EXEED AI

Aws Youssef's Recent LinkedIn Posts

Aws Youssef

Aws Youssef

@awsyoussef

Social Media Manager at Silaa | Social Media Advisor | Media Buyer | Bilingual Content & Copywriter Helping Brands Grow

ar81 postsLinkedIn

Posts

Aws Youssef

Sales & Marketing

5mo

ممنون ل 2025 💚 لأنه اختبرت فيها كل أنواع المشاعر نجاح، سعادة، خوف، قلق، شك، خيبة أمل، مرض والدي، وضع سياسي غير مستقر وكشفتلي معدن كتير ناس بينوا وقت الشدة صحيح خسرت شغلي وتركت بيئة عمل سامة وظالمة لإلي، بس بالمقابل الله عوضني بشغل جديد ولسه اللي جاية أحلى، وقدرت ناقش مشروع تخرجي، وتعرفت ع أشخاص بحياتي ما كنت رح لاقي متلهن 💚 ما رح ارفع سقف توقعاتي للسنة الجديدة... ولكن تفاءلوا بالخير تجدوه شكرا لكل شخص كان جزء من ذكرياتي لهالسنة 💚 ينعاد ع الجميع يارب و Happy New Year 🎊
89

Aws Youssef

Sales & Marketing

3mo

كنت مقرر كمل السلسلة بعد انقطاع يومين لظرف صحي طارئ ولكن اسمحولي اليوم خبركن إنه وأخيراً تخرجت بعد معاناة أربع دورات من آخر مادة إلي من كلية الهندسة المعلوماتية - قسم هندسة البرمجيات ونظم المعلومات من جامعة دمشق Damascus University 💚
244

Aws Youssef

Sales & Marketing

6mo

كيف ممكن تحسّن صورتك الشخصية على LinkedIn بأقل من دقيقة وحدة؟🔥 عادة أنا من النوع اللي ما بتصور كتير إلا بالEvents أو بالمناسبات وبتكسلن عدل بصورتي الأساسية لتكون ملائمة للLinkedIn كونه الخلفية أوقات مانها مهنية أو بوضعية مو زابطة أو الإضاءة ظالمة الصورة شوي🤦 ولكن في Prompt أخدته من صديقتي Christine Milad Makhoul قدرت من خلاله ارفع الصورة اللي عم تشوفوها من اليسار ع Gemini باستخدام نموذج Nano Banana لحتى قدرت حولها لصورة خرج تنحط ك صورة شخصية هون، رح اتركلكن ياه بأول كومنت لتشوفوه💚 للحقيقة النتيجة كانت رائعة جداً وبتستحق، والأحلى إنه حافظت على ملامح الوجه بشكل متطابق متل ما هي وما أخدت كتير وقت وكأنه ضغطة زر سحرية، صحيح إنه ممكن تكون الدقة منخفضة لأول مرة ولكن ممكن زيادة دقتها بأي برنامج أو موقع مجاني متاح... وهيك بصير عندكن صورة شخصية مناسبة للLinkedIn🔥 وإنتوا خبروني بالتعليقات شي مرة جربتوا تحسنوا صورتكن باستخدام الAI؟ وشو تجربتكن ورأيكن بهاد الشي من وجهة نظركن؟👀
168

Aws Youssef

Sales & Marketing

4mo

حصرياً وخلال شهر رمضان المبارك 🌙 سلسلة 30 بوست في 30 يوم بعنوان: "Social Media Marketing for NGOs" انطلاقاً من إنه عندي حوالي 3 سنين خبرة بالمجتمع المدني وكمان ازدياد عدد المبادرات والفرق التطوعية وثقافة التطوع بآخر كم سنة ولاسيما بعد التحرير حسّيت إنو الوقت المثالي لاعطي نتيجة خبرتي وخبرتي المتواضعة لحتى كيف نستخدم السوشال ميديا بطريقة حقيقية توصل الرسالة وتخلق أثر 💚 هالسلسلة موجّهة لكل فريق إعلامي بمنظمة غير ربحية وكل متطوّع مسؤول عن منصات التواصل الاجتماعي فيها وأي حدا مؤمن إنه الإعلام ممكن يكون أداة تغيير مو بس نشر أخبار✨ خلال 30 يوم… رح نتعلّم مع بعض بكاروسيلز وبأسلوب مبسط مواضيع منوّعة ما بين كيف نبني محتوى إنساني محترم ومؤثّر بدون مبالغة وكيف نحوّل التفاعل لدعم حقيقي وكيف نقيس النجاح بطريقة تناسب عمل المنظمات (وليس الشركات) 👍 أما عن موعد النشر👀 بحسب استطلاع رأي شاركته وشارك فيه حوالي 137 شخص على لينكدان  صار في تعادل بين خيار خلال ساعات الصيام وبين بعد الإفطار وبما إنه أغلب ذروة النشاط بتكون بعد الإفطار ف رح كون معكن بالسلسلة بعد الإفطار بساعتين حسب توقيت مدينة دمشق💫 رمضان مبارك ع الجميع وخليكن متابعين لنبلش رحلتنا سوا🔥
107

Aws Youssef

Sales & Marketing

4mo

الحمدلله دائماً و أبداً ❤️ بعد معاناة سنة ونص تم أخيراً تصنيفي وإدراجي بين قائمة أفضل صناع المحتوى بسوريا على منصة Linkedin حسب منصة Favikon الفرنسية بترتيب #31 على مستوى البلد و ترتيب #5 عن فئة الDigital Marketing و ترتيب #2 عن فئة الContent Marketing & Copywriting مع ملاحظة هاد الترتيب مو ترتيب الخبرة بالمجال وإنما ترتيب صناع المحتوى الرقمي بالمجال شكراً كتير للأستاذ خالد الأحمد Khaled Elahmad على تعاونه لحل المشكلة وسعيد جداً بوجودي مع قائمة من نخبة صناع المحتوى الهادف السوري ع لينكدان... وكل مالها المسؤولية عم تكبر أكتر💚
4 pages
172

Aws Youssef

Sales & Marketing

2mo

كل تأخيرة وفيها خيرة 💚 بعرف انقطعت عنكن مدة لكن اليوم هديتي لإلكن صارت جاهزة🔥 سلسلة التسويق عبر السوشال ميديا للمنظمات الغير ربحية اللي قدمتها خلال شهر رمضان صارت جاهزة للتحميل بكتيب من 140 صفحة نظراً لكبر حجم الملف فيكن تمسحوا الQR Code الموجود بالصورة أو اكتبوا "كتيب" بالتعليقات ليوصلكن ع الخاص ولا تنسوا تعملوا ريبوست وشير لرفقاتكن المهتمين🔥 قراءة ممتعة ولا تنسونا من صالح دعائكم... وكتير بيهمني تقيّموا الدليل💚
84

