Ahmad Hattab's Recent LinkedIn Posts

يشرفني انضمامي إلى المجلس الاستشاري في كلية تكنولوجيا المعلومات – جامعة العلوم الإسلامية العالمية The World Islamic Sciences and Education University. هذه ليست مجرد مسؤولية، بل فرصة حقيقية لنصنع أثرًا ملموسًا ونرتقي بقطاع تكنولوجيا المعلومات في أردننا الحبيب إلى مستويات تليق بطموح شبابنا. كل الشكر لإدارة الجامعة ممثلة برئيسها وأعضاء المجلس على هذه الثقة. القادم عمل جاد، وشراكة حقيقية، وتغيير نلمسه على أرض الواقع. نحن جميعًا مسؤولون عن تمكين هذا الجيل وحان وقت الفعل.

فريقك ساكت قدامك؟ إذا راجع نفسك.... الثقة ما بتنقاس بالكلام بتنقاس بالسلوك! فريقك بثق فيك إذا: - بختلف معك قدامك، مش وراك - بحكيلك عن المشكلة قبل ما تكبر - بطلب سياق، مش بس تعليمات - بعترف بالغلط بدون خوف - بحكي طبيعي بالاجتماع، مش محسوب الكلمة - بشارك شكوكه، مش بس النسخة المصقولة - وبوخذ قرار وانت مش موجود (ركز منيح هون) الثقة لن تُبنى بخطاب ملهم! تُبنى بردّة فعلك اليومية. السؤال الحقيقي مش: "هل أنا قائد منيح؟" السؤال: هل سلوك فريقي بعكس إنهم مرتاحين معي؟ إنت شو بتشوف مؤشر حقيقي على الثقة؟

كل يوم معلومة في رمضان 🌙 سلسلة أساس 4 يلا ندخل على منطقة كثير ناس بتفكر إنها فاهمتها لكن حقيقةً بتستخدمها غلط! الـ OOP مش كلمات تحفظها! OOP طريقة تبني فيها نظام كثير طلاب لما تسأله شو يعني OOP يقولك: Encapsulation Inheritance Polymorphism Abstraction بحفظهم زي نشيد لكن أول ما يدخل مشروع حقيقي بكتب Spaghetti Code. الـ OOP مش تعاريف الـ OOP طريقة تفكير. ** مثال من الحياة اليومية تخيل عندك شركة توصيل وعندك: سائق سيارة طلب عميل لو كتبت كل شيء بملف واحد: بيانات السائق حساب المسافة تسعير الطلب إرسال إشعار كله في نفس المكان… أول تعديل بسيط رح يخرب كل النظام. لكن لو فكرت بطريقة OOP: Driver = مسؤول عن بياناته وسلوكه Car = لها خصائص ووظائف Order = تحسب السعر وتغير الحالة Customer = يتابع الطلب كل كيان مسؤول عن نفسه. هاي Encapsulation عمليا. ** مثال من نظام حقيقي (Order System) تخيل نظام طلبات في متجر إلكتروني. الطريقة الغلط: if type == "credit": // process elif type == "paypal": // process elif type == "cash": // process كل ما تضيف طريقة دفع رح تكبر الفوضى. لكن بطريقة OOP الصح: تعمل Interface اسمها PaymentMethod كل طريقة دفع تطبقها الـOrder ما بعرف التفاصيل! فقط ينادي process() هاي Polymorphism عمليا. نفس الفكرة موجودة بأنظمة ضخمة مثل Stripe لأنهم بتعاملوا مع عشرات طرق الدفع بدون ما يخربوا الكود كل مرة. ** وين الغلط يلي بشوفه بعد AI؟ الـ AI بعطيك كود شغال! لكن غالبا: مسؤوليات مختلطة الـ Classes ضخمة الـدBusiness Logic متوزع عشوائيا مافي Separation واضح شو مهم تركز عليه فعليا؟ - الـ Single Responsibility - كل Class إلها مسؤولية واحدة. - الـ Open/Closed Principle تضيف بدون ما تعدل القديم. - الـ Composition أفضل من Inheritance العشوائي. - فكر بالنظام ككيانات تتفاعل! مش Functions مرمية فوق بعض. ** تمرين اليوم ** لو عندك نظام بسيط لإدارة طلبات طعام: ال Order ال Payment ال Delivery كيف بتقسمهم Classes؟ شو مسؤولية كل واحد؟ وين بتحط منطق حساب السعر؟ فكر قبل ما تكتب كود. بكرا رح نحكي عن Clean Code وليش الكود يلي بشتغل مش كافي. الأساس الأساس الأساس الأساس

