Mostafa Hazo's Recent LinkedIn Posts

عشان ماتنامش زعلان💙 دكتور مصطفي محمود له جملة حلوة أوي " حينما يريد الله سوف يهئ الظروف وسوف يخلق الأسباب والمسببات وسوف يلهم العقول، وسوف يمكنّ لمن يريد فيما يريد" مفيش حاجة إسمها مستحيل ربك قادر على كل شيء ف كل حاجة هتبقي حلوة لما ربنا يريد، لما يستجيب بالطريقة اللي شايفها خير ليك " إِنَّما أَمْرُهُ إِذا أَرادَ شَيْئاً أَنْ يَقُولَ لَهُ كُنْ فَيَكُونُ " لسه عايز تنام زعلان !☺️.

هقولك زتونة لأي مجال انت فيه ... ركعتين بالليل و ادعي و قل ( اللهم علمني اللهم فهمني اللهم ارزقني قوة الحفظ ) العلم رزق ... و الفهم رزق ... مش بالشطارة من نفسك و لا بالفرك ... دي كلها اسباب لا تغني عنك من الله شئ.

كوباية الشاي بتاعتك كشكولك قلمك وأدواتك محاضراتك والكتاب بتاعك ونبدأ بسم اللّٰه يا ربّ منّا السَعي ومنك السِّعة يا ربّ يسّر كل عسير وافتح علينا فتوح العالمين وعلّمنا. حتي لو بتقول أنا آه معنديش طاقة أذاكر ولا قادر أقرأ كلمة بس لا بأس من المحاولة إحنا عايشين علشان نحاول♥️

50 شخص للشغل Remotely.. ركز معايا يا صديقي على قد ما تقدر وأعرف التفاصيل وتقدم إزاى علشان التيم هو اللي بيختار بناءاً على تسجيلك دلوقتي في Yalla Start Academy   فيه أحلي فرصة بجد للشطار وصعب تتكرر تاني قريب أكتر من تخصص متاح للتقديم وهيكون لكل تخصص من نصيب أشطر 5 أشخاص مناسبين المجالات اللي متاح التقديم فيها: 1- Media Buyer 2- Digital Marketing Team leader 3- Business Developer 4- Script Writer 5- Content Marketing Instructor 6- Psychological Specialist 7- Motion Graphic Designer 8- Social Media Specialist 9- Voice Over 10- Content Creator تنبيه ! (هتعرف شروط كل تخصص والوصف الوظيفي بالظبط  وكمان السالري عند تسجيلك في الفورم وإختيارك للتخصص)  ------------------------------------------------------------------------ المطلوب منك إيه دلوقتي؟ 1- تكتب فقط التخصص بتاعك ف كومنت على البوست ده. ليه؟ (علشان لو فيه مشكلة في إستمارة التسجيل بتاعتك يعرفوا يوصلوا ليك من البوست ده) 2 - تسجل في الفورم دي وتركز اوي اوي👇🏻  https://lnkd.in/dBQedRy8 ------------------------------------------------------------------------ تنبيهات ! 1- مدة التقديم لحد يوم العيد. 2- تيم الأكاديمي هيختار عدد أكبر من المطلوب. ليه؟ (علشان مش معنى إنه هيوصل ليك إيميل قبول تبقي إتقبلت.. لأ.. كده أنت عديت أول مرحلة وهيتم التواصل معاك واتساب أو على الإيميل بتاعك علشان يحددوا معاك ميتنج أونلاين علشان فيه فريق كامل هيعملك إختبارات في أكتر من حاجة واللي بعد المرحلة الثانية هيكونوا هما العدد المطلوب فقط) 3- ليه يا مصطفي النظام ده كله وفيه صعوبة شوية؟ بالعكس.. الموضوع سهل للشاطر وعلشان ده هيكون الشخص اللي بندور عليه وبالمناسبة هو عارف هيستفيد إزاى على المستوى التعليمي والمادي والنفسي  ف حقنا نختار الشطار بكل عناية♥️ 4- إستمارة التسجيل وإجابتك على كل سؤال بعناية  ف ده شئ مهم جداً وده يزود من فرصة قبولك إن شاء الله بالتوفيق للجميع♥️⚡

الهدية هي الـ VIP CARD ♥️🎉 هو إيه أصلاً الـ VIP CARD ده؟ ده يا صديقي كارت كان بيوصل لأشطر الشطار لو عمل مجهود كبير في الكورس ف كان بيوصله الكارت ده ك نوع من الدعم والتشجيع إنه بياخد صلاحية خصم 80٪ علي خدماتنا مدى الحياة طبعاً الكارت ده مكانش بيوصل لأي حد وخلاص 😂♥️ النهارده أنا بقدملك الكارت ده ك هدية بس بشكل خاص الكارت ده أي حد شايف من جواه إنه شاطر وإن الدنيا مش واقفه معاه وإن الأسعار بقت مُكلفة اوي عليه.. يقدر دلوقتي يحصل على الكارت ده بنظام خاص جداً وهو إن الكارت ده هيتفعّل لأي حد يطلبه خلال الإسبوع ده  بسعر زمان يعني إيه يا مصطفي بسعر زمان ده؟ يعني أنت شوفت خلال الفترة اللي فاتت كانت اسعار وخصوصات ودعم كانت عامله إزاي يعني شبه مجاني 😂♥️ ده كارت لما هيتفعل ليك هيديك نفس الصلاحية على أي خدمة تعجبك وتطلبها حتى لو بعد التحديث وسعرها غالي  أنت هتكون سابق بخطوة ومأمن نفسك بسعر زمان لمدة سنة (ده كارت حماية قبل أسعار التحديثات الجديدة) إزاي تحصل علي VIP CARD ويتفعّل برقمك؟ أول حاجة هتكتب كومنت VIP CARD  وتاخد الكومنت إسكرين شوت وتبعته على الواتساب🔻 https://lnkd.in/dFqXpVtH فريق الدعم هيبعتلك الكارت ويفعّله برقمك عندهم، حتى لو أنت بتمتلك الكارت بالفعل حالياً.. فعّله تاني دلوقتي برقمك♥️ الكلام ده متاح تنفيذه لمدة إسبوع من دلوقتي♥️ إسمع نصيحتي وأمن نفسك بالكارت ده لمدة سنة بالسعر القديم  علشان أنا متأكد وواثق مليون ف الميه إنك لما تشوف المحتوي التعليمي والتحديثات اللي حصلت وبعد ما تقارن بينها وبين اللي موجود ف السوق وتعرف إنها بفضل الله مش موجودة غير ف YSA بالشكل ده وبس، هتطلب خدمات كتير بالشكل اللي أنت بتدور عليه وهتلاقي وقتها سعرها غالي ف أنت شوفت بنفسك أنا بحبك قد إيه ودايماً جنبك خلال الفترة اللي فاتت، يهمني تبقي شاطر وبس ♥️ ف حابب أمن كل الشطار بالكارت ده، ربما يحتاجوا حاجة والسعر يكون غالي بالنسبالهم، حابب يفتكروني دايماً بالخير  علشان لو هكون مشغول عنهم ف فترة من الفترات الجاية ف أنا بقول لكل الشطار مبروك (خصوصاً طلاب الجامعة)♥️ مصطفي حظو هو مجرد أخ ليك بيحبك تبقي شاطر♥️

