EXEED AI

Abdulfattah Darabseh's Recent LinkedIn Posts

Abdulfattah Darabseh

Abdulfattah Darabseh

@abdulfattah-darabseh-8824476a

Commercial Excellence Director at Axantia, Trainer and SFE Master - Helping people in their professional growth

ar36 postsLinkedIn

Posts

Abdulfattah Darabseh

HR & Work

2mo

أهم النقاط الي طلعنا فيها من نقاش أصدقاء تعرفنا عليهم هون على لينكدإن أولآ: نقطة دايمآ بحكيها و مؤمن فيها لما نتقابل أول مرة هي انه الناس على الحقيقة أجمل و أنقى من نسختهم على لينكدإن و هون سبقني بإنه حكى هاي الملاحظة Luay Daraghmeh ثانيآ: هناك دافع عند كل شخص دخل على عالم اللينكدإن .. لكن أصدقهم من أحب مشاركة خبراته و الإستفادة من خبرات الناس و هذا ما ينتهجه Abdulrahman Dirbashi ثالثآ: نمتلك خبرات مذهلة في وطننا الحبيب .. و مجرد النقاش مع أشخاص ناجحين يرفع نسبة الحماس و التحفيز كثيرآ و هذا ما تؤمن به Farah Oweis فرح عويس I SHRM-CP رابعآ: أفكارك تصبح نيرة و نقاشك عميق بعمق خبرة الشخص المقابل الك خامسآ: الدروس الي بتنحكى بهيك جلسات ١٠٠ كتاب Leadership ما بحكيها سعيد دائمآ بلقاء الأحبة و يلا قوموا تجهزوا لل week end
154

Abdulfattah Darabseh

HR & Work

2mo

إنهاء خدمات الموظف هل هو شيء إنساني أم لا ؟ يلا قوموا اشتغلوا
111

Abdulfattah Darabseh

HR & Work

2mo

المعمول بجاوب على كثير أسئلة صعبة في عالم الشركات رغم أنه نهاية أكل المعمول في العيد دايمآ حموضة و وزن زايد و يا ويلك اذا ما كنت دبلوماسي بين عماتك و خالاتك الا اننا المؤمنون الذين يُلدغون من هذا الجحر في كل عام و رح نضل ننلدغ كل سنة لانه المعمول زاكي ببساطة اذا بنجاوب السؤال تبع المعمول رح نعرف نجاوب ليش بنوكل كنافة و بروستد رغم أنه بنعاني و احنا بننزل وزن و رح نعرف ليش بنسهر رغم أنه السهر مضر بخلايا الدماغ و غيره الكثير بس انا بحكيلكم .. الموضوع مخطط صهيوني خلص هيك اسهل حل .. نحطها فيهم تذكير .. ترا بكرة يصادف بعد العيد أجاك بعد العيد يا تارك الشغل 😂 يلا قوموا خلصوا كعك العيد
120

Abdulfattah Darabseh

HR & Work

3mo

انا بالمرحلة قبل الأخيرة .. إنتوا ؟ رح نخاف .. و رح نخطأ .. و رح نهرب و رح ننعزل.. و رح نطلب من ربنا يترفع عن خطايانا و نخلص الدعاء و بعدها رح نواجه الدنيا بقوة و رح نتولى قيادة حياتنا و أخيرآ نصير نتصرف بحكمة اذا هيك حياتك فهي شبيهة بمراحل حياة سيدنا موسى عليه السلام الذي تم ذكره ١٣٦ مرة في القرآن إذا نبي الله و عاش هاي المراحل !! و رحلته هي أكبر تذكير بأن الطريق الى الحكمة لا يمر بالكمال بل بالتجربة حُلوها و مُرّها يلا قوموا شقوا طريقكم الى الحكمة
144

Abdulfattah Darabseh

HR & Work

3mo

إذا بدك تثبت وجهة نظرك لازم تعمل زي الدكتور دونالد أنجر والدته كانت دائمآ توبخه و مرات تضربه عشان بضل يطقطق أصابعه راح عمل تجربة بأنه ضل يطقطق أصابع يده اليسرى لصار عمره ٦٠ سنة و بعدها بعث رسالة لوالدته أنه بعد هذه السنين يدي تعمل بشكل ممتاز و لم أُصب بإلتهاب المفاصل و تم منحه Ig Nobel prize للأبحاث الغريبة فلما بدكم تثبتوا وجهة نظركم الشغلة بدها إلتزام و إصرار يلا قوموا جيبوا قطايف
84