Aws Youssef

Sales & Marketing

6mo

5 جمل إذا سمعتوهن قبل ما تبلشوا شغل... ف اهربوا فوراً واعرفوا إنها خدعة😂 طبعاً الموضوع لا يقتصر بس ع مجال كتابة المحتوى والسوشال ميديا من تجربتي الشخصية، وإنما ينطبق حرفياً ع أي مجال💔 وإنتوا شو أكتر جملة استفزتكن أو بتحبوا تضيفوها ع البوست، شاركونا رأيكن بالتعليقات👇
7 pages
92

Aws Youssef

Sales & Marketing

6mo

اليوم صدر تقرير حسابي لعام 2025🔥 أكتر شخص تواصلت معه وتفاعلت معه هو الغني عن التعريف الأستاذ يوسف يبرودي Mohamad Yousif Ybroudi 💚 معرفتي بيوسف بلشت خارج اللينكدان من حوالي السنة ونص بسلسلة الورشات اللي انعطت عن طريق Uplifting Syrian Women عن كتابة السيرة الذاتية وتطوير حساب اللينكدان و تدريب مقابلات العمل صح أنا حسابي من 2021 ولكن من حوالي سنة ونص عملت فيه نقلة نوعية من حيث المحتوى وجودة الحساب، وهاد كله بفضل نصايحه وبرشح أي حدا بده يبلش من الصفر ع هالمنصة يتابعه🔥 أكيد في تفاصيل تانية رح شاركها بكرى عن احصاءات حسابي لهالسنة انتظروها 💚
86

Aws Youssef

Sales & Marketing

5mo

عدنا إليكم بعد غياب طويل جداً 💚 حللت حسابي الشخصي على لينكدإن باستخدام أداة مهن Mehan.ai والنتيجة كانت ممتازة 96% 🔥 ومن خلالها بتقدروا تعرفوا نقاط القوة ونقاط الضعف اللي ممكن تحسونها مع أدوات تانية مرفقة، فيكن تجربوها من خلال الرابط التالي: https://lnkd.in/d2RwQcY2
83

Aws Youssef

Sales & Marketing

6mo

أصدقائي اللي بعدن بمجال البرمجة، جاوبوني بكل صراحة مبسوطين ع الأجور والرواتب اللي عم تنعطى حالياً؟ للأسف الصورة وصلتني من صديق عزيز مقدم ع اعلان توظيف وطالبين فيه حدا Senior هاد الاستعباد كله لايمت؟ وليش؟ وكرمال مين؟
140

Aws Youssef

Sales & Marketing

3mo

منذ أشهر وتراودني فكرة دخول الإعلام الرقمي بشكله العصري بعيداً عن الدراسة الأكاديمية، إلا إن مصادر المعرفة والبحث في البداية كانت مجهولة لدي مع برنامج Syrpronet Mentorship Program من الشبكة السورية المهنية للنخبة Syrian Professional Network ، كان لي فرصة سعيدة ب لقاء الآنسة لجين حاج يوسف Loujein Haj Youssef مديرة ورئيسة التحرير في مؤسسة روزنة للإعلام Rozana Media، وذلك للتعلم من خبرتها الطويلة في هذا المجال، ولا أخفيكم بإنني تعلمت الكثير والكثير... مما أعطاني دافع كبير لإنتاج أولى برامجي في المستقبل القريب🔥 شكراً لكادر البرنامج بمديرته الآنسة Nour Khawatmi ومدير شبكة Syrpronet الأستاذ Majd Zkiyah على هذه الفرصة القيّمة💚
98

Aws Youssef

Sales & Marketing

3mo

دليل فتح المواضيع في العيد... لتجنب غرابة الأطوار والصمت الحزين😔 حبيت يكون الكاروسيل هالمرة خارج الصندوق من وحي العيد صالح لأعياد الفطر والأضحى وأي عيد آخر🔥 أعيادكن مباركة وكل عام وإنتوا بخير💚
9 pages
82

Aws Youssef

Sales & Marketing

5mo

فهم الذكاء الاصطناعي صار مهارة عمل وليس موضوع ثقافي فحسب 🤖 هاد كان أهم Outcome طلعت فيه من كورس Introduction to AI المقدم من جامعة هلسنكي – فنلندا University of Helsinki، كورس تعليمي بيقدّم صورة واضحة وعملية عن الذكاء الاصطناعي من تعريفه، استخداماته الواقعية، وحدوده، وتأثيره المباشر على حياتنا وشغلنا. المحتوى موجّه لغير المتخصصين، بدون أي تعقيد تقني، وبيساعدك تبني أساس تفكير سليم عن الـ AI قبل ما تدخل بالأدوات والتطبيقات. هالكورس نقطة بداية ممتازة لأي شخص حابب يفهم المجال من مصدر أكاديمي وبأسلوب بسيط، شخصياً حسيت الكورس سهل علي خلصه بسرعة كونه دارس معلوماتية من قبل💚 رابط الكورس تحت بأول تعليق👇
97

Aws Youssef

Sales & Marketing

4mo

5 آلاف متابع... يعني 5 آلاف شخص مهتم أو عميل محتمل... يعني 10 آلاف عين عم تشوف 🔥 هاد الرقم بحب بلش فيه بداية هالشهر وكل ماله عم يكبر وتكبر حجم المسؤولية وسنة 2025 كانت نقلة نوعية إلي ببناء المعارف والعلاقات والمحتوى للجمهور ما بدعي الكمال أو إني مختم مجالي 100 بالمية لكن الأهم إني ضل صادق وحقيقي مع الجمهور وبسّط المعلومة بالطريقة اللي برتاح فيها شكراً كتير لكل مين تابعني خلال اخر سنتين وعم ينطر بوستاتي بين كل فترة والتانية ولكل شخصية استفدت منها ع هالمنصة كتار بالاسم ولسه مكملين... في سلسلة محتوى رح تتحضر خلال رمضان وأشياء تانية عم تنطبخ💚
148

Aws Youssef

Sales & Marketing

4mo

أخيراً وبعد طول انتظار 🔥 مع الخبير الأردني والنمبر ون في لينكدان الوطن العربي الأستاذ خالد الأحمد Khaled Elahmad من محاضرة "العلامة الشخصية المهنية" يوم أمس بالمكتبة الوطنية في دمشق💚 نورت الشام وشكرا إلك ع الجلسة القيّمة🔥 كما سعدت بلقاء بعض الزملاء هناك✨️ Mohamad Yousif Ybroudi Dana Bashir Maram Alkrdy Rawan Alshmmaa
102

