Mohamed Tolba's Recent LinkedIn Posts

بعد خبرة ١٦ سنة في شركات عالمية في مناصب ودول مختلفة وادارة ميزانيات بمليارات الجنيهات وبناء عملي الحر حابب اقولك اكبر درس اتعلمته الدرس هو انه "كله صعب" الشغل في شركة صغيرة صعب وفي شركة كبيرة صعب المدير العربي صعب والمدير الاجنبي صعب المنصب الصغير صعب والمنصب الكبير صعب النظام المحكم صعب وعدم وجود نظام صعب المرتب الثابت صعب والعمل الحر صعب دي واحدة من القوانين الربانية "لقد خلقنا الانسان في كبد" فارضى باللي ربنا رزقهولك بصدق واسعى للي ربنا كتبهولك برفق

قعدت ١٢ سنة بدور على حياة ليها معنى كل ٣ سنين بغير شركة ادارات مختلفة، مناصب مختلفة، شركات مختلفة سافرت اشتغلت في البلد اللي بحبها... الامارات مناصب اقليمية، جنسيات مختلفة، مهارات اقوى ولسه نفس الشعور... حاسس ان عندي اكتر... حاسس اني محتاج معنى أكبر... قررت اعمل حاجة مختلفة... رجعت لحلم زمان كان نفسي ابقى دكتور نفسي طول عمري بفهم الناس، بستمتع بمساعدتهم، وعايز أشوف مجتمعنا أقوى بس الوقت اتأخر، مش هبتدي طب وانا ٣٥ سنة بس في بديل... الكوتشنج هينفع يبقى كاريري الاساسي؟ معرفش... ابتديت النتيجة… ٣ سنين من الشغف والاشباع الروحي النتيجة الجانبية... دخل جديد مكنتش متوقعه فلو حاسس انك ماشي في طريق مش بتاعك : ❌ متستسلمش للدوامة ❌ متقتلش الفكرة اللي نفسك تعملها ❌ متقولش يا الوظيفة يا الشغف... ممكن الاتنين مع بعض

صديقي كلمني ٩ الصبح من العربية الشركة كلمته في الطريق قالتله متجيش الموضوع انتهى كده… بدون مقدمات. بدون اجتماع. بدون شكر. مع ان… الشركة مالتيناشونال. في الامارات. عندهم نظام. الشخص مجتهد. معاهم من ١٠ سنين. مشي في دقيقة… ليه؟ عشان المدير اتغير وضع غير عادل. ولكن ده الواقع. اسم الشركة مش مؤشر. الاجتهاد مش مؤثر. النظام مش بيحمي. عشان كده الاستقرار الوحيد ان يبقى عندك حياة : ١. مفيش مدير يغيرها ٢. او شركة تهددها وأحسن حاجة… انك تبني مشروعك جنب الشغل مش بعد ما تسيبه او هو يسيبك

بقالي ١٦ سنة موظف وبقالي ٤ سنين… موظف حر الفرق بينهم كبير ١٦ سنة كنت بدي وقتي وخبرتي لشركة ٤ سنين وأنا بديهم لنفسي أنا كمان نفس الخبرة… ولكن بدخل جديد ومش بس الفلوس اللي اتغيرت اتغير إزاي بدخل الاجتماعات اتغير إزاي بكلم مديري اتغير إزاي بفكر في مستقبلي لما يبقى عندك بديل بتتكلم من موقع قوة بتشتغل حسب قيمك وبتحترم قيمتك النهاردة انا بعلن عن حملة المليون موظف حر مش كورس، مش برنامج، دي حركة لكل موظف عنده خبرة وعنده حلم بس لسه مستني “اللحظة المناسبة” اللحظة دي… هي دلوقتي انا عامل تحدي مجاني لمدة بومين هتعرف ازاي تستخدم خبرتك وتبتدي عملك الحر انضم لينا وخليك من أول مليون التسجيل في التعليقات #حملة_مليون_موظف_حر

في ٣ مواقف خلوني ابتدي أبيع خدماتي على LinkedIn ١. مراتي اضطرت تعمل عملية الصبح لوحدها عشان مكنتش قادر ارد عليها وانا في الشغل ٢. مقدرتش أحضر مسابقة ابني اتكرم فيها عشان كان عندي اجتماع مستعجل ٣. اخدت أجازة شهر العسل أسبوع واحد عشان كان في شغل مهم لما بدأت أبيع خدماتي والمرتب مبقاش مصدر دخلي الوحيد الوظيفة ساعتها بقت اختيار مش اجبار وأكبر تحول حصلي مش الفلوس انما ان أسرتي بقت رقم واحد مش عشرة عشان كده احسن هدية تهديها لنفسك وأسرتك انك تبني مصدر دخل جديد

في ناس بتقولي انت ظروفك احسن من ظروفنا عشان كده قدرت تعمل البزنس بتاعك خليني احكيلك عن ظروفي اكتر دخلت مدارس وجامعات حكومية في مصر ابتديت بمرتب ٩٠٠ جنيه في الشهر عيلتي كلها موظفين والدي مكنش مقتنع باللي بعمله اصدقاء كتير بيتريقو على اللي بعمله زوج واب وموظف فوقتي في الغالب مضغوط واللي وصلتله والله ما ذكاء ولا قوة ولا سعي مني ربنا قرر يوفقني لحكمة عنده انا مش عارفها فاجتهد واصبر وادعي ربنا بالتوفيق وكده كده ربنا بيعملك اللي فيه الخير