خلاصة ميتنج قبل ما يبدأوا يراجعوا كل المتقدمين ! 🔴 التدريب الغير مدفوع مين هيتقبل فيه؟ 📌مستواك صفر أو خبرة بسيطة في التخصص اللي قدمت فيه 📌القبول بعد مراجعة جميع الناس اللي قدمت وليس أولوية تقديم 📌القبول بأولوية أشطر الشطار في كورسات مستر حظو  (عرفت ليه مخلي التيم بيعمل تقرير عن أي طالب بمجرد ما يبدأ الكورس لحد ما يستلم شهادة التخرج) 👈🏻التقرير ده.. هو حكايتك أنت كنت إيه وبقيت إيه ونقدر ك مكان بيقدم خدمات يستفيد منك ويدفعلك مقابل مادي ليه.  هو أنا يا ابني فاتح طابونة😂 (النظام عندنا مُرعب😂♥️) 📌إختيار عدد ضعف المطلوب بقبول مبدئي والإنتقال لمرحلة تانية وهي ميتنج أونلاين مع الشباب هيسألوك ف شوية حاجات وبعدها هيوصلك إيميل أو حد يكلمك فون أو واتساب بإنك اتقبلت بشكل نهائي 🔴 التدريب المدفوع مين هيتقبل فيه؟ 📌مستواك مينفعش يكون صفر 📌خبرة أقل حاجة بأساسيات التخصص اللي قدمت فيه 📌القبول بعد مراجعة جميع الناس اللي قدمت وليس أولوية تقديم 📌القبول بأولوية أشطر الشطار في كورسات مستر حظو  (عرفت ليه مخلي التيم بيعمل تقرير عن أي طالب بمجرد ما يبدأ الكورس لحد ما يستلم شهادة التخرج) 👈🏻التقرير ده.. هو حكايتك أنت كنت إيه وبقيت إيه ونقدر ك مكان بيقدم خدمات يستفيد منك ويدفعلك مقابل مادي ليه.  هو أنا يا ابني فاتح طابونة😂 (النظام عندنا مُرعب😂♥️) 📌السن مهم جداً يكون مناسب مع خبرتك 📌إختيار عدد ضعف المطلوب بقبول مبدئي والإنتقال لمرحلة تانية وهي ميتنج أونلاين مع الشباب هيسألوك ف شوية حاجات وبعدها هيوصلك إيميل أو حد يكلمك فون أو واتساب بإنك اتقبلت بشكل نهائي 🔴 الفرص المتاحة عمل عن بُعد (ريموتلي) لمين؟ 📌مستواك لازم يكون يُعادل أو قريب من الخبرة المطلوبة يعني مينفعش تكون عندك خبرة ١٠ سنين وتقدم ف حاجة أنت أعلى بكتير من الخبرة المطلوبة، وبرضو مينفعش تكون أقل من الخبرة المطلوبة وتقدم على تخصص في متوسط خبرة معينة 📌السن هنا مهم أوي أوي أوي 📌القبول بعد مراجعة جميع الناس اللي قدمت وليس أولوية تقديم 📌القبول بأولوية أشطر الشطار في كورسات مستر حظو  (عرفت ليه مخلي التيم بيعمل تقرير عن أي طالب بمجرد ما يبدأ الكورس لحد ما يستلم شهادة التخرج) 👈🏻التقرير ده.. هو حكايتك أنت كنت إيه وبقيت إيه ونقدر ك مكان بيقدم خدمات يستفيد منك ويدفعلك مقابل مادي ليه.  هو أنا يا ابني فاتح طابونة😂 (النظام عندنا مُرعب😂♥️) 📌إختيار عدد ضعف المطلوب بقبول مبدئي والإنتقال لمرحلة تانية وهي ميتنج أونلاين مع الشباب هيسألوك ف شوية حاجات وبعدها هيوصلك إيميل أو حد يكلمك فون أو واتساب بإنك اتقبلت بشكل نهائي طبعاً شوفت عدد الناس اللي قدمت ف اقل من 10 أيام ماكنتش متخيل إن هيقدم في التدريب (مدفوع أو غير مدفوع) تقريباً 2000 شخص وقدم في فرص عمل عن بُعد أكتر من 3700 شخص ف بصراحة ده فوق الخيال ف أنا أكدت عليهم في الميتنج إن مفيش ولا واحد قدم إلا وهيوصل ليك فيدباك.. وحتى لو محصلش نصيب قبل مرحلة أولى أو ثانية في القبول وأنت مناسب برضو هتفرح قريب بإيميل ف الإختيار بيكون دقيق جداً علشان أنت ك شخص مناسب هتسفيد جدا جدا جدا جدا.. ف حقنا نستفيد من شغلك بإختصار هتلاقي مكان يديلك كل الامتيازات اللي بتحلم بيها.. لإن تطوير شباب فريق عمل أي كيان (نفسياً وعلمياً ومادياً)  هي مسؤولية على أصحاب الكيان طالما ينتمي ليهم.. واللي مش أفضل؟ هخليك بإذن الله أفضل ومناسب قريب♥ ⚠️ المراجعة هتستمر شوية وهيتم التواصل في أقرب وقت لو فاكر كنت مقدم علي تخصص إيه.. عرفني بيه♥️⚡

مفيش شركة بتنجح من غير ناس بتحب الشغلانة وبتشتغل كأنها شركتهم الشخصية الموظف الحقيقي مش بس بيعمل اللي عليه... ده بيحط قلبه وعقله في كل تفصيلة، حتى لو محدش شايفه. الناس دي هي اللي بتبني الكيان، وهي اللي بتشيل في السكات، من غير دوشة ولا طلب تقدير. بس مهما كان... لازم نقولهم: إحنا شايفينكم، وفخورين بيكم، وكلمة "شكراً" قليلة عليكم لكل واحد بيشتغل بأمانة، بيخاف على شغله، وبيحس إنه جزء من حلم كبير... انت البطل الحقيقي. كمل... وإن شاء الله اللي جاي كله خير.♥️

