Amran Al Kerata's Recent LinkedIn Posts

في أداة اسمها gitreverse بتخليك تعيد بناء أي مشروع بـ 30 ثانية الفكرة بسيطة: تحط رابط أي repo عام على GitHub، وبترجعلك البرومبت الكامل اللي بتقدر تبني فيه نفس المشروع من الصفر، جاهز تحطه على Claude Code مباشرة جربتها، والنتيجة مش بس نسخة، نسخة إنت مالكها وتعدل عليها كيف ما بدك الـ workflow كله أربع خطوات: 1. تحط رابط الـ repo بالأداة 2. بترجعلك البرومبت كامل 3. تحطه على Claude Code 4. تشوف المشروع يتبنى قدامك بس في شي مهم لازم تعرفه أنت أصلاً تقدر تعمل هاد بدون الأداة افتح Claude Code، اعطيه أي repo عام، وقوله "افهم هاد المشروع وابنيه" رح يقرأ الكود كامل، يفهم الـ architecture، ويبدأ يبني gitreverse بس بتوفرلك وقت، بدل ما Claude يقرأ 200 ملف، بيقرأ برومبت واحد نظيف هون بيجي السؤال الحقيقي إذا أي مشروع ممكن تعيد بناءه بـ 30 ثانية، شو بالضبط هو الـ Your moat؟ الكود مش محمي الفكرة مش محمية اللي بيضل عندك هو السرعة مو السرعة بمعنى تركض، السرعة بمعنى إنك تشوف الفرصة وتنفذها قبل ما الثاني يفكر فيها الأداة مجانية الان، بناها Fili نفس اللي وراء GitMVP 🔗 الأداة: https://lnkd.in/eXqVxv7S 🔗 الـ repo: https://lnkd.in/esnTqavF شو أول مشروع رح تجرب تعيد بناءه؟

كلمتين من القلب للناس يلي تنشر اخبار ال AI يومياً ونصيحة للمبتدئين في اي مجال

حسابي الأساسي تسكر بسبب خطأ بعد وصولي لحوالي 2k متابع وحوالي 150k وصول وهاد حساب جديد بسم الله نبدأ الرحلة من الأول بعد توفيق الله نحتاج دعمكم 🚀🔥

كل دولار بتدفعه لـ Claude Code، نص منه بيروح على شرح يلي سويته البارحة 💸 مش مبالغة ولكن كل جلسة جديدة بتفتح الـ Terminal بتبدأ من الصفر تشرح المشروع، تبني الـ Context، تعيد نفس الكلام، وبعدين بعد شوي توكنز بتطير ويضرب الـ Rate Limit. مش مشكلة ذاكرة، مشكلة تصميم. Claude-Mem جاءت تعالج هي النقطة بالظبط بتعطيه ذاكرة دائمة تشتغل عبر الجلسات، بدون ما تعيد شرح شي من الصفر كل مرة. النتيجة على أرض الواقع: ⚡ 95% أقل توكنز محروقة على context متكرر 🔁 20 ضعف تنفيذ قبل ما توصل لل Rate Limit 🧠 وقت فعلي بيتحول من إعادة شرح لبناء فعلي المشروع مفتوح المصدر، وهو من أذكى شي شفته بحل مشكلة حقيقية بدل ما يضيف feature مش محتاجها حدا. رابط المشروع: https://lnkd.in/duurkuRT

#الحاجة_ام_الاختراع صارت معي قصة من كم يوم وحبيت اشارككم فيها

#خلف_الكواليس قريباً إن شاء الله راح نطلق مكتبة البرومبتات / الموجهات, الخاصة بليمونة فكرتها بسيطة جداً بدل ما تتعب نفسك و تقول للـ AI يظبط لك منصتك في ليمونة ويسوي اشياء ناقصة وتقعد تروح وتجي معه كل مرة, احنا سهلنا عليك الموضوع و جمعنا لك أهم البرومبتات يلي ممكن تستخدمها عندنا, و مبنية بطريقة مناسبة تماماً ومخصصة لمنصتك على ليمونة, بحيث تغطي كلشي تحتاجه إن شاء الله شوف معي مثلاً: حابب تظبط الـ SEO لمنصتك وتحصل على أعلى نتيجة ممكنة؟ حابب تبني صفحة هبوط لمنتجك بشكل تسويقي احترافي؟ حابب تاخد احصائيات و تحليلات كاملة لمنصتك مع توصيات؟ حابب تقسم جمهورك و عملائك بشكل دقيق عشان تستهدفهم تسويقياً؟ حابب تبني منتجك الرقمي بشكل سريع وسهل بدون ما تسوي اي شي روتيني و يدوي؟ طيب خود الكبيرة (عشان بدي مصلحتك و بدي سهل الدنيا عليك) حابب تعمل كل هاد ب جلسة وحدة مع Claude AI او اي اداة AI تانية؟ ابشررررر إن شاء الله انتظر اعلان اطلاق مكتبة البرومبتات في ليمونة خلال كام يوم إن شاء الله وهي فديو من خلف الكواليس للشي يلي عم نبنيه بإذن الله عضة كوساية و يصير جاهز بإذن الله

قاعد بختبر وبسوي testing لميزة الاختبارات عندنا قبل ما نطلقها ب lymonah | ليمُونَة و اووووف يا شباب قديش فيها تفاصيل وقديش راح تعجبكم لما ننشرها ان شاء الله المهم خبروني ايش حابين يكون فيها؟ وايش الشي يلي انت ك صانع محتوى تتمنى يكون موجود لما تسوي اختبارات لطلابك؟ ملاحظة: ارجوكم لا حد يسوي zoom عشان يشوف الأسئلة يلي بكتبها هههههههه