امبارح اتعلمت من دان هنري ازاي اعمل مليون دولار من كتابة المحتوى الراجل ده بقاله ١٣ سنة بيكتب محتوى اعلانات اشتغل مع افضل مسوقين العالم عشان يضاعفو مبيعاتهم عدى ال ٤٠ مليون دولار مبيعات لنفسه و١٠٠ مليون دولار مبيعات للغير وهو عنده خبرة ١٣ سنة بس ! كل ده عشان بيعرف يكتب محتوى اعلاني وعرف ازاي يسوق لمهاراته كويس لان التسويق هو البزنس ملحوظة : انا عملت دليل لاكتر ٧ اخطاء شائعة في تسويق كورساتك وخدماتك الدليل مجاني في التعلبقات

خلصنا امبارح اول يوم من تحدي "ابدأ عملك الحر" و فخور جدا بكل واحد حضر ومكنتش متوقع اللي حصل كل اللي حضروا قرروا يبنوا حاجة السنة دي حتى وسط الظروف الصعبة المهم ان احنا بعد ما خلصنا اليوم وفتحنا الأسئلة قعدنا ساعة بنتناقش نقاشات عميقة عن المخاوف والعوائق والأفكار اللي بتشتتهم أسئلة كانت نابعة من طموح كبير لكل اللي كانو موجودين أضافو طاقة ايجابية محلصتش عشان كده بشكركو كلكو اللي لفت نظري ان محدش قال "صعب" كل الأسئلة كانت "ازاي" وده فرق كبير "صعب" ده قرار انه مينفعش "ازاي" ده سؤال وراه أمل.. لان كل سؤال وليه إجابة اليوم الأول قدرنا نحدد ايه اللي بيميزنا وهل هو فعلا يستاهل ولا لأ النهاردة هنبني على ده وهنتكلم عن الخطوة العملية الأولى اللي هتحول التشتت لخطة واضحة جنب وظيفتك متحمس جدا جدا #حملة_مليون_موظف_حر

هقولك حقيقة عن كل الناس اللي عاملين براند هنا على لنكدان (من ضمنهم أنا) ان كلنا بدون استثناء ابتدينا واحنا شاكين في نفسنا ابتديت وأنا شايف ان في ناس احسن مني مش شايف اني هضيف حاجة مختلفة مش متخيل ان هيبقى في تفاعل حاسس اني في الغالب هفشل متأكد ان خبرتي مش كفاية خايف من رد فعل الناس والمفاجأة ان الأفكار دي لسه بتجيلنا لحد النهاردة لسه خايفين من الفشل ومن كلام الناس وان خبرتنا متبقاش كفاية بس متعايشين مع المشاعر دي وبنكتب واحنا لسه حاسبن بيها… انما مش بنتغلب عليها نهائيا ولو انت كمان عندك نفس مشاعر الخوف والشك كمل يا عزيزي… احنا زي بعض

في حقيقة مهنية جديدة دخلت علينا اخر ٥ سنين انك ممكن تحب شغلك، تكون شاطر فيه، وتخسره بكره ممكن يبقى عندك المنصب، والفريق، والمرتب، ومدير بيحبك بس مفيش حاجة فيهم تفرق معاك أنا مش ضد الوظيفة اشتغلت ١٦ سنة في شركات كبيرة وحبيت معظم وظايفي كانت من أحسن الحاجات اللي حصلت في حياتي بس اتعلمت إن الوظيفة مبقتش أمان... عالأقل مش زي الأول الأمان إن يكون عندك حاجة الشركة متقدرش تاخدها منك مهارة، جمهور صغير، مصدر دخل تاني جنب وظيفتك مش عشان تسيب شغلك بكره انما عشان يكون عندك خطة تلجألها وقت ما تحتاجها

ازاي تخطط لمسارك المهني بعد الـ ٣٥ اخر نقطة لو مش عندك هتفضل متوتر طول حياتك ومش قادر تاخد اي مخاطرة

كل سنة وانتو طيبين 😄 البرومبت في التعليقات

لو قررت تستغل علامتك التجارية الشخصية وتعمل منها دخل… انت مضطر "تتقبل" حاجات كتير ١. هتضطر تتقبل انك تسوق مش انك تجيب تفاعل ٢. انك تكتب لنوع معين من الناس مش لكل الناس ٣. ان هدفك يكون بناء دخل مش الوصول للشهرة ٤. انك تقول لأ للرسائل "الكتيرة" اللي بتجيلك من اشخاص غير جادين عشان تساعدهم ٥. انك تتخلى عن صورة "صاحب الاثر" وتتقبل صورة انا هسيب اثر وكمان هعمل فلوس نقلة التفكير دي صعبة مش سهلة بس هي دي الطريقة الوحيدة

في ناس بتخاف تحط سعر عالي لخدمتها بتحس ان الخدمة مش مستاهلة أقولك على حاجة؟ وأنا كمان عشان كده كنت بقلل من سعر اي خدمة بقدمها لحد ما عملت حاجة واحدة "اني خليت خدمتي في عمق قصتي" بقالي ٣ سنين بقدم خدمات تساعدك تحقق نفس النجاح اللي انا حققته بالظبط بالظبط نفس الخطوات اللي انا طبقتها ونجحت معايا لا زيادة ولا نقصان يعني مش هعرف اساعدك تحقق ١٠ الاف دولار انما ممكن اساعدك توصل لـ ٣ الاف دولار مش هعرف اساعدك توصل لـ ٥٠ الف متابع انما ممكن اساعدك توصل لـ ٢٠ الف لما حطيت الشرط ده في كل خدمة بقدمها اسعاري زادت اكتر من ٤ اضعاف لاني كنت مؤمن بخدمتي وقادر اوصل قيمتها فلو عايز تحس بقيمة كل خدمة بتقدمها ومتترددش في تسعيرها هتختاج تقدم خدمة في حاجة انت نجحت فيها مش اخدت فيها شهادة

