EXEED AI

Laith Almasri ليث المصري's Recent LinkedIn Posts

Laith Almasri ليث المصري

Laith Almasri ليث المصري

@laithalialmasri

🌟 أساعد الطلاب على بناء مستقبل مهني قوي من خلال استثمار سنواتهم الجامعية 🥊 | مستشار سيرة ذاتية وسوق عمل للخريجين | مُقدم ورش عمل في الجامعات 🎙️| قيادي تطوعي فعّال في عمّان 🇯🇴

ar34 postsLinkedIn

Posts

Laith Almasri ليث المصري

Sales & Marketing

2mo

الاكتئاب بعد التخرج ما حدا حكا انه بعد التخرج ممكن تحس بفراغ كبير ضياع او حتى اكتئاب، فجأة بتلاقي حالك بدون روتين دراسة بدون هدف واضح وبدون إجابات جاهزة عن سؤال: "شو ناوي تعمل؟" هذا الإحساس طبيعي انت مش لحالك وكثير من الخريجين بمروا بنفس الحالة الانتقال من الحياة الجامعية لحياة العمل او البحث عن الذات مش سهل وبدو وقت شو تعمل بها الفترة؟ ✅ - خذ وقتك لتتعرف على حالك من جديد ✅ - جرب أشياء جديدة حتى لو بسيطة ✅ - احكي مع ناس بمروا بنفس التجربة ✅ - وذكر حالك دايماً انه النجاح مش سباق يمكن هسا الدنيا ضبابية بس يوم ورا يوم رح توضح الصورة يمكن تكون قاعد تفكر انك تأخرت بس الحقيقة انك عم تبني طريقك على مهلك وبخطوات ثابتة كل يوم بتمشي فيه حتى لو خطوة صغيرة هو تقدم حقيقي بالنهاية اصبر على رزقك
136

Laith Almasri ليث المصري

Sales & Marketing

2mo

الي بدو الصراحة، تعال احكيلك لما كنت خريج وشفت منشورات الخبراء على LinkedIn كنت ببعثلهم واستفسر عن مواضيع معينة - الي ما بجاوب (بطنش) - الي بجاوب بس من غير نفس بعثت لعشرات الحسابات حرفيا ما لقيت الي يفيدني مع انه محتواه ما شاء الله بس ليش بطنش او ليش بجاوب بدون نفس ما بعرف وبصراحة انا قررت اني اطور حالي بحالي واتعلم لحالي مع تراكم الايام والسنين الحمد لله بلشت احصد ثمار تعبي (بدها وقت مش بيوم وليلة) ولو اركنت على أشخاص معينة مشان اتطور واتعلم كان انا لساتني مثل ما انا بسنة 2022 الي بدي اوصلوا رسالة والي انا اكتشفتها مع الايام اغلب الي بسموا حالهم خبراء (لأن هذا الوصف له شروط) هما مش مستعدين ولا 1% يسمعوا منك مشكلتك الي بالاساس هو بنشر عنها كمحتوى خاص الو يعني مثلا انت مهتم بمجال معين وشفت خبير بهذا المجال وحبيت تسألوا وتستفيد بس لما تيجي تسألوا بتستنى رد او كلمة، حتى اشارة بسيطة انك مش لحالك بهالطريق وما بيجي شي وقتها بتحس انك واقف لحالك تماما وانه كل الحكي الجميل الي كنت تقرأوا على صفحته كان مجرد كلمات بس يمكن هذا كان احسن شي صار معي لأني اضطريت اعتمد على حالي اغلط لحالي واتعلم لحالي والأيام علمتني انه مش كل حدا بحكي عن الطريق مستعد يمشي فيه معك بس كمان علمتني شغلة اهم انك لما توصل لا تكون نسخة منهم كون الشخص الي كان نفسك تلاقيه بهديك اللحظات لأنه في حدا اليوم حاس بنفس الشعور الي انت حسيته زمان
126

