Ahmed Harigy's Recent LinkedIn Posts

تجربتى الشخصية وتحول صفحتى من 1500 الى 8500 شخص فى اربع شهور 📍 اولا انا مش متخصص تنمية صفحات لينكدان ولا انا خبير, انا بس بحكى تجرتبى الشخصية وبتكلم على اللى نجح معايا بغض النظر عن نتايج التفاعلات على المحتوى اللى بقدمه, الا ان من خلال المحتوى تواصل معايا 5 عملاء ومنهم 2 اشتغلوا معانا بالفعل 1- الكاروسيل انجح أنواع المحتوى على لينكدان انا جربت البوست العادى, البوست + صورة و كمان الفيديوهات الطويلة والقصيرة لكن انجح أنواع المحتوى على لينكدان هو الكاروسيل, لانك بتحط المعلومة بشكل مبسط فى سلايدز والناس بتقدر تقراها بسهولة 2- لينكدان منصة أشخاص لينكدان هى منصة أشخاص مش شركات الناس بتتفاعل مع الأشخاص و خبراتهم فى المجالات المتعددة عشان كدة متحاولش تستخدم لينكدان عشان تسوق لشركتك, انا عندى صفحة الشركة و حقيقى تسويق الشركات على لينكدان مكلف جدا جدا وتأثيره ضعيف مقارنة بالمنصات التانية 3- مفهوم المحتوى القيم مفهوم المحتوى القيم عند معظم الناس بقى سطحى بيتلخص فى كلمتين من ChatGPT جمهورك عاوز يعرف التركات والاساليب اللى محدش بيتكلم عنها طلع كل المعلومات اللى عندك ده هيساعدك تبنى ثقة وبيظهر خبرتك فى المجال, بعدها هيجيلك عملاء بناء على خبرتك و شفافيتك 4- مواعيد النشر جربت مواعيد نشر كتيرة على مدار الاربع شهور اللى فاتو أحسن مواعيد للنشر من الساعة 9 صباحا حتى الساعة 2 الضهر 5- عدم الانتظام فى النشر زى معظم الناس اللى بتقرا المحتوى, الكل بيفكر ان الالتزام فى النشر ضرورة قصوى انا وقفت نشر كذا فترة, اوقات كان بسبب ضيق الوقت و اوقات كان بسبب عدم وجود فكرة قوية انشرها وكل مرة برجع انشر بحقق نسبة معقولة من المشاهدات و التفاعلات وزيادة المتابعين 📌 الخلاصة التزامك بال 5 نقط دول هيساعدك تكبر صفحتك على لينكدان وكمان تحقق هدفك على المنصة سواء كان هدفك انك تجيب ليدز او تتقبل فى وظيفة ما, لينكدان يعتبر منصة ليها طابع خاص مختلف عن باقى المنصات التانية فحاول تستغلها صح أستفدت من المحتوى؟ #compak #بشمهندس_الليدز #تسويق #تسويق_بالمحتوى #لينكدان #LinkedIn #محتوى_لينكدان