Asma Aziz's Recent LinkedIn Posts

الأول من ابريل ونبدأ شهر جديد بفرص جديدة ومحاولات جديدة مع الأخذ ف الاعتبار واذكر نفسي واياكم ان من الحاجات اللي محتاجين ندعي ربنا بيها إنه يرزقنا الصلابة النفسية واللامبالاة أمام الصغائر! يعني إيه؟ يعني مش أي موقف صغير يضايقك أو ياخد من تفكيرك ونفسيتك ويعكنن عليك يومك؛ ويبقى عندك الحكمة اللي تميّز بيها المواقف من بعضها، وتعرف إيه يستاهل تنشغل بيه وإيه حله الوحيد إنك تتجاهله! لأن ‏جزء من العافية في اللا مبالاة، وبعض الفطنة في التعامي، وشيء من الراحة في التخفّف. وليس بالضرورة أن ينال كل شيء من قلبك

فى الجزء ٢١ سورة العنكبوت يقول الله تعالى ﴿وَكَأَيِّن مِّن دَابَّةٍ لَّا تَحْمِلُ رِزْقَهَا ۖ ٱللَّهُ يَرْزُقُهَا وَإِيَّاكُمْ﴾ إحنا ساعات بنحس إن هم كسب الرزق كله على كتافنا. لو الصفقة ما تمتّش… يبقى الدنيا وقفت. لو الفرصة راحت… يبقى الطريق اتقفل. لو المشروع اتأخر… يبقى المستقبل كله اتلخبط. بس القرآن بيقول حاجة مختلفة تمامًا. في مخلوقات كتير جدًا… ما عندهاش حسابات، ولا خطط خمس سنين، ولا حتى فكرة بكرة هيحصل فيه إيه. ومع ذلك…ربنا بيرزقها كل يوم. الآية مش بتقول ما تشتغلش. بالعكس… السعي واجب. بس بتقول:ما تشيلش هم الرزق لوحدك على قلبك. اشتغل، اجتهد، طوّر نفسك، خبط على الأبواب… لكن خليك فاكر إن الباب نفسه مش بإيدك. أحيانًا الفرصة اللي كنت شايفها كل حاجة…و ما كملتش يمكن مش بتاعتك وبعدها بفترة تلاقي باب تاني اتفتح ما كانش في بالك أصلًا. ودة عشان دايما نفتكر إننا بنسعى… بس الرزق من عند ربنا. مشاركة اليوم Youssef Salem

وأنا أتأمل فى آيات الجزء السابع عشر من القرآن ، شعرت أنه جزء يتكلم كثيرًا عن شيء نعيشه كل يوم في حياتنا… العمل والسعي وسط التحديات. هذا الجزء يجمع بين سورة الأنبياء وبداية سورة الحج. وفيه تمرّ علينا قصص أنبياء كثيرين: إبراهيم، لوط، أيوب، يونس، زكريا… كل قصة مختلفة، لكن الرسالة واحدة: الطريق ليس سهلًا، لكن الله لا يترك الساعين إليه. في سورة الأنبياء يقول الله تعالى: ﴿فَمَن يَعْمَلْ مِنَ الصَّالِحَاتِ وَهُوَ مُؤْمِنٌ فَلَا كُفْرَانَ لِسَعْيِهِ وَإِنَّا لَهُ كَاتِبُونَ﴾ هذه الآية تضع قاعدة مهمة جدًا للحياة والعمل لا يوجد جهد صادق يضيع عند الله. ثم نقرأ دعاء أيوب عليه السلام: ﴿أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ﴾ — سورة الأنبياء لم يكن دعاءً طويلًا، بل اعترافًا بالألم… مع يقين بالرحمة. وفي بداية سورة الحج يذكّرنا القرآن أن الحياة كلها حركة واختبار: ﴿يَا أَيُّهَا النَّاسُ اتَّقُوا رَبَّكُمْ﴾ وكأن الرسالة أن الإنسان يعيش بين أمرين دائمًا: السعي في الأرض… والتعلق بالله. نحن نخطط، نعمل، نجتهد، ونبحث عن الفرص.لكن هذا الجزء يذكّرنا أن الطريق لا يسير دائمًا كما نريد،وأن النجاح الحقيقي ليس فقط في النتائج… بل في الاستقامة أثناء الطريق. الأنبياء أنفسهم مرّوا بابتلاءات وتأخير وصبر طويل، لكن النهاية كانت دائمًا في صالح من لم يتوقف عن السعي. ربما هذا أحد دروس رمضان الجميلة: اعمل بصدق،اسعَ بإتقان، ثم سلّم النتائج لمن بيده تدبير كل شيء. 🌙 Youssef Salem

فى زمن قديم وبعد غياب طويل عن مكتبي واحد م اللي شغالين معايا من صغار السن وقتها طلبت منه حاجة عمل المطلوب وجالي بعد شوية كتير قلقان بقوله مالك يابنى ؟ورده كان مفاجأة " اصل عندي تروما منك وبخاف تتعصبي عليا تعملي فيا حاجة"🤯 قلتله متخافش بس تعالى الناحيةعن مجال حركة ايدي 😄 هذا الشخص من اكثر الناس احترافية ومهارة فى عمله ومجتهد جدا وبينا معزة كبيرة #ابيوسف_ليدر

النهاردة ٢ ابريل الجو مش واضح… الرؤية شبه معدومة… والدنيا كلها تراب. مش شايف الطريق قدامك، ومش عارف تمشي بسرعة، ويمكن حتى مضطر تهدى… أو تقف شوية. بس برضه… بنكمل. يمكن مش بنفس السرعة، يمكن مش بنفس الحماس، يمكن حتى بنوقف ننضف التراب اللي اتراكم، ونحاول نشوف قدامنا متر متر. بس المهم إننا ما وقفناش خالص. الحياة مش دايمًا طرق مفتوحة وواضحة، في أيام بتبقى كده… ضباب، تعب، وتشويش. بس الأكيد إنولا الجو ده هيفضل،ولا الأيام دي هتدوم.ويمكن اللي إحنا فيه دلوقتي هو مجرد مرحلة…بنهدى فيها شوية، بنرتب نفسنا،وبنستعد نكمل بشكل أحسن. حتى لو الرؤية مش واضحة، إنت ماشي.وده في حد ذاته إنجاز. هتروق…وهتشوف الطريق تاني… وهتكمل. #الحياة #مش_دايمًا_واضحة