Skander Baccari's Recent LinkedIn Posts

شباب فما Événement ما يتعاودش برشا و ما يتفلتش ❗️ نهار الثلاثاء 3 مارس مع 21:15 ❤️ ✦ صديقنا Yassine Chaker كل رمضان يعمل LEGO® RAMADAN FESTIVAL سهرية رمضانية : ← تعيش فيها تجربة كاملة ← تكتشف حاجة جديدة ← تتعرف فيها على ناس كيفك ← تبرتاجي فيها أفكارك ← تضحك ، تقابل فيها اصدقائك ← و اهم شيء تبني علاقات حقيقية ✦ المرة هذي ان شاءالله باش نتلقاو في Win Win Club المنزه 6 متع صديقنا Ghassen HORRIGUE لحقيقة انا حضرت قبل مع ياسين و كانت حاجة ياسر محلاها ❤️ اما لحقيقة، موش في رمضان 🌙 ✦ و الي شجعني المرة هذي و باش يخليني نهبط من صفاقس ↲ هيا الأجواء الرمضانية الي تعطي نكهة خاصة ↲ الناس الي حضرو قبل في رمضان و تحكي على الطاقة الإيجابية الي خرجو بيها ↲ بلحق حاجة تعمل لكيف 🙌 ✦ و زيد نقابلو الناس الي عزاز علينا ، اصحاحبنا و احبابنا 🥰 و انتم زادة اذا تحبو تجربو حاجة جديدة و تعيشو Lego Serious Play معنا ❗️ ↲ نتقابلو نهار الثلاثاء في Win Win ❤️❤️ شكون معنا ؟ 🫶🏻 و شكون باش يستدعيني على شقان الفطر ؟🫣😁

اذا عندك خدمات ، وتحب تقدمها على لينكدان ❗️ هذي خارطة طريق واضحة و بأدق التفاصيل زادة 🙌 في الكروسال باش تلقاو framework كامل step by step - كيفاش تبني Positionnement واضح - كيفاش يكون عندك Profil LinkedIn احترافي - ستراتيجي مناسبة لأي شخص يقدم خدمات - كيفاش لينكدان يولي مصدر ، باش نجيب منو حرفاء طبق المعلومات هذي خطوة بخطوة و ادعيلي 💙 ——— اذا كملت الكروسال لكل ، ارجع اقرى المساج هذا : " بعد الخطوات هذيك الكل ، أهم شي انك تبدا و تستمر " الاستمرارية هيا السر السعى هوا المفتاح و الصبر هوا النجاح 🙏 و ماتنساش ال Personal Branding موش يعني الكمال انت إنسان ، تجرب تغلط و تصلح . ان شاءالله بتوفيق للجميع ❤️

برشا منكم يعرف برنامج "معلومة" الي نقدم فيه كل نهار جمعة، أما الي مايعرفوهش برشا عباد ❗️❗️❗️ شكون الناس الي كانت معيا في الكواليس من البداية ⚠️ شكون الي آمن بالفكرة ، وقت كانت مجرد فكرة شكون الي زدم معيا وقت ما يعرفني حد شكون الي قلي : هني معاك كمل 🙌 معلومة مابداتش من LinkedIn ✦ بدات سبتمبر 2023 ✦ من Google meet و من بعد TikTok Live ✦ حتى وصلنا الي LinkedIn Live في رمضان 2024 معلومة البرنامج الي تخلق من عدم من فكرة بسيطة من مساج "خويا فلون شقولك نسيرو نعملو مباشر نبسطو فيه المعلومة لناس و ونحاولو نوصلوها بطريقة سلسة " 🙏 ليوم عملنا : ↲ اكثر من 70 حلقة على المباشر ↲ اكثر من 100 خبير حضر معنا ↲ اكثر من 4 مليون مشاهدة من تونس و من العالم العربي ، معلومة كانت اول بودكست عربي على المباشر في لينكدإن بمعدل حلقة كل اسبوع وصلنا الي ارقام ماصارتش قبل في تاريخ لينكدان و بصفر Sponsoring ✦ 1100 شخص حضرين في نفس المباشر ✦ مليون و 700 الف impressions في حلقة واحدة حلقتنا الاسبوع هذا باش تكون تكريم و تقدير لناس الي امنت بالفكرة 🙌 الناس الي دعمتني في البدايات 🙌 الناس الي لليوم واقفة معيا 🙌 ليكم انتم الي ديما معيا في كل وقت 🙌 ← باش نحكيو برشا كواليس ← كيفاش بدات لحكاية ← كيفاش نحضر لكل حلقة ← على اي اساس نختار الضيوف باش نحكيو زادة على : ▪️ضيوف رفضت الظهور ▪️ضيوف محبتش تعطي المعلومة ▪️ناس ماجاوبتش على الرسائل و ناس اعتذرت ▪️ناس في اللول رفضو و كيف نجحنا ، جاو … ▫️و ناس عطاو كل شيء من قلبهم 🫶🏻 حلقة استثنائية ان شاءالله نختمو بيها رمضان ❤️ موعدنا يوم الاحد على الساعة 21:30 في المباشر على صفحتي في لينكدإن . مع الفريق الي كان حاظر معيا من نقطة الصفر 🙏 و تو حسب رأيكم : شكون ال 3 اشخاص الي كانو معيا من نقطة الصفر في معلومة ؟ ❗️ حلقة باش تحكي الي ماتحكاش قبل ما تفلتوهاش 💙

