Layane kh's Recent LinkedIn Posts

مرة سمعت حدا شغال بالذكاء الاصطناعي بيقول: “هاد المجال كله أدرينالين… بتشتغل وإنت عم تسأل يا ترى بتظبط ولا ما بتظبط؟” ما اقتنعت حسب تجربتي، المهام اللي بتننفّذ عن طريق الـ AI حرفياً آلية ...مملة ومتكررة بس مبارح اكتشفت إن ما حدا غيري الممل 😅 اشتغلت وورك فلو مع الباشمهندس Karim Nabil بكورسه على يوتيوب من أول لحظة… لما مسكنا ورقة وقلم، وقسّمنا المشروع، وبلّشنا نفهمه صح بلّشت المتعة وبعدين… كل ما ضيف Node، نفس السؤال يرن براسي: يا ترى رح تظبط ولا لا؟ هذا الشدّ العصبي… أول مرة بختبره، بس صراحة حبّيته 😁 أخذ وقت تقريباً ساعة. وكان في شوية تحديات بسبب بعض الـ rates والبرامج المدفوعة وكذا… بس وصلنا للحظة الحاسمة ضغطت Execute ومشيت مع الوورك فلو للآخر بدون ولا Error… حسيت قلبي عم يصفق ويقول Horrray 🥳 لسا الأحلى إنه الشي اللي عملته مفيد فعلاً الworkflow بيأتمت خدمة العملاء وملف الطلبات لمطعم متخيلين كم بيضيع وقت كل يوم… بينما منقدر نختصره بساعة شغل؟  كم ممكن نوفّر مصاري، ونقلّل أخطاء، ونخلّي الشغل أهدى وأرتب؟ حل مختصر، مفيد، وسريع ياسادة فعلاً… هذا المجال فيه كمية أدرينالين 🙈 رهيبة وباركولي بأول وورك فلو كاملة من دون أخطاء على n8n 🥳

أفضل ما تهبه في حياتك… القدوة الحسنة منذ قرابة عامٍ ونصف بدأت رحلتي على لينكدإن نشرت عن التسويق وكتابة المحتوى تلقيت دعماً كبيراً، لكن ما لم أتوقعه أبداً تعليقاً من أحد عمالقة لينكدإن وخبرائه ما زلت أذكره حرفياً: "رائع يا ليان، استمري" كلمتان… لكن أثرهما ما زال معي ليومنا هذا .. تعمّقت أكثر في لينكدإن حتى عُرفت في محيطي بلقب "أم لينكدإن" أصبح لدي عملاء، وعملت في كتابة المحتوى عليه خصّصت وقتاً يومياً لقراءة نشرات الأستاذ خالد، ومتابعة بودكاستاته ومحاضراته الأونلاين لم أفوّت محاضرة واحدة لقاؤه كان حلماً، ولم يخطر ببالي أن يتحقق يوماً لكن لا شيء مستحيل شرّفنا خالد بزيارته الكريمة إلى الشام وانتقلت من مقعد المتابعة خلف الشاشة إلى مقعد الحضور أمامه استمعت إليه بروح مختلفة، وكأني أسمع محاضرته لأول مرة لم يكن فقط خبير يسرد نصائح، بل كان تجسيداً حقيقياً لمعنى العطاء، والتواضع، والقبول فعلاً Khaled Elahmad قدوة في الأخلاق قبل العلم زادك الله من علمه، ونفع بك، وعمّ أثرك إن شاء الله وأخيراً، شكراً ليوسف الذي أحسن استقبال ضيفنا العزيز، وقدم صورة مشرّفة عن الشاب السوري الطموح Mohamad Yousif Ybroudi

بعد التخرج، الكل كان متوجه لمحتوى الإنستغرام لأنه الـ Trend بس بطبيعتي ما بحب أختار الأشياء لأنها مشهورة بفضّل أبحث وأسأل وبعدها أقرر وفعلاً بعد البحث الطويل لاقيت حالي هون على لينكدإن لما بدأت، انفتحتلي أبواب كتيرة وحصدت نتائج سريعة ومع الوقت تحول لمصدر رزقي ومجال ما بمل أبداً من التعلم عنه لهيك لما كنت أسمع العملاء عم يقولوا إنهم مو قادرين يبلشوا فيه كنت قول بيني وبين حالي: يا الله شو الصعب بالموضوع 😅 لحد ما بيوم من الأيام... اتقيد حسابي وحاولت أرجعه بكل الطرق وما قدرت وقتها لأول مرة حسيت بشعور البداية من جديد التخبط التردد وإني أبدأ وأوقف حتى إني فكرت أترك المجال كله وجربت أشياء ثانية وبعدين رجعت هون فهمت شغلة مهمة: مو لأن الطريق كان سهل علي، لازم يكون سهل على غيري كل شخص عنده تجاربه وقناعاته ومخاوفه وأسباب بتخليه يشوف نفس الخطوة بطريقة مختلفة تماماً ومن وقتها صار أول شي بسأله للعملاء: شو كانت تجربتك السابقة مع السوشال ميديا؟ وشو نظرتك للموضوع؟ بتبين تفصيلة صغيرة بس هي من أكثر الأشياء يلي بتفرق بالتعاون لأنها بتكسر الجليد أولاً وبتخليني أفهم الشخص قدامي بشكل أفضل ثانياً وبتخلي الرحلة كلها أسلس بعدين أنا ليان، بكتب أشياء مفيدة عن لينكدإن من خبرتي المتواضعة إذا بهمك تتواجد على لينكدإن بطريقة ذكية وبسيطة من دون تعقيد، تابعني 🌷