تخيل بدل ما تصدّر طلابك على ملف إكسل وتقعد تفلتر فيهم سطر سطر، وبعدها تنقلهم لمنصة تانية مشان تسوّقلهم... بس تعطي Claude برومبت واحد وهو يقسملك كل طلابك لمجموعات على ليمونة مباشرة ويجهز استهدافهم بحملات تسويقية كل واحد حسب وضعه بالمنصة بدون اي شغل يدوي حرفيا!! وكل هاد بضغطة زر يتم طبخ اشياء جميلة وهي تسريب من الفرن 🔥🔥 lymonah | ليمُونَة

خلال أخر ٦ سنين بحياتي, بفضل الله سبحانه تغيرت حياتي 180 درجة و طبعاً انا مش خبير او جايب الديب من ديله ( لسه بتعلم كل يوم و بغلط وبوقع و بطور نفسي بفضل الله) لكن نصيحة وحدة اعطيك اياها واشتغلت معي كتير وكل مرة كانت تنجح( بعد توفيق ربنا) هي انك تبدا وتورط نفسك, ولا تخجل تفشل قدام الناس او انه الناس تشوفك انت ولسه عم تتعلم و توقع وتفشل لولا الفشل عمره ما حد كان ناجح و تذكر انه اي حد انت بتشوفه ناجح بالنسبة الك ب مجالك, كان بيوم من الأيام صغير و جاهل و لكنه كان يتعلم كل يوم و يفشل لحد ما ربنا كرمه ووصل لذلك ابدا ولا تنتظر ولا تحرم نفسك متعة البدايات و متعة التعلم على الطريق بحجة ماني جاهز او منتظر اللحظة المثالية توكل على الله و ابدا وخذ بالأسباب

الوضع عندي بعد ما بنكون انا وماهر Maher El Gamil بدنا ناخد قرار يخص lymonah | ليمُونَة ويكون كل واحد فينا رأيه مختلف عن التاني تماماً ونحاول بقى كل واحد يشرح للتاني رأيه و زاويته وتقعد بقى تكتب الأفكار والملاحظات يلي برأسك أثناء النقاش سويت تغبيش عشان كنا بنحكي بموضوع مهم جدا 😂

أغلب المشاريع ما بتفشل لأنه الفكرة سيئة… بتفشل لأنه ما حدا بدّو الحل أصلاً والمصيبة الأكبر؟ لما تسأل الناس "شو رأيك بفكرتي؟" الكل رح يجاملك. بس في سؤال وحيد بيكشف الحقيقة كاملة وبيوفّر عليك سنة من عمرك وآلاف الدولارات. السؤال موجود بالفيديو احكيلي بالتعليقات: لو سألت ١٠ عملاء بكرا، مين بتوقّع يجاوبك برقم محدد؟

الفديو مخصص للناس يلي ما عندها تعفن دماغ وقادرة تشوف فديو مدته 5 دقايق بدون ما يبلش يتوتر ويهرش بنفسه ومش قادر يكمل وبده يسوي skip شكرا يا برنس Mohammad Abdullah

جربت ما استخدم ال AI ليوم كامل

المنتج الرقمي ليس مشروعاً جانبياً. والمشكلة في كلمة "جانبي" نفسها، لأنها تقتل الإلتزام. والمنتج بلا التزام و استمرارية لا يصل إلى أحد. التركيز الكامل هو ما يصنع الفرق. هو ما يحوّل خبرتك إلى دخل مستمر بإذن الله، لا إلى محاولة يائسة تنتهي بعد شهر (لانه خلص الحماس) قبل أن تبدأ، اسأل نفسك ثلاثة أسئلة: 1- هل جمهوري المستهدف واضح؟ 2- هل الوعد الذي أقدمه, والألم الذي أحله واضح؟ 3- هل لدي خطة إطلاق فعلية، أم مجرد فكرة تخطر على بالي في أخر الليل؟ (بعد ٣ ساعات من السكرول على انستجرام) هذه الأسئلة الثلاثة هي ما تفرّق بين صناع المحتوى الذين يصلون، والذين يبقون عالقين في خانة المحاولة. أي سؤال من هذه الثلاثة يحتاج منك إجابة الآن؟

بتعرف شو أخطر من إنو AI يكتب كود؟ إنك تضل مفكر إنو شغلك الحقيقي هو بس "كتابة الكود". 🔥 اليوم أي AI يقدر يولّد دوال، classes، وحتى نسخة أولى MVP من feature بسيطة. بس بصراحة… أغلب المبرمجين اللي خايفين من الاستبدال، في عندهم مشكلة غياب الوضوح: مين المستخدم؟ شو ألم المستخدم؟ وين المشكلة الحقيقية؟ فهمت شغلة بسيطة: قبل ما تكتب ولا سطر كود… شغلك كمبرمج مو بس تفتح IDE. شغلك تبدأ من الفهم، من التصميم، من القرار: نبني أو ما نبني أصلاً. تعال نحكيها تقنياً وبهدوء: AI يساعدك في: 1) توليد نسخة بسيطة من الكود بسرعة. 2) اقتراح حلول open-source أو حتى مجاني يقلل تكلفة التطوير. 3) تحسين استهلاك الموارد، سواء وقت أو توكنز أو حتى تكلفة السيرفر. بس إنت كمبرمج مسؤول عن: 1) فهم الroadmap وربط كل feature مع KPI واضح. 2) تعريف metrics: شو يعني نجاح؟ تأخير أقل؟ مستخدم مبسوط أكثر؟ 3) القرار: جرّب، قِس، عدّل، كرّر… بدون وجع راس للمستخدم. 4) ضبط الجودة: أمان، performance، maintainability. الزبدة: AI صار زميل بالشغل، مو بديل… إذا إنت شايف حالك صانع حلول، مو بس كاتب كود. سؤالي إلك: لو AI كتب لك كل الكود اللي بدك ياه، شو الشي اللي ضل إلك تضيفه على الطاولة كمبرمج؟ وبس سلام 👋

