Samia Hassan, CNHC Reg's Recent LinkedIn Posts

حاسس انك تعبت من الأجازة؟ تعالى أقولك ليه إذا وصلت لهنا في الأجازة اللي كنت منتظرها بفارغ الصبر وحاسس انك مش مرتاح زي ما كنت متوقع طاقتك قليلة … ملل … فتور إحساس بالفراغ رغم الزحمة بتلاقي نفسك بتفكر في الشغل أو بتخطط هتعمل إيه أول ما ترجع؟ استنى لحظة … قبل ما ترجع حاول تفهم السبب انك مش قادر ترتاح وقت الراحة طول السنة، جهازك العصبي بيشتغل في وضع التحمّل (sustained pressure mode) مواعيد، مهام، مسؤوليات، قرارات، ضغط متراكم. لما الضغط ده بيقف فجأة، جهازك العصبي بيبدأ يفرّغ الضغط بالتدريج فبتبدأ تلاحظ حاجات مكنتش واخد بالك منها تعب كنت مخبيه ⬅️ بيطفو أسئلة مكنش عندك وقت تفكر في إيجاباتها ⬅️ بتنور الملل والفراغ اللي حاسسهم دلوقتي، مش حلّهم انك ترجع الشغل بسرعة 🚫 ولا تشغل نفسك بالتخطيط له في وسط الأجازة دي إشارات عن حالتك، مهم تاخد بالك منها 🤔 طيب تعمل إيه علشان تستفيد من الحالة دي؟ قبل ما الإجازة تخلص، جرّب التالي ✅ اقعد لوحدك ١٠ دقايق في هدوء واسأل نفسك: ✓ الراحة والهدوء بيخلوني أحس بإيه؟ أو ألاحظ إيه عن نفسي لما أكون مشغول؟ ✅ اكتب اللي ييجي في دماغك من غير ما تحاول تظبّطه ✅ وبعدين اختار حاجة واحدة من اللي كتبته وقرر إذا تغييرها هيفيدك ✅ وابدأ فوراً اشتغل على تغييرها بخطوات بسيطة مثال: ⚠️ مفيش وقت أهتم بنفسي وصحتي قرار: ✔️احجز ساعة في الأسبوع لنفسك وحط لها خطة مثال: ⚠️ بشتغل كتير ومش حاسس بإنجاز قرار: ✔️ راجع شغلك آخر كل أسبوع وقيّمه مش لازم تغيّر كل حاجة لو رجعت بحاجة واحدة بس ⬅️ الإجازة دي عملت شغلها 👍🏼 كل عام وأنتم بخير 🌙

الشيء الوحيد اللي فرق معي لتحسين أداء المُدَرسة مُدرّسة جديدة، مؤهلة جداً، لكن خبرتها العملية قليلة اتعملها كل التدريب اللي المفروض يهيئها تؤدي بأفضل وجه: التدريب، الـ orientation، شرح الـ accreditation body، ومتطلباتهم، المنهج، و نماذج للدروس وما إلى ذلك … كل الإجراءات اتنفذت بالكامل زي ما الكتاب بيقول ومع ذلك: ⚠️ بتاخد وقت طويل أوي في تحضير الدروس. ⚠️ بتكون قلقانة بشكل واضح داخل الفصل. ⚠️ الأداء بشكل عام أقل بكتير من إمكاناتها المتوقعة. ⁉️ التشخيص التقليدي لأي مدير تدريب أو L&D هنا هيقول إيه؟ تحتاج تدريب إضافي، تحتاج Mentor، أو شخصيتها ضعيفة مش مناسبة للتدريس لما حللت الأداء على المستوى السلوكي لاحظت التالي: ❌ ده مش Performance Gap تقليدي 😧 ده توتر بسبب البيئة الجديدة واتصرفت ازاي؟ ✔️ حضرت معاها في الفصل وقدمتلها Feedback عملي ✔️ لاحظت نقاط القوة في أدائها وأثنيت عليها ✔️ راقبت ازاي بتتعامل مع الطلبة ووجهتها ✔️ خططنا لأنشطة إضافية وطلبت منها تشارك فيها علشان تبني علاقة تفاعلية مع الطلبة خارج الفصل ✅ خليت الـبيئة تشتغل لصالحها وتطمنها بدل ما تكون مصدر تهديد النتيجة؟ في وقت قصير جداً، أصبحت من أفضل المُدرسات أبدعت في تحضير الدروس أصبحت المُدرّسة المفضلة عند كتير من الطلاب نفس الشخص☑️ نفس المهام ☑️ نفس البيئة☑️ ✅✅ لتحسين أدائها ومساعدتها تطّلع أحسن ما عندها كان لازم الأول نشَخص صح ونهيئ البيئة علشان تدعمها كمدير L&D وتطوير الأداء هل اكتشفت قبل كدة فجوة أداء كان سببها حاجز نفسي؟ أو صدمة من البيئة الجديدة؟ —————————— سامية حسن إستشارية تحليل وتطوير الأداء المؤسسي وخبيرة في التحول السلوكي المعرفي للأفراد

