Mera Horani's Recent LinkedIn Posts

في رمضان وغير رمضان، دوام موظف ثمانية واحد لا يتغير، ولا يحتاج حضوره. 🤝

الجواب الي خلاني اخسر خلال مقابلة عمل بعد ان وصلت مرحلة الثانية في مقابلة عمل قبل كم سنة في هيئة حكومية كبيرة .. استُفِز مني مدير القسم وهو يسألني وانا كل شوي أجاوبه "حسب" قالي بدي جواب واضح، قلت له اسفة، ما بقدر اعطي وعود واحكي حقائق لانه فعلياً التسويق يعتمد على 🎯 الاهداف الي بدك تحققها 💸الميزانية 👬حجم الفريق والموارد الموجودة وصراحة، الميزانية بحددها أصلا المدير التنفيذي، ولو بدك أنا اقترح ميزانية يسعدني بس اعرف خطة تطوير المنتج ولوين بدكم توصلوا …. بس هيك جواب عشوائي عشان بس أعطي جواب … لا 🙅‍♀️ من تجربتي بالعمل لمشروعي الخاص ومن عملي في شركات ناشئة معظم حياتي المهنية، صدقاً بقدر اشتغل بمزانية مليون دولار وبقدر اشتغل بدون اي ميزانية وبقدر اشتغل بميزانية ١٠٠$ الشفافية حلوة ومريحة للطرفين ✌️

أصدقاء لينكدان بحاجة مساعدة ونصيحة أي منصة رقمية للتدريب تنصحوا فيها؟ عندي كورس تسويقي وحابة اعرضه للبيع في منصة رقمية؟   منصة يكون التعاقد فيها عادل مش فتات القروش اتمنى ترشيحاتكم بناءًا على تجارب

تشرفت اليوم بتقديم ورشة تدريبية لطلاب طب الأسنان في الجامعة الهاشمية بعنوان "بناء هوية رقمية في القطاع الصحي" تناولت في الورشة اهمية التسويق الأخلاقي التحول الرقمي في طب الأسنان وخيارات العمل الحر وعن بُعد الرقمنة في طب الأسنان Digital dentistry مهارات التسويق الرقمي الضرورية للأطباء حمد الله كانت تجربة جداً جميلة والتعليقات كانت ايجابية من الكادر الأكاديمي والطلاب الحاضرين شكرا كبير لمركز الإعداد لسوق العمل -الجامعة الهاشمية والقائمين عليه. The Hashemite University شكر كبير لصديقتي Sara Lulu طبيبة الأسنان المتألقة الي ساعدتني في مراجعة المادة التسويقية الي قدمتها اليوم ودعمي بالمعلومات التقنية المتخصصة