7 نصائح ممكن اعطيك ياهم من خلال رحلتي في بناء lymonah | ليمُونَة والتي ما زالت مستمرة بإذن الله 1- توكل على الله واعلم انه كل شيئ بيده حتى لو سعيت سعي قد السماوات والأرض, لن تفلح إلا بإذنه 2- لا تدخل اي بزنس جديد او تترك وظيفتك الا اذا مأمن نفسك بالحد الأدنى ٦ شهور لقدام ( والآمان بالله) 3- حط ببالك انك راح تشتغل ليل بنهار وتسوي كتير أشياء ما بتعرفها مشان الشغل ينجح 4- استغل علاقاتك بشكل جيد لانها اقرب واسرع طريق تحصل فيه على عملاء بالفترة الأولى 5- ابني علاقات جديدة مع الناس بمجالك بشكل مستمر 6- خلي القراءة شي أساسي بيومك و تعلم (بمجالك), شوف الناس الخبيرة شو بتنصحك تسوي 7- كون حريص انه شريكك بالعمل يكون شخص ذو أخلاق ويخاف ربنا قبل اي شي لانك راح تساندو بعض بالرحلة وبالآخر… توكّل على الله واعلم انه شو ماكانت النتيجة ف دائماً خطة الله اجمل من خطتك وبس سلام 👋

مو كل Feedback لازم تمشي وراه… خصوصاً بمنتجك الأول 🚨 أخطر شي بمنتجك الأول مو قلة الـ Feedback… أخطر شي إنك تسمع لكل شي! تعال نحكي بصراحة. أول منتج إلك بيكون هش شوي، وأي رأي بيهزّك. بس إذا ركضت ورا كل طلب، بتصير عم تبني منتج “للكل” وبالنهاية ما بيعجب حدا. ليش الموضوع مهم؟ لأن العميل بيعطيك حل من زاويته، مو دايماً بيعطيك المشكلة الصح. خلّينا نمشي خطوة بخطوة، كيف تفلتر الفيدباك: 1) اسأل: شو المشكلة اللي عم يحاول يحلها؟ مو شو الميزة اللي بدها. 2) قارنها مع الأولوية تبعك: هل بتخدم الهدف الأساسي ولا بتشتتك؟ 3) انتبه للتكرار: إذا نفس الألم عم يرجع بصيغ مختلفة، هون لازم توقف. 4) فرّق بين “تحسين تجربة” و“تغيير اتجاه”: الأول غالباً ضروري، التاني بده قرار واعي. الفكرة بسيطة: اسمع كتير، نفّذ شوي، ووضّح ليش. الزبدة: مو كل Feedback لازم يتنفّذ، إنما كل Feedback لازم ينفهم. سؤالي إلك: شو أكتر نوع فيدباك بيضل يشتتك بمنتجك؟ اكتبلي بالتعليقات. سلام 👋

تقضي شهوراً وأنت تدور حول فكرة منتجك الرقمي، وثلاثة برومبتات قد تنجز ما عجزت عنه. أصعب خطوة ليست في التصميم ولا في التصوير، بل في تحويل الفكرة الغامضة إلى منتج واضح: اسم، وسعر، وزاوية بيع. جمعت ٣ برومبتات تأخذك من "عندي فكرة" إلى "هذا منتجي، وهذا سعره"، في جلسة واحدة. احفظ المنشور الآن حتى لا يضيع منك. واكتب كلمة "برومبت" في التعليقات، وسأرسل لك الملف كاملاً في رسالة خاصة. ما الخطوة التي تتعثر فيها أكثر: الفكرة نفسها، أم تسعيرها؟

كلود كود صار يدعم Remote Control 🔥 يعني بتقدر تبدأ تاسك من الترمينال، وتطلع تمشي أو تدخل Meeting، وتكمل تتابع الشغل من تلفونك عن طريق تطبيق Claude أو http://claude.ai/code كلود بيضل شغال على جهازك وانت بتتحكم بالجلسة من أي مكان. هي الميزة راح تغير طريقة شغلنا بالكود بشكل كامل.

