Tamer Salah's Recent LinkedIn Posts

البوست المناسب في الوقت المناسب 😀 شارك برأيك ❗️

التأمين الصحي: كم يشكل من إيرادات المستشفيات؟ تعتمد معظم المستشفيات الخاصة في المملكة بشكل كبير على شركات التأمين الصحي، حيث تمثل إيرادات التأمين ما بين 60% إلى أكثر من 80% من إجمالي الإيرادات لدى بعض المستشفيات. إيرادات المستشفيات من التأمين: - الحبيب 8.32 مليار ريال - فقيه الطبية 2.26 مليار ري - الدلة الصحية 2.27 مليار ريال - المواساة 1.97 مليار ريال - السعودي الألماني 1.56 مليار ريال - إس إم سي (SMC) 1.29 مليار ريال - الموسى الصحية 708 مليون ريال - الحمادي 738 مليون ريال - الرعاية 304 مليون ريال أبرز النسب المسجلة: • الحبيب: 74% • فقيه: 81% • دلة: 71% • المواساة: 69% • السعودي الألماني: 53% ويعكس ذلك الدور المحوري الذي تلعبه شركات التأمين الصحي في تمويل خدمات الرعاية الصحية في المملكة. ⭕ ملاحظة: البيانات تعكس القوائم المالية المتاحة للشركات المدرجة في السوق المالية السعودية للفترة 2024–2025. المصدر: القوائم المالية لشركات المستشفيات المدرجة وتحليلات أرقام.

هل المشاعر بتبيع؟ 🤔❤️ ​براند Primos Pizza قرر يخرج عن المألوف ويبعت رسالة لعملائه "بدون خصومات".. مجرد رسالة عاطفية ولطيفة. ​تفتكروا رد فعل الناس كان إيه؟ 🧐 في البداية، الهجوم المعتاد ظهر: "كنا عايزين كود خصم!"، "إيه لزمة الكلام ده؟". ​لكن المفاجأة.. إن أغلب التعليقات كانت مبهورة باللفتة دي، والناس بدأت تشارك الرسالة بحب وتتكلم عن البراند بشكل إيجابي جداً. ​الدرس المستفاد: مش كل عميل بيجري ورا الـخصم. ساعات العميل بيحتاج يحس إنه "متشاف" ومقدر من البراند اللي بيحبه. ​💬 لو جالكم رسالة شكر أو تقدير من مطعمكم المفضل بدون خصم، هتتبسطوا ولا هتحسوا إنها مالهاش لازمة؟ شاركونا رأيكم!

لو بتخاف و بتتأثر من كلام الناس و مش عايز حد ينتقدك لمجرد النقد أو يضايقك و يحاول يعطلك يبقى ما تعملش حاجة ... لا تشتغل و لا تفكّر و لا تتكلم و لا تجرّب ولا تنجح ولا تروح ولا تيجي. هي الحياة كدة لازم هتلاقي فيها كل المعوقات دي .. و شطارتك تتجاهل التافه منها و تواجه بقوة و تتغلب على المعطِّل منها. طالما بتتقي الله و مش بتعمل حاجة غلط .. يبقى جرّب و فكّر و اتكلم و اشتغل و روح و تعالى براحتك و ما يهمكش حد..

ممتن جداً لهذه الأوقات.. من الإفطار السنوي لـشركة سابا الطبية مع قادة أعتز بالعمل معهم والاستفادة من خبراتهم. تشرفت بالتواجد مع الأستاذ محمد بحراوي، د. أشرف أمير، أ. خالد رضا، ود. مازن الحلواني. كل عام والجميع بخير وبنجاح دائم. Mohamed Bahrawi Ashraf Amir Khaled Reda Dr.Mazen Alhalawani #سابا_40_عام_نرعاكم SABA Medical - سابا الطبية

هو أنا خايف شوية من الفيديو بس المهم طلع صوتي حلو 😃 كل سنة و أنتم طيبين جميعاً 🌙🎉 ... الPrompt المستخدم في التعليقات.

مرض ال Perfectionism في صورة 😀

التوقف عن البيع هو أفضل طريقة للبيع. ​في عالم مليان زحمة و دوشة، العميل مابقاش بيدور على أحسن منتج، بقى بيدور على أقل مخاطرة. التسويق الحقيقي مش إنك تصرخ وتقول أنا هنا و خلاص، التسويق الحقيقي إنك تبني ثقة تخلي العميل هو اللي يسأل إنت فين؟. ​لو صرفت 1000 دولار على الإعلانات قبل ما تصرف 10 ساعات في فهم دماغ و احتياج عميلك.. فأنت غالباً بترميهم في الأرض. 🏅​القاعدة الذهبية: الناس بتحب تشتري، بس بتكره إن حد يبيع لها. ركز على حل المشكلة، والبيع هييجي لوحده.

الكل يقدر يقلدك.. إلا في حاجة واحدة 👥 🤖​ دلوقتي مفيش "سر مهنة" مستمر؛ أي منتج مميز ممكن يتقلّد، وأي معلومة احترافية الذكاء الاصطناعي يقدر يكتب أحسن منها في ثواني. ✔️​عشان كدة التميز الحقيقي مابقاش في "إيه اللي بتقدمه"، لكن في "البراند" اللي بتبنيه. البراند مش مجرد اسم، هو الثقة والرابط اللي بينك وبين الناس، وهو الحاجة الوحيدة اللي صعب حد ينسخها. 💚​في وسط المحتوى الآلي اللي مالي السوشيال ميديا، الناس بقت بتدور على "اللمسة الإنسانية". التميز مش إنك تقول معلومات صح، التميز إنك تظهر "نَفَسَك" الشخصي، تجربتك الحقيقية، ووجهة نظرك اللي جاية من واقع شغلك وتعبك. ​الخلاصة: أي سلعة ممكن تتنفذ، وأي محتوى ممكن يتولد آلياً، لكن هويتك وتجربتك الإنسانية هي البصمة الوحيدة اللي مستحيل تتقلد بالظبط. #Branding #personal_branding #ai

أكثر ٦ أخطاء تسويقية "مكلفة" واجهتها في أكثر من ٣٠ شركة تعاملت معها على مدار ١٧ عاماً❗️ ​في رحلتي مع شركات بمختلف الأحجام، تكررت هذه الأنماط بشكل لافت ! ​💡 ملاحظة مثيرة للاهتمام: رغم اختلاف الأحجام والمجالات، لاحظت أن الشركات التي تعتبر "نموذجاً يحتذى به" في تجنب هذه الأخطاء غالباً ما تكون شركات صغيرة، ربما لمرونتها وتركيزها العالي. ​سؤالي لكم: من واقع تجربتكم، ما هو الخطأ الأكثر تكراراً في شركاتنا العربية من بين هذه القائمة؟ شاركوني في التعليقات #التسويق_داخل_الصندوق

توقف عن لوم السوق، الظروف، والمديرين على فشلك. الحقيقة التي ترفض سماعها هي أنك 'قابل للاستبدال' لأنك اخترت أن تكون عادياً. التقدير لا يُمنح لمن يبذل مجهوداً، بل لمن يقدم نتائج لا يستطيع غيره تقديمها. كن مبهراً أو كن منسياً.. الخيار لك. #حقيقة_عملية

💥نحن نعيش أزهى عصور ال VUCA World ! 💥مصطلح "فوكا" VUCA بيستخدم لوصف صعوبة القيادة في بيئة متغيرة يصعب السيطرة عليها. و هو مشتق من 4 كلمات : ▪️Volatility - التقلب ▪️Uncertainty- عدم اليقين ▪️Complexity - التعقيد ▪️Ambiguity - الغموض و أصبح المصطلح يستخدم بكثرة في مجالات الإدارة الإستراتيجية و القيادة الإستراتيجية- Strategic Management & Leadership و للتغلب على ال VUCA يجب فهم كل مؤثر على حدة لوضع آليات للتعامل معه. ↗️Volatility - High rate of change التقلَب و التغيَر و عدم الثبات : و جود وضع غير مستقر لمدة غير معلومة. أكبر مثال هو الوضع الحالي في ظل وباء الكورونا و اختلافه طبقا لتطورات الوضع بشكل يومي. ↗️Uncertainty- unclear present عدم اليقين : عدم الفهم الكامل للأوضاع الحالية و أسبابها و صعوبة التوقّع في المستقبل. مثال : عدم معرفة خطوات المنافسين و خططهم و بالتالي وضع السوق و تطوره. ↗️Complexity- Multiple Factors التعقيد : وجود العديد من العوامل المتداخلة و المؤثرة على قرار معين. مثال:الشركات العاملة في أكثر من منطقة جغرافية، قبل إتخاذ أي قرار يجب دراسة العوامل المختلفة في كل منطقة طبقا لاختلاف قوانينها و ثقافاتها و سلوك مستهلكيها. ↗️Ambiguity-Lack of clarity الغموض : نقص المعلومات و عدم الوضوح مثال: دخول سوق جديد لأول مرة . و كل قائد أو مدير ناجح يجب أن يكون مستعد لإتخاذ قرارات في ظل الظروف المختلفة، و عليه الإستعداد ب 4 خصائص/صفات مهمة : ✔Vision - رؤية واضحة محفزة له و لفريقه ✔Understanding - فهم كامل و دراسة لكل ما يتعلق بالعمل و العاملين ✔Clarity - الوضوح و البساطة و الشفافية قدر المستطاع ✔Agility - المرونة و القدرة على التكيّف و العمل بأقل الإمكانيات 📌في ظل الظروف الاقتصادية و السياسية و الأزمة الصحية اللي مرينا بيها في السنوات الأخيرة نقدر نقول ان احنا بنعيش أزهى عصور ال VUCA !! لو عندك تجربة ناجحة في التكيّف مع التغيير شاركنا بيها للإستفادة .

