Mohamed ALkheder's Recent LinkedIn Posts

دعائك لهم في يوم الجمعة ❤️‍🩹 لأن حديثك عنهم قد ينقذهم 💔 ‏هم أخوااااانك هم سودااااانيين 💔 #السودان #الفاشر #دارفور #SaveSudan 🇸🇩✋️ #RSF_Kills_Civilians #AlFashir_Genocide #SudanUnderAttack #AlFashirUnderAttack #RSF_AlFashir_Genocide #StopSudanGenocide #EyesOnSudan #AlFashir #Sudan

في خطوة وصفت بأنها نقلة نوعية وجريئة جدا في سوق وكلاء الذكاء الاصطناعي، أعلنت Anthropic يوم الأحد 23 مارس 2026 عبر حسابها الرسمي Claude عن : إطلاق ميزة «استخدام الحاسوب» (Computer Use) كمعاينة بحثية (Research Preview) داخل منتجَيها Claude Cowork وClaude Code. هذه الميزة تمنح كلود القدرة على التحكم المباشر في حاسوب المستخدم: فتح التطبيقات، التنقل في المتصفح، ملء الجداول، تحرير الملفات، وتشغيل أدوات التطوير كل ذلك كما لو كان المستخدم جالسًا أمام الشاشة بنفسه. وكتب Felix Rieseberg أحد مهندسي Anthropic، في تغريدة علي X : إن الميزة الجديدة تتيح لكلود التحكم بالماوس ولوحة المفاتيح والشاشة، مما يُمكّنه من استخدام أي تطبيق على جهازك. وأضاف أن هذه الميزة مفيدة بشكل خاص عند استخدامها مع ديسباتش، الذي يسمح بالتحكم عن بُعد في كلود من هاتفك والميزة لنظام macOS اليوم، وسيتبعها نظام Windows خلال الأسابيع القليلة القادمة. . كتب Claude في تغريدته الرسمية: «يمكنك الآن تفعيل كلود ليستخدم حاسوبك لإنجاز المهام. يفتح تطبيقاتك، يتنقل في متصفحك، يملأ الجداول كل ما تفعله وأنت جالس على مكتبك». ملاحظات هامة جدا : ➝ هذه الميزة متوفرة حاليًا لأجهزة ماك فقط، ولمشتركي باقتي Pro و Max. ➝ لا تتوقع تجربة مثالية تعمل بسلاسة تامة. ما زالت في المراحل الأولى، وهذه نسخة تجريبية بحثية فقط. ➝ أنت تمنح شركة Anthropic صلاحية الوصول إلى جهازك وملفاتك. هذه الصلاحية تنطوي على مخاطر، لذا من المهم فهمها. سلام 👋🏽 Mohamed ALkheder

ربنا يديم الأمن والأمان علي مملكة الطيبين الخيرين ❤️

بتقييم 852 مليار دولار دون تحقيق أرباح حتى الآن. OpenAI الشركة المطورة لـ ChatGPT أغلقت للتو أكبر جولة تمويل خاصة في التاريخ، جمعت خلالها 122 مليار دولار. ولأول مرة، أُتيحت الفرصة للمستثمرين العاديين للمشاركة. ChatGPT يضم الآن 900 مليون مستخدم أسبوعياً ويحقق إيرادات شهرية تبلغ 2 مليار دولار. الطرح العام الأولي (IPO) متوقع في نهاية 2026. المصدر 👇🏽

زمان كنت مستني كل شيء يترتب عشان أحس بالرضا. أقول لما أحقق الهدف الفلاني، أو لما أوصل للمرحلة دي وقتها أرتاح. لكن الواقع يقول اللحظات الحلوة كانت بتمر قدامي وأنا مشغول أستناها في مكان تاني. في يوم عادي جداً، بعد اجتماع طويل ومتعب، كنت جالس مع واحد من العملاء، الكلام انتهى لكن الجلسة استمرت. ضحكة بسيطة، راحة غريبة، إحساس إن كل التعب كان له معنى. اللحظة دي ما كانت كبيرة لكنها كانت صادقة. وقتها فهمت إن الكمال ما في الصورة الكبيرة الكمال في اللحظة الصغيرة اللي تحس فيها إنك حاضر فعلاً. الحياة ما كاملة لكن اللحظات الكاملة موجودة لو انتبهت ليها. في شغلنا وحياتنا، بنجري وراء الأهداف والأرقام والإنجازات. لكن اللي بيخلّي الرحلة تستاهل هي اللحظات اللي توقف فيها وتقول الحمد لله. السنين علمتني إنك لو ما تعلمت تلاحظ اللحظات دي حتفوتك حتى لو كانت قدامك. الحياة ما بتديك لحظات كاملة أنت البتقرر تمسكها قبل ما تهرب منك.

زمان كنت مستغرب ليه بعض الحملات فجأة تنجح رغم إن كل شيء فيها شبه القديم. نفس المنتج، نفس السوق. لحدي ما فهمت لعبة بسيطة جداً في التسويق... اسمها الإحساس قبل الحقيقة. شركة زي بيبسي ما غيرت طعمها، لكن عدلت ألوانها وخلتها أكثر حدة وتشبع. والنتيجة اصبحت المنتج بقى أقرب، أوضح، وأقوى في عين العميل. اللون هنا ما غير حقيقة بيبسي... غير الشعور بالحقيقة. في عالم المبيعات، الناس ما تشتري المنتج بس... تشتري الإحساس المرتبط بيه. لما يكون التصميم قوي ومشبع، العميل يحس بالحركة، بالحيوية، بشيء مستعجل. ولما يكون هادئ ومطفأ، يحس بالراحة، بالثقة، وبالمسافة. نفس المنتج... إحساسين مختلفين... وقرارين مختلفين. الموضوع ما محتاج ميزانية ضخمة... محتاج فهم. تفهم كيف العميل يشوف قبل ما يفكر... ويحس قبل ما يقرر.