متلازمة المحتال… ليش كثير نساء بحسّوا فيها على لينكدإن؟ كثير نساء، أول ما يدخلوا لينكدإن، يمرّوا بنفس الشعور: تشوفي رجال (وأحيانًا نساء) سابقينك بسنين خبرة، مناصب كبيرة، إنجازات معلنة… وفجأة يطلع الصوت الداخلي: «أنا شو عندي أقدّم على هاي المنصة؟» هذا الشعور اسمه متلازمة المحتال، وهو شائع جدًا بين النساء، خصوصًا بمجتمعاتنا العربية. ليش؟ لأنه تربّينا على فكرة إن الحديث عن الإنجاز قلة تواضع، وإن المديح الزايد مرفوض. كبرنا على عبارات مثل: «المادح نفسه كذاب» «كثرة المدح في غير موضعه تورث الشكوك في صاحبه» «لا تمدح وتشكر الا بعد سنة و6 اشهر » 😅 فصار عنا خجل نحكي عن إنجازاتنا، حتى لو كانت حقيقية. أنا شخصيًا كنت حاملة معتقدين من نشأتي ومن ثقافتي الأردنية، لكن مع العلم، والتعلّم، وتطوير الذات، استبدلتهم بقناعتين غيّروا نظرتي تمامًا: ✔️ if it's based on facts, it's not bragging (وهو شعار حملة Google الشهيرة: I am Remarkable) ✔️ عملت اختبار متلازمة المحتال مع أخصائية نفسية عبر موقع كلنا أمهات (الرابط في التعليقات)، واكتشفت إني أصلًا ما عندي متلازمة محتال… عندي شوية خجل، والخجل مع الممارسة بيروح. نصيحتي لكل أم وكل امرأة حابة تبدأ على لينكدإن: ✨ الإنجاز الصغير اللي عملتيه هو إنجازك أنت. تخطّيتي تحدّي، مشيتي خطوة لقدّام، ومن حقك تفتخري بنفسك. وفي كثير نساء محتاجين تبسيط للمعلومة، وفي كثير ناس ما بيعرفوا قد ما أنتِ بتعرفي. ✨والنصيحة الثانية: خلي خوفك حافز مش عائق. وقبل أي بوست: ابحثي، طوّري نفسك، راجعي مصادر، تعلّمي… وبعدين اكتبي. شوي شوي، رح تكتشفي إنه في ناس فعلًا محتاجة تسمع منك

صدفة جميلة اتعرف على صاحب ومؤسس تطبيق عدنان معلم القران هنا في لينكدان التطبيق الي أولادي يستخدموه ومن تجربتي الشخصية كتبت مقال عنه على موقعي وهو متصدر نتائج البحث والزيارات عالموقع من 4 سنوات لحد اليوم رغم تغير استراتيجة وخدمات الموقع عندي ما هان علي احذفه بارك الله فيكم وجهودكم وحمد الله على أصغر الانجازات في حياتنا الرقمية ل Kolona Ummahat https://lnkd.in/d87ZgrTB

معقول تشات جي بي تي يكون سبب مبيعات لكتابي؟ تواصلت معي من ايام القارئة، دليلة Dalila Regai من الجزائر تشاركني إعجابها بالكتاب، سألتها كيف حصلت عليه في الجزائرـ لمعرفتي ان الكتاب لم يوزع في المغرب العربي اجمالاً قالت لي من chat GPT بعدين دورت عليه اونلاين ولقيته على منصة Abjjad  ولقتني القارئة على منصة لينكدان مراجعة الكتاب، مقال 700 كلمة كل حرف لامسني، ممتنة جداً لها لأنها أخدت من وقتها تكتب مش بس "تقييم" ولكن مقال كامل .... أتقبس هذه الجملة الي اثرت فيي كثيراً: "لأنّ الكاتبة ستأخذكِ في رحلة فريدة ومختلفة، وستذكّرك بنفسك، ومن أنتِ بالفعل؟ ستشجعكِ أحيانًا، وتثقفكِ أحيانًا أخرى. وفي بعض المرّات ستُمسك يدكِ وكأنها تجلس بجواركِ، وتخبركِ: أنكِ لستِ وحدكِ، وأنّ هناك من يفهمُ ما يحدث بين خلجات نفسكِ… وأحيانًا، ستصفعك… لا تقلقي، ليست ساحرة لتصفعكِ من داخل الكتاب، بل ستصفعكٍ صفعة وعي صادقة، وتُذكّرك بأشياء عن نفسكِ أنساكِ إياها المجتمع، وتضعكِ أمام حقائق لن يذكّركِ بها أحد، صدقيني، فلا يفهمُ المرأة إلا امرأةٌ تشبهها." الرابط في التعليقات

