Alisar Mustafa 🐜's Recent LinkedIn Posts

كتير من شركات التجميل بترتكب هاد الخطأ بمحتواها! يا إما بتعتمد على محتوى عاطفي مبالغ فيه لا يستند لأدلة علمية أو محتوى علمي جامد ما بيفهمه العميل و ما بيحس بقيمته. خلينا ناخد مثال (الإكسوزومات في العناية بالبشرة). بدل ما نقول: “تقنية ثورية تعيد شباب البشرة خلال أيام” (و طبعا هو ادعاء غير دقيق علميًا) خلونا نفهم القصة البيولوجية الحقيقية أولًا تخيّل بشرتك مدينة كاملة تنبض بالحياة أفراد هي المدينة هنن خلايا بشرتك و كل خلية تؤدي وظيفة محددة من إنتاج طاقة، لتصنيع كولاجين، لتهدئة الالتهاب لكن لما تتعرض الخلية للإجهاد مثل التقدم بالعمر، أشعة فوق بنفسجية ، التهاب بتصير إشاراتها الحيوية مضطربة و لما تنتبه الخلايا السليمة لهي الخلاية المتوترة و المتعبة بتبعتلا رسالة مجهرية فيها مواد بتحفز تشافيها و هي الرسالة هي الاكسوزوم و بالتالي علميًا، الإكسوزومات هي حويصلات نانوية دقيقة تفرزها أغلب خلايا جسمك بشكل طبيعي تحوي داخلها : – بروتينات تنظيمية – أحماض نووية – عوامل نمو – إشارات تحفّز التجدد أو مضادة الالتهاب إذًا وظيفة الإكسوزومات بمثالنا مانها تجديد البشرة بشكل سحري و كأنها كبسة زر💢 وظيفتها الحقيقية العلمية ( تنظيم سلوك الخلايا الأخرى بشكل أساسي)✅ مثال: ✔ تحفز إنتاج الكولاجين ✔ دعم إصلاح الأنسجة ✔ تقليل الاستجابة الالتهابية ✔تنظيم التوازن بين الهدم والبناء في الجلد ✔ حماية الخلايا من الموت المبرمج ✔ نقل إشارات الإجهاد الخلوي و بالطب التجميلي يتم استخدام إكسوزومات خارجية المصدر مشتقة من خلايا جذعية بشرية أو نباتية لتعزز هي الإشارات الطبيعية داخل الجلد. يعني مش اختراع ذرة 😅 ببساطة عم يتم تعزيز نظام الاتصال البيولوجي الموجود أصلًا بين خلايا بشرتك هون تماماً الخطأ التسويقي الشائع: 🔴 تقديم الإكسوزومات كـ “مادة اكسير الشباب” من دون أي تلميح عن آليتها أو معلومات عنها. 🔴 الاكتفاء بالمشاعر دون شرح الآلية بشكل مبسط. 🔴 أو العكس ذكر مصطلحات علمية من دون قصة مفهومة. الزبون/ة ما بدو شعر و قصص كل الوقت❌ ولا محاضرة جامعية علمية بحتة❌ الزبون رح يتفاعل مع قصة بيفهمها ✔️ و بيوثق أنها مبنية على علم✔️ و هون تماماً بيتحول المحتوى من إعلان ⬅️ معرفة و من معرفة ⬅️ علاقة طويلة الأمد تبنيلك مصداقية و بالمحصلة مبيعات فعلية 💸💸 لأي استشارة تتعلق بتطوير محتوى شركتك راسلني على الخاص 🔹الصيدلانية أليسار مصطفى 🔹أساعد شركات التجميل في تحويل رؤيتها إلى محتوى مؤثر يبيع و يبني علاقة مع الجمهور ويحقق أهدافها.