معبّرة جدا للأسف ❗️

صحيت الصبح.. فتحت الإيميل. رسالة من عميل قديم. مش شكوى.. مش مشكلة. بس جملة واحدة كتبها: "لقيت حد تاني بيعمل نفس اللي بتعملوه.. بس بشكل أحسن." وقفت عند الجملة دي. مش عشان زعلت.. عشان سألت نفسي سؤال صعب: "إمتى آخر مرة طورنا حاجة فعلاً؟" مش تطوير على الورق.. مش اجتماع بيتكلم عن التطوير.. تطوير حقيقي حسّه العميل قبل ما يحس بيه أي حد تاني. الفرق مش بين شركة شاطرة وشركة مش شاطرة. الفرق بين شركة بتسأل نفسها الأسئلة الصعبة.. وشركة بتنتظر العميل يسألها. انت بتسأل ولا بتنتظر؟ 👇 القصة دي خيالية.. بس اللي بتحكيه حقيقي وبيحصل كل يوم في أي سوق. #حقيقة_عملية

أكبر شركات العالم بتستخدم ال AI غلط ❌️

​أنا للأسف بحب الشوكولاتة جداً وكل لما أدخل السوبر ماركت لازم أتفرج على قسم الشوكولاتة، و في جدة دائماً بيلفت نظري براند معين بيفرض هيبته على الرف..بص على الصورة و انت هتعرف هو إيه علطول. 🍫✨ ​أكيد لفت انتباهك كلمة جوديفا (Godiva). بتستخدم الذكاء البصري عشان تجبرك على الوقوف قدامها. الشكل الطبيعي إن أغلب البراندات بتكتفي بستاندات الكرتون العادية، لكن جوديفا اختارت أن تستثمر في وحدات عرض بلاستيكية (Plastic Trays) جعلت رفوفها تبدو كأنها ستاند منفصل مميز. ​طيب ..ايه القصة من منظور التسويق البصري (Visual Merchandising) في 3 نقاط: 1- ​حراسة المساحة : الوحدات البلاستيكية مش مجرد ديكور، بل هي حارس حدود يمنع أي منتج منافس من الدخول في مساحة جوديفا. هذا يضمن بقاء كتلة البراند (Brand Block) واضحة وقوية، فلا يمكن لعينك أن تخطئها وسط الزحام. 2- ​الرف المثالي دائماً : أكبر مشكلة في الكرتون أنه يضعف ويميل، فتظهر المنتجات بشكل غير مرتب. جوديفا استخدمت البلاستيك ليضمن ثبات واجهة المنتج (Product Facing)؛ كل ما سحب شخص عبوة، ظلت البقية في مكانها وبنفس الترتيب، وكأن الموظف قام بتنسيقها للتو. 3-​رسالة الفخامة : هناك فرق كبير في تجربة العميل عندما يلمس بلاستيكاً صلباً ومنظماً مقارنة بالكرتون . هذا الاستثمار يعطي انطباعاً بـ التموضع الفاخر (Premium Positioning)، ويقنع عقلك الباطن أن ما بداخل هذا الرف يستحق سعره المرتفع. ​خلاصة القصة: في عالم التجزئة، المنتج الجيد يحتاج ظهور ممتاز . جوديفا فهمت أن الاستثمار في أدوات العرض الدائمة (Permanent Displays) هو أقصر طريق لكسب ثقة وجيب محبي الشوكولاتة أمثالي. ​سؤالي ليكم: أنا بالنسبة لي طريقة عرض المنتج بتفرق معايا جداً و بتؤثر على قرار شرائي خصوصاً لتحربة منتجات جديدة، هل بيحصل معاك نفس الموضوع؟ ​#التسويق_داخل_الصندوق #التسويق_البصري #Visual_Merchandising

على مدار سنوات العمل و الدراسة و الزمالة و الصداقة .. شايف إن من أهم أهداف الشخص في الحياة لازم يكون السيرة الطيبة. كل حاجة بتروح منصب أو مصلحة أو صداقة و مش بيفضل غير السيرة الطيبة أو الغير طيبة ..و الغريبة إن دائماً بيكون فيه شبه إجماع على الشخص ..يا سيرته طيبة و أغلب الناس بتشكر فيه، يا إما العكس تماماً. الموضوع بيكون واضح جداً و فارض نفسه حتى لو كنت مختلف مع الشخص نفسه في أي موقف، بصراحة شوفت ده كتير و السيرة بتعيش لسنين و سنين. فيارب نكون دائما من ذوي السيرة الطيبة.

صورة مع نجم 🌟 كل فترة بحب أشارككم صورة من الأرشيف مع حد مميز قابلته خلال مشواري العملي. ​واليوم مع الأستاذ الغالي أحمد سعد، راجل صاحب خبرة طويلة ومسيرة نجاح متميزة لسنين طويلة في جميع أنحاء المملكة في "مختبرات البرج" وحالياً بيكمل رحلة التألق في "سابا الطبية". ​لكن الأهم من الشغل، إن "أبو هيثم" من الناس اللي مابقتش موجودة كتير في هذا الزمن ؛ لأنه بيجمع بين التميز المهني والاحترافية و الإحترام الرقي الإنساني وحسن الزمالة اللي بتتحول بسهولة لصداقة وإخوة. ​شكراً لوجود ناس محترمة زيك، بتفكرنا دايماً إن الدنيا لسه بخير و فيها ناس حلوة. Ahmed Saad

🔧 ​Use AI as a tool not as a whole ✔️ذكاء اصطناعي + خبرة بشرية = إبداع وسرعة. ❌️ذكاء اصطناعي فقط = محتوى باهت ومكرر. ​ما تخليش التكنولوجيا تسرق صوتك وشخصيتك. اجعله مُكمّلاً لك، لا مُمثّلاً عنك.

🤖 ​كيف تحوّل Gemini إلى شريك عمل فعّال؟ 4 مبادئ رئيسية و 6 أمثلة تطبيقية مباشرة. ✔️​ يعتمد الدليل المرفق على أربعة مبادئ رئيسية لكتابة الأوامر Prompts، مما يضمن لك مخرجات دقيقة وفعالة في كل مرة. ✔️​ يشرح الدليل حالات استخدام عملية ومباشرة تغطي 6 تطبيقات رئيسية من Google Workspace (Gmail, Docs, Sheets, Meet, Slides, و Gemini Advanced). ​الهدف: تحويل الـ AI إلى شريك حقيقي، من تنظيم المعلومات وتوليد الأفكار إلى تسريع سير العمل المعقد. ✨️ ​تصفّح الدليل الآن، وابدأ العمل باحترافية أكثر.