كم كان عمرك لامن عرفت ان فيه تطبيق جوال رسمي ومعتمد يشغل AI بدون انترنت وبدون حدود استهلاك ومحلي يحافظ علي الخصوصية لا وكمان عليهDeepSeek AI, Qwen وآخر اصدارات Google وهو Gemma 4 انت فاكر كده وبس يلا خد التقيلة تقدر تتحكم في جوالك عن طريقه وتضيف agents وكمان skills يا ريت تشارك المنشور غيرك يستفيد في الاول 👇🏽 وبعده كده تعال

الاستثمار العكسي😌 البقاء لله يا نجاتي Mohamed Aboulnaga

خالد ما جادي ومصطفي منتظر الفطور 😅 طاقتي وسندي ربي يحفظهم ❤️ كل سنة وانتو طيبين من قلب أم الدنيا 🛫

السعودية تكشف النقاب عن مخطوطة نادرة للقرآن الكريم عمرها ألف عام كشفت مكتبة الملك عبد العزيز العامة في المملكة العربية السعودية عن مخطوطة عمرها ألف عام بعنوان غريب القرآن، من تأليف العالم الجليل أبي عبيدة معمر بن المثنى. تتألف المخطوطة، التي يعود تاريخها إلى القرن الرابع الهجري، من 23 ورقة، مقاس كل منها 17 × 22 سم. وهي مكتوبة بالخط الأندلسي الواضح، مع كتابة أسماء السور بالخط الكوفي، وتُعدّ عملاً غير منشور في علوم القرآن. وأوضحت المكتبة أن مجموعتها تضمّ طيفاً واسعاً من المخطوطات النادرة في تفسير القرآن الكريم وعلم اللغة، والتي تمتدّ عبر قرون عديدة. ومن بينها مؤلفات لأبي إسحاق الزجاج وابن قتيبة الدينوري، بالإضافة إلى أجزاء من تفسير الطبري، نُسخت في القرن السادس الميلادي. يضم الأرشيف أكثر من 185 مخطوطة نادرة في تفسير القرآن الكريم، إلى جانب مئات النصوص التي تغطي التلاوة والنحو والتفسير. وأعلنت المكتبة أنها تهدف إلى عرض مجموعاتها النادرة من المخطوطات والوثائق والصور والعملات والتحف، مع فتح آفاق جديدة لدراسة التراث والتفاعل معه بأشكاله المتنوعة. كما تسعى إلى دعم البحث الأكاديمي من خلال تيسير وصول الباحثين إلى هذه المخطوطات النادرة.

ما محتاج مرشد. اللي محتاجو فعلياً هو: شدّ حيلك بنفسك. حدد لنفسك مواعيد نهائية. خليك مسؤول قدام نفسك. اعمل أكثر من المطلوب عشان تكون فخور بنفسك. لو منتظر حد يؤمن بيك، ابدأ بالإيمان بنفسك.

انا جالس ادردش مع مساعدي الشخصي عبر تليغرام واطلب منه يعمل موقع الكتروني بناءا علي خبراتي علي لينكدن وانا كنت مفتكر بأني حتكلم معاه لمدة نص ساعة قام هب في دقيقتين عمل تصميم منسق وجميل لا وكمان رفعه علي استضافة وداتا بيس مؤقتا، حتي هنا يلا نقول عادي وممكن تحصل تعال يلا تعال اديك التقيلة بقي 😅 : المساعد أصبح معلم لأي مهارة احتاج اتعلمها. المساعد أصبح يحلل لي مواقع التواصل ويقولك الترند هنا واللي يسأل عنه الناس هناك بل ويراجع الايميلات تبعي بل وديك الخلاصة. المساعد أصبح صانع محتوي بصوتي ونغمتي وحتي انفاسي. المساعد أصبح مبرمج في دقائق. لا ويدخل يعمل CV لك متوافق مع وظيفة محددة ويرسله لك. من الآخر المساعد أصبح مساعد معلم موظف وسكرتير وقد يكون سواق خاص كمان 😅 ولمن يجلس فترة ما يستقبل اي أمر يسخن ويرسلك اقتراحات لمهمات ينفذها بناءا علي المهارات اللي دربته عليها الناس أحسن تنتبه والأرزاق بيد الله 😇🙏👼