Aws Youssef

Sales & Marketing

5mo

الجهبذ بشر نجار في حيّنا 💚 على اليمين صورة لأول مرة التقيت فيه شخصيا بعد شهر من التحرير بفعالية "سمعونا يا شباب" من Sanad Youth سند الشباب بقهوة الروضة، وعلى اليسار امبارح التقيت فيه بالمركز الثقافي بكفرسوسة قبل جلسة من Abjad Initiative for Education e.V. عن دور الشباب في عملية التغيير 🔥 وكالعادة أبدعت..ونورتنا💚 Becher Najjar
107

Aws Youssef

Sales & Marketing

5mo

اليوم بدي احكي عن موضوع قلال كتير عربياً اللي حكوا عنه من قبل👀 إضافة الألعاب على LinkedIn ما كانت مجرد خطوة ترفيهية ولا محاولة لملء هاد الفراغ جوا المنصة وإنما تم تصميمها بالاعتماد على مبادئ علم النفس المعرفي، واللي بتهدف لتدريب أنماط التفكير، وتحسين مهارات حل المشاكل، وفهم كيفية تعامل المستخدم مع القيود، الغموض، واتخاذ القرار 💚 بهالكاروسيل شرحتلكن فكرة وقواعد وخطوات اللعب الصح لكل لعبة موجودة، بالإضافة لنظرة عامة عن أثر هالنوع من الألعاب على أدمغتنا👾 وخبروني بالتعليقات شو أكتر لعبة بتحبوا تلعبوها؟ أنا شخصياً بحب Queens و Tango 🔥
10 pages
106

Aws Youssef

Sales & Marketing

6mo

ممنون ل Startup Syria كتير 💚 ممتن إنه لسه عم نشوف بعد التحرير ايفنتات تعنى بريادة الأعمال وبتهتم بالشباب ابتداءً من الأسبوع العالمي لريادة الأعمال GEW بعد سنين غياب طويلة بسورية وصولاً لل Startup Syria Awards 2025، فخور إني كنت جزء من هالحدث وراء الكواليس💚 شكر خاص وكبير لفريق العمل كاملاً وللfellows والcatalysts وللleaders اللي تعبوا معنا كتير🔥 Ahmad Sufian Bayram Joud Khattab Joud Tanta Ez Aldeen Hayaryah Aya Kalfa Omama Ebrahim Lana Kayyali Baraa Sheikha Hamsa Darwish Rama Samkari Haifa Yassine Tasneem Alkadi Tasneem Mattit محمد عمر عميش Jessica Hamwi Walaa Owier Reco foundation مؤسسة ريكو وللمتطوعين اللي كان فعلاً في متعة بالشغل معهن من أول ولآخر يوم وصاروا متل الإخوة💚 Ehab Serawan Raghad Siufi Bushra Qurabi Sima Al Debess Hala Skerek Majeda Alyghshi وكتير أسماء لسه ما انذكرت... كلي أمل بطاقة وهمة الشباب السوري للمستقبل🙏 #GEWSyria #GEWSyria2025 #TogetherWeBuild
165

Aws Youssef

Sales & Marketing

3mo

10 أخطاء صغيرة لكنها بتخرب كل الجهود 😥 بعد ما اخترنا المنصات المناسبة… اليوم بدنا نحكي بصراحة أكتر عن أخطاء سوشال ميديا بتوقع فيها كتير من المنظمات ⚠️ المشكلة إنو أحياناً في منظمات بتكون عم تعمل شغل رائع وعظيم على الأرض… بس على السوشال ميديا عم تخسر ثقة أو تضيع فرص دعم بسبب تفاصيل صغيرة بسيطة وأحياناً تقنية 😅 اليوم جمعتلكن أهم الأخطاء الشائعة وخبروني بالتعليقات شو أكتر خطأ من هدول تكرر كتير وشفتوه أو خطأ إضافي ما انذكر👇
13 pages
49

Aws Youssef

Sales & Marketing

3mo

اليوم مافي بوست💚 هيك منكون خلصنا السلسلة مع بعض صحيح كان في انقطاعات بالنشر لكن الأهم إنكن تكونوا استفدتوا ولو شوي نلتقي قريبا مع سلسلة جديدة وبوستات أهم🔥 أعيادكن مباركة وكل عام وإنتوا بألف خير يارب🙏
44

TEDx Damascus

Sales & Marketing

3mo

. مو كل خطاب هو نفسه، حتى لو المتحدّث وقف ع نفس الدائرة الحمرا 😄 خطابات TED بتكون مبنيّة على أفكار رائدة بتأثير عالمي، وبيتم اختيارها بعناية لتوصل لجمهور واسع بثقافات مختلفة. أمّا خطابات TEDx فبتنطلق من المجتمع نفسه، من تجارب قريبة من الناس وأسئلة بتشبه واقعهم، وبتوصل بعدين للعالم بأفكار صادقة فيها روح المكان. باليوم العالمي للخطابة منعيد التذكير إنو الكلمة المدروسة ممكن تكون فكرة تغيّر طريقة فهمنا لكل شي حولينا. 💓 Not every speech is the same, even if the speaker stands in the same red circle 😄 TED Talks are built on groundbreaking ideas with a global impact, and are carefully chosen to reach a wide audience across different cultures. TEDx talks, on the other hand, originate from the community itself, from experiences close to people and questions that reflect their reality, and then reach the world with authentic ideas that capture the spirit of the place. On World Public Speaking Day, we remind you that a well-thought-out speech can be an idea that changes the way we understand everything around us. 💓 #TEDx #TEDx_Damascus #TEDx_Damascus_Salon #TEDxCommunity #Damascus #Syria #ideasworthspreading
15

Aws Youssef

Sales & Marketing

6mo

إذا الشعب يومًا أراد الحياة.. فلا بد أن يستجيب القدر 💚 عادة ما بشارك شي سياسي ع اللينكدان هون ولكن ما بقدر ما اذكر هاد التاريخ اللي غيّر مجرى حياتي والسوريين💚 كل عام والبلد بألف خير يارب 💚
70

