Fatima Kayal 📈's Recent LinkedIn Posts

تتوالى المناسبات… لكن العلاقات الحقيقية هي التي تبقى... بمناسبة عيد الفطر المبارك... سعيدة بكل حوار وكل تعاون... وكل فرصة منحتني إياها هذه المنصة... كل عام وأنتم بخير... وأتمنى لكم المزيد من النجاح والنمو المستمر...

لا تقول... آسف على إزعاجك آسف على إزعاجك... لا تقول 🚫🚫🚫 أنت مندوب أدوية اتصلت أو دخلت عند دكتور مهم ومشغول لا تقول هي الجملة لو سمحت طب ليه؟ لأنه هاد التعبير يجعلك لا تحمل قيمة في نظر الشخص اللي بيسمعك ببساطة ممكن تقول مرحبا دكتور... أنا رح احكي باختصار هيك بتكون عطيته فكرة إنك مارح تطول وحافظت على مكانتك كشخص يقدم حلول وقيمة #طب_ليه #PharmaSales #MedRep

لما حدا يقلي... شغل مندوب الأدوية والمبيعات سهل 🤦‍♀️🤦‍♀️🤦‍♀️

لو قلتلي من سنتين اني رح صير فيق بكير وأنزل على شغلي قبل شروق الشمس كنت رح قلك شو هالعذاب وعمره الشغل اليوم كل يوم بنزل قبل ما تطلع الشمس وبنتظر اللحظات اللي بتشرق فيها بكل حماس لحتى شوف هالمشهد البديع حبيت شارك معكم المشهد لأنه جميل جدا سبحان الله العظيم... وجمعة مباركة

أول قائد حقيقي في حياتي... أمي أدارت الأزمات بهدوء اتخذت قرارات صعبة وبنت بيئة آمنة لنا لم يكن لديها منصب ولا فريق عمل ولا KPIs… ولا حتى راتب لكنها كانت تنجح… كل يوم... كبرنا... ودخلنا عالم الأعمال... نتحدث عن القيادة والذكاء العاطفي وإدارة الضغوط… ثم نكتشف أن كل هذه المفاهيم كانت مطبّقة أمامنا منذ الطفولة… باسم الأم... كل عام وكل أم… هي القصة التي لا يمكن تلخيصها... ولا ردّ جميلها...

طب ليه التفكير الزايد مو من مصلحة مندوب الأدوية؟ بعد كل زيارة شو كان لازم قول؟ ليش ما رديت هيك؟ يا ترى اقتنع ولا بس كان عم يجامل؟ التفكير الزايد مو بس مُرهق… هو أكتر شي بيستنزف طاقة مندوب الأدوية أكتر من كلمة لا نفسها. مندوب الأدوية شغله بيعتمد على: 🔸️الحضور 🔸️سرعة بديهة 🔸️الثقة 🔸️القدرة يكمل حتى بعد الرفض بس لما تصير تفكر بشكل زايد عن حده 🔸️بتتردد 🔸️بتجلد حالك 🔸️بتأجل الزيارات 🔸️بتخسر فرص كان ممكن تمشي طب الحل شو؟ مو إنك تبطل تفكير طبعا😁 الحل إنك تثق بحالك أكتر. يعني... خلصت الزيارة...خُود منها درس وكفّي الدكتور رفض... عادي جداً مو كل موقف بدو تحليل ولا كل زيارة مصيرها رح يحدد مستقبلك لا تخلي التفكير الزايد يستهلك طاقتك ويحبسك عن التحرك إلى الأمام #طب_ليه #MedicalRep #PhamaSales