باش نقلك لحقيقة الي برشا ناس ماتحبش تسمعها ❗️ و صدقني مدامك مازلت تتصرف كيف هكة … لا باش تلقى خدمة و لا باش يكلمك حتى Recruteur 😔 سواء كنت تلوج على خدمة ولا في حرفاء جدد … و برى امشي نبر في الفاسبوك و ابكي على الأطلال في القهوة و قلهم تونس خايبة و لينكدإن تلقى فيه مرى و متلقاش فيه خدمة 😅 أنا تو عندي 3 سنين نفس الغلطة و نفس النتيجة و شفت بعيني، ناس بكل الشهادات و كل الخبرة يبعثوا مساجات أطول من عشية الأحد و يسألو علاش ما يجاوبوهمش 🫣 ينشط جمعة و يغيب ثلاثة …. المشكل ليوم في 2026 موش في المعلومة ❗️ لانها موجودة ⚠️ يوتيوب، Udemy، LinkedIn Learning، ذكاء اصطناعي صناع محتوى من العالم كلو مهبطين يفسروا بالتفصيل الممل و الحاجة الباهية ( تلقى بجميع اللغات) ورغم هذا، نفس الأخطاء تتعاود كل يوم لأن لينكدإن مش سوق يا صاحبي هو مكان للعلاقات Network و اللي يدخلو بعقلية “شكون اللي يعطيني؟” بلاصة “شكون اللي ننفعو؟” باش يخرج حافيا القدمين 😎 في لينكدان 4 حاجات اتفق عليها العالم لكل ❗️ ✦ بروفيل يحكي قصتك، مش تصورة ماتحكي شيء ✦ مساج إنساني ، مش Copier Coller ✦ طريقة صحيحة في التقديم على ال offres ✦ تواصل حقيقي ومحتوى مميز يحل مشكل و يقدم حل اما مدامك حاططت تصورتك فلو و مازلت تبعث نفس المساج لكل واحد وتحب تخاطب الناس الكل و معندكش رؤية واضحة و يا عمي ال chatgpt اكتبلي ، ولاهي تنبر على خلق ربي خوذها من عندي ،موش باش يجاوبك حد يا برو 😎 شخصيا عندي قريب العشرة فيديوهات تفسيرية أكثر من 30 PDF و مئات البوستات و ما خبيت حتى معلومة…. عطيت ال 100% برك نكون سبب باش واحد ربي يرزقه 🙏 لأني مؤمن انو الفلوس توفى و الخدمة تمشي و تجي و ما تبقى كان العلاقات الانسانية الي بنيتها و الأثر الي خليته 💙 نصيحة من قلب التجربة : ركز كيفاش اطور من روحك يوميا و كيفاش تبني علاقات حقيقية و اخدم بالباهي على بروفيلك و شارك من تجاربك و الي تعلمته و خليه ديما الرسالة متاعك واضحة و موجهة لجمهورك 🙌

ان شاءالله عيدكم مبروك 💙

انت زادة… تجم تكون جزء من فرحة طفل صغير في العيد 💙 زكاتك ، دعمك و كفالتك لطفل صغير فاقد السند هوا من احسن الأعمال الي نجمو نقومو بيها في ليلة مباركة و هذا لكل ب click وحدة عن طريق SOS VILLAGES يكفي تدخل للموقع و تتبرع للصغيرات او تدفع الزكاة متاعك عن طريق الإرسالية القصيرة …. بالله في الدنيا هذي ؛ اش ماخير من عمل يضمن مرافقة النبي ﷺ في الجنة ويعد من أعظم أبواب الخير والصدقة، ويجبر قلب اليتيم ويرسم البسمة على وجهه ❤️ لا ينبغي لأي طفل أن يكبر وحيدًا !!! متخليهاش تاقف عندك 🙌

هذي نسبة الانتشار الي وصلنها مع الحريف متعنا في 3 اشهر ❗️❗️اما لحقيقة موش هذا l’indicateur الصحيح الي نخدمو بيه ….. اول حاجة انا فرحان برشا بالنتيجة الي وصلنالها مع Client متاعنا في 90 يوم فقط كبداية من صفر الي 406,000 reach يتسمى حاجة قوية و في يوم واحد 900 متابع "نخليلكم انتم تقوليلي شنيا رايكم "🫣 و الاهم من هذا انو خدمنا على موضوع واحد اختصاص و تجربة و بمعدل 2 بوست في الاسبوع مثما حتى بوست فيه دعاء و صباح الخير و المدير ال toxic لكلهم خدمة ❤️ و تو خليني نعطيك les indicateurs الصحاح الي نخدمو بيهم 1- قداش من شخص دخل للبروفيل Qui a consulté votre profil وهوني في 90 يوم عنا 3534 شخص مع نسبة نمو 517% وفي تعاليق تلقى ال screen shot 2- هوا ال save و ال envois و هذا ليوم اقوى KPI الي نقيسو عليها 200 مابين الاثنين 3- و الي هوا قداش جانا من مساج يطلب الخدمات الي نقدموها و نحكيو على يوميا نلقو في مسساجات مابين طلب استشارات و شكر على القيمة متع المحتوى وهذم اقوى ال KPI الي نقيسو نسبة النجاح متاعنا في المنصة 🙌 المهم نوصلو الي الجمهور الصحيح و نحطو اثر و بصمة ونبنيو علاقات حقيقية ! مثماش حاجة تجي بالساهل و مثماش حاجة تجي في نهار و ليلة اما كيف تبدأ عندك Positionnement واضحة و ستراتجي صحيحة توصل لبعيد ليوم وفى ال accompagnement مع الحريف هذا و الي بعد ثلاث شهور نجحنا في حاجتين الخدمة الي جاني عليها و العلاقة الي خرجنا بيها 💙 نتمنالك كل التوفيق و النجاح و تو صديقتي الاستمرارية هيا الي باش تصنع الفارق و المثابرة هيا الي باش توصلك بعيد و التعلم المستمر هوا الي باش يخليك ديما في l’innovation ، بتوفيق و النجاح ان شاءالله 🙌