مشترك واحد بإيميلك = 1000 متابع بالسوشل ميديا. اه والله مش مبالغة يا صديقي Email Open Rate: 30-40% Instagram Reach: 6% Facebook Reach: أقل من 5% والأرقام عم تنزل كل سنة. السوشل ميديا تبنّت Pay to Play. يعني المتابع اللي تعبت سنين لتجيبه، ما بيشوف 94% من محتواك. الإيميل؟ بيوصل مباشرة بدون خوارزمية بدون وسيط اللي عم يبني Mailing List، عم يبني أصل بيملكه. اللي عم يعتمد على السوشل ميديا فقط، عم يستأجر بيت من صاحبنا زوكربيرغ ف انت شو عم تبني؟

الموضوع حرفياً بوفر وقت هائل عليك تخيل بس من محادثة وحدة: 1- تبني صفحات الهبوط وتعدل فيهم براحتك وكيف ما بدك, او ترفع تصميم جاهز و تقله سوي لي نفسه على ليمونة 2- تبني المنتج او الكورس كامل مع تفاصيله و تقسيماته, وحتى تظبط الـ SEO كامل للمنصة بشكل احترافي 3- تبني الاختبارات و الأسئلة كاملة او ترفع له اكسل شيت و تقله ضيف لي كلشي ك اختبارات بالمنصة وتحدد وين بدك تضيفهم بالضبط وانت عم تشرب قهوة 4- تبني العروض التسويقية كاملة و الكوبونات 5- تطلع تقرير مبيعات كامل مع تصميم سوبر رائع وسوبر نايس من Prompt واحد بس 6- تقسم طلابك على شرائح بس من خلال وصفك لهم و بعدها تستهدفهم بحملات تسويقية 7-تسوي نظام تدوين و مقالات و تنشرها بشكل آلي بدون ما تضغط زر! اذا لسه بدي اكمل القائمة راح تصير طويلة كتير الموضوع اقسم بالله فيه كمية متعة بالشغل و توفير وقت و فلوس بشكل خرافي ما عاد تحتاج انك تجيب موظف و تدفع له راتب بس عشان يضيف لك المحتوى و ما صرت بحاجة مصمم يصمم لك او مبرمج يطبق لك التصميم يلي كان ياخد منك اسابيع وشهور شغل، صار الان بيخلص مع ليمونة و كلود Claude وفنجان قهوة (او اي مشروب تاني مش مشكلة😉 ) عيش حياتك كلها و صمم و بيع منتجاتك بصوتك حتى, مش محتاج تكتب! lymonah | ليمُونَة وبس سلام 🙋‍♂️

التغيير لا يحدث بقرار عظيم إنما بقرارات صغيرة تتراكم كل يوم

أثبتت دراساتٌ عالميةٌ عديدة أن السلوك البشري يحرّكه الخوفُ من الخسارة أقوى مما يحرّكه السعيُ وراء المكسب، وهذا ما يسمّيه العلماء «النفور من الخسارة». ولأنّ تجنّب الخسارة دافعٌ أشدّ من الرغبة في الربح، فإنّ أبسط طريقةٍ تدفع بها نفسك إلى الحركة أن تمنحها شيئًا تخشى أن تخسره. مقتبس من كتاب: The diary of a CEO

ليمونة مش مجرد موقع تبيع عليه منتجك الرقمي ليمونة عبارة عن نظام كامل ترتب فيه شغلك وتنجز فيه بشكل كبير وتوفر وقتك وفلوس يلي كان بده اسابيع شغل صار بيخلص مع ليمونة بدقائق (انت وعم تشرب قهوتك) lymonah | ليمُونَة شكرا يا صديقي 🌹❤️❤️ Mohamad Yousif Ybroudi

لن يشتري أحد منتجك. ليس لأنه سيّئ، بل لأنه بدأ من الفكرة الخطأ. أغلب المنتجات الرقمية لا تفشل في التنفيذ، تفشل في الاختيار. نبدأ من سؤال خاطئ: "ماذا أريد أن أعلّم؟" ثم تُصرف شهور في بناء شيء لم يطلبه أحد. السؤال الصحيح: "ما الذي يدفع الناس مقابله فعلًا؟" قبل أن تبني أي منتج رقمي، مرّره على هذه الخطوات الخمس: ١. ابدأ من الألم، لا من الموضوع ٢. تأكّد أن هناك من يدفع فعلًا ٣. ابحث عن منافسين موجودين (غيابهم علامة سيئة) ٤. صغّر الوعد لأصغر نتيجة واضحة ٥. اختبر الفكرة قبل أن تبنيها أقوى خطوة فيها؟ الاختبار قبل البناء. السوق يخبرك بالحقيقة قبل أن تخسر وقتك. احفظ المنشور، وطبّق الإطار على فكرتك التالية قبل أن تكتب أول سطر. أي خطوة من الخمس تتجاهلها عادة؟

أحيانًا بتكون عامل كل شي صح بالنموذج، بس النتيجة بالنهاية: توقعات غريبة وقرارات ما بتتشكل. هون بيشتغل مبدأ: garbage in, garbage out. الفكرة بسيطة: إذا دخلت بيانات ملخبطة، ناقصة، أو منحازة على النموذج، لا تتوقع يطلع قرار نظيف أو قابل للاستخدام. خلينا نربطها بمنتج SaaS عربي بسيط لإدارة الاشتراكات. عندك فريق منتج عم يحاول يبني نظام توصية لخطة التسعير الأنسب لكل عميل. البيانات المتاحة: 1. أجزاء ناقصة من سجل الدفع 2. تواريخ اشتراك مو دقيقة 3. دول المستخدمين مو محددة صح بهالحالة، حتى لو النموذج مبني بأفضل مكتبات، النتيجة: 1. توصيات سعرية غلط 2. خصومات لعملاء ما بيحتاجوها 3. واقعية ضعيفة أمام أرقام الـ churn الحقيقية اللي بيهم مدراء المنتجات وفرق التطوير: 1. قبل ما تفكروا بالنموذج، اشتغلوا على البيانات: - تنظيف الحقول - توحيد الصيغ (تواريخ، عملات، لغات) - تعريف واضح لكل متغيّر 2. صوروا الـ data flow كامل من لحظة إدخال المستخدم للبيانات لحد وصولها للنموذج. 3. اتفقوا على حد أدنى من جودة البيانات قبل أي تجربة تنبؤية. الحقيقة المؤلمة: أول نسخة من أي نموذج تعلّم آلي في المنتج، هي مرآة مباشرة لحالة البيانات، مو لمهارة الفريق. يمكن الفائدة الأكبر اليوم مو بناء نموذج جديد، بل مراجعة أول 3 جداول بيانات بتغذّيه.