على الإنسان أن يُدرك حقيقة لا مفر منها! أنّ أوقات الانشغال نعمة و أنّ التَّعّب المُثمر نعمة وكلّ دقيقةٍ تقضيها في تطوير نفسك وعقلك وقلبك هي استثمارٌ مؤجّل لو لَم تَرَ النتائج الآن! النَّفس تَميل لراحتها ولاتعلَم أنّها ترتاح بالتَّعَب. كلّ لحظة قراءة استصعَبتَها لكنّك أكمَلتَ الكتاب كلّ مشروعٍ لم تتركه في المنتصف كلّ فكرة عزمت على إتمامها كلّ لحظة استثمرت ما فيها كلّ برنامج ودورة ومحاضرة أخذتَ منه حدّ الارتواء! كلّ دفترٍ ملأته و قلمٍ أنهَيتَه وكتابٍ قرأته وحقيبةٍ حملتها وخطىً سِرتَها كل هذا يشهد لك كلّه ذاتَ يومٍ سيَرفَعك لا تكتفِ بالإلهام ابدأ ولو بخطوة صغيرة تُثبت لنفسك أنك جاد. ما الإنجاز الصغير الذي ستُنهيه اليوم مهما كان؟

7 أخطاء كارثية بتستفزني أنا شخصياً بمحتوى الشركات التجميلية العربية 💢💀 دقة علمية ↙️ مصداقية ↙️ كتابة إعلانية ↖️↖️↖️ تابع الكاروسيل للنهاية و اكتبلي بالتعليقات إذا في مصطلحات تانية ما ذكرتها لساعدك و أعطيك الاسلوب الصحيح العلمي ✅ 🔹الصيدلانية أليسار مصطفى 🔹أساعد شركات التجميل في تحويل رؤيتها إلى محتوى مؤثر يبيع و يبني علاقة مع الجمهور ويحقق أهدافها.

معقول حملات المؤثرين يكونوا سبب نجاحك و مبيعاتك العالية! أغلب شركات التجميل عم يعتمدوا على حملات المؤثرين كأنهم الاسلوب الوحيد لتحقيق المبيعات مع أنه برأيي الشخصي حتى لو تعاقدت مع أهم المؤثرين صدقني اذا كان محتوى شركتك ضعيف و ما اله استراتيجية واضحة وجود المؤثر ما رح يغطي على ضعف الوجود الرقمي لشركتك. و الشي اللي بيستوقفك و بيجبرك تبحث عن حلول انه حملات المؤثرين غالية جدًا و نتائجها قصيرة الأمد اموال عم تنصرف بسرعة💸 و النتائج بتروح بسرعة🏃🏼‍♂️ رح تبيع ؟ اكيد بس لما تخلص الحملة رح تنتسى و تضطر تركز عهاد النوع من الحملات دائماً السر الحقيقي اللي اغلب مدراء التسويق بيغفلو عنه ( اذا ما عندك محتوى أصيل يعكس شخصية و هوية شركتك، حتى لو جبت أغلى و أهم مؤثر ما رح يحققلك نتائج مستدامة) لهيك ابدأ اليوم باستراتيجية محتوى مبتكرة ومستدامة و إبداعية تمثل شركتك ثم استعن بمؤثرين لتعزز رسالتك. إذا كنت بحاجة استراتيجية محتوى تبنيلك حضور رقمي مؤثر يعبر عن شركتك و قيمها و يحققلك نمو اورغانيك راسلني على الخاص 🔹الصيدلانية أليسار مصطفى 🔹أساعد شركات التجميل في تحويل رؤيتها إلى محتوى مؤثر يبيع و يبني علاقة مع الجمهور ويحقق أهدافها.

أكبر خطأ بالتسويق ! أنك تسوّق لمنتجك بنفس الطريقة للجميع ! بالعكس تماماً منتجك نفسه قد يخدم أكثر من شريحة من الناس و المهارة هنا أن تجزء جمهورك إلى شرائح و تخاطب كل شريحة باللغة و الطريقة التي يفهمها مثال: كريم واقي شمسي قد لا يناسب كل أنواع البشرة و لا كل الأعمار و قد يحتوي على خصائص لا يرغب بها الجميع سواء كان مع لون أو بدون لون عدا عن تواجد أنواع من الواقي الشمسي الفيزيائي و الكيميائي و التي لكل منها خصوصيتها لذلك التخصيص اليوم في التسويق بالمحتوى ليس رفاهية بل هو احترام لاختلاف المستخدمين. و تذكر أنك عندما تصرّ على رسالة موحّدة للجميع فأنت تختصر السوق❌ برأيك ليش أغلب المسوّقين لسه بيستخدموا رسالة وحدة للجميع؟ و إذا جربت من قبل تقسيم جمهورك؟ شو كانت النتيجة ؟

