Khalil Butros Wahhab's Recent LinkedIn Posts

رمضان كريم ربيع أخضر عامر ورفقة طيبة بتمنالكم من قلبي يا أحباب كل يوم وانتو وأحبابكم بخير ورضا أيام رمضانكم بتشبهكم

هل عادي أكون بالشارع وحدا يتقصّد ييجي يسلم عليّ وأكسفه أو أعمل حالي مش شايفه؟ طب ليش عادي نعمل نفس الشي على لنكدإن؟ خبراء المنصّات بينصحوا إنو لا نوافق على طلبات المعرفة على لنكدإن Connection requests إلا لمجموعة معيّنة مُقنّنة بتنطبق عليها صفات "الفئة المستهدفة" مشان يتحسن وصولنا والخوارزمية ترضى علينا وهكزا من جهتي، فلتذهب الخوارزميّة إلى الجحيم إذا بدّي أطنش بشر لأجلها بعتقد مهم نتذكّر إنو هذا العصر وأحكامه وآلاته شلعتنا من التواصل البشري الطبيعي وبدهم بالغصب نتحوّل لمستخدين شرهين على مواقع إلكترونيّة صمّاء باردة جافّة لبّسوها بالغصب مسمّى "تواصل اجتماعي" ويصير اللحم والدم مُختزلين بمجرّد اسم ووظيفة وصورة عاليسار بعتقد علينا نبقي هاي الأدوات على حجمها وما نضخّمها والأوسخ من هيك إنو ما نخليها تتحكم هي وخوارزمياتها بعلاقاتنا البشرية الطبيعية وتلبّسنا جلد لا-آدمي لما نتعامل مع أخونا الإنسان نتذكر إنو إحنا بشر مخلوقات اجتماعية أجسادنا وأذهاننا مصمّمة على التواصل البشري بالعيون والحوار الآدمي الناضج الدافي ولهذا السبب بالذات بدأت ببناء المجتمع في دارة مجتمع Nuddge.me نضج لأنو إحنا بحاجة لقاء إنساني داعم للتطور وجه لوجه في عالم الإلكترونيات المضخَّم فالخوارزمية هي اللي بدها تمشي عكيفي، مش أنا اللي أمشي عكيفها اسمه 'طلب إضافة' أو 'دعوة للاتصال' مش طلب تظلّم واسترحام بدنا نروق من جهتي، صارلي فترة طويلة بقبل كل طلبات التواصل على لنكدإن لأن هذا هو الطبيعي بالنسبة إلي ولمّا الواحد يوصل لعشرين ألف متصل -الحد الأعلى للتواصل- بيفرجها الله وبنلتقي ميتين حل يمكن قبل سنوات كنت أتصرف بالطريقة اللي هلأ مش عاجبتني لكن الآن عم بشوف الدنيا بفلاتر مختلفة شوي صح، غلط، ما بعرف لكن اللي بعرفه ومتأكد منو إن اللحم والدم والروح والمشاعر أهم من كود الخوارزمية ومَدّة إيد بني آدم يسلّم عليّ أهم من الرييتش واللي بعرفه أكثر إنو أنا اسمي خليل وأنا بحبك كبني آدم مهمتي نرجع نتذكر إنو إحنا بشر ونرعى حالنا وأحبابنا على هذا الأساس حتى نعيش عيشة بشريّة هنيّة راضين فيها عن حالنا نهارك بيشبهك #دولتك #معاليك #عطوفتك #سماحتك #فليأكلوا_الخوارزمية

مديرك السابق بيرن عليك وإنت بأجازتك وبترد وبتخدمه، مديرك الحالي بيرن عليك وإنت بالدوام وبتطنشه الأول باني معك علاقة صحيّة بشرية الثاني بيتعامل معك بناء على منصبه فقط الأول تقصّد واجتهد يكسب ثقتك كبني آدم الثاني بيشوفك رقم وظيفي الأول إنت اخترت بكيفك إنك تتبعه ويأثر عليك الثاني إنت مجبور تتبعه مع الأول إنجازك بيتعدى حدودك مع الثاني بتعمل أقل شي ممكن بدون جزاءات الكل بيبلش كمسؤول معاه منصب، لكن قلال اللي بيحسنوا تأثيرهم ويكونوا أكبر من مجرد منصب تفاصيل لتحسين التأثير خطوة بخطوة هو واحد من ألذ وأمتع وأفيد البرامج القيادية اللي بنقدمها مع معلمنا John C. Maxwell - Maxwell Leadership إذا بدك موظفينك يحكولك شكرًا وبيئة مؤسستك تتحسّن أكثر، إحنا جاهزين #نهارك_بيشبهك