أخطر حاجة تجم تسيرلك في حياتك، تعرف شنيا ❗️ موش الفشل و لا أصحاب الي غدروك و مديرك الي ماقدركش و زميلك "العصفور" لا لا … أخطر حاجة على الإنسان، هوا انو موش شايف روحو أصلا أخطر حاجة على الإنسان، انو موش مقدر روحو أخطر حاجة على الإنسان، انو مايأمنش بروحو ، انو قادر يوصل لحلمته و الأخطر من الكل ، انو ما يحلمش أصلا😔🙌 برشا منا ما نحبوهش السؤال متاع: وين تشوف روحك بعد 5 سنين ⚠️ لاكن لحقيقة : كان ماشفتش روحك في بلاصة تحبها و تحب توصللها ، ماكش باش توصللها … للأسف لأنه ببساطة،الإنسان يوصل للمكان الي يشوف روحه فيه 💙 —— و بطبع موش بالحلم كهو و نشوف روحي مدير اد الدنيا و انا راقد و مانعمل في شيء نستنى الحلم يتحقق … بالخدمة ، السعى ، المثابرة و الصبر واعرف شكون تخالط … Dream Big & Work Hard

والله من اغرب ما شفت على لينكدان ❗️ كل شيء توقعتو الي هذي ما توقعتش نهار نشوفها 😔 صحيح لكلنا ناجحين و لكلنا مرنين ( oh l’agilité ) 💙 و لكلنا Ceo’s و Coo و Cto و Cc و cordialement ولكلنا متفائلين و اجابين و منحبوش ال manager toxic ولكلنا في top one على حسب مجلت سي نوردين للاحصائيات 😁 صحيح ليوم كلنا des consultants و لكلنا coachs و نفهمو في leadership و لكلنا نحكيو على ال ai و خطورتو وكيفاش باش نختفيو بعد 10 سنين … صحيح الشركات لكل nous recrutent و الموظفين لكل open to work وصدقوني حد لهنا كل شيء مازال Normal و مقبول 🙌 صحيح قاعدين نشوفو في chatgpt مهبط بوست و chatgpt حطلو تعليق و رجعلو chatgpt بتعليق اخر صحيح صديقنا الي عمل طرح رامي في رمضان مهبط بوست فيه : "كان لي الشرف اني شاركت في جلسة team building تعتمد على الاستراتجية حساب المخاطر و قراءة لغة الجسد الحمد لله اربحت بفضل التخطيط المحكم و سرعة البديهة" و لحد الان مازلنا في عادي و نرمال 🙌 الي جاي اعمق واكسح يا برو … صحيح لكلنا expert و لكلنا نفهمو في كل شيء🥸 صحيح 90% من المحتوى في لينكدإن اصبح يتمثل في : دعاء و صباح الخير و ثلاث نصائح و قصة ليلة و الذئب اما بصراحة الحاجة الوحيدة الي ماتعداليش و اول مرة نشوفوها❗️هيا : 😔 واحد توفاه الله ( الله يرحمه و يسمحو و ان شاءالله في الجنة ) نكتبو عليه : poème stratégique الميت تونسي و الي كاتب عليه تونسي كليمات اقسم بالله اول مرة نسمع بيهم كليمات ليست كالكليمات كيف ماقالت ماجدة الرومي بوست فيه فوق 2000 حرف و ب chatgpt و ماتقلوليش منين عرفت ⚠️ من هاكة الصروخ والهاشتاغ و ال emojis واضح !!! تو بجاه ربي صاروخ و السيد ميت ❗️❗️ "يا ربي راهم يحطو صاروخ 🚀 على الميت" و حاطين النار 🔥 علاه تترحم عليه ولا باش تشويه ( اقسم بالله باش نبكي تو وانا نكتب في البوست ) نص كامل ما تفهم منو كان هاكي الي في لخر condoléances و paradis و RIP علاه بجاه ربي علاه حتى هذي باش نعملولها لغة اللينكدان و نكتبوها بال chatgpt معاش تجم تكتب الله يرحمك يا زميلي ، كنت انسان طيب و ان شاء الله في الجنة 🙏 و شمدخل كلمت strategique على الميت … موتا مخطط مثلا ❗️ يا رب راني تعبت …. صاروخ و نار في بوست ميت و هشتاغ فيها paradis 🥹

نواصل في سلسلة رمضان من معلومة Tour de Table و من تجارب لأشخاص عندهم اكثر من 20 سنة خبرة في مجالات مختلفة و التحديات إلي واجهوها لتغير ❗️❗️ نمشيو مع بعضنا لرحلة مع les jeunes entrepreneurs تحديات، طموح ، ضغط و ظروف….. برشا شباب ليوم موش ناقصتهم أفكار و المشكل موش في الامكانيات، كيف ما يعتقد البعض… المشكل في الخوف من البداية المشكل في المقارنة الدائمة و ساعاتها المشكل في الضغط العائلي و ضغط لازمني ننجح فيسع الشباب ليوم يعيش في معركة صامتة 🙌 بين الي بحب يعمله و مابين الي المجتمع يستناه منه 🙌 مابين الشغف و الاستقرار و بين الحلم و الثمن 🙌 في الحلقة هذي موش باش نحكيو كيفاش تولي مليونار في عام ❗️ باش نحكيو على التحديات الي يواجهوها les jeunes entrepreneurs باش نحكيو على الاغلاط ، على الشك و على كيفاش تكمل وقت ما تلقاش شكون يصفقلك حلقتنا مع شباب مافاتش ال 30 سنة و فيهم شكون مازل étudiants و عندو مشروعو الخاص ⚠️ شباب بدا من الصفر ، بدا رغم كل التحديات و رغم الظروف ضيوف حلقتنا الاسبوع : الصديق : Firas Najjar من passion للغة الإنجليزية بنى Jungle in English و The Pillar Foundation الصديقة : Bouzaida Chaima مؤسِّسة Dev Excellence طالبة en cycle d'ingénierie en informatique. و formatrice professionnelle en entrepreneuriat Ali Koubaa : الصديق ا CEO & Co-Founder at Auto Sans Risque موعدنا يوم الاحد على الساعة : 21:30 بتوقيت تونس مباشر على صفحتي في لينكدإن ❗️ اذا انت شاب و تحس الثنية معقدة ، الحلقة هذي ليك و انت زادة اذا مازلت تحلم بمشروعك الخاص ، تجم تكون موجود معنا 💙 النجاح موش مسالة عمر ، مسالة قرار 🙌