تخيل لو قعدت ٧٣٠ ساعة بتشتغل على مشروع ده تقريبا ٤٠٪؜ من عدد ساعات شغلك سنويا هتحقق ايه في المشروع ده؟ كتير جدا لو قعدت ساعة يوميا لمدة سنتين هيبقى المجموع ٧٣٠ ساعة شيل منهم ١٣٠ ساعة طوارئ وراحة هيبقو ٦٠٠ ساعة كاملين هتبني فيهم اسم، وعمل حر، وحياة ليها معنى والأجمل انك ممكن تبنيهم جنب شغلك زيي لو ابتديت النهاردة هتبني حاجة لو مبتدتش الـ٦٠٠ساعة هيروحو في حاجات تانية #حملة_مليون_موظف_حر

وصلت لـ ٢،٥ مليون مشاهدة في ١٢ شهر ايه النتيجة اللي انا حققتها من المشاهدات دي؟ وصلت لعملاء في ٩ دول حققت ايرادات ٥٠ الف دولار مش بقولك كده عشان اتباهى انما عشان اقولك ان علامتك التجارية الشخصية ليها قيمة حقيقية لو استخدمتها صح عشان كده انا مش بساعد الناس تبني براند لان البراند مش هيحققلك حاجة لوحده بالعكس ممكن ينهكك مع الوقت انما بساعدك تبني بزنس حقيقي مع انه متعب بردو.. بس هيعمل تغيير في حياتك ويفتحلك طرق جديدة للتفاصيل زور صفحتي الشخصية

كل اللي بيقدم خدمات هنا على لنكدان (انا كمان) عندنا نفس الشكوك بتاعتك هل امكانياتي كفاية؟ هل هقدر انافس كل دول؟ هل المحتوى هيجيب تفاعل؟ هل هقدر اجيب عملاء؟ متفتكرش ان الواحد لما يحقق نجاح بيبقى خلاص فاهم كل حاجة وواثق من نفسه… خالص والله احنا بس بنكمل والشكوك جوانا عادي وبنقلب الشكوك أسئلة ايه المهارات اللي محتاجها دلوقتي؟ ازاي اكون مميز عن المنافسين النهاردة؟ ايه المحتوى اللي بيجيب نتايج دلوقتي؟ ازاي اجذب عملاء اكتر؟ وبصراحة… اجابات الاسئلة دي وراها مجهود كبير وفكرة انك تكمل وانت شاكك في نفسك دي متعبة بردو اقولك على سر تاني؟ معظم الشكوك غلط لانها بتبقى مبنية على افكار في دماغك مش تجربة الخلاصة يا عزيزي… ابتدي وانت شاكك ملحوظة : عملتلك دليل عن اكبر ٧ اخطاء شائعة في تسويق كورساتك وخدماتك عشان تتجنبهم الدليل مجاني من اول تعليق

وانت بتبني ظهورك وسمعتك على لنكدان خلي بالك في خيط رفيع بين انك تكون صانع محتوى وانك تكون خبير ليه وزنه الاتنين بيكتبوا الاتنين بيظهروا الاتنين عندهم متابعين ولكن في فروق جوهرية صانع المحتوى مهمته انه يجيب مشاهدات الخبير مهمته انه يحل مشكلة لشخص معين صانع المحتوى بيتقاس بالمتابعين الخبير بيتقاس بالعملاء صانع المحتوى بيفرح بالمنشورات الفيروسية الخبير بيفرح بالتحويل قبل البوست صانع المحتوى بيسأل : إيه اللي هيجيب تفاعل؟ الخبير بيسأل : إيه اللي هيخلي العميل الصح يوقف ويفكر؟ نقلة التفكير صعبة لان التفاعل وعدد المتابعين دايما بيحسسوك بالانجاز بس الانجاز الحقيقي هو انك تنتقل من صناعة المحتوى الى بناء علامة تجارية تفتحلك أبواب جديدة إيه اللي اتعلمته لما بدأت تبني علامتك التجارية الشخصية؟ خلينا ندردش في التعليقات

بعد ما وصلت لـ ٢٥ ألف متابع… حابب أقولك ان علامتك التجارية مش هتساعدك توصل لوظيفة أو انك تجذب عملاء دي حقيقة من وراء الكواليس محدش بيجيلو شغل عشان عنده 20 الف متابع والعملاء مش هتطلب خدمتك عشان عندك 50 الف متابع لان العلامة التجارية الشخصية ملهاش قيمة الا بشرط واحد… انك تاخد الخطوة اللي بعديها لو عايز وظيفة جديدة هتحتاج تاخد خطوة وتتعرف على ناس جديدة يوصلوك للفرص اللي انت بتحلم بيها لو عايز تجذب عملاء هتحتاج تقدم خدمة واضحة و تسوقلها بالشكل الصحيح عشان كده اللي بيبني علامة تجارية بدون ما ياخد الخطوة اللي بعديها في الغالب مبيكملش لانه مبيشوفش نتيجة مجهوده ايه اكبر سر اتعلمته عن العلامة التجارية؟

