Mohamed Abusrea's Recent LinkedIn Posts

انتبه من كفران النعمة وعدم اداء شكرها، ومن شكر النعمة استخدامها في الطاعة ومن الكفران استخدامها في المعاصي

هاخد انهارده اجازة مرضي يا مدير 😅

اللعب الحلال اللي تدفع فيه فلوس وتشجع عيالك عليه 🕹️

كلمتين محتاج تقف عندهم وتعيد ترتيب اولوياتك. شطارتك في استخدام الـ AI مبقتش مهارة اختيارية, دي بقت مهارة اساسية عشان تعرف تلاقي لنفسك مكان في سوق العمل

اول مره اوصل للدرجة دي من الثقة في مودل وابطل ابص عالكود واكتفي بالمانيول تست وان ال automated tests بتـ pass ومضربتش! عن Codex 5.4 أتحدث يا سادة ⭐

- جونيور بعقلية بيزنس, اشترك في أحسن مودل حاليا في أعلى اشتراك كمان و من جيبه الخاص! لان العائد من الاستثمار عالي وهيخليه الافضل بين زمايله وماكينة شغل. والنتيجة انه اتميز فعلا وخد ترقية بدري كمان وهو لسه ٢٤ سنة - سنيور بعقلية موظف وشايف انه مش هيصرف عالشركة كمان! خصوصا ان اشتراكات المودلز النضيفة عاليه نسبيا! فهيستخدم اللي موجود ويمشي حاله بيه واهو فالاخر الشركة هي اللي شغلها هيتأثر. النتيجة انه مع الوقت هيكون غير مرغوب في وجوده ويتم استبداله بواحد بعقلية بيزنس بيهتم بخدماته اللي بيقدمها, وهياخد استمارة ٦ ويملى الدنيا صياح ضد الـ AI و الدنيا والمجتمع والناس الحسبة مبقتش جونيور وسنيور, ولكن بقت واحد شاطر في استخدام ادوات الـ AI وواحد لأ

اخيرا كروم بقا فيه vertical tabs 🎉 الميزة كانت في كروم كناري ولكن دلوقتي بقت متاحه في اخر نسخة من الكروم Version 146 مستخبية behind a flag وتقدر توصلها انك: - تكتب chrome://flags - تبحث عن كلمة vertical - تفعّل الميزة وتخليها Enabled - تعمل Relaunch للمتصفح وتدوس right click فوق جمب ال tabs في اي مكان فاضي - تختار Move tabs to the side

ببدأ جلسة الجيم وفتحت اليوتيوب عشان اشغل السلسلة اللي بسمعها, لاقيته فتح ال shorts ومحستش غير بعدها بـ ٣٠ دقيقة اني اتسحلت ونسيت انا داخل ليه اصلا 🥲 الموقف ده بيتكرر كتير خلال اليوم وانا بذاكر او هبحث عن حاجة سريعة للشغل وهكذا. فكرت في حل يتفاعل معايا ويشتغل على احساسي بالذنب واني فعلا عايز احافظ على وقتي. تطبيق بسيط جدا بدون اي تعقيدات كل وظيفته انه يفكرني كل شوية (من خلال الاشعارات) هل انت مصحصح وبتعمل اللي المفروض تعمله؟ مع مقولة او اثر بسيط عن أهمية الوقت والعمر. بس كده. اشعار زي ده هيكون كافي اني افوق من تأثير السحر بتاع السوشيال ميديا للحظات واقدر اقفل التطبيق بسرعة في اللحظه دي. كمان ممكن بعدين اضيف خاصية اني ادوس على زرار (اه مركز, لا سرحت) بحيث اشوف خلال اليوم انا قدرت احافظ على تركيزي واعمل المطلوب مني بنسبة اد ايه فاليوم وبردوا خلال الاسبوع والشهر. قوللي ايه رأيك فالفكرة و لو تطبيق زي ده موجود دلوقتي، هتحط التنبيه كل كام دقيقة؟ ١٥؟ ٣٠؟ ٤٥؟ ساعة؟ إن شاء الله هبدأ تنفيذ فيه وهشارك معاكوا كل مرحلة من البناء باستخدام ادوات الـ AI من اول التصميم لحد مايبقى عالمتجر بتاع Android و iOS. تعليقاتكوا واقتراحاتكوا هتساهم في شكل التطبيق

