Mohamad Jandali's Recent LinkedIn Posts

التسويق العمودي عم يضرك ب ٢٠٢٦ صدقني (رح قلك ليش) التسويق العمودي أو ال vertical marketing يعني أنك تنجح بأرقامك ووصولك مثلاً على لينكدإن وبناء على هذا النجاح بتصير بتتعمق كتير بمحتواك وخدمتك لدرجة أنك تصير فعلاً الأخبر رقمياً في هذا المجال ولهون مافي مشكلة.. صح؟ لاء:) رح قلك وين المشكلة المشكلة أنك بهذا التعمق العمودي (بصير اسلوب محتواك تقني وتفصيلي كتير) وبتكون وضعت لنفسك سقف للوصول لشرائح جديدة وأوسع من الناس يعني بصير ما بيفهمك إلا اللي متابعك من مدة (يلي هنن جمهورك الأولي) هُنا يأتي: التسويق الأفقي أو الـ Horizontal marketing (يلي لازم يدخل على استراتيجيتك في المحتوى بوقت معين) وهاد النوع من التسويق بخليك: ١- تنشر محتوى على أكثر من منصة (لا تكتفي بلينكدإن أو إنستا) طبعاً هاد بعد ما تنجح بمنصة وحدة على الاقل ٢- تتحرّز من التعمق المبالغ فيه في شرح وتفصيل أفكارك وخدماتك ومجالك ٣- على الرغم من تعمّق فهمك لمجالك، تبتعد عن الكلام التقني الذي لن يفهمه سوى جمهورك الأولي ٤- تتعاون مع صناع محتوى من نفس مجالك ومن مستوى جمهرة قريب من مستواك طيب ، هل التعمق العمودي مضر؟ لاء طبعاً ، هاد الشي يلي بفرقك عن غيرك بس لازم تدمج باستراتيجيتك أيضاً التحرك الأفقي في بناء الجمهور جربها هالسنة ورح تستفيد صدقني

أنتم جزء من نجاح هذا المشروع ، مشروع أدوات إكسيد للنمو على لينكدإن ما في تعليق وردني تقريباً إلا ونفذناه وطورنا الأدوات لذلك لا حدا يبخل عليناااا بالتقييم ، لو أنت حبيت كتير الأدوات ، عطينا أي تقييم مو مشكلة مثلا في واحد رايق كتير بعتلي قلي محمد فيكم تخلوا الاداة لونها أبيض؟ يعني كتير غامق اللون وعيوني زوغلوا قلتله تكرم اليوم أطلقنا خاصية الألوان الفاتحة ضغطة وحدة وبتصير كلشي بتشوفه فاتح لونه (بتلاقيه الزر فوق عاليمين: علامة شمس) جربوها

الـ AI ممكن يساعدك بـ ٥ جوانب ببناء العلامة الشخصية ، ومستحيل يساعدك بـ ٣ جوانب المساعدة: ١- تقييم حسابك الشخصي ٢- البحث عن أفكار ومصادر ومراجع ٣- إثراء المنشورات بالأبحاث ٤- تقوية الهوك ومتن المنشور ٥- تصميم المرئيات ما لا يستطيع مساعدتك به: ١- خلق نكهة خاصة فيك تظهر في المحتوى ٢- اختيار نهج نمو العلامة الشخصية من التموضع إلى الرؤية إلى الجمهور المستهدف ٣- تحويل الجمهور لعملاء على لينكدإن هل أنا بعارض استخدام الـ AI كمساعد؟ لاء ، لو بعارض ما كنت أسست منصة إكسيد AI لتسريع النمو على لينكدإن هل أنا بأيد الاعتماد عليه كليا؟ حسب ، كلياً من أي ناحية؟ من ناحية رفع مستوى القمية العلمية والجرعة المعلوماتية بمنشوراتك؟ طبعاً أنا مع أما من ناحية أخذ كل القرارات عنك ووضعك بقالب ثابت على لينكدإن ، طبعاً لاء بالنهاية الـ AI متل الانترنت ، لا مهرب منه ، قرار استخدامه بذكاء وجعله معين لك وليس سائق مركربتك هو أفضل قرار ممكن تاخده بـ ٢٠٢٦ ولكم الرأي

يلااااا وبلشنا السنة الجديدة! انشالله الكل مصحصح ومركز وعرفان شو بده (إذا بناء الجمهور التخصصي مو ضمن أهدافك لسنة ٢٠٢٦ فهاد المنشور مو ألك) أما إذا بناء الجمهور ضمن أهدافك فخليني قلك ٧ تريكات عقلية ساعدتني سنة ٢٠٢٥ (رح اشرحلك كل وحدة بالتفصيل) إذا مالك مهتم هي تاني فرصة تترك المنشور وتعمل skip مهتم؟ طيب..:) ١- أنك تتعب عالمنشور لا يعني أنه المنشور سينجح ٢- أنك ما تتعب عالمنشور لا يعني المنشور سيفشل ٣- نجاح المنشور على لينكدإن ينقسم إلى ٤ أقسام: نجاح الوصول impressions + followers نجاح التفاعل likes + comments + reposts نجاح القيمة saves + sends نجاح العملاء sales إذا منشورك حقق واحد فقط من الـ ٤ (يعني منشورك نجح) إذا منشورك لم يحقق أي من الـ ٤ يعني منشورك فشل ٤- فشل المنشور لا يعتبر مؤشر لفشل الفكرة (قد يكون مؤشر لفشل الأسلوب ، أو لفشل تفاعلك مع حسابات شبيهة ، أو للتوقيت الذي نشرت به ، أو أو أو) إذاً.. لما منشورك ما يحقق ولا وحدة من الأربعة قبل ما تحكم على الفكرة أنها فاشلة ، جرب قيم الأمور التانية ٥- مو نهاية العالم الناس تشوف أنه ما حدا تفاعل معي هالأسبوع (وبالتالي لا تحذف منشوراتك الضعيفة) أنت مالك عم تبني صورة مزيفة عنك للناس ، أنت عم تنشر أفكارك ، في شي من هالأفكار رح يعجب الناس وفي شي ما حدا حيعبره ٦- مو ضروري كل بوست يطلع مع تصميم (نصيحة لحتى ما تتعب من المنصة ويصيبك إرهاق وإحباط) ٧- لا تطلب التفاعل من الناس عبر الرسائل لأنه هدفك الحقيقي (الكتابة والنشر ، وثم تقييم النجاح) وليس (التفاعل والتعليقات ، وثم مراقبة النجاح) بتفرق العقلية من الأرض للسما ٨- خلص حكيت كتير رح خليلكم ياها إذا حدا بحب يضيف

قبل فترة، عم احكي مع مؤسس عنده 16,000 connection على لينكدإن بس بيجيه طلب استشارة وحدة بالشهر (هاد إذا أجاه الطلب) مع أنه بروفايله رائع ومافيه ولا غلطة قلتله من بعد اذنك خلينا نشوف مع بعض من هدول ال١٦ ألف ، كم واحد بتعبره عميل محتمل؟ دخلنا لنشوف ، طلع حوالي ١٣٠ اكتشفنا أنه مشكلته مو حجم شبكته وإنما أنه شبكته ليست مصممة للبيع طيب ، هي مشكلة واحد شو هية مشكلة تنين؟ مشكلة تنين أنه فتحنا الرسائل واكتشفنا أنه ولا مرة أرسل أي رسالة لأي شخص من هدول ال١٣٠ ، ولا حتى رسائل ترحيبية قلي: بس مو المفروض تجي الحجوزات بدون رسائل؟ قلتله أكيد ، بس بتجيك الحجوزات لما تنزل محتوى مستمر مستدام عالي الوصول وعالي التأثير أما إذا كان وصولك محدود بالمحتوى ، كيف بدك تجيب شغل من لينكدإن؟ مالك غير المراسلات طبعاً لحتى ما بالغ ، كان مرسل ٣ رسائل من زمان لعملاء محتملين وهون بتجي النقطة التالتة: الرسائلللللل غييييرررر منااااسبة للبيييييييع يعني فوراً بدأ من أول رسالة يعرض الخدمة حتى قبل أن يسأل أي سؤال ليتأكد أن الشخص مهتم بهذه الخدمة أو يحتاج هذه الخدمة يعني مثلاً "هل تركيزكم هذا الربع على إدماج أدوات الذكاء الاصطناعي بعمليات التوظيف؟" سؤال بسيط بس بيفتح باب للحوار فيا عزيزي القارئ: ١٦ ألف connection رقم كتير كبير ، لازم تخفضه وتلغي كتير ناس irrelevant خففه لحتى تحافظ على نسبة ال٦٠-٤٠ ٦٠ بالمية متابعين و ٤٠ بالمية علاقات وهي ال٤٠ بالمية حاول تخليها عملاء محتملين وحاول يكون بينك وبينهم رسائل حفيفة ، لو ما كنت عم تبيعهم شي لسا مشان لما بدك تبيعهم تستهل الحكي معهم وبس

سأكون مع فريق إكسيد متواجد في قمة المليار متابع في دبي غداً، والسبت، والأحد متحمسين للقاء كل المبدعين والمؤسسين الحضور I’ll be attending the 1 Billion Summit in Dubai tomorrow, Saturday, and Sunday! Excited to meet all brilliant minds and all founders attending!

