Hossam Khaled's Recent LinkedIn Posts

ماذا لو كان حلواني العبد - El Abd Patisserie رد على ب لبن - B.labn؟ في رمضان اللي فات لما نزلت كامبين بلبن، قولت طيب لو أنا الماركتير اللي هيرد هعمل ايه؟ وبالفعل؛ قعدت جمعت كمية معلومات وقعدت اخطط واتكتك لحد ما كتبت كمية افكار لا بأس بها ودي كانت أفضلهم فكرة الإعلان : وهي اكتر فكرة تتناسب مع شخصية العبد اللي تتميز بالرقي وارثه التاريخي : وهو إعلان هادي جدا مفيهوش أي كلام أصلا يبدأ بمشاهد بالأبيض والأسود بتبدأ بتمثال طلعت حرب عام ١٩٧٤ من امام محل حلواني العبد الفرع الاول وتبدأ السنوات تجري ومحلات كتير تفتح جمبه ومحلات تقفل ويتغير حاجات في شكل المكان وتغير في شكل لبس الناس لحد ما ندخل في الالوان بدل الابيض والاسود وطبعا خلال كل السنين الفرع ناس يتعدي وتشتري منه وناس داخله وناس طالعه لحد ما نوصل لسنة ٢٠٢٣ وتبدا الاحداث والتحركات تهدى وفي محل يفتح جمبهم اسمه ابولبن ويكون الكدر ورا العبد بيظهر ان في محلات كتير زادت لأبولبن في البلد بسرعة وتركب يفطة كبيرة اعلى مبنى محل العبد الاول عليها منتج اسمه البلبوصة ومع تغير الاسماء اليافطة المنتجات اللي عليها بتبدأ تتغير بسرعة وبعدها رتم التغييرات يخلص ويثبت عند منتج آخير اسمه الكُحة ومع تحرك عداد السنين بنلاقي ابو لبن فروعه بتقل شوية شوية واليافطة بتقدم لحد ما يبقى ٥ فروع..٣ فروع..فرعين..فرع واحد وبعدها يختفي ابو لبن في عام ٢٠٢٨ ويكون المُلاَحَظ إن حركة عملاء العبد كانت غير متأثرة بوجود بلبن اساسا ويكأن التاريخ مثبت العبد زي طلعت حرب وكل ما حولهم متغيرات واحداث واليافطة الكبيرة يتعلق عليها يافطة للعبد ويتكتب عليها سلوجن الحملة : "اللي ييجي بالساهل يروح بالساهل، والعبد تاريخه يستاهل" ودي معناها إن مسألة زوال بلبن مسالة وقت لانه مجرد تريند والتاريخ شاهد على بقاء العبد برمزية بقاء الفرع الاول في مكانه من اكتر من ٤٦ سنه وسط اللبلد وبسكده مهتم أعرف رأيك #مستر_كرييتف #بلبن_والعبد

يسعد مساكم من مسجد الحبيب صلى الله عليه وسلم 💚 اخوانا الكونتنت كرييطورز .. تعرفوا إن في كتير من ال Hocks اللي بيستخدمها أهم صناع المحتوى النهاردة وبينصحوا بيها، هي مقتبسة من أسلوب نبينا محمد صلى الله عليه وسلم من أكتر من 1400 سنة؟ هتقولي ازاي يا كرييتف؟ هقولك النبي صلى الله عليه وسلم كان أمهر من استخدم الهوكات بكافة أنواعها المتعارف عليها النهاردة وخلينا نتكلم بأمثلة : 1-Numerical Hook (الهوك الرقمي) وهو إنك تبدأ برقم واضح: 3 أشياء… 7 أنواع… 5 أخطاء… ليه بيشتغل؟ المخ يحب “المحدود”. الرقم بيخلق إحساس إن المحتوى: قصير منظم سهل الهضم استخدامه الحديث: “5 أسباب تخليك تخسر عملاءك” “3 مهارات لازم تتعلمها في 2026” طيب فين من السنة؟ تعرف حديث "«سَبْعَةٌ يُظِلُّهُمُ اللَّهُ فِي ظِلِّهِ يَوْمَ لَا ظِلَّ إِلَّا ظِلُّهُ!" اهو ده Numerical Hook وحديث "«ثَلَاثَةٌ حَقٌّ عَلَى اللَّهِ عَوْنُهُمْ!" وده برضو Numerical Hook اندهشت صح؟ .. طيب خلينا نكمل 2- Curiosity Gap (فجوة الفضول) وهو إنك تدي جزء من الصورة… وتسيب فجوة. زي: كل الناس ناجحين… إلا نوع واحد. ليه بيشتغل؟ العقل بيكره الفراغ المعرفي .. لازم يقفله. لو رجعنا للسنة النبوية هنلاقي حديث بيقول : " كُلُّ أُمَّتِي مُعَافًى إِلَّا الْمُجَاهِرِينَ!" ده Curiosity Gap وحديث "كُلُّ أُمَّتِي يَدْخُلُونَ الْجَنَّةَ إِلَّا مَنْ أَبَى! " وده برضو Curiosity Gap 3- Fear-Based / Loss Aversion Hook (هوك الخوف من الخسارة) وهو إنك تركّز على اللي ممكن يضيـع، مش اللي ممكن تكسبه. ليه بيشتغل؟ نفسيًا: الإنسان يتحرك لتجنب الخسارة أكتر من سعيه للمكسب. استخدامه الحديث: “3 تصرفات بتدمّر سمعتك المهنية” “لو بتعمل كده… انت بتضيّع فرصك” وكالعادة لو رجعنا للسنة النبوية بنلاقي حديث : "ثَلَاثَةٌ لَا يُكَلِّمُهُمُ اللَّهُ يَوْمَ الْقِيَامَةِ، وَلَا يَنْظُرُ إِلَيْهِمْ، وَلَا يُزَكِّيهِمْ، وَلَهُمْ عَذَابٌ أَلِيمٌ..الخ" 4- Socratic Question Hook (هوك السؤال) وهو إنك تبدأ بسؤال مباشر. ليه بيشتغل؟ السؤال يحوّل القارئ من متفرج → مشارك. دماغه يبدأ يجاوب تلقائيًا. استخدامه الحديث: “عمرك سألت نفسك ليه محتواك مش بيتشاف؟” “تعرف مين أخطر عميل عليك؟” وفي السنة النبوية؟ قال رسول الله ﷺ: "أَتَدْرُونَ مَنِ الْمُفْلِسُ؟" قَالُوا: الْمُفْلِسُ فِينَا مَنْ لَا دِرْهَمَ لَهُ وَلَا مَتَاعَ. قَالَ: "الْمُفْلِسُ مِنْ أُمَّتِي مَنْ يَأْتِي يَوْمَ الْقِيَامَةِ بِصَلَاةٍ وَصِيَامٍ وَزَكَاةٍ، وَيَأْتِي قَدْ شَتَمَ هَذَا، وَقَذَفَ هَذَا، وَأَكَلَ مَالَ هَذَا… فَيُعْطَى هَذَا مِنْ حَسَنَاتِهِ، وَهَذَا مِنْ حَسَنَاتِهِ… فَإِنْ فَنِيَتْ حَسَنَاتُهُ قَبْلَ أَنْ يُقْضَى مَا عَلَيْهِ، أُخِذَ مِنْ خَطَايَاهُمْ فَطُرِحَتْ عَلَيْهِ، ثُمَّ طُرِحَ فِي النَّارِ" أنا هكتفي بس حاليا بالأربع أنواع دول كأمثلة ولو عجبتك السلسلة عرفني وأنا اعمل الجزء التاني وبسكده صلي على الحبيب المصطفى 💚

