Tareq Derawi طارق الديراوي's Recent LinkedIn Posts

قبل 25 سنة بدأت قصتي... ❤️ واليوم وأنا أكتب هالكلمات، مستوعب إنه صار عمري 25 سنة. بصراحة، ربع قرن مر أسرع بكثير مما كنت متخيل. 25 سنة فيهن أيام حسيت فيها إنه الدنيا كلها مفتوحة قدامي، وأيام ثانية كنت بس أحاول أخطو خطوة صغيرة لقدّام. 25 سنة فيهن نجاحات بفتخر فيها، وأخطاء تعلمت منها أكثر مما تعلمت من أي نجاح. فيهن ناس دخلوا حياتي وغيروا طريقة تفكيري، وناس افترقت طرقنا معهم، وتجارب ما كنت أتوقع أعيشها بيوم من الأيام. لما كنت أصغير كنت مفكر إنه بعمر 25 الواحد بكون فاهم كل إشي، وعنده جواب لكل سؤال. بس كل ما كبرت اكتشفت إنه الحياة مش عن إنك تعرف كل الأجوبة، الحياة عن إنك تضل تتعلم، وتضل تسأل، وتضل تتطور مهما وصلت. تعلمت إنه العلاقات أهم من الأرقام. وإنه السمعة الطيبة رأس مال حقيقي. وإنه الكلمة الحلوة ممكن تفتح أبواب ما بتفتحها شهادات ولا مناصب. وإنه الإنسان مهما حقق، بضل بحاجة للناس اللي حواليه. اليوم حابب أشكر كل شخص كان جزء من رحلتي. الله سبحانه وتعالى❤️ الحمد لله على كل سنة عشتها، وعلى كل نعمة يمكن انتبهتلها أو ما انتبهتلها. شكراً لله على الصحة، وعلى الأهل، وعلى الناس الطيبين اللي حطيتهم بطريقي، وعلى الفرص اللي إجت، وحتى على التحديات اللي علمتني أكون أقوى وأنضج. في أشياء كثيرة بحياتي ما كانت لتصير لولا توفيق الله وكرمه ولطفه. وكل خطوة وصلت إلها، وكل باب انفتح، وكل درس تعلمته، كان بفضل الله أولاً وأخيراً. أهلي ❤️ الناس اللي آمنوا فيي من أول يوم، واللي كانوا سند إلي بكل مرحلة من مراحل حياتي. أصدقائي ❤️ اللي شاركوني لحظات النجاح والإحباط، واللي ضلوا موجودين سواء كانت الأمور ماشية معي أو لا. ومليون شكراً لكل شخص من عيلتي اللي ب LinkedIn ❤️ من متابعين، وأصدقاء، وزملاء عمل وأشخاص تعرفت عليهم من خلال المنصة، واللي تعلمت منهم أكثر مما بتتخيلوا. وشكرخاص جداً للمونتيرين اللي بستشيرهم بكل فكرة، وكل خطوة، وكل مشروع، واللي كانوا دايماً جاهزين يعطوني رأي صادق ونصيحة صادقة حتى أطلع بأفضل نتيجة ممكنة. عملائي ❤️ كل شخص وثق فيي، وآمن بقدراتي، وأعطاني فرصة أشتغل معه أو أكون جزء من رحلته المهنية أو التجارية. وجودكم بحياتي المهنية نعمة م بتتخيلوا قديش اثرها علي والله اليوم أنا ما بحتفل بس بعيد ميلادي الـ25. أنا بحتفل بكل تجربة، وكل درس، وكل فشل علمني، وكل نجاح فرحني، وكل شخص مر بحياتي وترك أثر جميل. 25 سنة مرت... ومع هيك حاسس إنه لسه في كثير أشياء بدي أتعلمها، وكثير أهداف بدي أحققها، وكثير قصص لسه ما انكتبت. ويلا سلامات بس حبيت أحكي شكراً لكل شخص كان جزء من أول 25 سنة من حياتي. وحابب أشوف شو مخبية السنوات الجاية. 👋❤️🎂

