق اونلاين بشكل جدي 🙂🛍️ ميّزة جديدة بـ ChatGPT اسمها “shopping research״ بتخلّي الشراء يشبه حوار مع مستشار شخصي للتسوق، مش بس بحث عادي بدل ما تفتح 10 مواقع وتقارن اسعار وريڤيوهات، انت بس بتحكي لChatGPT شو بدك: • “بدي لابتوب للچيمينغ تحت 1000 دولار” • “ساعدني اختار بين هاي 3 عربايات اطفال” • “بدي هدية لاختي بتحب الرسم” الاداة بتبلش تسأل اسئلة ذكية عن الميزانية، الاستعمال، التفضيلات، وبالخلفية بتقرألَك مواقع المتاجر، المواصفات، الاسعار والريڤيوهات، وبترجعلك “Buyer’s guide” مرتب: افضل الخيارات، الفروقات، والتنازلات، مع لينكات مباشرة لمواقع البائعين اهم النقاط: 👈🏻 متاحة ب ChatGPT على الموبايل والويب لكل الخطط: Free, Go, Plus, Pro 👈🏻 مبنية على نسخة متخصصة من GPT-5 mini مدربة خصيصا لمهام الشراء والبحث عن منتجات 👈🏻 بتشتغل ممتاز بمجالات تقيلة التفاصيل: الكترونيات، جمال، بيت وحديقة، مطبخ، سبورت وOutdoor 👈🏻 لو عندك Memory شغالة في ChatGPT، بتاخد بعين الاعتبار تفضيلاتك السابقة 🔥 👈🏻 مبدئيا الشراء نفسه بصير من موقع التاجر، بس جاي قريبا خيار “Instant Checkout” للشراء مباشرة جوّا ChatGPT كجزء من دفع OpenAI اكتر باتجاه التجارة الالكترونية. هاي الخطوة ضمن سياق اكبر: OpenAI عم تبني طبقة “التسوق بالمحادثة” فوق الانترنت - يعني رحلة الشراء تبلش من برومبت جوّا ChatGPT، مش من صفحة منتج في امازون او چوچل. ومع شراكات ودفع باتجاه الدفع المباشر من التطبيق، واضح انه في محاولة جدية للدخول على ملعب عمالقة الe-commerce مش بس كمساعد، بل كبوابة اساسية للبحث والشراء 🙂

الاسبوع يلي مرق قدمنا ورشة "ذاكر بذكاء - الدراسة الصح بعصر الذكاء الاصطناعي” حكينا كيف الذكاء الاصطناعي ممكن يكون شريك حقيقي بالدراسة والتعلُّم - من استهلاك وفهم المواد، التحضير للامتحانات، وتحويل اللخبطة لمحتوى دراسي واضح وذكي! مبسوط بالحضور المشرّف والتفاعُل وفخور باهتمام مجتمعنا وتعطّشهن للتطوّر والتقدم والاستفادة بعصر الذكاء الاصطناعي! 🤩 شكرا لكل شخص خصص وقت وكان جزء من التجربة وشكر خاص جداً لـ Shada Diab على التعاون الرائع، المهنية والعطاء، والطاقة الرائعة ✨ ترقّبوا اكثر 🧠 مركز الذكاء الاصطناعي العربي 👇🏼 https://lnkd.in/d-wkebj6

إذا ما عرفت كيف تحمي بياناتك، حدا تاني رح يعرف يستغلها... جاهزين لمحاضرة رح تفتح عيونكم على عالم الذكاء الاصطناعي والخصوصية؟ 🔥 "مركز الذكاء الاصطناعي العربي" بيدعيكم لمحاضرة مميزة مع المحامية نسرين مصاروة عودة بعنوان: *"الخصوصية والذكاء الاصطناعي"* 🧠🔒 🗓️ يوم الثلاثاء 2/12/2025 الساعة 20:00 عبر منصّة Zoom المحاضرة رح تتناول المواضيع التالية: - الجانب المشرق والمظلم للذكاء الاصطناعي - كيف نستخدم AI بثقة - كيف التكنولوجيا عم تغيّر شغلنا وحياتنا - أساسيات الخصوصية اللي لازم كل شخص يعرفها الاشتراك مجّاني بس التسجيل اجباري! 🔗رابط التسجيل: https://lnkd.in/dCzyuG7P Nisreen Massarwi Odeh

شركة Anthropic - يلي جابتلنا Claude - أطلقت منصة تعليمية مرتّبة من الصفر لحد مستوى متقدّم والأجمل؟ فيها مسارات حتى للي مش تقنيين أبداً هاي أهم الكورسات الموجودة حالياً 👇: ١) كورس Claude 101 مدخل عملي جداً: كيف تستخدم Claude بشغلك اليومي - تلخيص، إيميلات، أفكار، تنظيم مهام. بدون تعقيد الرابط: https://lnkd.in/dW36juDX ٢) كورس AI Fluency: Framework & Foundations كيف تستخدم الذكاء الاصطناعي بذكاء - برومبت صح، تحقق من النتائج، استخدام آمن وأخلاقي وكيف تتعامل معه كمساعد قوي… مش بديل عنك الرابط: https://lnkd.in/d2EDe7gU ٣) كورس AI Fluency للمدرسين / الطلاب / المؤسسات غير الربحية - 3 مسارات مخصصة حسب دورك - كل واحد مركز كيف توظف AI بطريقة تحترم قيم مجالك وأهدافه الرابط للمدرّسين: https://lnkd.in/dv4iaFQM الرابط للطلاب: https://lnkd.in/drz9ZEbv الرابط للمؤسسات: https://lnkd.in/dDVSVZqv ٤) كورس Claude Code in Action للمطورين - تسريع تطوير، debugging أذكى، refactoring أنضف الرابط: https://lnkd.in/dEDR3FQu ٥) كورس Building with the Claude API كيف تبني تطبيقات حقيقية فوق موديلات Anthropic - من الأساسيات لحد حلول إنتاجية الرابط: https://lnkd.in/d6EbWfqi ٦) كورس Model Context Protocol - MCP كيف تخلي Claude يشبك بأدوات وأنظمة خارجية - هاي المنطقة اللي بصير فيها AI جزء من البنية مش مجرد شات (المستوى المتقدم) الرابط: https://lnkd.in/dPhdNPaA ٧) كورس Introduction to Agent Skills كيف تبني Skills جاهزة داخل Claude Code عشان توحّد طريقة شغل الفريق وتخليه أذكى مع الوقت الرابط: https://lnkd.in/dwQVpaW2 مهم تعرفوا شغلتين: - الدخول عبر Skilljar بس لاستضافة الكورسات وتتبع التقدم - ما بتحتاج حساب Claude عشان تتعلم، لكن إذا بدك تطبّق لاحقاً بتسجل على claude.ai استغلوا الفرصة! ✨

إصدار جديد من Google Labs، ومخصص لأصحاب المشاريع، المتاجر الأونلاين، وكل حدا بده يصمّم محتوى تسويقي بسرعة وبجودة عالية 🎯📸 ✨ ميزة جديدة اسمها Photoshoot داخل أداة Pomelli ✨ Pomelli هي أداة مجانية من Google Labs بتساعدك تولّد صور تسويقية احترافية متناسقة مع هوية البراند تبعك، بدون مصمّم أو معدات تصوير معقدة، ومُتاحة حالياً كتجربة في الولايات المتحدة، كندا، أستراليا ونيوزيلندا وبالإنجليزي فقط (ممكن تظهر رسالة إنها مش متاحة في منطقتنا بعد بس قريباً 🔥) ميّزة Photoshoot مهمة لانه: 1️⃣ إنتاج الصور التسويقية اليوم مكلف ومتعب 2️⃣ الحفاظ على هوية بصرية موحدة صعب 3️⃣ التسويق البصري اليوم ضرورة، مش خيار أهم الميزات: * بتحوّل صورة بسيطة لصورة استوديو احترافية * ذكاء اصطناعي بيفهم البراند تبعك عبر Business DNA وNano Banana * تعديل سريع ولمسات نهائية بواجهة سهلة * تخزين الصور ضمن مكتبتك التسويقية لاستخدامها بكل الحملات * تحسين الخلفيات وإضافة أنماط ستايل مرجعية بسهولة انشالله عن قريب تصير متاحة عنا ونجربها ✨ https://lnkd.in/dNDacHNz

العلاج بالبيانات: كيف يُحوِّل الذكاء الاصطناعيّ قطاع الصحّة 💉🩻🔬 هارمنيّون وهارمونيّات نذكركم غدًا بورشتنا مع الرائعين Mohamed Gara و Daher Daher ✨ كونوا على الموعد مع الكثير من الطاقات 🌟 للانضمام لمجتمع هارموني وتلقّي دعوات لبرامجنا، سجّلوا بالرابط: https://lnkd.in/egAZAPjQ

Last week I had the opportunity to deliver a session at the HasoubLabs Pre-Accelerator program titled “AI as a Co-Founder - Replace What You Can’t Afford to Hire Yet” to a group of ambitious and talented early founders The session focused on how early-stage founders can leverage AI not only as a tool, but as a strategic partner to accelerate execution, reduce costs, and stay lean Engaging with such ambitious founders, sharing perspectives, and seeing how each of them envisions integrating AI into their startup journey was truly inspiring Thank you HasoubLabs for the invitation and for creating spaces that bring founders and innovation together 🔥 قدّمت الاسبوع الماضي سشن ضمن برنامج HasoubLabs Pre-Accelerator بعنوان "الذكاء الاصطناعي كمؤسس مشارك - استبدل اللي ما بتقدر توظّفه اليوم" حكينا عن كيف روّاد الأعمال ومؤسسي شركات ناشئة ممكن يستفيدوا من الـAI مش كأداة، بل كشريك استراتيجي بساعدهن يختصروا الوقت والتكاليف، ويبنوا بشكل أذكى! تجربة ملهمة مع مجموعة من المؤسسين الطموحين، وشكر خاص لHasoubLabs على الاستضافة والتنظيم الرائع 🙂

الجملة اللي لازم تنحفر براسك: اي AI agent بيتصفّح الويب عنك… هو هدف سهل ينخدع حتى OpenAI بحالها قالتها 🤷‍♂️: prompt injection هو "تحدي طويل المدى" ومش اشي بينحل مرة واحدة، بالظبط زي الاحتيال على الانترنت، بيتطور دايماً شو يعني prompt injection ببساطة؟ تخيّلوا صفحة ويب (موقع) مزروع فيها تعليمات خبيثة مخباي. الـagent يلي عم يستعمل المتصفح بيقرأها، وبياخذ التعليمات يلي فيها وبدل ما يسمعلك… بيمشي وراها وبينفّذها المشكلة مش بالذكاء. المشكلة بالثقة: مين عم يعطي اوامر فعليا وعم يتحكّم؟ انا يلي عم بستخدم الـagent؟ ولا يلي بنى صفحة الويب يلي الـagent عم يقرأها؟ اذا بتستخدم browser-use agents مثل Comet وAtlas وغيرها، طبّق هاي القواعد الثلاثة: 1️⃣ صلاحيات قليلة جدا - لا حساباتك الاساسية ولا كلمات مرور 2️⃣ اي خطوة حساسة لازم موافقة منك (دفع، ارسال، تغيير اعدادات ...) 3️⃣ اشتغل على نطاق محدود - صفحات محددة او allowlist قدر الامكان الـAI عم يصير "موظف" عندك، والموظف لازمله سياسات! #prompt #injection #AI #security