كنت ماشي كويس في الكارير بتاعي وصلت لمناصب إقليمية في شركات كبيرة لحد ما جت الكورونا.. الشركات طلباتها بقت أكتر المديرين بقو أصعب الضغط بقى أعلى ومفيش استقرار فكان قدامي طريقين : ١. أكمل زي ما أنا وأتمنى ان الدنيا تمشي كويس ٢. أبني حاجة خاصة بيا جنب الشغل عشان مخاطرش بمسؤولياتي الاختيار الثاني كان هيتطلب مني مجهود ووقت بس اخترته عشان احمي مستقبلي ومستقبل عيلتي دورت على النت على طريقة لبناء عملي الخاص لحد ما لقيت كورس أون لاين بـ 5,000 جنيه عن ازاي ابتدي عمل خاص في شغفي وبدون رأس مال بس كان عندي مشكلة... كنت شاكك اني هقدر انجح واعمل دخل محترم لان عمري ما قدمت خدمة وعمري ما سوقت وعمري ما بعت المهم اني ابتديت بالفعل وعملت فلوس... بس كنت ببذل مجهود كبير والفلوس كانت قليلة فالوضع مكنش نافع والشك اللي عندي ابتدى يزيد اكتر... لقيت كورس أون لاين مسجل بألفين دولار وده كان سعر غالي اوي على شوية فيديوهات كانو ١١ فيديو بالظبط بس ده كان أحسن استثمار عملته في حياتي السنة اللي قبل الكورس عملت الاف الجنيهات السنة اللي بعد الكورس عملت الاف الدولارات كنت ساعتها بعمل كارير كوتشنج وبساعد الناس توصل لوظيفة أحسن لان دي حاجة انا قدرت اعملها بفضل ربنا و كنت مقرر اني مش هقدم خدمة غير في حاجة انا نجحت فيها بالفعل بعدين حسيت اني بقدم حاجة الناس عايزاها اه وبعمل منها دخل كويس بس من جوايا كنت عارف انها مش هتوفرلهم الاستقرار والحياة اللي هما عايزينها ففكري اتحول من اني ابني بزنس في حاجة ممكن متوصلش الناس للحياة اللي هما عايزينها الى اني اساعد الناس هما كمان يبنو دخل مستقل زي ما انا عملت بردو عشان يوفرلهم استقرار أكبر وخطوة لحياة فيها حرية أكبر عشان كده دلوقتي بقيت أساعد الناس في تسويق الخدمات و الكورسات وبرامج التدريب والاستشارات مش عن طريق تعديل بروفايل لنكدان وكتابة المحتوى وزيادة المتابعين انما نظام تسويق متكامل ساعدني اني أحقق : أكثر من 70 عميل في 9 دول 55 ألف دولار خلال آخر سنتين إتقان أفضل 3 أنظمة تسويق في العالم 25 ألف متابع دي رسالتي… اني أوصل لكل واحد مؤمن ان عنده امكانيات وأساعده يستغلها عشان يعيش حياة أحسن ويساعد ناس أكتر شاركني وقولي ايه رسالتك 🙂

بقالي سنتين الناس مش عارفة أنا موظف ولا صاحب عمل؟ أنا ولا حاجة من الاتنين أنا موظف بس مش موظف بالمعنى المعروف بروح الشغل الصبح بإرادتي عشان بحب اللي بعمله مش عشان محتاج عندي مدير بس لو طلب مني حاجة غلط هقوله لأ لإن عارف إن عندي بديل لما بحتاج اجازة مش بتردد وببقى مع اولادي في الاحداث المهمة بشتغل في شركة بس بشتغل برا الشركة كمان الناس اتعلمت إن في نوعين بس موظف أو صاحب عمل أنا اكتشفت إن في نوع تالت موظف حر #حملة_مليون_موظف_حر

لكل واحد بيسوق تدريباته وخدماته في لحظات نادرة بتحس انك ابتديت تربط كل حاجة ببعض بتستهدف العميل الصح بتكتب محتوى مدروس بتقدم عرض مميز بتتابع باحترافية بتقفل الصفقة وبتقدم خدمة بجودة عالية بتحس ساعتها انك بدأت تقرب للحياة اللي كنت راسمها لنفسك مهم ساعتها انك تبني على اللحظات دي عن طريق انك تؤمن بقدراتك اكتر.. وترفع من مستواك اكتر.. عاش 🚀

تفتكرو بحضر ايه؟

أنا كنت بكتب وبستخدم خوارزمية لنكدان كويس مش عارف كنت بكتب عشان مين بس كنت عارف ان التفاعل كويس بس كنت بسأل نفسي ليه البوست ده اللي جاب 8,000 مشاهدة مجبش ولا رسالة واحد؟ الإجابة كانت بسيطة ومؤلمة في نفس الوقت لان البوست كان بيتكلم مع الجميع اكتشفت ان المشكلة مش في الانتشار المشكلة ان المحتوى مش بيكلم العميل بالظبط فالسؤال كان... ازاي أحافظ على الانتشار؟ وفي نفس الوقت أخاطب جمهور معين؟ فوصلت للمعادلة التالية : ٣ بوستات في الاسبوع الأول للانتشار الثاني موجه لجمهور بذاته الثالث لعرض خدمتي النتيجة ؟ ٢٥ ألف متابع دخل شهري اضافي ايه الـ Tricks بتاعتك في كتابة المحتوى؟ تنصح بايه؟