شغلة ما عمري حكيت عنها أونلاين - كنت Perfectionist والحمدالله تعافيت بقول تعافيت ...لانها فعلاً داء للناس الي حوالينا مش النا استعنت بمعالجة سلوكية معرفية وكوتش ايضا وكتبت عن هذه التجربة في كتابي "خيروني ما بين الأمومة والطموح، فاخترت الاثنين" السبب الاول الي خلاني أسعى للتخلص منها كان فعلاً اني "اتقبل أخطائي" كنت شخص دفاعي جداً، أقتل نفسي بكل معنى الكلمة عشان أعمل كل شي صح ومتى أتعب؟ لما يطلع لي عميل يلقط صغار وتوافه الأمور كخطأ علي وانا ما اتحمل فكرة إني أخطأت .... مرة من المرات صار Escalation علي والزميل قرر يأسفني عشان مرات بحط حرف ال A capital letter ومرات أسهى ووقتها وصلت لمرحلة كل الشغل ما بدي اياه وقالي مدير عام كبير في الشركة "ميرا انا قادر اشوف انه فعلاً في ناس عم تحاول تؤذيك بس هدول عميل عنا وما بقدر اتحكم فيهم...بدافع عنك مرة ومرتين، بس انت لازم تكوني قوية وتقدري تتحملي" وهذا الكلام كان كفيل اني اراجع كل حساباتي وافهم انه في مكان العمل في ناس مش نظيفة ولا قلوبها صافية وانا فعلاً لازم اعرف اعزل نفسي عن هذه الكلمات وما اجلد ذاتي على غلطة بسيطة ...لاننا بشر وكلنا نخطئ الغريب بالموضوع مش هاي القصة ولا إني تغيرت، الي عم بصير معي حالياً اني فعلياً بطلت أتحمل اشتغل مع ناس همها صغار الأمور وتدقق على اتفه تفصيلة بسبب المثالية الي عندهم .... في أحد الشركات كان الي مدير عمل قصة ورنة وطنة عشان حجم المربعات في ال presentation كان مختلف ب 2 سم...أقسم بالله عطاء كبير كانت الشركة وافقة عليه وموعد تسليمه بهداك اليوم أجله أسبوع كامل وتأخر عشان التصميم مش مثل الي بباله ... لأي شخص بدقق على كل تفصيلة والمثالية بالعمل، بحب احكيله شغله: السوق تغير والسرعة هي الأساس اليوم بإغلاق الصفقات وربح العملاء وكسب القلوب، أكيد الجودة اشي مهم وهي فعلاً عنصر لتحقيق الربحية والاستدامة، بس لو عم بضيع الوقت منك وعم تلاقي موظفينك يشتكوا من التأخير ومن الملاحظات الصغيرة الي ما حدا بشوفها غيرك، رجاء اشتغل عى نفسك وصحح من حالك

رمضان كريم متأخرة شوي لينكدان هو مساحتي الي بعبر فيها واستمتع بصناعة المحتوى دون ضغط، أنشر لما احب ويكون عندي وقت ... الشهرين الماضيين كنت بشتغل مشاريع كتابة محتوى وبودكاست لأخصائيين نفسيين وايضاً أصنع محتوى رقمي لعلامات تجارية مختلفة.... ضغط هائل من ساعات العمل لكن متعة كبيرة خصوصاً اني بشتغل مع ناس جداً ذوق ولطيفين ومقدرين للجهود الي بقدمه انا وفريق كلنا أمهات Kolona Ummahat حابة اشارككم لحظة وعي وخبرة عملية عشتها مع فريق العمل وايضا العملاء، كان في خلاف ما بين النبرة للمحتوى، ما بين نبرة واقعية صحيحة وتحكي الحق مثل السيف وما بين نبرة تظهر التعاطف وتدمج أكثر من فئة من الجمهور المستهدف، ورأيي كان ونصيحتي للعميل وطلبي لكُتاب المحتوى انه نكون بعيدين عن الأحكام وبعيدين عن فرض "الصح" خصوصاً في الامور النفسية وبالتعامل مع الأمهات .... لان الأمهات بعانوا كثير، وزيادة المثالية عليهم، رح ترهقهم وبالتالي رح نستبعد فئة كبيرة من الجمهور....برأيي دايماً في اسلوب لتوصيل الرسالة ممكن اكسب قلوب الكثير وممكن اكون اخترت زاوية فيها نفسي وبعض ممن يشبهني وهون كانت خبرتي في الكتابة مع علم النفس ومع بناء محتوى رقمي بشارك معكم نتائج البودكسات وردود الأفعال قريباً بإذن الله