والله ثم والله ثم والله مفيش حاجة هتخلي زوجتك واولادك يبروك ويحافظوا عليك غير الدين. الشرع هو الحاجة الوحيدة اللي هتخلي: - زوجتك تستحمل نقصك وتفريطك في حقها وجفائك وتدعيلك بالهداية وتحتسب الأجر من الله. - اولادك هيستحملوا طباعك الصعبة و تحكماتك ويشيلوك في مرضك (مش يرموك في دار مسنين او يتخانقوا مين يشيلك وفالاخر يمشوها ايام بينهم وهم متكدرين) اتعلم دينك وعلمه لأهل بيتك وانت الرابح الاكبر والله. هتنتفع بيه في الدنيا وتعيش حياة طيبة و بعد مماتك هيكون عيالك صالحين يدعون ليك وفي الآخرة تنال أعلى الدرجات وتُحشر مع النبيين والشهداء والصالحين لانك بتسير على نهجهم

انا راجل تلاتيني داخل على ١٠ سنين جواز ومعايا ٣ عيال الحمدلله ولسه عايش في إيجار عادي 🧳. فنصيحتي ليك انك تهتم بتأهيل نفسك بدنيا ونفسيا: - وتجعل من نفسك شاب عنده دين وخُلُق يتمناه أي أب لبنته - اعرف يعني ايه زواج وبيت ومسؤولية وقوامة عشان تريح وتستريح - اعرف اكتر عن الست وطِباعها وازاي تحكم عليها بشكل عادل ومُنصف وتختار شريكة الحياة اللي تكون زوجة ليك وأم لعيالك وتراعي أهلك لان اختيارك الغلط بيقلب حياتك جحيم --- اوعى بقا تسيب اللي فات ده كله وتركز بس فالشقة والفلوس وتيجي بعد الجواز باسبوع تغني ظلموه

ليس منَّا مَنْ لم يُجِلَّ كبيرَنا ، ويرحمْ صغيرَنا ! ويَعْرِفْ لعالِمِنا حقَّهُ

اتكلمنا كتير عن الفايب كودينج بس دي اول مره اجربه في تطبيق كامل من التصميم لحد تشغيله عالموبايل واستخدامه📱 اللي خلاني اختار اني ابني تطبيق موبايل لان تطبيقات الموبايل متطلباتها كتير ومحتاج يكون معاك جهاز حقيقي تجرب عليه, ولو هتبني تطبيق للايفون فمحتاج جهاز ماك وتدفعلك رقم وقدره. فحبيت اشوف مواقع الفايب كودينج وصلت لفين انهارده فالحته دي السكريبت متعوب عليه ومكتوب كلمة كلمة عشان نلخص التجربة في فيديو قصير بس دسم وفيه الخلاصة بدون حشو او رغي كتير ⭐ مشاهدة ممتعة 🍿 الرابط في اول تعليق 👇

كده المبرمجين حرفيا مبقاش عندهم حياة. العوام مسحولين عالتليفون قدام الريلز والتكتوك والمبرمج هتلاقيه مسحول عالتليفون قدام السيشنز اللي فاتحها في كلود 🤦‍♂️

ليه اشارك التحديث كتابي لما ممكن اعمل فيديو 😎 - نزل تحديث جديد لـ Quran Station بيحل مشكلة انقطاع البث الخاص بالإذاعات وعدم استقراره 👌 - التحديث والفيديو الاتنين معمولين بواسطة Claude Code بإستخدام مكتبة Remotion 🎥 - التحديث متاح على كروم وفايرفوكس دلوقتي بنسخة v2.0.2

حال المبرمجين بعد كل تحديث من Claude او Cursor

بقينا موجودين على الاندرويد والايفون كماااان 🎉 كتير بتكون محتاج تسمع القرآن بدون تفاصيل اختيار القارئ واختيار السورة الخ... عايز تسمع القرآن عشان ترتاح. اخيرا برنامج Quran Station واللي بيحتوي على اكتر من 100 إذاعة اسلامية أصبح متاح كتطبيق على الاندرويد والايفون كمان 🎊 - اكتر من 100 إذاعة إسلامية شغالين على مدار 24 ساعة - متوفر كمان قصص الصحابة بجودة جيدة - تقدر كمان تسمع القرآن الكريم بصوت اكتر من 200 قارئ - اكتر من 8 أقسام مختلفة بين قرآن وسيرة و حديث وتفسير و أذكار وغيرهم... - البحث في كل التطبيق وبناء قائمة اذاعاتك المفضلة نزل البرنامج ومتنساش الريفيو التمام ⭐ الروابط اول تعليق 👇

الجونيور السَّكلّي (الكسول) قليل المهارات بقا سهل جدا يتكشف بنفس الادوات اللي فاكر انها هتريحه وترحمه من همّ مذاكرة الاساسيات والكود وفهم الـ Software Life Cycle - جلسة واحده في الانترفيو متعديش النص ساعة وهتعرف مستواه من طريقة استخدامه للـ AI في تنفيذ التاسك وغشوميته في التنفيذ بدون فهم للتاسك او مراجعة عالكود واحترام ال scope بتاع التكت - ريفيو لتيكت او اتنين هتديك مؤشر عن مهاراته واذا كان بيقرا الكود فعلا ولا بصمجي وسايب الـ AI هو اللي بيسوق فاللي كان ممكن ياخد شهور لاكتشافه زمان بقا بياخد ايام انهارده. فاتقي ربنا في نفسك وحاول تبني نفسك وتطورها كويس عشان تلاقي لنفسك مكان في المنظومة الجديدة

