Nadine Klayme's Recent LinkedIn Posts

اذا بدك الخوارزميات تقتل منشورك وما يوصل لحدا بتعمل هيدي الحركة ← بتعمل منشن لشخص أو لشركة على الأغلب ما رح يتفاعلوا مع منشورك. هيدي اشارة واضحة للخوارزميات انه منشورك ما فيه مصداقية ولا صحة بالمعلومات اللي عم بتشاركها فتحجبه عن الجمهور وبتمنعه عن الوصول. عملت هالاختبار اكتر من مرة على منشوراتي ومنشورات عملائي. مثلا مبارح، شاركت منشور لعميلتي، عملت فيها منشن لشركة (عم نقدملها تحية) قلت لعله بردوا. البوست نزل الصبح الساعة 8. للساعة 2 بعد الضهر كان البوست ما جاب ولا تفاعل وما تخطى 66 impressions. حذفته، ورجعت نزلته. حقق 751 Impressions و 14 لايك. (الحساب جديد كتير على لينكدإن) اذا بدك تستفيد من تفاعل أكبر على منشوراتك: أولا، اكتب منشور قيّم فعلا ثانيا، منشن شخص أو شركة متأكد رح يتفاعلوا معك. أو ما تخاطر بوصول منشورك!

مبارح نزل منشوري الساعة ١:٤٥ بعد نص ليل، بدل ما ينزل الساعة ٨ الصبح متل العادي. أخطأت بالجدولة. هيدا الموضوع أثّر 0% على وصول المنشور والتفاعل معه. المنشور راح شبه فايرل: حوالي ٢٠،٠٠٠ مشاهدة ٨٨ تفاعل ٤٣ تعليق السبت كنت عم بعطي استشارة لخبير بالمجال العقاري، وسألني اذا في وقت مفضل للنشر. برأيي هيدا السؤال صار irrelevant على لينكدإن اكتر من اي وقت مضى. قوة الوصول هي لموضوع المنشور والهوك والصورة الهوك. وبس.

في ناس، الشغل معها دايما إله أثر أكبر… متل أي خطوة بعملها مع صديقي Mostafa Sattouf. من سنتين تقريبا، حبيت أطلق أول ورشات تدريبية من نوعها بالعالم العربي، عن لينكدإن. وما لقيت أفضل من مصطفى لنعمل هالخطوة سوا. شخص خبير، مثابر، دافي، ومعطاء. سوا ساعدنا عدد كبير من الشباب بالعالم العربي ينطلقوا بالبزنس تبعن ويبنوا علامة شخصية مؤثرة. (يا أحبابي، اذا عم تقروا المنشور، أكيد تركولنا تعليق خبروا الناس عن تجربتكن معنا 💛 ههه) هالسنة وخلال دردشة ودية قررنا ننقل هيدي التجربة المدفوعة (ورشات العمل) الى تجربة متاحة للجميع من خلال بودكاست: أسرار البيع في لينكدإن. كتير بينحكى عن لينكدإن كمصنة توظيف أو لينكدإن منصة للتباهي وال show off بس قليل لينحكى بشكل جدي، متعمق ومتخصص عن لينكدإن للبيع وجذب العملا هيدي النسخة من لينكدإن يللي بعدها مجهولة من 99% من العالم. حناخد خبرتنا وتجاربنا الخاصة وتجارب عملاءنا وحناخد أسئلتكن كلها ونعالجها بالبودكاست كل تحدي عندكن ياه كل ممارسة غير مثمرة كل شك وحيرة وburnout رح نتطرقلها بالبودكاست من خلال معالجة موضوع والاجابة على كتير أسئلة أسبوعيا. اعتبروه masterclass مفتوح من دون سقف. الانطلاقة بالحلقة الأولى بعد كم يوم. انتظرونا 💛 📌 فيكن من هلأ تعمل subscribe على قناتي وقناة مصطفى ليوصلكن اشعارات بحلقات البودكاست وما تأفوا ولا حلقة. الرابط بالتعليق الأول.

لما توعى على هيك خبرية: انك بالمرتبة ٧ من بين ٢٠٠ صانع محتوى على لينكدإن وبالمرتبة الأولى بلبنان. شكرا صديقي Mohamad Yousif Ybroudi على مشاركتي التصنيفات كل مرة. بالتوفيق الدايم لكل الأصدقاء والزملاء الأحبا بيلبقلكن النجاح والصدارة💛

في شي كتير قهرني بقمة المليار ومني قادرة ما احكي في! من أصل 411 متحدث و5 جلسات حوارية عن لينكدإن، ما تم استضافة ولا خبير وصانع محتوى عربي متخصص بلينكدإن. كل المتحدثين كانوا أجانب. طيب… هل هي مشكلة خبرة؟ أبدا، نحنا في عنا أساتذة كبار بالمجال. أسماء الخالدي من أبرز الوجوه وخبيرة مخضرمة بموضوع الخوارزميات. هل هي مشكلة عدد المتابعين؟ أبدا، كتار منا عنده أعداد كبيرة من المتابعين. استاذ خالد من أوائل صناع المحتوى العرب راكم عدد متابعين يتجاوز 240،000. هل هي مشكلة ظهور؟ أبدا، كتار منا ناشطين يوميا على لينكدإن. ما رح اذكر أسامي، فيكن تعملوا تاغ لأكتر خبراء بتحبوهن بالتعليقات للكل يعرفن. قمة عربية عالمية، ببلد عربي، ولا يوجد خبير لينكدإن عربي واحد بولا جلسة. معقول!! ليش هالخلل بالتمثيل؟ ألا يستحق صناع محتوى لينكدإن من السودان، وغزة، وسوريا، ومصر، ولبنان، كافحوا الحرب والفقر والأزمات وبنوا حياة شريفة من خلال لينكدإن إنه يطلعوا ويحكوا تجربتن؟! منن Influencers. ما عندن ألاف وملايين المتابعين. وهيدي قوتن. انه بمئات او كم ألف متابع قدروا ينجحوا بتفوق. بتمنى قمة المليار بنسخة 2027 تضم صناع محتوى لينكدإن عرب يشاركوا خبرتن ويحكوا قصتن. … لأن نجاح صانع المحتوى على لينكدإن مختلفة تماما عن أي صانع محتوى آخر على أي منصة تانية.

حدا غيري مستوعب الجنون اللي بصير بلينكدإن؟!! حدا ما بتعرفه ولا بيعرفك، ولا حاطتلك لايك او تعليق مرة بحياته، ويمكن منه connected معك أصلا بيجي وبقلك بدي اشتغل معك وبيعطيك $١٠،٠٠٠. هيك بكل بساطة. ايامات اخواتك ورفقاتك اذا بدك تعطين مصاري بتفكر ١٠٠ مرة قبل ما تعمل الخطوة. بس على لينكدإن شخص ما بتعرفوا بيجي وبيعطيك مصاري مقابل خدمة، بلحظة… وأحيانا كتير من دون تفاوض او تفكير. وما عم بحكي عن شخص متابعك وبيقرالك محتواك وبيتفاعل معك. عم بحكي عن ناس شافوا بروفايلك مرة، او تعليقك (مرة) او منشور واحد الك (مرة) وحسموا قرارن بربع ثانية انن يشتغلوا معك، يشتروا منك، يدفعولك. ما تقولولي مش صايرة معكن؟ صايرة معي كتير وحتى بأكبر الديلز! مجنون لينكدإن وحياة الله مجنون!!!

اختياري لتكون نجمة الشمال لوغو شركتي قرار بعود الفضل في ل Manar Abunemeh مش لأن هي صممته، بس لأ هي ألهمته! منار كانت من أوائل الأشخاص يللي بياخدوا معي ورشة عن لينكدإن. ومن بعدها انطلقت بقوة على المنصة. وصرت المنتور تبعها للينكدإن وخارج لينكدإن بكل ما يتعلق بموضوع الشغل والعملا والتوجه… فعلى عيد ميلادي سنة ٢٠٢٥، منار هديتني سنسال (عقد) دهبي فيه "نجمة الشمال" تفاجئت! لما قريت الرسالة المرافقة للهدية كانت منار شارحتلي رمز الهدية: لأني المدربة المرشدة يللي بترافق مدربينها برحلتن للنجاح على لينكدإن وخارج لينكدإن وبساعدن يحققوا أهدافن وذاتن… فأنا متل نجمة الشمال بللي بيستعينوا فيها البحارة والباحثين ليعرفوا طريقن ووجهتن وخطواتن… هيدا الاحساس وهيدي النظرة لمسوني وألهموني وقررت تكون نجمة الشمال لوغو شركتي بدل ما ابتكر لوغو جديد يمكن ما يكون اله معنى ورمزية هالقد. (ومشان هيك حاطة نجمة حد اسمي على لينكدإن) شكرا منار على محبتك، ثقتك، وإلهامك💛 وشكرا لكل شخص أخد معي ورشة او جلسة فردية ثقتكن ومحبتكن عزيزين على قلبي كتير💛