معقول الإبداع بيجي من الملل ؟ مرة سمعت هي الجملة و فعلاً ضلت ببالي لوقت ما احتجتا و طبقتا كان مطلوب مني أفكار إبداعية لمحتوى أحد الشركات التي أعمل معها و بسبب أني حدا عنده كتير التزامات بالحياة كان لازم لاقي طريقة تخليني حضر أفكار إبداعية و خارج الصندوق خليني شاركك طريقتي لتحفيز الإبداع : بفرغ جدولي من كل المهمات الثانوية و بقضي أسبوع كامل على الأقل من دون أي مشتتات و بركز على المهمة المطلوبة و ممكن قضي أوقات طويلة ما عم اعمل شي مهم أو عم امشي بالطبيعة و ممكن اسمع موسيقى او اعمل تغذية بصرية لشي متعلق بالمهمة من دون ما أجبر حالي على ابتكار أفكار جديدة بطريقة سريعة النتيجة : أني بضمن كون عطيت المهمة حقها لأنه بالفعل و عن تجربة بلحظة غير متوقعة بطريقة غير متوقعة بتجيك الفكرة اللي أنت ناطرها💡 و أنت خبرني كيف بتحفز الإبداع عندك ؟ و هل طبيعة عملك أساساً تتطلب إبداع؟

أصدقائي وزملائي أتمنى أن يحمل لكم هذا الشهر البركة في أعمالكم و الطمأنينة في قلوبكم و الراحة لأرواحكم رمضان مبارك عليكم وعلى من تحبون كل عام وأنتم بألف خير 🌙

أغلب شركات التجميل عندها سيروم فيتامين C لكن قليلة الشركات اللي بتعرف كيف تسوقله صح ! المشكلة مش في المنتج المشكلة بطريقة الطرح. يعني لما ينكتب كونتنت لمنتجنا السابق ما بيكفي نقول: سيروم يفتح البشرة أو يعطي إشراقة أو يقلل تصبغات هي معلومات صارت عامة لدرجة أنها فقدت تأثيرها. المحتوى الصح و اللي بيبع بيبدأ بسؤال بسيط: شو هية الميزة التنافسية الحقيقية لهذا المنتج؟ ممكن تكون: - نوع فيتامين C المستخدم ( في أنواع من فيتامين سي أكثر ثباتاً من غيرها). - تقنية تغليف معينة تحافظ على فعالية المنتج من التخرب. ( لأنه سيرومات فيتامين سي حساسة و بتتأكسد بسرعة). - تركيبة مصممة لتقلل التهيّج للبشرة الحساسة . - وجود مكونات داعمة لفيتامين سي مثل Vitamin E أو Ferulic Acid - تركيز مناسب للاستخدام اليومي (لأنه تراكيز عالية من فيتامين سي ممكن تسبب تحسس). - باكجينغ ملفت و مميز ( الباكجينغ أوقات ميزة تنافسية رائعة). و بهاي الحالة بدل ما تبيع “سيروم فيتامين C عادي” أنت عم تبيع قصة منتج أو ( نقطة قوة منتجك) و هون دور كاتب المحتوى التجميلي الحقيقي ✅ أنه يحول التفاصيل العلمية الصغيرة اللي داخل تركيبة منتجك اللي ما حدها بيفهمها غيره كصيلاني متخصص إلى قيمة بيفهمها المستهلك و بيحتاجها إذا كنت بحاجة كاتب محتوى تجميلي مع خلفية علمية و مهارات تسويقية اكتب لي على الخاص كلمة "ميزة تنافسية" لساعدك تفهم منتجك صح

