Michael Magdy's Recent LinkedIn Posts

بتفرق ؟! مع عميل المنتج الفاخر .. اكيد بتفرق. 👌💯

تحذير : الفيديو دسم شوية 😅 يحتوي علي ٣ من اقوي التحليلات في البيزنس 👌 ******************* قبل ما تاخد أي قرار استراتيجي لازم تبقى شايف الصورة كاملة SWOT Analysis هي أداة بسيطة في الشكل لكن قوية في التأثير لو اتعملت صح إزاي تعمل SWOT بشكل احترافي وتحوّله من شيت نظري لأداة بتوجه قراراتك فعلاً

هل راغب كان عندة مشكلة مثلا و ما عرفناش نجيبة يصور و اضطرينا نعمله Ai !!! ليه طيب ؟ حتي الاغنية واللحن متواضعين جدا .. مش لايقين لا علي اسم راغب ولا حتي لتسويق مشروع بمئات الملايين! نتعب شوية عشان الsegment اللي بتخاطبها مش سهله و مش بينصحك عليها لما تقولة "وايد حلو يُبا" ولا "مرة مرة حلوة " !! لما تستسهل و تسترخص في الاعلان .. هتعمل اية في المنتج نفسة ! اعلان فيه مجهود ب 100 الف جنية و ممكن يكون اتدفع فية ٥ مليون ولا حاجة !!

قبل ما تفكر تدخل سوق جديد… سؤالك الأول يكون حجم الفرصة قد إيه؟ ****************** في الفيديو ده هتعرف الفرق بين TAM و SAM و SOM وازاي تحسبهم بطريقة عملية تساعدك تقيم السوق وتخطط صح مش كل سوق كبير يعني فرصة مناسبة ليك… المهم الجزء اللي تقدر تخدمه وتنافس فيه فعلاً اتفرج على الفيديو واعرف الخطوات الأساسية للحساب والتقدير السليم

٩٩% هتلاقي نفسك في واحد من المواقف دي !!!! و عشان كدة هتفضل فاكر الاعلان و ال msg بتاعته هتوصل اسهل. Because it clicked 👌

طارق نور .. يضرب ولا يبالي 🤣🤣🤣 ****************** لثاني مرة بعد حملة اعلانات وزارة الصحة (انت الحل) . طارق نور يعمل حملة لمصلحة الضرائب المصرية بطريقته لطيفة جدا. تناول الموضوع بصورة funny بيخفف كثير من ال seriousness و ثقل الموضوع علي المواطن. في الحقيقة موضوع التوعية لحاجة زي الضرائب رخم ولكن وجهة نظري انه اتعمل بصورة خفيفة و بتغطي معظم التساؤلات اللي ممكن تنطرح من المواطن العادي. الطريقة دي هتوصل للجمهور المستهدف بصورة سهلة اكثر من فيديوهات التوعية التقليدية.

هل ممكن تصرف فردي لموظف يأثر علي البراند كله ؟ 👇👇👇👇👇 الموظف لم يراعى طبيعة العميل في الشهر الكريم ولا قدر رد الفعل. في اختيار المديرين (خصوصا مديري الافرع) لازم يتم مراعاة قدرتهم علي حل المشاكل في ظل رؤية سليمة للهدف الرئيسي وهو رضي العميل. خصوصا ان التنازل المطلوب غير مكلف و منطقي في هذه الحالة.