لما ما تحكي كتير ، بتعطي مساحة لجمهورك يحكي (وبتجيب تفاعل مجنون) مو كل بوست لازم يكون تفصيلي وفيو كل المعلومات اللي بدك تعطيها (أو رأيك بالتفصيل) حتى لو كنت بتعرف المعلومة ، مو غلط تشوف إذا الجمهور بيعرفها وتسألهم عن رأيهم فيها لأنك لو حكيت كلشي بمنشورك ، ما حتخلي مساحة لحدا يكتب شي مثلاً: لاحظت أنه المقالات الطويلة عم تجيب زوار أكتر أنتوا شو رأيكم؟ هل الواحد يضل يكتب مقالات طويلة ولا القصيرة أفضل؟ بوست طوله سطرين ، بس بيفتح باب للنقاش جربتها بأكتر من منشور والنتائج كانت رائعة (تعليقات ، رودو ، منشنز ، الخ) واحد من هالمنشورات عندي تجاوز الألف تعليق الشطارة تعطي جمهورك مساحة تعبير كافية ، مو بس تكتبلهم سؤال بآخر المنشور وأنتوا شو رأيكم؟ جربتوا منشورات قصيرة فيها سؤال؟ وكيف كانت نتائجها؟

هيك كان شكل الـ feed تبعك على لينكدإن بـ 2009 ، متخيل؟ كان مافي شي اسمه posts كان أسمهم network updates لا وفي مقال ظريف عم يأعلنوا عن هاد التحديث لشكل المنصة (بالتعليقات قروه) لينكدإن بوقتها قالها بوضوح: حللنا سلوك المستخدم راجعنا سنوات من بيانات الاستخدام اختبرنا نماذج أدخلنا المستخدمين لمختبرات تجربة الاستخدام وعدّلنا… ثم عدّلنا… ثم عدّلنا يعني: ولا قرار كان ذوقي فقط كل شيء مبني على كيف الناس تستخدم المنصة فعلًا من 2009 وهنن مركزين أنه لينكدإن مو المفروض يكون منصة “تحبها” المفروض يكون منصة بتخدم هدفك المهني حلو الواحد يشوف كيف كان شكل المنصة وكيف صار

منشور كتبناه لشخص بيحكي عن الاستثمار ، بدأنا المنشور بسؤال عادي الناس بتسأله ، بس يلي صار شي عجيب أولاً ما جاوبنا عالسؤال ، وإنما أتبعنا السؤال بـ: هذا سؤال خاطئ ، السؤال الصحيح هو: وثم وضعنا تصحيح السؤال وبعد ما صلحنا السؤال ، كتبنا الجواب الناس تفاعلت مع المنشور بشكل مجنون ، لأنه المنشور تحدى معتقد سائد غير دقيق لما أصدمك بـ: أنت عم تفكر غلط وتسأل السؤال الغلط ، رح تضل لتسمع شو السؤال الصح بينما لو كان المنشور يبدأ بالسؤال الصح وفوراً يجيب عليه (بتكون خسرت عامل الصدمة وخسرت اهتمام كتير من الناس اللي بتحب أنه الآخرين يتحدوا أفكارها) وبعدين صرنا نستخدم هالأسلوب لعدة مجالات مختلفة: (استشارات ، طب ، قانون ، تسويق ، مبيعات) وكل ما منكتب لمجال جديد منخصص بعض منشورات الشهر لتلحق هاد الأسلوب الأسلوب هاد أسمه: إطار السؤال العكسي أو Reverse Question Framework أكيد هو مو كيميا ومو صعب ومو اختراع بس هو أسلوب كتابة جاذب يحتوي على عنصرين مهمين: ١- التحدي ٢- التشويق وأنت صديقي الرايق المصحصح ، جربت هالطريقة بالكتابة شي مرة؟

واحدة من أكثر الأدوات فاعلية على لينكدإن هي LinkedIn Sales Navigator. لماذا يجب أن تستخدم هذه الأداة؟ - لأنه يقلل العشوائية في البحث عن العملاء أو المرشحين - يساعدك على الوصول إلى الأشخاص المناسبين بدل قضاء الوقت على نتائج عامة. ما الذي يميز Sales Navigator عمليًا؟ (3 أشياء رئيسية)

بعض الناس بتتعامل مع منشوراتها كأنها قطع ذهب (لا تكون منهم) إذا تعب على منشور وما حقق وصول وتفاعل: بيقعد بحلل وبيدرس وبقلك الناس مو مهتمة بهالموضوع والحقيقة مو هيك تماماً لا تستطيع أن تصل لهذه الخلاصات من دون تجربة بشريحة كبيرة من المنشورات لا تستطيع أن تجزم أن الناس غير مهتمة بهذا الموضوع (من منشور واحد فقط ما حقق تفاعل) ثُمَّ .. وهو الموضوع الأهم: المنشور هو عبارة عن مجموعة أفكار وخواطر ، منها المُنظَّم ، ومنها المُبعثَر المنشور ليس قطعة ذهب إذا فشل منشور ، أعد طرحه بصياغة مختلفة أعد طرحه مع صورة ، مع سؤال وبس💐 كل عام وأنتم بخير وان شاء الله تكون سنة خير عليكم جميعا ❤️

سمعتوا بتأثير اسمه "تحيز التكرار"؟ العقل بيربط اسمك بخبرة محددة لما يشوفك 70-80% من الوقت عم تحكي عن نفس الموضوع يعني.. لا تهرب من التكرار اهرب للتكرار التكرار غير الممل طبعا كتير ناس بتهرب من تكرار ما تم الحديث عنه مسبقاً لكن تغفل عن أنه هاد الشي هو أساس بناء علامتك أنه الناس تربطك بمصطلح معين بشعور معين بمشكلة معية وحلها شلون بدي كرر المحتوى بدون ما كون ممل؟ ٣ خطوات بسيطة: 1) حدد موضوع رئيسي بثلاث كلمات، مثال: نمو LinkedIn للمؤسسين 2) ابنِ 3 أعمدة محتوى حوالين هالموضوع، نفس الفكرة بصيغ مختلفة: درس قصير، دراسة حالة، رأي شخصي 3) كرر بذكاء، (لا تعيد نفس الكلام كل مرة) عيد نفس الموضوع بصيغ متعددة، خلي ~70% من منشوراتك على لينكدإن تدور حوالين الموضوع الرئيسي ولا لاء؟

وبس ❄️🤍 كل عام وأنتم بخير 🤍

اخيراً… تعب أشهر صار جاهز.. ولله الحمد بتضغط زر get inspired بتختار اللغة عربي وبيطلعلك الاف المنشورات لصناع محتوى عرب على لينكدإن مهتم بعمل حساب مجاني على الاداة؟ خبرني انك مهتم وببعتلك رابط انشاء حساب

ليش كتير صعب لينكدإن يعملوا ميزة الـ unattended comments أو التعليقات المهملة؟ يعني لما بضغط على منشوري في خيار بضغط عليه بورجيني التعليقات الغير مردود عليها ليش ما عندهم هالخاصية؟ أنا بشوفها كتير مفيدة أنت معي ولا مو ضدي؟

لا تكون هش بتقبلك النقد من الملأ عندما تنشر أفكار ذات الراس المربع، ألا تتحدث على الملأ؟ لماذا تعتبر إذاً أنَّ نقدَك على الملأ إشهار بك؟ صديقي أنت لسا كامل وأنا لست كامل وتجاربنا وأفكارنا معرضة للنقد والهجوم وهذا أمر طبيعي لا تتوقع من الناس فوق طبيعتهم ، اذا رأوا منك ما يظنونه كلام سطحي ، فاسمح لهم بانتقادك وثم قيّم إذا كان نقدهم واقعي ، أشكرهم وإذا كان نقدهم تهكّمي ، تجاهلهم وبس ❤️

