Batoul Al-Yousfi's Recent LinkedIn Posts

السنة الماضية، وقت انعقاد "ملتقى الموارد البشرية" بإسطنبول، مرّ ببالي خاطر صغير…او خلينا نقول أمنية!! خاطر.. بس كان محمّل بشوق كبير: “أنو يا ترى… ممكن يجي يوم ونعيش هاللحظة بسوريا؟ يا ترى ممكن نشوف أهل الموارد البشرية مجتمعين هون… ببلدنا؟” ما كنت بعرف إنو هالحلم عم يقترب… وما كنت متخيلة إنو رح يتحقق أسرع من كل التوقعات. أنا من جوات قلبي سعيدة.. سعيدة.. أنو سوريا قادرة ترجع تكون منصة للخبرات، للعلم، وللأفكار اللي بتغيّر سعيدة ..لأنو أخيرًا اللقاء الافتراضي صار لقاء حقيقي مع أعلام بعالم الموارد البشرية. وأخيرًا صار في مساحة وحدة تجمعنا… شغف، وطموح، وأحلام. متشوقة التقي فيكن… نحكي من القلب، نفكّر بصوت عالي، ونرسم سوا طريق مختلف لمستقبل الموارد البشرية بسوريا والوطن العربي. رح كون معكم بندوة" التخطيط الاستراتيجي للموارد البشرية في القطاع العام" ضمن ملتقى الموارد البشرية بدمشق، جنب نخبة رائعة من الزملاء والخبراء. طبعا مافيني انسى أشكر الاستاذ Subhi Khawatmi ..الي بدون جهده الجبار ماكنا شفنا هالحلم صار حقيقة 💚 بانتظاركم بدمشق الحبيبة… 24/11/2024 لنصنع لحظة… كانت يومًا مجرّد حلم. #HumanResources #Syria #StrategicHR #ملتقى_الموارد_البشرية منتدى الموارد البشرية HR Forum

خلصنا علبة معمول العيد😁 ويلا نرجع شوي شوي لروتيننا… ولسلاسلنا المعتادة . اشتقت لهالمساحة معكم للنقاش… للتفكير… وللحكي الواقعي بدون أقنعة ☕ دردشة صغيرة قبل ما نبلّش سلسلتنا الجديدة… في سؤال عم يتكرر معي كتير بالفترة الأخيرة: “كيف فيني اشتغل بمنظمة دولية؟” بس الحقيقة؟ مو هاد السؤال الصح… السؤال الصح هو: ❓ هل فعلًا بتعرف شو يعني تشتغل بمنظمة دولية؟ لأن الواقع مو دائمًا متل الصورة: 🔹 مو كل اللي جوّا “موظفين” 🔹 مو كل العقود فيها أمان 🔹 ومو كل الفرص… مفتوحة للجميع بنفس الطريقة وخلال شغلي وتجربتي مع منظمات مختلفة… شفت أشياء كتير الناس برا ما بتشوفها أشياء لازم تنحكى… بس قليل اللي بيحكيها 🎬 قريبًا… رح أبدأ سلسلة جديدة: “ إتش أر بلا فلترة .."في المنظمات الدولية" رح نحكي فيها عن: العقود الرواتب طريقة التوظيف والواقع الحقيقي… مو النظري 💬 بس قبل ما أبلّش… إذا عندك سؤال عن العمل بالمنظمات الدولية (حتى لو كان حساس أو جريء) 👉 اكتبلي يا بالتعليقات ممكن يكون هو الحلقة الجاية. واربطوا الأحزمة وكونوا جاهزين لسلسلة حارقة خارقة متفجرة 😊 #الموارد_البشرية #المنظمات_الدولية #إتش_أر_بلافلترة_في_المنظمات_الدولية #HR_Dose_Academy

قبل فترة انسألت سؤال بسيط… "شو قصة النجاح اللي بتفتخري فيها؟" وما احتجت فكّر كتير… أول اسم خطر ببالي من بين كتير قصص كان "كفاءة". كفاءة المدربين… كفاءة الفريق… وكفاءة الروح اللي جمعتنا على هدف واحد: نترك أثر حقيقي. ✨ مدربونا المميزون اللي كانوا حجر الأساس وعمود الضو بكل خطوة: أ.براء جغنون Baraa Jaghnon أ.محمد يوسف يبرودي Mohamad Yousif Ybroudi أ.محمد حسن بيضون Mohammed Hasan Baydoun اجتمعوا على قلب واحد وصوت واحد… ليقدّموا علم، خبرة، وشغف ما بينقاس. ✨ فريق المتطوعين… الشباب والصبايا اللي أعطوا من وقتهم وجهدهم بكل حب ومسؤولية. ستة أشهر من التدريب العملي والنظري… برنامج هو الأول من نوعه بسوريا والجوار، وصار دليل إنو فينا نعمل المستحيل لما نشتغل بقلب صادق وإرادة حقيقية. ✨ شركاء النجاح اللي آمنوا فينا، دعّمونا، وفتحوا الباب قدّام الحلم ليتحقق: مؤسسة اقتصاد ووطن ممثلة بالدكتور رازي محي الدين Dr Razi Mohi Aldeen معهد خدمة المجتمع ممثّل بالأستاذ وائل دعّاس Wael Daas وجودهم معنا كان أكثر من دعم… كان رسالة ثقة كبيرة، ومسؤولية حرصنا نكون قدّها. اليوم… ونحن نطوي صفحة هذا المشروع، بإيد وبقلب مليانين فرح… عم نحتفل مو بس بنهاية رحلة، بل ببداية أثر. بداية قصص جديدة… ومسارات مهنية رح تكبر وتزهر. كفاءة… كانت فكرة. وصارت تجربة. واليوم… صارت إنجاز نفتخر فيه وقدوة نكمل عليها. وبإذن الله… مو آخر الطريق. لسّه في قلوب نقدر نلهمها، شباب نقدر نمكّنهم، ومبادرات جاهزة تولد وتكبر. الختام.. هو بس بداية جديدة… ورح نضل نشتغل لحتى يضل اسم كفاءة مرادف للفرص… وللأمل… وللإنسان. #كفاءة #تمكين_الشباب #الموارد_البشرية #سوريا_تنهض #Kafaa

فترة انقطاع قصيرة عن LinkedIn، كان لي شرف أداء العمرة هذا الشهر. تجربة عظيمة تركت أثرًا عميقًا… وأعادت ترتيب الكثير من الداخل. في زحمة العمل والمشاريع والطموحات والتسارع اليومي، ننسى أحيانًا أهم سؤال: إلى أين نمضي؟ ولماذا؟ وما الأثر الذي نريد أن نتركه خلفنا؟ اكتشفت أن النمو المهني يحتاج إلى اجتهاد وتعلّم وممارسة، لكن النمو الإنساني يحتاج شيئًا مختلفًا تمامًا: صدق مع النفس ووضوح في البوصلة. من أكثر الدعوات التي رافقتني أن يكتب الله لنا علمًا ينتفع به وأثرًا طيبًا… وأن لا يطغى السعي المهني على السعي الإنساني، فالقيم والمعنى ليست رفاهية. رجعت بامتنان أكبر، ووضوح أعلى لما أريد أن أقدّمه فعلًا… وبقناعة راسخة أن المهارات والقيم لا تتعارض، بل تتكامل. فلا قيادة بلا قيم، ولا مهنة بلا معنى. ممتنة جدا لكل من سأل وسلّم. ومتحمّسة لمتابعة ما بدأته… خصوصًا على HR Dose، ومشاريعي القادمة بإذن الله.

شهادة جديدة… وتعلّم مستمر! دائمًا بسأل حالي: ليش بعد كل هالسنين بمجال الموارد البشرية والتدريب، لسا بحب أحضر كورسات جديدة حتى بنفس المواضيع اللي أنا بعطيها؟ الجواب بسيط… لأن العلم ماله حدود.. كل دورة، حتى لو عنوانها مألوف، فيها زاوية جديدة… فكرة بطريقة مختلفة… مثال ببيئة عمل ما كنت شايفته من قبل. وفي شي أنا بسميه " عين المدرب" المدرب الحقيقي ما بيتعلّم بس محتوى تدريبي، بيتعلّم كمان أساليب تدريبية جديدة، وبيقيم حاله من مراقبته لمهارات وتقنيات مدربين تانيين. وهاي كانت شي من نتائج كورس" إعداد الرواتب والأجور وتصميم سلم الرواتب باحتراف" الي حضرته مع HCDmena® ، وكانت تجربة غنية على كل المستويات. شكرًا للفريق الرائع على مستوى التنظيم والمحتوى والاحترافية العالية، والمدرب المتمكن الاستاذ Saleem Bustami وتذكروا.." التعلّم المستمر… هو سر المدربين اللي بيتركوا أثر." #ContinuousLearning #TrainingAndDevelopment #HumanResources #HCDMena

" كتيب50 سؤال وجواب في عالم ال HR" بعد 15 سنة شغل في عالم الموارد البشرية، لاحظت شغلة مهمة: الأسئلة اللي بتدور في المكاتب أكتر بكتير من الإجابات. أسئلة عن التوظيف… والعقود… والتقييم… والرواتب… أسئلة بنسمعها كل يوم: ليش رفضوني؟ وليش قبلوني أصلاً؟ كيف بنقييم الأداء؟ وليش فلان بياخد راتب أعلى؟ وكيف أتعامل مع مدير صعب… أو فريق أصعب؟ المدهش؟ إنو أغلب هاي الأسئلة ما بتلاقي إجاباتها بكتب الـHR… ولا بالمناهج… ولا حتى بالدورات. الكتب بتعطي نظريات… بس الواقع عم يصير مع الناس، بالمكاتب، وبالقرارات اليومية. ومن هون اجتني الفكرة.. وجمعت 50 سؤال وجواب من قلب الشغل مو محتوى نظري… بل محتوى عملي من خبرة ومواقف وتجارب واقعية. فإذا كنت HR… رح تشوف الصورة كاملة. إذا كنت موظف… رح يجاوب لك على أشياء بتمر عليك كل يوم. إذا كنت مدير… رح يفهمك فريقك وطريقة التعامل معه أكتر. ولو حابب تدخل مجال الـHR… فهذا واحد من أفضل الأماكن تبدأ منه. الكتيب مجاني. اللي حابب نسخة يكتب كلمة كتاب بالتعليقات… وبوصله رابط التحميل فورًا 👇 #50_سؤال_وجواب_من_عالم_الموارد_البشرية

🎓✨ انطلاقتنا مع كفاءة… كانت مختلفة! بكل حماس ، خلصت أول جزئين من البرنامج التدريبي ضمن مبادرة كفاءة 🎯 قدّمت خلالهم المحاضرتين الأولى والثانية، وكانت البداية مع لقاء الانطلاقة والتعريف بالرؤية وأهداف البرنامج، تبعها جلسة متخصصة عن إجراءات التوظيف ومراحله السبعة الأساسية. بس يلي ميّز هالجلسات فعلًا… هو المجموعة الرائعة من المتدربين يلي اشتغلت معهم.. تفاعل، أسئلة، نقاشات، وفضول حقيقي للتعلم – شعور بالفخر بكل شخص حضر وكان جزء من هالتجربة! اليوم أنهيت الجزء الخاص فيني من التدريب، وبكرا بيكملوا زملائي: Baraa Jaghnon , Mohammed Hasan Baydoun Mohamad Yousif Ybroudi المحاضرات التالية ضمن جدول متكامل مصمّم لتأهيل الشباب لدخول عالم الموارد البشرية بخطى واثقة 🙌 شكراً لكل شخص آمن بأهمية #كفاءة، وساهم بإطلاق هالدفعة من القلوب والعقول المتعطشة للعلم وللتطوير. #كفاءة #موارد_بشرية #بناء_قدرات #فرص_عمل #تمكين_الشباب #HR

شهادة جديدة… بس مو بالموارد البشرية!💡 يمكن البعض يستغرب لما يعرف إنو حصلت مؤخرًا على شهادة "التخصص في السياسة السورية" من #الشرق_أكاديميا رغم إنو مجالي الأساسي هو الموارد البشرية وبناء القدرات. بس الحقيقة؟ ما عاد يكفي نكون متميزين بشغلنا وبس. إذا بدنا نشتغل صح، ونساهم فعليًا بإعمار بلدنا… لازم نعرفه أولًا. نفهم سياسته، اقتصاده، تركيبته المجتمعية، وتاريخه! لذلك خضت تجربة تعليمية غنية، شملت محاور مثل: ▫️ تطور النظام السياسي السوري ▫️ الجغرافيا السياسية ▫️ التعددية المجتمعية ▫️ الثورة السورية: المراحل والمآلات ▫️ الاقتصاد السياسي للدولة السورية كل الشكر للدكاترة والأساتذة الكرام يلي أثرونا بمحتوى علمي عميق ومنهجي. وكل الامتنان لمنصة أكادمية الشرق على فتح هذا الباب للتعلم والنقاش والوعي. الخطوة الجاية؟ نربط كل هذا الفهم بواقع عملنا، ونخلق مشاريع وسياسات وتنمية…أكيد عن وعي وخبرة، مو عن صدفة. #الشرق_أكاديميا #التنمية_السياسية #المعرفة_قوة #سوريا_المستقبل

