Osama Elzero's Recent LinkedIn Posts

كل سنة وانتوا طيبين ❤️

دة مكتب الرجل اللي عامل ال Kernel لنظام Linux واسمه Linus Torvalds علشان متجيش تتلكك وتقولي انا مقدرش أشتغل غير بشاشتين 😁 ومكتب جامد وفخم :D ا---------------------ا البوست للهزار علشان الناس اللي بتتقمص

للإفادة والدعم

قبل الفطار بسرعة :) ا-------------------ا لو فهمت المشكلة كويس مبروك عليك انت وصلت لنص الحل والحمد لله

كل عام وأنت بخير ومبارك عليكم الشهر الكريم <3

تبرّع أو انشر… وساهم في تعليم يتيم من غزة تحديث حملة برنامج مسارات الأمل لدعم تعليم أيتام غزة رابط التبرع لدعم تعليم الأيتام: https://lnkd.in/eZC5mD42 بفضل الله ثم دعمكم وثقتكم… تم اليوم التكفل بتعليم 85 طفلًا يتيمًا من أصل 200 طفل ضمن برنامج مسارات الأمل. هذا التقدم لم يكن ممكنًا لولا كل شخص آمن بأن التعليم قادر على تغيير مستقبل طفل بالكامل. ما زال الطريق أمامنا لنصل إلى نطاق أوسع من الأطفال الأيتام، ونحن بحاجة إلى دعمكم المستمر لإكمال هذه الرحلة. إن لم تتمكن من التبرع، أقل ما يمكنك فعله هو إعادة نشر الحملة، فمشاركتك قد تصل لشخص قادر على صناعة الفرق، وتساعدنا على توسيع نطاق الاستفادة ليصل التعليم لأكبر عدد ممكن من الأيتام. 70 دولار فقط تكفل تعليم طفل يتيم لمدة 4 شهور كاملة. معًا… نبني مستقبلًا يبدأ بفرصة تعليم. Ahmed Elemam Osama Elzero Dr Imed Romdhani #TechFromPalestine #مسارات_الأمل #تعليم_أيتام_غزة #GazaOrphans #EducationForAll

واحد عندنا في المنطقة لقيناه بيوزع خضار وكراتين وحاجات كتير على الناس علشان رمضان مكناش موجودين لقيناه حاططها قدام الباب ربنا يباركله ويكرمه ويبارك لكل شخص حاسس بالناس وبيساعدهم لوجه الله اسأل الله ان يرزقه من حيث لا يحتسب. وانت كمان ساعد باللي تقدر بيه مهما كان متستهونش بالخير لانه عند ربنا كبير <3 وخصوصا في شهر الخير أجمل الشهور اللي ممكن تغير آخرتك وتعدل كفة الميزان <3

ليه الناس بتخاف تبدأ أي فكرة أو مشروع ليه الناس بتتردد وايه الأسباب دي وحلولها ايه هنناقشها مع بعض هتلاقي الفيديو تحت

مبادرة هتطورك في البرمجة وتاخد ثواب وفرصة لرحلة عمرة اللينك هتلاقيه تحت

لو جتلك الرسالة دي Fake خلي بالك كصانع محتوى هيقولك انك بتستخدم ال Audio Track بتاعه في فيديو من فيديوهاتك علشان بعدها هيجيلك رسالة من ال DMCA فيها لينك هيروقك لو فتحته لو جربت تبعتله تقوله فين الفيديو اللي فيه ال Track بتاعك مش هيرد خلي بالك بيتفننوا في انهم يوصلوا لبياناتك

الناس اللي اتريقت على علبة الكحك اللي ب 39000 وفضلوا يشتموا ويشيروا الخبر والصورة ويحكوا عنها مبروك الحملة التسويقية تمت بنجاح مبهر وهو المطلوب اثباته ببساطة أفضل وسيلة تسويق مجانية هي الناس ا————————ا علشان تفهم الفكرة التسويق للبراند نفسه مش للعلبة بعد ما تشوف العلبة وتمنها الخزعبلي هتخش تشوف عندهم ايه تاني غيرها هتلاقي حاجات تمنها 200 و 300 جنيه عادي وبالمناسبة الحاجات دي طعمها حلو وجميلة فعلا ❤️

