Maha Ghassan Hommos's Recent LinkedIn Posts

"الله يعين زوجك عليكي" هي الجملة قالتها طبيبة نسائية لسيدة مُراجعة عندي بفحص روتيني الموضوع ترك أثر مؤلم بنفسية المريضة وضلت سنتين تتجنّب أي محاولة حمل طبيعية (بسبب الخوف) هاد الشي عمل توتر بينها وبين زوجها... طلبنا منها تعالج الموضوع عند أخصائي نفسي لأنّه مشكلتها مو هرمونية. مو غذائية. ما بتنحل بـ "تحضير 3 شهور" مشكلتها كلمة، استقرّت بمكان عميق بنفسها، وما رح تنحل بمكمّل ولا بحمية ولا بتعديل نمط حياة وطبعاً أنا مو معالجة نفسية بس أنا نص شغلي هو إنّي أعرف وين بيخلص شغلي السيدة عالجت الموضوع عند أخصائي نفسي.. وانحلت المشكلة:) تخيلوا أنه وحدة تبطل قادرة تفكر بالإنجاب بسبب كلام دكتورة؟ طبيبة قالت هاد بثانيتين  وعاشت معها المريضة سنتين بدي ياكي تتخيلي: كم وحدة سمعت جملة من طبيب عاشت معها سنين بدون ما تعرف؟

في وثائقي جديد على نتفلكس اسمه "The Plastic Detox" ست أزواج، كلّهن بيحاولوا يحملوا من أكتر من سنة بدون نتيجة، وما حدا من الأطباء عرف يحدّد سبب طبي واضح طلبوا منهم شي واحد بس: لمدّة 12 أسبوع، قلّلوا تعرّضكم للبلاستيك بكل تفاصيل بيتكم الأكل بزجاج بدل بلاستيك منتجات العناية بدون عطور صناعية لا تسخين بالمايكروويف بأي علبة بلاستيكية  شامبو وكريمات بمكوّنات نظيفة  القهوة مو بكوب ورقي مغلّف من جوّا بعد 12 أسبوع، تلاتة من الست أزواج حملوا طيب.. شو يعني هاد فعلاً؟ عيّنة من ٦ أكيد لا تعتبر دراسة كبيرة والعالم لسا ما بيقدر يقول "البلاستيك سبب العقم"  وهاد طبيعي الأبحاث بهاد المجال لسا عم تتراكم بس في شي ثاني، أهم من الوثائقي نفسه أكبر هيئتين طبيتين بالعالم بمجال الخصوبة  الأمريكية (ASRM) والأوروبية (ESHRE) من سنوات وهنّن بيوصوا رسمياً كل سيدة بتحضّر للحمل بتقليل التعرّض لمواد اسمها EDCs (معرقلات الغدد الصمّاء)، واللي بتجي معظمها من البلاستيك السبب بسيط: مادتين تحديداً، اسمهن BPA و phthalates، بيدخلوا جسمك وبيقلّدوا الهرمونات الأنثوية الجسم بيتلخبط، البويضة جودتها بتنزل، والحيوانات المنوية عند الزوج بتتأثر بنفس الطريقة لما تتعرض للـ EDCs يعني التوصية موجودة من قبل الوثائقي ، الوثائقي بس خلّا الناس تنتبه

"الطاولة بتحمل وانتي ما بتحملي" هي الجملة قالها طبيب لسيدة مراجعة عندي. تخيلوا؟ 35 سنة. وزنها 130 كيلو أربع سنين تحضير ست سنين زواج وست عيادات قبل ما تجيني باستشارة الطبيب الأخير قلّها بالحرف: "انسي الموضوع. عمرك ما رح تحملي." والجملة يلي قبلها (جملة الطاولة) قالها طبيب تاني قبله تخيلي إنتي قاعدة بكرسي العيادة، عم تستنّي إجابة، وبتسمعي هي الجملة من شخص يفترض إنه ملاذك. شو بيصير جوّاتك؟ طيب.. شو لقينا لما فتحنا ملفها فعلياً؟ مقاومة إنسولين شديدة (HOMA-IR فوق 6) خمول غدة مع أجسام مضادة (Hashimoto's خفيف) نقص فيتامين د حاد (12) دورة غير منتظمة بسبب الإنسولين، مو بسبب الوزن لحاله تلت ملفات وكل وحدة ممكن تنحل. 6 أشهر شغل: بروتوكول غذائي، نزّلت 30-35 كيلو بدون رجيم قاسي، الإنسولين رجع طبيعي، الغدة استقرّت، الدورة انتظمت. حملت طبيعي. بدون IVF. بدون تحفيز. بدون "حقن". (والولد اليوم عمره سنتين، الحمد لله) بس مو هي القصة يلي بدّي إياكي تطلعي فيها القصة هية أنه بسبب كلمة من طبيب سمعتها.. كان ممكن تستسلم..

