Mohamad Yousif Ybroudi's Recent LinkedIn Posts

اجتماع رمضاني مع فريق ديوان قبل العيد الفكرة بسيطة في ظاهرها لكنها قد تصبح شيئاً مهماً إذا بنيت بالشكل الصحيح. نحن نفكر في مساحة مختلفة قليلاً مساحة تجمع أشخاصاً مهتمين فعلاً بالنقاش حول العمل، والتجربة، وبناء المسار المهني. ما زلنا في مرحلة البناء لكن الجميل أن هذه الفكرة لا تبنى بشكل فردي بل مع فريق يؤمن بها. الطريق ما زال في بدايته. لكن البداية جيدة. ديوان … قريباً. شكراً لكم: Abd Al Rahman Tabbaa sohel Alshalabe Salim AlBitar Abdul Razzaq Jaafar Baraa Dandashli Maram Alkrdy Omar Rahmoun Aws Youssef والباقي غياب -_-

خلال الفترة الماضية كنت فكرت كثيراً في طبيعة المجتمع الموجود على لينكدإن في سوريا. لدينا أشخاص مميزون. وخبرات حقيقية في مجالات مختلفة. لكن في المقابل ليس كل ما ينشر يعكس هذا المستوى. وليس كل نقاش يأخذنا إلى المكان الذي نريد أن نصل إليه مهنياً. مع الوقت بدأت أشعر أننا نحتاج مساحة مختلفة مساحة تجمع أشخاص لديهم نفس طريقة التفكير ويحبون أن يتكلموا عن العمل، والتجربة، وبناء المسار المهني بجدية أكبر. والأجمل أن هذه الفكرة ليست عملاً فردياً. هناك فريق يعمل بهدوء منذ فترة. لا أريد أن أتكلم كثير الآن لكن أستطيع أن أقول أن ما يتم التحضير له اسمه: ديوان. شكراً لفريق ديوان: Abd Al Rahman Tabbaa sohel Alshalabe Muhammad Hanana Salim AlBitar Abdul Razzaq Jaafar MHD Tarek Mahjoub Maram Alkrdy Aws Youssef Baraa Dandashli Omar Rahmoun Amr Alsayed Allaham والتفاصيل … قريباً.

ايمت اشتراكك ب لينكدإن بريميوم ممكن يضرك؟

بعد البوست السابق كانت نتيجة التصويت الأكتر على فكرة كتابة المحتوى على لينكدإن. لهيك جهزوا حالكم من هلا يوم الأربعاء الساعة 10 مساء بتوقيت سوريا. كل يلي عليكم هو: ورقة + قلم + فنجان قهوة. بشوفكم على خير.

هل جربت مرة إنك تصدم الشخص و تعطي بدل ما تطلب منه! الجملة يلي سمعتها أكثر من مرة مع الأستاذ Khaled Elahmad. خلال فترة وجودي بالشام مع الأستاذ خالد تعلمت منه دروس كتيرة ومنها: العطاء. جرب مرة أن تعطي شخص بدل أن تطلب منه. سوف تتفاجأ ب ردة فعله و تعامله تجاهك. أنت هنا عكست السيناريو كاملاً. لأن الناس على لينكدإن تعودت عندما ترى مسج من شخص أنه يريد شيء. وقام بطرح مثال عن كيف أن أحد شركات التدقيق اللغوي قامت بتقديم خدمة تدقيق لغوي للمنصة بشكل مجاني بدون مقابل ومنذ ذلك الوقت أصبح يشير إليهم لكل شخص يطلب خدمة التدقيق اللغوي حتى وإن لم يقدم لك الطرف الآخر شيء في الوقت الحالي. إلا أنه سوف يبقى اسمك في ذاكرته مرتبط بالخدمة التي قدمتها له. أعلم أنكم شاهدتم الكثير من الصور و التاغات خلال الأيام الماضية. لكن اسمحوا لي في الختام بأن أشكر الأستاذ خالد على تشريفه للشام. أنا عن نفسي كنت متحمس جداً لهذا اللقاء وما زلت متحمس للقاءات أكثر. حللتم أهلا  .. ونزلتم سهلا.