هالمرة البوست إلو مكان خاص جدًا بقلبي… كان إلي شرف حضور الملتقى الوطني الأول للموارد البشرية في سوريا، ويمكن أول كلمة بتخطر ببالي هي: أدّيش كنّا محتاجين لهالمساحة الحرة… مساحة نحكي فيها بصوت عال عن واقع الموارد البشرية ببلدنا: تحدياتها، ثغراتها، قصص النجاح فيها… ومساحة نكون فيها جزء من الحل مو بس جزء من الشكوى. أجمل ما في الملتقى إنو ما كان مجرد جلسات رسمية، كان فعليًا ساحة تفكير جماعي… نسمع نناقش نختلف أحيانًا بس نرجع نلتقي عند هدف واحد: كيف فينا نطوّر ممارسات الموارد البشرية بسوريا ونربطها بأفضل الممارسات العالمية، دون ما ننسى خصوصية واقعنا واحدة من أمتع لحظات الملتقى بالنسبة إلي كانت لقاء القامات المميزة في عالم الموارد البشرية؛ أسماء كنت بشوفها على الشاشة، بقرأ الها، بسمعها من خلف الكواليس… وفجأة صاروا معي، "واقعيا مو افتراضيا" وابتسامة وحوار عميق. المعرفة الافتراضية اتطورت لعلاقات إنسانية ومهنية حقيقية زادت ألق هالتجربة وخلّتها أغنى وأقرب للقلب. 🤍 على مستوى المحتوى، الملتقى كان غني بالـ: ورشات عمل عملية ندوات حوارية عميقة وتجارب واقعية من الميدان كل محور كان يفتح باب لأسئلة جديدة، وأفق أوسع للتفكير في مستقبل المهنة. وكان إلي الشرف بالمشاركة في ندوة "التخطيط الاستراتيجي للموارد البشرية في القطاع الحكومي"، اللي تحوّلت لمساحة حرة للنقاش وتبادل الآراء، استمعنا فيها لمداخلات قيّمة من الحضور أغنت الجلسة وأضافت لها أبعاد من قلب الواقع اليومي للمؤسسات العامة. 🙏 شكر من القلب للأستاذ صبحي خواتمي Subhi Khawatmi عرّاب هذا الحدث، وصاحب الفضل بعد رب العالمين في رؤية هالملتقى للنور بهالشكل المنظم والمشرّف. بعرف تمامًا إنو ما رأيناه على المنصة سبقته أشهر طويلة من: التخطيط، التنسيق، المتابعة بالتفاصيل الصغيرة قبل الكبيرة… ليطلع الملتقى بهالصورة اللي بتشرف كل شخص اشتغل عليها وكل شخص شارك فيها. وفي ختام هالتجربة الجميلة، بيبقى عندي ثقة كبيرة إنو: كل الأفكار، والنقاشات، والمبادرات اللي طُرحت خلال الملتقى ما تضل حبيسة القاعات، بل تتحوّل لخطط عمل، وسياسات، ومشاريع حقيقية تسهم في تحسين واقع الموارد البشرية في سوريا، والعالم العربي ككل. لأن الموارد البشرية مو مجرد قسم… هي نبض المؤسسات، وإذا اشتغلنا عليها صح… كل شيء بعدها ممكن يتحسّن. منتدى الموارد البشرية HR Forum #الموارد_البشرية #سوريا #HR #التخطيط_الاستراتيجي #تطوير_المؤسسات

يسعدني جدًا انضمامي إلى @Syria HR Forum منصة تجمع نخبة من المتخصصين السوريين في الموارد البشرية حول العالم، بروح التعاون وتبادل الخبرات. شكر كبير للفريق الرائع على هذا التقدير، ولكل شخص مؤمن بقوة الموارد البشرية في بناء بيئة عمل أفضل، أكثر وعيًا وإنسانية. متحمسة للمشاركة، للتعلّم، ولترك أثر جميل سويًا 🤍 وفخورة بتمثيل بلدي ومجتمعي المهني بكل حب ومسؤولية It’s a pleasure and an honor to join @Syria HR Forum, a community that brings together Syrian HR professionals worldwide — sharing knowledge, collaboration, and a common passion for advancing our field. Grateful for this recognition and excited to contribute to meaningful growth and positive impact in the HR community Proud to represent my country and the HR community with passion and purpose. #SyriaHRForum

🚪 بتوصل عالوقت، وبتوقع بصمتك كل يوم… بس السؤال: وين الإنجاز؟ في بيئات عمل لسا بتحكم على التزامك بـ الكرسي والمكتب وبتنسى تقيس تعبك، شغلك، وأفكارك… ✔️ هل فعلاً الالتزام يعني حضور؟ ✔️ ولا صار لازم نعيد تعريف الإنتاجية بعصر المرونة والعمل عن بعد؟ 📺 انتظروا حلقتنا الجديدة من #سلسلة_إسأل_مجرب_HR… وخلينا نحكي بصراحة عن "دوامك" الحقيقي! 📊 الاستطلاع (Poll): شو بتشوف أهم معيار لتقييم التزام الموظف؟⁉️ 🔘 الالتزام بساعات الحضور والخروج 🔘 الإنجاز وجودة المخرجات 🔘 مزيج من الحضور والنتائج 🔘 حسب نوع الوظيفة وطبيعة الشغل ⬇️ شاركنا رأيك قبل الحلقة! #HRDose #اسأل_مجرّب_HR #ثقافة_النتائج #إدارة_الوقت #الدوام_مش_كل_شي

📊 شو رأيكم..دام فضلكم 😊 في بعض الشركات… الموظف اللي بياخد إجازته السنوية بيكون تحت المجهر وكأنه ارتكب "جرم"! 😏 🚩 برأيك… كيف تتعامل بيئة عملك مع الإجازات السنوية؟ 1️⃣ حق طبيعي – ويشجعوا عليها 2️⃣ شيء عادي – ما حدا بيعلق 3️⃣ مكروهة ضمنيًا – تلاقي تلميحات أو نظرات 4️⃣ ما في إجازات أصلًا! 😅 💬 جاوب وشاركنا… ممكن نتيجتك تكشف عن ثقافة العمل عندك! وانتظرنا بالحلقة الجاية من #إسأل_مجرب_HR لنحكي أكتر وأكتر عن هاد الموضوع

"عم تجي عالوقت؟ بس وين الإنجاز؟!" ✍️ اسأل مجرّب HR | الحلقة 6 🎬 المشهد: المدير (بعصبية): 😠 > "صارلك داخل متأخر ٣ أيام هالأسبوع! هيك ما بيمشي الشغل!" الموظف (بهدوء): 😌 > "بس الشغل خلص قبل الديدلاين… والمخرجات كاملة ومراجَعة، مو هاد الأهم؟!" 💼 HR (بنبرة تحليلية): > "هون الخلاف بين مدرستين: وحدة بتقيس بالحضور… والتانية بالإنجاز!" 🧠 شو المشكلة؟ بعض المدراء بيشوفوا الالتزام = وقت الوصول والمغادرة ⏰ بس بالحقيقة؟ 📌 فيه موظف بيجي عالوقت وما بينجز 📌 وفيه موظف بينجز أكتر من المطلوب… ولو اشتغل من البيت أو خارج أوقات الدوام. 🎯 شو الأفضل؟ الحضور ولا الإنتاج؟ المعادلة الذكية: 🔹 نحترم وقت العمل لأنو بيدل على التزام 🔹 بس ما ننسى نقيّم الناس على مخرجاتهم وجودة شغلهم مش بس على الساعة! 🧭 طيب، مش كل الشغل متشابه… هون لازم نفرّق: 🔸 وظائف تتطلب حضور فعلي: مثل الخطوط الإنتاجية، خدمات العملاء المباشرة، أو الوظائف الميدانية. > بهيك أدوار، الحضور أساسي لأنو طبيعة الشغل مرتبطة بالمكان والزمان. 🔸 وظائف ممكن تنعمل عن بعد: مثل البرمجة، التصميم، التسويق، الموارد البشرية، التحليل، وغيرها. > هون الإنجاز هو الملك، والمكان أقل أهمية… طالما الأدوات متوفرة والشغل بيتم بكفاءة. 🧠 الخطأ؟ لما نستخدم نفس مقياس "البصمة" لكل الوظائف بدون تمييز. 💡 وين بتصير المشكلة؟ لما الشركات: ❌ بتراقب البصمة أكتر من التقارير ❌ بتكافئ اللي "موجودين دايمًا" حتى لو من دون إنتاج ❌ بتغض النظر عن الموظفين المنجزين بس لأنهم مرنين بالدوام أو بيشتغلوا عن بعد 🔍 شو نحتاج؟ ثقافة "نتائج" مش "مقاعد": ✔️ نظام واضح لتتبع الإنجاز (KPIs + Deadlines) ✔️ مرونة مدروسة بس مش فوضى ✔️ مساءلة عادلة للجميع بناءً على الأداء ⚠️ شو الآثار السلبية للتركيز على الحضور فقط؟ 1️⃣ قتل الإبداع والمرونة 2️⃣ إحباط المواهب الحقيقية 3️⃣ تضييع وقت المدير على المراقبة بدل التحفيز 4️⃣ بيئة عمل سامة كلها شكاوى وتدقيق على بعض 📌 وإذا كنت موظف؟ ✔️ خليك ملتزم، بس خلي إنجازك يحكي عنك ✔️ وثّق كل شي بتسويه، وخلّي مديرك يشوف نتائج مش بس حضور ✔️ اقترح نظام يوازن بين الانضباط والمرونة ✔️ واذكر إن ثقة الإدارة بتبني التزام… مش العكس! 🎯 النجاح مو بعدد الساعات… النجاح بوزن الإنجاز. > "الموظف الملتزم مش بس اللي بيجي عالوقت… هو اللي بيسلم شغله قبل الوقت، وبأعلى جودة!" 💬 سؤال الحلقة: برأيك… شو أهم؟ ✅ الالتزام بساعات الدوام ✅ ولا الإنجاز والمخرجات… حتى لو من البيت؟ احكولنا تجاربكم بصراحة 👇👇👇 📩 حاسس إن تقييمك بالشغل ما عم يعكس تعبك وإنجازك؟ خلينا نحكي سوا، ونشوف كيف فيك تبرز شغلك الحقيقي بطريقة مقنعة ومهنية. أنا بتول اليوسفي – وبدعمك بخطوات عملية تخلّي جهودك تنشاف وتنعرف. اذا مهتم راسلني DM #اسأل_مجرّب_HR #الدوام_مش_كل_شي #الإنجاز_أولاً #ثقافة_النتائج #HRDose