✨ Hello LinkedIn ! I’m finally here. - After years of working behind the scenes, building programs, creating content, and supporting women through their health journeys, I'm finally stepping into this space to connect, learn, and grow alongside this amazing community of professionals. - As a clinical dietitian, founder, and mother, my mission goes beyond just nutrition. It’s about creating a future where every woman is empowered to build a healthy family, starting with her own body. - I do this work with the heart of a mother, the mind of a health expert, and the purpose of someone who’s here to make a real difference. - I was raised by parents who taught me the meaning of service, strength, and responsibility,, and every step I take now continues the legacy they started. Whether you're in health, tech, research, entrepreneurship, or simply passionate about creating meaningful impact, I’d love to connect. Let’s share ideas, collaborate, and support each other in building healthier communities. 👋 Say hi or drop a comment, I'd love to get to know you.

إذا وحدة من أهم علماء الصحة الإنجابية بالعالم بتتجنّب شمعة معطرة ببيتها، يمكن في شي لازم تعرفيه اسمها د. Carmen Messerlian. بروفيسورة بجامعة Harvard من سنوات وهي بتدرس مادة كيميائية اسمها الفثالات (Phthalates)، وتأثيرها على الخصوبة، الحمل، والإجهاض نشرت عشرات الأبحاث بمجلات طبية معتمدة وبمقابلة معها بـ Scientific American سنة 2025، حكت عن بيتها بصراحة: "أنا ضد الشموع المعطرة" لأنّ الفثالات بتستخدم بصناعة العطر كمثبتات للرائحة  كل ما الرائحة بدها تدوم أطول، كل ما زادت كمية المثبتات بالمنتج والفثالات لما تدخل الجسم (عن طريق التنفس، الجلد، الأكل)، بترتبط بمستقبلات هرمونية النتيجة، حسب أبحاث متراكمة من 20 سنة: انخفاض جودة الحيوان المنوي ارتباط بالإجهاض المبكر ارتباط بنمو الأورام الليفية الرحمية تأثير على نمو الأعضاء التناسلية للجنين الذكر بمرحلة الحمل والمشكلة الأكبر: كلمة "fragrance" أو "parfum" على المنتج، قانوناً، تخفي تركيبة من 50 لـ 200 مادة بدون إفصاح هي ثغرة قانونية معروفة باسم Fragrance loophole موجودة بمعظم الأنظمة العالمية تحت مسمى "الأسرار التجارية" يعني السيدة لما تشتري شمعة "فانيلا" أو "خزامى"، ما عندها فكرة شو فيها فعلياً طب، هي شمعة وحدة، شو رح تعمل؟ ولا شي شمعة وحدة بسهرة وحدة، ما رح تأثر المشكلة بالتعرض المتراكم اليومي شمعة بالصالون عطر يومي  شامبو معطر  كريم جسم  منعّم أقمشة  مسحوق غسيل برائحة "نضافة" كل واحد منهن جرعة صغيرة اليوم كله، شهر كامل، سنة كاملة هاد اللي بيتراكم والسيدة بفترة التحضير للحمل، أو الحامل، جسمها بمرحلة حساسة جداً للهرمونات الخارجية كل كمية إستروجين زيادة من الخارج، بتلخبط حساب دقيق من الداخل شو تعملي؟ أي منتج فيه كلمة "fragrance" أو "parfum" بدون تفصيل، استبدليه

She’s not lazy. She’s just exhausted. She wakes up tired. Rushes through the day. Skips meals. Finishes what’s left on her toddler’s plate. Then feels guilty for not “eating healthy.” She knows she should take care of her body… But her time, her energy, and even her thoughts belong to everyone else. This is the story of almost every mom I meet. Especially the ones who come to me when they’re trying to get pregnant or stay healthy during pregnancy. They’re not lacking information. They’re lacking a system that works with their reality. A plan that doesn’t expect them to act like they’re not moms. If you’re reading this and nodding… Just know: There’s nothing wrong with you. What’s wrong is the way health advice is given to moms like you.

