Mohammad Abdullah's Recent LinkedIn Posts

لأول مرة، شركة AI كبيرة تسحب موديل منشور للملايين بأمر حكومي مباشر. أعلنت Anthropic عن تعطيل الوصول لاستخدام نموذجها الجديد Fable 5 بعد اقل من 72 ساعه من إطلاقه السبب توجيه ضوابط تصدير أمريكي بتمنع أي أجنبي من الوصول للموديل الحظر كان موجّه للأجانب حتى الي عايشين داخل اميركا، بس أنثروبك وقفوا الموديل لكل الزبائن لأنه ما كان في طريقة يوقفوه جزئياً بدون ما يحجبوه حتى عن موظفينهم وما في تفسير واضح للسبب الأمني. موقف Anthropic إنه القدرة اللي أقلقت الحكومة موجودة أصلاً بموديلات منافسة منشورة زي GPT-5.5، وبتستخدمها فرق الأمن السيبراني يومياً المشكله إنه قرار واحد من جهة حكومية قدر يوقف منتج لمئات الملايين بين ليلة وضحاها وهون بيت القصيد لأي حدا بيبني على هالأدوات بمجال حسّاس زي الأتمتة الصناعية والـ OT الموديل اللي ربطت عليه عملياتك ممكن يختفي فجأة لأسباب جيوسياسية خارج سيطرتك بالكامل. التصميم لازم يكون model-agnostic من اليوم الأول، لا تراهن على مزوّد واحد

الشركة اللي طوّرت Claude قدّمت مسودة سرية لطلب تسجيل من نوع S-1 إلى الـ SEC لطرح عام أولي محتمل لأسهمها العادية، وهذا بعطيها خيار الطرح العام بعد ما تكمل الهيئة مراجعتها التقديم سرّي، يعني الهيئة بتراجع المستندات بدون كشف التفاصيل المالية للعامة هذا إجراء قياسي للشركات التقنية الكبيرة، بعطي مرونة لتعديل أو حتى إلغاء الطرح بدون ضغط الرأي العام الشركة شدّدت إنه ما تحدد عدد الأسهم ولا سعر الطرح، والطرح بعتمد على ظروف السوق التقديم تم بعد أربعة أيام من إغلاق جولة Series H بقيمة 65 مليار دولار وتقييم 965 مليار، اللي تجاوز تقييم OpenAI البالغ 852 مليار وخلّى Anthropic أغلى شركة AI ناشئة بالعالم بس الرقم مش هو الخبر بالنسبة إلي الخبر إنه شركة كثير منّا بنشتغل على أدواتها كل يوم رح تفتح دفاترها قريباً لأول مرة رح نشوف الأرقام الحقيقية: كم بتكلّف الحوسبة، وين الربح فعلاً، و كم من إيرادها معتمد على عدد معيّن من العملاء ليش بهمّك هذا إذا انت بتبني شغلك على هالأدوات؟ لأنه لمّا تربط تشغيلك بمزوّد واحد، صحته المالية بتصير جزء من مخاطرك انت، مش بس مشكلته هو الـ AI صار بنية تحتية. والبنية التحتية لازم تسأل عنها نفس أسئلة الـ vendor اللي بتسألها بأي مشروع: شو خطة الاستمرارية؟ شو بديلي لو تغيّرت الأسعار؟ مين ماسك القرار؟ كم سؤال فيهم بتقدر تجاوب عنه اليوم؟

كنت بعرف إن الشغل المستمر بفرق بس بصراحة، ما كنت متوقع أشوف القفزة هاي خلال آخر شهرين 77 على مستوى الوطن العربي في مجال التكنولوجيا و الابتكار و 27 على مستوى الأردن وخلال هالفترة وصل المحتوى إلى: 431,163 Impressions +3260 New Followers الرقم بفرّح، أكيد بس اللي بفرق فعلًا مش الرقم نفسه اللي بيفرق إنك تضل تنشر، تجرّب، تراجع، وتفهم شو الناس فعلًا بدها تقرأ اللي تعلمته بهالفترة 3 شغلات: 1) الاستمرارية بتغلب المثالية مش لازم كل بوست يكون خارق، بس لازم يكون فيه فائده 2) الناس بتتفاعل مع التجربة الحقيقية لما تحكي شو جربت، شو نفع، وشو ما نفع... هون المحتوى بصير أقرب وأقوى 3) الأرقام نتيجة، مش بداية إذا ركزت على القيمة، الأرقام بتيجي مع الوقت الحمدلله على كل خطوة اللهم علمنا ما ينفعنا، وانفعنا بما علمتنا، وزدنا علمًا