رواد الأعمال اليوم بعمر الـ ٢٠ والمستقبل قدامهم 💼 تشرفت اليوم بتقديم حوار عن استرتيجيات التسويق عبر السوشيال ميديا ومصادر الدخل للطلاب من التسويق عبر السوشيال ميديا لطلاب جامعة الحسين التقنية حكيت فيها عن 📍التسويق الأخلاقي 📍مسارات التسويق الجديدة مثل UGC & EGC 📍والفرق عن "لحاق الترند وبناء علامة تجارية تعيش عمر" شكر كبير للأستاذة Asmaa Al-Kayalli ولجامعةً Al Hussein Technical University (HTU) صراحة نخبة من الطلاب ، انبهرت بافكارهم الريادة وشغفهم لصنع تغيير في البلد، الخير فيهم باذن الله واهم اشي انه "الامهات" وراي وراي وين ما اروح، مجموعة من الطلاب عرضوا فكرة تطبيق حل مشكلة الام العاملة وتأثرت طبعاً فيهم …

سألتني محكّمة في لجنة تقييم لمشروعي "يعني لهدرجة الصحة النفسية مهمة للأمهات الي بدهم يشتغلوا" باستخفاف ... سكتت لثواني عشان يكون جوابي مقنع وفي الأثناء رد أحد أعضاء اللجنة الرجال وقال "طبعاً بأثر، خصوصاً الام الي لسا بإجازة الامومة، صراع يومي ترجع على الشغل ولا لا وكيف تتحمل وجع القلب انها تترك رضيع وترجع، انا شفت اختي كيف عاشت هذا الشعور" ردي كان بعد تعليق الشاب من لجنة التحكيم ✔️ الأم بتفكر بالاستقالة بمعدل 17 مرة بالسنة، بحسب دراسة أخيرة (بسبب الضغوطات النفسية) ✔️نسبة النساء الي بتعيش اكتئاب ما بعد الولادة تقريباً 20-30% وفي الأردن وصلت 53% ✔️الفطرة السليمة للأم انه تكون قريبة من أولادها ... سؤالنا مش لازم يكون "عنجد نفسية الأم لهدرجة مهمة" ...سؤالنا لازم يكون كيف نعطي الأمهات فرصة عادلة بالعمل وتكون قريبة من أولادها! العمل عن بعد وتمديد اجازة الامومة ونعطي كل موظف شلغى على قده مش تلبيس 3 ادوار لموظف واحد عشان صار في ذكاء اصطناعي ... والعدالة هاي حق لكل موظف امرأة، او رجل وهي جوهر الدمج

معلش أظهر غيرتي على المحتوى التسويقي في الأردن؟ والغيرة هون قصدي فيها ... عازز علي انه المحتوى التسويقي يسخف من عقل الجمهور الاعتماد على اثارة الجدل، بدون أي تطبيق لقواعد التسويق او فهم لقيمة العلامة التجارية الاعتماد على اسم العلامة التجارية وتحوليها لاغنية غصب عن الدنيا "الأهلي" هو أهلي نستخدم مهارات اللغة العربية ونعمل شعر قافية من اسم العلامة التجارية" روح الاتحاد" "في رمضان خليك نبيل" 🤯 وأسوأ نوع هو استخدام الدلالات السلبية ونقول "اثرنا الجدل ف هاد معنا نجحنا" مش عارفين نحكي اشي غير انه المنافسين ونحن نعمل نفس الاشي بس الشاطر مين بسبق؟ حتى أولادي الي عمرهم 10 سنين بقولوا ماما شو قصدهم بهاي الكلمة بالدعاية؟ التسويق مش ترند ولا كلمة تستفز الناس ولا قافية.... في اشي اسمه هوية، علامة تجارية، قيمة مضافة، منتج متميز، خدمة عملاء وموظفين يخلوك ترجع كل مرة تشتري منه

