Ahmed Hassan, PMP®, RMP®'s Recent LinkedIn Posts

أول خطوة بعد توقيع عقد مقاول باطن هي فهمه ومراجعته بدقة، لأن كل ما بعده من أرقام ومطالبات مالية هيبنى عليه. كـ Cost Control، العقد هو المرجع الأساسي لتحديد: & طريقة القياس والدفع. & نسبة الـ Retention. & آلية استرداد الـ Down Payment. & قيمة البنود ونطاق الأعمال. & شروط الـ Variations. & مواعيد الاستحقاق والصرف. & أي التزامات مالية ممكن تأثر على تكلفة المشروع. مع الخبرة، أي بند غير واضح في العقد غالبًا هينعكس بعد كده على شكل اختلاف في تفسير المستخلصات أو تأخير في الاعتماد أو احتياج لتوضيح أثناء التنفيذ. وكذلك أي شرط مالي غير مفهوم بدقة من البداية، هيؤدي إلى اختلاف في التقييم أو إعداد التقارير المالية خلال التنفيذ. عشان كده حتى لو مش أنا اللي كتبت العقد أو فاوضت عليه...لازم أفهمه كويس قبل ما أبدأ أشتغل عليه. لأن جودة الـ Cost Control بتبدأ من فهم العقد... قبل ما تبدأ من فهم الأرقام. ودي check list تقدر تراجع بيهاا اي عقدم مقاول باطن عندك ف المشروع. #CostControl #ProjectControls #ConstructionManagement #CommercialManagement #SubcontractManagement #ProjectManagement #EarnedValueManagement #CostEngineer #QuantitySurveying #ConstructionProjects

من أهم الحاجات اللي مهم تبص عليها وانت شغال ك كوست كترول... موضوع الكاش. المشروع عادي ممكن يكون كسبان ع الورق ، بس الشركة بتعاني من نقص السيولة. طيب ده ممكن يحصل إزاي؟ مثلا لو المالك بيدفع مستخلصاتك بعد 60 يوم، وأنت بتدفع للموردين ومقاولي الباطن بعد 30 يوم، هنا بيحصل عندك Gap في الكاش. الأرقام بتقول إن المشروع كويس: - Cost تحت السيطرة. - Value تمام ومتحققة. - Profit موجود وزي الفل. لكن على أرض الواقع ممكن تلاقي نفسك محتاج سيولة تدفع بيها رواتب العمال أو مستحقات الموردين. عشان كده فهم الـ Time Lag والـ Payment Terms مهم جدًا لأي حد شغال Cost Control. هتبقى مؤثر فعلًا في نجاح المشروع لما تعرف تدير حركة الكاش بنفس كفاءة إدارتك للتكاليف. وده لأن مهندس الـ Cost Control غالبًا هو أكتر شخص فاهم توقيتات الصرف والتحصيل، واكتر شخص بيعرف يتواصل مع كل الاقسام وبالتالي الأقدر على بناء Cash Flow واقعي يقدر يساعد الإدارة في اتخاذ القرار. وإدارة حركة الكاش ممكن تتحقق من خلال: & تسرّع اعتماد وصرف مستخلصاتك على اد ما تقدر. & تتفاوض على فترات سداد أفضل مع الموردين ومقاولي الباطن. & تتابع الـ Cash Flow Forecast باستمرار قبل ما المشكلة تحصل. في النهاية، الربح مهم... لكن السيولة هي اللي بتحدد إذا كان المشروع هيكمل بقوة ولا هيتعثر رغم إنه كسبان على الورق. #CostControl #CashFlow #ProjectControls #ProjectManagement #Construction #CostManagement #Planning #EarnedValueManagement

من أهم الدروس اللي اتعلمتها في شغلي كـ Cost Control Engineer: الانحرافات الصغيرة ما بتفضلش صغيرة. إنك ماينفعش تستهون بأي انحراف، حتى لو كان شكله بسيط. ممكن تلاقي بند في المشروع منحرف بنسبة 5% وتقول: "مش مشكلة، هنتحكم فيه بعدين." لكن الحقيقة إن الـ 5% دي لو اتسابت من غير متابعة، ممكن تكبر بسرعة وتتحول لمشكلة تأثر على المشروع كله. المشكلة مش في وجود الانحراف نفسه، لأن ده طبيعي في أي مشروع. المشكلة الحقيقية إنك تكتشفه متأخر، أو الأسوأ إنك تشوفه وتسكت عليه. علشان كده، دور الـ Cost Control مش مجرد أرقام وتقارير بنطلعها آخر الشهر. دورنا إننا: & نتابع الأداء باستمرار. & نكتشف أي انحراف بدري. & نبلغ بيه في الوقت المناسب. & ونشتغل مع فريق المشروع على الحل قبل ما المشكلة تكبر. اتعلمت إن في المشاريع، التفاصيل الصغيرة اللي ناس كتير بتعديها، ممكن تكون هي السبب في نجاح المشروع أو خسارته. لو فيه انحراف صغير ظهر النهاردة، متستناش لحد ما يبقى أزمة بكرة. #CostControl #ProjectControls #Construction #CostEngineer #ProjectManagement #Engineering #ConstructionManagement #Planning #EarnedValueManagement #CostManagement