كنت من ال 10 المحظوظين من أصل 600 متقدم ! بكل سرور و امتنان كنت من ال 10 المقبولين في التدريب التخصصي الأول من نوعه في سوريا بعنوان: "آفاق رقمية" لدعم مهارات العمل الحر للشباب السوري. البرنامج كان على مرحلتين: 📍المرحلة الأولى: كانت تدريبات عن المهارات الأساسية للفريلانسرز على مدى 20 ساعة تدريبية في محاور عديدة مهمة، مثل: - مقدمة إلى التسويق الرقمي. - إدارة العلاقة مع العملاء. - مقدمة إلى دراسة الجدوى الإقتصادية. - مهارات التواصل الرقمية. - نصائح قانونية للفريلانسرز. - مقدمة عن بناء العلامة الشخصية. - أدوات إدارة المشاريع الرقمية. تم تقديم المحاور السابقة من قبل مجموعة من المدربين النخبة كل الشكر لجهودهم Dr. Muhannad A M Oukal. Muhammad Alajrad Silva Shahda kawther Harmalani 📍المرحلة الثانية: و هي التدريب التقني في التسويق الرقمي عبارة عن 100 ساعة تدريبية على مدى شهرين تقريباً مع الكوتش Sara Kataf و هي المرحلة اللي احتاجت إلتزام كبير و تطبيق عملي مستمر لكن الإستفادة كانت كبيرة و ظهرت على شكل ✅ وضوح في الرؤية المستقبلية ✅تغير بال mentality الخاصة فيني ✅اكتساب مهارات و أدوات جديدة مهمة في عملي ككاتب و استراتيجي محتوى طبي. تضمن مسار التسويق الرقمي المحاور التالية: -مقدمة عن التسويق الرقمي. -أسس بناء العلامة الشخصية. -دراسة شخصية العميل persona. -تحليل المنافسين. -خطة المحتوى و أعمدة المحتوى. - مقدمة إلى SEO ,GEO ,AEO. -التسويق بالإيميل. - الحملات الإعلانية المدفوعة. -مؤشرات الأداء و طرق تتبعها. -خوارزميات أهم منصات السوشال ميديا. - طرق لإدارة الوقت للفريلانسر. و العديد من المحاور الأخرى الداعمة لفكرة البرنامج. البرنامج قيم جداً و مليء بالخبرات تم تنفيذه من قبل منظمة بنفسج بالتعاون مع مركز ديجيت للابتكار الرقمي و برنامج الأمم المتحدة الإنمائي و بدعم من الحكومة اليابانية. ممتنة جداً لهذه الفرصة و للمعلومات و الخبرات و العلاقات اللي حصلت عليها بسبب هذا التدريب و ما فينا ما نذكر مركز ديجيت اللي قضينا فيه وقت طويل و كان مساحة النا و لأفكارنا و كان شاهد على التزامنا و تطورنا شكراً جزيلاً لكل القائمين على برنامج آفاق الرقمية و للمدربين جميعاً و تشرفت بمعرفة جميع الزملاء VIOLET ORGANIZATION | UNDP Syria | DIGIT Innovation Hub | Alaa Albakour.

ماني عارفة كيف خلص رمضان بهالسرعة ! بس كان من أحب الأشهر لقلبي تقبل الله طاعتكم و كل عام و أنتم و عائلاتكم بألف خير و صحة و سعادة ✨

بيكفي تبيع وهم ! لتعرف شو بقصد تابع الكاروسيل للآخر و ما تنسى تشاركه مع محيطك المهتم لينتبه لأهمية الموضوع ♻️ 🔹الصيدلانية أليسار مصطفى 🔹أساعد شركات التجميل في تحويل رؤيتها إلى محتوى مؤثر يبيع و يبني علاقة مع الجمهور ويحقق أهدافها.

أكتر وصف كارثي بينكتب لمنتج تجميلي❌ “منتج بيعطيك بشرة زجاجية خلال أيام”. هذا النوع من الوعود مو بس يضر المستهلك كمان بيأذي سمعة شركتك لهيك ما في داعي للمبالغة بالمحتوى الطبي التجميلي ⬅️احكي علم مع رشة كتابة تسويقية و ما تنسى تواكب التطورات بالسوشال ميديا و تفهم جمهورك صح شو بدو يعرف عن منتجك و كيف بيحب يتعرف عليه! و شو أكتر المزايا اللي ممكن يهتم فيها عميلك. و لأي استفسار عن المحتوى التجميلي اكتبلي بالكومنتات