يسعدني إن شاء الله أن اقدم ورشة لطلاب كلية طب الأسنان في الجامعة الهاشمية ورشة تعريفية عن أهمية بناء هوية رقمية لهم اونلاين والأهم في هذا الأمر انني سأعلمهم عن 🪄 البصمة الرقمية 🪄التسويق الأخلاقي في القطاع الصحي متشوقة للقاء الطلاب والجامعة بعد 18 سنة تخريج 😅 المهم النفسية شباب والقلب لسا حماس Hashemite University

نصيحة للشباب الجداد الي عم بدخلوا مجال السوشيال ميديا السوق تغير من 10 سنين، قبل كان الاقبال على مين بعرف يشتغل استراتيجية سوشال ميديا، الشركات كانت عنجد تتخانق عليه. وكان في دور لكل خبير (تصوير لحال - جرافيك ديزاين - اعلانات ممولة) اليوم؟ بعد دخول الذكاء الاصطناعي، الصورة تغيّرت كليًا. الشركات اليوم بتوقع إنو الموظف الواحد بعمل أكتر من دور: • يعرف يصنع محتوى • يعدّل على تصاميم جاهزة (آه… Canva صارت مهارة أساسية مش رفاهية) • يصوّر فيديوهات بسيطة من يوميات الشغل ويعمل مونتاج بسيط على Capcut • ويفهم على الأقل أساسيات الـ Boost والـ Paid Ads ما عاد في حاجة لإنتاج ضخم وفخم إلا بالحملات التسويقية الكبيرة. الروتين اليومي للشركات بده محتوى سريع، ذكي، وبسيط. عن تجربة شخصية: تعلّمت الإعلانات المدفوعة قبل 4 سنين، مش لأني حابة… بس لأني ما بدي أتأخر، ولما كنت أدور على فريلانسر ياخد مني 500$ عشان اعلان والا اثنين بالشهر ما كان منطقي ادفع هاد المبلغ ع مشروع ناشئ، تعلمت، أخذت كورس، وطبّقت على موقعي الخاص Canva؟ تعلّمتها السنة الماضية. اليوم التصميم الواحد ممكن ياخذ مني 2–4 ساعات. وندمت اني ما تعلمت قبل 10 سنين مهارة التصميم الخلاصة 👇 إذا بدك تدخل مجال السوشال ميديا: • وسّع مهاراتك • التخصص مهم بس تعدد المهارات أهم • اعمل ميزانية شهرية بسيطة للتعلّم • افتح صفحة خاصة فيك وطبّق عليها شئنا أم أبينا، سوق العمل بتغيّر بسرعة… واللي ما بتعلّم اليوم، رح يتأخر بكرا.

بحث على جوجل أظهر لي أكثر من 2000 نتيجة شهرياً لأمهات تشعر بالوحدة تواصلت معي صديقتي من يومين وهي أخصائية نفسية من فريق كلنا أمهات وقالت لي ميرا ...خلينا نختم السنة ونقدم دعم للأمهات ..حابة ادعم المرأة المطلقة والأرملة نشرت على ستوري انستجرام عندي استبيان أسال مين من متابعيني مطلقات ... وبدأت الاسئلة عالخاص شو عن الام المتزوجة وحاسة حالها عازبة او منفصلة؟؟ انصدمت من السؤال وقلت خليني اعمل بحث وتفاجئت بكمية نتائج البحث لكلمات مفتاحية تدور حول "شعور الام بالوحدة" وسفر الزوج وغياب الدعم النفسي عدلنا انا وفاطمة بهدف الورشة وقررنا نقدم ساعتين بسعر رمزي لانه بعرف هذه الفئة من النساء غالباً في حالة مادية صعبة .... وبدأت الحجوزات توصلنا اذا بتعرفوا ام تشعر بالوحدة وبحاجة سند لو بسيط فضلاً شاركوا معها الرابط لما التسويق يرتبط بخدمة مجتمعة يكون الأثر الحقيقي والله على ما أقول شهيد #Ethical #SEO #WomenSupport #Wellbeing Fatima Khalaf Kolona Ummahat