كل يوم معلومة في رمضان 🌙 في زمن صار فيه الذكاء الاصطناعي يكتب كود خلال ثواني! في شيء أخطر قاعد بصير بصمت. كثير من طلاب البرمجة اليوم صاروا يعرفوا كيف يطلبوا من أدوات الذكاء الاصطناعي. لكن ما عادوا يعرفوا ليش الكود اشتغل ولا ليش خرب. وهنا الكارثة!!!! الذكاء الاصطناعي نعمة لكن لما يتحول من مساعد إلى بديل عن الفهم بصير خطر. لأنك لما تعتمد على أداة بدون تأسيس: - أول Bug حقيقي رح يكسرك. - أول System معقد رح يربكك. - أول Interview تقني رح يكشف الفجوة. البرمجة مش Copy / Paste. البرمجة فهم - تحليل - منطق - صبر. إذا الأساس ضعيف، أي مبنى رح ينهار مهما كانت الأدوات قوية. أهم الأساسيات يلي المطلوب أي مبرمج يتمكن منها قبل ما يعتمد على AI: 1- التفكير المنطقي (Problem Solving) كيف تحلل المشكلة؟ كيف تقسمها؟ كيف تبني الحل خطوة خطوة؟ 2- هياكل البيانات (Data Structures) Array – Stack – Queue – Linked List – Tree – HashMap مش حفظ! فهم متى تستخدم كل وحدة وليش. 3- الخوارزميات (Algorithms) Search – Sorting – Recursion – Time & Space Complexity مهم تفهم Big O مش تحفظها. 4- مبادئ OOP Encapsulation – Abstraction – Inheritance – Polymorphism مش بس تعريف! تطبيق حقيقي. 5- الـ Design Patterns & Clean Code كيف تكتب كود يُفهم بعد سنة؟ كيف تفكر كـ Software Engineer مش كاتب سكربت؟ 6- الـ Debugging كيف تقرأ Error؟ كيف تتبع المشكلة؟ الـ AI ممكن يقترح! بس أنت مهم تفهم. 7- أساسيات الـ Databases و الـ APIs كيف البيانات تتحرك؟ كيف تبني System مترابط؟ الذكاء الاصطناعي مهم يكون (رافعة) لقدراتك مش (عكاز) تعتمد عليه. ومن مسؤوليتنا أمام هذا المجتمع إنه نرجع نركز على التأسيس. لهيك رح أبدأ سلسلة منشورات نشرح فيها هاي الأساسيات بشكل مبسط وبأمثلة عملية واقعية من أرض المشاريع مش من كتب نظرية. لأنه كما قال رسول الله محمد ﷺ "لا يؤمن أحدكم حتى يحب لأخيه ما يحب لنفسه" إذا كنت بتحب لنفسك تكون قوي تقنيا مهم تحب لغير بنفس القوة. ويلي مهتم يتابع السلسلة! اكتب (أساس) في التعليقات 👇

إذا مستني مديرك يرسم مستقبلك… راجع نفسك! إنك تستنى مديرك يحدد مسارك المهني هذا تفكير مُبتدئ. هو مش مسؤول عن مستقبلك! مديرك أداة، وسيلة دعم، مصدر توجيه. بس مش صاحب القرار عنك! إذا قاعد تستنى PDI يحكيلك وين تروح، فأنت عمليًا تارك مسارك بإيد غيرك. الشركة ممكن تعطيك: - خيارات. - مسارات. - احتمالات. بس الاختيار إلك إنت. الناس يلي بتكبر فعليًا ما بتستنى حد يرسم الطريق. القيادة ما بتيجي من فوق بس. في جزء منها ببدأ منك. رمضان مبارك ❤️

مين قال مشكلتنا نقص أفكار ولا نقص مهارات؟ مشكلتنا اليوم مش إنه ما عنا أفكار ولا إنه ما عنا ناس قوية بشغلها! القصة وما فيها كل واحد قاعد لحاله! صاحب الفكرة قاعد يحضر فيديوهات ويكتب plans وصاحب المهارة قاعد بدور على شغل أو freelance وبينهم في مسافة ما حدا عم بحاول يقلصها. وكل يوم بنرجع لنفس الدوامة: محاضرات وتنظير وحكي كبير. بس على أرض الواقع؟ ولا شي عم بصير. يلي بنحتاجه بسيط جدا: "نربط الناس ببعض". مشروع ما رح يقوم على فكرة لحالها، ولا على مهارة لحالها. بقوم لما الاثنين يجتمعوا ويشتغلوا سوا. بخطر عبالي دايما ليش لسا بنفكر لحالنا؟ وليش ما نبلش نشتغل كشركاء من أول يوم؟ لو عندك فكرة دور على يلي بنفذها معك. ولو عندك مهارة دور على فكرة تستاهل تعبك. يلي رح ينجحوا بالغالب مش الأذكى… ولا الأكثر خبرة هم يلي عرفوا يلاقوا بعض ويكملوا الطريق سوا. إنت جاهز تكون واحد منهم؟ خلي عينك على JIS - Jordan Innovation Startups

كل يوم معلومة في رمضان 🌙 مكارم الأخلاق قَالَ جَرِيرُ بنُ عَبدِ الله: «مَا حَجَبَنِي رَسُولِ اللَّهِ ﷺ قَطُّ مُنذُ أَسلَمتُ، وَلَا رَآنِي إِلَّا تَبَسَّمَ، وَكَانَ يُمَازِحُ أَصحَابَهُ وَيُخَالِطُهُم وَيُحَادِثُهُم، وَيُدَاعِبُ صِبيَانَهُم وَيُجلِسُهُم فِي حِجرِهِ، وَيُجِيبُ دَعوَةَ الحُرِّ وَالعَبدِ وَالأَمَةِ وَالمِسكِينِ، وَيَعودُ المَرضَى فِي أَقصَى المَدِينَةِ، وَيَقبَلُ عُذرَ المُعتَذِرِ»، رَوَى بَعضَهُ التِّرمِذِيُّ فِي سُنَنِهِ.