الحمد لله للسنة الثالثة ✔️ كتاب التسويق داخل الصندوق في معرض الكتاب في القاهرة الدولي للكتاب📔 #التسويق_داخل_الصندوق

من السذاجة أن تظن أن أحداً لن يؤذيك لمجرد أنك غير مؤذٍ؛ فانتظارك لِلُطف العالم لأنك شخص طيب، يشبه تماماً توقعك أن الأسد لن يأكلك لأنك لم تأكله. #حقيقة_عملية

مسلسل "بطل العالم بريدفاست".. الـ Product Placement فن "الاندماج" ولا فخ "الزحمة"؟ 🎬 ​كنت بتفرج على مسلسل "بطل العالم" وخطفت عيني لقطة لكوباية قهوة من Breadfast.. في البداية انبهرت! ​قلت أخيراً بدأنا نطبق الـ Covert Advertising (الإعلان المتخفي) بذكاء؛ البراند موجود كجزء من حياة البطل الطبيعية، مش ضيف شرف "ثقيل" بيقطع خيالنا. ​للأسف، الانبهار ما دامش أكتر من دقيقتين! 😅 ❗️​فجأة تحول المسلسل لـ "كتالوج إعلاني" لبريدفاست: -​شنطة التوصيل واخدة ربع الكادر (بدون مبرر درامي). -​إعلانات الشوارع في كل مشهد خارجي بشكل مبالغ فيه و كل ده في حلقتين بس. -​ناقص بس الحلقة الجاية البطل يوقف المشهد ويقولنا: "بقولكوا إيه.. الكود بتاعي بيدي خصم 20%". ❗️ ​ليه ده بيعتبر "خطأ تسويقي" رغم إنه بيحقق انتشار (Reach)؟ في علم النفس التسويقي، لما الإعلان بيبقى Intrusive (اقتحامي) زيادة عن اللزوم داخل عمل فني، بيحصل للمشاهد حالة من "المقاومة النفسية". بدل ما يحب البراند، بيبدأ يحس إنه "مفروض عليه"، وده بيقلل الـ Brand Affinity (الألفة أو الارتباط العاطفي بالعلامة التجارية) على المدى البعيد. ✔️ ​سؤالي للزملاء دارسي و محبي التسويق (Marketing) : 📌 هل "المبالغة" في الـ Product Placement (وضع المنتج داخل العمل) حالياً سببها رغبة المعلن في "تحليل فلوسه"؟ ولا ضعف في توظيف البراند درامياً؟ ​📌 ومين في رأيكم أفضل براند عرف "يتسحب" جوه مشهد سينمائي أو درامي من غير ما نحس إنه إعلان؟ أنا حطيت أمثلة في التعليقات ​(ملحوظة: أنا عميل دائم لبريدفاست وبحب تجربتهم جداً، والبوست ده غرضه نقد "التنفيذ الإعلاني" مش البراند نفسه) #​#Marketing #Branding #Breadfast #ConsumerBehavior

تواجد ذهبي في حدث مميز ✨ ​نسعد في "عيادات سابا" بتواجدنا كراعي ذهبي لمعرض "أنا وإنت يا رمضان" في Benchmark Arena مسرح عبادي الجوهر . ​وتأتي مشاركتنا في هذا الحدث المميز عبر جناح "سابا تجميل"، لنكون أقرب إليكم ولنشارككم بفعاليات مميزة. ​#عيادات_سابا #سابا_تجميل #جدة

كيف لخصت فيديو 'هارفارد' المعقد في إنفوجراف عربي بضغطة زر؟ (بدون كتابة أي Prompt) كنت بجهز بوست شرح لأهم فيديو بيوضح الفرق بين الخطة و الإستراتيجية (Plan vs Strategy) من هارفارد بيزنس ريفيو. بس قولت الأفضل والأوضح إني أحول الـ 10 دقائق لإنفوجراف باستخدام أداة Google NotebookLM.. وقولت أشارككم التجربة عشان نحقق هدفين: 1️⃣ نعرف الفرق بين الخطة و الاستراتيجية. 2️⃣ نتعلم نستخدم الأداة المميزة دي. هتلاقي في الملف المرفق: الصورة الأولى: شرح للفيديو في شكل انفوجراف (عربي). الصورة الثانية: شرح للفيديو في شكل انفوجراف (إنجليزي). الصورة الثالثة: توضيح للفرق بين جيميناي وشات جي بي تي وأداة NotebookLM. الصورة الرابعة: لقطة من الأداة بتوضح بساطة الموضوع. ليه الأداة دي مبهرة؟ لأن الخطوات بسيطة جداً: هتضيف المصدر (Source) - وفي حالتنا كان فيديو يوتيوب. هيعملك تلخيص مباشر للمحتوى. هتدوس "Infographic" وتختار اللغة.. وثواني ويكون جاهز. أهم نقطة: أنا عملت الـ 2 انفوجراف دول (Zero Prompt) يعني من غير ما أكتب أي أمر أو توجيه، لكن طبعاً تقدر تتدخل وتعدل في الألوان أو التفاصيل لو حبيت. جربوها وقولولي رأيكم! 👇

الحمد لله للسنة الثانية على التوالي #التسويق_داخل_الصندوق متاح في معرض جدة الدولي للكتاب - جدة سوبر دوم.

العبقري الذي لا يفهم شيئاً : ماذا تخبرنا الغرفة الصينية عن الذكاء الاصطناعي؟ خليني أحكيلكم قصة غريبة شوية.. تخيلوا معايا واحد قاعد لوحده في غرفة مقفولة. الناس برة بتمرر له ورق من تحت الباب، والورق ده مليان رموز وحروف صينية مش فاهم منها حرف واحد! المسكين ما يعرفش أصلاً شكل اللغة الصينية. ولكن .. داخل الغرفة دي، عنده كتاب ضخم زي دليل تعليمات مكتوب فيه بلغته اللي بيفهمها: "لو شفت الرمز ده ⛩️، ارسم الرمز ده 🐉 جنبه". بسيطة، صح؟ الراجل بدأ يشتغل بميكانيكية تامة. بيشوف الرمز، يدور عليه في الكتاب، بيرسم اللي مكتوب قدامه، بيمرر الورقة تاني لبرة. خلاص، روتين ممل ومتكرر. والمفاجأة إن الناس برة بيقرأوا الردود وبيفتكروا ان اللي جوة فاهم صيني تماماً بروفيسور في الصيني كمان لإن كل الإجابات دقيقة ومنطقية. لكن الحقيقة المرة؟ صاحبنا مش فاهم ولا حرف من اللي بيكتبه. هو بس بيطابق رموز ببراعة، ولا أكتر ولا أقل . ------ ------ القصة دي مش من خيالي - دي تجربة فكرية شهيرة اسمها الغرفة الصينية (Chinese Room)، ابتكرها الفيلسوف الأمريكي جون سيرل سنة 1980. ▪️طيب ليه سيرل عمل التجربة دي أصلاً؟ في الفترة دي كان في ناس متحمسين جداً لفكرة الذكاء الاصطناعي القوي (Strong AI). بعض علماء الكمبيوتر كانوا بيدعوا إن الآلة لو اتبرمجت صح وقدرت تتكلم زينا وتعدي اختبارات الذكاء، يبقى هي مش بس بتحاكي العقل البشري.. لأ، هي فعلاً عندها وعي وبتفهم اللي بتقوله! سيرل جه بالتجربة دي عشان يقول: استنوا شوية.. و فكروا تاني. ------ ------ ▪️الموضوع مرتبط بمفهوم في علوم الحاسوب اسمه (فرضية النظام الرمزي المادي). الفرضية دي بتقول إن الذكاء بييجي من القدرة على معالجة الرموز والتعامل مع العالم. يعني زي ما إحنا لما نشوف الإشارة حمراء (رمز)، بنوقف العربية (استجابة). منطقي، مظبوط؟ بناءً على كده، العلماء افترضوا إن الآلة لو قدرت تربط الرموز وتعالجها زي البني آدمين بالضبط، يبقى نقدر نعتبرها ذكية. لكن حكاية صاحبنا في الغرفة الصينية بتطرح السؤال الحقيقي: هل مجرد إنك تقدر تعالج الرموز وتطابقها يعني إنك فاهم فعلاً؟ دلوقتي لما نشوف نماذج الذكاء الاصطناعي التوليدي وهي بتكتب مقالات معقدة، أو تبرمج كود، أو تحلل بيانات.. بننبهر، صح؟ بس لازم نفتكر حاجة: الأنظمة دي عندها أضخم وأسرع كتاب قواعد في التاريخ لمطابقة الرموز (أو البيانات) وتوقع الكلمة الجاية. لكن في الآخر.. هي زي الراجل في الغرفة بالضبط. مش فاهمة أي حاجة من اللي بتنتجه. الذكاء الاصطناعي عنده قوة خارقة في المعالجة، أيوة. بس "الإدراك الحقيقي" والوعي؟ ده هيفضل دايماً حاجة خاصة بالبشر . 📌هل ده حقيقي ولا داخلين على مرحلة الوعي الإصطناعي ؟؟ انت ايه رأيك؟

