Haitham Zaki's Recent LinkedIn Posts

إن شاء الله هعمل Webinar تفاعلي مجاني عن : مهارات الذكاء الاصطناعي لمديري المشاريع 📅 التاريخ: الثلاثاء ١٤ أبريل ٢٠٢٦ 🕖 الوقت: ٧:٠٠ مساءً (بتوقيت القاهرة) هنتكلم عن أهمية تطبيق الذكاء الاصطناعي في شغلك الفعلي كمدير مشروع، زي: - استخراج مخرجات التخطيط من ملخصات المشاريع تلقائياً - صياغة التواصل مع أصحاب المصلحة بشكل احترافي - اكتشاف المخاطر المحتملة في وقت أبكر - إدارة الاجتماعات بكفاءة وفاعلية أعلى كل الحضور هيحصلوا على شهادة ب2 PDUs ممكن يستخدموها في تجديد شهاداتهم التدريبية ال Webinar متصمم خصيصاً لـ: مديري المشاريع، وقيادات الـ PMO، وقادة الأجايل، ومديري التسليم — اللي بيدوّروا على طرق عملية يدمجوا بيها الذكاء الاصطناعي في شغلهم اليومي. التسجيل في الرابط أدناه : https://lnkd.in/dvJ2XPWC #AI #AI_for_PMs #Agile #Haitham_zaki

أحب أشكر كل اللي شرفونا في الويبنار AI For PMs, انبسطت جدا بمستوى الEngagement والتفاعل من الكل, يارب نكون قدرنا نضيف قيمة للجميع. الwebinar بالكامل هينزل مسجل ان شاء الله قريبا, شكرا ليكم ❤️

من فترة، كنت بمر بموقف صعب في مشروع شغال عليه مع عميل بيني وبينه علاقة شغل ممتازة، المهم كنت شغال معاه على مشروع يعتبر الأهم عنده والتسليم في المعاد هو أهم عامل للنجاح، بعد ما عملت الplan واتفقت على معاد تسليم والحياة وردي، يحصل اللي مش عامل حسابه، تقريبا اتحسدنا أنا والعميل وحصل مشكلة من ال Vendor اللي أنا هستلم منه وأسلم العميل، في اللحظة دي، بيكون عندك 3 حلول: * تسكت وتعمل فيها مش فاهم حاجة وتدعي بينك وبين نفسك إن معجزة ما تحصل وتسلم في معادك. * تتكلم وتقنع اللي حواليك ان كله تمام وتعيش حالة من الإنكار. * تقول الحقيقة المجردة للعميل وأجرك على الله. بصراحة؟ كنت خايف. خايف من رد فعل العميل، خايف من "اللوم"، وخايف صورتي وصورة شركتي تهتز. لكن قررت أواجه. رفعت السماعة وطلبت اجتماع، وقلت جملة واحدة: "يا فندم، إحنا عندنا مشكلة هتأخرنا أسبوعين، وده السبب.. وده الحل المقترح لتعويض الوقت." وقمت وجريت 🏃‍♂️ , طبعا بهزر بس كنت مترقب أسمع رد فعله وفي نفس الوقت خايف علاقتنا تتأثر. سكتت واستنيت الانفجار. لكن اللي حصل كان العكس تماماً! العميل اتضايق فعلاً في أول دقيقة (وده حقه)، لكن بعدها قال جملة مش هنسى أثرها: "أنا متفهم جداً، وأشكرك إنك عرفتني دلوقتي بدل ما أتفاجئ يوم التسليم. وخلينا نشوف مع بعض ازاي نقلل أثر التأخير ده. اللي اتعلمته من الموقف ده ولخصته في شغلي كاستشاري: * الصدق "بيوجع" لحظة، بس الكدب "بيكسر" الثقة للأبد. * العميل فاهم كويس إن حاجات زي كده وارد جدا تحصل، بس هو يفرق معاه انت هتتصرف ازاي مع مشكلة أو أزمة زي دي، هتتحمل مسؤوليتها ولا هتنكر وتكابر. * المشكلة لما بتستخبى بتكبر وريحتها بتفوح، المواجهة هي الحل، اعتبره دوا بتاخده عشان تبقى كويس. في عالم البيزنس، سمعتك هي العملة الحقيقية، والصدق هو اللي بيحافظ على قيمتها مهما كانت الظروف. سؤالي ليكم: هل مريتم بموقف مشابه خفتوا فيه تقولوا الحقيقة لعميل أو مدير، وحصل ايه لما قلتم الحقيقة؟ شاركونا تجربتكم في التعليقات. #Trust #Transparency #ProjectManagement #Professionalism #BusinessEthics #AgileMindset

