Gehad Dwidar's Recent LinkedIn Posts

مشهد ضاحية الجيش المصري في العبور فكرني باستراتيجية مهمة جداً في الـ Personal Branding: الـ Authority الحقيقية بتتشاف في الأثر، مش تتحكي في الكلام. 🇪🇬 إمبارح، مدينة العبور صحيت على طابور ضاحية لرجال الجيش المصري وسط الشوارع. ورغم أن الجيش المصري يُصنف دايمًا من أقوى الجيوش فى العالم، إلا إننا نادراً ما بنشوف كلام كتير لإثبات القوة دي. هو بيظهر في طابور ضاحية، أو عرض جوي، أو تدريب مشترك، والرسالة بتوصل كاملة من غير شرح طويل. إيه اللي نتعلمه من ده للـ Branding على LinkedIn؟ العميل مش مهتم يسمع إنك خبير أو معاك شهادات، هو مهتم يشوف الـ Impact اللي هتعمله في شغله. والقوة في الـ Personal Branding بتتبني بـ 3 خطوات عملية: ✅ الشهادات وسيلة مش غاية: بدل ما تعرض شهاداتك، وضح القيمة (Value) اللي الشهادة دي بتضيفها لعميلك. الشهادة هي ضمان أن قراراتك مبنية على علم، مش مجرد اجتهاد. ✅ الخبرة هي الأمان: الخبرة مش بعدد السنين، هي بالمشاكل اللي عرفت تحلها. وضح لعميلك إزاي خبرتك هتختصر عليه وقت، مجهود، وتكلفة. ✅ المهارة هي الحل: لما تاخد كورس جديد، اتكلم عن الـ Skill اللي زادت عندك وإزاي هتحسن جودة الخدمة. العميل بيشتري النتيجة، مش الكورس. الـ Authority بتيجي لما تكون محدد وبتتكلم بلغة النتائج. زي ما النتيجة الواضحة رسالتها دايمًا بتوصل.. خلي أثر شغلك هو اللي يحكي عنك. إيه أكتر نتيجة حققتها وكانت أقوى من أي لقب على البروفايل؟ أنا جهاد دويدار | Personal Branding Specialist بساعد صُناع القرار يبنوا Personal Brand واضح ومؤثر على LinkedIn #الجيش_المصري #العبور #القيادة #صناعة_المحتوى #الوطن_العربي #تطوير_الذات #PersonalBranding #LinkedInTips #BusinessStrategy #MarketingDigital #GrowthMindset

أوعى تحط Emojis في البوست، لأحسن يقولوا إنك كاتبه بالـ AI! ⚠️ الايام دي.. بقيت بلاحظ كومنت متكرر، أول ما البوست يكون منظم وفيه شوية إيموجيز بتوضح المعنى، تلاقي حد داخل كاتب بثقة: واضح إنه AI. الغريب إننا كبشر، بنقضي يومنا كله على واتساب بنعبر عن مشاعرنا بالـ Emojis.. بنضحك ونزعل ونوصل نبرة صوتنا بيها. الـ AI لما نزل قلدنا واستخدمها لأنها لغتنا، فمش منطقي نتنازل عن طريقتنا لمجرد إن التكنولوجيا قلدتها! تنسيق السطور واستخدام الرموز مش AI.. ده ذكاء كتابة (Copywriting) عشان عين القارئ ترتاح وهو بيعمل Scroll، ويفهم مود الجملة في ثانية. الفرق الحقيقي بين الـ Human Touch والـ AI مش في الإيموجي. الفرق بيبان في الروح، في الحكاية، وفي النبرة الواقعية اللي طالعة من تجربة إنسانية حقيقية. شاركوني برأيكم: بتواجهوا الكومنت ده في بوستاتكم وإزاي بتفرقوا بين المحتوي الإنساني والـ AI؟ أنا جهاد دويدار | LinkedIn Personal Branding Strategist بساعد صُناع القرار يبنوا Personal Brand واضح ومؤثر على LinkedIn.