كيف تتسبب في فشل منتج مميز ؟ ​تطبيق عملي لأهمية تجانس الـمزيج التسويقي 4P’s ​🎻 القصة ​في صباح يوم بارد وقف رجل في إحدى محطات المترو في العاصمة الأمريكية واشنطن وبدأ يعزف الكمان. ​عزف مقاطع مختارة من أرقى مقطوعات موسيقى العبقري باخ لمدة حوالي 45 دقيقة. ​خلال ذلك الوقت "لأنها كانت ساعة الذروة"، مر حوالي 1100 شخص في محطة المترو، معظمهم في طريقهم إلى العمل... ​في 45 دقيقة من عزف الموسيقى، لم يتوقف ويستمع لمدة من الوقت سوى 6 أشخاص... ​من الذين مروا حوالي 20 قدموا له المال، ثم واصلوا السير بوتيرة طبيعية... ​كانت نهاية 45 دقيقة من العزف مبلغ 32 دولار... ​عندما أنهى العزف وران الصمت، لم يلاحظ ذلك أحد! ولم يصفق أحد! ✨️​المفاجأة! لا أحد لاحظ أن عازف الكمان هذا هو "جوشوا بيل" واحد من أكبر وأشهر الموسيقيين الموهوبين في العالم. وأنه عزف مجموعة من القطع الموسيقية الأكثر تعقيدًا. وأنه يعزف على كمان قيمته 3.5 مليون دولار. وأنه قبل يومين من لحظة عزفه في مترو الإنفاق، بيعت بطاقة الدخول لحفلته في أحد المسارح في بوسطن بمتوسط (100$). ​"جوشوا بيل" عزف في محطة المترو ضمن تجربة نظمتها واشنطن بوست كدراسة اجتماعية حول الإدراك وأولويات البشر. ​📊 التحليل من وجهة نظر تسويقية ​احنا هنا هننظر للتجربة من وجهة نظر تسويقية، من خلال المزيج التسويقي (Marketing Mix – 4P’s) ​✔️ المنتج (Product) ​جودة المنتج أو الخدمة المقدمة هي الأساس، ولكنها لا تكفي ولا تضمن نجاح المنتج. الاعتماد على الجودة فقط وإهمال باقي العناصر يؤدي إلى فشل المنتج. ​(في التجربة: لدينا منتج مميز جداً وهو العازف العالمي وموسيقاه المميزة، لكن لم ينتبه إليه أحد) ​✔️ السعر (Price) ​يجب وضع سعر مناسب للخدمة أو المنتج المقدَّم. يجب ملاحظة أن تحديد سعر منخفض لسلعة مميزة مضر لها تمامًا مثل تحديد سعر مرتفع لسلعة رديئة (إلا إذا تم وضعها في إطار اجتماعي أو في شكل عرض مؤقت). ​(في التجربة: توفر هذه الموسيقى العالمية بشكل مجاني أعطى انطباعاً بأنها بدون قيمة) ​✔️ المكان (Place) ​أهم عنصر وضح تأثيره في التجربة هو اختيار المكان المناسب لعرض منتجك وكيفية عرضه والبيئة المحيطة به، لأنه يسهم في جزء كبير من الصورة الذهنية للمنتج، وكذلك اختيار التوقيت المناسب للعرض. ​(في التجربة: اختيار مكان غير مناسب لمنتج راقٍ وفي توقيت خاطئ) ​✔️ الترويج (Promotion) ​وأخيرًا جزء الترويج وكيفية توصيل قيمة المنتج ولفت الانتباه إليه وتوضيح مميزاته باستخدام القنوات المختلفة ليصبح العميل ملماً بكل المعلومات عن المنتج ومدركًا لقيمته ومستعدًا لشرائه. ​(في التجربة: لا يوجد أي وسيلة دعائية مميزة ولذلك لم يدرك أحد القيمة المميزة، في حين أن نفس العازف العالمي تباع تذاكره بـ 100 دولار بعد عمل الدعاية المناسبة والتعريف المناسب للمنتج) ​📌 الخلاصة ​الخلاصة أنه لا بد من تكامل كل عناصر التسويق وأن إهمال أي عنصر من العناصر السابقة والاعتماد على عنصر واحد فقط سيؤدي في النهاية إلى فشل المنتج. ​وقبل كل ذلك يجب: ​اختيار وتحديد شريحة العملاء المثلى للمنتج (Segmentation) ​وكيفية استهدافها (Targeting) ​ورسم صورة ذهنية مميزة للمنتج (Positioning) ​وفي بعض الحالات مثل تسويق الخدمات تزيد بعض العناصر الهامة الأخرى وهي: People الأفراد, Process الإجراءات و العمليات , Physical evidence الدليل المادي & Performance الإنتاجية و الأداء. #التسويق_داخل_الصندوق

الذكاء الاصطناعي قتل "الكتابة".. لكنه أحيا "الهندسة"! 🏗️🧠 السؤال المتكرر في الفترة الأخيرة هو: دلوقتي ChatGPT وغيره بيكتبوا بوستات ومقالات في ثواني.. هل احنا لسه محتاجين فريق محتوى؟" إجابتي دايماً بتكون صادمة: "لو فريقك وظيفته بس (رص كلام)، يبقى فعلاً مش محتاجهم." لكن الحقيقة اللي لازم نفهمها هي إن المعادلة اتغيرت تماماً. زمان، كان التحدي هو "صناعة المحتوى" (الإنتاج). النهارده، التحدي هو "هندسة السياق" (التوجيه). الذكاء الاصطناعي عامل زي "عازف بيانو" عبقري، يقدر يعزف أي مقطوعة بسرعة خيالية.. بس من غير "مايسترو" (اللي هو أنت)، العزف ده هيكون مجرد دوشة فنية، ملوش روح، وملوش هدف، ومش بيحكي قصة البراند بتاعك. 💡 دور المسوق المحترف في 2024 وما بعدها انتقل لـ 3 مهام جديدة: 1️⃣ Curator (منقّح): بيختار الأفضل من بين مئات الأفكار اللي الـ AI بيطرحها. 2️⃣ Strategist (استراتيجي): بيربط المحتوى ده بأهداف البيزنس (عشان ميكونش مجرد حشو). 3️⃣ Humanizer (مؤنسن): بيضيف اللمسة الشعورية والقصص الحقيقية اللي الـ AI لسه مبيعرفش يقلدها بصدق. نصيحتي ليك: ماتحاولش تنافس الالة في "السرعة" أو "الكمية".. دي معركة خسرانة. نافس في "العمق"، في "فهم النفس البشرية"، وفي "الرؤية". السؤال المهم الآن: هل بتستخدم الـ AI عشان "تريّح دماغك"، ولا عشان "تكبّر قدراتك"؟ الفرق بين الاتنين هو الفرق بين الانقراض والنمو. 🚀 شاركوني تجربتكم.. إيه المهام اللي مستحيل تسلموها للذكاء الاصطناعي في شغلكم؟ 👇

إعلان بارد جداً 🧊❄️ دلوقتي مفيش مهرب من الإعلانات، حتى داخل مطبخك و على ثلاجتك الخاصة بيظهر لك إعلانات. ​🪧في واقعة مثيرة للجدل في بريطانيا منذ أيام، ظهر إعلان لمسلسل Pluribus على شاشة ثلاجة "سامسونج" ذكية، تسبب في نقل سيدة إلى المستشفى بعد إصابتها بنوبة ذهانية حادة. الإعلان كان يحمل عبارة: "نحن آسفون لأننا أزعجناك يا كارول"، مما جعل السيدة - اللي ليها تاريخ مع المرض العقلي - تعتقد أن الرسالة موجهة لها شخصيًا بشكل مرعب لأن اسمها كارول. ❗️الخبر المحزن ده، يفتح باب التساؤل عن أخلاقيات الإعلانات المخصصة و خصوصا مع توسع نقاط الاتصال (Touchpoints) حيث لم يعد الإعلان محصورًا في الهاتف أو التلفاز؛ إنترنت الأشياء (IoT) يفتح آفاقًا جديدة للوصول للعميل داخل منزله. ✔️و لذلك مع زيادة المساحات الإعلانية، تزداد مسؤولية العلامات التجارية في ضمان "الأمان النفسي" للمستهلك. 📍السؤال المهم لكل المسوقين: هل أصبحنا نقتحم خصوصية العملاء أكثر من اللازم؟ وهل خوارزميات الاستهداف تحتاج إلى "ذكاء عاطفي" بجانب الذكاء الاصطناعي و ازاي ده ممكن يتحقق على أرض الواقع؟ #Ai_marketing

5 أخطاء في ال Rebranding سببت خسائر 50 مليون دولار ! لازم تتأكد إن الكلام اللي بندرسه في كتب التسويق , و بنفتكره نظري هو عملي جدا و بيتحقق على أرض الواقع. تعالوا نشوف ال Case المهمة و المليئة بالدروس المستفادة #التسويق_داخل_الصندوق