مرة قرأت بوست ل Nadine Klayme ✨ وضل معلق ببالي الفكرة ببساطة من البوست كانت: أنه لما الشخص يكون مأسس براند صح باسمه ف حتى لو اجت فترة و غاب فيها عن النشر أو التفاعل ف ما رح تأثر عليه لأني اضطريت غيب فترة 10 أيام عن لينكدإن و النشر عليه ولكن هاد الموضوع ما كان اله تأثير كتير كبير متل ما كنت متخيل وتأكيداً للبوست يلي كان ل نادين وصلتني مسج تاني أيام العيد لحتى شارك ب ماستر كلاس وكون مع أشخاص بحترمهم كتير وبعتبرهم قدوة كمان متل الآنسة آلاء المصري و الأستاذة أسماء الخالدي لهيك أفضل استثمار فيك تعمله أنك تبدأ ببناء اسمك وسمعتك بطريقة صحيحة وإنك تاخد وقتك ما تستعجل لأن هاد الشي ما بصير بين يوم و ليلة حتى لو غبت فترة عادي .. ولكن لازم ترجع بعدين وهلا خبروني .. كيف كان العيد معكم؟

جرب إنك تصدم الشخص وتعطي بدل ما تطلب منه!! هي كانت جملة الأستاذ Khaled Elahmad يلي علقت براسي ومستحيل انساها. فئة كبيرة من الناس متعودة لما توصلها مسج من أشخاص ما كتير بتعرفهم أنو يكون ورا هي المسج: - طلب. - سؤال. - مساعدة. (مع العلم مو غلط أو عيب الواحد يطلب .. بس الأصح يكون ذكي). لما الشخص يشوف هيك مسج 90% ما يرد عليك (وصار معي سابقاً وقت كنت بمرحلة بحث عن عمل). بدل ما تبعت رسالة و تقول: [مرحبا، أنا بحاجة ....... ] [مرحبا، هي سيرتي الذاتية ....] جرب إنك تصدم الشخص و تقدمله شي مثلا في حال كنت مصمم: جرب تقدمله تصميم للبانر أو لأحد منشوراته القديمة. في حال كنت مدقق لغوي: جرب تقدمله تدقيق للغة لآخر 3 منشورات عنده. هون الشخص رح يتفاجأ .. لأن أجا شخص غريب و قدمله شيء بدون مقابل بس يلي استفدت منه أنت هون: 1- أن الشخص ما رح ينساك. 2- ممكن تفتح فرص تعاون معه. 3- ممكن يرشح اسمك لأشخاص تانيين. واتذكر أنه كل ما تعطي أكتر .. رح تلاقي عوض أكبر خبروني هل طبقتو هي الطريقة من قبل مع حدا؟ وشو كانت النتيجة؟

هناك امرأة كان لها الأثر الأكبر في مسيرتي المهنية أمي. ليست فقط لأنها دعمتني، بل لأنها غرست في من البداية شيئاً بقي يرافقني في كل خطوة: الإيمان بالنفس. أمي لم تكن مجرد سند عاطفي في حياتي بل كانت مصدر حقيقي للقوة، تمنحني الثقة عندما أتردد، وتذكرني بقيمتي عندما أنشغل بالشكوك، وتدفعني للأمام حتى في المراحل التي لم أكن أرى فيها الصورة كاملة. في كثير من الأحيان الأثر المهني لا يأتي فقط من خبرة مباشرة أو نصيحة عملية بل يأتي من شخص: يربّيك على الصبر وعلى الالتزام، وعلى أن تؤمن أن لك مكانًا تستحق أن تصل إليه. في يوم المرأة العالمي أشعر بامتنان كبير لكل امرأة تركت بصمة في حياتي لكن الامتنان الأكبر اليوم هو لأمي لأن أثرها لم يكن في لحظة واحدة، بل في طريقة تفكيري وفي ثقتي بنفسي وفي كل خطوة مشيتها حتى اليوم. شكراً لكل أم ولكل امرأة كانت سبب في بناء شخص أقوى، وأوعى، وأكثر إيماناً بنفسه. من هي المرأة التي كان لها الأثر الأكبر في مسيرتك المهنية؟ #IWD26