مش لازم تكون فجوة الأداء مختلفة، علشان التدخّل يكون مختلف. ده اللي اتعلمته من اتنين موظفين كان عندهم نفس المشكلة بالظبط (في الظاهر) 😎 اتنين موظفين .. الشغل كان بيطلع دايماً في أخطاء وواضح انه اتعمل باستعجال .. كان بيحتاج مراجعة دقيقة وتعديل … وأحياناً يتطلب منهم يعيدوه من أول وجديد 🤔 👀 المشكلة في الظاهر: نقص تركيز إهمال ❗️والحل الجاهز كان واحد: تدريب على الجودة، أو تنبيه وتحذير بس خليني أقولك إيه اللي طلع لما حلّلت الأداء عن قرب 👇🏼 الموظف الأول ⬅️ متسرّع لأنه مضغوط محمّل بمسؤوليات ومهام أكتر من طاقته التشغيلية. بيجري ورا نفسه عشان يلحق، فبيطلع الشغل ناقص. هنا المشكلة مش في مهارته ⬅️ المشكلة في الحِمل التدخّل؟ ✔️ وزعنا جزء من مسؤولياته على زملائه ✔️ وأخذ coaching على التفويض (delegation) بدل ما يمسك كل حاجة بإيده الموظف الثاني ⬅️ متسرّع لأنه خايف اترفد قبل كده من شغله السابق بدون سبب (معروف له) عقله ترجم ده على إنه قصور في أدائه الخوف من تكرار التجربة هو اللي كان بيحركه هدفه ينجز أكبر عدد من المهام بأسرع وقت عشان يثبت إنه مفيد هنا المشكلة مش إهمال ⬅️ المشكلة خوف ومحاولة نجاة التدخّل؟ ✔️ درّبته يمشي على الـ process خطوة بخطوة ✔️ ودايماً يفتح ملف ال process أمامه حتى لو حافظها ✔️ ويراجع شغله بنفسه قبل ما يسلّمه 🎯 واشتغلنا معاه على القلق والإحساس بعدم الأمان بشكل عام 🔎 شايفين الفرق؟ نفس العَرَض ☑️ نفس الشغل المتسرّع ☑️ نفس الانطباع من بره ☑️ لكن دوافع مختلفة تماماً ⬅️ وبالتالي احتاجوا تدخّل مختلف تماماً كل حل منهم كان صح جداً في مكانه… وكان هيبقى غلط مع الموظف التاني دي قيمة التشخيص الدقيق ✅ إنك تلاقي السبب أو الدافع اللي بيأثر على الأداء لأن نفس العَرَض ممكن يكون له دوافع مختلفة، وبالتالي يحتاج حلول مختلفة كـ L&D Manager لو بتلاقي التدخل اشتغل مرة أو حتى مرات في حالات، ومشتغلش مع نفس المشكلة في حالات تانية انت مش لوحدك. كثير من مديري التطوير يواجهون التحدي نفسه مع فجوات في ظاهرها متشابهة وهي في الأصل مختلفة. والفرق إن معايا هتشوفه بعدسة إضافية. في رأيك لو بدلنا التدخلين مع الموظفين، كانت إيه هتكون النتيجة وتأثيرها على كل واحد فيهم؟ ---------------------------------------- سامية حسن استشارية تحليل وتطوير الأداء المؤسسي وخبيرة في التحول السلوكي المعرفي للأفراد