قبل أن أبدأ بكتابة المحتوى، كنت أظن أن الأشخاص الذين ينشرون يمتلكون قدرات ذهنية عالية ووقت فراغ لا أملكه إلى أن بدأت واكتشفت  هم مشغولون أكثر مني بكثير  وحين بدأوا ارتبكوا مثلي  تعبوا في الكتابة احتاروا في الأسلوب وتضايقوا من قلة التفاعل الفرق أنهم لم يتوقفوا، صبروا على أنفسهم وتعلّموا من رحلتهم ف تعلّمت منهم في البداية خصصت يوماً واحداً في نهاية الأسبوع للكتابة ثم تعمقت أكثر عن مجالي وبحثت عنه  منشوراً بعد منشور  بودكاست بعد محاضرة  نشرة بريدية بعد مقالة وتطبيق عملي لكل ذلك ازدادت خبرتي، ثقتي بنفسي وفي ما أقدمه وتبعهم بعد ذلك زيادة في التفاعل اليوم أنا لا أملك قدرات دماغية تختلف عن غيري وليس لدي وقت فراغ اضافي لكن لدي نظام أسير عليه دافع يجعلني أستمر حتى لو لم تسر الأمور كما أريد والأهم لدي رؤية مستقبلية وهدف أريد أن أصل إليه وأنت إن كانت صناعة المحتوى تخدم هدفك  فما السبب الذي يجعلك تؤجل إلى الآن؟ شاركني في التعليقات

قبل أن أبدأ بكتابة المحتوى، كنت أظن أن الأشخاص الذين ينشرون يمتلكون قدرات ذهنية عالية ووقت فراغ لا أملكه إلى أن بدأت واكتشفت  هم مشغولون أكثر مني بكثير  وحين بدأوا ارتبكوا مثلي  تعبوا في الكتابة احتاروا في الأسلوب وتضايقوا من قلة التفاعل الفرق أنهم لم يتوقفوا، صبروا على أنفسهم وتعلّموا من رحلتهم ف تعلّمت منهم في البداية خصصت يوماً واحداً في نهاية الأسبوع للكتابة ثم تعمقت أكثر عن مجالي وبحثت عنه  منشوراً بعد منشور  بودكاست بعد محاضرة  نشرة بريدية بعد مقالة وتطبيق عملي لكل ذلك ازدادت خبرتي، ثقتي بنفسي وفي ما أقدمه وتبعهم بعد ذلك زيادة في التفاعل اليوم أنا لا أملك قدرات دماغية تختلف عن غيري وليس لدي وقت فراغ اضافي لكن لدي نظام أسير عليه دافع يجعلني أستمر حتى لو لم تسر الأمور كما أريد والأهم لدي رؤية مستقبلية وهدف أريد أن أصل إليه وأنت إن كانت صناعة المحتوى تخدم هدفك  فما السبب الذي يجعلك تؤجل إلى الآن؟ شاركني في التعليقات

أنت سجين أحبابك لا أعداؤك تواصل معي شخص على لينكدإن يريد أن يبدأ في نشر المحتوى لكنّه خائف ليس من الفشل بل من نظرة أصدقائه له! يرون صناعة المحتوى أمر سطحي والعلامة الشخصية لا تأتي إلا من سمعة تجارية وأن كل ما على الإنترنت “عرض عضلات فقط” عندما شاركت قصته مع محيطي تفاجأت أن هذا الخوف ليس حالة فردية بل يكاد يكون القاعدة أغلب الناس يؤجلون خطواتهم لنفس السبب وهذه رسالة لكل شخص مثله كم قرار اتخذته لكن تخليت عنه خوفاً من تغيّر نظرة محيطك لك؟ تعلم أنه أفضل مايناسبك لكن اخترت مايناسبهم هم لا تسمح لأي شخص أن يسيطر على خياراتك بحجة الحب أو الصداقة! من يحبك يسمح لك بأن تكون نفسك وتختار ماتريد من دون حكم أو سيطرة لذا لا تؤجل صوتك على لينكدإن أو أي منصة حتى يصفق الجميع موافقة محيطك لا تصنع علامة شخصية الوضوح والشجاعة والقيمة يفعلان ابدأ ثم دع النتائج تتكلم عنك

