Zainab Elkholy's Recent LinkedIn Posts

تخيل كده وانت قاعد مع مرشح وبتتفاوض مع مامته على المرتب 😁 😁 مش هتقدر تنطق جبيبتي يا امي ❣️

الأرزاق المخفية ❤️

كل يوم وانت بتفتح LinkedIn اسأل نفسك: أنا داخل ليه؟ بايع؟ شاري؟ ولا مجرد متفرج؟ الإجابة دي هتحدد إذا كنت بتستفيد من وقتك هنا أو بتضيعه. بعد سنين على المنصة دي اتعلمت حاجة واحدة بتفرق: #LinkedIn مش منصة تواصل — ده سوق!! بس البضاعة فيه مش ملموسة. البضاعة هي المهارات، الخبرات، والقيمة اللي بتقدمها. وزي أي سوق — فيه بائعين شاطرين وفي حيتان السوق كل واحد في تخصصه ومجاله، وفيه ناس موهوبين مدفونين مش بنعرف نوصلهم. أنا بحكم شغلي كـ Talent Acquisition، او زي ما بيقال صياد المواهب بدور كل يوم على المواهب دي اللي بنتعب جدا عشان نلاقيهم. والحقيقة؟ 93% من المسؤولين عن التوظيف بيستخدموا LinkedIn للبحث عن المرشحين. 87% من المرشحين مش بيعرفوا يعرضوا نفسهم صح ولا بيعرفوا يوصلوا لل 93%. الفجوة دي هي اللي بتخلي فرص حقيقية تضيع على أصحابها. إيه اللي بيخلي الموهبة دي تتلاقى؟ 1. بروفايل واضح وقوي مش بس فيه تاريخ وظيفي ... لكن إنجازات حقيقية، أرقام، ومشاريع بتتكلم عنك. 2. تعليقات فعّالة ورأي حقيقي في بوست في تخصصك بيوصّلك لناس ما كنتش تعرفهم. 3. محتوى بيعكس تفكيرك وايه اللي ممكن تقدمه لزوار سوق لينكدان ... واللي بتكتبه بيفضل يشتغل لحسابك حتى وانت نايم. فلو انت بايع وداخل تبيع خبرتك من أفضل الناس اللي ممكن تعلمك تظهر خبرتك وتبيعها ازاي ولمين على المنصة: Khaled Elahmad — في بناء المحتوى الاستراتيجي Hesham Alaraky — في الـ personal branding Mohamed Tolba — في الحضور المهني واحب اذكر Nadia Mahmoud — حقيقي عاملة مجهود كبير ومبادرة تساعد الناس اللي محتاجة تنشر محتوى وتظهر ازاي الخلاصة: المنصة دي فيها فرص حقيقية — لكنها مش بتيجي لوحدها وانت قاعد مستني. بتيجي للي بيعرف هو عايز ايه ويقدر يعرض خبراته ومهاراته صح. هل انت بتعرض مهاراتك صح؟

الحقيقة اللي كلنا مش بناخدها بالنا منها.. سواء في الشغل أو في الحياة عموما!! أن مش كل contribution بتتحسب بـ output مرئي. في ناس شغلتهم إنهم يهدوا الجو...يمتصوا الضغط، يكونوا الـ safety net، يحافظوا على الـ stability الـ quiet enablers ودا اللي بيخلي الباقيين يقدروا يشتغلوا بثقة دول غالباً أول ما بيمشوا الفريق بيحس بيهم. الـ lesson: زي الصورة بالضبط اللي واقف اللي "مش بيعمل حاجة" هو الأهم لأنه الـ anchor اللي بيحافظ على توازن الليدر وبيمنع الكارثة. في النهاية قبل ما تحكم على حد إنه "مش بيعمل حاجة"!! اسأل نفسك: لو مشي، هيتغير إيه؟