لو عايز تبتدي عملك الحر ومش لاقي وقت فممكن تستخدم نظرية "الملاحظة والتكرار" عشان تخلص شغل اسبوع في ساعات لاحظت ان احسن وقت بكون فيه مبدع ومنتج وفي قمة تركيزي وانا قاعد في الطيارة مفيش حد متوقع مني اي حاجة وبحس اني متحرر من كل المسؤوليات وبدون احساس بالذنب فكرت ازاي اكرر الجو ده كل اسبوع؟ لقيت اني اقدر اكرره في عطلة نهاية الاسبوع من ٥ لـ ٩ الصبح اجازة فمحدش في الشغل متوقع اني اشتغل مراتي واولادي نايمين فمش محتاجين مني حاجة وغالبا كل الناس نايمة فمحدش هيشتتني ومحدش متوقع اني صاحي اصلا النتيجة بقى عندي ٨ ساعات اسبوعيا من الانتاج والابداع ساعدوني اوصل للي انا عايزه وزي ما انت شوفت انت مضطر تتنازل عن حاجة انا اتنازلت عن السهر مؤقتا لان بناء عملي خاص اهم بالنسبالي لانه هيوفرلي الحياة اللي انا عايزها لو مش مستعد تتنازل عن حاجة… فممكن تأجل فكرة العمل الخاص لحد ما تحس انه اولوية بالنسبالك دلوقتي دورك : ايه اكتر وقت بتبقى منتج ومبدع فيه؟ ازاي تكرر الوقت ده كل اسبوع؟ مستعد تتنازل عن ايه؟ هطلب منك خدمة اكتبلي اجابتك في التعليقات خلينا نشوف تجارب بعض ولو بناء عملك الحر اولوية بالنسبالك ارشحلك تنضم لتحدي “ابدأ عملك الحر” التفاصيل في اول تعليق #حملة_مليون_موظف_حر

لو انت موظف… عملتلك تحدي مباشر مجاني عشان تبتدي عملك الحر التحدي ده هينقلك من "مش عارف تبتدي ازاي" الى انا فهمت هبتدي ازاي من "مش متأكد ان خبرتي مطلوبة" الى "انا جاهز اقدم عرض" من "الناس هتبصلي ليه؟" الى "انا عارف ليه الناس هتجيلي" التحدي مفيهوش معلومات عامة ولا خطوات جاهزة معروفة فيه تغيير عميق لفكرك وخطوات حقيقية هشاركك اهم الاسرار اللي ساعدتني اوصل لاكتر من ٥٠ الف دولار مبيعات عن طريق تقديم خدماتي اون لاين التحدي مجاني… احجز مكانك دلوقتي في التعليقات #حملة_مليون_موظف_حر

فاضل ٤٨ ساعة حمل #مليون_موظف_حر

الصورة دي دليل إن الخبرة اللي جواك أكبر واعمق مما تتخيل انت ممكن تقول “مش عارف أبدأ منين” “مش عارف خبرتي تتحول لإيه” “خايف محدش يدفع في اللي عندي” بس باتخاذ خطوات مدروسة وبعد جلستين بس… بقى عنده اطار واضح لخبرته ده اللي بيحصل في “ابدأ عملك الحر” مش بس تفكير… بل تحويل خبرتك لعرض واضح، بنظام، بخطوات ابتدي انت كمان 👇 #حملة_مليون_موظف_حر

عندي دليل ان خبرتك تساوي فلوس ان الشركة محتاجاك تروح كل يوم وبتدفعلك عشان تساعدها تكسب ولكن المشكلة هنا انك مش بتحدد قيمتك ومش بتحدد تصحى امتى وتشتغل امتى ومش بتحدد تقعد مع عيلتك قد ايه تخيل لو في طريقة تديك حرية اكبر؟ بداية بسيطة جنب وظيفتك تكون خطوة لحياة جديدة ده اللي اتا عملته بتوفيق ربنا مش ذكاء ولا خبرة ولا قوة مني بس بسعى وبحسن الظن بربنا ومؤمن ان انت كمان تقدر تعمل كده تجتهد وتحسن الظن بربنا وتاخد خطوة جديدة وعشان تعرف تبتدي صح ازاي عملتلك محاضرة مجانية سجل في التعليقات #حملة_مليون_موظف_حر

قبل ما تملأ الاستمارة خليني أقولك بالظبط إيه اللي هيحصل معاك في الـ ١٠ أسابيع دول مجموعة من 10 أفراد هنقعد مع بعض مرة في الأسبوع وهتاخد الخطوات التالية : ١. هتحدد خبرتك المميزة بالاسم مش هتفضل تسأل "أنا شاطر في إيه؟" هتعرف بالظبط إيه اللي الناس ممكن تدفع فيه 2. خطة واضحة ومدروسة تشتغل بيها ساعة في اليوم مصممة للمشغول اللي عنده وظيفة ومسؤوليات بعد الظهر 3. نظام تسويق ومبيعات أوتوماتيكي مش محتاج تعمل كل حاجة بنفسك انت هتبني نظام أوتوماتيكي يساعدك في التسويق والبيع 4. أوراق عمل وقوالب وأدوات ذكاء اصطناعي كل حاجة جاهزة.. هتختصر عليك وقت ومجهود وتفكير 5. مجموعة دعم من خبراء زيك ناس بتبني عملها الحر جنب وظيفتها.., وأنا كمان هكون معاكو 6. اجتماع مفتوح للأسئلة كل شهر هبقى معاكو أجاوب أسئلتكو وأقولكو ايه الجديد الهدف النهائي انك تبني عملك الخاص في خلال 90 يوم لو جاهز تخلي السنة دي مختلفة فأنا جاهز أكون معاك في الرحلة دي املأ الاستمارة في التعليقات #حملة_مليون_موظف_حر

تحويل خبرتك لعرض مش صعب الصعب انك تصدق ان خبرتك تستاهل انا فضلت شاكك في نفسي سنة خايف اقول ان عندي حاجة والحقيقة اني لما ابتديت مفيش حاجة اتغيرت نفس خبرتي، نفس خوفي، نفس شكوكي بس قررت ابتدي وخلاص وده من احسن القرارات اللي اخدتها في حياتي مش عشان بقيت اعمل فلوس زيادة انما عشان البداية المصحوبة بالخوف دي هي اللي خلتني اثق في نفسي وقدراتي واقدم اللي عندي بدون تردد وهدفي اني اوصل لمليون موظف ياخد نفس القرار ويبتدي #حملة_مليون_موظف_حر