الخوارزمية الجديدة للينكدإن أزعجت كثير ناس بس برأيي ريّحت ناس أكثر ريّحت شو ؟ ضميرهم😅 خلص، الخوارزمية عم تصعّب الوصول، فليش أتعب حالي.. خليني مرتاح وبلاه لينكدإن! أصلاً عم يجيني زباين من دونه، والحمد لله أموري ماشية طيب ممكن أقلك؟ الزباين هدول نسبة صغيرة من يلي فعلاً بتستاهلن ضمنياً أنت بتعرف هالشي وعم تشوف منافسينك يحققوه بنفس الوقت شايف لينكدإن متعب، بده صبر وبده وقت فعم تتغافل عنه، بس لايمتى؟ عفكرا الخوارزمية الجديدة مو مستحيلة بدها بس تخصص واضح وأفكار جديدة ماحدا حكاها من قبل والأخيرة بتلاقيها بالمواقف اللي عم تصير يومياً معك بالشغل  سؤال سألك ياه عميل وكان سبب تغيير بالخدمة الي عم تقدمها  رأي بمجالك الكل مؤيّد اله بس أنت عندك ملاحظات عليه وهكذا… إذا أنت فعلاً عندك هالأفكار بس مو عارف كيف تصيغهم كمحتوى  أنا موجودة لأساعدك، تواصل معي الآن 📩 خلينا نركّز أقل على الخوارزمية وأكتر على خبرتنا وطريقة تقديمها للناس الصح

بتصدّق انطباعك الأول عن أي شخص؟ خصوصاً لو كان إيجابي؟ لا تعمّم التجربة… خليني أشرحلك ليه كتير في ناس مليانين قيمة وبراسهم أفكار مبتكرة محدا حكى عنها قبل بس ما بيعرفوا يعبّروا بتلاقيهم منغلقين شوي، وحتى باللقاءات الاجتماعية يمكن يحكوا كلمتين تلاتة وبس فـ مناخد عنهم فكرة إنهم مملّين، أو ما عندهم شي ينقال… بالمقابل، في ناس من برّا لباقة، وطلاقة، وقدرة عالية على تسويق الذات بس المضمون فارغ فـ منكوّن عنهم صورة مضللة شوي بس مع الوقت غالباً منكشف المضمون ع لينكدإن بصير ذات الموضوع اديه في بروفايلات مظلومة لأن أصحابها ما حدّثوها؟ واديه في بروفايلات منتشرة بتعطيك انطباع قوي… بس مو حقيقي؟ أوك لا تظلم نفسك، بس كمان لا تشطح 😅 ← لما تكتب الـ Headline، لا تبالغ كون واضح وصريح: شو فعلًا بتقدر تساعد الناس فيه؟ ← لما تختار صورتك الشخصية إلى جانب اللباس الرسمي… ابتسم الثقة ابداً ما بتعارض اللطف ← وفي الـ Bio، مو مطلوب تبهر القارئ بأشياء ما جرّبتها بحياتك! 😂 البروفايل المزيّف ممكن يجذب العميل ليشتري منك أول مرة بس حقيقتك هي اللي بتخلّيه يبقى ويشتري مرة تانية وتالتة ايمتا آخر مرة حدثت فيها بروفايلك؟ (من دون شطحات😂)

صعوبة الـ Outreach ليست في الرسالة الاولى… بل في ما بعدها الـ Follow-up الجزء الأثقل.. كثير من الشركات: إما تتوقف بعد اول تذكير أو لا تتابع اصلاً والسبب؟ غياب System واضح ويلي بيصير غالباً ↵ Copy / Paste كل رسالة يدويا ↵ متابعة معتمدة على الذاكرة (وهذا اكبر فخ) ↵ غياب الوضوح: مع من تواصلنا؟ ومتى؟ وباي مرحلة؟ 😅 طبعاً عينك ماتشوف CRM هي الشركة، متل بيت جدي يوم الجمعة، ناس داخلة وناس طالعة وماحدا فهمان شي 😅 حدث ولا حرج عن النتيجة: ← Leads كانت مهتمة لكن ضاع ← وقت ضائع يومياً دون تحقيق اي قيمة حقيقية ← أخطاء صغيرة تتكرر كل يوم، وبالتالي أخطاء كبيرة في المستقبل اذا الـ Follow-up صعب بطبيعته، ليش تصعبه اكثر؟ شوف هذا workflow على n8n كيف ببساطة ينظم الموضوع: ← Lead انضاف ← إنشاء رسالة وإرسال الإيميل ← تسجيل الحالة في الـCRM ← انتظار ثم قراءة الحالة من الـCRM ← هل في رد؟ ← إذا لا ← Follow-up تلقائي ← تحديث الحالة وتوثيق كل خطوة ببساطة ما عاد في: "يا رب ما انسى ابعت لفلان" 😁 فلان صار في عهدة السيستم السيستم يتابع، يذكر، ويسجل مرة… مرتين… عشرة… هذا النوع من الاتمتة يوفر من 40 الى 60 دقيقة يومياً.. السؤال الحقيقي الان: بدك فريقك يشتغل اكثر؟ ولا ينجز اكثر؟