سمعت عن التحديث الجديد لـ LinkedIn؟ دلوقتي تقدر تبني بيرسونال براندنج في مجالك، ويجيلك Followers.. من غير ما تنزل ولا بوست واحد! لو لسه متعرفش، في تحديث جديد بدأ يظهر عند ناس كتير: أي كومنت بروفيشنال وذكي بتكتبه، بقى ممكن يظهر جنبه زرار Follow فورًا. ده معناه إيه؟ معناه إنك مش محتاج تستنى الناس تدخل بروفايلك مخصوص عشان تتابعك. ممكن حد يشوف كومنت ليك، يعجبه تفكيرك ويقرر يتابعك في نفس اللحظة. والحقيقة إن التحديث ده جاي ينصف الناس الشاطرة بجد: ✓ مفيش مكان لكومنتات: ممتاز، أتفق، بالتوفيق. ✓ فرصة حقيقية لأي حد عنده معلومة وعايز يظهرها بشكل بروفيشنال ✓ مجهودك في القراءة والرد الواعي بقى له نتيجة أسرع وأوضح ومن تجربتي مع العملاء على LinkedIn: 1️⃣ متكتبش كومنت وتمشي. اكتب كومنت يخلي اللي يقرأه يقول: مين ده؟ أنا لازم أتابعه. 2️⃣ اربط كلامك بخبرتك. اسأل سؤال يفتح نقاش،أو قول رأي مختلف بس بشياكة. دلوقتي LinkedIn بيدي فرصة إن الناس تتعرف عليك من كومنت واحد مكتوب صح، ولو الزرار لسه مظهرش عندك، استعد له من دلوقتي بالكومنتات اللي فعلًا بتضيف قيمة. تفتكروا إيه أكتر نوع كومنت يخليكم تدوسوا Follow لشخص فورًا؟

تعرف إن 10 دقايق comments في اليوم، ممكن يخلوك تظهر على لينكدإن من غير ما تنزل ولا بوست واحد؟ ✔️ واحد من اهم الأسرار اللي بستخدمها دايمًا مع الـ Clients في شغل الـ Personal Branding، هو إن الظهور مش مرتبط ابدًا بالـ posting كل يوم. الـ Comment Strategy بالنسبة ليا، جزء أساسي من بناء حضور قوي في الـ Personal Branding. والفكرة بسيطة وسهلة: تخصص وقت ثابت كل يوم، تدخل تعمل comments عند ناس من نفس مجالك أو نفس الـ Audience اللي حابب توصله. اكيد مش comments مجاملة، لكن رأي واضح، ملاحظة ذكية، أو سؤال له معنى. كده اسمك يبدأ يبان جوه Community مهتمة فعلًا بنفس المجال، والناس تتعرف عليك من طريقة تفكيرك قبل ما تشوف بوستاتك. في الـ Personal Branding، الحضور الذكي أهم من الحضور الكتير، يعني 10 دقايق فى اليوم ممكن تعمل فرق حقيقي فى الاكونت بتاعك! اكتب Comment واحد في المكان الصح، أقوى بكتير من بوست اتكتب ومفيش حد شافه. وبالتوفيق 🙏❤️