وأن سعيه لسوف يرى✨

أخيرًا كسرت السجن اللي بنيته لنفسي‼️ البوست ده ممكن يطول حبتين بس صدقني هتستفاد منه جدا فأقرأ للآخر، لعلك تتحرر زيي. أنا حسام خالد زي ما تعرفوا عني إني شخص شغال في التسويق من حوالي ٥ سنين وخدت السلم من اول Social media Admin ... لحد ما فتحت Social media Agency. واستمريت إلى أن وصلت إني ابقى Marketing Manager في براند Moogy Home wear Group واحد من أكبر براندات الملابس النسائية في مصر، مع بداية الربع الآخير من 2025 بفضل الله وعملنا خلال الفترة اللي فاتت تحول شامل في استراتيجيات التسويق وخدمة العملاء بمساعدة حبيبي Mohamed El Moogy اللي بشكره على ثقته الغالية💙 ودخلت عالم لينكدإن وبدأت أفهم خوارزمياته، والحمدلله في خلال 8 شهور كنت وصلت لأكتر من 50 الف متابع، وقدمت أكتر من 65 استشارة في النمو على المنصة وساعدت أكتر من 50 مؤسس ورائد أعمال إنهم يكبروا على المنصة ببرنامج LinkedIn Accelerator Camp. أسست LINKING Digitals وكالة متخصصة في حلول النمو على منصة LinkedIn وبناء وإدارة العلامة الشخصية للمؤسسين (B2B Founders). في خلال 6 شهور من تأسيس LINKING Digitals حوالي 12 مؤسس من السعودية، الإمارات، قطر، ومصر بنوا علامتهم الشخصية . وكل ده بدون ما ننزل بوست واحد أو نعلن ان ده. وبنفخر إن أحد العملاء المصريين هو أستاذ Ahmed Amir مؤسس شركة Asphalt اللوجستية واللي تم الاستحواذ على شركته بصفقة قُدرت بـ 2 مليون دولار أمريكي. اها طيب وبعدين يعم حسام ليه بتصدعنا بالتفاصيل دي كلها؟ بتورينا إنك جامد يعني؟! للأسف أنا جاي اعترف إني وسط كل النجاحات دي مكنتش مبسوط! دي حقيقة السجن اللي فضلت عايش فيه سنوات الناس شايفة نجاحات وأنا شايفني ببعد عن حلمي. أنا رائد أعمال بيعرف يبني حلول ذكية... أنا مش متخصص تسويق فقط ومش متخصص لينكدإن فقط، أنا بعمل كل ده عشان يخدم على هدفي الاساسي وهو ريادة الأعمال. عشان كده قررت إني هتحرر من قيودي ومش هعرف نفسي غير كـ "رائد أعمال مسلم" ودي البيرسونا اللي حابب تعرفوني بيها. نصيحتي لأي حد، إسأل نفسك في لحظة صدق : هل اللي بعمله ده بيحقق ذاتي؟ طيب لو محققتش ذاتي دلوقتي هحققه امتى؟ طيب لو قولتلك بكرة آخر يوم في حياتك، هل حاسس إنك راضي عن نفسك في وظيفتك الحالية؟ وخد بالك أنا مش بنصحك ترمي التزاماتك وتعيش حلمك، أنا شخصيًا قررت اتحرر بعد ما بنيت حاجات تسندني آخد قراري ده، وتكون بتُدر عليا دخل وأنا بعمل كده، فخليك واقعي وأنت بتقرر إمتى هتنط من المركب وتروح تعيش حلمك وتحقق ذاتك. يعني بشكل عملي أكتر جرب التالي : اقعد مع نفسك واعرف أنت عاوز ايه وبتعرف تعمله ولا لاء؟ لو بتعرف تعمله شوف ازاي تقدر تغطي التزاماتك منه ولو مش بتعرف فشوف ازاي تقدر خلال سنة بالكتير تتعلمه. طيب لقيتني بعرف أعمله لكن مش بيدر الدخل اللي يغطي التزاماتي او محتاج وقت، يبقى اشتغل على خلق أي قيمة تقدر تدر لك دخل يساعدك تغطي التزاماتك زي مثلا إنك تعمل Digital Products تستغل فيها خبرتك، زي انك تقدم استشارات في مجالك، زي انك تشوف حد محتاج Mentor لو خبرتك كبيرة وتاخد على ده فلوس. الموضوع يا صديقي مش تهور ده محتاج دراسة كافية قبل ما تاخد الـ Risk.

نصايح عشريناتي عجوز فرمته الشركات ج١ اعمل Save واستنى الجزء التاني #MrCreative #CareerCoaching

أنت شايف ايه؟ بما إن كذا حد سألني عن رأيي في Salah Abo El Magd فأنا هرد من منظور شخصي دون النظر لإني ممنشنله ولا لاء (كده كده معندوش مشكلة بيعمل شير للي بيشتمه 😂) في البداية أنا متابع صلاح من أكتر من 4 سنين بالتزامن مع بداية لمعان نجمه على السوشيال ميديا، وشوفت بعيني رحلته من شخص بيركب الترند لواحد قادر يخلق تريند ببوست واحد! طول المدة دي وأنا بتمرجح مع الناس في رحلة البحث عن مدى حقيقة كونه صلاح ابو المجد ولا صلاح ابو الهبد (زي ما بعض الناس بيذكروه)، وأثناء متابعتي ليه لقيتني في بعض المواقف والبوستات بكون متفق معاه جدًا في اللي بيقوله خصوصًا إني موجود في مجالي الـ BD & Marketing فبانتقد عن تجربة وخبرة ممكن تكون مش كبيرة، ولكن كافية لاستدراك الكلام الصحيح من الهبد! ولكن مواقف تانيه كنت بالاقيه غلطان سواء خانته طريقة التعبير أو خرج عن شعوره، أو أخطاء تانيه. ولكن استوقفني أمر مهم..هو صلاح ده مش بشر؟ آه بشر..طيب ليه عاوزين نشوفه صح دايما؟..طيب سيبك من دي..هل في إنسان اجتمع عليه الناس؟ لاء مفيش..طيب عاوز الكل يجتمع على صلاح ليه؟ ايوه يعني اتابع صلاح عشان استفيد منه ولا اللي بيقوله ده كلام فاضي وتنمية بشرية؟ الإجابة يا صديقي إنك تبص لصلاح على إنه إنسان يجتهد فيخطىء ويصيب، وتجرد صلاح من كونه شخص لمجموعة أفكار ومعتقدات، ودورك بقى إنك تتحرى الصواب وتتعلم منه ، وتتحرى الخطأ وتتركه يعم هفترض معاك (برغم إن ده مش حقيقة) إن صلاح ده شخص بيهبد وكل كلامه بلح وملوش لازمة، هل ممكن تستفيد منه؟ آه استفيد منه شطارته في الـ Public speaking أو شطارته في الـ Personal branding أو شطارته في التأثير على السوشيال ميديا وإنه قدر ببوست واحد يحركني ويحركك نتكلم عنه. مفيش حد صح مطلق يا صديقي، محدش بالمثالية اللي قي دماغك فمتتعبش نفسك، وبص في ورقتك وكمل سعيك ومتنساش إحنا جايين الدنيا دي ليه عرفني انت رأيك ايه, وآسف لو طولت عليك🌹

نصيحة اتعلمتها بالغالي

اعمل personal branding زي ما تحب. بس في الاخر سمعتك مرتبطة باللي اشتغل معاك او تحت اشرافك او كان عميل سابق عندك هما الي الناس هتسمع كلامهم. ياما ناس مكسرة الدنيا في المحتوى و الكل عارف انهم بطيخة. 😁

مش هنظر عليه لأني مش معصوم .. مش هوجه له نصيحة لأنها أكيد مش هتوصله لكن هكتفي بالدرس المستفاد، والأهم حاليًا ليا وليك يا صديقي وهو إن محدش كبير على الفتنة في دينه، مهما بلغت من التدين وضبط النفس بلاش تستهون بالمغريات وتشوف نفسك كبير على الفتنة كل قصص السابقين بتقول إن الفتنة أقرب لنا من التقوى، برصيصا الراهب وقع في الزنى وقـTـل النفس وختمها معاه الشيطان بإنه يكفر، وبلعام بن باعوراء اللي كان يعلم اسم الله الأعظم وكان مستجاب الدعاء الشيطان مسابوش قبل ما يخليه يكفر هو كمان بعد ما خلى نساء قومه يغووا بني اسرائيل عشان ربنا يبتليهم بعدها بالطاعون فبلاش نغتر ونحس إننا جامدين وبنعصم نفسنا، مهما بلغت من تقوى .. مهما بلغت من قرب من ربنا .. مهما كنت من المحسنين ارجوك لا تأمن الفتنة ولا تستهن بخطوات الشيطان فكما أخبرنا من لا ينطق عن الهوى صلى الله عليه وسلم : "يصبح الرجل مؤمنًا ويمسي كافرًا، أو يمسي مؤمنًا ويصبح كافرًا، يبيع دينه بعرض من الدنيا." اللهم قنا شر الفتن ما ظهر منها وما بطن

أنا ساكن جمب الكبير أوي! أها والله زي ما سمعت كده، بيتي جمب بيت الكبير أوي، بس مش اللي اتصور فيه المسلسل، لكن بيت نسخة طبق الأصل من اللي في المسلسل في بلدي "ميدوم" بمركز الواسطى التابع لمحافظة بني سويف يقال إن صاحب البيت ده من كتر حبه في المسلسل والبيت راح اللوكيشن في المنصورية وأشترى التصميم وراح نفذه، واتقالي إنه وصل بيه الحال انه بعت اشترى الشبابيك دي من سوريا عشان تكون مطابقة للي في المسلسل بجد أنا مش عارف ازاي قعدت ده كله من غير ما اقولكم 🫣😂 طبعًا مش محتاج اقولكم إن صاحب البيت ✨مهندس✨ #يوميات_مستر_كرييتف #الكبير_أوي

