Majd A.AbuAlrob's Recent LinkedIn Posts

مؤخراً بدأت كعضو مجلس تحرير لمجلة BMC Neurology ❤️ مجرد ما استملت الإيميل سألت نفسي كيف ممكن أساعد من خلال هيك عمل، و كل تفكيري كان هو توجيه الباحثين الصغار (مثلي)لكيف يطوروا أبحاثهم حتى لو كان القرار هو الرفض للمقال. تذكرت كمية الإيميلات الرهيبة الي تلقيتها و كان فيها رفض لأبحاثي السابقة و انزعاجي من عدم وجود توجيه للباحثين بخطوات قادمة.. ❤️❤️ و لهيك صار دور نرفض المقالات 😂 مع لمسة من التوجيهات..

أخيراً وصلت للرقم 100 🔥🔥 أخيراً وصلت ل١٠٠ اقتباس علمي من مقالاتي العلمية.. رقم ما زال صغير، لكن بيحكي عن أرقام بتتضاعف من آخر سنة بفضل الله و كرمه و منّته... الأرقام مش مهمة ولا مفيدة، إنما المهم هو القيمة العلمية لكل بحث، نسأل الله نكون دايماً نعرف نلاقي القيمة الصحيحة..

لله الفضل و الحمد و المنّة ❤️❤️ دراسة جديدة.. هاي الدراسة فصلنا فيها كل المخاطر العصبية المرتبطة بأهم دوا حالياً في عالم السرطانات و هو Immune Checkpoint Inhibitor ❤️❤️ نشرناها في Supportive Care in Cancer اقرأوا المقال لتفاصيل أدق 😎😎

الحمدلله رب العالمين ❤️❤️ مقال جديد مع كبار من المتخصصين في مجال الصرع، نفعنا الله بعلمهم و نفّع بعلمنا يا رب. الدراسة انعملت حول أجدد الأدوية في عالم الصرع. و هون أبرز المقتطفات.. 🔥الآن في يتم دراسة أكثر من ٢٠٠ دواء جديد للصرع.. 🔥المركبات الصغيرة و الأدوية الجينية و أدوات التحفيز العصبية هي من أبرز العلاجات الجديدة 🔥كثير من هاي الأدوية متخصص في التشنجات المستعصية.. 🔥الملاحظ كمان أنه بدنا نتجه لأدوية تعالج الصرع نفسه، مش فقط أدوية تسيطر على التشنجات بحد ذاتها.. الدراسة حاولت تجمع كل التطورات في هالعالم عن هالموضوع

مقال جديد 🔥❤️❤️ نجحنا بفضل الله و منّته بنشر حالة جديدة 🔥 الحالة مش نادرة و العرض مش نادر، لكن؟ 🔥الحالة عن مريض جاء بسكتة دماغية إقفارية، كان المريض غير قادر على النطق بأي شيء، ولا إعادة الكلام، رغم أن المنطقة المتضررة لا تفسر شدّة الأعراض. 🔥كلمنا فريق الأشعة مشكورين، و نسقنا نوع من الصور DTI و هو متخصص يشوف المسارات العصبية.. 💢و كان المسار Frontal Aslant Tract متضرر و هو ما يفسر الأعراض. المقالة تناقش المسار هذا من ناحية تشريحية و ناحية الأعراض.. 🔥🔥الفضول أحياناً بيؤدي لأجوبة غريبة 🔥مش معناها اذا الحالة مش نادرة، انا بتقدرش انها تنتشر، بس بدك تعرف عن شو و كيف تناقش...

ثقافة اختبارات الطب البالية في فلسطين 😶‍🌫️ يتجدد كل عام السؤال حول آلية وضع امتحان الامتياز و الامتحان التصنيفي، و بمشاركة بسيطة من الطلاب نجد أن الكثير من الأسئلة لم يتم تدقيقها علمياً ولا بأي شكل من الأشكال.. فالسؤال الذي يخطر ببالي: مع كل هذه الجامعات و الكفاءات، ألا يوجد درجات علمية كافية لتضع الامتحان بمعايير دقيقة؟ مع كل هذه الجامعات و الأدوات التقنية المتاحة، و بعد كل هذه السنين لا يتم تنقيح و تصحيح الأسئلة قبل وضعها ؟ نحن نفتقر للدرجات العلمية المناسبة التي تضع الامتحانات، فإذا كانت الغاية هو تعجيز الطلبة و أهاليهم فليعلنوا ذلك للعلن. أحدهم يقول، أن المستوى هذا ضروري بسبب الأعداد الهائلة من الطلاب: 🔕أولاً واجب الوزارة نفسها أن تراقب قبول الطلبة و قبول الجامعات، لا أن تتم المراقبة بعد تخريجهم.. 🔕ثانياً: واجب الوزارة أن يكون الامتحان بمعايير دولية واضحة، و تنقيح و تصحيح و تدقيق لكل كلمة.. صحة الطلاب النفسية ليست أضحوكة بيد صناع القرار..