حبيت أروح لحالي أحضّر لعيد ميلادي بكرا بدون مواعيد و بدون ترتيب مع حدا و بدون ما أستنى حد يكون فاضي. بس أنا وحالي وخلال هالكم ساعة تذكرت شغلة بنشوفها كثير على LinkedIn وما بنحكي عنها: 1. أحيانًا أفضل استثمار بحضورك المهني هو الوقت اللي بتقضيه مع نفسك. 2. لما تطش لحالك بتصير تسمع أفكارك أكثر بتراجع خطواتك 3. بتفكر شو نافع معك وشو لازم توقفه. وبتعطي حالك مساحة بعيدًا عن الدوشة وبصراحة، كثير من أفكار المحتوى، والخدمات، والقرارات المهنية اللي أخدتها بحياتي طلعت من جلسة قهوة أو مشوار كنت فيه لحالي. ويلا سلامات بس حبيت أحكيلكم إنه عيد ميلادي بكرا، قررت أبسط نفسي بنفسي وجهزوا حالكم تعيدو ا علي و لأنه مش لازم دائمًا نستنى مناسبة أو شخص حتى نحتفل بخطوة هنكبر فيها سنة لأنه م حد هيكبر معك 👋🎂🌹 __ انا طارق الديراوي أساعد الافراد والمهنيين على بناء وتطوير حضورهم على اللينكدأن

للمرة الثالثة بحصل على المركز الأول في فلسطين بتخصص LinkedIn Growth. وللمرة الرابعة بتواجد اسمي ضمن تصنيفات Favikon. الغريب إنه هاي المرة التقييم كان قريب من تقييم سابق، وحتى إني ما كنت ضمن أفضل 200 صانع محتوى، ومع هيك النتيجة كانت أفضل وحصلت على تقييم 8. بس بصراحة... هاي المرة أكتر شيء خطر ببالي هو إنه مش كل نجاح بنقاس برقم، ولا كل تأثير بنقاس بنقاط. لما شخص يبعثلي: "بسبب المحتوى تبعك فهمت LinkedIn أكثر." أو: "قدرت أطور حسابي وأظهر بشكل مهني أفضل." والله والتنتين انكتبولي، وانبسطت قد الدنيا. لأنه هاد النوع من الرسائل عمره ما كان إله رقم أو ترتيب. وبالمناسبة، عملت تحديث بسيط على غلاف حسابي ليعكس تركيزي الحالي بشكل أكبر: فطارق حاليا تخصصه يساعد الأفراد والمهنيين العرب على بناء وتطوير العلامة التجارية الشخصية، وتعزيز حضورهم الرقمي على اللينكدإن، واكتشاف فرص جديدة من خلال بناء وتحسين حساباتهم على اللينكدإن| إنشاء المحتوى الأستراتيجي قررت أخلي رسالتي أبسط وأوضح وتعبر أكثر عن اللي بعمله. أكيد مبسوط بالتصنيف وهو اللي شجعني اشتغل على التقيم اللي تقيمته كزا مرة، وممتن لكل شخص دعمني أو تفاعل أو حتى مرّ على المحتوى واستفاد منه. لكن الأكيد كمان إنه الطريق لسه طويل، واللي جاي أكبر وأجمل بإذن الله. شكراً إلكم جميعاً ❤️ وإذا في شغلة تعلمتها من هاي الرحلة فهي: الاستمرارية بتغلب الموهبة أحياناً، وبتغلب الحماس المؤقت دائماً. ويلا سلامات، بس حبيت أحكيلكم إنه إذا النتائج مش واضحة اليوم، هاد لا يعني إنك ماشي بالمكان الغلط. ممكن تكون عم تبني شيء أكبر بكثير مما بتتخيل. 👋🌹