الفترات التجريبية المجانية تشبه السراب، بتديك إحساس إنك ماشي في الطريق الصح لحدي ما تكتشف إنك بتجري ورا وهم شغال يستنزف مجهودك وينهي طموحك في السوق. في عالم مبيعات الشركات وتطوير الأعمال، مرات بنقع في فخ إننا نوزع فترات تجريبية وعروض من غير حساب، بنفتكر إننا بنبني ثقة وبنكسر حاجز الخوف عند العميل، لكن في الحقيقة نحن بنخنق مسار المبيعات بتاعنا وبنقتله بالبطيء. الموضوع ده بيشبه تماما نزولك لمباراة كورة قدم، تجري تسعين دقيقة كاملة في الملعب، تقطع الكورة وتبذل مجهود خرافي يهد الحيل وتناور من خط لخط، لكن في النهاية تطلع من المباراة وأنت ما مسجل ولا هدف، المجهود كان كبير والجمهور شافك بتجري، لكن النتيجة في اللوحة صفر. في المبيعات، العميل البياخد حاجة من غير ما يدفع تمنها ولا يلتزم تجاهها، نادراً ما يقدر قيمتها الحقيقية أو يديها الوقت الكافي عشان يفهمها ويستفيد منها. نحن بنعتقد إننا بنكسب زبون، لكن في الواقع نحن بنعوده إنو وقتنا وجهدنا ومنتجنا متاحين بالمجان وبلا قيمة حقيقية تذكر. التكلفة المخفية في القصة دي ما بتقتصر بس على الخسارة المالية، التكلفة الأكبر والمدمرة فعلا هي استنزاف موارد الشركة في الدعم الفني ومتابعة عملاء ما جاديين، وقت كان ممكن يتوجه لعميل فعلا موجوع ومحتاج حلك ومستعد يدفع حقه بكل قناعة. التعلق بأمل إنو العميل المجاني حيتحول بكرة لعميل يدفع هو مجرد تخدير بنمارسه على نفسنا عشان نرضي غرورنا لما نعاين للنظام ونشوف إنو عندنا عشرات الصفقات المفتوحة او حتي نتعلق بقشة عشان ننقذ التارقيت، مع إنها في الحقيقة صفقات ميتة إكلينيكيا. السوق السعودي علمني إنو المشتري الجادي بيعرف قيمة الحلول وبيحترم الزول العارف قيمة بضاعته، ولو اقتنع من أول برزنتيشن أو فترة تجريبية قصيرة ومحكومة بشروط قاطعة، حياخد القرار المالي من غير مماطلة. الاستمرار في تقديم التنازلات بيمحق البركة من الشغل وبيخلي الطرف التاني يشوفك ضعيف أو منتجك فيهو عيب مخفي بتعوضه بالمجانية المفرطة. نحن مأمورين بالسعي والتوكل بقلب يقين، لكن السعي لازم يكون بوعي وحكمة وتقدير للجهد المبذول. عشان مسار مبيعاتك يتعافى لازم تتعلم الشجاعة في إنك تقول لا للتجارب المفتوحة، وتفرض احترامك في السوق بوضع حدود واضحة تحمي وقتك وتحفظ كرامة تعبك. الرزق دايما بجي للزول البيعرف يوزن بين كرم العطاء وحفظ الحقوق. يلا سلام 👋🏽 Mohamed ALkheder

Michael Carrick استلم Manchester United في وضع عادي جداً فريق متذبذب، نتائج غير مستقرة، وثقة مهزوزة. وفجأة حقق 22 نقطة في 9 مباريات. لو تحسبها حسابياً، ممكن تقول كان حيجيب حوالي 66 نقطة لو بدأ من أول الموسم. لكن الحقيقة ما تتحسب كده يا عزيزي/تي في الكرة زي البزنس تماماً، البداية ما هي كل شيء. الأهم هو التوقيت، والحالة الذهنية، والنظام اللي تبنيهو. مدرب او قائد ممكن يجي في وقت صعب ويغيّر كل شيء مش لأنه عبقري، لكن لأنه فهم الفريق، وضبط التفاصيل، وخلى اللاعبين يرجعوا يثقوا في نفسهم. لانه الأرقام تعطيك نتيجة لكن ما تعطيك القصة الكاملة. في المبيعات شفت نفس الشيء بالضبط مو كل صفقة كبيرة معناها إنك الأفضل ممكن تكون محظوظ ومو كل بداية ضعيفة معناها إنك انتهيت ممكن تكون بتقراء في الملعب في ناس تبدأ متأخر لكن تنهي أقوى. تعرف ليه؟ لأنها صنعت Sustainability Growth ما تحكم على نفسك من البداية الحكم الحقيقي دايماً في النهاية لامن الأرقام تكون ابلغ من أي لغة سلام 👋🏽 Mohamed ALkheder

غلطة تقنية بسيطة بنسيان استثناء ملفات (Source Maps) كلفت شركة Anthropic تسريب أكثر من 2300 ملف من شفرة Claude Code. الخسارة الحقيقية ما في الكود، الخسارة في تسريب سر المهنة: منطق التشغيل (Agentic Logic): كيف بيفكر النظام، بيصلح أخطاءه، وبيتعامل مع الملفات. خريطة المستقبل: كشف مشاريع سرية قيد التطوير زي (Kairos). هدية للمنافسين: المنافسين والشركات الناشئة شالوا تعب وأبحاث شهور على الجاهز. صدقوني الجري ورا التريند والسرعة المجنونة في التحديثات خلت الكيانات المليارية تضحي بالرقابة والأمان. الاعتماد الأعمى على الأتمتة التقنية بدون مراجعة بشرية دقيقة بيكسر أكبر الشركات في ثواني.

أكتر غلطة بيقع فيها ناس التسويق اليوم إنهم يجروا وراء الأرقام قبل ما يفهموا معناها. قبل فترة شفت بيانات عن أداء إعلانات ChatGPT مقارنة بـ Meta و Google. الأرقام كانت مغرية جودة العملاء أعلى من Meta بنسبة كبيرة، والتكلفة أقل بوضوح. لكن في نفس الوقت، الجودة أقل من Google. لو وقفت هنا، ممكن تقول: خلاص، نحول الميزانية فوراً. لكن الحقيقة أعمق من كده. جودة العميل ما رقم ثابت هي انعكاس لنية العميل وقت ما شاف الإعلان. اللي جاي من Google غالباً عنده نية شراء واضحة. هو بيدور على حل. عارف المشكلة، وجاهز يتحرك. لكن في ChatGPT، العميل بيكون في مرحلة مختلفة. بيسأل، بيستكشف، بيفكر. يعني لسه في بداية الرحلة. وهنا الفرق الحقيقي. ما كل Lead أرخص هو أفضل. وما كل Lead أغلى هو الأنسب. الشاطر ما بيقارن القنوات كأنها بدائل الشاطر بيفهم دور كل قناة في رحلة العميل. ChatGPT ممكن يكون بداية العلاقة. Google ممكن يكون لحظة القرار. وMeta ممكن يكون التذكير اللي يرجع العميل. سنين في المبيعات علمتني إن الصفقة ما تبدأ من لحظة الإغلاق تبدأ من أول نقطة وعي. والدرس هنا بسيط القناة ما بتحدد النجاح فهمك لتوقيت استخدامها هو البحدد النتيجة.