نتحدى اي شخص ، يقول لينكدإن مالقيتش فيه فرص ❗️❗️❗️ طبق خارطة الطريق هذي لمدة 90 يوم … و نأكدلك انو الفرص وحدها هيا الي باش تجيك 🙌 1 - الهدف متاعك من المنصة 2 - المهارات الاساسية متاعك و شنوا يميزك على غيرك و شنيا الرسالة الي باش تقدمها و لشكون ؟ 3 - ابني بروفيل لينكدان واضح صورة احترافية بدقة عالية و موش بال ai حط المسمى الوظيفي متاعك لول بعد ضيف الكليمات المفتاحية و القيمة الي تقدمها بانر فيه جملة وحدة واضحة "انت شنوا تقدم" كمل بروفيلك للخر بكل التفاصيل 4 - اصنع محتوى بانتظام (3 مرات في الاسبوع) تجربة حقيقية من الميدان حل لمشكل يواجه جمهورك نصائح من خبرتك العملية ( ما تستخدمش ال ai في المحتوى متاعك ) خليه بأسلوبك و بالبصمتك الانسانية 5 - تفاعل مع جمهورك وقت عندك اضافة قيمة اعمل يوميا 3 تعاليق فيها فائدة حقيقية 6 - ابعث رسائل ترحبية لناس الي تتواصل معاكاو الي قبلو دعوتك و في اخرها عرف بنفسك باختصار ( اسمك ، لقبك و في شنوا مختص ) 7 - ماتركزش على النتيجة ، ركز على الالتزام طبق الخطوات هذي و واظب عليهم و تفكرني بعد 90 يوم ❗️ و في الاخير ماتستناش الظروف المثالية باش تبدا ابدأ و تو كل شيء يوضح في الطريق و متبداش وقت انت مستحق لينكدان ابدا وقت انت ميش مستحقلو 👌 ربي يوفق الجيمع 💙

تعرف شنيا احسن حاجة نجمو نعملوها في حياتنا ❗️ و بالأخص في شهر فضيل كيف سيدي رمضان … يقول النبي عليه الصلاة والسلام "أنا وكافل اليتيم في الجنة كهاتين" وأشار بالسبابة والوسطى. تخيل صديقي انك ليوم و في عصر الدجتال و انت في دارك تجم تكون سبب باش ترسم البسمة على وجه صغير ماعندوش سند 😔 اي واحد فينا ينجم يكفل يتيم ولا يتصدق و لا يعاون بققة رمضان للصغيرات و هذا لكل ب click وحدة عن طريق SOS VILLAGES D’ENFANTS يكفي تدخل للموقع و تتبرع للصغيرات من هنا : https://www.sosve.tn بالله في الدنيا هذي ؛ اش ماخير من عمل يضمن مرافقة النبي ﷺ في الجنة ويعد من أعظم أبواب الخير والصدقة، ويجبر قلب اليتيم ويرسم البسمة على وجهه ❤️ لا ينبغي لأي طفل أن يكبر وحيدًا !!! كل الشكر و الدعم الي SOS Villages d'Enfants en Tunisie و القائمين عليها 🙏 متخليهاش تاقف عندك ❤️ حتى كان عملت copier coller المهم الدعم يوصل للصغيرات

تتفكروه برنامج Pimp my ride متع xzibit ❗️❗️ وين يبدلو كرهبة كاملة … و يعملو Transformation total ✦ من حاجة عادية و ماتتشافش ✦ لحاجة تخطف الأنظار ✦ وتشوف ال before و ال after ✦ و المراحل الي تعدات بيها لكل ….. ليوم نفس الفكرة 🙌 اما موش كرهبة الي باش يسيرلها transformation بروفيلك LinkedIn و البراند متاعك ▫️ومن هنا نطلقو برنامجنا الجديد : Pimp my Brand ❤️ ▪️و نبداو في رحلة جديدة على Youtube كل يوم خميس Live على الساعة 20:30 و كل جمعة نختاره زوز بروفيلات تربح معنا 🙌 ← مراجعة كاملة ← نصلحوهم من الالف الي الياء ← نبنيو معاهم ستراتجي واضحة ← نوفرولهم session One to One ← و نعطيوهم شهرين LinkedIn Premium مجاناً ✦ الأهم من هذا الكل باش نعيشوكم معنا ال Before و ال After ✦ الفرق الحقيقي بين بروفيل موجود وبروفيل يجيب فرص حقيقية شروط المشاركة ساهلة و مبنية على حب الخير لغيرك 💙 1- مركي واحد من اصدقائك الي تحبو يربح معاك "تقللنا علاش خترته هوا بذات" ❗️❗️❗️ 2- تشترك في القناة skander baccari على YouTube الخمسة حلقات الاولى باش نختروهم من البوست هذا ⚠️ وانتم أصدقائي نستنى دعمك ليا في رحلتي الجديدة اشتراكم في القناة باش يعاوني برشا 🫶🏻