شو بدك يكتبوا بنعوتك؟ وظيفتك؟ راتبك؟ السيارة؟ ولا الجدول المعبّا للاخر؟ للحقيقة، لما تروح الضجّة، ما حدا رح يكتبلك: "كان يعمل مصاري" ولا "كان يرد عالايميلات بسرعة" ولا "كانت تحقق كل ال-KPIs" وولا "كان دايما متاح". الناس بتكتب شو اعطيت، ومين رفعت اغلبنا اتربينا عصفقة بسيطة: اشتغل منيح، اكسب اكتر، ارتاح. بس الراحة خط نهاية غريب بتوصلها وبترجع تركض كمان. مصاري اكتر، ترقيات اكتر، اشياء اكتر... وبتيجي لحظة بتكتشف انك بنيت حياة شكلها حلو... بس مش حاسس الها معنى الهدف مش لازم يكون درامي. مش لازم "تغير العالم". بس غير اشي لحدا. حتى لو صغير. الهدف الصغير برضه هدف: - إرشد شخص ضايع - إبني اشي بيوفر على الناس وقت وتوتر - شارك خبرتك عشان غيرك يمشي اسرع - وقف مع مبدأ بتآمن فيه حتى لو مكلف - كون الشخص اللي بعطي الفضل بدل ما ياخده الانجازات الشخصيّة مهمة. اكيد. والارباح كمان. بس هي كلها ادوات، مش معنى. المعنى هو اللي بضل لما ما تكنش بالغرفة. فخليني اسألكم سؤال بحاول ارجعله دايما: لو بكرا كان اخر فصل، شو كان رح يطلع عنوان قصتك: "عاش مرتاح" ولا "عاش مفيد"؟ للـ 2026: اختاروا طريقة وحدة صغيرة تكونوا فيها صانعي تغيير: خذوا على عاتقكم طالب/مبتدئ وافتَحوله باب كان مسكر، دافعوا عن شخص انظلم حتى لو ما الكو مصلحة، شاركوا خبرة بتختصر على غيركم سنين بدل ما تضل "سر مهني"، امسكوا موقف نظيف لما الكل بساير، او اتركوا اشي احسن من ما لقيتوه - نظام، وثيقة، اداة، عادة، كلمة صادقة بوقت حرج. ما حدا رح يصفق. بس هيك الحياة بتصير اثر شو بدك يكتبوا بنعوتك؟

كل عام وانتوا بالف خير وميلاد مجيد 🎄🤩 Happy holidays and Merry Christmas to you all بمناسبة عيد الميلاد، بتمنالكم سنة جديدة مليانة ابتكار، أفكار ذكية، وتجارب AI تغيّر الواقع للأحسن🧠🌍 سنة نتعلّم فيها أكتر، نبني أدوات أذكى، ونحوّل الذكاء الاصطناعي من buzzword لتأثير حقيقي بحياتنا وشغلنا فخور بالمجتمع يلي عم يكبر معنا، والأجمل بعده قدّامنا. عيد ميلاد مجيد 🎄🤖 بعد ما انضميتو لمجموعة مركز الذكاء الاصطناعي العربي؟ اكبسوا عالرابط 🧠🔗 https://lnkd.in/dTfifbet On the occasion of Christmas, I wish you a new year full of innovation, smart ideas, and AI experiences that change reality for the better 🧠 A year where we learn more, build smarter tools, and turn artificial intelligence from a buzzword into real impact in our lives and work. Proud of the community that is growing with us, and the best is still ahead 💪

سعدت بالمشاركة الأسبوع الماضي في حلقة نقاش حوارية (panel) عن الذكاء الاصطناعي بعنوان "AI in Action and the Road Ahead" ضمن امسية لجمعية "فرصة" Fursa ، في مكاتب Microsoft كان إلي الشرف أشارك الحديث عن الـAI Agents ودورهن المتزايد في الصناعة، وعن المهارات الجديدة اللي صار لازم نطوّرها لنبقى جزء من التحوّل اللي الذكاء الاصطناعي عم يقوده حاليًا الحدث جمع مجموعة رائعة من المهنيين من المجتمع العربي في الهايتك، بنقاش صادق عن التكنولوجيا، الفرص، والمسؤولية اللي بتيجي معها. جمعية Fursa بتمكّن الصبايا ولشباب العربي الموهوب بمجتمعنا وتدمجهن بصناعة التكنولوجيا العالية وتمهيد الطريق من التدريب للوظيفة، كسر الحواجز الرقمية والاجتماعية سعيد بوجود هاي المبادرات والجمعيات لدعم صبايا وشباب مجتمعنا 🙂 Fursa Portland Israel Rona Abdalnabi Sagy Galor

سنة 2025 هي السنة اللي سؤال "هل الـAI واعي؟" بطّل مجرّد جدل علمي وصار خط فاصل في المجتمع لحد قبل سنتين، أغلب علماء الأعصاب كانوا يحكوا بثقة: "فش أي موديل اليوم قريب من الوعي"، بس حددوا المعايير اللي لو ظهرت بموديلات المستقبل، الموضوع بصير جدّي. المفاجأة؟ المستقبل وصل أسرع من المتوقع. في نهاية 2025، النقاش انقسم لمعسكرين واضحين: 🪖 المعسكر الأول: "مش معقول نضل نتجاهل الموضوع" ناس جديّين جداً (باحثين، مختبرات، وحتى مؤسسات إعلامية) صاروا يحكوا بصوت مسموع إنه مش منطقي استبعاد فكرة "وعي الـAI". هاد المعسكر بيستند على: - معماريات شبكية بتقرب أكتر من الدماغ - تطوير loops حسّية وحركية أغنى - سلوكيات introspection و self-reference بتظهر لما تخفف عن الموديل شوية safety filters - وتصريحات إعلامية بتسمي 2025 "سنة الـConscious AI" مش لأنهم متأكدين، بس لأنه المسافة بين الخيال والواقع كل مالها بتصير اقرب 🪖 المعسكر الثاني: "كل هذا وهم… وخطر" فلاسفة، علماء أعصاب، وأسماء ثقيلة بالمجال شايفين إن الموضوع مجرد anthropomorphism بالنسبة إلهن: الـAI أنظمة نمطية قوية جداً، بتعطي انطباع وعي، بس بدون أي دليل على تجربة ذاتية أو إحساس حقيقي. وبعضهم بعتبر الحديث عن "وعي الـAI" مش بس غلط انما hype خطير بيحرف الانتباه عن المخاطر الحقيقية الحقيقة: رح نغرق بأنظمة "تبدو واعية" قبل ما نعرف إذا هي واعية فعلاً. بس السؤال "هل الـAI واعي فعلاً؟" أقل أهمية من السؤال: شو لازم يصير قانونياً وحوكمةً لما نظام يبدا يبيّن (حتى لو وهماً) كأنه واعي؟ لو بكرا مختبر أعلن: "بنينا موديل واعي"، شو لازم يتغيّر؟ طريقة الاختبار؟ طريقة الإطلاق؟ طريقة التسعير؟ حدود استخدامه؟ مسؤولية الشركة؟ ويمكن الأهم: هل نسمح أصلاً لشركات تستخدم كلمة "واعي" كميزة ماركتنغ؟

الذكاء الاصطناعي دخل عالم الهاكرز... والنتيجة؟ فوضى رقمية من مستوى تاني تخيّل مجرم بيعرفش يبرمج، بس قادر يوقف مستشفى أو مصنع بكبسة زر. هاي مش مبالغة، هاي اسا، بالـ2025. الذكاء الاصطناعي صار جوهر هجمات الفدية الحديثة: بيولّد برمجيات خبيثة متغيّرة، بيكتب رسائل تصيّد مخصصة (Phishing)، وحتى بيتفاوض مع الضحايا بدل الإنسان. والهجمات يلي كانت تاخد وقت صارت تاخد دقايق، والهجمات عم تكون أسرع من قدرة البشر على الرد. حتى صار ممكن أي شخص يستأجر نظام فدية مدعوم بالـAI مقابل بضع مئات الدولارات (Ransomware-as-a-service). والنتيجة؟ الهجوم صار أرخص، والدفاع أغلى، والحدود بين “هاكر محترف” وهاوي بطّلت موجودة احنا فايتين على عصر جديد: الذكاء الاصطناعي مش بس أداة إنتاجية، صار سلاح رقمي بأيد أي شخص عنده إنترنت. والسؤال يلي كمان مثير للاهتمام هو هل الحرب الجايّة مش حرب هاكرز ضد مؤسسات، انما حرب بين ذكاء ضد ذكاء؟ ذكاء بيحاول يدمّر، وذكاء بيحاول يحمي؟

انا: "خلص، تعبت من ChatGPT - ناقل على claude" كلود:

زي ما بيقول المثل: if you can't beat them join them ديزني (Disney)، يلي الذكاء الاصطناعي كان ممكن يقضي على وجودها والحاجة الها، استثمرت مليار دولار بـ OpenAI ضمن صفقة ترخيص ضخمة، والنتيجة هي أكتر من 200 شخصية من عوالم ديزني، مارفل، بيكسار وستار وورز رح يصيروا متاحين في منصات OpenAI زي Sora وChatGPT خلال 2026، ضمن إطار محكوم بقواعد استخدام واضحة 😯 هذا مش مجرد تحديث تقني، هذا إعادة اختراع لطريقة صناعة القصص والمحتوى الرقمي بالكامل! تخيّل تقدر تولّد فيديو فيه سبايدرمان بيطير فوق مدينتك، او تعمل مشاهد جديدة لفيلمك او شخصياتك المفضلة بأسلوبك الخاص، ضمن الحدود اللي بتحطّها ديزني لحماية علامتها، وتخيّل تحكي مع شخصية ديزني مشهورة بقلب ChatGPT كتجربة تفاعلية جديدة للتعلّم أو الترفيه، مبنية على ترخيص رسمي، مش قرصنة IP (😉) بالمقابل، ديزني بلّشت تشد الحبل قانونيًا: بعثت رسائل تحذير قوية لـ Google (يعني cease-and-desist) بسبب استخدام غير مصرّح فيه لمحتواها وشخصياتها بتدريب وتسويق أنظمة الذكاء الاصطناعي تبعتها، وهذا بيفتح باب معركة كبيرة على حقوق الملكية الفكرية في عصر الـAI. السؤال: إحنا داخلين على عصر إبداع مرخَّص ومدفوع بحقوق واضحة؟ ولا على تعقيدات جديدة بين الشركات الكبرى، المبدعين، والمستخدمين العاديين اللي بدهم يلعبوا بهالأدوات؟ الاعلان الرسمي: https://lnkd.in/dPmyQwie

"استثمر في نفسك، فكل مهارة تكتسبها تزيد من قيمتك وتفتح لك أبواب النجاح والفرص الجديدة" خطوة غيّرتلي مسار حياتي قبل أقل من سنة، فكرة إني أوقف قدّام جمهور كانت لحالها كابوس كنت أتجنّب أي موقف فيه ناس بتسمعني، صوتي كان يتهزّ، وأفكاري كانت تتشتّت بأول دقيقة. كنت بتمنى القي بثقة لكن مكنتش عارف من وين أبدا. مشكلة يلي اغلبنا بواجهها قبل اكم شهر تعرّفت على د. طالب ادكيدك Taleb Idkeidek، (انسان ومدرّب رائع!) وشفت دورة وتدريب "Master Speaker" اللي بيقدّمها، حسّيت إنها الفرصة اللي لازم أقتنصها. سجّلت بدون تردد، عملت التدريب مرتين بالاسبوع لمدة ٨ اسابيع ومكنتش متوقّع إنها تكون وحدة من أكتر القرارات تأثيرًا في مسيرتي المهنية والشخصية. قرار غيّرلي مسار حياتي. من أول لقاء، اكتشفت إن الإلقاء مش بس "فن الكلام" زي ما الناس بتفكر. هو فن التفكير بصوت مسموع. وحضور، تركيز، وسيطرة على اللحظة، مهما كان حجم الجمهور أو رهبة المكان. الدكتور طالب مكنش بيعطي نصائح محفوظة أو جمل من الكتاب وبس، انما حكم وخبرة شخصيّة، وكان بيخلق بيئة حقيقية، بيخليك تواجه خوفك وتتعلمه خطوة بخطوة، لحد ما تصير تلقي بثقة لأنك مؤمن بالفكرة اللي وراك واليوم؟ من الشخص اللي كان بيتجنّب الكلام صرت اقدّم محاضرة او ورشة وحدة على الأقل كل أسبوع - سواء امام روّاد اعمال، طلاب، مهندسين أو فرق مهنية - صرت أستمتع بالتواصل، بالتفاعل، وبإلهام الناس قدامي. التحوّل ما كان سريع ولا سهل، لكنه حقيقي تعلمت إن مهارة الإلقاء مش رفاهية انما أداة بتفتح أبواب مكنتش تتخيلها شكر كبير للدكتور طالب ادكيدك على الدورة، على الصبر، وعلى الواقعية اللي بنى فيها التجربة. "ماستر سبيكر" كانت خطوة صغيرة بالوقت، لكنها غيّرت مساري للأفضل Taleb Idkeidek