أجدادنا مكنش عندهم LinkedIn بس كان عندهم جورنال الأهرام. 📰☕ كان الجد يبدأ يومه بالجورنال وفنجان القهوة أو الشاي.. مش لمجرد إنه يعرف الأخبار وخلاص، لكن لأنه كان فاهم إن الشخص اللي عايز يبقى كلامه له قيمة، لازم يبقى عارف إيه اللي بيحصل حواليه. كان يقرأ، يفهم، ويربط الأحداث ببعض. ولما يقعد بالليل في المندرة أو على القهوة، ميكونش مجرد حد بينقل خبر سمعه.. كان بيقول رأيه، يحلل، ويطلع الزتونة. ومع الوقت، الناس كانت تبدأ تسأله: إنت شايف الموضوع ده إزاي؟ وهنا بالظبط الدرس المهم لأي شخص عايز يبني Personal Brand قوي: ١. متابعة الجديد في تخصصك مش رفاهية.. ده جزء أساسي من بناء اسمك. ٢. مينفعش تبقى عايز الناس تشوفك كخبير، وإنت بعيد عن اللي بيحصل في مجالك. ٣. مينفعش تبني حضور مؤثر، وإنت بتتكلم في العموميات بس. والأهم طبعًا.. مينفعش تعتمد على إنك تنقل أخبار أو تعيد صياغة تريندات من غير ما تضيف رأيك الشخصي. لأن الخبر لوحده مش بيبني براند.. رأيك في الخبر هو اللي بيبني البراند. ✨ لو فيه تحديث جديد في مجالك، اسأل نفسك: ١. ده معناه إيه؟ وهيأثر على السوق إزاي؟ ٢. أنا متفق ولا مختلف؟ وليه؟ ٣. إيه الزاوية اللي الناس مش واخدة بالها منها؟ هنا بس بتتحول من شخص بيكتب محتوي، لشخص عنده وجهة نظر. الـ Personal Branding الحقيقي مش إنك تبقى موجود كتير، هو إن وجودك يبقى له معنى. مش مطلوب تجري ورا كل تريند، لكن مطلوب تتابع الجديد، تفهمه، وتقول رأيك فيه من زاويتك المهنية. أجدادنا علمونا الدرس ده من غير ما يسموه مسميات معقدة: اقرأ الأول.. افهم كويس وبعدين اتكلم برأي يستاهل يتسمع. 📜 سؤالي ليكم: آخر مرة تابعت خبر في تخصصك وقلت رأيك فيه بوضوح كانت إمتى؟ دي أول حكاية من سلسلة #نوستالجيا_براندنج_الأجداد سلسلة بنرجع فيها لأصول البراندنج عند أجدادنا بس بعين 2026. أنا جهاد دويدار | Personal Branding Specialist بساعد صُناع القرار يبنوا Personal Brand واضح ومؤثر على LinkedIn

تعرفوا ازاي.. بوست واحد كتبته على لينكدإن جابلي عرض شغل؟ وبعيدًا عن إن العرض مكملش، بس خلينا في المهم 😂 البوست كان عن الـ Emojis والـ AI على LinkedIn. الموضوع ممكن يبان تفصيلة بسيطة، بس الحقيقة إن طريقة استخدامك للإيموجي والتنسيق بتغير شكل الـ Feed، وبتأثر جدًا على الـ Professional Image بتاعتك قدام جمهورك. بعد ما نزلت البوست، جالي عرض الشغل ده من شخص لفت نظره إني بربط تفصيلة بسيطة زي الإيموجي بـ الـ Personal Brand، وبحلل تأثيرها على الـ Impression اللي بيوصل للناس. وده أكدلي حاجة استراتيجية ومهمة جدًا: العميل مش هيصدق إنك Professional لمجرد إنك كاتب خبرتك في الـ Bio، أو ضفت شهادات كتير في البروفايل. العميل بيصدق لما يشوف طريقة تفكيرك وعقليتك قدامه، وعشان تثبت ده عمليًا، المحتوى بتاعك لازم يركز على نقطتين: 1️⃣ الشرح التعليمي القوي: إنك تمسك مشكلة حقيقية في مجالك، وتشرحها من زاوية مختلفة ومبسطة للناس. 2️⃣ الرأي الاستراتيجي: إنك تشارك رأيك المبني على ممارسة وفهم حقيقي للسوق، مش مجرد كلام نظري. وده صلب الـ Personal Branding ودور المحتوى: إنه يحول خبرتك من مجرد كلام في الـ CV، لـ دليل حقيقي يشوفه العميل ويقتنع بيه قبل حتى ما يدخل يكلمك Inbox. علشان كده، كل بوست بتنزلوه مش مجرد محتوى.. ده ممكن يكون Potential Lead، أو بداية ديل جديد، أو السبب اللي يخلي الشخص الصح يشوف قيمتك في الوقت الصح. شاركوني برأيكم: تفتكروا إيه أكتر حاجة في محتوى أي متخصص بتخليكم تثقوا فعلًا في خبرته؟ أنا جهاد دويدار | LinkedIn Personal Branding Strategist بساعد صُناع القرار والمديرين التنفيذيين يبنوا Personal Brand واضح ومؤثر على LinkedIn.