كيف حولت حساب عميلي على لينكد ان إلى مغناطيس عملاء؟🧲 قبل أكتر من 3 أشهر بدأت بخطة محتوى تخصصية لحساب أحد العملاء على لينكدإن النتائج كانت أكثر من أرقام عالية كانت مؤشرات و فرص تعاونات محتملة يومية بمعدل 4-5 عملاء محتملين يومياً عبر الرسائل الخاصة 📍كيف حققت هالنتائج بوقت قصير؟ 1️⃣حددت الجمهور المستهدف بدقة. 2️⃣حددت نقاط ألمهم الأساسية. 3️⃣حضرت نوعين محتوى : ✔️محتوى موجه تعليمي يخاطب نقاط ألم الشريحة المستهدف يظهر العميل كخبير في مجاله. ✔️محتوى إنساني لبناء علاقة مع الجمهور. 5️⃣محتوى منسق و سهل القراءة. 6️⃣هوكات مدروسة تجذب انتباه الشريحة المستهدفة. 7️⃣لغة إنسانية واضحة من دون تعقيد. 8️⃣مصداقية بالمحتوى مدعومة بأرقام و دراسات high authority Content. 9️⃣الاستمرار بالنشر وفق استراتيجية تمزج بين الأسلوب العلمي والعاطفي الإنساني. 1️⃣0️⃣دعوة واضحة إلى التفاعل: ال CTA عبارة عن خطوة واحدة بدون تشتيت للقارئ و هي المراسلة على الخاص. شاهد تفاصيل نمو الحساب في الكاروسيل 👇🏻 إذا أردت نتائج مماثلة راسلني على الخاص 🔹الصيدلانية أليسار مصطفى 🔹أساعد شركات التجميل في تحويل رؤيتها إلى محتوى مؤثر يبيع و يبني علاقة مع الجمهور ويحقق أهدافها.

هل الأرقام هي كل شيء ؟ قد تبدو لك إحصائيات مرتفعة إن كنت مبتدئ أو أرقام عادية إن كنت صانع محتوى خبير لكنها و بكل رضا هي نتيجة 3 أشهر من الالتزام رغم الضغوطات الهائلة في العمل و الدراسة و الحياة الشخصية من نتائج المثابرة و الالتزام و الجهد الكبير على منصة لينكد ان: ✔️ عدد كبير من العملاء محتملين طيلة فترة تواجدي على المنصة. ✔️ تعزيز علامتي الشخصية (Personal Brand). ✔️تطور على الصعيد الشخصي و المهني بسبب متابعة الخبراء ✔️أكثر من 5 علاقات مهنية رقمية تحولت لعلاقات حقيقية. ✔️​معرفة أحدث التوجهات والتحديات في مجال عملي. ✔️​​ملف أعمال (Portfolio) حيّ (من خلال خطة المحتوى التي يتم إعدادها لحسابي). ✔️​تطوير فن التواصل المهني الرقمي. ✔️قبولي في تدريبات تخصصية عالية المستوى. ✔️عملي مع شركات دون أي مقابلة شخصية أو بورتفوليو. شاركني شو فادك لينكد ان ؟

في يوم المرأة العالمي تحيّة لكل امرأة اختارت تبني طريقها بصمت و تشتغل على حالها رغم صعوبة الطريق و اختارت تقوي حالها كلما تعبت و تمنح اللي حواليها قوة حتى بأكتر الأيام التي بتحس فيها بالضعف. للأم التي بتعطي من دون مقابل والأخت التي بتسند و الزوجة التي بتشارك الحياة بحب والابنة التي بتكبر أحلامها معها كل يوم و الرفيقة التي كلمتها بتداوي الجرح و من خبرتي المتواضعة تذكّري دائمًا: - أنك تكوني بطلة قصتك، مو مجرد شاهدة عليها. - جمالك بيبدأ من تصالحك مع حالك مش من معايير حطوها الآخرين. - النجاح ما اله شكل واحد اختاري الشكل اللي بيشبهك - المقارنة بتطفي نورك ما تعطيها أهمية إطلاقاً. - صحتك النفسية مانها رفاهية هية أساس كل حياتك السعيدة. - لما تحطي حدود للآخر مين ما كان يكون هي مانها قسوة ! هي إثبات يومي لحبّك و احترامك لنفسك. - سامحي حالك، و عطيها فرصة جديدة كل يوم. - و تذكري أنك بتستاهلي كتير من الحب و كتير من الطمأنينة و الراحة كل عام وأنتِ الخير و السعادة الك و لكل اللي حواليك أنتِ مانك “نصف المجتمع” أنتِ الحياة