بكرة العيد فكل سنة وانت طيب العيد المرة دي جي في وقت صعب محدش عارف هيحصل ايه بكرة مش عارف هتكمل في وظيفتك ولا لا هتكمل في البلد اللي انت عايش فيها ولا لا بنمر بمرحلة تخبط وعدم استقرار شديد بس مينفعش تقف تتفرج وتستنى استغل اجازة العيد واعمل الـ ٣ حاجات دول : ١. افتح حساب بنكي جديد لو مش محوش فلوس (زي معظم الناس) اول حاجة بعد العيد تروح تفتح حساب جديد واول ما تقبض هتحط فيه ١٠٪؜ من مرتبك دلوقتي مش وقت الصرف والرفاهية ٢. اشتري اول قطعة استثمارية لو معندكش اي نوع من الاستثمار.. مع ال١٠٪؜ اللي هتوحشهم من القبض اللي جي هتشتري اول سبيكة ليك ١٠ جرام دهب ٥ جرام فضة اي حاجة ٣. حضر أهم خطتين في حياتك الخطة ب دي عبارة عن مصدر دخل تاني يقدر يسندك وقت ما تحتاجه، او ممكن تكبره ويكون مصدر دخلك الاساسي الخطة ت ودي اهم خطة في حياتك… اسأل نفسك… لو معيش فلوس ومفيش دخل هعمل ايه؟ الجواب ممكن يكون هروح اوضة فاضية في بيت ابويا الخطة ت مع انها خطة سيئة ومش هتبقى عايز تروحلها… بس هي اللي هتديك راحة وثقة وهتحس ان مهما الدنيا باظت.. دايما عندك ملجأ اخير الحياة مش هتبقى احسن تعامل على هذا الاساس واتحرك

هتلاقيها في وظيفة؟ ولا في العمل حر؟ اكتبلي رأيك

لو عايز تسوق وتبيع تدريباتك او خدماتك في خمس كتب هيختصرو عليك على الاقل ٣ سنين من التجارب والاخطاء $100M offers, Alex Hormozi الكتاب بيتكلم عن ازاي تختار السوق وتصمم عرض لخدمتك وتسعر، الاساليب اللي في الكتاب مش جديدة، انما هو بسطها بحيث يكون عندك عرض قوي في اخر الكتاب… تقريبا احسن كتاب قرأته في التسويق لحد النهاردة $100M Leads, Alex Hormozi نفس الكاتب بياخدك الخطوة اللي بعديها وهو انك تعرف ازاي تجيب leads، الكتاب بيرسخ بعض المبادئ الاساسية اللي لوحدها هتخليك تسوق افضل من معظم الناس Building a story brand, Donald Miller الكتاب بيخلي العميل بتاعك يفهم بالظبط انت بتعمل ايه وهتساعده ازاي، هيخلي اي محتوى او موقع او بروشور او اعلان بتعمله يبقى واضح ومغري للعميل Psychology of Selling, Brain Tracy معظم الكتاب مش بيتكلم عن مهارات البيع، انما بيتكلم عن معتقدات البيع، لما قرأته لقيت ان المهارات اقل اهمية بكتير لانه ساعدني ابيع بدون حتى ما اتعلم مهارات البيع Scientific Advertising, Hopkins الكتاب ده كسر فكرة إن الإعلان فن فقط، وركز على الجانب العلمي القائم على تحليل البيانات، والمبادئ اللي بيقدمها الكتاب قابلة للتطبيق في أي صناعة، عشان كده هو مرجع أساسي لكل شخص شغله في التسويق أو كتابة المحتوى لو في كتاب بترشحهولي قولي عليه في التعليقات

الناس اللي في منتصف السلم الاداري بيبقو اكتر ناس عايزة تسيب الشغل بيشيلو شغل اللي فوق بس مش بياخدو مرتبهم وبيشيلو مشاكل اللي تحت بس محدش بيكافئهم فبيحس انه مستنزف من كل الاطراف وبيلاقي وقته ومجهوده بقى لغيره ووظيفته بتبتدي تفقد معناها فبيدور ازاي يطلع من كل ده عشان يرجع يتحكم في وقته ويعيش حياة ليها معنى المشكلة ان التحرر مش بييجي في يوم وليلة ولا بييجي لو معاك رصيد في البنك انما بعد خطوات من البناء عشان كده محتاج تبني حاجة جنب شغلك عشان لما تقول كفاية.. تقدر تاخد القرار