معلومة بسيطة بس ممكن تحتاجها وبدون أي برامج أوقات كتير بعمل حاجات على الجهاز وبحتاج انه يقفل بعد فترة لاني مش هكون موجود ومش حابب يفضل شغال ايام طويلة بدون داعي في أكتر من طريقة تعمل بيها Shutdown لل Windows بعد فترة معينة ا-------------------------------------------------------ا الطريقة اللي بحبها عن طريق ال Task Schedule علشان دة اللي بعمل بيه كل حاجة بحتاجها في ال Windows لكن هجيبلك طريقة سريعة وسهلة جدا كل اللي عليك تدوس Win + R علشان تفتح شاشة Run واكتب الأمر دة ا------------------------ shutdown -s -t 86400 ا------------------------ كلمة shutdown هو الأداة اللي ممكن تعمل منها اغلاق أو اعادة تشغيل -s هو الفلاج الخاص بالإغلاق Shutdown -t هو الوقت بالثانية والرقم اللي بعده هو 24 ساعة محسوبة بالثواني اكتب عدد الثواني اللي تحبها ا---------------------------ا طيب لو حابب الغي العملية ورجعت في كلامي ؟ افتح برضة ال Run واكتب ا------------- shutdown -a ا------------- لو عاوز بقى حضرتك تتعمق وتشوف كل ال Flags المتاحة افتح Run واكتب cmd علشان تفتح شاشة ال Command واكتب ا------------- shutdown /? ا------------- أو من ال Run مباشرة ---------------------- cmd /k shutdown /? ---------------------- وممكن تكتب كلمة shutdown بس هتجيبلك ال Help برضة وبس يارب تكون مفيدة ليكوا

بص لما بنزل شرح لأي حاجة في حياتي سواء مكتوبة أو فيديو في 3 أنواع من الناس بيفيدوا الشرح جدا جدا جدا وبيخلوه عالمي بجد. ا----------------------------------------------------ا 1- الناس اللي بتسأل أسئلة فيها سيناريوهات انت متكلمتش عنها ودول بيخلوك تكمل الشرح وتحط فيه سيناريوهات تاني وبالتالي بيبقى أقوى 2- الناس الجميلة اللي بتزود معلومات في البوست وبتخليه يبقى موسوعة كبيرة فيها كل اللي الناس هتسأل عليه وتحتاجه. 3- الناس اللي بتشكرك وبيقولوا بصراحة لو الحاجة دي فادتهم ولالا ودول بيخلوك تكمل وتحس انك بتعمل حاجة محترمة وبيخلوك تكمل طبعا ا-----------------------------------------------------ا مين بقى اللي بيخلوك بجد مش عاوز تكمل ؟ مش هكتبلك عنهم مش مهم علشان تعبت منهم والجدال معاهم ملوش لازمة بجد وانا قررت مدخلش ال7رب دي علشان كدة أتمنى من الله منك لو انت شوفت اي حد بيقدم محتوى بيفيد ياريت تكون واحد من التلاتة اللي فوق دول ا-----------------------------------------ا #نصائح_الزيرو

الاستمرارية مملة لحد متشوف نتائجها كل اللي عليك تصبر

الفترة اللي فاتت كنت باخد بالي قد إيه بنضيع وقتنا في متابعة حاجات خيالية، ونتحمس لمشاهد ملهاش وجود غير على الشاشة وفي نفس الوقت عندنا في تاريخنا مواقف حقيقية لو اتعملت مسلسل هتقول عليها مبالغة وخيال علمي صريح. ا-------------------ا بمناسبة شهر الخير خليني أقولك من كام يوم لقيت موقع اسمه SirahBooks والفكرة بصراحة عجبتني جدا ا-----------------------------------------ا الموقع بيقدم قصص عن الصحابة والسيرة النبوية، لكن مش بالطريقة التقليدية اللي إحنا متعودين عليها لا دة بيقدم قصص مصورة بإخراج محترم ورسوم إسلامية منضبطة من غير تجسيد ولا وجوه وتحس إنك جوه الحدث فعلا ا---ا وخد الأجمل بقى فيه صوت راوي مع القصة يعني لو مشغول تسمع ولو عايز تركز أكتر تقرأ وتشغل الصوت مع بعض فأنت مش بتستخدم حاسة واحدة لا أنت بتعيش القصة ا--------------------------ا الفكرة كمان إن القصص مش مطولة ومشتتة دي صور من حياة الصحابة ومواقف مختصرة ومركزة تخليك تطلع منها بعبرة واضحة هديلك مثال يفهمك قصدي في فرق كبير إنك تحفظ مثلا أسماء العشرة المبشرين بالجنة كقائمة وبين إنك تشوف أحداث حياتهم وتسمعها وتحس بيها ا---------------------------------------------ا زي إنك تعرف إن البراء بن مالك رضي الله عنه اترمي على ترس فوق سور حصن في حروب الردة عشان يفتحوا القلعة أو إن عكرمة رضي الله عنه أسلم بعد ما عادى النبي صلى الله عليه وسلم سنين طويلة وتحول تحول كامل. علشان كدة لما تشوف الأحداث بالطريقة دي الموضوع بيثبت في دماغك وقلبك بشكل مختلف بجد وممتع جدا. ا-------------------------------------------ا الموقع واضح إنه معمول بتفاصيل: - مكتبة قصص مصورة - مكتبة صوت بس - بحث وتصنيفات - نظام تحديات ونقاط - قاعة متصدرين بعد ما تخلص القراءة تخليك تكمل وانت متحمس ا----------------------------------------------------------------ا اللي عجبني كمان إن لحد دلوقتي فيه 20 قصة مجانا متاحة فلو حابب تبص بنفسك الينك في التعليقات او اكتب اسمه في جوجل SirahBooks ومتنساش تشارك الخير مع الناس <3 ولو في ملاحظات أو حاجة شايفها شاركها مع أصحاب الموقع وجزاكم الله خيرا