ليه ممكن محرر مجلة يرفض مقالك ؟ 💔 الحمدلله بدأت ك Editorial Team Member في مجلة BMC Neurology ❤️ و أول شي كان في كورس ترحيبي، و هون بدأت أفهم كثير أمور صارت مع مقالاتي العلمية، خليني ألخصلك بسرعة ليش المجلة ممكن ترفض مقالتك.. 🔥موضوع المقالة غير مناسب للمجلة أو قرائها أو الناس الي متابعة للمجلة 🔥السؤال العلمي المطروح في المقالة غير مبني على أساس علمي قوي 🔥المقالة ما أجت بتأثير أو معلومات جديدة، ما ضافت شي علمي جديد من اي ناحية من النواحي. و هاد بيندرج تحت شي مهم (Originality Criteria) 🔥المقالة استخدمت Methodology ضعيفة و غير مناسبة، و ما وضحت كل السلوكيات الي عملوها ليوصلوا لنتيجة البحث و لا كان مفصل 🔥في خلل في الاتفاقيات الأخلاقية المتعلقة بالبحث، ما في طلب موافقة من المرضى المشاركين، او ما في توضيح لبعض الDeclarations المهمة مثل Conflict of interest، و غيرها من الأمور المطلوبة ☠️☠️ما تنوهم و تفكر أن المجلة ما بترفض مقالتك بالحالات التالية: ☠️عيوب لغوية بسيطة ☠️خلل بفورم المقال حسب المجلة و هاي كان تلخيص بسيط عشان مقالكم القادم ❤️❤️

مقال علمي جديد ❤️❤️ ❤️❤️الحمدلله ننشر مقالنا الجديد بعنوان: "Repetitive Transcranial Magnetic Stimulation for Freezing of Gait in Parkinson's Disease: A Systematic Review and Meta-Analysis" في مجلة Clinical Parkinsonism & Related Disorders (Elsevier). الدراسة كانت عن تصلب أو تجمد المشي عند مرضى باركنسون، و هو من أكثر المضاعفات الحركية المعيقة للمرضى، إضافة للمخاطر المصاحبة اله مثل خطر السقوط و تراجع جودة الحياة، و للأسف لا يستجيب عادة للأدوية الاعتيادية. في دراستنا قمنا بتحليل ١٢ تجربة محكمة، شملت 293 مريضاً، لتقييم فعالية وسلامة التحريض المغناطيسي عبر الجمجمة المتكرر (rTMS) كخيار علاجي غير دوائي. شو كانت نتائجنا ❤️🔥✅️: 🔥تحسن ملحوظ في تجمد المشي(SMD = −0.97, p < 0.001) 🔥تحسن في الوظيفة الحركية العامة 🔥تحسن في سرعة المشي، طول الخطوة، زمن الالتفاف، و عدد الخطوات. و بالتالي فإنه هذا الخيار العلاجي يعتبر خيار فعال و مناسب للمرضى.. شكر خاص لكل من شارك في هذا العمل: Lara Hamzeh Hamzeh، Yahya Kayed AbuJwaid، Sara M.F. Fahmy، Dania AbuHawas، Habiba Tariq Saeed، Daher Heib، Mawatheeq Al-Yafrosi، Ahmed Noureldeen Abbas، Karima El Refaei، و Christian Cortes Armijo. رابط الدراسة في التعليقات 👇

مجتمعاتنا غريبة شويتين 💔 يعني الشباب من أعمار 17-25 أين دورهم المجتمعي ؟ مختفي تماماً 💔 و هاد مش بسببهم إنما بسبب تعامل المجتمع معهم، و هاد الي بيكون أصل من أصول سلوكيات سيئة بتنشأ عندهم.. 💢هذه الطبقة يجب أن تشرك بكل لبنات المجتمع و يعطوا دور فعال و مسؤوليات، و نغير عقلية إنهم أطفال، و نركز على عقلية أنهم بناء راسخ مهم في المجتمع 💢دورهم مهم و فعال في تغيير المجتمع و تحسينه و إنشاء عادات طيبة في المجتمعات، يجب نغير كل عقليتهم، فكل العلماء السابقين نشأوا بسن صغير، يجب نغير عقلية أنهم غير جاهزين للإنتاج ، بل هم قد يكونوا أفضل سن للانتاج.. مجتمعاتنا لازم تطلع من سن الانتاج الي بيبدأ على الثلاثين و ننشأ مجتمعات واعية مسؤولة من سن صغير..

🧠🫘 الرعب لدكاترة الكلى و دكاترة القثطرة مع بعض الفشل الكلوي بعد القثطرة لإزالة الجلطات الدماغية، كم نسبته و شو بنعرف عنه ؟ في دراسة انتشرت في مجلة Neurology, بتشوف نسبة الفشل الكلوي الحاد بعد عمليات القثطرة للدماغ.. 💢شافوا أكثر من 6600 مريض على 16 دولة. 💢الفشل الكلوي الحاد صار في 5 بالمية من المرضى.. شو عواقب هالاشي؟ 🧨 زيادة نسبة الوفاة اواحتمالية الوفاة بضعفين 🧨زيادة احتمالية الإعاقة أو مشاكل الحركة لذلك عملوا معيار او Score سموه CAN-REST المعايير المستخدمة eGFR, CKD status, NIHSS, serum glucose, hemoglobin, and MAP. 💢طيب شو نستفيد؟ 🧨دايما ننتبه لهاد المضاعف الي ممكن يكون سيء جدا 🧨المرضى الي عندهم فشل كلوي هم الأكثر عرضة 🧨كمية المادة الملونة مصاحبة بارتفاع خطر الإصابة بالفشل الكلوي محتاجين دراسات أكثر لتفعيل الموضوع و دراسته ❤️❤️ نهتم بالكلى لأنه ااي حيصير عالكلى حيدمر الدماغ برضو.. 🧠↔️🫘