كيف يُمكن للريلز أن يُدمرك عبارة قرأتها في بوست وتجاهلتها لأنني لم أُرد أن أصدق و أرى الحقيقة حقيقة أني أدمنتهم ! تلك المقاطع القصيرة التي ابدأ بمشاهدة واحداً منها لأنتهي بمشاهدة 100 ساعات تمضي و أنا أُقلب ريلز تلو الآخر بدأت ألاحظ على نفسي أعراض لا أعرف أسبابها ! (أو أدّعي كذلك) - انعدام شغفي في أي شيء كنت أُحبه - النفور من كل عمل يتطلب وقت وجهد لماذا استثقل قراءة الكتب رغم أني كنت اقرأ لساعات ؟ لماذا لا استطيع الصمود أمام محاضرة مدتها 40 دقيقة ؟ بيني وبين نفسي عرفت الجواب وأدركت كيف أن “إدمان مُشاهدة المقاطع الصغيرة سيجعل من عقلك كسولاً جداً” فمنذ قرابة ٣ أشهر حذفت تطبيقات: انستغرام وفيسبوك سجلت دخولي عليهم من الكروم (التصفح جداً محدود عليه) مع ذلك أخفيته من قائمة التطبيقات (طالما لا أراه أمامي لن اتحفز لأنقر عليه) شيئاً فشيئأ بدأت أستعيد ثباتي وتركيزي شيئاً فشيئاً الحمدلله ماذا عنك، هل لاحظت أنّك عاجزاً عن إكمال أي شيء في حياتك مؤخراً ؟ (وضعت لك أحد العلاجات الفعّالة التي اتبعتها في التعليقات)

كل ما أحكي عن automation، بلاحظ نفس الخوف عند الأغلب: “إذا أتمتت التاسك… بخاف أفقد السيطرة” طبيعي… لأنه أغلبنا بيربط السيطرة بـ “إني أعمل كل شي بإيدي” بس السيطرة الحقيقية بتصير لما تكون: – كل خطوة واضحة – كل انتقال مسجّل – كل قرار إله سبب – وكل نتيجة إلها مسار تقدر ترجع له بالـ Workflow، أنت بايدك كتبت: شو يبدأ؟ شو يصير بعده؟ ومتى يتوقف؟ ولو صار خطأ؟ بتعرف وين صار، وليش صار، وكيف تعدّله يعني باختصار الأتمتة ما بتشيل السيطرة هي بس بتشيل العشوائية جاوبني بصراحة.. شو يلي بتحسّه سيطرة أكتر؟ تاسك معتمد على ذاكرتك… ولا سيستم واضح يشتغل قدّام عيونك؟

يمكن بروفايلك لو كان فارغ أحسن من لما يكون معبّى بالمعلومات... بس عالفاضي 😅 بفوت أحياناً على بروفايلات الصورة موجودة الخبرات موجودة قسم About مكتوب وفي شوية منشورات بس بعد ما اطلع منه، إذا سألتني: مين هاد الشخص؟ لمين بيساعد؟ شو المشكلة يلي بيحلها؟ غالباً رح قلك: ما بعرف  وهي المشكلة! لأنه صاحب البروفايل بيكون مقتنع إنه عامل يلي عليه بينما جزء كبير من هاد الجهد ضاائع لأن بروفايله ماعم يجاوب عن السؤال الأساسي: ليش لازم أهتم وأثق فيه؟ حرفياً بروفايلك هو أول مقابلة بينك وبين شخص ممكن يصير عميل، شريك، أو فرصة عمل وهاد الشخص ما رح يقعد يحلل كل قسم بحسابك حتى يعرفك إذا ما فهم بسرعة رح يطلع وما يراسلك وما يحجز مكالمة ويمكن حتى ما يتذكرك بعد دقائق لهيك جهزت ملف PDF فيه Checklist تساعدك تراجع بروفايلك وتعرف وين الخلل وبنفس الوقت فيه أمثلة وهياكل وإرشادات عملية تساعدك تحسن: 1- العنوان الرئيسي 2- صورة الغلاف 3- قسم About 4- قسم Featured 5- قسم Experience 6- الـ CTA 7- المحتوى ابعتلي رسالة بكلمة Checklist وببعتها لك 🌷

حكيت بأكثر من منشور إن عدد المنشورات مو أهم رقم على لينكدإن طيب إمتى هالحكي بيكون غلط؟ لما يكون هدفك البيع اتذكر آخر مرة اشتريت فيها خدمة من شخص على لينكدإن هل اشتريت منه بعد أول منشور قرأته؟ ولا بعد ما شفت عدة منشورات إله؟ وشفت طريقة تفكيره؟ وشفت كيف بيتعامل مع الناس؟ وشفت نتائج شغله؟ نفس الشي بينطبق على جمهورك حتى يشتري منك، لازم يثق فيك وحتى يثق فيك في خطوات لازم تمر علاقتكم فيها 👇 1) أول خطوة هي الظهور يصير يعرفك، مين أنت، شو اختصاصك وكيف أسلوبك بطرحه وهاد الشي غالباً ما بيصير من منشور أو منشورين 2) الصلة لما الشخص يشوف إنك عم تحكي عن مشكلة عايشها هو، ويحس إنك بتعرف تحلها وغالباً كمان مو من أول مرة بل بعد ما يشوف هالمشكلة تتكرر بمحتواك بأكثر من موقف وزاوية 3) المصداقية لما تكون حقيقي وتحكي عن خبرة وتجارب فعلاً عشتها لأن المصداقية مو شي بتثبته بمنشور واحد بل بتتبنى مع الوقت 4) المحادثة تعليق، رسالة، سؤال، مكالمة 5) وأخيراً بيجي البيع الناس خلال الفترة الماضية شافت إنك عم تقدم محتوى مفيد ووثقت فيك فلما تعرض خدمتك، رح تكون شخص مألوف وموثوق وقرار الشراء أسهل بمراحل الخلاصة الناس ما بتتحول من غريب إلى عميل بل من غريب ← متابع ← شخص يثق فيك ← عميل لهيك إذا كنت بتنشر مرتين بالأسبوع... استمر وإذا كنت بتنشر ثلاث مرات بالأسبوع... استمر بس لا تستعجل النتائج! واتذكر كل منشور بيعطي الناس فرصة إضافية حتى تعرفك وتفهمك وتبني ثقتها فيك بس هيك 😊