اكاد اجزم ان العرض دا طالع من ال finance مش الماركتنج (بمنطق معاك لسة margin؟ - طب زود شريحة كمان) العروض الترويجية هي أداة قصيرة المدى لتحفيز الطلب… لكن تأثيرها على صورة البراند بيكون طويل المدى. خلينا نشوف ٩ طرق ١. العروض السعرية المباشرة زي الخصومات أو BOGO دي بتكسبك حجم مبيعات سريع جدًا… خصوصًا في الأسواق الحساسة للسعر… لكن مع التكرار بتخلق عميل مستني الخصم دايما والسعر الأصلي بيفقد قيمته ٢. العروض المبنية على الكمية زي B1G10% أو B2G20% دي أذكى شوية… لأنها بتزود حجم السلة الشرائية من غير ما تضغط على margins بنفس قوة BOGO لكنها محتاجة فئة منتج استهلاكية أو متكررة الشراء ٣. Buy One Get Second at Discount دي بتوازن بين القيمة والربحية… وبتشتغل كويس جدًا في المنتجات اللي فيها upselling أو cross selling… زي الأزياء أو الإكسسوارات ٤. الباندلز تجميع منتجات مع بعض بسعر أفضل… وده بيساعدك تحرك منتجات بطيئة وبيحافظ على صورة البراند لأنه مش بيعتمد على كسر السعر المباشر ٥. القيمة المضافة زي الهدايا بدل ما تقلل السعر. بتزود القيمة .. وده بيحسن perception بشكل كبير… خصوصا في البراندات اللي عايزة تحافظ على positioning premium ٦. الكوبونات والـ promo codes دي قوية في الديجيتال. وبتديك تحكم في الاستهداف والقياس… لكن خطرها إنها بتعود العميل على الانتظار لحد ما يلاقي كود ٧. ال cashback العميل بيحس إنه كسب… لكن السعر الأصلي بيظل ثابت… وده مهم في المنتجات عالية القيمة ٨. برامج الولاء وده من أهم الأدوات لزيادة lifetime value لأنه بيركز على العلاقة طويلة المدى بدل الصفقة الواحدة ٩. العروض محدودة الوقت بتخلق إحساس بالإلحاح وبتسرع القرار… لكن لو استخدمتها طول الوقت… بتفقد تأثيرها وفي B2B… القصة مختلفة شوية عندك trade discounts وsell in incentives وsell out incentives ودي بتأثر على سلوك الموزعين أكتر من العميل النهائي… وبتلعب دور كبير في push strategy وهنا نقطة مهمة لازم تتقال بوضوح نرجع تاني للعرض بتاع لورد لما توصل لعروض زي B7G70% off… انت كده مش بتعمل multi-buy ذكي… انت فعليًا بتعمل deep discount متغطي في شكل عرض كمية! العرض ده بيضغط على margins بشكل كبير وبيخلي العميل يخزن بدل ما يشتري بشكل طبيعي وبعدها الطلب بيقع كمان بيغير مرجعية السعر في ذهن العميل وبيخليه يشك في القيمة الحقيقية للمنتج وفي B2B… ممكن يخلي الموزعين يكدسوا بضاعة مش قادرة تتحرك… وده بيكسر السوق سعريًا لفترة طويلة العروض دي ليها استخدامات محدودة جدًا زي تصفية مخزون أو نهاية دورة حياة المنتج غير كده تأثيرها على البراند ممكن يكون أصعب من أي مكسب قصير المدى الملخص لو عايز تعمل عرض من غير ما تأثر على البراند اسأل نفسك: 1. هل العميل هيشتري بسبب القيمة ولا بسبب السعر بس 2. هل العرض ده هيخلي السعر الأصلي يبدو مبالغ فيه 3. هل أنا ببني سلوك طويل المدى ولا بعمل spike مؤقت 4. هل المنافسين يقدروا يقلدوا العرض بسهولة 5. هل العرض ده متماشي مع ال positioning بتاعي 6. هل فيه بديل يزود القيمة بدل ما يقلل السعر 7. هل القناة البيعية مستفيدة ولا بس بتخزن بضاعة نصيحتي حسب تأثير العروض على brand equity من الأقل ضررًا للأكثر 1. برامج الولاء 2. القيمة المضافة والهدايا 3. Bundling 4. الـ cashback 5. B1 get second on discount 6. الكوبونات 7. العروض محدودة الوقت 8. Multi-buy discounts 9. BOGO الإدارة الذكية للعروض هي في التوازن بين تحقيق المبيعات… والحفاظ على قيمة البراند على المدى الطويل

خلصت تحليل SWOT زي ما قولنا الفيديو اللي فات؟ برافو 👏 ****************** لازم نسأل السؤال الأهم هنعمل إيه بالمعلومات دي؟ هنا بييجي دور TOWS Matrix الأداة اللي بتحول التحليل لاستراتيجيات قابلة للتنفيذ إزاي تستخدم نقاط قوتك عشان تستغل الفرص إزاي تحمي نفسك من التهديدات وإزاي تتعامل مع نقاط الضعف ******************** الفيديو ده هيوضح ببساطة إزاي تستخدم TOWS Matrix عشان تطلع بخيارات استراتيجية واضحة.