كتير بيجيلي سؤال: "إزاي أخلي الـ recruiters يلاقيني على LinkedIn؟" وأنا بحكم شغلي وخبرتي في مجال Head-Hunting & #TalentAcquisition، هقولك الحقيقة اللي معظم الناس مش عارفاها الـ recruiters مش بس بيدوروا على الـ profiles ..... هما كمان بيتابعوا التعليقات ما سمعتوش قبل كده او شفتوا ناس جالها وظيفة او فرصة شغل من تعليق كتبه. أيوه، في ناس اتوظفت وجالها فرص بسبب comment كتبوه على بوست في مجالهم. مش لأنهم كانوا بيدوروا على شغل .... لأن رأيهم وطريقة تفكيرهم لفتت نظر حد في شركة بتدور على ناس زيهم. وده بيوصلنا للفكرة الأهم: الـ #LinkedIn مش مجرد CV تاني بتكتب فيه خبراتك — هو المكان اللي بتبني فيه صورتك المهنية بشكل حقيقي وواقعي. عشان كده لما حد بيسألني عن الـ profile، أنا دايمًا بقوله: ابدأ بـ 3 حاجات: 1- الـ Headline — مش مجرد مسمى وظيفي، لازم يوضح تخصصك وقيمتك (انطباع اولي بيتاخد عنك) 2- الـ Open to Work — فعّله للـ recruiters بس، وهيفرق في ظهورك في البحث جدا وخصوصا في الوظايف الحساسة والعليا ووبتخلي البروفايل يبان في اول نتايج البحث. 3- الـ Comments — اكتب رأيك في مجالك، مش بس "great post!" ولا "thanks for sharing" - التعليقات بتتشاف اكتر من البروفايل نفسه وبيتشاف منها طريقة التفكير والقيمة والوعي الفرصة مش دايمًا بتيجي بس من إنك خبط الباب وقدمت عليها .... أحيانًا بتيجي لأنك قلت الكلام الصح في المكان الصح بين قيمتك وفي الاخر هي ارزاق بتتساق وما علينا الا السعي.

للأسف ودا بسبب أن بعض أصحاب المال يتدخلوا في صغائر الأمور محاولة لإثبات وجهة نظرهم ياخدوا قرارات بدون دراسة لمجرد أنه هو شايف كده او حد من السوق قاله كده يتجاهل رأي القيادات اللي عنده ورؤيتهم في الإدارة ويشوفهم مش فاهمين على الرغم أنه هم اللي مختارهم وللاسف دا ببيوقف الشركات أو ممكن يعرضها للخسارة.

رسالة مهمة لكل حد بيقدم على شغل... بحكم خبرة وتجارب كتير فوق ال 14 سنة في التوظيف خليني أكون صريحة معاك شوية… لما تكون الوظيفة كاتبة رنج مرتب واضح + تفاصيل الباكدج وتيجي أنت تكتب في الـ Expected Salary رقم أعلى بكتير هل كده أنت مهتم فعلًا بالوظيفة؟! هل متخيل إن ده هيزود فرصتك في الـ shortlist؟! خليني أوضح لك...... أغلب الوظايف بيقدم عليها مرشحين كتير جدا وعلى كل المستويات +150مرشح وأول مرحلة بتكون Application Form بنفلتر بيها الناس بسرعة يعني: لو الـ budget محدد… وأنت حاطط رقم أعلى للاسف غالبًا هتستبعد تلقائيًا لان الـ #HR يختار اقرب المناسبين لظروف الوظيفة قبل ما يراجع السي في طيب تعمل إيه لو مهتم؟ اكتب رينج قريب من المعروض من اقل لاكتر بمساحة مقبولة عشان تدخل في الـ Shortlist ويكون في مساحة تفاوض على سبيل المثال: لو المعروض 10 الاف اكتب من 9-12 الف غلطة تانية شائعة جدًا: لما تتسأل عن مهارة أو خبرة… ومطلوب تاكدها وتقول "عندي" من غير ما تشرح! ده بيقلل فرصك جدًا ..... لأنك ببساطة ما أثبتّش كلامك ولاش نعتمد على فكرة السي لوحدها تثبت. طب امتى ما تقدمش من الأساس؟ وليه؟!!! لو مش هتقبل بالمرتب نهائي لو اللوكيشن مش مناسب ليك لو الخبرات أو الشهادات الأساسية مش عندك التقديم العشوائي (هيجيبلك إحباط لان محدش هيتواصل معاك + حرق فرصك لانك مقدرتش تستغل الفرصة وتقدم صح) الخلاصة: التقديم الكتير بدون ذكاء دا مش سعي وخلي كل فرصة تقدم عليها فرصة حقيقية ليك مش مجرد برمي السي في واجري