بعض الشركات والمدرا بدهم يحوّلوا الموظف لجوكر، بتاع كلو. اللي بدو جواكر يا خوان يروح يلعب شدّة ويسيب البشر. الوظيفة الأساسية للمدير هو إنو يفهم البشر اللي مسؤول عنهم يفهم شخصياتهم، يعني هذا الشخص شو موهبته؟ بشو فالح؟ دماغه كيف بيستقبل المعلومات؟ كيف بياخد القرارات؟ شو اللي بيضغطه؟ شو اللي بيجعله مرتاح ومنجز ومتحفّز؟ من شو بيخاف؟ لشو بيخطط؟ وأكثر بكثير وقتها بيبطل الموظف مطلوب منو يتحوّل لجوكر وإنما رح يترتبله إنو يشتغل بأماكن مواهبه وقدراته ويتكامل بناء فريق مُنتج على هذا الأساس أمّا المدير، قبل ما يكون مدير، كان في السابق شخص متخصص بموضوع تقني معيّن ممكن كان محاسب، صيدلانية، فني كهرباء، فنيّة أشعة، وغيرها من مهن لكن لما تحوّلوا لمدراء -أو مسؤولين عن موظفين آخرين بأي شكل- هم ما عادوا أشخاص تقنيّين وإنما متخصصين بالبشر معلمي John Maxwell بيلخص وبيقول: "You are no more in the technical business, you are in the people business" وعليه، ممكن يكون عندك أحسن محاسب، أحسن مهندسة، لكن لما "ترقّيهم" لمدراء الموضوع يختلف تمامًا ويجيب نتائج عكسية على الفريق وعلى الشركة ولهذا السبب بالذات في بالعالم كتب وبرامج تدريبية ونظام ضخم عن "القيادة" والسبب بيوصفه معلمي وبيقول: "Everything rises or falls on leadership" نسمو أو نسقط بالقيادة... وأعتقد هذا واضح وبنشوفه بكل مناحي حياتنا ابتداءً من التأثير على حالنا، على علاقاتنا، على أشغالنا، على مجتماعتنا، على دولنا، وعلى عالمنا هذا أوضح وقت نشوف تأثير القيادية على كل شيء، وكيف ممكن القيادي\المؤثر يحوّل الكوكب لجهنّم خلينا باللي بنقدر نتحكم فيه... إذا بتحب فريقك يتقدّم ويكون منتج أكثر مع مشاكل أقل وظيفتنا نقدملهم ألذ برامج مبنيّة بأفضل الأدوات العالمية وتتقدّم إلهم بشكل محلّي بسيط مفهوم وقابل للتطبيق فوريًا بدون تحويلات وتعقيد راس مالها تبعتلي مسج وبندردش بعدها أسمع منك أكثر عن احتياجكم

مش عارف إن كنا شعوب جبابرة أم مساكين. الحق يُحرِّر. سلام.