كل ما شفت "دكتور" بملايين المتابعات على اليوتيوب والانستغرام عم يحكي بالطب بطريقة غريبة وخارجة عن المنطق الطبي يلي متعودين عليه، أول شي بعمله: ببحث عنه اسمه الكامل شهادته ترخيصه البلد يلي بيمارس فيها اختصاصه وكتير أوقات بكتشف نفس الشي: إما ترخيصه مسحوب من البلد يلي عم يمارس فيها وإما الاختصاص المكتوب على البروفايل ما إله وجود بنقابة الأطباء هنيك وإما شهادته من "جامعة" أونلاين، بـ 500$ وست أسابيع، بتعطي diploma الجمهور بيشوف الكاميرا والإضاءة والعنوان "د. فلان"، وبيسمع ليش هاد بيصير؟ لأنّ شخص ما عاد عنده ترخيص بدولة معينة، أو ما حصل عليه أصلاً، بلاقي السوشيال ميديا بيئة بدون رقابة، بيقدر يشتغل فيها. فبيبدأ ينشر محتوى "طبي" ماله علاقة بالعلم والطب والـ engagement عالي والإعلانات بتدفع والمتابعين بيتزايدوا والنتيجة: نصائح طبية بتنزل من حساب ما عليه أي مساءلة قانونية، لمليون شخص ما حدا منهم سأل: "وين شهادتك؟" طبعاً الحق مو بس على الجمهور أو حتى على المشهور الحق على الفجوة بالمنظومة الرقابية ما في حدا بيراقب، ما في حدا بيتأكد، ما في حدا بيحاسب لهيك ، أنصح السيدات يستثمروا 5 دقايق فقط للبحث هاد الشي بيحميكي من كمية دجل مهولة

كأخصائيين تغذية، عندنا رسالة كبيرة... لكن أحيانًا ننسى جوهر دورنا الحقيقي. أنا مؤمنة إن واحدة من أكبر مشاكل المهنة اليوم، هي إن التغذية عند بعض الأخصائيين تحولت لمجرد معلومات بدل ما تكون علم تطبيقي. الناس ما عادوا بحاجة لمزيد من الـ PDF والنصائح النظرية... المريض اليوم بدو حلول واقعية، أدوات عملية، دعم حقيقي. الإرشادات المهنية و"الـ guidelines" وُضعت لك كأخصائي. لكن المريض... بده حل يناسب حياته وظروفه، بلغة يفهمها، وبطريقة يقدر يلتزم فيها. وللأمانة... أنا ما بكتب هذا الكلام من مكان نقد. أنا كنت هناك، من سنوات. كنت أقول: "المرضى مو ملتزمين، ما بيمشوا عالخطة." لكن الحقيقة؟ أنا اللي ما كنت قادرة أوصل لهم، ما كنت عم بفكر مثلهم، ما كنت عم أحمّل نفسي المسؤولية كاملة. هذه رسالة مني لأي أخصائي/ـة تغذية جديد/ة أو في بداية الطريق: فكر بعمق، طبّق بعقل، واشتغل بقلب. نحن الجسر بين العلم وبين المريض. فلا تخلي الجسر ينهار بسبب عدم جديتك بتغيير حياة الناس!..

هل غذاء زوجك يؤثر على فرص حملك؟ دراسة نُشرت هاد العام في مجلة Cell Metabolism أعطت 43 رجلاً صحياً أكلاً مصنّعاً لمدة 3 أسابيع بنفس السعرات والبروتين والكارب تماماً من نظامهم الطبيعي النتيجة؟ - انخفاض في هرمون الـ FSH المسؤول عن إنتاج الحيوانات المنوية - تراجع في حركتها - ارتفاع في مستويات مادة كيميائية من البلاستيك موجودة في تغليف الأكل المصنّع ومعروفة بتأثيرها على المحور الهرموني الانجابي المهم في هاد البحث إنه ماتم ترك الأمر للصدفة، تم التحكم بكل شيء ما عدا طبيعة الأكل نفسه يعني الضرر ليس من السعرات الزيادة أو النشويات أو البروتينات الضرر من مصدر المنتج نفسه (المنتجات المصنعة) والخبر المطمئن: الجسم لا يعاقب على وجبة، لكنه يتأثر بالنمط المتراكم وهاد ينطبق على الزوج مثلما ينطبق عليكِ. خطوة لهالأسبوع: حددي سناك مصنع موجود بغذاءك دائما (أنتِ أو زوجك) واستبدليه بنوع طبيعي (مكسّرات أو فواكه بدل الشيبس والبسكويت) لأنه تغيير بسيط ثابت يحدث تغييرات كبيرة قد لا يحققها نظام كامل