في الغالب أكبر تحدي بيواجهك في كتابة المحتوى ان معندكش طاقة تدور على أفكار ولا انك تكتب محتوى لانك بترجع من الشغل طاقتك مستنزفة وعايز ترتاح وعندك مسؤوليات تانية بعد الشغل ومش عايز تقصر فيها فده بياخد مساحة من تفكيرك فمش بتعرف تجيب أفكار للمحتوى وبتحس بضغط كبير وكمحاولة أخيرة منك بتلجأ للذكاء الاصطناعي عشان يكتبلك وممكن حتى متقدرش تكتبله prompt كويس فبتلاقي البوست شكله مش عاجبك فمش بتنشر حاجة لو ده انت عايزك تتمهل على نفسك شوية لان النظام ده مش هينفع أهم حاجة تعملها قبل كتابة أي بوست انك تعمل لنفسك “تمهيد” تعمل ريستارت لعقلك وجسمك هقولك الطريقة بتاعتي عشان اكتب محتوى كويس وفي نفس الوقت محسش بالذنب ناحية عيلتي ومسؤولياتي التانية 1. بقلل احساسي بالذنب بصحى يوم السبت الساعة ٦ الصبح ولادي ومراتي نايمين فمش حاسس اني مقصر ناحيتهم وده بيخليني مرتاح 2. بعمل ريستارت لعقلي وجسمي باخد شاور ساقع بيبقى صعب ومتعب بس من غيره بحس اني لسه تعبان 3. بهدي الايقاع جدا بصلي الصبح بهدوء شديد لما بتبتدي اليوم بهدوء وتركيز بتكمل اليوم بهدوء وتركيز 4. بعلي طاقتي بفطر شوفان أو بيض، البروتين بيديك طاقة مش بتاخدها من أي مصدر تاني 5. بختار البيئة بروح كافيه جنب البيت أولا عشان أبعد عن أجواء البيت ثانيا عشان مستهلكش طاقة كتير في السواقة كده أنا بقيت جاهز اكتب محتوى كويس ٣ ساعات من الطاقة والتركيز وطبعا مش بكتب بوست وامشي بجدول محتوى أسبوعين احفظ البوست ده عشان ترجعله وقت ما تحتاجه

التحدي خلص... والرحلة ابتدت يومين كاملين كنا مع بعض اتكلمنا، فكرنا، كسرنا حواجز وأنا شايف ناس جاهزة فعلا لكن الخطوة الجاية مش تفكير ولا تخطيط الخطوة الجاية خطوات على أرض الواقع بنظام مدروس عشان كده أعلنا رسميا عن فتح باب التسجيل لبرنامج "ابدأ عملك الحر" برنامج ١٠ أسابيع، محاضرة كل أسبوع هتحول خبرتك لمصدر دخل جنب وظيفتك بساعة واحدة في اليوم هتخرج بتخصص واضح، خطوات مدروسة، عرض جاهز، وأول عميل ليك طريقة التقديم في أول تعليق ولو تم اختيارك هيوصلك إيميل فيه باقي الخطوات متحمس جدا #حملة_مليون_موظف_حر

اشوفكم الاربعاء ان شاء الله

ازاي تبتدي عملك الحر في الاستشارات او التدريب وفي ناس كتير احسن منك؟ هسألك سؤال… انت مستني تكون احسن واحد عشان تبتدي عملك الحر؟ اعتقد ده مش منطقي لانك هتفضل طول عمرك هيكون في احسن منك الحاجة التانية انت مش محتاج أصلا تكون خبير كبير في مجالك انت محتاج تكون سابق ١٠٠ واحد بـ ٣ او ٤ خطوات وتقول اني اقدر اساعدكو تاخدو الخطوات دي بس كده… ابتدي النهاردة وانضملنا في تحدي “ابدأ عملك الحر” تحدي على مدار يومين عشان تاخد أول خطواتك التحدي مجاني… احجز مكانك من التعليقات #حملة_مليون_موظف_حر

لما بسأل حد عنده خبرة انت ليه مش بتقدم خدمة؟ أول اجابة بتكون هسوقلها ازاي وانا ردي دايما بيكون ابدأ بصفحة هبوط صفحة الهبوط عبارة عن موقع من صفحة واحدة بس مش موقع كامل ومش صفحة شركة دي صفحة واحدة بتعمل حاجة واحدة بس بتعرف الشخص انت بتعمل ايه، لمين، وازاي، وايه الخطوة اللي جاية عشان يشتغل معاك أول صفحة بنيتها كانت بعد 10 سنين شغل جابتلي 225$ من ناس مكنتش اعرفهم قبل كده مش عشان خبرتي اتغيرت انما لأنهم فهموا إزاي أقدر أساعدهم انت كمان خبرتك موجودة بس لو مش في مكان واضح ومنظم هتفضل سر بينك وبين نفسك لو حابب تعرف ايه شكل صفحة الهبوط وازاي تصمم وتسوق وتبيع خدماتك الجواب في التعليقات

دروس خفية من بعض احاديث الرزق "ليس الغنى بكثرة العرض ولكن الغنى غنى النفس" فالغنى حالة نفسية وليست مادية --- "ما نقص مال من صدقة" تأكيد على ان الغنى ليس في الكمية --- "من سره ان يبسط له في رزقه وان ينسأ في أثره فليصل رحمه" أزمة الرزق مش دايما مادية، احيانا تكون اخلاقية --- "لو انكم تتوكلون على الله حق توكله لرزقكم كما يرزق الطير تغدو خماصا وتروح بطانا" مش كل حاجة بالورقة والقلم شاركها

وصلنا لأكتر من ٥٠٠ مشترك من ١٥ دولة عايزين يكونو من ضمن حملة #مليون_موظف_حر أكبر عدد من المشتركين من الامارات والسعودية ومصر هشارك معاك كل اللي اتعلمته عشان تعرف تبني عملك الحر هتعرف ازاي تحدد خبرتك المميزة وازاي تبتدي وأكبر أخطاء بتعيقك عن بناء علامتك التجارية واحتراف المبيعات مفيش معلومات عامة... أفكار وخطوات عميقة ميعادنا يومي ٧ و ٨ ابريل الساعة ٩ مساءا بتوقيت الامارات متحمس جدا