عايز تعرف إزاي قدرت أوصل لأكتر من 30 ألف ظهور (Impressions) من بوست واحد بس وفي خلال 72 ساعة؟ 🤔 السر كله يتلخص في كلمة واحدة: الترند الإنساني. الصورة دي هي الـ Analytics لبوست مشهد ضاحية الجيش المصري في العبور اللي نزلته من 3 أيام. البوست ده حقق واحدة من أهم مميزات الـ Personal Branding: إنه محققش Reach وخلاص، لكنه قدر يخلق اهتمام حقيقي. أكتر من 19 ألف شخص وصلهم البوست، وخرجت منه بـ 176 متابع جديد دخلوا البروفايل عندي وبقوا جزء من الـ Community بتاعي بسبب بوست واحد! طيب، إزاي تطبق الـ Strategy دي على حسابك من غير ما البراندنج بتاعك يبان عشوائي؟ الترند من أقوى الطرق اللي تعمل بيها Organic Reach سريع، بس عشان تشارك في الترند صح وتلمس قلوب الناس، لازم تمشي على 3 قواعد: 1️⃣ بلاش كوبي وبيست: الناس مش مستنيين حد ينقلهم الخبر، هما مستنيين يشوفوا الـ Perspective بتاعتك أنت، وموقفك الإنساني العفوي اللي بيعكس عقليتك وشخصيتك. 2️⃣ الـ Value Match: الترند هو مجرد الـ Hook اللي بيشد عين المتابع، لكن الشطارة إنك تربط المشهد ده بتخصصك، شغلك، أو نصيحة حقيقية من واقع تجربتك ومجالك. 3️⃣ ابني الـ Authority بتاعتك: الترند بيفتح لك الباب، بس كلامك الصادق وتحليلك البسيط للموقف هو اللي بيخلي المتابع يدخل بروفايلك ويضغط Follow وهو مقتنع إنك شخص فاهم وعنده قيمة حقيقية يقدمها. الترند مش مجرد موجة تفاعل مؤقتة، ده Golden Opportunity لبناء هويتك الرقمية لو عرفت تستغله كـ Bridge يوصل الجمهور لتخصصك الأساسي بأسلوب بسيط وقريب من الناس. قولي في كومنت: إيه آخر ترند عدى عليك وحسيت إن صاحبه اتكلم فيه بشكل إنساني وقريب منك؟ انا جهاد دويدار | Personal Branding Specialist بساعد صُنّاع القرار يحولوا خبرتهم لحضور واضح ومؤثر على LinkedIn

المُلتفت لا يصل.. والانشغال بالنفس عافية! في رحلتك المهنية، هتقابل مواقف كتيرة قادرة تشتتك وتشدك لمعارك مش بتاعتك خالص. هتلاقي زميل بيحاربك لمجرد إنك بقيت أحسن منه، مدير بيقلل من مجهودك عشان قلقان من شطارتك، أو ناس كل شغلتها تشكك في خطواتك وأحقيتك بالمكان اللي إنت فيه. الطبيعي إنك تضايق، بس الفخ الحقيقي هو إنك تركز وتضيع وقتك وطاقتك في محاولات عشان تثبتلهم إنك شاطر ومظلوم. الالتفات ده هو اللي بيعطلك عن طريقك بجد. العافية الحقيقية وسر سلامك الداخلي، هو إنك تقفل وتفصل عن الدوشة دي كلها وتركز في نفسك وبس، تركز في الـ Skills بتاعتك، في تطوير نفسك، وفي الحفاظ على نظافة قلبك وطاقتك للشغل اللي بتحبه وللناس اللي شبهك. المحترف الحقيقي مش اللي بيدخل كل خناقة بتفرضها عليه البيئة اللي حواليه، المحترف هو اللي فاهم إن الـ Impact وجودة شغله هما اللي هيردوا بالنيابة عنه في الآخر. شاركوني برأيكم: إزاي بتقدروا تقفلوا وتفصلوا عن الدوشة والحروب الجانبية في مكان الشغل؟ أنا جهاد دويدار | LinkedIn Personal Branding Strategist بساعد صُناع القرار يبنوا Personal Brand واضح ومؤثر على LinkedIn