هو ينفع ربنا يغير قدره علشانك؟ كان في واحدة راحت لسيدنا موسي تطلب منه يدعيلها تخلف، فأخبره ﷲ إنها عقيم، فأخبرها فبكت ومشيت. بعد سنة رجعت ومعاها طفلها !! فسأل سيدنا موسي ربه، ياربي ألم تخبرني أنها عاقر؟ فقال ﷲ عزوجل يا موسي دعتني باكية فإستحييت أن أردها، فغيرت لها قدري. الدعاء سهم ﷲ الذي لا يخطأ. قال النبيﷺ{لا يَرُدُّ القدرَ إلا الدعاءُ}. ♥️

لما ربنا بيكون مقدرلك تنجح الأول هياخد منك راحتك ، بعدها هيختبر صبرك ، هيخليك في عُزله ، هيختبر قوة إيمانك ، ربنا مش بيأخّر الخير ، هو بس بيجهّزك ليه في الوقت الصح ، عشان قبل ما يديلك حياة أحلامك! يكون بَني نُسخه منك تعرف تستحملها♥️.

نصيحة لوجه الله...🥲🥲😡😡 الإنتقال من الكنافة للكحك لازم يكون بالتدريج، يعني تبتدي تدخل كحك علي بسيط من دلوقتي، وبعدين تسحب كنافة وتزود كحك، تسحب كنافة وتزود كحك، لحد ما تلاقي نفسك بطلت كنافة خالص وشغال كحك من غير أي مشاكل.. لأن أعراض إنسحاب الكنافة من الجسم ودخول الكحك مش سهلة خالص، وبردو إذا حسيت إنك لسه تعبان يبقي تعمل كمدات بسكوت نشادر ( مع شاي بلبن عند الحاجه) وتاخد قرصين غُريبة كل أربع ساعات ........ وكل سنة وأنتم طيبين😂♥️

يحكى ان في ملك في الصين زمان، قرر يكافئ واحد من رعاياه وقال له: "خد من الأرض اللي تقدر تمشيها برجليك." الراجل فرح جداً وبدأ يجري ويجري وكأنه مجنون، كل ما يمشي يقول لنفسه: "بس شوية كمان." مشى مسافات طويلة لدرجة إنه تعب وقرر يرجع للملك باللي وصل له. لكن كالعادة، قرر إنه يطمع شوية كمان وقال: "ليه لأ؟" وفضل يمشي ويمشي لحد ما ضاع في الحياة. في الآخر، الراجل ده وقع من التعب وما امتلكش حاجة، لأنه ببساطة ما عرفش يقول كفاية. الفيلسوف هوارد ستيفنسون، بيحذر من النجاح الوهمي اللي بيستهلك حياتنا. الطموح حلو و جميل و بسمسم….بس بحدود. لو ما قلتش كفاية في الوقت المناسب، ممكن تلاقي نفسك في فخ، فاكر إنك بتطارد نجاحك، وفجأة تكتشف إنك انت اللي بقيت الفريسة. طيب أحبطك و أسيبك؟ لأ و دي تيجي؟!! شوفوا يا اولاد: الطموح هو في اصله الرغبة في تحقيق أهداف كبيرة و مرضية و ليها ارتباط قوي بpurpose اكبر ليك انت بتسعى ليه. طب ما تيجي نستخدم معادلة تساعدنا في القصة دي شوية؟ M= (E x V) / (I x D) في معادلة طورها الدكتور بيير ستيل، أستاذ علم النفس في جامعة كالجاري. هي أداة لفهم وتوليد التحفيز بناءً على أربعة عوامل رئيسية: التوقعات (E)، القيمة (V)، الاندفاعية (I)، والتأخير (D) و التحفيز (M). 1. زيادة التوقعات Expectancy (E): ده مدى ثقتك في قدرتك على تحقيق الهدف. لو مصدق إنك تقدر تنجح، تحفيزك هيزيد. - حط أهداف صغيرة ممكن تحققها لبناء الثقة العامة على الاقل. - اشتغل على المهارات والمعرفة المطلوبة للوصول للpurpose 2. زيادة القيمة (V) Value: دي أهمية الهدف بالنسبة لك. كل ما الهدف يكون مهم ليك، كل ما تحفيزك هيزيد. - اربط الفوائد اللي هتحققها عليها لما توصل للpurpose. 3. تقليل الاندفاعية (I) Impulsivity: ده بقى بتاع التشتت والانسياق وراء المتع الفورية. كل ما تقلل اندفاعيتك، كل ما تقدر تركز أكتر. - ممكن نقلل المشتتات زي السوشيال ميديا و المقالات و الفيديوهات - استخدم تقنيات التركيز زي البومودورو (بتاعة الطماطم اللي كلنا عارفينها دي) 4. تقليل التأخير (D) Delay: ده بقى مدى بُعد الميعاد النهائي لتحقيق الهدف. كل ما الميعاد ب يكون قريب، تحفيزك هيزيد. - ف حاول تقسم الهدف لمهام صغيرة مع مواعيد نهائية قريبة. - ممكن كمان نستخدم جداول زمنية وخطط يومية. ف اسأل نفسك الأسئلة دي: - القيمة (Value): إيه الفايدة اللي هتجي من إنك تعمل الحاجة دي؟ - التوقعات (Expectancy): إيه احتمالية إنك تحقق الفايدة دي؟ - التأخير (Delay): قد إيه الميعاد النهائي بعيد عن التحقيق ؟ - الاندفاعية (Impulsivity): قد إيه انت مشتت وسهل في الإلهاء ؟ زيادة القيمة: - إيه أفضل سيناريو لو أنجزت المهمة دي؟ - إزاي هتأثر على حياتك؟ صحتك/عملك/علاقاتك؟ - إيه الفوائد اللي هتجي من عملها؟ - ليه المهمة دي مطلوبة اصلاً؟ زيادة التوقعات: - إيه اللي تحت سيطرتك في المهمة دي؟ - إيه أهم حاجة تعملها عشان تضمن النجاح؟ - إيه العقبات اللي ممكن تواجهك و ازاي تحضر ليها؟ تقليل التأخير: - إزاي تقسم الهدف الكبير لأجزاء صغيرة؟ - إيه أهم خطوة في العملية و ازاي تركز عليها؟ - إيه الخطوة اللي لازم تعملها النهارده لتحقيق تقدم ملموس و لو كانت بسيطة؟ قيم نفسك من 1 إلى 10 لكل سؤال: - القيمة: 1 = مش مهتم خالص، 10 = مهم جداً - التوقعات: 1 = مستحيل تحقق الفايدة، 10 = متأكد 100% - التأخير: 1 = الموعد النهائي قريب جداً، 10 = الموعد بعيد - الاندفاعية: 1 = مركز جداً، 10 = مشتت جداً