انت ممكن تقضي ١٥ سنة تبني خبرة بس متستغلهاش أنا كنت زيك بالظبط ١٦ سنة موظف كل يوم بدي معرفتي وخبرتي لشركة كنت بشوف انها خبرة عادية وموجودة كتير بس مكنتش واخد بالي من حاجة ان في ناس بتستخدم نفس الخبرة وتحقق منها دخل حقيقي ساعتها اكتشفت حاجة اللي اتعلمته في سنين ده مش "معلومات عادية" ده حل لمشكلة حقيقية في ناس تانية بتعاني منها دلوقتي فأنا مش محتاج أبقى "متميز عن كل الناس" عشان ابدأ عملي الحر أنا بس محتاج يكون عندي حل لمشكلة ناس تانية لسه عايشين فيها فلو حاسس ان خبرتك عادي حابب أقولك ٣ حاجات : ١. اللي اكتسبته في ١٠-١٥ سنة — ناس تانية بتصرف فلوس عشان يتعلموه من الصفر ٢. خبرتك مش "معلومات عامة" — ده مسار كامل من التجربة الحقيقية ٣. اللي سهل عليك دلوقتي ده بالظبط اللي صعب على غيرك — ده هو تخصصك مش محتاج شهادة تانية مش محتاج تنتظر "لما تبقى متخصص أكتر" انت محتاج ازاي تقدم خبرتك صح عندي ليك سؤال دلوقتي إيه المجال اللي لو حد سألك فيه سؤال دلوقتي، هتجاوبه بدون ما تفكر؟ الإجابة دي ممكن تكون أول خطوة لعملك الحر #حملة_مليون_موظف_حر

لو بتعمل حاجة كويسة في شغلك، يبقى عندك حاجة السوق محتاجها اتكلم عنها هنا اظهر جودة شغلك شارك المعلومات القيمة اللي عندك أسوأ حاجة ممكن تحصل ان مفيش حاجة هتتغير مجرد عدد أكبر من الناس هيعرف إنك موجود أحسن حاجة ممكن تحصل انك تكتشف إن مهارتك ومعرفتك تساوي ١٠ أضعاف اللي بتاخده دلوقتي ابتدي معايا من هنا https://lnkd.in/dJ5g795w #حملة_مليون_موظف_حر

واحدة من الاسباب اللي ممكن تخليك تتردد تسوق خدماتك انك خايف الناس تقول “آه… طلع بيبيع” الدكتور لما بتدفعله الكشف مش بيحس إنه “بيبيع” المحامي لما بيعرض عليك الخدمة بتاعته مش بيحس إنه “نصاب” ليه؟ لإن دورهم في دماغك واضح من الأول فالمشكلة مش في البيع المشكلة انك ممكن تكون حاطط في دماغ جمهورك انك صانع محتوى… مش واحد عنده خبرة وبيقدم خدمة لما تبني نفسك كخبير عنده خدمة واضحة بنتيجة واضحة البيع مش هيبقى لحظة محرجة هيبقى الخطوة الطبيعية الجاية حاسس بكلامي؟ شاركني تجربتك

ليه الناس تطلب مني استشارة او تدريب والمعلومات كلها موجودة اون لاين وببلاش؟ انت معاك حق فعلا لو انت هتقدم معلومات محدش هيجيلك الذكاء الاصطناعي هيكون احسن منك بكتير بس في حاجة ممكن متكونش واخد بالك منها الناس كلها عندها معلومات كتير بس محدش بيطبق هنا هييجي دورك الحقيقي لو هتدي الناس خبرة عملية مش كلام نظري لو هتساعدهم يفهمو العوائق الحقيقية واخيرا يكسروها ويبتدو يطبقو ساعتها قيمتك هتبقى اعلى من المعلومات وده اللي هنتكلم عنه في خلال التحدي المباشر ازاي تختار الخدمة اللي مش هيلاقوها ببلاش وتقدم خدماتك بثقة وبدون تردد تفاصيل التحدي في التعليقات الاشتراك مجاني #حملة_مليون_موظف_حر

في ناس ابتدوا عملهم الحر من ٣ أو ٤ سنين وقتها السوق كان مختلف المنافسة كانت أقل والذكاء الاصطناعي مكنش لسه مستخدم زي دلوقتي المهم انهم ابتدوا وبنوا حاجة دلوقتي السوق اتغير… الذكاء الاصطناعي خلى المعلومة مجانية ومتاحة جيل جديد دخل السوق بمهارات وطاقة عالية والناس بقت تفرق أكتر بين حد بيبيع كلام وحد بيبيع تجربة حقيقية فاللي هيفرق مستقبلا مش المعلومة… انما التجربة الحقيقية اللي عندك أنت بس التجربة دي لازم تتحول لحضور، لثقة، لعملاء — وده بياخد وقت عشان كده انا برشحلك تبتدي دلوقتي وخلي السنتين اللي جايين مختلفين عن السنتين اللي فاتو عملتلك تحدي مباشر يسهل عليك البداية ويساعدك تكسر الحواجز اللي مخلياك تأجل تفاصيل التحدي في التعليقات الاشتراك مجاني #حملة_مليون_موظف_حر

انا زيك… عايز اعمل براند بحب الناس تعرفني وتقدر قيمتي مع الوقت اكتشفت ان الموضوع متعب لان اعجاب الناس مكنش بيضيفلي حاجة بالعكس… حسيت اني مستنزف وان السوشيال ميديا ملكتني ومبقتش عارف انا مكمل ليه اكيد انت مريت بنفس الاحساس وعايز اطمنك… كلنا ابتدينا كده بنعمل براند وننبسط بيه شوية وبنسأل وبعدين؟ هقولك على اقصر طريق للاجابة وهو انك بدل ما تخلي البراند هدف يكون وسيلة لبناء عملك الحر ساعتها بدل ما هتركز على التفاعل والمتابعين هتركز على بناء دخل حقيقي وحياة فيها حرية أكتر انا عملت كده… وانت كمان تقدر تعملها ابتدي معايا من هنا https://lnkd.in/dJ5g795w #حملة_مليون_موظف_حر