التعليقات الجارحة دايما رح تكون موجودة على أي منصة، ولينكدإن منن… بس هل هي ((حرزانة)) لحتى تمتنع عن بناء علامتك الشخصية؟ الحرص المفرط على الظهور بشكل احترافي مثالي مضّر إلك لأن هيدا توقع غير واقعي وهو خاضع بشكل كتير كبير لوجهة نظر الناس. ببيتك أقرب الناس إلك بتنتقدك بشغلك زملاءك او مدراءك بينتقدوك على الطريق وبالمتاجر… الناس بتنتقدك هيدي الطبيعة البشرية يللي لو شو ما عملت ما فيك تهرب منها… الا اذا عزلت حالك عن الناس (ومع هيك مش مضمونة) طالما انت بتعرف شو بدك وراضي عن تصرفاتك، انتقاد الناس الك ما بيعنيك فعليا. فليش ليخوفك هالقد على لينكدإن؟ ألكس هُرموزي بقول شي كتير مهم: اذا عميل تذمر من سعرك فهو مش من جمهورك المستهدف. ونفس الشي بينطبق على الانتقاد. اذا شخص انتقدك سلبيا، بشكل غير بنّاء، فهو مش من جمهورك المستهدف. بزمن السرعة، المنافسة الشرسة، والذكاء الاصطناعي ما بقى في شي بميزك عن غيرك الا علامتك الشخصية هي يللي بتفتحلك بواب الفرص من عملاء، مبيعات، دعوات للفعاليات، ومسارات مهنية. فهل حرزانة مشان تعليق من ناس منن حتى من جمهورك المستهدف تسكّر هالباب على حالك وتتوقف عن تعزيز حضورك الرقمي بمجالك؟ وكرمال شو؟ شو المكسب البديل؟

صديقاتي على لينكدإن: عندي 15،000 متابع. أكيد في منن كتار من جمهوركن المستهدف. اكتبي تعليق على هالمنشور: ← عرفي في المتابعين عن حالك ← شو بتشتغلي ← مين بتساعدي ← وشو النتيجة يللي بيحصلوا عليها وانشالله بالتوفيق 💛

2022: مخرجة من الجامعة جديد وضايعة 2026: صاحبة عمل وخبيرة لينكدإن الأولى بلبنان من 4 سنين تخرجت من الجامعة مع 0$ ومن دون تخطيط. وما كنت عارفة شو بدي أعمل بحياتي. كنت شخص موهوب بالكتابة والكل يقلي ركزي عليها وامتهنيها. بس ما كنت صدق إنه ممكن الكتابة تكون بزنس وفعلا تعمل مصاري. لحديد ما هونيك نهار، لينكدإن قلي هيدا أول عميل إلك. ما بقى تترددي. عميلي الأول كان عنده 300،000 متابع، بينما أنا كان عندي أقل من 2000 متابع. كيف قبل طلب الاضافة مني، وكيف رد على رسالة الترحيب، وكيف قرر يشتغل معي، بعد لهلأ ما بعرف، بس هيك صار. وإجا تاني عميل، وتالت عميل، والعميل رقم 80… كلن من لينكدإن. طبعا بالأول ما كنت متخصصة بكتابة الشبح للينكدإن. ما كنت بعرف في هيك مجال، وكنت استغرب من الفكرة أصلا. بس صرت شوي شوي انعرف اني The LinkedIn girl وخبيرة personal branding قبل ما حتى قدم هيك خدمة. بس طبعا، لما تكون على لينكدإن ما فيك ما تتوقع الأفضل. بيجيني أول عرض لصناعة محتوى لينكدإن من وكالة تسويق بدبي. ومن بعدها اجى عميل ومن بعدها عميل. لحديد ما قررت اني اتخصص فعلا بهالمجال. المشوار ما كان دايما سهل. مش لأن لينكدإن صعب، بالعكس لينكدإن عطاني كتير. بس لأن ما كنت دايما جاهزة وواعية وبعمل بغاية. بس الحمدالله أسست شركتي Klayme Digitals، واليوم طموحي أكبر من قبل بكتير. لليوم اشتغلت مع 80 عميل ودربت أكتر من 700 صاحب عمل وطالب على لينكدإن من 13 دولة عربية. وهيدي فعليا منها الا البداية والخير لقدام. بالماضي كان تركيزي أكتر على صناعة المحتوى لأصحاب الأعمال والشركات. بس لاحظت قديه أصحاب المشاريع مختلفين بمراحلن، وقتن، ميزانيتن… وهدفي هالسنة فيد كل صاحب عمل وشركة بأكتر طريقة بتناسبن: ← صناعة محتوى وإدارة حساب اللينكدإن. ← التدريب على نظام فعّال لجذب العملاء: لفرق التسويق والمبيعات، أصحاب الأعمال الفردية… ← بناء لينكدإن بروفايل لتموضع صح، وصول أكبر، واستقطاب العملاء. بعرف في كتير ناس بعد ما بتآمن بلينكدإن. بس بعد تجربة طويلة فيني قلك تماما متل ما بقول المتل اللبناني: "اللي سبق... شمّ الحبق" كون السباق على المنصة، بينما منافسينك بعدن عم بفكروا بإنستغرام وغير منصات عاجقة بالناس والمحتوى والضجة.

شو رأيكن بصورة البروفايل الجديدة؟ حبيتوها؟ أم القديمة أحلى (إذا ذاكرينا! رح حطها بالتعليقات)

وأخيرا التقينا بالشخصي انا وMohamad Jandali! اول ما أطلق محمد وكالته المختصة بلينكدإن تواصل معي وكنت من أوائل الأشخاص العاملين بشركته. اشتغلنا سوا سنة ونص عن بعد، نعمل زوم كول وننسق على واتس أب. هوي ببلد وأنا ببلد. لأخيرا سمحت النا الفرصة نلتقي بالشخصي بقمة المليار. محمد من أكتر الأشخاص يللي نبسطت بالشغل معن. هوي من الشخصيات الرائعة قلبا وقالبا بمحبته، احترامه، رؤيته، واندفاعه. شخص بتتعلم منه من دون ما يعلمك، لأنه بقود بأفعاله وتصرفاته وخبرته. وهوي من الأشخاص القلال يللي بيبني جسور بين الناس، والخبرا، والعملا. هالمرة التقينا كمشتركين بالقمة، انشالله السنة اللي جايي منلتقي كمتحدثين كمان. بالتوفيق الدايم الك صديقي 💛

اذا شي يوم اشتغلنا سوى بدي ياك تعرف هالشغلة كتير منيح أنا مش بس رح خططلك، اكتبلك، أو دربك… أنا رح ادعمك بكل الطرق الممكنة رح عرفك عجمهوري على لينكدإن رح حولّك عملاء بحاجة لخدمتك رح جاوب أسئلتك على طول لأن علاقتنا ما بتوقف على لينكدإن هي شراكة كاملة وتقدير ومحبة ومتل ما منقول بلبنان: “تكرم عينك وحبة مسك💛”

اذا بعد ما بتعرفوا خبيرة لينكدإن العربي الجديدة، البطلة Aya Geniedy، فخليني عرفكن عليها. آيا إم لطفلين، وساكنة بمصر. اشتغلت سنين طويلة بتدريس اللغة الانجليزية وفجأة ومتل كل إم لقيت حالها تركت شغلها لتهتم بولادها full-time. الولاد أولوية طبعا، بس كإم طموحة حبت تدعم عيلتها وتبني بزنس لإلها بخليها تشتغل من البيت وتتحكم بوقتها. ففكرت بصناعة المحتوى. أخدت كورسات وعملت internship، بس كله هيدا كان تأثيره محدود عليها. هون قررت تتدرب مع كوتش ومنتور. وتواصلت معي لهيدي الغاية. من بعد أول جلسة وتعديل بالبروفايل حصلت آيا على أول عميل محتمل، شركة من السعودية. ومن بعدها كرّت المسبحة. وبأقل من 4 أسابيع آيا بلشت تشتغل مع عميلين وعم تجذب عملا محتملين أسبوعيا. والنتايج يللي عم بتحققن لعملاءها رائعين وبفترة قصيرة. اللي بميّز آيا عن غيرها هي دقة الملاحظة يللي عندها ياها، والسرد القصصي والتشبيه يللي بقرّب لينكدإن لمستوى ادراك الجمهور. فإذا حابين تستفيدوا من القيمة اللي بتقدمها آيا تابعوها بدون تردد. وإذا حابين تتعاملوا مع كاتب شبح يستلم عنكن محتواكن على لينكدإن بسعر كتير حلو تواصلوا مع آيا من دون تردد. تأكدوا إنكن رح تتعاملوا مع شخص كفوء، خلاّق وضحكته ما بتفارق وجه. فخورة فيكي آيا 💛

أجمل ما في الفعاليات والسفر هو لقاء الأصدقاء شخصيا بعد صداقة ومعرفة من لينكدإن💛 Enas Ghazal Linda Abi Ghanem Mariam Abughoush

من ٣ أشهر سألني شب سوري عن وضع السوريين على لينكدإن وكيف معقول ينفتحوا عليه بعد سنين من الانغلاق والعقوبات. حقيقة الشباب السوري كتير ناشط على لينكدإن وعم يزداد حضوره بشكل ملحوظ. انا شخصيا عم بزيد عدد الأشخاص السوريين اللي عم ياخدوا معي جلسات فردية. سواء كانوا فريلانسرز، بروكرز، او حتى موظفين عم يبنوا عملن الخاص كله عم بجرب يستفيد من لينكدإن قد ما في. بس بهل كم يوم عندي ٣ جلسات فردية مع ٣ خبراء سوريين من خلفيات مهنية مختلفة. فكيف حال السوريين على لينكدإن؟ أكتر من ممتاز! وبالتوفيق للجميع 💛

على مدى سنة قدمت جلسات فردية لمقدمي خدمات من 13 دولة عربية. بيحجزوا معي لساعدن بالتموضع الصح وكتابة محتوى جاذب للعملا أحيانا كتير بكونوا عم ينشروا يوميا، يستخدموا ال AI ويكتبوا تعليقات بس من دون نتيجة ورغم خبرتن بالسوق بكونوا عم بعانوا بتسكير ديلز بأسعار أكبر ومع عملا أفضل فبراجع حساباتن، محتواهن، والfunnels تبعن، لنشوف وين الخلل ونشتغل عليه. خلال الجلسة بتكون المعالجة سريعة ودقيقة بشكل تساعد بتحقيق نتايج فورية. وعمليا، كتار منن بسكروا ديل مرتب خلال أسبوع. يعني بيستردوا حق استقمارن بأضعاف مضاعفة. الفيدباك اللي بيجيني بعد كل جلسة هوي: “صار عندي وضوح” “صرت أعرف شو أعمل هلأ” “صرت أعرف اعرض خدماتي وبيعها”