ا..Open to work.... العلامة المثيرة للجدل على. #Linkedin نفعلها؟ ولا بلاش؟ خلال تدريب مع LinkedIn عن استخدام الـ Hiring Solutions، كان من الواضح جدًا إن الـ Open To Work تعتبر من أهم الـ indicators اللي الـ Recruiters بيعتمدوا عليها أثناء الـ sourcing. الـ Tools الخاصة بالتوظيف في لينكدان بتطلع تحليل كامل للمرشحين، ومن ضمن أهم المعايير: الأشخاص اللي مفعلين علامة Open To Work ومعدل الاستجابة للرسائل واحتمالية الاهتمام بالفرصة واتقال من التجارب بشكل واضح الأشخاص اللي مفعلين العلامة بيكون معدل الاستجابة عندهم أعلى بفرق كبير مقارنة بغيرهم. في كثير من الشركات العالمية، خصوصًا عند التوظيف على المناصب القيادية أو الحساسة، يتم الاعتماد على المؤشر دا بالذات لتقليل التواصل العشوائي، وتحسين جودة الـ outreach، واحترام خصوصية المرشح ووقته. ومن الناحية العملية ما تستهلكش InMails بدون داعي تتواصل مع ناس عندها openness لوظايف جديدة وعشان كده… لو مهتم تشتغل في شركات كبيرة وشركات عالمية تقدر تفعلها لـ Recruiters only لو عندك تخوف من ظهورها للكل الشركات لسه بتشوف الـ Open To Work بشكل سلبي، وكأن الشخص في موقف ضعف أو لازم نقفل عليه بأقل عرض ممكن وده في الحقيقة مفهوم خاطيء في سوق العمل ومحتاج يتغير. #OpenToWork #TalentAcquisition #ExecutiveHiring #Recruitment

الناس اللي ريّحت طول الإجازة وما نزلتش ولا بوست وأخدت أجازة حتى من الـ personal branding 🙋🏼‍♀️ بصراحة قررت آخد الإجازة بضمير… لا شغل، لا بوستات، ولا كلام عن الوظائف المفتوحة ولا recruitment والشغل طول الفترة اللي فاتت. حسّيت إن دي تقريبًا آخر أجازة طويلة لحد آخر السنة، وقلت إن لبدنك وعقلك عليك حق… ولازم نفصل المكنة شوية ونهدّي دوشة الحسابات والمسؤوليات. خصوصًا إن الفترة الجاية في الشركات بتكون من أكتر الفترات ضغطًا: targets، hiring، وتعيين كفاءات جديدة. وفي الحقيقة… كام يوم راحة مش هيبوظوا الـ branding ولا هيوقعوا الـ reach زي ما ناس كتير متخيلة. الإجازة بتخلص… والطاقة بترجع وإحنا كمان هنرجع نباشر شغلنا بكل نشاط. فجهّزوا نفسكم بقى… عشان فيه شوية فرص حلوة محوشاهالكم بعد العيد والفتّة واللحمة 😄 وكل سنة وإنتوا طيبين، ويا بخت اللي عرف يفصل دماغه فعلًا ويرجع لنفسه شوية.

