Ahmed Metwally's Recent LinkedIn Posts

لو حذرتك من حاجة غلط فده مش علشان أنا مثالي لا علشان أنا عملت الغلط ده قبل كدة وشفت بنفسي أن النتيجة مش حلوة وده ياخدنا لنقطة مهمة انت كدة كدة هتغلط فى شغلك سواء قاصد أو غصب عنك اهم حاجة تتعلم وتبقى عارف أنه غلط

كورس جديد .. نزل على المنصة. ده مش كورس git عادي اللى هو تعالى نكتب مع بعض كام command وخلاص لأ ده ازاى بنستخدم git كـ team فى الشغل الكورس ده موجه اكتر للـ engineers اللى بدأوا بيشتغلوا بالفعل متاح فقط فى All Courses plan الكورس من اعداد وتقديم المهندس عبد الرحمن احمد Senior Site Reliability Engineer at Careem

اهتمامك بالأصول والذوق والأداب العامة اللى بتحكم مجتمعك (بشكل متوازن) لا يقل اهمية عن اهتمامك بأصول شغلك. وقد يكون أهم.

كورس جديد نزل على المنصة النهاردة عن الـ terraform كالعادة هنعرف تفاصيل مهمة للشغل تساعدك انك تـ build وتـ manage ال infrastructure والـ changes اللى بتتم عليها بشكل أمن وسلس الكورس متاح بشكل تلقائي لكل المشتركين فى All Courses plan الكورس من تقديم المهندسة Aya Attia Senior DevOps engineer at Valeo

يوماً ما .. وهذا اليوم في المستقبل البعيد .. اللى لسه بيعرف يكتب كود هيبقى اسمه Distinguish engineer وهيشتغل فى شركات كبيرة وياخد مرتب اكبر من ارباح شركات صغيرة.

الـ AI ممكن يضيع لك وقتك عادي ويسحلك معاه وقت طويل علشان يعملك حاجة انت كان ممكن تعملها اسرع بس انت كنت فاكر انه هينجزك

كل سنة وانتم طيبين

عن مستقبل الـ DevOps وال frontend ,ال Backend وحاجات تانية

في شباب بتسألني انهم بيبقوا مذاكرين كويس ومأهلين نفسهم كويس ومع ذلك بيقدموا على وظائف كتير بدون جدوى وفى منهم حتى اللى محدش بيطلبه لأنترفيو. انا بنصحهم يتواصلوا مع شركات توظيف بتقدم خدمات تقييم ويعرفوا مشاكلهم ايه ويظبطوهالهم استأذنكم لو حد يعرف شركات كويسة بتقدم الخدمة دي ممكن يعملها mention او يكتب ال Link بتاعهم هنا فى ال comments

دي شوية معلومات عن اضطراب أداء نفس الـ Ai model اللى بتتعامل معاه على مدار اليوم  واللى ممكن نسمية "الغباء المؤقت" والكلام ده ينطبق على النسخ المجانية والمدفوعة لكن كل ai provider وأخلاقه بقى اولاً  الأداء وجودة النتائج بتقل لو المحادثة طولت .. بتختلف من model للتاني .. لكن المبدأ ثابت .. كل ما المحادثة تطول وتكون ماليانة ملفات كل ما جودة النتائج بتقل. حلها انك تلخص انت بتعمل ايه وتروح تبدأ بيه محادثة جديدة. ثانياً بعض ال Models لو انت بدأت معاه بطلب معين .. ومخدتش منه النتيجة اللى انت متوقعها .. فبدأت تتناقش معاه فى اجزاء من المطلوب .. احياناً ال Model بيتوه فى انه يجمع كل التفاصيل المطلوبة من المحادثة .. وبيبدأ يضيع منه السياق. بأختصار انت محتاج تجمع اللى انت محتاجه مرة واحدة علشان تاخد افضل نتيجة .. لو لاقيت نفسك بتديله ملاحظات كتير فكدة المحادثة غالباً باظت وهتحتاج تعيدها من الأول. ثالثاً النماذج دي بتتعامل مع احتمالات كتير .. بتاخد وقت ومجهود وطاقة علشان تحاول توصل لأفضل احتمال ممكن  لكن فى نفس الوقت ال ai provider يقدر يقلل المجهود ده على المستخدمين المجانيين (وفى بعض الأحيان على اللى دافعين) بالتالي استهلاك اقل لل resources لكنك هتاخد اول نتيجة محتملة بغض النظر عن إذا كانت افضل نتيجة ولا لأ رابعاً ال computing resources اللى هيتم توجيهك عليها  انت كمستخدم لما بتبدأ تتعامل مع اى ai model بيتم توجيهك لأحد السيرفرات  السيرفر ده ممكن يكون امكانياته قليلة او اجيال قديمة من ال GPUs علشان يخف الضغط على السيرفرات الحديثة للناس اللى دافعين (وتاني ده فى بعض ال Providers ممكن يحصل حتى لو انت دافع والسيرفرات الحديثة بقت مضغوطة على الأخر) ودي حلها انك تقفل التعامل مع المودل وتبقى ترجع له فى وقت تاني وماتضعيش صحتك معاه فى الحالة دي اعتقد ممكن يكون فى اسباب تانية بس دول اللى انا عارفهم دلوقتي