“الموظف الجوكر” 🎬 الحلقة 5 سلسلة HR بلا قناع 📌 ملاحظة : القصة التالية واقعية، من ملفات وتجارب شركات ومنظمات عايشتها، مع تغيير التفاصيل التي تحمي الخصوصية. المشهد: في شركة ما… ما في توصيفات وظيفية واضحة. وإذا في… فهي فقط للزينة !!😌 وفي موظف واحد: ✔️ شاطر ✔️ متعاون ✔️ “ما بيقول لأ” ✔️ دايمًا موجود وقت اللزوم صار مع الوقت: – HR غير رسمي – Project Manager وقت الأزمات – IT لما السيستم يعلق – Admin لما حدا يغيب – Support لأي حدا محتاج شي مديره مبسوط جدًا منه🥸 والإدارة شايفته “كنز”🏆 والسؤال اللي ما حدا عم يسأله: هل هاد الموظف عم يتطوّر؟ ولا عم ينحرق؟ 💥 العقدة: الموظف ساكت. ما عم يعترض. وحتى أحيانًا فخور إنه “الجوكر”. والمدير؟ مرتاح… لأن الشغل ماشي. بس الحقيقة؟ 🔴 لا في وضوح أدوار 🔴 لا تقييم عادل 🔴 لا مسار مهني 🔴 ولا حماية من الاستنزاف 🧠 موقف HR الي بدون قناع كان : “طالما هو راضي خلّيه” بس هاد مو مبرر مهني!!! الرضا اللحظي ( لايساوي) سلوك صحي طويل المدى. 📌 الموظف الجوكر غالبًا: – يتأخر احتراقه… بس ما بينجو – يتوقف نموه – يصير “ضروري” بس غير قابل للترقية – ينحط بمكان رمادي: لا هو مبتدئ ولا قائد ✅ الحل المهني (اللي انا بالعادة بطبّقه): 1️⃣ تثبيت توصيف وظيفي حقيقي مو نسخة Word قديمة. 2️⃣ تمييز بين: – مهام طارئة – مهام دائمة (وكل وحدة إلها مقابل) 3️⃣ ربط تعدد الأدوار بمسار مهني واضح ترقية توسيع دور تعويض 4️⃣ حماية الموظف من نفسه لأن الموظف الشاطر أحيانًا ما بيعرف يقول “وقف”. 🎯 الخلاصة: الموظف الجوكر مو مشكلة بحد ذاته… المشكلة: لما الشركة تبني نظامها على شخص واحد وبتسميه “مرونة” وبدون مايكون في تقدير بالنهاية لهالموظف الي شايل الشركة على ظهره . ❓ سؤال للنقاش: هل كنت يومًا “الموظف الجوكر”؟ كيف كنت بتتمنى يتعاملوا معك؟ أو مدير اعتمد على جوكر بدون ما ينتبه للتكلفة؟ وشو ممكن تعمل هلأ لتصحح المسار قبل فوات الأوان ؟ شاركوا تجاربكم 👇 النقاش مفتوح… وبلا أقنعة كالعادة😊 #HR_Dose_Academy #سلسلة_HR_بدون_قناع

https://lnkd.in/dBiH5Kwv بعد 3 شهور من الشغل، الجلسات، النقاشات، والتفاصيل الصغيرة يلي بتصنع الفرق… بقدر قول اليوم بكل فخر: Masarat Initiative صنعت أثر حقيقي سعيدة جدًا إني كنت جزء من برنامج ريادة الأعمال، واللي قدر يطلق 26 مشروع لشباب سوري طموح 🇸🇾 26 فكرة… ممكن تكون بداية قصص نجاح كبيرة جدًا بالمستقبل. بالنسبة إلي، أجمل شي بهالتجربة ما كان بس التدريب… كان لحظات التحول يلي شفتها بعين الشباب: من تردد… لوضوح، من فكرة… لخطة، ومن حلم… لشي ممكن يتحقق كل الشكر والتقدير للقائمين على هالمبادرة الرائعة بصراحة، أنتو ما عم تشتغلوا على برامج… أنتو عم تبنوا أثر وعم تعطوا فرصة حقيقية لجيل كامل ليوقف على رجليه ويبدأ. ولكل المشاركين والمتدربين… كنتوا مصدر طاقة وأمل ❤️ عنجد بتمنالكم كل التوفيق بالمرحلة الجاية، وعم استنى مشاريعكم تعبر الورق وتوصل على الأرض باستثمارات حقيقية تفيد البلاد والعباد. تذكّروا دائمًا: البداية كانت هون… بس القصة الحقيقية لسا لقدّام 😉 #ريادة_الأعمال #Entrepreneurship Masarat Initiative

✍️ اسأل مجرّب HR | الحلقة 10 والأخيرة "استقال فجأة… ومن دون إنذار؟!"🚩 🎬 المشهد: المدير (مصدوم): 😳 > "الموظف الممتاز اللي كنت أعتمد عليه… اجاني اليوم وقدّم استقالة فورية! ليش؟ ما كان في أي إشارة!" الموظف (بهدوء): 🤐 > "الحقيقة… فكرت بالاستقالة من فترة طويلة. بس ما حدا سمعني لما حكيت عن ضغط الشغل ولا طلبت خطة تطوير." 💼 HR (بنبرة تحليلية): > "الاستقالات المفاجئة ما بتجي من فراغ… دايمًا في مؤشرات بتظهر قبل ما ينفجر القرار. المشكلة؟ إنو كتير من المدراء ما بينتبهوا لإلها." 🧠 الواقع: 🔹 تقرير من Gartner: > 52% من الموظفين بيقولوا إن مدراءهم ما بيناقشوا معهم خطط التطوير ولا فرص النمو. 🔹 LinkedIn Study: أغلب الموظفين اللي استقالوا فجأة كانوا بدوروا على بديل من أشهر، بس ما لقوا دعم أو حوار داخل الشركة. ⚠️ خطورة التجاهل: 1️⃣ بتخسر كفاءات فجأة. 2️⃣ بتكلف الشركة وقت وفلوس بالتوظيف البديل. 3️⃣ وبتتأثر معنويات الفريق كله. 🎯 شو نعمل؟ 📌 إذا كنت موظف: ✔️ لا تحتفظ بمشاكلك لنفسك… عبّر عنها وبسرعة. ✔️ إذا ما لقيت تجاوب، ابحث عن خيارات قبل ما تتأزم. ✔️ اترك دائمًا أثر مهني حتى بقرار الاستقالة. 📌 إذا كنت مدير: ✔️ اسمع إشارات الانسحاب: تراجع الأداء، انسحاب من الاجتماعات، غياب الحماس. ✔️ اعمل One-to-One دوري مع موظفيك. ✔️ اسألهم: "شو ممكن نعمل حتى تستمر مرتاح معنا؟" ✔️ اربط الحوار بخطط تطوير واقعية. 💬 سؤال الحلقة: "برأيك… هل الاستقالات المفاجئة بتكون دائمًا صدمة؟ ولا في إشارات بتكشفها من قبل؟" 🎁 الهدية: 🚀 لحتى ما تنصدم باستقالات فجائية، محضّرة إلك "Exit Interview Template" جاهز ظريف ولطيف..هالقالب رح يساعدك تكتشف الأسباب الحقيقية وراء الاستقالات، وتحوّلها لدروس تطويرية للشركة. إذا حابب/ـة توصلك الأداة مجانًا… اكتب "مهتم" بالكومنت 👇 #اسأل_مجرّب_HR #الاستقالات #HRDose #EmployeeRetention #ExitInterview

اشتقتوا لسلاسل لينكدإن معي 😊؟ للمنشورات اللي ما كانت بس محتوى… كانت نقاش، مشاركة، وأحيانًا مرآة لواقع بنعيشه كل يوم. اشتقتوا للحلقات الجدلية، للأسئلة اللي ما إلها إجابة جاهزة، وللحوارات اللي كانت تطلع من التعليقات أكتر مما تطلع من البوست نفسه ؟🤍 طيب تعالوا نرجع هالحماس … وقولولي أي نوع محتوى بتحسّوه ناقص اليوم بعالم ال HR وبحاجة نحكي عنه أكتر؟ أختاروا وصوتوا لموضوعكم المفضل.. 1️⃣ مين سرق دور HR؟ وليش دوره الحقيقي عم يختفي داخل المؤسسات؟ 2️⃣ المنطقة الرمادية بالـ HR قرارات صعبة ما هي صح 100% ولا غلط 100% 3️⃣ HR بلا أقنعة تناقضات وضغوط مخفية ما حدا بيحكي عنها 4️⃣ عنوان تاني؟ اكتبوه بالتعليقات ومتل العادة هاي السلاسل من الواقع..و نتيجة تجارب، أخطاء، وتعلّم مستمر، انا بحط حجر الأساس وبتنبنى ويتكبر معكم وبخبراتكم ومشاركاتكم. #HR_Dose_Academy

"التقييم السنوي… فرصة للنمو؟ ولا لعبة مصالح مكررة؟" ✍️ اسأل مجرّب HR | الحلقة 9 🎬 المشهد: الموظفة (بقلق): 😟 > "عندي تقييم أداء اليوم… وقلبي طالع نازل! كل سنة نفس السيناريو… ودايمًا بيطلع فيني تقصير!" المدير (ببرود): 😐 > "ما في شي جديد… نقاط القوة نفسها، والملاحظات كمان نفسها من السنة الماضية." 💼 HR (بنبرة تحليلية): > "التقييم السنوي ما لازم يكون: ❌ أداة تصفية حسابات قديمة، ❌ ولا مجرد روتين مكرر بنسخ نفس الكلام كل سنة. إذا ما استخدمناه كأداة تطوير، فهو عبء إداري ما إله معنى." 🧠 الواقع: 🔹 دراسات LinkedIn وGallup بتقول: " أكثر من 60٪ من الموظفين بيحسوا إن التقييم غير عادل أو ما بيعكس إنجازاتهم." 🔹 وكثير من المدراء بيكتبوا التقييم بنفس النمط، وبنفس الملاحظات، بدون تحليل حقيقي للأداء. ⚠️ لما يفشل التقييم… بيصير خطر: 1️⃣ بيخلق شعور بعدم التقدير عند الموظف. 2️⃣ بيساهم بتآكل الثقة داخل الفريق. 3️⃣ وبيخلي التقييم أداة تصفية حسابات، مش تطوير. 🎯 شو نعمل؟ 📌 إذا كنت موظف: ✔️ لا تدخل التقييم متوتر… ادخل واثق ومجهز إنجازاتك. ✔️ خليك شريك بالحوار، مو مجرد متلقي. ✔️ اسأل: "شو المهارات اللي ممكن أشتغل عليها؟" ✔️ اطلب Feedback دوري، مو مرة بالسنة. ✔️ناقش النتائج ولاتستسلم اذا كنت غير مقتنع فيها. 📌 وإذا كنت مدير: ✔️ راجع التقييمات السابقة… لا تكرر نفس الكلام! ✔️ إذا في ملاحظات متكررة، اسأل نفسك: ليش ما تحسّنت؟ ✔️ اربط التقييم بخطة عمل واضحة، مش انتقاد عام. ✔️ وخلي التقييم عادة تطويرية مستمرة، مو حكم نهائي آخر السنة! ✔️ وانتبه: التقييم مش مكان لتصفية الحسابات… بل مساحة لبناء الثقة والوضوح. 💬 سؤال الحلقة: > مرّ عليك تقييم أداء حسّيته مكرر أو فيه تحامل؟ شاركنا تجربتك… ونصائحك 👇👇👇 أنا بتول اليوسفي – ومع كل تقييم، عندك خيار: إما تصغره لحجم روتين إداري… أو تكبّره لفرصة تطوّر حقيقية! DM me for any further information #اسأل_مجرّب_HR #التقييم_السنوي #HRDose #تطوير_الموظفين #تقييم_أداء_عادل

خلصت تدريب جميل مع "مبادرة مسارات"… وطلعت من هالتجربة بامتنان وسعادة كبيرة. امتنان لفريق مسارات على مبادرة عنجد راقية وهادفة، عم تعيد تعريف الريادة على إنها رحلة واعية ومسؤولة، مو بس فكرة أو حلم سريع. وجود منصات بهالشكل بيفتح مساحة للتعلّم والتجربة والنمو بدون خوف… وهالشي قليل نشوفه اليوم. وفخر بكل المشاركين اللي كانوا عنجد من أجمل الفرق اللي درّبتها خلال السنوات الماضية… مستوى الجديّة، الحوار، الأسئلة، والشغف يلي شفتو بهالجلسات بيعطي أمل كبير. بهيك ناس بتنبنى المشاريع… وبهيك شغف بتنبنى الأوطان. رح شارك هون جزء صغير من الفيدباك الجميل اللي وصلني بنهاية التدريب، وكان أحلى طريقة نختم فيها هالمسار شكرًا لكل شخص شارك… ولكل حدا أخد خطوة تجاه ذاته ومشروعه ومجتمعه. وإلى لقاءات ومسارات قادمة وكتيرة بإذن الله Masarat Initiative

✍️ HR Lab | Ep.6 — "التوصيف الصح يجذب الناس الصح!" 🚨 آلاف الـCVs بتوصل… بس القليل منها فعلاً مناسب! السبب؟ التوصيف الوظيفي عم ينكتب “للتعبئة”، مو “للاستقطاب” ماريان، Talent Acquisition Lead بشركة FinTech فيها 110 موظف، بتقول: > “كل إعلان توظيف بيجيب سيل من السير الذاتية… بس معظمهم مش بالمستوى المطلوب!” 🎯 بهالحلقة رح نحكي كيف نعالج هالموضوع بخطوات عملية: 1️⃣ بوصف وظيفي واضح لكل دور: النتائج، المهام، والكفاءات المطلوبة. 2️⃣ تمييز بين المتطلبات الأساسية والإضافية 3️⃣ استخدام مقابلات STAR + اختبار عملي صغير لقياس الجدارة الفعلية. 📊 KPI لقياس النجاح: 🔹 CV → مقابلة +30%: زيادة السير الذاتية المؤهلة بنسبة 30%. 🔹 TTH ‎-20%: تقليل وقت التوظيف بنسبة 20%. 💬 شو رأيكم؟ هل المشكلة فعلاً بالتوصيف… ولا بعيون المدير اللي يقرأه؟ #سلسلة_بتنحل #HR_Dose