أنا بحكي 10 دقايق اجتماع! كفيلة تكشف كل شي في نوعين من الـ PMs! والفرق بينهم ما ببين بالكلام الكبير! ببين بسؤال واحد... لما ينطرح موضوع فيه تعقيد: في واحد مباشرة بسأل: "طيب قديش بدو وقت؟" وفي واحد ثاني بصفن لحظة! وبسأل: "شو يلي مخليها معقدة؟" الأول بشوف التقدير رقم ممكن ينضغط، بتفاوض عليه، أو ينقص. الثاني بشوف التقدير نتيجة! نتيجة تفاصيل، مخاطر، قرارات مهم تنفهم. مع الوقت، الفريق بفهم مع مين هو! إذا حس إن التقدير رح يتحول لنقاش شد حبل بالتالي رح يبدأ يحمي حاله: بكبر الأرقام، ويقلل الشفافية. أما إذا حس إن في فهم حقيقي، رح يحكي بصراحة، ويفتح الباب لحلول أفضل. الموضوع مش عن "كم بدها وقت"! الموضوع عن: هل في ثقة كفاية تخلي الفريق يحكي الحقيقة؟

{ یَـٰۤأَیُّهَا ٱلَّذِینَ ءَامَنُوا۟ كُتِبَ عَلَیۡكُمُ ٱلصِّیَامُ كَمَا كُتِبَ عَلَى ٱلَّذِینَ مِن قَبۡلِكُمۡ لَعَلَّكُمۡ تَتَّقُونَ } [سُورَةُ البَقَرَةِ: ١٨٣] كل عام وأنتم بألف خير

مدير التكنولوجيا بحكي لغتين! إنت بتحكيهم؟ مدير التكنولوجيا عايش بين عالمين. ولو ما فهم اللغتين! المشاكل بتبلش. خلينا نسأل سؤال بسيط: لما تكون باجتماع مع الإدارة العليا، هل بتحكي عن الـ latency والـ microservices؟ ولا بتجاوب على السؤال الحقيقي: كيف هذا القرار رح يزيد الإيرادات أو يحمي الربحية؟ ولما ترجع للفريق التقني، هل بتحكي بس: بدنا نكون أكثر استراتيجية؟ ولا بتوضح: - شو معيار الأولوية؟ - شو الـ trade-off؟ - وشو اللي رح يتغير فعليا بالنظام؟ مدير التكنولوجيا يلي بحكي لغة التقنية بس مع الإدارة غالبا ما حدا بفهمه… ومع الوقت، ما حدا برجع يستشيره. ويلي بحكي لغة البزنس بس مع الفريق بفقد ثقتهم! لأنهم بحسوا إنه بطلب أشياء هو نفسه مش فاهمها. القيمة الحقيقية مش إنك تتقن لغة وحدة. القيمة إنك تترجم بين العالمين: - تحول قرار تقني لأثر واضح على الإيرادات - وتحول هدف تجاري لقرار تقني مفهوم للفريق مدير التكنولوجيا بالنهاية مش بس خبير تقني، ولا مجرد مدير أعمال. هو الجسر بين الاثنين. والجسر… هو يلي بخلي الطرفين يوصلوا لبعض.

كل عام وأنتم بألف خير اللهم إجعل هذا البلد آمنا مطمئنا وسائر بلاد المسلمين واجعلنا سبب في نصرة أهلنا في غزة والمسجد الأقصى 🤲🏼

السرعة خدّاعة! خاصة مع الـ AI درس قاسي جدا.. شفت فريق كامل بستخدم الذكاء الاصطناعي لكتابة الكود بدون أي حوكمة. لمدة تقريبًا شهرين والسرعة كانت مبهرة. الـ MVP كان بحتاج ثلاث سبرنتات صار يطلع خلال أيام. الفريق متحمس وأنا كمان. إلى أن حصل أول deploy على الـ production وانكسر النظام. والغريب ولا شخص قدر يشرح ليش. لأن ولا واحد براجع ما أنتجه الـ AI بس المهم شغال. الكود كان شغال لكن ولا واحد يفهمه بالقدر الكافي ليحافظ عليه. وهنا اتضح درس بسيط لكنه عميق: سرعة التوليد ليست سرعة التسليم. توليد الكود لحظي لكن التأكد أنه قابل للتوسع، آمن، وقابل للصيانة بعد ستة أشهر. هذا يحتاج عقولا خبيرة تنظر له بعناية. لهذا أؤمن بقاعدة بسيطة: الـ AI يولد والإنسان يحكم. ليس لأن استخدام الـ AI في البرمجة خطأ. بل لأن المرض التقني البسيط الذي لا يراه أحد هو الذي يتحول لسرطان يأكل النظام لاحقا.