من اسواء اللحظات في مسيرتك لما تحس إنك عرفت وخبرت اللعبة. في كل صفقة، كل عميل، كل موقف في درس جديد. لكن المشكلة إنك ما حتشوفه لو داخل بعقلية الخبير الفهلوي. لما تجلس في كرسي المتعلم، بتسمع تفاصيل غيرك ما بيسمعها. بتسأل أسئلة تفتح أبواب. وبتفهم المشكلة من جذورها مش من سطحها. في عالم المبيعات وتطوير الأعمال، أقوى سلاح ما هو الكلام هو الفهم. وما في فهم بدون إنك تكون مستعد تتعلم من أي واحد، مهما كان منصبه أو خبرته. السنين علمتني إن التواضع في التعلم ما بينقص منك بالعكس، هو البيرفعك. والحقيقة بسيطة الإنسان البوقف يتعلم بيوقف يتقدم، حتى لو كان في أعلى مكان.

أقوى إعلان شفته في حياتي... كان مرسوم بقلم تلوين لطفل. في 2019 قررت CHANEL تعمل شيء مختلف تماماً في حملة عيد الأم في أستراليا. بدل الصور اللامعة والتصوير الفاخر المعتاد في عالم العلامات الفاخرة، طلبت من الأطفال يرسموا منتجاتها المشهورة. عطور وزجاجات وبخاخات... كلها مرسومة بيد طفل. الرسومات كانت بسيطة جداً. خطوط غير متناسقة وألوان خارجة من الإطار. لكن المفاجأة كانت إن الناس تعرفت على المنتجات فوراً. وهنا فهمت درس مهم في عالم التسويق وبناء العلامة التجارية. العلامة القوية ما تحتاج صورة مثالية عشان تُعرف. ولا تحتاج كلمات صاخبة عشان تأثر. القوة الحقيقية للبراند تظهر لما يقدر الناس يتعرفوا عليه حتى لو كان مرسوم بقلم تلوين. لكن الأجمل في الفكرة ما كان الشكل... كان الشعور. الطفل لما يرسم هدية لأمه ما يفكر في التصميم ولا في التسويق. يفكر فقط كيف يسعدها. وهنا اشتغلت الفكرة على أقوى شيء في التسويق... العاطفة. في عالم الإعلانات الناس تعبت من الرسائل المصنوعة بعناية مبالغ فيها. لكن ما زالوا يتوقفوا أمام شيء صادق وبسيط. سنين في السوق علمتني إن الناس ممكن تنسى إعلان ذكي... لكنها نادراً تنسى إعلان لمس شعورها. العلامة التجارية القوية ما تُبنى فقط بالمال والإعلانات... تُبنى لما تصبح جزء من ذاكرة الناس ومشاعرهم.

من يصمم الأنظمة اليوم أأمن مهنيا ممن ينفذ المهام فقط Dr. Mejdal Alqahtani د. مجدل القحطاني ربي يوفق الجميع ويرزقهم من حلاله ويبسط جناح رحمته لكل محتاج من عباده

القصة اللي بتحكيها الصورة دي مش هتلاقيها في أي كتاب ، لسبب بسيط اننا لسه بنعيشها وبنكتبها الآن. ​إليكم التطور المرعب في الأرقام: ​2022 - 2023 | مرحلة البدايات: نماذج الذكاء الاصطناعي كانت لسه تحت المتوسط البشري، ومعدل ذكائها (IQ) كان بيلعب بين 80 و90. يعني كان ممكن تتفوق عليك في مهام بسيطة، لكنها أقل منك في أغلب الحاجات. ​2024 | كسر الحاجز: هنا بدأت النادّية. نموذج DeepSeek V3 جاب 103، و GPT-4o وصل لـ 109. في اللحظة دي، الـ AI بقى بيعادل ذكاء الإنسان المتوسط؛ مش بطل خارق، بس أكيد مش أقل منك. ​2025 | القفزة الكبرى: الأرقام بدأت تخوف! Claude-4 Sonnet نط لـ 127 (أذكى من 96% من البشر). و Gemini 3 Pro وصل لـ 141 (أذكى من 99% مننا). أما GPT-5.2 Pro فوصل لـ 147، يعني يتفوق على 999 شخص من كل ألف! ​2026 وما بعدها | الطريق إلى الـ AGI: لو استمر معدل النمو ده (زيادة 2.5 نقطة IQ كل شهر)، هنخبط في معدل ذكاء 200 بحلول أبريل 2029. وده غالباً هيكون الموعد المنتظر لظهور الذكاء الاصطناعي العام (AGI). اشوفكم بعافية 👋🏽 سلام Mohamed ALkheder