يمكن هذي اصعب حاجة تخليك ماتقدمش ❗️ موش كان في لينكدإن ، اما في حياتك لكل …. باش نحكي عن تجربة شخصية ومن تجارب برشا أصدقاء و حرفاء نتعامل معاهم … 1 ← الخوف من كلام الناس 2 ← محاولة ارضاء الاخرين 3 ← المقارنة الدائمة 4 ← المثالية الزائدة 5 ← انتظار الوقت المناسب لحقيقة مخالفة تماماً ✦ باش يحكيو عليك في كل الاحوال اعمل الي يرضي ظميرك … ✦ موش باش يرضاو عليك كان ما تبعهم اعمل الي مقتنع بيه ( وارجع لنقطة 1 ) ✦ ماتقارنش روحك بحتى حد قارن نفسك بنفسك امس …. ✦ المثالية الزايدة باش تمنعك من التجربة جرب اغلط و صلح ✦ مثماش وقت مناسب ماكش باش تبدا اذا استنيت الوقت المناسب لانه غالبا مايجيش كان ما تبدا …. الاف الناس عندها افكار جهنمية ⚠️ الفرق بين واحد نجح و واحد لا هوا واحد بدأ ولاخر مازل يستنى في الوقت المناسب واحد كبش ولاخر هرب من اول طيحة 🙌 واحد يؤمن انو النجاح يجي بالخدمة و المثابرة ولاخر يستنى في ضربة الحظ ❗️ اذا تحب تنجح في لينكدإن و لا في حياتك الخاصة او الاحترافية ماعليك كان تتوكل ، تسعى ، تكبش و تصبر 🙏 و أهم شيء تعرف شكون تخالط 💙

كيف يبدأ مولى الرستوران متأثر برشا ب LinkedIn ❗️ ويعمل Menu جديد 😅

نبداو الليلة ان شاء الله تجربة جديدة ، تحدي جديد و برنامج جديد على المباشر ❗️ المرة هذي باش تلقاونا على يوتيوب كل نهار خميس 19:15 وين نختارو كل جمعة زوز حسابات لينكدان نعملولهم audits كامل لحسابتهم في لينكدإن و نخدموهم من الالف الي الياء نعيشوكم معنا ال Before و ال After الاغلاط، التفاصيل و اهم النقاط الي مبنية عليها المنصة نعطيوهم stratégie على حسب الاهداف متاحهم مع شهرين Premium مجاناً 💙 نبداو الليلة مع Aroua Chermiti اللي اختارت صدقتها Houda Marnaoui باش تكون معها في هذه التجربة🙏 ان شاءالله باش نقدم اهم النصائح العملية الي تعاونا في بناء حضور رقمي قوي و علامة شخصية مميزة ملتقنا بعد قليل: https://lnkd.in/dyh39Zyq نستناكم 🙌

سؤال بريء، لجميع رواد منصة لينكدإن ❗️ كيفاش تقيس تأثير الأشخاص و المحتوى الموجود في لينكدإن هل ليوم تشوف الارقام ؟ " عدد المتابعين ، التعليقات ، التصانيف " وقت تشوف واحد يقلك انا رقم واحد في مجالي واحد حاطط +100k + 50k الخ …. شنوا الي يتبدل عندك ؟ هذا يخلق ثقة ، يخليك تحس بيه او تتأثربيه ! هل ليوم التاثير يتقاس بالارقام ام بالقيمة ؟ نحب نسمع اراء الناس في الموضوع هذا ⚠️ كيفاش تقيس التاثير و القيمة في منصة لينكدان؟ شنيا اكثر حاجة تلوج عليها ليوم مع وجود المعلومة ؟ شنوا الي يمسك بلحق و يبقى مسجل عندك ؟ و هذا سؤال للمختصين ! وقتاش نقولو هذا عندو تاثير حقيقي و هذا un leader 🙌

صفاقس تجمعنا 💙 لمة حلوة حظرت فيها لبارح مع رواد اعمال من مدينتي الحبيبة صفاقس ❗️ فكرة صغيرة من اصدقائي Rahma KARRAY 🪄 & Samia JEMAI خرجت من بوست LinkedIn … " كيفاش نخلقو قيمة و نستثمرو فى العلاقات الإنسانية الحقيقية ونبنيو Communauté في صفاقس " لحق فكرة جميلة و الحظور كان اجمل 🙏 وين تلقى روحك تسمع في افكار جديدة و تبني في علاقات، و أهم شي تتعلم من غيرك … فرحان برشا بلقاء اصدقائي وتشرفت برشا بالعلاقات الجديدة 🙌 نعودها عن قريب ان شاءالله

تجيب الي ماعندهمش برشا Followers يقلولك : المعروفين مايجوكش تجيب الي عندهم برشا Followers يقلولك : ما يجيب كان الي عندهم برشا متابعين تجيب les jeunes يقلولك : يجبلنا في الصغار تجيب لكبار يقلولك : المستقبل مع Gin Z تعمل حلقة تحكي على الذكاء الاصطناعي يقلولك : الانسان هوا لكل تعمل حلقة على الانسان يقلولك : المستقبل مع الذكاء الاصطناعي تجيب الناس الي تعرفهم يقلولك : ما يجيب كان صحابو تجيب الناس الي ما تعرفهمش يقلولك : هوكا متعارك مع صحابو أعملت حلقة فيها مزيج بين هاذم لكل ❗️ قالو كان عملت كل واحد وحدو خير 🫣😅 اترك لكم التعليق 🙏 صحة شريبتكم