كم مرة قريت بوست وقلت لحالك... أنا بعرف كل هالحكي طب ليه... ماعم طبقه هاي اسمها Knowing–Doing Gap الفجوة بين اللي بتعرفه… واللي بتعمله فعلًا. أنت كمندوي أدوية بتعرف إنه - لازم نفتح الزيارة بسؤال ذكي - لازم نسمع أكتر ما نحكي - لازم نطلب commitment بنهاية الزيارة - لازم نتابع مع الصيدلي والطبيب دايما بس بالحقيقة…بتدخل العيادة بدون خطة وبتحكي أكتر ما تسمع...وبتخاف تطلب التزام هيك بيصير المندوب stuck مو لأنه ما بيعرف… بل لأنه متعوّد يشتغل على الأوتو بايلوت. اسأل حالك بصراحة: كم مرة حضرت تدريب وقلت “واو” وبعدين ما تغيّر شي؟ كم مرة عرفت نقطة ضعفك وما عدّلتها؟ كم زيارة اليوم كانت نسخة عن زيارة مبارح؟ إذا حسّيت إنك عم تعيد نفس اليوم 200 مرة… فأنت عالق بهالفجوة. الحل... مو معلومات جديدة الحل سلوك جديد. جرّب هالأسبوع: غيّر افتتاحيتك بسؤال واحد مختلف اطلب commitment بجملة واضحة سجّل ملاحظة واحدة بعد كل زيارة اعمل follow up حقيقي لثلاث دكاترة بس النجاح بيكون بما تجرؤ إنك تطبّقه. #طب_ليه #MedicalRep #PharmaSales

- في بدائل كثيرة لدوائك هون معظم المندوبين بياخدوا وضع الدفاع: 🚫 لا دكتور نحن رقم 1 🚫 لا دكتور المنافس أقل جودة وهيك بتتحول الزيارة إلى جدال🤦‍♀️ الرد الاحترافي في هيك حالات بيكون: صحيح دكتور... في منتجات كثيرة في السوق… لكن منتجنا يحتوي على X بتركيز Y ويتميز بـ Z وهالشي بيجعله خيارا أكثر أمانا/تحملا/فعالية لمرضاك. لاحظت الفرق؟ أنت ما أنكرت وجود البدائل ما دخلت في مقارنة هجومية استخدمت "لكن" لتعيد توجيه الانتباه. طب ليه هالأسلوب فعّال؟ هذا ليس مجرد أسلوب بلاغي… بل له أساس علمي. في علم النفس المعرفي يوجد مفهوم اسمه: Contrastive Focus (التركيز التبايني) الدماغ ينتبه أكثر عندما يسمع جملتين بينهما تباين واضح. كلمات مثل: لكن / But / However تعمل كمؤشر ذهني يقول للدماغ: 🎯انتبه… هناك معلومة مختلفة قادمة لكن السر ليس في الكلمة نفسها… السر فيما تضعه بعدها. إذا كان ما بعد "لكن" ميزة حقيقية ومختلفة بوضوح فإن الدماغ يعالجها بتركيز أعلى مما يجعلها أكثر قابلية للتذكر لذلك… احرص دائمًا بعد كلمة "لكن" أن تذكر ميزة محددة وواضحة ومتصلة بمصلحة المريض. لأن ما يعلق في ذهن الطبيب مو أنك دافعت عن منتجك… بل أنك أعطيته سببا مهنيا ليختاره #طب_ليه #PharmaSales #MedicalRep

امبارح ضعت بالطريق… إي نعم... كنت رايحة على زيارة لعيادة... وفجأة توقف تطبيق الـ GPS عن العمل... آخر شي كان ظاهر إني بعيدة عن العيادة ٩ دقائق فقط… وبعدها... اختفى الطريق... ما عاد عرفت وين أنا… ولا وين لازم أروح ركنت السيارة على جنب الطريق لأحاول أفهم شو لازم أعمل وأنا مو بنت البلد... والعيادة مو من الأماكن اللي بروحها يومياً حتى أكون حافظة الطريق بصراحة… في البداية شعرت بالعجز لكن بعد لحظات قررت أمشي وأشوف وين رح يوصلني الطريق لفّيت… وجربت أكثر من مخرج… وبعد حوالي ٤٥ دقيقة وصلت أخيراً لكن اللي صار خلاني اسأل حالي سؤال مهم طب ليه أنا ضعت؟ مو لأن الطريق صعب… بس لأني صرت اعتمد على التكنولوجيا اعتماداً كاملاً. الـ GPS ما عاد مجرد أداة مساعدة… صار ذاكرتنا الملاحية ونحن كمندوبي أدوية تحديداً نعتمد عليه يومياً للتنقل بين: • العيادات • المستشفيات • الصيدليات • والمخارج السريعة لكن المشكلة أن الاعتماد الكامل عليه يجعلنا نقود… دون أن نتعلم الطريق. لذلك أخذت قرار بسيط... أستخدم هذه التطبيقات للمساعدة فقط… وليس للاعتماد الكامل. أحاول أن أحفظ: المخارج والمعالم الرئيسية والطرق البديلة لأنه بشغلنا كمندوبين… معرفة الطريق ليست رفاهية هي جزء من عملنا خبرني بالتعليقات شو هو التطبيق اللي تعتمد عليه يومياً وبتحس أنك بتضيع بدونه؟ (سواء في العمل… أو في الحياة) #طب_ليه #PharmaSales #MedRep