باللحظة اللي بيقول فيها الطبيب كلمة "عقم"، بيصير شي جوّا السيدة مو شي طبي.. شي بالقلب بتطلع من العيادة وما عاد بتسمع باقي الحكي كل اللي بعد هي الكلمة (الفحوصات، الخيارات، الأرقام) بتسمعه من هون وبتكبته هون وأنا شفت هاد بمئات الحالات سيدة عمرها 32، سنتين "عقم غير مبرر"، طلع عندها نقص فيتامينات حملت بعد 3 شهور. سيدة عمرها 35، قلّها الطبيب "انسي الموضوع، ما رح يصير" كان عندها خمول غدة + نقص فيتامين د + مقاومة إنسولين. تلت ملفات بتنحل، اشتغلنا عليهن، حملت. سيدة بعد 12 سنة IVF فاشل، المشكلة كانت بتنحل برفع الوزن.. وزنها كان كتير منخفض (BMI 16.5). 7 كيلو زيادة + بروتوكول غذائي = حمل طبيعي. كل وحدة من هدول كان مكتوب بملفها "عقم" طيب.. لو كلمة "عقم" بتفتح أبواب لحلول، أهلاً وسهلاً. بس الواقع إنها بتسكّرهم كلمة "عقم" بتعني: مشكلة دائمة، نهائية، فيكِ. بينما "تأخر إنجاب" بتعني: في شي عم يصير، ممكن نفهمه، وممكن نعالجه بأمور كتير بجانب الطب نفس الحالة.. لغتين مختلفتين.. ومسارين مختلفين كلياً اللغة الطبية مو حيادية. الكلمة اللي رح تسمعيها رح تحدد كيف بتفكري بجسمك، كيف بتنامي، كيف بتفوتي العيادة الجاية، وكيف بتسمعي الطبيب ولهيك من سنين وأنا ما بحب استعمل كلمة عقم ما بسميه عقم. بسميه تأخر إنجاب

من الأشياء البسيطة يلي لازم تنتبهيلها بفترة التحضير للحمل، هي شراءك لعطور فاخرة ❌ (ورح خبرك السبب) ليش العطر بالذات؟ كتير عطور (وأحياناً الفخمة أكتر من الرخيصة) بتحتوي على مجموعة مواد اسمها phthalates، بتُستخدم كمثبتات للرائحة وكل ما كان مطلوب تثبت الرائحة وقت أطول، رح تزيد كمية المثبتات بالمنتج والمعلومة الأهم عزيزتي: على كل علبة عطر بالعالم في كلمة "parfum" أو "fragrance" بقائمة المكونات هي الكلمة الوحدة (قانوناً) ممكن تجمع تحتها من 50 لـ200 مادة بدون ما تكون الشركة مضطرة تفصّلها، لأنها محميّة كـ"سر تجاري". بيسمّوها "Fragrance loophole"، وموجودة بأنظمة الـFDA الأمريكي ومعظم الأنظمة العالمية. طيب شو علاقتها بالخصوبة؟ بعض الدراسات بتربط التعرّض المرتفع للـphthalates بتأثيرات على هرمونات الإنجاب وعلى جودة البويضة والحيوان المنوي. تأثير الـphthalates على الهرمونات صار مثبت، لدرجة إنه مرتبط ب: - البلوغ المبكر عند الإناث  - ويأثر على مخزون بويضات الطفلة من خلال تعرّض الأم لهذه المواد خلال الحمل فالأفضل هو تقليل التعرض لمثل هذه المواد خلال هالفترة الحل .. وهو سهل وبسيط جدًا: اختاري عطور بقائمة مكونات كاملة وواضحة، أو عطور طبيعية بزيوت أساسية.

If you’re a mom and you're ready to transform your life into a healthier and better one… then you need to know these 3 things: 1- Fix your routine first. Plan ahead. Get your rhythm right. Once that clicks, everything else starts falling into place, almost like magic. 2- Don’t change everything overnight. Start small. Stay consistent. That’s how real change sticks. 3- You don’t need to cook 5 different meals. One recipe. One table. Just learn how to make it meet everyone’s goals, including yours. And remember,  You need a lifestyle that works with you, not against you.

كل عام وأصدقائي على منصة لينكدإن بكل خير   أدام الله عليكم الأمن والأمان وأعاده عليكم بالخير والبركة أضحى مبارك مها غسان حمص

Thank you so much, Melissa! I’m truly honored to be part of this amazing team and excited about what we’ll accomplish together. Grateful to CFDR for supporting this important work!✨

Now lets say… a woman is struggling with PCOS, a typical dietitian gives her a meal plan. A creative dietitian? She gives her a way out. Yes, the plan matters. Evidence-based. Balanced. Tailored. But that’s not what transforms lives. What truly transforms lives is understanding: Does this woman have time to cook? Does she even know how to cook? Is she surrounded by cultural pressure to eat a certain way? Is she exhausted, juggling kids and work? Does she even believe healing is possible? So if you want to help her, don’t just hand her a plan. Build her a system. Teach her the skills. Make it easy. Make it doable. Make it feel safe. That’s the difference between a dietitian who delivers a service,  and one who delivers hope.