أقوى شخص بالفريق غالبا مش مدير! أنا كأحمد بسأل دايما هالسؤال: لما بصير في مشكلة، الناس بتروح لمين أول؟ المدير؟ ولا شخص معين بالفريق؟ غالبا في شخص الكل بيروح له. مش لأنه أعلى منصب، بس لأنه دايما بحل، بشرح، وما برمي الشغل على غيره. هو ما طلب هالمكانة. هوزكسبها من التكرار، مرة ورا مرة. الثقة فيه مش قرار إداري، الثقة فيه تجربة. إذا أنت قائد، بتعرف مين هذا الشخص بفريقك؟ وإذا بتعرف، هل فعلا بتسمع له؟ لأنه هذا الشخص بعرف تفاصيل عن الشغل اليومي، ما رح توصلك عبر تقارير ولا حتى بـ 1:1. والمشكلة الأكبر! إذا طلع فجأة. الضرر ما ببين فورا، بس لما يبين بكون متأخر. شو رأيكم؟

رمضان بعلمك فن القيادة الصامتة! مش كل كلمة المطلوب تنحكى... ومش كل استفزاز بكون له رد... ومش كل استعجال بستاهل طاقتك... بأول الطريق، كنت أظن إن القيادة حضور دائم: - رأي بكل موضوع! - تعليق على كل تفصيلة! - ودخول في كل نقاش! بس مع الوقت - ومع رمضان تحديدا - بتفهم درس مختلف. الصيام مش بس امتناع عن الأكل، هو تدريب على ضبط النفس. على اختيار متى تحكي ومتى تسكت. متى ترد ومتى تترك الضجيج يمر. في الإدارة، في شي اسمه "أولوية عاطفية"! مش بس أولوية مشاريع. القائد يلي برد على كل شي، بستنزف حاله، وبستنزف فريقه. أما القائد يلي بعرف يفلتر، وبختار معاركه، وبترك بعض النقاشات تموت لحالها… هذا يلي بيحافظ على طاقة الفريق. برمضان، بتتعلم إن أقوى رد مش دايما بالكلام. أحيانا بكون بالهدوء، وأحيانا بكون تجاهل واعي. القيادة مش بس شو تعمل! القيادة كمان شو تختار ما تعمل. وهذا يمكن أصعب درس فيهم كلهم. كل عام وأنتم بخير 🌙

كل يوم معلومة في رمضان 🌙 روى الطبرانيِّ والبيهقيِّ من طريقِ المُنْكَدِرِ بنِ محمدِ بنِ المنكدرِ عن أبيه عن جابرٍ رضِي الله عنه قال: جاء رجلٌ إلى النبيِّ صلَّى الله عليه وسلَّم فقال: يا رسولَ الله، إنَّ أبي أخَذَ مالِي. فقال النبيُّ صلَّى الله عليه وسلَّم للرجلِ: “اذهَبْ فأتِني بأبيك”. فَنَزَلَ جبريلُ عليه السلام على النبيِّ صلَّى الله عليه وسلَّم فقال: (إنَّ اللهَ عزَّ وجلَّ يُقرِئُكَ السلامَ ويقولُ لكَ: إذا جاءَكَ الشيخُ فَسَلْهُ عن شىءٍ قالَه في نفسِهِ ما سمعَتْهُ أُذُنَاهُ). فَلَمَّا جاء الشيخُ قال له النبيُّ صلَّى الله عليه وسلَّم: “ما بالُ ابنِكَ يَشكُوكَ، أَتُريدُ أَخْذَ مالِهِ؟”. قال: سَلْهُ يا رسولَ الله، هل أُنفِقُهُ إلَّا على إحدى عمَّاتِهِ أو خَالاتِهِ أو على نفسِي. فقال النبي صلَّى الله عليه وسلَّم: “إيهٍ دَعْنا من هذا، أخبِرنَا عن شىءٍ قُلتَه في نفسِك ما سمعَتْه أُذُناكَ”. فقال الشيخ: واللهِ يا رسولَ اللهِ ما يَزالُ الله يزيدُنا بكَ يقينًا لقد قلتُ في نفسي شيئًا ما سمعَتْه أذناي. فقال صلَّى الله عليه وسلَّم: “قُلْ وأنا أسمعُ”. قال: قلتُ: غَذَوْتُكَ مَوْلُودًا وَمُنْتُكَ يَافِعـــــــــًا *** تُعَلُّ بِمَا أَجْنِـي عَــلَيْـــكَ وَتَنْهَلُ إِذَا لَيْلَةٌ ضَافَتْكَ بِالسُّقْمِ لَمْ أَبِــــــتْ *** لِسُقْمِــــكَ إِلَّا سَـــاهِرًا أَتَمَلْــمَلُ كَأَنِّي أَنَــا الْمَطْرُوقُ دُونَكَ بِالَّــذِي *** طُـرِقْتَ بِهِ دُونِي فَعَيْنَايَ تَهْمُـلُ تَخَافُ الرَّدَى نَفْسِي عَلَيْكَ وَإِنَّـــهَا *** لَتَــعْلَمُ أَنَّ الْمَوْتَ وَقْــتٌ مُؤَجَّلُ فَلَمَّا بَلَغْتَ السِّــــنَّ وَالْغَــايَةَ الَّتِــي *** إِلَيْـهَا مَـــدَى مَا فِيكَ كُنْتُ أُؤَمِّلُ جَعَلْتَ جَزَائِــي غِلْظَةً وَفَـظَاظَةً *** كَأَنَّــــكَ أَنْـتَ الْمُـنْعِمُ الْمُتَـفَضِّلُ فَلَيْتَـــكَ إِذْ لَمْ تَرْعَ حَــــقَّ أُبُوَّتِي *** فَعَلْتَ كَـمَا الْجَارُ الْمُجَاوِرُ يَفْعَلُ قال: فحينئذٍ أَخَذَ النبيُّ صلَّى الله عليه وسلَّم بتَلَابِيبِ ابنِهِ وقال: “أنتَ ومالُكَ لأبيكَ“.