اللي فعّل وضعية "بعد العيد" يرفع إيده 👆🏼 أهلاً بيك .. أحب أحييك وأقولك انت إنسان عادي 😎 سواء كانت مهمة في العمل أو حاجة شخصية فكرت انك عاوز تعملها أو حد طلبها منك .. وقررت ⬅️ "بعد العيد" تاسك مهم في الشغل ⬅️ بعد العيد مشروع هنبدأ فيه ⬅️ بعد العيد هبدأ دايت 🙈 ⬅️ بعد العيد هنتظم في الجيم 🏋️ ⬅️ بعد العيد تعالى أقولك ليه ده بيخليك إنسان عادي 😎 البداية الجديدة أو التغيير بتستهلك جهد عصبي والدماغ 🧠 بطبيعته بيميل لتوفير الطاقة أو على الأقل تأجيلها قدر الإمكان ولإنك فعلاً عاوز تعمل الحاجة دي، فبتنتظر إشارة من البيئة وتستخدمها كمُحَفّز للبدء زي مثلاً بداية سنة، بداية شهر، عيد ، حدَث مهم … وده نظام طبيعي وفعّال وفي أغلب الأحوال بيشتغل كويس ويساعدنا ننجز مثال زي "بعد العيد" مشهور جداً لأنه يعتبر "إذن اجتماعي" مريح ومقبول مجتمعياً بس محتاجين ناخد بالنا من حاجة مهمة ⚠️ هل اللي مأجلينه دلوقتي ل "بعد العيد"، كان مُأجل قبل كده ل "بعد رمضان"؟ 🤔 ويمكن قبلها ل "السنة الجديدة" 🤔 لو الإجابة ☑️ لو المهمة نفسها بتتأجل من محطة لمحطة ومن مناسبة لمناسبة ولسه بتتأجل دي مش محتاجة مناسبة ولا إشارة من البيئة ولا سنة جديدة علشان تنجزها، دي بتديك رسالة ان في سبب تاني وراها محتاج انتباهك كل عام وأنتم بخير 🌙

السنة الهجرية بتبدأ بالهجرة. مش بنيّة جديدة، ولا قرار هجرة فعلية ⬅️ تغيير في المكان والبيئة أحياناً اللي محتاج يتغيرعلشان تنجز وتحسن ادائك مش انت … المحيط اللي حواليك. و أهم خطوة مش إنك تحاول أكتر في نفس البيئة، ممكن تكون إنك تغيّرالبيئة نفسها كل عام وأنتم بخير 🌙