Aws Youssef

Sales & Marketing

2mo

هل تنتهي الحروب بتوقف القتال؟ أم تبدأ آثارها الحقيقية داخل الإنسان؟ في مدونتي الجديدة عبر Mobaderoon نناقش كيف تتحول الصدمة الفردية إلى بنية تؤثر في الثقة الاجتماعية وكيف يمكن للصحة النفسية أن تكون مدخلاً للعدالة الاجتماعية والمصالحة، وذلك استناداً إلى نظريات علم النفس العيادي وتجارب تدخل مجتمعي في دول خرجت من النزاع، نحاول تفكيك العلاقة بين التعافي الداخلي وبناء السلام الخارجي. كل الشكر للأسماء الواردة تباعاً على إثرائهم للمقال: - جهينة مسلم jouhayna Muslim، أخصائية نفسية حاصلة على درجة الماجستير في علم النفس العيادي من الجامعة اللبنانية في بيروت - رانيا مهنا Ranya Mhnna، معالجة نفسية - غزل سميح Ghazal Samih، أخصائية نفسية يمكنكم قراءة المقال كاملاً في أول تعليق👇
46

Aws Youssef

Sales & Marketing

3mo

في كتير صفحات عندها آلاف المتابعين بس لما تحتاج متطوعين فعليين ما حدا بيتقدم 😅 ليش؟ لأنه الفرق كبير بين متابع مهتم ومتطوع فعلي تحويل المتابع إلى شخص يتحرك على أرض الواقع بدّه خطوات واضحة… وليس مجرد إعلان على سوشال ميديا وهاد هو موضوعنا لليوم... وشاركوني رأيكن بالتعليقات 👇🏻
9 pages
46

Aws Youssef

Sales & Marketing

4mo

"اعتدنا أن نشعر بالحرج من فكرة ارتداء الأزياء المستعملة" 👖 بتخبرني راما عبد الباسط Rama Abdlbaset - وهي حائزة على جائزة الجودة في التأثير الثقافي والرقمي ضمن جائزة المرأة السورية للتميز لعام 2025 - حكاية إنشاء منصتها الجديدة Deel لبيع الملابس المستعملة إذ إنه بيوم من الأيام كانت عم تعمل shopping وعجبتها قطعة معينة وأدركت فيما بعد إنه هي مستعملة، ف قررت هي تشتريها بغض النظر عن ماهيتها لحد ما وصلت لقناعة بإنه الأناقة ما بتنقاس بقطعة جديدة، بل بقصتها. وتضيف: "سألت نفسي: لماذا لا يكون التسوّق المستعمل أمرًا طبيعيًا في سوريا؟ لماذا لا نجمع بين التوفير والتميّز؟" ومن هون بلشت فكرة منصة Deel عبر موقعها الإلكتروني الشيء الحلو واللي فاجأني أكتر إنه لما سألتها عن المقر ووين متواجدين، خبرتني: "من برندة البيت وغرفتي"، وهون أنا تذكرت بإنه لو كل حدا انتظر لحتى تصير الظروف مثالية جدا لكانت العالم تأخرت بتحقيق أحلامها، ف ضروري الواحد يبلش من إمكانياته المتاحة ومع الوقت بيقرب يحصد نتيجة تعبه خطوة بخطوة💚 ألف مبرووووك إطلاق المنصة وشكراً على الMarathon Vintage Day واللي كانت التجربة فيه ممتعة بالإضافة لخدمة العملاء الظريفة والخصم 🤩 وبدوري بدعيكن جميعا تشوفوا المنصة اللي رح حطها بأول تعليق وتتابعوهن ع السوشال ميديا🙏
61

Aws Youssef

Sales & Marketing

4mo

شو الرابط العجيب والمشترك بين البطريق… والـ Marketer؟ 🐧 بعتقد كلنا شفنا ترند الانستغرام تبع البطريق اللي ماشي لحاله وبعيد عن سرب باقي البطاريق ما هيك؟ في كتير ناس فسرت هالشي على أنه هو ضايع بمساره… ربما يكون هيك لكن كمان ممكن مو مقتنع يمشي بنفس الاتجاه اللي رايحين عليه البقية، نفس القصة بالتسويق Marketing فأحياناً أكبر مخاطرة هي إنك تمشي متل غيرك 🌚 قلبوا بالكاروسيل وخبروني بالتعليقات ايمت آخر مرة حسيتوا إنه قراركن بالخروج عن القطيع كان صح؟ 👇🏻
8 pages
43

Aws Youssef

Sales & Marketing

8mo

بلشت تطلع الإعلانات على فيسبوك وانستغرام بآخر تحديث خبرونا شو الوضع عندكن يا مسوقين؟💚🔥
25

Aws Youssef

Sales & Marketing

4mo

أمنياتي بهالشهر تكون حاملة كل الخير والبركة والسلام وراحة البال رمضان مبارك علينا وع الجميع يارب💚🙏
57

Aws Youssef

Sales & Marketing

4mo

"القادة الفعّالين لا يكتفون أن يكونوا فوق التوقعّات، بل يتفوّقون على أنفسهم أيضاً"💁🏻‍♂️ هي مقولة بتختم فيها الخبيرة الدولية كريستينا كَشَر Expert Christina Kashar - والحائزة على جائزة المرأة السورية للتميز SWEAP لعام 2025 عن فئة الاحتراف والالتزام العالي في التعلم - ضمن آخر صفحات كتابها "لنقود بفعالية" وهالجملة بتلخّص نظرة غالبية الناس للقادة ضمن مجتمعنا، فغالباً ما بينحط القائد بمكانة الشخص اللي لازم يكون دائماً يكون جاهز وقوي وما بيغلط ودائماً كمان سابق غيره بخطوة، ولهيك صارت أحياناً عبء أكتر ما هي حافز، وكأنه القيادة حالة ثابتة ومانها رحلة تعلّم مستمرة. الحلو بالكتاب إنه أسلوبه بسيط وسهل وقريب من الجمهور، وبيسمي الأمور بمسمياتها بدون تجميل أو ماكياج، وهو حصيلة خبرات عملية طويلة وقراءات لكتير كتب ومقالات و حوارات شخصية مع أشخاص ضمن هاد المجال بحسب ما بتذكر كريستينا اللي دفعني شخصياً لانشر هالبوست هو إنه الكتاب لمسني بجوانب شخصية مني، إذ إنه ما بتذكر خلال شغلي ضمن المجتمع المدني بال4 سنين الماضية إنه كانت تجاربي بالقيادة متعددة، بل كانت محدودة وسقفها كنت ليدر لفريق ضمن كتابة المحاضرات بالجامعة أو مساعد أو منسق ضمن الNGOs، في شغلات كنت مفكر إنه عم اعملها صح وطلعت غلط وفي شغلات باللاوعي كنت اعملها وما لاقي تسمية صحيحة لإلها والأهم من كل هاد جاوب الكتاب على استفسار كنت دائماً ما لاقيله جواب واللي هو "هل القيادة فطرية أم مكتسبة"؟ ما رح أحرق عليكن أجوبة وتفاصيل ف لهيك رح ادعيكن إنتوا تكتشفوا بأنفسكن، وبدوري بدي أشكر العزيزة كريستينا وفخورين فيكي وبكل إنجازاتك على الصعيد المحلي والدولي💚 بإمكانكن تطلبوا الكتاب بنسخته الورقية حصرياً من وين ما كنتوا بدمشق عبر خدمة وديلي على الأرقام التالية: موبايل 0953535381 - رباعي 9692-011 ومن طرطوس عبر ليرة بتعمل فرق عبر الرقم 0949706538
29