Abdulfattah Darabseh

HR & Work

3mo

كان يصير مشاكل و طوش كثير بالحارة و بالمدرسة في الثمانينيات و كان في نوعية من الاولاد الي بدخلوا الطوشة بشرحوا شرح مطول بعد الطوشة شو عملوا و كيف ضربوا الولد الثاني و بشّعوا فيه هذا النوع بالزبط هو أكثر واحد كان يوكل قتل و ضرب و بحاول يواسي نفسه لما أمريكا و إيران يصيروا يطلعوا تصريحات شو ضربوا و شو عملوا على الأغلب بكونوا أكلوا قتل كثير هذا بحكيلك قتلنا منهم مش عارف كم و هذا بحكي فجرنا كم مبنى يا رب يعود السلام للمنطقة و نخلص من هاي الحرب البشعة ما حدا يسألني كيف طالع قطف عنب بالصورة لأني جد ما بعرف و هاي وردة سلام و ليس إستسلام يلا قوموا اشتغلوا و يا رب تضلوا آمنين
103

Abdulfattah Darabseh

HR & Work

3mo

حقائق عن بوست مبارح مع الصورة المزعجة بعد تعديلها بالذكاء الاصطناعي - البوست حقق قريب ال ١٠٠ الف impression بأقل من ٢٤ ساعة - التعليق الي بالصورة بثبت انه أصحاب الندوب مرات بكون معهم حق بإحساسهم بالدونية و عدم الاستحقاق - الشكل مرات بأثر على تعاطينا و تواصلنا مع الأشخاص بإنه نحكم عليهم (حتى الشفقة عليهم هي حُكم لأنهم يحتاجون الدعم و ليس الشفقة) - تواصل معي كثيرين للاطمئنان إعتقادآ منهم بأن الندبة حقيقية - انا ما عندي هذه الندبة الا ان التعليق الي بالصورة والله قد آذاني نفسيآ - الظلم دائمآ يقع من البشر .. مش من الأيام ولا الظروف أخيرآ و ليس آخرآ .. كونوا رحماء مع أصحاب الندوب الخارجية و الداخلية يلا قوموا جيبوا قطايف
98

Abdulfattah Darabseh

HR & Work

3mo

أجمل ما في العيد للأطفال هو العيديات الي بجمعوها بعرق جبينهم نتيجة أدبهم و أخلاقهم مع اقاربهم طول فترة السنة بيجوا الأهالي بالسيمفونية القديمة الحديثة و بنبرة الصوت العميقة الواثقة "هاتوا نخبيهم الكم" و كأنه هناك لص يتربص بهذه العيديات و انني غير أمين على قراراتي و هنا أستحضر قصة الخراف التي تخاف من الذئب بينما مربيها هو من يذبحها 😂 و هيك الأهل قاموا بالواجب اكمل قيام .. لبسوك اواعي جديدة و انبسطت انت بالعيد و حسيت انك غني .. و ابوك رجعتله مصاريه يعني عملية غسيل اموال و مشاعر يشوبها الكثير من الدراما الغير أخلاقية و هذا بالزبط الي عمله فينا الضمان الاجتماعي هلكوا الموظفين طول السنوات يحافظوا على اخلاقيات العمل عشان يوخذوا عيديات آخر الشهر بس الضمان الي بده يخبي المصاري عشان نشتري فيهم اشياء مفيدة بعدين عمل زي مربي الأغنام .. ضل يخوف الناس من ضياع تعبهم بعدين قرر انه هو يوخذ تعبهم .. بالإكراه طبعآ و ما زالت الخراف تطرب على لحن السيمفونية القديمة البوست بإلهام من تعليق Shireen Halloush M.S. يلا قوموا اعترضوا و علوا الصوت
106

Abdulfattah Darabseh

HR & Work

3mo

أجمل ما قيل في وصف الأناني يحمل الدكتوراة في معرفة حقوقه لكنه أُّمي و جاهل في معرفة حقوق غيره موجودين بكل مكان .. بالشغل .. بالعلاقات شخصية حتى وقت اللعب و المتعة تجدهم هناك لسرقة النصر المزعوم يتكاثرون .. لكن يجب ان تحاربوا تكاثرهم و قناعاتهم بحزم أحيانآ بالتجاهل و أحيانآ بالمواجهة اختاروا الأنسب للموقف يلا قوموا اشتغلوا
118