عمرك جربت تبني فكرة من لاوعيك .. بكعبات Lego❗️ تسمع بيها "خرج الڤرينتا الي فيك"… المرة هذي جربت خرج الإبداع الي فيك في شكل صغير يحكي عليك … تجربة عشتها… اقل ما يقال عنها ، روعة ❤️ و بالأخص مع ناس تشبهلك ، طاقة و روح تخيل ! بال Lego تبني بيديك حاجات موجودة في لا وعي متاعك.. كعبة + كعبة حتى تلقى روحك بنيت شكل صغير يحكي قصة و يعبر على فكرة و يوريك مهارة من داخلك🙌 ولهنا بلحق شفنا برشا ابداع ، افكار و برتاج و تعيش l’esprit d’équipe بلحق كانت تجربة ياسر حلوة ولمة احلى مع الأصدقاء ❤️ و الفكرة الي خرجت بيها من تجربة هيا : "انو كل انسان فينا عنده الحس الابداعي" أما الفرق الوحيد هو انك تعطي لروحك espace باش تبدع و تحط روحوك في المكان الصحيح مع الناس الصحاح. خاطر في الاخير الابداع يطلب فضاء و مساحة، تسمحلك تعبر و تبدع 💙 شكرا صديقي Yassine Chaker على السهرة لحلوة 🙌 و فرحان برشا انو تلاقيت مع أصدقائي الي كانو جزء من التجربة الجميلة 🫶🏻 Rym Mouelhi Beddey 🦒 Tatiana Marchand Eya Gmati Amani laribi Ghassen HORRIGUE و انت وقتاش اخر مرة خرجت فيها الابداع الي فيك ❗️

ثلاث أنواع من المحتوى باش يختفيو في 2026 ❗️ و هذا الي صرحت بيه منصة لينكدإن في آخر تحديث رسمي ▪️حطلي تعليق تو نبعثلك ال document 🚫 ▪️محتوى مرسكل و معاد صياغته 🚫 ▪️نصائح عامة و القصص عير حقيقة 🚫 المرة هذي موش انا الي قلت 🙌 اما هذي l’annonce officielle متع منصة LinkedIn الخوارزميات لكل تبدلت ليوم المنصة قادرة تحلل كل شيء مكتوب كأنسان و علاقته بحسابك و حتى بمنشوراتك السابقة ⚠️ في l’article هذا : عملت ملخص واضح و دقيق … لأهم النقاط اللي جات في البيان الرسمي الخوارزميات الجديدة و شنوا الي تغير فعليا . و شنيا الحاجات الي ولات المنصة تعاقب عليهم❗️❗️ قراءة ممتعة اصدقائي 💙

في يوم عيد ميلادي الأربعين ❤️ إذا نلخص الحياة الي عشتها الكل في جملة فقط ، باش تكون : "الوقت هوا اغلى حاجة في الحياة" اعرف تستثمر وقتك و اعرف مع شكون 🙌 و اذا نحب نلخصها في نصيحة وحدة : مثماش واحد في الدنيا هذي ينجم يبدلك حالك الي الاحسن، كان انت… "اعطي ثقة في روحك و في الي خلقك" شكرا من القلب لكل انسان كان جزء من الرحلة هذي و شكرا على الكم الهائل من الرسائل الي لقيتهم ليوم 💙 احساس بلحق ما يتوصفش 🫶🏻

قداش من مرة سألنا صغير: “شنوا تحب تولي كي تكبر؟” طبيب ، مهندس ، محامي ، ولا موظف في شركة كبيرة ⚠️ أما اليوم السؤال تبدل شوية ❗️ و لينا نسمعو شنوا المشروع اللي تحب تبنيه؟ خاطر entrepreneurship ماعادش حاجة تبدأ في عمر ال 30 تنجم تبدأ من عمر ال 12 سنة ….. و من هنا تجي حلقتنا الجديدة من معلومة : Edition Ramadan بعد ما حكينا في الحلقات الأولى مع entrepreneurs عندهم أكثر من 20 سنة خبرة و بعد مع جيل Gen Z❗️ الحلقة هذي باش نحكيو على جيل جديد برشا 🙏 جيل يسموه اليوم: Business Kids صغيرات يتعلمو من عمر صغير برشا : كيفاش يفكرو كيفاش يبنيو فكرة كيفاش يحولو passion إلى projet ❤️ ضيفنا الرئيسي في الحلقة: سي Walid KALLEL ا ‏Entrepreneurship & Strategy Expert و مؤسس Business Success أكثر من 26 سنة خبرة في عالم entrepreneurship درب أكثر من 1000 شاب و عاون مئات المشاريع تولي business حقيقي و باش يكونو معانا زادة: Mohamed Zouari الي هوا ancien Business Kid الي اليوم ولى entrepreneur و coach للشباب و زادة باش تكون معنا Noor Rafïaa Kallel من الجيل الجديد الي يتعلم entrepreneurship من الصغر في الحلقة هذي باش نحكيو على: ✦ هل entrepreneur يتولد… ولا يتعلم؟ ✦ هل لازم نستناو 30 سنة باش نبدأو business؟ ✦ كيفاش طفل ينجم يتعلم entrepreneurship ✦ و هل التعليم اليوم يحضرنا للخدمة… ولا للمشاريع؟ موعدنا الأحد من 21:30 إلى 22:30 مباشر على صفحتي في LinkedIn Live و يمكن بعد الحلقة هذي… باش تبدل السؤال اللي تسألو لأولادك. موش: “شنوا تحب تولي كي تكبر؟” اما “شنوا المشروع اللي تحب تبنيه؟” 💙 و كان تعرف شكون بنى مشروعو في عمر صغير متنساش تحكيلنا قصتو و لا تستدعيه بحذانا 🙌