كيف حقق لينكدإن أول مليون مستخدم؟ حتنصدم من الجواب:) أول ما طلع لينكدإن خلوا كل فريقهم أول شي يبعت دعوات للناس اللي حواليه وعيلته وأصدقاؤه كان يجيهم ٢٠٠٠ بالأسبوع وهاد رقم كتير قليل بعدين اخترعوا طريقة (هي الطريقة كل منصات السوشيال ميديا بعدين نسختها وأولهم فيسبوك) الطريقة هية: لما تعمل حساب ارفع الـ contacts تبعك لنخبرك مين كمان موجود عالمنصة أنت بس ترفع الكونتاكتس تبعك رح تشوف مثلاً ٥-٦ من أصدقاءك عالمنصة رح تتحمس تضل عليها ورح تصير تخبر الناس تجي وهنن كمنصة صار عندهم داتا ليوم الداتا يبعتولهم رسائل ترويجية ليجوا يعملوا حسابات اليوم بسنة ٢٠٢٦ ما حتحسها فكرة عبقرية بس بوقتها كانت تفكير خارج الصندوق طب يا عمي يا لينكدإن متل ما كنتوا تفكروا خارج الصندوق من زمان بدنا هلق كمان تفكروا خارج الصندوق وتفعلولنا ميزة المنشورات التعاونية يلي طلبناها ألفين مرة ضروووووري تفعلوها كل المنصات التانية عندهم ياها وبس:) يا ترى في حدا من اللي عم يقرؤوا هاد المنشور عمل حسابه من وقتها؟ يعني من ٢٤ سنة؟ اذا موجود هاد الشخص بعتوله علبة شوكولا حالاً (مصدر المعلومة الفيديو اللي نشرته مبارح)

أخدت منشور Raheek Kanjo وكان عليه ١٩٠ تعليق ، عطيت رابط المنشور لأداة مستخرج العملاء ، ضغطة زر وصار عندي ملف إكسيل فيه أسماء كل اللي علقوا عندها وتعليقاتهم وروابط حساباتهم هلق صار فيني روح واستفيد من الملف بطريقتي إما: أرسلهم طلبات صداقة (لأنهم يعتبروا عملاء محتملين لألي) أو اتفاعل مع محتواهم مشان جيبهم ليتابعوني أو أو أو أنت كيف ممكن تستفيد من هالأداة؟ إذا أنت مهندس ديكور ، وهلأ عم تبدأ على لينكدإن ، خود رابط منشور أي منافس لألك (أي مهندس ديكور) وهيك بضغطة وحدة صار عندك معلومات كل الناس اللي بيتفاعلوا مع هاد النوع من المحتوى طب قلك شي أحسن؟ إذا أنت بتقدم لينكدإن كخدمة ، خود رابط أي منشور من منشوراتي وروح جربها هلأ وهيك مبروك:) صار فيك تبدأ تستقطب جمهوري لعندك ويصيروا بالنسبة ألك عملاء محتملين هي وحدة من ضمن الأدوات اللي بتحتاج يكون عندك اشتارك إكسيد برو (مافيك تستخدمها عالحساب المجاني) إذا بدك تبدأ تستخدمها وتستخرج ملفات إكسيل بالعملاء المحتملين ، علقلي مهتم ورح ارسلك كوبون خصم ٣٥ بالمية (بصير الاشتراك أقل من ١٠ دولار شهرياً)

من الصورة يلي شايفينها ، شو بتتوقعوا هي الأداة المجانية بتعمل؟ شو الفائدة منها؟ غالباً يلي حيعرف شو بتعمل هي الأداة بكون إنسان كتير مشغول وبيعرف شو المشكلة يلي هي الأداة بتحلها بالمناسبة نزل كورس عن كيفية استخدام EXEED AI لإدارة علامتك الشخصية على لينكدإن رابط الكورس ورابط استخدام هي الأداة بالتعليقات

الحلقة هي جاوبت بالتفصيل على سؤال: كيف أحقق dwell time عالي على لينكدإن (أو وقت بقاء عالي) الحلقة هي من سلسلة خوارزمية لينكدإن من الألف إلى الياء هية أدسم حلقة لليوم وأثقلها وأكتر وحدة رح تخرج منها بفاااائدة عظيمة رح تنعكس على أداءك على المنصة ممتن أنه عنا ناس مبدعة وفهمانة بالخوارزمية وكيف تعمل (بخلفية علمية وليس فقط تجريبية) متل أسماء الخالدي Asmaa Al-Khaledi إذا ما عندك وقت تشوف الحلقة هي من (احفظ المنشور أو الرابط يلي بالتعليقات لتشوفه بعدين) بالتوفيق يا غوالي 💙

خبر للناس اللي ما عم يطلعلها عدد مرات حفظ المنشور (saves) لينكدإن صاروا مطبقين هي الخاصية لأكتر من ٩٠ بالمية من المستخدمين على المنصة خبرني صديقي المصحصح الرايق الورد 💐 باين عندك كم حدا عم يحفظ منشوراتك ولا لسا؟

مبارح بجلسة mastermind أحد الزملاء من أمريكا اللاتينية سألني ليش ماعم استمر بالنشر على لينكدإن مع أني بحب نوع المحتوى على المنصة وبفضله عن باقي المنصات قلتله ليش برأيك؟ شو بتتوقع يكون السبب؟ بعد التفكير والأخد والرد قلي مشكلتي بحس لازم بروفايلي يكون ظابط بكل جوانبه قبل ما ابدأ نشر على المنصة وتعديل البروفايل مو شغلة سهلة لأنه في كتير أشياء لازم أعملها طيب.. رح شارككم شو نصحته وهاد بناء على تجربتي تعديل البروفايل عائق ، ما في حدا ما بحسه عائق ببداياته على المنصة لكن الفكرة اللي برأيي مو كتير صح ، هية أنه تعديل البروفايل بصير مرة وحدة وبعدين بتصير جاهز تنشر تعديل البروفايل حقيقةً بصير بشكل دوري ، كل شهر ، كل شهرين ، كل سنة المهم أنه هية ليست مهمة بتخلص منها وخلص بتصير جاهز مما يعني: أنه النشر يجب أن لا ينتظر تعديل البروفايل مجرد صورتك والهيدلاين كافيين يخلوك تبدأ تنشر وشوي شوي بتحسن المهم حيجرب فعلاً تطبيق هاد الكلام وأتمنى له boa sorte يعني كامل التوفيق 🤣

كيف استلهم أفكار محتوى من زملائي على لينكدإن من غير البحث عن محتواهم على الـ feed ؟ الجواب بالفيديو ورابط تسجيل الدخول أو إنشاء الحساب بالتعليقات بالتوفيق يا غوالي

كيف تستطيع إنشاء Event على لينكدإن؟ وما فائدة الـ Events على هذه المنصة؟

٣ طرق تخسر بها ثقة جمهورك التخصصي على لينكدإن ١- ابتعد شيئاً فشيئاً عن المحتوى التخصصي ظنّاً منك أن الجمهور (مهتم فيك أكتر من محتواك) ٢- أكثر من المزاح والاستهزاء بالآخرين بمنشوراتك وحول علامتك الشخصية من مُساعِد إلى مُنتَقِدْ (مع العلم مو غلط الانتقاد في المحتوى بس الغلط تعويم النقد على المحتوى) ٣- أسرق محتوى غيرك كما هو وبدون أذن أو اعتبار للناشر الأساسي ٤- والرابعة عليكم (حطولي ياها بالتعليقات ☕️)

شو هية الـ ٥ صفات اللي بدك جمهورك يعرفها عنك؟ (حضرت ليوتيوبر عم يحكي كيف فرق معه كل نتائجه على اليويتوب وعلاقته مع جمهوره لما حدد هي الخمس أشياء) طبعا الكلام نفسه ينطبق على لينكدإن (اللي بيختلف هو وسيلة بناء الجمهور، لكن المبادئ نفسها) مثلاً بنته لهاد اليوتيوبر حددت هدول الخمسة اللي شايفينهم عالشاشة ، وبالتالي صارت تركز تورجي هدول الصفات الخمسة بكل فيديو مو كل فيديو الواحد يحسها شخص تاني هلأ اذا انا بفوت على حسابك وبقرا آخر ٢٠ منشور ، هل يا ترى حأقدر حدد بعض صفاتك؟ ولا مستحيل اذا مستحيل معناها بكل منشور عم تطلع شخص مختلف وبالتالي انا كجمهورك ما عم اقدر اتقرب منك بصورة أعمق من التفاعل الالكتروني (لاني ببساطة ما بعرف شي عنك غير افكارك) موضوع بده صفنة خلونا نصفن

