Hala Khaled's Recent LinkedIn Posts

مستحيل اتوظف بدون واسطة ابو محمد جارنا دبح حاله عشان يوظف ابنه محمد والواسطات عفق وعالفاضي ، مع انو محمد دارس وابوه صارف عليه … بس محمد طويل العمر عمره ما عرف يسوّق نفسه ، المقابلة مو بس سؤال وجواب ، هيي فرصتك لتقدر تقدم قيمتك السوقية قدام الشركة … يعني السباحة والرماية وركوب الخيل مش جواب لسؤال زي شو مهاراتك 😅 المهم كيفكم مع المقابلات ! #المقابلة_فن_مش_عن_عن 😂

انسألت بأحد المقابلات شو الشي اللي ممكن يحفزك ، كان جوابي بدون تردد التقدير التقدير اهميته تكمن بأنه بمنحك سلام نفسي وشعور بالرضى عن كل الفوضى اللي ممكن تصير حواليك معك #قدروهم وانتوا شو بحفزكم غير ؟ غير الفلوس 😅

ما تربطونا بالشجرة وتجلدونا بتزكر بالجامعة قررت انزل مادة اختياري كان اسمها مفاهيم ادارية ، مادة بسيطة وحلوة وبتطلعك ع مدارس الادارة والخ…. لليوم ما بنسى تجربه ذكرها الكتاب .. قرروا يجروا تجربتين اداريتين ع فئتين مختلفتين … وحدة بتعتمد عالدعم والحوافز سواء معنوية او مادية وبيئة كلها فراشات وقلوب حب 🧡 والتانية ضرب وخلع عن جنب وطرف ، الخلاصة انو الفئة الاولى ابدت التزام وانتاجية اعلى . ولسة بيجينا ابو راس مربع بقلنا لازم تكون حازم مع موظفينك . #هاتوا_السوط

ولا استفدت اشي من هالشهادة، ي ريتني ما كملت دراسة جملة كتير بنسمعها ، خلينا متفقين انو شريحة مو قليلة من الناس ما اشتغلو بنفس تخصصاتهم الجامعية ومستائين من السنوات الثقال اللي قضوها بالجامعة وتحديداً محاضرة الساعة ٨ 😅 بس خليني اطبطب عليكم اليوم واقلكم ، المرحلة الجامعية بحد ذاتها هيي خبرة بكل تفاصيلها وهيي اللي أهلتك لتفوت سوق العمل. وبالنهاية ابومحمد جارنا اللي مخلص تالت ابتدائي معه مصاري اكتر من الدكتور اللي ساكن بالطابق الارضي 😅 اعطونا الجانب الايجابي من تجربتكم الجامعية #معلشً

بقولو مطرح ما ترزق الزق … وانا بقول مطرح ما بتلاقي التقدير ، الاحترام والتطوير الزق … فكرة انك تنسلخ من مكان وتبدأ رحلة الشتاء والصيف في البحث عن مكان جديد صعبة ، بس مو أصعب من نفسية محطمة ومستنزفة … الفرص ما خلصت وكل يوم ابواب من الله تفتح حاول مرة ومرتين والف ، الارزاق بيد الله {وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُمْ مِنَ الطَّيِّبَاتِ وَفَضَّلْنَاهُمْ عَلَى كَثِيرٍ مِمَّنْ خَلَقْنَا تَفْضِيلاً} [الإسراء: 70] الله سبحان وتعالى بعظمته كرمك ، ورفع قدرك ونقطة 💕 صورة الي وانا #بتقدر😅

مافي شي زابط معي !🥺 تعالو احكيلكم … ﴿فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا* وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا﴾ آية من أجمل الايات .. *المطلوب: استغفار *النتيجة : رزق بأشكاله هل معنى هيك اني اقعد بالبيت وأستغفر وبيجيني الرزق! ، طبعاً لا، طيب وبعدين ! 🙄 هُوَ الَّذِي جَعَلَ لَكُمُ الْأَرْضَ ذَلُولًا فَامْشُوا فِي مَنَاكِبِهَا وَكُلُوا مِنْ رِزْقِهِ وَإِلَيْهِ النُّشُورُ } الله سبحانه وتعالى بهيألنا أسباب الرزق مع الاخذ بالاسباب واللي هي أهمها (السعي). طيب انا تعبت 😔.. قال تعالى "لقد خلقنا الإنسان في كبد" ايه ببساطة بتأكد انو الحياه مو سهلة واخيراً … {وَلَقَدْ صَرَّفْنَا فِي هَذَا الْقُرْآنِ لِلنَّاسِ مِنْ كُلِّ مَثَلٍ} بدها شوية #صبر 💕

هالمرة مافي عيلة ابومحمد 🥲 دماغي فجأة صحي مع قولة (الله أكبر) لاذان الفجر الأول ، صحيت صحصحت لأول مرة من فترة طويلة ، اه انا مقصرة ومو دايماً بصليه حاضر ، بدون تردد صحيت ولبيت النداء … فكرت شو اليوم ممكن اشارك معكم فكرة زي ما بعمل دايماً ، فجأة لقيت ربنا بلهمني بسورة (المعارج) ، استغربت !! اوف انا زمان ما قرأت هالسورة 🥹 اخترت الايات من ١٩-٢٢ وقررت أكتب عنهم .. نسيت اخبركم انو اليوم كان مهم بالنسبة الي ، بس صدقاً ما ربطت الأمور ببعضها .. وكأنه ربنا كان بهيأني . وجرت الأمور كما لم يخطط لها… وبعد كم ساعة اجاني الخبر مو متل ما استنيته ، وقعه كان بزعل ، بس شعرت للحظات بخجل من إني ازعل ، بس لاني بني آدمه بالأخر كل اللي قدرت أعمله اتأدب بحزني، وأحكي الحمدلله من كل قلبي … جُبر قلبي بحرص الله على قلبي ..💕 صورة بتحمل تعب الأسبوع …

"وتحسب أنك جرمٌ صغير وفيك انطوى العالمُ الأكبر"🌏 بتفكر إنك شخص صغير في هالدنيا… بس الحقيقة إن داخلك عالم كامل. فيك عقل يغيّر مصيرك، وقلب يحمل حكايات، وروح لو عرفت قيمتها تهز الكون. لا تستهين بنفسك، ولا تقلّل من قدرك، ولا تصدّق فكرة إنك أقل مما يجب. أنت مو جرم صغير… أنت عالم أكبر مما تتخيّل. #فلسفة_عالماشي

إحنا كل يوم أقرب خطوة من ، فكرة ، حلم ، الهام وإضافة جديدة … ❤️ #شوية_صبر

المقلوبة بتوصل للطلاق 😂 في يوم جمعة شديد الحساسية ابو محمد عازم اخته (فاتن) ع مقلوبة ، وام محمد اكتشفت انو مو جايبلها كل الأغراض وما ضل معها وقت ، لأنها التحقت بالوقت وهي بتنظف فوق التلاجة 😂 … وهون بلشت الميمعة … اليوم في مفهوم بالحياه كتير مهم * فن ادارة الأزمات لهيك دايماً لازم يكون في Plan-B ، اللي بتنقذنا بأخر لحظة…. خالد بن الوليد قدر يغيّر سير معركة بأكملها في غزوة (أحد) ، بخطة بديلة . لا تكونوا متل #ام_محمد كونوا #خالد_بن_الوليد واليوم يا ترى هل عنّا Plan-B لمعاركنا ؟ مستوحي من كتابات الجميلة Haneen Maali (CSSBB, LSSBB) 💕