سهم Figma نزل فجأة بعد ما Anthropic أعلنت عن Claude Design تخيلوا أداة text-to-design هزت شركة قيمتها 12.5 مليار دولار! بآخر 48 ساعة، Anthropic نزّلت تحديثين كبار وصار واضح إنهم مش بس ببنوا models هم هسا ببنوا منتجات كاملة، وداخلين على use cases ناس كتير كانت مفكرة إنها لسا بعيدة شوي شو صار بالزبط؟ - أطلقت Claude Opus 4.7 النموذج الرائد الجديد أذكى، أأمن، ومتوفر من اليوم للمستخدمين جاي بالنص بين Opus 4.6 و Mythos اللي ما نزل للعامة لحد هسا - بعدين أعلنت عن Claude Design أداة AI بتحوّل النص لـ visual prototypes انت بس بتوصف، وبتشوف design قدامك وفي شراكة مباشرة مع Canva للتصدير يعني مش demo حلو وبس… في product path واضح ليش هاد مهم إلك فعليًا، مش كخبر تقني؟ 1. إذا إنت مصمم، صار بإمكانك تطلع 5 اتجاهات بدل direction واحد. الوقت اللي كان يروح على mockups أولية، هسا ممكن يروح على التفكير والإخراج 2. إذا إنت developer أو founder، صار أسهل تشرح فكرتك بصريًا بدون ما تستنى أيام prompt مرتب ممكن يختصر عليك meetings كثير 3. إذا شغلك content أو marketing، سرعتك فالعمل راح يتغير أسرع landing concepts، أسرع ads، وأسرع testing انتقلنا من إنه الـAI بقدر يكتب كلام إلى الـAI بقدر يبرمج وهسا الـAI بقدر يصمم بتوقع المنتج الجاي يكون منافس لمنصات الـvibe coding مثل Lovable و Replit 🫢

🚀 شركة Moonshot الصينية أعلنت عن إطلاق Kimi K2.6 نموذج مفتوح المصدر يتحدى عمالقة الذكاء الاصطناعي شركة Moonshot AI الصينية أطلقت Kimi K2.6، نموذج ضخم بحجم تريليون معامل(1T parameters)، وهو مفتوح المصدر بالكامل النموذج هذا مصمم كـ وكيل ذكي (AI Agent) قادر على: ✅ كتابة أكواد برمجية معقدة على مدار خطوات طويلة ✅ تنفيذ مهام بشكل استباقي وذاتي بدون تدخل مستمر ✅ تنسيق عمل عدة وكلاء ذكية مع بعض (Agent Swarms) ✅ التعامل مع النصوص والصور والكود في نموذج واحد الأرقام بتحكي انه بتجاوز نماذج كبيرة زي GPT-5.4 و Claude Opus 4.6 في عدة معايير الصين بتثبت إن المنافسة في سوق الذكاء الاصطناعي مش حكر على أمريكا. النماذج مفتوحة المصدر صارت تقدم أداء ينافس الأغلى سعراً، و هذا بفتح فرص جديدة للمطورين العرب للاستفادة من التكنولوجيا هذه بدون تكاليف باهظة 💡 هل جربت أي نماذج مفتوحة المصدر في مشاريعك؟ شاركنا تجربتك 👇

شو اعمل معه هذا؟ صار متمرّد حبتين 😂 السبب إني ضفت الprompt هذا 👇فالـ Personal Preferences “ Always be my sparring partner. Be critical of me.Find my weak spots, find my blind spots. Do not default to agreeing with me. Default to really trying to find the truth and what's best of me. Be my ruthless mentor. Hurt my feelings if needed. Be absolutely blunt and straight up. Do not glaze me. If you are unsure, say you are unsure. Verify with web search. Verify by looking up with research and provide me sources when needed. “