عتبة الباب.. ممكن تكون الثقب الأسود اللي يبتلع فكرتك اللي بدك تقولها وخطتك البيعية كم مرة كنتَ تقف أمام عيادة الطبيب تُراجع في ذهنك الـ (Key Messages) والـ (Closing) بكل حماس... وبمجرد أن فتحتَ الباب وخطوتَ داخل العيادة.. شعرتَ وكأن ممحاة قد محت أفكارك؟ بتوقف لثواني بتحاول تستجمع أفكارك بينما الطبيب ينظر إليك باستغراب... هذا ليس توتراً... هذا ما يسميه علم النفس تأثير عتبة الباب (The Doorway Effect). طب ليه بيحصل هالشي؟ أثبتت الدراسات من جامعة نوتردام أن الدماغ يعتبر الباب فاصلاً حيوياً. وعندما تعبر العتبة يقوم عقلك بـ تحديث البيانات (Update) وبيمسح المعلومات السابقة في الممر والانتظار ليجهزك لبيئة العيادة للأسف... في هذه العملية ممكن يمسح معها جملتك الافتتاحية القوية كيف تروّض ظاهرة عتبة الباب لصالحك في الزيارة؟ بناءً على هذا التحليل العلمي... إليك 3 استراتيجيات لتكون زيارتك القادمة أكثر ثباتاً: -الارتباط الحسي لا تكتفِ بمراجعة الكلام ذهنياً. امسك البروشور أو العينة الطبية في يدك وأنت تعبر الباب.... لمس الشيء المادي يربط الفكرة بيدك لا بعقلك فقط... مما يمنعها من التبخر عند العتبة. -البروفة الصوتية قبل الدخول... انطق اسم المنتج أو الجملة الافتتاحية بصوت منخفض جداً (همس). هاد من شأنه يحول الفكرة من خاطرة ذهنية إلى حركة عضلية في اللسان ويجعلها عصية على المسح عند عبور الباب. -التثبيت البصري بمجرد دخولك... ابحث فوراً عن شيء ثابت في العيادة (لوحة، شهادة، أو حتى مكتب الطبيب) واربط معلومتك الأولى به. هذا يخلق نقطة ارتكاز لذاكرتك في البيئة الجديدة. سؤالي لزملائي وحوش الميدان هل حدثت معكم هذه الخيانة الذهنية عند عتبة غرفة الطبيب؟ وكيف استعدتم التركيز في أجزاء من الثانية؟ شاركنا تجربتك في التعليقات... وخلينا نتعلم من عثرات بعض #طب_ليه #Medical_Rep #Sales_Tips

أخطر وقت في رمضان يواجهه أي شخص ومنهم مندوب الأدوية طبعا هي وقت القيادة أثناء العودة للمنزل قبل الإفطار -جوع -تعب -أشخاص معصبين لأنهم مفتقدين الدخان -والأسوأ على الإطلاق النعاس جسمك اللي كنت تصبره بالكافيين عم تفقد السيطرة عليه عيونك عم تتغمض وأنت سايق وعم تنحرف بشكل خفيف داخل مسارك... والله يستر أنا وأنت منعرف أن النعاس لا يأتي فجأة… بل يعطي إشارات واضحة: 🔸️ تثاؤب متكرر 🔸️ صعوبة تركيز العين على الطريق 🔸️ الانحراف الخفيف داخل المسار إذا ظهرت واحدة منها… فأنت لم تعد تقود بأمان. شوية حلول ممكن تساعد الصائم أثناء القيادة: 🎯خذ قيلولة 15–20 دقيقة قبل الانطلاق إن أمكن 🎯 اغسل وجهك بماء بارد قبل القيادة 🎯 افتح النافذة قليلًا لدخول هواء منعش 🎯وإذا شعرت أن عيونك عم تغمض… توقّف فورًا حتى لو دقائق صدقني إنك توصل بعد الإفطار أفضل من أنك تخاطر بحياتك وحياة الآخرين #طب_ليه #MedicalRep #PharmaSales