Abdulfattah Darabseh

HR & Work

3mo

أسهل طريقة لتصنعوا محتوى على لينكدإن بتدخل على بروفايل شخص .. بتختار بوست عاجبك من عنده بتوخذ محتوى البوست مع الصورة بتحكي ل chatgpt شيل صلعة البني آدم من الصورة و حطني محله و برضه شيل صلعة ال trophy الي بالخلفية و حطني محلها ترجم الكلام للإنجليزي عشان تبين فهلوي و خريج harvard و بس يا صاحبي اكبس كبسة ال post انا والله ما بزعل من هيك حركات .. بس زعلان من شغلتين الاولى .. كيف ترجم ال "قوموا جيبوا قطايف" 🤦‍♂️ الثانية إنه أخذ بلوزتي هاي الي بحبها لانها هدية 😂 يلا قوموا come on و رجعولي البلوزة
947

Abdulfattah Darabseh

HR & Work

3mo

العيد بنكهة Astrolabe Coffee اول مرة رحت على فرع خلدا إنصدمت لأنه مستحيل تتوقع انه هذا المحل هو منتج محلي بكل مقوماته التصميم الي بيعكس رسالتهم و اهتمامهم بالقراءة و الثقافة هو أكثر ما يميزهم أذكر انه المؤسس معاذ الفاعوري في إحدى الفعاليات حكى انهم يكافئون الموظفين عند الانتهاء من قراءة كل كتاب برضه تشجعيهم و دعمهم لسيدات يستحقون لقب strong women جعلوا من جهدهن قيمة تُحترم هناك الكثير يُحكى عن اسطرلاب .. روحوا و عيشوا التجربة بنفسكم و اول فنجان قهوة بالعيد رح يكون من قهوتهم ان شاء الله كل عام و أنتم بألف خير و تقبل الله طاعتكم يلا قوموا عيّدوا
199

Abdulfattah Darabseh

HR & Work

2mo

أكبر مآخذ السوشيال ميديا و اللينكدإن مؤخرآ!! وصف أمبرتو إيكو في غزو البلهاء أنه كل الحمقى الي كانوا يحكوا فقط و هم تحت تأثير الكحول في البارات و النوادي الليلية و كان يتم إسكاتهم مباشرة الآن بقدروا يحكوا من وراء الشاشات .. و ما بتقدروا تسكتوهم ١٠ آلاف معجب عربي في حفل توقيع كتاب مغني راب مغني راب يؤلف كتاب!! و عادي لو لقيت اسم الرواية " الراب في زمن الأحباب .. انا ما دقيت الباب بس انت كذاب" العنوان هذا بيجي مع beat طبعآ بينما قالت لجنة تحكيم الجائزة العالمية للرواية العربية عام ٢٠١٥ ان معظم الروايات التي تقدمت للجائزة لا يرقى لمستوى الترشيح .. بل لا يستحق النشر وصل الحد بالناقد العراقي الشهير نجم عبدالله كاظم بقوله لزملائه "لو كان الأمر بيدي لطالبت بمعاقبتهم" القصة انتقلت للينكدإن بنشوف بوستات فارغة من المعنى و ما فيها أي فكرة بعضهم بحط صورة شخصية ملفتة مع جملة ١+١=٢ او صورة مليئة بالنظرات مع جملة "اذا بتتعب على نفسك رح تتطور" انا هون بنخض و بتفاجأ من قسوة المعلومة و زخم الأفكار و رح تلاقي ناس عاملة like و comment المشكلة هون مش انه البُلهاء صار عندهم منصة المشكلة انه صار عندهم جمهور يلا قوموا تجهزوا لل weekend 😍
151