فين ميمز النت والشبكة يا حسام؟ فين ميمز مها الصغير بتاعت حوار اللوحات المسروقة؟ هو انت مش عايش معانا ع الكوكب؟ مش عادتك يعني!! الإجابة على كل التساؤلات دي إني بفضل الله مؤخرًا اتعلمت ابص في ورقتي واسيب كل المشتتات دي، لأن مفيش وقت بجد الست اللي سرقت اللوحات انا مش فنان عشان اتكلم عنها، أو يهمني موضوعها، وحوارها مع السقا ميهمنيش عشان انا مش بشوف تليفزيون يعتبر 😁 واللي حصل في سنترال رمسيس والنت، أنا الحمدلله في بني سويف والنت عندي الله أكبر متضررش حتى ١٪ .. أها شبكة اتصالات عندي مش شغالة، لكن فودافون شغاله القصد طالما متأثرتش، اعمل زيطة مع اللي بيظيطوا ليه؟ والله يا جماعة في الاقتصار سلام نفسي فظيع، مش هيحس بيه غير اللي مركز في ورقته طيب بكتب البوست ده ليه؟ عشان يفكرني قدام لو الدنيا شغلتني واتشديت لحوار داير ولا حاجة اني ابص في ورقتي واسيبني من المشتتات. وبسكده .. روح صلي العصر 🤎 #مستر_كرييتف #مها_الصغير #سنترال_رمسيس

الحمد لله 🤲

السلام عليكم من بيت الله الحرام 💚

فلا تدري بأي فعل تنجوا..

صباح الرزق💙

أرخم تجربة حصلت معايا وللأسف متعلقة بـ I can coach you! في عيد الأضحى اللي فات حاولت اكون انسان طبيعي وأخد اجازة زي ما باقي الفرق في شركتي أخدوا اجازة لكن للاسف انا انسان يجد متعته في العمل😅 طيب هنعمل ايه؟ ما الكل مأجز دلوقتي وهنا جاتلي فكرة! أكيد في ناس عندها مشاكل في البيزنس بتاعها، أو شباب عندهم مشاكل في كاريرهم، أو حد ممكن يكون مش عارف ينبسط بالعيد بسبب مشكلة مأرقاه، وهنا جاتلي الفكرة : أنا هقدم للناس استشارات في ايام العيد! طيب وايه الجديد؟! ما انت اوريدي عامل استشارات وبتقدم الخدمة اصلا في العادي، هنا قولت بس انا عارف ان استشاراتي سعرها مرتفع نسبيًا ولكن ده خارج عن ارادتي بسبب انه يعتبر ده الحد الادنى في اسعار الاستشارات وكمان عشان اقدر اقلل عدد الاستشارات عشان اعرف اشوف باقي شغلي خصوصًا إني لما بدأت أقدم الخدمة كنت مخلي سعر استشاراتي أقل من كده كدعم للناس، عملت بتاع 40 استشارة في شهرين! .. حرفيًا كان انتحار 🙃 ) قولت انا كده كده قاعد فمفيش أي مشكلة نساعد الناس وفعلا نزلت بس في الكوميونيتي بتاعي الاول اني هعمل استشارة متاح فيها تدفع مقدرتك وخد عندك .. في اول ساعة 15 استشارة! حسيت اني فعلا الناس كانت محتاج اللي يساعدها وظني كان في محله الحمدلله وربنا كتب يستخدمني وخلال اليوم الاول بفضل الله قفلت حجز 30 استشارة، بس كانت من ارخم الحاجت اللي حصلت على قلبي ليه بقى؟ بسبب I can coach you هتسألني ازاي .. هقولك تقريبًا منصة i can coach you هي من الحاجات القلائل اللي أهميتها عندي تكاد تكافئ أهمية وجود chat gpt في حياتي وده يرجع لدورها الكبير في تنظيم كل ما يتعلق باستشاراتي من اول التنظيم والدفع والتذكير بالاستشارة..الخ والصراحة ان من لما بدأت استخدمها وانا مش مبقتش فاكر ان كنت بنظم استشاراتي ازاي قبلها وهنا كانت المشكلة اني عامل الخدمة pay as you can لكن i can coach you مكنش عندهم الفكرة دي واللي تقريبا اصلا مش موجودة في اي منصة تانيه ولذلك اضطريت اعمل الحجز Manual وطبعا كل التيم بتاعي في اجازة وانا اتفرمت يومها رد على الاستفسارات ومتابعة مع العملاء وتأكيد حجوزات وتنظيم مواعيد وغيره وغيره وبجد يومها كان عندي صداع مش طبيعي لكن كل ده عدا .. ولكن قابلتني واحده من ارخم المشاكل المهينة بقى انا كنت عامل اكتر من نوع استشارة بتتقدم ما بين البيرسونال براندنج وما بين كارير كوتشنج ولينكدان اوبتميزيشن .. ومنساش ولا هنسى اللي حول 10ج وقال عاوز واحده بيرسونال براند وواحدة كارير كوتشنج .. تمالكت اعصابي بالعافية اللي هو حضرتك جاي تشتري فول للسحور يعني ولا ايه مش فاهم 😅 وهنا حددت لميت للمقدرة عشان ميتكررش الموقف ده واتفاجىء بقى بعدها بكام شهر إن المبدع Ebrahem Anwar ضاف في خانة ال pricing بتاعت الاستشارات اختيار pay as you can والاجمل من كده بقى انه ليه ليمت بيحدده الكوتش ومكتوبة جملة جميلة اوي : *Notice* This service uses a “Pay As You Can” model — you decide how much to pay based on your ability. The coach sets a minimum price to ensure the value of the session is respected, and you are free to pay more if you wish. هنا حسيت اللي هو اخيررررًا ربنا نصرني 😂💙 فبجد البوست ده مكتوب في حب I can coach you وفي حب الجميل Ebrahem Anwar اللي بيحاول هو وفريقه يسهلوا علينا التجربة

لو حد من سنة جه وقال لي إنك هتطلع تعمل عمرة السنة الجاية، مكنتش هصدقه .. لو حد جه من ٥ شهور وقالي نقس الكلام برضو مكنتش هصدق! كشخص عنده التزامات كتيرة ومسؤوليات مش قليلة، بيكون يدوب اللي جاي على قد اللي رايح + شوية فكة بيدخلوا في الاحتياطي أو بستخدمهم للتطوير، لكن زي ما مشرف العمرة قال النهاردة : "أوعى تفتكر إنك طالع العمرة دي بفلوسك، انت ربنا بعتلك دعوة لبيته وانت لبيتها بس .. هو عاوزك تيجي، عشان كده انت هنا النهاردة" والله ويشهد ربنا على كلامي إن مبلغ العمرة ( واللي كان رقم مش قليل على عمرة 17 يوم ماشاء الله ) ربنا اكرمني بيه بشغلانة واحدة كلفتني اسبوع عمل وكانت حاجة Hit & Run ومكنتش مصدق إني ربنا اكرمني بزيارة بيته بدون تدبير مني الحقيقة إن الرزق ده شيء عجيب، مهما تحاول تمنطقه بيكون صعب جدًا، وزي ما قال سيدنا علي رضي الله عنه "الرزق نوعان: رزق يطلبك، ورزق تطلبه. فأما الذي يطلبك فسوف يأتيك ولو على ضعفك. وأما الذي تطلبه فلن يأتيك إلا بسعيك. وهو أيضا من رزقك. فالأول فضل الله. والثاني عدل من الله" البوست ده من باب وأما بنعمة ربك فحدث، وعشان الناس متربطش عقولها بالأسباب فقط دايما، مش بقول مناخدش بيها، لكن نفتكر دايما إن في رب كريم الدنيا دي كلها عنده لا تساوي جناح بعوضة فاللهم لك الحمد أن أنعمت علينا بزيارة بيتك، الحرام ولك الحمد على أن ألهمتنا التسبيح والاستغفار، لك الحمد أن أنعمت علينا بنعمة الإسلام، لا إله إلا انت وحدك لا شريك لك❤️

كلام مهم جدا وحقيقي مصطفى من اشطر الشباب اللي اتعاملت معاها في حياتي .. ماشاء الله عليه بأنصح بمتابعته جدًا ❤️