Aws Youssef

Sales & Marketing

4mo

أنا حابب ثير الجدل وخبركن إنه هاد أبشع ترند عملته على الإطلاق🤣🤣🤣🤣 ومكسوف من نفسي (ع قولة المصريين)
63

Aws Youssef

Sales & Marketing

8mo

محتوى جديد... بشكل جديد... قريباً جداً💚
41

Aws Youssef

Sales & Marketing

7mo

موضوع الاستحقاقات الزايدة عم يخليني اتسائل... شو هو الشي اللي بحدد استحقاقاتنا؟ شو هالاستحقاقات اللي الكل بدن ياها وعم يطالبوها بالسوشال ميديا.. إنه اوك كلنا منستحق أفضل شي ولكن هل الشخص السيء يستحق الجيد؟ هل الموظف الكسول والغير منضبط يستحق راتب عالي؟ هل الغير محترم يستحق أن يُحترم؟ اللي عم نشوفه اليوم ناس مفكرة حالها إنه بتستحق كل شي وبدها كل شي وما بدها تعطي شي! على شو ؟ وليش ؟ وكيف؟ من أنتم؟!!! هل الفعل يحدد الاستحقاق أم مجرد تريند بنى بالعقول الأحلام الوهمية ؟!
37

Aws Youssef

Sales & Marketing

3mo

نعود للنشر بعد انقطاع أيام بسلسلتنا مع اليوم 13 اليوم بدنا نحكي عن نقطة حساسة جداً 👇🏻 كيف منستخدم الصور الإنسانية بطريقة محترمة بدون ما تتحول لأداة ضغط أو استغلال؟ تابعوا الكاروسيل وخبروني بالتعليقات شو رأيكن باللي عم تعمله بعض المنظمات اليوم من هي الناحية💚
9 pages
32

Aws Youssef

Sales & Marketing

3mo

إذا عم تتساءلوا أنا وين؟ أنا تاني واحد ع اليمين👀 قُدّمت هذه الورشة التدريبية المتخصصة ضمن سلسلة من الورشات الموضوعية، وهدفت إلى تعزيز قدرات الفاعلين الإعلاميين والمجتمعيين في مواجهة التضليل الإعلامي وخطاب الكراهية. واستهدفت العاملين في الإعلام بمختلف مجالاته، إلى جانب عاملين في منظمات المجتمع المدني الناشطة في مجالات الإعلام والتواصل والأنشطة المجتمعية، من خلفيات قومية وعرقية ودينية متنوعة. شكراً لكادر منصة تأكد Verify Media Platform ومنظمة البحث عن أرضية مشتركة Search for Common Ground على هاد التدريب القيّم 💚 التفاصيل في أول تعليق👇
61

Aws Youssef

Sales & Marketing

2mo

أحلى شعور هو إنك تكتشف إنه كل التعب اللي عم تتعب عليه بمكان معين عم يترك أثر💚 Ahmad Sheikh Daher أحمد طالب هندسة اتصالات وإلكترونيات بجامعة دمشق فاجأني امبارح بالليل برسالة لطيفة عالDirect 🔥 لهيك بتمنى من كل شخص حابب يدخل المجال واستفاد يبلش يطور من حاله وما يستنى الوقت المثالي أو الظروف المثالية👀 وبكرى رح يكون في هدية مجانية وقيمة للمتابعين ترقبوها💚
56

Aws Youssef

Sales & Marketing

3mo

مفاجأة حلوة كتير عم تتحضر خليكن معنا💚💚💚
30

Aws Youssef

Sales & Marketing

3mo

وهاد جزء من شغلنا💚🔥 والباقي قريبا 😁
44

Aws Youssef

Sales & Marketing

3mo

"ما عنا وقت ننشر بشكل منتظم" وحدة من أكبر المشاكل اللي بتواجه فرق المنظمات بين المشاريع… والمتابعة… والعمل الميداني… السوشال ميديا بتصير آخر الأولويات 😅 المشكلة مو بالوقت على قد ما هي بعدم وجود نظام ثابت لذلك رح نعرف مع بعض كيف تخططوا محتوى شهر كامل وشو في أدوات خفيفة ممكن تساعدكن وخبروني بالتعليقات اذا كنتوا بتتبعوا الخطوات وشو الأدوات اللي بتستخدموها 👇🏻
15 pages
30

Aws Youssef

Sales & Marketing

3mo

امبارح اتفقنا إنو النشر بدون خطة واضحة بيخلّي الصفحة تمشي بدون اتجاه واضح أما اليوم..... 🔥 لازم تعرفوا إنه كل منشور بحد ذاته هو خطوة محسوبة لازم يكون عنده هدف واضح كمان فمو المشكلة شو بدنا ننشر وإنما أحياناً ما منعرف شو بدنا يصير بعد ما ننشر 😅 حاولت جمعلكن كل الأهداف الممكنة لبوستات سوشال ميديا لأي منظمة غير ربحية بكاروسيل شامل  وإذا بتحسوا في شي إضافي ضيفوه بالتعليقات وخبروني شو أكتر هدف بتحسوا لازم يتركز عليه من ضمن الموجودين بالبوست👇🏻
12 pages
50

Aws Youssef

Sales & Marketing

3mo

أغلب الريلز الناجحة على السوشال ميديا تصورت بالموبايل… وبفكرة بسيطة 🔥 كتير من الجهات بتفكر إنو صناعة الفيديو بدها كاميرات احترافية… وفريق إنتاج وميزانية كبيرة ما مننكر إنه اي أوقات بتزبط... بس الحقيقة مختلفة شوي 😅 موضوعنا اليوم عن أفكار Reels بسيطة وقليلة التكلفة للمنظمات غير الربحية وإذا عندكن أي أفكار إضافية ضيفوها بالتعليقات👇🏻💚
9 pages
41

