Joudy Hamido's Recent LinkedIn Posts

أنا مالي Founderولا CEO بس تعلمت كيف أبني استراتيجيات وأنظمة تخلي المشاريع تنجح قبل ما ينشروا أول بوست.   4 سنين كنت عم أبني خبرتي خلف الظل  بمشاريع حقيقية مع عملاء متنوعين بدول عربية مختلفة وتعلمت كيف أفكر قبل ما أنفذ. مين أنا؟؟ جودي حميدو _مهندسة استراتيجيات محتوى تسويقية   من الهندسة.... للتسويق من تجارب نجحت جدا..... لتجارب علمتني أكثر مما توقعت سؤال دائما براسي وأنا عم أبني مهاراتي بهاد المجال: ليش أغلب المشاريع الناشئة تبدأ بالمحتوى قبل ما تبني الأساس؟ لهيك طبقت نفس عقلية الهندسة على البراندات والمشاريع يلي اشتغلت معهم أي مشروع أو براند ببلش بالأساس مو بالبوستات كيف؟؟؟؟؟ 1️⃣ أدرس المشروع كأنه مخطط تنفيذي 2️⃣ أحدد موقعه الحقيقي بالسوق 3️⃣ أصمّم تجربة المستخدم قبل أول محتوى 4️⃣ أربط كل خطوة بالاستراتيجية بهدف قابل للقياس وجودي على LinkedIn حتى نتبادل الخبرات والتجارب مع الشعب اللينكداوي المخضرم وحتى لأشاركم طريقة تفكيري وأفكار تساعد أي Founder أو شخص يبني براند شخصي 1. كيف يفكروا كمهندسين استراتيجيين 2. كيف يقيّموا مشاريعهم ويأخذوا القرار الصح 3. وين الأغلاط الشائعة بتسويق مشاريعهم  قبل ما تتكرر 4. وكيف يبنوا نظام يتحمل نمو حقيقي لأي مشروع  لهيك إذا كنت عم تبني مشروعك أو عم تعمل على براند شخصي…هذا المكان رح يكون  لتبادل الزوايا العميقة والمهنية.

8 أخطاء متأكدة إنك عملتها باستراتيجيتك التسويقية خلال أول 3 شهور من 2026. خصوصاً لو اكتشفت إن الـ conversion ما زاد أو حققت انتشار كبير "بس" بدون ولا عميل جديد. (الخطأ السابع والثامن تحديداً 90% من أصحاب المشاريع الناشئة بيوقعوا فيهم.) جمعتلك الأخطاء وحلولها بهاد الملف وكيف تعالج كل خطأ لتبدأ الربع الثاني من 2026 بقوة. — ليش الملف هاد مهم؟ لأن الاستمرارية بالعشوائية هي مجرد استنزاف للموارد. ▫️ الحل مو بزيادة النشر ▫️ الحل هو بتصحيح "المسار الاستراتيجي". وهلق السؤال إلك: خبرني أكتر خطأ عم تعاني منه حالياً نتناقش سوا؟ 👇