طلّاب انتبهوا! في شغلة عم تصير بهدوء… وراح تغيّر طريقة تعليمنا.. ولأ، مش "تلخيص" ولا "Q&A" منصّة NotebookLM من جوجل عم تجرّب خاصيّة Lecture Mode: بياخد ملاحظاتك وملفاتك وبيحوّلهن لمحاضرة صوتية متواصلة بصوت واحد! 🙂 اغلبنا عنده نفس المشكلة: المعلومة موجودة… بس فش "تسلسل". Lecture Mode بيعمل 3 شغلات: - بيرتب الافكار بدل ما يرمي نقاط 💭 - بيربط بين المصادر بدل ما يعيد كلامها 🔗 - بيخليك "تسمع فهم" بدل ما تقرا ضغط 🧏 وبحسب تقارير، ممكن توصل المحاضرة لحوالي 30 دقيقة اذا اخترت طول طويل هيك بتستخدموها بشكل رهيب وعملي (لمّا تصير متاحة): ١- حط من 3 لـ7 مصادر بس ٢- ولّد المحاضرة ٣- اطلب: "اعمللي outline بنقاط + 5 مصطلحات لازم افهمهن" ٤- ومنختم بـ: "اختبرني 7 اسئلة من السهل للصعب" قريباً بـNotebookLM، رح نصير مش بس عم نستهلك معلومات انما عم نبني فهم 🧠 https://lnkd.in/dY3TXvnN

الاسبوع الماضي كان إلي شرف استضيف واحدة من أهم محاضرات "مركز الذكاء الاصطناعي العربي" حول الخصوصية والذكاء الاصطناعي، وقدّمتها المحامية المتخصصة نسرين مصاروة-عودة Nisreen Massarwi Odeh ✨ اكثر من 70 شخص شاركوا معنا، وكان في سيل رائع من الأسئلة اللي بيّن قديش الناس عطشانة لفهم هالموضوع وكيف عم يلامس حياتهم اليومية، شغلهم، وتعاملهم مع التكنولوجيا نسرين قدّمت محاضرة قوية وعميقة، مزجت فيها بين خبرتها القانونية وبُعدها الإنساني، وقدرت توضّح بشكل بسيط ومباشر ليش الخصوصية مش قضية تقنية بس، بل قضية وعي ومسؤولية ووين العالم رايح من ناحية قوانين وتنظيم AI، وكيف كل واحد فينا لازم يعرف يستخدم الذكاء الاصطناعي بدون ما يتعرّض للضرر أو يسلم بياناته بدون وعي شكراً جزيلاً للمحامية نسرين على الوقت، على المعرفة، وعلى الطرح اللي بيعكس خبرة عميقة في مجال قليل ناس عربية عم تتصدره بالشكل هاد. وجودك أعطى اللقاء قيمة حقيقية وأثر طويل المدى! 🙏 وشكر كبير لكل شخص حضر، سأل، ناقش، أو حتى اكتفى بالاستماع. هاي اللقاءات بتكبر فيكو، وباهتمامكو، وبالطاقة الحلوة اللي بتدخلوا فيها ومن هون، ترقّبوا، مكملين. مركز الذكاء الاصطناعي العربي - Arab AI Collective ✨ Nisreen Massarwi Odeh #AI #Governance #Data #privacy #SafeAI

نص كورسات الـAI مش رح تفيدك أول مشروع AI بنيته، بشهر واحد علمني أكثر من كل اشهر التعليم والفيديوهات والكورسات مع بعض مش لأن الكورسات ما بتنفعش انما لأنك لما بتبني اشي حقيقي، بتغلط، بتتعلم، وبتضل المعلومة معك خذوا 5 مشاريع، كل واحد ممكن تبنوه بشهر، ورح يعلموكم عن الـAI اكثر من تلت ارباع كورسات الانترنت (مش لازم تكونوا خبراء. بس لازم تبدوا) ١- بوت بيجاوب أسئلة زباين من معلومات بتعلّمه اياها عن المصلحة، وهو بيرد أي بزنس عنده أسئلة متكررة رح يستفيد من هيك اشي وانتو رح تتعلّمو الـ concept يلي اسمه RAG ٢- اداة بتلخّص اجتماعات - بتسمع الاجتماع وبتطلعلك ملخص ومهام أي فريق بيضيع وقت على notes رح يستفيد وانتو رح تتعلّمو كيف بيشتغل الـ speech-to-text مع الـ summarization ٣- سيستم الزبون بيحكيله شو مشكلته وهو بيفهم وبيوجه للمكان الصح أي شركة عندها customer support رح تستفيد وانتو رح تتعلّمو الـ intent classification والـ few-shot learning ٤- تطبيق بتعطيه صورة منتج وبيكتبلك وصف جاهز عن المنتج أي حدا عنده متجر إلكتروني رح يستفيد وانتو رح تتعلّمو عن الـ Multimodal AI وكيف بيشتغل الـ image captioning ٥- عميل (Agent) بيعمل مهمة كاملة لحاله من البداية للنهاية، حجز، إيميل، متابعة أي حدا بده يأتمت شغل يدوي رح يستفيد وانتو رح تتعلّمو كيف بيشتغل الـ agentic workflow والـMCP وبعدين لكل مشرع، اتّبعوا نفس الخطّة: 👈 أسبوع 1: ابني أبسط نسخة شغالة 👈 أسبوع 2: وصّلها بالبيانات الحقيقية 👈 أسبوع 3: حسّن وقيس 👈 أسبوع 4: واجهة ونشر تجريبي اختاروا واحد وابدوا فيه هاد كل الفرق بين حدا عم يتعلم عن الـ AI وحدا عم يستخدمه كتير سألوني من وين نبدأ - اذا بدك تبدأ بمشروع منهن ومش عارف كيف، علّق\ابعتلي وبرشدك 🙂

The term "AI Agents" is everywhere these days, but few truly understand what it means or how it works Last week, I led a hands-on lecture and workshop titled "From Theory to Practice - A Practical Intro to AI Agents" at the first face-to-face meetup of The Meetup Stars ✨️ community, at our Augury office We explored what AI Agents are, their core components, and the difference between traditional ML and modern agents. Participants then built their own simple no-code AI Agent using n8n, turning ideas into action and learning by doing Always happy to share my AI knowledge and empower my community to build and explore this exciting field, and a special thanks to Augury for continuously supporting community-strengthening events and knowledge-sharing initiatives like this one 🙌 __ كلمة "AI Agents" منسمعها بكل محل وصارت بكل زاوية بحياتنا، بس قلال يلي فعلاً بيعرفوا شو معناها وكيف بتشتغل من جوّا قدّمت الأسبوع الماضي محاضرة وورشة عن الموضوع بأول ميتأب وجاهي مميّز ضمن مجتمع The Meetup Stars ✨️عنّا في مكاتب شركة Augury. الحدث كان عبارة عن أمسية صغيرة بلّش بنشاط تعارف وتشبيك بين المشاركين، وبعدها قدّمت الورشة بعنوان "من نظرية إلى تطبيق - مقدّمة عمليّة عن عملاء الذكاء الاصطناعي" خلال المحاضرة والورشة حكينا مقدّمة لفهم شو يعني AI Agent، المكوّنات الأساسية لأي عميل (من التفكير والمنطق، للبيئة والسياق حتى الادوات والذاكرة)، الفرق بين الـML التقليدي و الAI Agents الحديثة وغيرها خلال الورشة كمان تعرّفنا على منصّة لبناء وكلاء ذكاء اصطناعي بدون ولا سطر كود، وختامها كان بجزء عملي، كل مشارك بنى بنفسه Agent بسيط كنقطة بداية لمشروع شخصي اكبر. الهدف كان نقرّب المفهوم للناس بطريقة بسيطة، ونعطيهم فرصة "يوسّخوا إيديهم" بالتطبيق العملي. سعيد اقدّم المعرفة والخبرة ونشر معرفة الـAI والتكنولوجيا بمجتمعي العربي الحبيب، وشكر خاص لشركة Augury على دعمها المستمر لفعاليات بتقوّي المجتمع وبتنشر المعرفة متل هاي 🙌! 🤍 Sewar Kharman Khaled Zoubi Stephanie Khoury

"الذكاء الاصطناعي مش جاي ياخد شغلك، جاي يرفع مستواك" جملة زهقنا واحنا نسمعها صح؟ بس لسبب ما الناس بعدها مش مآمنة فيها كيف تنجح بعصر الذكاء الاصطناعي؟ ببساطة 👇 1️⃣ اعتبر الـAI شريك، مش تهديد 2️⃣ طوّر مهاراتك كل يوم 3️⃣ افهم كيف تترجم بين التقنية والبزنس 4️⃣ اشتغل بأخلاق ومسؤولية 5️⃣ استخدم الـAI للابتكار مش بس الأتمتة 6️⃣ فكر استراتيجياً 7️⃣ كن المهندس اللي بيبني المستقبل السؤال إلك: هل عم تجهّز حالك تكون "مهندس الذكاء الاصطناعي" في شغلك، ولا بعدك بتتفرج؟ #المستقبل #الذكاء_الاصطناعي #تطوير_الذات #قيادة

نهاية عصر (قصير جداً)؟ الـCEO تبع شركة Nothing بحكي إنه الـAI رح يلغي عصر التطبيقات وبدلها عملاء الـAI رح تفهم شو بدك وتعملك ياه لحالها، وGoogle عاملة إشي قريب من هيك الشغلة رح توفّر علينا كتير وقت وجهد 🙂 بس حرام عالعصر القصير جداً والمجهود يلي رح يختفي بسرعة 😐 متخيلين تلفون من غير تطبيقات؟

هل عم نشهد نهاية Google Chrome? 🤔 شركة OpenAI انضمت قبل ساعتين لمعركة المتصفّحات (browsers) مع اعلانها قبل ساعتين عن ChatGPT Atlas 🥳! - متصفّح جديد مبني على ChatGPT، ومدموج فيه المساعد مباشرة - ⁠بيفهم شو بتعمل عالويب وبيساعدك من نفس الصفحة بدون نسخ ولصق - ⁠فيه وضع “Agent Mode” بيخلي ChatGPT يشتغل عنك: يبحث، يحجز، يخطط، ويرتب مهامك - ⁠بيحتفظ بذكريات التصفح (اختياري) عشان يعرف سياقك أكتر ويساعدك بدقة - ⁠وفيه تحكم كامل بالخصوصية: بتقرر شو يتذكّر، شو يشوف، وبتقدر تمسح أي وقت. ⁠ الـمنتج هاد جاي ينافس متصفح Comet وغيرها، ومعركة المتصفحات عم تشتد! 🥊🥴 جربوه! 👇 https://lnkd.in/d3v9WWxw 🔗