كان فاكر إن سبب التأخير فجوة في أداء الفريق… لحد ما اكتشف إن السبب من برّه تماماً قسم الـ GRC كان بيحاول يقيس نسبة الامتثال في المؤسسة ومش بيوصلوا للنسبة المستهدفة. كان المتوقع انها فجوة أداء عند الموظفين المسؤولين عن القياس رغم ان الكفاءة … وضوح الإجراءات .. ودعم القيادة كانوا متوفرين والسؤال اللي كان مطلوب مني أجاوب عليه.. ازاي نحقق تارجيت القياس في الربع الأول؟ 🤔 نعمل إيه علشان نرفع كفاءة الفريق ويحقق النسبة المطلوبة؟ 🤔 🔎 التشخيص كشف إن المشكلة مش في الفريق ومش داخل القسم أصلاً الفريق المسؤول عن جمع البيانات كان كفء الدعم القيادي كان موجود الهدف كان واضح ال process واضحة ⚠️ لكن البيانات ما كانتش بتتدفق. 50% تقريباً من أقسام المؤسسة اللي مطلوب منها البيانات مش بتتجاوب ☢️ والسبب؟ غياب القناعة بأهمية الـ authority matrix ورؤيتها انها إجراء ورقي ⬅️ بيعطل مش الأداة 🔚 اللي بتحمي المؤسسة كلها من مخاطر الحوكمة ✔️ في علم تطوير أداء الأفراد، ده يعتبر workplace and social context gap الفريق كان بيؤدي بأقصى ما تسمح به البيئة حواليه. لكن في عوائق خارجية بتوقفه ✔️ ومن منظور سلوكي معرفي، غياب القناعة بأهمية العمل لا يمكن علاجه بالإلزام. الإلزام مش بيشتغل في كل الحالات، ولو اشتغل بدون قناعة نتايجه بتكون منقوصة، وبالتالي غير موثوقة ⚠️ لما اتعرضت نتيجة التشخيص على ال project owner كان شايف انها eye opener رغم معرفته السابقة بفجوة تقبّل الفكرة نفسها … ما ربط بينها وبين النقص اللي حاصل في نسبة القياس وده بالظبط اللي بيعمله التشخيص الصح ✅ بيفتح العيون على الواقع اللي وراء الفجوات كـقائد ومسؤول فريق هل فريقك بيعمل كل جهده، لكن النتايج مش بتتحقق بالمعدل المطلوب؟ انت مش لوحدك دي ظاهرة متكررة .. لأن السبب مش دايماً داخل الفريق والفرق إن معايا هتشوفه بعدسة إضافية. في تجربتك، كيف ممكن تتعامل مع عائق خارج نطاق مسؤوليتك المباشرة ؟ -------------------------------------------- سامية حسن استشارية تحليل وتطوير الأداء المؤسسي وخبيرة في التحول السلوكي المعرفي للأفراد

لما تقيم أداء موظف أو فريق في آخر السنة أو آخر المشروع  تقدر تعرف نسبة التقصير وتحط خطة تطوير لكن مش بتعرف ليه موصلتش للتارجيت  ———— في أكتر من حوار مؤخراً مع مسؤولين موارد بشرية، لاحظت إن كلمة "أداء" مرتبطة دايماً بالتقييم التقييم بيحصل آخر السنة أو آخر المشروع  وبيتربط بالترقية أو المكافآت  لكن تطوير الأداء أوسع من كده بكتير (HPI) في تطوير الأداء بنجاوب عن سؤال  ليه النتايج متحققتش؟  إيه اللي بيعطّل؟ والإجابة نادراً ما بتكون في الفرد لوحده. من منظور تطوير الأداء الإنساني، الإجابة  بتطلع من منظومة كاملة: 🏢 البيئة وظروف العمل ⚙️ الـعمليات 🛠️ الأدوات والتكنولوجيا 👥 الدعم الإداري 🎯 الحوافز 💡 دافعية الفرد وهنا الفرق العملي: تقييم الأداء بيقيس الفرد بعد ما الشغل خلص. أما تطوير الأداء بيقرا المنظومة وهي شغّالة، علشان يعرف ليه النتيجة طالعة كده  ويغيّرها قبل ما نوصل لوقت التقييم أصلاً. فلو بنتكلم عن تحقيق أهداف القسم أو المؤسسة، التقييم وحده مش كفاية. محتاجين نقرا المنظومة اللي بتنتج الأداء، مش بس نحكم على نتيجته. في تجربتك، آخر فجوة أداء قابلتك: التقييم وحده كان كفاية تفسّرها؟ ———— سامية حسن استشارية تحليل وتطوير الأداء المؤسسي وخبيرة في التحول السلوكي المعرفي للأفراد