"معندكش خبرة." الجملة دي سمعتها عشرات المرات لما حاولت أغير مساري المهني. 2013 السنة اللي غيرت مساري كله. كنت وقتها بقالي 8 سنين شغال مهندس technical، وعارف كويس إن ده مش المكان اللي عايز أوصله. كان عندي شغف حقيقي بإدارة المشروعات، لدرجة إني حصلت على PMP سنة 2008 وبقيت أقرأ في المجال بشكل مكثف, مش عشان حد طلب مني، لكن عشان أنا عايز أتعلم في المجال ده. بس كل ما حاولت أنقل، الرد كان واحد: "آسفين، معندكش خبرة." وبدأت أسأل نفسي: طيب ازاي يكون عندي خبرة في مجال جديد أنا لسه ماشتغلتش فيه؟ ده مش تحدي بتاعي أنا بس, ده تحدي كل حد بيحاول يغير مساره المهني. فقررت أعمل حاجة مختلفة. بدل ما أفضل أبعت CVs وأستنى ردود غالبا مابتحصلش, قررت أتواصل مباشرة مع مدير الفريق اللي كنت عايز أنضم ليه. عرفته بنفسي، وضحت اهتمامي، وبينت معلوماتي وشغفي بالمجال. مش عشان أطلب وظيفة دلوقتي, لكن عشان أكون في باله لما تيجي الفرصة. وبفضل الله، الخطة نجحت. أول ما بقى فيه opening، هو اللي اتصل بيا. المسار المهني نادراً ما بيكون خط مستقيم. السوق بقى صعب، والمنافسة عالية، والفرص اللي بتيجي لوحدها قليلة جداً. اللي بيفرق مش بس الكفاءة، لكن الجرأة إنك تاخد خطوة غير تقليدية في الوقت المناسب. ومع كل ده، بيفضل في قلبي يقين واحد ثابت: "وَأَن لَّيْسَ لِلْإِنسَانِ إِلَّا مَا سَعَىٰ" اسع بجد، واتوكل أكتر. أنا عندي سؤال ليكم: لو حد منكم عدى بنفس الموقف وغير مجاله — ازاي عمل ده؟ شاركونا قصتكم , ممكن تكون الحاجة اللي محتاجها حد تاني دلوقتي.

عايزين تعرفوا تأثير المدير عامل ازاي في حياة الإنسان ؟ هحكيلكم قصة حصلت مع حد كان شغال معايا في نفس الفريق من فترة كبيرة, كنت ساعتها بشتغل شغل technical وكانت طبيعة شغلنا معتمدة على سرعة تقفيل الtickets اللي بيفتحها العميل ولازم تتقفل بجودة عالية, كان في واحد معانا شخصية محترمة جدا ولكن أداؤه كان سيء وبطئ جدا, مهما نحاول نعلمه ونعمله Coaching كان مش قادر يواكب سرعة الفريق وبالتالي كان دايما أقل واحد أداءا لدرجة انه جاب تقيمين ورا بعض سيئين وكل ده مديرنا صابر عليه ومش عايز ياخد اجراء معاه على أمل انه يتحسن, كان كلام مديري معاه في الأول بيركز على انه يعلمه الشغل وطريقة انه ينجز أسرع ولكن بدون فايدة, وكان بيسأله لو في حاجة شخصية هي السبب في ده ولكن الشخص ده كان ممتنع تماما عن انه يحكي اي ظروف شخصية لحد مالمدير حس ان الموضوع مش مجرد اداء وحش, الموضوع نفسي بحت, في حاجة جوة الولد ده هي السبب في ضعف الأداء ده. ساعتها مديري قعد معاه قعدة وقاله انه بجد عايز يساعده وخايف عليه ومتأكد انه كويس وشاطر بس في حاجة مانعاه من انه يشتغل كويس, الولد بالفعل كان بيمر بظروف عصيبة شخصية, خسر فلوس كتير في مشروع وده كان سبب أزمة مادية كبيرة في حياته وكمان انفصل عن خطيبته, مديري اداه الأمان وقاله انه هيساعده يتجاوز الموقف ده وهيقف جنبه وهيديله فرصة تانية يثبت فيها نفسه, وخلى احد اهدافي في السنة دي اني اساعده وانا بصراحة كنت مبسوط جدا بالمهمة دي, وسبحان مغير الأحوال, الولد في سنة بس تحول تماما, اداءه اتحسن ومش بس كده, بقى يجيب اعلى تقييم لمدة سنة ونص كاملين واعلى مني شخصيا, بجد كنت مبسوط وحاسس ان الحمد لله كان ليا أثر طيب عليه بفضل الله والفضل يرجع بعد ربنا لمديري اللي بدعيله كل ما افتكره, الولد ده ساب الشركة واشتغل في شركة تانية احسن وماشاء الله النهاردة هو في حتة تانية خالص, ده مش كلام رومانسي والله, تأثير المدير المباشر عظيم على حياة كل واحد فينا, فلازم اي مدير يكون فاهم ده كويس جدا ويتقي الله في الناس اللي معاه ويتعلم ويطور من نفسه مهنيا ونفسيا وعقليا قبلها عشان نسهل حياة الناس اللي ربنا هيسألنا عليهم. اعمل mention لمدير محترم أثر في حياتك تأثير ايجابي, دي فرصة كويسة انهم يحسوا بالتقدير #leadership #management