اذا فيه وقت مناسب انك تتعلم فيه البرمجة, فهو هاد الوقت صدقني بعد ما صارت هي الأدوات متاحة للجميع, صرنا نشوف كتير مشاريع وكتير ناس ما الها علاقة بالبرمجة عم تعمل مواقع و تطبيقات لا تخلي هاد الشي يحبطك ابدا, وجهة نظري بالموضوع هي: قد ما تطورت الأدوات, مستحيل تفهم و تبني لك مشروع صحيح 100%

أول عميل يدفع لـ SaaS تبعي… مو نهاية الرحلة بل بدايتها أول عميل يدفع لـ SaaS تبعك مو هدف نهائي، هو بداية وجع الراس الحلو لمنتجك 🚀 تعال نحكي بصراحة. بس تفكر بلحظة الدفع الأولى، بتكتشف شغلة: الموضوع مو Feature زيادة، الموضوع عقلية مختلفة بالكامل. غالباً قبل أول عميل مدفوع التركيز بيكون هيك: 1) كيف أكمّل الMVP 2) أي Stack أستخدم 3) قديش الكود مرتب بعد ما تنحط الفلوس فعلياً بالحساب، العقلية اللي لازم تطلع هي: 1) مين الشخص اللي دفع، وشو المشكلة الحقيقية اللي عم يحاول يحلها 2) كيف بخفف احتكاك الOnboarding، وخلّي الUser يوصل للقيمة بأقصر طريق 3) شو البسيط اللي ممكن يطيّر التجربة كلها (Bug صغير، Email ما وصل، شرح ناقص) الفكرة بسيطة: أول عميل مدفوع لأي SaaS هو أقرب Mirror للمنتج تبعك ولمخك كـ Founder مهتم بالAI وأدوات المطورين، مو بس للCode اللي كتبته. الزبدة: عامل أول عميل كـ Partner بالتفكير، مو كـ رقم صغير بالMetrics. سؤالي إلك: لو كنت اليوم على أبواب أول دفعة حقيقية لمنتجك، على شو بتحب تغيّر تركيزك أولاً؟ اكتبلي بالتعليقات. وبس سلام 👋

3 تجارب حقيقية من إطلاق أول منتج SaaS عربي أول مرة حاولت أطلق منتج SaaS عربي حسّيت حالي داخل لعبة بقوانين مختلفة تماماً عن السوق الأجنبي. لا اللغة لحالها كافية، ولا ترجمة واجهة بتعمل منتج عربي. تعال نحكي بصراحة. في 3 تجارب أساسية حسّيت إنهن بيشكّلوا عمود الفكرة لما تحاول تبني أول SaaS عربي فعلياً يخدم المستخدم المحلي، مو نسخة منسوخة من منتج أجنبي. 1) السوق العربي مو «نسخة مترجمة» من السوق العالمي أول تجربة اكتشفتها إنو طريقة استخدام الناس للأدوات أحياناً بتكون أبسط بكتير، وأحياناً أعقد بكتير من اللي متوقعه. الناس بدها تحل مشكلة معيّنة بسرعة، بس كمان بدها تحس إنو المنتج «فاهمها» بطريقة الكلام، بطريقة الرسائل، بطريقة الشرح. يعني مو كفاية تكتب الواجهة عربي، لازم طريقة الأسئلة، طريقة عرض الأخطاء، وحتى ترتيب الخيارات يكون قريب من طريقة تفكير المستخدم العربي. هون بيطلع سؤال مزعج شوي: انت عم تبني منتج، ولا عم تنقل تجربة أجنبية وتحطها بواجهة عربية؟ 2) الدفع والاشتراك قصة لحالها التجربة الثانية مرتبطة تماماً بثقافة الدفع. المستخدم العربي عنده حساسية عالية تجاه الاشتراك الشهري، خصوصاً إذا ما كان شايف القيمة قدامه من أول يوم. في فرق ضخم بين واحد يدفع مرة وحدة وينسى، وبين واحد يحس إنو كل شهر في التزام جديد. هذا الشي بيأثر على طريقة تصميم الخطة، طريقة التجربة المجانية، وكيف بتشرح الفاتورة. أحياناً المستخدم ما بيرفض السعر، هو بس مو فاهم شو عم يدفع على شو بالضبط. هون بيصير لازم تبسّط الفكرة: توضح شو بياخد، شو ما بياخد، وكيف بيوقف الاشتراك بدون وجع راس. 3) الـ MVP العربي مو نفس الـ MVP الأجنبي التجربة الثالثة كانت إنو مفهوم MVP عندنا بيتصادم مع توقعات المستخدم. المستخدم العربي أحياناً بيتوقع من أول نسخة إنو يلاقي كل شي جاهز، دعم سريع، شرح واضح، واستقرار منيح. بس انت كـ Founder/CTO بدك تطلع بأبسط نسخة ممكنة، وتختبر الفكرة قبل ما تغرق بالكود والـ features. هون التحدي الحقيقي: كيف تطلع MVP بسيط، بس بنفس الوقت ما يبين إنو «نص منتج». يعني مثلاً تركز على مسار واحد واضح، تحله من أوله لآخره، وتترك الباقي لمرحلة لاحقة. ما تحط عشرين زر، وتحط تحتهم عبارة «قريباً» بكل مكان، لأن هذا بيكسر ثقة المستخدم من أول زيارة. تعال نحكيها تقنياً وبهدوء شوي: انت بدك architecture تتحمل التوسع بعدين، بس حالياً بدك تجربة مستخدم ناعمة، بدون bugs واضحة، وبدون تعقيد. فبدل ما تلاحق كل فكرة، ركّز على: 1) user flow واحد أساسي يشتغل من التسجيل لحد تحقيق أول قيمة حقيقية. 2) قياس بسيط: كم واحد وصل لهالنقطة فعلياً؟ وكم واحد وقف بالنص؟ 3) تحسينات صغيرة متتالية، بدل refactor كامل كل أسبوعين. ليش الموضوع مهم؟ لأن كتير أفكار SaaS عربية بتموت مو لأنها سيئة، إنما لأنها ما قدرت تترجم التجربة للمستخدم العربي: لا بطريقة الدفع، ولا بطريقة الشرح، ولا بطريقة تبسيط أول نسخة. الزبدة: إطلاق أول منتج SaaS عربي مو تحدي تقني بس، هو تحدي فهم سلوك، وثقافة، وتوقعات. إذا قدرت توفّق بين MVP بسيط، وتجربة مستخدم محترمة، وطريقة دفع مفهومة، بتكون قطعت نص الطريق. سؤالي إلك: إذا فكرت تبني SaaS عربي، شو أكتر نقطة حاسسها مخيفة: التقنية، ولا التسويق، ولا الدفع والاشتراك؟ اكتبلي بالتعليقات، يمكن نكمّل عليها بمنشور تاني. وبس سلام 👋