بجد الفيديو ده عظيم جدًا بارك الله في القائمين عليه💙

نصائح عشريناتي عجوز Part1 لو أنت حديث تخرج أو لسه طالب خد النصايح دي من عشريناتي عجوز فرمته الشركات : لما تدخل مكان حاول توري الكل إنك مش جاي تاخد مكان حد، أنت جاي تأدي دور هيعظم نتايجهم فبالتالي وجودك مكسب ليهم، عشان لو انت داخل عليهم وحسوا فيك تهديد اقسم بالله هيطيروك بدون اي مجهود. لما شركة بتختار بين موظفين بتاخد الـ Culture fit أهم من الأشطر لأن الشاطر الغير متناغم مع الثقافة الداخلية يهد الشركة. ركز في شغلك ومش كل حاجة تقول فيها رأيك ولا تبادر بالافكار والكلام دايما عشان متبقاش مكروه من الكل اكسب الافراد قبل مكاسبك الشخصية بلاش تكون شخص اعتمادي شغله بيقف على حد يساعده فيه، لان مع الوقت الناس هتكره تساعدك لان علاقتك علاقة استغلالية نص شطارتك في مهنتك والنص التاني في طريقة تعاملك مع اللي حوليك باختلاف المناصب والشخصيات. بلاش تكون شخص شكاء بكاء المديرين مبيحبوش الموظف الصيوحة اللي بيندب حظه والظروف كلها ضده، الناس بتحب الشخص القوي اللي يقدر يتحمل ظروف وضغوط تعالى متربي من بيتك، ولو مش متربي حاول تتربى قبل ما تنخرط في شركة عشان الشخص الغير سوي نفسيًا واخلاقيا بيتقفش بسرعة والناس مش بتحاول تساعده هيساعدوك لو أنت مش شاطر لكن محدش هيربيك اللي اتربى اتربى واللي مترباش مترباش لو في فوقك حد والحد ده ليه مدير، أوعى تعمل skip للشخص اللي فوقك، وتروح لمديره أنت كده بتبني عداوة أنت مش قدها ومش هتخسر حد غيرك بالله عليك اوعى تكون عصفورة المدير تحت أي ظرف أو تحاول تتودد للمدير بفضح حديث السر اللي بيقوله زملاءك قدامك، عشان دي أمانة، وغير كده مديرك نفسه هيكون عارف انك شخص معندوش أخلاق وبعد ما ياخد غرضه منك هيطيرك لانه عارف انك زي ما فتنت عليهم هتنقل اخباره. بلاش يطلع عليك في الشركة إنك بتطبل لحد عمال على بطال؛ عشان الشخص المطبلاتي بيفضل واخد صف تاني مدى عمره لأنه متعود في يطبل مش متعود يسعى إنه يكون محل الثناء والتقدير. متقبلش غير إنك تكون صف أول وبتحق الناس حقها في اظهار التقدير لأنجازاتهم، ولكن بلاش تبالغ. اعمل Repost واستنى الجزء التاني❤️ #نصايح_مستر_كرييتف #العشريناتي_العجوز

قررت تربي دقنك، هيجيلك إنترفيو مهم في شركة كنت بتحلم بيها، ويقولولك: احلق يا بني عشان تبان مهندم في المقابلة! قررت تبطل تقف مع بنات تهزر، وبطلت تسلم بإيدك عليهم، هتلاقي بنات كتير يقولولك: بقالنا فترة مشوفناكش، هيطلعولك من تحت الأرض! وهتتحط في مواقف معاهم غصب عنك وهيمدوا إيديهم ليك! قررت تبر أبوك وأمك رغم عصبيتهم عليك على الفاضية والمليانة، هيطلبوا منك مشاوير بتبانلك تافهة وانت وراك هم ما يتلم! قررت تبطل ذنب معين، في نفس الوقت كل الظروف حواليك هتتهيأ ليك إنك تعمله! قررت تبطل سجاير، مع أول وقفة ليك مع صحابك هيعزموك بسيجارة! قررت تبطل أغاني، هتركب ميكروباص هتلاقي السواق مشغل الأغنية إياها! هتلاقي صحابك مشيرين ليك تراك الفيلم الأجنبي اللي لسه في السينما! هتلاقي صاحبك عازمك على خطوبته! قررت ما تسيبش فجر، هيجيلك مشوار ترجع منه الساعة 2 بليل ميت، والفجر قرب يأذن! دي مش صدفة، دي سنة ربنا. كل ما تقرب الاختبار بيزيد. لأن الطريق للثبات مش سهل بس يستاهل.

10,000 صديق ومتابع خلال أقل من 90 يوم على لينكدإن! من حوالي 88 يوم كنت لسه بادىء على منصة لينكدإن، لا حد يعرفني ولا انا اعرف حد، وكنت مسترخم جدًا جدًا المنصة لكن بالإصرار والمعافرة قدرت بفضل الله أحقق أكتر من 1,600,000 Impressions ومحتوايا وصل تقريبا لـ 500,000 شخص عرف مستر كرييتف، وأهتم بمحتواه (هسيبلكم الداشبورد في أول كومنت بس قولوا ماشاء الله) حابب أقول إن لينكدإن منصة مش أصعب حاجة، وتقدر تحقق عليها انتشار سريع وتشقط فرص محترمة، زي ما بيقولوا، وده مش كلام تسويقي والله أنا بكلمك عن تجربة، جودة عملاء لينكدإن أعلى، لذلك هي منصة تستحق الاستثمار فيها وفي النهاية شكرًا لدعمكم، وشكرا للناس اللي ساعدتني في بدايتي على المنصة، وبإذن الله انتظروا مني مفاجئة الأيام القادمة للناس اللي كارهه المنصة، ونفسها تتواجد عليها وتحقق انتشار، وتجذب عملاء جدد💛 #مستر_كرييتف #مستر_كرييتف_على_لينكدإن

أهم الأدعية في يوم عرفه♥️ { وَذَكِّرْ فَإِنَّ الذِّكْرَى تَنْفَعُ الْمُؤْمِنِينَ }

البوست اللي اوعدك هتندم عليه كمان 3 شهور لو فاتك! لأن بكل بساطة ده إعلان واحدة من أهم البرامج اللي هتساعدك تحتل لينكدإن! أهلاً بيكم في LinkedIn Accelerator Camp! وده بروجرام غير أي بروجرام، لأني مش جاي ابيعلك كلام نظري، أنا بقدملك وعود هنمشي سوا خطوة بخطوة لمدة 3 شهور لحد ما أتطمن إنك حققتها، وكمان قادر تكمل الطريق لوحدك من غير أي حد. كامب هتطلع منه مهم كنت بتكره المنصة، هي أحب المنصات ليك. هتفهم خوارزميات المنصة وازاي تتعامل معاها بشكل يخلي الاكونت بتاعك يكون بيكبر بطريقة مرعبة، ومش بس كده! أنا مش هسيبك قبل ما توصل +5K followers على الأقل، وإنك تكون من أهم 100 مؤثر في صناعتك، وكمان محقق أول lead من المنصة بإذن الله حتى لو كنت متعرفش حاجة عنها. كل ده بوعد بيه بفضل الله بعد تجربتي بإيدي الخطة دي على نفسي ثم كام شخص مقرب مني حققت لهم نفس النتايج لو مهتم تعرف أكتر عن الكامب، ابعت كلمة "كامب" على الرقم التالي، عشان تلحق خصم الـ early bird 👇🏻 wa.me/+201157313495

لما تعرف انها بتحب البرتقان صورة بروفايلك تاني يوم : Mohamed Bahaa 😂😂

بمناسبة دخول امتحانات ثانوية عامة وكده 😂 Mohamed Aboulnaga

عندي ليكم خبر سيء 🙃 إنه ابتداءً من يوم ١/٧ الموافق الثلاثاء الجاي كل استشاراتي اللي سعرها تحت 1000ج سعرها هيزيد وده عشان يكون السعر متناسب مع مقدمي الخدمات المماثلة؛ لأني اكتشفت اني بدي وقت اكتر بتقريبا نص السعر فللأسف آخر يوم للأسعار دي هيكون يوم ٣٠/٦ اللي هو يوم الاثنين الجاي ده لينك المنصة لو حابب تعرف أكتر عن أي الاستشارات المقدمة أو لو حابب تحجز قبل الزيادات 👇🏻 https://lnkd.in/dA4bP_BK

الإنسان الوحيد السوي وسط مجتمع الحلاليف اللي الواحد عايش فيه 🤎 Muhammad youssif دايما جميل ❤️

Mohamed Aboulnaga حمدلله ع السلامة يا مَلِك😂❤

كنت أعتقد أن قضاء الحوائج بالكتمان هدفه تجنب الحسد فقط، لكن مع الأيام أدركت أنه أعمق بكثير. استعينوا بالكتمان حتى لا تُصابوا بخيبات الأمل علنًا، فهي الأكثر ألمًا. واستعينوا بالكتمان لأن الطاقات قد تُهدر في القول بدلًا من الفعل. ففرحة الوصول وحدكم وبجهدكم ليس لها ثمن.