فن الرد 😉😅

اللي مجربش وما غلطش ما اتعلمش

امبارح حصل قدامي مشهد خلاني أقعد دقيقة مستوعبش... 4 برامج AI استلموا الشغل من بعض، حللوا، رتبوا، وكتبوا المطلوب... من غير ما أي انسان يكتب او يصمم اي حاجة! بقالي فترة بشتغل على بروجيكت خاص بيا، وكل شوية أجرب طريقة جديدة للتشغيل وأشوف إزاي نخلي الشغل أسرع وأذكى. وطبعًا الصديق الدائم في الرحلة دي هو الـ #AI. بجرب، وأعدل، وأغلط، وأرجع من الأول، وكل ما يطلع Version جديد من الشغل أنبهر أكتر من اللي قبله. لكن اللي حصل امبارح كان حاجة تانية خالص... كنت قاعد مع صديق بنجرب السيستم ومتفقين على شوية تعديلات محتاجين تتعمل. وفجأة لقيته بيقولي: "أنا أصلًا ماخدتش أي ملاحظات." استغربت! قالي: "أنا سجلت الاجتماع بس." بعدها حصل الآتي: ادّى التسجيل لبرنامج AI طلعله كل الملاحظات والنقاط المهمة. أخد الملاحظات واداها لبرنامج AI تاني رتبها وحولها لمتطلبات واضحة. نفس البرنامج كتب Prompt محترم ومظبوط للتعديلات المطلوبة. وبعدها أخد الـ Prompt وحطه في برنامج الـ AI اللي بنشغل بيه السيستم... فبنى التعديلات كلها. وقفت كده دقيقة وبقول لنفسي... إيه ده؟! إحنا وصلنا لمرحلة إن برامج الـ AI بتسلم الشغل لبعض وتكمل على بعض بالشكل ده؟ حقيقي الموضوع بقى مدهش جدًا... ومخيف شوية في نفس الوقت. زمان كنت مبنامش كويس عشان أحاول أواكب الشغل والضغط والمهام. دلوقتي ساعات مبنامش كويس من كتر ما بحاول أواكب التطور اللي بيحصل في الـ AI! كل يوم حاجة جديدة. كل يوم قدرة جديدة. وكل يوم بحس إننا لسه في أول الطريق. الحمد لله إني قربت أخلص السيستم، ومتحمسة جدًا أشوف قد إيه ممكن يساعد ناس كتير في مجال الـ #Recruitment، ويمكن الفكرة نفسها تتطبق بعد كده في مجالات تانية كتير. بس بجد... لو ده اللي الـ AI بيعمله النهاردة... تفتكروا بعد 5 سنين هنكون وصلنا لفين؟ #HRTech #DigitalTransformation

حقيقية جدا خلي بالكم ... مش كفاية تبقى منٌجز . . في فرق بين إنك تستاهل الفرصة وبين إنك تعرف تجيب الفرصة

احنا نجيب ال AI هو اللي يحكم!!! انا شفت نسب تقييم بالAI للمرشحين وصلت ل 90% وللاسف في المقابلات فشلت تمام البوست هنا هزار وجدلي لكن هي حقيقة بقت موجودة وكارثية ومش صح انها تمشي كده لان نسبة فشل التعيين هتزيد جدا انا مع ان اول خطوتين اعملها بال AI بس اراجع النتيجة لكن كل الخطوات اللي بعد كده لن يصلح ولا هينفع فيها ال AI حتى كتابة السي في بال AI تحتاج مراجعة مازلت مقتنعة ان وجود العنصر البشري في التقييم اساسي وضروري ولا غنى عنه انتوا ايه رايكوا؟؟

واحنا بندور ازاي نجهز نفسنا لمقابلة وظيفة الاحلام اوعى تنسى... ان النهاردة كلنا عندنا اهم مقابلة في حياتنا كل اللي محتاجين نجهزه لها هو قلب صافي ونيه خالصة وذرة ايمان عشان نتقبل فيها. مقابلة فيها فرصة العمر اللي نرجع بيها مقبولين، مجبورين الخاطر، مغفوري الذنب. المقابلة اللي لو اتقبلنا فيها اتفتحتلنا كل أبواب الرزق والفضل. يقول حضرة سيدنا رسول الله " لا يبقى يوم عرفه خلق من خلق الله فى قلبه مثقال ذرة من إيمان إلا غفر الله له .... قيل يا رسول الله .. لأهل عرفه أم للناس ..... قال لا بل للناس عامة " يقول الله في كتابه العزيز "استغفروا ربكم انه كان غفارا يرسل السماء عليكم مدرارا" اللهم لا يمر يوم عرفة الا وقد تقبلتنا وغفرت لنا ورزقتنا. كل عام وانتم جميعا واحباؤكم بخير.