هشاشة هذا "النظام" العالمي وإمكانية انهياره مع "حضارته" بسرعة الصوت أظن بتذكرنا إن المهم في هاي الدنيا هي عيلتنا وقيمنا اللي بتجعلنا بشر. غير هيك، القيمة صفر. لا شيء أغلى من عيلتك ولا إنجاز أعظم من فهمك لقيمك وتحويلها لدستور بيمشّي يومك غير هيك، الكل سراب. لأ؟ اسمي خليل وأنا بحبّك كبني آدم وبدي أشاركك بقيمي اللي بتجعلني إنسان: 1. الخدمة أنا معجون بفرح خدمة الناس بدونه ما بكون خليل لهذا السبب، على سبيل المثال، التطوع موجود بأيامي من ثلاثين سنة لليوم وتحوّلت الخدمة من تطوع ودعم لحياة كاملة لما كرّست نفسي من خلال مجتمع نضج. 2. التأثير في الخدمة والحركة بركة، صحيح لكن التأثير جميل وناضج لما يكون تأثير للأفضل إن كان في حياتي أو حياة اللي بيأمنوني على حياتهم 3. التعلّم إنت وأنا مخلوقات بسيطة لكن واسعة فوق هيك العالم كبير مهول وهذا بيحتّم علينا التعلّم عن حالنا وعن اللي حوالينا وعن عالمنا وفعليًا هذا هو نموذج النضج اللي بستعمله! لهذا كل يوم بتقصّد إني أتعلّم عن نفسي (داخلي) وعن الأمور المهمة (خارجي) وهيك بقدر إني أمارس القيمتين الأولانيّات، الخدمة والتأثير الطيّب، وأكبر فيهم بشكل متعمّد 4. أحب أحب حالي، أفهمها وأرعاها أحب عيلتي وأحبابي واللي بينتمولي واللي بنتميلهم، أفهمهم وأرعاهم ولهذا السبب دايمًا بخبرك إنو اسمي خليل وأنا بحبّك كبني آدم! إن عُرف السبب بطُل العجب 5. أنتمي إحنا مخلوقات اجتماعية بننتعش لما نكون في مجموعات بتشبهنا "بتشبهنا" يعني بتماثلنا في المهم بحياتنا وشو الأهم من اللي بيعطينا قيمتنا كبشر؟ قيمنا! بالتالي، لما أشوف قيمي بوضوح وأتقصّد إنها تكون طريق حياتي هذا بيسهّل عليّ إني ألاقي البشر اللي بتراعي قيمها الإيجابية وبالأخص اللي قيمهم بتماثل أو بتتقاطع مع قيمي أنا ومن الجهة الثانية، بيصير كثير سهل عليّ إني أبعد عن أي شخص أو مجموعة بيتحركوا في اتجاه غير الاتجاه اللي بيعطيني قيمتي وهيك بنتمي لمجموعة ناضجة جميلة همها: الخدمة، الأثر الطيب، التعلم، الانتماء، والحب! بكل بساطة، هذا هو مجتمع نضج. الآن نظام العالم المدّعي الحضارة هشّ مهما بيّن عظيم إنت جميل، عيلتك وقيمك هي الأولوية فبرجو لك وضوح في طريقك وأثر طيّب انت بتتعمّده خلال يومك على نفسك، أحبابك، وعالمك وتلتقي بناس تحبهم ويحبوك، يدعموك وتدعمهم أيامك بتشبهك #دليل_خليل

العلم نور شكرًا أ. Odai

يا إما عم بستغل حاجة الشخص اللي قدامي أو إنو إحنا الإثنين في علاقة رابحين ومرتاحين* هذا سؤال مهم للشخص الناضج على طول خط العلاقات باختلاف أنواعها؛ حب، عيلة، صداقة، شغل، وما بعد. بالتالي، نشاط وتفكُّر: ورقة وقلم كل شخص بتعامل معاه اليوم أفكر، هل عم بستغلهـ/ـا، أم إحنا الإثنين إلنا فايدة ومرتاحين *أم في حال أصعب، هل أنا الخسران من بداية العلاقة برأيي إجابة السؤال بشكل قريب للشفافية والواقع بتستلزم صورة صحيّة لذاتي وقدرة على فهم احتياجات وشعور البشر حواليّ وهدول شرطين صعبين. علاقاتكم بتشبهكم بدك علاقات صحيّة؟ بدّك تكون صحي جواتك