مصيدة المحترفين! واحدة من أكبر الأخطاء اللي بيقع فيها الكثير من الـ Professionals أثناء رحلتهم في بناء علامتهم الشخصية (Personal Branding) واللي أنا شخصيًا في فترة ما كنت أحد ضحاياها آلا وهي الـ Overpromising! أحيانا معظمنا بظن خاطىء بيفكر إن كتر عرض الانجازات وتفنن الظهور، هو أكتر شيء ايجابي ممكن يعمله في برانده الشخصي، لكن الحقيقة إن الأبحاث في علم الإدراك الاجتماعي (Social Cognition) تشير إلى أن المبالغة في عرض النجاحات لا تزيد الثقة، بل ترفع سقف التوقعات إلى مستوى يصعب الوفاء به. رفع سقف التوقعات (Expectation Inflation) دراسات إدارة التوقعات (Expectation Management) توضّح أن: الإنسان لا يقيم التجربة بناءً على النتيجة المطلقة بل بناءً على الفرق بين ما توقّعه وما حصل عليه بالتالي: كلما زاد الوعد… زادت مساحة الخيبة المحتملة! الـ Overpromising هيجيبلك مئات العملاء، بس المشكلة انهم مش عاوزين خدمتك، هم عاوزين نفس النتايج بنفس البساطة اللي عرضت بيها الموضوع أبحاث الثقة المهنية (Professional Trust) تؤكد أن: عدم تحقيق وعد واحد يدمّر أثر عدة وعود ناجحة سابقة لأن دايما المقارنة مش هتكون انت VS السوق المقارنة الحقيقية هتكون اللي وعدت بيه VS اللي قدمته بالفعل طيب الحل ايه يا كرييتف؟ الحل في القاعدة الذهبية (المثبتة علميًا) : Underpromise & Overdeliver أعلى معدلات الرضا تأتي عندما: تعرض 60% وتقدّم 80% وليس العكس: تعرض 95% ثم تقدّم 85% لأن الإحساس الإيجابي لا يأتي من الكمال بل من تجاوز التوقعات. عشان كده خدها قاعدة : يا تخليك قد كلامك، يا تخلي كلامك قدك!😉

فاعمل لأيامك حتى لا تندم!

HKJ HKSHK [LDG ,PJLH S,T JWG yGN LVH]; ❤️ مفهمتش حاجة صح؟ ولا أنا! والغريب إن اللي كتب الجملة دي… هو أنا. وهي دي بالضبط المشكلة اللي بتطارد أي حد بيشتغل طول الوقت على الموبايل… وبيكره اللابتوب زيي. أنا حرفيًا معظم سنين حياتي المهنية بعمل كل حاجة من الموبايل: تصميم… كتابة… شغل… محتوى… لدرجة إن التعامل مع كيبورد اللاب توب بقى تحدي مش طبيعي. ومع الوقت بقيت بعاني من مشكلتين : الاولى هي إن كتابتي على الكيبورد اصبحت بطيئة وعشان تبقى اسرع لازم ابص للكيبورد التانية مشكلة أكبر وهي اني مخدش بالي انا بكتب بأي لغة يعني اكتب انجلش بحروف عربية وعربي بحروف انجليزية وأخد الصدمة بعد ما ابص في الشاشة بعد جملتين طوال وأحيانا بكون ناسيهم الموضوع كل مره كان بيزعجني لحد ما في يوم فاض بيا الكل وقولت انا لازم احط حد للموضوع ده وعليه انا هشوف تول تساعدني احل مشكلة الكتابة وتعمل تصحيح تلقائي .. بدأت ألجاء ل شات جي بي تي ولكنه كان بيتوه زيي ويقعد يهلوس وبدأت افقد الامل لحد ما فكرت استعين بمبرمج بس سمعت منه ارقام غريبة في تول اقل ما يقال عنها انها تافهة لكن انا محتاجها .. وقتها خدت قراري أنا اللي هبني الابلكيشن! بس هدي يا ابو الشباب! انت تعرف برمجة؟ .. نو طيب بتعرف تكتب كود واحد؟ .. نو طيب اصلا انت بتعرف تشتغل على اللاب توب؟ .. نو امممممم طيب يلا يا حبيبي هنرش مياه لحد ما اكتشفت حاجة غيرت كل مفاهيمي : Replit 🧡 المنصة اللي ساعدتني أحل مشكلتي في نص ساعة! اه والله في نص ساعة وبدون كود واحد ولا فهم لأي شيء في البرمجة، والامتع من كده انه من غير ما استخدم أي PC! بموبايل أبلكيشن كتبتله برومت وبعدها بدأت اعيش واحده من أسعد ساعات حياتي وانا قاعد مع مبرمج افتراضي بيبرمجلي ابلكيشن يحللي مشكلتي وبيبرمج قدامي خطوة بخطوة وبيختبر الأكواد قدامي وكل ده في لايف بتفرج على اللي بيحصل .. شايفه بيصمم وينفذ ويقولي حصلت مشكلة كذا هشوف سببها وارجعلك بعد كده يرجع بسبب المشكلة ويقولي هروح احلها فيدخل يحلها ويرجعلي وخلال نص ساعة او بالظبط 32 دقيقة كنت اخدت الابلكيشن بتاعي جاهز على النشر وبجد انا عشت لذة متعة الرحلة اللي كلمت بلذة الوصول المنصة حاليا حسب ما منتشر انها بتستعد قريب لأاضافة اللغة العربية كمان جمب اللغات اللاتنينية عشان تخليك تقدر تكتب البروموت بالعربي عادي والحقيقة ان البوست مش مكتوب كإعلان .. البوست مكتوب عشان انا فعلا فعلا مبسوط ان مشكلتي اتحلت واضح اني الفترة الجاية هستخدم Replit كتير جدا لاني اشبه بالمكبوت قديما بسبب اني ياما دفنت افكار لمجرد اني مش فاهم برمجة - لينك الموبايل تحميل ابلكيشن أندرويد وايفون: https://replit.com/mobile - لينك الويبسايت: https://replit.com/ وبسكده دي كانت تجربتي المبدئية لريبلت واشوفكم في فيدباك جديد ❤️

أول 50,000 متابع في أقل من 6 شهور .. تفتكروا ازاي؟ (اقرأ البوست للآخر هتلاقيني سايبلك مفاجئة 🎁) لو حد جه وقالي من 6 شهور إني هيبقى عندي على لينكدإن 50 الف متابع كمان سنتين مش بس 6 شهور أو إني هعمل برنامج هيشارك فيه 50 من أهم رواد الأعمال المعروفين وأصحاب الشركات واني هساعدهم يحققوا أرقام مهولة زي اللي حققوها، يستحيل إني كنت هصدقه .. اصل مش منطقي يحصل ده على منصة أنا كنت بعتبرها الأكثر بُغض لقلبي وقتها بس الحقيقة هو كرم ربنا وترتيباته القدرية جميل جدا، فأقابل شخص يحاول يجبرني انشر عليها ويركز معايا في اول شهر لحد ما احب المنصة، وقدرا الشخص ده يتقلب عليا 180 درجة ويحاول يأذيني في شغلي وفي حياتي بس ربنا ينجيني منه .. بجد مفارقة عجيبة من ضمن المفارقات العجيبة إني في أواخر شهر نوفمبر الماضي قابلت وعرفت صديقي وأول شخص أخد بإيدي على المنصة Ayman Elsherbiny كنت بقنعه وقتها إنه يروح فيسبوك أهم من لينكدإن وهو كان بيقنعني أدخل لينكدإن وأنا مش مقتنع النهاردة وبعد أقل من 6 شهور من مدراسة للمحتوى الغربي والعربي ومذاكرة وتحليل لسلوكيات المؤثرين العرب وغير العرب، وفهم للخوارزميات بقيت بأطور استراتيجيات وخدمات مبتكرة لم يسبق أن وجدت في الوطن العربي لتسهيل عملية الانتشار على لينكدإن (هتعرفوها الفترة الجاية) وحقيقي ويشهد الله على ما في قلبي إن رؤيتي وحلمي واللي قدرت أحققه على سكيل صغير هو مساعدة الأفراد إنهم ينتشروا على المنصة الانتشار اللي يحققلهم فرص .. انهم يقدروا يستخدموا المنصة من غير احساس الصعوبة والبُغض ليها .. هدف الحالي أساعد عدد كبير من رواد الأعمال وقادة الفكر وكافة المهنيين العرب على دخول المنصة وحل كل مشاكلهم .. الموضوع أكبر من بوستات وريتش وأرقام .. الموضوع رسالة أنا واحد من الناس لينكدإن بالنسبة لي ساعدني بفرص دولية وعلاقات دولية وتعزيز صورتي الذهنية وأهم حاجة بجد إنه ساعدني يرجعلي التحكم في وقتي من السوشيال ميديا .. لا بقيت بشغل بالي مين قال ولا فلان عمل ايه واتحول حسام من اللي بيقضي على الأقل 3 ساعات يوميا على فيسبوك لشخص مش بيطيق يفتحه .. عشان كده أنا بقيت بحب لينكدإن مش عشان بقضي عليه وقت ممتع بس عشان مش بيسرقني، عشان هو أمين على وقتي، وأي وقت أو مجهود استثمرته فيه رجعلي مضاعف بفضل الله أنا عارف إن عدد المتابعين مش إنجاز لكن الأثر اللي حصل في حياتي وحياة اللي ساعدتهم بسبب لينكدإن كان كبير جدا وعشان كده بدعي ربنا يوفقني أنشر الاثر ده وأساعد ناس أكتر وبمناسبة الـ 50,000 الفترة الجاية هتشوفوا محتوى أكثر تخصصًا هيساعدكم تحققوا أهدافهكم، وهيكون أكتر من مجرد مشاركة لقيمي ومعتقداتي فقط. هنتطرق للتسويق .. كتابة المحتوى .. استراتيجيات ونصائح الانتشار على لينكدإن .. نصائح للمهنيين ومشاركتكم رحلتي العملية والعلمية ومش بس كده أنا هرجع MR CREATIVE COMMUNITY يشتغل تاني ومجهزلكم شوية ضيوف ومواضيع للنقاش وسيشنز فور فري .. من الآخر هدلعكم 🌚🫵🏻 (لو لسه مش في الكوميونيتي هسيبلك اللينك في أول كومنت، علشان تكون مستعد لما نبدأ) ده لأني لاحظت إني مبقاش عندي متابعين .. أنا بقى عندي عيلة .. عيلة بتفرح لفرحي وبشاركهم أفكار وأحزاني وبتعلم من تعلقاتهم وبحب نصايحهم ليا ، والعيلة دي بقى انت يا صديقي الغالي اللي وصلت لحد هنا واحد منهم .. بحبك في الله 🤎 #شكرًا_50_الف_مرة #مستر_كرييتف_على_لينكدإن #أول_50_الف_في_رحلة_المليون