وصفة النجاح المضمونة 👌 💡دائماً بنقول إن التسويق علم و فن، يعني لازم تدرسه كويس جداً، تدرس أفضل الممارسات و النظريات و التطبيقات و الأدوات اللي موجودة في الكتب و الأبحاث. و لكن هيظلَ في جزء مش صغير بيعتمد على عوامل أخرى زي الفن أو الخبرة أو الحدس "Intuition"، وغيرهم، و ده اللي بيخلي شركة تنجح و شركة أخرى تفشل في مشروع ما، رغم إن الشركتين تقريباً طبَقوا نفس الخطوات السليمة. و ده في البيزنس بشكل عام مش في التسويق فقط. . 💡تعالوا نشوف تطبيق كدة للفكرة دي على شركتي بيبسي و كوكاكولا، الشركتين مدججتين بأفضل الخبراء و طبقَوا كل الخطوات السليمة لتطوير منتج جديد و لكن النتيجتين مختلفين تماماً، و لذلك لا يوجد وصفة تضمن النجاح في كل الحالات. شوفوا تفاصيل كل حالة من الروابط و شاركونا بأرائكم في التعليقات. ➖➖➖➖ 📋️شوف كوكاكولا من هنا: https://lnkd.in/d4c9tak 📋شوف بيبسي من هنا : https://lnkd.in/dBhPdRU #التسويق_داخل_الصندوق

#حقيقة_عملية

أفضل أداة لتوليد الصور حتى الآن ❗️ ✔️هذا الإنفوجراف عملته بالكامل من إصدار نانو بنانا الأخير، و من خلال أمر نصي "prompt" واحد بسيط بدون تفاصيل كثير. ✔️شوفوا دقة اللغة العربية و الخط المستخدم، طبعا موجود أخطاء لكن في النهاية تطور كبير جدا عن السابق. طبعاً مفيش كلام إن الموضوع هيؤثر بشدة على كل المصممين، بس في رأيي الشخصي إنها فترة و بعد كدة الناس هترجع تدوّر على التصميمات اللي فيها أصالة أكثر و ذكاء اصطناعي أقل. رأيك ايه ؟

​"شاهد MBC".. هل تزيد قوة العلامة أم تضعف هويتها؟ ​في عالم هندسة العلامة التجارية (Brand Architecture)، لما يكون عندي أكثر من علامة تجارية في الشركة، نواجه دائمًا هذا السؤال الجدلي: هل نعتمد استراتيجية Branded House (كل المنتجات تحت اسم الشركة الأم)، أم House of Brands (لكل منتج هويته المستقلة) أو حل آخر؟ بصراحة اتفاجئت من كام يوم ​بتغيير اسم و لوجو منصة "شاهد" (Shahid) ليتم دمجه بشكل صريح مع "MBC" هو قرار يبدو بسيطًا بصريًا، لكنه يحمل أبعاداً استراتيجية كثيرة. ​هنتكلم عن كام نقطة سريعاً: ✔️أول انطباع هنقول "نعم" للدمج، لأسباب منطقية: • نقل الثقة و المصداقية (Credibility): شبكة MBC تاريخ يتجاوز 30 عامًا. ربطها بشاهد يعطي انطباعًا فوريًا بضخامة الإنتاج والملاءة المالية. • قوة المنظومة: رسالة للمستثمرين بأن هذه المنصة مدعومة بأكبر شبكة إعلامية في المنطقة. ❌️الفخ الاستراتيجي : وهنا لما نفكر شوية في التغيير هتظهر المشكلة، هناك تناقضات و تعارضات في "روح" العلامة التجارية الجديدة: • صراع الهوية : "شاهد" نجحت في بناء صورة ذهنية كـعلامة تجارية تقنية متطورة Tech Brand منافس لـمنصات زي Netflix و watch it و yangoplay . بينما MBC مرتبطة في الذهن بـالتلفزيون التقليدي. الدمج قد يحول "شاهد" في نظر جيل زد Z و ألفا من منصة ستريمنج عصرية إلى مجرد أرشيف رقمي لما يعرض على التلفزيون أو قناة تقليدية جديدة زي القنوات القديمة في التلفزيون ! • تحجيم المحتوى: اسم MBC قد يوحي بالحصرية، بينما "شاهد" كإسم منفصل يستوعب محتوى عالمي، ومسلسلات من خارج إنتاج المجموعة. ​💡 الخلاصة: بصراحة في الحالات المحيرة بيكون الأفضل هو الحل الوسط و هو الحفاظ على "شاهد" كـعلامة تجارية مستقلة Hero Brand، مع استخدام استراتيجية Endorsed Brand بذكاء و فيها نستعين بالعلامة التجارية الأم بشكل ثانوي لزيادة الدعم و المصداقية. يكفي وضع عبارة صغيرة "by MBC Group" أسفل التطبيق كنوع من التوثيق، دون تغيير الإسم أو اللوجو الأساسي الذي يجب أن يظل بسيطًا (Minimalist) ليناسب واجهات التطبيقات و ده اللي كان معمول به قبل التغيير. كان ممكن إضافة العبارة في أماكن أكثر و أوضح على أقصى تقدير. ❗️و للعلم فإن شبكة HBO MAX العالمية عملت عكس MBC تماما و غيّرت اسمها في ٢٠٢٣ إلى Max فقط عشان تخرج من عباءة القنوات التلفزيونية تماماً . ❗️بس المفاجأة إنها أعلنت عن عودتها لإسم HBO MAX مرة تانية في يوليو ٢٠٢٥ (الموضوع صعب و محيّر زي ما اتفقنا 😀) 📌​شاركوني رأيكم و تحليلكم.. هل تفضلون اسم "شاهد" كما هو، ولا شايفين أن إضافة MBC ستعطيه ثقلًا أكبر؟ ​#Marketing #Branding #Shahid #MBC

كيف تصل للموازنة وسط التناقضات. ​الحياة بطبيعتها مليئة بالتناقضات، وكلما زادت تجاربنا، اكتشفنا أن الحكمة الحقيقية لا تكمن في اختيار طرف على حساب الآخر، لكن في إتقان فن الموازنة بينهما. ​في مسارنا المهني والشخصي، نجد أنفسنا دائماً أمام ثنائيات تبدو متضاربة، لكن النجاح هو أن نجمع بينها بذكاء: ​الطموح والقناعة: أن تسعى للأفضل بكل طاقتك، وفي نفس الوقت تكون ممتناً وراضياً بما وصلت إليه الآن. ​التركيز والمرونة: أن تلتزم بهدفك بجدية، لكن تمتلك المرونة الكافية لتغيير الطريقة إذا تغيرت الظروف. الصدق و المجاملة: ازاي تبقى واضح و صادق في شغلك و حياتك بدون ما تسبب مشاكل مستمرة لنفسك و لغيرك أو تكون قاسي و قليل الذوق و برضه لا تكون مجامل و مرن لدرجة النفاق. و طبعاً ​العمل و الحياة الشخصية: أن تعطي العمل حقه من الإتقان والالتزام، دون أن تسمح للتوتر بأن يسرق سلامك النفسي و تواجدك مع عائلتك. ​الخلاصة: التوازن ليس حالة ثابتة نصل إليها ونرتاح، بل هو عملية ضبط مستمرة زي الميزان الحساس. ​ايه أكثر تناقض بتحس الموازنة فيه بتكون صعبة جداَ من تجربتك؟

سقطة بـ 1.6 مليون دولار.. ديلويت والذكاء الاصطناعي في قفص الاتهام تخيل أن تدفع حكومة ما يقارب 1.6 مليون دولار لشركة استشارات عالمية بحجم "ديلويت"، لتكتشف لاحقاً أن التقرير يحتوي على دراسات وهمية ومراجع لمؤلفين لم يلتقوا ببعضهم أصلاً! هذا بالضبط ما حدث في كندا، والسبب؟ "هلوسات" الذكاء الاصطناعي. الشركة حاولت تدارك الموقف باعترافها أنها استخدمت الـ AI بشكل "انتقائي" للمراجع، وأن التوصيات الرئيسية سليمة، لكن هذا العذر لم يشفع لها، خصوصاً أن هذا الخطأ هو الثاني هذا العام بعد واقعة مشابهة في أستراليا استشهدت فيه بقوانين غير موجودة واضطرت لإعادة جزء من الأموال. هذا الخبر جرس إنذار لنا جميعاً. مهما كان الذكاء الاصطناعي متطوراً، هو ليس "باحثاً" موثوقاً، بل أداة تجيد الصياغة وقد "تخترع" الحقائق لتبدو مقنعة. الاعتماد الأعمى عليه دون رقابة بشرية دقيقة (Human in the Loop) هو قفزة في المجهول قد تضرب سمعتك ومصداقيتك في مقتل، حتى لو كنت بحجم ديلويت. شاركنا رأيك .