شو ممكن تستفيد من عيد ميلادك على LinkedIn؟ وهل فعلًا بروفايلك بأثر على عيد ميلادك؟ كل سنة بعيد ميلادي بتوصلني عشرات الرسائل والتعليقات والاتصالات. من ناس تعرفت عليهم من خلال LinkedIn. 1. عملاء اشتغلت معهم. 2. أشخاص استفادوا من محتوى نزلته. 3. أصدقاء مهنة تعرفنا من تعليق أو رسالة. 4. أشخاص يمكن ما التقينا بحياتنا، لكن صار بيننا معرفة واحترام متبادل. وهان استوعبت شغلة مهمة... بروفايلك على LinkedIn مش مجرد صفحة مهنية. هو استثمار بالعلاقات. كل بوست بتنشره. كل تعليق بتكتبه. كل شخص بتساعده. فكل معرفة وقيمة بتبنيها. بترجعلك بشكل أو بآخر. ممكن ترجعلك بفرصة عمل. بعميل جديد. بشراكة. أوحتى بكلمة حلوة بيوم مميز بحياتك. وعشان هيك دايما بحكي: لا تبني حسابك فقط حتى تلاقي وظيفة. ابنيه حتى تبني اسم. وتبني ثقة. وتبني شبكة علاقات حقيقية. لأنه بالنهاية... الفرص بتروح وبتجي. لكن الناس اللي بتعرفك وبتقدّر شغلك وقيمتك المهنية هم الأصل الحقيقي. ويلا سلامات بس حبيت أحكيلكم أنه أنا شخصيًا، واحد من أجمل الأشياء اللي كسبتها خلال السنوات الماضية، مش عدد المتابعين ولا المشاهدات... بل الأشخاص الرائعين اللي تعرفت عليهم من خلال LinkedIn. 👋😉❤️

من بداية 2026 حطيت بين أهدافي هدف إني أطور لغتي الإنجليزية بشكل حقيقي. كل يوم بشتغل بالتسويق، المحتوى، والذكاء الاصطناعي. وأغلب المصادر، الأدوات، والدورات القوية موجودة باللغة الإنجليزية. فكنت مقتنع إنه إذا بدي أوصل لمستوى أعلى، لازم أطور هاي المهارة. خلال الشهر الماضي ولسه مستمر، كنت ومازلت بتعلم اللغة الإنجليزية مع "ملكة الإنجليزية" بسمة الرفاعي. ركزنا على: • English for Marketing • Everyday English • ومهارات التواصل اليومية الهدف من أي معلم مش يخليك تحفظ كلمات أكثر. الهدف الللي لقيته هو إنه يخليك تعبر عن نفسك بثقة أكبروتحكي بطلاقة. لهيك حبيت أشاركم التجربة ولأنها بتستحق المشاركة ولأي شخص حابب يطور لغته الإنجليزية، أنصح جدًا بالتعلم مع بسمة. بتقيّم مستواك أولًا، وبتبدأ معك من المكان المناسب، حتى لو احتجت ترجع للأساسيات. وهاي نقطة كثير ناس بتحتاجها أكثر من أي منهج معقد. فشكرًا بسمة على الوقت، و المتابعة والمعلومات القيمة والفخمة ورح أكمل وأتدرب أكثر ومستمر الفترة الجاية لعند م أحترف الانجليزي معك بإذن الله. ويلا سلامات، بس حبيت أحكيلكم إنه افضل أستثمار في نفسك أنك تاخد مع بسمة المبدعة وأنه أحيانًا هدف صغير بتحطه ببداية السنة ممكن يفتحلك أبواب أكبر بكثير مما كنت متخيل وأنه شعور حلو جدا تعرف كمان لغة غير لغتك الأساسية لأنه بتفتحلك فرص حلوة بتناسبك انت مش غيرك 👋🤲🌹😉