5 أسئلة أساسية لازم محتواك يجاوب عليها لأن بـ 2026 الاستمرارية بالنشر ما بتطعمي خبز لحالها. والغريب بالموضوع؟ نفس المبدأ كنت طبقه وقت تصميم أي مبنى معماري. الكارثة ما بتبلش لما ينهار المبنى أو ما يستخدم بعد بنائه.. الكارثة بتبلش "علورق". وقت المهندس بيرضي "غرور المالك" ويتجاهل القوانين والثوابت. بالتسويق، وخاصة مع الـ Startups، عم يتكرر نفس السيناريو تماماً: تصميم محتوى يرضي غرور واحتياجات المؤسس.. وبينسى قوانين السوق. قبل ما تبلش نشر، محتواك لازم يجاوب عـ 5 أسئلة أساسية: 1. مين المستخدم الفعلي؟ بالعمارة: اللي بيدفع حق المشروع مو دائماً هو اللي رح يسكن فيه. بالتسويق: لا تبني محتواك على العميل يلي أنت بتتمنى تبيعه.. ابنيه على العميل يلي عم يتألم ومستعد يدفع اليوم. 2. وين هي الأعمدة الحاملة؟ الناس ما بتشتري منتج، بتشتري حل لـ "وجع". إذا وقفت ميزانية الإعلانات الممولة، أو تغير الترند بكرا.. شو هي المشكلة الحقيقية يلي براندك رح يضل واقف كرمالها؟ 3. كيف هندست مسار الحركة؟ المبنى الناجح بيجبرك تمشي بمسار معين لتصل للباب دون ما تحس. وبراندك لازم يكون عم يوجه العميل بخطوات سهلة وواضحة لقرار الشراء.. مو يخليه يضيع بزحمة المحتوى العشوائي. 4. كيف رح يندمج مع المحيط؟ مبنى زجاجي كامل بنص الصحراء كارثة . ونفس الشيء إذا براند بيحكي لغة أكاديمية معقدة لجمهور بسيط بيدور على حل عملي سريع. 5. عم تبني معلم تذكاري ولا مشروع تجاري؟ المعلم التذكاري بيحقق إعجابات وتصفيق (Vanity Metrics). المشروع التجاري بيحقق ثقة ومبيعات (Revenue). أنت شو عم تبني؟ وهون الخلاصة يلي تستحق الوقوف عندها: بـ 2026 استمرارية نشر المحتوى وحده لا يكفي. واستراتيجية المحتوى الصح هي مو إنك تعرف شو رح تنشر بكرا.. هي يلي مهمتها إنك تعرف ليش عم تحط هاد الحجر من الأساس. وتلخص ب 3 قوانين ثابتة: • الجمهور مو أمنياتك. • المحتوى بيعكس متانة أو ضعف براندك. • التفاعل "مالو" نمو. السؤال الصريح لمشروعك هون: أي نقطة من هدول الـ 5 حسيت هي الأضعف باستراتيجية محتواك الحالية؟

أزمة المحتوى ليست في نقص الأفكار. الأزمة هي: أين تبحث عنها؟ جملة رنت براسي من أول ما حضرت ورشة مبارح. ورشة Mohamad Yousif Ybroudi بعنوان: "كيف تكتب محتوى على لينكدإن دون أن تبقى عالقاً؟" وخلينا نتفق.. محتوى لينكدإن ما بينفع معه محتوى متل باقي المنصات. هون لازم المحتوى: يشرح + يفيد + يثبت خبرة + يبني ثقة. طيب كيف نبلش؟ جيب "نوت بوك" وتعال نصنع محتوى الشهر الجديد سوا. وبس ب 20 دقيقة . — الخطوة الأولى: اكتب 8 أفكار. ورح ساعدك كيف تعمل "عصف ذهني" سريع: • من خبرتك: أخطاؤك، تجاربك، أسئلة الناس إلك، ورسائل العملاء. • برات خبرتك: يوتيوب (المدرسة)، كتب قرأتها، بودكاست، ونقاشات Reddit. — الخطوة الثانية: وزّع الأفكار على 3 قوالب: ▫️ محتوى لزيادة الظهور (Visibility): ليشوف الناس حالهم بكلامك ويحسوا إنك بتفهم وجعهم. (مثال: الجميع يقول نصيحة شائعة.. ثم حدث التغيير اللي غير كل شي). ▫️ محتوى بناء السلطة والخبرة (Authority): ليعرفوا إنك قادر تحل مشكلتهم وتكون مصدر ثقة. (مثال: كيف حققت النتيجة.. وكيف فيك تحقق نفس الشي). ▫️ محتوى لخلق الطلب (Demand): لتورجيهم شو بصير إذا اشتغلوا معك وشو بيتغير بحياتهم. (مثال: عملائي يحققون النتيجة خلال مدة.. إليك كيف تبدو العملية). — الخطوة الثالثة: نوّع الصيغ. خلّي الكالندر ميكس بين: Text – Carousel – Poll – Post. مبروك عليك.. هيك بكون صار عندك كالندر كامل. بمعدل منشورين عاليةة الجودة أسبوعياً، وبأقل من ساعة شغل. الخلاصة: الاستمرارية لا تطعم خبزاً دون "هيكلة". الهدف ليس النشر، الهدف هو بناء "مركز ثقة". هلق خبرني أي قالب حسيت في صعوبة بصياغته حتى ساعدك ؟