العبقري الذي لا يفهم شيئاً : ماذا تخبرنا الغرفة الصينية عن الذكاء الاصطناعي؟ خليني أحكيلكم قصة غريبة شوية.. تخيلوا معايا واحد قاعد لوحده في غرفة مقفولة. الناس برة بتمرر له ورق من تحت الباب، والورق ده مليان رموز وحروف صينية مش فاهم منها حرف واحد! المسكين ما يعرفش أصلاً شكل اللغة الصينية. ولكن .. داخل الغرفة دي، عنده كتاب ضخم زي دليل تعليمات مكتوب فيه بلغته اللي بيفهمها: "لو شفت الرمز ده ⛩️، ارسم الرمز ده 🐉 جنبه". بسيطة، صح؟ الراجل بدأ يشتغل بميكانيكية تامة. بيشوف الرمز، يدور عليه في الكتاب، بيرسم اللي مكتوب قدامه، بيمرر الورقة تاني لبرة. خلاص، روتين ممل ومتكرر. والمفاجأة إن الناس برة بيقرأوا الردود وبيفتكروا ان اللي جوة فاهم صيني تماماً بروفيسور في الصيني كمان لإن كل الإجابات دقيقة ومنطقية. لكن الحقيقة المرة؟ صاحبنا مش فاهم ولا حرف من اللي بيكتبه. هو بس بيطابق رموز ببراعة، ولا أكتر ولا أقل . ------ ------ القصة دي مش من خيالي - دي تجربة فكرية شهيرة اسمها الغرفة الصينية (Chinese Room)، ابتكرها الفيلسوف الأمريكي جون سيرل سنة 1980. ▪️طيب ليه سيرل عمل التجربة دي أصلاً؟ في الفترة دي كان في ناس متحمسين جداً لفكرة الذكاء الاصطناعي القوي (Strong AI). بعض علماء الكمبيوتر كانوا بيدعوا إن الآلة لو اتبرمجت صح وقدرت تتكلم زينا وتعدي اختبارات الذكاء، يبقى هي مش بس بتحاكي العقل البشري.. لأ، هي فعلاً عندها وعي وبتفهم اللي بتقوله! سيرل جه بالتجربة دي عشان يقول: استنوا شوية.. و فكروا تاني. ------ ------ ▪️الموضوع مرتبط بمفهوم في علوم الحاسوب اسمه (فرضية النظام الرمزي المادي). الفرضية دي بتقول إن الذكاء بييجي من القدرة على معالجة الرموز والتعامل مع العالم. يعني زي ما إحنا لما نشوف الإشارة حمراء (رمز)، بنوقف العربية (استجابة). منطقي، مظبوط؟ بناءً على كده، العلماء افترضوا إن الآلة لو قدرت تربط الرموز وتعالجها زي البني آدمين بالضبط، يبقى نقدر نعتبرها ذكية. لكن حكاية صاحبنا في الغرفة الصينية بتطرح السؤال الحقيقي: هل مجرد إنك تقدر تعالج الرموز وتطابقها يعني إنك فاهم فعلاً؟ دلوقتي لما نشوف نماذج الذكاء الاصطناعي التوليدي وهي بتكتب مقالات معقدة، أو تبرمج كود، أو تحلل بيانات.. بننبهر، صح؟ بس لازم نفتكر حاجة: الأنظمة دي عندها أضخم وأسرع كتاب قواعد في التاريخ لمطابقة الرموز (أو البيانات) وتوقع الكلمة الجاية. لكن في الآخر.. هي زي الراجل في الغرفة بالضبط. مش فاهمة أي حاجة من اللي بتنتجه. الذكاء الاصطناعي عنده قوة خارقة في المعالجة، أيوة. بس "الإدراك الحقيقي" والوعي؟ ده هيفضل دايماً حاجة خاصة بالبشر . 📌هل ده حقيقي ولا داخلين على مرحلة الوعي الإصطناعي ؟؟ انت ايه رأيك؟

4 عناصر أساسية لكتابة Prompt ناجح للذكاء الاصطناعي مع مثال تطبيقي.🤖 غالبًا ما يواجه المستخدمون صعوبة في الحصول على ردود دقيقة ومفيدة من نماذج الذكاء الاصطناعي، وذلك بسبب عدم تقديم توجيهات واضحة ومحددة. الـ "Prompt" الجيد هو بمثابة خارطة طريق للذكاء الاصطناعي، تحدد له الدور الذي يجب أن يلعبه، المهمة التي يجب أن ينفذها، السياق الذي يجب أن يضعه في الاعتبار، والشكل الذي يجب أن يقدم به النتائج. بتحديد هذه العناصر الأربعة بوضوح، يمكن للمستخدمين توجيه الذكاء الاصطناعي بشكل أفضل للحصول على ردود أكثر صلة بالموضوع ودقة وفائدة. 🤖هذه الصورة من إرشادات نشرتها جوجل بتوضح إزاي تعمل "prompt" كويس للـ AI، زي Gemini و مثال لموظف خدمة عملاء يريد الرد على رسالة لأحد العملاء الغاضبين. 🤖 العناصر الأساسية لكتابة Prompt جيد: ✅️الشخصية (Persona): الدور اللي المفروض الـ AI يلعبه (مثال: موظف خدمة عملاء). ✅️المهمة (Task): الإجراء المحدد اللي المفروض الـ AI يعمله (مثال: يرد على شكوى). ✅️السياق (Context): تفاصيل أساسية عن الموقف (مثال: العميل اشتكى من المنتج). ✅️الشكل (Format): شكل الرد المطلوب (مثال: إيميل فيه اعتذار وحلول في شكل نقاط). مع أهمية التعديل و التغيير في الـ "prompt" لحد ما الـ AI يتمكن من الوصول للنتيجة الأمثل. ▪️ملف الإرشادات كاملة في التعليقات.

قاسية لكنها واقعية: السوق لا يرحم. إذا كنت مجرد نسخة مكررة، فبقاءك مسألة وقت ليس إلا. #حقيقة_عملية

🌐 التسويق الناجح مش بس إعلانات.. هو إنك تفهم 'ثقافة' العميل قبل ما تبيع له ! في عصر الـمعلومات والذكاء الاصطناعي، التحدي ليس الوصول للعميل، التحدي هو فك شفرة عقله. البيانات هتقولك ماذا يشتري العميل، لكن الثقافة تخبرك لماذا يشتري. ✔️وهنا هرجع معاكوا للأداة الكلاسيكية التي مازالت مهمة حتى الآن: أبعاد هوفستيد الثقافية (Hofstede’s Cultural Dimensions)، وتحديداً المؤشر الأهم في عالم البيزنس: ✔️مؤشر تجنب عدم اليقين (Uncertainty Avoidance Index - UAI). هذا المؤشر هو ترمومتر يقيس درجة رعب أو تقبل مجتمع ما للمجهول، للمخاطرة، وللتكنولوجيا الجديدة. خلينا نشوف شوية أرقام مهمة. ▪️المؤشر يُقاس من 0 (مغامر جداً) إلى 100 (حذر جداً). إليك تقسيم الأسواق العالمية لعام 2026: 🔴 المنطقة الحمراء: عملاء "الأمان والضمان" (High UAI) هؤلاء يكرهون الغموض. التغيير يسبب لهم توتراً، ويفضلون القواعد الصارمة والماركات المعروفة. ▪️اليونان (100) والبرتغال (99): قمة الهرم في الحذر. لا تبيع لهم إلا إذا كنت تملك شهادات جودة موثقة وتاريخاً طويلاً. و مثلهم روسيا و اليابان. ▪️المنطقة العربية (المتوسط 68): تُصنف كمنطقة عالية الحذر (هنرجعلها تاني). 📌 استراتيجية التسويق الأمثل لهم: ▪️الكلمات السحرية: "مضمون"، "معتمد"، "تاريخنا"، "الأكثر مبيعاً"، "خبراء". بالإضافة للإثبات بمئات التقييمات و ضمان استرجاع الأموال و الدعم الفني ضرورة و ليس رفاهية. 🟢 المنطقة الخضراء: عملاء "المغامرة والابتكار" (Low UAI) هؤلاء هم محبي الإبتكار و التجديد، الملل عدوهم، والتغيير محفزهم. ▪️سنغافورة (8): الرقم الأدنى عالمياً. شعب وحكومة يعيشون على التجربة والتغيير المستمر. ▪️الدانمارك (23) والسويد (29): يميلون للمرونة العالية، التسلسل الهرمي المنخفض، وتجربة الجديد. و مثلهم انجلترا و أمريكا و عشان كدة ثقافة التجربة و الخطأ هناك مقبولة جدا. 📌 استراتيجية التسويق لهم: الكلمات السحرية: "جديد"، "حصري"، "ثورة"، "غيّر قواعد اللعبة"، "كن الأول". جاهزين جدا لتجربة كل جديد و مبتكر. ✔️ تعالوا دلوقتي نغوص أكثر في المنطقة العربية 🔍 رغم أن مؤشر هوفستيد يضع العرب في سلة واحدة (متوسط 68 - High UAI)، إلا أن الواقع في 2026 يظهر اختلافات واضحة جداً يجب على المسوق الذكي فهمها: 1.معظم دول الخليج "الحذر الموجه نحو المستقبل" ▪️المجتمع بطبعه محافظ ويخاف المجهول، ولكن حدث تحول جذري جعل المستهلك السعودي كمثال يتقبل التكنولوجيا الجديدة والمشاريع العملاقة (مثل نيوم أو التحول الرقمي) لأنها تأتي بضمانة "الحكومة" أو "القائد". ▪️التسويق لهم: "نحن نقدم لك أحدث تكنولوجيا في العالم (إشباع حب الجديد)، معتمدة ومصرحة من الجهات الرسمية (إشباع الحاجة للأمان)". 2. معظم دول الشام وشمال أفريقيا - "الحذر الاقتصادي" هنا ارتفاع مؤشر تجنب عدم اليقين ليس فقط ثقافياً، بل اقتصادياً. العميل لا يملك رفاهية التجربة والمخاطرة بماله في منتج قد يفشل. ▪️السمة المميزة: حساسية عالية للسعر مقابل القيمة . الشك في العروض "الجيدة أكثر من اللازم". ▪️التسويق لهم: ركز على التوفير على المدى الطويل، وتجارب العملاء الحقيقية أكثر من المشاهير. الـ Word of Mouth هنا هو الملك. ✔️الخلاصة: في 2026، مفيش "سوق عالمي واحد". يوجد بشر بعقول مبرمجة ثقافياً بشكل مختلف. النجاح ليس في تغيير عقلياتهم، بل في تفصيل رسالتك لتناسب "الخلفية الثقافية" الخاصة بهم. ❗️و طبعاً مش محتاج أوضح إن نفس السياق ينطبق في الفرق بين مدينة و أخرى داخل نفس البلد. #التسويق_داخل_الصندوق