Aws Youssef

Sales & Marketing

7mo

ك شخص مهتم بالإعلام والصحافة وناوي ادرسها ك دراسة أكاديمية لاحقاً بحب دائماً ادمج هالقصص مع دراستي الأولانية ك معلوماتية💚 لهيك كانت ورشة أدوات الذكاء الاصطناعي ضمن مجال الصحافة مدخل ممتاز لنعرف أدوات التحقق من الأخبار المضللة والتزييف وأدوات تانية للتفريغ ومعالجة النصوص والملفات والمواد الصحفية وغيرها كتير شكرا كتير ل شبكة أريج ARIJ Network ومنصة نساء ربحن الحرب ومبادرة غوغل للأخبار Google News ودارة سلام Peace Circuit (دارة سلام) على تنظيم هالتدريب المميز ودعمهم الدائم للصحفيين والصحفيات السوريات🧡💜
79

Aws Youssef

Sales & Marketing

7mo

حكمة اليوم بما إنه عم عيش هالشعور حاليا❤️ ضلّ اشتغل ع حالك، لحد ما تقهر كل اللي شككوا فيك، وتضل قاعد ع قلوبهن بدون ما تبذل أي جهد… هنّ يندموا أشد الندم، وإنت تبتسم 😌 وصباحكن خير 💚
62

Aws Youssef

Sales & Marketing

2mo

بناء على طلب البعض أعيد اليوم نشر مدونتي الصحفية الأولى والتي كتبتها قبل عام تقريباً عبر موقع مبادرون Mobaderoon بعنوان "من التهميش إلى الفاعلية: المجتمعات المحلية كجهات فاعلة في بناء السلام" رابط المادة في التعليق الأول👇 قراءة ممتعة💚
28

Aws Youssef

Sales & Marketing

5mo

وأخيراً وبشكل رسمي بعد طول انتظار🔥 متجر Google Play اشتغل بعد رفع العقوبات بالكامل عن سوريا هلأ كنت عم جرب نزل منه ومشي الحال جربتوا ولا لسه؟💚
78

Aws Youssef

Sales & Marketing

5mo

"اللي عم تعمله كتير مبتذل ورخيص 🤮" نعم يا سادة، هاد كان رد أحد المتابعين بطريقة سلبية وحدية على بوست نشره أحد الأصدقاء إلي بالكلية ع لينكدان بحكم إني صحيح دارس معلوماتية وما عم اشتغل فيها ولكن بحب شوف زملائي كيف عم يصنعوا محتوى تقني خاص فيهن ولاسيما إنه منصة لينكدان صارت شي أساسي لحتى الواحد ينعرف أكتر عند الجمهور إضافة لشغله ومهاراته عند أحد الأصدقاء قناة تلغرام بيسوق فيها لبوستاته بطريقة الBroadcasting زيادة ع حساب اللينكدان تبعه، بينزل مرة بوست لحتى يشوفه الجمهور بشكل كامل على تلغرام نظراً لأنه لينكدان ما بتسمح بعدد كبير من المحارف، نفاجأ جميعا بتعليق من شخص معرف تلغرامه وهمي يبدو إنه بيفتقر لأساسيات الأخلاق والحياة وواضح إنه كان بدافع بالغيرة تبريرات هجومه كانت أقبح من الفعل نفسه بحجة إنه سحب الجمهور من منصة لمنصة تانية هي طريقة سيئة بنظره وبده يبين إنه وجهة نظره صح والباقي غلط تحت حجة "النقد البناء"، غير إنه كمان بلش يهاجم التانيين والمدافعين، ولكن صديقي كان جداً حكيم بردة فعله وتجاهله ووقفه عند حده لذلك متل ما في جانب رائع للينكدان أكيد في ناس بتبين ع حقيقتها من خلال رسائل هجومية وتعليقات سلبية، وإنتو شي مرة صادفتوا تعليق هجومي وسلبي عبر اللينكدان؟ شاركوني بالتعليقات 👇
39

Aws Youssef

Sales & Marketing

3mo

هل لازم نكون موجودين على كل المنصات؟ 🤔 بعد ما عرفنا وحددنا مين جمهورنا وصار لكل بوست هدف واضح… دائماً بتجينا الحيرة ع المنصات المناسبة للنشر فيسبوك، إنستغرام، لينكدإن، يوتيوب، واتساب، تلغرام… وإذا ما كنا بكل مكان منحس حالنا مقصرين 😅 لكن واقعياً الموضوع مو بعدد المنصات… بل الوجود بالمكان الصح هو الإنجاز الحقيقي💚 لهيك اليوم رح نحكي كيف تختار المنصات المناسبة لمنظمتك بدل ما تتشتت.. وخبروني بالتعليقات ع كم منصة إنتوا متواجدين؟👇🏻
14 pages
41

Aws Youssef

Sales & Marketing

6mo

بقترح ع إدارة منصة لينكدان تضيف آخر 3 تفاعلات بالصورة🤦‍♂️ 👎 لم يعجبني 🤮 شي بيقرف 🚑 شي بيجلط لأنه مخجل ما يحصل ببعض البوستات اللي عم شوفها ع المنصة🫠 بتتفقوا معي أو لأ؟
55

Aws Youssef

Sales & Marketing

3mo

لا تكملوا قراءة البوست اذا عرفتوا جواب التاغ لاين❌ توقعت 🤣🤣🤣 لأنه مو كل بوست بيجيب تفاعل… ومو كل تفاعل بيعني تأثير المشكلة مو بالخوارزميات دائماً… أحياناً المشكلة بنوع المحتوى نفسه لهيك جمعتلكن أهم 7 أنواع بينشروها الNGOs بشكل كبير... واذا خطر ع بالكن شي إضافي خبروني بالتعليقات💚
11 pages
37

Aws Youssef

Sales & Marketing

3mo

بعد انقطاع لفترة... رح نركز بآخر أسبوع من السلسلة على شغلات شوي عملية وكتير بينسأل عنها👀 كتير من المنظمات بتفتح ال Insights أو Analytics وبتشوف أرقام كتير… Reach من هون... على Impressions من هنيك... وكمان Engagement لكن السؤال الحقيقي بيضل 👇🏻 هل نحنا فعلاً عم ننجح؟ لأنه تقييم أداء المنظمات غير الربحية مو نفس تقييم الشركات فموضوعنا اليوم كيف تقيس أداء سوشال ميديا لل NGOs بطريقة عملية، خبروني عن الخطوات اللي بتعملوها بالكومنتات💚
10 pages
39