9\10 بالشغل و3\10 بالصحة وضع مش كثير كويس الصحة ما بتحتاج نادي رياضي واشتراكات وشورتات وساعات ذكية الصحة بتبدا بثلث ساعة مشي متواصل يوميًا مشي مشي عادي بسيط مش تعد كم خطوة مشيت بين كرسي المكتب وكرسي الحمّام وكرسي السيارة مشي وسيلة تنقلك الأولى واستخدامك لأقوى عضلات جسمك الموجودة بشكل غير عبثي في نصفك الأسفل مشي ممكن يكون كمان طريقة إنك تمشي مع حدا من عيلتك وتدردشوا سوا ألذ من تلفون معهم أو ستكرات وتساب مشي ممكن مع حدا معك بالشغل بالبريك تحكوا وتبنوا علاقة وتشوفوا شمس بدل ضواو النيون والكرسي الفاخر لإعدام الجسم وعموده الفقري المسكين إذا داير بالك على مشيك ورياضتك وعضلاتك وقلبك، خبرني شو عم تعمل إذا لسا، صحتك بتتوسلك إنك تبدا تمشي كل يوم ثلث ساعة وإذا إنت مسؤول عن فريق أو عن برامج الرفاه المؤسّسيّة عندكم بتقدر تدعم موظفينكم ببرامج صفريّة التكلفة لكن فوايدها بتصيب أكثر من هدف مهم إلهم شخصيًا واحترافيًا وبالتالي لمؤسستكم وبالتأكيد أنا تحت الأوامر وبعيد عند رسالة هون حتى نسهّل الحياة بغض النظر إن بدك تتحرك لحالك أو مع فريقك رح يساعدك إنك تجاوب أسئلة الـwh: what بدي أمشي ثلث ساعة where الحارة حوالين البيت أو المكتب مثلًا when الساعة 8 قبل الدوام who اسم حدا ممكن يمشي معك أو عالأقل يدعمك إنك تمشي why حتى أكون صحي أكثر طبعًا ودخّلها على رزنامتك وrepeat daily! هيك بيصير خطوة ملموسة معروف مكانها وشكلها خلال اليوم وممكن يصير أسهل لبعض الأشخاص إنهم يلتزموا بدل ما يكون هدف عايم ومجرد "بدي أصير أمشي"... مبروك مقدمًا البداية وبعد ست أشهر من اليوم، يعني بنص شهر 8، خبرني التغيير اللي رح تلاحظه على نفسيتك أولًا وجسمك ثانيًا المهم قانون الأولويات: الأولوية اللي بتهجرها رح تهجرك مهم كمان قانون الصورة: إذا أولادك وأحبابك شافوك نشيط رح يتشجعوا هم كمان يتحركوا لأنك إذا بدك تربّي ولادك، انت مضطر تربّي حالك. الأهم ما عندك وقت؟ أوك... خبرني، إذا خرب جسمك وين رح تسكن؟ #أيامك_بتشبهك #دليل_خليل #نضج

أيام صعبة وإنت وفريقك بتستاهلوا ترتاحوا وتشحنوا بطاريتكم شغلتي أسهّل حياتك وجبتلك جلسة وحدة: 1. فيها الفريق بيتعرف على بعض بشكل عميق مهما كانت المدة لشغلهم مع بعض 2. الفريق بيتفرج على شغلهم من زوايا جديدة تمامًا 3. ممكن الفريق يوصل خلال الجلسة لأفكار جديدة وتطبّق مباشرة لتساعدهم في إنجاز مهامهم وحل مشكلاتهم 4. بالإضافة، الجلسة رح تكون طريقة لقياس حاجات فريقك كمجموعة وكأشخاص، ورح يساعدك تأكد أو تبني خطة تطورهم الجاي وإنت متطمن اللي هي الجلسة اللذيذة الخفيفة المفيدة The Leadership Game اللي بنقدمها حول العالم مع فريقنا Maxwell Leadership - John C. Maxwell الجلسة مش محاضرة، بالتالي هي لعشر مشاركين على الأكثر حتى نضمن التفاعل والكل يكون إلو وقت يشارك برأيه براحة ثلاث ساعات ممكن تكون كافية ومافي لوجستيات أكثر من قاعة وطاولة وشاشة وبالتأكيد أهلا وسهلا نعمل الجلسة في رواق Nuddge.me نضج أو بمؤسستكم أو بأي مكان بيناسبكم اللي رح يصير هو ضحك، مشاركة، رابط أقوى بين فريقك، وفايدة مباشرة للإنتاجية، ووقت بيختفي بدون ما تحسوا ورح ييجو عندك فريقك يحكولك شكرًا عالجلسة! بضمنلك هذا جلسة رمضانية خفيفة وأكثر من مفيدة بين إيديك أنا بعيد عنك مسج نهارك بيشبهك