Laith Almasri ليث المصري

Sales & Marketing

3mo

لما شركة تطرد خريج جديد بعد اسبوعين من تعيينه بحجة انه الأداء ضعيف وهما اصلاً ما وفروا لا تدريب ولا توجيه ولا حتى فرصة يتأقلم فهاض مش تقييم عادل بل تصرف مؤذي نفسياً ومعنوياً تخيل خريج لسا متحمس لأول فرصة بحياته ولسا ما فهم بيئة العمل ولا عرف المطلوب منه بزبط فجأة بلا اي مقدمات بنصدم بقرار إنهاء خدماته القرار هاض مش بس بكسر ثقته بنفسه ممكن يترك أثر كبير عليه لفترة طويلة لأنه ببساطة ما حدا اعطاه فرصة حقيقية يثبت حالوا العدالة بتقول انه الخريج ينحط بمكان داعم ويتوفر تدريب واضح ويتم متابعته مو ينرمي مباشرة بالحكم على الأداء من اول اكم يوم اقل شي ممكن نقدملهم هو فترة تجريبية مدتها 3 شهور فيها يتم التقييم بشكل منطقي وإنساني احترموا تعبهم وعلموهم قبل ما تحاسبوهم
148

Laith Almasri ليث المصري

Sales & Marketing

3mo

من قلب أم الجامعات الجامعة الأردنية❤️ بعد انقطاع لأكثر من سنة عن إعطاء المحاضرات في الجامعات بسبب الانشغال رجعنا بأولى محطاتنا في الجامعة الاردنية لمادة الاعداد الوظيفي للخريجين محطتنا التالية الجامعة الهاشمية بإذن الله تعالى يوم الثلاثاء 3/3 بمواضيع مختلفة وموسعة ان شاء الله
117

Laith Almasri ليث المصري

Sales & Marketing

3mo

من قلب محافظة الزرقاء الجامعة الهاشمية ♥️ تم إعطاء محاضرة عن كيفية استخدام منصة LinkedIn لأعضاء فريق Civiul_hu كلية الهندسة تم الشرح عن انشاء الحساب على LinkedIn + نشر وكتابة المحتوى + الأساليب الخاطئة الشائعة وغيرها من الأمور المتعلقة بكتابة المحتوى وإعداد الحساب على LinkedIn
92

Laith Almasri ليث المصري

Sales & Marketing

3mo

رح تتخرج من الجامعة تضيع وتنرفض بمقابلات تشتغل وتنفصل وتستقيل وتتنقل ومسارك مش معروف الي عاشرتهم بالجامعة تكتشف انهم عبارة عن فقاعات صابون تلمع بس اول ما تلمسها تختفي تتذكر دكتورك الي كان يدعمك بالجامعة زي الشمعة الي ضوتلك القاعة بس لما خلصت محاضرتها ذابت وانطفى نورها رح تكتشف انك هسا واقف لحالك لا دكتور رح يسندك ولا صاحب رح يركض يشوفك والشهادة لحالها رح تفتحلك اول باب، بس باقي الأبواب؟ الحياة بعد الجامعة قاسية وواضحة اذا وقعت مافي حدا يوقفك اذا ضعت مافي حدا رح يرسملك الطريق واذا وقفت مكانك رح ينساك الكل هون مافي دكتور ينبهك ولا مشرف يوجهك فيها انت وبس قراراتك وشغفك وتعبك وجرأتك واذا انت لسا طالب افهمها من هسا جمع خبرة ومهارات من التدريب والتطوع والدورات وووو مليون شغلة موجودة بالجامعات لا تحكيلي مش فاضي، لا تضحك علي صدقني الجامعة مش فقط محاضرات لأنه بعد التخرج ما حدا رح ينفعك غيرك
156

Laith Almasri ليث المصري

Sales & Marketing

2mo

كيف يتم ظلم طلاب الاوائل في الجامعات؟ بعض الشركات تلجأ للمكاتب التي تُعنى بالخريجين لتوظيف خريجين اوائل من الجامعة المفاجأة وين؟ الجامعة ما بترد، الدكتور ما برد واذا رد، ما عندهم بيانات لخريجين من الأوائل او عندهم بيانات لكن ما عندهم ارقامهم يعني بيانات قديمة هاي بتضيع فرص على الخريجين الاوائل لانه في شركات بتهتم بتوظيف الاوائل لكن بسبب اهمال من الجامعة لخريجيها بتضيع فرص الهم لأنها بتعتبر طلابها مجرد أرقام للأسف انا دايما بحكيها للي مقبل انه يسجل جامعة مش كل الجامعات واحد ابدا قبل ما تسجل بأي جامعة، اسأل عنها من الخريجين والشركات هما بس 4 جامعات بتوظف خريجيها بعد التخرج والهم اتصال مع الشركات وكلهم جامعات خاصة
35