إذا كنت ناطر تصير “خبير كفاية” لتكتب على لينكدإن… عندي إلك خبر سيء: هاد اليوم بحياته ما رح يجي لأن كل ما تتعلم أكتر، رح تكتشف إن في أشياء أكتر ما بتعرفها وبينما أنت ناطر تحس إنك جاهز… في ناس أقل خبرة منك عم تكتب عم تتعلم قدام الناس عم تبني علاقات وعم تجذب فرص وشراكات أحسن مو لأنهم عندهم سر عظيم ولا لأنهم كانوا جاهزين 100% بس لأنهم بلشوا قبلك بلشوا بدون: 1- خطة المثالية 2-خبرة الكافية 3- وقت الفاضي وأنا بقولك من الآخر أولاً: الخطة ما رح تكون مثالية رح تكتب وتكتشف إن الفكرة ناقصة رح تنشر وتحس إنك كان ممكن تقولها أحسن وهذا مو فشل، هذا الطبيعي جداً في الرحلة ثانياً: الخبرة الكافية كنت مفكرة متلك لازم أوصل لمرحلة معينة حتى أبدأ أحكي لحد ما شخص بعزّه قال لي نصيحة غيرت نظرتي: “مهما كان مستوى خبرتك، دايماً في حدا أقل خبرة منك ممكن يتعلم منك” وعن تجربة، صناعة المحتوى نفسها بتطور خبرتك أكتر مما بتتخيل ثالثاً: الوقت الفاضي بعرف إن الوقت حجة منطقية بس خلينا نسأل بصراحة: هل فعلاً ما عندك وقت؟ ولا البداية هي اللي مخوفتك؟ لأن اليوم في أنظمة بسيطة بتساعدك تطلع أفكار، ترتبها، وتحوّلها لمنشورات وإذا حتى هالشي مو مناسب إلك، في مختصين كتابة على لينكدإن ممكن يساعدوك أو يتولوا المهمة عنك ومن ضمنهم أنا 😊 بس المهم إنك ما تضل ناطر اللحظة المثالية لأن الهوية الرقمية ما بتنخلق فجأة بتنبني منشور ورا منشور تعليق ورا تعليق علاقة ورا علاقة فلو عندك خبرة، خدمة، قصة، أو حتى رحلة عم تتعلم منها… ابدأ من النسخة الحالية منك وراقب كيف رح تطوّر عالطريق

هل أصبحت أدمغتنا بطيئة… أم أن كل شيء حولنا صار أسرع من اللازم؟ مبارحا وانا عم احضر فيديو تطبيقي عن n8n لفت نظري أحد اقتراحات الفيديوهات الجانبية مكتوب عليه you're learning too slowly ابتسمت لأنه هاد تماماً كان حديثي الداخلي بدأت أتعلم n8n مع بداية الشهر وحسب الخطة المفروض أخلص أول كورس واتقنه خلال اسبوعين لكن الى الآن عم واجه صعوبة في تطبيق بعض الأمور او حتى استيعابها الأمر من بدايته كان اشبه بالجهاد بالنسبة الي مشاهدة فيديوهات طويلة تصل مدتها ل ٤ ساعات بعد ما اعتدت على الريلز والحصول على المعلومة ب ٣٠ ثانية تطبيق ماتعلمت وظهور مشاكل فيه وقضاء ساعات في حلها ونحن في زمن السرعة والإنجاز، كل شيء لازم يُنجز "بسرعة البرق" الكل بيقول اليوم لحتى تطور لازم تتعلّم ولحتى تواكب لازم تعرف أكتر من مهارة بس ماحدا بيقول كيف مع انه التعلّم اليوم والصبر عليه هو حرفياً أصبح معركة مع النفس وأعقد مماكان بكثير انا من جيل زد صح بس ماحصلت على موبايل لوقت ماصار عمري ١٧ سنة فالسؤال كيف الأجيال الأصغر الي على السوشال ميديا من عمر ٧ سنين رح تنجح في دراستها وحتى حياتها؟؟ بعد هي التجربة حذفت حسابي على انستغرام وبدأت بوضع خطة جدية للتعافي من ادمان الدوبامين ومن كل هذا التشتت .. وانت هل سبق وواجهت صعوبة في التركيز بموضوع معين؟ كيف تغلبت عليها؟