6000 متابع، بس صدقني الرقم مو مهم! من 3 سنوات وأنا موجودة على لينكدإن بشغف كبير صحي كانت خطواتي غير منتظمة و من دون رؤية واضحة لكن على الأقل ما وقفت بصناعة المحتوى الطبي و ضليت اتعلم و جرب خلال هي الرحلة إلى أن تخصصت بالمحتوى التجميلي و بصراحة ما بخفيكم كنت حابة فكرة الوصول لعدد متابعين كبير لأني كنت مفكرة انه النجاح بعدد الفولورز لكن الآن و بعد ما فهمت قواعد اللعبة تغيرت وجهة نظري ١٨٠ دجة صار هدفي أوصل للناس الصح و بس ! صار وقت نطلع من سجن الأرقام و الإحصائيات و نصير نفكر كيف نوصل لجمهورنا المستهدف و ليش بدنا هاد الجمهور بالتحديد! و نحدد أصلاً شو هية المشكلة اللي منحلها و كيف منحلها و ليش منحلها ؟؟ كلها أسئلة بتستحق نضل نصفن فيها مرة وتنين و تلاتة احسن ما نضل نسأل حالنا (كيف وصل ل ٣٠٠ ألف متابع !) أما بالنسبة لزيادة أعداد المتابعين و لو ببطء بيعطيني حافز و مسؤولية أكبر لضل قدم محتوى مفيد و متخصص ممتنة من قلبي ل 6000 داعم و صديق و زميل ومدير تعاملت معه أو تعرفت عليه من خلال لينكدان القادم اجمل بإذن الله

نصيحة للزملاء الفريلانسرز لا تقعدو لفترات طويلة ❌ كل نصف ساعة غيرو حركتكم و طريقة جلوسكم ✅ و الأفضل بناء عادات صحية يعني حاول تلعب رياضة يومياً و لو بدأت بنصف ساعة حفاظاً على بقايا العمود الفقري و شكراً

أخطر ما رأيت عن الذكاء الاصطناعي !!

مرة حدا قال لي"أنتِ بتشتغلي كأنك عم تهربي من شي." ضحكت وقتها و قلتله: "لا، أنا بس بحب الشغل" بس مع الوقت اكتشفت إنو الموضوع أعمق من مجرد "حب للعمل". العمل كان بالنسبة إلي مساحة أمان. و مكان بقدر رتّب فيه أفكاري و حس إنو عم أنجز و أتطور أما الفراغ ما كنت عارفة أتعامل معه أبداً لأني كنت عايشة على قيد (دفقات الدوبامين) اللي بيزيدو بعد كل إنجاز أكيد الإنجاز حلو بس أحياناً بكون طريقة نهرب فيها من حالنا و من أفكارنا أكيد بحب شغلي و بستمتع فيه و أكيد شغوفة بالتسويق بالمحتوى و التسويق التجميلي و أي شي بيتعلق بالتسويق بيلفتني و بيغريني لأتعلمه بس اللي حابة شاركه #من_رحلتي إنو الشغل ما لازم يأثر على علاقتك بنفسك و علاقتك مع محيطك و إلا النتائج رح تكون مانها صحية أبداً و للأمانة تعلمت و نفذت مهارة ما كنت أعرف طبقها من قبل و هي مهارة قول "لا" لأي شي بيستنزفني و بيجبرني اندمج أكتر بعالم الشغل و الإنجاز وصرت فعلاً استمتع بلحظات الراحة لأن فعلاً حسيت بأهميتها و قيمتها الصحية و النفسية و حتى بأثرها على جودة الإنجاز مع إنو الراحة كانت ( فكرة غير مريحة) إلي بالبداية. و هيك بكون قدرت أبدأ مشواري المتوازن بين العمل و الراحة و أنت خبرني بتعرف تتعامل مع الفراغ و الراحة ؟