قبل ما يبقى فيه LinkedIn.. أجدادنا كان عندهم المندرة! ☕ زمان.. أجدادنا مكنش عندهم بروفايلات ولا Followers، بس كان عندهم Community حقيقي ومكانه كان المندرة. المندرة مكنتش مجرد أوضة للضيوف، دي كانت المكان اللي بيتبني فيه الاسم والسمعة. الجد زمان مكنش بيدخل المندرة عشان يظهر خبرته، كان بيدخل عشان يشارك الناس. يسمع ده بيشتكي من إيه، ويناقش ده في مشكلته، ويقول رأيه في موضوع شاغل الكل.. كان بيبني Trust بالهداوة، ومن غير ما يطلبها. ولو هننقل أصول المندرة دي لـ LinkedIn دلوقتي.. نعمل إيه؟ الـ Personal Branding مش بس إنك تنشر بوستات (Content)، البراند الحقيقي بيبدأ في الـ Comments: ✅ اسمع قبل ما تكتب (Listening Strategy): أجدادنا مكنوش بيتكلموا لمجرد الكلام. راقب الكومنتات في مجالك، شوف الناس بتسأل عن إيه، وإيه المشاكل اللي بتكرر عندهم. أوقات أقوى محتوى بيبدأ من سؤال حقيقي ووجع موجود فعلاً، مش من مجرد فكرة محفوظة. ✅ ضيف الزتونه الحقيقية (Value Commenting): بلاش كومنتات عامة ومكررة زي أتفق وكلام مهم. ضيف تجربة، امثلة، زاوية مختلفة، أو خطوة عملية، الكومنت القوي هو اللي بيثبت الـ Authority بتاعتك، ويخلي الناس تحس إنك فاهم أصل الشغل. ✅ ابنِ علاقات مش ظهور وخلاص (Community Building): المندرة كانت علاقات إنسانية و LinkedIn برضو كدة. رد على الأسئلة، ادعم المبتدئين، وناقش المتخصصين (Professionalism). الـ Community الحقيقي بيتبني من الثقة المتكررة ومواقفك مع الناس، مش من بوست واحد أجدادنا علمونا إن الـ Authority مش في كتر الكلام، لكن إنك تكون موجود "صح" وسط الـ Community بتاعك وتفيدهم. سؤالي ليكم: تفتكروا إيه أكتر حاجة بتخليكم تحسوا إن الشخص ده فاهم في مجاله من مجرد مناقشة معاه في الكومنتات؟ دي تاني حكاية من سلسلة #نوستالجيا_براندنج_الأجداد سلسلة بنرجع فيها لأصول البراندنج عند أجدادنا بس بعين 2026. أنا جهاد دويدار | Personal Branding Specialist بساعد صُناع القرار يبنوا Personal Brand واضح ومؤثر على LinkedIn

ليه في ناس شاطرة جدًا في مجالها بس مش قادرة تظهر على LinkedIn؟ السؤال ده بيفضل في دماغي كتير. لأننا كل يوم بنشوف ناس بتعرف تتكلم عن نفسها كويس، وده مهم طبعًا. بس في المقابل، في ناس تانية عندها خبرة حقيقية وشغل قوي، ومع ذلك حضورها ضعيف أو مش واضح اصلاً. مش دايمًا المشكلة إن الشخص مش شاطر. أحيانًا المشكلة إنه مش عارف يحكي عن شغله ببساطة، أو حاسس إن الظهور مش شبهه. يمكن عشان كده LinkedIn مش محتاج نصايح أكتر، قد ما محتاج تجارب حقيقية. أنا هنا هشارك خبرتي، واللي اتعلمته من شغلي في البيرسونال براندنج، زي تحديد مكانك الصح، توضيح خبرتك، وتقوية حضورك بشكل بسيط. وهدفي هو: إن الشخص الشاطر يعرف يظهر بشكل شبهه.. من غير تكلف، ومن غير ما يحس إنه بيمثل. لو مهتم بالبيرسونال براندنج بشكل عملي وبسيط، خلينا نبدأ سوا.

