Ahmad Ayesh's Recent LinkedIn Posts

بين المسايرة والحزم، التعاون والانانية، التجنب والإجبار، الادارة الناجحة للنزاعات في فريق العمل تؤدي بدون شك لزيادة في الإنتاجية وخلق بيئة عمل صحية وبالتالي قرارات صحيحة. قدملنا Dr.Shaker Al-Qudah و JTC - Jordan Trainers Club حلقة رائعة عن ادارة النزاع، كانت حلقة مميزة فيها معلومات كثيرة ومهمة وانشطة رائعة كمان، على سبيل المثال تكلمنا عن انماط واساليب حل النزاعات وكيف المواقف وطبيعة النزاع والاشخاص بتحدد طريقة التعامل معها: ١. الانسحاب او التجنب ٢. السلاسة او التسوية ٣. التضحية او التوافق ٤. الاجبار او التوجيه ٥. التعاون او حل المشكلة بجميع الحالات اتفقنا على انه ادارة النزاعات تحتاج لمهارات عالية: - بناء الثقة - ارضاء المخاوف - السعي نحو الاجماع - موازنة الاهداف واختلافات الرأي - مهارات الاقناع والتفاوض والتسوية - الذكاء الاجتماعي والعاطفي - احترام جميع الاراء والاختلافات الثقافية وقبولها بصدر رحب - المصداقية والنزاهة والشفافية شكرا ل JTC - Jordan Trainers Club ولكل الحضور الرائع Abdulfattah Darabseh Farah Oweis فرح عويس I SHRM-CP Linda El kurd

كلنا عنا افكار، وافكار رائعة جداً.. بس مش كل فكرة بتشوف النور، ولا كل فكرة بتلاقي مين يآمن فيها ويدعمها للآخر. كثير مشاريع فشلت لانه شريك زهق او تعب وقرر ببساطة انه ينسحب او واحد من أصحاب القرار اخذ قرار فردي بسببه دفن الفكرة بمكانها وضيّع جهد وتعب فريق كبير. والمشاريع اللي نجحت ما كانت بمجهود فردي، كانت نتيجة شراكة لتحقيق هدف واضح وعندي أمثلة كثيرة تثبت هذا الكلام سواء من تجاربي الشخصية او من تجارب عايشتها عن قرب. مؤخراً بأثر ٤، Ibrahim Namrouqa و Noor Salman اعطونا نموذج حقيقي بأكد انه النجاح بحاجة لشريك حقيقي، شريك يآمن فيك ويدعمك ويتجاوز معك كل التحديات والصعوبات لتوصلو مع بعض للهدف. بصراحة كانت جلسة جدا لطيفة واعطتني دفعة معنوية كثير عالية، كل التوفيق نور وابراهيم وان شاء الله من نجاح لنجاح اكبر. شكرا JTC - Jordan Trainers Club على تنظيم رائع جدا لأثر ٤ وبانتظار القادم ان شاء الله.

من 2008 على نفس القعدة.. الصورة الاولى بسنة 2008 كنت لسا طالب جامعة وبدور ع شغفي بهالحياة، وبهذه الجلسة تحديدا كنت بتعلّم وبحاول اكتسب مهارات تدخلني سوق العمل. الصورة الثانية بسنة 2014، وكنت صارلي سنتين او ثلاث سنين داخل سوق العمل وكنت عم بكتسب خبرة من شركة عظيمة الصورة الاخيرة بعد 13 سنة خبرة، سنوات اكتسبت فيهم خبرات كبيرة بمجالات متنوعة وبنفس الوقت سنوات قدرت اثبت فيها قدرتي العالية على التكيف مع متغيرات العمل. سنوات قدرت اعمل فرق بكل مكان اشتغلت فيه واترك بصمة كبيرة. بكل فخر، كل شركة اشتغلت فيها عملت شغل كان صعب ينعمل او على الاقل ما حدا بادر وجرب يعمله. "هذا مش غرور" كل هذا كان بتوفيق من الله واسأل الله التوفيق والسداد في كل شيء.