أكبر عملائي، اللي دفعوا $4000، و$10000، و$15000 كانوا presold قبل ما ندخل call كانوا عارفين ومقررين انه بدن يشتغلوا معي، قبل ما يتواصلوا معي. والcall كان مجرد لتوضيح النقاط وتأكيد المؤكد… وحتى ما فاوضوني على السعر. هودي العملا اجوا من: ← زيارة بروفايلي ← متابعة محتوايي ← رسالة friendly ← تعليق على منشور معين من دون cold outreach ولا اعلانات مدفوعة، ولا خصومات رهيبة. ولما سألتن بالdiscovery call شو اللي خلاكن تتواصلوا معي لتشتغلوا معي، كان جوابن واحد: نحنا منوثق فيكي. حتى لو مش عارفين شو الخدمة اللي بحاجة لإلها، بس عارفين انه بدنا نشتغل معك. اشتغلت وحكيت مع أكتر 300 صاحب عمل خلال مسيرتي، أغلبن بعانوا من نفس التحدي: بمحاولة للتوقف عن الاعتماد الكلي على الreferrals، بيشتركوا بخدمات وsoftware غاليين كتير للحصول على data لعملاء محتملين والتواصل معن… بس النتيجة؟ صفر صفر ROI محاولة بعد محاولة ← بيخسروا مصاري كانوا بحاجة لإلها بالبزنس. ← بيخسروا أي أمل بالتسويق والثقة بالمسوقين. ← والمشكلة بعدها هي ذاتها والبزنس عم بعاني. بس لأيمتى؟ الحل أبسط من هيك. مش معناتها بيتحقق بين ليلة وضحاها بس هوي فعال وبسيط، مجرب، مؤكد ومستدام. بناء حضور رقمي وعلامة شخصية على لينكدإن مع السيستم الصح لاستقطاب عملا باستمرار. ← لأن بتبنيلك ثقة مع جمهورك المستهدف ← بتمهد لعدد Referrals أكبر من مجتمعك الداعم ← وبتجذب عملا presold لخدمتك قبل ما تعمل Pitching إلن. اذا اشتغلت لينكدإن صح أكيد. 📌 حاليا فاتحة الباب لأربع أصحاب أعمال وشركات لبناء سيستم فعال، قائم على لينكدإن كمحرك أساسي في زيادة سمعة الشركة وزيادة المبيعات. الهدف: نقل البزنس الخاص فيك من اعتماد كلي على referrals وصرف مصاري على حلول مكلفة وغير مربحة، الى سيستم بيجذب عملاء مثاليين أسبوعيا already حاسمين قرارن بالعمل معك، خلال 90 يوم. لتعرف أكتر عن هيدا السيستم أرسل لي كلمة “سيستم” بالرسائل المباشرة وخلينا نحكي.

"نادين حجزت استشارة معك لحل مشكلة عندي" عظيم! طب خلينا نبلش نحل المشكلة قبل الجلسة! من لحظة اللي بتقرر تاخد معي جلسة فردية رح تلاقي دعمي مباشرة. يعني… عندك سؤال، ما تتردد تسألني ياه حابب تاخد رأيي بمنشور، أهلا وسهلا في عميل منطره لأنك خيفان؟ خلينا نحكي مشوارنا سوا مش بس ساعة الاستشارة. أنا حدك قبل وخلال وبعد الجلسة الفردية. لأن الأساسي والأهم والضروري هوي نجاحك (على لينكدإن) أولا وأخيرا. قبل وبعد الاستشارة بدعمك بالفيدباك، بالنصيحة، بالمعنويات خلال الجلسة الفردية بدعمك بالاستراتيجية، بالكتابة، بالخطوات العملية وهيك بيتحول لينكدإن لملعبك بعدما كنت تحسه صعب، غريب، وضدك ومن هلأ لوقتها أنا دايما حدك 💛 ملاحظة: اذا حابب تحجز جلسة فردية، زور بروفايلي، وروح على قسم Featured، بتلاقي أول رابط هونيك لحجز الاستشارة. أو بعتلي رسالة خاصة اذا أسهلك.

مين بيجذب عملا اكتر، اللي عنده ٥٠،٠٠٠ متابع او اللي عنده ٥٠٠ متباع؟ بهالحلقة من البودكاست حطينا كل الطروحات، والمعتقدات الخاطئة والتجارب بهيدا الموضوع على الطاولة وفصلناها كلها. كمان حكينا عن الفرق بين لينكدإن وانستغرام، ووين هيدا الفرق بيتلاشى، وكيف منحقق افضل ربح من عدد متابعين معنين. رابط الحلقة: https://lnkd.in/dUjRsXAc

اذا قررت تستخدم لينكدإن لتحصل على عملا، وقّف! ما تجرّب لحالك. حضار هالبودكاست قبل، لتعرف شو تعمل (بالظبط). ← هيدي الحلقة: https://lnkd.in/dXrF7PsK عدة أصحاب أعمال بياخدوا معي جلسات فردية بعدما أنهكوا حالن سنتين وخمس سنين محاولة من دون نتيجة على لينكدإن. وبعد أول جلسة ١:١ معي بيحصلوا على أول عميل. اكيد الانطلاق والاستمرارية والصبر كتير مهمين بس من دون الممارسة الصح ما بجيبوا نتيجة سنة ٢٠٢٢، حصلت على أول عميل من لينكدإن. ما كنت عم خططتله، ولا كان بدي اشتغل صانعة محتوى، ولا كنت عم سوّق لخدمة. بس… كنت عم بعمل ممارسة يومية خلّت من البديهي، والحتمي، والسهل عليي اني اجذب أول عميل من لينكدإن… وتاني عميل، وتالت عميل، ورابع عميل… بأول حلقة من بودكاست "أسرار البيع في لينكدإن" عم نكشف أنا وصديقي Mostafa Sattouf أسرار الحصول على أول عميل الك من لينكدإن، سواء كنت… - صاحب شركة وعم بتوسّع قنواتك التسويقية - موظف + فريلانسر بده يطلق الside hustle - شخص عنده موهبة بس مش عارف شو يعمل الحلقة خفيفة نضيفة، قصيرة وفيها خطوات عملية واضحة وسهلة التطبيق والأهم الأهم الأهم، انها نابعة من تجربة ومن خبرة ومش من نصايح ChatGPT. واذا بآخر الحلقة او وقت التطبيق اذا كان عندك أسئلة فيك تراسلني او تراسل مصطفى مباشرة ونحنا منساعدك 💛

حاولت آيا لسنتين تكسب عميل من لينكدإن، ما قدرت. بس بعد أول جلسة 1:1 معي جابت أول عميل. آيا انسانة رائعة، يعني You can tell هيدا الشي من خلال ابتسامتها الحلوة والدايمة. هي أم، اضطرت تترك مهنة التدريس لحتى تتفضى لولادها بالبيت. انها تكون a full-time mom ما فيه شي غلط، بس آيا كانت طموحة وحابة تساعد جوزها بدخل البيت. الرجعة للوظيفة كانت مستحيلة. البديل كان فريلانسينغ بصناعة المحتوى. أخدت آيا كورسات عملت Internship مع شركة. نشطت على لينكدإن بنشر المحتوى. على مدى سنتين… بس ولا شي جاب نتيجة. صفر عملا، صفر تفاعل. بدل ما تستسلم، قررت آيا تستفيد من مساعدة وارشاد منتور: شخص خبير بصناعة المحتوى والتدريب. تواصلت معي. وبلشنا الجلسات الفردية الأسبوعية. بعد أول جلسة، حكينا فيها عن البروفايل والتعديلات اللازمة اللي عملناها، حصلت آيا على عميل من السعودية, شركة. أخدت آيا 4 جلسات فردية, بمعدل وحدة أسبوعيا، اشتغلت فين على: ← بروفايلها ← محتواها ← نشاطها ← عميلها المثالي ← خدماتها وطريقة عرضها وخلال الأسبوع، كانت عم تحصل على دعمي وارشادي ومساعدتي بكل خطوة بتعلمها على لينكدإن: ← مراجعة محتواها واجراء التعديلات اللازمة. ← ارساء عادات أساسية يومية للنجاح. ← اعطاء فيدباك على التعليقات والDMs. ← ادعمها معنويا وقت تشك بحالها. بنهاية الأربع جلسات كانت آيا عم تشتغل مع عميلين، وعندها 4 عملا محتملين عم تبحث معن عن أفضل سبيل للتعاون سوا. والنقلة النوعية التانية يللي صارت معها، هي من 0 و2 لايكات عمنشوراتها لتحصل على 40، 60، 100 لايك على منشوراتها. التحول اللي صار بحياة آيا كان 180 درجة على مستوى التفاعل وعلى مستوى العملا. واليوم Aya Geniedy من أبرز الوجوه بمجالها، معروفة ومحبوبة كتير. 📌 كل أسبوع بشتغل مع أصحاب اعمال سواء عم ينطلقوا بمشروعن أو عندن شركة well-established بس بحاجة لمصدر ثابت للعملا غير الreferrals والsales التقليدي. بقدم هيدي الجلسات كل أربعا وجمعة بعد الضهر لعدد مقاعد محدود. لتحجز جلستك، زور بروفايلي، وروح على قسم Featured، رح تلاقي الرباط هونيك. بشوفك!