لما ينحكى عن الناس الأكثر حضوراً على لينكدإن، تلقائياً رح يخطرلك إنهم الأكثر نشراً بس هاد الشي مو كتير دقيق في ناس بتنشر كل يوم وفي ناس بتنشر مرتين أو 3 بالأسبوع ومع هيك الطرفين ممكن يكون عندهم حضور وتأثير قوي لأنهم بيشتركوا بأربع أشياء مهمة: أولاً: بيحكوا مواقف حقيقية من شغلهم سواء مع العملاء أو مع الفريق ⬅️ الناس بتتذكر القصص أكتر من النصائح ثانياً: بيعطوا وقت للتعليقات أحياناً تعليق واحد بالمكان الصح بيجيب فرص أكتر من عدة منشورات ثالثاً: بيشاركوا طريقة تفكيرهم وشغلهم مو بس النتائج يلي وصلولها مثلاً بدل: "ساعدت عميل يحسن حسابه" بيكتبوا: "3 أشياء خلتني أعرف من أول دقيقة إن البروفايل بده شغل" رابعاً: بيعبروا عن آراءهم حتى لو مو الكل متفق معها لأن الناس غالباً ما بتتذكر الشخص يلي حاول يرضي الجميع بتتذكر الشخص يلي عنده وجهة نظر واضحة ومبنية على تجربة وأحياناً بتتفاجأ إن كثير ناس كانوا مفكرين نفس الفكرة بس ما حدا سبق وحكاها طبعاً بعّد قدر الإمكان عن الأمور السياسية 😅 مو مشان شي بس كرمال ماتحظرك المنصة الخلاصة: الحضور القوي مو نتيجة عدد المنشورات فقط بل نتيجة إن الناس تعرف مين أنت، وكيف بتفكر، وشو القيمة يلي بتقدمها وعن تجربة شخصية ومع العملاء هاد الشي ممكن يتحقق حتى لو كنت بتنشر مرتين بالأسبوع طبعاً لما يكون عندك وضوح بطريقة تقديم نفسك ومحتواك وبس هيك 😊 أنا ليان، بكتب أشياء مفيدة عن لينكدإن من خبرتي المتواضعة إذا بهمك تتواجد على لينكدإن بطريقة ذكية وبسيطة من دون تعقيد، تابعني 🌷

أغلب الناس عندها خزان أفكار للمحتوى… بس مشكلتها إنها ما بتعرف كيف ترتب هي الأفكار داخل منشور بتلاقي عندهم: خبرة ممتازة قصص ومواقف دروس ووجهات نظر قوية أشياء فعلاً ممكن تخليهم يبرزوا على لينكدإن بس أول ما يفتحوا صفحة كتابة البوست… بتتلخبط الدنيا وغالباً بيصير واحد من 3 سيناريوهات: 1- يتحمس ويحط 4 أفكار بنفس المنشور 2- يضل يكتب ويمسح ويعدل لساعتين… وبالآخر ما ينشر شي 3- يكتب بمصطلحات هو بس بيفهمها، ويفترض إن الكل رح يستوعب عليه ع فكرا كتابة المحتوى مو لحظة إلهام خارقة للكاتب أي فكرة عشوائية ممكن تتحول لمنشور قوي إذا مشت بهذا الشكل: 1- في البداية ركز على فكرة رئيسية واحدة فقط أكيد رح تستصعبها اذا فكرت بالمقدمة والخاتمة والكلمات القوية انساهم بهالمرحلة وفكر بس كيف رح تستخرج فكرتك الخام وهذا سهل لأنها غالباً متخبية بسطر بالملاحظات، جملة قلتها بمكالمة أو موقف صار معك بالشغل 2- اسأل نفسك: ليش هاي الفكرة ممكن تهم غيري؟ وين المشكلة اللي رح تحلها؟ وين الشيء الي الناس عم تمر فيه كل يوم؟ 3- أضف مثال حقيقي مثال واحد واضح أقوى من 10 جمل تنظير مكالمة مع عميل، غلطة عملتها أو شيء لاحظته بفريقك أي موقف حقيقي بيعطي الفكرة روح 4- حول الفكرة لدرس واضح  مو الهدف تقول “شوفوا اديش بعرف معلومات” الهدف تجعل الشخص يخرج بفكرة مفيدة فعلاً 5- اختم بشيء يبقى مع القارئ سؤال، ملاحظة أو حتى فكرة تجعله يعيد التفكير من أول وجديد بموضوع ما بالنهاية مارح تصير كاتب محترف بس رح تتعلم كيف تطلع الخبرة الي براسك بطريقة يفهمها الناس لأنه مهما كانت خبرتك قوية… إذا الناس ما فهمت عليك، ما رح تستفيد منك، ولا رح تتفاعل معك