فما قاعدة من قواعد بناء العلامة الشخصية تقول ❗️ ما تبداش وقت انت مستحق تبدأ…. ابدأ وقت انت موش مستحق ، وقت انت موش ملزوز …. ابدأ وقت انت مرتاح … انت ليوم تشوف في روحك موش مستحق تخدم على اسمك خاطر الظروف الي انت فيها مرتاحة ( تخدم ، الوضع مستقر و الجو باهي ) اما غدوة نهار الي تحب تبدل ⚠️ تخرج من خدمتك ، تحب على حرفاء جدد …. ولا تحب تبدا مشروع جديد … وقتها باش تتفكر و تقول "لازمني نبدا و لازمني نجيب خدمة جديدة و لازمني نظهر خدمتي و لازم الناس تعرفني " وقتها الوقت يولي يجري و كل نهار بحسابه ❗️ اما كيف تبداء من ليوم و انت مرتاح .. ماكش مستعجل ، تبني اسمك خطوة بخطوة تاخذ الوقت الكافي باش طور من روحك و تخدم باش تبني ثقة و علاقات انسانية وتوسع شبكة معارفك ( وهذا بطبع ياخذ وقت و مايجيش في نهار وليلة ). اذا انت مهتم تبدأ تخدم على روحك باش تسوق لخبرتك و تبني اسم مهني ،و تستغل منصة لينكدان باش تخلق بيها علاقات و تجيب بيها فرص ❗️ ✦ حضرت Masterclass باش نخدمو فيها مع بعضنا خطوة بخطوة ↲ كيفية بناء علامة شخصية قوية و authentique ↲ تطوير حساب لينكدين من الالف الي الياء ↲ صناعة و استراتيجيات المحتوى ↲ اخر خوارزميات لينكدان 2026 ← موعدنا يوم 2 , 3 , 9 , 10 مارس من 21:30 الي 23:30 ← الدورة 100% اونلاين ، تشارك من اي مكان في العالم ✦ بعد المستركلاس كل مشترك باش يتحصل على ساعتين One to One لمرافقة شخصية رابط التسجيل: https://lnkd.in/dymQCpg8 مازالت بعض الأماكن ❌ والفرصة مفتوحة لكل شخص يحب يكون عندو علامة شخصية متميزة

من 1 جانفي 2026 الي ليوم 1 افريل ، حللت اكثر من 2700 بوست على منصة لينكدإن ❗️ من تونس ، الوطن العربي، وبعض دول العالم … برغم تنوع المجالات، فما Formats تتعاود أكثر من غيرها، وفما أنواع محتوى قاعدة تفرض روحها أكثر في القراءة والانتشار 🙌 ✦ وهذي اكثر ال formats استعمالا على LinkedIn : 1- صورة + نص 2- كاروسال document pdf 3- نص Only texte 4- سونداج 5- فيديو ، article + Newsletter 6- ويبنار مباشر ✦ اما من ناحيت الانتشار ، اكثر محتوى يطلع 🙌 - الصورة الشخصية المتطابقة مع المحتوى - الانفوغرافيك و الكروسال والأقل انتشارا، الفيديو و webinaire ✦ و بنسبة الي انواع المحتوى الاكثر قراءة هيا 🙌 السرد القصصي storytelling التجارب retour d’expérience المحتوى الي يطرح مشكل و يعطي حل المحتوى المبني على الارقام المحتوى الصدمة و النقدي ✦ المحتوى الاقل قراءة هوا في الغالب مولد بالذكاء الاصطناعي copy paste الناس ليوم ماعادش تحب المحتوى الفارغ و المكرر و الغير انساني وماعادش توقف على أي كلام يتعاود كل يوم… الناس ولات تقرى أكثر ، وقت: تلقى روحها في القصة تشوف تجربة حقيقية تفهم مشكل يهمها تلقى معلومة واضحة أو تصطدم بفكرة تخليها تاقف وتفكر الاستناج الي خرجت بيه بعد تحليل اكثر من 2700 بوست في ثلاث اشهر فقط مع تغير خوارزميات لينكدان ❗️ موش أكثر واحد يهبط… هو أكثر واحد يتقرا وموش أي format ينجم ينجح… النجاح الحقيقي هو وقت الformat تخدم الفكرة، والفكرة تخدم القيمة 💙 ✦ وليوم نصيحتي لكل شخص يحب يقدم محتوى على المنصة ، يركز على التجربة ، مشكل جمهورو و الحل متاعه وأهم شي العنون "الهوك" الي باش يخليني ناقف نقرى 🚫 ونشكر كل شخص اعطاني الارقام متاعه باش نخدم بيها 🙏

زعمة في 2026… مازل شكون يمشي يشري Magzine ب 5 دينارات باش يقرى article ❗️ ولا يحل التلفزة باش يشوف اخر اخبار التكنولوجيا ❗️ ولا يحل فاسبوك و يبقى يلوج من page ل page باش يشوف اخر الاخبار ❗️ ولا اليوم العالم تبدل …. ولى يتوجه لل Ai و محركات البحث و يلوج على المصادر و les actualités 🙌 ولا يمشي يحل لينكدان و يلوج على المصدر في حد ذاته و يخذ المعلومة من عندو طول 🤔 اليوم المعلومة متاحة للجميع…. لاكن يبقى السؤال الصحيح ! ليوم وين نتوجهو باش ناخذو المعلومة ؟؟؟ في 2026 متنساش انو الناس معاش تسأل وين نلقى المعلومة !!!! ولات تقول شكون نصدق و في شكون ناثق و شكون الي باش يقدمها بطريقة سلسة و بسيطة 🙏 ⚠️ ملاحظة مهمة ⚠️ السياسة و الرياضة خارج الاستبيان هذا ❗️❗️