من أرشيف HR Dose حلقات تستحق نتذكرها💡 " حيل ومهارات نفسية تساعدك لتكون مقنع أكثر " ملخص: الإقناع هو فن يتطلب مجموعة من المهارات والحيل النفسية التي تساعد على التأثير على الآخرين. إليك بعض هذه المهارات والحيل: 1. بناء الثقة: الناس يميلون للاستماع والتأثر بمن يثقون بهم. لذلك، من المهم أن تكون صادقًا ومخلصًا في التواصل. 2. الاستماع الفعال: استمع إلى الشخص الآخر بعناية، وأظهر اهتمامك بما يقوله. هذا يعزز الثقة ويجعله أكثر استعدادًا لقبول وجهة نظرك. 3. مراعاة لغة الجسد: تكرار النقاط الرئيسية بطرق مختلفة يمكن أن يثبت الفكرة في ذهن الشخص الآخر, كما أن الابتسامة ولغة الجسد يمكن أن تجعل الشخص الآخر يشعر بالراحة والانفتاح، خاصة عندما تقلد لغة جسد المقابل بشكل ذكي ودون مبالغة، فالناس بالاجمال تميل للذين يشبهونهم. 4. هز الرأس بالايجاب،حيل نفسية شديدة الفعالية على المقابل خاصة اذا تم اتقانها واستخدامها بالوقت والموقف المناسب. 5. قدم لتأخذ، غالبا الأشخاص تميل لرد المعروف، فعندما تكون بحاجة أمر ما من أحدهم، بادر بتقديم المعروف والمساعدة له، سوف يكون أكثر تجاوبا واقتناعا بتنفيذ طلبك. استخدام هذه المهارات والحيل بشكل فعال يتطلب ممارسة وخبرة، ولكن مع الوقت يمكنك تحسين قدرتك على الإقناع بشكل كبير. اذا أردت معرفة ال٥ مهارات المتبقية ، تابعنا في الحلقة القادمة. #HR Dose #HRM #Soft Skills #Training

🎬 الحلقة 3 | “مو شغلك تسألي!!!!” سلسلة HR بلا قناع 📌 ملاحظة: القصة التالية واقعية، من ملفات وتجارب شركات ومنظمات عايشتها، مع تغيير التفاصيل التي تحمي الخصوصية. في شركة ريتيل متوسطة الحجم ، وصلت شكوى رسمية لـ HR: ❗ تحرّش لفظي متكرر ❗ تعليقات غير لائقة ❗ بيئة غير آمنة لفريق كامل الملف واضح. الشهادات متعددة. والأدلة… كافية. الاتش أر بلّش شغله صح: ✔️ مقابلات ✔️ توثيق ✔️ توصية بإجراء تحقيق داخلي بس أول ما وصل الموضوع للإدارة العليا، كان الرد الصادم: “خليكي بحدود شغلك.” “هاد الموضوع مو من اختصاص HR.” “نحنا منعرف هالشخص منيح.” وبجملة وحدة انقتل الملف: “إذا كبّرناها… رح تضر سمعة الشركة.” قرار الإدارة؟ 📌 إغلاق الملف بهدوء 📌 نقل الموظفة “تفاديًا للمشاكل” 📌 تحذير غير مباشر لـ HR: لا تعيديها النتيجة؟ ❌ موظفة انسحبت ❌ فريق فقد الأمان ❌ الاتش أر خسر دوره الحقيقي والرسالة كانت أخطر من أي مخالفة: السمعة أهم من الإنسان. الصمت أذكى من المواجهة. واللي يحكي… بيدفع الثمن. ❓ خلّينا نوقف هون ونحكي بجرأة: – هل HR فعليًا “داعم” ولا “واجهة تجميل”؟ – إذا الإدارة طلبت السكوت… هل الطاعة مهنية؟ – متى يصبح الصمت تواطؤ؟ – ولو كنتوا مكان HR… بتكملوا؟ بتواجهوا؟ ولا بتحموا حالكم وتنسحبوا؟ 👇 مارح أكتب شو القرار اللي أخدته بهالحالة. بدي أسمعكن أولًا. واللي حابب يعرف شو كان موقفي الحقيقي، يكتب بالتعليق كلمة (الموقف). هيك ملفات ما بتنحل بنظريات. بتنحل بوعي، أدوات، وحدود واضحة. وهذا بالضبط اللي نشتغل عليه داخل HR Dose Academy للي مستعدين يكونوا HR… بلا قناع. #HR_بلا_قناع #Workplace_Reality #HR_Ethics #Power_Abuse #HRDose_Academy

الحدث الفخم..الضخم في دمشق..أخيرا 🙏😊

#سلسلة_دردشة_مع_فنجان_قهوة ✨ بين بتول الكبيرة وبتول الصغيرة ✨ بعرف الكل فات بهالتريند ويمكن مليتو منه!! بس ما بعرف ليش هالصورة رجعتني سنين لورا… لحتى إسمع من حالي: وين كنت بدي كون؟ ووين صرت؟ مبدئياً ما كتير شغلات تغيرت، خاصة بالمضمون… والمضمون هو صنيعة أهل ماقصروا ، وكل ما مرّت السنين بحس حالي انعكاس إلهم أكتر. هلأ يمكن بتول الصغيرة كان رضاها عن نفسها جاي من الخارج أكتر بأراء الناس وتقيماتها… بس بتول الكبيرة، الرضا صار نابع من الداخل، ( الداخل الهادىء المتصالح 😅) وأكتر شي خطر ببالي بعد ما شفت الصورة… هنن الأشخاص الي شاركوا ببناء هالشخصية بما هي عليه اليوم. قعدت بيني وبين حالي، وتذكرت ما لا يقل عن ١٠ أشخاص تركوا بصمة حقيقية بحياتي. أشخاص محبّين… قريبين… كانوا جنبي وقت احتجت، ومرات حتى بدون ما أطلب. هدول هنن فعلاً النعمة الحقيقية… وهنن الرزق يلي بدعي ربي يباركلي فيه ويضلوا بحياتي. 🌷 ويمكن السؤال مو "شو رأيكم ببتول اليوم..مع أنو مارح كذب عليكم وقلكم انو أكيد بيسعدني اسمع الأراء الي بتقومنا أكتر 😊 بس كمان السؤال الأعمق : مين هنن الأشخاص يلي بتعتبرون رزق بحياتكم، وما بتتخيّلوا رحلتكم بلاهن؟ اشربوا قهوتكم برواق☕️ ..وشاركوني بأراءكم الي دايما بتسعدني وبتثري محتواي☺️

🚻 "آه… انتِ أنثى؟ ممكن تتركي الشغل لو تزوجتي!" "ذكر؟ يعني أكيد رح تطلب راتب أعلى!" "بمجال التسويق؟ الأنثى بتنجح أكتر لأنها بتجذب العملاء!" "بس الوظيفة هاي بدها رجال يتحملوا الضغط!" 🎯 الحلقة العاشرة – خرافة: "الجندر (النوع الاجتماعي) ممكن يحدد كفاءتك أو فرصك بالوظيفة!" من سلسلة #خرافات_بالتوظيف 🎙️ كم مرة تم تقييمك بناءً على نوعك… قبل حتى ما يعرفوا شو بتعرف تعمل؟ وكم مرة حسّيت إنك لازم "تثبت ضعف الافتراض"، مو قوة مؤهلاتك؟ 🚨 الواقع؟ الجندر ما بيحدد لا كفاءتك، ولا قدرتك، ولا طموحك. وأي قرار توظيف مبني عليه… هو خسارة حقيقية لصاحب العمل. 🎤 قصة من الواقع.. تفضّلوا: أنا بتول… خلال مقابلة لمنصب إداري ، سألني أحد أعضاء اللجنة: > "كيف رح توازني بين الضغط بهيك وظيفة ومسؤولياتك كأنثى؟"🤔 وقبل ما كمل، سألني كمان: "عندك أولاد؟ طيب كيف رح تدبّري وقتك بين شغلك وبيتك؟"🤔 ابتسمت، وردّيت بهدوء: 🚩ومع أنو متل هيك اسئلة تتعلق بشىء شخصي متل الوضع الاجتماعي والجندري والأولاد مالازم تنسئل بمقابلة عمل..بس رح جاوبك "مثل أي قائد فريق، بنظّم أولوياتي، وبدير وقتي بذكاء، وبدعّم فريقي ليكون الشغل جماعي. أما كون عندي أولاد؟ فهذا زادني مهارات… ما نقصني. تعاملت مع ضغوط، تعدد مهام، إدارة أزمات… وكلها مهارات نقلتها لبيئة العمل." والنتيجة؟ ✅ انقلبت الأسئلة لفرصة لعرض مهاراتي، ✅ وتحوّلت المقابلة لنقاش مهني محترم، ✅ وأخدت الوظيفة. 💡 طيب، كيف ترد على سؤال متحيّز مبني على الجندر؟ ✳️ خليك مهني… بس واثق/ة: > "أنا مؤمن/مؤمنة إن الأداء والكفاءة هن يلي بيحددوا النجاح، مش النوع الاجتماعي." ✅ خذ/ي الحوار لمكان مهني… ✅ وخلّي إجاباتك تعكس وعيك واستحقاقك. 📌 الخلاصة؟ جنسك مو نقطة ضعف، ولا ميزة ترويجية. هو مجرد تفصيلة بهويتك… لكن يلي بيصنع الفرق هو إنت، بمهاراتك، إنجازاتك، واستعدادك للتطور. 🫶 وبهيك منكون وصلنا لنهاية السلسلة #خرافات_بالتوظيف 🎙️ كسرنا فيها صور نمطية، وشاركنا قصص حقيقية، وتركنا معك أدوات عملية… لتوقف بكل مقابلة وإنت بتقول/ي بثقة: "أنا استحق."💡 #HRDose | #بتول_اليوسفي #العدالة_الوظيفية | #المساواة_في_الفرص | #مقابلات_العمل #خرافات_بالتوظيف #CareerTalk | | #فرص_متكافئة | #

🚨 من فترة بلّشت معكم سلسلة معضلات العمل | Workplace Dilemmas 🎭 واليوم صارت جزء ممتد من رحلتنا سوا… عم نطرح فيها مواقف حقيقية بتصير بالشركات ونفتح النقاش حولها. الجميل؟ ✨ إنو كل مرة عم نكتشف قديش تنوع خبراتكم وأفكاركم عم يغني النقاش ويخلّي الحلول أعمق وأشمل. وهلأ… حابة أخد خطوة إضافية.. مو بس أنا أطرح المعضلات… بل كمان إنتو. ➡️ إذا عندك سيناريو أو مشكلة واجهتك ببيئة العمل وحابب نناقشها: 🟢فيك تبعتلي ياها عالخاص. 🟢أو تكتبها هون بالتعليقات. 🟢(وطبعًا إذا بتحب، بذكر القصة باسمك 😉). الفكرة إنو نشارك بعض مش بس بالحلول..وحتى بالمشاكل واسمع منكم قصصكم والسيناريوهات الي مرت معكم.. خلينا نكمل هالرحلة سوا ونبني مساحة غنية بالنقاش والخبرات الواقعية. يلا جاهزين تشاركوني قصصكم القادمة؟؟ 😉 #Workplace_Dilemmas #معضلات_العمل #HR_Dose

🚨 خلصنا سلسلة #خرافات_بالتوظيف 🔚 وآن الأوان نبدأ بسلسلة جديدة 🔄… بس العنوان بيطلع بصوتكم ومن عندكم! كل سلسلة على LinkedIn بتبلش من فكرة… وبتكبر بدعمكم. صوّتوا على عنوان السلسلة القادمة 🎯 واللي بيجمع أكبر عدد من الأصوات رح نبدأ فيه قريبا إن شاء الله 👇 🎙️ شو السلسلة الجاية؟ 🔹 اسأل مجرّب HR قصص واقعية من أرض المقابلات + دروس وعبر 🔹 مو بس ورق! عن سياسات الموارد البشرية ، والاجراءات الإدارية 🔹 شخصيات مزعجة بالشغل كل حلقة عن نوعية مزعجة بالمكتب وكيف نتعامل معها باحتراف 🔹 دليل البقاء للمدير الذكي سلسلة عملية مخصصة للمديرين غير المتخصصين بالـ HR 🗳️ شاركوني التصويت وركّزوا منيح… كل خيار وراه محتوى قوي ومفيد! #HRDose #سلسلة_جديدة #LinkedInPoll #محتوى_مهني #موارد_بشرية #قصص_وتجارب

✨ حابّة شارك امتناني للأستاذ Mohamad Jandali على الوركشوب القيمة اللي حضرتها معه مؤخرًا حول طرق إيجاد أفكار لكتابة المحتوى على لينكدإن. الجلسة كانت غنية بالأفكار العملية، خاصة إطار العمل (هرم التخصص) اللي بساعد انو نرتّب أفكارنا بشكل منظم: 🔹 من التخصص والكلمات الأم 🔹 إلى أعمدة المحتوى 🔹 وصولًا لأفكار المنشورات اليومية الوركشوب فتحلي آفاق جديدة كيف أقدر أستثمر خبرتي وأحوّلها لمحتوى مرتب ومنهجي يوصل للقارئ ويعكس صوتي المهني. شكرًا أستاذ محمد على الأسلوب البسيط والعملي، والوقت اللي خصصتو لإثراء مجتمعنا.