شو السبب يلي بخلي بعض الشركات يكون فيها الفريق التقني مفصول ومعزول تماما عن مشاكل العميل؟ اشوف حالات كتير يكون في مشكلة عاجلة وطارئة عند العميل ومسببه تعطيل له لكن الفريق التقني مشغول باشياء أخرى وينظر لها على انها مشكلة ثانوية ويحلها على مهله لما يخلص التاسك يلي باديه إحدى الحالات يلي شفتها, مشكلة تقنية مسببة شبه شلل للعميل في الخدمة المقدمة, وتم إبلاغ الفريق التقني فيها ولكنه ما تعامل معها بالشكل المطلوب, وهو مشغول بأشياء ثانية تماماً زي تطوير ميزات جديدة او إصلاح Bugs و كأنه يعيش في عالم موزاي مفصول عن ما يشعر به العميل, والعميل قاعد يسب ويشتم لانه مشكلته ما إنحلت بالسرعة المطلوبة على من تقع المسؤولية برايكم؟

المبدع Amjad Masad مؤسس ريبلت Replit نشر فترة مقال بعنوان: How to Keep Winning والصراحة المقال قيم جدا وفيه نصائح مفيدة، خصوصا أنه صادر عن شخص له باع طويل وخبرة واسعة في ريادة الأعمال ومجال التقنية. لخصت المقال بـ 11 شريحة مبينا تعطيك الفائدة بشكل موجز بإذن الله. قراءة ممتعة 🫡 وشكرا Amjad Masad