90% من الناس الي قابلتهم على لينكدإن، عندهم نفس المشكلة❗️ موجودين على المنصة ، ينشرو بانتظام ، تصاورهم احترافية. و ماشي فيبالهم الي عندهم " Personal Branding " اما لحقيقة 🫣 التواجد على لينكدان، النشر ، التفاعل و حتى عدد المتابعين ما يعنيش عندك Personal Branding ❗️ من خلال تجربتي الميدانية ، اكتشفت حاجة واضحة : اقل من 10% الي عندهم - تموقع واضح - رسالة مفهومة - قيمة مضافة ثابته و اكثر من 90% مركزين على "الشكل" - تصاور - design - حضور بصري و ينساو الجوهر : شنوا تمثل وعلاش الناس لازمها تبعك ؟ ال Personal Branding موش انك تكون "موجود" هوا انك تكون مفهوم موش إنك تنشر برشا… هوا انك تضيف قيمة في اتجاه واضح 👌 الفرق بين شخص عنده بروفيل لينكيدين و شخص عنده براند شخصي ✦ الأول حاضر بعشوائية ✦ والثاني حضورو مبني على تموقع + استراتجية + تنفيذ . و اذا حسيت ليوم روحك موجود ، أما موش مفهوم ⚠️ و اذا تحب تبدأ و موش عارف منين 🚩 فهذا بضبط الي باش نخدمو عليه في ال Masterclass ا LinkedIn, Personal Branding , création & Stratégie de contenu 4 سهرات رمضانية فيها باش نبنيو مع بعضنا ← تموقع واضح ، ← بروفيل لينكدان احترافي يعكس شخصيتك و مهارتك ← تتعلم تعمل استراتيجي و محتوى يبرز مهراتك ← و تفهم خورزميات المنصة و اكثر من هكة باش تتمتع بحصة One to One بعد الدورة الي تخرلنا نخدمو فيها اهدافك خطوة بخطوة ❤️ الموعد يوم 2 - 3 - 9 - 10 مارس من 21:30 الي 23:30 مافماش علاش تستنى باش تبدا رحلتك معنا … الأماكن محدودة ( 12 شخص فقط )❗️❗️❗️ اذا حسيت بروحك معني ، تواصل معي على الخاص 🙌

موش لازم تكون “Influencer” باش يكون عندك تأثير❗️ وانك تبني Personal Branding ما يعنيش تكون مشهور ولا عندك برشا Followers ⚠️ ال Personal Branding يعني: إنو الناس تعرفك بشنوة تتميز و شنيا القيمة الي تقدمها وعلاش وجودك ينجم يكون إضافة ليهم 💙 تنجم تكون Expert ، Manager ، ولا صاحب مشروع وما عندكش آلاف المتابعين… اما يكون عندك اسم مهني واضح يجيبلك فرص، علاقات، وشركات جديدة المسألة عمرها ما كانت في “قداش يشوفوك”… المسألة في شكون يشوفك، وكيفاش يشوفو فيك ❗️ وهنا بالضبط يضيعو برشا ناس: ناس تخدم بالباهي على ارض الواقع، أما حضورها الرقمي ما يعكسش قيمتها الحقيقية… ✦ ومن هنا تجي la nouvelle offre Clé متاعنا 🙌 ✦ حصتين stratégiques 100% personnalisées 🙌 ← الأولى: positionnement & personal branding ← الثانية: stratégie & création de contenu ← ومعاهم نحضرولك بروفيلك de A à Z ← خدمة كاملة: rédaction + charte graphique ← ومعاهم plan d’action de 30 jours ↲ و الحاجة الباهية كل شيء يحضر في 7 ايام كهو ❗️ اذا تحب تاخذ اكثر تفاصيل و تشوف امثلة من خدمتنا تواصل مع صفحتنا BrandIn Life 💙

زعمة في 2026… مازل شكون يمشي يشري Magzine ب 5 دينارات باش يقرى article ❗️ ولا يحل التلفزة باش يشوف اخر اخبار التكنولوجيا ❗️ ولا يحل فاسبوك و يبقى يلوج من page ل page باش يشوف اخر الاخبار ❗️ ولا اليوم العالم تبدل …. ولى يتوجه لل Ai و محركات البحث و يلوج على المصادر و les actualités 🙌 ولا يمشي يحل لينكدان و يلوج على المصدر في حد ذاته و يخذ المعلومة من عندو طول 🤔 اليوم المعلومة متاحة للجميع…. لاكن يبقى السؤال الصحيح ! ليوم وين نتوجهو باش ناخذو المعلومة ؟؟؟ في 2026 متنساش انو الناس معاش تسأل وين نلقى المعلومة !!!! ولات تقول شكون نصدق و في شكون ناثق و شكون الي باش يقدمها بطريقة سلسة و بسيطة 🙏 ⚠️ ملاحظة مهمة ⚠️ السياسة و الرياضة خارج الاستبيان هذا ❗️❗️

لكل تونسي موجود معيا ❗️❗️فما شباب تونسا مستحقين دعمنا "تو" , موش وقت ينجحو و يجيو لولا نوليو نفتخرو بيهم 🙌 هما مشاركين في مسابقة عالمية في الذكاء الاصطناعي بالفيلم هذا و هما التونسا الوحدين المشاركين ❤️ المطلوب هوا engagement على الفيديو هذا موش على البوست متاعي ، اعملو ليك و شير و تعليق على البوست الاصلي عند ريان ❗️❗️❗️ بالله max برتاج