لفترة من الفترات حسيت التواجد على لينكدإن وظيفة بدوام كامل لازم تنشر كل يوم لازم تعمل ٣٠ كومنت لازم تصور فيديوهات طيب... وإذا ما عندك وقت؟ خصوصاً لو كنت شخص يومه مليان شغل ومسؤوليات غالباً رح تصرف النظر عن الموضوع من البداية وبلاه لينكدإن! بس لحظة شوي... هاد مو الطريق الوحيد للنجاح هون خلينا نتخيل إنك بدك تلعب رياضة بالجيم هل رح تخصصلها ساعات طويلة من يومك متل الكوتش؟ طبعاً لا اللي رح تعمله هو نص ساعة خفيفة ونظيفة تحرك فيها جسمك وتحرق شوي من سعرات البراونيز اللي أكلتها الصبح ☕️ نفس الفكرة على لينكدإن كل اللي حكيته فوق ممكن ينجح بس لشخص ظروفه مختلفة عنك أما أنت فيك تصمم سيستم مناسب إلك ولوقتك مثلاً: 1- منشور واحد بالأسبوع يظهر خبرتك احكي عن مشكلة بتشوفها دائماً بالمجال خطأ متكرر أو درس تعلمته من مشروع أو عميل 2- منشور ثاني فيه وجهة نظر أو موقف ما بتنساه بمسيرتك المهنية مو مطلوب يكون عبقري فقط حقيقي ومفيد 3- يومياً 15 دقيقة comments تفاعل مع ناس من نفس المجال عملاء محتملين أو أشخاص حابب تبني علاقة معهم وبس إذا بدك تستمر وتحقق نتائج نعم... هاد كافي كبداية وعن تجربة أغلب الناس ما بتفشل لأنها بدأت بخطة صغيرة بتفشل لأنها بدأت بخطة مثالية ما قدرت تكمل فيها فإذا كنت مدير أو صاحب شركة لا تسأل: كيف لازم أعمل متل فلان؟ اسأل: شو يلي بقدر ألتزم فيه لسنة كاملة من دون ما أكره المنصة وأتركها؟ وابدأ منه 🙂 بسسس 😊 أنا ليان، بكتب أشياء مفيدة عن لينكدإن من خبرتي المتواضعة إذا بهمك تتواجد على لينكدإن بطريقة ذكية وبسيطة من دون تعقيد، تابعني 🌷

لحظات ستبقى في الذاكرة طويلاً محاضرة قيّمة جداً كالعادة تنظيم رائع Mohamad Yousif Ybroudi ومحاضر الشهادة فيه مجروحة Khaled Elahmad يعطيكم الف عافية ومنعادة بحلب ان شاءالله 🫡🤍

كثير ناس بتحكم على منشورها بعد أول يوم إذا جاب تفاعل بتنبسط، ما جاب بتعتبره فشل مع إن في سؤال أهم بكتير من عدد اللايكات والمشاهدات شو كانت وظيفة هاد المنشور من الأساس؟ مو كل منشور على لينكدإن مطلوب منه يعمل نفس المهمة ⬅️ في منشور بيخلي ناس جديدة تعرفك ⬅️ وفي منشور بيخلي الناس تفهم خبرتك أكثر ⬅️ وفي منشور بيخلي شخص متابعك من أشهر يقرر أخيراً يراسلك ⬅️ وفي منشور بس بيخلي الناس تتذكر إنك موجود ⬅️⬅️ وكلهم مهمين ➡️⬅️ مثلاً... منشور فكرته عامة وموجه لشريحة أكبر ممكن يجيب 10 آلاف انطباع بينما منشور تاني عم تحكي فيه عن خدمتك أو طريقة شغلك ممكن يجيب 1000 أو 2000 انطباع فقط بس يكون السبب برسالة من عميل محتمل بعدها بيوم أو شخص صار مهتم يتعرف أكتر على شغلك وبالحالتين... المنشور نجح لأنه حقق الوظيفة يلي انكتب كرمالها لهيك الحكم على كل المنشورات من عدد المشاهدات أو التفاعل لحاله بيكون مضلل أحياناً متل ما وظائف المحتوى مختلفة... مقاييس نجاحه لازم تختلف كمان بالعادة شو أكتر مقياس بتركز عليه؟ المشاهدات؟ التفاعل؟ ولا الرسائل والفرص يلي بتجي بعد المحتوى؟