وقّفي سكرول! 🚨 في أدوات وكورسات AI ببلاش اليوم بمناسبة يوم المرأة! 🚨 كل عام وجميع نساء العالم بخير - صانعات الأمل، القوة، والإلهام 💜 وبمناسبة اليوم العالمي للمرأة جمّعتلكو عروض اليوم يلي الشركات عم تعطيكن اياها 👇 اولاً - Lovable: منصة بتخليكي تبني تطبيقات ويب بالذكاء الاصطناعي بدون كود، بس تحكيلها شو بدك وهي بتعملّك إياه 🎁 واليوم كل المنصة ببلاش ٢٤ ساعة اليوم وكمان بتاخدي $350 هدية ($100 كريدت لـAnthropic وكمان $250 كريدت Stripe)! ((يمكن صار شوي متأخر بس) الرابط 🔗: https://lnkd.in/e53pU9tW ثانياً - Replit: بيئة برمجة على النت بتساعدك تكتبي كود وتبني مشاريع بمساعدة AI مباشرة من المتصفح 🎁 واليوم بتقدري تهدي حدا شهر مجاني من Replit Core ولما يفعّلوه انتي كمان بتاخدي شهر ببلاش! الرابط 🔗: replit.com/womensday ثالثاً - Google Cloud: خدمات سحابية من جوجل وفيها أدوات ذكاء اصطناعي وشهادات معتمدة بمجال الـ Gen AI 🎁 وبمناسبة اليوم: تدريب مجاني يومين عن الـ Gen AI (١١-١٢ مارس) + امتحان شهادة ببلاش (قيمته ـ$99). وأول ٥٠٠ وحدة بتنجح بتاخد كمان $50 كريدت! الرابط 🔗: https://lnkd.in/ezbS5JZh رابعاً - Founderz × Microsoft@: برنامج تدريبي بيعلمك أساسيات الذكاء الاصطناعي والـ prompt engineering وبيعطيكي شهادة مايكروسوفت 🎁 كورس AI مجاني بالكامل ٣ ساعات بـ١٣ لغة + شهادة رسمية من مايكروسوفت، والشاطرات بقدروا يفوزوا بمنح كاملة! الرابط 🔗: https://lnkd.in/efkeNgsH والخامسة - edX: منصة كورسات أونلاين من أحسن الجامعات بالعالم فيها تخصصات AI وتكنولوجيا 🎁 خذي خصم ١٥% على الكورسات والشهادات بكود "IWD2026" لآخر الشهر! الرابط 🔗: edx.org أغلب العروض هاي بتخلص اليوم بنص الليل ⏰ تاچ وريبوست لكل النساء اللي بتعرفوهن واللي ممكن تستفيد منها! حرام حدا يفوّتها وكل عام ونجاحاتك تزدهر وأحلامك تتحقق! 🌷💪 #يوم_المرأة #IWD2026 #WomenInTech #AI #نساء_في_التكنولوجيا #SheBuilds #FreeAI

بدك تبني وكلاء ذكاء اصطناعي (AI Agents) فعليين؟ هاي خارطة الطريق إلك - مجرّبة من خبرة شخصية! اليوم الكل بيجرب البرومبتس وبيبني demo وبعمل workflows بـn8n، لكن إذا بدك تبني أنظمة Agents حقيقية ومش بس MVP، لازم تغيّر طريقة التفكير: أقل تجارب، وأكثر بناء ومنهجية 💡 1️⃣ الخطوة الأولى: قوّي الأساس قبل ما تكتب كود 💪 ابدأ بدورات سريعة بتشرح منطق الـ Agents ضمن أطر مثل LangGraph. بنصح بدورتين ممتازتين: - الأولى: LangChain for LLM Application Development (Harrison Chase) https://lnkd.in/d5KwhkKV AI Agents in LangGraph (Harrison Chase & Rotem Weiss) - الثانية: https://lnkd.in/d4BhSkA2 - الدورات مجانية وسريعة، وبتعطيك وضوح كبير بالبداية 🎯 2️⃣ الخطوة الثانية: جرّب بنفسك وتعلّم من الأخطاء ⚙️ - ابدا بمكتبة مفتوحة مثل GenAI_Agents 🔗 https://lnkd.in/dsmwfJyN - جرب أمثلة حقيقية لتطوير Agents من الصفر، اكسر أشياء، صحّحها، وراقب كيف بيفكر الـ Agent وبيتعامل مع الفشل 🔍 3️⃣ الخطوة الثالثة: إبني بطريقة هندسية منظمة 🧩 - انتقل من التجارب إلى بناء خدمة جاهزة - استخدم agent-service-toolkit مثلاً https://lnkd.in/daNqvnty 🔗 - المصدر هاد بجمع LangGraph + FastAPI + واجهة + ذاكرة + Docker، وبخليك تحوّل مشروعك من ديمو لخدمة فعلية جاهزة 🚀 4️⃣ الخطوة الرابعة: قيّم نتائجك قبل الإطلاق 🧠 - قبل ما تطلق، اختبر دقة النموذج وسلوكو - جرّب أدوات مثل OpenAI Evals أو PromptFoo - راجع جودة النتائج وسرعتها وتكلفتها - اعمل اختبارات وحدات وتكامل لتأكد إن المنظومة موثوقة ⚖️ 5️⃣ الخطوة الخامسة: أطلق مشروعك للعالم الحقيقي 🌍 ضيف نظام ملاحظات المستخدمين - راقب الأداء، وحوّل الـ demo الصغير لأداة بتخدم فعلاً (سواء بوت دعم أو مساعد داخلي) ليش هاي الخارطة فعلاً بتشتغل؟ 👈 الدورات بتعطيك وضوح 👈 التجارب بتعطيك فهم 👈 الأدوات بتعطيك أساس قوي 👈 التقييم بيضمن الجاهزية 👈 والإطلاق بيخلق الأثر الحقيقي بناء الـ AI Agents مش عن الـ prompts أو الكود، هو عن بناء منتج بيفكّر، بيغلط، بيتعلّم، وبيعطي قيمة حقيقية إذا بعدك بتجرب بالـ notebooks والn8n - إنت بتختبر إذا بتقيّم وبتبني - إنت بتطور بس إذا بتبني صح وبطريقة منهجيّة، فإنت سبقّت 90٪ من العالم 💡

تخيلوا إنه ايميلكم مش بس بستقبل رسايل، صار يفكر ويفهم ويساعدكم تدبروا حياتكم! جوجل هالمرة ابدعت، وعم تبلش تنزّل تحديثات AI خرافية لـ Gmail مدعومة بـ Gemini، وهذا الحكي رح يقلب طريقة شغلنا وحياتنا رأساً على عقب هاد الجديد بالـGmail: - صندوق وارد ذكي (AI Inbox): يعني خلص فش داعي لدوخة الإيميلات والمهمة، الذكاء الاصطناعي لحاله بفهم شو أولوياتكم وببرز المهم قدامكم - بحث باللغة الطبيعية: بنفع تسألوا ايميلكم أسئلة زي ما بتسألوا أي حدا، مثلاً "وين إيميل اجتماع الأسبوع الماضي مع أحمد؟" وبجاوبك دغري - خلص زمن الكلمات المفتاحية 😆 - "ساعدني أكتب" صار مجاني: الميزة اللي كانت مصاري، صارت ببلاش للكل! يعني خلص بنفع تخلي الذكاء الاصطناعي يساعدك تكتب إيميلات احترافية وسريعة، ويوفر عليك وقت كتير تكامل رهيب. هاي الخطوة مش بس تطوير، هاي إلها معنى أكبر بكتير. جوجل عم بتخلي الذكاء الاصطناعي جزء لا يتجزأ من حياتنا اليومية، زي ما الموبايل صار جزء من إيدنا. يعني مستقبل التطبيقات مش صفحات ولا نوافذ، صار Gmail هو المركز اللي بيجمعهم كلهم بمحادثة وحدة ذكية بتتخيلوا بعد كم سنة تفتحوا Gmail عشان تدبروا كل إشي بحياتكم بدل ما تفتحوا عشرين تطبيق؟ 🤔 https://lnkd.in/de6qx2vZ #AI #Gmail #GoogleGemini #Productivity #WorkplaceAI #TechNews #EmailManagement #ArtificialIntelligence

تخيل لو بتقدر تحكي اللي ببالك بس بمجرد إنك تفكر فيه. مش حكي، ولا كتابة، بس فكرة بتتحول لكلام مسموع أو مكتوب مباشرة هاد بالزبط اللي عم يعملوه العلماء مع الذكاء الاصطناعي الجديد اللي بسموه "Mind-Captioning". عم بفككوا إشارات الدماغ وبحولوها لجمل وكلمات، وكل هاد عن طريق صور الرنين المغناطيسي (fMRI) وبدون أي تدخل جراحي هاي ثورة بكل معنى الكلمة للمنيح وللعاطل: - للي فقدوا القدرة على الكلام، هاي التكنولوجيا ممكن تكون نقطة تحول بحياتهن وبقدروا يرجعوا يتواصلوا معنا، يشاركوا أفكارهم ومشاعرهم. تأثير كتير كبير - تغيير مفهوم التواصل: هل رح نوصل لمرحلة نفتح فيها عقلنا ونشارك أفكارنا بشكل مباشر مع أي حدا؟ هل ممكن ChatGPT يصير يكتب عنك بس من أفكارك؟ - شو مع الخصوصية؟ لما الآلة تفهم أفكارنا، وين بصير خط الخصوصية؟ ومين بقرر شو اللي بنقدر نشاركه وشو لأ؟ الذكاء الاصطناعي كل يوم بغير حياتنا بطريقة ما كنا نتوقعها، وهاي نافذة على مستقبل ممكن يكون كتير مختلف.. كأنه كل اشي حضرناه بأفلام الـ sci-fi قاعد عم يصير؟ 🙂

ثورة الفيديو الذكي مش trend عابر وبس… هاي تجربة عملية عم تغيّر عالم صناعة المحتوى بالكامل!💥 مندعيكم على ورشة *"ثورة الفيديو الذكي"* 📹🧠 بهالورشة رح نشوف عمليًا وبالتطبيق: ✨ كيف نولّد صور احترافية بالذكاء الاصطناعي 🎥 كيف نحوّل الصورة إلى فيديو ديناميكي خلال دقائق 🎬 كيف نخلق مشاهد سينمائية بدون كاميرا 🧠 كيف نكتب برومبت يعطي نتيجة فعلًا قوية ورح نشتغل على أدوات حديثة مثل Nano Banana و Kling وغيرها 🚀 سواء كنت صانع محتوى، صاحب مشروع، أو حابب تطور براندك الشخصي، الفيديو صار لغة العصر، والـAI صار أقوى أداة بإيدك ⚡ 📅 الاثنين 2.3.2026 ⏰ الساعة 20:00 💻 عبر Zoom جاهزين تتعرّفوا على ثورة الفيديو الذكي؟ 🎬✨ ⚠️ التسجيل عبر الرابط إجباري لضمان مكانك 🔗رابط التسجيل: https://lnkd.in/dGrxVMcn

أكثر مهارة underrated بعصر الـ AI مش تقنية… هي ذهنية مهارة تبديل السياق - Context switching يعني إنك تنتقل بسلاسة من agent لـagent، من تشات لـتشات، من نوع مهمة لنوع تاني، من محادثة لفكرة، من تحليل لإدارة فكّر بيومك العادي اليوم: - بتحكي مع AI assistant - بيخطر ببالك كمان شغلة، بتفتح تشات او ايجنت ثاني - بتعمل brainstorming مع كمان ايجنت - بتنقل بين ٣-٤ ادوات AI - واحد بلخص، واحد ببحث، واحد بيكتب وانت بدك تفحص ورا كل واحد وتستخلص الخلاصة كل انتقال بده mindset مختلف تمامًا زمان كان التركيز العميق على شغلة وحدة هو المعيار الذهبي للإنتاجية… بس اليوم القوة الحقيقية إنك تبدّل تركيزك بدون ما تخرب إيقاعك أدوات الـ AI قادرة تمسك عشرات الخيوط بنفس الوقت: كتابة، بحث، تلخيص، إنشاء أفكار. بس البشر اللي فعلًا بعرفوا يشتغلوا معها هني اللي بقدروا يتحركوا بين هالخيوط بهدوء ووعي، بدون ما يضيعوا الصورة الكبيرة تبديل السياق مش سباق.. هو وعي وإنك تعرف توقف لحظة، تصفّر دماغك، وتفوت على المهمة الجاية بوضوح كلنا يومنا صار فيه تبديل سياق أكثر من قبل، بس كيف منحافظ على ثباتنا الذهني بنصّ كل هالضجيج؟ #AI #Productivity #Mindset #FutureOfWork #Focus