من Internship، لتعيين في نفس الشركة! 💼 فى سنة 2025.. دخلت Internship في شركة Brand Me وقتها كنت داخلة أتعلم، ومش متوقعة حاجة أكتر من كده. النهارده.. أنا بتعين في نفس الشركة. ✌️ والحقيقة إن اللي حصل، مكنش مجرد تدريب وخلاص، كان تجربة مختلفة بكل تفاصيلها. أنا حبيت مجال الـ Personal Branding من قلبي. حبيت أدخل في تفاصيل كل شخصية، وأفهم كل Tone of Voice، اتعمق أكتر فى كل تخصص أو مجال، وأشوف كل Client كأنه عالم لوحده. ده كله مكنش هيحصل ولا كنت هوصل للمرحلة ديه من غير فضل ربنا عليا، وكرمه ليا. 🙏 اللي رتب، وخطط، وفتح أبواب من غير حساب. ولا فضل خلود kholoud Adel الـ Accounts & Content Director والانسانة قبل أي حاجة. 🤍 خلود علمتني الشغل بجد، علمتني أفكر، وأفهم، وأرتب، وأشتغل صح، خلتني أكون مؤهلة لفرصة زي ديه. ممتنة جدًا لكل لحظة اتعلمت فيها، وكل تصحيح او توجيه. الحمد لله على حلم بدأ بتعلم وكمل بتعيين 🤍

عايزة أشارككم حاجة شخصية جدًا.. مع إني مش بحب أعمل كده كتير! لو سألتوني: إيه أكتر مرحلة بحبها في الـ Personal Branding؟ إجابتي مش وقت النشر ولا حتى لما البوست يبقى Viral. أكتر لحظة بحبها بجد هي وقت الـ Brief. ❤️ اللحظة اللي العميل يبدأ يحكيلي فيها عن نفسه قبل ما نحكي عن المحتوى.. عن أحلامه اللي لسه محدش شايفها، عن مخاوفه من الظهور، وعن الرحلة الطويلة اللي وصلته للخبرة اللي عنده النهارده. في اللحظة دي بحس بمسؤولية كبيرة جدًا.. لأن الشخص اللي قدامي مش جي يشتري خدمة وخلاص، ده حاطط ثقته الكاملة فيا إني أكون جزء من رحلته، وأساعده يظهر علمه وخبرته بالشكل اللي يستحقه. وده بيحول العلاقة من مجرد Project.. لعلاقة إنسانية جدًا. العميل بالنسبالي بيبقى كأنه جزء من عيلتي الصغيرة في الشغل، وساعتها طاقتي كلها بتبقى رايحة لحاجة واحدة بس: ✓ ازاي اخلي الخبرة دي تتشاف؟ ✓ ازاي اخلي القصة دي توصل للناس الصح؟ ✓ ازاي اطلع الشخص ده بشكل حقيقي يشبهه؟ أنا بؤمن إن الـ Personal Branding مش مجرد بوستات وجرافيكس.. هو إنك تفهم الشخص بجد، قبل ما تبدأ تكتب عنه. ممتنة جدًا لكل عميل سمحلي أكون جزء من قصته، ولكل حد وثق فيا عشان نبني رحلته مع بعض. ✨ سؤالي ليكم النهاردة: لو قعدنا مع بعض دلوقتي وطلبت منك تحكيلي "قصتك" في جملة واحدة.. هتقول إيه؟