بعد ما راجعنا عقد مقاول الباطن وعرفنا إنه المرجع الأساسي لأي مطالبة مالية، يبقى السؤال المهم: إزاي نراجع مستخلص مقاول الباطن؟ كمهندس Cost Control، مراجعة المستخلص مش مجرد مراجعة أرقام أو التأكد إن العمليات الحسابية صحيحة. المستخلص هو نقطة التحكم الأساسية لحماية المشروع من أي تجاوزات مالية أو صرف غير مستحق. ودي Check List لازم تكون قدامك في كل مرة تراجع فيها مستخلص مقاول باطن: ☐ وجود كشف كميات منفذة أو مستخلص تنفيذي معتمد من مدير المشروع. ☐ التأكد أن الكميات مطابقة للحصر الفعلي أو أوامر التغيير المعتمدة (VOs). ☐ مراجعة أسعار البنود والتأكد من مطابقتها للعقد المعتمد. ☐ مراجعة إجمالي الإنجاز والتأكد من صحة العمليات الحسابية. ☐ التأكد من توضيح إجمالي الأعمال السابقة بشكل واضح. ☐ التأكد أن إجمالي الأعمال حتى تاريخه لا يتجاوز القيمة الإجمالية للعقد. ☐ إذا تجاوزت قيمة الأعمال قيمة العقد، يجب وجود Variation Order أو ملحق عقد معتمد قبل الصرف. ☐ التأكد أن إجمالي الصرف حتى تاريخه لا يتجاوز نسبة الإنجاز الفعلية. ☐ تطبيق خصم الـ Advance Payment طبقاً لآلية الاسترداد المنصوص عليها بالعقد. ☐ تطبيق خصم الـ Retention حسب النسبة المحددة بالعقد. ☐ خصم قيمة المواد المسلمة من الشركة (Free Issue Materials) إن وجدت. ☐ تطبيق غرامات التأخير أو أي خصومات تعاقدية إن وجدت. ☐ التأكد من صحة صافي المستحق. ☐ مراجعة الفاتورة الضريبية والتأكد من مطابقتها للمبلغ المستحق. ☐ التأكد أن المبلغ المطلوب صرفه ضمن الرصيد المتبقي في الـ Budget. ☐ تحديث تأثير المستخلص على الـ EAC بعد الاعتماد. 💡 خلي بالك أي مستخلص بيتم اعتماده بدون مراجعة دقيقة قد يتحول إلى Cost Overrun يصعب استرداده بعد كده. لو في نقطة بتراجعها بشكل مختلف أو إضافي في مستخلصات مقاولي الباطن، شاركها في التعليقات #CostControl #CostController #ProjectControls #Construction #ConstructionManagement #Subcontractor #SubcontractorInvoice #QuantitySurveying #CommercialManagement #ProjectManagement #CostManagement #BudgetControl #EAC #CashFlow #ContractsManagement #FIDIC #Engineering #CivilEngineering #PlanningEngineer #ProjectFinance #LinkedInLearning

هل معادلات الـ EAC تتنبأ فعلًا بتكلفة المشروع عند الانتهاء؟ طبعا معظمنا بيستخدم المعادلتين المعروفين خصوصا المعادلة الثانية ف معظم مشاريعنا. 1- EAC = BAC / CPI 2- EAC = AC + (BAC - EV) / CPI وال AACE شارح مميزات وعيوب كل معادلة فى ال RP 80R-13 كثير مننا بيتعامل مع الناتج وكأنه التكلفة النهائية المتوقعة للمشروع، لكن الحقيقة أن كل معادلة مبنية على افتراضات قد لا تكون واقعية ودقيقة. @ المعادلة الأولى (BAC/CPI) تفترض أن كفاءة الأداء الحالية ستستمر حتى نهاية المشروع بنفس المستوى.(فرضية عامة جدا) @@ المعادلة الثانية تفترض أيضًا استمرار نفس الأداء الحالي، لكنها تعرض الفكرة بشكل مختلف من خلال تعديل تكلفة الأعمال المتبقية بناءً على الـ CPI. ونفضل كل شهر نطلع توقع مختلف للمشروع والمشروع يقفل على حاجة تالته خالص 😊 المشكلة أن المشروع الحقيقي لا يعمل بهذه البساطة. 1- قد تكون أسباب الانحراف الحالية مؤقتة ويتم حلها الشهر القادم. 2- وقد تظهر مخاطر أو تحديات جديدة تجعل الأداء أسوأ مما كان عليه في الماضي. 3- وقد تكون الأعمال المتبقية مختلفة تمامًا عن الأعمال التي تم تنفيذها بالفعل، سواء من حيث التعقيد أو الموارد أو ظروف التنفيذ. عشان كده : - الـ EAC الحقيقي لا يجب أن يكون ناتج معادلة فقط لانه قد يؤدي إلى توقعات متفائلة أو متشائمة بشكل غير دقيق. - الـ EAC القوي لازم يكون Bottom-Up Forecast مبني على مراجعة الأعمال المتبقية فعليًا، وإعادة تقدير تكلفة الإنجاز بناءً على الظروف الحالية، والإنتاجية المتوقعة، والمخاطر المعروفة. استخدم CPI و EV كمؤشرات تساعدنا على الفهم والتحليل... لكن ما نخليش المعادلة تحل محل التفكير. The best EAC is not the one generated by a formula. It is the one generated by understanding the remaining work. #CostControl #ProjectControls #EVM #EarnedValueManagement #Forecasting #EAC #ProjectManagement #CostEngineering #Construction #PlanningEngineer