أعتبرها إشاره قبل ماتنام. ! - سيفاجئك الله بشئ جميل لم يكن بالحسبان قريبآ. ♥️

قلل غُريبة زود بسكوت😂😂

الشيخ كان بيقول في خطبة العيد متنساش ربنا بقى.. كُنت بتيجي تصلي التراويح وتُطلب حاجتك منهُ، وبتلح جامد عليه، وبتقرأ قرآن ومخصص ليه وقت، وبتصوم، وبتستغفر كمان، متنساش بقى العبادات دي في مُلهيات الدُنيا..حاول تواظب، حاول تكون إنسان جديد، اوعى تنسى ربنا! وربنا يستجيب لينا جميعًا ما دعونا به في رمضان في عفو وعافية.

جربت قبل كده تنام و أنت سايب تليفونك مفتوح ! طيب جربت تسيب موبايلك من غير باسورد جربت تخلي تليفونك On look عادي من غير باترين و من غير أي حاجة أكيد لا طبعاً علشان عندك خصوصيات !! بس مش ده السبب السبب إن الخصوصيات اللي عندك أنت مكسوف حد يعرفها خايف إن حد يشوفها حتي لو ما بتعمل حاجة غلط أنت مش عايز حد يعرف إهتماماتك مش عايز حد يعرف أنت بتعمل أي أصلاً طيب تخيل لو أنت من دلوقتي مـ ـوت وسيبت تليفونك بكل اللي البلاوي اللي عليه شكلك هيبقا إيه !! أنت متخيل بعد ما تمـ ـوت كده والناس تفتح تليفونك وتشوف كل اللي عليه و تشوف أسرارك و تشوف أفكارك و تشوف الصح و الغلط اللي أنت كنت بتعمله سيبك بقي من الموبايل و إرميه علي جنب خالص لإن أنا عايزك في حكاية تانية حكاية موبايل تاني بس من غير باسورد هي حكاية عنك أنت بس الباسورد مش معاك و هييجي يوم و هيتحط في إيدك كل أسرارك و هتتغصب إنك أنت تقرأها أودام الناس كلها هل أنت جاهز؟! هل خوفك علي موبايلك أهم من خوفك علي نفسك خوفك علي كام بوست أهبل علي علي الفيس ولا صورة علي الإنستا ولا فيديو علي التيك توك ولا محادثة ولا إسكرين شوت أهم من خوفك من كتابك اللي بيتكتب لك عند ربنا آه كلنا بشر وكلنا بنغلط ومحدش ينفع إن هو ميغلطش بس لو أهتميت تمسح الهيستوري بتاع حياتك أول بأول قبل تنام زي ما بتعمل في موبايلك هيبقي موبايلك نضيف وكتابك كمان نضيف وتمسح كل الغلط اللي أنت عملته طول اليوم أول بأول

صباح الخير.. يأتِ بها الله، وإن كَانت مُستحيلة♥️

حاجات بتعملها وأنت مش واخد بالك بتوقف حالك، وقد تكون سبب في قطع رزقك من الله☝🏻 شوفوا الكومنتات🔻

بخلص ميتنج مع الشباب في Yalla Start Academy قبل ما يبدأوا يراجعوا كل المتقدمين بعد الساعة 10:00 هنزلكم خلاصة الميتنج ده أبشر♥️

باعت تستعجل شغل واحنا لسة في تالت يوم العيد ؟ الناس بقت workaholic كدة ليه يارب

أنا قولتلك أنا مش هسيب الشاطر♥️✨

بعد انقضاء أول أيام العيد لحظة إدراك أن فى الجنة ستكون كل أيامنا عيد، رؤية الله وأُنسٌ بالأحبة ووجوه ناضرة مُبتسمة وملابس من سندس وإستبرق وما يخطر بِبالك ستراه أمامك في نفس اللحظة! لا مهام تُقضى ولا عيون تبكي ولا فراق ولا انتظار فيها. لبيك إن العيش عيش الآخرة

لو شايف إنك محققتش حاجة في حياتك.. ! فكّر تاني.. مش كل إنجاز بيتشاف ، يمكن اللي حققته كان (جواك مش برّاك) - يمكن اتعلمت الصَبر - كبرت شوية في تفكيرك - عديت مواقف كانت هتكىسر غيرك - فهمت نفسك أحسن وبقيت أهدى وأوعى من قبل وده اكبر مكسب! مش كل إنجاز لازم يكون شهادة أو رقم أو شغل جديد، فيه إنجاز اسمه (أنا وقفت على رجلي تاني) وفيه إنجاز اسمه (لسه بكمل رغم التعب) الحياة دي صعبه ، بس لازم تتعلم عشان تطلع خطوة لقدام.. إفتكر دايماً إن ربنا بيجهزك حتي لو انت مش واخد بالك واللي جاي هيكون أحن عليك م اللي فات بإذن الله.