هذا الشخص استطاع بمساعدة Claude إنه يسترجع محفظة Bitcoin قديمة بعد ما ضيع الprivate key قبل 11 سنة بس الزلمه عنده إصرار و عزيمة خصوصا انه فيها 5 BTC تقريبا 400 ألف دولار 🫣 أعطى كلود صلاحيات دخول على محركات أقراص لأجهزته القديمه كلود جرب 3.5 تريليون كلمة سر بس بدون أي نتيجه، لحد ما وجد كلمات مفتاحية كانت مخزنة في جهازه القديم أيام الجامعه و قدر يوافقها مع المحفظه طبعا الزلمه من الفرحه بدو يتبرع بالمبلغ لـAnthropic 😂

كنت كل ما أستخدم أدوات الـ AI للكتابة أحس بنفس المشكلة النص مرتب… بس مش أنا في كلمات مكررة، جمل متوقعة، ونكهة الكتابة بتروح شوي شوي 😅 المهم، من هون بلشت فكرة ( حضور ) أنا بالأصل كنت محتاج أداة تساعدني أكتب أسرع، بدون ما أطلع من البوست وأنا حاس إنه حدا ثاني كاتبه عني فبنيت منصة بتحلل أسلوبي من منشوراتي السابقة، وبتحاول تكتب بنفس الأسلوب قدر الإمكان المميز فيها إنها مش بس بتعطيك نص هي بتساعدك تفهم كتابتك كمان حالياً فيها 4 ميّزات أساسية: 1) مساعد كتابة شخصي بكتب معك وبأسلوبك، بدل الأسلوب الجاهز الي بنشوفه بكل مكان 2) تحليل للبوستات بعطيك نقاط القوة والضعف، عشان تعرف ليش هذا البوست اشتغل وليش الثاني لا 3) تحويل فيديو أو مقال إلى بوست بتحط الرابط، و بتحصل على بوستات جاهزة للنشر بأسلوبك 4) تحليل الملف الشخصي عشان تشوف فرص التحسين في حسابك على LinkedIn بشكل أوضح النسخة التجريبية صارت جاهزة، ولسا المنصة في بداياتها وفيها أشياء كثيرة ناوي أطورها وأحسنها مع الوقت إن شاء الله بتقدر تجربها بشكل مجاني لفترة محدودة من الرابط: https://hudur.io وإذا طلع معك أي مشكلة أو عندك فكرة بتحسها لازم تنضاف، ابعتلي مباشرة أو من داخل المنصة ملاحظة سريعة: الفيديو التعريفي تم إنشاؤه بالكامل برمجياً باستخدام Claude 😁

كنت مفكر إنه النجاح في عصر الـ AI بعتمد على كمية المعلومات اللي بعرفها أو كم برومبت بقدر أكتب بعد ما جربت أدوات كتير، اكتشفت إني كنت غلطان الـ AI صار يعرف كل شيء، فالمعلومات بحد ذاتها فقدت قيمتها هون تغير تفكيري، صرت أركز على الـ Architecture مش على الـ Execution يعني بدل ما أسأل الـ AI كيف أعمل هاي المهمة، صرت أفكر كيف أصمم نظام كامل بستخدم الـ AI ليعمل هاي المهمة بشكل آلي الفرق بين الموظف العادي والموظف الخارق اليوم هو القدرة على الربط بين الأدوات وبناء تدفق عمل (Workflow) ينجز المطلوب على أكمل وجه المهارة الحقيقية مش بالمعرفة، بل بالقدرة على توجيه المعرفة الموجودة أصلاً شو المهارة اللي حسيتوا إنها صارت أهم من قبل بعد دخول الـ AI على الخط؟

من وقت ما نزل GPT-5.5 و أنا بشوف الناس بتحكي عنه إنه ممتاز و أفضل من Opus 4.7 الفتره هاي خصوصا إنه Anthropic قللت الـusage limit عالكل و احيانا بتحسه صار أغبى المهم قررت امشي مع التيار و أرجع اجرب هالـGPT أشوف هل فعلا افضل من Claude ولا لا من منبري هذا بحكيلكم انه فش داعي تدفعله اشتراك لسا Claude افضل بمراحل 😅 مهتم اسمع رأيكم، هل تجربتك كانت مختلفه و فعليا شفت إنه افضل من Opus ؟