تغييرات ب خوازمية لينكدإن لاحظتها خلال الأشهر التلاتة (التغيير التالت يمكن تختلفو معي في) أول تغيير: المحتوى النصي ب كلمات كتيرة يعني فوق 1000 حرف رجع يجيب وصول عالي خاصة لما يكون المحتوى عم يتم سرده بطريقة ممتازة تاني تغيير: المحتوى لما يكون نص + صورة عم يجيب تفاعل عالي وأحياناً أفضل من الكاروسيل تالت تغيير: الفيديو ما لقيت انه صار علي انخفاض بالوصول .. يمكن لاحظتو بالفترة الأخيرة أني عم نزل فيديوهات أكتر. بس مع الأخذ بعين الاعتبار يكون المحتوى يلي بالفيديو قيم. الأمر الرابع (ما سميته تغيير): لسا الكاروسيل محافظ على جودة الوصول و الانتشار تبعه. وانتو خبروني شو تغير عليكم؟

لا تكرر غلطي مع بداية استخدامي ل لينكدإن عام 2022

ما حدا رح يهتم بتعليقك على لينكدإن إذا كان هيك!

هل جدولة منشورك على لينكدإن رح تقلل من الوصول؟

كل بداية قوية تحتاج طاولة واحدة تجمع الرؤية. من أول اجتماع لفريق ديوان على أرض الواقع، كانت الفكرة واضحة: نبدأ بخطة، نحدد الأولويات، ونرسم الطريق الذي سنمشي فيه معا. هذا اللقاء حمل قيمة كبيرة بالنسبة لنا لأنه جمع الفريق حول خطوة أساسية جدا في أي مشروع يريد أن يكبر بشكل صحيح: - وضوح الاتجاه منذ اليوم الأول. في السوق السوري أي فريق يملك رؤية مشتركة وأدوار واضحة وخطة بداية عملية يملك فرصة حقيقية ليصنع أثر محترم ويترك بصمة تستحق المتابعة. في ديوان كانت هذه الجلسة بداية ترتيب الأفكار وتوحيد الجهود ووضع الأساس الذي سيبنى عليه القادم. البداية كانت لقاء والقادم بإذن الله سيكون عملًا يُعبّر عن قيمة هذا الفريق. شو أول شيء بتحب تعرفه عن ديوان؟ شكراً لكم Abd Al Rahman Tabbaa Muhammad Hanana sohel Alshalabe Abdul Razzaq Jaafar Aws Youssef Maram Alkrdy Baraa Dandashli Salim AlBitar ك العادة الغايبين مالهم منشن -_-

أتشرف بلقائكم غدا في Damascus International Book Fair | معرض دمشق الدولي للكتاب

رمضان شهر الخير والبركة و العبادة و العمل تم اليوم اجتماع أولي مع المهندس Abd Al Rahman Tabbaa و الدكتور sohel Alshalabe للعمل على تجهيز عيدية تليق ب سوريا انشالله بعد رمضان مستخدمين لينكدإن في سوريا انتظرونا 🤩 كل عام و أنتم بخير ♥️

هل سألت نفسك قبل بمرة شو هي طبيعة المعارف على لينكدإن؟ كتير منشوف بجانب الأسماء رموز متل: 1st / 2nd / 3rd بس يا ترى شو معناهم؟

قبل إنهاء التعاقد مع أي فريق تطوير السؤال الحقيقي ليس: هل التطبيق يعمل؟ السؤال الأهم: هل المشروع قابل للاستلام والتسليم لفريق جديد بدون خسائر أو فوضى؟ لذلك ابحث عن QA / Technical Review Specialist شخص لديه خبرة عملية في مراجعة وتسليم المشاريع البرمجية ويستطيع التأكد من أن كل ما سيتم استلامه من الفريق الحالي مكتمل، واضح، وقابل للتسليم لفريق جديد لاحقا بدون مشاكل أو نواقص. المطلوب بشكل أساسي: 1/ مراجعة جودة التسليم الفني للمشروع. 2/ التحقق من اكتمال الملفات والمستندات الفنية. 3/ مراجعة ما تم تنفيذه مقابل المطلوب. 4/ تحديد أي نواقص / مخاطر / عناصر غير واضحة قبل الاستلام النهائي. 5/ إعداد تقرير واضح بالتوصيات ونقاط الاستلام. طبيعة التعاون: - مهمة مؤقتة (One-Time Task). - العمل عن بعد أو يكون الشخص متواجد في سوريا. - يفضل شخص لديه خبرة سابقة في Software Handover / Technical Audit / QA Review. إذا كنت مناسب أو تعرف شخص مناسب، يرجى إرسال: 1- نبذة مختصرة عن الخبرة. 2- مشاريع مشابهة. 3- السيرة الذاتية. 📩 التواصل عبر: yousef@drahmadskin.com

اذا كنت لسا عم تنشر على لينكدإن متل طريقة 2024 ف أنت متأخر سنتين!!