أقل من 24 ساعة ! لينك فورم التدريبات والفرص هيقفل♥️ لو مقدمتش؟ لسه الفرصة متاحة للتقديم♥️

ممكن طلب؟ متزعلش، لعله خير والله♥️

لو الإنسان حلم بكل حاجة وحصلت وإتحققت له.. كنا بقينا في الجنة مش على الأرض لكن حكمة ربنا يا أخي إنه خلي الأحلام تحقق على الأرض بس بشرط واحد بس ! .. الإجتهاد إعمل اللي عليك ومتخافش هات آخرك ومتبصش وراك البُنا بياخد سنين.. لكن الهدد بيجي في دقايق صدق حلمك ومتخافش♥️⚡

صباح الخير.. ربنا هيحاسبك علي السعى.. وربنا شايف مجهودك♥️

يفتح الله على عبده من حلال بعد ثلاث اختبارات: أولًا: ضيق الرزق، رغم السعي؛ ليعلم أنه ليس له من الأمر شيء. ثانيًا: الخذلان من أكثر أماكن الاطمئنان؛ ليعلم أن ليس لغيره من الأمر شيء دون الله. ثالثًا: أن يتقبّل أن يرزق الله غيره أكثر منه، وإن كان غيره أقلَّ منه كفاءة؛ ليعلم أن زوال نعمة غيره لن يزيده شيئًا، وأن النفس تحتاج تربية لتقبّل حكمة الله. فإن أدرك أن ليس له من نفسه وجوارحه، ولا لغيره من الأمر شيء… فتح الله عليه. قال تعالى: {يَقُولُونَ هَلْ لَنَا مِنَ الْأَمْرِ مِنْ شَيْءٍ قُلْ إِنَّ الْأَمْرَ كُلَّهُ لِلَّهِ..}

صباح الخير يا شباب مفيش ضيق بيفضل، ولا وجع دائم.. وكل حاجة ربنا بيقدّرها ليك فيها خير، حتى لو إنت مش شايفه دلوقتي! قال الله تعالى: {إِنَّ مَعَ الْعُسْرِ يُسْرًا} فأبشر خيرًا..

الحكاية كلها بدأت من هنا ! إبعد عن كل حاجة بتعطلك إبعد عن القصص والذكريات المؤلمة اللي أنت عمال بتطلعها من قلبك دي وتحطها على راسك إبعد عن دوامة اليأس والفشل اللي واخداك في طريق ضلمة ركز في الطريق بتاعك الطريق ضلمة؟ كمل هتلاقيهم بيتكلموا عليك وحش؟ كمل مفتاح حياتك في إيدك.. أوعي تسيب نفسك للزعل والتفكير في اللي راح يضيع حياتك اللي راح لو كان خير، ربنا كان هيبعده عنك ليه؟ ده ربنا بيحبك، بس كل تأخير بيكون تأهيل♥️ أنت متخيل الحياة سهلة، ولا الحياة بتمشي بحساباتك أنت ربنا بيخليك تُمر بلحظات صعبة علشان كتفك يبقى شيّال شيّال للحظات أصعب شيّال لقررات مهمة شيّال لأسرة ومصيرهم أوعي تزعل دلوقتي، وتضيع علي نفسك باب لو دخلت بحسن ظن هتطلع من كل حاجة مزعلاك وتلاقي الخير كله بين إيدك إطمن بس وخلي قلبك يصدق إن ربنا بيحبك بجد واللي جاي خير ورزق ليك إطمن وقول يارب♥️

الكورسات والكتب دي مش للمبتدئين خالص لازم تكون شغال في المجال أقل حاجة سنتين فيه كتب وكورسات من المحتوي التعليمي تبعي بس لسه منزلتش للعرب ، وانا أغلب شغلي سوق أجنبي ف مجال خدمات التسويق أو المحتوي التعليمي بس لسه عايز التيم يعمل منها شرح بالعربي علشان يكون سهل وواضح ، وبفكر انها تنزل للعرب انجلش زي ما اشتغلت بيها بس خلي بالك ده مستوي تعليم اعلي جدا، يعني باختصار هتخلي البيزنس اللي شغال عليه يكون سابق ب سنين كتير اوي (كورس ابدأ ماركتينج + كورس السوشيال ميديا + دبلومة صناعة المحتوي) اللي نزلو تبعي للعرب دول علي بعض كده يخلوا دماغك تستقبل الأقوي اللي بعده مش بتقولوا نزل حاجات أقوي .. قابلوا بقي 😂 طرق وأساليب موجودة ف كتب وكورسات مفيش أي مكان عربي بيشتغل بيها هنزلها ليكم قريبا.. بس اختاروا الطريقة الأسهل بالنسبالكم 👇

وإنت راجع شغلك بعد اجازة العيد ماتنساش تحمد ربنا علي حاجتين مهمين اولاً : إن ربنا رازقك بشغل ومراضيك ثانياً : إنه مديك القدره البدنيه والذهنيه علي اداء الشغل ده وتأكد إن في ناس كتير غيرك عدا عليهم العيد في ضيق بسبب إنهم معندهمش نفس الفرص اللي ربنا أنعم عليك بيها عود لسانك علي هذا الدعاء " اللهم إني أعوذ بك من زوال نعمتك وتحول عافيتك ، وفجاءة نقمتك ، وجميع سخطك "

النسخة الكاملة منك ؛ هي اللي هتنجح.. استوقفتني في كتاب الله العزيز الآية: "وَلَمَّا بَلَغَ أَشُدَّهُ وَاسْتَوَى آتَيْنَاهُ حُكْماً وَعِلْماً" إن ربنا بيكرم في الوقت اللي بتبقى انت خلاص جاهز ومؤهل إنك لو أخدت اللي انت عايزه هتقدر تحافظ عليه وتتعامل معاه صح.. لأنك قبل الوقت ده مش بتكون جاهز وبتكون نسختك البشرية قيد التطوير من خلال تجارب وخبرات مستمر ، صعود وهبوط ، واخفاق ونجاح.. ربك دايمًا بيكرمك في التوقيت المناسب.

ممكن تسكت شوية؟ أشتريت بيت جديد ! إسكت إشتريت عربية جديدة ! إسكت بتحب خطيبتك أو مراتك ! إسكت مسافر تقضي وقت حلو وترفه عن نفسك ! إسكت إترقيت في شغلك ومرتبك زاد ! إسكت ناوي تعمل مشروع جديد ! إسكت ناوي تشتغل بره في وظيفة حلوه ! إسكت بتجيب لبيتك كل حاجة محتاجها ! إسكت ولادك متربين وشاطرين ! إسكت داخل علي حاجة مهمة في حياتك ! إسكت بتحلم بحاجة ونفسك تحققها ! إسكت نجحت في دراستك ! إسكت عملت أي حاجة جديدة في حياتك ! إسكت إسكت علشان كل حاجة تتم إسكت علشان مفيش حاجة تبوظ منك إسكت علشان مش كل حد هيسمع هيحبلك الخير إسكت علشان متتحسدش إسكت علشان محدش يشتهي اللي أنت فيه وهو مش طايله إسكت علشان محدش يستكتر عليك فرحتك إسكت علشان معرفة الناس مش هتقدم بس هتأخر إسكت علشان متفقدش شغفك إسكت علشان السكوت هو أكتر حاجة هتخليك عايش مرتاح

"يَقُولُونَ هَلْ لَنَا مِنَ الْأَمْرِ مِنْ شَيْءٍ قُلْ إِنَّ الْأَمْرَ كُلَّهُ لِلَّهِ" الأمر كله لله، ليس بعضه، و ليس جزءه، بل إنه كله لله .