أحيانا بتحضر بودكاست وبتطلع منه بأسئلة عن نفسك أكتر من الأجوبة. هاي كانت حالتي بعد ما حضرت بودكاست مع الصديق و الأستاذ وليد صالح مع المبدعة مرام سمارة. دخلت أسمع الحلقة من باب اني بحب اسمع لأستادي وصديقي أ. وليد صالح وم عمري أسمعت لمرام مع أني ضايفها عندي ولكن ولا مرة شفت مرام بمقابلة وشفت كيف بتوصل المعلومة وطلعت رهيبة بالكتابة وبالالقاء والله وبديش اطول عليكم بدي أقلكم أنه طلعت من هالبودكاست وأنا بفكر: كم فرصة ضاعت لأننا استنينا الوقت المناسب؟ كم مرة كان عنا كلام لازم ينحكى وسكتنا؟ وكم شخص ممكن يغير مساره كله لو آمن بنفسه شوي زيادة؟ و في جزء من الحلقة موجه إلنا كشباب. إلنا اللي بنجرب، وبنغلط، وبنبدأ من الصفر كل مرة. إلنا اللي بنفكر كثير قبل ما ناخد خطوة. وإلنا اللي مرات بنشك بحالنا رغم كل اللي تعلمناه وعملناه. الحلو بالحلقة إنه ما كان عن النجاح من برج ايفيل تبع باريس العالي. كان عن الحياة زي ما هي. عن الخوف. عن القرارات. عن العلاقات. وعن اللحظات اللي ممكن تغير كل شيء وإنت مش منتبه. وأنا بسمع تذكرت شغلة بآمن فيها جدًا: مش لازم تكون جاهز 100٪ عشان تبدأ. لأن أغلب الناس اللي سبقونا ما كانوا جاهزين أصلًا بس كانوا أشجع منا بخطوة. إذا عندك ساعة فاضية، اسمع الحلقة. ااه ااه وانسيت أحكيلكم مرام حكت عن اللينكدأن بشكل فخم هاد بدوا بوست لحاله فطلعت من الحلقة مليان أفكار والله ياريت تسمعوها الحلقة على الأقل تسمع سؤال كنت مأجل جوابه من زمان. ويلا سلامات بس حبيت أحكيلكم أنه أحيانًا فكرة وحدة تسمعها في الوقت الصح بتختصر عليك شهورمن التجربة👋🌹🤲 وأنا هحطلكم رابط الحلقة للي م حضرها 👇 https://lnkd.in/dJAQhwXs __ انا طارق الديراوي أساعد الافراد والمهنيين العرب على بناء وتطوير حضورهم الرقمي على اللينكدأن

الفرصة ما بتعرف إنه اليوم جمعة وبمجرد ما يفكروا هيك، بصير عندك أفضل وقت تكون موجود. يوم الجمعة ممكن يكون من أكتر الأيام اللي بتعطيك فرصة إنك تشوف أشياء ما انتبهتلها طول الأسبوع: • فرصة عمل جديدة نزلت وانت ما كنت داري عنها. • رسالة من شخص مهتم بخدماتك أو حابب يتواصل معك. • منشور فيه فكرة أو معلومة ممكن تغيّر طريقة شغلك. • شخص جديد يستحق المتابعة والتعلم منه. • تعليقات ونقاشات أهدى من باقي الأيام وأسهل تدخل فيها. • وقت مناسب ترتب أفكارك ومحتواك للأسبوع الجاي. • فرصة تراجع حسابك، ملفك الشخصي، أو حتى أهدافك المهنية. والأهم من هيك إذا الكل قرر يغيب يوم الجمعة، ليش تكون واحد منهم؟ مش ضروري تقعد ساعات بكفي منك 10 أو 15 دقيقة ممكن تفتحلك باب ما كنت متوقعه. ويلا سلامات بس حبيت أحكيلكم أنه في ناس بتبني علاقات، وناس عم تجهز لفرص، وناس عم تسبق أسبوع كامل بخطوة👋💯🌹😉 __ أنا طارق الديراوي أساعد الأفراد والمهنيين على بنا وتطوير حضورهم الرقمي على اللينكدأن

الساعة 7 الصبح ... وملايين الناس صاحيين عشان مباراة. ⚽🇯🇴 مباراة واحدة ممكن تخلي ملايين الناس تصحى بدري، تترك شغلها، وتتابع 90 دقيقة بشغف. ليش؟ لأنهم مؤمنين إنه الحلم بستاهل. ومن هان خطر ببالي سؤال: إذا منتخب كامل قدر يوصل للعالمية بعد سنين من التخطيط والتعب والانضباط... ليش كثير ناس لسه بتتعامل مع مستقبلها المهني بعشوائية؟ كأس العالم 2030 ما ببدأ يوم افتتاح البطولة. ببدأ من اليوم. من كل خطوة صغيرة بتعملها. من كل مهارة بتتعلمها. من كل علاقة مهنية بتبنيها. ومن كل فرصة بتجهز حالك إلها قبل ما توصل. ونفس الأشي على LinkedIn. الفرص الكبيرة ما بتيجي فجأة. بتيجي بعد شهور وسنين من بناء حضور مهني حقيقي يخلي الناس تعرفك، تثق فيك، وتتذكرك لما تظهر الفرصة المناسبة. اليوم كل التوفيق للنشامى وأن شاء الله بتبيضوا وجه جيرانكم الفلسطنية 🇵🇸🇯🇴❤️ خلينا نتذكر انه الناس رح تشوف نتيجة المباراة اليوم... بس ما حدا شاف آلاف الساعات اللي أوصلتهم لهان. ويلا سلامات بس حبيت أحكيلكم أنه هذا بالضبط اللي بصير مع أي نجاح مهني. 👋🇯🇴🇵🇸🏆❤️