لفت نظري حاجة غريبة .. و أنا بتفرج على صور من معرض العراق الدولي المنعقد حالياً في بغداد 🇮🇶 جناح عصير الكتب. 📔الحمد لله التسويق مازال في الصندوق 😀 #التسويق_داخل_الصندوق

ملاحظات بسيطة و مهمة

70% من الناس يعانون من ظاهرة المحتال .. هل أنت منهم ؟ الناس شايفاك ناجح و ذكي، بس إنت شايف عكس كدة ؟ انت مش لوحدك .. 70% من الناس حالهم نفس الشعور في فترة من حياتهم. اللي انت حاسس بيه ده اسمه ظاهرة المحتال Impostor syndrome ▪️يعني ايه Impostor syndrome - متلازمة المحتال ؟ ظهر المصطلح لأول مرة عام 1987 بعد دراسة بحثية لإثنين من الدكاترة الجامعيين و عرفوا المتلازمة بأنها نمط نفسي و ظاهرة نفسية و فيها يشك الإنسان في إنجازاته وبيكون عنده خوف داخلي دائم من أن يعتبره الآخرون «محتالًا». على الرغم من وجود أدلة خارجية على كفاءتهم، يبقى الأفراد الذين يعانون من هذه الظاهرة مقتنعين أنهم محتالون، وأنهم لا يستحقون كل ما حققوه. و أن نجاحهم نتيجة للحظ، أو أنه نتيجة تضليل الآخرين نحو الاعتقاد بأنهم أكثر ذكاءً مما يعتبرون أنفسهم عليه. و بالتالي يعتبروا أنفسهم غير ناجحين من الأساس. الدراسات في البداية و جدت شيوع المتلازمة بين السيدات ذوات الإنجازات الكبيرة أكثر من الرجال، و لكن الدراسات الأحدث أكدت إنها تؤثر على الرجال والسيدات بنفس الدرجة تقريبا ▪️بعد أبحاث كثيرة، تم تحديد 5 أنواع من الشخصيات بتكون أكثر عرضة لهذه الظاهرة : ▪️The Perfectionist الكمالي مش محتاجة شرح، الشخصية دي دائما بتحط أهداف عالية جدا لنفسها، و بتتأثر بأي نقد و لو بسيط جدا، بتسعى للكمال و بتهتم التفاصيل، بتحب التحكَّم و عندهم دائما إحساس أن الحاجة عشان تتعمل صح لازم يعملوها بنفسهم (الشخص ده بسهولة جدا لو شخص واحد انتقد شغله وسط عشرات المشجعين،يحس إنه فعلا مش ناجح و إن المشجعين دول بيجاملوه، لإنه دائما بيحس إن فيه أحسن ) ▪️The Superwoman/man الرجل الخارق - المرأة الخارقة النوع ده نقدر نقول عليه مهووس بالعمل، اللي بيقعد وقت إضافي كثير في الشغل، بيهمل حياته الشخصية شوية و يهمل هواياته عشان يؤدي أفضل في الشغل (هنا رغم انه بيكون إنسان ناجح فعلا و متفوق في شغله و ممكن يكون بيحبه فعلا، بس الشغل الإضافي الكثير ده أحيانا كثير بيكون بسبب إنه حاسس إنه مايستحقش مكانه ده و إن زملاؤه أفضل منه، فبيحاول يعوّض الاحساس ده بالشغل أكثر) ▪️The Natural Genius العبقري أنا بعتبر ده أصعب نوع، هو قريب للشخص الكمالي، بس أصعب منه شوية، لإن الشخص ده مش بس بيسعى للكمال في كل حاجة يعملها، لأ ده لازم يعملها متقنة و بسرعة كمان بدون وقت و مجهود كبير عشان يكون عبقري. يعني بيفترض إن لازم أي حاجة يعملها أو يدريها يكون مميز فيها جدا و يتقنها بسهولة و إلا يكون فاشل. ▪️The Soloist المنفرد هنا الشخص بيرفض أي مساعدة في أي مهمة توكل إليه، عشان بيفترض إن المساعدة دي معناها إنه مش هيقدر يقوم بالمهمة لوحده و الناس هتعتبره فاشل. ▪️The Expert الخبير الخبير بيقيس امكانياته بمقدار المعرفة اللي عنده، و بيحس دائما إن ناقصه معلومات كثيرة ومحتاج يعرف و يتعلم أكثر (مثال: لشخص بيتعلم كل حاجة بتيجي قدامه و في كل المجالات لازم يعرف عنها كل التفاصيل عشان دائما عنده إحساس إن كدة ناقصه معرفة أو خبرة) و هنا لازم نفرق من الإحساس الطبيعي للرغبة في التعلَم و التطور كشئ مهم و أساسي، و ما بين الهوس في المعرفة لتعويض الإحساس الداخلي إني مش فاهم كفاية و مش كويس كفاية 📌و دلوقتي كام واحد حس إنه مرَ بالمتلازمة دي قبل كدة أو بيمر بيها حالياَ ؟ بعد ما تجاوب اعمل الإختبار الخاص بالظاهرة (مقياس كلانس لظاهرة المحتال) و شوف النتيجة و هتلاقي لينك الاختبار في المقال في التعليقات.

من السذاجة أن تظن أن أحداً لن يؤذيك لمجرد أنك غير مؤذٍ؛ فانتظارك لِلُطف العالم لأنك شخص طيب، يشبه تماماً توقعك أن الأسد لن يأكلك لأنك لم تأكله. #حقيقة_عملية

هل فريق التسويق عندك جاهز للذكاء الاصطناعي في 2026؟ 🤖 بنيت أداة تقييم تفاعلية من 6 أسئلة تكشف لك وضعك الحقيقي. والأجمل إني بنيتها في 3 دقائق فقط باستخدام الإصدار الأخير من Claude. 🤖Claude Opus 4.6 ✔️هو ده مستوى الإنتاجية اللي الذكاء الاصطناعي يوفره ليك النهاردة، إنك تقدر تعمل أداة تفاعلية كاملة بالعربي و الإنجليزي بأقل معرفة ممكنة بالبرمجة. ✔️دخلت على كلود Claude و شرحت انا عايز أعمل ايه و طلبت منه يكتب كود الأداة و أخدت الكود حطيته على الموقع بتاعي بدون أي تدخل مني. الأداة تصنّفك في واحد من 4 مستويات: ⬜ مراقب الذكاء الاصطناعي — لسه على الهامش 🟡 مستكشف الذكاء الاصطناعي — بدأت الرحلة 🟢 مسرّع الذكاء الاصطناعي — عندك زخم حقيقي 🟣 رائد الذكاء الاصطناعي — أنت من الـ 8% المتقدمين كل نتيجة هتديك: ✅ تحليل نقاط القوة والضعف حسب الفئة ✅ رؤية استراتيجية مخصصة لوضعك ✅ 3 خطوات عملية تبدأ فيها فوراً 67% من المسوقين يستخدمون الذكاء الاصطناعي يومياً. السؤال مش "هل تستخدم AI؟" — السؤال "قد إيه أنت متقدم؟" جرّب التقييم وشاركني مستواك في التعليقات 👇 🔗https://lnkd.in/dwx2hzsW #تسويق_رقمي #ذكاء_اصطناعي #Claude #AI #Marketing2026