مطلوب Instructors (تسجيل كورسات) السنة دي  فى منصة Cloud Native Base Camp بدأنا نتعاون مع اكتر من instructor علشان نضيف كورسات على المنصة بشكل اسرع وافضل الحمد لله بدأنا بالفعل وفى كورس نزل وفى كورس لسه بيتحضر وفى كلام مفتوح على اكتر من كورس البوست ده تحديداً كاتبه علشان محتاجين حد يعمل كورس Ansible وبرضه احنا عندنا مواضيع تانية محتاجين فيها instructors شاطرين فلو انت عندك خبرة لابأس بها فى الـ DevOps وال Software Engineering  فممكن تبعتلنا برضه وتعرفنا انت ممكن تشرح ايه ولضمان جودة المحتوى المقدم على المنصة الـ instructor اللى هيعمل اى كورس لازم يكون موضوع الكورس جزء من شغله اليومي يعني فى حالة Ansible انت لازم تكون بتشتغل بيها يومياً ده غير ان على الأقل يكون بقالك 3 سنين شغال بيها انا شايف ان دي مدة معقولة علشان تقدر فعلاً تشرحها من واقع خبرة ولازم يكون بيعرف يتكلم كويس الـ process نفسها والأتفاق فيه تفاصيل كتير مش هينفع نكتبها هنا بس دي مش وظيفة ولا fulltime ولا parttime الأتفاق بيكون بالكورس وبنتفق على ال timeframe الكورس يكون جاهز فيه وخلال فترة انتاج الكورس فى تعاون وتواصل مستمر بينك وبين الشركة لو مهتم ابعتلنا Linkedin Profile على الأيميل ده instructors@metwallylabs.com