لأي علامة تجارية وحتى شركة كبيرة .... موظفك او عميلك اذا طلع من عندك زعلان اعرف انه سمعتك عالمحك ومسؤوليتك انت تصلحها قبل تقريباً سنتين زرت صالون نسائي كان ضارب كتير عالسوشيال ميديا وطبعاً صدمت من الواقع مثل الكل، الصدفة اني زرتهم برمضان بتذكر وكان الكل مزاجه مش رايق وطلعت وانا جدا مستاءة من سوء المعاملة ورغم اني ببتعد كل البعد اني استخدم وجودي على السوشيال ميديا للاعتراض يومها حطيت تعليق من حسابي العام وصاروا المواظفين يردوا في التعلياقات يكذبوني بدال ما يحلوا المشكلة وطبعا ما حدا اصلا تواصل معاي لحلها والرد كان وقح جداً .... اليوم بعد مرور سنتين ناس شافت تعليقي وبدأوا يسألوني عن رأيي لانه مترددين يزوروا الصالون......وهذا ثمن وتكلفة بدفعها صاحب العلامة التجارية لما يقرر يهمل شكاوى العملاء ...ثمن صامت هو ما رح يعرفه يمكن!

سألني أب "كيف نروق وتهدأ ونحن بعد ٨ ساعات عمل راجع لمسؤوليات البيت والاولاد" ردي اله كان "ليش ما تشوف انك محظوظ قادر تشوف اولادك كل يوم، وانه حمد الله الله رزقك اطفال، وانه دوامك اقل من الشركات التانية ، بتروح تقريبا ابكر بساعتين وانه عندك سيارة توصل بيتك قبل اي مواصلات تانية ، كل هاي نعم لو تختار نشوفها رح تبطل تحس انك مجبور ...وقت الرياضة ممكن يكون تمشاية حوالين البيت مع ابنك ... " ابتسم الاب وهاي الابتسامة كانت لحظة وعي أسعدتني كان الي الشرف اقدم محاضرة عن "تخفيف العبء الذهني للعاملين" لمشاركين في البورد الأردني لتأهيل فاحصي البرمجيات JOSTQB خلال زيارتي لهم. شكر كبير الزميلة May Abu Sbeit والأستاذ Thaer M. #بكرا_تروق_وتحلو #كلنا_أمهات #تطوير_مهارات #كلنا_أمهات_تدريب_شركات #جودة_حياة_الموظفين Kolona Ummahat

اكبر مشجعيني ابني يوسف لما يجي ضيوف عنا عالبيت يركض ويحمل الجائزة بايده ويقولهم شوفوا ماما شو فازت ولما كتبت كتابي وصلني الكتاب حمل الكتاب وبدأ اتصالات بجده وأهلي والكل يقولهم "ماما كتبت كتاب" نظرة الفخر هاي بعيونه هو واخته هي الدافع اني كل يوم اكون احسن وأفضل واستمر في شغلي وطموحي Austin Macauley Publishers UAE

شكرا لقلمك المميز والreview الرائعة للكتاب Dalila Regai وشكرا لتطبيق أبجد الي وصلني فيك 💕 Abjjad Austin Macauley Publishers UAE