"ليش جابوا مدير جديد… وأنا إلي 5 سنين بالشركة؟!" ✍️ اسأل مجرّب HR | الحلقة 5 🎬 المشهد: الموظف (بحسرة): 😔 > "يعني جد؟! أنا بعرف كل تفصيلة بالشغل… وآخر شي جابوا حدا من برّا وصار مديري!" صديقه (بتعاطف): 🤷‍♂️ > "مو معقول… ليش ما فكروا فيك؟ إنت كنت الأجدر بهالمنصب!" 💼 HR (بنبرة واقعية): > "هاي المشكلة اسمها: غياب التخطيط للمسار المهني الداخلي. وللأسف؟ مو دايمًا بيشوفوا الأبطال اللي عندهم." 🧠 شو اللي بيصير؟ كتير شركات بتختار تعيين خارجي للمناصب الإدارية حتى لو في كفاءات داخلية جاهزة! ليش؟ ممكن بسبب: 🔹 اعتقاد خاطئ إنو "الدم الجديد" أحسن 🔹 عدم وجود مسارات ترقية واضحة 🔹 مدراء بيخافوا يرقّوا حدا من فريقهم 🔹 ضعف نظام تقييم الأداء الحقيقي 🔄 طيب… وهل دائمًا التعيين الخارجي غلط؟ أكيد لا! في حالات فعلًا بتكون الشركة بحاجة حقيقية لخبرات مش متوفرة داخليًا، مثل: 🔸 استقطاب مستشار خارجي بعقد مؤقت لحل أزمة أو تطوير مجال محدد 🔸 تعيين قائد جديد بفكر استراتيجي لما بدها تغيّر ثقافة الشركة 🔸 غياب أي مرشح داخلي مؤهل فعلاً للمنصب الشاغر لكن الفرق؟ ⬅️ الشفافية والوضوح بخطط التوظيف. ⚠️ لما بيتم التعيين الخارجي من دون شرح الأسباب أو مشاركة الفريق بخطة التطوير، بصير في إحباط وسوء فهم، وكأن الشركة ما شايفة موظفينها. 🎯 الأفضل دائمًا يكون في توازن: تطوير الكفاءات الداخلية والاعتراف فيها واستقطاب خارجي عند الحاجة بس ضمن خطة مدروسة وما بتخلق حساسية. ⚠️ شو آثار التعيين الخارجي العشوائي؟ 1️⃣ إحباط شديد للموظفين الملتزمين 2️⃣ خسارة ثقة الموظف بالولاء والمكافأة 3️⃣ احتمالية استقالة الكفاءات 4️⃣ جو عمل سلبي مليان إحباط ومقارنات 💡 شو فيك تعمل؟ ✔️ ناقش مديرك مباشرة وباحترام عن سبب تهميشك ✔️ اطلب خطة تطوير واضحة (IDP) توصلك للمنصب الجاي ✔️ وثّق إنجازاتك وخلّيها واضحة ومقيمة ✔️ وإذا حسيت إنك وصلت للسقف؟ فكر بخيارات خارجية أفضل 🎯 الولاء حلو… بس التقدير أهم. > لا تكون مجرد "ورقة محروقة" جوّا الشركة، وانت بتستحق أكتر! 💬 سؤال الحلقة: هل مرة حسيت إنك كنت الأحق بالترقية… بس جابوا حدا من برّا؟ شو كان شعورك؟ وشو عملت؟ 👇👇👇 📩 حاسس إنك واقف بمكانك، والشركة ما شايفتك؟ تعال نحط خطة واضحة لمستقبلك المهني. أنا بتول اليوسفي – بخبرتي بخطط الترقية والتطوير، فينا نلاقي طريق تَستاهلك. #اسأل_مجرّب_HR #تعيين_خارجي #ضياع_الفرصة #CareerProgression #HRDose

"لقبك الوظيفي كبير؟ بس سلطتك وصلاحياتك صغيرة؟ معناها تعال نحكي بصراحة!" ✍️ اسأل مجرّب HR | الحلقة 4 🎬 المشهد: الموظف (بفخر):😎 "صار لقبي الجديد: Senior Executive Officer يعني تقريبًا… مدير أول!" صديقه (بسخرية خفيفة):🙃 "حلو كتير… بس بعدك بتشتغل نفس المهام؟ ولساتك ما بتوقع ولا بريد رسمي؟" 💼 HR بابتسامة دبلوماسية "في شي اسمه Job Title Inflation… لقب كبير، بس المضمون؟ ممكن ما يكون بنفس المستوى." 🧠 شو يعني Job Title Inflation؟ هي ظاهرة بتصير لما الشركات تعطي ألقاب وظيفية ضخمة (متل Manager، أو Senior، أو Director)… بس من دون تغيير حقيقي بالمهام، الصلاحيات، أو حتى الراتب! 🎯 الهدف منها أحيانًا: 🔸️تحسين صورة الشركة بالخارج 🔸️إرضاء الموظف بدل ما يعطوه زيادة راتب 🔸️جذب مرشحين بألقاب مغرية 🔸️تجميل الهيكل الوظيفي على الورق! 🧩 بس… شو المشكلة؟ 1️⃣ اللقب ما بيمثّل الواقع → تضارب توقعات الموظف والجهات الخارجية 2️⃣ ضغط نفسي على الموظف لأنه اللقب ما بينعكس بصلاحيات 3️⃣ يصعّب الترقية لاحقًا → لأنك "ظاهر" كأنك وصلت السقف 4️⃣ ممكن يضل راتبك أقل من شخص بلقب أقل منك! 💡 كيف تتأكد إن لقبك "حقيقي" مو تجميلي؟ ✔️ شوف وصفك الوظيفي الفعلي ✔️ اسأل عن صلاحياتك مقارنة باللقب ✔️ قارن اللقب بسوق العمل من حيث المهام والراتب ✔️ لا تفرح بلقب فيه "مدير" إذا بعدك ما بتتخذ ولا قرار! 🎯 المعادلة العادلة؟ اللقب = المهام + الصلاحيات + الأثر الفعلي إذا واحد منهم ناقص… فكر مرتين قبل ما تفتخر او حتى تقبل فيه 😉 💬 سؤال الحلقة: هل مرة نعطاك لقب كبير… بس حسيت إنك عم تشتغل شغل أصغر منه؟ وشو رأيك بلقب "مدير بدون إدارة"؟ 👇👇👇 📩 صادفتك مشكلة مشابهة؟ حابب تعرف كيف تتعامل مع لقبك الوظيفي بشكل احترافي؟ راسلني! DM أنا #بتول_اليوسفي – مستشارة موارد بشرية ومتخصصة في بناء القدرات. وخلينا نلاقي الحل سوا. #اسأل_مجرّب_HR #المسمى_الوظيفي #JobTitleInflation #HRDose

🚨 جايتكم بشي جديد… بس هالمرة الدور مو عليّ..عليكم 💡 دايما كنت شارككم قصص ومواقف من عالم الـ HR وأعطيكم تحليلي وحلّي إلها. بس هلأ عندي الكم سلسلة جديدة ومختلفة رح تنطلق… اسمها: Workplace Dilemmas (معضلات العمل) 🎭 طيب شو المختلف؟ رح أعرضلكم مواقف واقعية بتصير يوميًا بالشركات: مدير متحيّز… موظف عم يزوّر تايم شيت… تقييم أداء كله مجاملات… والمطلوب؟ 👀 إنتوا رح تلبسوا قبعة الـ HR وتقرروا الحل! 🎩 يعني هالمرة: ✔️ أنا بطرح القصة ✔️ أنتو تعطوني الحلول والاقتراحات ✔️ وبالآخر برجع أشارككم رأيي المهني وتعليقي ( طبعا اذا حبيتوا) 💬 🎯 الهدف: نصنع مع بعض نقاش حيّ ومليان خبرات وتجارب. لأن الموارد البشرية مش بس قوانين وأنظمة… هي مواقف إنسانية تحتاج قرارات ذكية. جاهزين تنطلقوا معي بـ Workplace Dilemmas (معضلات العمل) | Episode 1 قريبًا؟ 😉 قولولي بالتعليقات إذا متحمسين واذا حبيتوا الفكرة..او حتى اذا عندكم عليها اي ملاحظات او اضافات..لانو اضافتكم أكيد رح تثري الموضوع 💡 🧑‍💼👩‍💼 ويلا..مين مستعد يلبس قبعة الـ HR ويجرب ياخد القرار؟ 🎩

حابة شارككم فرحتي بشي كتير قريب لقلبي… " كفاءة | Kafaa" كفاءة بالنسبة إلي مو مجرد مبادرة، هي حلم بدأ من إيمان داخلي بقدرة الشباب السوري على التطوير والتغيير إذا توفرتلهم البيئة الصح. 📍 بعد أشهر من المقابلات والتدريب والتأهيل، صار عندنا اليوم فريق متطوع مميز، وعم ننطلق رسميًا بخطوات عملية واضحة: 🔵مقابلات احترافية بأسلوب الجدارات. 🔵تطوير السير الذاتية المتوافقة مع الـ ATS. 🔵تقييم وبناء حسابات LinkedIn قوية. وراء كل خطوة بكفاءة في شباب متطوعين موهوبين، شغوفين، وحالمين مثلي ومثلكم بمستقبل أفضل. اليوم هو بداية الطريق… وكفاءة هدفها تكون جسر يوصل كل شاب/ة بفرص حقيقية، تدريب وتأهيل يلائم احتياجات سوق العمل. 🙏 شكرًا من القلب لكل شخص ساهم ووثق ودعم… وإن شاء الله مع بعض نكمل ونكبر ونصنع فرق حقيقي. #Kafaa #YouthEmpowerment #Career_Development

✍️ اسأل مجرّب HR | الحلقة 2 "شو بتعرفوا عن التعويضات؟ أكتر من بس بدل مواصلات؟" لما بنحكي عن التعويضات (Compensation)، أغلب الناس بتتصور إنها: 🚗 بدل مواصلات 🍱 وجبة غداء 📞 ويمكن خط موبايل… لكن الحقيقة؟ عالم التعويضات أوسع وأذكى بكتير! وفي شركات بتكسب موظفها مو بس بالراتب، بل بمزايا بتغيّر كل المعادلة. 💡 شو يعني تعويضات؟ هي أي منفعة مادية أو غير مادية بتحصل عليها إضافة للراتب الأساسي. تنقسم عادة إلى: 1️⃣ تعويضات نقدية (Cash Compensation): بدل مواصلات (Transportation Allowance) بدل سكن (Housing Allowance) بدل طبيعة عمل أو خطورة (Hazard/Hardship Allowance) مكافآت أداء (Performance Bonus) حوافز شهرية أو سنوية (Incentives) بدل غلاء معيشة (Cost of Living Adjustment - COLA) 📊 النسبة الشائعة؟ في بعض الدول تتراوح التعويضات بين 20% إلى 40% من الراتب الأساسي (إن وُجدت بالعقد). 2️⃣ تعويضات غير نقدية (Non-Cash Benefits): تأمين صحي لك ولعائلتك (Health Insurance) دورات تدريبية مدفوعة (Training & Development) عضوية نادي رياضي (Gym Membership) إجازات إضافية (Extra Paid Leave) مرونة بالدوام (Flexible Working Hours) دعم أقساط مدارس (Tuition Reimbursement) استشارات نفسية أو قانونية (Employee Assistance Program – EAP) 🤩 تعويضات إبداعية (Creative Benefits): إجازة ولادة حيوانك الأليف 🐶 (Pet Parental Leave) عطلة عيد ميلادك 🎂 (Birthday Leave) اشتراك نتفليكس أو سبوتيفاي 🎧 (Streaming Subscriptions) برامج تبرع باسمك 🙏🏻 (Corporate Giving) استشارات مالية أو قانونية 💼 🧠 ليش مهم تفهم التعويضات كويس؟ ✔️ لأن التعويض الذكي ممكن يغنيك عن نفقات شهرية ✔️ لأنه بيكشف ثقافة الشركة ومدى احترامها للموظف ✔️ لأنه بيوضح إنك إنسان… مش مجرد رقم! 🎯 الخلاصة: راتبك مو بس رقم على ورقة... هو منظومة ذكية من المزايا، واللي بتميز بين شركة وشركة. 📢 افهم حقوقك، وقيّم العرض ككل… وإذا شركتك بتعطيك هالاهتمام؟ احمد ربك واشتغل بضمير، لأنهم فعلاً استثمروا فيك ❤️ 💬 سؤال الحلقة: لو كنت مدير HR، شو الميزة الغريبة أو الجديدة اللي ممكن تضيفها لفريقك؟ اكتبها بالتعليقات 👇 #اسأل_مجرّب_HR #أنواع_التعويضات #SmartBenefits #HRDose #Compensation_Package