Abdulfattah Darabseh

HR & Work

2mo

أنواع الناس الي بشاركوا خبرتهم على لينكدإن مع touch يوم الجمعة واحد بكون شايف و عارف و لافف .. بس خايف .. انه يشارك المعلومة او الخبرة كاملةً .. فهذا متردد فشجعوووه و واحد زاهد و عابد و حامد و مرات بكون خالد (زي خالد الأحمد) او ماجد (زي ماجد إدلبي) و بحب يفيد الناس كلها .. فهذا محترم فقَدِروووه و واحد ابن مبارح و مش فالح و لثوب التواضع هو شالح .. فهذا فعفوط .. فأَسكتوووه و الأخير تعبان .. بسرقة خبرات الناس فنان .. عامل فيها الحكيم لقمان .. بقضيها يحكي "حدثني فلان و حدثني فلان" .. فهذا ثعبان .. فًبَلِكوووه اقول قولي هذا و استغفر الله لي و لكم يلا قوموا جيبوا مشاوي
227

Abdulfattah Darabseh

HR & Work

3mo

النهاية السوداء لعدم الشعور بالأمان الوظيفي
86

Abdulfattah Darabseh

HR & Work

2mo

حكمة يابانية بتحكي .. انت اكبر سبب لخذلانك بتحكي الحكمة و بتركز على مراقبة أفكارك من البداية لأنها رح تصير كلماتك و راقب كلماتك لانها رح تصير أفعالك راقب أفعالك لانها رح تصير عاداتك راقب عاداتك لانها رح تصير شخصيتك راقب شخصيتك لأنها رح تبني مستقبلك مثال: عندك قناعة براسك انه الدنيا سودا .. رح تصير تعبر عن سوداوية الحياة ، بعديها رح تقعد تنشر عن هاي السوداوية و أفعالك تعكس انك شخص سوداوي بعديها رح تصير متعود انك ما تشوف الا السوداوية.. حتى لو اجى خبر منيح رح تصير تحكي لا في بعديه مصيبة أكيد و بالتالي شخصيتك هاي رح ترسم مستقبلك انتوا متخيلين الأشخاص السلبيين، المكتئبين او حتى الفاشلين كم مرحلة قطعوا لوصلوا لهون اذا قادرين تساعدوا حدا من حولكم بعده بالمرحلة الثانية او الثالثة او حتى الرابعة و الخامسة لا تقصروا و حاولوا تغيير الناس الي بتحبوهم لنسخة أفضل من أنفسهم هاي اللوحة الفنية من رسمي عشان تشوفوا انه الحياة حلوة و الشمس ساطعة يلا قوموا كلوا كعك العيد
145

Abdulfattah Darabseh

HR & Work

2mo

سؤال استراتيجي جدآ هسا كيف بدنا نميز الكذابين الي حوالينا اليوم ؟ يعني و هو بحكي نحط ببالنا انه بكذب كذبة نيسان ولا كذبه تبع باقي السنة ؟🤔 يلا قوموا اشتغلوا بدون كذب
109

Abdulfattah Darabseh

HR & Work

3mo

لأنه الدنيا مولعة و قصف بكل مكان خلينا نعمل قصف على الممارسات الخاطئة و الضعيفة الي بعالم الشركات مش أي كلام الي إنحكى ببودكاست إنسانيات مع المُحاور الرائع الحبيب Fawzi AL-Qasrawi الكلام كان صواريخ و ما اعتقد في منظومة دفاع بالعالم قادرة على ردع هذه الصواريخ توقعوا محور من المحاور الي رح تنعرض يوم الثلاثاء و الي بحزر صح رح أبعته حبتين قطايف يلا قوموا توقعوا
112

Abdulfattah Darabseh

HR & Work

3mo

ناس بتحكي الحق على الموظف و ناس بتحكي الحق على المدير اذا بدكم تعرفوا الحق على مين الحلقة نزلت على قناة اليوتيوب و على صفحة Ensaniyat | إنسانيّات و صفحة Fawzi AL-Qasrawi و الأسهل هاي الرابط بأول تعليق يلا قوموا احضروها و أعطونا رأيكم 🌹🌹
128

Abdulfattah Darabseh

HR & Work

3mo

هون كشفنا المستور في الأخطاء الإدارية وحكينا عن مواضيع خطيرة ⚠️ شاهد الفيديو التشويقي وتابعنا حتى تشوف الحلقة كاملة.. 👇🏼 غداً على قناة اليوتيوب مع Ensaniyat | إنسانيّات يلا قوموا إحضروها و اعملوا share 🌹🌹
211