وأنا في قمة المليار، نزل منشور لعميلي حقق 127،420 مشاهدة و536 تفاعل و500 متابع جديد بيوم واحد بس (أول يوم). شو صار وكيف انتشر المنشور بهالسرعة وحصّل هالقد تفاعل من الناس. عميلي، خبير مخضرم بمجال تصميم المكاتب والشركات. فاتح حساب إله على لينكدإن من أول ما تأسست المنصة. لكن ولا مرة تخطى 6 لايكات على منشوراته أو حتى وصل ل 200 مشاهدة (impression). لهيك تواصل معي لنشتغل بشكل محترف على حضوره على المنصة. أبشرنا! بلشنا بالشغل بأكتر شهر معجوق ومخفوق وهوي شهر ديسمبر. أعياد. وآخر السنة… النتائج اللي قدرنا حققناها بهالشهر بداية حلوة وواعدة بالنسبة لوين كان الحساب: ← نسبة المشاهدة عليت من أقل من 200 الى أقل من 2000 بشوي. ← نسبة التفاعل زادت من ماكسيموم 6 الى 11، 45، 33… ← بلّشت الناس تتفاعل مع منشوراته والمتابعين يزيدوا. ← 4 عملا محتملين من ضمنن شركتين عالميتين بالسوق يللي هوي بيخدمه. ما حققنا أرقام خيالية، ولا كان نمو المتابعين بالشكل يللي توقعته، لحديد ما سألته عن مين مصدر الهامه وجاوبني “بنتي”. وهون قررت هندس منشور فيروسي! منشور بيحكي عن علاقته ببنته وكيف هي طموحة وحابة تنافس بيها بالمستقبل. نزل المنشور يوم السبت (تاني يوم من قمة المليار) كنت غايبة كليا عن السمع، لحديد ما وصلني مسج من عميلي بقلي: "نادين مش عم لحّق أقبل طلبات اضافة، شو صاير؟!!" واذ المنشور اللي نزل راح فايرل. المنشور حقق 182،027 مشاهدة 959 تفاعل (لايك) 96 تعليق 3 اعادة مشاركة والأهم: أكتر من 1100 متابع جديد. (كله ب 3 إيام بس) أرقام خيالية لمنشور واحد حقق نتيجة بتفوق نتيجة 3 أشهر من النشر. طبعا هيدا منشور ما راح فايرال بالحظ. أنا صممته بالشكل اللي يروح في فايرل. بس كيف؟ بالصورة اللي تحت بشرح كيف.

الفرق بين خبير لينكدإن وبين مبتدأ بصناعة المحتوى هو كيفية تعامله مع النتايج. المبتدأ اذا منشوره او منشور عميله ما حلّق بالتفاعل بيرتبك وبيعتل هم وبحس بالذنب. الخبير اذا منشوره او منشور عميله ما عم بحقق نتيجة متل المتوقع بقارب الموضوع متل الطبيب اللي عم بعالج مريض. بيفحص المريض وبناء على تجربته بينصح بعلاج مناسب. بس اذا ما تفاعل المريض مع العلاج متل ما لازم ما بخاف وبفكّر الحق عليه أو انه هوي فشل! بشوف وين الخلل وبيرجع بينصح بعلاج تاني. الخبير ما بهمه يثبت حاله للعميل. هوي بهمه يساعد العميل يتخطى عقبة معينة ويحقق هدف معين لو قد ما كانت الكلفة أو قد ما طوّل الوقت. وكل شي بالحياة بده وقت وتجربة وتحليل وتحسين. والنتيجة الأفضل هي للي عند صبر أكتر، وبياخد الخطوات الصح بوقتها.

أول $100،000 بتعملها من لينكدإن غير أول $10،000 بتعملها. بدها ((عقلية)) مختلفة تماما! الأدوات والfunnels، والAI ما بيقدروا يخدموك الا عقد ما عندك رؤية، اندفاع، وتخطيط. الرقم قبل ما يتحقق على أرض الواقع، لازم يتحقق بعقلك وروحك. لما يترسخ الهدف ويندمج مع هويتك بتتوضح الطريق وبتتغير الممارسة لأن كإنسان ما فيك تعمل تغيير معين الا اذا بيتوافق مع ((( إنت مين))) كيف بتشوف حالك كيف بتتعامل مع كل المعطيات شو بتعنيلك الأرقام على مستوى شخصي قبل هالتغيير بالهوية، ما فيك تحقق من لينكدإن أرقام أكبر.

لفتني كيف بعض الرجال بشوفوا النجاح على لينكدإن يرجح لكفة المرأة فقط لإنها امرأة اذا جابت تفاعل على منشور معين ↲ لأنها امرأة واذا سكّرت صفقة كبيرة مع عميل كبير ↲ لأنها امرأة يعني شكلها وجمالها بيلعبوا الدور الأبرز لصاحلها ومش لأن هي عرفت تشتغل صح! هودي تعليقين وصلوني من متابعين على منشورين مختلفين: الأول عن التفاعل اللي حصلت عليه على منشور راس السنة. التاني عن الصفقات الكبيرة اللي حصلت عليها من خلال لينكدإن. حق كل شخص يستغرب من نجاح غير أشخاص اذا مش صاير معه نفس الشي. بس الغريب هوي المعتقد الخاطئ اللي عندن ياه انه بعالم البزنس والسوشل ميديا الجمهور والشركات هني biased لصالح المرأة … لو شو ما عملت. شو رأيكن انتو؟

تعديل واحد ببروفايلك قادر يجبلك عميل، بس بعده حسابك هوي نفسه من سنة 2010! والفرص عم بتمر من حدك من دون ما تعرف. ▪️ العميل اللي عم يبحث عن خدمتك ما عم بلاقيك. ▪️ العميل اللي عم بزور بروفايلك ما عم بشوف قيمتك. ▪️ العميل اللي عم بقارن بينك وبين منافس عم يختار أفضل بروفايل (ومش بروفايلك) فمبناسبة عيد الفطر (وسابقا اليوم العالمي للمرأة) حبيت كون عم بدعم 3 أصحاب أعمال حابين يستثمروا بحضورن وعلامتن الشخصية على لينكدإن رح كون عم قدملك بشكل (((مجاني))) تماما خدمة بناء لينكدإن بروفايل: محتوى + تصميم الهدف واضح: ← ساعدك توصل لعميلك المثالي ويشوفك الخيار الأفضل بالنسبة اله. عادة عملائي بيدفعوا $1500 عهيدي الخدمة. بس هالأسبوع، 3 أصحاب شركات ورؤسا تنفيذيين رح يحصلوا عليها بشكل (((مجاني))) تماما. كيف؟ تركتلك استمارة بالتعليق الأول، بليز عبّيها بالمعلومات المطلوبة. وبناء على المعطيات المطلوبة بتم اختيار الرابحين بالمسابقة. كيف تعلّي حظوظك بالربح: ▪️ تكوني صاحب عمل ▪️ عندك شركتك او مشروعك الخاص ▪️ عم تخطط او تسعى لبناء تواجد قوي على لينكدإن ▪️ حابب تستفيد من لينكدإن لتبني سمعة أقوى وتستقطب عملا منه بالتوفيق للجميع 💛

“أنا burned out من لينكدإن، ما عم يجيني عملا، شو بعمل؟” هيك قالتلي بالجلسة. الأسبوع الماضي، مقدمة خدمات أخدت معي جلسة فردية. أول ما بلشنا الجلسة قالتلي بقلب مكسور: أنا Burned out من لينكدإن. بنشر محتوى كل يوم، بتفاعل كل يوم، بس ما بجيب الا عميلين كل الشهر بأسعار قليلة شو بدي اعمل؟ وين الغلط؟ ما فيني ضل هيك أو بترك هالشغلة كلها! بنظرة سريعة على محتواها على لينكدإن دغري بيّن وين الخلل. عم تحكي عن مواضيع مهمة عم تعالج المواضيع من تجربة عم تتوجه لجمهورها المستهدف بس في مشكلة وحدة، مش منتبهتلها. هي مش موجودة أبدا بمحتواها. كيف يعني؟ المجال اللي هي في (CV writing & profile optimization)، كتير crowded بناس كتير بتقدم نفس الخدمة نفس المواضيع اللي بتطرحها، بيطرحا أكتر من 2000 “خبير” غيرها. مش واضح… هي مين؟ شو بتحب؟ شو بتكره؟ بشو بتآمن؟ مع مين بتختلف؟ شو عم بتفكر؟ عندها ولاد؟ كيف هي حياتها؟ شو رأيها بهالشغلة؟ ليه عم بتقدم هيدي الخدمة؟ 600 سؤال حول هيي مين كان فيها تحكي عنن بمحتواها بس عمليا هي مش موجودة. عامل الpersonal بالpersonal brand تبعها غايب كليا. وهيدا الفخ يللي بيوقع في 99% من الناس اللي عم بحاولوا يبنوا علامة شخصية الن. إما بسبب انه بفركوا ما عندن شي يحكوا في. أم لأن بخافوا من التباهي والshow off. أو لأن بفكروا ان لينكدإن مش انستغرام. علامتك الشخصية هي 20% مهاراتك، خدماتك، خبرتك، وطريقة بيعك. بس هي 80% إنت مين، كيف بتفكر، شو اختبرت، كيف بتشوف العالم، كيف بتلبس وكيف بتعبّر عن رأيك. اليوم لما يجي عميل يشتغل معي ب $3000، و$10،000 و$20،000 ويقلي “أنا بوثق فيكي” بأول call منعمله سوا وهوي ما بحياته شايفني أو حاكي معي أو حتى كان connected معي على لينكدإن، هيدي الثقة منين إجت؟ ما إجت بس لأن بحكي عن لينكدإن والعلامة الشخصية وعندي 15000 متابع… لأن كان في يختار غير شخص، غير شركة، أي خبير أو أي مؤثر تاني عنده عدد متابعين أكتر بس هوي اختارني الي، لأني أنا مين، وشو بمثّل من أفكار وقيم وتجارب. نفس الشي العميل اللي بقلي: “أنا ما بعرف أي خدمة بدي، بس بعرف انه بدي اشتغل معك.” (نقالتلي كذا مرة) ما فيك تتميّز عن غيرك، ولا تبني ثقة مع جمهورك اذا جمهورك ما بيعرف مين انت خبرتك ومعلوماتك ما لازم ياخدوا 100% من محتواك. نشر المحتوى لوحده هيك ما بخليك تكون visible للعميل. مشاركة أفكارك، شخصيتك، تجاربك الشخصية هوي اللي فعلا بخليك visible.