بسم الله ماشاء الله حقيقي فخور جدا بنتيجة تعب استاذة شيماء خلال رحلة برنامج linkedin accelerator camp اللي كانت مدته 3 شهور متواصلة وحقيقي انا مبسوط من كرم ربنا انه جعلني سبب في سعادتها بتعبها وانها حققت الهدف اللي انضمت للكامب علشانه والبوست فيه نصايح مهمة مجانية لاي حد عاوز يطور حسابه نفذوها وبإذن الله تفرق معاكم ♥️

اللهم لك الحمد .. المركز الرابع لينكدإن مصر في مجال التسويق ❤️ الرانك ده مش معناه اني رابع اهم حد في مصر في المجال، لكن معناه توفيق ربنا قبل اي شيء، واني مركز على استمرارية خطواتي الصغيرة، وفهمي للخوازميات وللمنصة شكرا صديقي Mohamed Elsherif اللي عرفني الرانك بتاعي 🤎

بعض اللقاءات لا تُخطَّط… بل تُقدَّر! 🤎 خلال الفترة من 25 يناير إلى 7 فبراير، سأكون متواجد بإذن الله في مكة المكرمة والمدينة المنورة. وخلال هذه الأيام، يسعدني اللقاء والتعارف مع أشخاص مهتمين بالأعمال، الشركات الناشئة، التطوير الشخصي، وتطوير الأعمال. اهتم بالحوار حول: Business & Startups Personal Development Business Development Marketing & Growth دون أي هدف تجاري أو عروض، فقط لقاءات هادئة لتبادل الخبرات، مشاركة الاهتمامات، والنقاش حول التجارب الواقعية. كما يشرّفني الانضمام إلى أي لقاءات أو جلسات منظَّمة للأفراد أو المجموعات خلال هذه الفترة، متى ما كان فيها قيمة حقيقية للحوار. لمن يرى أن هذا اللقاء قد يكون مفيدًا، يسعدني التواصل عبر الرسائل الخاصة. 🤎📥

بإذن الله يوم 23 سبتمبر هكون موجود في Arab Media Intelligence Network (AMIN) Executive Lab Gathering – في القاهرة كـ VIP Guest. اليوم هيكون فيه خبراء هيشرحولنا محتوى عملي عن TikTok Trends و Agentive AI. + فرص Networking كويسة. لينك التسجيل - لو لسه فاضل اماكن 👇🏻 https://lnkd.in/dBSch2nJ

الواحد بيشتغل عشان يسمع الفيدباك ده والله💙 ربنا يجعلنا من راغبي الأثر 🤲🏻 (سايبلك هدية في أول كومنت👇🏻)

2000+ followers في 4 أيام على لينكدإن! بعد ما احتفلت يوم الجمعة بـ 10,000 متابع على لينكدإن بفضل الله، النهاردة لقيتني بقيت 12,000 وده في خلال 4 أيام بس! اللي يعرفني من مدة عارف اني شخص كان بيكره لينكدإن وعاشق للفيسبوك، ولكن مؤخرًا وبعد ما بدأت على لينكدإن اكتشفت ان الواحد كان ضايع عليه كم فرص في مصر وبره مصر لا تعد ولا تحصى والله يعني على سبيل المثال : - غالبية استشاراتي اللي من برة مصر جات من لينكدإن - عدد كبير من عملائي الحاليين جايين من لينكدإن - 3 فرص مهمين يتعلقوا بالمحتوى من جهات كبيرة ومعروفة جات من لينكدإن (هحكيلكم عنهم في بوستات جايه) كل ده وأكتر وأنا تواجدي على المنصة يدوب 93 يوم بس! عشان كده لو مأجل خطوة انك تبدأ لينكدإن، البوست ده ليك عشان اقولك ابدأ من دلوقتي ومتستناش وتقعد تتحجج ولو حابب تبدأ بس مش عارف تعمل ايه، تابعني والأيام الجاية هيكون في مفاجئة كبيرة جدا جدا جدا💛🖤 #مستر_كرييتف_على_لينكدإن

هل كلامك في الـ HACCP ممكن يخليك تبقى من أهم ٢٠٠ مؤثر على لينكدإن؟ دكتورة Aya Zaki، دكتورة متخصصة في مجال سلامة الغذاء يعني تخصص داخل تخصص الـ F&B من فترة استشارتني في بعض الامور المتعلقة بـ لينكدإن وبفضل الله من أول يوم لقيت أثر واضح جدا على نتايجها وارقامها المسألة كلها إن دكتورة آيه استشاراتها كانت في شهر نوفمبر اللي فات، ومشكورة في بودكاست ليها مع د.مدحت ياسين ذكرت قد ايه مساعدتي ليها بالتعاون مع وحش لينكدإن أ.ايمن الشربيني خلتها مبهورة بأداء حسابها على المنصة (هسيبلك لينك الفيديو في اول كومنت) والحمدلله النهاردة دكتورة آيه قدرت باستمراريتها على النصايح وتطوير محتواها توصل لأنها برغم التخصص، تكون واحده من ضمن أهم ٢٠٠ مؤثر على لينكدإن مصر في كل المجالات. والحقيقة كلامها الطيب ده شجعني اعمل اوفر محترم على استشارات لينكدإن عندي لمدة 48 ساعة. فلو أنت شخص حابب يظهر على لينكدإن أو عندك مشاكل بتعيق ظهورك وصولك اوعدك إن في قعدة واحده بإذن الله هنحل كل ده سوا احجز استشارة LinkedIn" Explosion" اللي هتلاقيني سايبلك رابطها في أول كومنت 👇🏻 ولو متعرفنيش فأنا مستر كرييتف، Marketing Strategist وفاوندر لـ 2 Agencies واحده متخصصة في الـ Organic Growth on Social Media، عن طريق دمج الـ BD مع الـ Social Media Marketing والتانية تعتبر الاولى من نوعها في مصر والوطن العربي، ومتخصصة في الـ Entertainment Content Marketing (التسويق بالمحتوى الترفيهي) ودي احنا بس اللي معانا الـ Secret sauce 👀 متضيعش من ايدك فرصة الخصم..مستنيك!💙

تتعدد الألقاب والمسميات، ويبقى خلفها رجل واحد! ، من ضابط حربية، لمؤسس براند Diet and cheat العالمي في مجال التدريب الأونلاين، وحاصل على MBA في الماركتنج، وطالب بكلية الحاسبات؛ فاعلم أن وراء كل ذلك رجل واحد وهو كوتش Adham Moussa ! هيكون معانا صديقي الجميل أدهم موسى كضيف ليلة بكرة في Mr Creative Community خليكم جاهزين الساعة 9 مساءًا، في ليلة هتدور محاور النقاش فيها حولين : رحلة تحوله من موظف حكومي لرائد أعمال، وصاحب شركة عالمية وهنعرف ازاي قدر يتعلم ويطور نفسه، في المجالات اللي ساعدته يبني شركته وهيكون في مفاجئة كبيرة في آخر السيشن للحاضرين، ودي بمناسبة بدء Adham Moussa Community الخاص بكوتش أدهم هسيبلك لينكات Mr Creative Community, Adham moussa Community في أول كومنت 👇🏻 مستنيكم 💛🖤