Laith Almasri ليث المصري

Sales & Marketing

4mo

في بيئة العمل، من المهم ان ندرك حدود العلاقات المهنية بوضوح زميل العمل ليس بالضرورة الشخص المناسب للفضفضة او لتفريغ الضغوط الشخصية او لمشاركة تفاصيل الحياة العائلية او الزوجية العمل يبقى اطاراً مهنياً تحكمه المصالح والتدوار الوظيفية حتى وان بدا الجو ودياً وآمناً ليس كل من يظهر الاستماع هو بالضرورة موضع ثقة كاملة، فالكلمة في بيئات العمل قد تنقل خارج سياقها او تفسر بطريقة مختلفة، واحياناً تصل الى الإدارة دون علمك كثيراً ما نتساءل بعد موقف مفاجئ: لماذا تغير المدير؟ لماذا تبدلت معاملة الزملاء؟ لماذا انتهت الفرصة رغم التزامي؟ في بعض الحالات يكون السبب ببساطة هو ما شاركناه من احاديث خارج نطاق العمل مع اشخاص ظننا انهم اقرب مما تسمح به طبيعة العلاقة المهنية بيئات العمل قد تكون احترافية وآمنة لكنها تظل بيئات ادوار ومصالح لذلك الحفاظ على حدود واضحة في الحديث والتركيز على ما يتعلق بالمهام والأداء هو احد اشكال الذكاء المهني والنضج الوظيفي احرص ان يكون كلامك ضمن إطار العمل وان تبني سمعتك على انجازك وكفاءتك لا على احاديث جانبية قد تفهم بغير قصدك
18

Laith Almasri ليث المصري

Sales & Marketing

3mo

‏اكبر كذبة صدقناها هي ان الدراسة خط مستقيم ينتهي براحة تدخل جامعة تتخرج شهادة تتوظف وترتاح والواقع مختلف تماماً الدراسة تعطيك تصريح دخول للسوق فقط ولا تعطيك قيمة سوقية والقيمة تُبنى بعد التخرج لا قبله سوق العمل اليوم بشتغل بعقلية عرض وطلب الشهادة عرض متوفر بكثرة والمهارة النادرة هي الطلب الحقيقي التوظيف ليس مكافأة على الصبر هو صفقة واضحة صاحب العمل يشتري أثر ووقت أقل ونتائج أوضح ومخاطر أقل الي ارتاحوا فعلا هما الي فهموا اللعبة بدري بنوا مهارة قابلة للبيع وكونوا شبكة علاقات وجربوا وفشلوا وهما طلاب وصاروا جاهزين لما دخلوا السوق اما الي صدقوا الوصفة القديمة اكتشفوا بعد التخرج انهم واقفين في طابور طويل كلهم نفس المؤهل ونفس السيرة ونفس الجملة "أبحث عن فرصة" الراحة ليست مرحلة بعدها كل شيء يهدأ بل نتيجة فهم وفهم السوق اليوم يقول اما تكون صاحب قيمة او تنتظر الي يملكها يوظفك
48

Laith Almasri ليث المصري

Sales & Marketing

2mo

في أرض بلاد الشام، سوريا 🇸🇾 سعيد جداً بنشر مقال عني على منصة EXEED Digitals وهي أول منصة رقمية تأسست في سوريا تُعنى بتسليط الضوء على شخصيات LinkedIn الأكثر تأثيراً رابط المقال https://lnkd.in/dUf98eRQ
36