بما أن اكتر وقت متابيعني موجودين فيه من ٩ -١١ الصبح على لينكدان الوقت دا هخصصه لنشر الوظائف المتاحة عندي فلو انت حاليا في مجال ال IT أو Top Management تابع البوستات في الوقت دا الوظائف المتاحة حاليا هتكون في #Finance, #Egineering, #IT, #SupplyChain ولو مهتم بوظائف تانية اكتبلي تخصصك في التعليقات وممكن تملأ الفورم دي👇🏻 https://lnkd.in/dDWh4MMT  ولو في وظيفة انفتحت في تخصصك هيكون ليك الأولوية في التواصل انا أو التيم هنتواصل بيك مباشرة #jobs #share

بما أن اكتر وقت متابيعني موجودين فيه من ٩ -١١ الصبح على لينكدان الوقت دا هخصصه لنشر الوظائف المتاحة عندي فلو انت حاليا في مجال ال IT أو Top Management تابع البوستات في الوقت دا الوظائف المتاحة حاليا هتكون في #Finance, #Egineering, #IT, #SupplyChain ولو مهتم بوظائف تانية اكتبلي تخصصك في التعليقات وممكن تملأ الفورم دي👇🏻 https://lnkd.in/dDWh4MMT  ولو في وظيفة انفتحت في تخصصك هيكون ليك الأولوية في التواصل انا أو التيم هنتواصل بيك مباشرة #jobs #share

ورقة واحدة بس… لكن فيها سنين خبرة، وطريقة تفكير، وقيم، وشغف، وأثر بحاول أسيبه في أي مكان بشتغل فيه. من أحلى الحاجات اللي الـ #AI بقى يقدر يعملها، إنه مش بس بيطلع صور حلوة… لكن يقدر يحول شخصيتك وخبراتك لـ Visual Story كاملة، كأنها #CV مختصر… لكن بروح إنسانية وأنا بنظر للـ sketch دي، اكتشفت إن أوقات الناس بتشوف فينا تفاصيل إحنا نفسنا ما بناخدش بالنا منها. فلو قريتوا الصفحة دي… إيه أكتر حاجة اكتشفتوها عني ومكنتش واضحة قبل كده؟

بحاول أظبط مواعيد نشر الوظائف والمحتوى لان في عندي وظايف جديدة في مجالات مختلفة وعشان توصل ويستفيد بيها أكبر عدد ممكن محتاجة اعرف إيه أكتر وقت بتكونوا متواجدين فيه على LinkedIn؟ الصبح؟ بعد مواعيد العمل؟ قبل النوم؟ ولو في أوقات تانية غير المكتوبة ياريت تكتبها في الكومنتات

اصحابنا اللي في #CyberSecurity ممكن تفهمونا اكتر وهل دا معناه نوقف استخدام #Gemini نستبدله هل في اي خطورة عل اي دا سرية على الجهاز #Vulnerabilities #Cyberattaks

80% من مشاكل التوظيف بين الشركات والمرشحين سببها إن التوظيف بيتدار بعقلية “سمسرة CVs” مش بعقلية “استشاري توظيف”. يعني إيه؟ كتير من مسئولين التوظيف دورهم بيقف عند: استلام الـ JD و ⬅️يعمل Matching مع CVs ⬅️ ويرسلها لمدير القسم وكده بيشوف انه كده ماهر وعمل اللي عليه وبعدها ندخل في Loop طويلة: مرشحين مش مهتمين مرشحين ما بيردوش مرشحين يعتذروا بعد الـ Offer خصوصًا في الوظائف الحرجة أو المطلوبة بقوة في السوق لكن جزء كبير من ده ممكن نتفاداه لو مسئول التوظيف اشتغل بعقلية Consultant مش Coordinator. Consultant يعني: يبقى فاهم الشركة محتاجة إيه فعلًا مش نظريًا إيه الأساسي وإيه الممكن التفاوض عليه إيه اللي ممكن يتطور بعد التعيين وإيه اللي لا يمكن التنازل عنه وهنا الدور وطريقة التنفيذ بتختلف تماما من اول الاختيار وادارة المكالمة مع المرشح والانترفيو بنختار مرشح مناسب فنيًا وثقافيًا لأن لا الشركة هتغير ثقافتها لموظف ولا الموظف الشاطر هيستمر في بيئة مش مناسبة له التوظيف مش تجميع CVs وسمسرة بني ادمين التوظيف علم وادارة اختيار والموارد البشرية وهو قرار استراتيجي بيأثر على أداء واستقرار الشركة لسنوات