يعني أنت لا شاطر ولا عايز تتعلم وتركز ف مجال وتبقي شاطر وتبدأ وتستعين بالله وتمشي واحدة واحدة اومال عايز ايه؟ عايز اشتغل واخد فلوس أنت لو ده تفكيرك في 2026 أسمحلي اقولك هتتعب أوي قدام ولو شايف تعبك ومعافرتك ومحاولاتك اللي الطبيعي تبدأ بفشل هي تضيع وقت؟ ف أنت محتاج تصلي وتقرب من ربنا شوية علشان تهدي وتفكر كويس أنا أكتر حاجة مؤمن بيها الإنسان اللي دايما عايز ويكسل يبذل مجهود في الحاجة اللي المفروض هياخد منها مقابل وفلوس مقربش منه ده خطر عليا نفسياً وكفيل إنه يدمـ ـر حياتي أنا زهقت لما بشوف ناس تفكيرها كده وعلى فكرة هما أصلهم كويس اوي بس عارف زحمة الحياة وإن عينه علي فلان شغال ايه وبياخد كام وعنده ايه هو قاعد بيتفرج وناسي نفسه ومش مؤمن بنفسه إنه هيكون أشطر من فلان ده بس ضياع وقتك هتدفع تمنه علشان خاطر ربنا فوق لنفسك وأنا آسف.. مقدرش انصح واساعد حد بخطوات واعمل كذا وإبعد عن كذا وهو معندوش دافع من جواه إنه يتحرك حتى لو خطوة صغيرة ده ربنا قال: إن الله لايغير مابقوم حتى يغيروا ما بإنفسهم ده ربنا سبحانه وتعالى مش بشر زينا تستني انه ممكن يساعدك وأنت رافض تساعد نفسك حتى لو بخطوة ونية وخطة صغيرة ف أنا دايماً كلامي وفيديوهاتي بتنبهك وبتساعدك لو ظهرت ليك.. بس أنت ساعد نفسك بخطوة هتلاقي كل الناس بتساعدك وكل الظروف معاك أنا بقول الكلام ده علشان زهقت من اللي بشوفه في آخر فترة وبزعل على إخواتي الصغيرين.. وأنا ماليش مصلحة ولا اعرف أنت مين بس جايز كلامي يحرك فيه طموحك وتفوق من اللي أنت فيه.. علشان صدقني الوقت لو راح هتروح معاه وهتبقي شخص غصب عنك لازم تتأقلم معاه أعتبرني أخوك وبقولك الكلام ده وخد إسكرين شوت للبوست واحتفظ بيه.. أنت لسه شاطر بس غمض عينك عن الناس شوية إتفقنا؟

‏أنت حاليا يا ضهرك بيوجعك ، يا عندك خمول ، يا مصدع😂

في ناس بتبدأ متأخر وتسبق اللي بدأ بدري توفيق ربنا يغير اي قواعد خليك مع ربنا و اجتهد

لما قدمت علي شغل وعملت انترفيو ! قعدت تقراء سورة يس كل يوم عشان تتقبل ، وبعد ما اتقابلت واشتغلت ، بقي الشغل مش عاجبك .. قعدت تدعي ربنا يكرمك بحب حياتك ولما اتجوزتها ، بقيت تهينها وتبهدلها .. قعدت تحلم بنوع عربية معين ، واول لما اشتريتها وركبتها بعد شهر بقت عادية وبقيت عاوز غيرها .. قعدتي تحلمي امتي ربنا يكرمك وتخلفي ، وكنتي بتقولي لربنا عيل واحد بس و هديله كل الاهتمام والحنية الي في الدُنيا ، ولما جالك لا عارفه تهتمي بيه ولا تربيه ورمياه في الكيدز اريا ليل ونهار او ماسك الموبايل .. كارثة من كوارث الزمن انك تألف النعمه ، الي كانت في يوم من الأيام حلم حياتك ، انك تتعود عليها ، وميبقاش في شغف ناحيتها ، خد بالك اوي وأحذر ان تبطل تشكر ربنا عليها ، لانك مش هتحس بقيمتها إلا لما تروح منك .. إوعي تتغفل ..

الحمد لله شهيصت كل اللي حواليا في اليومين اللي فاتوا هدايا وعيديات😂♥️♥️♥️ وخصوصاً الناس اللي هنا 👈🏻Yalla Start Academy طلاب وفريق عمل❤️ متقوليش محدش كلمك في اليومين اللي فاتوا وبعتلك هدية أو عيدية !

جملة هزتني أوي “ إن الله لا يعطي أصعب المعارك إلا لأقوي جنوده " فعلاً مش أي حد ينفع يُبتلي بمرض قاسي.. مش أي حد ينفع يُبتلي بفقد اعز ما يملك في الدنيا... مش أي حد ينفع يُبتلي بزوال نعمة كانت من اساسيات حياته.. مش أي حد ينفع يبتلي بوجع بيكسر قلبه علي نفسه او حد بيحبه.. مش اي حد ينفع يبتلي بإعاقة او بمرض أولاده قدام عينيه! مش أي حد ينفع يعيش في إبتلاءات ورا بعض و مش بتنتهي! سبحان الله ربنا بيختار فئة معينة.. بيحبهم.. بيصطفيهم من بين مليارات الناس لحكمة وحده اللي يعلمها، لرفع درجاتهم.. ثقوا إن أي حد مُبتلي فهو غير كل اللي حوليه؛ اقوي و اشجع و مفيش زيه كتير.. ثقوا انهم ابطال و ممكن لو اتحطينا مكانهم نفشل في الاختبار الرباني ده.. ربنا اختار ناس بيستقبلوا قضاء الله برضا إحنا نفسنا بنقف عنده و نتنح من كمية الرضا و الاحتساب و الحمد ! قال تعالي : ﴿وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ﴾ قولوا لكل بطل مُبتلي و صابر و محتسب ( إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ﴾ و إن الله لا يعطي أصعب المعارك إلا لأقوي جنوده.. حسسوهم إنكم جنبهم و لو بكلام بسيط زي ده و أدعولهم ربنا يرفع عنهم البلاء و يجازيهم الجنة بحق صبرهم و احتسابهم..ادعوا لناس متعرفوهاش .. الدعاء بظهر الغيب مستجاب إن شاء..