الهيدلاين على لينكدإن في حكمين اله

كيف تكتب على لينكدإن بدون أن يبدو الأمر تسويقاً؟ لينكدإن مع يوسف يبرودي #32

كل مرة بتفتح لينكدإن و بتسأل حالك شو لازم انشر؟ وكيف بدي صمم؟ ومن وين جيب أفكار؟ لهيك أنا جبتلك الحل 💡

كيف ممكن عدد الـconnections عندك يضرك؟ الموضوع أنو لينكدإن عم يطور طريقة فهمه للمحتوى والناس. في اسم عم ينذكر بالفترة الأخيرة: 360Brew وهاد نموذج ذكاء اصطناعي هدفه يقرر: مين لازم يشوف البوست وبأي وقت وبأي سياق. طيب وين الضرر اللي بيجي من زيادة الكونكشنز؟ من قبل كنا نقول: لينكدإن بيبلش بمجموعة صغيرة من معارفك، وإذا تفاعلوا منيح بيكمل نشر. هلأ صارت القصة أدق من هيك: المنصة ما عاد بدها تجرب حظها على ناس ممكن تهتم وممكن لا. صارت تحاول تختار ناس الأقرب لاهتمام الفكرة من البداية. وهون بتطلع 3 نقاط إذا فهمتن بتعرف ليش رقم connections أحياناً بيصير ضدك: 1) اللي بيشوفك بالبداية صار محسوب أكتر المحتوى الجيد ما عاد لازم يضل محبوس ضمن شبكتك. إذا كلامك واضح ومحدد ف لينكدإن قادر يوصله لناس مهتمة حتى لو ما بتعرفهم أصلاً. يعني: مو لازم تركز على كبر شبكتك ركز على وضوح رسالتك. 2) الفوضى بعلاقاتك بتعمل لك صورة ضبابية ليش دائماً بحكي: لا تقبل كل طلب إضافة؟ لأن كل إضافة وكل تفاعل وكل تعليق عم يعطي للمنصة إشارات عن: هذا الشخص تابع لأي اتجاه؟ إذا يومك كله تفاعل مع مواضيع بعيدة عن اللي تكتب فيه بتصير المنصة مو قادرة ترسم لك ملامح ثابتة. وبس تصير ملامحك مو واضحة وصولك بصير أقل دقة. يعني بكلمات أبسط: تخصصك صار بسلوكك اليومي على لينكدإن. 3) المنشور ما عاد يعيش ساعة وينتهي هلأ في احتمال أكبر إن المنشور يكمل شغل بعد يومين أو أربعة أو أسبوع إذا أول إشاراته كانت قوية من ناس مهمة بمجالك. يعني بدل ما يكون هدفك ترند سريع صارت اللعبة أقرب لثقة عم تتراكم وتوسع تدريجي. طيب كيف تشتغل صح من اليوم؟ ⤶ جرب تعمل نظام لمدة شهر: اكتب ضمن خط واحد واضح وتفاعل ضمن نفس الخط. ⤶ خفف قبول الإضافات العشوائية: مو تقليل ناس تنظيم اتجاه. ⤶ ركز على إشارات الجودة: تعليق مفهوم، مشاركة مع شخص مهتم، حفظ هي يلي ترفع قيمة انتشارك فعلياً. ⤶ الهاشتاغات؟ أنا من زمان مو مع فكرة الهاشتاغات بالبوست وما بتعطي هي القيمة لكبيرة. وبالنهاية لينكدإن عم يحكم عليك اليوم من تصرفاتك شو بتقرا، مين بتدعم، ومع مين بتبني حضورك كله جزء من صورتك. وهلا خبرني شو أكتر شي بتحسه عم يضيع اتجاه حسابك؟