اللصاقة الخضراء على العبوات البلاستيكية، اللي مكتوب فيها "BPA-free" .. هل هي آمنة فعلاً؟ الحقيقة باختصار .. أنه في مادة كيميائية اسمها BPA، اختصار لـ Bisphenol A هي مادة تُستعمل بتصنيع البلاستيك الصلب الشفاف، وبطبقة داخلية بتغطّي المعلبات المعدنية (تونة، طماطم، حمص معلّب). من السبعينات والصناعة بتعتبرها أداة أساسية بكل شيء تقريباً، لحد ما بدأت الأبحاث تدرس تأثيرها على الجسم، ماذا وجدوا؟ أن تركيب BPA الكيميائي يتشبه بهرمون الإستروجين فلما يدخل الجسم، الخلايا أحياناً بتقرأه وكأنه هرمون أنثوي، وبيرتبط بنفس المستقبلات، ولهيك بيُصنّف ضمن "معرقلات الغدد الصماء". وبأبحاث متراكمة من التسعينات، بتقول انه التعرّض المرتفع للـBPA بيرتبط بتأثيرات على الإباضة وجودة البويضة، وبانخفاض جودة الحيوان المنوي عند الرجل، وبزيادة احتمال الإجهاض المبكر. والأهم 🔴👇 التعرّض خلال الحمل ممكن يأثّر على نمو الجنين، والنمو التناسلي للجنين الذكر حسّاس للإستروجين الخارجي بهالمرحلة. طيب من وين بيدخل جسمك عادةً؟ ↲ غالباً من البلاستيك اللي بيلامس الأكل، خصوصاً مع الحرارة: ↲ عبوة مي نسيتيها بالسيارة بالصيف ↲ كاسة قهوة بلاستيك سخنة ↲ أكل بيتسخّن بعلبة بلاستيك ↲ وكمان البطانة الداخلية للعلب المعدنية والإيصالات الحرارية. ولما تراكم العلم وزاد وعي الناس، بلّشت الحكومات تقيّد BPA، بمنتجات الأطفال أول وبعدين بالغذاء بالتدريج. والصناعة تكيّفت وبدّلت BPA بمواد من نفس العائلة الكيميائية: BPS وBPF وBPAF نفس البنية تقريباً، حروف مختلفة بالاسم وحطّوا لصاقة جديدة: "BPA-free". ولكن .. هي البدائل ما اختُبرت بنفس عمق الاختبار اللي صار على BPA الأصلي ولما الباحثين بدأوا يدرسوها، لاحظوا أنها بترتبط بنفس المستقبلات الهرمونية وبعض الدراسات (من حوالي 2015 على BPS تحديداً) لقت أنها ممكن تكون بنفس الفاعلية، وأحياناً أقوى. يعني "BPA-free" لحالها ليست ضمانة أن المنتج آمن، لأنه ممكن يكون استبدل بمادة قريبة منها. والحل؟ بسيط وغير مكلف: - خلّي الحرارة بعيدة عن البلاستيك - وما تسخّني أكل بعلبة بلاستيك - واستعملي زجاج أو ستانلس ستيل للأكل والشرب الساخن فضّلي الطازة أو المجمّد على المعلّب -ما تتركي عبوات المي بالسيارة بالشمس. وركّزي على الأشياء يلي بتستعمليها يومياً وبكثرة، خصوصاً بمرحلة التحضير للحمل أو الحمل أو وجود أطفال صغار. تقليل التعرّض خطوة بسيطة وذكية، والهدف بالنهاية أنك تختاري عن وعي.

ليش ما عم أحمل؟ الجواب مو دائماً عند الأنثى.. أحياناً الجواب عند الذكر في دراسات تُشير إلى أن عامل الذكورة مسؤول عن ما يقارب 40-50% من حالات تأخر الحمل يعني تقريباً نص الحالات، السبب عند الزوج أو مشترك بينهما طيب.. شو العمل إذا كانت الحيوانات المنوية هي المشكلة؟ 74 يوم تحضير = دورة تكوين كاملة وجديدة وتعني إنتاج جيل جديد كلياً من الحيوانات المنوية هي العملية اسمها علمياً Spermatogenesis وتستغرق من 64 إلى 74 يوم يعني الحيوان المنوي اللي بيُنتج اليوم، بدأ تكوينه قبل أكثر من شهرين وهذا بالضبط يعني: القرارات اللي يأخذها الزوج اليوم، رح تنعكس على جودة الحيوانات المنوية بعد 74 يوم 5 عوامل تؤثر سلباً على جودة الحيوان المنوي: ١- التدخين يرفع معدل الـ DNA fragmentation في الحيوانات المنوية، وهذا يؤثر مباشرة على قدرة الإخصاب وجودة الجنين ٢- زيادة الوزن الدهون الزائدة تعمل كغدة صماء نشطة: ترفع مستويات الإستروجين وتخفض التيستوستيرون عند الرجل  مما يُضعف إنتاج الحيوانات المنوية وجودتها ٣- الإجهاد المزمن الكورتيزول المرتفع يُثبّط إفراز GnRH من الهيبوثالاموس وبالتالي يُقلل إنتاج LH وFSH اللي هم المسؤولان عن تحفيز إنتاج التيستوستيرون والحيوانات المنوية الجسم حرفياً بيقول: "هلأ مو وقت التكاثر، هلأ وقت النجاة" ٤- قلة النوم إفراز التيستوستيرون يصل ذروته أثناء النوم العميق النوم أقل من 7 ساعات يُخل بهذه الذروة ويُضعف الإنتاج الهرموني ٥- معطلات الغدد الصماء (EDCs) مواد كيميائية تتدخل في إشارات الهرمونات: BPA من العبوات البلاستيكية Phthalates من العطور ومنتجات العناية الشخصية Parabens من الكريمات والمستحضرات كل ما ذكر قابل للتعديل بقرارات تُتخذ اليوم، وتُقطف نتائجها بعد 74 يوم

