Bassila Marcos's Recent LinkedIn Posts

Excited to kick off a new chapter! I’ve officially started my Nutrition studies with #NationalAcademyofSportsMedicine (NASM) https://lnkd.in/eRc42j6V — a step that aligns with my long-term vision to empower myself, my family, and my community with practical, science-based health guidance. This journey is my pathway toward becoming a Certified Nutrition Coach, and I’m fully invested in leveling up my knowledge and impact. #NASM #NutritionCoach #CareerShift #career_transition #تغيير_المسار_المهني #HealthJourney

أحلى شي تفيق الصبح ويطلع قدامك بوست بيقول: ☕ "شرب القهوة بيخفف خطر الإصابة بأمراض القلب." حتى لو قلبك سليم، رح يعجبك الخبر وتاخده وكانه مسلّمات. بس إذا قرأت هالعنوان، في سؤال مهم لازم يخطر ببالك: كيف عرفوا؟ لأن الجواب ممكن يغيّر طريقة فهمنا للنتيجة بالكامل. بالبحث العلمي في شي اسمه الدراسات التجريبية، الباحث ما بيكتفي بالمراقبة... بل هو بيتدخل بشكل مباشر. مثلاً، ممكن يقسم المشاركين لمجموعتين: ☕ مجموعة تشرب كمية محددة من القهوة 🚫 ومجموعة ما تشرب ♒️وبعدين يقارن النتائج بين المجموعتين. لهيك، الدراسات التجريبية بتُعتبر من أقوى الطرق لدراسة ما إذا كان في علاقة سبب ونتيجة، مش مجرد ارتباط بين شيئين. لكن ب(علم التغذية)، تنفيذ هالنوع من الدراسات مو دائماً سهل؛ هل ممكن نطلب من آلاف الأشخاص يلتزموا بنفس النظام الغذائي لسنوات طويلة؟ أكيدة لا لهيك، الباحثين غالباً بيجمعوا بين نتائج الدراسات التجريبية والدراسات الرصدية حتى يحصلوا على صورة أوضح وأكثر شمولاً. لأن [قوة الدليل/الإعلان يلي بتشوفه] ما بتتعلق فقط ب(عنوان الدراسة)... بل ب(الطريقة اللي وصل فيها الباحثين لهاي النتيجة). وكل ما فهمنا نوع الدراسة، صرنا أقدر نميّز بين المعلومة القوية والعنوان الجذاب. *رح كون عم بسّط الدراسات الرصدية أيضاً بالبوست الجاي. *إذا حبيتوا هاد النوع من المحتوى يلي بيربط المعرفة بالوعي وبشكل عملي، خبروني بالتعليقات. *فعلاً شرب القهوة بيخفف خطر الإصابة بأمراض القلب😉 #إفهم_جسمك_صح #التغذية #علوم_التغذية #البحث_العلمي #التثقيف_الصحي #الصحة_والعافية #الدراسات_التجريبية #NutritionScience #توعية

"نام منيح بينزل وزنك" من أغرب الأشياء اللي عم بتعلّمها خلال دراستي بالتغذية إنو النوم ممكن يأثر على أكلي أكتر مما كنت متخيّلة. بتذكّر بفترة كورونا، كنت آكل تشيبس وكربوهيدرات بشكل أكبر من المعتاد. وقتها كنت مفكرة إنو الموضوع كله إرادة... وإنو إذا ما قدرت أسيطر على نفسي فالمشكلة فيني. بس كل ما تعمقت أكتر بالعلم، اكتشفت إنو القصة أعقد من هيك بكتير. مو كل جوع هو نقص طاقة... أحياناً بيكون نقص نوم. بعد ليلة نوم سيئة، كتار منا بيلاحظوا إنهم صاروا يشتهوا الحلويات أو الأطعمة الدسمة أكتر من المعتاد. وطلع الموضوع مو دائماً ضعف إرادة. قلة النوم بتأثر على الهرمونات المسؤولة عن تنظيم الجوع والشبع: ○ بترفع هرمون الجريلين (جوع أكتر). ○ وبتقلل فعالية هرمون اللبتين (شبع أقل). وهادا بيخلي عنا: □ اشتهاء أكبر للأطعمة العالية بالسعرات. □ إحساس أقوى بالجوع. □ صعوبة أكبر بالالتزام بالعادات الغذائية الصحية. يعني بعد ليلة سهر، ممكن تحس إنك جوعان أكتر وتحتاج كمية أكبر من الأكل لتحس بالشبع. لما كنت شوف حالي عم اشتهي التشيبس والنشويات بشكل مبالغ فيه، ما كنت أربط الموضوع بالنوم أبداً. أما اليوم فصرت أفهم إنو الجسم أحياناً عم يطلب نوم... مو بس أكل. لهيك إذا حسّيت حالك جوعان أكتر من المعتاد بعد السهر، تذكّر إنو مو مجرد شعور. قلة النوم عم تغيّر فعلياً إشارات الجوع والشبع بجسمك. النوم مو بس راحة... النوم جزء أساسي من تنظيم الشهية والوزن والاستقلاب. إنتو لاحظتوا إنو شهيتكم بتتغير بعد السهر؟ ولا أنا الوحيدة اللي كانت تهاجم كيس التشيبس بنص الليل؟ 😅