ده "كلام فارغ"..!! دي كانت إجابة المهندس Samih Sawiris لما سألوه عن سر شطارته وإنجازاته! في الوقت اللي الكل بيحاول يظهر فيه بصورة "التنين" اللي صنع المستحيل بذكائه الخارق، قرر يكسر القاعدة دي بمنتهى الشياكة والصراحة.. وقال ببساطة إن الموضوع مش شطارة، الموضوع "رزق، عطية، وحظ". أنا ليه بحترم آراء الراجل ده جداً؟ لأنه حقيقي مع نفسه.. مش بيدعي المثالية ولا بينكر فضل ربنا وتوفيقه. كلامه بيفكرنا إننا مهما عملنا "Plan" ومهما درسنا السوق، فيه عامل "رباني" هو اللي بيحرك كل حاجة. ودي حاجة أنا مؤمنة بيها جداً: السعي فرض، بس النجاح ده رزق ملوش كتالوج..وفعلاً لحظة توفيق واحدة بتغني عن سنة سعي. اسعوا واعملوا اللي عليكم، وسيبوا الباقى على توفيق ربنا. وحابة اعرف رأيكم: إمتى حسيتوا إن "التوفيق" هو اللي أنقذ الموقف بعيداً عن حسابات الورقة والقلم؟

تفتكر إيه أكتر حاجة ممكن تبقى مغامرة في شغلي على لينكدإن؟ 👀 لما يكون عندي client جديد وأبدأ أعمل competitor analysis، وأفضل ألف من Account لـ Account وأنا بحاول أفهم المنافسين من غير ما أتكشف 👻 وفي وسط كل ده، كل اللي بفكر فيه: يا ترى حد خد باله إني دخلت على الـ Account بتاعه؟ خصوصًا إن LinkedIn واضح جدًا في حتة الـ profile views للأسف مش كل competitor analysis بيعدي بسلام وساعتها السؤال الحقيقي بيبقى: أكمل عادي ولا أهرب على فين؟ 😅

قبل الـ Profile Picture.. كان فيه الطربوش! 🤎 زمان، أجدادنا كانوا عارفين بالفطرة إن الـ First Impression جزء لا يتجزأ من قيمة الشخص. الواحد منهم مكنش ينزل لشغله أو يروح لمقابلة إلا وهو في كامل شياكته، ولابس الطربوش المظبوط. كانوا بيحترموا "المظهر" عشان عارفين إنه أول حاجة بتقول للناس إنت مين وبتفكر إزاي، من قبل حتى ما تتكلم. النهارده على LinkedIn، مفيش طربوش بس فيه Personal Branding كامل هو واجهتك قدام السوق وصُناع القرار. نظرة العميل أو المستثمر بتبدأ من أول ثانية عينه بتيجي فيها على صورتك، الـ Headline، والـ Bio. وقبل ما حد يدخل يقرأ أفكارك، هو بيكون فكرة عن مدى احترافيتك من شكل الاكونت وتنسيقه. لو الواجهة دي مش معمولة بـ Standard عالي يعكس خبرتك الحقيقية، ممكن تخسر فرصة أو صفقة مهمة لمجرد إن أول انطباع موصلش الإحساس بالثقة والـ Authority. الـ LinkedIn Profile Optimization مش مجرد شكل شيك.. ده الطربوش بتاع زمان. هو الأداة اللي بتقول للناس: أنا محترف، وبحترم المكان والعملاء اللي بتعامل معاهم. واهتمامك بتفاصيل حسابك هو أول خطوة بتأكد بيها مكانتك في السوق، قبل ما تبدأ أي كلام. شاركوني برأيكم: إيه أول حاجة بتلفت نظركم في بروفايل أي شخص وتخليكم تحسوا إنه محترف في مجاله؟ الـ Picture ولا الـ Headline؟ دي تالت حكاية من سلسلة #نوستالجيا_براندنج_الأجداد سلسلة بنرجع فيها لأصول البراندنج عند أجدادنا بس بعين 2026. أنا جهاد دويدار | Personal Branding Specialist بساعد صُناع القرار يبنوا Personal Brand واضح ومؤثر على LinkedIn.