قرار التعاقد من الباطن مش قرار Procurement...ده قرار استراتيجي. وده من أكتر المفاهيم اللي بشوف ناس كتير بتتعامل معاها بشكل غلط في المشاريع. لما يجي وقت الاختيار بين التنفيذ الذاتي أو الاستعانة بمقاول باطن، أول سؤال بيتسأل غالبًا بيكون: "مين أرخص؟" لكن الحقيقة إن ده مش السؤال الصح. لأن القرار ده أكبر بكتير من مجرد مقارنة أسعار. ف قبل ما ناخد قرار زي ده ، لازم نبص على شوية عوامل مهمة: 1️⃣ الموارد المتاحة عندك هل عندك المعدات والكوادر والفنيين القادرين ينفذوا الشغل بالكفاءة المطلوبة؟ ولا هتحتاج تبني فريق وتوفر موارد جديدة من الصفر؟ 2️⃣ الخبرة وسابقة الأعمال في أعمال تخصصية معينة، خبرة مقاول الباطن بتفرق جدًا. أحيانًا مقاول عنده عشرات المشاريع المشابهة يقدر يقلل مخاطر وأخطاء تنفيذية ممكن تكلفك أضعاف فرق السعر. 3️⃣ الوضع المالي والكاش فلو مش كل قرار بيتاخد على أساس تكلفة التنفيذ فقط. أحيانًا مقاول الباطن بيكون قادر يتحمل شروط دفع آجلة أو تأخير مستخلصات، وده بيساعد بشكل مباشر في تخفيف الضغط على التدفقات النقدية للمقاول العام. 4️⃣ رؤية الشركة وتوجهاتها لو الشركة بتبني قدراتها وعايزة تتوسع في نوع معين من الأعمال، فالتنفيذ الذاتي ممكن يكون استثمار طويل المدى. لكن لو النشاط خارج توجه الشركة، فغالبًا هيبقى عبء أكتر منه قيمة مضافة. 5️⃣ الدروس المستفادة من المشاريع السابقة المشاريع اللي خلصت قبل كده فيها إجابات كتير. النجاحات مهمة... لكن الإخفاقات أهم، لأنها بتوضحلك إيه اللي يستحق تنفذه بنفسك وإيه اللي الأفضل تسنده لجهة متخصصة. 📌 الخلاصة: قرار التعاقد من الباطن مش قرار تكلفة فقط. هو قرار مرتبط بـ: - الموارد - الخبرات - الكاش فلو - القدرة المالية - المخاطر - الرؤية الاستراتيجية للشركة وعشان كده، أحيانًا أرخص عرض سعر بيكون أغلى قرار ممكن تاخده. في رأيك، إيه أكتر عامل بيأثر على قرارك بين التنفيذ الذاتي والتعاقد من الباطن؟ #ProjectManagement #ConstructionManagement #CostControl #ProjectControls #Procurement #Subcontracting #RiskManagement

#Sr_Cost_Control_Engineer

من أصبح منكم آمناً في سربه، معافى في جسده، عنده قوت يومه، فكأنما حيزت له الدنيا.

واحدة من أكثر الأخطاء اللي بشوفها في الـ Cost Control هي التعامل مع كل الـ Indirect Costs وكأنها Fixed Costs. الموضوع أعقد من كده بكتير، وبيأثر بشكل مباشر على دقة الـ EV والـ Forecasting وقرارات الإدارة. البوست ده بيشرح نقطة مهمة جدًا ناس كتير بتغفل عنها: هل فعلًا ينفع نحسب Earned Value للـ Indirect Cost بنفس نسبة إنجاز المشروع؟ شاركوني بتستخدموا أي Methodology لحساب EV لبنود الـ Indirect Cost؟