لما قرّرت بلش ابدأ أنشر على لينكدإن بلشت شوف منشورات عم تحكي عن الخوارزمية وصعوبه الوصول وضغط الاستمرارية والتحديات يلي عم يواجهها الخبراء القديمين😅 بكل حال أثق بأنه "في كل جهد مبذول ربح" وما في جهد ممكن يضيع حتى لو تأخّر. أنا وعم بتعلّم رح كون عم بنقل معرفتي وشارك بمشيئة الرب عن رحلتي العلمية الجديدة بمجال التغذية؛ هذا المجال يلي بمس كل جوانب الحياة، ويلي أنا مستمتعة باكتشاف عوالمه جداً: •معلومات جديدة ومحدّثة. •اكتشافات جديدة في علم التغذية والصحة. •خلاصات دراسات وأبحاث علمية. •خبراتي وتجاربي الشخصية. •بالإضافة لأي شيء مرتبط بالتغذية، والمكملات الغذائية، والتعافي، وبناء العافية النفسية والسلوكية والعاطفية والجسدية وغيرها كتير. على موعد🩵 بالمناسبة: الصورة من إنشاء Chatgpt قلتلو: "فيك تعملي مخي بصورة تجمع فيها أهم المواضيع يلي حكيتك فيها تعليمي وأفكاري..."😄 #تغذية #غذاء #صحة #عافية #طالب #تعلم #أبحاث #بحث #أكاديمية #الطب_التكميلي #الأمثال #عمل

من فترة صرت جرّب انتبه أكتر لتأثير المشروبات المختلفة على يومي، ولاحظت شغلة مثيرة للاهتمام. إذا بدي فكّر بعمق أو اشتغل على موضوع معقّد، غالباً القهوة بتعطيني دفعة قوية وسريعة. إذا بدي أتحرّك وأنجز وأعمل نشاطات خلال النهار، المتة بتعطيني طاقة واستمرارية بطريقة مختلفة. أما وقت الدراسة والتركيز لفترات طويلة، فصرت أميل للشاي الأخضر. مؤخراً استبدلت القهوة بعد الفطور والمتة بعد الغدا بكوب شاي أخضر بكل وقت، ولاحظت إني قدرت أدرس لفترة أطول وبتركيز أفضل. طبعاً هاي ملاحظتي الشخصية، ولسا بحاجة أقرأ وأتعمق أكتر بالموضوع، لأن استجابة الجسم للكافيين والمركبات النباتية بتختلف من شخص لشخص. بالنهاية في نقطة مهمة: الجسم بيتعامل مع هالمشروبات حسب الشخصية، النوم، الحديد، التوتر، وحتى الجينات. شو تجربتكم مع هالمشروبات؟ وهل لاحظتوا فرق بيناتهم بتأثيرهم على يومكم؟ #التغذية_بشكل_عملي #العافية #الأكاديمية_الوطنية_للطب_التكميلي #NASM #Online

It’s been a while since I’ve completed my Bachelor degree in Translation & Interpretation at Jami't Al-Ba'ath, but I wanted to share this update with everyone.