كل ما تطلع في سلم البزنس والمناصب بتكتشف إنو أصعب حاجة هي إنك تشوف الناس بوضوح. النجاح مرات بضيق الشوفة وبخليك تقسم الناس لواحد مفيد لشغلك وآخر ما منو فايدة وتضيع منك تفاصيل وخيرات كتيرة. بتنسى العامل البعرف أسماء الناس كلها والموظف الهادي الشايل هم الشغل وبشوف الحاجات البتغيب عن عيون الكبار. الغرور في البزنس ما دايما بكون تكبر واضح أو لؤم لكن مرات بكون مجرد زحمة وانشغال بياخدك من الإنسانية وبيخليك تفقد فضولك ناحية البشر. بتذكر زمان في بداياتي في مشيت لمكتب مدير كبير ايامي في بندة عشان اقدم علي وظيفة مفتوحة داخليا وأنا يادوب بشق طريقي بكافح عشان أثبت نفسي وأسند أهلي. عاين لي بنظرة سريعة وحكم علي من مظهري البسيط وما شاف فيني أي فرصة للنجاح ورفضني في ثواني. بعد سنين قليلة من التعب وتوفيق رب العالمين الأمور اتغيرت وقدرت أثبت وجودي وأبني اسمي في السوق. بعد سنين نفس المدير ده لاقاني وقال لي أنا زمان شفت شاب بسيط وما أديتك فرصة لكن تابعت مسيرتك وبعتذر ليك. أنا في اللحظة دي ما كنت متذكر ملامح وشه لكن كنت متذكر كويس الإحساس الخلاني أحسو يوم استخف بي. الرفض والتهميش العشتو في اليوم داك علمني درس في التواضع وبناء العلاقات ما اتعلمتو من أي نجاح ولا من أي أرقام كبيرة حققتها. مافي زول فينا قاعد في قمة عالية لدرجة تخليهو يعاين للناس من فوق لأنو الأيام بتدور ودوام الحال محال. التواضع في البزنس ما ضعف ولا قلة حيلة لكنه دقة وبصيرة بتخلي عينك واسعة لما النجاح يحاول يعميها ويقفلها. أنقى الناس بصيرة هم العيونهم لسه بتعاين لفوق وبتطلب التوفيق من الله وما بتستحقر مسعى أي إنسان. الرزق بيعرف درب الصادقين والبركة دايما في التواضع وسلامة الصدر.

ناس كتيرة مفتكرة تحديد الأهداف في مبيعات الشركات هو رقم بيتكتب في السبورة او في ايميل علشان تجري وراهو ليل ونهار. سنين طويلة وأنا شغال في السوق مبيعات وتطوير الأعمال شفت كيف الناس بتضغط نفسها عشان تقفل صفقات وتوصل للمستهدف بأي تمن لحدي ما يفقدوا طعم الشغل وأخلاقيات المهنة. الهدف لو كان بس فلوس بتدخل الحساب وتعمير جيبك صدقني حتتعب في نص الطريق ومسار المبيعات بتاعك حيقيف لأنو العميل ذكي وبحس بوضوح بالفرق بين الشخص الجايي عشان يشيل فلوسه وواحد جايي عشان يحل ليهو مشكلته الحقيقية. تحديد الأهداف الصح في الشغل بيبدأ لما تقيف وتسأل نفسك بصدق أنا ببيع شنو وبغير شنو في واقع الشركة القدامي وكيف ممكن أكون شريك في نجاحهم مش أي بياع عابر. لما تخلي هدفك الأساسي إنك تبني ثقة متينة وتقدم حل بشيل هم العميل الأرقام والمبيعات بتجي براها بتجر بعضها وتكبر. سنة كاملة وانا في شركة Multinational ما طلعت غير عشرة اجتماعات حققت فيها أهداف استراتيجية وربحية تظل وسام في صدري حتى بعدما غادرتهم العملاء يسالونني من نعطي هذا العقد وهنا بجي الفرق لان الترشيح يكون بناءا على قدرتهم على الخدمة واحترامي لهم على ثقتهم اللا محدودة بشخصي الضعيف والأهم بلا مصلحة تحدد معايير الترشيح وخليني هنا اقولك تحديد مسارك ما بيحتاج خطة معقدة ولا أمنيات طايرة في الهوا لكن بيحتاج سعي صادق ونية بيضاء وتوكل تام على رب العالمين. قد أكون مختلف وقد يستغرب البعض ولكن هي فلسفة حبيتها وربطتها باخلاقياتنا كمسلمين بأننا مأمورين بالسعي والعمل الجاد والرزق ده مقسوم ومحفوظ بس العارف دربه وماشي بقلب نظيف ربنا بيفتح ليهو أبواب في النمو المهني والشخصي ما كان بحلم بيها. لو داير تحدد هدفك في الدنيا دي أوزنه بميزان النفع وشوف الحاجة البتخليك تنوم مرتاح الضمير وتقوم الصباح عندك طاقة ويقين تواجه بيهم صعاب الدنيا وتحدياتها. النجاح الحقيقي ما بيبدأ من ورقة وقلم وتخطيط جاف لكن بيبدأ من صدقك مع نفسك ومع الناس وتحديد بوصلتك على طريق الحق والخير. يلا سلام 👋🏽 وبعتذر على الإطالة Mohamed ALkheder