أخيراً! اللقاء المنتظر ، اللقاء الزخم والأزخم على الإطلاق عن وقت البقاء Dwell Time وكل ما يتعلق به ، لقاء اليوم مع Asmaa Al-Khaledi صار على يوتيوب (الرابط بالتعليقات) فيه منكم كتير مو عامل subscribe للقناة على يوتيوب (كل أسبوع في حلقة جديدة من سلسلة خوارزمية لينكدإن من الألف إلى الياء) لا تروحها على حاااالك مين متحمس يشوف الحلقة؟؟؟؟ حطلي إيموجي فنجان قهوة إذا حتشوفها اليوم ☕ وإيموجي جيم إذا حتشوفها وبإيدك ورقة وقلم 🏋‍♂️ وإيموجي طابة إذا مالك فاضي بسبب كأس العرب ⚽ وإيموجي إبرة إذا مرضان 💉 وإيموجي تخت إذا مكسّل بالعطلة 🛏️ وإيموجي "وقف عندك ما دخلك شو ح اعمل اليوم" ✋ إذا ما بدك حدا يدخل فيك كل النفسيات على عيني وراسي

ليش لتخلي علاقتك مع مؤشرات النجاح على لينكدإن والأرقام علاقة توكسيك؟ بدك تحقق نجاح وتترك أثر (بس ما بدك تلحق الأرقام وما بدك تتابع إحصائياتك) بدك تبني أسمك بمجالك والناس تتعلم منك (بس ما بدك تتقبل أنه لتوصل لهون لازم تحقق أرقام جيدة) لما حدا بيسألك شو الـ impressions والـ reach اللي عم تحققه ، بتقله أنا بهمني المحتوى القيم والنوعي وما بتهمني الأرقام بتقله أنا بهمني (ترك الأثر) طيب.. أنا مو مختلف معك (أهم شيء هو الأثر) بس أنت ليش شايفهم بيتعارضوا مع دراسة الخوارزمية وفهم الإحصائيات وتعلم فنون الوصول لشريحة كبيرة من الناس؟ يعني ليش بالنسبة ألك أنا يا بترك أثر يا بركد ورا الأرقام؟ لولا الوصول والـ reach تبع كل علماءنا وعظماءنا في التاريخ، كان ما وصللنا أثرهم ولا وصللنا علمهم هل هنن كانوا يركضوا ورا الimpressions؟ لا أعتقد بس هل كان الـ impressions مؤشر نجاح؟ طبعاً! نفس الشي تماما معنا نحنا الأثر رح يبقى وصوله وصداه خفيف إذا أنت ما فهمت كيف توصل لشريحة أكبر بس بدون ما تعلق قلبك بالوصول يعني متابعتك للأرقام واهتمامك بفهمها وو (هاد شغل بصير بالراس مو بالقلب والمشاعر) لقيت حالك عم تتعلق بالموضوع وعاملك ستريس وو ، اطفي إشعارات لينكدإن وعود حالك ما تفتحه وقت تنشر ، افتحه بعدين بعد كم ساعة ولا لاء؟ معي ولا مو ضدي؟

الرسالة هي آخر مرحلة في البيع على لينكدإن، في قبلها ٥ مراحل مهمة جداً ١- تعديل البروفايل ٢- إضافة الخدمات على البروفايل services ٣- ربط البروفايل بروابط خارجية لإتمام عملية البيع (سواء عن طريق حجز موعد أو شراء مباشر) ٤- نشر محتوى عالي التأثير عالي الوصول (تأثير بلا وصول = نتائج بطيئة) و (وصول بلا تأثير = نجاح مزيف) ٥- المراسلة (إرسال رسائل الترحيب والتعرف والاستفسار عن حاجة المرسل إليه) وبس:) مشاهدة ممتعة وجمعة مباركة

كيف حقق لينكدإن أول مليون مستخدم؟ حتنصدم من الجواب:) اقرأ المنشور كله اذا ما بدك تشوف الفيديو أول ما طلع لينكدإن خلوا كل فريقهم أول شي يبعت دعوات للناس اللي حواليه وعيلته وأصدقاؤه كان يجيهم ٢٠٠٠ بالأسبوع وهاد رقم كتير قليل بعدين اخترعوا طريقة (هي الطريقة كل منصات السوشيال ميديا بعدين نسختها وأولهم فيسبوك) الطريقة هية: لما تعمل حساب ارفع الـ contacts تبعك لنخبرك مين كمان موجود عالمنصة أنت بس ترفع الكونتاكتس تبعك رح تشوف مثلاً ٥-٦ من أصدقاءك عالمنصة رح تتحمس تضل عليها ورح تصير تخبر الناس تجي وهنن كمنصة صار عندهم داتا ليوم الداتا يبعتولهم رسائل ترويجية ليجوا يعملوا حسابات اليوم بسنة ٢٠٢٦ ما حتحسها فكرة عبقرية بس بوقتها كانت تفكير خارج الصندوق طب يا عمي يا لينكدإن متل ما كنتوا تفكروا خارج الصندوق من زمان بدنا هلق كمان تفكروا خارج الصندوق وتفعلولنا ميزة المنشورات التعاونية يلي طلبناها ألفين مرة ضروووووري تفعلوها كل المنصات التانية عندهم ياها وبس:) يا ترى في حدا من اللي عم يقرؤوا هاد المنشور عمل حسابه من وقتها؟ يعني من ٢٤ سنة؟ اذا موجود هاد الشخص بعتوله علبة شوكولا حالاً

إذا في شغلة وحدة تعلمتها بدراستي للإعلام وممارستي لصناعة المحتوى بشتى أشكاله (من منشورات مكتوبة لمقالات لفيديوهات ونصوص وأعمال موسيقية على يوتيوب ووو) فهية أنه: منصات النشر والتواصل متل لينكدإن ويوتيوب وغيرها بتضل بتتغير كل يوم. وإذا في شي تاني كمان تعلمته فهو: ما كان يعمل في الأمس لن يعمل بالضرورة في الغد وإذا في تالت تعملته: الخوارزميات مو كيميا والنشر مو كيميا وبناء العلامة الشخصية والتجارية كمان مو كيميا الموضوع يستلزم فقط: ص ح ص ح ة نعم صديقي الموضوع يستوجب منك صحصحة وروقان وتركيز ٥ خطوات كتير ضرورية لتنهض بأداءك على لينكدإن وغيره ١- تابع من سبقوك بخطوة ، رافق من على نفس مستواك ، أنصح من هم خلفك ٢- شاهد فيديوهات بشكل دائم عن تحديثات المنصة والنشر والخوارزمية ٣- أطلب النصيحة والمراجعة لحسابك وللمحتوى من أهل الاختصاص ٤- اسأل جمهورك (عن رأيهم الصريح ببعض ما تنشر) الموضوع مو ضعف وإنما فيدباك ٥- قيم أداءك من خلال الإحصائيات وأكثر مما أحبه الناس دون المبالغة والغلو وهلق أنا رح مارس رقم ٤ واسألكم شو رأيكم بما أقدم من أطروحات وأفكار مكتوبة ومصورة؟ هل تنتظرون المحتوى الذي أنشره ولا لما تشوفوه بتعملوا أحلى Skip

كل عام وجميع الأصدقاء هنا بخير 🌙 أعاده الله عليكم بالخير والبركة شهر عبادة وترتيب أولويات و "وإعادة تموضع" مع القرآن والقيام والعبادة الله يتقبل منا ومنكم صالح الأعمال

كيف أجد الوقت للرد على رسائل لينكدإن؟ رح جاوبك جواب بكل أمانة صديقي السائل ١- إذا عندك مشكلة كتير رسائل فأول شي انبسط ، هاد يعني أنه محتواك عم يوصل لشريحة جيدة من المهتمين ٢- ما بكفي أنك تنبسط ، أفضل طريقة للرد على الرسائل بالنسبة ألي أني بخصص ساعة أسبوعية للرسائل (ليس فقط للرد) وإنما أيضاً للإرسال أنا ما بقدر رد على الرسالة فوراً (لأني طافي إشعارات لينكدإن) ، طبعاً طافيها لأسباب شخصية رح أحكيها بالمنشور القادم ، لذلك لقيت أحسن حل أني حاططها عندي عالكالندر (ساعة أسبوعية للرسائل) ٣- مالك مجبر ترد فوراً (المرسلين ليسوا أفراد من أسرتك وتأخرك عليهم لن يؤثر على حياتهم سوى أنهم انتظروا وقت أطول لترد) وهذه رسالة لكل أصدقائي على المنصة: أنا عندما أرسل رسالة لا أتوقع من المستلم أن يرد علي فوراً لأن الشخص له مشاغل وقد يكون لينكدإن بالنسبة له هواية أسبوعية وعلي تفهم هذا أو قد يكون الشخص تأتيه عشرات الرسائل يومياً وأنا بكل بساطة علي أن أنتظره ليرد رسالتي أن تتحلى أيضاً أنت بالصبر عندما ترسل الموضوع بيرجع تماماً للشخص المرسل له ولكيفية تعامله مع المنصة من لا يرد أبداً التمس له عذر عوضاً عن أن تبدي غضبك على لينكدإن وكأن الناس جميعاً وجب عليها الانتباه لك والرد عليك فلنسحق عقلية الاستحقاق ولنحتفل بعقلية طرق الأبواب وترقب الأذن للدخول.