🚨 أنا رح أعرض عليكم موقف واقعي بيصير بالشركات… وانتو بدكم تلبسوا قبعة الـ HR وتعطوني الحل. جاهزين؟ ✍️ Workplace Dilemmas | Episode 2 #سلسلة_معضلات_العمل_الحلقة_٢ 🎭 عنوان الحلقة: "تقييم أداء كله مجاملات؟!" 🎬 المشهد: المدير (مبتسم): 🙂 "بصراحة… ما بدي أعمل مشاكل مع الفريق. خلينا نحط التقييمات كلها ممتازة، وما نفتح سيرة نقاط الضعف." الموظف/ HR (متردد): 😐 "بس… إذا ضلّينا نجمّل الحقيقة… كيف رح نطوّر الفريق ونحسّن الأداء؟" المدير/ مرة تانية 🥸 "بس بصراحة أنا بخاف اذا حطيت تقيمهم الحقيقي يصيروا يكرهوني وانا حاليا المدير الحباب الكيووت بالشركة 🥲!!" 💼 الواقع: التقييم السنوي أحيانًا بيتحوّل من فرصة للتطوير… لأداة مجاملات وتلميع. والمعضلة بتكون واضحة: الشفافية والصراحة مقابل إرضاء الكل وتفادي الخلافات. 👀 السؤال إلكم: لو كنتوا مكان الموظف الـ HR… كيف رح تتصرفوا؟ شو الخطوة الأنسب بهيك موقف؟ 🗣️ شاركونا رأيكم بالتعليقات… الحل عندكم مو عندي 👇 #Workplace_Dilemmas #معضلات_العمل #Human_Resources #HR_Dose #Career_Talk #Workplace_Culture

دايمًا بقول: أول خطوة مهنية صح ممكن تغيّر حياتك كلها! ومبادرة كفاءة اليوم عم تعطي فرصة ذهبية لكل خريج جديد أو باحث عن عمل.💡 الخدمات اللي رح تحصلوا عليها مجانية بالكامل، وبتفرق فعلًا بفرص التوظيف: ✅ تحسين سيرتك الذاتية لتتجاوز أنظمة الـ ATS ✅ محاكاة مقابلة عمل مع تغذية راجعة تفصيلية ✅ تطوير حساب LinkedIn بخطة تحسين مخصصة ✅ إرشاد مهني يشمل دليل مهارات وروابط لدورات مجانية 💡 والأجمل؟ في ترشيح لاحق لفرص عمل مناسبة بناءً على ملفك ✨ بيني وبينكم… يا ريت كان في هيك مبادرات وقت كنا نحنا بمرحلة البدايات 😅 كنّا وفرنا كتير وقت وتعب بالبحث والتجارب! 🔗 الأولوية لأول 100 شخص فقط، لا تفوّتوا الفرصة https://lnkd.in/ehArqePh

🎯 سؤال لنشوف معلوماتكم عن الحلقة الجاية من سلسلة #اسأل_مجرب_HR: إذا انعطى الك لقب وظيفي فيه كلمة "مدير"، بس بدون صلاحيات، بدون فريق، وبدون توقيع رسمي… 🔹 شو بيكون شعورك؟ 🔸 وبتعتبره ترقية حقيقية… ولا مجرد تجميل؟ 🗳️ شاركنا رأيك: 1️⃣ لقب كبير = فرصة حلوة، حتى لو بلا صلاحيات 2️⃣ بفضّل لقب واقعي يعكس مهامي الحقيقية 3️⃣ اللقب مهم للشكل الخارجي، بس المضمون أهم 4️⃣ شو يعني لقب؟ المهم الراتب 😎 📌 تابعوا الحلقة 4 من سلسلة: ✍️ اسأل مجرّب HR الي رح نحكي فيها عن Job Title Inflation وليش ممكن لقبك يكون أكبر من حقيقتك… أو أصغر من قدراتك! #اسأل_مجرّب_HR #HRDose #المسمى_الوظيفي #ترقية_ولا_تجميل

🌟 اختتمنا مع بعض رحلة ملهمة في عالم التخطيط المهني والتطوير الذاتي! سعدت جدًا بتقديم دورة "المسار المهني وخطة التطوير الذاتي" ضمن سلسلة #مبادرة_بناء_البشر_قبل_الحجر، وكان التفاعل الرائع من المشاركين هو أجمل ما في التجربة ✨ كل الشكر لكل شخص شارك، فكّر، سأل، وشاركنا طاقته وتجاربه خلال الجلسات. 💡 أتمنى لكم كل التوفيق في رحلتكم المهنية القادمة… ورسالتي الكم: اختاروا بوعي، خطّطوا بثقة، وانطلقوا..وأكيد رح توصلوا لهدفكم! #تخطيط_مهني #تطوير_ذاتي #بناء_المسار_المهني #فرص_عمل

مو بس بنشتغل بكفاءة… نحنا بنؤمن فيها 💡 نؤمن أن المهارة وسيلة، بس الأثر هو الغاية. نؤمن أنو تدريب الشباب مو بس الهدف… بل تمكينهم ليصيروا أصوات حقيقية تقود التغيير. ولما يصنّفونا ضمن قمة من المؤثرين، ما مننبسط لأنه تصنيف… مننبسط لأنه دليل إنو رسالتنا وصلت. شكرا لزميلي الأستاذ يوسف يبرودي على التعبير اللي بيرتّب الفكرة اللي جواتنا بصوت واحد. و شكرا للفريق المميز.

⁉️ الخط الفاصل بين الرقابة والحرية! 🚨 معضلة جديدة من مشاكل العمل..و النقاش الجدلي " المفيد" معكم مستمر.. جاهزين تلبسوا قبعة الـ HR 👒 وتاخدوا قرار جريء؟ ✍️ Workplace Dilemmas | Episode 5 #سلسلة_معضلات_العمل_الحلقة_٥ 🎭 عنوان الحلقة: "الكاميرات بكل مكان… أمان ولا تجسّس؟!" 🎬 المشهد: المدير (بثقة): 😎 "ركّبنا كاميرات بكل المكاتب… هيك منضمن انضباط الموظفين وما يصير أي تسيّب." الموظفون (بامتعاض): 😒 "بس هيك نحنا صرنا تحت المراقبة طول الوقت… وين راحت خصوصيتنا؟!" 💼 الواقع: استخدام الكاميرات بمكان العمل بيثير جدل: 🔹 في ناس بتشوفه ضرورة لحماية الممتلكات وضمان الالتزام. 🔹 وناس تانية بتعتبره انتهاك لحرية الموظفين وبيعمل جو من التوتر والريبة. 👀 السؤال إلكم: لو كنتوا مكان الإدارة: بتعتبروا الكاميرات وسيلة أمان ضرورية وتطبّقوها بلا نقاش؟ أو بتشوفوا إنّها غير مقبولة بالمكاتب أصلاً؟ 🗣️ النقاش مفتوح… شو رأيكم؟ 🚩 ملاحظة مو لازم تكون HR لتجاوب… أحيانًا أبسط رأي بيغيّر ثقافة عمل كاملة. #Workplace_Dilemmas #معضلات_العمل #HR_Dose #Leadership #Workplace_Culture

بعد ما طلبت منكم بالبوست الماضي تشاركوني قصصكم ومشاكلكم بالعمل، وصلتني مشاركات غنية ومواقف واقعية.. ورح نبدأ بهاي المعضلة..وشكراً لصاحبة الفكرة اللي شاركتني بهالمشكلة لكنها فضّلت عدم ذكر اسمها. ⁉️ بين التفاني والتهمة… وين الخط الفاصل؟ 🚨 معضلة جديدة و النقاش الجدلي "المفيد" معكم مستمر جاهزين تلبسوا قبعة الـ HR 👒 وتاخدوا قرار جريء؟ ✍️ Workplace Dilemmas | Episode 7 #سلسلة_معضلات_العمل_الحلقة_٧ 🎭 عنوان الحلقة: "التفاني صار تهمة؟!" 🎬 المشهد: الموظف (متحمّس): 🙂 "أنا بحاول قد ما أقدر… بشتغل بجهد، بحمل مسؤولية، بتعلم وبطور نفسي، وبسعى دايمًا قدّم الأفضل." الزملاء (بهمس): 😒 "شايفينو؟ عم "يمسح جوخ" للمدير… أكيد رح يترقّى على حسابنا!" 💼 الواقع: بيئة العمل أحيانًا بتحوّل الاجتهاد لتهمة، وبتخلي العلاقة الجيدة مع المدير مصدر شك بدل ما تكون نتيجة أداء مميز. 🔹 في ناس بتشوف التفاني = ولاء والتزام حقيقي. 🔹 وناس تانية بتعتبره "تقرّب" أو "محسوبية" خصوصًا إذا اجا بعدها ترقية أو منصب جديد. 👀 السؤال إلكم: لو كنتوا مكان الإدارة… 🔵 بتعتمدوا على الأداء والكفاءة الفعلية كمعيار وحيد للتقييم؟ ولا طبيعي تتأثروا بأجواء الشكوك والإشاعات، وكيف ممكن تتعاملوا معها؟ 🔵 واذا انت موظف، هل بتخلي علاقتك رسمية بمدراءك لتلافي أي اتهام بالتملق؟!🤔🤔🤔 🗣️ النقاش مفتوح… شو رأيكم؟ #Workplace_Dilemmas #HR_Dose #Workplace_Culture #Employee_Engagement

" مافي لاقبل ولابعد..أبو سامي 😊" الموظفين القدامى ما بدهم يتركوا مجال لحدا جديد!" 😤 و"المدير دايمًا بيميل للناس اللي اشتغل معهم من قبل!" 🤔 اليوم المعضلة عن الولاء… بس لمين؟! للكفاءة ولا "للناس المجرّبة"؟ ⁉️ بين الثقة والخبرة… وين الخط الفاصل؟ 🚨 معضلة جديدة والنقاش الجدلي المفيد معكم مستمر جاهزين تلبسوا قبعة الـ HR 👒 وتاخدوا قرار جريء؟ ✍️ Workplace Dilemmas | Episode 9 #سلسلة_معضلات_العمل_الحلقة_٩ 🎭 عنوان الحلقة: "قدامى الشركة…والحصانة!!!! 🎬 المشهد: الموظفة الجديدة (بحماس): 😊 "قدّمت اقتراح لتطوير النظام بس ما أخدوه بجدّية، قال بدهم يشوفوا رأي فلان لأنه من القدامى!" الزميل القديم (بثقة): 😏 "نحنا تعبنا بهالدوام من سنين، طبيعي يكون رأينا أَوزن شوي!" 💥 النتيجة؟ الفريق منقسم: 👩‍💻 الجدد حاسين إنو ما في فرصة لإثبات حالهم. 👨‍💼 القدامى شايفين إنو "الولاء والتاريخ" لازم يُحترم. 💼 الواقع: بكتير مؤسسات، الولاء بيتحوّل مع الوقت لـ"حصانة"، وبيصير الإصلاح أو التغيير شبه مستحيل لأن أي ملاحظة بتنقلب لـ"قلة احترام للخبرة". بس في وجه تاني للمشكلة… الموظف الجديد عم ينهار داخليًا كل مرة المدير بيقله: "برافو، بس مو متل ما كان يعملها أبو سامي!" 😩 كل خطوة بيقارنوه فيها بـ"الرعيل الأول"، كل إنجاز بيضل ناقص لأن القديم كان "أسطورة" بنظرهم. "ياعمي دبحني بالمقارنات… وشو ما عملت، ما عم يشوفني متله!" 💔 🔹 في ناس بتقول: الوفاء للقدامى واجب، لأنهم العمود الفقري للمؤسسة. 🔹 وناس بترد: الكفاءة لازم تكون المعيار، مو عدد السنين! 👀 السؤال إلكم: لو كنتوا مكان المدير… بتكافئ الولاء حتى لو الأداء تراجع؟ ولا بتجدد الدماء وتخاطر بزعل القدامى؟ 🗣️ النقاش مفتوح… وشو الحل برأيكم لعقدة الرعيل الأول؟ هل هي وفاء مشروع؟ ولا تمييز غير معلَن؟ #Workplace_Dilemmas #HR_Dose #Loyalty_vs_Performance #TeamDynamics #LeadershipBias