السعر العالي مش دليل على القيمة.. والعميل فاهم أكتر مما نتخيل ❗️ 🔖السعر مقابل القيمة .......... Price vs. VALUE فيه فرق جوهري بين السعر والقيمة. السعر رقم انت بتحدده، لكن القيمة هي الواقع — اللي بيتشكّل من أداء المنتج الفعلي، والفائدة اللي بتعود على العميل (حتى لو عاطفية)، وتجربة العملاء وكلامهم عنه (الترويج الشفهي — WOM). المفروض تركيزك يكون على خلق قيمة حقيقية متفوقة وبعدها تحط سعر يعكسها — مش إنك تصنع قيمة وهمية وتدعمها بسعر عالي. لأن القيمة الحقيقية هتظهر عاجلاً وليس آجلاً، والعميل هيحكم بتجربته مش بالسعر اللي دفعه. طبعاً تقدير القيمة فيه جزء غير ملموس زي قيمة العلامة التجارية (Brand Equity)، لكن في النهاية المؤشر الحقيقي هو: رضا العميل، ولائه، وتكرار الشراء. ✔️مثال: الآيفون 16 برو ماكس تكلفة تصنيعه ٤٨٥ دولار وبيتباع بـ ١,١٩٩ دولار (هامش ٦٠٪). ومع ذلك المستهلكين راضيين — لأن أبل وصّلت قيمة حقيقية من خلال البراند والابتكار والثقة والتجربة الكاملة تبرر السعر. ❌️مثال عكسي: وي وورك (WeWork) وصل تقييمها لـ ٤٧ مليار دولار على إنها "شركة تكنولوجيا"، لكن لما اتكشفت الأرقام الحقيقية — خسائر وديون ونموذج غير مستدام — أعلنت إفلاسها في ٢٠٢٣ بتقييم ٤٤ مليون دولار فقط. القيمة الوهمية انهارت أمام الواقع. ▪️نفس المبدأ في البورصة: سعر السهم ممكن ينحرف عن القيمة بسبب المضاربات ومشاعر الخوف والطمع، لكن على المدى الطويل السوق بيصحّح نفسه (الارتداد للمتوسط — Mean Reversion) والسعر بيرجع للقيمة الفعلية المبنية على تقييم أداء الشركة (Company Valuation). 📌الخلاصة: ابني قيمة حقيقية والسعر المناسب هييجي. اصنع وهم والسوق هيكشفك.

✏الرجل الذي باع لي القلم !! في أحد الليالي الخريفية الباردة، شاب في منتصف العشرينات بيقترب عليا و أنا قاعد منتظر أحد أصدقائي، لمّا قرّب اتضح إنه أحد الباعة الجائلين اللي بيبيعوا بضاعتهم للمارة و الجالسين. في العادي بيكون المنتظر من البائع المتجوّل ده إنه يا إما يعرض بضاعته على استحياء و لو لم يلق قبول يغادر مسرعاً أو النوع اللي بيحاول يبيع بأسلوب فيه إلحاح شديد و استعطاف أقرب للتسوّل للأسف مع إنه أحيانا بيبقى معاه منتجات جيدة و يقدر يبيعها بشكل كويس و في الحالتين اللي بيشتري بيشتري كنوع من المساعدة و التشجيع أغلب الوقت أو عشان يخلص من الإلحاح. . ✏الحقيقة إن الشاب ده كان مختلف تماماً، بمجرد ما قرّب علينا لقيناه واقف في شموخ كدة و بيطلب من وقتنا دقيقة و فجأة بدأ بصوت عالي وقوي وواضح في الكلام عن منتجه البسيط: ✏انا معايا النهاردة قلم مش عادي.. القلم السحري، مش هتضايق ان السن يتقصف او تحتاج تبري القلم كل ده خلاص انتهي مع القلم السحري و قعد يتكلم شوية عنه. . ✏بصراحة اتخضيت من اسلوبه و كلامه و اختياره لجمل قوية تشد الانتباه، خلاني فعلا عايز أشوف القلم ده و طلبت اتفرج عليه لقيته قلم سنون عادي بس في شكل قلم رصاص، بس بعد الاداء بتاعه بالنسبة لي انا لسة باصص للقلم كأنه قلم سحري و فيه ميزة مختلفة، لكن ده لم يمنع إني أقوله ده قلم سنون و السنون هتتكسر برضه، لقيته بيرد بكل تلقائية و حماس و مطلع ورقة من معاه لأ حضرتك ما تقلقش جرب كدة ده سنون قوية و هتستحمل و ما تقلقلش. ✏ أكيد طبعا اشتريته منه و اخترت اللون اللي في الصورة و شكرته و مشي الشاب الجميل عشان يكمل رحلته. . ✏طبعا أنا قعدت أفكر في الشاب ده كثير و قد إيه بيبيع حاجة بسيطة و مفيهاش فكرة جديدة بس بطريقته و حماسه قدر يخليني اشتري و انا مبسوط و أول مرة اشتري من حد بيبيع في الشارع مش عشان أخلص منه أو كنوع من المساعدة فقط، لأ فعلا هو أقنعني بشكل كويس جدا. و فكّرني بالمقولة الشهيرة في انترفيوهات وظائف البيع " تعرف تبيعلي القلم ده ؟ " أهو الراجل ده باع لي القلم فعلا. ▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎ 🔹️و لما تحلل اللي قاله تلاقيه عمل Sales Call محترمة من 1️⃣أول ما إستأذن إنه هيأخد من وقتي دقيقة. Approach 2️⃣ وبعدها الجملة الافتتاحية القوية اللافتة Opening with Strong engaging statement " النهاردة هاكلمكم على قلم مش عادي .. القلم السحري " 3️⃣لحد تحويل الخصائص لمزايا Presentation (Features to benefits) "هترتاح و مش هتحتاج تبريه و مش هيتقصف" 4️⃣و حتى لما قولتله اعتراض حله بكل سهولة Handling objections "ما تقلقش السنون قوية و مش هتتكسر على ضمانتي" ▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎ ✏بغض النظر عن المبالغة اللي استخدمها بس بجد راجل ممتاز و زعلان جدا إني ما طلبتش آخد رقمه عشان اللي محتاج حد شاطر في البيع لإنه فعلا شاطر، و هروح نفس المكان تاني مخصوص يمكن ألاقيه. . ✏الراجل أثر فيّا لدرجة إني و أنا بأهدي القلم ل "لي لي" بنتي قولتلها جبتلك قلم سحري و انبهرت بيه برضه في الأول، بس شوية و لقيتها بتطلّع السن اللي جوّة و بتقولي ده جواه سن عادي 😀، بس برضه بتحبه و قاعدة تكتب بيه من ساعتها. . 📌قولي بقى امتى آخر مرة انبهرت من بائع شاطر ؟ أو اتضايقت من بائع غير محترف؟

نصف الإعلانات ضاعت سُدى ❗ 📝َ سبب آخر وراء خشية شركات الدعاية والتسويق من الكشف عن أسباب نجاح إعلاناتها، وهو أنها هي نفسها لا تعرف تلك الأسباب في أغلب الأحيان. 📝وتحضرني هنا مقولة لرجل الصناعة الشهير جون واناميكر: «نصف إعلاناتي ضاعت سُدى، ولكنني لا أعرف أي نصف منها هو الذي ضاع» 📝وقد لا يعرف كثيرون أن نيل فيتزجريالد، الذي ً كان حينذاك رئيسا لشركة يونيليفر، قد قال في حوار: «لو جاء أحدهم وسألني،عن أي نصف من إعلاناتي هو الذي راح هدراً لقلت له بل ٩٠ ٪منها راحت هدراً، ولكنني لا أعرف أي ٩٠ %) 📝(ألا تجده غريباً أن يكون وصول الإنسان إلى القمر وتجوله على سطحه أسهل بكثري من التيقُّن منُ نجاح حملة إعلانية من عدمه، والدليل هو كلام رئيس ثاني أكبر شركة معلنة في العالم. 📚ده مش كلامي دي مقتبسات من كتاب : Seducing the Subconscious: The Psychology of Emotional Influence in Advertising < by Robert Heath> هسيب التعليق للعاملين في المجال التسويقي حالياً، تتفق مع المقولة دي بنسبة قد ايه من واقع خبرتك الفعلية ؟ و هل ده يقلل من أهمية حساب ال ROAS و ال ROMI ؟ #التسويق_داخل_الصندوق

مش لازم عشان تبدأ مشروع .. تستنى إنك تعمل فكرة جديدة و خارقة أو مبتكرة .. يكفي جداً إنك تعمل فكرة عادية بس بإتقان شديد و تتميّز في جزئية محددة .. و بعد كدة طوّر براحتك. #التسويق_داخل_الصندوق

لا تنطق بالكلام إلا إذا كان كلامك خير من الصمت.