Laith Almasri ليث المصري

Sales & Marketing

3mo

الخريج الي طالع من الجامعة وما عندو كل العلم او المهارات المطلوبة هذا اشي طبيعي وما بنحسب عليه.... بالعكس العلم والمعرفة والخبرة كلهم اشياء بتتعلمهم وبتكسبهم مع الوقت ومن الشغل والممارسة بس الي عنجد بعيب الواحد وممكن يوقف بوجهه بأي مكان (هو قلة السلوك المهني) 🚨 يعني ما بعرف يحكي مع الناس بطريقة محترمة ما بعرف يتعامل ضمن فريق او ما عندو التزام بمواعيد او شغل آداب التواصل، احترام الناس كيف تسلم وترد كيف تتعامل مع زملائك ومديرك هاي الأمور الصغيرة الي ناس كثير بشوفوها تافهة هي الي بتصنع الفرق احيانا بتكون امكانياتك محدودة بس الناس بتحترمك وبدعموك لأنك محترم وخلوق الشطارة مو بس بالي بتعرفه بل كيف تتصرف وتحترم مكانك وشغلك وتخلي الي حواليك يحترموك
59

Laith Almasri ليث المصري

Sales & Marketing

4mo

كل عام وانتم بخير 🌙
25

Laith Almasri ليث المصري

Sales & Marketing

2mo

قاعدة خليها بذهنك. بالشغل مافي اشي اسمه صداقة بل مصالح وقت ما تضارب المصالح رح يلقبوا ضدك وقت ما تخفق بالشغل رح ينسوا كل الي عملته ليش؟ لأنه المصلحة خلص انتهت كنت صديق وكنت سند كنت تغطي بس لما مصلحتهم تتعارض معك رح يقلبوا ضدك بلحظة ويصيروا اول ناس يحكوا عنك بالسوء لذلك: ✅ لا تراهن على الصداقة بالشغل ✅ راقب وين المصالح رايحة ✅ اشتغل بعقلك مش بعاطفتك الشغل ما فيه (احنا) فيه (انا ومصلحتي)
32

Laith Almasri ليث المصري

Sales & Marketing

4mo

مع اقتراب شهر رمضان الدين مش بس صلاة وصيام لا ننسى أخلاقنا في العمل - لا تاكل حق الموظفين (الراتب) - خليك لين مع الموظفين - وزع المهام بعدل وبدون ضغط زائد - احترم مواعيد الموظفين ووقت الراحة - خليك قدوة بالأمانة والانضباط رمضان فرصة لتحسين بيئة العمل ونشر الخير بين الزملاء
33

Laith Almasri ليث المصري

Sales & Marketing

3mo

‏سلامٌ عليكم يوم تحلقون ويوم تهبطون ويوم تدافعون عنا حفظ الله الأردن ملكا وشعباً ♥️🇯🇴
42

Laith Almasri ليث المصري

Sales & Marketing

2mo

اللهم زد وبارك 🙌❤️ 3 مليون مشاهدة لمنشوراتي على حسابي الفيسبوك خلال اقل من شهر اركز على: ✅ - المنشورات القصصية ✅ - ابتعد عن المثالية وبكتب بلغة عامية ✅ - تحسنت جودة الوصول بعد توقفي عن التمويل المفرط (كان حسابي مبند لأنه) ✅ - اكتب باللغة العربية ✅ - ابتعد عن الأوهام واتحدث عن الواقع ✅ - ملامسة مشاعر المتابعين عن طريق محاكاة تجاربهم
48

Laith Almasri ليث المصري

Sales & Marketing

3mo

بتصفح بالصور ايام الجامعة وبسترجع ايام التطوع اتذكر كل المواقف الي مريت فيها من تجربة تأسيس الأفرقة تنفيذ النشاط التعامل مع الاختلافات طولة البال والضغط المراكضة بين المحاضرات والانشطة ترفع كتب للعمادة وينشفوا ريقك عليها كل فصل بتتحول ٣ مرات لجنة تحقيق ذكريات... كبرنا فيها سنة بعمرنا وعشر سنين بخبرتنا تعلمنا كيف نوقف بعد كل موقف وكيف نكمل حتى لو ما حدا شايف تعبنا فيها ناس مرت مرور عابر وناس تركت اثر ما بنمسح يمكن التفاصيل صارت باهتة بس الاحساس لسا واضح حماس وخوف، مسؤولية وشي من الفخر كانت مرحلة صنعت وعينا قبل شهادتنا وتركت جوانا نسخة مختلفة نسخة هادئة وناضجة
26