انت مندوب أدوية وأول مرة بتزور مشفى جديد هدفك واضح... بدك تعرف مين صاحب القرار حتى يتوفر دواءك ضمن لائحة المشفى. هلا الطبيعي انك تكون سائل قبل ما تروح وعرفان شوية تفاصيل وطبيعي انك لما تقابل حدا من المشفى تعرف تفاصيل اكتر أول سؤال ممكن يخطر ببالك: -حضرتك صاحب القرار؟ سؤال مباشر… لكنه غالبا مزعج ومحِرج وقد يعطي انطباع إنك عم تختبر سلطة الشخص بدل ما تبني علاقة معه. البديل الأذكى هو أسئلة تفتح الحوار بدون حساسية: -كيف عادةً بتمشي عملية إدخال دواء جديد للمشفى؟ -شو الإجراءات المتبعة للموافقة على الأصناف؟ -مين برأيك ممكن يساعدني كمان بهالموضوع؟ أسئلة بسيطة... لكنها: -بتخليك تفهم مسار القرار الحقيقي -بتحترم مكانة اللي قدامك طبعا هي إذا افترضنا انه الشخص اللي قابلته متعاون وعطاك أجوبة أما في حال كان مو متعاون خبرني أنت شو بتعمل بالتعليقات #MedicalRep #PharmaSales

من أدواتك اللي بتستخدمها كمندوب أدوية... العينات الطبية المجانية Free Medical Samples في بداياتي كمندوبة أدوية كنت أظن أن العينة هي مفتاح الدخول للطبيب. مع الوقت اتأكدت أن العينة لوحدها ما بتقنع… ولا تعوّض عن حضورك ولا عن فهمك. في كتابي «كُن هدهدًا» خصصت فقرة كاملة للعينات الطبية ومتى نُعطيها… ومتى لا... تعطي عينات لما: -تكون بعد عرض علمي مختصر وواضح -تكون مناسبة لتخصص الطبيب والحالات التي يعالجها او يستخدمها بشكل شخصي -تُستخدم كوسيلة متابعة ذكية ولا تعطي عينات إذا: -تحولت العينة إلى محور اللقاء -العينة تغطي على ضعف الحضور أو الفكرة كُن أنت هُدهُداً يحمل رسالة وليس شخص يوصل عينات فقط. هذا مقتطف من كتابي كُن هُدهُداً وهو دليل عملي لمندوبي الأدوية #كُن_هُدهُداً #MedicalRep #PharmaSales

كله بيحكيلك انه كلمة لا هي جزء من عملية البيع وانا بعرف هالشي بس انا ما بقدر أنكر انها بتقض مضجعي وخصوصا لما يكون أسلوب الرفض فظ ومزعج يمكن ردي فعلي الظاهري بكون هادي ولطيف لأني اتعلمت مع الوقت اضبط نفسي بس من جوا بكون فعلا متدايقة مشان هيك وقت بكون ماشية بالمول ويكونوا الأشخاص اللي عم يشتغلوا بالأكشاك عم يقولوا مسا الخير في محاولة لبيع بارفان أو أي شي بلتفت ناحيتهم وبرد السلام مع ابتسامة وبقول شكرا شكرا مو محتاجة بلطف اللي بيشتغل بالمبيعات مو جاي يزعجك هو عم يشتغل وعم يحاول يكسب رزقه بكرامة. حتى لو مو محتاج الخدمة اللي بقدمها… فيك ترفض بلطف... لأن الفظاظة عمرها ما كانت بيوم من الأيام دليل قوة ولا اللطف كان ضعف... "ولو كنت فظًا غليظ القلب لانفضّوا من حولك." صدق الله العظيم.