إحنا بأوقات صعبة وإنت وفريقك بتستاهلوا الأفضل The Leadership Game اللي بنقدمها حول العالم مع فريقنا Maxwell Leadership ممكن تكون من ألذ وأفيد الفعاليات لفريقك وممتازة لكل مستويات الهرم الإداري بمؤسستك جلسة خفيفة، فيها ضحك ومشاركة لكن ثقيلة بفايدتها لأنو رح ناخد نظرات فعليّة على الشغل من زوايا جديدة وبتبني رابط أقوى بين المشاركين كلو بهدف راحة أكثر ببيئة الشغل وفايدة مباشرة للإنتاجية هذا بثلاث ساعات على طاولة وبشكل تشاركي تفاعلي كبير لعشر مشاركين من فريقك واحد من أهم المؤشرات بعد جلستنا إن فريقك رح ييجي عندك ويحكيلك "شكرًا"! وأنا بضمن هذا إحنا بأوقات صعبة وإنت وفريقك بتستاهلوا الأفضل وأنا بانتظار مسج منك وندردش نهارك بيشبهك

إذا في يوم من الأيام ضايقتك، بجزملك إنو ما كان قصدي** وعلى الأغلب أنا اعتذرتلك وما كررتها إذا بدر مني شي أذاك مباشر أو غير مباشر لكن إذا في ملفات بتعتقد إنها لسا مفتوحة، بتقدر تتواصل معي أو تخلي حدا معرفة مشتركة بينا يخبرني، خلنا نسكّر ملفات الدنيا من جهة بسيطة ومن جهة، آخر وقت، إذا مش اليوم، بكرا، أو بعد ميتين سنة. أنا اسمي خليل وأنا بحبك كبني آدم وبأكدلك إن أيامك بتشبهك. ** هذا طبعًا إلا إذا إنت عملت مصيبة تجاهي، هون موضوع ثاني. بس برضو أنا مستعد أفتح أي ملف. مع العلم بالزمانات كنت أهرس اللي ييجي فيني، هالأيام صار عندي فلاتر أوضح إني ما أبلش أو أغمّق علاقات مع بشر أو مجموعات ما بتشبهني (ما بنتشارك في قيمنا اللي بتوجّه حياتنا) لأن مسار ونهاية هاي العلاقات معروفة قبل ما تبدأ. وهذا بيقلّل وجع الراس. #أيامك_بتشبهك.

نهاية أسبوع رايقة للجميع وwar-life balance

الدنيا قُرظة ودين. أحسِن لمن أقرضك. واللهمّ كثّر ما ملكت لتُقرِض من التجأ إليك بعد الله.

التساهل يؤدي إلى التنازل. #ضمان

تسعة من كل عشرة بشتغل معهم وجهًا لوجه لبرامج النضج الشخصي هنّ نساء. أكيد في أسباب كثير بتجعل النساء متقصدات أكثر من الرجال في برامج التطوير الشخصي -عالأقل بحسب ملاحظتي-. ملاحظة إضافية، في البرامج التدريبية الجماعيّة، الحضور النسائي بيكون 85% على الأقل من أي جلسة وفي أي محافظة من محافظات المملكة الأردنية الهاشمية الطنعش. منيّ وعلّي، الفرص والدعم متاحين للجميع بشكل متساوي بغض النظر عن الجنس، الخلفيات، التوجهات، وأي عامل مالو علاقة بالنفسيّة الطيّبة والإنجاز القوي. كل يوم وأنتن سالمات غانمات منجزات راضيات مع كل أحبابكنّ.

اللي بيفيدني اليوم هو اللي عملته قبل سنة وأبعد. واللي بعمله اليوم رح يثمر عالأقل بعد سنة.

فطر سعيد ومبارك بنتمنالكم من دحنون دارتنا وبلادنا. الله يتقبّل طاعاتكم وقيامكم وجميع أعمالكم وتبقوا بصحة ورضا مع أحبابكم.