كل الاطراف الحالية بتحارب عن عقيدة واحنا مضيعين وقتنا قدام قنوات الاخبار والمحللين السياسيين! اتعلم عقيدتك عشان دي اللي هتنجيك واللي بتحبهم 🛡️

من الحاجات اللي بتحزن ان الصفحات الدعوية بتربط الشباب بالدعاة بدلا من العلماء! لسه شايف صفحة كاتبه "لو تابعت دول صدقني حياتك هتتغير" والصورة فيها مجموعة من الدعاة الشباب على بعض صانعي المحتوى الديني الهادف! الناس دي جزاهم الله خيرا ليهم دور وهو تذكرة الناس بفيديوهات وعظية او سكتشات وريلز, لكن مش دورهم انهم يعلموك الدين ومش دول اللي تتعلم على ايديهم. في صحيح مسلم عن محمد بن سيرين قال: إن هذا العلم دين، فانظروا عمن تأخذون دينكم. والشيخ الشويعر نقلا عن الخطيب البغدادي يقول "لا تجعل شيخك شابا وإن كان مسند عصره وامام وقته فإن الشاب لا يؤمن عليه الفتنة ولا الهوى" فابحث عن العلماء الراسخين في العلم المشهود لهم بذلك وافنوا اعمارهم في طلب العلم وتدريسه وتبليغه للناس. و دول بعض العلماء ممن نحسبهم على خير على سبيل المثال لا الحصر: الشيخ الالباني الشيخ ابن باز الشيخ ابن العثيمين الشيخ عبد الرزاق البدر الشيخ صالح ال الشيخ الشيخ صالح الفوزان الشيخ صالح العصيمي الشيخ صالح السندي الشيخ حسن بخاري (من علماء الحرم المكي مش بتاع طحالب) والله المستعان

نفس الام اللي بتمنع بنتها من لبس الحجاب وهي صغيرة من باب العادة وحب التجربة (زي مابتجرب الشورت والستوماك والميكاب)، هي نفسها اللي بترجع تشتكي ان بنتها بعد ماكبرت ودخلت الجامعة مش عايزة تلبس الحجاب ولو لبسته فبيكون حجاب غير شرعي بيكشف اكتر ما بيستر. والاب للاسف بيكون شايل ايده من القصة ومبتسمعش صوته غير لو الاكل اتأخر او كباية الشاي مش مظبوطة. ياريت الاهالي يعرفوا ان ده من خيانة الأمانة ومهم الاب يتعلم ويرفع عن نفسه الجهل ويتحرى اختيار زوجة صالحة أمينة ويعينها على تعلم دينها حتى لو هو مقصر بسبب شغله وظروف الحياة. ولو فاتك قطر العلام فشجع زوجتك على تعلم دينها وتعلمك فالسكة معاها.

من تعليقات الكود ريفيو اللي ممكن تشوفها انهارده "يابني استخدم مودل عدل بقا ومتقرفناش في الريفيو". الناس اللي بتستخدم كوبايلوت دول بتقدر تميزهم من وسط ١٠٠ ريفيو

البوست اللي فات خلّصنا جولة ال ideation واللي عملنا فيها تقييم للفكرة و جدواها والتعديل عليها و استفدت جدا من تعليقاتكوا. ده شكل التطبيق المقترح (النسخة الاولى): - اول ماتمسك الموبايل وتفتحه, التطبيق هيحسب ٣٠ دقيقة ⏳ وبعدها يظهرلك إشعار فيه مقولة عن الوقت او التركيز وتحتها زرارين "اه مركز 👍" - "لا سرحت 👎" - الإشعارات ممكن تكون صامته او بصوت لطيف - تقدر تختار يشتغل لما تمسك الموبايل, او تختار Active Hours يشتغل خلالهم (٩ص - ٥م) او تدمج الاتنين سوا 👌 عشان الموضوع ميتحولش لازعاج و الاشعارات تشتتك - خريطة heatmap بتوريك مستوى تركيزك من خلال عدد المرات اللي جاوبت سواء اه او لأ (أحمر, رمادي, اخضر) --- لاحقا: - خاصية ال profiles بحيث تعمل كذا بروفايل بإعدادات مختلفة (بروفايل العمل, البيت, المذاكرة, جلسة الحفظ والمراجعة) - ربط البرنامج بالكالندر وتخصيص الرسالة "Are you doing {task from calendar}" - ربط عمل التطبيق ببرامج معينة عند فتحها فيبدأ يرسل الاشعارات بالتايمر اللي تم تحديده ايه الاسم اللي شايفه مناسب للفكرة دي؟ وشكل اللوجو؟