ما الذي يبقى لك حقاً؟ ليس النتائج! فالنتائج تتأخر، تتغير، تخرج عن يدك. وليس العمل بحد ذاته! فالعمل قد يحدث بالعادة، بالضغط، أو بالخوف من الفقدان. ما يبقى هو سعيك: الحركة الواعية، باتجاه اخترته، لأنك أردته وما سعيت إليه، حتى لو تأخر، فهو لك خذ لحظة مع نفسك وفكر … إلى ماذا تسعى هذه الأيام؟ ━━━━━━━━━━━━━━━━━━ سامية حسن استشارية تحليل وتطوير الأداء المؤسسي وخبيرة في التحول السلوكي المعرفي للأفراد

لو تبغي تكون سبب في رفع أداء كل من حولك، اقرأ 👇🏼 في البوست اللي فات نصحتك تبص على كل حاجة بتعملها بنظرة جديدة اليوم بنصحك تبص على نفسك 🧐 انت أكيد متفق معايا ان بيئة العمل من أهم العوامل تأثيراً على أدائك وأداء فريقك لكن دايماً لما نذكر بيئة العمل، ننظر إلى المحيط الخارجي إدارة الموارد، النظام، الإجراءات، المتطلبات، الجو العام في المكان …. نحصر معنى بيئة العمل في عامل خارجي = يُؤثر علينا = نتأثر به القي نظرة معايا على المشهد 👓 هتلاقي في لقطة بننساها 🔍 وهي انك مش بس بتتأثر بالبيئة …. انت جزء منها وبتأثر فيها ❗️نبرة صوتك في اجتماع الصباح ❗️نبرة ردك على إيميل ❗️رد فعلك لما حد يغلط ❗️أسلوب طلباتك أو توجيهك لفريقك ❗️حماسك و فتورك كل ده بيتسرّب للناس حواليك، وبيشكّل البيئة اللي بتشتغلوا فيها باختصار ✔️ انت جزء من البيئة = انت مؤثر فيها ✔️ انت مؤثر = عندك مساحة تغيّر فيها حاجة، حتى لو صغيرة سواء كنت مدير أو قائد أو عضو في فريق، تقدر تحسّن البيئة وبمناسبة العودة من الأجازة، فرصة تسأل نفسك ❓ لو زملائي وصفوا تأثيري على البيئة، هيقولوا إيه؟ مش محتاج تغيّر كل حاجة…. تغيير واحد بس يكفي كبداية لتحسين بيئة العمل لغيرك ولنفسك وبالتالي يتحسن الأداء كل عام وأنتم بخير 🌙 ━━━━━━━━━━ سامية حسن استشارية تحليل وتطوير الأداء المؤسسي وخبيرة في التحول السلوكي المعرفي للأفراد

أهلاً بك في "بعد العيد" كل بداية كنت مأجلها … كل معاملة كنت منتظر تكملها جاء وقتها إذا انت من المحظوظين اللي أجازتهم بدأت بدري، فرجعت للعمل اليوم أو من المحظوظين اللي لسه في الأجازة وهترجع بكره تعالى أحكيلك على فكرة واحدة بس ممكن تفرق معك رغم ان أجازة العيد مكنتش طويلة أوي، لكن بدون شك عملت ولو مرحلة بسيطة من "التوقّف" والتوقف بيعمل ⬅️ مسافة مسافة ⬅️ بتساعدك تشوف الأمور بشكل أوضح وضعك في الشغل… علاقاتك … يومك … خططك … نصيحتي لك اليوم انك تستفيد من الوقفة والمسافة دي وتبص ب fresh eye على كل حاجة بتعملها الأسبوع ده كل بداية كنت مأجلها … كل معاملة كنت منتظر تكملها وتفكر ازاي ممكن تعملها بشكل أفضل رجعت اليوم؟ ولا هترجع بكره؟ ولا من المحظوظين اللي أجازة لآخر الأسبوع؟