بعد نقاش عميق مع الزميله Maha Mousa في بوست هتلاقي اللينك بتاعه تحت. تطرقنا الي ازاي تقدر تقيم الميزة التنافسية و هل تقدر تقول عليها ميزة تنافسية اصلا ولا لأ! الحقيقة ان اي شركة ممكن تشوف عندها نقطة قوة بس مش كل نقطة قوة تبقى ميزة تنافسية مستدامة عشان كده برجع دايما ل 𝑽𝑹𝑰𝑶 𝒇𝒓𝒂𝒎𝒆𝒘𝒐𝒓𝒌 بتاع Jay Barney اربع اسئلة هم الفيصل 𝐕𝐚𝐥𝐮𝐞 الميزة دي بتخلق قيمة حقيقية وبتحسن موقفك في السوق 𝐑𝐚𝐫𝐞 عدد قليل بس من المنافسين عنده نفس الحاجة 𝐈𝐧𝐢𝐦𝐢𝐭𝐚𝐛𝐥𝐞 صعب ومكلف تتقلد بسبب خبرة متراكمة او تعقيد او سمعة 𝐎𝐫𝐠𝐚𝐧𝐢𝐬𝐚𝐭𝐢𝐨𝐧 الشركة منظمة وقادرة تطلع القيمة دي في شكل نتائج لو عنصر واحد وقع يبقى دي قوة تشغيلية مش ميزة تنافسية. خليني اديك ٣ امثلة مختلفة. ١. Apple ecosystem تكامل الهاردوير مع السوفتوير مع الخدمات صعب يتنسخ بسبب الترابط والولاء العالي والشركة منظمة حوالين الفكرة دي ٢. Market leader in sales قيمة متوسطة نادرة مش دايما سهل تتكرر عن طريق تخفيض سعر او توسع غالبا نتيجة مش ميزة في حد ذاتها ٣. Brand awareness الناس عارفاك بس ده مش معناه انها مخلصة ليك اي حد يقدر يزود اعلاناته ويبقى معروف. بشوف ناس كتير اصحاب بيزنس بيقول ان ميزته التنافسية هي : ١.عدد متابعين كبير سهل زيادته باعلانات ومش شرط يتحول لمبيعات ٢.ميزانية تسويق ضخمة لو المنافس يقدر يصرف زيك تبقى مش ميزة ٣.تشكيلة منتجات واسعة تتكرر بسرعة لو الموردين متاحين للجميع ٤.اول واحد في السوق من غير ولاء او switching cost عالية العميل هيتحرك لغيرك ٥.موقع مميز يتاخد مكان شبهه بالاستثمار لو مفيش حماية الميزة التنافسية الحقيقية هي اللي تعدي الاختبار الاربعة او حتي بنسب اكثر من المنافس. ************* لينك البوست https://lnkd.in/dZquE6CH سعدت جدا بالنقاش المثمر 🙏 .