Laith Almasri ليث المصري

Sales & Marketing

2mo

طالبة انتـ ـحرت من كلية الطب في إحدى الجامعات لأنها ما لقت حدا تشرحلوا ضغطها النفسي آخرها قسم الإرشاد النفسي حكالها "انتي دكتورة تتحملي، ارجعيلي بعد العيد" رحمها الله هون لازم يجي دور الدكاترة بالتخفيف عن الطلاب في كثير دكاترة بتتخذ من الطلاب تحدي من معاملة قاسية والضغط والتخويف والصراخ فوق ما الطالب مضغوط بالدراسة انت تيجي تضغط عليه اكثر بصراحة انا واجهت كثير نوعيات من الدكاترة ومنها الي بتعامل معك بندية طريقة التعامل مع هيك دكاترة رد عليه ولا تسكت هيك انت بترتاح وتنفس عن حالك اي شخص بحياتك بتعامل معك بندية رد عليه ولا اذا سكتت انت بتسمحلوا يتمادى عليك أكثر انك تحبس طاقة جواتك رح تضغط حالك كثير وتوجع قلبك ثانيا لا تحبس حالك بالدراسة ٢٤ ساعة، هاي فعلا لحالها بتعمل اكتئاب وصدقني بعد التخرج اخر همهم التقدير يا سيدي تخرج بتقدير جيد ولا انك تمرض نفسياً، صحتك النفسية اولى اطلع غير جو ارتاح شم هوا، الحبس جوا البيت هاي لحالها بتعمل اكتئاب
73

Laith Almasri ليث المصري

Sales & Marketing

3mo

هام || رسمياً عطلة عيد الفطر بداية من يوم الجمعة 20/3/2026 لغاية يوم الاثنين 23/2/2026 الي عندو دوام بأيام العطل الرسمي بنحسب الو بدل إضافي 150% عن الأجر اليومي - المادة 59 (ب) من قانون العمل ✅
49

Laith Almasri ليث المصري

Sales & Marketing

4mo

ليس شرطاً ان تنجح من اول مقابلة بعد التخرج وليس فشلاً ان تبدأ في وظيفة ثم تكتشف انها لا تناسبك الرفض جزء طبيعي من الرحلة المهنية والتجربة والخطأ مرحلة اساسية في بناء المسار الوظيفي لا تضخم الامر ولا تعتبره حكماً على قدراتك ما تمر به يمر به الكثيرون كل مقابلة هي تدريب وكل تجربة تضيف لك مهارة وكل تعثر يقربك خطوة من الفرصة الأنسب لك اعتبر كل رفض خبرة تضاف الى رصيدك النجاح في سوق العمل ليس ضربة حظ بل نتيجة صبر وتعلم مستمر ومحاولات لا تتوقف
59

Laith Almasri ليث المصري

Sales & Marketing

2mo

‏نبحث عن مدير/ة لوسائل التواصل الاجتماعي/التسويق الرقمي لمنصة تعليمية مرموقة وذات تنافسية عالية مقرها في الأردن - عمان ‏ ‏التفاصيل الرئيسية: ‏ ‏الراتب: 400-800 دينار أردني (حسب الخبرة والأداء، مع إمكانية الزيادة فوق 800) ‏ ‏نوع العمل: دوام كامل، في مقر العمل ‏ ‏الموقع: الأردن - عمان ‏ ‏يجب أن يتمتع المرشح المثالي بمهارات قيادية متميزة، حيث سيكون مسؤولاً عن إدارة وقيادة فريق كامل. ‏ ‏إذا كنت مهتمًا/ة، ​​أو تعرف شخصًا مناسبًا لهذا المنصب، يُرجى إرسال سيرتك الذاتية للنظر فيها. ‏ واتساب: ‏https://wa.me/962780541115
26

Laith Almasri ليث المصري

Sales & Marketing

2mo

حالات تعتبر فصل تعسفي وتستحق تعويض على اثرها: - تم فصلك من العمل بدون سبب - تأخير الراتب لأكثر من 7 ايام - تخفيض الراتب او تغيير المسمى الوظيفي للأدنى - القيام بمهام وظيفية مختلفة عن المتفق عليه بالعقد - فصلك من العمل أثناء الاجازة - التعرض للذم او السب والشتم او التحرش او الضرب - الراتب تحت الحد الأدنى للاجور 290 - التوقيع على الاستقالة بالإكراه - انهاء عقد محدد المدة من قبل الشركة قبل انتهائه
30