ساعتين بس.. خلوني أسأل حالي سؤال مرعب وخاصة بأحداث وقتا الحالي: لو انقطع النت، أو دخلت المنطقة بأزمة جمدت ميزانيات التسويق كم براند رح ينمحى من الوجود؟ وكم اسم رح يضل محفور؟ كنت عم اسمع بودكاست لـ سُهى موسى (مؤسسة Mousa & Palm). وعم حلل كيف براند بيحقق نمو عالمي بـ 0 ريال إعلانات لـ 6 سنين! السر ببساطة: استراتيجية انبنت على "هندسة التموضع" (Positioning). حجر الأساس اللي بيخلي براندك يسكن بعقل العميل، مو بس بشاشته. أكيد عم تسأل حالك ليش وكيف؟ ليش التموضع هو المحرك الأهم لأي بزنس بدو يعيش؟ 1️⃣ الفلتر الإستراتيجي للقرارات: التموضع هو المعيار اللي بحدد شو تعمل وشو ترفض. • سهى كانت ترفض المشاركة بأي فعالية بسؤال واحد: "هل براند غوتشي أو LV رح يشارك هون؟" إذا الجواب (لا).. ترفض مباشرة لحماية "قيمة" الاسم. 2️⃣ الخروج من صراع الأسعار: التموضع الصح بيطلعك من دائرة "السلعة المستهلكة" للقيمة المضافة. بدل منافسة محلات التمور بالسعر، اختارت منطقة الابتكار (Innovation). • سهى دمجت الثقافة العربية بالأجبان الفرنسية.. فصار منتجها "خارج المقارنة". 3️⃣ المنتج هو "المحتوى": المحرك الرئيسي للنمو العضوي (Organic) لسنوات. صممت علب الـ Tin Boxes كقطع فنية تحكي قصص النمر العربي وخيرات الأرض. • تحول المنتج لأداة تسويق ذاتي (Word of Mouth) على طاولات القهوة. 4️⃣ التوازن بين الفخامة والوصول: التطبيق الذكي لمدرسة "الوسطية". منتج بـ Look فاخر (Luxury) وبأسعار بمتناول الطبقة المتوسطة. •ذكاء في تصميم الأحجام لضمان "تكرار الشراء". 5️⃣ استراتيجية النمو المكاني: • سهى فرقت بذكاء بين بيئة الولادة وبين بيئة التوسع. جدة: كانت الحاضنة للإبداع (بلشت بـ 169 ريال بس!). الرياض: كانت المحرك للعالمية وبناء المصنع لضمان الاستدامة. الخلاصة لكل ريادي أعمال مبلش هلق: • لا تستعجل تفتح كاميرا وتطلق ممول قبل ما تعرف أنت "مين" ولمين بتبيع. • التموضع القوي هو "الفلتر" اللي بيعلمك تقول (لأ) للفرص الغلط. • إذا منتجك وتجربة عميلك ما بيحكوا عن حالهم، رح تدفع ثمن صمتهم مبالغ ضخمة بالإعلانات. نصيحة سهى الموسى (النية مطية): النية الصادقة والبراند اللي بيحترم تفاصيله بيوصل للسفارات العالمية.. حتى لو بدأ بمبلغ بسيط. لا تستعجل الحصاد وتدور على "الترند" وأنت بمرحلة الـ Launch. ركز على الأساس.. لأن التسويق الحقيقي بيبدأ من هندسة البراند، مو من كبسة ممولة. سؤالي إلك: لو طفينا الإعلانات اليوم.. هل أنت باني "اسم" بينذكر بالمجالس؟ ولا مجرد "إعلان" رح يختفي باختفاء النت ؟

سعيد بأن أشارك معكم أنني بدأت منصبًا جديدًا بصفتي Architect.