أول 30 يوم بعد إطلاق SaaS: شغلات ما حدا بيحكي عنهن 🚨 أخطر شي بأول 30 يوم بعد إطلاق SaaS… مو الـ bugs. تعال نحكي بصراحة. قبل الإطلاق بتكون عايش بعالم roadmap وfeatures و"بس نخلص هالميزة". وبعد الإطلاق بتكتشف إن المنتج صار كائن حي. بيطلب دعم، مراقبة، وقرارات تشغيلية كل يوم. قبل: كنت مفكر إن النجاح يعني users أكتر. بعد: بتفهم إن النجاح يعني users ما بينزعجوا، وما بيتركوا، وبيقدروا يدفعوا بدون ما يعلقوا. في شغلات كتير ما حدا بحذرك منها، لأنها مو لامعة. بس هي اللي بتقرر إذا SaaS رح يكمل ولا لأ. 1) الدعم بيصير جزء من الـ product مو… إنما… الدعم هو الـ user flow الحقيقي. إذا المستخدم ما فهم خطوة، أو علق بصفحة، أو ما وصل لإيميله… هاي ميزة ناقصة. وبأول شهر، كل رسالة دعم هي bug report متنكر. 2) المراقبة والـ Access Logs مو رفاهية قبل الإطلاق بتقول: "بعدين منحط monitoring". بعد الإطلاق بتصير تسأل: وين عم يوقع؟ شو الـ endpoint اللي عم يتعب؟ مين عم يعمل requests غريبة؟ حتى لو ما عندك هجوم، في crawlers وloops بتطلع من ولا شي. وإذا ما عندك logs واضحة، بتصير عم تخمّن. 3) الفوترة والدفع بيطلعوا أصعب من الكود Stripe أو أي بوابة دفع بتبين بسيطة… لحد ما تصير حالات حقيقية. إيميل ما وصل، بطاقة انرفضت، اشتراك اتكرر، استرجاع، فاتورة بدها اسم شركة. هاي مو تفاصيل محاسبة، هاي تجربة منتج. 4) التسعير مو صفحة… التسعير قرار تشغيل قبل الإطلاق بتحط plans وخلص. بعد الإطلاق بتكتشف إن كل plan لازم يكون إله حدود واضحة. شو اللي بينحسب؟ شو اللي مجاني؟ شو اللي مدفوع؟ وإذا عندك AI أو tokens، التكلفة بتصير حساسة كتير. مو لأن المستخدم سيء، لأن النمو بدون حدود بيحرقك. 5) الأمان بيجيك من الزوايا اللي ما بتتوقعها مو لازم تكون شركة كبيرة ليصير عندك DoS أو Too Many Requests. وأحياناً المشكلة مو هجوم، المشكلة إنك ما حطيت rate limiting، أو ما سكرت endpoint مكشوف. وإذا في Source Code Exposure أو misconfig بسيطة، بتصير قصة كبيرة بسرعة. 6) الأداء بيبان بس مع الاستخدام الحقيقي قبل الإطلاق، كل شي سريع على جهازك. بعد الإطلاق، بتطلع مشاكل performance من user flow الفعلي. صفحة بتفتح ببطء، query بتكبر، cache مو مضبوط. والمستخدم ما رح يقولك "عندي latency"… رح يقولك "التطبيق ثقيل". 7) الـ onboarding أهم من أي feature جديدة أول شهر هو اختبار: هل المستخدم فهم القيمة خلال دقائق؟ إذا لأ، رح يطلع حتى لو منتجك عبقري. الـ copy، الرسائل، والـ empty states… هدول ميزات. الزبدة: أول 30 يوم بعد إطلاق SaaS هي مرحلة تثبيت. بتنتقل من عقلية البناء لعقلية التشغيل. ومن "شو الميزة الجاية؟" لـ "شو اللي عم يكسّر التجربة؟". وبالهدوء، بتصير تعرف شو تبني فعلاً… وشو كان ضجيج.

الله يسعدكم كان لقاء ممتع ومثمر ❤️🌹

تخيل معي الموقف التالي: انت موظف شاطر بشغلك، مبدع، وعندك مهارة بأكثر من مجال, الشركة لاحظت هي الموهبة عندك، وفجأة بلشت تطلب منك مهام خارج اطار شغلك واللي اتفقتو عليه بالعقد. بدون ترقية بدون زيادة بالراتب بدون حتى نقاش جدي حول مقابل عادل والحجة دائما جاهزة: “احنا واثقين فيك” “بنعرف انك تقدر” “ما شاء الله عندك مهارة، استغلها معنا” سؤالي الك: شو رأيك بهيك تصرف من الشركة؟ ولو صار معك نفس الموقف، شو بتسوي؟ هل بتقبل وتسكت تحت مسمى “روح الفريق”؟ ولا بتكون صاحب مبدأ وترفض بكل احترام، وتوضح انه هي المهام مش من ضمن نطاق شغلك؟ وبعدين، لو رفضت ولاقيت انه الإدارة زعلت وأخدت على خاطرها، وكأنك انت اللي غلطان لأنك ما قبلت تشتغل ببلاش… شو بتعمل بهي اللحظة؟ بتتراجع وتسكت مشان تحافظ على العلاقة، ولا بتثبت على موقفك حتى لو كلفك؟ وبرأيك: هاد التصرف من الشركات بتعتبره استغلال مغلف بكلام جميل، ولا تقدير حقيقي للموظف وثقة فعلية فيه؟ مع ملاحظة انه الشركة قادر تدفع و بسخاء كمان ومش شركة لسه يا دوب تشيل مصاريفها شاركني رأيك وتجربتك بالتعليقات, حابب اسمع كيف تعاملتو انتو مع مواقف مشابهة، وشو كانت النتيجة.