تخيل منظر سيارات فولكس فاغن بلون baby pink، أضويتها الها رموش، و عم تتفتل بالشوارع و مثبت عليها منتجات تجميل ثلاثية الأبعاد!! لا لا هاد مو حلم صبية مهووسة بالميكاب 🤣 ولا دعاية عالتلفزيون هي حملة تسويقية حقيقية لشركة تجميل سورية تنفذت بالشام و بعدها انتقلت لمحافظات تانية نتائج هي الحملة كانت أنه الصبايا اللي ما بيعرفوا الشركة صاروا يسألوا عنها ? والصبايا اللي بيعرفوها صاروا مهتمين أكتر بالشركة. ✅ بالنسبة إلي، كتير حبيت اللي عملوه، رغم إني ما بشتغل بالشركة وما بعرف حدا فيها😂 (بس و لكن) تعو نحكي تسويق: اللي عملوه هو غوريلا ماركتينغ (Guerrilla Marketing) و هي طريقة ترويج غير تقليدية بتعتمد على مفاجأة الجمهور و بتحفزهم على التفاعل، بدال الإعلانات التقليدية. الفكرة الأساسية من غوريلا ماركيتنيغ 🦍 هي خلق تجربة لا تُنسى للجمهور، و غالبًا بتكون بطريقة مبتكرة أو مرحة، حتى يحكو الناس عنها من تلقاء نفسهم. الشركة ما اكتفت بسيارة لطيفة، كمان كانوا عم يوزعوا هدايا مجانية للصبايا بطريقة مفاجئة بالشارع، هاد اللي زاد الحماس والاهتمام بشكل كبير عند الصبايا. النتيجة: ✅ضجة حقيقية وانتشار قوي على السوشال ميديا. ✅كلام الناس لبعضهم (Word of Mouth) صار أسرع من أي إعلان مدفوع. ✅زيادة واضحة في رغبة الصبايا باقتناء منتجاتهم الجديدة.💄 فخورين بوجود براند تجميل محلي فاهم السوق و فاهم الجمهور و فاهم الميديا و الدليل أنه كل اسبوعين إلى ٣ اسابيع في منتج جديد. الله يرزق الجميع برافو AnyKlaen شغل مرتب و بيبض الوجه 👏🏻 مين شاف هي السيارات بالشام و شو رأيكم بهيك نوع حملات ؟

مش كل منتج جديد لازم يكون اختراع! أحيانًا، أفضل قرار تسويقي هو إعادة تقديم منتج موجود بالفعل لكن بطريقة مختلفة. متل لما نفهم التركيبة جيدًا ونربط فوائدها باحتياجات السوق الحالية بيتحول المنتج بذهن العميل لشي “جديد” حتى لو كان موجود من سنوات. و بقطاع الجمال تحديداً قيمة المنتج مو بتركيبته ممكن تكون بطريقة تقديمه و سرد قصته. العميل بيصير يشتري الفكرة اللي عم يفهم من خلالها ليش هاد المنتج مهم اله💡 ومن زاوية تسويقية : إعادة تقديم المنتج أو الـ Rebranding (اللي هي أكبر من مجرد تغيير تصميم العبوة أو الاسم). الدراسات التسويقية بتوضح أنه تحديث الهوية أو إعادة تموضع المنتج ممكن يرجع يجذبلك شريحة جديدة من العملاء و ينشطلك الطلب على منتجك الموجود أساساً بالسوق. مين بيعرف 🤷🏻‍♀️ يمكن التغيير بالرسالة والقصة يخلق قيمة أكبر بكتير من تغيير التركيبة نفسها. و أنت خبرني شو رأيك هل إعادة تقديم المنتج ممكن تكون أقوى من إطلاق منتج جديد تماماً؟ .

كنت مفكرة إن لقب "صيدلانية" هو نهاية الرحلة تخرجت من كلية الصيدلة و انا ما عندي خبرة كان الواقع عكس توقعاتي تماماً كل المعلومات اللي جمعتها و درستها ما كنت عارفة كيف أستفيد منها لحد ما اكتشفت منصة لينكد ان و عرفت اهميتها من خلال ورشة عمل و كنت ميالة لصناعة المحتوى المكتوب لهيك بدأت صناعة محتوى من بداية عام 2023 صحيح كانت baby steps و كان محتوى من دون استراتيجية لكن بالنسبة الي تعلمت من تجربتي و هاد الشي كافي الي لحد ما صرت هلق بقدر قول عن حالي LinkedIn content creator خليني أعطيك خلاصة تجربتي اللي وصلتله بعد 3 سنين معافرة عالمنصة 😂 ب 4 خطوات بس 💡 1️⃣المحتوى هو المفتاح 🗝️ هو الطريقة اللي بتحول فيها خبرتك و معلوماتك لوجود رقمي يحكي عنك و يبنيلك علاقات حقيقية. 2️⃣المنصة مو بس للشهادات و الإنجازات📜 جرب اكتب عن تجاربك، عن قيمك مواقف أثرت فيك، مواقف علمتك (مستخدمي لينكد ان محبين للاسلوب الانساني الحقيقي و بيتفاعلو معه من قلب). 3️⃣ ابدأ و ما تخاف المهم تبدأ✨ كيف ما كان أول منشور الك لا تدور عالمثالية، واجه خوفك و ابدأ 4️⃣ لا تنسى رقم 3 أبداً شاركني تجربتك على لينكد ان و شو بتضيف نصيحة عاللي ذكرتهم ؟