صح ام غلط اني عم فكّر ابني علامة شخصية انا وموظف وبهيدا العمر الصغير؟

خوارزميات لينكدإن بتتغيّر دايما. طب شو هي ثوابت لينكدإن يللي ما بتتغيّر لتنجح بال 2026 وبال 2050. الكل بيحكي بخوارزميات لينكدإن وتحديثاتها والرعب يللي بعيشوا الناشطين على المنصة كل كم شهر لأن الريتش نزل. طيب شو ثوابت لينكدإن يللي ما بتتغير وهي أساس الوصول العالي والمبيعات العالية؟

99% من الأشخاص يللي بيعجزوا عن صناعة محتوى عندن مشكلة وحدة مشتركة. دربت أكتر من 700 شخص وصنعت محتوى لأكتر من 80 عميل، من مختلف المجالات وبسنين خبرات متفاوتة. السؤال يللي كان يتكرر على كل لسان هوي: عن شو لازم اكتب؟ ما عندي أفكار. ما عندي انجازات. خلص الناس زهقت. معقول احكي عن حالي… مشكلة كل هودي الناس انه بعاملوا صناعة المحتوى بشكل منفصل عن حياتن وشغلن. صناعة المحتوى ما بدها أفكار. صناعة المحتوى بدها أحداث. انك تنشر منشور، اتنين، تلاتة، عشرة. مش متل انك تنشر بشكل مستمر على مدرا السنة. الاستمرارية بنشر المحتوى ما بتتحقق بسؤال “عن شو لازم أكتب؟” بل بطرح أسئلة من واقعك اليومي: — اي مشكلة حليّت هالأسبوع؟ — مع مين حكيت؟ وشو حكيتوا؟ — من أي حديث، خبرية، أو فعل نزعجت؟ — شو في شي صار أثّر فيك أو علق براسك؟ كتابة منشورات هي متل آلة تصوير ولكن آلة ورقية. انت ما عم تخلق شي مش موجود (الأفكار) انت عم تنقل شي عم بتعيشه وتختبره وتفكر في. لما تفكر بالمحتوى بهالطريقة بصير هيّن عليك تكتب منشورات للينكدإن ورح تتحول هيدي الممارسة من عبء لمتعة.

ما خططت ولا يوم اني جيب عميل من لينكدإن بس كنت عم بعمل نشاط معين خلا عملية جذب العملا سهلة، بديهية، وحتمية. بأول حلقة من البودكاست رح كون عم شاركن أسرار الحصول على اول عميل من لينكدإن. نفس الأسرار يللي خلوني سكّر ديلز اكبر ما كنت بحلم فين. الرابط بالتعليقات. ناطرة اسمع الفيدباك منكن💛

رمضان كريم لكل الأصدقاء والأحبة 💛 انشالله هالشهر يحملكن كل خير وبركة وحب ونجاح.

اذا قررت تستخدم لينكدإن لتحصل على عملا، وقّف! ما تجرّب لحالك. حضار هالبودكاست قبل، لتعرف شو تعمل (بالظبط). ← هيدي الحلقة: https://lnkd.in/dXrF7PsK عدة أصحاب أعمال بياخدوا معي جلسات فردية بعدما أنهكوا حالن سنتين وخمس سنين محاولة من دون نتيجة على لينكدإن. وبعد أول جلسة ١:١ معي بيحصلوا على أول عميل. اكيد الانطلاق والاستمرارية والصبر كتير مهمين بس من دون الممارسة الصح ما بجيبوا نتيجة سنة ٢٠٢٢، حصلت على أول عميل من لينكدإن. ما كنت عم خططتله، ولا كان بدي اشتغل صانعة محتوى، ولا كنت عم سوّق لخدمة. بس… كنت عم بعمل ممارسة يومية خلّت من البديهي، والحتمي، والسهل عليي اني اجذب أول عميل من لينكدإن… وتاني عميل، وتالت عميل، ورابع عميل… بأول حلقة من بودكاست "أسرار البيع في لينكدإن" عم نكشف أنا وصديقي Mostafa Sattouf أسرار الحصول على أول عميل الك من لينكدإن، سواء كنت… - صاحب شركة وعم بتوسّع قنواتك التسويقية - موظف + فريلانسر بده يطلق الside hustle - شخص عنده موهبة بس مش عارف شو يعمل الحلقة خفيفة نضيفة، قصيرة وفيها خطوات عملية واضحة وسهلة التطبيق والأهم الأهم الأهم، انها نابعة من تجربة ومن خبرة ومش من نصايح ChatGPT. واذا بآخر الحلقة او وقت التطبيق اذا كان عندك أسئلة فيك تراسلني او تراسل مصطفى مباشرة ونحنا منساعدك 💛

بمناسبة اليوم العالمي للمرأة رح قدم 12 جلسة فردية ل12 رائدة أعمال بحسم 70% لما انطلقت بالبزنس تبعي كان عندي صفر خطط وصفر خبرة وكان لينكدإن بالنسبة الي حقل تجارب، ما بعرف شو مخبيلي. ما كان عندي منتور أو شخص ارجعله لإسئله عن أي تحدي عم بواجهني كان العميل اللي بيجي بيجي والعميل اللي بروح اخسره وكان أي رفع بالأسعار أو أي شهر جاف يخوفني ويهزني وبطّل اعرف شو بدي اعمل ياما فكّرت استسلم وشك بحالي: معقولة لازم اتوظف؟ بس ارجع حاول، وحاول، وحاول، وحاول... والحمدالله بفضل تواجد استرتيجي على لينكدإن اشتغلت مع أكتر من 80 عميل ودربت أكتر من 1000 شخص. هل لازم انت كمان تعاني الأمرّين لتصيري تتحكمي بمدخولك وربحك وعدد العملا اللي بيجوكي من لينكدإن؟ أكيد لأ. مشان هيك، حابة قدملك جلسة فردية (استشارية\تدريبية) لساعدك تنجحي بمشروعك وعلى لينكدإن بثقة اكبر وبسرعة أكتر. وبما انه هلأ اليوم العالمي للمرأة، حبيت ادعمك بخصم كبير بسهّل عليكي هيدي الخطوة. عادة بقدم 6 جلسات فردية بالأسبوع بقيمة $100\بالجلسة. بس لإلك رح تكون $30 بس! العرض متوفر لأسبوع بس ول 12 رائدة أعمال فقط. الرابط بالتعليق الأول. الأولوية للي بتحجز أول شي.

الحرب عم تشتد يوم بعد يوم. وبرضه... هيدا أفضل وقت لتقوي علامتك الشخصية. قدما تطول... الحرب دايما مؤقتة. ما بيوقف الوقت خلالها ولا بعدها. الدني بتضل ماشية ومش ناطرتك. ما توقف تنشر. ما تأجل استثمارك. ما تغيب عن العيون. غيّر تكتيك، تأقلم مع نمط عمل جديد، العاب بأسعارك. تماشى مع الوضع. ما تدوب في. عميلك المثالي رح يضل عنده حاجات وبده خدمتك فيك تكسبه بالحرب بخطة ذكية أو بعد الحرب بثقة فيك بس اذا ختفيت. أي منافس الك قادر ياخد محلك. مشان هيك تأقلم. بس ما تختفي!

وعيت، وهيدا آخر شي كنت بتوقعه! شكرا حبيبي زكية💛 وأصبتي بكل نقطة👏👏👏

أيمتى أفضل وقت ننشر في برمضان؟ يلا جبتلكن الجواب! مبارح عملت Poll طلبت في من الناس يختاروا أفضل وقت إلن برمضان لتصفح لينكدإن والنشر. شارك في عينة من 215 شخص. وهيدي كانت النتيجة… 33% من الناس رح تنشط على لينكدإن بعد الافطار. 25% رح تنشط الضهر بين الساعة 12 والساعة 2. و25% رح تنشط مأخر بالليل قبل السحور. وبس 17% رح تنشط الصبح بين الساعة 8 و10. الفرق مش شاسع، بس بيعطينا فكرة عن وقت الذروة والوقت الميت. بعرف بعرف شو رح تقولولي: نادين عأساس ما في أفضل وقت لمشاركة المحتوى والتركيز لازم يكون على جودة المحتوى والجمهور المستهدف وانه لينكدإن طوّل حياة المنشورات من ساعة ليومين!!! صحيييييح 10000000000%. بس ما فينا ننكر انه رمضان عنده طابع خاص وبيتغيّر في روتين الحياة عند مليارين انسان بالعالم. فليش تما ناخد هالموضوع بعين الاعتبار؟ ملاحظة على الهامش: الي زمان ما بحضر مسلسلات وTV بس علقت مبارح بمسلسلين ف رح كملّن 🫣 مين متلي؟!