كل يوم معلومة في رمضان 🌙 سلسلة أساس 1 مشكلتك مش بالكود! مشكلتك بطريقة تفكيرك بعد انتشار الذكاء الاصطناعي، صار كثير من الطلاب يقفز مباشرة للكود. لكن المشكلة مش بالكود! المشكلة إنك ما حليت المشكلة أصلاً. البرمجة = حل مشاكل ثم الكود مجرد وسيلة. خليني أعطيك مثالين وركز معي: ** مثال من الحياة العملية تخيل عندك مطعم برغر. في وقت الذروة، الطلبات عم تتأخر، والزبائن عم يشتكوا! شخص عنده اعتمادية كبيرة رح يقول: "نحتاج نسرع الشيف." لكن شخص بفكر كمبرمج رح يسأل: - كم عدد الطلبات بالدقيقة؟ - كم مدة تجهيز الطلب؟ - هل المشكلة بالمطبخ؟ - هل المشكلة بالكاشير؟ - هل في bottleneck؟ لاحظ هو ما قفز للحل! هو حلل النظام. هيك تفكير هو أساس البرمجة. ** مثال من نظام حقيقي (E-commerce System) افترض عندك متجر إلكتروني المستخدم اشتكى: "الموقع بطيء" المبرمج يلي عنده اعتمادية كبيرة: بروح يحسن الكود وغالبا رح يحكي للذكاء الاصطناعي حل المشكلة! المبرمج يلي عنده أساس قوي بسأل: - هل المشكلة بالـ Database؟ - هل الاستعلام فيه N+1 Query؟ - هل في Caching؟ - هل المشكلة من API خارجي؟ - كم زمن الاستجابة؟ هو بفكر بالنظام ككل. المشكلة مش سطر كود المشكلة طريقة تحليل. 🧠 إذًا شو الأساس اليوم؟ قبل ما تكتب أي كود: 1️⃣ اكتب المشكلة بجملة واضحة 2️⃣ قسمها لمهام صغيرة 3️⃣ ارسم Flow بسيط 4️⃣ حدد المدخلات والمخرجات 5️⃣ بعدها فقط! اكتب الكود لو استخدمت AI قبل هاي الخطوات، أنت عم تتخلى عن أهم عضلة عندك: التفكير. من اليوم! رح نعيد تدريب عقولنا. بكرا رح نحكي عن Data Structures وليش هي موجودة أصلاً مش بس "نحفظها" لأنه… لا يؤمن أحدكم حتى يحب لأخيه ما يحب لنفسه. إذا بتحب لنفسك تكون قوي ساعد غيرك يكون أقوى. ❤️

كل يوم معلومة في رمضان 🌙 أساس 5 اليوم من أهم المواضيع يلي بتفرق بين مطور عادي و مهندس برمجيات حقيقي. موضوع كثير ناس تقلل من أهميته! لكنه السبب في نجاح أو فشل كثير من المشاريع. الكود يلي بشتغل مش بالضرورة كود جيد كثير مبرمجين خصوصا بعد انتشار أدوات الذكاء الاصطناعي صار هدفهم الوحيد: "الكود يشتغل وخلص" المشكلة مش الكود بشتغل اليوم المشكلة لما ترجعله بعد 6 شهور وما بتفهمه. أو لما يجي مبرمج جديد للفريق ويقضي أيام فقط ليفهم شو قاعد بصير. هنا تبدأ تكلفة المشروع ترتفع. ** مثال من الحياة اليومية تخيل بيت مبني بدون ترتيب: - الأسلاك الكهربائية ماشية عشوائي - أنابيب الماء تمر فوق بعضها - كل شيء مخلوط ببعض البيت ممكن يشتغل اليوم. لكن أول عطل بسيط سيحتاج تكسير نصف البيت لإصلاحه. الكود العشوائي بشتغل بنفس الطريقة. ال- Clean Code يعني أنك تبني نظامًا مفهومًا وقابلًا للصيانة. ** مثال من نظام حقيقي في أنظمة التجارة الإلكترونية مثل Shopify الملايين من المتاجر تعتمد على نفس النظام. تخيل لو كان الكود غير منظم. أي تعديل بسيط قد يسبب مشكلة لملايين المستخدمين. لذلك الشركات الكبيرة تهتم جدًا بـ: - وضوح الكود - تقسيم المسؤوليات - كتابة كود يمكن قراءته بسهولة لأن الكود لا يُكتب للحاسوب فقط بل للبشر الذين سيقرأونه لاحقًا. ** أهم مبادئ Clean Code 1️⃣ أسماء واضحة بدل: x = calculate(a,b) اكتب: total_price = calculate_order_price(order_items, tax) الاسم الجيد يشرح نفسه. 2️⃣ الدوال الصغيرة الدالة مطلوب أن تقوم بمهمة واحدة فقط. إذا كانت الدالة تحتاج شرحًا طويلًا… غالبًا هي كبيرة أكثر من المطلوب. 3️⃣ تقليل التكرار (DRY) لا تكرر نفس الكود في عدة أماكن. لأن أي تعديل لاحق سيحتاج تغييره في كل مكان. 4️⃣ الكود مطلوب أن يُقرأ بسهولة أفضل كود هو الذي يستطيع مبرمج جديد فهمه خلال دقائق. 5️⃣ التعليقات ليست الحل إذا احتجت تعليقًا لشرح الكود غالبًا الكود نفسه يحتاج إعادة كتابة. أين المشكلة مع AI؟ الذكاء الاصطناعي غالبا بعطيك كود بشتغل لكن ليس دائما كود نظيف لذلك دورك كمبرمج ليس فقط تشغيل الكود بل تنظيمه وتحسينه. الـ AI يساعدك في الكتابة لكن أنت المسؤول عن الجودة. ** تمرين اليوم افتح أي كود قديم كتبته قبل سنة. واسأل نفسك: هل أفهمه بسرعة؟ هل الأسماء واضحة؟ هل يمكن تقسيم الدوال أكثر؟ هل هناك تكرار؟ إذا كان الجواب لا! فهذا طبيعي. كلنا نتعلم لكن المهم أن نتحسن. الأساس الأساس الأساس الأساس

