Mohamed Gamal's Recent LinkedIn Posts

النهاردة عملت حاجة كنت مأجلها بقالها فترة طويلة، سجلت أول فيديو على يوتيوب. الخطوة دي كنت مستصعبها جدا بس قررت إني لازم اخوض التجربة وسجلته فعلا الحمدلله. الفيديو الأول كان عن واحدة من أهم الحاجات اللي اتعلمتها كفريلانسر: إزاي إهمال التسويق لنفسك ممكن يكلفك فرص كتير حتى لو شغلك كويس. القناة لسه بجهزها وهتكون متاحة قريب إن شاء الله، لكن حبيت أشارك الفيديو هنا الأول. وأتمنى تلاقوا فيه معلومة مفيدة

لما تخلي الـ AI يراجع على الكود اللي هو كاتبه بنفسه

بعد حوالي ١٠ سنين من الشغل الـ remote والإعتماد كليا على فكرة السوشيال ميديا والتواصل عليها، بقيت حاسس الفترة دي إني محتاج أقابل ناس جديدة في المجال نتكلم face to face مش شرط في الشغل حتى لو هنشرب قهوة ونمشي بعدها، رغم كل اللي بتقدمه السوشيال ميديا لكن برده التواصل الحقيقي من وقت للتاني مهم جدا خصوصا لو حد شغله كله remote. فلو حد مهتم بحاجة زي كده ممكن يكلمني ونشوف ممكن نرتب المقابلة ازاي وهكون مبسوط جدا بده.

ماينفعش تبعت عرض سعر للعميل ع الإيميل وتسيبه لنفسه!

‏لما يجيلك عميل يطلب يشوف شغلك (كباك إند) بلاش تبعتله الـ apps اللي اشتغلت عليها لإن واحد حاجة هتلفت نظره هي التصميم اللي هو مش شغلك ومش هيبين مهاراتك، عندك حلين ‏١. إنك تطلب تدخل معاه ميتنج سريع تشرحله، ايه اللي إنت عملته ونفذه في الـ apps دي بطريقة مش تكنكال لكن توضح خبرتك بطريقة سهلة يقدر يفهمها. ‏٢. تبعتله case studies عن المشاكل اللي قابلتك في شغلك وإزاي قدرت تحلها. ‏لكن لو في حالة إنك بتعمل انترفيو أو حد تكنكال طلب يشوف شغلك ممكن تبعتله Github عادي.

عايز أشارك معاكم تجربة أو غلطة بمعنى أصح تاخدوا بالكم منها خصوصا الناس اللي مصدر دخلها كله من الـ freelancing، كان بيجي عليا أوقات بكون مشغول جدا في التسليمات والـ review والـ meetings وبنسى حاجة مهمة وهي إنك لازم دايما تفضل تسوق لنفسك ولشغلك لإن بعد ما المشاريع اللي معاك تخلص هتلاقي إنك محتاج تعمل ده من البداية فهتكون تحت ضغط عصبي ونفسي كبير، لكن لما تعمل ده وانت عندك مصادر دخل مأمناك لمدة كام شهر فتقدر تعمل ده بأريحية كبيرة وكمان هتقدر تطور من طريقتك في التسويق كل مرة عن اللي قبلها، عشان كده من رأيي لازم ده يكون أساسي في أسبوعك مهما كانت الضغوطات بجانب المذاكرة وإنك تطور نفسك وده زي مااحنا عارفين مبقاش رفاهية خصوصا الفترة الجاية مع التطور الكبير اللي دايما بنشوفه دلوقتي. وإن شاء الله الفترة الجاية هحاول أنزل بوستات بسيطة كده عن بعض الـ tips اللي ممكن تساعدك في التسويق لشغلك.

أكتر حد هينجح في شغله الفترة الجاية مش بس اللي هيستخدم الـ AI كويس لا، لكن اللي هيكبر دماغه من نقاشات "هل الـ AI هيستبدل المبرمجين ولالا ؟" ويقوم يكمل مذاكرته عادي جدا.

بما إن الفترة اللي فاتت إتشرفت بعدد كتير من الناس على الأكونت عندي، فحابب سريعا أقول أنا مين وبعمل ايه بشكل مختصر في البوست ده. أنا محمد جمال خريج حاسبات ومعلومات القاهرة، خبرة في مجال الـ Backend Development حوالي ١٠ سنين، إشتغلت فيهم مع عدد كبير من العملا من مختلف الدول وفي صناعات مختلفة وشغلي الأساسي هو بناء منصات تساعد العملا في إدارة شغلهم ومبيعاتهم والموظفين يعني نقدر نقول بناء لوحات تحكم كاملة للـ internal businesses بتاعتهم. مؤخرا، بقيت مهتم أكتر أكون شريك تقني مع الـ startups اللي هدفها بناء SaaS applications تحديدا، عشان أكون معاهم من بداية الفكرة لحد ما ننشرها في السوق وده بيخلينا نوفر وقت كبير خلال فترة الـ development لإننا بناخد القرارات بالتوازي مع الـ marketing plans وكمان بنهتم نعمل MVPs نعمل test للسوق في البداية قبل مانبدأ بناء المنتج كله وده فعلا يخلينا نشوف feedbacks كتير وبخلينا نطلع بأحسن شكل للمنتج في النهاية. في البوست ده حبيت أعرف نفسي بشكل مختصر، وسعيد جدا بكل الناس الموجودة هنا، وأتمنى يكون فيه فرص أكتر نتعرف ونتبادل الخبرات خلال الفترة الجاية.

Highly recommended

اتبسطت جدًا من أول Session مع Zomra عن إزاي تحول خبرتك العملية لمحتوى تعليمي مفيد ومنظم. متحمس جدا للتجربة دي، وإن شاء الله الفترة الجاية هيكون لينا مجموعة من الـ Free Sessions في مواضيع مختلفة تخص الفريلانسنج، بناء البراند الشخصي، والباك إند.