ازاي تطور مهاراتك وتحولها لفلوس؟ ١- هات معايا ورقة وقلم، واكتب كل المهارات اللي انت تعرفها في جدول. ٢- كل مهارة منهم اديها نسبة مئوية ٪؜. ٣- حدد منهم مهارتين أو تلاتة يركبوا على بعض. هنفترض مثلاً إنك شغال موظف في محل موبايلات أو في شغل مشابه، واخترت ٣ مهارات: • المهارة الأولى: التعامل مع العملاء وتقييمك لها ٨٠٪؜ • المهارة الثانية: معرفة بالموبايلات والموديلات والمقارنات وتقييمك لها ٧٠٪؜ • المهارة الثالثة: التصوير بالموبايل وتقييمك لها ٦٥٪؜ ٤- حط خطة (أ) لرفع مستواك في الـ ٣ مهارات دول بنسبة ١٠٪؜، بحيث تبقى مهارتك فيهم بالترتيب: ٩٠٪؜ ، ٨٠٪؜ ، ٧٥٪؜ ٥- احنا دلوقت في مرحلة الإعداد، ولازم المرحلة دي تاخد وقتها المظبوط. ولنفترض إن الخطة (أ) هتاخد منك وقت مدته شهر. ٦- تعالى بقى نضرب الـ ٣ مهارات دول في الخلاط بعد ما اتدربت عليهم كويس ورفعت كفاءتهم، ونديهم نسبة متوسطة: ٩٠٪؜ + ٨٠٪؜ + ٧٥٪؜ = ٨١.٦٪؜ دي كده قوة الـ ٣ مهارات مجتمعين. ٧- الخطوة الجاية: اعمل صفحة على فيسبوك أو تيك توك وابدأ تنزل فيديوهات قصيرة أو صور فيها مراجعات بسيطة للموبايلات، أو نصايح عن إزاي تختار الموبايل الصح، أو حتى تصوير المنتجات من المحل اللي بتشتغل فيه. ٨- الناس هتبدأ تتابعك وتثق فيك، وأول ما يبدأوا يسألوا عن رأيك أو عن الأسعار، إنت هنا تبدأ تعرض خدماتك سواء في بيع، أو ترشيح، أو حتى تبدأ تشتغل أونلاين مع ناس بتبيع. ٩- وهنا تيجي مهارة الإقناع والتعامل، اللي تخليك تبيع وتكسب عمولة من وراك. ١٠- بعد شوية، هنبدأ الخطة (ب)، وهنا هنحتاج نضيف مهارات جديدة زي: إدارة الصفحات، التسويق بالمحتوى، والتعامل مع رسائل العملاء، والخطة دي هنديها شهر. ١١- بعد شهر من تنفيذ الخطة (ب)، هيبقى عندك ٥ مهارات، ومستواك هيبقى أقوى من ٩٠٪؜ من اللي بيشتغلوا نفس شغلتك. ١٢- بعد شهر، هتبدأ تزود كمان مهارة، وتعمل كده كل شهر. ⸻ شوف بقى النتيجة بعد سنة من الصبر، والمثابرة، والإصرار، والإتقان. هذه الوصفة غير مناسبة للمتعجلين، راغبي الوجبات السريعة. المهارات المستخدمة هنا لتوضيح الفكرة فقط، وليست للنسخ كما هي. ما يناسبك قد لا يناسب غيرك. ومهاراتنا الحالية مش زي بعض. ©️ Copied

ملاحظ ان الفترة دي في اكتئاب عام ف حابب افكركم بالحديث الشريف عن النبي صلى الله عليه وسلم قال : (ما أصاب عبدا هم ولا حزن فقال : اللهم إني عبدك وابن عبدك وابن أمتك ناصيتي بيدك ماض في حكمك عدل في قضاؤك ، أسألك بكل اسم هو لك سميت به نفسك أو أنزلته في كتابك أو علمته أحدا من خلقك أو استأثرت به في علم الغيب عندك أن تجعل القرآن ربيع قلبي و نور صدري وجلاء حزني وذهاب همي ، إلا أذهب الله همه و حزنه وأبدله مكانه فرجا)♥️

الدعاء ده تأثيره عجيب أوي لو كررته كتير♥️ اللهم هب لي ملكا يليق بكرمك وعظمتك وهب لي وجاهتا ترفع بيها قدري بين عبادك وهب لي مالا مباركا طيبا واسع لا يلهيني عنك وهب لي عونا لا ينقطع وقوه لا تضعف وسعادتا تملي قلبي و ترضي روحي وهب لي ماتمنيت وفوق ما تمنيت وسخر لي الاسباب وقلوب العباد وسخر الاماكن والازمان ولا تتركني تاءه لا اعرف لنفسي وجهه ولا طريقا ولا معينا واجعلني ف كنفك محاطا برحمتك مسدد الخطي بك لا اضل ولا اضعف والصلاه والسلام علي سيدنا محمدﷺ جزاك الله خيرا اللهم امين يارب العالمين يااااارب

ممكن يسرقوا مجهودك.. بس مستحيل يسرقوا رزقك ممكن يسرقوا طريقتك.. بس مستحيل يسرقوا قبولك ممكن يسرقوا ناس حواليك.. بس مستحيل يسرقوا ناسك ممكن يسرقوا كلامك.. بس مستحيل يسرقوا طلتك هيفضلوا يسرقوا.. وهتفضل أنت.. أنت♥️

كل ما الواحد بيكبر بيزيد يقينه في حاجة واحدة بس.. {يقُولونَ هَلْ لَنَا مِنَ الأَمْرِ مِنْ شَيْءٍ قُلْ إِنَّ الْأَمْرَ كُلَّهُ لِلَّهِ} كل حالك من توفيق ورزق وهداية وبركة لله كله لله.. بإرادة الله ..بقدر الله. ليس لك من الأمر شيء، ما عليك إلا السعي، وما شاء الله كان، وما لم يشأ لم يكن.

عيد فطر مبارك♥️🎉 كل عام وأنتم بخير🎊 Yalla Start Academy

مبروك التخرج🎉 أستاذه همسه إتخرجت من YSA Camp وحصلت على الشهادة المعتمدة من Yalla Start Academy #Mostafa_Hazo #YallaStartAcademy #YSA_Camp #Mr_Hazo

حاسس إني لوحدي عايز العيد يبقى السبت😂

انت بتشوف النهاية السعيدة .. ! بتشوف اتخرج بتشوف اشتغل بتشوف got engaged بتشوفهم ف صور الفوتو سيشن .. بتشوف having a new baby .. لكن كل ما خلف الكواليس يظل خلف الكواليس بعيد عن أعين الرائي وربما لو علم الرائي ما سبق كل حدث من عناء و همّ وغيره .. لما حسد غيره على نعمه ..