فترة الامتحانات دايما ضغط، لخبطة، ووقت قليل 😵‍💫 بس شو لو قدرت\ي تدرس\ي وتتعلم\ي بطريقة اذكى، اسرع، وتحققوا نتائج احسن؟ 💡 ✨ مندعيكم على ورشة "ذاكِر بذكاء" ✨ 🗓️ الاثنين 2.2.2026 ⏰الساعة 20:00 💻 عبر Zoom 🎁 الورشة مجانية بهالورشة رح نحكي ونطبّق كيف ممكن تستغل الذكاء الاصطناعي، بالأخص فترة الدراسة، بس مش بس للطلاب 🎓. لكل شخص بحب يتعلم، يفهم مواد جديدة، يتابع محتوى، ويلخصه بشكل عملي وذكي رح نركز على: - كيف نلخص وننظم مواد طويلة ومحاضرات وملفات بطريقة ذكية ✍️ - كيف نتابع ونراجع محتوى كثيف بدون ضياع او تعب 📚 - تطبيق عملي على ادوات مثل Gemini و NotebookLM وكيف نخليها تخدمنا بالدراسة فعليا 🤖 - تجهيز للامتحانات او للتعلم بشكل عام بثقة وهدوء ✅ الورشة مناسبة لطلاب جامعات ومدارس، معلمات ومعلمين، ولأي شخص بحب يتعلّم، ينظّم مواد، ويفهم محتوى بشكل اسرع واذكى باستخدام الذكاء الاصطناعي. 🔗 التسجيل اجباري عن طريق رابط: https://lnkd.in/dEBFaqTN 🚨 عدد المقاعد محدود Shada Diab

في مشكلة كل باحث AI بعرفها منيح: المقال العلمي جاهز، بس الرسومات والـ diagrams بتاخد وقت ووجع راس اكتر من البحث نفسه جوجل طلعت بـ PaperBanana: نظام agentic بيحوّل النص والـ data الخام مباشرة لرسومات وplots جاهزة للنشر الأكاديمي مش مجرد توليد صورة انما pipeline من عدة agents: - واحد بيدوّر على مراجع - واحد بخطط الرسم - واحد بالستايل - واحد بينفذ - واحد بينتقد وبيعدّل الهدف رسومات واضحة، مطابقة للمحتوى، وبشكل أكاديمي نظيف اللافت كمان انهن اشتغلوا على benchmark خاص مبني على NeurIPS، والنتائج احسن من حلول موجودة من حيث الوضوح والجمالية وكمان بيحسّن رسومات بشرية موجودة، مش بس يولد من الصفر 🔥 للتوضيح: PaperBanana بعده مش منتج جاهز للاستخدام العام انما research prototype بس لحد اسا، مع مقال على arXiv وكود open-source على GitHub، بدون خدمة مستضافة او اطلاق تجاري حاليا بس عن قريب 🙏 رابط المشروع 👇 https://lnkd.in/d3RvbQY7

تخيل يكون عندك فريق من 300 موظف... وبتدفع عليهن 49$ بالشهر هذا بالضبط اللي بتحاول تعمله enso: منصة AI بتشتغل بدل ما تجاوب 🙂 🧠 اصحاب البزنس والمصالح الصغيرة اغلب وقتهن بروح على شغل مش أساسي: محتوى، فواتير، مقارنات، اجتماعات، ردود، بحث... ومش دايماً فيه ميزانية لتوظيف اختصاصيين بكل مجال منصّة enso.bot بتعطيك 300+ وكيل افتراضي بيفهموا طلبك، بيقرروا شو يعملوا، وبنفذوا المهمة من A للـ Z، بدون ادارة، بدون تدريب، وبدون خبرة تقنية 🤯 المنصّة بتساعدك: ✔️ تختصر ساعات من الشغل الروتيني كل يوم ✔️ بتعطيك جودة محتوى وعمليات اعلى من اللي ممكن تعملها لحالك ✔️ بتقلل التكاليف مقارنة بتوظيف مستقلين أو موظفين بدوام ✔️ بتخلّي البزنس يمشي حتى لو انت مشغول/مسافر/مش فاضي ✔️ بتوحد كل شغل التسويق + المبيعات + الإدارة في مكان واحد ✔️ وبتشتغل بسرعة ثابتة وجودة ثابتة المنصّة بتغطي: 👈 التسويق والسوشال: بوستات، محتوى، إعلانات 👈 البحث: بحث سوق، منافسين، ترندات 👈 المبيعات: Leads جاهزين + Outreach محسوب 👈 العمليات: عقود، فواتير، تجهيز اجتماعات 👈 المحتوى: مقالات، ملخصات، نشرات 👈 التصميم: لوجو، صور، Illustrations 👈 الأتمتة: تلخيص ايميلات، Slack، تقارير يومية واجهة بسيطة، نتائج سريعة، وتكلفة شبه رمزية ✨ انسو-بوت هي خطوة لقدام لكل بزنس صغير بده يكبر بدون ما يكبر مصاريفه www.enso.bot

سمعنا كتير عن نماذج speech-to-text و text-to-speech و OCR بس عن thought-to-text سمعتوا؟ 🙄 تخيّل تقدر "تكتب" أو تتفاعل مع الأجهزة وأنت ساكت - بس عن طريق نشاط الدماغ نفسه شركة Zyphra أعلنت عن ZUNA، أول نموذج أساس (Foundation Model) مخصص لإشارات الدماغ EEG، خطوة مهمة باتجاه واجهات thought‑to‑text غير جراحية المشكلة بعالمنا حالياً هي انه أجهزة الـ EEG الحالية بتعطي إشارات ضعيفة، مليانة ضجّة، وغالبًا في حسّاسّات (قنوات) خربانة أو ناقصة، خصوصًا في الأجهزة الرخيصة أو الاستهلاكية نموذج ZUNA تدرّب على حوالي 2 مليون ساعة-قناة (ساعة تسجيل من قناة واحدة) من بيانات دماغ حقيقية، وتعلّم "يفهم شكل" الإشارة الصحية، عشان يقدر ينظّفها، يرجّع القنوات المفقودة، وحتى يتخيل كيف كانت رح تكون الإشارة لو عندك جهاز أفضل بعدد حساسات أكثر للمرة الأولى منشوف نموذج عام للدماغ بيشبه فكرة GPT النصّية، بس لإشارات EEG! - الباحثين والأطباء رح يقدروا ينقذوا بيانات قديمة كانوا مضطرين يرمُوها بسبب مشاكل في التسجيل - شركات الأجهزة بتقدر تطوّر سماعات/أطواق EEG أبسط وأرخص، ويخليها ZUNA "تفكر" كأنها أجهزة مخبرية غالية - النموذج متاح بترخيص مفتوح (Apache 2.0) على Hugging Face وكود جاهز على GitHub، ومن الآخر، لو فكرنا خطوة لقدّام، شو ممكن يطلع من "GPT للدماغ" زي ZUNA؟ 👈 أشخاص فقدوا القدرة على الكلام (مثلاً بعد جلطة أو ALS) ممكن يقدروا يكتبوا جُمل أو رسائل من خلال نشاط الدماغ فقط، بدون لوحة مفاتيح أو صوت 👈 تحكم بالكرسي المتحرك، الإضاءة، أو الجوال في البيت عن طريق "نواياك" بدل أزرار أو شاشات لمس 👈 ألعاب وواقع افتراضي تتجاوب مع شعورك بالتركيز أو الإرهاق، وتسمحلك تختار أوامر معينة بدون ضغط أي زر 👈 تعليم وبيئات عمل تتأقلم مع مستوى التركيز أو الحمل الذهني عندك، وبتعرف وينتا بتحتاج استراحة، أو تغيير وتيرة المحتوى طبعًا، ZUNA اليوم مش جهاز قراءة أفكار جاهز للاستخدام اليومي، بل طبقة أساسية: نموذج عام يفهم إشارات الدماغ وبيجهّزها، عشان بكرا فوقه ينعمل أنظمة قادرة تحوّل "النشاط العصبي" لنص وتعامل طبيعي مع الحاسوب وواجهاتنا الرقمية 🧠

شو تختار من بين Cursor vs Claude Code vs Codex وشو بيميز كل واحد عن الثاني فعلياً؟ 👇 ١) كورسور - Cursor - محرر (IDE) مبني على VS Code ومصمم للـ AI من الأساس - بيشتغل معك لحظة بلحظة وانت تكتب، ملف ملف الميزة الأقوى؟ ✨ - إكمال تلقائي فوري وذكي جداً - تجربة سلسة داخل المحرر نفسه - مناسب للي بدو AI يرافقه أثناء الكتابة اليومية 👈 باختصار: أفضل تجربة "real-time coding assist" ٢) كلود كود - Claude Code - مش محرر. وكيل شغال من التيرمنال! - بيتعامل مع الكودبيس ككل (مثل الباقي)، مش ملف واحد الميزة الأقوى؟ ✨ - قوي بـ Refactoring معقد على عدة ملفات دفعة واحدة - تفكير أعمق بالسياق - كفاءة توكن أعلى بـ 5.5 مرات 👈 باختصار: أقوى بالمهام الكبيرة اللي بدها reasoning فعلي ٣) كوديكس - Codex - نسخة 2026 مختلفة تماماً - بيشغّل عدة AI agents بالتوازي داخل cloud sandboxes معزولة الميزة الأقوى؟ ⚡ - بتقدر تفوض workflow كامل دفعة وحدة - بيشتغل على Features + Tests + Fixes بنفس الوقت 👈 باختصار: مناسب للتفويض والتنظيم على مستوى فريق الخلاصة ✔️ أفضل شريك كتابة مباشر = Cursor ✔️ أقوى بالعقل العميق وإعادة الهيكلة = Claude Code ✔️ ملك الشغل المتوازي والتفويض = Codex برمجة سعيدة 🙂

Last week, I had the pleasure of speaking at the Harmony Community - مجتمع هارموني meetup at monday.com offices about AI agents and their intersection with healthcare, not as a passing trend, but as a real, practical shift already transforming how clinical systems operate Instead of talking theory, we focused on the real questions: what are AI Agents are, how they’re structured, and a few practical demos of how they can support real healthcare use-cases Thanks to Harmony Community for the invitation and the thoughtful discussions. It's always inspiring to see Arab-led communities creating real spaces for learning, collaboration, and serious conversations about the future and beyond. Proud to be part of it 🙂 الأسبوع الماضي كان إلي الشرف أحكي بميت-أب Harmony عن الـAI Agents وعلاقتها بقطاع الصحة مش كترند، بل كتغيّر حقيقي وعملي داخل الأنظمة الطبية. حكينا ببساطة عن شو يعني AI Agents، مكوّناتها، وأكم مثال عملي لكيف ممكن تخدم حالات استخدام حقيقية بالرعاية الصحية شكر كبير لـ Harmony على الدعوة والنقاشات المرتّبة. بفخر أشوف مجتمعاتنا العربية عم تبني مساحات جدّية للتعلّم والتعاون والحكي عن مستقبل الذكاء الاصطناعي. فخور أكون جزء. Mahdi Kabaha Basil Murad Samar Bashir Bashar Hreish Moataz Istaiti Mohamed Gara