عميلي أ. كان Invisible أونلاين. اليوم صار مرجع موثوق بمجاله بس بعد 90 يوم نشر على لينكدإن. قبل ما بلّش اشتغل مع استاذ أ. كان ← بروفايله ما بعبّر عن خبرته. ← منشوراته ما بتتخطى 300 Impressions ← التفاعل ما بين 2 ل 6 لايكات ماكس. وما كان يجي ولا عميل من لينكدإن. كل عملاءه كانو direct sales أم referrals. تواصل معي وبلشنا الشغل الاستراتيجي على لينكدإن: ← تموضع صح وبروفايل بيشتغل sales page 24/7. ← خطة محتوى محتوى نقلته: ▪️ من reposts لبعض المنشورات لنشر محتوى بيعكس أفكاره وتجاربه ونجاحته. ▪️ من 2-4 لايك الى 30، 60، 100 لايك ▪️ من 200 Impressions ل 2000, 4000, 13000, 20000 Impressions ومنشور فايرل حقق تقريبا 200،000 Impressions و1،052 لايك. ← استراتيجية لينكدإن نقلته من صفر عملا من لينكدإن الى weekly inquiries من شركات سعودية كبيرة وشركات اماراتية وحتى من عملا سابقين رجعوا تواصلوا معه بسبب محتواه. عميلي ما اضطر ينطر 6 أشهر وسنة ليشوف نتيجة ملموسة من لينكدإن. النتايج بلشت تبيّن خلال أول شهر وتكبر متل كرة التلج. وهيدي كانت النتيحة بعد 90 يوم: 311,426 impressions. طبعا النمو أخد وقته. ما فزينا من 2 لايك ل 100 لايك بين ليلة وضحاها. كنا ماشيين بالdirection الصح. وهيدا يللي سهّل عملية استقطاب الشركات والعملا المحتملين ونصير نروح فايرل. عميلي تواجد على لينكدإن من بداية المنصة. 23 سنة تواجد من دون حضور حقيقي ومن دون عملا محتملين... خلال 90 يوم بس غيّرنا هيدي المعادلة. 📌 اذا كنت صاحب شركة أوCEO، صرلك سنين على لينكدإن، عندك حساب بس ما عندك حضور، وشايف منافسينك عم يبنوا سمعة بتتخطى حيطان الشركة وانت لأ… صار فيك تغيّر هالمعادلة بس ب 90 يوم. أنا نادين قليمه، بساعد الشركات والCEOs يبنوا علامة شخصية وسمعة رقمية لجذب ميغا ديلز عبر لينكدإن خلال 90 يوم بس أرسل لي كلمتي “سمعة رقمية” على الخاص تتبلّش تبني حضور قوي بعبّر عن شخصيتك وخبرتك.

"أول مرة حدا بسيّف بوست الي…” وصلتني هيدي الرسالة مبارح. م. هوي فريلانسر، بقدم خدمات كتابة السيرة الذاتية، الى جانب وظيفته. قرر ينطلق بمشروعه الخاص معي، من خلال أخد جلسات فردية تيتعلم كيف يستخدم لينكدإن ليجذب عملا. بآخر جلسة عملناها سوا، اشتغلنا فيها على منشوراته. م. محتواه حلو. أفكاره جيدة. والفورما جيد. بس المشكلة هي بالوصول للناس الصح، وجذب العملا. يعني التحدي اللي عنده ياه هوي بطريقة الطرح، بالهوك، بالترابط، وبالنهاية. فخصصنا جسلة لإعادة صياغة المنشورات اللي حضرّها. نتيجة واحد من هالمنشورات: حصل على 4 saves و9 زوار جداد لبروفايله لأول مرة من لما بلّش ينشر على لينكدإن. فإذا كنت عم تنشر على لينكدإن بس منشوراتك ما عم بتجيب تفاعل ولا عم بتجيب عملا، ما تستسلم وما توقف نشر على لينكدإن خلينا نقعد سوا جلسة ونعيد صياغة محتواك لينجح على لينكدإن. اذا حابب تعرف تفاصيل أكتر عن الموضوع اتركلي تعليق أو رسالة خاصة بكلمة “محتوى”.

لكل الأصدقاء الموظفين المهتمين بالحصول على CV بتعكس خبرتن وبتفتحلن بواب لفرص جديدة، حلكن عندي... بعرفكن على Moustafa Al Imad، وهوي Professional CV Writer & Stragetist. مصطفى شب رائع، بشخصيته، بأخلاقه، بسعيه المستمر، بنضجه, بتجاربة المميزة. السيرة الذاتية يللي بيكتبلك ياها مصطفى نابعة من خبرة طويلة وتجارب شخصية قطع فيها بكذا سوق عمل بالعالم: دبي، أميركا، لبنان… يعني وين ما بدك تقدم عوظيفة، هوي عارف كيف يعملك تموضع صح وقوي، وعارف كل سوق عشو بركز بالCV وبالباحثين عن عمل. مصطفى شب جامعي، متله متل أي شب تاني ما مان عارف كيف يقدم على وظفية ولا عارف كيف يكتب CV. ما حدا علّموا بالجامعة ولا بمحيطه. بسبب هالمشكلة بالنظام التعليمي، قدم مصطفى على مئات الوظايف من دون اي اجابة من أي مسؤول موارد بشرية. رقم كان قادر يكسر أي انسان ويخلي يستسلم. بس مصطفى اتعلم من تجاربه. وبقي يطوّر بكتابة السيرة الذاتية وكل الملفات التابعة لحديد ما وصل لمرحلة قادر يقدم فيها على اي وظيفة بتناسبه وينقبل. وهيك قدر يشتغل ب 3 وظايف بنفس الوقت بدبي وبأميركا. بعد هالتجربة قرر مصطفى يساعد غير متخرجين وموظفين يحصلوا على وظايف من خلال كتابة CV بتعكس خبرتن وشخصيتن. وأكيد ما بيوقف هون! مصطفى بساعد كمان: بكتابة ال Cover Letter تحضيرك لمقابلة العمل تحسين اللينكدإن بروفايل تقديم طلبات العمل فإذا كنت حابب تحصل على وظيفة، تغيّر وظيفة، أو تقدم وتشتغل بشركة أحلامك، اتواصل مع Moustafa Al Imad.

فلسطين حاضرة بقوة في قمة الويب وحتى بقطر. والشركات والجمعيات الفلسطينية عم تعمل شغل جبار ليخلقوا فرص للشباب الفلسطيني.

أصدقائي، كل عيد وانتو وأحبابكن وأوطانكن بخير وسلام وما بتكون الا إيامكن كلها سعادة ونجاح 💛

اذا كنت بتقضي ساعتين على منشور واحد، المشكلة مش انك ما بتعرف عن شو تكتب… المشكلة انك ما بتستعمل “مسودة” الدماغ يا صديقي، مش معقول يكتب ويفكر بنفس الوقت. لاحظها على حالك اذا عم تاخد notes وحدا عم يحكي... يا بتركز، يا بتكتب. بس بمنشور لينكدإن انت مصمم تعمل الاتنين سوا. مشان هيك المنشور بدل ما ياخد 20-30 دقيقة بياخد ساعتين. بتقعد بتفكر بكل كلمة، وبتظبط بكل حرف، وبترتب بشكل المنشور بنفس الوقت. ما بيمشي الحال! لتكتب منشورات أقوى بوقت أقل بدك تستعمل مسودة أولى ومسودة تانية وتأكد انه المسودة الأولى منها صالحة للنشر على لينكدإن لو قد ما تكون بطل بالكتابة (الا نادرا) المسودة الأول هي بس لتحط الفكرة والنقاط اللي حابب تحكي عنها بأي طريقة بتطلع معك. المسودة التانية هي لتبني منشور حقيقي: هوك قوية، تسلسل واضح، ترابط طبيعي ونهاية الها غاية… 📌 أنا بستخدم مركز لصناعة المحتوى بساعدني رتب أفكاري، نظّم محتوايي، واكتب بوضوح. لتحصل عليه اضغط على هيدا الرابط https://lnkd.in/dhJeeXQx

تعوا خبركن عن شخص لازم كلكن تعرفوه من دون استثناء:Nagham Tarhini أنا ونغم النا أكتر من سنة مشبكين مع بعض على لينكدإن. لما جيت على دبي رحّبت فيي نغم وقالتلي يلا نلتقي وهيك تعرفنا على بعض بالشخصي ما رحنا على أي كافيه. لا… حبت نغم تعزمني اكتشف مكتبة محمد بن راشد، حاكم دبي. المكان كان أكتر من رائع. قضينا 3-4 ساعات سوا بلا ما ننتبه على الوقت. حكينا بالشغل، والبلد، والطموح، والقطط… وهيك صرنا أصدقاء، ومش بس معارف. بس ما فيني اتعرف شخص رائع متل نغم وما تتعرفوا انتو عليه! نغم من أكتر المسوقين مهارة بالعمل مع المستقلين، أصحاب الأعمال والشركات الصغيرة يللي بتخدم غاية معينة بالبزنس تبعها. بتساعد المؤسسين والفريلانسرز يتخطوا خوفن من الكاميرا، وحيرتن بصناعة المحتوى من خلال برنامج تدريبي مكثف بتقدمه لإلن. يعني اذا انت بتخاف تطلع ببودكاست أو بتتلخبط قدام الكاميرا، نغم بتساعدك. اذا عندك سنين خبرة طويلة بس مش عارف كيف ترجمها لمحتوى على انستغرام ولينكدإن، نغم بتساعدك. اذا بدك مرشد وداعم ووج ضحوك، نغم هي أفضل مين فيك تشتغل معه برحلتك على السوشيل ميديا. ممتنة لصداقتنا الجديدة وعقبال لقاءات أخرى بدبي وبلبنان 💛

بتفضل يكون عندك مليون متباع أو 1000 معجب؟ بهيدا السؤال افتتح خالد العامري أولى الجلسات بقمة المليار. كان عنوان جلسته: القصة التي ستوصلك لمليون مشاهدة. بتتوقع من هيك عنوان انه تحصل على آلية مجربة وناجحة لصناعة المنشورات الفيروسية. بس خالد قرر يتحدى توقعات الجمهور ورغباته بطرح فكرة معاكسة: أي شخص عنده تأثير أكبر، يللي عنده مليون متابع او اللي عنده 1000 معجب؟ ممكن كتير المليون متابع يحطولك مليون لايك على كل فيديو بس ما يشتروا منك بدولار واحد. بينما لو عندك 1000 معجب بيتأثروا بكلامك وأفعالك وبوصّوا فيك وبيشتروا منك لو شو ما بعت وشو ما كان سعرك. المليون رقم بيغري. بس مش دايما اله وزنه. والسعي ورا الأرقام ادمان. بيحكي خالد عن أول مرة حقق فيها مليون مشاهدة، كيف احتفل بهالانجاز يوم واحد بس. وتاني نهار بيسأل فريقه ايمتى بدنا نحقق 2 مليون مشاهدة؟ بالسعي ورا الأرقام ما بتعود تشوف الناس، بتصير بس بتلاحق الترند. وهيدا الفخ. خلّي الغاية (purpose) هي يللي تحدد خطواتك وتوجه محتواك ومش الأرقام. لأن حياة انسان واحد تتغيّر بسبب محتواك أهم من مليون متابع بحطوا لايك وبينسوك. وهيدا الكلام أكد عليه مدرب أجنبي بمحاضرة تانية، وقت قال: ابن بزنس مع 3000 متابع ومن بعدها اسعى لتروح فايرل. فإذا نجح مشروعك وخدمتك مع 3000 شخص، يعني الموديل ناجح وقادر فعليا تستفيد من متابعين بالملايين.