لأن الـ LLMs متحيزه لفكرك ورأيك بشكل كبير او لو هنتكلم صح .. هى متحيزة لنمط الطلب اللى انت طلبته .. اللى هو بيعبر عن فكرك ورأيك وطريقة كتابتك. هي بتحاول تفهم انت عايز ايه وتقدملك اللى انت عايزه محاولة الفهم دي انت لو عرفت تفاصيلها فالـ AI هينزل من نظرك جامد لأنها مش محاولة فهم .. دي عمليات حسابية .. واحتمال تخاف تستخدمه فى شغل مهم بعد كدة. او تسلم له دماغك تسليم اهالي زي مانت عامل دلوقتي. الـ LLMs مايتعرفش تفرق بين الصح والغلط وفقاً لنيتك فى الطلب. هى بتقارن "نمط" الكلام اللى انت بتقوله وبتستنتج منه شكل الرد المفروض يبقى ايه وفقاً للداتا اللى اتمرن عليها وانت وحظك بقى هو مجازاً ممكن نقول انه حافظ جداً احسن منك بس مش فاهم اى حاجة  (هو عنده تمثيل إحصائي للداتا بشكل مفهوم ليه هو ) العمليات الجسابية اللى بيعملها بتوصله لأنسب رد وفقاً للأرقام اللى بيحسب بيها. ومش هننتقص من حقه شىء .. الراجل النهاردة متدرب على داتا كتير جودتها كويس وسهل بالنسبة له يوصل لرد مناسبة بنسبة كبيرة. امال ايه موضه ال thinking او الـ reasoning اللى بيظهر واحنا بنتعامل معاه ده؟ علشان ال models الجديدة اتدربت على بيانات فيها خطوات تفكير مش مجرد داتا نهائية وده بيخليه يقدر يوصل للرد المناسب بشكل افضل بيقسم شغله لخطوات ويقارن بين خطوات التفكير (اللى متدرب عليها) ويحدد الخطوة الجاية تبقى ايه بدل ما ياخد قرار مرة واحدة. فاحياناً بيفشل انه يفهمك صح .. بس هو مش هيقول انه مافهمش .. هو هيفهم غلط .. وهيتصرف بناءاً على اللى فهمه لو اللى فهمه غلط ده غلط غير شائع .. هو بس فهمك انت غلط .. ولو انت فاهم شغلك فأنت هتعرفه انه فهم غلط وتصحح له الفهم .. ساعتها يا هيفهمك صح .. يا هيفهمك غلط .. وهتدخل فى دائرة مالهاش نهاية سعيدة. احياناً نادرة هيقولك انت تقصد حاجة تانية وده لأن مالقاش اللى انت بتقوله فى الداتا اللى اتدرب عليها لكن لاقى حاجة اقرب. هو خدامك .. فأنت اللى تأمر بيه هيعملهولك .. الا لو انت كنت واضح معاه فى انك بتاخد رأيه ومهتم ان الطلب يتنفذ وفقاً لأفضل توصيات متاحة فى المجال اللى بتتناقش معاه فيه .. فى الحالة دي هيغير النمط اللى بيدور بيه ..  او انت بتطلب حاجة غلط لدرجة انها معروفة وهو متدرب على انها غلط تماماً .. لو طلبت منه يكتب كود يمسح database فى ال Production فهو هيدور على النمط ده وهيلاقى الداتا المرتبطة بيه كلها تحذير فأكيد هيرد عليك بتحذير ومش هيديلك الكود  ليه لأن الـ models الحديث مش متدربة على انها تلاقي الرد فقط وترجعه على طول  معمولها حاجة اسمها alignment  لازم فى شوية filters قبل ما يرد عليك وال filters دي ترجع لمزاج المدرب الـ Models اللى من غير filters او قيم ال filters بتاعتها ملعوب فيها بيتقال عليها uncensored ودي مش هتلاقيها متاحة بشكل رسمي. طب هل ممكن تجبره انه يتجاوز الـ filters؟ والله دي برضه ترجع لمزاج المدرب ممكن فى حالة الكود اللى بيمسح الداتابيز ده لو اصريت او قلت له انا بعمل تجربه خاصة هيقولك اتفضل بس هيكرر التحذير وممكن يرفض تماماً فى حالات تانية اخلاقية مثلاً لحظة بقى علشان انا الكلام سرح مني انا اصلاً كنت عايز اقولك ان انت طرف فى معادلة جودة النتيحة (بنسبة كبيرة لكن مش 100% لأنه فى حالات كتير بيتوه) يعني لو اتنين مختلفين طلبوا نفس الطلب من ال LLms وقعدوا يتناقشوا معاه كل واحد بطريقته وبفكره لغاية مايخلصوا الشغل فأحتمال "كبيييير" ان النتيجتين يبقوا مختلفين. وده ليه؟

فكرة انك تاخد 4 جنية حق شنطة كرتون هتحط فيها بضاعة ب ٣ أو ٤ الاف جنية وانت طالع علشان تنقذ البيئة من البلاستيك فكرة عبيطة اوي انت ممكن تحط حق الشنط أضعاف على البضاعة ومحدش هياخد باله بس توقفني تقولى عايز شنطة طب هات 4 جنية دي فكرة عبيطة اوي عبيطة اوي يا معلمين

هل مافيش مكان فى السوق للـ fresh grads؟ علشان نجاوب على السؤال ده نرجع للـ first principles بتاعة السوق السوق هيشغلك ليه؟ اى شركة هتشغلك ليه؟ ايه ال value اللى هتقدمها للشركة؟ عدد؟ الشركة عايزة عدد معين فأنت هتكمل العدد ده؟ أكيد مش كدة أكيد اى شركة عايز حد يشتغل علشان يعمل شغل وعلشان تعمل شغل لازم تكون يا بتعرف تعمل شغل ياعندك استعداد تتعلم تعمل شغل طب هل ينفع في شغل السوفتوير اياً كان التخصص ان شركة تعين ناس معندهمش مهارات وتصبر عليهم على مايتعلموا لا لا ماينفعش المهارات المطلوبة فى شغل السوفتوير مش مهارات ادارة ولا يدوية بسيطة انت مش بتدور على شغل عامل فى مصنع هتفتح الكرتونة كدة وتعبي فيها البضاعة كدة وتنقلها من هنا وتحطها هنا. شغل السوفتوير معقد ومافيش شركة عندها القدرة او مجبرة انها تعينك بمرتب وتصبر عليك سنة ولا حاجة على ما تبدأ تقدملها value حقيقية ومش كل ال fresh زي بعض فى منهم اللى جهز نفسه وعنده شوية مهارات وفى منهم اللي مافيش .. ماعندوش حاجة .. كل الى معاه ورقة مكتوب عليها انه نجح فى الأمتحانات. التاني ده بقوانين البشر مالوش مكان .. لكن بقوانين ربنا فربنا بيرزق من لا حيلة له. الأولاني ده بقى ليه مكان لو عرف يدور كويس وعرف يبين نفسه كويس طب انت مش عارف السوق عايز ايه او مش فاهم الشركات بتطلب ايه ده كلام ماينفعش يتقال النهاردة الحجة دي كانت تنفع من 20 سنة لما محدش كان يعرف حاجة عن حد النهاردة الناس كلها على النت بيتكلموا فى كل كبيرة وصغيرة الشركات نفسها بتطلع تقول هى بتشتغل ازى والموظفين بيتكلموا عن شغلهم فى اى مناسبة مافيش حاجة مش معروفة كل اللى محتاج تتعلمه وتجهز نفسك بيه مكتوب فى مليون مكان ومعروف جهز نفسك كويس واتعلم تقدم نفسك كويس وسيبها على الله غير كدة هتقعد تشكي كتير والشكوى مش هتفيدك