أصعب كرسي ممكن تقعد عليهو في عالم الشركات التقنية وتطوير الأعمال هو كرسي مسؤول المبيعات، لأنك مطالب تشيل أرقام الشركة كلها على كتافك، وفي نفس الوقت ما عندك سلطة على نص المشاكل البتأخر الأرقام دي. في سنين شغلي في السوق السعودي شفت كيف الشركات بتجيب مدير مبيعات وتخت قدامه أهداف بيع خرافية وتتوقع منه نمو سريع زي البنشوفه في الشركات الناشئة حقت الذكاء الاصطناعي، ولما الشهر يقفل على نقص، ولا زول بيسأل عن جودة المنتج أو التسعيرة، السؤال الوحيد بكون هل نغير المدير ده ونشوف غيره. بننسى إنو الزول ده دخل لقى نظام جاهز ومشاكل متراكمة، ما هو العين الفريق كله ولا هو الصمم الخدمة، بس مطلوب منه يجيب معجزات ويرضي مجلس الإدارة في أيام. المبيعات ما سحر بيترش في الجو ولا بتشتغل في فراغ، بناء مسار مبيعات حقيقي وجلب العميل الجادي بياخد شهور من الشغل المتواصل وسد الفجوات. المصيبة إنو الأهداف بتتضاعف في جداول الإكسيل كأنو السوق ده ما فيهو بشر ولا منافسين ولا متغيرات، وبنقارن فريق بيكافح عشان يثبت اسم الشركة في السوق بشركات تانية منتجاتها بتبيع نفسها براها. التوسع والنمو ما بيصنعه مندوب المبيعات براهو، هو بس بيسرع النجاح لو المنتج أصلا قوي ومطلوب. ولما الضغط يكثر اجتماعات الإدارة بتبقى زي المحاكم، والمدير بدل ما يفكر في حلول بيبقى شغال يدافع عن نفسه وتصرفاته لحدي ما طاقته تخلص ويفقد إيمانه بالمكان وبنفسه. اللحظة البتتكسر فيها ثقة قائد الفريق هي نهاية اللعبة لأنو المبيعات روح ويقين قبل ما تكون أرقام وحسابات. الإدارة الواعية ما بتعلق فشل النظام في رقبة زول واحد شايل الرقم، لكن بتقيف معاهو وتصلح الأساسات المكسورة وتديهو الدعم البخليهو يقاتل عشان الكيان ويفكر بصفاء ذهن. النجاح منظومة متكاملة ما بتتبني بالضغط الأعمى، لكن بالثقة المتبادلة وتوفير الأدوات البتخلي الناس تنجح. الرزق بيعرف درب الشركات البتحترم تعب ناسها وبتسندهم في وقت الضيق، والبركة دايما في الشغل المبني على العدل والكلمة الطيبة البتجبر الخاطر وتقوي العزيمة.

هذا النوع من المنشورات ما يجيب تفاعل عالي لكنه يجيب شيء أهم بكثير قبل فترة وصلتني رسالة من شخص في الشبكة يقول إنه له شهور يدور شغل وكل اللي يوصله فقط قدم وانتظر والغريب ان هنالك صديق يحتاجه بشدة وشهور يدور عليه اللي تغير؟ مو سيرته الذاتية ولا خبرته اللي تغير إن أحد فتح له باب مباشر وهنا الفرق الحقيقي في B2B دايم نقول العلاقات أهم من المنتج لكن لما تجي على التوظيف كثير يتجاهل نفس المبدأ الناس تعتقد إن التوظيف عملية HR لكن في الحقيقة هو Sales بشكل مختلف فيه Funnel فيه Qualification وفيه Closing وأقوى نقطة في الفانل كلها هي الدخول من الباب الصحيح لما أحد يرشحك أو يختصر عليك الطريق أنت ما صرت فقط CV أنت صرت فرصة حقيقية لك وللكيان اللي انت مرشح له المفهوم الشائع يقول انشر الوظيفة وخلي الناس تقدم لكن الواقع أفضل المواهب غالباً ما تكون في السوق المفتوح تكون داخل شبكات تنتظر إشارة ثقة وهنا يجي دورك لو عندك وصول مباشر لفرص أنت مو بس تساعد شخص أنت تبني سمعة وتصنع تأثير طويل المدى في السوق في B2B أقوى صفقات ما تجي من Cold Outreach تجي من Warm Introduction ودي بالذات قد تفاجئك وتلغي نظريات كتير من الهبيدة ونفس الشيء بالضبط في التوظيف أحيانا أبسط تفاعل او رسالة يكون سبب في بداية جديدة لشخص آخر سلام 🫡

أصعب شراكة ممكن تدخلها في حياتك إنك تشتغل مع الشخص البتحبه. في البداية، الحماس بيغطي كل شيء. تحس إنكم فريق واحد، هدف واحد، وطريق واحد. لكن أول ما الضغط يجي الحقيقة بتظهر. شفت ناس كتار دخلوا شراكة كأزواج، ومع أول أزمة كل شيء اتلخبط. قرارات بدون وضوح، أدوار متداخلة، وكل واحد عاوز يثبت نفسه بدل ما يحمي الشراكة. وهنا الفرق الحقيقي. الإرادة مهمة لكن ما كفاية. اللي بيثبّت الشراكة هو الالتزام إنكم تكملوا، خاصة وقت الصعوبة. في البزنس، الحب ما بحل المشاكل. اللي بحلها هو الكفاءة والكلام الواضح بدون مجاملات. كل واحد لازم يكون عارف حدوده. مين يقرر. مين ينفذ. ومين يتحمل النتيجة. لأن أكبر سبب بيكسر الشراكات ما هو الخلاف هو الغموض. وفي نقطة ناس كتار بيغلطوا فيها الشراكة ما منافسة. لو دخلتوها بعقلية منو الأفضل، بتخسروا مرتين في الشغل وفي العلاقة. الشراكة الحقيقية حماية لبعض. لما واحد يقع، التاني يسنده. ولما واحد ينجح، النجاح يُحسب للاثنين. السنين علمتني إن أصعب شيء ما هو إنكم تبدأوا سوا أصعب شيء إنكم تفضلوا واقفين جنب بعض لما الدنيا تضغط.