Abdulfattah Darabseh

HR & Work

3mo

مرة موظف راح على شركته لابس بلوزة مكتوب عليها "أنا مش حاسس بالأمان الوظيفي" و طبعآ ناداه مديره و طبطب عليه و حكاله "له له له .. ليش هيك حاسس" و جابله صحن كنافة و تراضوا و طلعوا حبايب طبعآ كلنا بنعرف تكملة القصة .. انه رن ال alarm و صحي الموظف الي مش حاسس بالأمان الوظيفي و طلع على شغله هذا الموضوع كان من المواضيع الي تم طرحها بموضوعية مع فوزي ببودكاست إنسانيات يلا قوموا إطلبوا بالأمان الوظيفي
107

Abdulfattah Darabseh

HR & Work

3mo

أسهل و أسرع طريقة لإدارة الموظفين الإنتاجية و النفسية
93

Abdulfattah Darabseh

HR & Work

3mo

واحد من أصدق المدراء الي تعاملت معهم حكالي مرة هاي الجملة كنت الموظف الي بحب يعرف كل المعلومات و بيسأل من باب الفضول او من باب انه حابب يفهم الوضع و عشان مديري ما يدخل بدائرة الشك عندي حكالي هاي الجملة "أنا عندي معلومات ما بقدر to share it" احترمته و رحت الصدق و الصراحة مع الموظفين برسم الحدود الصحيحة و برسخ الاحترام اليوم رح تنزل الحلقة مع المبدع Fawzi AL-Qasrawi رح تشبعوا قصف 🫣 يلا قوموا اعملوا follow لصفحة Ensaniyat | إنسانيّات
134

Abdulfattah Darabseh

HR & Work

3mo

الي ما بعرف هاي التجربة أتحداك ما تنصدم!! في السبعينات قام عالم النفس روبرت كليك بعمل تجربة مثيرة جمع اشخاص و قسمهم الى مجموعات واحدة من المجموعات رسم ندبة كبيرة قبيحة بأحد جوانب الوجه (من الأذن للفم على طول الخد) و أعطى مرآة لكل منهم لكي يرى شكله بعد الندبة و بعدين طلب من كل المجموعات ان يختلطوا و يحكوا مع بعض جمعهم ليجعلهم يتحدثون عن تجربة اختلاطهم و حديثهم مع المجموعات المجموعة الي عندها الندبة بشكل ساحق أبلغت بأنها شعرت انها تحت الانتقاد و انهم تحت الضغط و التوتر و ان الشخص المقابل بعيد نفسيآ بسبب الندبة شوفوا المفاجأة الكبرى قبل ما يرسلهم للحديث مع المجموعات حكى الهم انه بدي احط كريم على الندبة لتعطيها منظر حقيقي بس فعليآ هو كان يمسح الندبة و المجموعة هاي فعليآ راحوا للحديث مع المجموعات الأخرى بدون اي ندبة لكنهم كانوا يعتقدون ان هناك ندبة القصة مش بالندبة عنا .. لأنه اصلآ ما في ندبة القصة بأنه في كثير من الأوقات بندخل حوارات و احنا متأكدين انهم سيتم الحكم علينا و ان الاشخاص المقابلين لنا رافضين مبدأنا او قصصنا او حتى شخصنا نفسه ذلك بسبب ندوبنا الداخلية دعوا عنكم المعتقدات الخاطئة و لننال استحقاقنا في العلاقات و النقاشات يلا قوموا جيبوا قطايف و شيلوا الندوب الداخلية
637