فى فرق كبير بين الواقع وبين المفروض المفروض ان الناس كلها يبقوا طيبين  ده ال best practices  بس الواقع غير كدة تماماً فماتزعلش وماتستغربش  لما تلاقى واقع مجال معين مختلف عن اللي المفروض المجال يبقى عليه طب ليه المجال بيسمح بكدة علشان ده سوق يا نجم حاول تقف 3 ثواني تستوعب بس كلمة سوق دي وانت هترتاح بعدين المثالية مالهاش مكان غير في فديوهات اليوتيوب وبوستات السوشيال ميديا فى الواقع بقى حتى الناس الكويسة "بتفشل" فى تطبيق ال Best practices فى كل حاجة احسن حد فى المجال هتلاقيه منظم فى حاجة وبيعك فى حاجة الأنسان اللي ماشي يطبق الكتالوج سطر بسطر ده مش موجود

عرض للموظفين اللى بيقبضوا فلوس فقط

الرسالة وصلت يا كريم وحقيقي النتيجة اللى زي كدة هى اللى عملنا علشانها Cloud Native Base Camp فى الأساس. بتمنى لك التوفيق ونسمع عنك قريب كواحد من احسن الناس فى المجال.

انت ممكن تكون فاهم شغلك كويس جدًا بتكتب clean code .. وبتحل مشاكل .. وبتنجز. لكن أول ما الموضوع يبدأ يدخل في العمق شوية أو الأداء يبقى مش بالشكل المتوقع وتبقى مش عارف تتصرف بتحس إن فيه حاجة ناقصة وتبدأ تشك في نفسك. المشكلة مش إنك مش شاطر. المشكلة إنك اشتغلت على الأدوات .. بس ما اشتغلتش على الأساس. في Cloud Native Base Camp بنشتغل على الحتة اللي بتفرق فعلًا عندنا كورسات Algorithms & Data Structures هيعلموك ازاى تفكر بطريقة هندسية وازاى تقدر تتعامل مع الداتا بكفاءة اياً كان حجمها مش حفظ حلول. لكن فهم إزاي تختار الحل الصح. وعندنا كورس Operating Systems ده هينزل بيك لعمق انت ماتخيلتش انك ممكن تنزله قبل كدة وهتعرف اى كود لما بيشتغل نظام التشغيل بيهندله ازاى هتعرف ليه فى بعض الأحيان الكود بتاعك ممكن يكون ممتاز لكن فيه مشاكل فى تشغيله ليها علاقة بنظام التشغيل نفسه ولو لسه في بداية طريقك فعندنا كورس Node.js تقدر تعتبره الهديه اللى هتخليك بدل ما تبقى مجرد واحد حافظ الكود بيتكتب ازاى تبقى مهندس فاهم كل كلمة بيكتبها فى الكود بتتنفذ ازاى ولو حتى مش بداية طريقك كورس الـ Node.js ده هيفيدك حتى لو بقالك 5 او 6 سنين بتكتب كود او حتى اكتر. تفاصيل كل كورس وتفاصيل الأشتراك واى تفاصيل تانية موجودة على موقع المنصة Cloud Native Base Camp. مش هنبالغ لو قلنا الكورسات دي ممكن تساعدك تغير مسارك المهني بالكامل لو انت عندك الأستعداد تبذل المجهود المطلوب