مبروك التخرج🎉 أستاذ محمود إتخرج من YSA Camp وحصل على الشهادة المعتمدة من Yalla Start Academy #Mostafa_Hazo #YallaStartAcademy #YSA_Camp #Mr_Hazo

وصلنا منتصف YSA Camp🎉 بفضل الله اللي فات كان سهل.. اللي جاي محتاج تركيز أوي♥️⚡ أنا واثق في الشطار هيكملوا الكامب بنجاح🔥🎉 #Mostafa_Hazo #YallaStartAcademy #YSA_Camp #Mr_Hazo

أنا مكنتش بتفرج على مسرحية العيال كبرت كل عيد وأنا صغير زي معظم الناس بس لما عرفت إن الناس بتشوفها في العيد وبتضحكهم جامد قررت أشوفها أيام الجامعة، وساعتها كنت مصدوم، المسرحية مضحكتنيش خالص بس بالعكس خرجت منها في حالة حزن وكآبة شديدة.. عارف أنت لما الدواء يبقى مر أوي فتاكل بعده حاجة مسكرة أوي عشان تضيع طعمه، أهو هي دي بالظبط نظرتي للمسرحية، في طبقة كوميديا ثقيلة جدا عشان المشاهد ميتدمرش نفسيا من السؤال اللي بتطرحه المسرحية، اللي هو بطريقتي: "ماذا لو اكتشفت إن الشخص اللي المفروض إنه حامي البيت بيكره وجوده في البيت؟"، سؤال مرعب، والضحك كان هو الوسيلة الوحيدة لمناقشة السؤال من غير ما اللي بيتفرج ينهار. رمضان السكري المقتـ ـول عاطفيا بيقول حسب منا فاكر: "أنا بقالي عشرين سنة باكل ملوخية وبشوف نفس الوش وعايز أعيش اللي فاضلي" أكنه بيعلن رسميا عن اغترابه جوا البيت وإنه بقى واجب تقيل عليه أو زي ما بنقول بقى شايف نفسه مكنة فيزا بتصرف فلوس على زينب اللي مكملة عشان عيالها في الغالب وبتتغاضى وهي قاصدة عن خيـ ـانة رمضان السكري بس مش عشان هي غبية، عشان الحقيقة هي مش متحملاها. كل واحد من العيال هو ردة فعل على إهمال الأب، أحمد زكي (مش فاكر كان اسمه إيه في المسرحية) حاسس بمسؤولية أكبر من سنه وبيحاول يصلح (ودا أكتر واحد أنا حاسس بيه)، عاطف مش عايز يكبر وشايف الكبار دول عندهم حوارات كتير، سحر بتدور على نفسها برا عشان البيت من جوا بقى بارد. سلطان، أكتر واحد فيهم فاهم اللي بيحصل وإن أبوه مستحملهم بالعافية وإن أمه غلبانة ومضحوك عليها وبيسخر من أبوه طول المسرحية في محاولة انتـ ـقام منه من قلة اهتمامه بيهم ومن الألم اللي سببه ليهم. سلطان طول المسرحية بيضحك ويضحكنا لإنه مش قادر يواجه حقيقة إن أبوه شايفه فاشـ ـل، ويمكن فضل فاشـ ـل قاصد عشان يشغل بال أبوه بيه ويدور على اهتمامه، سلطان قرر يضحك عشان ميتجننـ ـش، وفي الآخر قال لأبوه: يا بابا إحنا كبرنا.. بس كبرنا بره، ومن جوه لسه مستنيينك تشيلنا. نهاية المسرحية مكنتش سعيدة، النهاية كانت عبارة عن حبس لأب قرر يهرب، وعيال ابتزوا أبوهم بشكل ما عشان يفضل كصورة مش أكتر عشان يبقى في حد اسمه بابا موجود.. كل الأعياد دي كنا بنضحك على جنازة الميـ ـت فيها هو الأمان اللي ضاع من بيت رمضان السكري للأبد. ©️ Copied

مبروك التخرج🎉 أستاذ محمد إتخرج من YSA Camp وحصل على الشهادة المعتمدة من Yalla Start Academy #Mostafa_Hazo #YallaStartAcademy #YSA_Camp #Mr_Hazo

لا كده العيد خلص♥️😂

مبروك التخرج🎉 أستاذه شيماء إتخرج من YSA Camp وحصلت على الشهادة المعتمدة من Yalla Start Academy #Mostafa_Hazo #YallaStartAcademy #YSA_Camp #Mr_Hazo

وصلنا منتصف YSA Camp🎉 بفضل الله اللي فات كان سهل.. اللي جاي محتاج تركيز أوي♥️⚡ أنا واثق في الشطار هيكملوا الكامب بنجاح🔥🎉 #Mostafa_Hazo #YallaStartAcademy #YSA_Camp #Mr_Hazo

وصلنا منتصف YSA Camp🎉 بفضل الله اللي فات كان سهل.. اللي جاي محتاج تركيز أوي♥️⚡ أنا واثق في الشطار هيكملوا الكامب بنجاح🔥🎉 #Mostafa_Hazo #YallaStartAcademy #YSA_Camp #Mr_Hazo

ما أنا بهتم بيك لإني شوفت فيك شطارة ممكن تتحول لقصة نجاح تكـ ـسـ ـر الدنيا♥️⚡ علشان كده مستحيل الكارت ده يوصل لأي حد صدفة بيوصل للشخص اللي عايزين نشوفه زي ما إحنا شايفينه وبنقدمله الكارت ده يديله دعم قوي علشان يحس إني فعلاً مخصص فريق متكامل لمساعدته بمجرد ما اتعامل معانا في أول يوم♥️

يا رب نجّنا من المهالك واحفظنا من البلاء.. والطف بنا برحمتك فيما جرت به المقادير🙏🏻 خلوا بالكم من نفسكم ف الجو ده.. ربنا يحفظ الجميع يارب🙏🏻

مبروك التخرج🎉 أستاذه إيمان إتخرجت من YSA Camp وحصلت على الشهادة المعتمدة من Yalla Start Academy #Mostafa_Hazo #YallaStartAcademy #YSA_Camp #Mr_Hazo