What you don't quit... You can't lose بتعرف إنه حوالي 80٪ من عمليات البيع تتم بعد خمس محاولات تواصل أو أكثر ومع ذلك فإن معظم مندوبي المبيعات والأدوية يتوقفون بعد محاولتين فقط لذلك الFollow-up بتعمل الفرق الحقيقي في عمل مندوب الأدوية الطبيب يسمع يوميا عشرات المندوبين لكن الذي يبقى في ذهنه… هو المندوب الذي لم يختفِ بعد الزيارة الأولى زيارة واحدة تعطي معلومة أما المتابعة فتبني اعتيادا وثقة وتبني علاقة #طب_ليه #MedicalRep #PhamaSales

كنت من كم يوم موجودة مع الشركة اللي بشتغل فيها ب WHX المعروف ب Arab Health سابقا وكان في صبية واقفة أمامي على ستاند لشركة تانية تقريبا بنص اليوم كانت عم تاكل Ice Cream وبالصدفة أجت عيني بعينها ابتسمتلي وقالتي I recommend this one it is so delicious قلتلا بالانجليزي انا أكلت عند اللي جنبه وكانت تجربة سيئة للأسف المهم قربت لعندي وحكينا شوي بأمور عامة وبعدين قالتلي شو بتستخدمي للعناية بالبشرة بأسلوب كتير حلو وضمن السياق ابتسمت انا وقلتلا فقط واقي شمس هون بلشت تحكي عن شركتها وأصنافها والمزايا وانا كنت عم اسمع كل كلمة وبالآخر قالتلي نحن ماعم نبيع أساسا بدنا شهر لنتوفر هون بالسوق بس حبيت عرفك عن الشركة ورجعت بعدين ع مكانها هي بكل ذكاء -عملت Ice Breaking لما أوصت بالمكان للآيس كريم -بنت علاقة لو بشكل بسيط معي -وعملت probing -ما ضغطت -ما باعت بس أهم شي بكل اللي صار انها كانت تبدو عفوية بالخطوات اللي عملتها معي طب ليه العفوية مهمة بالمبيعات؟ لأن العميل بيشمّ التصنّع أسرع مما تتخيل العفوية: بتخفف الحواجز النفسية بتلغي شعور... عم يبيعني شي بتخلي الحديث حوار… مو عرض تقديمي بتبني الثقة العفوية ما معناها عشوائية. هي مهارة مدروسة… بس من غير ما تبين مدروسة. أذكى مندوب هو اللي بيعرف الخطوات وبيعملها بس ما بيخلي العميل يحس فيها #طب_ليه #MedicalRep #PharmaSales

آخر ٣٠ ثانية من الحديث هي أكتر شي ممكن يتذكره الطبيب أو الصيدلاني أو العميل كيف تستغل هاد الشي بشغلك؟ 🔸️اذكر الاسم التجاري لدواءك في سياق آخر جملة 🔸️احصل على commitment من الطبيب 🔸️إذا كان الحديث اللي قبل كان عن نقطة سلبية بمنتجك اختم بنقاط ايجاببة لمنتجك 🔸️إذا كان الحديث انفتح من قبل الطبيب عن منافس اختم بحديث عن منتجك هي بعض الطرق لتختم زيارة طبيبك بطريقة فعّالة خبرني بالتعليقات إذا عندك غير مقترحات #طب_ليه #MedicalRep #PharmaSales

أصحاب المشاريع يعانون الموظفون يعانون المندوبون يعانون والمدراء كمان يعانون. الكل عنده معركته… بس الاختلاف بنوع المعاناة في ناس بتتعب لحتى تكبّر حلمها... وفي ناس بتتعب بس لتخلّص اليوم... لذلك اختار هدف يستحق المعاناة #طب_ليه #MedicalRep #PhamaSales