بعد نقاش عميق مع الزميله Maha Mousa في بوست هتلاقي اللينك بتاعه تحت. تطرقنا الي ازاي تقدر تقيم الميزة التنافسية و هل تقدر تقول عليها ميزة تنافسية اصلا ولا لأ! الحقيقة ان اي شركة ممكن تشوف عندها نقطة قوة بس مش كل نقطة قوة تبقى ميزة تنافسية مستدامة عشان كده برجع دايما ل 𝑽𝑹𝑰𝑶 𝒇𝒓𝒂𝒎𝒆𝒘𝒐𝒓𝒌 بتاع Jay Barney اربع اسئلة هم الفيصل 𝐕𝐚𝐥𝐮𝐞 الميزة دي بتخلق قيمة حقيقية وبتحسن موقفك في السوق 𝐑𝐚𝐫𝐞 عدد قليل بس من المنافسين عنده نفس الحاجة 𝐈𝐧𝐢𝐦𝐢𝐭𝐚𝐛𝐥𝐞 صعب ومكلف تتقلد بسبب خبرة متراكمة او تعقيد او سمعة 𝐎𝐫𝐠𝐚𝐧𝐢𝐬𝐚𝐭𝐢𝐨𝐧 الشركة منظمة وقادرة تطلع القيمة دي في شكل نتائج لو عنصر واحد وقع يبقى دي قوة تشغيلية مش ميزة تنافسية. خليني اديك ٣ امثلة مختلفة. ١. Apple ecosystem تكامل الهاردوير مع السوفتوير مع الخدمات صعب يتنسخ بسبب الترابط والولاء العالي والشركة منظمة حوالين الفكرة دي ٢. Market leader in sales قيمة متوسطة نادرة مش دايما سهل تتكرر عن طريق تخفيض سعر او توسع غالبا نتيجة مش ميزة في حد ذاتها ٣. Brand awareness الناس عارفاك بس ده مش معناه انها مخلصة ليك اي حد يقدر يزود اعلاناته ويبقى معروف. بشوف ناس كتير اصحاب بيزنس بيقول ان ميزته التنافسية هي : ١.عدد متابعين كبير سهل زيادته باعلانات ومش شرط يتحول لمبيعات ٢.ميزانية تسويق ضخمة لو المنافس يقدر يصرف زيك تبقى مش ميزة ٣.تشكيلة منتجات واسعة تتكرر بسرعة لو الموردين متاحين للجميع ٤.اول واحد في السوق من غير ولاء او switching cost عالية العميل هيتحرك لغيرك ٥.موقع مميز يتاخد مكان شبهه بالاستثمار لو مفيش حماية الميزة التنافسية الحقيقية هي اللي تعدي الاختبار الاربعة او حتي بنسب اكثر من المنافس. ************* لينك البوست https://lnkd.in/dZquE6CH سعدت جدا بالنقاش المثمر 🙏 .

اكاد من فرط الجمال .. اذوب 🤣 ******************** اعلان قال كل الاعتراضات اللي ممكن تتقال علي المنتج الجديد .. عشان يتحول الاعتراض المبدأي علي كحك "بالقهوة" لفضول "انا محتاج اجرب الكحك اللي بالقهوة دا" اعلان رائع * مركز ع المنتج الجديد (و ما نسيش القديم) * التنفيذ متقن visulas و colors * مفيش Ai *اختيار جيد للكاست (جيل قديم شوية و شباب) . * مصروف علية 👌 رائع بكل المقاييس 👏👏

بمناسبة إن بكرة هو اليوم العالمي للمرأة 🧕👩 ****************** حابب أتكلم عن واحد من أذكى وأقوى إعلانات مرسيدس بنز. ​الإعلان بيبدأ بكلمات تخطفك ده شكل النساء الاستثنائيات اللي بيصنعوا التاريخ!!! بس ماذا لو الستات مش لازم يكونوا استثنائيين؟ ماذا لو مش لازم تكوني الأولى أو الأفضل أو الوحيدة عشان تنجحي؟! ​الرسالة غريبة !! أنا مش عايزة أعمل تاريخ. أنا مش عايزة أكون الست الوحيدة في المجال. أنا عايزة أكون واحدة من ضمن كتير! ​ليه الإعلان ده عبقري من وجهة نظري عشان كذا حاجة اولهم ان مرسيدس في الإعلان ده قررت تختفي. لا في عربية معدية ولا لوجو في نص الشاشة ولا حتى ذكر لاسم البراند في الكلام ليه عشان الـ Attention كله يروح للقضية. لما براند بوزنه يقرر إنه يتنازل عن المساحة الإعلانية بتاعته لصالح رسالة مجتمعية ده بيبني Brand Equity وولاء أقوى بكتير من مجرد عرض مواصفات عربية. ​ثاني حاجة قوة الـ Reframing و هي ان مرسيدس هنا عملت إعادة صياغة للمفهوم السائد. زمان كان المدح إننا نقول دي أول مهندسة تعمل كذا أو دي الست الوحيدة في مجلس الإدارة مثلا ! الإعلان نقلنا لمفهوم جديد تماما "ليه لازم أكون الوحيدة؟!!" ..فعلا عبقررررري... فكر فيها !! حول الاستثناء من حاجة تدعو للفخر لحاجة بتشاور على خلل في التكافؤ. ده نقل الست من خانة الحالة الخاصة لخانة الطبيعي والموجود بكثرة. طيب اية هو الـ Frame of Reference إطار المرجعية؟ في السيكولوجي والماركتنج إطار المرجعية هو العدسة اللي بنشوف منها الواقع. مرسيدس بقي غيرت الكادر الإطار القديم النجاح بيقول ان التميز عن الكل The Only One الإطار الجديد النجاح بيساوي العدالة وتكافؤ الفرص One of Many ​لما بتغير الـ Frame اللي العميل بيشوف منه المشكلة أنت مش بس بتكسب إعجابه أنت بتغير طريقة تفكيره وده أعلى level في الـ Top of Mind Awareness ​مرسيدس عارفة ان أحيانا عشان براندك يظهر بجد لازم تختفي وتخلي صوت قيمك هو اللي يتكلم. ********* ​كل سنة وكل ست بتسعى وبتحقق وبتبني واحدة من كتير بيغيروا العالم طيبة. 🫡 .

شهر ٣ من كل عام هو women history month. بنحتفي فية بأنجازات السيدات في الماضي و الحاضر و المستقبل. و فورد قررت تحتفل به بطريقتها الخاصة ***************** عملت سيارة للرجال فقط !!!! ***************** عبقرية الفكرة في ال tone و الانطباع الاولي اللي اتغير في الاخر ولكن برضة بنفس ال tone ال masculine. في الاول و في الاخر دي فورد برضة!!!

بصراحة، فكرة إنك "تبيّن عيوبك" عكس كل اللي اتعلمناه في التسويق التقليدي 🤯 *********** في عصر الذكاء الاصطناعي اللي بيخلي كل حاجة شكلها مثالي بزيادة "الكسور" هي اللي بتجذب العين ! في سنة 1450، "شوجون" ياباني (قائد عسكري) كسر سلطانية الشاي المفضلة عنده. بدل ما يرميها أو يحاول يداري الكسر الحرفيين اليابانيين صلحوها بمادة مخلوطة بـودرة الذهب. ​ السلطانية المكسورة بقت أغلى وأجمل من وهي سليمة! الفن ده اسمه "كينتسوجي" (Kintsugi) أو "الترميم بالدهب". طيب بعد الحكاوي بتاعة chatgpt دي 😅​ إيه علاقة ده بالماركتنج في 2026؟ ​دلوقتي الـ AI يقدر يطلع لك محتوى "مثالي" وممسوح من عليه أي غلطة .. وده خلى الناس تشك في أي حاجة شكلها Perfect زيادة عن اللزوم. اللي بيبني الثقة دلوقتي هو إنك "تورينا شروخك". الشفافية هي "الدهب" الجديد. ​بص على الشركات دي عملت إيه ​شركة GitLab: (دي منصة ضخمة للمبرمجين عشان يديروا الكود بتاعهم). في 2017 مسحوا قاعدة البيانات بتاعتهم بالكامل بالغلط! بدل ما "يلموا الدور" ويخبوا ... فتحوا بث مباشر (Live Stream) استمر 18 ساعة والناس بتتفرج عليهم وهم بيصلحوا الكارثة. النتيجة؟ جالهم مشتركين وقت الأزمة أكتر من أي حملة إعلانية عملوها في تاريخهم! ​أداة Linear: (أداة مشهورة جداً بتستخدمها الشركات الناشئة لإدارة مشاريعها). في خريطة الطريق بتاعتهم (Roadmap) .. عندهم قسم خاص اسمه "إيه اللي مش هنعمله". لما بيقولوا بوضوح "إحنا مش هنبني الميزة X" اليوزر بيصدقهم فوراً لما يقولوا "إحنا أحسن ناس بتعمل الميزة Y". ​منصة Buffer: (أداة لجدولة بوستات السوشيال ميديا). الشركة دي قررت تخلي "الشفافية المطلقة" هي ميزتها التنافسية. بينشروا مرتبات الموظفين بالاسم .. وأرباحهم... وحتى أسباب فشل بعض تجاربهم للعلن. ده خلّى ولاء العملاء ليهم في حتة تانية خالص. ​ لما كل حاجة حوالينا تبان "fake" ومثالية العيوب الواضحة هي اللي بتجذب الانتباه وبتبني الثقة. الشفافية مش ضعف دي "الدهب" اللي بيخلي البراند بتاعتك حقيقية في عالم مليان فيلترز.