في شغلة كتير ناس ما بدها تصدقها أحيانا لينكدإن ما عم يقيم منشورك عم يقيم تصرفاتك حوله. وإذا التصرفات غلط فالمحتوى لو كان خارق ما بينفع. خلال الفترة الماضية لاحظت نمط يتكرر: حسابات عندها محتوى جيد لكن الوصول عم ينخفض بشكل واضح. في سلوكيات معينة صارت تظهر كأنها إشارات سلبية للخوارزمية. من أبرزها: 1/ اكتب (كلمة) وببعتلك القالب اصطياد التفاعل صار واضح جدا. ⤶ طلبات تعليق مصطنعة. ⤶ منشنات إجبارية. ⤶ أسئلة مصممة فقط لرفع الأرقام. هالأنماط ممكن تعطي دفعة قصيرة لكنها على المدى المتوسط تضر الحساب. 2/ الدراما المصنوعة آراء حادة مكتوبة فقط لإثارة الجدل بدون قيمة فعلية. المشكلة مو بالرأي المشكلة لما يكون الهدف فقط تحريك التفاعل. 3/ حساب يتحول إلى لوحة إعلانات كل منشور: عرض، رابط، تسجيل، تحميل. مع الوقت الحساب ببين كأنه مساحة ترويج فقط وليس شخص يضيف قيمة. 4/ سلوك سبامي حول المنشور ⤶ تعليقات منسوخة. ⤶ رسائل خاصة جماعية. ⤶ طلبات اتصال عشوائية. المحتوى الجيد لا يستطيع إنقاذ سلوك سيئ. 5/ هوك يعد بشيء والمحتوى يقول شيء آخر عندما يكون العنوان مختلف تماماً عن القيمة داخل المنشور الثقة رح تقل تدريجياً. 6/ قوائم عامة بلا فائدة ومستهلكة جدا ⤶ 10 دروس تعلمتها… ⤶ 7 أشياء غيرت حياتي… نصائح عامة معاد تدويرها لم تعد تعيش طويلا. 7/ محتوى يبدو غير أصيل ⤶ هوية غير واضحة. ⤶ أسلوب يتغير كل منشور. ⤶ أو حساب لا يشبه الشخص خلفه. لينكدإن حساس جداً تجاه هذا النوع من السلوك. وسؤالي هو هل المشكلة فعلًا في الخوارزمية ولا بالطريقة يلي عم نستخدم فيها المنصة أصلا؟

عندك علم انه في قسم بحسابك يعتبر المكان المثالي للبيع؟

5 مصادر بتساعدك تتحول لآلة كتابة محتوى على لينكدإن

إذا كنت خريج جديد .. وعم تسأل شو فائدة لينكدإن الي؟ بهاد الفيديو رح خبرك الجواب

الموظف ما يطلب زيادة… يطلب أمان. خلّنا نقولها بهدوء: أغلب طلبات الزيادة هدفها مش رفاهية هدفها تقليل خوف. الخوف من ظرف طارئ. الخوف من التزام يكبر فجأة. الخوف من راتب يخلص بنص الشهر. ولهالسبب ممكن تشوف موظف ممتاز يطلب زيادة وهو ساكت بس اللي يقصده فعلياً: ودي أحس إني مسيطر … مش مطارد. المشكلة تبدأ من المؤسسة تفسر الطلب تفسير واحد: (مش مقتنع/وده أكثر/ما يقدر). يتحول الحوار إلى شد … بدال ما يصير فهم. لا تسألون بس (كم نزيد؟) السؤال الأهم: شو اللي ينقصه عشان يحس بالأمان؟ مرات الأمان يجي من حلول أبسط من الزيادة نفسها: 1\ وضوح مسار الترقيات والتقييم (مش مفاجآت). 2\ خيار دعم طارئ بضوابط تحفظ النظام. 3\ ورشات توعية مالية عملية. لأن الزيادة إذا راحت في مصاريف ثابتة يرجع نفس القلق بعد شهرين. أما الأمان؟ يبني تركيز، وهدوء، وأداء ثابت. 💭 في جهاتكم … اول ما طلب زيادة كيف تتعاملون معاه؟