وقت كنت بقطر اشتكتلي رفيقتي من كمية الانتقادات على البانر الجديد من عدة مقدمي خدمات لينكدإن. تفاجئت وتضايقت. مش أنا اللي صممتلها البانر. زميل عزيز لإلي صمملها ياه. الشغل كان حلو ومرتب وبعبّر عنها. بس بالنسبة لبعض “الخبرا” كان سيء. واذا بدن يكسبوها عميل الن كان لا بد من أنه يفرجوها مهاراتن وخبرتن “بالانتقاد والتجريح”. لدرجة شككوها بحالها وبشغل زميلي وصار في زعل واحباط. وهيدي مش أول مرة بتصير. غير زملا الي اشتكولي من نفس المشكلة. في مرة زميلة الي، موهوبة كتير (وبتحط الكل بجيبتها صراحة) صممت بانر لمؤثر على لينكدإن معروف كتير. كان البانر بعقّد ومحترف، بس بلّش غير “خبرا بناء علامة شخصية” يتواصلوا مع هالمؤثر، ينتقدوا البانر ويقدموا خدماتن البديلة. وصديقة تانية على لينكدإن، مرة قالتها بالعلن، في “مقدم خدمة” حكاها وانتقدلها محتواها وتصميمها. يا عمي، ما عم بستوعب هيدا السلوك الشنيع وهالأسلوب الرخيص لكسب العملا! كيف يعني مسمى حالك “خبير” و”محترف” وفايت على العالم تجرّح فيها وتهين أعمال غيرك، لتسرق رزقه وتكسب عميل. من أيمتى التجريح والانتقادات السلبية بتبنيلك ثقة مع العميل؟ من أيمتى التجريح والانتقادات السلبية استراتيجية ذكية لتكسب عميل؟ من أيمتى التجريح بعمل غيرك لتسرق رزقه مقبول أخلاقيا أو دينيا؟ مش هيك بتفرجي انك خبير. هيك بتفرجي أبشع ما عندك، واذا كسبت العميل بتكسبه عخوف وتردد ومش عثقة… ورح ترجع تخسره بوقت أسرع. اتكّل على الله برزقك. وما تخلي عينك على رزق الناس!

وجوه الناس في قمة المليار لما يسألوني شو بعمل؟” وقلن “أنا صانعة محتوى للينكدإن” 👇👇👇👇 كيف؟ شو يعني؟ في هيك شي؟ صناعة محتوى للينكدإن مجال كتير حديث بعالمنا العربي. كتير قلال يللي بيعرفوا انه لينكدإن منصة تُستخدم لبناء علامة شخصية وجذب العملا. وانه في أشخاص شغلتن يصنعوا محتوى استراتيجي لأصحاب الأعمال والشركات لتحقيق هالأهداف. هيدي فرصة، تحدي، ومسؤولية بنفس الوقت. فرصة لأن… ← كل يللي عم بفوت بهيدا المجال عم يسبق كتار من الناس. ← كل يللي عم يتسثمر بلينكدإن عم يسبق كتار من المنافسين. تحدي لأن… ← بحاجة لكتير محتوى توعوي وتواجد خارج لينكدإن لنشر أهمية المنصة وقدرتها الهائلة في البزنس. ومسؤولية لأن… ← لأن كتير هيّن نستسلم. ولازم ندرك انه نحنا اللي منزرع، هلأ دورنا. ولو طوّل الحصاد. نحنا اللي رح نحصد أول شي!

قمة الويب: لينكدإن غايب تماما بينما تيك توك موجود بقوة! "تيك توك للمراهقين." مش مظبوط!!!! مش أنا اللي عم بقول هيك لدافع عنن هني اللي عم يعيدوا تموضع نفسن بالشكل الصح. بينما لينكدإن علقان بنفس التموضع المحدود من عقدين لهلأ: منصة توظيف وبس ومش عارفين وهيئتن مش رغبانين يطلعوا من هيدا التموضع. تيك توك عارفين انه بدن يكونوا منصة أهم من مجرد مضية وقت للمراهقين والناس الزهقانة. تيك توك هي منصة الفرص المطلقة. بتموضعن الرواضح والصريح. وأفضل من كل المنصات بنموذجها المالي حسب ما شفت اليوم. أما لينكدإن، المنصة "البروفيشونل" والبزنس والشركات ما كلفوا خاطرن ياخدوا زاوية صغيرة بقمة من أكبر قمم التكنولوجيا والبزنس بالعالم. قدي في رواد أعمال، أصحاب شركات، وسولوبرونورز بيعرفوا انه لينكدإن منصة تُستخدم لجذب العملاء؟ يا دوب… بينعدوا على الأصابع. التموضع والنجاح والتوسع ما بصيروا بس خلف الشاشات انما على أرض الواقع. لأن مش كل الناس بتعرف، وشايفة، وسامعة… ١٪؜ بس من حسابات لينكدإن ناشطة على المنصة بينما ٦٦٠٠٠ فيديو بينخلقوا على تيك توك بالدقيقة ومع هيك تيك توك موجود بكل الفعاليات بينما لينكدإن غايب تماما تماما ما بعرف اذا هيدا سوء تقدير وقصر بالرؤية من لينكدإن ام انه هوي كبريا؟ شو رأيكن؟

لاحظت انه لما بعض الزملا غابوا عن لينكدإن ورجعوا، قل التفاعل عمنشوراتن بشكل رهيب هل الخوارزميات عم بتعاقبن أو هل جمهورن نساهن وما عاد مهتم بمحتواهن؟ رح اعطيكن تحليلي الشخصي، بناء على تجربتي وتجربة عملائي: اغلب العملا اللي بشتغل معن بكونوا غير ناشطين على لينكدإن. فلما ما تكون ناشط وبتفوت تتصفح الfeed ما رح يطلعلك غير منشورات من أسبوع، أسبوعين وتلاتة. قليل لحتى الخوارزميات تفرجيك محتوى fresh واذا بتلاحظوا، كل فترة وفترة بتتغير الوجوه عندكن على الفيد. ناس بتكون بتظهر كل يوم، بتختفي وبصير في غيرها يظهرلكن. مش لأن هني وقفوا نشر بس لأن انتو تغيّر سلوكن على المنصة. وصول منشوراتك متعلق بشكل أساسي: 1- بموضوع المنشور وجودته 2- وبنشاطك على المنصة. لما تغيب وترجع، انت خسرت momentum. ما بقى عم تكتب بنفس التفكير والطاقة وعن المواضيع اللي بتهم الجمهور، متل لما تركت المنصة، حتى لو انت مفكر العكس. تانيا، الخوارزميات بتكون اعادت ترتيب الفيد تبعك وتبع جمهورك بغير طريقة. فلحتى انت ترجع تظهر عندن ما فيك تكتفي بنشر محتوى “جيد” لازم تاخد سلسلة خطوات لتعيد ترتيب الفيد عندك وعند جمهورك. (اه نعم، نشاطك على لينكدإن بأثر على الfeed عند جمهورك.) اتبع هالخطوات… ← خلاق قوائم تفاعل لتختار مع مين تتفاعل وعلى أحدث منشوراتن. وهني بدورن بيرجعوا يتفاعلوا معك. ← راسل عدد من المتابعين الك بتعرفن وبهمك أمرن. ← راسل كل شخص بيتفاعل على منشوراتك. — خصص وقت لتتصفح لينكدإن اكتر من العادي. ← شارك محتوى جماهيري أكتر وحفّز الناس على التفاعل. هيدي الخطوات بترسل اشارات ايجابية للخوارزميات وبترجع بتزيد وصول منشورك لجمهورك. 📌 اذا لقيت هالمحتوى مفيد وحابب تقرا محتوى عملي وحصري بساعدك تستفيد من لينكدإن بشكل استراتيجي، اشترك بنشرتي البريدية.