كيف أول 10 مستخدمين قلبوا منتج الـSaaS تبعي رأساً على عقب؟ أول 10 مستخدمين لمنتج الـSaaS تبعك يا بيبنوا الـproduct صح يا بيكسّروا كل أوهامك 🔥 تعال نحكي بصراحة. أنا كنت مفكر إني فاهم الuse case الأساسي، وعامل roadmap مرتّبة، وكل شي ماشي «نظرياً». بس أول 10 مستخدمين دخلوا، وكل شي على الورق صار شكله نظري زيادة عن اللزوم. تعال نحكيها تقنياً وبهدوء. اللي بيصير مع أغلب الـFounder/CTO إنو بيبني MVP على افتراض معيّن: مين المستخدم، شو الـworkflow، وشو الـfeature الأساسية. بس أول ناس بيفوتوا عالمنصة بيكشفوا شغلتين: 1) إنو الـuser flow بعيونك غير الـuser flow بعيونهم. 2) وإنو الأولوية عندهم مو نفس الأولوية اللي براسك. أنا شو صار معي مع أول 10 مستخدمين؟ 1) قلبوا ترتيب الأولويات كنت حاطط feature متعوب عليها تقنياً، ومبسوط عليها كـAI-native وperformance وهيك. بس لما شفت كيف عم يستخدموا النظام، اكتشفت إنو في خطوة بسيطة بالـonboarding عم توقفهم. يعني bug صغير بالـflow أهم من feature «ذكية» ما حدا عم يفتحها أصلاً. 2) فضحوا الفجوات بالـuser flow من خلال أسئلتهم: «وين بلاقي كذا؟ ليش ما عم يطلع معي هيك؟» صار واضح إنو في شغلات أنا شايفها بديهية، بس هني مو شايفينها. هون بلشت أرجع أفتح كل شاشة، وأسأل حالي: لو أنا مستخدم جديد، شو أول شي بعمله؟ 3) غيّروا تعريف النجاح قبل، كنت شايف الـKPI هو عدد التسجيلات. بعد ما حكيت معهم، صار النجاح بالنسبة إلي: كم واحد منهم وصل فعلياً لأول قيمة حقيقية من المنتج (value لحظية، مو بس sign up). هذا لحاله غيّر شكل الـmetrics اللي عم راقبها. 4) علّموني متى أقول «لأ» بعضهم كان يطلب features برا الفكرة الأساسية. هون كان التحدي: أسمع منيح، بس ما أركض ورا كل طلب. صرت أفرّق بين: 1) طلب بيحكي عن ألم حقيقي جوّا المشكلة اللي عم حلها. 2) وطلب نابع من عادة شغل قديمة مو لازم أنسخها جوّا المنتج. 5) خلوّني أكتب الـroadmap بصيغة أسئلة بدل ما تكون القائمة: «بدنا نضيف كذا وكذا»، صارت: «ليش المستخدم عم يوقف بهالخطوة؟ شو أقصر طريق يوصله لأول نتيجة؟ كيف منخفف عدد الكليكات؟» هيك صار كل feature جواب على سؤال، مو بس فكرة حلوة. كيف تعاملت عملياً مع أول 10؟ خطوة بخطوة: 1) كل واحد فيهم صار كأنو test case كل ما حدا يشتكي من شغلة، ما كنت باخدها كتعليق عابر. كنت أربطها بالـlogs وبطريقة استخدامه: وين ضغط، وين وقف، وين سكّر الصفحة. 2) دمجت كلامهم مع الـmetrics ما اكتفيت بجملة «المنتج معقّد». كنت طالع أرقام: قديش ضل وقت على أول شاشة، كم مرة رجع لنفس المكان، وين عمل back. هيك بتعرف إذا المشكلة UI، ولا concept، ولا performance. 3) فتحت معهم قنوات حوار بسيطة مو استبيان رسمي طويل، بس أسئلة مباشرة: «شو أكتر شغلة وجعتك؟ لو في زر واحد تشيله من الشاشة، شو هو؟ لو في خطوة واحدة نختصرها، وين بتحب؟» أجوبتهم كانت أوضح من أي تحليل نظري. الزبدة: أول 10 مستخدمين مو «أرقام» على لوحة الـanalytics، هني co-designers للمنتج إذا عرفت تسمع صح، وتربط كلامهم بالـroadmap بدون ما تضيع هويتك كـFounder. سؤالي إلك: إنت اليوم، كيف عم تتعامل مع أول المستخدمين لمنتجك؟ عم تسمع لتوجعهم الفعلي، ولا لسه متمسك بالصورة اللي براسك عن المنتج؟ اكتبلي بالتعليقات شو أكتر افتراض قلبلك منتجك لما بلشوا الناس يستخدموه. وبس سلام 👋

أنا كمطوّر واجهات… ليش قررت أطلّع أقل ميزات بأول إطلاق SaaS؟ أكتر غلطة بشوف مطوّري الواجهات عم يقربوا عليها مع SaaS هي فكرة: أول إصدار لازم يكون كامل وممتاز بكل التفاصيل. تعال نحكي بصراحة. كمطوّر واجهات، دماغك متعود يركّز على اللمعة: أنيميشن، تصميم، حالات نادرة، كل الـ edge cases. بس مع SaaS، هالطريقة بالتفكير بتعلّقك بمشروع ما بيطلع للنور. ليش قررت أطلّع أقل ميزات بأول إطلاق؟ لأن المشكلة مو إن المنتج ناقص، المشكلة إنك ما بتعرف لسه إذا عم يحل وجع حقيقي. كل feature زيادة قبل ما تتأكد من الأساس، هي وقت ضايع وصيانة مستقبلية بلا داعي. تعال نحكيها تقنياً وبهدوء: 1) أقل ميزات يعني أقل تعقيد بالـ frontend والـ user flow. بتقدر تشوف بسرعة وين المستخدم يعلق، بدون ضجيج. 2) أقل ميزات يعني أقل bugs. بتقدر تراقب السلوك، تصلّح، وتعمل refactor بدون ما تخاف تكسر عشر شغلات. 3) أقل ميزات يعني roadmap أوضح. بدل ما تحزر شو تبني بعدين، بتسمع من الاستخدام الفعلي شو لازم يطلع رقم 1. الزبدة: الأولوية بأول إطلاق SaaS مو الجمال ولا الكمال، إنما وضوح المشكلة وسهولة التجربة. سؤالي إلك: إذا كنت مطوّر واجهات وعم تفكر تبني SaaS، شو أول ميزة فعلياً رح تطلعها لو قررت تشتغل بأقل قدر ممكن من الـ features؟ اكتبلي بالتعليقات. سلام 👋

إذا عم تحس نفسك عم تتشتت انت وشغال على اللابتوب او بتحس وقتك خلال اليوم بضيع بدون ما تحس نفسك انجزت ( او مش عارف حتى ايش أنجزت خلال اليوم), او معاك ADHD و بدك تجبر نفسك لما تشتغل على شي ما تتشت ابدا حتى تخلصه ف جرب هاد التطبيق و ادعيلي: