Dimah Alnasser Allah's Recent LinkedIn Posts

أصدقائي الأعزاء لقت عدت من الإمارات إلى سوريا ✈️ أبحث عن عمل "عن بُعد" في مجال إدارة الأعمال أو المجال التجاري. أمتلك مهارات تنظيمية عالية وخبرة في إدارة المشاريع وإدارة المكاتب وإدارة الموارد البشرية وتنظيم العقود والمراسلات التجارية في الشركات .. وغيرها.⭐ لديّ لغة انجليزية ممتازة، اتصال إنترنت مستقر، وكهرباء مستمرة، وجاهزة لبدء العمل فوراً.🚀 إن علمتم بوجود فرصة عمل مناسبة لي يرجى ترشيحي 😁

كيف تستخدم «لنكدإن» في التوظيف بأفضل طريقة؟ 👨‍💻 #سوالف_بزنس

أكتر فقرة بحبها هي طرح الأسئلة وإثناء المحاضر على ذكاء أسئلتي😎 ❤️ . حب إدارة الأعمال 💜 وتعلم أمور جديدة بيدفعني لأحضر ورش عمل وكورسات متخصصة 🤓 . كانت محاضرة قيّمة مقدمة من Emirates Development Bank (EDB) وEmirates Institute of Finance (EIF) على يومين، تعرفنا فيها على أساسيات الائتمان في العلاقة بين البنك والعميل لتحسين الجدارة الائتمانية وتعمقنا في عالم البيانات المالية والمنتجات المصرفية وهيكلة التسهيلات وضرائب الشركات. #entrepreneurship #credits_solution #management #business #SME #enterprise #small_business

يسرنا الاعلان عن ورشة تدريبية مجانية بعنوان "بروفايل LinkedIn الاحترافي طريقك الى فرص العمل" ضمن شراكة جديدة بين DNA و مؤسسة Bareeq Education & Development (non-profit) من تقديم المدربتين المهندسة Dimah Alnasser Allah والمهندسة Nisreen Al-Madi . تتناول الورشة التدريبية: - التعريف بالمنصة وأهميتها في بناء شبكة مهنية قوية - أسس بناء بروفايل احترافي يجذب فرص العمل والشراكات - أداة البحث عن عمل واستعمال الذكاء الصناعي  - التسويق الشخصي بالمحتوى وميزات الاشتراك المدفوع . الورشة Online google meet التوقيت الجمعة الساعة 7 إلى 9 مساء . للتسجيل على الورشة الرابط أدناه https://lnkd.in/eaPSz_Pt

في ناس بتقول عندي سيفي مرتب ماني بحاجة LinkedIn 😏 بس شو الفرق؟ 🤔 .. ببساطة بروفايل LinkedIn هو النسخة الحيّة من السيفي خليك معي لنبني بروفايل احترافي خطوة بخطوة 🙏 واذا في أي سؤال لا تتردد بالتواصل معي أو السؤال بالتعليقات ✍ .. يمكنك متابعة #سلسة_لينكدإن 📃 من خلال الضغط على الهاشتاغ #DimahLinkedIn .. كيف تزيد عدد زوار برروفايلك على LinkedIn https://lnkd.in/e76Bmzh2 .. أنا ديمة 🧕 مهندسة طبية وإدارية، حاصلة على MBA وأدير فريق تقديم خدمات دعم المسار المهني بخبرة 7 سنوات وأكثر من 1700 عميل راضٍ 💓 أشارك معكم شروحات ونصائح لكتابة السيرة الذاتية، تحسين بروفايل لينكدإن، اختيار منصة العمل، تحضير ملف الأعمال وكل شي بتحتاجه لدعم مسارك المهني ولتوصل للمكان يلي بيحققلك طموحاتك 💯

أي نموذج لغوي تفضل؟ من جهتي أفضل Gemini ومن جديد بدأت باستخدام ChatGPT الصورة من مساق إدارة المحادثات مع بوتات الدردشة المعتمدة على الذكاء الاصطناعي التوليدي من مبادرة مليون خبير لأوامر الذكاء الاصطناعي https://omp.dub.ai/

لما تكون فريلانسر وعندك بيبي 👶🏻 هو نفس بالظبط اذا كنت بتشتغل عند مدير صعب المزاج كل ما تبلش بمهمة يطلب منك مهمة تانية وكل ما تحاول ترجع للشغلة يلي بلشتها بيطلب منك قصة بمجال مختلف تماماً 🙆🏻 الفرق بس انو المدير الصغير تبعك كلشي عندو URGENT ‼️ وبيصير يبكي اذا بتتأخر عليه.. بينما الكبير عنده صلاحيات يخصملك من الراتب 😂 #motherhood #freelance #work_life_balance

الناس بيفكروا أنو رمضان مو وقت للبحث عن شغل 🤔 وبيزتوا كلشي لبعد العيد وهاد أكبر غلط ممكن تعمله! ليش؟ لأن المنافسة بتخف بشكل كبير 📉 معظم الناس بيوقفوا البحث عن شغل برمضان يعني طلبك رح يبرز أكثر بنفس الوقت الشركات ما بتوقف التوظيف✋🏻 الـ HR departments شغالة، المشاريع مستمرة المناصب الشاغرة لسا بحاجة تنشغل وبالتالي هي فرصة تحضير بدون ضغط عندك وقت أكثر بالليل لتحسين سيفيتك وبروفايل اللينكدإن وبتقدر تركز وتخصص كل طلب بهدوء وأهم شي توقيت هالسنة رمضان جاي بشهر فبراير ومارس ف الشركات بكون عم تخطط للربع الثاني وكتير شركات بتحضر للتوظيف بعد رمضان مباشرة ف يلي بيقدم برمضان بيكون أول المرشحين! لازم تكون خطتك لرمضان: • الأسبوع 1 حدّث سيفيتك ولينكدإن • الأسبوع 2 وسّع شبكتك على LinkedIn • الأسبوع 3 قدم على 5-10 وظائف (مخصصة) • الأسبوع 4 تابع مع الشركات، حضّر للمقابلات البركة بالوقت، والنتيجة بتجي بعد العيد 🎉 رمضان مبارك عليكم، وإن شاء الله شهر مليان بركة وفرص 🌙 .. أنا ديمة 🧕كاتبة سيرة ذاتية احترافية، مهندسة طبية وإدارية MBA وأدير فريق تقديم خدمات دعم المسار المهني بخبرة 7 سنوات وأكثر من 1700 عميل راضٍ 💓 أشارك معكم شروحات ونصائح لكتابة السيرة الذاتية، تحسين بروفايل لينكدإن، اختيار منصة العمل، تحضير ملف الأعمال وكل شي بتحتاجه لدعم مسارك المهني ولتوصل للمكان يلي بيحققلك طموحاتك 💯 "#رمضان_كريم #Ramadan2026 #فرص_عمل #DimahCV #رمضان_فرصة #Career_tips #Job_search #LinkedIn #سيرة_ذاتية #تطوير_مهني #Ramadan_opportunities #تخطيط_مهني #نصائح_رمضان"

عملت بروفايل لينكد إن بس ما حدا معبرني ‼️ .. لحتى تقدر توصل للجمهور المستهدف على أي منصة تزيد عدد الزوار ويجيك طلبات وفرص وتشبيكات 😎 حتبلش من 1️⃣ بروفايلك 2️⃣ محتواك ثم 3️⃣ تفاعلك مع الناس وتبدأ من برا برا من عند صورتك والهيدلاين يلي تحت اسمك . خليك معي لنبني بروفايل احترافي خطوة بخطوة 🙏 ونحكي بكل هالتفاصيل ببساطة واذا في أي سؤال لا تتردد بالتواصل معي أو السؤال بالتعليقات ✍ .. يمكنك متابعة #سلسة_لينكدإن 📃 من خلال الضغط على الهاشتاغ #DimahLinkedIn .. أنا ديمة 🧕 مهندسة طبية وإدارية، حاصلة على MBA وأدير فريق تقديم خدمات دعم المسار المهني بخبرة 6 سنوات وأكثر من 1700 عميل راضٍ 💓 أشارك معكم شروحات ونصائح لكتابة السيرة الذاتية، تحسين بروفايل لينكدإن، اختيار منصة العمل، تحضير ملف الأعمال وكل شي بتحتاجه لدعم مسارك المهني ولتوصل للمكان يلي بيحققلك طموحاتك 💯

أنا صرت عاملة مية CV وما استفدت شي كلو كب مصاري‼️ .. هي من أشيع الجمل يلي بيبدؤا فيها عملائنا المتعرضين لحالات نصب فمنشرحلهن شو يلي بيميز السيفيات يلي منعملها 🗒️ والخدمات الاضافية يلي منقدمها 💫 .. نحنا مؤمنين أن الCV مو مجرد ورقة وإنما قصة لازم تنحكى اهتمامنا بالتفاصيل الدقيقة بيفاجئ عملائنا فمنحصل على فيدباك: 👇 ما كنت بعرف أن سيفيتي ممكن تكون رائعة بهالشكل!! عرفتوا شو بدي أكتر مني ! ❤️ .. لهيييك قررنا نجمع جهود الفريق ونشرح بطريقة مرئية محتويات السيفيات والتقديم على شغل وكلشي بيتعلق بالمسار المهني عن طريق فيديوهات قصيرة 🎥 من تقديم الكوتش Nisreen Al-Madi .. وين ما كنت 🌍 بتقدر تدعمنا وتوصل صوتنا لكل مهتم بمتابعة حساباتنا على منصات التواصل الاجتماعي والتزكية 🤘 📸 انستغرام:  https://lnkd.in/e7MPiSpJ 👍 فيسبوك: https://lnkd.in/eJqVEcU4 🚀 تيك توك https://lnkd.in/eBVn5SXA ⭕️ قناة فرص العمل: https://lnkd.in/e9JqJZFa نتطلع للبقاء على تواصل معكم 🌸

اللينكد إن منصة توكسيك جداً ‼️ لك ما معي غير ICDL شو بدي اعمل انا على اللينكد إن ⁉️ هاد الجواب يلي بسمعه من كتير ناس لما بنصحهن يبلشوا يتواجدوا هون ويعملوا بروفايلات مرتبة .. وغيرها من الأجوبة تبع "بحس العالم ولدانة من بطن أمها معها 3 بكالوريوس و2 براءة اختراع ولافة حوالين الكوكب 7 مرات !!" " هاد اللينكد ان لجماعة المفزلكين وشوفة الحال بلا طعمة كأنوا ما حدا غيرهن أنجز" "ع اساس انا عندي شي حطه بهالبروفايل كلهن شهادتين وخبرة عمل يلي معي ‼️" "بحس حالي حشرة ما أنجزت شي بحياتي بس فوت عليه بسكر وبطلع" أنا شخصياً كنت من جماعة أخر سطر  وحس انو ما عملت شي بحياتي  كل ما فوت شوف انجازات العالم 🚀 وضليت من 2017 ل 2020 كل ما ادخل كم يوم اكتئب وأطلع 😢 لحد ما فهمت اللعبة وعرفت الهدف من تواجدنا هون ! 👏 أنت أمام بحر من الخبرات والتجارب تبع الآخرين كنز بيخليك تشوف يلي وصلوا شو الخطوات يلي مروا فيها وين اشتغلوا وشو الشهادات والمهارات يلي اكتسبوها لوصلوا لهالأماكن يلي تخليهن يحكوا بفخر عن انجازاتهن ومتل ما بيقولوا "لا تقارن بداياتك بموسم حصاد الآخرين!" بالعكس شوف الحصاد تبعهن وتعلم كيف تزرع متلهن ☘️ وضيف اللمسة يلي تخلي النبتة تبعك مميزة ومثمرة بشكل مختلف ❤️ #ريادة_الأعمال #المقارنة #البدايات #ثمرة_الاستمرار #الخبرة

تعب 6 سنوات ونيف في تقديم خدمات بناء المسار المهني والتوعية في هذا المجال أجدى نفعاً وفائدة مع الكثير من الشبان والشابات ------------- المرتبة الثالثة في سوريا كـ Career Coach ضمن التصنيف الجديد لمنصة Favikon بعد وصولي ترتيب Top 24% في الإمارات ... وقريبا رح تشوفوا محتوى مهم ان شاءالله حضرتلكم شروحات كتيرة وتفاصيل مهمة لدعم مسارك المهني على LinkedIn ------------ أنا ديمة 🧕 مهندسة طبية وإدارية، حاصلة على MBA وأدير فريق تقديم خدمات دعم المسار المهني بخبرة 6 سنوات وأكثر من 1500 عميل راضٍ 💓 ضمن DNA في سوريا و Dinimo CV في الإمارات . أشارك معكم شروحات ونصائح لكتابة السيرة الذاتية، تحسين بروفايل لينكدإن اختيار منصة العمل، تحضير ملف الأعمل وكل شي بتحتاجه لدعم مسارك المهني ولتوصل للمكان يلي بيحققلك طموحاتك 💯 .. #عدنا

مع إني مو من لعيبة chat gpt وبفضل Gemini و Claude أكثر بس صورة جيدة بالاقتصار على المحادثات القليلة بيننا 😂 #ترند #cv #ذكاء_اصطناعي

فبراير = شهر الفرص الجديدة 💼✨ كتير ناس بيبلشوا السنة بحماس بيناير وبس يوصلوا لفبراير بيكونوا فقدوا الموتيفيشن وكبوا الto-do-lists 🤣 لهيك فبراير هو الشهر الحقيقي للبدايات لأنه هون بتبين جديتك وإصرارك اذا كنت: ❌ لسا ما حضرت سيرتك الذاتية ❌ بروفايل LinkedIn تبعك ناقص ❌ ما عندك portfolio يعرض شغلك فهاد الوقت الذهبي حرفياً 👌 خلال هالشهر رح شارك معكم: • كيف تكتب Cover Letter يفتحلك أبواب • سر كتابة الـ References الصح • طريقة تخصيص السيفي لكل وظيفة • بناء علاقات مهنية على LinkedIn 🤝 • كيف تحضر Portfolio احترافي تابعني وخلي الإشعارات مفعّلة مشان ما يفوتك شي 🔔 .. أنا ديمة 🧕 مهندسة طبية وإدارية، حاصلة على MBA كاتبة سير ذاتية احترافية، وأدير فريق تقديم خدمات دعم المسار المهني بخبرة 7 سنوات وأكثر من 1700 عميل راضٍ 💓  أشارك معكم شروحات ونصائح لكتابة السيرة الذاتية، تحسين بروفايل لينكدإن، اختيار منصة العمل، تحضير ملف الأعمال وكل شي بتحتاجه لدعم مسارك المهني ولتوصل للمكان يلي بيحققلك طموحاتك 💯 #DimahCV #فبراير_الفرص #تطوير_المسار_المهني #بداية_جديدة #تحفيز #فبراير2026 #نصائح_التوظيف #سيرة_ذاتية #LinkedIn #Portfolio

أنا شخص "كثير الجدال" بطعمة وبلا طعمة متل ما بيقولو اذا شي ما عجبني صعب اسكت ولازم اعمل سيرة وقصة منه مشان ما كون سلبية وإمعة وهالشي مأثر على سلامي الداخلي لحد ما قريت بمكان ما قصة ملخصها مصطلح "choose your battles" اختر معاركك لأن الحياة الظريفة تأتي مع حمل من المعارك اليومية كوننا مو عايشين لوحدنا ومو كلشي بيمشي على كيفنا وفي ناس بتتقصد تزعجنا فبدل ما تستلم بالكلية وتكون شخص سلبي لتوصل للسلام والراحة طنش 80% من المشاكل واختار تخوض 20% بعض المعارك الصغيرة يلي بتشكل خطوط حمراء بالنسبة الك مثال: شريكك بالشغل نقى اللوغو والهوية البصرية والحبشتكلات غير يلي انت بتحبه مشيييي الشغل وكمله رفيقك اختار مشوار او مطعم غير يلي انت ببالك ومخططله بسييييطة اتجاوز الامر وانت مبسوط حدا اتأخر عليك ونقعك نص ساعة بالطريق مع انك منبه عليه مية مرة عاااادي بتصير بأحسن العائلات لكن حدا ياكلك بسكوتاتك وشيبساتك مثلا هييي بدا معركة وتخليه يرجع يجبلك منهن لأن الاكل خط أحمرررر ما بينمزح فيه 😂 بالنسبة الك شو في معاارك ممكن ما تتجاوزها ولازم تخوضها؟؟

تعاون جديد وورشة لينكدإن مجانية جديدة بين أيديكم فخورة إنو جهودنا بإيصال المعلومات بطريقة جاذبة ومميزة عم تثمر وشغلنا عم يمتد خارج الحدود والأهم انو فكرة التعاون عم تكون من أشخاص حضور بورشاتنا السابقة. 🔑 LinkedIn: The Key to Opportunities Gate 🤝 بالتعاون مع مبادرة BELI – Balochistan Emerging Leaders Initiative في باكستان 🇵🇰 نهدف إلى فتح أبواب عالم اللينكدإن أمامك لتصل إلى الفرص التي تستحقها، تلتقي بالمبدعين من مجالك 💡وتتواصل مع شبكة مهنية عالمية 🌍 📅 التاريخ: الجمعة 27 شباط ⏰ الزمان: 1:00 PM – 3:00 PM (بتوقيت دمشق) 🌐 المكان: Google Meet 📩 سيتم إرسال رابط الدخول عبر الإيميل بعد التسجيل 🔗 التسجيل عبر الرابط أو عن طريق QR code الموجود بالصورة: https://beli.org.pk/events • الورشة باللغة الإنجليزية 🌎 لضمان وصول المعلومات لكافة الحضور من مختلف الدول • يوجد شهادة حضور 🎓 لهيك سارع بالتسجيل 🔥

بعالم الخدمات الالكترونية المتشابكة والفريلانسنغ إذا الزبون طلب منك خدمة مأجورة قريبة ع مجالك بس انت بالاحوال العادية ما بتقدمها أو ما قدمتها من قبل .. 🤔

شراكة جديدة .. شباب متحمس .. طاقة عطاء ❤️

للي بيسألوا كيف نخلي بوستاتنا توصل لناس أكتر 👇🏼

كم مرة سمعت: "ليش بدي أكتب Cover Letter؟ السيفي كافي!" 🤔 بينما بالواقع 75% من مدراء التوظيف بيقرأوا الـ Cover Letter قبل السيفي!  معظم السيفيات بتحمل نفس الشهادات ونفس الخبرات لكن الـCover letter مميز من شخص لأخر ومانه مجرد رسالة رسمية! بل هو فعلياً *قصتك المهنية* وفرصتك لتبرز شخصيتك 😎 في هالـ carousel رح أعلمك: • ليش الـ Cover Letter مهمة • الهيكل المثالي (مقدمة، محتوى، خاتمة) • كيف تبدأ بقوة وتختم باحترافية • أخطاء شائعة لازم تتجنبها احفظ المنشور لما تكون جاهز تكتب Cover Letter احترافية 🔖 تواصل معي لطلب Cover Letter مخصصة لمنصب معين وإذا عندك أي سؤال، اكتبلي بالتعليقات 👇 .. أنا ديمة 🧕 كاتبة سير ذاتية احترافية، مهندسة طبية وإدارية، حاصلة على MBA وأدير فريق تقديم خدمات دعم المسار المهني بخبرة 7 سنوات وأكثر من 1700 عميل راضٍ 💓 أشارك معكم شروحات ونصائح: - لكتابة السيرة الذاتية، - تحسين بروفايل لينكدإن، - اختيار منصة العمل، - تحضير ملف الأعمال، وكل شي بتحتاجه لتوصل للمكان يلي بيحقق أحلامك 💯 #DimahCV #Cover_Letter #رسالة_التقديم #سلسلة_السيرة_الذاتية #نصائح_التوظيف #كتابة_احترافية #التقديم_على_وظيفة #ATS #توظيف

أنا بغير اسم الشركة بالسيفي وبرسله 😅 وبعدين بستغرب ليش ما عم يردوا علي؟! 🤷‍♀️ عفكرة نظام ATS والـHR بيعرفوا إذا السيفي نفسه عم تبعته لكل الوظائف ولا مخصصه بليرة 🤣 😂 السير الذاتية المخصصة عندها فرصة 60% أعلى توصل لمقابلة! شاركني: شو أكتر تحدي بتواجهه لما بدك تخصص السيفي؟ 👇 #DimahCV #تخصيص_السيفي #Tailored_CV #سلسلة_السيرة_الذاتية #ATS #نصائح_التوظيف #CV_customization #فرص_عمل #احترافي

ليش ناس بنفس الكفاءة بعضهم بيلاقي شغل، وبعضهم لأ؟ مو لأن حدا بينهم أذكى أو خبراته أحسن بس لأنه عرف كيف يقدم نفسه 😎 لهيك نحنا بـ DNA Career Services بنأمن إنه كل إنسان عنده قصة مهنية تستاهل تنحكى بالطريقة الصح 👌 مهمتنا إننا نساعدك تحكي قصتك بسيرة ذاتية احترافية وبروفايل LinkedIn يفتحلك أبواب الفرص، وملفات أعمال واضحة. من سوريا للعالم شغلنا معك حيكون من أول يوم لحتى توصل للشغل يلي بيلبي طموحك. إذا حاسس إن مسيرتك المهنية ما عم تعكس كفاءتك الحقيقية تواصل معنا.

"𝗥𝗲𝗳𝗲𝗿𝗲𝗻𝗰𝗲𝘀 𝗮𝘃𝗮𝗶𝗹𝗮𝗯𝗹𝗲 𝘂𝗽𝗼𝗻 𝗿𝗲𝗾𝘂𝗲𝘀𝘁" كم مرة شفت هالجملة بآخر السيفي؟ 🤔 بالحقيقة: هالجملة صارت قديمة وما عاد إلها لزوم ✋🏻 لأنه مسؤولين التوظيف ب̲ي̲ع̲ر̲ف̲و̲ا̲ إنه بيقدروا طلب المراجع 😒 ما في داعي تحجز مساحة بالسيفي لتكتب شي بديهي طيب شو الصح؟ ايمت تكتب References؟ 1️⃣ إذا الإعلان طلب منك بشكل صريح 2️⃣ إذا عندك مرجع ق̲و̲ي̲ ̲ج̲د̲اً̲̲ من شركة مشهورة 3️⃣ إذا المرجع هو شخص معروف بالمجال كيف تكتب References؟ • اسم المرجع الكامل • المنصب الوظيفي • اسم الشركة/المؤسسة • رقم التواصل (إذا أخذت إذنه مسبقاً!) • العلاقة المهنية (مدير سابق، زميل، أستاذ) مثال: Reference: Dr. Ahmad Hassan Senior Marketing Manager, XYZ Corporation ahmad.hassan@xyz.com | +971-XX-XXXXXXX Former Direct Supervisor --- • لا تحط مراجع بدون ما تاخد إذن من الشخص • حضّر المراجع مسبقاً وأعلمهم إنه ممكن يتصلوا فيهم • اختار مراجع يعرفوا شغلك وإنجازاتك منيح وبرأيي بدل ما تكتب "References available upon request" استغل المساحة لتحط skill أو إنجاز إضافي. عندك سؤال عن المراجع؟ اسألني بالتعليقات 👇 .. أنا ديمة 🧕 كاتبة سيرة ذاتية احترافية، مهندسة طبية وإدارية، حاصلة على MBA وأدير فريق تقديم خدمات دعم المسار المهني بخبرة 7 سنوات وأكثر من 1700 عميل راضٍ 💓  أشارك معكم شروحات ونصائح لكتابة السيرة الذاتية، تحسين بروفايل لينكدإن، اختيار منصة العمل، تحضير ملف الأعمال وكل شي بتحتاجه لدعم مسارك المهني ولتوصل للمكان يلي بيحققلك طموحاتك 💯 #DimahCV #References #المراجع #سلسلة_السيرة_الذاتية #نصائح_احترافية #كتابة_السيفي #CV_tips #توظيف #نصائح_التوظيف

ترقبوا الورشات والفعاليات القادمة 😍

أشياء قد تحسبها بسيطة ولكنها ليست بهينة عند الله احذر ❌

هيك رسائل هية يلي بتعطي لشغلنا معنى 🙏🏼❤️ ... دعوة لكل أصدقائي على اللينكد إن العاملين في جميع القطاعات كلكم عندكم معلومات قوية ما شاءالله 😎 وأي معلومة بسيطة بتقدروا تفيدوا فيها ممكن تكون زكاة عن عملكم وتترك أثر طيب أو تساعد شخص يمكن ما بتعرفوه حتى 👌🏼 وهاد أحسن وقت للمبادرة شو ما كان مجالكم لنساهم بدورنا المجتمعي ✌🏼🔥 ... وللي عندي وما بيعرف شو بقدم لسا: أنا ديمة مهندسة وإدارية بخبرة أكتر من 6 سنوات بدير فريق خدمات لدعم المسار المهني DNA وبنشر نصائح عن السيرة الذاتية وتقوية حساب لينكد إن واختيار فرص العمل .. شكراً جزيلاً Ghadeer Abu shaer ❤️