"عمر الرجال أطول من عمر الامبراطوريات" "الهدف موقعي... ارمي ارمي. انتهى" صوت البطل خضر شكري أبو درويش من الجيش العربي بيعطي الأمر العسكري لقصف موقعه وهو محاط بقوات العدو ليفوز بالشهادة ويثخن بالعدو. كل الإكرام للشهداء والأسرى نتوحّد حين نوحّد العدو دمتم بكرامة في تذكار معركة الكرامة

مساكم خير من Nuddge.me نضج. هون ممكن يكون مكان شغلك وراحتك واستثمار وقتك مع ناس بيشبهوك.

كل شي بيستاهلك هو على طلوع. السهل مش إلك.

بكرا مع The Jordan Chapter of ICF خنشوفكم

شكرًا للمؤسسات اللي بتهتم بفريقها كبشر مش كرقم وظيفي اللي بتعملوه جميل ومقدَّر وإحنا بنحبكم ومهمتنا نكون رفيقكم نسهّل حياتكم وندعم بأفضل الأدوات من العالم لمصلحة فريقكم واحتياجاته إن كانت احتياجاتهم كأشخاص أو كفريق معيّن أو كامل المؤسسة إن كان فريقك عشر أشخاص أو 300 إن كنتو مخصصين ثلاث ساعات، ثلاث أيام، أو ثلاث سنين إن كان التنفيذ في نفس موقعكم، في بلدكم، في بلد ثاني، في قارة ثانية، إحنا جاهزين إذا بدك فريقك يحكيكلك "شكرًا" مباشرة ويستفيد على مدى طويل إحنا مستعدين وبعاد عنك مسج الفيديو من يوم مع الفريق الجميل للسفارة السويسرية في الأردن الأسبوع الماضي #Retreats #MicroRetreats #Learning

- خليل عندكم شي بعد الغدا؟ - لأ، خير؟ - ممكن نزيد كمان ساعتين إضافيّات للجلسة؟ - عيوني إلك. هذا كان طلب مدير شركة خلال جلسة The Leadership Game اللي كانت جزء من الخلوة السنوية لمدراؤه التنفيذين المسؤولين عن نشاط شركتهم في السعودية والإمارات كنا مخططين للجلسة نص نهار لكن الفايدة والتفاعل والأفكار خلى هذا المدير يحوّلها ليوم كامل بساعتها وإحنا شغلتنا الفلكسبلتي، جاهزين، عيوننا إلكم! هاي الشركة في القطاع الهندسي وبتنمو بشكل جميل ما شاء الله في الخليج العربي أمّا جلستنا معهم The Leadership Game فهي جلسة لذيذة خفيفة وأكثر من مفيدة لفريقك وبنقدمها حول العالم مع فريقنا Maxwell Leadership - John C. Maxwell The Leadership Game ممكن تكون من ألذ الفعاليات خلال شهر رمضان المبارك لفريقك لأنها خفيفة، فيها ضحك ومشاركة، ونظرات من زوايا جديدة على الشغل، وبتبنيرابط أقوى بين فريقك، كلو بيصب بفايدة مباشرة للإنتاجية، ووقت الجلسة بيختفي بدون ما تحسوا وواحد من أهم المؤشرات المباشرة بعد هاي الجلسة إن فريقك رح ييجي عندك ويحكيلك "شكرًا"! وهذا على ضمانتي سيدي\ستي إحنا بأوقات صعبة وإنت وفريقك بتستاهلوا الأفضل أنا بعيد عنك مسج نهارك بيشبهك

