Hala Nakawah's Recent LinkedIn Posts

للأسف... الشركات السيئة اللي رح تشتغل فيها، والعملاء المزعجين جداً اللي بتضطر تتعامل معهم، والمدراء غير المحترفين اللي تمشي تحت إدارتهم... كلها تجارب متعبة، لكن على المدى الطويل هي اللي رح تعطيك خبرة، تبني عندك صلابة، ووعي، ونضج بالتعامل مع الناس. مو بس بشغلك، حتى بحياتك كلها. التجارب السيئة أحياناً، هي اللي بتطلع منك أفضل نسخة مهنية

بوجود جو تنافسي كبير كتير بمجال الموارد البشرية وقامات وخبرات كتير مهمة على منصة LinkedIn … سعيدة اني وصلت للمرتبة الخامسة بمجال الموارد البشرية بسورية و16 عالمنصة بسورية

مدراء الشركات فهمانين الHR غلط 😅 وقت بيكون في ايميل ترقية أو زيادة راتب … المدير بيبعتو طبعاً 🫣 بس وقت يكون في قرار باقالة او عقوبة معينة … طبعاً الHR بيبعتو … لكن ليش عنا HR 🥲 الHR مو شرطي مرور ولا هو واجهة القرارات السلبية بالشركات

سعيدة وممتنة جداً لحصولي عالمرتبة السادسة من صناع المحتوى بمجال الموارد البشرية بسورية المجال يلي عملت Career Shift بعد ست سنين شغل لاقدر اشتغل فيه ووقتا رجعت بلشت من الصفر لكون بالمجال يلي بحبو بتمنى كون عم قدم نصائح وتجارب مفيدة لانو هاد هدفي الاول Rabee A. شكراً كتير الك

#رأي_شخصي أنا ضد البوستات يلي بتنكتب بAI خاصة على منصة لينكدان. هي المنصة هية لتشارك فرصة عمل، معلومة نتيجة خبرتك المهنية المتراكمة مو لحتى AI يكتب البوست. أنا بفضل أقرأ بوست عن معلومة واستفاد منها نتيجة خبرة شخص عن اني أقرأ بوست مولّد الكترونياً. وفوراً هي البوستات بتبين اذا حدا كاتبها بكلماتو وأفكارو ولا شي الكتروني بحت.

في جانبين أساسيين بالمقابلات الوظيفية أنا بخبر المرشح اذا المقابلة رح تكون باللغة الانجليزية (حسب طبيعة الشاغر وطلب الشركة) أو باللغة العربية لأنو هاد الشي من حق المرشحين وبرأيي غلط ما خبرو حتى لو لغتو الانجليزية ممتازة. وبنفس الوقت اذا انت كاتب بالسيرة الذاتية لغتك الانجليزية ممتازة وأنا خبرتك المقابلة رح تكون بالانجليزي وبالمقابلة تصير تجاوبني بالعربي فهون في مشكلة 🥲

أكتر منصب بدقق عليه وقت فلترة السير الذاتية ووقت المقابلات هو منصب HR. لأنو المفروض يكون المستوى لهي الفئة بالذات فوق الجيد. ما بتظبط معي حدا عم يقدم مثلاً لمنصب مدير موارد بشرية وترتيب الخبرات عندو غلط أو المقابلة تبعو تعتبر غير جيدة. تقييمي للاشخاص يلي عم يقدموا لأي منصب موارد بشرية أصعب من أي منصب تاني.

#مقابلات_مهنية للأسف أنو في أشخاص عندو خبرة مهنية جيدة (خمس سنين ومافوق) ما بيعرفوا يقدموا حالن صح بالمقابلة. عملت مقابلة من كم يوم مع شخص عندر خبرة سبع سنين بتلت شركات … وسؤالي كان كتير بسيط … احكيلي اكتر عن مهامك الوظيفية بآخر شركتين صار يحكيلي عن مجال عمل الشركات وشرحلي مهامو بجملتين فقط. وانا حاولت اسال اكتر ليشرح اكتر شو كان يشتغل بس للاسف بلا فائدة. المقابلة هية تاني شغلة لازم تعرف تسوق لحالك فيها صح

في ناس بالعطل بتاخد بريك من ضغط الشغل وبتحاول ترتاح شوي وناس تانية بتحاول تخلص التراكمات يلي عليها وترجع ترتب امورها خلال هي الفترة انتو من اي نوع؟

برأيي وعن تجربة شخصية أكتر المناصب يلي الشركات لازم تكون دقيقة باختيارها هية المناصب يلي بتكون على احتكاك مباشر مع الزباين (خدمة عملاء وحتى مبيعات). هدول أوقات اختيارهن بيكونوا أصعب من اختيار المدراء لأنو هنن واجهة الشركة بالتواصل والتعامل وهنن الانعكاس الصح للشركة. للأسف كتير شركات بتخسر عملاء بسبب عدم اختيارهن الصح لهي المناصب بالرغم من اسمن الكبير والتسويق يلي بيعملوه.