شق حالي؟ وبعدين مع الاستخفاف بالحياة الأكاديمية الكريرية؟ وبعدين مع تصوير حياة صاحب الشركة أنها الحياة المثالية يلي بتظبط لكل الناس؟

يا جماعة متخيلين بأسبوعين فقط (ولله الحمد) تم استخدام أودات إكسيد للنمو على لينكدإن أكتر من ٢،٢٠٠ مرة! وبشكل يومي! متخيلين هالشي شو بساعدنا نحسن ونطور الأدوات خبروني شو اكتر اداةً عم تستخدموها وشو عندكن تحسينات مقترحة يا جماعة اي مشكلة بتواجهكم فوراً خبرونا ومنحسنها اما بعتلي رسالة هون ، او علقلي على اي منشور ، او بعتلنا ايميل على admin@exeeddigitals.com

الحلقة جااااهزة على يوتيووووب (مؤشرات الإيجابية والسلبية للخوارزمية على لينكدإن) انطلقووووووا الرابط بالتعليقات Special thanks to co-host Asmaa Al-Khaledi

هل تفيد الكثرة من نشر الكاروسيلات على لينكدإن؟ فيديو رأي إذا متهمين تشوفوا إحصائيات عن هالموضوع وفيديو تفصيلي بالشرح وتوضيح القوالب المختلفة ووو خبروني بالتعليقات ما عليكم أمر 💐

في شي واحد إذا ما اهتميت فيه بتصير جهودك بالمحتوى التخصصي ضايعة ألا وهو: الوعد The promise الوعد هو أهم شي بيتمسك فيه صانع المحتوى التخصصي عند طرح أي فكرة، قبل أي فيديو، قبل أي إطار: شو هو الوعد؟ الوعد هو الشي اللي الناس (جمهورك) بتتوقع تحققه معك… والشي اللي بيخلّيهم يرجعوا بكرا، وبعد بكرا، وبعد سنة لو كان وعدك واضح ، الجمهور ما بيصير جمهور… بيصير ناس عم يتابعوا لتعلموا ويطبقوا ويشوفوا إذا هالوعد رح يتحقق معهم من خلالك نفس الفكرة استخدمتها GoPro بحملة “Be a Hero”. GoPro ما قالت للناس “هي كاميرا قوية”. ما قالت هذا المنتج قوي. قالت لهم وعد: إذا استخدمت GoPro… رح تظهر كأنك البطل الحقيقي في قصتك الناس ما اشتروا كاميرا اشتروا وعد وعد إن حياتهم رح تنشاف بطريقة أجمل، أجرأ، وأعمق وهذا الوعد كان واضح لدرجة إن المستخدمين صاروا يعملوا محتوى لحالهم ليبرهنوا إن الوعد حقيقي وهون حقق البراند نجاح غير طبيعي: العلامة التجارية وعدت والجمهور أكمل إثبات الوعد بدل GoPro. شو صار؟ المبيعات تضاعفت، والناس صارت تتمسك بالعلامة مو لأن الكاميرا أفضل، بل لأن الوعد كان أقوى. رسالة سريعة لألك صديقي الرايق المصحصح اللي عم تبني علامتك الشخصية: قبل ما تقول شو بتعرف قبل ما تحكي عن خبراتك وضّح الوعد شو صفة التحوّل اللي رح يعيشها الشخص إذا بقي معك شهر… أو ثلاثة… أو سنة؟ الناس ما بتتعلق بالبوست ولا الفيديو بتتعلق بالوعد اللي شايفينه ورا كل بوست وكل فيديو وإذا كان وعدك واضح رح تلاقي الناس مو بس عم يتابعوك عم يبقوا معك… لحد ما تتحقق نسختهم من الوعد. وأنت صديقي: شو وعدك لجمهورك؟

طلعلي منشور كتير زعجني عم يقول: الذكاء الاصطناعي هو عدالة السماء بكل المصممين طب يا أخي هاد المصمم يلي قضى ٥ سنين عم يتعلم و٥ عم يبني خبرة ، لما عم تهين اختصاصه كله بسبب أنه gemini صمملك ببلاش ، هاد الإنسان شو شعوره لما يقرا هاد المنشور؟ هو أصلا يشعر أنه رزقه مهدد بسبب هي الأدوات وأصلا عم يحاول يواكب هي التغييرات اللي عم تحصل كل حدا من أي اختصاص يشعر بالتهديد حالياً ، لذلك كل المتخصصين عم يطوروا آليات عملهم وشغلهم ليواكبوا التغير بس ليش لنجي نشمت مثلاً بالمختص يلي كان يقدم خدمته بألفين دولار وكأنه كان ماله حرام وكأنه كان يسرق الناس يا أخي رزق كان يسوقه الله إليه وهلأ صار مطلوب منه يطور شغله ويغير أسلوب طرقه للأبواب ويمكن حتى يغير من طبيعة عمله بس الشماتة بالآخرين دليل حقد والحقد (مو بسب من باب الأخلاق وإنما أيضاً من باب أسس وقواعد بناء العلامة الشخصية) ما بتخدمك ولا بفيدك أنك تطلعها للناس وتورجيهن أنك أنت بتفكر هيك ثم .. كيف تجزم أن الموضوع عدالة السماء؟؟ ولو كان هاد التعبير مجازاً.. للأسف لم توفق مع تمنياتي لك بالسداد إذا كنت تقرأ المنشور .. أنتقد في العلن لأن الضرر انتشر في العلن وإلا لراسلتك خاصةً

يا صديقي الذي احترف الكتابة على لينكدإن واحترف الوصول ، بدايةً: مبروك ثم: تبقى عليك مسؤولية وواحدة وأستطيع أن أوعدك أنك إذا اهتميت بها سيحلق وصولك (بدون مبالغة) ألا وهي مسؤولية: التنقل من عقلية الخبير إلى عقلية المساعد بتعرف شو الفرق؟ الخبير: يفهم في كل شيء ويقدم النصح دائماً المساعد: يستبدل النصح بالمساعدة ، يستبدل النظريات بالتطبيق ، يستبدل الفلسفة بالبساطة المساعد: يتواضع ليشرح لجمهوره فكرة بنظره بسيطة وقد تكون سخيفة أيضاً المساعد: يكرر نفس الفكرة بشتى الطرق ، الخبير يتحدث عن الموضوع مرة واحدة ويعتقد أن الكل أصغى والكل فهم المساعد: يقدم بعض الدعم الحقيقي (الغير مدفوع) حسب القدرة والوقت الخبير: تدفع للجلوس معه نصف ساعة (مو غلط ، بس عم قلك لو بدك وصول مجنون على المنصة ، جرب كون مساعد للثلاثة أشهر القادمة وسترى الفرق) المساعد: بيعمل ماستركلاس ببلاش لينشر علمه للعوام ولجمهوره الخبير: يظن أنه أعلى منزلة من الظهور على زوم والتحدث للناس بشكل (مجاني) المساعد: يرد على التعليقات ، يرد على الرسائل (حسب الاستطاعة) الخبير: يظن أن الرسائل مجرد غبار يمكن تجاهله نهاية: الناس تحب المساعد وتبتعد بطبيعتها عن الخبير فأي منهما أنت؟