ماذا ممكن أن تفعل 3 جلسات تدريبية؟ هذا جزء من رسالة وصلتني من إحدى المتدربات في جلسات التدريب الفردية 1:1. بعد أول بوست فقط على لينكدإن: 1- وصلتها فرصتان وظيفيتان 2- تم ترشيحها من قبل أحد الأشخاص لشركة عبر حسابها على المنصة وهي ما زالت في بداية النشر هذا بالضبط ما أؤمن به في التدريب الفردي أنه ليس مجرد شرح للينكدإن بل عمل مباشر على: - وضوح الهوية المهنية. - تحسين الحساب بشكل يخدم الهدف. - بناء طريقة حضور رقمي مناسبة للشخص. - فهم كيف يتحول المحتوى من مجرد نشر إلى فرص حقيقية. في الجلسات الفردية أعمل على الشخص ⤶ نفسه. ⤶ خبرته. ⤶ اتجاهه. ⤶ أهدافه. والصورة التي يجب أن يظهر بها على لينكدإن أحياناً 3 جلسات كافية لتغير طريقة ظهورك بالكامل وتجعلك تبدأ برؤية نتائج حقيقية أسرع مما تتوقع وهذا النوع من الرسائل يهمني جداً لأنه يثبت أن التدريب الصحيح يخلق أثر واضح يمكن ملاحظته من البداية إذا كان هدفك أن تبني حضوراً مهنياً أقوى على لينكدإن بشكل عملي ومخصص فهذا هو الوقت المناسب 📍 ملاحظة: أنا متاح حالياً لتدريب شخصين فقط ضمن الجلسات الفردية.

لماذا يحصل البعض على فرص أكثر رغم أن مشاهداتهم أقل؟ لينكدإن مع يوسف يبرودي #30

كيف ممكن احصل على عملاء من لينكدإن؟

التعليق الأفضل على لينكدإن: بشري أم بالذكاء الاصطناعي؟ لينكدإن مع يوسف يبرودي #34

مرحبا مرحبا ناوي اطلع لايف معكم على لينكدإن الأسبوع القادم لمدة ساعة لهيك حابب اخد رأيكم أي فكرة من هي الأفكار بتهمكم لحتى اتكلم عنها باللايف

ثلاث مؤشرات خفية على لينكدإن. لينكدإن مع يوسف يبرودي #31

4 تغييرات تخفف ضغط رمضان اليوم. بس أغلب الناس تضيع وقتها في نقاش طويل. في رمضان يتقسم الوقت بين الشغل والالتزامات العائلية والعبادات. والشي اللي بدوره يبطئ قراراتكم بشكل مش مباشر. جربوا هذي الأربع طرق: - تخفيف الاجتماعات. - جهزوا بيئة للشغل في رمضان. - قدموا المهام المتعبه من وقت. - رتبوا الإجازات. شو النتيجة؟ وقت أقل ضياع وتركيز أعلى. شو هو التعديل البسيط اللي سويتوه وفرق معاكم؟

متى يصير التثقيف المالي مزعج للموظف؟ مرات النية طيبة بس الموظف يسمع الرسالة ويحس إنها حكم عليه. وهنا تضعف الثقة حتى لو المحتوى صحيح. وهذي أمثلة على 3 لحظات تقتل الأثر: 1- من يصير فيه تلميح باللوم مش لازم تلوم الموظف. بس تقول له "كان لازم" أو "المفروض"... تسكر مساحة الحوار. 2- من يصير الكلام عام ادخر... لا تقسط... خطط. كلامك صحيح. بس الموظف يسأل: شو أسوي اليوم؟ 3- اول ما يجي بوقت غلط وقت الضغط... الناس ما تسمع تفاصيل. ودهم خيار واضح وخطوة بسيطة. شو اللي يصنع الفرق؟ بس سوّق السهولة... مش الوعظ. خطوة واحدة قابلة للتطبيق. ومسار واحد واضح وقت الحاجة. وبلغة تحفظ كرامة الموظف قبل أي شي. لهالسبب التثقيف اللي ينجح هو اللي يخلي الموظف يحس إن أحد فهم ظرفه.

كيف تخفف ديون موظفينك بـ 3 أسئلة فقط؟ مش كل دين يبدأ من قرار مالي مباشر. أحياناً يبدأ من قرار إداري … ما انحسب حسابه. لهالسبب، قبل أي قرار ممكن يرفع ديون موظفينك: خلّه يمر على 3 أسئلة واضحة: شو أسوأ ضغط مالي ممكن يسببه القرار؟ شو السلوك البديل اللي ودكم فيه بدال الاستثناء؟ متى تراجعون الأثر على أرض الواقع؟ الثلاث أسئلة هذي تخلي الوصول للمساعدة أسهل… قبل ما يصير الدين هو الخيار الوحيد. أي سؤال من الثلاثة… تتوقعون أنه يصنع الفرق الأكبر؟

تم تغيير موعد اللايف ليوم الأحد بسبب ظرف صحية اعتذر منكم عن اللايف اليوم.