Laith Almasri ليث المصري

Sales & Marketing

4mo

لا تحكيلي "للأسف" تخرجت وتردد كلمة "للأسف" - للأسف ما معي دورات - للأسف ما عندي خبرات - للأسف الخ والخ بل قل: - ٤ سنين دراسة وتخرجت - فرحت اهلي بنجاحي وهذا هو هدفي - رفعت راس ابوي وامي قدام الناس - تعلمت كيف انظم وقتي بالدراسة وهذا الي رح اعمله بالشغل - تعلمت كيف اتعامل مع ضغط الامتحانات - تعلمت اني اوصل المحاضرة بموعدها - تعلمت.... انت تعلمت الكثير من الاشياء الي ممكن تساعدك بعد التخرج فلا تستنقص من نفسك ابداً وبإمكانك التعويض عن ما فاتك بجميع الأحوال
84

Laith Almasri ليث المصري

Sales & Marketing

3mo

عرضت علينا شركة 5 فرص لمحاسبين مبتدئين ارسلنا 5 سير ذاتية لترشيح الأفراد تم تحديد مواعيد مقابلات لكل واحد منهم نتيجة التجربة كانت: حضر شخص واحد فقط، وتم قبوله في الشركة بينما لم يحضر الأربعة الآخرون الدرس واضح كل مقابلة عمل هي فرصة حقيقية لا تدع الشك او فكرة "الواسطة" تمنعك من التقديم او الحضور حتى لو شعرت ان الفرصة صغيرة او المنافسة كبيرة حاول وجرب حظك فقد تكون هذه المقابلة هي التي تغير مسار حياتك المهنية نصيحة اذا كنت مرشحاً للمقابلات احرص على حضورها جميعاً فرصة واحدة قد تصنع الفرق وتمنعك من الندم لاحقاً على الفرص التي تركتها تفوتك
38

Laith Almasri ليث المصري

Sales & Marketing

2mo

✅- كمتدرب انت تستحق راتب كحد ادنى ٢٩٠ دينار وفوق لو داومت يوم واحد فقط، لا يعني انك لا تستحق مقابل اثناء التجربة 🔴 - فترة التجربة او التدريب لا تستحق مبلغ مالي (هذا غير صحيح وغير قانوني) ✅- اي بند وقعت عليه بالعقد وهذا البند مخالف لقوانين العمل فهو باطل وغير قانوني 🔴- اذا تركت التدريب لازم تدفع للشركة (غير قانوني) 🔴- الاجازات السنوية ٤ ايام (وهذا غير قانوني، الاجازات السنوية ١٤ يوم والمرضية ١٤ يوم) ✅- فترة التجربة لا تتجاوز ٣ شهور ✅- بتدخل ضمان اجتماعي بعد ١٦ يوم من الدوام ✅- اذا مافي عقد كتابي، يصبح العقد شفهي غير محدد المدة ✅- اذا انتهت فترة التجربة وما وقعوك على عقد تثبيت، تلقائياً يصبح العقد غير محدد المدة وتعتبر موظف بشكل رسمي ✅- اذا كنت بفترة التجربة، بتقدر تترك الشركة بأي وقت (َوتستحق الايام الي داومتها)
86

Laith Almasri ليث المصري

Sales & Marketing

3mo

خذها قاعدة مهمة عند حصولك على وظيفة حتى لو كان عقد العمل طويلاً او معقداً فإن قانون العمل يحدد ويحمي الحقوق الأساسية للعامل سواء تم ذكرها في العقد ام لا توقيعك على عقد مخالف لا يعني التنازل عن حقوقك القانونية ومن ابرز المخالفات الشائعة التي يجب الانتباه لها (خصوصا للخريجين): - اشتراط دفع مبلغ مالي عند ترك العمل خلال فترة التجربة (وهو إجراء غير قانوني ومجرد تخويف) - تقديم راتب أقل من الحد الأدنى للأجور (غير قانوني) - تكليف الموظف بعمل غير مدفوع الأجر تحت مسمى "اكتساب الخبرة" (غير قانوني)
77