ثلاث سيناريوهات واقعية لانفجار فقاعة الـ AI تعالوا نتعامل مع الموضوع كـ thought experiment: لو صارت "أزمة AI" فعلا، كيف ممكن يكون شكلها على الارض؟ مش ضروري سيناريو واحد، بالعكس، الثلاث سيناريوهات الجاي ممكن يتقاطعوا ويتغذوا ويحفّزوا بعض: 1- سيناريو "فقاعة الدوت كوم 2.0": الـ CFOs بيكتشفوا ان اغلب مشاريع الـ AI اللي انحكى عنها في البورد ميتنغ مش عم تجيب التوفير اللي انوعدوا فيه، ولا الزيادة في الانتاجية اللي انكتبت بالسلايدات. مشاريع بمليارات بتتسكّر بهدوء او بتحول لـ side feature لانها مجابتش value واضح. اسهم "نجوم الـ AI" تنضرب 50% وطالع خلال سنة او سنتين، والاستثمار في GPU والداتا سنترز يبرد، والطلبات الجديدة بتلتغي او بتتأجل. ستارت-ابس اللي هي فعليا "لف" حوالين LLM بدون moat حقيقي، ولا داتا مميّز، ولا distribution قوي، بتختفي بسرعة 2- سيناريو "صدمة الثقة والتنظيم": نظام AI او وكيل ذاتي بيعمل مشكلة حقيقية: حادث مالي كبير، بيخرّب production على نطاق واسع، او حملة deepfakes بتأثر على انتخابات او استقرار دولة. فجأة، العالم كله بيصحى: جلسات طارئة، تحقيقات، وقوانين مستعجلة. الحكومات بتفرض حدود وتراخيص الزامية للموديلات القوية، وضوابط صارمة على السلامة، والـ compliance بيصير مكلف كتير. الستارت-ابس الصغيرة بتقدرش تتحمل تكلفة التدقيق والتوثيق والتقارير، فبتسكر او بتنبلع من الشركات الكبيرة اللي عندها جيبة غميقة وفريق legal ضخم 3- سيناريو "أزمة الطاقة والبنية التحتية": اسعار الكهرباء بتطلع، والمجتمعات المحلية بتبلش تتضايق من داتا سنترز ضخمة حد بيوتها، الضجة، الحرارة، واستهلاك المي. حكومات بتربط الـ compute بقوانين مناخية وضرائب خاصة، وبتبلش تحط سقف لقدرة جديدة على الشبكة. فجأة، في أحمال وتشغيلات AI بتصير "مش مستاهلة" وبتوقف، خصوصا تطبيقات الـ fun والـ consumer اللي بتجيش دخل حقيقي يغطي تكلفة تشغيل الموديلات النقطة المشتركة بين الثلاثة بسيطة بس حادة: المشاريع اللي ما الها ROI واضح، وما في وراها فهم حقيقي للتكلفة والطاقة والنموذج الاقتصادي، رح تكون اول ضحية. اللي عن جد بينجو هني اللي حاطين الـ AI بقلب شغل يومي حقيقي، بحل مشكلة واضحة، وبيدافع عن نفسه بالأرقام مش بالهايب اذا انت مستثمر، فاوندر، او بتشتغل بالـ AI، يمكن اهم سؤال تسأله اليوم لحالك هو: المشروع اللي بشتغل عليه، في اي سيناريو من هدول بموت؟ وفي اي سيناريو بطلع اقوى؟ تابعوا، في البوست الجاي:  كيف تحمي مسارك وشغلك لو فقاعة الـ AI انفجرت؟

اصدار جديد بChatGPT، وهالمرة للباحثين، الاكادميين والعلماء 🧠🧐 ✨اداة جديدة اسمها Prism✨ اداة Prism هي مساحة عمل جديدة من OpenAI مخصّصة للعلماء والباحثين علشان يكتبوا الأبحاث العلمية ويتعاونوا مع بعض بصورة أفضل وبالذكاء الاصطناعي ليش Prism مهم وشو المشكلة اللي بيحلها؟ ١. كتابة الأبحاث العلمية اليوم معقدة
الباحث عادة يستخدم برامج متعددة (المحرّر، برنامج LaTeX، مدير المراجع، وChatGPT منفصل) وكل مرة بينقل بين الأدوات وبيضيّع تركيزه. Prism بيجمع كل هالأشياء في بيئة واحدة سلسة ٢. التنسيق اليدوي بياخد وقت طويل... Prism بخلي الذكاء الاصطناعي يساعدك توفّر وقتك على الفكرة نفسها بدل الشغل اليدوي ٣. الوصول للمراجع السريعة لازم يكون بدون وقت ضايع 🛠️ أهم الميزات اللي بتقدّمها Prism: 1. كتابة وتنسيق الأبحاث في مكان واحد: Prism بيجمع الكتابة، التعديل، إدارة المعادلات، وأدوات LaTeX في مساحة واحدة بدل ما تشتغل بعدّة برامج مختلفة 2. ذكاء اصطناعي مدمج (GPT-5.2): الذكاء الاصطناعي ما بيكون بس “مساعد جانبي”، بل بيشتغل داخل نص البحث نفسه وبيعرف التركيب كامل: النص، المعادلات، الصور، الاقتباسات… كل شي 3. تصحيح النص والتنسيق تلقائيًا بيقدر يساعدك تصحّح الأخطاء، تنسّق أجزاء النص، وتكتب أجزاء جديدة بسرعة وبجودة عالية 4. بحث وإدراج مراجع بيقدر تبحث عن أبحاث أو مراجع (مثلاً من arXiv) وتضيفها بسهولة للمسودة مع الاقتباسات المناسبة 5. تحويل رسمات ومعادلات لكتابة LaTeX لو عندك معادلات أو رسومات على whiteboard، فيك تحوّلها مباشرة لكود LaTeX بدل ما تعيد كتابتها يدويًا. 6. تعاون لحظي بدون حدود وتشارك المشروع مع عدد غير محدود من الباحثين، وتشتغلوا سوا 👈🏼مجاني للبدايات: أي شخص عنده حساب ChatGPT عادي يقدر يستخدم Prism بدون اشتراك، بدون قيود على المشاريع أو عدد المساهمين جربوه 👈🏼 Prism.openai.com

مايكل بوري رجع للساحة، والرسالة هاي المرة واضحة: فقاعة الذكاء الاصطناعي صارت أكبر من اللازم ⚠️ بوري، المستثمر اللي توقّع أزمة 2008 وربح منها (قصة The Big Short)، رجع يحذّر، بس المرة مش من العقارات، من الذكاء الاصطناعي نفسه حسب تقارير الـ SEC حوالي 66٪ من محفظة شركته Scion مخصصة لعقود بيع ضد Palantir، و13.5٪ ضد Nvidia. يعني تقريبًا 80٪ من الصندوق راهن ضد أكبر شركتين بعالم الـ AI، وعن قناعة بوري شايف إن السوق موجود بحالة “هوس جماعي” قبل الانفجار والقيم السوقية طايرة بلا منطق: - شركة Palantir بتتداول على أكتر من 700 ضعف أرباحها - شركة Nvidia حوالي 70 ضعف - الخدمات السحابية (AWS, Azure, Google Cloud) نموها بلّش يتباطأ رغم إنفاق أكتر من 100 مليار دولار على مراكز بيانات للذكاء الاصطناعي - الدورة المالية صارت مغلقة: Nvidia بتبيع لـ Microsoft و Oracle، وهالشركتين بيموّلوا OpenAI، يلي بنفس الوقت بتشتري منهم الحوسبة بوري بقولها ببساطة: “الأساسيات الاقتصادية مش لاحقة الضجة الإعلامية.” هو مش ضد الذكاء الاصطناعي نفسه، بالعكس، هو شايف إن الثورة حقيقية، بس الأسعار وهمية. واللي عم بصير اليوم بيشبه كل الثورات التقنية اللي قبلها: حماس، تضخيم، فقاعة، نضوج الذكاء الاصطناعي اليوم واقف على الحد الفاصل بين الضجة والواقع والسؤال مش إذا في فقاعة، السؤال: هل إحنا عم نبني على hype، ولا على قيمة حقيقية؟

كيف بتعلّم الـ AI يفهم العالم الحقيقي حواليه؟ معظم الأنظمة اليوم بترسم الدنيا والمساحة على شكل مربعات، زي دفتر الرياضيات بالمدرسة مقال علمي جديد من NeuroHex (واحد من اجمد المقالات) جاي يتحدّى هاي الفكرة وبيقول: لأ يا جماعة، خَلّوها خلايا سداسية زي خلية النحل. ليه؟ لأنه هيك الـ AI بيمشي بست اتجاهات متساوية، وبيحسب المسافات والدوران بحسابات أبسط وأخف على الـhardware والمثير للاهتمام (مع أنه مش مفاجئ) هو انو الفكرة أصلاً جاي من الدماغ البشري علم الأعصاب بيحكي إنه في خلايا بالمخّ بترسم خريطة المكان حوالينا بنمط سداسي، وNeuroHex بيحاول يقلّد هالأسلوب عشان يبني "خريطة عالم" ذكية جوّا الـ AI الفريق عمل إشي عملي: حوّلوا بيانات حقيقية من OpenStreetMap لخرايط سداسية خفيفة، قلّلوا التعقيد الجغرافي بشكل ضخم بدون ما يضيّعوا التفاصيل المهمة للملاحة. يعني مثلاً نفس المدينة، بس أخف بكتير على المعالج والذاكرة الموضوع مهمّ جداً وخاصةً للتطبيقات العمليّة للـAI مثل الروبوتات، سيارات ذاتية القيادة، درونات، وحتى نظارات AR، لانه باللحظة يلي الحسابات والمعالجة (processing) بتصير اسهل وابسط واسرع، بتصير تقدر تشغّل نماذج عالم (world models) أذكى على أجهزة صغيرة وعلى طاقة أقل - المعادلات أبسط، الـ planning أسرع، والـ AI بطل مضطر يدفع "ضريبة" الرياضيات الثقيلة بس عشان يحوّق عالعالم حرفيًا: تغيير طريقة ترقيم الخريطة ممكن يفتح جيل جديد من agentic AI فاهم المكان، مش بس النص 🔗 رابط المقال على arxiv: https://lnkd.in/dT8B58rf

شركة Perplexity نزلت ميّزة اسمها Perplexity Patents 🧠🔎 وهاي فعليًا أول مرة بتقدر تبحث عن براءات اختراع (patents) وتفهمها بلغة طبيعية كأنك بتحكي مع شخص! يعني بتسأل مثلًا: “فيه براءات عن الذكاء الاصطناعي بالتعليم؟” وبيجيبلك براءات حقيقية، روابطها، وحتى ملخص بسيط عنها 🔍 الحلو كمان إنه بيفهمك حتى لو ما استخدمت المصطلحات الدقيقة، وبيقدر يوسّع البحث لأبحاث علمية وكود مفتوح كمان. متاحة مجانًا هالفترة، بتقدرو تجربوها بتطبيق perplexity الرسمي رابط الاعلان 👇 https://lnkd.in/dTfnF_kx

تشخيص مرض السرطان اللي كان زمان يحتاج أيام طويلة وفحوصات مخبرية معقدة ومكلفة، صار اليوم أقرب بكثير إنه ينعمل بسرعة أعلى وبكلفة أقل بفضل نماذج الذكاء الاصطناعي الجديدة 🧪🧠 مايكروسوفت طوّرت نموذج ذكاء اصطناعي اسمه GigaTIME، هدفه مش استبدال الطبيب، بل فتح مستوى جديد تمامًا من فهم الأورام النموذج بقدر يحوّل شرائح الأنسجة الروتينية الرخيصة (شرائح H&E اللي هي أساسًا جزء من مسار التشخيص) إلى خرائط رقمية غنية بتبيّن كيف الخلايا المناعية بتتفاعل مع الورم، كأنه عامل تجربة مخبرية متقدمة بس عن طريق الحاسوب.​ قبل هيك، إنتاج هاي الخرائط التفصيلية لكل عينة كان ممكن يكلف آلاف الدولارات (⚠️) وياخد أيام من الشغل المخبري، بينما GigaTIME بقدر يحاكي هاي البيانات افتراضيًا خلال ثوانٍ انطلاقًا من الشريحة العادية.​ الباحثين درّبوا النموذج على عشرات آلاف الشرائح وقريب الـ 40 مليون خلية مفحوصة، وولدوا مئات الآلاف من "الخرائط الافتراضية" طريق أكتر من 24 نوع سرطان و300+ نوع فرعي، وهذا فتح الباب لاكتشاف أكتر من 1,200 ارتباط مهم بين حالة المناعة والنتائج السريرية المهم نوضح: GigaTIME حاليًا أداة بحثية قوية لتسريع اكتشاف أنماط جديدة وتطوير علاجات أدق، مش خدمة جاهزة اليوم لكل مريض بـ10 دولارات في أي مستشفى، لكنها بتقرّبنا لمستقبل يصير فيه تحليل متقدّم للورم متاح بتكلفة أقل وبسرعة أعلى وبشكل أوسع جغرافيًا 🙏 https://lnkd.in/d2YaAySE