اللي يشتت الموظف مش دائماً فلوسه بس اغلب التشتت ينتهي بقرارات مالية غلط. من الموظف يصير متقلب … صرفه يكون لحظي  لأن تركيزه متقطع ويبان على الأرض :  - قهوة وتوصيل أكثر .. لأن القرار السريع يفوز. - اشتراكات تتفعل وتطول… لأن المتابعة تتأخر.  - دفعات تتجمع أخر الشهر …لأن التخطيط يتأجل - شراء "مكافأة" بعد يوم ضغط… لأن المزاج اللي يتحكم وفي المؤسسات، هذا التشتت يزيد من الصورة المالية داخل العمل تصير ضبابية:  - متى تنزل الزيادات. - متى تنزل المكافآت. هذا الموظف يشتغل بعقله… ومحفظته تدفع. خلنا نجرب 3 خطوات مالية سريعة تخفف هالأثر بحدود شهر  1/ تقويم مالي داخلي واضح : رواتب ، زيادات، مكافآت. 2/ خيار ادخار تلقائي بسيط من الراتب + تذكير شهري خفيف  3/ قناة وحدة للاستفسارات المالية داخل المؤسسة: ردود قصيرة ، وقت استجابة محدد، وإجابات موحدة. اي طريقة ودكم اننا نشرح عنها اكثر المرات الجاية؟

خمس محطات يتغير فيها توازن الموظف المالي. في رحلة أي موظف فيه نقاط انتقال. تبان تدريجيا وتحتاج إعادة ترتيب. في أول 90 يوم الموظف يحاول يثبت نفسه. في هالمرحلة، القرار المالي يتأثر بالرغبة في الاستقرار السريع. أما وقت تغيير الموقع أو الدوام الروتين يتغير بعد والميزانية تزداد معه. ومع مسؤوليات الأسرة فالقرار صار جماعي. في مواسم الضغط العاطفة ترتفع وعمليات الشراء تصير أكثر. ووقت قرار التزام طويل هنا يبدأ التفكير في الحاضر أكثر من المستقبل. هالحظات يتغير فيها وضوح القرار. ومن يتغير القرار يتغير التركيز. ومن يتغير التركيز يتأثر الأداء. الجهة اللي تفهم هاللحظات تصمم دعم يناسب التوقيت. أي محطة تشوفونها محتاجة اهتمام أكثر؟

موعدنا بعد ساعة 🕰️

20 دقيقة ومنكون جاهزين ك العادة جهزوا: 📄 + 🖊️ + ☕

33% من الموظفين إنتاجيتهم تقل من يسيطر عليهم الخوف المالي. الرقم هنا مؤشر أداء. اول ما يتكرر الخوف المالي،يظهر في: التركيز، جودة القرار، والقدرة على التخطيط. لهالسبب استخدمنا في هذا الكاروسيل منهجية 5 Whys لأن الجهات اللي تبدأ بالتشخيص المنهجي تتجنب القرارات السريعة وتبني تدخلات أكثر استدامة. التشخيص الجيد يفتح طريق لتدخل أذكى وأقل تكلفة على المدى الطويل تعتمدون إطار منهجي واضح لمعرفة سبب خوف الموظف؟

وين يضيع وقت الشغل في رمضان؟ يبدأ الهدر من نتعامل مع اليوم في رمضان كأنه يوم عادي. بس طاقة الموظف في رمضان موزعة بشكل مختلف. التركيز يكون أعلى في ساعات معينة.  والقدرة على التحمل تقل في ساعات ثانية.  والقرارات الطويلة تستهلك مجهود ذهني أكبر من المعتاد. من نخلي جدول رمضان مثل الأيام العادية ونطلب نفس وتيرة الإنجاز طول اليوم يبدأ الإرهاق الذهني يبان على شكل: تأجيل أو تردد أو تكرار السؤال وهالشي يسبب استنزاف طاقة الموظف. الإدارة الذكية في رمضان لازم تعرف: متى تكون طاقة الفريق في أعلى مستوى خلال اليوم. وبعدين تعيد توزيع: المهام اللي تتطلب تركيز الصبح  الاجتماعات القصيرة في نص اليوم الأعمال الروتينية في آخر الدوام فرق بسيط في التوزيع يمنع ساعات من الهدر. رمضان يذكرنا إن البشر يشتغلون بطاقة مش بعدد ساعات. شو أكثر وقت تحسونه ذهبي في رمضان؟