اليوم الصبح كنت بالمشفى مشان شغلي مرّيت على كافيه المشفى لأطلب شاي وفجأة البنات اللي بيشتغلوا هناك بدأوا يوزّعوا ورود حمر على السيدات الموجودة بالكافيه رفعت عيوني على وجوه السيدات… لاقيت ابتسامات حقيقية وفرح كافيه المشفى قدرت تصنع ذكرى إيجابية في مكان عادة مرتبط بالتوتر والقلق. وهون سألت حالي كمندوبة أدوية: كم مرة منمرّ على الأطباء والممرضين وإدارة المشتريات… وكل تركيزنا يكون على المنتج؟ الخصائص؟ السعر؟ التوفر؟ بينما الحقيقة الأعمق هي الناس لا تتذكر التفاصيل التقنية بقدر ما تتذكر الشعور. في بيئة مثل المشفى: ضغط مرضى مناوبات طلبات تحديات إدارية أحيانًا كلمة لطيفة... تقدير صادق أو لفتة بسيطة… تترك أثر أقوى من أفضل بروشور. الكافيه هي اليوم ما باعت قهوة… هي بنت علاقة عاطفية مع المكان. ونحن كمندوبي أدوية؟ نحن لا نبيع دواء فقط نحن نمثل دعما وشراكة وثقة وحضورا إنسانيا (أو عالأقل أنا هيك رأيي) اسأل نفسك قبل كل زيارة: 🔹 شو الذكرى اللي بدي أتركها اليوم؟ 🔹 هل الطبيب رح يتذكرني لأنني شرحت التركيبة؟ أم لأنه شعر بالاحترام والاهتمام؟ المبيعات مش دائما أفضل عرض… أحيانًا هي وردة صغيرة في توقيت صحيح... وهدول ⬇️⬇️⬇️ كانوا ورداتي #MedicalRep #PhamaSales

-بكرة عندي Role Play -طب حلو كتير ليه موترة -لأنه ال Rola Play أنا كتير بتلبك منها ودايما شغلي بالواقع بكون أحسن من اللي بعمله بالرول بلاي ال Role Play وحدة من أكتر الأمور اللي بتوتر مندوب الأدوية و90% من مندوبي الأدوية بكون أداءهم بالفيلد أفضل بكتير من أداءهم أثناء الRole Play طب ليه؟ لأن الهدف الحقيقي من الـ Role Play غالبًا بيضيع… وبيتحول من أداة تعلّم وتدريب لأداة حُكم وتقييم. فالمندوب بدل ما يركّز كيف يتعلم يركّز كيف ما يغلط. وهون بيجي سؤال مهم هل الرول بلاي لازم يكون ارتجالي؟ الجواب: لا. الارتجال وسيلة… مو شرط. الـ Role Play بالأساس أداة لمحاكاة الواقع وتطوير السلوك مو اختبار ذكاء لحظي ولا فخ للأخطاء. والارتجال هو مرحلة متقدمة بينما التعلّم الحقيقي يبدأ بإطار آمن. برأيي واحد من الحلول العملية لهالمشكلة هو: 🎯 يكون في نص جاهز للـ Role Play للطرفين ومكتوب فيه الحوار حتى الـ posture ونبرة الصوت (tone) ويتضمن أخطاء مقصودة يتم تنفيذه كأنه سيناريو لمشهد من فيلم الحضور يدوّن ملاحظاته وبعد الانتهاء يتم النقاش بهدوء ثم تُعاد التجربة بالطريقة الصحيحة. بهالطريقة: شلنا التوتر ألغينا الأحكام وتعلّم الكل… بدون خوف مندوب الأدوية لا يتطور تحت الضغط… بيتطور بالفهم. #طب_ليه #MedicalRep #RolePlay

Just to be honest... (بس لكون صادق) تجنب تقول هي الجملة لعميلك أو طبيبك طبعا رح تستغرب لأن بالنسبة إلك أنت هيك عم تحكي الصدق وهو لازم يكون سعيد طب ليه عم قلك تتجنبها؟ لأن المشكلة أن هي الجملة تعطي إيحاء غير مقصود بأنك لم تكن صادقا قبلها ولهذا ينصح خبراء التواصل بتجنبها بدلا منها استخدم عبارات أكثر احترافية مثل: The reality is… في الواقع From my experience… من تجربتي Just want you to know... بس بدي ياك تعرف خبرني بالتعليقات بتقول هي الجملة عادة لعملاءك #طب_ليه #MedicalRepr #Communication #PharmaSales