طلعت من بلدي من ١٥ سنة بليلة وحدة وبدون حتى وداع للبيت والناس والشوارع.. كبرت بعيد عن هالأرض اللي بتمشي بدم كل إنسان سوري بس بمتل هاد اليوم من سنة شفنا عشرات آلاف المساجين عم يبكوا دموع فرح لأنه انكتبلهم عمر جديد بمتل هاد اليوم من سنة سقط فرعون هذا العصر سقط وانهارت معه خمسة عقود من الذل والخوف والمهانة بمتل هاد اليوم من سنة كنا ٣ ايام فايقين عم نتابع الاخبار لحظة بلحظة ، ماعم نصدق اللي عم نشوفه ماعم نصدق أنه نحنا ممكن نرجع ، ماعم نصدق أنه البلد رح ترجع لأهلها وصحابها والمخلوع الهارب يلي قال أنا ربكم الأعلى صرنا نشوف صوره بمزابل سوريا وتماثيل ابوه تحت ارجل صبيان الحارات متل هاليوم من سنة لأول مرة بحط عيوني بعيون أخواتي وبقلهم.. معقول نرجع؟..:) معقول نرجع نعيش بالأرض اللي انحرمنا منها عقد ونص؟ معقول ارجع امشي ببلد انحرمت بكل شبابي أني أكبر فيها؟ واليوم.. وبعد سنة.. وبعد كلشي صار هالسنة.. وبعد ما بدأت تتعافى سوريا الجريحة.. شعور الفرحة ما قل أبداً عن السنة الماضية وقساوة الماضي كمان وتذكر كل الراحلين والمفقودين والمهجرين واليتامى والأرامل أيضاً لا يزال دفين هذه الابتسامة لا يزال دفين هذا الفرح لا يزال يراود أحلام كل أبناء هذا الوطن.. كل سنة وكل السوريين وين ماكانوا بألف خير

وأخييييراً صار عندك أداااااة عربية تساعدك بإثراء المنشورات ، بتعطيها المنشور وبتضغط ضغطة وحدة بتجمع ابحاث وبترجعلك المنشور مع إثراء بالإحصائيات والأرقام والدراسات ومو بس هيك! بتعطيك المصادر يلي استندت عليها رحبوا معي بأداة: Post Enricher أو مثري المنشوات من تقديم إكسيد ديجيتالز الأداة مجااااانية لعدد استخدامات محدد يومياً ومدفوعة إذا بدك استخدامات لا حصر لهااااا شكراً لكل من جربها هالاسبوع وكان جزء بتطويرها وشكراً لمن ارسلي مباركات ولمن أُغرم حرفياً بالأداة ❤️ اذا بدك رابطها علقلي: مثري المنشورات طبعا يلي بيزعل من عالاسلوب تبع علقلي لابعتلك ، لاتزعل يا غالي 🤣 اكيد بعد تعب الفريق وسهر الليالي بدنا نعذبك بس تكتب هالكلمة لأنه هالشي بوصل المنشور لناس اكتر

الناس ما عندها وقت “تكتشفك” على لينكدإن بدها تفهم بسرعة كبيرة أنت مين وشو مجالك وأنا بعرف أنه فكرة “توضيح مين أنا” عند بعض الناس بتستفزهم لأنه بيحسوها إضافة ليس لها قيمة خدها مني: لا تكون من الناس اللي بفكروا الناس كلها بتعرفهم أو الناس كلها مهتمة تعطي وقت على حساباتهم لتفهمهم لا تكتب على حسابك: خبير .. وتسكت أو مدير تنفيذي لشركة (إكس واي) وتسكت حاول بكل وضوح تجاوب على ٣ أسئلة: شو المشكلة اللي عم حلها؟ لمين بالضبط؟ وشو النتيجة الواضحة اللي عم حققها؟ مو لازم تحكي قصة حياتك على حسابك أكيد بس لازم تخلي اللي قدامك يفهمك من أول ١٠-١٥ ثانية فكر فيها هيك: إذا واحد دخل على بروفايلك ومعه نص دقيقة… شو رح يطلع معه؟ ارتباك؟ ولا وضوح؟ أنا كل أسبوعين تلاتة بصفن شوي بحسابي لطلع فيه أغلاط وأمور ممكن تتحسن لتصير رسالتي أوضح وأنت عزيزي:) ايمتا آخر مرة صفنت بحسابك؟

ابتعد يا صديقي عن تكرار الآخرين.. رح قلك شلون على لينكدإن ، كل اختصاص له فنه بالكتابة الكتابة التخصصية لا توضع في قوالب ضيقة ومحدودة يعني المدير المالي متوقع منه صفر اخطاء بالارقام مثلاً والمحامي مطلوب صفر اغلاط قانونية (ومتوقع منه احترافية بالتعبير عالية) جماعة التسويق متوقع منهم ابداع وافكار واطروحات مواكبة كلمة سر نجاح وصولك على لينكدإن: طريقتي بالتعبير + معايير اختصاصي + فهم بالخوارزمية اذا عندك هدول التلاتة فأنت متل مالي مو شايفك رح توصل طيب كيف بدي اعرف معايير تخصصي؟ ما بعرف 🤣 لكن لو انت جديد عالتخصص فبحس هي شغلة بتاخدها من السوق والتعامل مع الناس والعملاء والشركات ووو وايضاً من خلال متابعتك لمتخصصين من مجالك ولا لاء؟ انتوا شو رأيكم؟

حجم الجمهور على لينكدإن ليس له تأثير مباشر بحجم الدخل الذي يمكن تحقيقه (معقول؟!) اي.. هاد الحكي له عدة أدلة: ١- الأجانب وصول منشوراتهم من حيث عدد القراءات أقل من العرب ، لكن عادةً ما يكون دخلهم من المنصة نسبياً أكثر من العرب ٢- الكل جرب كيف أن منشور يحقق آلاف القراءات يمكن أن لا يحول أي متابع إلى عميل (وعلى النقيض: منشور بأقل من ألف قراءة ممكن يحول عميل أو عميلين) ٣- في ناس متابعينها فوق المية ألف ، بعرفها شخصياً ، وبقولوا ماعم يستفيدوا مادياً من المنصة (بينما عندي عميل بزنس كوتش فلهوي ذكي عم يقدر يجيب عملاء وهو عنده أقل من ٣٠٠٠ متابع) طيب.. وين المشكلة وشو الحل؟ المشكلة: ربط حجم الجمهور بالدخل الحل: فك حجم الجمهور عن الدخل الطريقة: ٥ نصائح أعتقد وزنهم ذهب وياريت كنت بعرفهم أول ما بدأت ١- أدخل إلى إيميلات جمهورك (كيف؟) عن طريق النشرة الأسبوعية ، كل ما تنزل مقال لينكدإن حيرسل إيميل لهذا الشخص ليقرأ المقال ، وهيك بتكون ظهرت عند جمهورك بالإيميلات مرة كل أسبوع ٢- المراسلات الذكية والاستراتيجية (كيف؟) المحتوى الفعال بحققلك الانتباه (والمراسلات بتحققلك الدخل) وطالما نحنا اتفقنا أن نفصل بين حجم الجمهور وحجم الدخل ، فأنت متفق معي أنه الدخل يستوجب عمل إضافي (زيادة عن المحتوى) ٣- فهم أن الجمهور ينقسم إلى نوعين: المتفاعلين ، والعملاء المحتملين (شلون؟) المتفاعلين: أشخاص مهتمين بمحتواك لكنهم ليسوا ضمن عملاءك المثاليين (إما خدمتك غالية عليهم ، أو هنن بكل بساطة حبوا محتواك بس مستحيل يشتغلوا معك) العملاء المحتملين: أشخاص نادراً ما حيعملولك فولو ، أنت بدك تروح وتدق بابهم ، رح يفتحوا الباب ويقيموك ويقيموا شغلك ويقيموا محتواك ويقيموا تفاعل الناس معك قبل ما يثقوا فيك بمعنى؟ بمعنى أنه لو عندك جمهور حجمه مليون متابع (قد يكون ٩٩٩ ألف مصنفين ضمن المتفاعلين ، وليس العملاء المحتملين) وبالتالي؟ وبالتالي لن تستفيد مادياً من هذا الجمهور إلا في حال بدأت باستقطاب العملاء المحتملين من خلال طلبات الصداقة والمراسلات ٤- إنشاء فعاليات لينكدإن (ليش؟ شلون؟ شو بتفيد؟) رح خبرك فعاليات لينكدإن هي أقوى وسيلة يستخدمها الغرب في تحويل جمهورهم إلى عملاء وهي للأسف واحدة من أقل الميزات استخداماً لدى العرب الفعاليات تتطلب التزام عالي من المقدم ومن المستلقي المستلقي (أو الحضور) عندما يحضر يعطيك من وقته وتركيزه ويومه على حساب شيء آخر (لعبة طابة أو التزام عائلي أو اجتماع عمل) لما إنسان يعطيني تركيزه ساعة كاملة ، هاد الإنسان لو لم يكن هو العميل المحتمل ، سيتحدث عني لكل من يسأله: هل بتعرف مثلاً بزنس كوتش شاطر؟ "اي بعرف واحد وحضرت عنده ماستركلاس الزلمة رائع" وهيك بصير جمهور المتفاعلين عم يستقطبلك جمهور عملاء محتملين ٥- التفاعل مع محتوى العملاء المحتملين بنسبة ٧٠ بالمية ، ومع جمهور المتفاعلين بنسبة ٣٠ بالمية شو يعني؟ يعني كتير حلو تتفاعل مع كل الناس ، بس ولكن (على قولة تيم حسن) كل إنسان عنده انشغالات وغالباً فوق طاقته ومارح يلحق على كلشي ، لذلك.. إذا كان هدفك الأساسي من لينكدإن هو تحقيق الدخل خصص وقت للبحث والعثور على عملاء محتملين والتفاعل مع محتواهم أكثر من الوقت الذي تخصصه للتفاعل مع محتوى المتفاعلين معك وماحدا رح يزعل منك (الزعل بصير إذا ما رديت على تعليقات المتفاعلين معك على محتواك) وهيك فعلياً بقدر قلك.. هاد يمكن أهم منشور بنشره على لينكدإن.. أنا ما كتير بحكي عن طرق تحقيق الدخل عبر لينكدإن فشعرت بالتقصير من هي الناحية وحبيت وصلكم خلاصة التجربة..