من اللي تعلمته من هندسة الطيران إن أدوات الشغل هي 80% من المَهَمّة ودماغ وإيد اللي بيستعملها ممكن تكون العشرين بالمية الباقيين أو ممكن تكون كارثية بـ -80% أو أكثر لهذا السبب جبتلك أفضل أدوات العالم بالقيادة مع Maxwell Leadership Myers & Briggs Foundation بفهم البشر وشخصياتهم مع وبالتميز المؤسسي مع EFQM وبنقدمها إلك ولفريقك ومؤسستك بخبرة ثلاثين سنة تعليم وتدريب في مختلف الصناعات وأشكال المؤسسات وأحجامها ودولها ووحدة من هاي الأدوات هي The Leadership Game اللي بنقدمها حول العالم مع فريقنا Maxwell Leadership ممكن تكون من ألذ الفعاليات خلال شهر رمضان المبارك لفريقك وممتازة لكل مستويات الهرم الإداري بمؤسستك لأنها خفيفة، فيها ضحك ومشاركة، ونظرات فعليّة من زوايا جديدة على الشغل، وبتبني رابط أقوى بين المشاركين، كلو بهدف راحة أكثر ببيئة الشغل وفايدة مباشرة للإنتاجية هذا بثلاث ساعات على طاولة وبشكل تشاركي تفاعلي كبير لعشر مشاركين من فريقك وواحد من أهم المؤشرات بعد جلستنا إن فريقك رح ييجي عندك ويحكيلك "شكرًا"! وأنا بضمن هذا إحنا بأوقات صعبة وإنت وفريقك بتستاهلوا الأفضل وأنا بعيد عنك مسج نهارك بيشبهك

إنت كيف بتتعامل مع الاختلاف؟ إنت شو بتحتاج بالعلاقات؟ إنت شو بتقدّم فيها؟ وغيرها من أبسط الأسئلة اللي إجابتها رح تساعدنا نلاقي ونبني ونرعى علاقاتنا على تنوعها من شغلنا، شراكاتنا، صداقاتنا، وصولًا للزواج حتى نرعى فيهم احتياجاتنا، نغني أنفسنا والطرف الآخر بعلاقات صحيّة حلوة ومثمرة الأسئلة بسيطة لكن الإجابات بتتطلب فهم داخلي ووضوح تجاه نفسي فهم عن كل شي داخل جلدي، مش في العالم الخارجي حواليّ متطلّب أساسي إنو أفهم مادتي الخام أفهم اختلافي وتفرّدي أفهم دماغني وتركيب شخصيتي وهذا من أجمل الصفحات اللي بحب أفتحها مع كل حدا بشتغل معاه إن كان في مسار النضج الشخصي 1:1 أو في الورشات الجماعية للفرق والمؤسسات أو في العمل الأعظم، في جلسات تحضير الخاطبين لحياة الزواج الصورة من الدفعة 31 من برنامج تحضير الخاطبين لحياة الزواج واللي هو برنامج إلزامي قبل الزواج في الكنيسة الأرثوذكسية في عمّان فيه بورجي اختلاف شخصياتنا كيف ممكن يؤدي لكوارث -تنبع من لاشيء- إن ما فهمناه وكيف ممكن يتحوّل لسمن وعسل في حال تقصّدنا فهم حالنا وشريكنا وتعمّدنا رعاية العلاقة على طول الزمن ونفس الحال بالضبط بيصير بشغلنا في حال كنا جهلاء عن المادة الخام لشخصياتنا واختلافها عن زملاءنا ومدراءنا وأعضاء فرقنا وموردينا وشركاءنا وكل أصحاب العلاقة فينا الكوارث بتصير إجبارية أما فهمنا لمادتنا الخام، واختلاف غيري عني رح يساعدني أكون أنضج في تفكيري وتصرفي أتواصل أوضح، أرعى العلاقات أجيب كوارث أقل، وأراكم فايدة أكبر بكتير ولأجل هذا بستخدم أدوات من علم النفس التحليلي بشكل معرفي تطويري غير علاجي حتى نفهم حالنا، الناس اللي حوالينا، وبيئتنا ونأثر عليهم لحال أفضل، ابتداءً من نفسنا أنا اسمي خليل وأنا بحبك كبني آدم وبعتقد إن هاي المعرفة هي من أعمدة حياتنا لهذا السبب أنا موجود لأخدمك وأخدم فريقك ومؤسستك وفي هاي أيامنا الصعبة، إنت وأحبابك وفريقك بتستاهلوا الأفضل أنا بعيد عنك مسج #أيامك_بتشبهك #دليل_خليل

المُستعمِر، خاطف ومُدمِّر الحضارات، معروف.