مو غريب أبداً تشوف شخص مؤهل لوظيفة وينرفض مو لأنه ناقصه خبرة بس لأنه طريقة تقديمه لحاله ما عاد تشبه السوق اليوم هاد الشي صار مع أحد العملاء شخص ذكي، شاطر ومجاله من المجالات الي جداً مطلوبة في 2026 المفروض الفرص حواليه متل النمل بس كان ينرفض من أغلبها بشكل متكرر وبأحد المقابلات سمع جملة ضايقته كثير: "حسينا إنك شوي old fashioned" 👴 لما دخلت عحسابه حسيت إني رجعت لـ 2011 صورة قديمة بدون بانر عنوان وظيفي عام قسم About مكتوب كأنه سيرة ذاتية وآخر نشاط كان إعادة نشر بوست للشركة من سنة هو صح شاطر بس حسابه مبين شي مختلف تماماً فاشتغلنا على 5 أمور أساسية: 1- غيرنا العنوان من مسمى وظيفي عام لجملة توضح قيمته بدل: "أنا أعمل كذا" صار: "أنا أساعد هذا النوع من الشركات أو الفرق على حل هذا النوع من المشاكل" فرق بسيط بالكلمات بس كبير بالانطباع 2- أعدنا كتابة الـ About كقصة مهنية مو كملخص CV لأن الناس مو جاي تقرأ قائمة مهام بدها تعرف: كيف بتفكر؟ شو نوع المشاكل يلي بتعرف تحلها؟ وليش هالمجال مهم بالنسبة إلك؟ 3- أضفنا إثباتات خبرة مشاريع اشتغل عليها نتائج ساهم فيها ومشاكل بيعرف يحلها لأن كلمة "خبير" لحالها ما بتكفي 4- اشتغلنا على البروفايل بصرياً البانر الافتراضي والصورة القديمة أول شي بيعطي انطباع إن الحساب مهمل 5- حولنا بعض المواقف يلي عاشها بالشغل لأفكار محتوى مشكلة واجهها مع عميل خطأ شائع بيشوفه بمجاله ورأي واضح عنده مبني على خبرته بعد فترة... بلشت الزيارات تزيد، بعدين الرسائل، وبعدها فرص العمل خبرته ما تغيرت، الشي الوحيد يلي تغير هو طريقة تقديم نفسه وأنت... إذا حدا دخل على حسابك اليوم، هل رح يشوف النسخة الحالية منك؟ ولا نسخة منك من 5 أو 10 سنين؟ إذا حابب تعرف، عملت Checklist بسيطة بالتعليقات جاوب عليها وشوف إذا حسابك فعلاً بيمثلك اليوم... أو لسا عايش بـ 2011 👌 😅

"ولا كأنه عيد" من أكثر الجمل التي بتزعلني… خصوصاً لما أسمعها من طفل عمره بين 7-12 سنة الطفل ما بيخلق هذا الشعور لوحده… هو بيلتقطه من البيت ومن كلام الناس حوله لهيك حاولوا تزرعوا بأولادكم إن العيد فرحة… والفرح فيه عبادة ﴿ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ﴾ ممكن قطعة حلو، طلعة بسيطة، تكبيرات بالبيت، لبسة نظيفة… تعمل بذاكرة الطفل عيد كامل اتذكروا أثر الكلمة الطيبة بهالأيام مضاعف فاستغلوها وعايدوا كل حدا بتشوفوه القريب والغريب الجار والصاحب مليارت المسلمين الآن يكبرون ويفرحون معكم تعظيماً لشعائر الله والمليارات أيضاً تغفر ذنوبهم اليوم بإذن الله فادعوا… استغفروا… ولا تنسوا تفرحوا بالعيد قدر ما استطعتم كل عام وأنتم بألف خير 🤍

صباح الخير إذا أردت أن ترى الدنيا ببصيرة مختلفة، اسمع: https://lnkd.in/e4nHf-jr A life changer.

N8n وحوار الأتمتة… هاد اختصاص مهندسين فقط لا تعذّب حالك عذر رددته كثيراً حين نويت تعلم المجال أكتب n8n في خانة البحث ثم أمسحها فوراً " أصلاً ما بحب أدرس أي شيء أونلاين" فأهرب، وأقنع نفسي أنني سأجد كورساً حضورياً (أعلم يقيناً أنني لن أجده هنا) أواجه هذه الحقيقة فأعود وأبحث مجدداً تظهر لي مصادر كثيرة وفيديوهات تتجاوز مدتها 10 ساعات أصاب بالتشتت وأشعر أن الأمر ثقيل… فأتراجع من جديد أذكر أنني شاهدت اول ٥ دقائق من كورس كريم لكن لم يتغيّر شيء .. كان يشرح باستخدام قصة سبونج بوب وسلطع🦀 قلت: لااا أكيد… هذا الكورس مو الي أنا جدية في التعلّم😅😅😅 بعد أيام قليلة، شاهدت مقابلته مع غريب الشيخ وكانت كافية لأحسم قراري أولًا: في الغوص بعالم الأتمتة والذكاء الاصطناعي، بغضّ النظر عن اختصاص الجامعة ثانياً: في مشاهدة كورسه المجاني على يوتيوب وبالفعل، أمس انتهيت منه وكان من أكثر الكورسات فائدة… نظرياً وعملياً أحياناً نقنع أنفسنا بأن أعذارنا صادقة ومنطقية الا انها في الحقيقة هروب أو خوف من التجربة الشيء الوحيد اللي لازم نخاف منه فعلاً هو إننا نبقى بنفس المكان… من غير ما نتعلم أي شي ممكن يدفعنا خطوة للأمام شكراً على الكورس المفيد Karim Nabil خير بداية لأي شخص ينوي تعلم N8n والرحلة مستمرة، سأشارككم بعض منها ان شاءالله أخيراً، لو بتعرفوا فرصة تدريب مهني أو جهة ممكن تفيدني بهالمرحلة بيسعدني تشاركوني اياها✨️🙏