Aws Youssef

Sales & Marketing

3mo

بعد ما فهمنا واتفقنا امبارح إنه المنظمات غير الربحية مو براند تجاري… اليوم رح نحكي عن الغلطة الأكبر اللي بتتكرر بكل مكان👇🏻 كتير من المنظمات بتنشر بس بدون خطة واضحة، يعني في محتوى، في صور، في أخبار… بس ما في اتجاه واحد معين  تماماً متل حدا فايت ع المطبخ برمضان ليحضر وجبة الإفطار وبلّش يطبخ بدون ما يعرف شو الطبخة أساساً😅 اكتبولي بالتعليقات إذا شايفين إنه الNGO بدها استراتيجية خاصة وشو اللي بيميزها برأيكن عن باقي القطاعات؟👇🏻
7 pages
43

Aws Youssef

Sales & Marketing

4mo

رمضان ع الأبواب وبترجع معه كل مرة موضة الإعلانات الغنائية✨️ بشكل عام الإعلانات الغنائية بنظري أكتر نوع إعلانات ناجحة وبتنتشر لأنه الغنية بتختصر كتير شغلات ضمن عدة ثواني او دقائق بدون شرح طويل، وبتنحفظ بذاكرة الناس أسرع من غيرها حتى بعد انتهاء الإعلان ف تلقائيا مندندنها🤣 أكتر إعلان مفضل لإلي وبتذكره هو إعلان مدار Madar Detergent عام 2024 (رح حطلكن رابط الإعلان الكامل بأول تعليق) لأنه قدر يخلّي الرسالة من الإعلان محسوسة أكتر بحاسة السمع والبصر 👏 شو هو إعلانكم السوري المفضل برمضان؟ اكتبولنا بالتعليقات💚
31

TEDx Damascus

Sales & Marketing

4mo

. باليوم الدولي للمرأة في العلوم منسلط الضوء على نساء اختاروا السؤال، البحث، والمحاولة… وأثبتوا بإنه العلم هو مساحة للجميع، وإنه الفكرة الصادقة بتلاقي طريقها مهما كانت الظروف💓 وتذكروا دائماً، إنه بالعلم ما في صوت أعلى من الفضول، وما في طريق واحد للاكتشاف... لأنه المستقبل بينبنى بعقول متنوعة 🌹 On International Women and Girls in Science Day, we highlight women who chose to question, research, and experiment… They proved that science is a space for everyone, and that a sincere idea will find its way no matter the circumstances. 💓 And always remember, in science, there is no voice louder than curiosity, and there is no single path to discovery… because the future is built with diverse minds. 🌹 #TEDx #TEDx_Damascus #TEDx_Damascus_Salon #TEDxCommunity #Damascus #Syria #ideasworthspreading
23

Aws Youssef

Sales & Marketing

8mo

صرت لاحظ مؤخراً تكرار جملة وحدة بكتير بوستات: "الشغلة الفلانية مو رفاهية… بل ضرورة" لدرجة صارت علامة فارقة إنه البوست مو مصاغ بإيد صاحبه الجملة قوية ولكن لما تتكرر مية مرة بتفقد معناها وروحها🤦 مين كمان عم يلاحظ هالشي؟ وكيف ممكن نفرق بين محتوى مكتوب بروح وتجربة شخصية، وبين نص معلّب جاهز؟
53

Aws Youssef

Sales & Marketing

4mo

جميل معرض دمشق الدولي للكتاب هالسنة ولكن... - كنت بتمنى اليوم تكون المواصلات أحسن بشوي ك نسبة وتناسب مع عدد الحضور، نطرت ساعة تقريبا من إحدى المواقف ولكن عدد الحضور الضخم والإقبال الهائل أذهلني 🔥 - في ازدحام خلال الأيام الأولى لدرجة ما بتقدر تخلص وتفوت ع كل القاعات وأغلب الأجنحة بيوم واحد، ممكن يكون وقت الصبح أخف شوي - أسعار الكتب منطقية لبعض الأقسام، حلو إنه في قسم للأسعار المخفضة، ولكن في أسعار فلكية لبعض الكتب لاسيما الاختصاصية وبرجح السبب كونه النسخ أصلية وورقية وغير موجودة بشكل مجاني عبر الإنترنت، حتى بعض أسعار قسم المأكولات غالية شوي - الجانب المشرق إنه هالسنة كل أنواع الكتب موجودة ومتاحة من دور نشر مختلفة من جميع أنحاء العالم، وما في شي ممنوع... وهاد شي ما كان عم يصير بالسنين اللي قبل وطبعاً غنيمة اليوم هي أربع كتب: - رواية التفاح الأزرق ل د.إياد ناجي - فن الPrompt ل ابراهيم زعتري Ebrahem Zaatari - الأبجدية المربحة للكاتب باسل الأمير حسن Basel Alameer Hasan - سلفادور دالي يعد لي الفطور (سرد حكائي) للدكتورة نهى عبد الكريم حسين dr.noha hossain المعرض مستمر حتى 16 شباط من الساعة 10 صباحاً حتى 9 مساءً في مدينة المعارض الجديدة بدمشق
44

Aws Youssef

Sales & Marketing

4mo

كان لي الشرف بحضور تدريب وجاهي من راديو روزنة على مدار يومين (السبت والأحد الماضي) بعنوان "أدوات التحقق من أجل مناصرة قضايا النساء"💚 للحقيقة هي كانت فعلا من أحلى التدريبات اللي عملتها بمجال الصحافة، خاصة استخدام الأدوات التقنية اللي بتساعد على كشف الصور المضللة والأخبار والفيديوهات المضللة أو المولدة بالذكاء الاصطناعي وأيضا تعلمت لمحة عن البحث المتقدم ضمن المصادر المفتوحة OSINT، أكبر قيمة طلعت منها هو إنه صار فيني اتأكد بنفسي من أي خبر منشور عبر السوشال ميديا واتوقف عنده قبل ما أتفاعل مع محتواه🔥 شكراً كتير للصحفية والمراسلة في فرنسا 24 FRANCE 24 دانة البوز Dana Alboz على تدريبها لإلنا وشكر خاص وكبير لمؤسسة روزنة للإعلام Rozana Media وكادرها النشيطين اللي ما وفروا أي وقت وجهد للمساعدة🙏💚
40