بعد سنين في المبيعات في السوق السعودي، ومقابلات مع مدراء وشركات وعملاء من كل مستوى... اكتشفت حاجة غريبة. الناس بتفتكر إن الصفقة الكبيرة بتتقفل بالعرض القوي أو بالسعر الأقل. لكن الحقيقة مرات بتتقفل بسر غريب. مرة كنت في اجتماع مع عميل كبير. النقاش كان شغال حول الأرقام والتفاصيل والعقود. الجو كله رسمي وبارد. في نص الكلام قلت ليه حاجة بسيطة من قلبي. قلت ليه إن طريقته في إدارة الفريق واضحة فيها انضباط واحترام للناس، وده شيء نادر في الشركات الكبيرة. سكت لحظة... وبعدين ابتسم. الاجتماع بعدها اتغير تماماً. الكلام بقى أريح. الثقة زادت. والصفقة مشت في طريق مختلف. بعدها بفترة قريت دراسة لواحد من العلماء اليابانيين اسمه نوروهيرو ساداتو، بيقول إن الدماغ لما يستقبل مجاملة صادقة بيتفاعل بنفس الطريقة تقريباً لما يستقبل مكافأة مالية. نفس مركز المكافأة في الدماغ يشتغل. وقتها فهمت ليه كلمة صغيرة مرات تفتح أبواب كبيرة في العلاقات المهنية وفي عالم الأعمال. لكن المشكلة إن أغلب المجاملات في السوق بقت محسوبة زيادة. زول يمدحك عشان مصلحة. أو يقول كلام كبير ما عنده معنى. أو يوزع كلمات جاهزة بدون إحساس. الناس اليوم بقت تميز بسرعة بين الكلام الحقيقي والكلام المصنوع. المجاملة الحقيقية مختلفة. تكون صادقة. في وقتها. ومبنية على ملاحظة حقيقية. تقول لمدير إن طريقته في اتخاذ القرار واضحة. تقول لموظف إن تعامله مع العملاء فيه احترام. تقول لعميل إن احترافيته ظاهرة في التفاصيل الصغيرة. الكلمة الصادقة ما بتشتريها فلوس... لكنها تبني ثقة، وتفتح علاقات، وتخلق فرص ما كانت في الحسبان. وفي عالم المبيعات والعلاقات التجارية، الثقة هي رأس المال الحقيقي. عشان كده تعلمت درس بسيط بعد سنين من العمل والسفر والاجتماعات. الكلمة الطيبة في الشغل ما مجاملة... دي استثمار طويل المدى في العلاقات. والحقيقة البسيطة البتعلمتها بعد كل السنين دي... الصفقات الكبيرة مرات تبدأ بكلمة صادقة... لكن ما كل ,واجد عنده الشجاعة يقولها.

زمان الواحد عشان يفتح ليهو باب رزق أو يبدأ مشروع كان بيشيل هم رأس المال ليل ونهار وكيف يدبر التمويل عشان يثبت رجليه في السوق. الليلة وأنا براجع في الأدوات المتاحة لرواد الأعمال استغربت في كيف الدنيا اتغيرت وتسهلت بشكل عجيب. تخيل إنك ممكن تبني شركة تقنية كاملة وتطلق مشروعك وتديره بتكلفة ما بتفوت العشرين دولار في الشهر. أدوات البرمجة بالذكاء الاصطناعي بتمسك ليك الكود للأساسات باشتراك بسيط والباقي كلو متوفر من غير مقابل. من قواعد البيانات السحابية لغاية الاستضافة وإدارة المدفوعات وتتبع الأخطاء كله بقى في متناول اليد وما محتاج منك ميزانيات ضخمة ولا قروض تكسر الضهر.. ودي حزمة أدوات يستخدمها كثير من مؤسسي الشركات الناشئة اليوم: Claude لكتابة الكود والمساعدة في التطوير - حوالي 20 دولار شهرياً. Supabase أو Convex لبناء الباك-إند - خطة مجانية للبداية. Vercel لنشر التطبيق - مجاني للمشاريع الصغيرة. Stripe لمعالجة المدفوعات - حوالي 2.9٪ لكل عملية. GitHub لإدارة الكود والإصدارات - مجاني. Resend لإرسال الإيميلات - مجاني في البداية. Clerk.com لإدارة تسجيل الدخول والحسابات - مجاني. Cloudflare لإدارة DNS والحماية - مجاني. PostHog لتحليل سلوك المستخدمين - مجاني. Sentry لمتابعة الأخطاء التقنية - مجاني. Upstash لتخزين البيانات المؤقتة - مجاني. Pinecone لقواعد بيانات الذكاء الاصطناعي - مجاني في البداية. والنتيجة؟ التكلفة الشهرية الفعلية لتشغيل شركة ناشئة تقنية قد لا تتجاوز 20 دولار تقريباً لبداية البداية، وطبعا لابد من الترقية بعد ذلك لأداء افضل ومستدام. هذا يفسر لماذا نشهد انفجاراً في عدد المنتجات الجديدة. الحاجز المالي تقريباً اختفى. لم يعد السؤال: هل أستطيع أن أبني؟ السؤال أصبح: هل أملك الفكرة والتنفيذ الجيد؟ لم يسبق في التاريخ أن كان بناء شركة تقنية بهذه السهولة من حيث التكلفة. الفرصة اليوم ليست في الأدوات... بل في من يعرف كيف يستخدمها ليصنع قيمة حقيقية. سلام 👋🏽 Mohamed ALkheder

احساس كبير عندي ابو جونيور دا حيسلم والاسم يبقي كريم وجورجينا تبقي ماجدولين وجونيور يبقي مرجان كريم رضوان ❤️

ما كل نصيحة لازم تتسمع. وما كل واحد عنده رأي عنده رؤية. في بداية طريقي، كنت بحترم أي كلام يتقال لي، خصوصاً لو جاي من ناس أكبر أو أقرب. لكن مع الوقت اكتشفت إن في ناس بتشوف الدنيا على قد تجربتها وعلى قد خوفها. يقول ليك خليك واقعي. اهدأ شوية. الخطوة دي كبيرة عليك. وهو في الحقيقة ما قاعد يحميك هو قاعد يحكي عن حدوده هو. في عالم البزنس والتطور الوظيفي شفت فرق واضح بين الشخص البيكبر والشخص الثابت في مكانه. الأول بيختار يسمع لناس سبقوه أو بيفكروا بنفس الطموح. التاني بيخلي أي صوت حواليه يحدد مساره. الموضوع ما غرور الموضوع وعي. لو حلمك كبير، طبيعي تلقى ناس ما شايفاه. ولو فكرتك جديدة، طبيعي تلقى ناس ما فاهمنها. المشكلة تبدأ لما تصدقهم. الناس اللي سقفها صغير نصائحهم برضو بتكون صغيرة. والحقيقة البتعلمتها بعد سنين من الشغل والتجارب مو كل رأي يستاهل يُسمع خصوصاً لو كان أصغر من حلمك.