الصورة اللي بتريحني نفسيا

صراحة القعدة مع يحيى عسل وأسئلته جميلة جدا والضيافة عظمة

بص دة رأيي الشخصي براحتك تصدقه أو لا <3 قبل رمضان كان عندي خمول رهيب بشتغل بالعافية وقولت في رمضان الوضع هيبقى أصعب لان مفيش طاقة ولا أكل ولا شرب لكن صدق أو لا تصدق الطاقة رهيبة وبتنجز فعلا في وقت الصيام خصوصا لو بدأت يومك بعد صلاة الفجر مباشرة السبب اللي انا شايفه ان الأيام العادية انت بتاكل كل شوية وبتتقل بجد وبتحس كدة ان في دهون على المخ وان المخ تايه مش عارف يعمل ايه الحمد لله على نعمة الصيام

كنت في مكان مفيهوش جهاز وقاعد فترة وطبعا غلطت وفتحت فيديوهات الفيس بوك في كام فكرة فيديو كل فيديو منهم 40 عيلة عاملاه والفكرة الأصلية شوفتها من أيام حرب المعيز في قناه أجنبية براحتهم مليش علاقة بيهم ومعنديش مشكلة معاهم انت بس اللي تهمني والله وعلشان كدة عاوز أقولك بجد الفراغ مؤذي جدا جدا ودماغك هتتضرب في الخلاط لو مشيت في الطريق دة وعيك وثقافتك بيتكونوا من الحاجات اللي بتتابعها سواء كانت كتب او فيديوهات او ناس حواليك وعلشان كدة انت اللي بايدك تغير من نفسك

في ردود مثالية جميلة بتعجب الناس وممكن تلاقي محدش يختلف عليها كمان شوفت لدرجة ايه ؟ لكن كتير منها لا يمت للحقيقة بصلة وفي الغالب هتلبسك في الحيط لانها مش بتعرفك الخطر اللي انت داخل عليه الناس بطبعها بتحب التشجيع بس هقول تاني لحد آخر يوم في عمري اللي مش بيعرفك الخطر اللي انت داخل عليه دة مش بيشجعك دة بيأذيك وشئنا ام ابينا في ناس مش بتحب تسمع الحقيقة للأسف بس بيندموا سنين ويرجعوا يدورا عليها بعد ما يخسر وقته. وللاسف تاني في ناس عندها ايجو رهيب بتزعل لو حد قاله على حاجة مش مناسبة ليه مع ان سبحان الله كلنا مخلوقين بننفع في حاجات وحاجات لا عادي يعني مفيش اهانة :) بس تقول ايه الحمد لله. قول الحمد لله ولنا الله وكمل حياتك <3