تزول اللحظة ويبقى الاثر... متحمّس اني مشارك في فعالية أَثَر 4، اللي بنظمها نادي المدربين الأردني JTC - Jordan Trainers Club، واللي بتجمع خبرات مميزة لأشخاص مميزين، ومحترفين واشخاص تركت اثر في الحياة... ووجودي في أثر... لأني مؤمن ان الأثر ليس بلحظة، بل بالعمل ومشارك في أثر لأني أنا كمان رح أترك أثر 📍 السبت 6 ديسمبر 🕞 الساعة 3:30 مساءً

انت شخص طموح؟ بس ضايع؟ ومش عارف كيف تبلش؟ هاد الكلام الك. بسنة ال 2010 كنت طالب جامعة، وبلشت حياتي العملية بالعمل الحر، يعني كنت freelancer. وتجربة العمل الحر ما فارقتني من وقتها، ممكن بالنسبة الي ما كانت مصدر دخل اساسي لاني ما ركزت فيها لتكون هيك. لكن بدون شك العمل الحر فتحلي فرص "بأمر ربنا" لوما اشتغلت freelancer ما كان حصلت هذه الفرص. قبل أيام شاركت تجربتي بالعمل الحر مع مجموعة من الشباب الطموحين ليبدأو بالخطوات الاولى بالعمل الحر، كثير من الشباب الطموحين اليوم بحاجة لتوجيه بسيط ودعم معنوي ونصائح عملية من أشخاص عندهم خبرات متنوعة. حكينا بالجلسة عن 3 اشياء بيحتاجها اي شخص ليتطور بالمجال الوظيفي واللي يمكن اختصارها بالمثلث الذهبي للتطور: 1. المهارات العملية والتقنية Technical skills 2. مهارات التواصل والقيادة Soft/Leadership Skills 3. بناء شبكة العلاقات المهنية Connections هذه الجلسة كانت بعيده عن المثاليات وعن الطابع النظري او التنظيري، كانت مبنية تماما على حقائق وتجارب انا عشتها على مدار 15 سنة من الشغل اليومي سواء عمل حر او وظائف دائمة. اذا انت شخص طموح وبدك تعمل اشي بحياتك، بس لسا حاسس حالك ضايع ومش عارف كيف تبلش، بتقدر تحكي معي مباشرة رح اساعدك تتطور وتشق طريقك للنجاح بإذن الله. شكرا Education For Employment-Jordan على الفرصة اللطيفة والجلسة الرائعة.

الكل بغلط، وهذا شيء طبيعي، لكن الاخطاء مش زي بعض وفي فرق بالتاثير اللي بصير على الافراد والشركات. خلينا نتفق بالبداية انه الاخطاء هي نتيجة قرارات، وهذه القرارات عادة ما تكون: 1. متسرعة 2. منفردة 3. غير مدروسة تخيل ان قرار خاطئ واحد كفيل بزعزعة منظومة الشركة، وممكن يدمرها بالكامل، واحنا هون ما بنحكي عن موظف اخطأ بشغلة يمكن تداركها. احنا بنحكي مثلاً عن قرار بصرف كل سيولة الشركة لشراء اصول بدون تخطيط. ويبقى السؤال، هل هناك قرارا صحيح 100%؟ بتخيل انه ما في قرار صحيح 100%، لكن هناك قرارات مدروسة وتم اتخاذها بناءً على منهجية واضحة وهذه القرارات بالعادة بتكون اقرب للصواب والكمال وأبعد ما تكون عن الخطأ والاعتباط.

انبسطت جدا بتقديم ورشة تعريفية لبرنامج الاكسيل excel، حكينا بالورشة عن مجموعة مواضيع: ١. اهمية الارقام باتخاذ القرار (the importance of numbers in decision making) ٢. اساسيات استخدام برنامج الاكسيل (Basics and user interface) ٣. ادخال البيانات وتنسيقها (Data entry and formatting) ٤. استخدام بعض الاختصارات ٥. استخدام المعادلات (Sum, Average,Count,Max,Min) ٦. استخدام المعادلات (Sumif, Averageif,Countif,Maxifs,Minifs) ٧. مقدمة لبناء الرسوم البيانية (Charts) شكرا جزيلا لجمعية الطليعة الشبابية الثقافية على الاستضافة والتنسيق للورشة. رابط الورشة المسجلة https://lnkd.in/drH_TtCw

اذا مفكر الطريق سهل، انت غلطان. ممكن تفشل بأول مرة، وممكن ما تزبط معك حتى من 10 مرات. الفشل الحقيقي لما توقف عن المحاولة. ابدأ خطوتك الأولى بكل تجربة واعطيها حقها. النجاح بيجي من التجربة وما بيجي من الكسل.

Customer happiness isn’t just an outcome, it’s the result of communication built on trust, clarity, and real care.

انتهينا امس من تقديم الورشة التعريفية الثانية لبرنامج الاكسيل excel، حكينا بالورشة عن مجموعة مواضيع: ١. الجداول tables ٢. الفلاتر slicers ٣. التعامل مع pivot table ٤. التعامل مع pivot charts ٥. مقدمة لبناء لوحات تفاعلية dashboards شكرا جزيلا لجمعية الطليعة الشبابية الثقافية على الاستضافة والتنسيق للورشة. رابط الورشة الثانية المسجلة بالتعليق الاول