Abdulfattah Darabseh

HR & Work

3mo

من فترة شفت بوست لحدا بحكي انه الشركة الفلانية رفضتني لأني لابسة لبس معين و قبلها واحد بحكي الشركة الفلانية قابلوني ٣ دقايق و بعديها بعتوا يعتذروا مني حتى بدون اي سبب و كان في ناس بتدعمهم و بتساندهم على بوستاتهم حدا بحكي ما بصير يقيموكي على طريقة اللبس و واحد بحكي شو هذول المتخلفين و آخر بحكي و بغلط بالشركة لانه قابلوه ٣ دقايق هذا بالزبط مكس من الي اسمه anchoring bias (انحياز الارتساء) و برضه هناك اشي اسمه primacy effect (تأثير الاسبقية) يعني بدون قصد انت بتتحيز للي أعطاك معلومة بالاول و صار تثبيت (إرتساء) على حكمك و مشاعرك يلا مع بعض نحكي منطق .. الي بطلع بحكي هيك على المنصات هو شخص غير متزن إنفعاليآ لأنه متأكد انه انرفض على لبسه و هذا اشي غير مثبت و ما عنده مشكلة يفضح حاله على الملأ انه انرفض عشان لبسه بس ما بيسأل حاله هل هناك سبب آخر؟ أبسط مثال انه ما عنده خبرة ببرنامج إكسل او لغته الانجليزية ضعيفة او او او هناك ١٠٠ سبب لرفض اي متقدم لكن لا يوجد اي سبب مقنع لكي يكتب و يحكم بأنه تم ظلمه و يعيش دور الضحية و للي بكتب و بتأثر فيه بسرعة .. إستقصي يا إبني عشان ما توقع بالغلط و تصير زيه يلا قوموا اشتغلوا
199

Abdulfattah Darabseh

HR & Work

2mo

تخويف ولا إحترام الطريق السهل هو انك تخوف موظفينك و الصعب انك تخليهم يحترموك يلا قوموا اشتغلوا بدون تخويف
119

Abdulfattah Darabseh

HR & Work

2mo

لسا الشهادة هي اللي بتحدد مستقبلك؟ ولا المهارات صارت أهم؟ السوق عم يتغير. في ناس معها شهادات قوية ومش لاقية فرص، وفي ناس بدون شهادات كبيرة… بس عم تشتغل وعم تنجح. طيب الصح وين؟ نركّز على الشهادة؟ ولا نطوّر مهاراتنا؟ ولا في طريقة نوازن بينهم؟ في أثر ٦ مع نادي المدربين الاردني JTC - Jordan Trainers Club رح نحكي عن هالموضوع بصراحة، وبطريقة عملية بعيدة عن الحكي النظري. 🎓 Certificates vs Skills 🗓️ السبت 18/4 🕒 الساعة 3:30 مساءً إذا عم تفكر بخطوتك الجاية… هاي الجلسة ممكن تغيّر نظرتك. التسجيل من خلال الرابط بأول تعليق يلا قوموا سجلوا
148

Abdulfattah Darabseh

HR & Work

3mo

الناس بالشركات نوعين النوع الأول الي بحب الانجاز و بشوف انه كل يوم و ساعة ممكن يكون فيها فرصة لذلك و في جماعة بعد العيد 😂 يلا قوموا إرجعولي بعد العيد
106

Abdulfattah Darabseh

HR & Work

3mo

شو انطباعك عن نظرية المؤامرة في بيئة العمل ؟ يلا قوموا إعملوا مؤامرات
35

Abdulfattah Darabseh

HR & Work

3mo

الصورة النمطية للمدير
76

Abdulfattah Darabseh

HR & Work

2mo

الكارثة يلا قوموا اشتغلوا
48

Abdulfattah Darabseh

HR & Work

2mo

صحيح انه الشخص الكسول بخليك توصل للنتائج بأسرع طريقة لكن الطرق السريعة و ال shortcuts ياما دخلت ناس بالحيط و كشفت عيوب في العمل يلا قوموا اشتغلوا و ما تاخذوا الطريق السهل
81

Abdulfattah Darabseh

HR & Work

2mo

ضعف المدير في هذه الحالة هي قوة يلا قوموا خذوا قرارات
64

Abdulfattah Darabseh

HR & Work

2mo

رجعنالكم جاهزين لأثر ٦ يلا قوموا تحمسوا مع JTC - Jordan Trainers Club
67

Abdulfattah Darabseh

HR & Work

3mo

رجعنا تربينا من أول و جديد أبدعت رزان ✨️✨️
55

Abdulfattah Darabseh

HR & Work

3mo

تلخيص رائع صراحة لخص الساعة و ربع في عدة نقاط سلسة و فيها فائدة كبيرة يلا قوموا إقرأوا الملخص ✨️
24

Abdulfattah Darabseh

HR & Work

2mo

السنة بلشت و ال objectives لسا مش واضحة الحل بإنه نشتغل على الإمكانيات و نطلع أفضل ما عندهم unlock people's potential يلا قوموا عيدوا و إنبسطوا
67