هل يمكن أن يكون قوام المنتج التجميلي ميزة تنافسية حقيقية؟ في كثير من الحملات التسويقية لمستحضرات التجميل، يتم التركيز على: لون المنتج، مكوناته، أو فعاليته. لكننا غالبًا ننسى أن أول تجربة حقيقية تعيشها المستهلكة مع المنتج و هي إحساسها بالمنتج على بشرتها.💆🏻 قوام المنتج أصبح جزء أساسي من تجربة الاستخدام. فالقوام يجيب عن أسئلة مهمة لدى المستهلكة مثل: • هل المنتج لطيف على البشرة؟ • هل يناسب الاستخدام اليومي؟ • هل يمنح شعورًا بالراحة والأمان؟ • هل يترك إحساسًا منعشًا وخفيفًا؟ • هل يمتص بسرعة أم يترك أثرًا دهنيًا؟ لذلك عندما نتحدث عن قوام المنتج من زاوية علمية و تسويقية فإننا نرفع قيمته في ذهن المستهلكة بعيداً عن الوصف العام له ونمنحها سبب حقيقي لتجربته. 📍 التسويق الفعّال يركز على وصف التجربة الحسية الكاملة للمنتج. إذا كان لديك منتج تجميلي وتريد تسويقه بذكاء عبر السوشال ميديا فالمحتوى الذي يشرح تجربة المنتج بوضوح ممكن يكون الفرق بين منتجك و المنتجات المنافسة. أنا بساعد الشركات التجميلية لتبني استراتيجية محتوى واضحة و تحوّل ميزات منتجاتها إلى رسائل تسويقية مؤثرة.💡 إذا بدك تعرف كيف المحتوى ممكن يزيد مبيعات منتجك تواصل معي عبر الرسائل الخاصة لنناقش خارطة العمل المناسبة لعلامتك.

سعيدة كون ضمن ٧٠٠٠ صانع محتوى سىوري على لينكد ان ✨ إحصائيات و أرقام مثبتة و موثوقة نشرها الأستاذ محمد مشكوراً اعتماداً على linkedin sales navigator. Mohamad Jandali ما أكثر تحدي يواجهك في صناعة المحتوى التخصصي على لينكد ان؟

أنا فعلت وضع العيد من هلق 😅 و أنت ؟ دخلت Eid mode ولا لسا ؟

حيلة ساعدتني ابتكر أفكار محتوى جديدة 💡 مين منا مانه مشترك بنشرات بريدية مهمة إله بمجاله لدرجة أنه in box صار معبى إيميلات غير مقروءة( و أغلبنا مانه فاضي يقرأها). طيب ليش ما منستفيد من هي النشرات البريدية بمحتوانا ؟ رح شارككك طريقتي ✅ممكن تنشر عن مقالة و تلخصها مع ذكر المصدر. ✅ممكن مقالة من مقالات النشرات البريدية تعطيك فكرة جديدة تكتب عنها بأسلوبك الخاص. ✅ إذا كان مقال النشرة البريدية تعليمي أو حتى تطبيقي بتقدر تجرب الخطوات و تشارك النتيجة على حسابك على لينكد ان. و هيك بتصير تقرأ مقالات النشرات البريدية و بنفس الوقت بتتعلم و بتتطور و كمان بتعمل أفكار محتوى لا نهائية ✨ جربها و خبرني النتيجة و أنت خبرني كيف بتجيب أفكار محتوى ؟

كم حدا منكم بيرجع لقائمة save ؟ بستغرب أنه أهم KPI على لينكد ان هو زر الحفظ حتى مصمم واجهة لينكد ان حاططه بشكل مخفي وبده مجهود لينضغط 😅 مش بالأيقونات تحت المنشور خبرني هل اللي بتعمله حفظ بترجع تقرأه أو بتحط المنشور بدرج الكركبة و بتنساه ! 🤣 #يتسائل_مراقب

حياة الفريلانسر باختصار 😂

نصائح مهمة من الأستاذة Asmaa Al-Khaldi هل ننشر في وقت الحرب ؟ و كيف ننشر يعطيك العافية معلومات مهمة و تهم كل صانع محتوى على لينكد ان

ما هو التحدي الذي تواجهه؟