Ghaith Al-Qattan's Recent LinkedIn Posts

من لا يشكر الناس لا يشكر الله من فترة كنت عم اتأمل ببروفايل اللينكد ان تبعي و مفكرو منيح و مرتب و ممتاز لجذب العملاء و لكن بعد ما سجلت بورشة العمل المقدمة من Dev MENA اختلف الحكي بالكامل 😮‍💨👌🏻 الورشة عبارة عن ٤ محاضرات تدريبية مبارح حضرت اول محاضرة تدريبية بإشراف الآنسة Alaa Almasri و كانت المحاضرة عن بناء بروفايل لينكد ان احترافي المحاضرة كانت ولا أروع ، و لاحظت أنو من أول محاضرة و يلي كانت مدتها ساعة فقط .. قدرت أني التمس فائدة بشكل مباشر و بطريقة سريعة و رائعة🤩 فما بالكم بس نكون حضرانين المحاضرات بالكامل ! اديش حيكون في نتيجة رهيبة و قيم مضافة لحساباتنا و طريقة نشاطنا على المنصة ؟ بالنهاية شكراً آنسة آلاء ، و شكرا Dev MENA

إذا انت من المؤثرين على لينكد ان و بتهتم بالتصنيف تبعك فهاد البوست الك. عملتلك اداة Ai مجانية بالكامل, و الفكرة خطرتلي من هالموقف : من فترة اسبوع تقريبا حضرت محاضرة للأستاذ Mohamad Yousif Ybroudi و خلال هي المحاضرة انطرح سؤال كتير مهم من الأستاذ Alaa Habaiba السؤال كان : هل التعليقات باستخدام الـ Ai الها تأثير سلبي على بوستاتي و تصنيف حسابي على منصة Favikon ولا لاء ؟ و الاستاذ يوسف جاوبه : اي ، الها تأثير سلبي و كبير كمان و بيخلي تصنيف الحساب ينضر كتير فاليوم أجيت لأعلن عن أداة Li-Scan يلي بتخليك تعمل تأكد من البوستات و التعليقات ما مدى احتمالية انهن يكونوا عن طريق الـ Ai (ملاحظة ضرورية : مو كل روابط البوستات بتقبلها الـTool فإذا واجهتك هي الشغلة بتقدر تنسخ محتوى البوست و تحطه بالـ Tool بكل بساطة ) حفاظ عندك البوست مشان ما تضيع الأداة منك ، و عطيني رأيك لأنو بيهمني كتير❤️ هي رابط الأداة : li-scan.vercel.app