جهزنالكم دليل كامل 😁😁 حضّرناه بعناية من واقع خبرتنا الطويلة بالسوق السوري. فيه الأسئلة الشائعة بكل مرحلة من المقابلة، طريقة الإجابة الصح، ونصائح عملية بتفرق معك. علق على المنشور بكلمة "جاهز للمقابلة" لنرسلك ياه مباشرةً ⚡ (الهدف من التعليق نعرف الاشخاص المهتمين لنقدر نقدم محتوى جديد مناسب ومفيد ومخصص أكتر😇) وإذا بدك نحضّرك على مقابلة حقيقية أو نراجعلك سيرتك الذاتية راسلنا لنشتغل سوا. بالتوفيق ♥️

إدارة المشاريع كتلة من التناقضات 🥲 لازم تحط خطة شاملة فيها كل التفاصيل! وبنفس الوقت لازم تكون مرن لتتعامل مع كلشي غير متوقع حدوثه 🙄 تحط الصورة الكبيرة قدام عيونك وتركز ع الهدف وبنفس الوقت تلاحق كل التفاصيل يلي بتخلي هالهدف يتحقق بالاسلوب او المسار الصحيح وفوق كلشي لازم يكون عندك اللطف والعطف للتعامل مع الفريق لدعم المشروع 😊 والشجاعة والقدرة لتواجه معرقلي المشروع وتحافظ على استمراريته أهم مشروع بحياتك هو أنت 🫵 فكر فيها .. #مهارات_التواصل #مهارات_التخطيط #مهارة_إدارة_الأفراد #الرؤية #الحظ طبعاً الصورة من مشاريع فضاء مالنا علاقة فيها ❌

متل ما خبرناكم بورشاتنا .. منحة لينكد ان جديدة من تجمع الشباب السوري حضروها لتحظوا بفرصة حصول على لينكد ان بريميوم لمدة سنة

زينة من أكثر الأشخاص راحة وود بالتعامل ودقة واتقان بالعمل ♥️ قدرت خلال فترة قصيرة تطور مسيرتها المهنية وتوصل لمكان مميز وتساعد كل حدا حواليها! يلي عم يدور على شغل بمجال التسويق والمبيعات والمحاسبة او المجال التقني 🔍 يتواصل معها 🌸

مرحباً بشهر العمل 🌙 رمضان كريم عليكم جميعاً .. تقبل الله طاعاتكم 🙏🏻

بعد نجاح الشراكة الأولى في DNA مع شركة EarTech خلال جلسات Career Planning ضمن ai & Cybersecurity Bootcamp وبتفاعلكم وكثرة الطلب وأراء المستفيدين الإيجابية نعلن عن إطلاق ورشة تدريبية بالشراكة للمرة الثانية  بعنوان "كيف تحول بروفايل LinkedIn لمغناطيس الفرص؟" الورشة موجهة لفئة أوسع داخل وخارج سوريا لنلبي طلباتكم جميعاً ❤️ ستكون أونلاين على يومين بكلفة رمزية فورم التسجيل https://lnkd.in/eM7bpA9k

التعلم رحلة لا تنتهي ♥️ حتى لو كنت عم اعطي كورسات وورشات عمل عن تطوير بروفايل اللينكدإن والمحتوى والتشبيك .. لازم دايما من وقت للتاني احضر كورسات بمجالي لحتى تضل المعلومات تتجدد وتتحدث لاقدر اعطي أفضل ما عندي 🙆🏻👏🏻 Marketing on LinkedIn! https://lnkd.in/dcfb9xTR #linkedinmarketing

صرنا بال2026 ولسا في ناس بتبعت نفس السيفي لكل الوظائف 😶‍🌫️

شرح قوي ووافي للطريقة الافضل لكتابة ملخص السيرة الذاتية 👇🏼