Laith Almasri ليث المصري

Sales & Marketing

3mo

غدا اولى ايام عيد الفطر في الأردن كل عام وانتم بخير وصحة وسلامة يارب
35

Laith Almasri ليث المصري

Sales & Marketing

3mo

بس تلاقي شغل مناسب الك لا تكتفي بمحاولة وحدة حاول مرة ومرتين وثلاث ولو احتجت خمس وست مرات كمان اسأل معارفك واحكي مع الناس الي بتعرفهم وشوف اذا في حدا ممكن يساعدك توصل لمقابلة العمل استخدام العلاقات اشي طبيعي وموجود بكل مكان اعمل كل الي بتقدر عليه وابذل جهدك كامل اما الأشياء الي خارج سيطرتك لا تتعب حالك فيها وبرضوا لا تخلي بعض الشعارات المثالية تضيعك مثل: (اختار مديرك قبل الشغل او الواسطة مقبرة الكفاءات) الواقع بسوق العمل اعقد من هيك بكثير والعلاقات جزء طبيعي منه ودايماً خلي هاي الجملة ببالك الي ما بحاول عشان اشي بحبه، ما بستاهلوا
57

Laith Almasri ليث المصري

Sales & Marketing

2mo

هذا هو ملكنا عبدالله الثاني بن الحسين الذي نفتخر به حتى بالظروف الصعبة الي بتمر فيها المنطقة الا وانه القيادة الهاشمية الحكيمة حافظت على استقرار بلدنا استقرار وسط منطقة مشحونة هذا ان دل، دل على القيادة الهاشمية هي قيادة انسانية وبقلب مليان فخر بنضل حوالين قيادتنا الهاشمية الي عمرها ما قصرت بحق هالوطن ولا خذلت شعبها يوم وكل الثقة انه الازمة الي بتمر فيها المنطقة شدة وبتزول والاردن ان شاء الله بعدي منها سالم الأردن مش بس بلد بل روح وانتماء وقصة صمود بنعيشها كل يوم وملكنا حامل هالهم بقلبه واحنا حاملين الو كل الحب والولاء
28

Laith Almasri ليث المصري

Sales & Marketing

2mo

انصحك نصيحة؟ فعلياً نصيحة من قلبي لا تضلك تحكي بسلبية على LinkedIn واقولها بكل صراحة في عملي عندما تطلب مني اي شركة مجموعة سير ذاتية كنت اخذ بعين الاعتبار نشاط هذا الشخص على LinkedIn قبل إرسال سيرته الذاتية مش لحالي وانما بعض الشركات بتبعوا هذا النهج انتبه اذا تخلي الناس تاخذ عنك فكرة انك دايما سلبي ومشخصن المواضيع وتضلك تذم بالناس عن طريق منشوراتك او تعليقاتك انت هيك حرقت كرتك سمعتك اهم من التفاعل وامامك خيارين: 1- یا تحذف حسابك عشان ننساك 2- یا تبلش تغير المسار وتمشي للطريق الصح بالـ Linkedin
61

Laith Almasri ليث المصري

Sales & Marketing

4mo

🚨 إعلان توظيف – Account Manager (Finance Background Required) شركة سوشيال ميديا في الأردن تعلن عن حاجتها لتعيين: ✨ Account Manager 🔹 المتطلبات الأساسية: • خبرة سابقة في شركات التمويل أو القطاع المالي • فهم قوي للخدمات التمويلية والقروض والمنتجات المالية • خبرة في إدارة حسابات العملاء ومتابعتهم • مهارات تواصل وإقناع عالية • القدرة على إعداد تقارير وتحليل أداء الحملات 🔹 المهام الوظيفية: • إدارة ومتابعة حسابات عملاء القطاع التمويلي • التنسيق بين فريق الإعلانات والمحتوى لتحقيق أفضل النتائج • بناء علاقات قوية مع العملاء وضمان رضاهم • تقديم استراتيجيات تسويقية مناسبة للخدمات التمويلية 📍 مكان العمل: الأردن عمان 📩 إرسال السيرة الذاتية مع ذكر “Account Manager – Finance” في عنوان التوظيف إلى: https://wa.me/962780051582 إذا عندك خبرة بالتمويل وبتفهم بالسوشيال ميديا، هاي فرصتك 💼🚀
7