الربع الأول انتهى ومكاتب مدراء المبيعات زحمة احتفالات الكل يرفع الأرقام والكل يقول وصلنا الهدف لكن قبل ما تبارك لفريقك اسأل نفسك هذا السؤال هل أغلقنا هذه الصفقات بذكاء ولا بخصومات حرقت مستقبلنا في اثناء مسيرتي كنت أشوف بائعين شركات B2B يقفلون ديلات بصورة مستمرة ويأخذون العمولات كاملة لكن الحقيقة إن الهوامش كانت خفيفة لدرجة إن انهلكت قروض وأصبحت الاستمرارية في المحك في عالم B2B الخطأ قاتل الصفقة العملاقة التي توقعها بسعر محروق عشان تسجل اسمك في لوحة المتصدرين هي في الحقيقة تفجير مؤجل أنت ما بعت منتجك بقيمته بل رخّصت جهد شركتك ومستقبلك يا مؤسس يا شريك يا قائد لا تنظر لحجم العقد فقط انظر لجودة العقد هل العميل دخل معنا عشان وجد فينا الخيار الأفضل لحل مشكلته ولا عشان وجد فينا الرقم الأرخص الأول شريك استراتيجي والثاني عميل خاين بيتركك لأول بائع آخر يعطيه ريال أقل منك الأمانة في البيع تعني إنك تحافظ على هوامش ربحك وشركتك لا تحرق قيمتك عشان إعجاب مؤقت أو رقم في تقرير ربع سنوي السمعة تبنيها بإنك غالي وثمين لأنك تستحق ما تبنيها بإنك رخيص ومتاح لكل طالب سؤالي للقادة اليوم كم صفقة وقعتوها وحسيت إنك خسرتها فعلا بسبب اللي دفعته من هامش ربحك وقيمة اسمك ؟ الرد صعب أكيد لذلك بناء نظام مبيعات B2B مستدام أصبح أمر ضروري للكل ولا يوجد أي مساحة أو وقت أو تمويل للشركات التي تعاني للتجربة أو الاختبار تحياتي 👋🏽 #مبيعات #الربع_الأول #قيادة #استراتيجية #بناء_السمعة #محمد_الخضر

أخطر طريقة تستخدم بيها الذكاء الاصطناعي... هي لما يخليك تبطل تفكر. قبل فترة قريت دراسة قارنت بين ثلاثة مجموعات من الناس وهم بيحلوا نفس المشاكل. مجموعة اعتمدت على تفكيرها فقط بدون أي أدوات. مجموعة استخدمت محركات البحث. ومجموعة اعتمدت مباشرة على ChatGPT. النتيجة كانت لافتة. الناس اللي اعتمدت بالكامل على الذكاء الاصطناعي ظهر عندهم نشاط أقل في مناطق من الدماغ مرتبطة بالذاكرة واتخاذ القرار والتفكير التحليلي. والأغرب إن كثير منهم ما قدروا حتى يذكروا جملة من النص اللي كتبوه. كأن العقل كان موجود... لكن في وضع الانتظار. العلماء وصفوا الحالة دي بشيء اسمه الدين المعرفي. يعني لما تعتمد على الأداة زيادة عن اللزوم، عقلك يبدأ يتنازل تدريجياً عن بعض مهامه. لكن الجزء المثير في الدراسة كان مختلف. الناس اللي بدأوا بالتفكير أولاً... وبعدين استخدموا الذكاء الاصطناعي لتحسين أفكارهم، كانت نتائجهم أفضل بكثير. كانوا يكتبوا بطريقة أعمق. أفكارهم أوضح. وقدرتهم على التحليل أعلى. بمعنى بسيط... الفرق ما في الأداة. الفرق في طريقة الاستخدام. أنا شخصياً شفت الشيء ده في عالم المبيعات وفي كتابة المحتوى وفي التدريب. في ناس تفتح الذكاء الاصطناعي وتطلب منه يفكر عنها بالكامل. وفي ناس تستخدمه مثل شريك ذكي يوسع زاوية التفكير. الأولى تختصر الطريق لكنها تخسر مهارة التفكير مع الوقت. والثانية تستفيد من التقنية بدون ما تتخلى عن عقلها. والحقيقة البسيطة في كل تطور تقني ظهرت عبر التاريخ هي نفسها. الأدوات الذكية ما تصنع إنسان أذكى... لكنها تكشف بسرعة مين اللي كان يفكر من البداية. عشان كده أنا مؤمن بشيء واحد. الذكاء الاصطناعي أفضل مساعد للعقل... لكنه أسوأ بديل عنه.

حرفيا ادأء الموديل الجديد Qwen3.6-plus من Qwen المملوك ل Alibaba Group فوق البطل ومقفل لي كل الملفات حاليا والله يا عالم الAI حرفيا بيصنع فرص حقيقية نحن في الدول العربية لم نستغل ولا 1% من قوته ومن الفرص اللي فيه