كل يوم معلومة في رمضان 🌙 قال رسولُ اللهِ صلَّى اللهُ عليه وسلَّم: اغتنِمْ خمسًا قبل خمسٍ : - شبابَك قبل هَرَمِك، - وصِحَّتَك قبل سَقَمِك، - وغناك قبل فقرِك، - وفراغَك قبل شُغلِك، - وحياتَك قبل موتِك.

أنا كأحمد هيك بشوفها نفس الشخص بس أداء مختلف خلينا نفكر شوي: كم مرة شفنا شخص "مش ماشي حاله" وفجأة! لما تغير مديره صار مختلف تماما... نفس الشخص! نفس الوظيفة! وأحيانا نفس الشركة. بس تغير الشخص يلي قدامه. وفجأة بتشوف: مبادرة، جودة، سرعة. أشياء المدير السابق كان متأكد إنها "مش موجودة". السؤال هون مش عن الشخص! السؤال عن السياق. ليش أول تفسير عنا دايما بكون: هو مش قوي أو منيح كفاية؟ ليش نادرا بنسأل: هل البيئة مناسبة؟ هل التوجيه واضح؟ هل القيادة عم بتطلع أفضل ما عنده ولا بتطفيه؟ يمكن المشكلة عمرها ما كانت بالشخص. يمكن كانت باللي ماسك الطبلة. مر عليك موقف زي هيك؟

كل يوم معلومة في رمضان 🌙 سلسلة أساس 3 الـ Big O! ليش مشروعك ممكن ينهار بسبب سطر واحد؟ كثير طلاب لما يسمعوا Big O بيفكروا إنها مادة نظرية أو امتحان جامعة أو شي مش عملي! الـ Big O هي الفرق بين: - نظام يتحمل مليون مستخدم - ونظام بنهار عند أول حملة تسويقية ** مثال من الحياة اليومية تخيل عندك محل، وفي عندك دفتر فيه 10,000 اسم زبون. الطريقة الأولى: كل ما إجى زبون! بتقلب الدفتر صفحة صفحة لحد ما تلاقي اسمه. هاي عملية O(n) كل ما زاد عدد الأسماء الوقت بزيد. الطريقة الثانية: رتبت الأسماء أبجديًا، وصرت تستخدم تقسيم نصفي (زي البحث الثنائي). هاي تقريبًا O(log n) كل ما كبر الدفتر! الزيادة بالوقت بطيئة جدا. الفرق مش بس ثواني الفرق قابلية توسع. ** مثال من نظام E-commerce حقيقي افترض عندك متجر إلكتروني كبير. مستخدم دخل يبحث عن منتج معين. لو أنت بتعمل Loop على كل المنتجات كل مرة (O(n)) وعدد المنتجات صار 1,000,000 تخيل كم رح يصير زمن الاستجابة. لكن لو عامل Index صح تستخدم HashMap أو Database Index بتصير العملية قريبة من O(1) وهون الفرق بين نظام بطيء ونظام سريع زي اي شركة كبيرة هاي الشركات ما نجحت لأنها كتبت كود أكثر. نجحت لأنها فكرت بالتعقيد الحسابي من البداية. ** مثال من أنظمة ضخمة شركة مثل Google لما تعمل Search هل بتمر على كل صفحات الإنترنت وحدة وحدة؟ لو هيك كان بحث اسلافنا ما رجع بنتائج للأن! لكن لأنهم بستخدموا هياكل بيانات متقدمة وخوارزميات محسوبة بعناية النتيجة تطلع بأقل من ثانية. 🧠 شو المطلوب تفهم اليوم؟ مش تحفظ الرموز! افهم الفكرة: O(1) = ثابت (الأفضل) O(log n) = ممتاز وقابل للتوسع O(n) = مقبول O(n²) = خطر إذا البيانات كبيرة O(2ⁿ) = كارثة ليش هذا مهم بعد انتشار AI؟ الـ AI ممكن يعطيك كود شغال. لكن هل هو O(n)؟ ولا O(n²)؟ ولا أسوأ؟ إذا ما كنت فاهم Big O! ممكن تبني مشروع كامل فوق خوارزمية سيئة وما تكتشف المشكلة إلا بعد ما يكبر المشروع. وهون بكون الإصلاح مؤلم جدا. تمرين اليوم: لو عندك List فيها مليون عنصر وبدك تبحث عن عنصر معين! شو الفرق بين: ال Loop العادي؟ ال Binary Search؟ ال HashMap lookup؟ فكر قبل ما تكتب كود. بكرا رح نحكي عن OOP وليش كثير ناس بتستخدمه غلط. الأساس الأساس الأساس الأساس