الإنسان مبسوط من كرم الله والله💙 الكامب في أول ٣ أيام، تقريبا تم حجز غالبية مقاعده، ومعظم اللي حاجزين تبارك الله أسامي كبيرة جدا في مجالاتهم، وده امتحان كبير ربنا يجعلني قده، واقدر اساعدهم يحققوا أهدافهم على منصة لينكدإن (تقدر تشوف مين هيحضر من هنا عشان الـ Networking 😉👈) https://lnkd.in/dSxvrjim الحقيقة في الأول كنت قلقان الكامب حجوزاته تكون قليلة، لكن دلوقتي القلق اتحول لتحدي ما بيني وبين نفسي، إن في خلال ال ٣ شهور الجايين أكون عملت أجمد Case studies في مجال الـ LinkedIn optimization لو حابب الأكونت بتاعك يكون واحد منهم، سيب كلمة "كامب" وهنرد عليك بالتفاصيل بذكر نفسي وإياكم إن إحنا كنافة، وملناش من الأمر شيء إنما هو توفيق الله، فله الحمد في كل وقت وحين ادعولي بالتوفيق❤️

استعوض ربنا في حساب لينكدإن لو مخدتش بالك من التركاية المهمة دي : لو بتعمل كومنتات من نوع : thank you for sharing, informative, deserve to read...الخ من التعليقات دي أرجوك بلاش عشان ضررها أكبر من نفعها. وده عشان favikon بعد ما اضافت الـ authenticity score بقى من ضمن معايير ال score ده حاجة اسمها Engagement quality ودي بتقيس جودة تفاعلك مع اللي حوليك سواء بالكومنتات أو بردودك عليهم وده سبب وقوع أهم المؤثرين على المنصة الشهر اللي فات، لأنه الكل كان بيلعب بمبدأ Quantity not quality؛ لكن حالياً هي بقت العكس. وده اللي خلى ناس كتير تواجدها أقل على المنصة يقدروا يصعدوا لرنكات كتير لذلك العب على ان ردك يكون حقيقي، وحاول ميكونش مكتوب Ai أو Templated ضيف على ده إن مشكلة الـ Authenticity score هي إنه بيتم احتسابه تقريبا مره كل شهر حتى لو كنت مشترك في المنصة (فعلى الأقل لو وقعت هتفضل واقع شهر) لذالك نحاول لما نعمل كومنت نعمل كومنت حقيقي، ويُفضل منكونش بنقول كلام ثابت من عينة بالتوفيق يارب..ماشاء الله..الف مبروك عشان بيتم تصنيفها كـ templated والصورة بتوضح تقييمي الشهر اللي فات بعد ما وقعت في نفس الغلطة دي اعمل Repost وعرف غيرك🌹

لأجل اننا مسلمون. ولأن تعظيم شعائر الله فريضه {ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ} عيدكم مبارك وكل عام وانتم بخير 💙💚

ايه سر تقديم استشارات ناجحه؟ بما اني بفضل الله مقدم أكتر من 65 استشارة في الماركتنج، الكونتنت، البيزنس، والكارير كوتشنج على I can coach you، والحمدلله مبديش نصايح غير من واقع تجربتي الشخصية في أمور مارستها بإيدي وعملت فيها أرقام كويسة الحمدلله. عشان كده قررت أشارككم أهم أسرار نجاح استشاراتي : السر هو إن كل مرة بيدخل فيها حد معايا استشارة، بكون حريص على 3 حاجات: 1. أطلّعه عامل إشباع لرغباته. وهي الحاجات اللي خلته حاسس إنه عاوز استشارة، حتى لو هي أمور مش لُب مشكلته الحقيقية. 2. أطلّعه واخد احتياجه الحقيقي. وهي الحاجات اللي فعلا هو محتاجها وهتخدم الهدف الرئيسي اللي بيسعى ليه حتى لو أحيانًا هو مش واخد باله إنه ده أساس المشكلة، وده طبعًا من وجهة نظري البسيطة ولكن الفعالة بفضل الله. 3. أوفّر له الدعم اللي يخليه يطلع من الاستشارة مبسوط وحاسس إنها فعلاً فرقت معاه. والآخيرة دي اتعلمتها من شغلي في الصيدليات زمان، لما دكتور (ربنا يبارك له) قالي: "نص علاج الشخص اللي قدامك في استقباله ودعمه نفسيًا صح، لأن اللي بيدخل عليك بيكون تعبان، فطبيعي مزاجه مش كويس ومحتاج الدعم ده زي ما محتاج العلاج." فالحمدلله على نعمة استخدامنا في مساعدة الناس بمعرفتنا المتواضعة ❤️ هتلاقيني سايبلك هدية في أول كومنت👇🏻 #يوميات_مستر_كرييتف

وشوفلك شركة تانيه .. وأرض تانيه👊🏻 Amr Hapip عاش يا حبيبي ربنا يوسع عليك🤎

حقيقي شرف كبير ليا، مستر محمد ابو حميد تبارك الله من أفضل العقليات اللي تناقشت معاها شخص خبرته أكتر من 24 عام في مجالي المبيعات وتطوير الأعمال في عدة اسواق عربية أهمها السعودية بخبرة تفوق الـ 15 عام بشركات مرموقة منها Unilever وماشاء شخص شغوف بالعلم والمعرفة للمجالات كتيرة الـ Marketing, الـ Ai, والـ Graphic Designing وغيرها من المجالات حقيقي كانت من امتع استشاراتي، وسعيد جدا بالفيدباك الطيب ده من شخص الكريم بدون اتفاق مسبق والله ❤️ أنت كمان لو حابب تحجز استشارة هتلاقي لينك الحجز في أول كومنت 👇🏻

احجز الاستشارة اللي تعجبك، وادفع اللي تقدر عليه! من النهاردة لحد يوم ١٥ في الشهر، كل استشارتي(فيما عدا الاوفلاين) بقت متاحة لأي حد يقدر يدفع اللي يناسبه حتى لو ١٠ج يعني هتحجز الاستشارة اللي تحبها سواء كانت في البيرسونال براندنج أو الكونتنت ماركتنج، الكارير كوتشنج..الخ، وتدفع اي مبلغ تقدر عليه وده في سبيل اسعاد ومساعدة الناس الجدير بالذكر إني بفضل الله عامل اكتر من ٥٤ استشارة والحمدلله الفيدباكس كلها ايجابية والناس بالفعل استفادوا العرض متاح لحد يوم ١٥ بإذن الله اتواصل مع التيم هنا عشان تحجز الاستشارة 👇🏻 wa.me/+201140248261

أنا مين وبعمل إيه وهساعدك إزاي؟ أنا حسام خالد أو المعروف بـ(MR CREATIVE). خريج كلية ألسن قسم لغة ألمانية، اشتغلت في عدة مجالات وبدأت رحلتي في البيزنس والـ Start Ups من وأنا في 3 كلية وبعدين اتعمقت أكتر في عالم الماركتنج واشتغلت في أكتر من صناعة ومكان وحققت نجاحات هتعرفوها أكتر الفترة الجاية 💙 أنا فاوندر لـ Funflunce أول وكالة تسويق في مصر والوطن العربي تتخصص في الـ Entertainment Content Marketing (التسويق بالمحتوى الترفيهي عبر منصات التواصل الاجتماعي) وفاوندر لـ NIMZ Marketing Agency وهي وكالة تسويق متخصصة في الـ Organic Growth on Social media للبراندت الصغيرة والمتوسطة وإدارة منصات التواصل الاجتماعي، بشكل يقدر يخليك تضمن انتشار وظهور دائم وعلاقة ارتباط عاطفي ما بين عميلك والبراند بتاعك. والحمدلله برغم إننا بدأنا الكيانين في شهر نوفمبر الماضي وقعدنا شغالين بدون ما نعلن لحد يوم ١٥ مارس الماضي، لكن بفضل الله قدرنا نستقطب عدد كبير من العملاء بأحجام مختلفة؛ من عملاء داخل مصر وخارجها وفي قطاعات مختلفة وخصوصًا في مجال التعليم بمختلف تخصصاته ومجال مستحضرات التجميل. في خلال السنين اللي فاتت اشتغلت في مجالات كتير ما بين تسويق خدمات أو تسويق منتجات منها: • Education • Cosmetics • Men's Wear • F&B • Artificial Roses واللي بفضل الله FUNFLUENCE و NIMZ MARKETING AGENCY بينافسوا فيهم بقوة علشان ينتزعوا لعملائهم حصة سوقية من المنافسين، وده مش عن طريق المحتوى فقط؛ لأننا متابعين جيدين للعملاء والمنافسين فبنقدر نطلع منتجات جديدة أو خدمات جديدة تمثل revenue stream جديد للبراند وتلبي احتياج العميل وترفع مدى رضاه وارتباطه بالبراند إزاي ممكن أساعدك كحسام؟ وليه ممكن تتابعني؟ لو أنت Business Owner أو مقدم خدمات تسويقية ممكن أساعدك في التالي: • أقدملك استشارة تسويقية فيما يتعلق بالتسويق بالمحتوى بشكل عام أو المحتوى الترفيهي بشكل خاص. • أساعدك في وضع استراتيجبات التسويق للبيزنس بتاعك طالما في الصناعات اللي اشتغلت فيها اساعدك تعمل Personal Branding لنفسك. طيب لو أنت كاتب محتوى/ ماركتير/ طالب ليه تتابعني؟ • مبدئيا عملتلك كوميونيتي مجاني بشارك فيه نصايح وبنعمل فيه سيشنز لعتاولة الـ Creative Industry وده اللينك بتاعه 👇🏻 https://lnkd.in/dFEfPJs7 • هساعدك تعرف أكتر حاجات مش هتتقالك في كورسات • هضيقلك الفجوة بين محتوى الكورسات وسوق العمل • كل فترة هنزل انترنشيب مدفوع عندي في الإيجنسيز فخليك متابع بعمل ميمز وكوميكس هتبسطك وآخيرًا أهم حاجة تعرفها قبل ما تفكر تبعتلي إني بشتغل بضوابط شرعية فمش بشتغل بميوزيك ولا صور نساء..الخ، ولكن ده مش معناه إني مش بشتغل في صناعات بتقدم منتجات البشرة والشعر لأنها تاني أكتر صناعة الواحد معروف فيها بفضل الله، ولكن الشطارة في إننا نكسبها دنيا وآخره ودي كانت #قصة_مستر_كريتيڤ ✨ لو مستعد تبدأ رحلة نجاح جديدة، متنساش تتابعني! ✌🏻