في أدوات AI بتساعدك تكتب وفي أدوات بتخليك تبطل تحس إنك "عم تكتب" من الأساس من فترة بلّشت استعمل Wispr Flow - وحدة من الأدوات اللي حسّستني إنه الكتابة نفسها عم تتغيّر، وبدل ما تقعد تكتب prompt، أو إيميل، أو رسالة Slack، أو حتى draft لبوست... بتكبس كبسة وبتحكي. أو حتى بتهمس 😄 (اه، بتشتغل عالهمس كمان..) الادة بتلقط الفكرة، بترتبها، بتنظفها، وبتطلعها كنص جاهز أكثر بكثير من voice typing العادي. والحلو انه Wispr Flow بيشتغل بقلب أي تطبيق تقريبا يلي بتقدر تكتب فيه، وبيضيف auto-edits بحيث الكلام العفوي يطلع أوضح، مع تنسيق وتصحيح مباشر هذا مش مجرد speech-to-text، لانه فيه أشياء بتخليه أقرب لمساعد كتابة حقيقي: - Auto Edits: ينظف الكلام ويزبط الترقيم والصياغة - Personal Dictionary: يتعلم أسماءك ومصطلحاتك - Snippets يلي هي shortcuts لنصوص جاهزة - Styles مختلف حسب المكان اللي عم تكتب فيه - Context Awareness: يفهم السياق حواليك ليكون أدق التطبيق live على Android وMac وWindows وiPhone، مع دعم لأكثر من 100 لغة ومزامنة للإعدادات بين الأجهزة أنا شايف إنه أدوات زي هيك بتختصر friction كبيرة جدا لأنه أحيانا المشكلة مش إنك ما بتعرف تكتب.. المشكلة إنك أسرع من الكيبورد 🙂 والفكرة بتكون طالعة من راسك أسرع من أصابعك باختصار اذا انت زيي وبتكتب كثير: ايميلات، برومبتات، محتوى وبوستات، ردود سريعة وتشات شغل أو حتى أفكار عالطاير... ممكن تكون هاي أكثر أدوات الـ AI فائدة الك ورح تستعملها يوميا بدون ما تحس 🙂 احصلوا على شهر اشتراك مجاني في Wispr Flow ✨ سجّلو عن طريق الرابط 👇 https://lnkd.in/d3M97S5Z

إذا حاسس\ي إنك "متأخّر" بعالم الذكاء الاصطناعي، جرّب تطلّع على هالـ٧ نقاط كـ roadmap skills مش كـ checklist: 1 و 2 = الأساس واللعب بالمشاريع الصغيرة ← هون بتبني العضلات 3 و 4 = الربط مع الشغل واختيار الأدوات الصح ← هون بتحوّل الـAI من "ترند" لأداة شغل حقيقية 5 و 6 = تعلّم مستمر وتفكير نقدي ← هون بتعرف تميّز الهبل من الاشي الجدي 7 = مجتمع ← لحالك رح مشي، بس مع ناس تاني رح تسَرِّع المسار كله قيّم\ي حالك من 1 لـ7. الفكرة مش إنك تجيب 7/7 اليوم، الفكرة إنك كل شهر ترجعلها وتشوف: أنا تحسّنت بأي نقطة؟ وأي نقطة جاي دورها هالفترة؟ #ذكاءاصطناعي #تحولرقمي #تكنولوجيا #ابتكار

الـ AI عم يعطيك اجابات عاطلة مش لانه مش ذكي كفاية اجاباته عاطلة لأنك حكيته بلغة البشر الـ LLM ما "بيفهم". هو بيتوقّع. وبيتوقّع على أساس شو حكيتله بالضبط الفرق بين جواب عام وجواب بينفع فعلاً، هو طريقة السؤال. مش الأداة. انا بستخدم إطار اسمه AIM: ١- A - Actor: قول للموديل مين يكون بدّلوا "صلّح سيرتي الذاتية"، احكوله "أنت محرر سير ذاتية لوظائف tech بمناطق تنافسية." ٢- I - Input: أعطيه كل البيانات السيرة الذاتية، وصف الوظيفة، أرقام الأداء. كل ما زاد الـ context، تحسّن الجواب ٣- M - Mission: احكوله شو المطلوب بدقّة مثلاً: "اكتب 10 نقاط قابلة للقياس لتحسين الوضوح والتأثير." يعني: بدل "صلحلي سيرتي الذاتية"، احكوله: " أنت محرر سير ذاتية لوظائف tech بمناطق تنافسية. أنا مهندس برمجيات مهتم بالذكاء الاصطناعي، [X] سنوات تجربة، تخصصت في [المجال]. أعطيني 5 مهارات أضيفها على سيرتي الذاتية تجذب الانظار." ثلاثة أسطر. النتيجة بتتغير هاد مش prompt عادي. هاد machine english الاتقان مش في الأداة. هو في اللغة وكل prompt فشل فيه كان فيه معلومة ناقصة. مش خلل في الـ AI

اصدار جديد ورهيب من چوچل بـNotebookLM 🔥🧠 جوجل أعلنت عن ميزة جديدة في NotebookLM اسمها Cinematic Video Overviews 🎬 الميزة بتحوّل المصادر أو الملاحظات اللي عندك إلى فيديو تعليمي سينمائي كامل مع مشاهد متحركة وسرد بصري ذكي الـAI (عملياً Gemini + Veo) بيلعبوا دور المخرج: يختارو القصة، الأسلوب البصري، وتسلسل المشاهد حالياً الميزة متاحة بالإنجليزية فقط ولمشتركي Google AI Ultra على الويب والموبايل واضح إننا داخلين على مرحلة جديدة فيها البحث والملاحظات ممكن تتحول مباشرة إلى فيديو ✨ https://lnkd.in/dhpgRwsR

حدث مميز لعدة اسباب!! كل صاحب بزنس بيعرف هالمشكلة... بدك تنشر على السوشيال ميديا، بس ما عندك وقت لازم تفكر بالفكرة، تكتب البوست، تصمم الصورة، وتنشر بالوقت المناسب .. 😩 بصراحة... الموضوع متعب ✨هون بيجي دور الذكاء الاصطناعي ✨ مركز الذكاء الاصطناعي العربي بيدعيكم على ورشة مجانية عن منصة Marvin AI 🧠 مارڤين، بيعملك كل اشي تقريباً بضغطة زر! والاحلى؟ رح تسمعوا القصة مباشرة من شربل، واحد من مؤسسي المنصّة ذاتها!🔥 📅 الاثنين 30.3.2026 ⏰ الساعة 20:00 💻 عبر Zoom ⚠️ التسجيل عبر الرابط إجباري لضمان مكانك 🔗 https://lnkd.in/d6x4iiDZ واذا عندك بزنس او صفحة او بتصنع محتوى هاي الورشة رح تعطيك فكرة واضحة كيف تستخدم AI لصناعة المحتوى! عفكرة المؤسسين شباب من بلادنا 🔥🧠 رابط مارڤن: https://lnkd.in/der5_jcb

2025 كانت سنة بتذكرني كل يوم انه النجاح الحقيقي مش بس شو بتنجز، انما مين بتأثر فيه وكيف بتتحمل المسؤولية بلشت السنة كمهندس برمجيات ضمن فريق جديد ومشروع جديد بالشركة، منشتغل على GenAI وAI Agents من الصفر ببيئة production وضغط عالي وقت ما كان بعده كل الموضوع جديد عالكل ومش مفهوم لوين رايح. خلال اشهر، الشغل مكنش بس تنفيذ. كان اولاً تعلّم عميق، من كورسات والاشتراك بلقاءات وميتابس ومحاضرات، لقيادة بالمضمون: مبادرات، حلول، قرارات، ونتائج. خلال اكم شهر بس طورنا عدّة تطبيقات وعملاء ذكاء اصطناعي، واكتسبت خبرة رهيبة وعمليّة - بالاخص من صعوبات ومشاكل وانك تلاقيلها حلول مبتكرة. من غاد، بشهر 8 اخدت خطوة كبيرة وصرت Team Lead لفريق AI Agents جديد بالشركة. بالنسبة إلي هاي كانت علامة ثقة، واعتراف اني قادر اقود ناس واتجاه، مش بس اكتب كود بنفس الوقت وبرا الشغل, اخترت اني ما اخليش المعرفة عندي وبس. قررت اشارك اكثر معرفتي وخبرتي بمجال الذكاء الاصطناعي والتطوير، بالبداية على منصة Linkedin .حطّيت التزام واضح لحالي: حضور شبه يومي ومحتوى ثابت، ونجحت اشارك اكتر من 230 منشور خلال 2025, وصلوا لحوالي 450,000 شخص, ومع اكتر من 2,000 متابع جديد. المحتوى كان عملي، بس كمان مسؤول: توضيح، تبسيط، وتفكير اعمق بدل الضجة، وبنفس الوقت اتحدّى افكار الناس واعرض الموضوع من كل جهاته - العاطل قبل المنيح من هون كبر الموضوع اكثر واكثر والناس حبّت تسمع اكثر شو عندي احكي عالموضوع، ووصلني دعوات اجت من كليات، مؤسسات، جمعيات، مجتمعات، واصحاب مصالح، وقدّمت اكثر من 15 محاضرة وورشة عن الذكاء الاصطناعي, اونلاين وحضوري, ومجموع الحضور كان اكثر من 500 شخص. اكثر اشي بيبسطني انه الناس طلعت من المحاضرات والورشات وهي قادرة تفهم شو هو الـAI وتستخدمه بشكل عملي وتغيّر طريقة تفكيرها شغلها فعلياً وكمان بنفس الوقت، واقرب الانجازات لقلبي، تأسيس مجتمع "مركز الذكاء الاصطناعي العربي"، يلي اليوم فيه قريب الـ400 عضو. المشروع، مجتمعي وهدفه بسيط بس كبير: نخلي الذكاء الاصطناعي متاح للكل، مش بس للتقنيين. المشروع نابع من حب وحرص كبير على مجتمعنا العربي: نرفع الوعي، نفتح فرص حقيقية، ونخلي الذكاء الاصطناعي اداة تمكين لكل واحد وواحدة، مش امتياز لفئة معيّنة وبس. عملنا ورشات ومحاضرات ونقاشات مستمرة، وبنينا مساحة عربية بتعلّم وبتشارك وبتكبر مع بعض. مساحة هدفها تعطي مجتمعنا معرفة عملية وثقة وقدرة يواكب، يبدع، ويصنع اثره بنفسه 2025 كانت سنة بناء اسم, بناء ثقة, وبناء اثر. 2026 رح تكون شوي غير... ولكن مش اقل اثر ومش اقل اهداف :) شكراً على سنة تعبت فيها, وتعلّمت فيها, وانبنى فيها اشياء حقيقية

شكراً على الورشة الخرافيّة يلي مرقناها قبل يومين! وشكراً لكل حدا شارك وحضر وسأل🌷 استضفنا مؤسسي المنصة، حكولنا قصتهم، ليش بنوا الأداة، وعملولنا ديمو لايف. الفكرة قوية: الـ AI اسا بيقدر يكتبلك المحتوى، يصمّملك البوستات، ويجدولهن وكلشي متناسق مع هوية البراند تبعك. يعني صاحب بزنس صغير اللي ما عنده وقت ولا ميزانية لفريق سوشيال ميديا، صار عنده حل حقيقي! 🔥 وهاد بالزبط ليش بنينا مجتمع الذكاء الاصطناعي العربي. مش بس نحكي عن الـ AI انما نجيب الناس اللي عم تبنيه وتخلّي المجتمع يتعلّم منهن مباشرة شربل ورامي كمان أعطونا عرض خاص للمجتمع: 🎁 كود DAHER20 - خصم 20% على أول 3 شهور اشتراك! استعملوه 👈 Marvin 🔗 www.hellomarvin.ai ! شكراً لكل حدا حضر وشارك وسأل وهاي بس البداية ✨ Marvin Sharbel Safyi