كل يوم معلومة في رمضان 🌙 قال رسول الله ﷺ مَن ستَر عورةَ أخيه المسلمِ سَتَرَ اللهُ عورتَه يومَ القيامةِ، ومَن كشفَ عورةَ أخيه المسلمِ كَشَفَ اللهُ عورتَه حتّى يَفضَحَه بها في بيتِه. رواه ابنُ ماجه

اللهم إنك عفو تحب العفو فاعف عني 🤲🏼

سؤال مُتكّرر مُحيّر: هل أكتب الكود باستخدام ال AI أم لا؟ أنا كـ أحمد بقول مش نعم ✅ أو لا ❌ بشكل مطلق! الجواب الصحيح هو: استخدمها بذكاء، مش كبديل عن فهمك. أدوات الذكاء الاصطناعي اليوم صارت: - قوية جدًا - وبتوفر وقت - وبتساعدك تولّد أفكار - ترتب الكود - تشرحلك أخطاء - وحتى تقترح حلول ممكن ما كانت تخطرلك بسرعة. لكن المشكلة بتبلش لما يتحول استخدامها من مساعد إلى اعتماد كامل. يعني إذا أنت بتنسخ وبتلزق بدون ما تفهم: - ليش انكتب الكود هيك - كيف بشتغل - شو أثره على الأداء - وهل هو أصلًا مناسب للمشكلة إذا أنت مش قاعد تتعلم! أنت فقط تسرع التنفيذ وتبطئ بناء نفسك كمبرمج حقيقي. المبرمج القوي مش يلي بكتب أكثر كود! المبرمج القوي هو يلي: - بفهم - بحلل - براجع - وبعرف يميز بين الحل الصح والحل يلي شكله صح. استخدم أدوات الذكاء الاصطناعي، نعم! بس: - خليها تساعدك، مش تقودك - خذ منها اقتراحات، مش أوامر - راجع كل سطر - وافهم قبل ما تعتمد وتذكر دايما إن الأساس القوي أهم من السرعة المؤقتة لأنك بالنهاية، لما يصير bug حقيقي أو system معقد أو decision architecture مهم: يلي رح ينقذك مش الأداة، يلي رح ينقذك هو فهمك. عندكم أسئلة؟ اكتبولي ياها بالتعليقات...

كل يوم معلومة في رمضان 🌙 قال رسول الله ﷺ يُبْصِرُ أحدُكُمُ القَذَى في عينِ أخيهِ ويَنْسَى الْجِذْعَ في عينِهِ رواه ابنُ حِبّانَ مِن حديثِ أبي هريرةَ رضي اللهُ عنه

كل يوم معلومة في رمضان 🌙 سلسلة أساس 2 ليش Data Structures مش مادة جامعية! بل طريقة تفكير؟ أكبر مشكلة بشوفها إنه الطالب بحفظ: Array Stack Queue LinkedList لكن ما بعرف ليش انعملوا أصلاً. عشان هيك خلينا نبسطها. ** مثال من الحياة اليومية 1️⃣ الـ Stack = مبدأ الصحون تخيل عندك صحون فوق بعض. آخر صحن حطيته هو أول صحن رح تشيله. Last In -> First Out (LIFO) هاي Stack. وين بنستخدمها بالبرمجة؟ - زر الرجوع بالمتصفح - الـ Undo / Redo - الـ Call Stack في تنفيذ الدوال 2️⃣ الـ Queue = طابور البنك أول واحد دخل هو أول واحد يطلع. First In -> First Out (FIFO) وين بنستخدمها؟ - أنظمة الرسائل - طوابير معالجة الطلبات - الـ Background Jobs * مثال من نظام حقيقي خلينا نحكي عن نظام مثل الـ Netflix لما ملايين المستخدمين يضغطوا "Play" بنفس الوقت! هل النظام بعالجهم عشوائيًا؟ اكيد لا. في Queue خلف الكواليس: - طلبات تشغيل - طلبات Encoding - إشعارات لو ما في Queue؟ النظام بنهار. * مثال من E-commerce حقيقي افترض عندك نظام طلبات. كل Order جديد ينحط في Queue للمعالجة: - تأكيد الدفع - خصم المخزون - إرسال إشعار لو عالجتهم مباشرة بدون Queue ومر ضغط عالي! رح يصير: - الـ Orders تتكرر - مخزون بختفي - الـ Crash حقيقة الـ Data Structure مش رفاهية، هي فعلا بتحمي النظام وبتحميك. اذا ليش هذا مهم قبل AI؟ لأن AI ممكن يعطيك كود يعمل. لكن إذا ما فهمت: ليش اخترنا Queue مش Array؟ ليش Stack هون أفضل؟ ليش HashMap أسرع؟ رح تضل مبرمج بنفذ! مش مهندس يصمم. إعمل هذا التمرين اليوم: اكتب مثال من حياتك اليومية: شيء بمشي بنظام Stack وشيء يمشي بنظام Queue خلينا ندرب العقل مش نحفظ التعريف! بكرا رح نحكي عن Big O وليش المشروع ممكن ينجح أو يفشل بسبب اختيار خوارزمية غلط. الأساس الأساس الأساس الأساس