مشروع مدير, قريبا 🚀 Tarek Zaki Karim Gaber Saleh #Leadership #management #Managers_in_The_Making

في ناس كتير بتدخل الإنترفيو وهي فاكرة إنها رايحة “تتقيم" بس الحقيقة إن الإنترفيو مش امتحان الإنترفيو فرصة إنك توري إنت تقدر تحل مشاكل إيه. في الكليب ده من أول حلقة من بودكاست "مشروع مدير"، شاركت فكرة بسيطة بس بتفرق جدا: إزاي تنقل نفسك من مجرد مرشح… لحد بيقدم قيمة حقيقية لو الفكرة دي فرقت معاك، هتلاقي في الحلقة الكاملة تفاصيل وأمثلة عملية أكتر بكتير. مناقشة ممتعة مع Tarek Zaki Karim Gaber Saleh هسيب اللينك في أول كومنت ولو حابب النوع ده من المحتوى، اعمل Subscribe عشان توصلك الحلقات الجاية #InterviewTips #CareerGrowth #Hiring #PersonalBranding

الاستاذ هشام عز العرب قال كلمة مهمة جدا معناها أن لو مالكش بديل يبقى ماتطلبش ترقية. واحدة من أهم الحاجات اللي اتعلمتها مع الوقت مع الخبرة هو إن الناس مش بتكبر تحت الرقابة، إنما بتكبر تحت الثقة. في مديرين أذكياء جدًا لكن فرقهم كانت ضعيفة، وده مش بسبب نقص المهارات لكن بسبب إن كل قرار لازم يعدي عليهم. كل خطوة لازم يراجعوها وكل تفصيلة لازم يوافقوا عليها. ومع الوقت الفريق بيتعلم أنه مايفكرش يتصرف لوحده، لازم يستنى التعليمات. الثقة مش إنك تسيب الحبل على الغارب. الثقة إنك تدي الناس مساحة يتحملوا فيها المسئولية ويتعلموا حتى لو أخطأوا. لأن هدف القائد الحقيقي مش إنه يبقى أهم شخص في الفريق. هدفه إنه يبني فريق ينجح حتى لو هو مش موجود. هل تتفق؟ #leadership #management

معادنا بإذن الله بعد بكرة الثلاثاء 14 ابريل الساعة 7 مساءا بتوقيت القاهرة, Webinar تفاعلي مجاني مع شهادة حضور عن : تطبيقات الذكاء الاصطناعي لمديري المشاريع, هنتكلم عن أهمية تطبيق الذكاء الاصطناعي في شغلك الفعلي كمدير مشروع، زي: - استخراج مخرجات التخطيط من ملخصات المشاريع تلقائياً. - صياغة التواصل مع أصحاب المصلحة بشكل احترافي. - اكتشاف المخاطر المحتملة في وقت أبكر. - إدارة الاجتماعات بكفاءة وفاعلية أعلى. التسجيل في الرابط : https://lnkd.in/dvJ2XPWC #AI #AI_for_PMs #Agile #Haitham_zaki

الAgile ولا الWaterfall نختار بناءا على ايه ؟؟ في إدارة المشاريع، مفيش "مقاس واحد بيلبس الكل". ساعات الـ Waterfall بيبقى هو الأمان والعمود الفقري، وساعات الـ Agile بيبقى هو المنقذ في وسط الظروف المتغيرة. في الحلقة الجديدة من بودكاست #مشروع_مدير، اتناقشنا أنا وأصدقائي Tarek Zaki Karim Gaber Saleh في نقطة جوهرية: - ليه المشاريع بتفشل رغم إن الـ Dashboard كلها "Green"؟ - الفرق بين الdeliverables والValue وازاي اوقات اتباع الخطة بحذافيرها ممكن تبعدنا عن الValue ؟ - وإزاي تختار المنهجية اللي تناسب طبيعة شركتك والـ Stakeholders بتوعك. الـ Agile مش مجرد "مرونة"، والـ Waterfall مش مجرد "جمود".. الموضوع كله فن إدارة التوقعات وتقديم قيمة حقيقية في وقتها الصح. شوفوا الفيديو القصير ده، وتقدروا تسمعوا الحلقة كاملة من الرابط في أول كومنت وعايز أعرف منكم: في مشاريعكم الحالية، شغالين Agile ولا Waterfall؟ وإيه أكتر تحدي بيقابلكم؟ #إدارة_مشاريع #بودكاست #مشروع_مدير #Agile #Waterfall #القيادة #ProjectManagement #why_projects_fail