ما كان بدي احكي هيك لأن هالحكي بشع بس… ما بعرف اذا نحنا العرب متخلفين ولا الاجانب مهووسين. اولا، سامحوني على هالتعبير وهاللهجة بس في شي مش طبيعي عم بصير، شي سورريالي مش عم بعرف افهمه وفسره. لينكدإن العربي بميل ولينكدإن الأجنبي بميل لينكدإن العربي عم يحكي عن الخبرات، وبناء العلامة الشخصية وتحقيق الأرباح، واستخدام صورة بالبروفايل او عدم استخدام صورة للمرأة المنقبة… لينكدإن الأجنبي كله… كلود تشات جي بي تي كلود كلود كلود تشات جي بي تي تشات جي بي تي تشات جي بي تي لشو ال outreach في كلود لشو صناعة محتوى في كلود البروفايل مش منيح؟ في كلود بلا فريق مبيعات وتسويق، في كلود بدك تعمل بزنس بمليون دولار؟ في كلود بلا كوتشز بلا ثيرابست بلا بلوط… في كلود والله وسابقا كان تشات جي بي تي خلصصصصصصصص!!!! شو في بالدني، شو في؟!!! مش عم بعرف اشرح هالظواهر. يا اما كل حدا فينا عايش بكوكب او… الأجانب كلن بيعملوا copy paste وبينهوسوا بشغلة في شي غلط. مش عم بستوعب!

دايما بيحكوا قديش المرأة العربية مقموعة بس ولا مرة بيحكوا قديش هي جبّارة… وما بتنهزم! بالسنتين اللي قطعوا شهدت فلسطين، السودان، سوريا ولبنان حروب، مجازر، ابادات… ورغم كل هالمأسات ما شفت الا نساء فلسطينيات، سودانيات، لبنانيات، وسوريات عم ينهضوا من تحت الركام ويرجعوا يبنوا حالن ومشروعن. اللي صار واللي عم بصير كفيل يخلي اي انسان يستسلم. بس هني لأ. جبابرة! والاعجاب ما بقل لما يجي الحكي عن النساء المنقبات. انتو متخايلين كمية الترويج بالميديا خاصة الغربية عن قديش المرأة المحجة وخاصة المنقبة مقموعة ومظلومة ومش طالع بإيدها شي؟!!! لينكدإن فرجانا العكس تماما! النساء المنقبات من كل بقعة بالأرض وخاصة عالمنا العربي، عم تبني بزنس واسم الها بالسوق وتنافس أكبر الأسامي! على انستغرام، وأكس، والتلفيزيونات، والميديا الغربية في صورة نمطية عم تفرجي جزء بسيط ويمكن مش مظبوط من الواقع. بينما على لينكدإن عم نشوف واقع مختلف تماما. مش لأن ما في ذكورية أو ظلم أو حرب وتهجير، لا… بس لأن رغم كل هالمأساة في أمل وفي ارادة وفي أمرأة قررت تستمر بدل ما تستسلم. كل يوم عالمي للمرأة وانتو بخير والكن مليون تحية من القلب 💛

أنا بكسر كل قواعد لينكدإن وبرضه منشوراتي بتروح فايرل. كل منشوراتي بجدولها ما بتفاعل قبل وبعد المنشور ما برد على التعليقات بذات اليوم بنشر أحيانا بأوقات مختلفة عن العادة ما بركّز على التصميم بمنشوراتي ما بهتم ولا بفكّر بالخوارزميات ومش دايما بحط صورة وهيدي النتيجة اللي بحققها أسبوع ورا أسبوع حتى من بعد اي غياب أو تخفيف بوتيرة النشر. حوالي 107،000 نسبة مشاهدة خلال 7 إيام. (زيادة بنسبة 744.7% عن الأسبوع الماضي) القدرة على الوصول لجمهورك بلينكدإن ما بتعتمد على القواعد اللي بتتبعها. مين حط هالقواعد أصلا؟ القدرة على الوصول والانتشار بلينكدإن مربوطة حصرا ب 4 إشيا: ← مع أي جمهور عم تحكي ← أهمية الموضوع المطروح ← كيف بتطرح الموضوع ← كتابة هوك مناسب أوصادم لما تعرف كيف تخاطب جمهورك، منشوراتك رح تنتشر بشكل أكبر على لينكدإن (باستمرار). … لو قد ما تغيب وترجع. بس كتار بيعلقوا هون! بينشروا محتوى يوميا، بس ما بيوصل لحدا. بحطوا جهد على منشور، بس ما حدا بيتفاعل. لو قد ما يجربوا الاستفادة من مصادر مهمة أو من استخدام الذكاء الاصطناعي بكتابة منشوراتن، بضلّن بحالة “روّح مكانك”. قديش frustrating هالموضوع؟!!! وهيدي المشكلة اللي لاحظتها عند أغلب مقدمي الخدمات يللي أخدوا معي جلسات فردية خلال الأسبوعين اللي مرقوا. واللي عم بشتغل حاليا معن لحتى نحلها سوا. بس اللي بحب أكد عليه، شغلة أساسية خلوها بباكلن: الانتفاع من أي أداة لو قد ما كانت مهمة هي محدودة، اذا ما بتحترفوا العوامل الأربعة اللي ذكرتها فوق.

قلتلها “وقفي لينكدإن هلأ!! لحديد ما تخلصي إجازة الأمومة.” م. صاحبة عمل حر، عم تسعى بكل قوتها لتأمن حياة كريمة لعيلتها. عندها طفلين. ولّدت التالت. بدل ما ترتاح، عاودت الكتابة والنشر على لينكدإن بعد أقل من أسبوع… خوفا من إنه جمهورها ينساها خوفا من إنها تخسر عملا محتملين خوفا من انها تضطر تبلش من الصفر كل هالمخاوف مبررة، ومن حقها. وما فيني إكذب وطمنها تطمين غلط. وكل إم عندها تضحيات ولو لمرحلة صغيرة. المشكلة مش هون. المشكلة انه م. محترقة من لينكدإن، وعم تنشر غصب عنها. هيدا الفعل اذا استمر رح يوصلها لليأس ويمكن يكرّها عملها. قلتلها وقفي لينكدإن هلأ لحديد ما ترتاحي، على القليلة أسبوعين وتلاتة ويمكن كل فترة اجازة الأمومة كاملة. لينكدإن مهم، بس ما لازم يجي على حساب صحتك النفسية والجسدية. شغلك مهم، بس لازم تضحي بحالك لتأمني عميل من هون وعميل من هون. خدي بريك لأنك بحاجة لإله لترجعي قوية، ونشيطة، ومتحمسة، وخلّي الباقي على الله. إنت بحاجة لحالك هلأ أكتر ما جمهورك بحاجة الك. لأن اذا انت ما كنت قوية ومرتاحة ما فيكي تساعدي غيرك ولا ولادك حتى. في وقت للشغل والسعي وفي وقت لإعادة التشريج بس اذا كان لا بد من التطمين… أنا مني إم، بس شخصيا غبت عن لينكدإن لبعض الفترات، مرة غبت 3 أشهر، وخلالن سكّرت من أكبر الديلز بحياتي وغير مرات بقي في ناس تتواصل معي وناس تذكرني. غير زملا كمان غابوا عن المنصة لفترات طويلة ورجعوا، وقلّعوا. نعم الرجعة ما كانت هينة، بس ما كانت مستحيلة. اذا انت شاغلة صح، غيابك مش يعني انتهاءك، لأن علامتك الشخصية الها أثر طيب عند الناس. وأكيد اذا بروفايلك عاملك تموضع صح، رح تضلي تستقطبي عملا. وأكيد فيكي تستعيني بمساعدة كاتب شبح متخصص بلينكدإن. بس أهم أهم أهم شي، تعطي حالك الراحة يللي بتستاهليها كأم. شو يا أمهات، شو رأيكن؟ 📌 أكيد اذا انت على مشارف ولادة ومنك حابة انه حضورك على لينكدإن ينقطع أو شغلك يوقف، فيكي تتواصلي معي لساعدك.

الأسبوع الماضي شاركت بوست ندمت عليه. لأول مرة بحياتي. بس ما حذفته. هيدي 6 عِبر فينا نستخلصن منه. الأسبوع الماضي كتبت بوست فيه حيرة، تساءل واستغراب من اللي عم بصير على لينكدإن الأجنبي مقارنة بلينكدإن العربي. كانت أول مرة بستخدم لهجة قاسية شوي ومستغربة وعتذرت عنها بأول المنشور. البوست ما كان فيه انتقاد للعرب، انما انتقاد للغرب، قديش هني مهووسين بنفس المواضيع والAI وبيكتبوا متل بعض عن نفس الموضوع كل الوقت… بنظرة سريعة هلأ على حسابات أجنبية من مختلف الاختصاصات رح تلاقي نفس التجربة، نفس الجهد، نفس الحكي، ونفس الحل عم ينطرح عند الكل. يعني copy paste. طبعا كل شخص حر بمحتواه، بس أنا حكيت عن ظاهرة معينة. وكان في اظهار لparadox معينة: العرب vs الأجانب. في ناس وافقتني، ناس عطيت رأيها، ناس ضحكت وتمسخرت على العرب، ناس انتقدتني، ناس تمسخرت على الغرب. طيب ليش ندمتي عليه؟ لأن هيدا المنشور الوحيد اللي كتبته بلغة قاسية شوي ومزعجة. طيب ليش ما شلتي (حذفتي)؟ لأني بتحمّل مسؤولية شو قلت، ولحتى نستخلص العبر والدروس منه. طيب هلأ شو هيي العبر أو الدروس اللي منستنتجها من هيدي التجربة؟

رمضان كريم أصدقائي. أيمتى رح تكونوا ناشطين أكتر على لينكدإن برمضان؟ بليز اختاروا الوقت الأفضل لإلكن للتصفح والنشر على لينكدإن. وشكرا

مرحبا أصدقائي في لينكدإن، اليوم بغط بقطر لشارك بال Web summit. لكل المشاركين في، خلونا نلتقى، نتعرف، ونحكي بسبل تعاون (اذا بتحبوا) 💛

حابة قدم ورشة تدريبية للسيدات رائدات الأعمال بمناسبة اليوم العالمي للمرأة، الأسبوع المقبل. أي نهار وأي وقت بتفضلوا؟ بعد الافطار؟ أم نهار العطلة؟