شركات الـ AI دلوقتي في سباق على مين اللي هيكون الاول في تحقيق الهدف اللي هيغير شكل المستقبل! الرابط في اول تعليق 👇

انهارده بقا العدد الكبير في فريق العمل ممكن يأذي انتاجية الفريق بشكل ملحوظ, والسرعة اللي هيوفرهالك الـ AI سهل تخسرها بسبب اختلاف الادوات المُستخدمة بين المبرمجين وتقسيم الفيتشر بينهم الخ.. وبقا مهم ان: - المبرمج يتولى feature كاملة ويحط في ال PR فيديو ليها وهي شغاله كما يجب (cursor بقا يعمل كده) - الـ PR تبدأ بـ TDD ويتعملها ريفيو قبل مايكمل في طريقة للتنفيذ عشان نضمن ان الـ AI يطلع حاجة عدله وميخرفش ويضيع توكنز الشركة - استخدام ادوات review زي CodeRabbit مثلا عشان توفر وقت ومجهود قبل الريفيو الاخير بتاع السنيور او الـ lead - نتأكد ان محدش بيستخدم مودلز عقيمة زي copilot عشان ميتعبش الفريق كله معاه

‏اوعى تكون لسه بتكتب ال prompts لحد دلوقتي! ال dictation من أهم المهارات اللي هتفرق معاك في انتاجيتك و مواكبة سرعة عقلك في انتاج الافكار ⚡️ ‏متبقاش انت ال bottleneck 🦥

الطفرة اللي حصلت في الذكاء الإصطناعي خلت الناس تشتغل أكتر مش أقل

استمتع بإذاعة "تكبيرات العيد" على مدار 24 ساعة 🎉 - افتح تطبيق quran station - ابحث عن كلمة "عيد" - قم بالضغط على الاذاعة واستمتع 🎊 هسيبلك الروابط في اول تعليق 👇

- هنزل ملف صوتي للاستعاذه والبسملة عشان استخدمه في برنامج القرآن بين التلاوات (موقع او برنامج مخصوص لتحميل فيديوهات اليوتيوب) - هفصل الاستعاذه عن البسملة في ملفين مختلفين عشان استخدمهم بحرية (مجهود شخصي لتحديد المقاطع + برنامج مخصص للتعامل مع الفيديو والتقطيع والتحويل لصوت) - هطلع الملفين دول في فولدر المشروع وتحديدا فولدر ال assets --- بعد كده افتكرت ان كلود موجود, فقمت فاتح سيشن جوا المشروع وفهمته المطلوب واديته اللينك وقام عامل الخطوات اللي فاتت دي كلها بمنتهى الدقة في دقيقتين تقريبا --- المهام الصغيرة دي اللي فالغالب بنستهيفها هي اكتر حاجة بتستهلك طاقتك وتركيزك بسبب تغيير السياقات والتنقل بين البرامج والمواقع المختلفة واللي سهل جدا تقوم فاصل فالنص او تتشتت او الاسوأ انك تحس بالانجاز وتكافئ نفسك بعد كل تاسك منهم 🤦‍♂️ فتلاقي نفسك حاسس انك عملت حاجات كتير فيومك ولكن المحصلة فالاخر ضعيفة وطاقتك خلصانة

الفجوة بين الموديلز بتزيد والاسعار بتاعتهم بتزيد! الواحد خايف ان المجال يبقى حِكر على طبقة الـ Elite و الناس اللي قادرة تدفع $

- اللقطة الاولى اللي الادرينالين بيضرب فيها فوق لما يقولي انه فهم المطلوب بالكامل وهيبدأ في وضع الخطة 🚀 - واللقطة التانية لما بسمع صوت انه خلص شغل وهبص على شغله 🧐

خير التسريح ده مختلف عنه اي خبر غيره, لان ده اول CEO يقولها بصراحة انه مشى 4000 موظف بسبب الـ AI! https://lnkd.in/d6f7wE-A

هتكتشف وانت شغال مع كلود, ان في اوقات كتير الحل في انك تخليه يوقف شغل ويروح يبص عال docs الرسمية الاول

فيديو مفيد للي عايز يعرف اكتر عن الفايب كودينج https://lnkd.in/dEx3Aeix

متابعة أخبار الـ AI اللي بتنزل مع كل refresh للـ page بقت كفيلة تجبلك burn out بعد كل session من دول