في وقت الحروب… فجأة بتلاقي حالك تمسك الموبايل كل 10 دقايق تحديث… خبر عاجل… فيديو جديد… تحليل جديد… وبتحس حالك صاير مدمن أخبار طب ليه؟ لأن دماغك بيبحث عن إحساس بالسيطرة وقت الخطر... أكبر شعور مزعج هو العجز. فلما تتابع الأخبار دماغك يعطيك وهم صغير بالتحكم بتقول لحالك أنا عم أعرف شو عم يصير أنا مو غافل أنا مستعد المعلومة بتعطيك أمان مؤقت بس هون المفارقة لأنه كل خبر جديد... يرفع الأدرينالين والكورتيزول. فبتدخل بدائرة: قلق⬇️ افتح اخبار⬇️ أتوتر اكتر⬇️ ارجع افتح↪️ وهيك... هاي دائرة تشبه الإدمان السلوكي... بس مو لأنك ضعيف… لأن دماغك مبرمج يبحث عن النجاة. طب كيف نكسر هالدائرة 🔸️ حدد وقتين فقط لمتابعة الأخبار 🔸️ أغلق الإشعارات 🔸️ اسأل حالك قبل ما تفتح الخبر: هل هذا رح يغير شي بقراراتي اليوم؟ 🔸️ استبدل نصف وقت الأخبار بحركة جسدية أو مكالمة مع حدا بتعرفه الاطلاع مهم…بس الاستنزاف مؤذي وأحياناً أقوى قرار في زمن الفوضى هو حماية جهازك العصبي. #طب_ليه #إدارة_الضغط #الصحة_النفسية

في عندي خبر جيد وخبر سيء... لما حدا يقلك هي الجملة أي خبر تختار تسمع بداية؟؟؟ إذا أنت متل أغلب الناس فأنت رح تختار تسمع الخبر السيء أولا... طب ليه... أغلبنا بختار هاد الخيار؟؟؟ ببساطة لأنه العقل البشري يتذكر آخر ٣٠ ثانية من الحديث وأغلبنا بيفضل يختم بسماع الخبر الجيد شو دخل هالكلام بمندوبين الأدوية والأشخاص اللي بيشتغلوا مبيعات؟؟؟ تابعني لأحكيلك بالبوست القادم كيف ممكن تستفاد من هي النقطة #طب_ليه #PharmaSales #MedicalRep

في عالم المفاوضات السؤال الأهم ليس ماذا تريد؟ بل لماذا تريده؟ طب ليه هاد السؤال الأهم لأن: 1. لأن (ماذا) تكشف الطلب… لكن (لماذا) تكشف الدافع لما يقلك الطرف الآخر بدي خصم هذا هو المطلب الظاهر. بس لما تسأله: لماذا هذا مهم بالنسبة لك؟ ممكن تكتشف أن السبب الحقيقي هو: 🔸️ميزانية محدودة 🔸️مقارنة مع منافس 🔸️خوف من المخاطرة 🔸️رغبة بإثبات قرار الشراء منك هو الافضل أمام الإدارة وهنا تبدأ المفاوضة الحقيقية. 2. لأن الدوافع قابلة للحلول بطرق متعددة إذا كان السبب هو الميزانية مثلاً فالحل مو دايما بالضرورة يكون الخصم. قد يكون: تعديل شروط الدفع إضافة قيمة إضافية أي أنك تحل السبب بدل أن تتنازل عن السعر. 3. لأن (لماذا) تفتح الحوار بدل أن تغلقه سؤال ماذا تريد؟ يقود غالبا إلى موقف تفاوضي جامد. لكن سؤال لماذا؟ يحول النقاش إلى استكشاف احتياجات. وهذا جوهر المفاوضات الاحترافية. #طب_ليه #PhamaSales ##MedicalRep #Negtiation