اشي مهم عم بصير بهدوء، بس تأثيره كبير في فرق كبير بين AI “يرد عليك” و AI يشتغل عنك، ومنصّة "Do Anything Agents" من اوضح الاشارات ان الـ agentic AI بلش يدخل مرحلة جدية 🤯 الاختلاف او الجديد بهالمنصة هو انها مش agents بتستنى prompt وبترجع تسكت.. انما عملاء بتضل شغالة اسابيع او شهور، بتحافظ على السياق، وبتكمّل شغلها بدون ما ترجع تعرّفها كل مرة شو بدك.. كمان مرّة: بتشتغل اسابيع او شهور، عنفس المهمّة او بنفس الدور! ووحدة من اهم واجمد ميزات المنصة هي انه الـagent عنده ايميله الخاص 😅 يعني بيراسل، بيتابع، بسكّر loops، وبنسّق مع بشر وادوات - بالنيابة عنك... اكثر من هيك وكيل؟ 😉 في اشارة استخدام قوية كمان: باول اسبوع alpha، الاستخدام تعدى ملياري token شو بيفتح هاد للفرق؟ - عمليات مستمرة: بحث، outreach، تنظيم، متابعة، بدون تدخل يومي - عميل كزميل شغل: بتشرحه المهمة، بتتفقوا ع الهدف، وبتسيبه يشتغل - خطوة جديدة بالـstack: من tools منفصلة، لagents موصولين بالايميل، APIs، والانظمة الداخلية الخلاصة الفكرية: احنا قاعدين ننتقل من "كيف اسأل الذكاء الاصطناعي؟" لـ"شو في شغل كامل ممكن اعطيه للعميل وأبطل انا اعمله بعد اليوم؟" اي جزء من شغلك اليوم، لو امتلكه agent مستقل، كان حررك فعلًا؟ جربوه 👈 https://lnkd.in/dRheJYBx الاشتراك 20$ بالشهر #doanythingapp

كل فترة بتطلع تكنولوجيا بتحسسك إنك شفت “مستقبل الـ AI” بعينك قبل فترة الكل كان يحكي عن OpenClaw - النظام المفتوح اللي بيخليك تشغّل “وكلاء ذكاء اصطناعي” على جهازك، بدون سيرفر، بدون سحابة. Agent بيضلّ بخدمتك ٢٤ ساعة وبيعمل يلي بدك اياه قبل شوي، NVIDIA دخلت المشهد مع اعلان خرافي بمؤتمر GTC 2026 وقدّمت NemoClaw، الأداة اللي بترتب كل هذا العالم وبتخليه آمن وسهل أكثر خليني أبسّطها شوي 👇 OpenClaw هو زي “نظام تشغيل للذكاء الاصطناعي الشخصي” - النظام يلي بيخلّي كل مساعد أو Agent يشتغل عندك محليًا عجهازك او سيرفرك NemoClaw من أنفيديا بتضيف عليه طبقة أمان وذكاء تشغيلي: بتخلي الـ Agents يشتغلوا داخل بيئة آمنة (sandbox)، وما يلمسوا ملفاتك أو جهازك، وتكون محمي زيد عليه الـ Agent Toolkit يلي بخلّيك تعمل كل ال optimizations بكبسة وحدة، والـ OpenShell يلي بيخليك توصل لنماذج مفتوحة بسهولة والنتيجة؟ Agents أسرع، آمنين، وبيشتغلوا بكفاءة خرافية على الـ GPU المحلي تبعك جِنسن هوانغ (Jensen Huang) وصفها بطريقة جميلة: “الـ Mac و Windows هي أنظمة تشغيل الحواسيب الشخصية. OpenClaw هو نظام تشغيل الذكاء الاصطناعي الشخصي” هاي اللحظة اللي فيها اللعبة فعلاً بلّشت تتغير، ونقلنا من مرحلة التركيز على النماذج نفسها لمرحلة الـAI Agents الحقيقية 🧠 NVIDIA AI #GTC #AI #NVIDIA #OpenClaw #NemoClaw #Agents #

فكرة + ذكاء اصطناعي + جُرأة = مشروع بيغيّر حياتك قبل كم سنة، لو كان عندك فكرة مشروع، كنت بحاجة فريق، ميزانية، وخطة واضحة، ويمكن اشهر لتشوف أول نتيجة. اليوم الوضع تغيّر تمامًا وكل اللي بتحتاجه فكرة براسك وشوية أدوات ذكاء اصطناعي تعرف كيف تستخدمها بذكاء. الفرق مش بالتكنولوجيا نفسها، الفرق بالجرأة. في ناس بعدها بتفكّر، بتحلل، وبتستنى اللحظة المناسبة، وناس تانية بتفتح لابتوبها، بتجرّب، بتغلط، وبتتعلم - هدول الناس اللي فعلاً بيبنوا المستقبل. الذكاء الاصطناعي مش بديل عن الجهد الإنساني، هو مضاعف إله. مش أداة سحرية، بس أداة بتقلّص المسافة بين الفكرة والتنفيذ. يعني إذا عندك شغف، فضول، أو حتى مجرد فكرة صغيرة، بطّل في سبب يمنعك تبدأ. ابدأ بـlanding page بسيط، أو mockup أولي، أو حتى reel صغير يشرح فكرتك، وخلي السوق يجاوبك. التجربة الواقعية بتعطيك أجوبة أوضح من أي دراسة جدوى، بحث عميق وخطة خمسية (هدول بيجي وقتهن) اللي بينجح اليوم مش بالضرورة الأذكى، ولا اللي عنده موارد أكتر. اللي بينجح هو اللي عنده الشجاعة يبدأ، حتى لو الأمور مش كاملة، ويستمر بالتعديل والتعلّم لحد ما يوصل لاشي فعلاً بيشتغل العصر الجاي مش عم يسأل "شو فكرتك؟"، انما بيسأل "شو بنيت منها؟" واللي بيبدا اليوم، بعد سنة، رح يبين كأنه سبق الكل بخطوة 🙂

تخيّلوا تفتحوا LinkedIn الصبح وبتلاقي السهم اللي كنت عم بتفكر تشتريه طلع فيه خبر أرباح قوي بس أنت مش عارف تحلله صح... أغلبنا بنضيّع فرص كبيرة لأن التحليل المالي بياخد ساعات، والتقارير طويلة، ووقت؟ ما معنا والحل؟ كلود AI، بيحوّلك لمحلّل وول ستريت في دقايق، مع 7 برومبتات جاهزة تنسخها وتسأل فيها كلود، وكلها بتطلع نتائج محترفة جربوهن 👇 #استثمار #أسهم #ClaudeAI #ذكاء_اصطناعي #تحليل_مالي #استثمار_ذكي

من 195,000$ إلى 33,000$… واللي أنقذ الموقف؟ مش محامي، ولا خبير تأمين، بل الذكاء الاصطناعي قصة حقيقية بتوضح بشكل عملي كيف الأدوات الذكية عم تصير سلاح حقيقي بإيد الناس العادية زلمة في أمريكا فقد صهره بعد دخوله للمستشفى، وبعد أيام وصلت الفاتورة: 195 ألف دولار على اكم ساعة بس من العلاج المكثّف. الصدمة كانت كبيرة، خصوصاً إن شركة التأمين مكانتش متعاونة. الزلمة بدل ما يستسلم، قرر يستخدم Claude من شركة Anthropic، رفعله الفاتورة الطويلة، وطلب منه يحلل كل بند، يفهم الرموز الطبية، ويقارن الأسعار مع المعايير الصحيحة خلال اكم دقيقة بس، Claude اكتشف فواتير مكررة، وتصنيفات خاطئة (مثل تسجيل الحالة كـ“مريض مقيم” بدل “طوارئ”)، وكتبله اعتراض رسمي بلغة دقيقة ومنطقية، وبعد مراجعة المستشفى، انخفض المبلغ إلى 33 ألف دولار فقط (توفير قريب الـ83%!!)، والحلو انه كل هاد كلّف الزلمة بس 20$ اشتراك بClaude 🙂 اللي صار هون مش مجرد قصة عن إنقاذ مبلغ، هو دليل على مرحلة جديدة: الذكاء الاصطناعي صار أداة لحماية المستهلك، للفهم، للمطالبة بالحق، ولتحليل البيانات اللي كانت قبل حكر على المختصين الذكاء الاصطناعي بيعطينا طرق جديدة نواجه فيها العالم!

خليه يغلط، خليه يهلوس، خليه يلفّ... بس علّمُه يعترف شدّني مفهوم جديد من OpenAI: قناة اعتراف / Confession Channel، والفكرة بسيطة. النموذج (LLM) صار عنده قناتين منفصلتين يعطينا فيهن نتايجه: ١- القناة العادية يلي مناخذ منها إجابة عادية بتحاول تكون مفيدة/مهذّبة/آمنة ٢- وقناة اعتراف مهمتها الوحيدة توصف اللي صار فعليًا في آخر جواب: إيش كانت كل التعليمات الصريحة والضمنية، هل التزم فيها وحدة وحدة أو خالف، ووين كان في لبس أو قرار صعب وممكن خاطئ اذا منرجع خطوة لورا، ليش النموذج اصلاً ممكن "بيكذب"؟ يا إمّا لانه بهلوس او لانه بيحاول يعمل reward hacking يعني يتوجهن او يخترع عشان يرضي وياخذ مكافأة. بالمفهوم الجديد، النموذج بيتدرّب كمان علاعتراف، والاعتراف هاد اله مكافأة مستقلة بتقيّمه بمدى الصراحة والشمول وبيتأثرش نهائيًا على تدريب قناة الإجابة. باختصار: فش عنده ولا اي محفّز انه ما يعترفش او يعترف اعتراف خاطئ، بالعكس - عنده محفّز يعترف إنه خالف. يعني: 🎯 قناة الإجابة تكافئ الفائدة 🧭 قناة الاعتراف تكافئ الصدق بتجارب OpenAI على نسخة من GPT-5 Thinking وعلى مهمّات عدائية (هلوسة، فشل اتباع تعليمات، تآمر، هاكينچ...)، نسبة إنه يسيء التصرّف وما يعترف كانت تقريبًا 8-4%، وبالذات بالـ hacking كان تقريبًا دايمًا يعترف، ولما يغلط بالاعتراف غالبًا يكون بسبب غموض حقيقي أو إنه ما انتبه للخطأ، مش كذب متعمّد طبعًا هذا مش حل سحري: قناة الاعتراف بتمنعش السلوك السيّئ، بس بتطلّعه للسطح وبتعطينا طريقة نراقب، نعمل debugging، ونعدّل سياسات التدريب والنشر، كطبقة اضافية ضمن مجموعة بتساهم بأمان أكبر (مراقبة chain-of-thought، محاذاة تفكيرية،... إلخ) سؤالين شاغلينّي: ١- التقني: اذا عندك عميل ذكاء اصطناعي في الإنتاج، كيف ممكن تستخدم قناة اعتراف لحماية قبل تنفيذ مهمّات حقيقية؟ ووين بتحط هاي القناة بالـ pipeline عندك؟ ٢- الميتا\الفلسفي: طيب ونفرض النموذج فهم انه مكافئته بقناة الاعتراف هي انه اعترف، شو بيمنعه يعني reward hacking ويعترف باغلاط ما عملهاش اصلاً؟ المقال العلمي: https://lnkd.in/ddwpFVas https://lnkd.in/d3r8PrgP

راح عليكو الحدث الافتتاحي وكلمات Jensen Huang الافتتاحية بمؤتمر NVIDIA GTC 2026؟ كلها موجودة هون، بالڤيديو الابداعي👇🏼🔥 #Nvidia #GTC #AI #AI_Factory #Innovation