خلي أول سطر من منشورك مُكتمل المعنى، ليش؟ أسماء سُتجاوب Asmaa Al-Khaledi

يا جماااعة بدي اقتراحات لصناع محتوى عرب على لينكدإن! لنكبر قائمة الاستلهام على موقع إكسيد! أشعر بالفخر أنه تجاوزنا تقريباً ال ٢٠٠٠ منشور عربي! إذا بتتابع أي صانع محتوى عربي بيعجبك محتواه اعمله تاغ خلينا نضيفه هون وهيك بتكون ساهمت بتكبير أول منصة عربية لصناعة المحتوى والاستلهام على لينكدإن

14 مليون مستخدم لينكدإن في مصر ، 280 ألف منهم (ينشر محتوى على المنصة) 11 مليون حساب لينكدإن في السعودية ، 310 ألف منهم (ينشر محتوى على المنصة) 9 مليون مستخدم لينكدإن في الإمارات ، 280 ألف منهم (ينشر محتوى على المنصة) 5 مليون مستخدم لينكدإن في المغرب ، 79 ألف منهم (ينشر محتوى على المنصة) 4 مليون مستخدم لينكدإن في الجزائر ، 35 ألف منهم (ينشر محتوى على المنصة) 2 مليون مستخدم لينكدإن في تونس ، 36 ألف منهم (ينشر محتوى على المنصة) 1 مليون مستخدم لينكدإن في الأردن ، 40 ألف منهم (ينشر محتوى على المنصة) 1 مليون مستخدم لينكدإن في العراق ، 21 ألف منهم (ينشر محتوى على المنصة) 900 ألف مستخدم لينكدإن في لبنان ، 19 ألف منهم (ينشر محتوى على المنصة) 830 ألف مستخدم لينكدإن في الكويت ، 18 ألف منهم (ينشر محتوى على المنصة) 810 ألف مستخدم لينكدإن في عُمان ، 22 ألف منهم (ينشر محتوى على المنصة) 550 ألف مستخدم لينكدإن في سوريا ، 7 آلاف منهم (ينشر محتوى على المنصة) 540 ألف مستخدم لينكدإن في البحرين ، 11 ألف منهم (ينشر محتوى على المنصة) 510 ألف مستخدم لينكدإن في السودان ، 5.5 ألف منهم (ينشر محتوى على المنصة) 480 ألف مستخدم لينكدإن في اليمن ، 5 آلاف منهم (ينشر محتوى على المنصة) 470 ألف مستخدم لينكدإن في ليبيا ، 4 آلاف منهم (ينشر محتوى على المنصة) 390 ألف مستخدم لينكدإن في فلسطين ، 4.5 ألف منهم (ينشر محتوى على المنصة) أعلى نسبة في الحسابات النشطة عربياً؟ الأردن ، ثم الإمارات ، ثم السعودية أقل الدول من حيث نسبة الحسابات النشطة؟ ليبيا والجزائر ، ثم اليمن ، ثم السودان أنا هنا لعرض الأرقام فقط ، وسأترك لكم التعليق عليها (ملحوظة الأرقام كلها دقيقة ومن منصة لينكدإن سيلز ناف) يعني مافي شي غير دقيق أو مأخوذ من خارج المنصة

أخلاقيات لينكدإن 101: ١- لا تبعت رسائل تعرُّف على بنات (حرام اللعب على عواطف الناس بحجة الشغل والفرص) ٢- لا تهين زملاءك من نفس المجال (منافسيك) ٣- لا تتهكّم على مجالات أخرى (صار للأسف عادي يطلع خبير مبيعات يتهكم على مجالات تانية هو ما خصه فيها) ٤- لا تحط إعلانات توظيفية كاذبة (إذا كان بدك توظف لبعدين اكتب هالشي بوصف الوظيفة: هذا الشاغر سيُملأ لاحقاً بعد بضعة أشهر) ٥- لا تترك تعليقات بدون ما تقرأ المنشور (تمثيل الاهتمام) ٦- لا تنشر صور الك أنت وبالمسبح (مشان الله) ٧- لا تبالغ بمدح نفسك (ما حدا ساءل عليي وعليك) الناس بدها منك القيمة وبس ٨- لا تستخدم حياتك الشخصية لأغراض تسويقية (مرتك لما تزوجتك ما وقَّعت على هالشي) إلا إذا وقعت شي تاني ٩- لا تستخدمي جمالك للبزنس ، مالك مضطرة صدقيني ، البزنس الحقيقي بيجي من العقلية والفكر مو من الميك أب والخصر ١٠- لا تنشر قصص حساسة للموظفين (ممكن تدمر حياتهم بتعليق سلبي واحد جارح من واحد راسه مربع) ١١- لا تبالغ بنشر قصص النجاح (حاول اقضي حوائجك بالكتمان إلا ما لزم لأغراض البيع والاسترزاق وبإطار حمد وامتنان وليس فخر وتكبر) ١٢- أنت اكتبلي ياها بالتعليقات (وبحب ذكّر بشغلة وحدة بسرعة: هاد رأيي الشخصي ، ممكن تعارض أو تؤيد ، ممكن يكون شي صح وشي غلط)

الكوكب لسا فيه امل الزمن هاد لسا فيه امل كبير وبمناسبة ٧ آلاف متابع ، وتقييمات ظريفة على منصات الranking - بدي خصص هالمنشور لعبر عن امتناني لكل شخص صاحبني بهالرحلة لكل حدا حس انه شي واحد على الاقل من يلي بحكي فيه ساعده بشغلة معينة لكل حدا ترك رسالة ورديت عليه او طولت لرد لكل حدا ترك تعليق وسؤال وجواب واضافة معينة لكل عميل وثق بشغلي وشغل فريقي وقرر يوظفنا لكل حدا حضر اي ماستر كلاس عملته وشارك وسأل واخيراً.. لكل حدا بيحكي وبعلم وببسط مجاله بمحتوى تخصصي بسيط قابل للاستيعاب والاستهلاك ال٧ آلاف او ال٧٠ الف او حتى ال٧٠٠ متابع بالنسبة لألي (وبدون مبالغة) مو هنن معيار النجاح معيار النجاح الرقم اللي تحت (يلي جنب المليون امبرشن بآخر ست اشهر) يلي هو members reached بتعرفوا شو يعني انه كلامك وصل ٢٧٧ ألف؟ متخيلين؟ كلام ، افكار ، سرد ، تعبير يوصل لهيك رقم؟ هي قوة الorganic reach هي قوة الفكرة هي قوة الكلام الكوكب لسا فيه امل.. ❤️❤️❤️