مافي تعريف واحد للقيادة، ولا الإدارة، ولا العافية المؤسسية أو الرفاه، ولا التسويق، ولا التواصل وغيرهم كثير ليش؟ لأن العلوم نوعين: 1. العلوم المتمحورة حول البشر وتفاعلاتهم، العلوم الإنسانية 2. والعلوم البحتة المختصة بفهم الجمادات وتفاعلاتها موضوعين مختلفين تمامًا إنك تقيس وزن حجر وتسمع لإنسان من أهم الفروقات بينهم إن في العلوم البحتة (فيزيا كيميا أحياء ...) في "قوانين" لكنها معدومة للآن في العلوم الإنسانية واللي بنحللها عن طريق "نظريات" وفرضيّات كل باحث أو مؤسسة بحثية بيحطوا تفسيرهم لظاهرة أو مبدأ معيّن بيخص الإنسان وذاته أو التفاعل بين البشر نسأل كمان مرة، ليش؟ 1. لأن الجمادات ممكن تحليلها بدقة أعلى لعناصرها الكيماوية لغاية ذراتها اللي بتلولح حواليها إلكترونات أمّا البشر، مخلوقات حيّة وفي ألفين طريقة لمحاولة شرح تكوينهم 2. لأن الجمادات بتتصرف بشكل معروف ومتوقع بحسب الظروف أما البشر ما بتحزر عليهم، نفس البني آدم بتصرف تجاه نفس الموقف بشكل مختلف بالبشر مافي "إذا كان؛ فإن" 3. في أدوات بتسهّل مراقبة الذرات والجزيئات والمواد، موازين حرارة ووزن وكاميرات وغيرها أمّا البشر فمراقبتهم أصعب شوي، خصوصًا إذا بدك تشوف مُسبّبات تصرفاتهم شو بيصير جوا دماغهم بناءً على ما سبق، وغيره، كل باحث بيحط تعريفه ونظرياته للموضوع المتعلّق بالبشر وإنت بتمشي عاللي بيناسبك أو حتى بتخترع طرق جديدة، عادي وهذا تذكير إن بعض الباحثين أو المؤسسات عندها أجنداتها اللي بتنسجها جوا تعريفاتها لذلك اللي بيظن إنو ممكن يختزل مصطلح إنساني بتعريف وحيد فهو باعتقادي يحوّل الإنسان لجماد بالتأكيد في تعريفات وتحليلات ممكن تقدم تحليل أرتب من غيرها (مثل الأدوات اللي معي 😇) لكن بالنهاية تبقى علوم "إنسانيّة" ولهذا السبب بالذات، حتى أوسّع فهمي للبشر وتصرفاتهم، عليّ إني أوسّع أدواتي، لأن كل ما الأدوات أخدت نظرة جديدة وأوسع على البشر كل ما كان الفهم أوضح وأعمق (وهذا اللي وفرتلك ياه 😎) الملخص قبل ما أقول ""الـ" قيادة هي" يفضّل أقول: "بحسب المدرسة الفلانيّة، القيادة هي..." وإذا ما خبّرتك، أنا أو غيري، عن المدرسة أو النظرية، بشجعك إنك تسأل بكل وضوح "شو مصادرك؟" "بحسب مين"... شغلي وأثري ومأكل خبزي هو العلوم الإنسانية علم النفس التحليلي، القيادة، الإدارة، التواصل، وأكثر لذلك قبل ما أبلش تعاون مع حدا بخبره شو بعمل وشو مصادري كالتالي: مرحبا، أنا اسمي خليل وبحبك كبني آدم رح أجتهد في دعمك \دعم فريقك باستخدام أدوات من: - علم النفس التحليلي بحسب مدرسة كارل ينج وبشكل تطويري، غير علاجي، ابتداء من أدوات The Myers-Briggs Company - القيادة بحسب مدرسة جون ماكسويل Maxwell Leadership - التميز المؤسسي والإدارة بحسب المؤسسة الأوربية لإدارة الجودة EFQM - وغيرهم فتخيّل برسالة وحدة منك ممكن تجيب كل هاي الأدوات العالمية مباشرة لمؤسستك وين ما كنتو وتقدمها لفريقك بطريقة تفاعلية مفيدة بتجيب تغيير إيجابي مبنية على خبرة ثلاثين سنة تدريب. شبّيك لبيك، ابعتلي #حتى_لو_حفظتهم_للامتحان_مش_ضروري_صح #خلنتهاوش