الوداع يا أم القرى💔 حقيقي من أصعب اللحظات اللي مرت عليا، لحظة توديعي للكعبة وأنا بتخيل إن بكرة مش هصلي الفجر خلف الشيخ ياسر الدوسري، أو هجلس أرتاح وامتع عيني بالنظر لبيت الله، أو اني انزل أطوف وقت ما أحب .. بجد إحساس صعب أسأل الله أن يرزقنا عودة قريبة يارب وكل من قال آمين🤲

حكمة اليوم 🤓

برغم اني مبحبش المشاركة في التريندات، بس الموصوع لذيذ جربوه 😂❤️ الـ Prompt : Create a caricature of me and my job based on everything you know about me

لو شغلك كله قدام شاشة… أهم أداة بتملكها بتدفع الثمن وأنت مش واخد بالك. في عالم الـ Digital، الشاشة بقت أداة الشغل الأساسية. بس للأسف، الاستخدام الطويل بيؤثر على أهم أداة في جسمك: عينك. لو بتحس بـ: زغللة أو حرقان في العين صداع بيزيد آخر اليوم ضعف في التركيز أو حتى صعوبة في الرؤية لفترات فده مش "إجهاد شغل عادي"… ده تنبيه من جسمك إن في حاجة غلط. عشان كده هشاركك نصايح مجمعة من متخصصين وتجارب ناس شغلهم كله على شاشات هتساعدك تحافظ على عينيك : 1. قاعدة 20-20-20 (أو 30-30): كل 20-30 دقيقة، ابص على أي حاجة على بعد 6 متر لمدة 20 ثانية. دي استراحة سريعة لعضلات العين. 2. اشرب مياه كفاية: جفاف الجسم = جفاف العين. حاول توصل لـ 50٪ من وزنك مياه يوميًا (باللتر). 3. قطرات مرطبة للعين: حتى لو مش لابس نظارة. جرّب: Polyfresh Blink Systane 4. فعّل الوضع الليلي وقلل السطوع: استخدم Dark Mode جرب f.lux أو Night Light على الموبايل فعّل Eye Comfort أو True Tone 5. النظارات BlueCut: ناس كتير ارتاحت بيها، وناس لأ. جرّب، لكن لو سببت لك تعب، بلاش تكمل. 6. كمادات دافئة: بتساعد على إراحة عضلات العين وتحفيز إفراز الدموع الطبيعية. 7. لو الأعراض مستمرة: زغللة، صداع، إحمرار، دموع، أو حساسية للنور؟ راجع طبيب مختص. أحيانًا بيكون في جفاف مزمن أو مشاكل في العصب البصري. 8. برامج وأدوات بتقلل إجهاد العين: CareUEyes Twilight Eye Saver f.lux تنويه مهم: كل جسم غير التاني. اللي بينفع مع غيرك مش شرط يشتغل معاك. لكن الحفاظ على عينك دلوقتي أفضل بكتير من علاجها بعدين. لو بتشتغل وقت طويل قدام شاشة، شارك البوست ده. يمكن يكون سبب بسيط في إن حد يحافظ على أهم أداة في شغله. #صحة_العين #شغل_اونلاين #Productivity #Wellbeing #RemoteWork #DigitalHealth #MrCreativeTips

الشاب اللي ماسك حساب ايران بالعربية ده جاحد😂 منزل من كام يوم بوست بيقول فيه "احنا يا هندخل التاريخ يا هنخرج من الجغرافيا" 😂 😂 مثال حي لـ شر البلية ما يضحك

الانسان فخور باستاذة ولاء وبإن تعبها والتزامها بالمتابعات على مدار 3 شهور اتكلل بالنتايج المبهرة دي رحلة بدأت بأكونت عادي على لينكدإن، وانتهت بأكونت واخد مركز تاني على مستوى العالم للمتحدثين باللغة العربية وكمان بعد الشيخة لطيفة بنت راشد آل مكتوم💙 سعيد إن متابعتي كانت سبب في سعادة انسانة مجتهدة تستاهل السعادة

في لحظة تأمل كده للنقشبندي وهو بيقول "وانظر لحالي في خوفٍ وفي طمعٍ" اندهشت من جمال ربنا عز وجل! ربنا عز وجل هو الوحيد اللي يحب سؤالك على عكس البشر ربنا عز وجل هو الوحيد اللي يحبك تطمع فيما عنده لكن البشر لاء ربنا عز وجل هو الوحيد اللي بيرزقك وبيسترك وانت بتعصيه ومش سامع كلامه فسبحان الله الذي لا إله إلا هو نستغفره ونتوب إليه🌺

يلا نشير يا أهل الخير!🤎 اللي عنده فرصة حلوة يبعت لمستر Salah Moghazy ، واللي معندوش يتفاعل ويسيبله دعوة حلوة ويعمل شير للبوست لعل ربنا يكرمه ونكون سبب في ده رقم تواصل واتساب : https://lnkd.in/d4kJ87bG يلا نتسابق في الخير🌺

وما توفيقي إلا بالله 🤎 فاللهم لك الحمد حتى ترضى 🤲 شكرًا The Arab Icons على هذا المقال الرائع

النسخة الأكثر طلبًا بعدد مقاعد محدودة! آخيرًا وبعد طول انتظار يسعدني أقدملك "LinkedIn Explosion" النسخة المخصصة للفريلانسرز! واللي مش مجرد برنامج تدريبي على استخدام لينكدإن، ده أول حاضنة نمو للبراند الشخصي للفريلانسرز في مصر! هتتعلم فيه أهم الاستراتيجيات اللي هتساعدك كفريلانسر تحقق أهدافك المهنية، وتكون من الـ Top 1% في مجالك. البروجرام ده مش معمول لغرض الربحية قد ما هو فرصة بمناسبة دخول شهر رمضان لتغيير حياة 10 فريلانسرز حابين يدخلوا السوق السعودي ويستهدفوا عملاء بـ Ticket Price أعلى بشرط يكون عندهم الجدية التامة للإلتزام بالتدريب. تفاصيل التدريب كالتالي : - التدريب أونلاين بالكامل وهو عبارة عن ٤ سيشن شرح ومتابعة خلال التدريب هتتعلم فيه : - كيفية بناء براند شخصي كفريلانسر - كيفية تهيئة وتحسين حساب لينكدإن - أهم تريكات النمو على منصة لينكدإن - أهم تطبيقات الـ Ai لبناء البراند الشخصي - أساسيات التسعير المناسبة للسوق السعودي - كيفية توطيد العلاقات مع العملاء مستهدفين - تجربتي الشخصية على لينكدإن وكيف تقتنص الفرص - وكمان هتستلم Toolkit هتسهل عليك عملية كتابة محتواك الشخصي، ده غير جروب داعم هيساعدك تعزز ظهورك على المنصة للحجز ابعت كلمة LinkedIn على الرقم ده 👇 wa.me/+201097835946 وهرد عليك بالتفاصيل