أهمية الdocumentation في ادارة المشاريع غالباً ينزعج مني فريق العمل حين أطلب منهم توثيق المعلومات وآلية العمل وتخزين الملفات فوق تنفيذ مهام العمل ... لكن في حال لم يتم توثيق هاي المعلومات، رح يصير المشروع شوربة وما رح يكون عندي مرجع لا للعميل ولا حتى لمشاريعي المستقبلية في كثير من مشاريع كتابة المحتوى، اول ما ابدأ به هو وضع طريقة لسير العمل أوضح الألية process أضع نقاط التسليم والتوثيق Checkpoints أحدد المهام أحدد موعد التسليم deadline وأخلق ملف او مجلد أوضح الية التسليم (ما حدا يسلمني شغل عالواتساب) 🙅🏼‍♀️ حتى تسمية الملف بالأخير، الامور تكون واضحة وانا دوري اتأكد ✔️ من المحتوى انه ما في اخطاء ✔️أتأكد انه المحتوى تدقق من ناحية: كلمات مفتاحية - الأصالة - مطابقته لطلب العميل - عدم التحيز او المبالغة في التسويق ✔️ أتاكد من صحة التسمية وتخزينه في المكان الصحيح ✔️ أتاكد من تسليمه للعميل في الوقت المناسب وهذا معناته (متابعة وتنبيه قبل موعد التسليم بيومين- مش اترك الفريق لاخر لحظة) شغلة ما عمري اعلنت عنها على لينكدان بس عندي فريق كامل بقدم خدمات محتوى تسويقي كامل من تصميم لنشرات بريدية لمحتوى السيو لمحتوى مواقع الكترونية وتجربة مستخدم. لو محتاجين دعم كلنا أمهات في الخدمة Kolona Ummahat

أنتِ أم من جيل الألفية.. الجيل الذي قيل له إنه يملك كل الأدوات: الإنترنت، كتب التربية الحديثة، والوعي بالصحة النفسية. لكن الحقيقة التي نعيشها خلف الأبواب المغلقة هي أننا الجيل الأكثر إنهاكاً على الإطلاق. 70% من امهات جيل الألفية قلن انهن يشعرن بالوحدة ❤️‍🩹 الكثير من الاحصائيات الصادمة عن امهات جيل الألفية

كيف بتموت العلامات التجارية؟ قبل فترة إجاني عميل عن طريق وكالة تسويق بتعامل معها. كانوا طالبين منّا خطة تسويقية كاملة لشركة إلها 30 سنة بالسوق، شغلهم قوي بالفعاليات والتصميم والديكور، وعاملين إنجازات كبيرة. عندهم 250+ عميل، شهادات ISO، وحتى تكريمات من رؤساء دول! بس… ▪️ ما في ولا شهادة من عميل Testimonial ▪️ ما في وجود رقمي حقيقي ▪️ ما في تقييمات من حضور أو مشاركين Google Reviews ▪️ وكل اللي عندهم عبارة عن بروشور ▪️ منشورات السوشيال ميديا لم يتم تحديثها خلال 6 أشهر الصدمة كانت لما قرروا يتوسعوا على السوق السعودي… هون واجهوا سؤال واحد من العملاء الجدد: "مين إنتوا؟"  لما السوق يسأل: "مين إنت؟" اعرف إنك تأخرت عشر سنين. بهديك اللحظة بس، استوعبوا قديش مهم يكون إلهم علامة رقمية قوية! مش لما تحتاجها ما تلاقيها وغيابها يصير يوجّعك. وهاد الخطأ بشوفه كثير… شركات وخبراء ومقدّمي خدمات مشغولين بخدمة غيرهم، وناسيين يخدموا نفسهم. لحد ما السوق يتغير، أو المنافسين يزيدوا، أو دائرة العلاقات تختفي… وفجأة الشغل بخفّ والحصة السوقية بتصغر. بناء هوية رقمية قوية سواء لشركة أو شخص، مش رفاهية. هو الأساس للاستمرار، للتوسع، ولتثبت وجودك بأي سوق.