البويضة يلي رح يتم إنتاجها الشهر الجاي.. بلّشت تتطور قبل 90 يوم والحيوان المنوي يلي رح يلقّحها.. عمره 74 يوم كل بويضة بتمر بـ 3 شهور من النضوج قبل ما توصل الإباضة خلال هي الشهور، الخلية بتاخد كل اللي حواليها وبتبني نفسها فيه: - الـmitochondria هي المصدر الرئيسي لإنتاج ATP داخل البويضة، وكفاءتها ترتبط مباشرةً بتوفر المغذيات الدقيقة من الغذاء - سلامة الـDNA وعمليات الميثيلة (methylation) تتطلب مستويات كافية من الفولات، وB12، والزنك، وأوميغا 3 بوصفها عوامل مساعدة أساسية - غشاء الخلية (phospholipid bilayer) عُرضة للتأثر بالملوثات الهرمونية كـBPA وphthalates، إضافةً إلى التدخين والكحول اللذين يُحفّزان الإجهاد التأكسدي ويُلحقان ضرراً بالبنية الليبيدية للغشاء - حساسية الخلايا للهرمونات التناسلية تعتمد على كفاءة مستقبلاتها، وهي تتأثر بمستوى الفيتامينات التي تعمل كمنظّم جيني، وبمقاومة الإنسولين التي تُخلّ بالإشارات الهرمونية داخل الخلية يعني أي شي أكلتيه اليوم.. البويضة يلي رح يتم إنتاجها بعد 3 شهور رح تتأثر فيه طيب.. والرجل؟ نفس الشي، بس 74 يوم الحيوان المنوي يلي رح يحدد جنين الشهر الجاية، بلّش يتكوّن قبل 11 أسبوع ولهيك خطة "بدنا نجرب الشهر الجاية" هية فعلياً مو خطة هية تجربة و"التحضير 3 شهور" ليس رفاهية وإنما توقيت بيولوجي 90 يوم لها 74 له طبعاً التحضير ليس فقط نظام دايت، أو مكمل واحد، أو "إلغاء القهوة" وإنما خطة متكاملة للـ 3 شهور القادمة

60,000 ريال لحقنة الـ IVF ويمكن ما كان لازم تعمليها أصلاً.. طيب.. ليش عملوها لك أصلاً؟ رح جاوبك.. بس لازم أول شي وضح نقطة السؤال يلي يفترض تسأليه قبل ما تدفعي أي مبلغ لـ IVF: "شو الفحوصات يلي عملتها لي، وللزوج، قبل ما تحدد إنّو IVF هو الخيار؟ وعلى أي نتيجة بنيتم القرار؟" صحيح ان بعض الاطباء يخضعوا المرأة لبعض التحاليل العادية مثل الغدة، السكر، تحاليل النطاف الخاصة بالزوج ولكن كتير نادر نشوف طبيب اخذ صحة المرأة والرجل وجاهزيتهم الصحية على محمل الجد النسبة الطبيعية لنجاح الحقن المجهري هي ٣٠٪، والتحضير الصحي لها يخليها توصل لـ٨٠٪ تخيلو! على سبيل المثال، الوزن  وزن المرأة بحيث يكون طبيعي من اساسيات نجاح الحقن المجهري  ومع ذلك، نادر كتير نشوف طبيب فعلاً ينصح المرأة بتنزيل وزنها قبل الحقن ايقاب التدخين وتحسين نسبة التشوهات للنطاف عند الرجل ترفع من نسبة نجاح الحقن المجهري واطفال الانابيب وعلى الرغم من ذلك؟  لا يتم مناقشة الموضوع بشكل جدي طيب.. ليش بعض العيادات ما بتفحص؟ للأسف أوقات كتير السبب تجاري وربحي فقط دورة IVF مربحة مادياً كتير للعيادات مو كل العيادات بتشتغل طب في كتير عيادات بتشتغل تجارة للأسف.. تتحول الحقنة من حل.. إلى مُنتَجْ واللي بيدفع الثمن صحياً ونفسياً ومادياً هية المريضة