✍️ HR Lab | Ep.3 — " مشاكل بفترة التجربة Probation period" موظف جديد أقل من التوقعات؟ 🤔 كثير مدراء بيفكروا يستنّوا لنهاية فترة التجربة… بس هيك ممكن يضيعوا 3 شهور كاملة! 🎯 بهالحلقة رح نحكي كيف نعمل إدارة ذكية لفترة التجربة بخطوات عملية: 1️⃣ جلسة تصحيح مسار بـ3 أهداف واضحة للـ30 يوم الجاية. 2️⃣ خطة متابعة قصيرة (micro-PIP) أسبوعية + Shadowing + مراجعة منتصف الفترة. 3️⃣ قرار عند يوم 90: اجتياز ✔️، تمديد قصير ⏳، أو إنهاء مضبوط 🚪. 📊 KPI لقياس النجاح: اجتياز ≥ 80% (يعني 8 من كل 10 موظفين يجتازوا فترة التجربة). إنتاجية ≤ 45 يوم (الموظف الجديد يصبح منتج خلال شهر ونص). 💬 شو رأيكم؟ لو كنتوا مكان المدير: بتعطوا فرصة إضافية ولا بتوقفوا التجربة عند أول إشارة خطر؟ #سلسلة_بتنحل #HR_Dose

✍️ سلسلة "اسأل مجرّب HR | الحلقة 1" "عرضين بنفس الراتب... بس القرار مو بهالبساطة!" مبروك! انقبلت بوظيفتين قدمت عليهم... مو وحدة! 🎉 والعروض المالية كانت كالتالي: 🔹 العرض الأول: Basic Salary = 1,000$ تعويضات إضافية (مواصلات، وجبات، موبايل...) = 100$ 🔹 العرض الثاني: Basic Salary = 800$ لكن تعويضات سخية (سكن مؤمّن، وجبات يومية، بدل تنقّل، تأمين شامل...) = 300$ 📊 النتيجة؟ الراتب الإجمالي = 1,100$ في الحالتين. بس... هل المبلغ الكلي هو كل شي؟ 👀 الواقع مختلف، والاختيار مو بهالسهولة. ليش؟ لأن الفرق مش بس بالأرقام، بل بـ: 1️⃣ الراتب الأساسي هو الأساس اللي بينحسب عليه راتب التقاعد، تعويضات نهاية الخدمة، والمكافآت. ✔️ وكل ما كان أعلى، كل ما زاد استقرارك المالي على المدى الطويل. 2️⃣ العروض اللي فيها سكن وجبات، أقساط مدارس، تعويض خطورة ..الخ بتخفف عنك مصاريفك الشهرية… بس ما تنحسب كدخل رسمي عند البنوك أو السفارات. يعني ما بتفيدك إذا بدك فيزا، قرض، أو تشتري بيت. 3️⃣ بعض الشركات ممكن تلغي التعويضات بأي وقت، لأنها غير مثبتة بالعقد غالباً. ⚠️ واللي اليوم مجاني، ممكن بكرا يصير اختياري أو مدفوع. 4️⃣ التأمين الصحي: لازم تسأل… واسع التغطية؟ يشمل العيلة؟ ولا مجرد اسم بكرت الموظف؟ 🎯 القرار الذكي؟ ✔️ افهم تفاصيل العرض بدقة ✔️ احسب القيمة الحقيقية اللي فعليًا رح توصلك ✔️ وفكّر كمان بـ الأمان الوظيفي، بيئة العمل، وفرص التطوّر 📌 وكما أشار الأستاذ منصور البغدادي Mansour Al Baghdadi الخبير بمجال الموارد البشرية واللي اختصر الموضوع بدقة: > “الراتب الأساسي بيشكّل القاعدة القانونية الآمنة، والتعويضات ممكن تكون متغيرة حسب الأداء وظروف الشركة.” ومع تحسين نظام المكافآت، الراتب الأساسي العالي بينعكس بقيمة مزايا أفضل لاحقاً. ✅ الخلاصة: الراتب الأساسي العالي = استقرار مالي وتقاعد مضمون لكن أحياناً التعويضات الذكية = راحة حالية ومصاريف أقل 🧠 اختار بعقلك… مش بس بعيونك. #اسأل_مجرّب_HR #HRDose #رواتب #عروض_عمل #اختيار_الوظيفة

🚀 شو رأيك بأداة تخليك تقيم فريقك بكل وضوح وبدون تعقيد! 🎯 بعد النقاش الكبير حول تقييم الأداء والأسئلة الكتيرة اللي وصلتني بعد حلقة "اسأل مجرّب HR" السابقة والي كانت عم تحكي على تقييم أداء الموظفين. حبيت أقدملكم هدية مجانية 🎁 📂 Performance Appraisal Template – احترافي وبالإنجليزي هالقالب مش بس نموذج، هو أداة متكاملة بتساعدك على: ✅ تقييم Core Competencies مثل التواصل والتعاون. ✅ قياس الأهداف الوظيفية ونتائج KPIs بدقة. ✅ تحديد خطط تطوير واضحة لكل موظف. ✅ Guidance خطوة بخطوة يسهّل عملية التقييم ويضمن العدالة والاحترافية. الأداة عملية وسهلة التخصيص لأي حجم فريق أو شركة. إذا حابب/ـة يصلك القالب مجانًا... اكتب "مهتم" بالتعليقات 👇 💼 لأن الأداء الواضح يعني نتائج أوضح! #PerformanceAppraisal #HRBestPractices #EmployeeDevelopment #HR_Dose

📅 بتاريخ 10/12/2025 خلصت تدريب التثقيف المالي Financial Education مع منظمة العمل الدولية ILO Iraq وبالتعاون مع الـ GIZ Iraq … وبصراحة، بعد كل دورة من هالنوع برجع بقول لحالي قديش أنا ممتنّة إني بشتغل بشي قادر يغيّر حياة الناس فعلاً. في متعة خاصة لما توقف قدّام مجموعة متدربين متفاعلين، عطشانين للمعرفة، وعم يتشكروا على كل معلومة… بتحس إنو الساعات الطويلة، التحضير، والطاقة يلي منحطها بهيك تدريبات عم تثمر، وعم تترك أثر صغير بس مهم بحياة شخص—يمكن يساعدو ياخد قرار مالي أفضل، يوفر، يدير مخاطر، أو حتى يغيّر طريقة تفكيره بالمستقبل. شكراً لكل المشاركين الرائعين… ولكل شخص شاركني هالتجربة بروحه الجميلة. وشكراً لـ ILO و GIZ على الثقة المستمرة ودعم التدريبات يلي بتلمس حياة الناس بشكل مباشر. ✨ 📅 On 10/12/2025 I completed the Financial Education training with the International Labour Organization (ILO) in collaboration with GIZ. Honestly, every time I deliver a training like this, I’m reminded of how grateful I am to work in a field that can truly change people’s lives. There is a special joy in standing in front of a group of engaged participants—eager to learn, responsive, and appreciative of every piece of knowledge. It makes all the long hours, preparation, and effort worthwhile… knowing that this training might help someone make a better financial decision, save more effectively, manage risks, or even shift the way they think about their future. Thank you to all the wonderful participants, and to everyone who added their beautiful spirit to this experience. And thank you to ILO and GIZ for their continuous trust and for supporting trainings that touch people’s lives directly. ✨ #FinancialEducation #ILO #GIZ #CapacityBuilding #Training #HumanDevelopment #Iraq #Erbil #LearningAndDevelopment

✨ أحياناً في أشياء وأشخاص بيمرّوا بحياتنا وبيكونوا هنن السبب إنو يلوّنوا أيامنا ويضيفوا لها طعم خاص… ومن هالأشخاص بالنسبة إلي: أرفين Arvin Alhissou ❤️. كانت رفيقة الكواليس بكل تفصيلة، بكل صورة، وبكل حلقة من HR Dose. وبصراحة، بدون شطارتها بالإخراج والإيديت، ما كان HR Dose ظهر بهالحلّة البهية اللي عم يوصل فيها للجمهور اليوم. أرفين مو بس مخرجة برنامجي… هي شريكة نجاح حقيقية وصديقة غالية، بحب آخذ رأيها بخطواتي، وواثقة إنها رح توصل للمكان اللي بيليق بشطارتها وتفانيها. 🌟 شكراً أرفين… وجودك كان فرق كبير 💙 🔥 وانتظرونا… أنا وأرفين عم نحضّركم سلسلة جديدة من HR Dose حارقة، خارقة، متفجّرة! وإنتو كمان… مين هو شريك النجاح والشخص الإيجابي بحياتكم اللي دايماً بيدفشكم لقدّام؟ 💡 شاركونا 👇 #أتش_أر_دووز ✨ Sometimes, there are things and people who cross our paths and add colors to our lives… for me, one of them is Arvin Alhissou ❤️. She has been behind the scenes in every detail, every photo, and every episode of HR Dose. Honestly, without her talent in directing and editing, HR Dose wouldn’t have reached the audience with this elegant and professional look. Arvin is not just the director of my program… she is a true success partner and a dear friend whose opinion I deeply value. I’m confident she will reach the place that truly matches her skills and dedication. 🌟 Thank you, Arvin… your presence has made all the difference 💙 🔥 Stay tuned… Arvin and I are preparing a brand-new HR Dose series that will be fierce, powerful, and explosive! And now it’s your turn… who is your success partner, that positive person who always pushes you forward? 💡 Share with us 👇 #HR_Dose Arvin Alhissou

نحنا بحاجة دائمة لهالمساحة الرائعة للحوار في عوالم الموارد البشرية الي شفناها " بالملتقى الأول للموارد البشرية بسورية" وطبعا بانتظار المزيد من اللقاءات والعمل الاحترافي تحت مظلة منتدى الموارد البشرية HR Forum وعرابها الاستاذ Subhi Khawatmi https://lnkd.in/dfmAGRqZ

ومكملين معكم..بمشاكل ومعضلات جديدة من قصصكم الواقعية الي عم توصلني.. وكالعادة عنا اليوم معضلة بحاجة لتفكير ولقرار حكيم..شاركونا اراءكم بالحلقة ١١ ✍️ Workplace Dilemmas | Episode 11 #سلسلة_معضلات_العمل_الحلقة_١١ 🎭 العنوان: "بطل خلف الكواليس… بس دايمًا خارج المشهد!" 😔 🎬 المشهد: موظف عنده 9 سنوات خبرة بنفس الشركة. يتطور، يدرب الجدد، يستلم المهام الصعبة، ويحمل على أكتافه مهام ٣ موظفين! بس كل فترة… بيجي سوبرفايزر جديد. الرابع خلال ٤ سنوات 😮 وكل مرة نفس السيناريو: "قدّم دعم شوي… هو جديد وبدنا نساعده." "خلي أفكارك على جنب لوقت ما يتأقلم." "انت مكانتك محفوظة، بس خليه يثبت حاله بالأول." هو بيتأقلم… بتتواضع… ويستمر بلعب دور “المنقذ” من وراء الكواليس. بس جواه سؤال عم يكبر: "لايمتى بدي ظل العكازة يلي الكل بيتعكز عليها 🔥 التصعيد: المدراء الجدد بياخدوا الأضواء، وهو دايمًا بظلّ المشهد. الترقية؟ “موقوف إداريًا.” الاعتراف؟ “ كلكم فريق واحد.وانت ملك بمكانك المردود؟ “مادياً أمورك تمام.” بس الحقيقة… العدالة مش تمام. ⁉️ السؤال: هل الولاء والخبرة الطويلة بتكفي لتطالب بموقع أعلى؟ ولا لازم “تقاتل” لتفرض حقك حتى لو كان المدير جديد ومحتاج دعمك؟ وين الحد الفاصل بين “التواضع المهني” و“التنازل عن الحق”؟ وليش أحياناً بيُكافأ اللي “جديد” أكتر من اللي “ثابت ومخلص”؟ 🚨 النقاش عندكم من جديد! هل بتبرر الإدارة قراراتها؟ ولا فعلاً في مشكلة بنظام بيكافئ “الضوء” وبيتجاهل “الظل”؟ شاركوا بآرائكم الجريئة كالعـادة وخلي النقاش يولّع #Workplace_Dilemmas #HR_Dose #CareerGrowth #FairRecognition #SilentHeroes

🚀 مشوار الـ HR ما فيو محطة نهائية كل ما تقول: "خلص صرت بعرف كلشي !" … بتكتشف إنو لسا في عالم كامل ورا الباب 😅 حضور تدريب مع مدرّب شاطر مش بس معلومة جديدة… هو رزق وحافز ودفشة لقدّام 🍀 التحديث بالمجال مش كماليات، هو أساس إذا بدك تضل دايمًا مطلوب و"up to date" 💡 وأحلى شي لما تطلع من التدريب وتقول: "طيب ليش ما كنت بعرف هالمعلومة من قبل؟" 🤦‍♀️ 🔑 آخر تجربة كانت بتدريب" استراتيجيات إدارة المواهب وتخطيط القوى العاملة"… فعليًا حسّستني إن الـ HR متل الكافيين ☕ → دايمًا بدّك refill. شكرا مهندس Ahmad Subaih شكرا #ACDMena #HR #LearningAndDevelopment #TalentManagement #HumanResources #ContinuousLearning