شكلي هرجع أكتب بطريقتي العفوية. ليش؟ كيف كنت تكتب يا طارق؟ بدي أحكيلكم سر... تحكوش لحد😂 بالفترة الأخيرة صرت أفكر كثير قبل ما أنشر. أراجع البوست مرة... ومرتين ... وعشرة وأعدل عليه وهوا منشور. وأشوف إذا الجملة مناسبة، وإذا الصياغة احترافية على الأكيد، وإذا الفكرة مرتبة أكثر من اللازم. وبالأخير أكتشف إني ضيعت أجمل إشي بالمحتوى ... إني أكون أنا. لأنه من أول يوم بلشت أكتب فيه على لينكدإن، ما كان عندي وصفة سحرية، ولا كنت بعرف كل قواعد صناعة المحتوى. كنت بس أفتح اللابتوب، أكتب اللي ببالي، وأنشر. ومع هيك وصلت أفكار لكثير ناس، وتعرفت على ناس محترمين، وانفتحت فرص ما كنت متوقعها. فيمكن السر مش إنك تكتب بطريقة مثالية. يمكن السر إنك تكتب بطريقة تشبهك. عشان هيك إذا شفتوني الفترة الجاية أخف شوي، عفوي أكثر، وأقل رسمية... اعرفوا إني رجعت للإصدار الأصلي 😅 النسخة اللي بتحب تحكي مع الناس بطريقتهم ولقلبهم. والنسخة اللي لسا بتتعلم، وبتغلط، وبتجرب، وبتشارك اللي عندها بدون تكلف. ويلا سلامات بس حبيت أحكيلكم أنه خميسكم جميل وويكند سعيد إلكم جميعًا، وإن شاء الله يكون فيه راحة، وضحكة حلوة، وخبر حلو مستني كل واحد فيكم👋🤲❤️ __ أنا طارق الديراوي أساعد الأفراد والمهنيين العرب على بناء وتطوير حضورهم الرقمي على اللينكدأن

أحلى من 100 تقييم فافيكون هدا الحكي اللي بصورة اليوم وصلتني رسالة أثبتتلي إنه كل بوست إله أثر أكبر مما بنتخيل. صراحة، لما بننشر محتوى غالبًا بنشوف الأرقام أول إشي: كم مشاهدة؟ كم لايك؟ كم تعليق؟ بس مرات النتائج الحقيقية ما بتكون ظاهرة قدامنا. اليوم شخص ما بعرفه بس ولا مرة حكينا بشكل خاص تواصل معي بعد ما تابع المحتواي، وحكينا عن اللينكدأن، المحتوى، وتبادل الخبرات. وقتها استوعبت إنه المحتوى مش مجرد منشورات بتنزل وبتختفي. وليوم بدي أعد ألكم فوائد المحتوى 1. المحتوى ممكن يفتح باب تعارف. 2. ممكن يبني علاقات مهنية. 3. ممكن يخلي شخص يثق فيك قبل حتى ما يحكي معك. 4. وممكن يخليك توصل لأشخاص ما كنت تتوقع يوم من الأيام إنكم تتواصلوا. ولسا هدا اقل الفوائد عشان هيك دائمًا بحاول أذكر حالي قبل غيري: لا تستهين بأي بوست بتنشره. يمكن البوست اللي انت شايفه عادي هو نفسه اللي خلى شخص يزور بروفايلك. أو يتواصل معك. أو حتى يتعلم منك إشي يفيده. ويلا سلامات، بس حبيت أحكيلكم إنه أحيانًا أكبر أثر للمحتوى ما بيكون بالأرقام؛ بيكون بالأشخاص اللي بيوصلهم. 👋🤔❤️ __ أنا طارق الديراوي أساعد الأفراد العرب والمهنيين على بناء وتطوير حضورهم الرقمي على اللينكدأن