في حقنة بتنباع أونلاين، وبتنعطى بنوادي رياضية لتكبير حجم العضلات، طبعاً بدون وصفة وبدون رقابة. اسمها بسيط: تستوستيرون طيب.. شو المشكلة؟ المشكلة أنه الرجل هو نصف معادلة الحمل (يعني التحضير للحمل مو بس مسؤولية الامرأة) حقنة التستوستيرون لها تاثير سلبي على الخصوبة لكتير أسباب ١- توقف العمل الطبيعي للغدد وبالتالي نقص افراز تستوستيرون الداخلي بالمنشآ الطبيعي وضعف بتشكيل النطاف (Azoospermia) ٢- تعطى بجرعات عالية جدا تؤدي لضمور شديد للجهاز التناسلي الذكري وتاثير على باقي اعضاء الجسم وخصوصاً الكبد (الجرعة الطبية حوالي 100-200 ملغ بالأسبوع وتحت إشراف.. بينما الجرعة بالنوادي: 500 إلى 1000 ملغ يعني خمس لعشر أضعاف الجرعة الفسيولوجية) ٣- كتير من المنتجات يلي بتباع بهاد السوق غير مرخّصة للاستعمال البشري أصلاً (بعضها مصنّع لأغراض بيطرية ما حدا بيعرف شو فيها فعلياً.. وإلها تاثيرات ضارة عديدة على الكبد والغدد) المشكلة وين؟ المشكلة أنه بعد التوقف، التعافي بياخد 6 لـ 18 شهر (وما في ضمان إنّو الإنتاج يرجع طبيعي) بس مو هاد سبب كتابتي للمنشور، السبب هو هاد السؤال: كم رجل بالمنطقة، بفترة التحضير للإنجاب، عمل semen analysis طلع فيه عدد منخفض أو حركة ضعيفة.. وحدا من الأطباء سأله: "هل أخذت أي شي من النادي بآخر سنتين؟" السؤال هاد لازم يكون بأول صفحة من ملف كل رجل بفترة التحضير بنفس مستوى "هل تدخّن؟". بنفس مستوى "كم ساعة بتنام؟" بس ما بينسأل بأغلب العيادات طيب.. ليش؟ بسبب الافتراض الخاطئ أنّه ملف الخصوبة "ملف نسائي" السيدة بتفحص هرمونات شاملة، تصوير بطن وحوض، فحوصات مناعية، اختبارات بطانة الرحم، فحص الأجسام المضادة الرجل بياخد ورقة Semen analysis، وخلصت القصة ولهيك بقول دائماً أهم خطوة بحياة السيدة يلي بتحضّر للإنجاب هي اختيار الطبيب يلي بيسأل الأسئلة الكاملة، للرجل والامرأة، من أول جلسة

صحيح أن الواقي الشمسي ضروري ولكن.. اختاري النوع الصح والآمن الك بمرحلة الحمل وقبل الحمل ماهو هذا النوع؟ النوع المعدني: وهو الذي مكوّنه الفعّال أكسيد الزنك (zinc oxide) أو ثاني أكسيد التيتانيوم (titanium dioxide). السبب ببساطة 👇 في نوعين من واقي الشمس ↲ معدني (فيزيائي): يعمل مثل الدرع على البشرة فبيعكس الأشعة عنها (مكوّناته الزنك والتيتانيوم) ↲ كيميائي: يمتص الأشعة جوّا الجلد، مكوّناته تكون مثل أوكسي بنزون (oxybenzone) و أوكتينوكسات. تعتبر الجهة الرقابية الأمريكية (FDA) لليوم نوعين بس "آمنين وفعّالين" بشكل مؤكد، وهي ذات الأساس المعدني أما الفلاتر الكيميائية فطلبت عنها مزيد من الدراسات. لماذا؟ لأنه تبيّن أن بعض الفلاتر الكيميائية تُمتص من الجلد للدم بعد الاستعمال وبعضها (متل الأوكسي بنزون) عنده نشاط شبيه بالهرمونات بدراسات المختبر والحيوان، مع قلق على الصحة الإنجابية. وهنا النقطة المهمة حتى ما نخاف زيادة: المادة إذا وصلت للدم ما بيعني أنها سببت أذية الدراسات على البشر لليوم بتبيّن "ارتباط" وليس "سبب مثبت" يعني القصة احتياط، (لا يوجد خطر مؤكد) فالحل ببساطة ✔️ المرة القادمة وأنتي بتشتري واقي شمس، اقرأي المكونات وشوفي إذا مكتوب zinc oxide أو titanium dioxide، هاد الخيار المطمئن، خصوصاً بفترة الحمل أو التحضير له