"أسماء في شي بدك تختمي فيه؟" "حابة أعطي خاتمة سريعة جداً" "أنت مُحاسَب على وقت الناس وانتبهاههم" نعم.. أمر نغفل عنه كثيراً في زحمة المحتوى وصناعته.. شكرا Asmaa Al-Khaledi

يعني ما بدها تفكير ، إذا بدك تتعلم لينكدإن ما بتروح عند شخص "محتواه رائع" وبس بتروع عند شخص "تجربته رائعة + محتواه رائع" بتروح عند شخص حقق ٢٦ ألف متابع خلال ٨ أشهر بتروح عند شخص فهمان الخوارزمية ومتابع لها بتروح عند شخص منشوراته بتوصل قريب المليون impression شهرياً بتروح عند شخص اشتغل أصلا مع لينكدإن بقسم الخوارزمية بس يا محمد هل هالشخص فعلا موجود؟ نعم يا عزيزي الرايق موجود واسمها أسماء الخالدي ورح تكون موجودة معي بسلسلة اسمها "خوارزمية لينكدإن من الألف إلى الياء" الحلقة الأولى بعنوان: نسبة الوصول صارت على يوتيوب (الرابط بالتعليقات) يا جمااااعة بتستاهل أسماء الخالدي شكر على وقتها وجهدها ودعمها برأيي هية معبية فراغ باللينكدإن العربي لا بد أن تستمر بتغطيته وهي أنا أول تاغ: Asmaa Al-Khaledi استمررررررري وشكراً جزيلاً على القيمة الرائعة المضافة والخبرة الواضحة

مو كل الناس بتقدر تكتب كل يوم ، خصص يوم واحد فقط لبناء محتوى ثلاثة أشهر (الموضوع بده ساعتين تلاتة فقط) ما عندك ساعتين تلاتة من هون لآخر الشهر؟ هالمنشور مو ألك ، يمكن لسا مالك جاهز لتبدأ برحلة صناعة المحتوى التخصصي ، أو يمكن أنت بحاجة لمختص يساعدك هالمنشور لحدا ما بقا بده يستنى ويأجل لحدا ما بقا بدو ينشر يومين ويختفي شهر لحدا مو حابب يدفع لمختص يساعده ضمن هاد الكاروسيل ، فيه مقترح أدوات بحث ، وتصميم وأسلوب تنويع وتوزيع جيد ، مع أفضل أيام النشر حسب المصادر المذكورة إذا استفدت ، احفظ المنشور لترجعله بعدين بالتوفيق للجميع

أنت مو جمهورك ، You’re not your audience "أنا ما بشوف منشورات بدون تصاميم ، فليش لانشر منشورات بدون تصاميم" الجواب: أنت مو جمهورك "أنا ما بقرا منشور طويل ، فمارح اكتب منشورات طويلة" صديقي: أنت مو جمهورك "أنا ما بهمني المنشورات تبع المؤتمرات والزيارات ، فمارح نزل عن حضوري للإيفينت الاخير" حبيبي: أنت مو جمهورك "أنا ما بحب شوف صور سيلفيات للعالم ، فمارح نزل صور سيلفي لألي مع منشورات" عزيزي الغالي الرايق المصحصح: أنت مو جمهورك وأنت صديقي اللي عم تقرا هالمنشور ، برأيك أنت جمهورك؟ ولا أنت مو جمهورك؟

٨ ميزات تمت إزالتها من لينكدإن (بعد ما ضافوها ، ما عجبت الناس) ١- LinkedIn Stories انطلقت 2020 واختفت 2021 فكرة محتوى يختفي بعد 24 ساعة ما ركبت مع جمهور مهني بده الاستدامة (مو سناب) ٢- المقالات التعاونية + شارة Community Top Voice مقالات مدعومة بالذكاء الاصطناعي ومطلوب منك تعلق عليها لتاخد (توب فويس أصفر) اللي صار؟ سوء استخدام، عك وحكي فاضي بالتعليقات ، كتير ناس عم تقدّم نفسها كـ Top Voice رسمي وهنن مالهم اختصاصيين القرار: حذف الميزة والشارة بالكامل ٣- البحث المتقدم (Boolean) للحسابات المجانية كان متاح صار مدفوع بتاخده مع الـ Premium لينكدإن قرر إن البحث الحقيقي = مدفوع ٤- ماسح بطاقات الأعمال بتصوّر البطاقة، بينضاف الكونتاكت (ميزة ظريفة… بس اختفت) لينكدإن انتقل من العالم الفيزيائي للرقمي البحت ٥- قسم الاهتمامات (Interests) مكان بتحط فيه اهتماماتك المهنية والشخصية ، (التغى بالكامل) الهوية الآن تُبنى من المحتوى، مو من القوائم ٦- الملاحظات والتاغز للحسابات المجانية كانت CRM مصغّرة اليوم؟ Sales Navigator فقط ٧- بيانات متابعة الهاشتاغات عدد المتابعين؟ اختفى بهدوء إشارة واضحة: الخوارزمية والشغل اللي عم تشتغله للfeed تبعك صار أهم من “شعبية” الهاشتاغ ٨- إشعار المتابعين عند نشر مقال جديد من زمان كان يوصل إشعار تلقائي ، اليوم؟ لا والوصول العضوي للكتّاب تضرر بشكل واضح كنت بتعرفهم؟ فيه شي عشته وجربته منهم؟

شو أغرب تعليق اجاك على لينكدإن؟

الغيرة بتشلّك، الإلهام بيدفعك أهم درس تعلمته بحياتي بعد الجامعة (إذا ابتليت بمقارنة نفسك بالآخرين ، حول هي الغيرة لإلهام) بتصير بتستفيد من كل اللي حواليك بما أني بحكي عن المحتوى ، فحتى بالمحتوى على لينكدإن لما تشوف محتوى من شخص من نفس مجالك ، بدل ما تشعر بالغيرة والمقارنة وتسأل حالك كيف هيك عم يطلع معه أفكار حلوة .. حاول استلهم منه لما تشوف محتوى رائع من منافس أو زميل من نفس المجال، نهائياً مو غلط تستلهم منه الفكرة شوف العنوان، النص، القصة، الـ CTA جرب شي شبيه فيها، عدّل، ضيف تجربة عملية، خليها بصوتك مو غلط أبداً ترجع تبعت رسالة لصاحب المنشور: "حلوة الفكرة، ممكن أعمل نسخة بطريقتي؟" الرد عادة بكون مشجع، وأحياناً بيفتح تعاون بسموه "سرقة إبداع" لكن لما يكون في شفافية و(شغل عالمنشور) صادق ، بصير اسمه (استلهام) وليس سرقة على صعيد الميديا؟ تلت ارباع المسلسلات والافلام الناجحة عالمياً كانت مستهلمة من كتاب ، أو من مسلسل قديم ، أو من رواية تم إعادة تدويرها وتعديلها أو أو أو البرامج الكوميدية؟ كلشي عربي عنا هو إعادة تدوير لتجارب خارجية مو دايما لازم تخترع الذرة حدا ألهمك تكتب أو تغيّر أسلوبك مؤخراً؟ مهتم تخبرني شو أخدت منه ❤️

صار فييييك بضغطة زر وحدة تحصل على تقييم شامل لحسابك على لينكدإن مو بس هيك! التقييم يشمل أيضاً تقييم منشوراتك ومحتواك! وبيعطيك أديش يتوافق محتواك مع ملف الشخصي وفوق كل هاد أيضاً: بضغطة زر وحدة بتحمل التقييم كملف بي دي إف! شايفين هاد الملف؟ هاد حصلت عليه حرفياً بضغطة زر ، هلق صار فيني روح وعدل على حسابي وطور فيه كيف بدكم تحصلوا على تقييم لحسابكم متل هاد؟ رابط الأداة بالتعليقات وحطيتلكم كمان فيديو عم اشرح فيه كيفية استخدام الأداة وبس يا غوالي إذا حدا عنده أي سؤال فيك تعمل submit feedback من خلال الأداة مباشرة أو تبعتلي رسالة

تشات جي بي تي (إذا استخدمته غلط) هو المدمر الأول لعلامتك الشخصية الفكرة مو أنك تنشر ، الفكرة أنه النشر يفيدك الفكرة مو تكتب بوست ، الفكرة البوست اللي كتبته يزيد من ثقة جمهورك فيك الفكرة مو بالاستمرارية ، الفكرة بالمصداقية ولا لاء؟

شو اعلى impressions حققته بتاريخك على لينكدإن؟