أنا جايلك النهاردة بكنز صدقني ا---------------------------ا كلاكيت تاني مرة بعد ما شيرت أول مرة ولقى نجاح كبير وبعد إضافة ال AI للتطبيق بقى حاجة تاني <3 أحب أقولك ان كل الفرق اللي بتعامل معاها بقوا بيستخدموا التطبيق العظيم دة وكمان انا وفريقي عملنا كدة ا---------------------------ا النهاردة جايبلك Platform عظيم جدا هيغنيك عن Postman وكل الأدوات اللي بتستعملها وانت بتتعامل مع ال API's النهاردة جايبلك APIDog وهو أداة عظيمة جدا في التعامل مع ال Api's تقدر تقول كدة APIDog = Postman + Swagger Editor + Swagger UI + Stoplight + ReadMe + JMeter + SoapUI + Mock مجموعة من الأدوات المهمة جدا هتلاقيها موجودة معاك في تطبيق واحد في مميزات كتير جميلة انا ملقتهاش في Postman وبجد وفر عليا وقت في التنقل بين الأدوات وساعدني في ال Testing كتير صدقني جربه ومش هتندم وتقدر تنزل البرنامج وتجربه بدون متحتاج حتى تكتب الكريدت كارد بتاعك كلمتك عن ال UI وشكله قد ايه جميل ؟ حاجة بجد تحفة ومريحة للعين واحدة واحدة بس جربه وافهم منه كل حاجة هتتبسط جدا جدا جدا وهتسيب كل الأدوات اللي فاتت دي -------------------------- سجل ومش هتندم https://lnkd.in/dbdiPwPA ا-----------------------------------------------ا وشارك البوست مع المهتمين <3

خصم 65% في رمضان على اي كورس في المنصة من الكورسات المدفوعة ا---------------------------------------------------ا عندنا ايه ؟ 1- كورس عمل تصميم WordPress احترافي من الصفر 2- كورس 50 تطبيق عملي في مجال ال Front-End 3- كورس تطبيقات عملية شاملة على لغة Python "لسة بيتسجل" ا----------------------------------------------------------------ا وعندنا جروب على تليجرام متفاعل فيه الناس اللي اشترت الكورسات ا-----------------------------------------------------------------ا الكورس الأصلي سعره 2500 وعلشان رمضان هيبقى تمنه 900 جنيه 1- الكورسات بينزل فيها دروس كل فترة بناء على أفكار الناس 2- الكورسات هتبقى معاك مدى الحياه مادام اشترتها 3- تقدر تدفع بالمصري عادي أو بالفيزا زي متحب 4- العدد المتاح للخصم 250 كوبون بس ا--------------------------------------ا تقدر تدخل على الموقع وتختار أي كورس وتكتب كود الخصم Ramadan هيجيلك الخصم وهتاخد الكورس ب 900 جنيه بدلا من 2500 أو تكلمني على تليجرام لو عندك أي إستفسار أو عاوز تدفع بالمصري وهتلاقي اللينك في التعليقات التعليقات مقفولة علشان سهولة الوصول للينكات شارك الخير مع الناس لو تحب

سلسلة مواقع منوعة الجزء الثاني | 10 مواقع يارب تعجبكوا ولو السلسلة عجبتك اكتبلي في التعليقات علشان نكملها واللينك تحت

عشر حاجات لو سمعتهم وانت بتتفق على شغل اهرب فورا هنا بكلمك على الإتفاق مع العميل بحكم خبرة سنوات طويلة معايا ومع ناس أعرفهم ولو اتفقت على الحاجات دي بأمر الله مش هتواجه مشاكل مع العميل ومش طالب منك تطبقها كلها مباشرة او تطبقها عمياني لا جرب وفكر وشوف انت محتاجها ولالا وجربها ان شاء الله الفيديو يعجبكوا هتلاقوه تحت في التعليقات