54% من السيدات السعوديات مصابات بتكيس المبايض أكثر من نصف النساء السعوديات المصابات بتكيس المبايض طلعوا من عيادة الطبيب بمعلومات ناقصة دراسة سعودية (Alqntash et al., J. Clin. Med. 2024) أجريت على 1182 امرأة سعودية مشخصة بتكيس المبايض. بينت أنه: 57.3% من النساء إما تلقين معلومات غير كافية أو لم يتلقين أي معلومات على الإطلاق يعني أكثر من نصف النساء طلعوا بتشخيص بدون ما يفهموا معناه لا أسباب لا خيارات لا خطوات بس اسم على ورقة 33.8% من النساء لم يُخبَرن بأي شيء عن تأثير التكيس على خصوبتهن تكيس المبايض هو من أبرز أسباب صعوبة الحمل ومع هاد (ثلث النساء خرجن من العيادة دون أن يعرفن هذا. اكتشفن الحقيقة لاحقاً) إما من الإنترنت، أو من تجربة مؤلمة 30.1% كانوا غير راضيات تماماً عن الدعم النفسي بعد التشخيص تكيس المبايض ليس فقط تشخيصاً جسدياً. هو قلق على الخصوبة هو تغيير في صورة الجسد هو أسئلة بلا إجابات ومع هاد: كتير من النساء واجهوا كل هاد وحدهن ومن ناحية أخرى: يلي بشوفه في العيادة يومياً: كل نساء تكيس المبايض على حبوب منع الحمل والمشكلة الحقيقية؟ تكيس المبايض يُعامَل كأنه "مشكلة مبيض" بينما هو خلل أيضي، أعراضه ظهرت على المبيض الحبة تنظم الدورة من الخارج. بس السبب الجذري لسا ما اتعالج 3 أشهر من النهج الصحي الصحيح بتعمل ما لا تعمله الحبة في سنوات التشخيص بدون تعليم لا يعتبر تشخيص كامل. والمعلومة حق المريضة ، مو امتياز تحصل عليه إذا سألت بالطريقة الصح تكيس المبايض مو حكم. هو ملف أيضي قابل للقراءة وقابل للتعديل. 🤍

كتير سيدات بفترة التحضير بيتجنبوا فيتامين A خوفاً من التشوهات الحقيقة.. في صيغتين من فيتامين A: الأولى: Retinol جرعات عالية + Isotretinoin (حبوب حب الشباب مثل Accutane) هدول فعلاً بيعملوا تشوهات جنينية، ولازم تمتنعي عنهن قبل الحمل بشهور الثانية: بيتا كاروتين من الأكل (جزر، بطاطا حلوة، قرع، سبانخ، كبد)  آمن تماماً طيب.. ليش بدّك ياه أصلاً قبل الحمل؟ فيتامين A أساسي لـ: نضوج البويضة (Follicular development) بطانة الرحم استقبال الزرع البويضة اللي عم تتطور هاد الشهر، فيتامين A جزء من بنائها نقصه = جودة بويضة أقل والمشكلة أنّه "الموضة" بتقول تجنّبيه، والعلم بيقول بضرورته (لكن بصيغته الصحيحة) (تنبيه: لو بتاخدي Accutane أو مكمل Retinol عالي الجرعة، توقفي قبل التحضير بـ 3 شهور على الأقل وراجعي طبيبك)

Calling All Canadian Registered Dietitians! Help Shape the Future of Digital Dietetics Are you a Registered Dietitian in Canada?  We’re conducting a research study at the University of Ottawa to understand how Canadian dietitians use, view, and experience social media in their professional practice — whether you use it regularly, occasionally, or not at all.  Your perspective will help identify opportunities and challenges for dietitians in the digital era. What’s Involved:  Complete a 20-minute online survey  Share your insights to help shape future training    Incentive:  Enter a draw to win 1 of 5 Amazon gift cards of $50 📌 Eligibility Checklist:  ✅ Be a Registered Dietitian in Canada  ✅ Live and practice in Canada  ✅ Read and understand English 📩 Start here: (https://lnkd.in/e4PTMEEc)    For questions email: digitalfood@uottawa.ca The ethical components of this study were approved by the University of Ottawa Research Ethics Board (H-08-25-11724).