Laith Almasri ليث المصري

Sales & Marketing

3mo

عقد العمل هو اتفاق متبادل: - انت تلتزم بتخصيص وقتك وجهدك للشركة - وهي تلتزم بمقابل مادي على كل دقيقة من هذا الوقت العمل بدون أجر او تجارب مجانية يضعك في موقف ضعيف حتى لو كان الجو الوظيفي يبدو ودياً از المدير لطيفاً في النهاية الشركة تلتزم بمصالحها اولًا واي خطأ بسيط يمكن ان يؤدي الى الاستغناء عنك بسهولة واستبدالك بمن يقبل نفس الظروف قبولك العمل بدون أجر يقلل من قيمتك المهنية ويجعل استغلالك اسهل لذلك من المهم موازنة الخبرة مع المقابل المالي وعدم التضحية بأحدهما على حساب الآخر 🙌
19

Laith Almasri ليث المصري

Sales & Marketing

4mo

شاغر مستعجل ومرحب بالخريجين 🚨 💻 مطلوب مطور/ة مواقع إلكترونية (مواقع الطيران ومحركات البحث السياحية) تعلن شركة تعمل في مجال السياحة والضيافة عن حاجتها إلى مطور/ة مواقع إلكترونية. المتطلبات: - خبرة لا تقل عن سنتين في تطوير مواقع الويب. - خبرة في تطوير أو ربط أنظمة حجز الطيران أو محركات البحث السياحية. يُمكن التقديم لحديثي التخرج المجتهدين من تخصص تطوير المواقع (يفضّل وجود مشاريع عملية سابقة) 📩 للمهتمين: يرجى إرسال السيرة الذاتية عبر واتساب على الرقم: https://wa.me/962782485479
14

Laith Almasri ليث المصري

Sales & Marketing

4mo

📢 مطلوب صانع محتوى (Content Creator) تعلن شركة Masa Logistics عن حاجتها إلى صانع محتوى مبدع للانضمام إلى فريق التسويق في عمّان. المهام: • تصوير وإنتاج محتوى فيديو وصور للسوشيال ميديا • كتابة منشورات ونصوص تسويقية جذابة • إدارة النشر على Facebook وInstagram وTikTok وLinkedIn • متابعة الترندات واقتراح أفكار جديدة باستمرار المتطلبات: • خبرة في التصوير والمونتاج • إتقان برامج المونتاج (Premiere / CapCut أو غيرها) • مهارات كتابة محتوى وتسويق • يفضل خبرة في مجال الخدمات أو الشركات اللوجستية 📍 موقع الشركة: عمّان – شارع الصخرة المشرفة (شارع الإذاعة) – عمارة العلاونة 167 – الطابق الرابع 📩 إرسال السيرة الذاتية وأعمال سابقة إلى: info@masalogisticsltd.com ------- 📢 مطلوب موظفة شحن بحري (Sea Freight Officer) تعلن شركة Masa Logistics عن حاجتها إلى موظفة للعمل في قسم الشحن البحري ضمن فريق العمليات في عمّان. 🎯 المهام: • متابعة حجوزات الشحن البحري (FCL / LCL) مع الخطوط والوكلاء • تجهيز ومراجعة مستندات الشحن (BL – Manifest – Invoices) • متابعة الشحنات حتى الوصول والتسليم • التنسيق مع قسم المبيعات والتخليص والعملاء • متابعة التكاليف والملفات التشغيلية للشحنات ✅ المتطلبات: • خبرة في مجال الشحن البحري أو شركات التخليص (مفضّل) • إجادة اللغة الإنجليزية • مهارات تنظيم ومتابعة عالية • القدرة على العمل تحت الضغط 📍 موقع الشركة: عمّان – شارع الصخرة المشرفة (شارع الإذاعة) – عمارة العلاونة 167 – الطابق الرابع 📩 إرسال السيرة الذاتية إلى: info@masalogisticsltd.com
3
Laith Almasri ليث المصري Recent LinkedIn Posts | EXEED AI