في رمضان الخير، نضيء على نجوم الريادة الأردنية! رمضان هو شهر العطاء، الخير، والتواصل. وفي هذا الشهر، نحن في JIS - Jordan Innovation Startups نطلق مبادرة خاصة لتسليط الضوء على الشركات الناشئة الأردنية. تخيل أن مشروعك يُعرض أمام الجميع في الشهر الفضيل، حيث يتضاعف الأثر وتكبر الفرص. إذا عندك ستارت أب وعندك نموذج أولي جاهز، أو بتعرف ناس عنده - منشنة بالتعليقات - أرسل لنا نبذة (PDF على شكل عرض شرائح) على البريد الألكتروني في التعليقات 👇تحت عنوان "ستارت اب في رمضان" خلال رمضان، سننشر قصصكم الملهمة ونبرزها في بوستات دورية. بل وأكثر، سيتم اختيار بعض المشاريع لبث مباشر، لنوصل صوتكم لكل بيت. رمضان هو وقت التأثير خلينا نكبر معاً!

هل وصلنا لمرحلة نحتاج فيها "محفظة وطنية" داخل تطبيق واحد؟ اليوم وإحنا عم نشهد تطور واضح وسريع في الخدمات الرقمية بالأردن، هناك نقلة نوعية حقيقية بطريقة تعاملنا مع التطبيقات الحكومية والخدمات الإلكترونية. ومن أبرز الأمثلة على هذا التطور هو تطبيق سند، يلي قدر يجمع عدد كبير من الخدمات تحت مظلة واحدة، وخلى تجربة المستخدم أسهل وأسرع. لكن هل التجربة مكتملة؟ ولا لسا في خطوة ممكن تنقلها لمستوى أقوى؟ اليوم رغم سهولة الوصول للخدمات، لسه موضوع الدفع موزع ومشتت بين أكثر من بوابة وطريقة! المستخدم أحيانا بضطر يطلع من التطبيق أو يتعامل مع أكثر من خيار حتى يكمل عملية بسيطة طبعا غير انو تطبيق البنك تاعه بكون بالشارع لما بده يدفع كلك بواحد من المحلات وكل العيون على رصيدة 👀..... وهنا مربط الفرس 👇 ليش ما يكون في "محفظة وطنية" داخل تطبيق سند؟ محفظة واحدة: - مرتبطة بهويتك الرقمية - جاهزة للاستخدام بكل الخدمات - تدعم الدفع لكل المتاجر والخدمات داخل التطبيق - تجربة سلسة بدون تعقيد أو تحويلات خارجية تخيل إنك تقدر تدفع لأي خدمة أو حتى لأي متجر مرتبط داخل سند، بضغطة زر! بدون ما تفكر بأي وسيلة دفع ثانية. هاي الخطوة مش بس بتسهل حياة المستخدم، لكن كمان: - بتعزز الاقتصاد الرقمي - بتدعم المتاجر المحلية - وبتعمل نظام متكامل داخل منصة واحدة الجهود المبذولة في تطوير التطبيق واضحة جدا، ويلي فعلاً عم نشوف أثرها على أرض الواقع والان السؤال لمدير تطبيق سند صديقي Mohammad Albattikhi, MBA هل ممكن نشوف إضافة "محفظة وطنية" داخل تطبيق سند، بحيث تكون وسيلة الدفع الموحدة والسلسة لكل الخدمات والمتاجر؟ لأنه بصراحة هاي الخطوة ممكن تكون النقلة الأكبر 🇯🇴

🚀 فرصة عمل فقط في الأردن 🇯🇴 صديق لي يبحث عن Software Engineer بخبرة من 2 إلى 4 سنوات 👨‍💻 المتطلبات الأساسية: - المعرفة العميقة في أساسيات البرمجة - إتقان Python أو PHP - خبرة عملية حقيقية في تطوير الأنظمة والعمل ضمن فريق - قدرة على تحمل المسؤولية والتطوير المستمر إذا بتعرف حد مناسب أو مهتم بالفرصة، 📩 يرجى إرسال السيرة الذاتية على الخاص.