Aws Youssef

Sales & Marketing

9mo

بوست سريع للنقاش 💚 ما بعرف إذا لاحظتوا متلي من وقت سقوط النظام كترانة موجة سياحة الخبراء، أي بمعنى ناس عايشة برا بتجي فترة قصيرة ع البلد لتعمل محاضرات أو ورشات. بالمبدأ، فكرة تبادل الخبرات مفيدة وبتلزم، بس الممارسة على الأرض أحياناً صارت شكلية: عنوان كبير، صور ع السوشال ميديا، وكلام عام بعيد عن الواقع المحلي. برأيي الشخصي القيمة الحقيقية لازم تنقاس بقديش الشباب اللي حضروا قدروا يطلعوا بمهارة جديدة أو فكرة قابلة للتطبيق، مو بعدد الصور والبوستات اللي نزلت. سؤالي لإلكن، هل فعلاً سياحة الخبراء عم تفيد، ولا عم تتحول لمجرد ظاهرة شكلية؟ وهل عم نحتاج عنجد لمحتوى عملي يتناسب مع احتياجات الشباب؟
61

Aws Youssef

Sales & Marketing

8mo

أثناء حفل تتويج ملكة جمال لبنان لعام 2025 وقعت ملكة جمال لبنان للعام الماضي ندى كوسا بخطأ إعلامي فادح وبدل ما تقول إنها بدها تنهي مرحلتها الحالية قالت يلي سمعتوه😂 وإنتوا وين بتشوفوا حالكن بعد خمس سنين؟🔥
19

Aws Youssef

Sales & Marketing

2mo

إذا حاسس إنك ما رح تستفيد من هالتدريب ك سوشال ميديا منجر لقدام ف اي عادي... لا تحضر الكورسات وعلى كفالتي❌ من حوالي شهر ونص قررت احضر تدريب أونلاين من LinkedIn Marketing Labs بيحكي عن أساسيات التسويق بالإعلانات الممولة عبر لينكدان واسمه LinkedIn Advertising Fundamentals مسار التدريب عبارة عن 6 أقسام أول 4 أقسام هنن عبارة عن فيديوهات ومقالات وشوية أسئلة عن الLinkedIn Ads وكيف فينا نعمل Targeting صح للإعلانات الممولة على لينكدان وكمان أشكال الإعلانات على لينكدان وبعض تكتيكات تحسين الإعلانات، وآخر قسمين عبارة عن امتحان عملي واحد طوله 20 دقيقة وبتاني قسم امتحان عملي من 100 سؤال مدته ساعة وفي حد أعلى غالبا ل 80 سؤال صحيح لحتى الواحد يقدر ياخد الشهادة المرفقة👇 الحلو بالتدريب إنه سهل وبسيط وكتير بيشبه آليته بعمل إعلانات Meta Ads ومدته قصيرة للتدريب بينعمل بيوم واحد لكن المشكلة الحقيقية بإنه ما حسيت إنه كتير ضاف قيمة فعالة خاصّة إنه بسورية لسه موضوع الإعلانات من قلب البلد مو شغال بسبب طرق الدفع عدا عن هيك ما شفت في حدا من اللي بعرفهن استفاد من اعلانات لينكدان بترويج صفحات الCompany Pages إلا بحالات نادرة جداً لهيك بشوف برأيي الشخصي إنه المحتوى الOrganic سواء ك حساب شخصي أو حساب شركة هو الأقوى وهو اللي بتحبه الخوارزميات هون واللي بيوصل أكتر نظراً لأنه الخوارزمية مانها بهالتعقيد اللي منعتقده لكن مو غلط إنه يكون في إلمام عند الSocial Media Manager بهاد الموضوع بحيث ممكن بيوم من الأيام يستخدمه لأعمال تانية، طبعاً هاد بيضل رأيي الشخصي يحتمل الصواب والخطأ رابط التدريب رح اتركلكن ياه بأول تعليق👇 واكتبولي بالتعليقات اذا حاسين إنه موضوع الإعلانات على لينكدان ممكن يكون فعال أو لأ💚
1 pages
58

Aws Youssef

Sales & Marketing

4mo

بصناعة المحتوى… في فكرة مهمّة جداً وقليل اللي بيحكوا عنها بالشكل الكافي 👀 متى يكون عدم النشر أفضل من النشر؟ مو كل وقت مناسب لنشر المحتوى، وأحياناً عدم النشر بيكون قرار حكيم ببعض الأوقات، من منظور علمي وتسويقي وأيضاً نتيجة تجارب شخصية، برأيي الشخصي في 4 حالات بيكون فيها التوقّف هو مؤشر وعي: 1️⃣ لما يكون المحتوى ما بيقدّم قيمة حقيقية للجمهور النشر بدون فائدة بيضعف الثقة على المدى الطويل، حتى لو زاد من الظهور بشكل لحظي. 2️⃣ لما الداتا الخاصة بمنصات السوشال ميديا يكون فيها مشكلة انخفاض التفاعل والوصول أو تغيّر سلوك الجمهور وفئته… كلها إشارات إنو التوقيت مو مناسب. 3️⃣ لما تكون بمرحلة بناء الفكرة التعلّم، البحث، وتطوير الفكرة أحياناً أهم من مشاركة نسخة غير ناضجة منها. 4️⃣ وقت الأزمات والكوارث بهاللحظات، الأولوية بتكون للتعاطف والمسؤولية الإنسانية… وأي محتوى ترويجي ممكن ينعكس سلباً على الثقة والصورة الذهنية للعلامة التجارية. سؤالي إلكن بالتعليقات، كيف بتقرروا أو شو المعيار الأدق لتقرروا إنو اليوم لازم ما تنشروا بوست معين؟👇
69

Aws Youssef

Sales & Marketing

3mo

بعد ما بيضناها ب شيش برك وتم تعبئة الكرش بنجاح... خلونا نفوت ع التقيل بقا🔥 مو كل تسويق هو بيع… وفي فرق كبير بين إنك تبيع منتج، وبين إنك تدعو الناس تكون جزء من قضية، كتير من المنظمات غير الربحية شغّالة بجهد كبير على الأرض ولكن بس صوتها على السوشال ميديا مو واصل بنفس القوة لأنه طريقة التسويق للمنظمات مختلفة تماماً عن أي براند تجاري 😬 بهالبوست رح نكشف الفرق الحقيقي بين قطاعات الB2B - B2C - B2G والمنظمات غير الربحية وليش فهم هالفرق هو أول خطوة لبناء تأثير حقيقي مو بس محتوى💚 إذا بتشتغل بمنظمة غير ربحية أو مسؤول عن صفحاتها… احفظ هالبوست لأنه الأساس لكل شي جاي بالسلسلة، واكتبولنا بالتعليقات شو طبختوا اليوم ع الإفطار 👇🏻
11 pages
56