من أرشيف #HR_Dose حلقات تستحق نتذكرها الحلقة 19 عنوان الحلقة: "الذكاء العاطفي: مفتاح النجاح في بيئة العمل" ملخص: في عالم اليوم، لم يعد النجاح المهني مرتبطًا فقط بالمهارات الفنية أو الخبرة. الذكاء العاطفي أصبح عنصرًا حاسمًا في بناء علاقات عمل ناجحة وتحقيق الأداء العالي. في هذه الحلقة، سنستعرض كيف يمكن للذكاء العاطفي أن يؤثر على حياتك المهنية. إذن، ما هو الذكاء العاطفي؟ هو القدرة على فهم وإدارة مشاعرك ومشاعر الآخرين. يشمل ذلك الوعي الذاتي، والقدرة على التحكم في الانفعالات، والتعاطف مع الآخرين، مما يجعل من الذكاء العاطفي أداة مهمة في بيئة العمل. كيف يؤثر الذكاء العاطفي على النجاح المهني؟ 1. التواصل الفعّال: الأشخاص ذوو الذكاء العاطفي العالي يتمتعون بقدرة على التعبير عن أنفسهم بوضوح وفهم الآخرين، مما يسهل التفاعل ويعزز التعاون. 2. إدارة الصراعات: الذكاء العاطفي يساعد الأفراد على التعامل مع الخلافات بطرق بناءة، مما يؤدي إلى بيئة عمل أكثر إيجابية وإنتاجية. 3. التحفيز الذاتي: الأشخاص القادرون على إدارة مشاعرهم يستطيعون التغلب على التحديات بشكل أفضل، مما يزيد من دافعهم وأدائهم في العمل. نصائح لتطوير الذكاء العاطفي: 1. ممارسة الوعي الذاتي: خصص وقتًا للتفكير في مشاعرك وكيف تؤثر على سلوكياتك. 2. تطوير التعاطف: حاول فهم وجهات نظر الآخرين واستجاباتهم العاطفية، مما يساعدك في بناء علاقات أفضل. 3. تعلم مهارات إدارة الانفعالات: استخدم تقنيات مثل التنفس العميق أو التأمل للسيطرة على ردود أفعالك في مواقف الضغط. في النهاية، الذكاء العاطفي ليس فقط مهارة يمكن تعلمها، بل هو أيضًا عامل محوري في نجاحك المهني. احرص على تنميته واستخدامه في حياتك اليومية، لأنه قد يكون الفارق بين النجاح والفشل في بيئة العمل. #HR_Dose #Emotional_intelligence

عيدكم مبارك يا جماعة 🌙✨ بعد شهر مليان عبادة، تأمل، وتطوير… بيجي العيد ليذكرنا أديش مهم نوقف لحظة ونفرح ونقدّر كل خطوة قطعناها 🤍 بتمنالكم عيد فيه راحة بال، وضوح بالطريق، وفرص أحلى لقدّام 🙏 ممتنة لوجودكم بهالمساحة… ولكل حدا عم يكبر ويتطور يوم عن يوم وما تنسوا… ارجعوا لقهوة الصبح ☕️ وكتروا المعمول 😄 وخلو السيروتونين يوصل للسما 😊 كل عام وأنتم بخير 🤍 #HR_Dose_Academy

https://lnkd.in/e_a-aTC6 شو رأيكم..حلوة الهوية البصرية الجديدة 😊؟

الله يكتر أفراح ومناسبات "الاتش أر" بديارنا. كتيرة سعيدة انو بتواجدي بسوريا رح اقدر اكسب أكتر من حدث جميل يخص الموارد البشرية. وأكيد بانتظار المهتمين بهالحفل الجميل يشاركونا العدد محدود..لحقوا التسجيل 😉

📊 استطلاع | سؤال صغير… بس بيكشف كتير! في الشغل… شو موقفك من هاي الجملة؟؟🤔 "مو شغلي… بس عملته"؟ 🔘 خيار ذكي وبدل على شطارتك مقارنة بغيرك. 🔘 مبادرة رائعة وتدل على روح الفريق. 🔘 غلطة عمر! دايمًا بياكلها اللي بيقول هيك. 🔘 حسب الظروف والمكان 🧠 جوابك رح يقول عنك كتير… خليك معنا بحلقة قوية من #اسأل_مجرّب_HR 🔥

✍️ اسأل مجرّب HR | الحلقة 8 "إجازتك السنوية… نعمة ولا وصمة؟" 🎬 المشهد: الموظف (بحماس): 😌 > "قدّمت على إجازتي السنوية… أسبوعين! كنت محتاج أريح وأشوف أهلي." المدير (بابتسامة باهتة): 😏 > "أكيد… بس لا تنسى إنك جاي من إجازة العيد من شهر!" 💼 HR (بنبرة تحليلية): "المشكلة مو بالإجازة نفسها… المشكلة بثقافة الشركة. بعض الإدارات بتتعامل مع الإجازة وكأنها ضعف التزام أو هروب من المسؤولية." 🧠 الواقع: 🔹 دراسات حديثة بتأكد إن الموظفين اللي بياخدوا إجازاتهم بانتظام، إنتاجيتهم أعلى بنسبة 40٪ بعد العودة. 🔹 في شركات عالمية بتشجّع الإجازات الإلزامية (Mandatory Leave) لتفادي الاحتراق الوظيفي (Burnout). ⚠️ لما الإجازة تتحوّل وصمة: 1️⃣ الموظف بيصير يخاف يطلب حقه. 2️⃣ الصحة النفسية والجسدية بتتأثر. 3️⃣ الإنتاجية بتنهار تدريجيًا. 🎯 شو نعمل؟ 📌 إذا كنت موظف: ✔️ خطط لإجازاتك من بداية السنة. ✔️ ذكّر مديرك إنها جزء من العقد، مش "مكافأة". ✔️ ارجع من الإجازة بطاقة متجددة تثبت أهميتها. ✔️ واذا كانت الفترة طويلة شوي حاول تتأكد من وجود بديل ينوب عنك اثاء الاجازة حسب سياسات الاجازات بالشركة 📌 إذا كنت مدير: ✔️ شجّع فريقك على أخذ إجازاتهم. ✔️ وزّع المهام مسبقًا لتفادي الضغط. ✔️ خليك قدوة… وخد إجازتك أنت كمان! 💬 سؤال الحلقة: هل صارت إجازتك السنوية يومًا سبب لملاحظات سلبية أو نظرة شك من مديرك؟ شاركنا تجربتك 👇👇👇 📩 إذا حاسس إن إجازتك "تهمة"، يمكن حان الوقت نغيّر ثقافة مكان العمل مع بعض. أنا بتول اليوسفي – أذكّرك إن الإجازة حق… مش جريمة. DM me for any further information #اسأل_مجرّب_HR #ثقافة_العمل_الصحي #الإجازة_مش_تقصير #HRDose #WorkLifeBalance

☕ سلسلة دردشة مع فنجان قهوة سؤال اليوم: هل في مهارة بالشغل كلنا منعرفها… بس نادرًا ما نعترف إنها مؤثرة لهالدرجة؟ 📌 مو مهارة تقنية ولا شهادة ولا سنوات خبرة بل مهارة ناعمة مثلا..إنك تعرف إمتى تحكي… وإمتى تسكُت..وكيف تتواصل مع الناس في ناس: بتخسر فرص لأنها حكت بزيادة وفي ناس بتخسر فرص لأنها سكتت زيادة وفي ناس بتعرف التوقيت الصح… وبتسبق الكل 🎯 السؤال الحقيقي: هل التقدّم المهني بيعتمد أكتر على شو منعرف؟ ولا على متى وكيف منستخدم اللي منعرفه؟ 👉 شاركونا شو المهارة “الناعمة” اللي حسّيتوا فعلًا إنها فرقت بمسيرتكم؟ ☕ اشربوا قهوتكم معي..وشاركونا تجاربكم 😊 #سلسلة_دردشة_مع_فنجان_قهوة #مهارات_ناعمة #ذكاء_مهني #ثقافة_العمل #HRDose_Academy

مبادرة بتفرح القلب 💙 إطلاق المنتدى السوري للموارد البشرية (Syria HR Forum) خطوة رائعة بتجمع المتخصصين السوريين في مجال الموارد البشرية داخل سوريا وخارجها، لبناء مساحة مهنية للتواصل وتبادل الخبرات، وتطوير الممارسات، ودعم التعلم المستمر كل التقدير للقائمين على هالمبادرة الملهمة، ولكل من يؤمن بأهمية التعاون وبناء مجتمع مهني سوري قوي في مجال الموارد البشرية #الموارد_البشرية #Syria_HR_Forum #HumanResources #HR_Syria #تواصل_مهني

بناءً على تصويتكم، سلسلتنا الجديدة رح تكون (HR بلا قناع) 💡 رح نحكي فيها عن قصص حقيقية من واقع الشركات والمنظمات، قرارات HR انحلت… بس انحلت غلط. 📌 ملاحظة: القصة التالية واقعية، مأخوذة من ملفات وتجارب شركات ومنظمات عايشتها خلال عملي،مع تغيير التفاصيل التي تحمي الخصوصية. 🎬 الحلقة 1 | لما HR اختار الحل الأسهل في شركة متوسطة الحجم، كان في موظف أداؤه عالي جدًا، بس أسلوبه حاد، وصار في شكاوى متكررة منه داخل الفريق. الإدارة كانت مستعجلة. الفريق متوتر. وHR بدو يسكّر الملف بسرعة. الحل اللي انأخذ؟ إنذار مباشر. بدون جلسة Feedback حقيقية، بدون Coaching، وبدون محاولة فهم السبب. النتيجة السريعة: ✔️ الإدارة ارتاحت ✔️ الفريق هدأ مؤقتًا بعد 3 أشهر… ❌ الموظف ترك الشركة ❌ ومعه راح Know-how مهم ❌ الفريق خسر شخص منتج ❌ ونفس المشكلة رجعت مع موظف تاني 🕵🏻‍♀️ رأيي كـ HR: المشكلة ما كانت “سلوك”. كانت: ضغط غير مُدار دور غير واضح وتوقعات غير متفق عليها HR اختار الحل الأسرع مش الحل الأذكى. كان ممكن ينحل الملف بـ: 1️⃣ جلسة Feedback فعلية 2️⃣ توثيق تدريجي قبل أي إنذار 3️⃣ خطة تحسين قصيرة وواضحة 4️⃣ تحميل المدير المباشر جزء من المسؤولية كان أصعب؟ نعم. بس أقل كلفة على المدى المتوسط. ❓ خلّونا نفتح النقاش: هل كان الإنذار قرار مهني؟ شو كنتوا عملتوا لو كنتوا مكان HR؟ إمتى الحزم بيصير تهوّر؟ شاركوني آراءكم 👇 النقاش أهم من أي إجابة جاهزة. حالات مشابهة بنحللها عمليًا داخل HR Dose Academy للي حابب يطوّر أدواته المهنية. 🔜 الحلقة الجاية: لما HR أرضى الإدارة… وخسر الفريق. #HR_Decision_Making #HRDose_Academy #HR_بلا_قناع

متحمسة كتير للتعاون القادم مع مبادرة #مسارات فريق عنده رؤية جميلة وشغف حقيقي بدعم الشباب وريادة الأعمال .. قريباً رح نبدأ سوا برنامج ملهم عن ريادة الأعمال رح يكون مساحة غنية للاكتشاف، ولتطوير المهارات، ولرحلة جديدة من الوعي والثقة بالنفس. وإن شاء الله تكون الجلسات تجربة بتترك أثر حقيقي بكل مشارك ومشاركة ❤️ كل الشكر لفريق مسارات على التحضيرات الرائعة والطاقة الإيجابية يلي بتخلي الواحد متحمس من قبل ما نبدأ.. وبانتظار الشباب والصبايا المتحمسين الجاهزين ليأسسوا مشاريعهم الريادية معنا💡 للتسجيل..الرابط في أول تعليق #ريادة_الأعمال #تدريب #تمكين #مسارات

❓ استقالة فجائية! لما موظف فجأة بيحط استقالته عالطاولة… برأيك السبب غالبًا بيكون: 🔘 قلة التقدير – ما في اعتراف بجهوده 🔘 غياب التطوير – ما في فرص للنمو 🔘 إدارة سيئة – بيئة عمل خانقة 🔘 عرض مغري – فرصة ما بتتفوت برا الشركة صوّت وخبرنا… أي سبب بتحسّه الأكثر تأثيرًا؟ 👇وجهزوا حالكم للحلقة الأخيرة من سلسلة : #اسأل_مجرّب_HR #HRDose #EmployeeRetention