ليه الناس ممكن تحب تعليق وتتفاعل معاه وهو غلط أو تتضايق من تعليق تاني وتتفاعل معاه وهو مش غلط ركز معايا يا صديقي ا-------------------ا 1- تأثير القطيع Bandwagon Effect لو ناس كتير مصدقة حاجة عقل الإنسان بيقوله غالبا هي صح ودة بيخلي الشخص يمشي وراء الأغلبة حتى لو مش متأكد من صحة الكلام يعني مثلا تعليق عليه 20 ألف لايك المخ يفهم ان دة رأي عام ويوافق عليه. ا-----------------------------------ا 2- الدليل الإجتماعي لما نكون مش متأكدين من حاجة بنشوف التانيين بيعملوا ايه ونقلدهم يعني مثلا لايكات كتير يبقى الناس موافقة والناس موافقة يبقى صح يبقى ادوس لايك انا كمان والعكس صحيح ا-----------------------------------ا 3- تأثير الهالة Halo Effect لو تعليق منتشر ومقبول وعليه لايكات الناس علطول بتفترض ان صاحب التعليق انسان ذكي ورأيه مهم وكلامه موثوق يعني مجرد عدد اللايكات بيدي هالة إيجابية حوالين الكلام ا-----------------------------------ا 4- الكسل العقلي أو سهولة الإدراك Cognitive Ease المخ بيحب الطريق الأسهل يعني بدل ما يفكر هل المعلومة صح أو هل في دليل عليها لا اكتفى بإشارة إجتماعية سريعة ان التعليق فيه لايكات كتير يبقى صح خلاص كدة ا-----------------------------------ا 5- خوف العزلة Fear of Social Isolation في حاجة اسمها دوامة الصمت Spiral of Silence أغلب الناس بتخاف تبقى ضد الرأي الشائع عشان متتحطش في ضغط وموقف اجتماعي صعب. ا------------------------------------ا يعني الموضوع مش دايما جودة محتوى وأحب أقولك ان اول 10 إلى 20 لايك ممكن يحددوا إتجاه التعليق بغض النظر هو صح ولا غلط ا-------------------------------------------------------------ا حاسس البوست عميقة بس مش عندي دليل

معلومة مهمة لأي حد عنده Mailing List لو بتبعت إيميلات تسويقية أو نشرات بريدية لازم تحط زرار Unsubscribe واضح وسهل عارف ليه؟ لأن اللي مش عايز يستلم إيميلات منك غالبا مش هيسيبها كده ويمسحها ويمشي لا في الغالب هيعملك Report Spam ودة بقى يامعلم تأثيره وحش على البراند بتاعك ا-----------------ا - سمعة الدومين بتاعك تقل - الإيميلات تبدأ تدخل Spam - معدل الـ Open Rate ينزل ا--------------------------ا الأفضل بقى يا صديقي تسيبه يمشي باحترام ويخرج خروج نضيف بدل ما يديلك ريبورت يضرك

البرومت لو احتجته في التعليقات

اسلوبك وانت بتتكلم عن حد مش موجود بيدي انطباع عنك انت مش عنه هو

محدش قالي والله 😁

معلومة بسيطة ا--------------ا أوقات كتير بفتح الجهاز وفي مجموعة مواقع لا غنى عنهم بحتاج افتحهم كلهم مرة واحدة ودي فرصة كمان تاخد فكرة عن عالم ال Batch File اللي ممكن تعمل بيه حاجات كتير في النظام وتوفر على نفسك وقت. ا--------------------------------------------------------------ا احنا هنعمل ملف فيه مجموعة مواقع لما ندوس عليه Double Click هيفتحلنا كل المواقع دي مرة واحدة كل اللي عليك تعمل ملف Text جديد وتخلي امتداده bat بدل txt وتكتب جواه زي ماهو موجود في الصورة كدة و bat اختصار ل Batch File ودة عبارة عن ملف بتحط فيه مجموعة من الوامر يتم تنفيذها واسمه Batch جاية من انك بتنفذ مجموعة حاجات دفعة واحدة. ا------ا هنا انا حطيت بعض المواقع اللي لازم افتحها اول ما افتح جهازي انت غيرهم للمواقع المناسبة ليك وكل اللي عليك تدوس على الملف Double Click هيعمل اللازم. ا----------------------------ا حابب الملف يشتغل أول ما الجهاز يفتح ؟ تمام افتح قائمة Run دوس Win + R بعدها اكتب الأمر دة علشان يفتحلك قائمة ال Startup ------------- shell:startup ------------- حط الملف هنا وبس كدة اول ما الجهاز يفتح هيشتغل الملف ولو انت بتحب تعمل الحاجة باحترافية اتعلم ال Task Scheduler هيخليك تعمل معجزات في ال Windows وهتبقى برنس في ال Automation بصفة عامة ا----------------------------------------------ا 1- المواقع هتفتح على أنهي متصفح ؟ المتصفح الإفتراضي عندك 2- لو أنا فاتح المتصفح ايه اللي هيحصل ؟ هتفتح المواقع في تابات جمب التابات المفتوحة ا----------------------------------------------- تقدر تفتح بيه برامج كمان -------------- start notepad start calc start mspaint -------------- يارب المعلومة تعجبكوا

بص يا صاحبي هتنشر وعي هتتحارب هتنشر هلس هتتحارب هتسكت خالص هتتحارب برضه 😊 يبقى مادام كدة كدة هتتحارب يبقى اعمل حاجة صح